بلا رقيب / لعاشقه ديرتها ، كاملة

**Loli.** · 11-07-2011, 08:59 PM

رد: بلا رقيب / لعاشقه ديرتها ، كاملة

شهد :ملاك ..
ملاك :اوف وش تبين انتي بعد ..
شوق :ملاك انهبلتي انتي ..
ملاك :عشان تجرأت وقلت اللي كلكم ماأنتم قادرين تقولونه صرت انهبلت .. ضحى ترى محد راضي بتحكمك فينا واللي تسوينه يسموونه تسلط ترى مو عشانك تصرفين علينا تجلسين تذلينا ...
انا اذلهم انا اذل خواتي .. اللحين لأني ابغى مصلحتهم صرت اذلهم .. لأني احميهم من انفسهم صرت اذلهم .. يوم ضحيت بحياتي عشانهم صرت اذلهم .. يوم لغيت التفكير بنفسي وصار كل تفكيري فيهم وبمصالحهم صرت اذلهم ..
ضحى :يوم تجين تكلمين تكلمي عن نفسك لاتكلمين بلسان غيرك .. واذا كنتي ضيقة تفكير هذا مايعني ان كل اللي هنا لهم نفس تفيكرك المحدود ..
درت بالسرعه على مصدر التصفيق اللي جاي من على الدرج ..
ميشو :رائع رائع هاهي احدى بنات مبارك تنتهج نهج عائلة ابيها في التنكر و النكران ..
ملاك :كملت ...
وبهالحضه دق جوالي كان عساف كنت مقرره ماأروح معه لأني كبدي لاعت من تصرفاته بس بعد هالكلام المثلج لصدر من الأخت العزيزه ملاك قررت اروح واترك لهم حريتهم اللي يبونها ..
رديت عليه وقلت له اني انتظره سكت ثواني وكنه ماتوقع ردي وقال عشر دقايق وانا جاي ..
ضحى :يالله شدن حبيبتي اللحين بيجي بابا ونروح ..
شدن :لا ماما ابغى انام هنا عشان الصبح العب مع وعد ..
وعد :وععععععع انقلعي بس من قال اني ابيك تلعبين معي ..
ضحى :لاحبيبتي بابا مايرضي يالله ياحلوه روحي جيبي جزمتك من فوق ..
شدن :لازم البسها ..
اوووووف هذا متى بتترك عنها حركات عيال الفقر هذي وتتعود على لبس الجزمه ..
ضحى :شدن لاتعصبيني منك روحي جيبيها ..
قالت لي ميشو اللي جالسه على الدرج وحاضنه يدها .. الله يستر بس ماأدري وش فيها يدها فجعني منظرها المتورم الأزرق بعد ماأغمى عليها ..
ميشو :هل أخبرتي والدك بأني رافضه الزواج من ابن زوجته وأخبريه ايضا الا سبيل له لأجباري على ذالك الزواج ..
ضحى :قلت له من البدايه انك راح ترفضين على العموم كلنا عارفين انه مايقدر يجبرك ..
ميشو :فقط اخبريه ان الذكرى تنفع المؤمنين ..
طلعت مع شدن بعد ماأعطيب خواتي التوصيات المعتاده بأستثناء الأخت ملاك ..

**Loli.** · 11-07-2011, 09:01 PM

رد: بلا رقيب / لعاشقه ديرتها ، كاملة

((3))

(..صراعات ..)

يحس بقهر عظيم والذنب يأكله .. ان الأوان انه يحس بشناعة اللي كان يسويه كيف سمح لنفسه ان يشوفها ليه تهاون بهالأمور هذي هي اللحين بتزوج غيره وكل القناعات اللي عاشها انها بالأخير بتصير زوجته انتهت ..ياه ليش مافكر بهاليوم من قبل ليش كان غبي متخلف مايفكر .. ياليتها ماسوى اللي كان يسويه .... حتى لوكان بيتزوجها ومجبور فيها ماتستحق الأرهاب البربري اللي كان يعرضها له ..
ليش ماكان يحكم عقله بتصرفاته معها ليه كانت يده تنمد عليها وتتصرف من غير اراده اول ماتشوفها .. اخخ ياليت الزمن يرجع ورى ويغير كل اللي سوى فيها من طق وترهيب واحتقار وسوء ظن..
بس اللحين ماتنفع ياليت ولو.. وده لو يعتذر على كل اللي كان يسويه فيها ماكان طبيعي مافيه انسان عاقل يرتكب الحماقات اللي أرتكبها وبحق انسانه ومالها أي ذنب .. اللي سواه شنيع شنييييع ومافيه أي عذر بالدنيا يغفرله اللي كان يسويه ..
ظرب بقبضته المرايه وأبتسم بالسخريه لصورته فيها :اللحين بس وعيت وبعد ايش خلاص فات الأوان ..
لأعذار ولاندم بترجع اللي راح .. الله يسامحه على اللي كان يساويه ..
طق على الباب ثم انفتح .. دخلت امه وهي توكى على عصاها والكلام اللي بتقوله له واضحه على وجها ..
ام كايد :اذا تبيها يمه ..
قاطعهاقيس بالسرعه :لايمه الله يخليك لنا وش ابيها انا توني ماني مفكر بالزواج ومايصلح نقطع نصيب البنت ..
ام كايد نزلت راسها بالأرض :الله العالم اني كنت ابيك تأخذها يكفي اخوك ماأخذ أختها .. ماوفيت بالعهد اللي قطعته لأم مبارك الله يرحمها ..
وغطت وجها بطرف شيلتها تمسح دموعها ..
قيس قرب وحب راسها :يمه ماكان عهد هذامجرد كلام ماوصل لحد العهد والظروف ماساعدتك تنفذينه ...
ام كايد :اجل خذ أخته ملاك ...
قيس :لا ..
ام كايد :لاتزوجها اللحين بس خلني اخطبها لك عشان اريح قلبي ...
قيس :لا يمه لا ..
وسحب شماغه من على الشماعه يلبسها :انا ماأقلمت نفسي من سنين على ان سارا زوجتي عشان اروح اتزوج اختها ..
ام كايد بتعب :يمه انت وش تقول ..
قيس :يمه الله يرضى عليك شيلي هالفكره من راسك ملاك لا من بنات مبارك ماني متزووج ..
ام كايد :الا متى ..
قيس :يوم مايقسم الله .. يالله يمه بطلع فمان الله ..
وعند باب غرفته نادته امه ..
ام كايد :قيس .. وش رايك اخطب لأسماعيل ملاك ..
انصدم يوم سمع كلام امه بس يوم تذكر ان امه ماتدري عذرها .. بتخطب لأخوه اللي من ست شهور بالسجن والتهمه
ثابته عليه وماراح يطلع منها الا بعد مايتراجع عن اقواله اللي يكفر فيها مجموعه من الشخصيات الهامه بالبلد .. ماكان اخوه كذا بس الأنحراف حتى للملتزمين بالتشدد بالدين والغلو وارد ويمكن اخطر من الأنحراف بالبعد عن الدين .. يحسبون انهم وصل لمنزله عاليه فالدين تخولهم انهم يحكمون على مسلمين مصلين صايمين بالكفر ..
ام كايد :وش قلت يمه ..
قيس :لاهذي ماتصلح له هو يبي وحده ملتزمه ..
ام كايد :والله ان ابي أي واحد منكم يأخذ من بنات ام مبارك ..
قيس وهو يطلع :الله يرزقهن يمه الله يرزقهن باللي احسن منا...
طلع للأستراحه مطنش عزيمة جيرانهم اللي مادخلت عقله اذا جيرانهم جاينهم خطاب هم شكو يعزمونهم ..
وعشان يوقف تفكير شغله له شريط شعر الديوان الصوتي لشاعره المفضل ..
دق جواله وكان خلف ..
قيس :مرحبا ..
خلف :سلام وينك يالرجال ..
قيس :جاي اللحين بالطريق ..
خلف :جاي لوين ترانا محنا بالأستراحه ..
قيس :اجل وينكم ..
خلف :كلهم عندي بالمجلس تعال ..
قيس :طيب انا جاي .. سلام ..
بعد ساعه ونص ..
كان جالس معهم بالمجلس وبالتحديد مع خلف ..
خلف :تعرف يابو مجاهد لو منت رجال كفو وابي شورك ماكلمتك بأسرار بيتي ..
قيس :تسلم ..
خلف :هاه وش رايك ..
قيس :خلف بكل صراحه انتي ناويه تطلقها من قبل ولا بس عشان السرقه ..
خلف رمى خرطوم الشيشه وبنرفزه :حتى انت ..
قيس :روق يارجال انت اللحين جاين تبي شوري ولابتقنع نفسك انك صح باللي ناوي تسويه ..
خلف :اسمعك ..
قيس :لوفكرت فيها بتلقى انها ماهي سارقتها لأنها محتاجه او لأنها متعوده على هالشي بس هذي من غيرة الحريم ..
خلف :غلطت واناللي تغلط عندي مالها مكان بيت أهلها يضفها ..
قيس :دام هذا رايك ليش تسأليني ..
خلف :انا ابي رايك بالثانيه اطلقها بعد ..
قيس بأنفعال :والثانيه وش ذنبها ..
خلف :خسيسه وعندي شك انها هي اللي حاطه غوايشها بشنطة خويتها ..
قيس :ودامك شاك فيها ليه تطلق ذيك وهي مظلومه ..
خلف :راعية مشاكل وامي ماهي راضيه عنها وتسببت لنفسها بسالفتها ذي ..
قيس :يعني بتطلقهن وبتجلس بدون مره ..
خلف :لاوشلون عمي بيزوجني بنته ..
قيس اللي وضحت عليه الصدمه :عساف ماعنده الا ..
قاطعه خلف :وش عسافه خبل انت عمي مبارك ..
قيس :ايه على البركه ..
خلف اللي رجع يشيش :وانت متى بتعرس ..
قيس :وانت وش فيكم اليوم الا بتزوجوني ..
خلف :شيبت يالرجال .. اعزم بس يالرجال .. لاتصيرلي مثل عساف ..
قيس :عساف متزوج ..
خلف :لا ابيه يأخذ الثانيه وعلي المهر وكل التكاليف بس ماهو راضي ..
قيس :لاتخرب بيت الرجال دايم مرتاح مع مرته ليه يتزوج عليها ..
بهالوقت دق جوال خلف وقبل مايرد عليه ..
خلف :الذيب عند طاريه .. هلا عمي .. وشلووون ..ماأنت تقول بتجي .. بكيفك .. مع السلامه ..
خلف لقيس :ماني قايل لك ..
وقطع جملته يوم سمع صوت صراخ جاي من داخل البيت ..
رمى خرطوم الشيشه اللي بيده وطلع بالسرعه من المجلس وهو حمقان تحول هالحمق لغضب جارف يوم شاف مالك هو سبب هالضجه ...
مالك اللي لف عليه اول مادخل وهو يقول بس فضحتونا :انت مجنوووووون مجنوووووون مالقيت الا هذي تزوجها قسم بالله لأذبحها ..
خلف والشياطين الدنيا تراقص قدام عيونه :وانت وش دخلك ياحيوان .. ولاتفكر تلمس منها شعره والله لأذبحك ..
مالك اللي يصارخ ويأشر بيديه ويظرب فيها بالهوء من شدة الأنفعال :انتم ليه ماتفهمون وش تبووووون فيها ذي قوووولوا وش تبوون ..هذي واطيه حقيررره ..
سعاد اللي حاضره من بداية الهوشه وهي طرف منها :لأنها متربيه ومحترمه ومارضت انك تلعب فيها مثل مالعبة بغيرها صارت واطيه ..
مالك بقهر :انت مالك شغل فاهمه مالك شغل وانتي اوطى منها ..
طررررررررررررررررررررررررررررررررررررررررررررررررر رخ ..
مالك :ايه اكيد بتظربيني بالأول بالأخير هم عيالك وأنا لا ..
ام خلف :انطم ياحسافة تربيتي فيك هذي اخرتها تشكك بأخلاق اختك وقدام عيني ..
مالك بقهررر :ماهي أختي ..
خلف بمصخره:بالغصب ولاطيب انت اخونا ياخسارة حليب امي فيك ..
مالك :ذليتوني على هالحليب ياليتني مت وانا صغير وارتحت منكم ..
ام خلف :مالك ..
مالك :بلامالك بلابطيخ انا طالع وتارك لكم البيت وتزوجوا اللي تبون ..
خلف مسكه :ماأنت طالع لين يجي عمي ..
مالك :فكني انت مالك دخل رح تزووووووج الواطيه وفكنا منك ..
طرررررررررررررررررررررررررررررررخ
طررررررررررررررررررررررررررررررخ طرررررررررررررررررررررررررررررررررررخ ...
ومسكه خلف مع رقبته يخنقه :تكلم على وحد من بنات عمي مبارك ولافكر انك تمد يدك على وحده منهن حتى لو انك اخوهن اذبحححححححك ... انا اللي يمس اهل عمي مبارك اذبحه بدددم باررررررررررد فاهم اذبحه ..
مالك بصوته طالع من حنجره مخنوقه :عمك مبارك وعمك مباررك تراك مغتر فيه ..
خنقه زياده لين حس انه خلاص ضغطه زياده ويموت وفكه ..
خلف :اطلع برررررررررى بررررررررررررررى اطلععععععععععع بيتي مايندسه واحد مثلك والله انت اللي عمي المفروض يتبرأ منه بررررررررررررررررررررررررررررررررررررررررررررى ..
مالك :تفوووو عليك وعلى عمك ومبارك واللي خلفوووووه .. وانا اللي مايشرفني اني اجلس ببيت كله واطين ...
وطلع قبل ماتوصله يدخلف ..
ام خلف :مالك مالك ..خلف رجعه .. قله يرجع ياخلف ..
خلف :يمه واللي يعافيك فكينا منها انا خلاص ماعاد اتحمله ببيتي ..
لف بقوه يوم سمع فتحت الباب وكان متحفز للهواش بس زفر بالراحه يوم شاف ان الداخل عمه مبارك ..
مبارك وهو يناظر وراه وكأنه يحتري احد يدخل :وش فيه هالخبل ..
خلف :هلا عمي .. من ..؟!
مبارك :مالك لابارك الله فيه من ولد ..
خلف بنفسه :أشوى انك ماقدامت دقيقتين ولاسمعت اللي ماحلمت تسمعه ..
ام خلف :مافيه شي بس معصب شوي ..
مبارك اللي انتبه على سعاد :انتي هنيا ليه تاركه بيتك وجايه .. كل ماجيت وانتي هنا ..
ام خلف :مبارك .. نسيت ان اللي مايتسمى طلقها ..
مبارك يزين شماغه باحراج :ايه صح والله اني نسيت من كثر هالبنات ماعاد افرق من اعرست ومن تطلقت ..
ام خلف :تعال اجلس وقل وش اخبار خطاب بنتك ..
مبارك بأبتسامه كبيره :ماعليه زينين وولدهم دكتووور وأهله معروفين عندهم شركات واسمهم زين بالسوق .. هذا كرته اخذت منه اثنين هذا لك ياخلف لو احتجت لواسطه ولاشي تراهم واصلين ..
خلف سحب منه الكرت وهو يقفي :عن اذنكم تارك الشباب لحالهم بالمجلس ..
ام خلف :ومتى الملكه ..
مبارك :مبطين يقول ماهو مستعجلين ويبغونهم قبل يتعرفون على بعض ..
ام خلف :وشو كيف يتعرفون على بعض .. ولايكون وافقت ..
مبارك :لاهاه وش اوافق قلت مانعرف لهالسوالف وماهي عندنا ملكه وبعدها نشوف اذا بنسمح له يشوفها او لا..
ام خلف :ايه انتبه لايفضحنا بناتك ..
بيرد عليها واكيد ماهو برد دفاع بس جواله دق شاف رقم ضحى اللي أخذه منها اليوم المغرب قبل مايجون الضيوف عشان ترد عليه بخصوص خطبة خلف :الووه .. وعليكم السلام ... ايه وش قالت .. لا وليش .. وشوووو .. ايه خلاص خلاص هي الخسرانه وأخرتها بتعنس اللي اصغر منها اعرسن .. ايه خلاص مع السلامه ..
فصخ شماغه ورماها مع جواله على الطاوله اللي قدامه ..
ام خلف :من هذي اللي بتعنس ..
مبارك :شر ... مشيعل الله لايبارك فيها رفضت ولدس ..
ام خلف وهي تحط رجل على رجل:احسن خيره اسمع ماعاد نبيها هالمشاعل .. شف اللي اصغر منها شهد هذي اللي انا ابيها له صغيره وقمر ..
مبارك يحك راسه بحيره :وشهد بنت من ..؟! .. ماأخبرها ذي ..
ام خلف بنرفزه :وانا وش عرفني بحريمك .. المهم البنت هذي اللي ابيها لولدي ماهي المهجنه الاصدقها امها من اوزباكستان ..

**Loli.** · 11-07-2011, 09:02 PM

رد: بلا رقيب / لعاشقه ديرتها ، كاملة

مبارك بنرفزه :ماهي امها جدتها ..
ام خلف :اللي هي اعوذ بالله الا جدها من وين لقى جدتها ..؟!
مبارك :وانا وش دراني عنهم ..
ام خلف :وش فيك معصب ترانا نسولف ..
مبارك :انتي سوالفج تسد النفس والجلسه معج تجيب لي الأمراض ..
ام خلف :مبارك ..
مبارك وقف:انا راجع لدمام .. اذا بغيتو شي دقوا علي .. وماهو على الطلعه والنزله تدقون ..
ام خلف :لحضه وين بتروح ..وخلف ..؟!
مبارك لف عليها بعد ماوصل الباب :ووش فيه بعد ..
ام خلف :قل له ان بنتك رفضته انا ماني ناقصه يطلع علي جنونه ..
مبارك :اووووه خلاص مانتي تقولين تبين له الثانيه خلاص انا بكلم اختها وانتي قوليله ان ذي احسن منها .. وماهو قايل شي ترى كلهن واحد بس اسمعي انتي وولدج من اللحين اقولك بنتي مايطلقها بيتزوج عليها بكيفه بس طلاق يخسي انا ماربيته عشان يطلق بنتي ..
ام خلف :لاتنسى تلكم هالضحى وتقولها انا نبي الثانيه وهالمره ماهو على كيفها ترفض اجبرها انت اغصبها .. الولد رفضهن ثنتين للحين وبنتك الثالثه ..
طلع من البيت وهي يفكر ان معها حق وماهي زينه بحقه لو انرفض للمره الرابعه وخلف وولده اللي ماجابه عندها بالدنيا كلها ...

((4))

(..مفترق الطرق ..)

عساف

كنت واصل لبيت خلف يوم دقيت عليها ماكنت ناوي اقولها اطلعي ولا أبيها تطلع اصلا لأني ناوي اسهر مع الشباب من جهه ومن جهه ثانيه واليوم بالذات لو التقينا بيحدث انفجار مدمررر لحياتنا كلها ..
ترددت يوم قالت لي انها تنتظرني عند الباب ..؟!! .. وانرسمت على راسي اكبر علامة استفهام .. بس ماتررددت على طول عكست سيري وتوجهت لبيتهم .. وبنفس اللحضه اللي وقفت فيها انفتح الباب وطلعت هي والنتفه ..
ركبت النتفه قدام وهي تقول ..
شدن :كنت بجلس عند وعد بس ماما عيت ..
ذيك اللحضه ياني انقهرت انا اللحين ابي الفكه منها وهي الا تزرعها بينا ..
عساف :ليها ماخليتيها عندهم دامها تبي ..
كانت ساكته وصاده على الدريشه ..
عساف :اكلمك انا ..
شدن :ماما زعلانه ..
رديت عليها بتمصخر ..
عساف :ليه امك عمرها رضت وماكانت زعلانه ..
شدن :ملاكوووه الوصخه تهاوشت معها ..
والله عيد واخيرا تهاوشت مع احد من خواتها احسن الله يفرق شملهن ..
شدن :وماما قالت حنا بنروح لبيتنا احسن من بيتهم المقرف ..
وفجأه وبلامقدمات لفت على امها ورى ..
شدن :ماما متى بروح للمدرسه ..
اووووف يوم قالت هالكلمه تذكرت شهادة ميلادها اللي المفروض أكون أراجع فيها عشان اطلعها لها لأن ماعندها وحده وماتقدر تدخل المدرسه بدونها ولأنها كبيره لزم تطليعها مراجعات كثيره وانا بديت فيها وبعدين بديت أجلها لين نسيتها ..
ضحى :وش سويت بالشهادة ميلادها التسجيل فتح والمواعيد محدده ..
اللحين تكلمت ويوم انا من الصبح اشحدها الرد مخليتني انا والكرسي اللي جالسه عليه واحد ..
جاء الوقت اللي انا أطنشها فيه لازم احرق دمها بهاليوم اللي باقيلي هنا ايه صح انا ماقلت لها..
عساف :انا بعد بكره مسافر وقبل ماأسافر بخلص اوراقها وأسجلها ..
ضحى :وأخيرا من جيتنا وانت بتسافر قلنا شكل هاليوم ماراح يجي من اكثر ماأطريته ..
تحريكة يدها نغة صوتها البارده والسخريه المبطنه والظاهره فيه غصب عني خلتني اسألها ..
عساف :تجون معي ..
اه جت بالصيغة توسل ماهو سؤال ..
ضحى :اذا بتسفر خواتي على حسابك ماعندي مانع ..
خواتك ووش الفايده .. اه بس اه ..
ضحى :يالله ماما شدن انزلي وانتبهي لاتطيحين ..
نزلن وقبل ماحرك لفت علي وهي تقول ..
ضحى :وين بتروح ..
وين بتروح ....؟؟!!!!
عساف :تذكرني هالكلمه بالشي ..؟!
ضحى :بلا حذاقه ..
عساف :اسف يأبله ..
ضحى :قل لولد أخوك طلبه مرفووض واذا بيحط امل ان ابوي بيغصب مشاعل يغسل يده ...
عساف :خلاص وصل الهرج وخلف هو الكسبان كسب راحة باله ولاأحد يتزوج اختك تبين الرجال يشيب راسه ..
ماردت علي لفت وتركتني زي الخبل انتظر ردها اللي كان صوت باب شارع ينصك وراها ..
حركت وانا أفكر وش بقول لهالخلف ..
ياخوفي يطين الدنيا على راسي .. دخلت عليه بالمجلس اللي فضى الا منه ومن دخاخين شيشته ..
عساف :سلام .. وين العيال ..
خلف :فضوا كلن تعذر واخرهم قيس قبل ربع ساعه طالع كان بيجلس بس فتحت معه موضوع الجواز هج ..
قلت له وانا اسحب من يده خرطوم الشيشه ..
عساف:اعوذ بالله منك انت ماعلى لسانك الا هالسالفه ..
خلف :اه ياخووك من كثر ماأفكر بهالخطبه اللي ماردوا علي فيها ..
سحبت نفس طويل .. وبعدها رديت عليه بكل رواقه ونذاله ليه بس انا اللي منضام خله شوي يتنكد ويتكدر بدال ماهو عايش على الأمل الكذاب ..
عساف :ريح عمرك رفضوك ...
الكلمه طلعت منها وخلف زنطني من هنا ولصقني بالجدار اللي وراي ..
خلف :قل انك تكذب ..؟!!!
عساف :فكننننني ياوورع وش اللي اكذب ..
بس مافكني بالعكس زاد ضغطه علي ..
عساف :خللف اذكر الله فكني يالرجال تعوذ من الشيطان ..
بس شكله ماهو معي ولايمكن يشوفني شخص ثاني ..
بكل قوتي دفيته عني ..
قلت له وانا افرك محل مسكته لي ..
عساف :اعوذ بالله من شرك .. خلاص رفضتك الله مغنيك عنها اصلا انت الكسبان ولاذيك احد يتزوجها والله ليشيب راسك من افعالها تراها اخت اختها .. واذا تبي تعرس تعال معي بعد بكره مسافر ومافيه احسن من بنات مصر ..
بس مارد علي وشكله ماكان معي ..
وبالسرعه صد عني وجاء بيطلع .. قمت وراه على طول ..
عساف :خلف تعال يالرجال وين رايح ..
بس هو كان اسرع مني طلع من المجلس وعلى المواقف وبعده ماشفت غير عجاج سيارته ..
ركبت سيارتي ولحقته كان مسرع وضيعته كم مره بس بالأخير صرت وراه على طول .. دخل حارتهم مثل ماكنت متوقع ومر من عند بيتهم بس ماوقف كمل طريقه .. تركته اهم شي انه مايروح لهم ويتمشكل معها زين انه عقل قبل مايتهور ويسويلنا فضيحه ..
لقيت نفسي مضطر ارجع للبيت ياه اللحين البيت اللي بينته على أمل انه يكون مصدر راحتي وسعادتي صار مصدر شقاء اتردد بالرجوع له ..يالله ياكريم انك تفرجها يارب ...
دخلت الصاله اللي تغط بظلام ولأن مالي ميزاج كلش خليتها بظلامها وجلست ..كان راسي داير من الصبح وأنا واقف على رجلي اووووف ياخسارة الشيشه مالحقت اكيف فيها وعدل ميزاجي .. كنت ارفع راسي بتنهيده يوم لمحت طيفها يقفل باب الغرفه وراها بحذر .. شفتها جايه تمشي يمي ياه غمضت عيوني وانا اتصورها تجي لي وتجلس بحظني واول ماتكتشف غلطتها تجي بتقوم بس انا .. رفعت راسي اشوفها على أي كرسي اختارت تجلس بس مالقيتها وين اختفت ..
كنت بأرتكب اغباء غلطه بعمري واتحرك من مكاني يوم لمحتها جالسه على الأرض على يساري بخطوات ...وراسها بين يديها .. معقوله تبكي ..ههههههههههههههههه اكيد لا ..يمكني انا ابكي وهي لا ماتنزل دمعتها ..
بنبره بغيتها تكون مخيفه وسط هالظلام بأختبر شجاعتها .. ولايمكن نلقى لها نقطة ضعف ..تحمست للفكره تخويفها شي ماهو هين والفرجه على الموقف ماهي بسيطه ..
عساف :تصدقين ارحمك ..
نطت من مكانها صدق ولاهذا اللي انا اتماناه وترائلي ..
ضحى :هذا انت ..
عساف :لاشبحي ..
ضحى :يمممه خفت ..
عساف :يممه حلوه انتي عندك ام ..
ضحى :لاتصدق جيت من العدم ..
عساف :لكل سؤال عندك رد ..
ضحى :الحمدالله من نعم ربي ..
قربت راسي لجهتها وصرت اطل عليها..
عساف :يعني تعترفين ان الله له نعم عليك اجل ليه تعصينه ..
ضحى :نعم واعصيه ليه انا جاحده ..
عساف :اللي تعصي زوجها تعصي ربها ..
ضحى بضحكه :قل كذا من البدايه والله انا اللي ارحمك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه ..
عساف :ايه اضحكي ...
وسكت احتريها هي تسكت ..
ضحى :قلت له ..
عساف :قصدك بشرته ايه ..
ضحى :لو انها صدق بشاره ماكان خطبها من البدايه ..
قلت بقهرها مثل ماهي على طول قاهرتني ..
عساف :كان بيتزوجها عشان يكسر خشمها مثل مافضحته ..
ضحى :خبيث على مين بيطلع اكيد على عمه ...
عساف :هذي نظرتك لي خبيث ..
ضحى :هذا اللي شفته منك ...
ماقدرت امسك اعصابي خلاص مليت ...صرخت عليها بقهررر..
عساف :وبعدين .. هاه وبعدين ..؟!
ضحى :..........

**Loli.** · 11-07-2011, 09:02 PM

رد: بلا رقيب / لعاشقه ديرتها ، كاملة

قلت لها وانا مكور يدي واظربها بالثانيه .. وقد مايمكن حاولت احافظ على برود اعصابي ..
عساف :اسمعي انا خلاص مليت تبين اطلقك من عيوني بس ترجعين لي المهر والبيت تبين تستمرين معي جهزي نفسك لسفرة مصر .. فكري معك يوم ونص .. وحطي فبالك فوق البيت والمهر بأخذ بنتي ..
وبدون ماأسمع منها أي تعليق دخلت غرفتي وقفلت الباب وراي ..
وأنا امني نفسي انها ليله اوليلتين اللي باقيات لي بهالغرفه للأبد ..

**Loli.** · 11-07-2011, 09:06 PM

رد: بلا رقيب / لعاشقه ديرتها ، كاملة

((5))

(..العريس الئطه ..)

ملاك

ماهنت علي ضحى تطلع وهي زعلانه مني .. ياربي انا مأقدر امسك لساني المفروض اكون عارفه ان ضحى مستحيل تعترف بخطاها اوتقتنع بكلامي هي اصلا ماتشوفني عندها شي ..حز بنفسي كثير انها تكلم كل خواتي قبل ماتطلع الا انا ..
قالت لي سارا اللي من الصبح صجيت راسها بهالسالفه ..
سارا :خلاص ملاك ضحى هي عارفه انك ماتقصديني .. يالله فليها ..
ملاك :ليه مربوطه هي ..
سارا :تهي تهي تهي تبكي ماتضحك ..
توقعت سارا تزعل مني لأني كلمة ضحى بطريقه ذيك بس بالعكس وكالعاده سارا وقفت معي ..
سارا :خلاص ملاك والله كبدي تلوع من شكلك وانتي عبسانه ..
كتمت ضحكه كانت على طرف لساني الا صدق الضحكه تطلع من اللسان ولامن ورى اللسان ولامن تحت اللسان ..
ملاك :وشي عبسانه هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه ..
سارا بجديه:مؤنث عبسان ..
ملاك :احلفي عبسان تزوج من متي ..
سارا :بدرررري توك تدرين منذ بزوغ التاريخ وعبسان متزوج بس قبل شهرين جت له بنت وسماها عبسانه ..
وطرت في بالي فكررره منذ مبطي نسيتها ..
ملاك :الاصدق المنيل جابر للحين ماسوى عرسه ..
سارا :وععع وش ذكرك فيه ..
ملاك :ماأدري كذا تذكرته توقعين ينقهر لادرى انك انخطبتي ..
سارا :مأدري لو انتي مكانه تنقهرين ..
رديت عليها بقهر وقدامي صورة المايصه شوق ..
ملاك :الا بموووت قهر ..
سارا اللي فهمت قصدي رمت نفسها بقوه على ظهرها وغمضت عيونها وهي تقولي بقهر ..
سارا :كل يوم اقرأ الوفيات بالجريده ماعمري قريت ان اسباب الوفاه القهرر ..
سحبت من قميصها لين جلستها وظليت ماسكتها معه ولافته على يدي يعني شبه خانقتها ..
ملاك :تستهبلين انتي ..
سارا :لا انتي تستهبلين ..
ضغطت على اسناني بقهر ..
ملاك :تسهبلين انتي ..
سارا :انتي تستهبلين ..
ملاك :لاتجلطيني انتي تستهبلين ..
سارا :يييييييييييييييييه انتي تستهبلين اجيب لك كرت العائله عشان تأكدين ...
ورجعت ترمي نفسها على ورى وهي تضحك ..
سارا:ههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه..
ملاك :والله لوفيه احد بهالبيت المفروض اسمه تستهبلين فهو انتي ..
عدلت جلستها سارا وهي تمسح دموعها اللي نزلت من الضحك علي ..
سارا :وانتي تستخفين وش رايك والله اسماء كشخه ومميزه ماتلقين مثلها بالوطن العربي كله ..
قلت بقرف ..
ملاك :بليز لاتكلمين عن الوطن العربي ترى كبدي انقرفت منهم ..
ظربت سارا راسها بغباء كالعاده ..
سارا :ايه صح نسيت انك مقاطعه الوطن العربي ..
ملاك :أكيد بقاطعهم من زين فعايلهم ..
سارا :اصلا هم مايفعلون عشان نقول من زين فعايلهم ..
ملاك:خليها على ربك يابنت مكتوب لنا نشووف الضيم ونسكت عليه ..
سارا :قسم بالله انقهر يوم اشوف والأحتفالات والحفلات الغنائيه اللي بدولنا العربيه بأعياد النصارى والأموال اللي تصرف عليها وأهل فلسطين يعانون الجوووع والبرد ويذوقون ويلات الحصار ..
ملاك :يأختي لاتشكيلي ابكيلك ...
سارا :طيب وش رايك نترك شكوى والصياح لبكره ونروح اللحين نرقد ..
ملاك :فكره لاتقاوم بس مأعتقد يجيني النوم بعد مازعلت ضحى ..
بعد عشر ساعات ..
قمت على قصف جو ارضي بر بحري ..
ملاك :وجععععععع وش تسون ...
كنت اقصد سارررووه ووعد ونوف وهندووه اللي جالسات يرمني بالمخدات ويكبني علي مويا من بعيد ..
سارا :اصحي ذبحتيني ترى بنروح للعزيمه ونخليك ...
يووووه عزيمه وش صار بالدنيا كله عزايم صدق عطله بس لحضه وش سالفة هالعزيمه ..
ملاك :عزيمة مين ..
سارا :ام خالد مسويه غداء بالسرررعه قووومي ..
ملاك :وهالأم خالد ماكن احد عنده ولد توظف الا هي ترى اشغلتنا فيه ..
هند :ياه يأنتي قديمه خالد بيعرس اليوم مسوين عزيمه لأنه امس ملك ...
نطيت بحماسه ازغرط ..
ملاك :كلوووووووووووووووووووش كلوووووووووووووووووووووووووووووووش ..
سارا :على ايش تزغرطين فرحانه يالخبله هذا عريس لئطه طار ..
ملاك :وليش ماأفرح هذا خوي الطفوله لازم نفرح له ..
بس لحضه موكنها قالت عريس لئطه لايكون خاطبني وابوي رفض وانا ماأدري ..
ملاك :عريس لئطه لمين ..
ردت علي سارا وهي تقول مالت ..
سارا :لي انا يعني ..اناخلاص ضمنت المستقبل لك انتي ولاوحده من خواتك الخايبات ...
ملاك :وعععععععععععييييييييييييه ضاقت مالقيتي الاخويلد على جثتي ..
سارا :انثبري بس والله لو خاطبك لتزوجينه ورجلك فوق راسك ..
خيبه تهدد بعد هذي من انخطبت انتفخت علينا ولا كن السالفه كلها لعب .. لحضه مو كنها قالت ضامنه مستقبلي وماأدريش وش فيها الخبله لايكون بتقلبهاجد ..
سحبتها بعيد عن الخبلات اللي مستمرات بحرب المخدات ..
سارا:وجعع بشويش خلعتي يدي ..
ملاك :وبخلع راسك بعد وش هالكلام اللي جالسه تقولينه ..
سارا :أي كلام انا كل كلامي كلام ..
ملاك :عارفه قصدي ضامنه مستقبلي وماأدري وش فيها ..
سارا :وش فيها لايكون عندي خطأ املائي اونحوي تراني دجه لاتدققين ..
يوووووه بتبط كبدي هذي بغباوتها ..
ملاك :لاتستغبين علي قصدي لاتكونين مصدقه ان الموضوع صدق ..
بهت وجها وهي تحط يدها على فمها الصراحه انهبلت من شكلها ..
سارا :قصدك انهم يكذبون علينا ..
ملاك :سارا ..
سارا :خلاص امزح اعوذ بالله محد يصتخف دمه عليك ..
هند :ايييييه انتم يحبكم لسوالف اللي ماأدري من وين تجيبونها ولاكأنكم اربع وعشرين ساعه لاصقات بوجيه بعض ..
ملاك :اعوذ بالله من شرك اذكري الله لاتنحتين سوالفنا ..
سارا :وبعدين نطيح بكبود بعض ماعندنا سوالف نقرق فيها ..
ملاك :وتضيع بلارقيب وعاشقه التوهق وتخلص القصه وسارا وملاك بح ..
وعد :وليه ترى ميته جووووععع انا ..
ملاك :اوووف طيب ضفوا وجيهكم لبرى بصلي الظهر بعدين نطس لبيت ام خالد ...
سارا :هع أي ظهر الساعه توها احدعش ..
ملاك :الله يفشلكن بتروحن للعزيمه من اللحين ..
سارا :ايه يالخبله وش ورانا بنروح نرتز يمكن احد يخطبنا ..
ملاك :ايه صح فكره مش بطاله عصفور باليد ولاحمامه على الدريشه يالله هيا بنا وين عباتي ..
سارا :عباتك تحت امشيييي بس ..
ونزلنا نتمخطر للأسفل مستعدين للأنقضاض على العزيمه .. يالله عرفتونا من اللحين لحد منكم يتهور ويعزمنا ترانا بالعربي الكلمه اللي بحرف الصاد ..

**Loli.** · 11-07-2011, 09:08 PM

رد: بلا رقيب / لعاشقه ديرتها ، كاملة

((6))

(..!!!..)

سارا

خشينا لمجلس الحريم حق ام خالد وحنا مبسوطين هع من قدنا صايرين كبار شخصيات ولنا وزنا بالحاره مايغزون خيط بثوب الا بشورنا ..
خيبه وش جابها ذي هنا اقصد ام كايد ياحليلها والله من مبطي عنها تصدقون عاد اني حبيت راسها من بد كل حريم الحاره ياحبيلها احسها تذكرني بجدتي .. يووووه ياوجهي صارر الوان وحرارتي وصلت الف فهرانيت .. يوم قالت لي مبررووك الخطوبه .. يعععععع ياشين طعم الأحراج مقرف نفس طعم الفيفادول ..وبلعت لساني مارديت عليها بس ملاك ردت عليها ياحليلها صايره مؤدبه ماعرفت صوتها ..
ودار حوار العجايز المعتاد من تزوج ومن طلق والبنزين بيغلا والشؤون ماصرفوا مستحقاتهم ويسرقون نصها ام فلان جارت ام فلان ببيتها القديم شغالتهاسرقت ذهبها وهجت وامريكا تكذب صدام حي مامات طيب هاللحين اللي ضحوا فيه على التلفزيونات من هو ..؟!..
فجأه حسيت بهوء محمله بالغبار تجتاحني وبعد تحليل وتدوير وتنقيب وتفكير طلعت ملاك بتقولي كلمة راس بأذني كيف مركبه هالجمله ماأدري اسألوا ميشو هذا اختصاصها ..
ملاك :الحقييي مصيبه ..
رديت عليها وأنا متأكده انها غلطانه بتوقيت قول الجمله لأن المصايب ماتجي الا وحنا ببيتنا ..
سارا :وش مصيبته وحنا ببيت الناس ..
ملاك :اصصص قصري صوتك ..
ولفت تشوف اذا احد منتبه علينا ..
ملاك :طارررر علينا ..
همست لها بس صوتي شوي ارتفع ..
سارا :وش هو الغداء ..
ردت علي بالضيق ..
ملاك :لاخالد ..
يالهوووووي ياهي كلمه اللي قالتها يافضحيتنا جلست اتصدد ادور اذا احد يسمعنا ولاقاط اذنه عندنا وناسيها بس ولله الحمد ماكان احد يمنا على مرمى البصر ..اللحين هالخبله وحنا بالبيت واخذين راحتنا ماتندمت عليه اللحين تندم عليه يوم جينا لبيته .. لايكون بس شافته ولالمحته وتندمت..
سارا :وانتي وين شفتيه ..
ملاك :ماشفته بس تذكرت ان ام خالد كانت بتخطبني له ..
ياربي يالقهر لعبو علينا ليه ماخطبو ملاك صدق حقيرين الغلطان اللي يحضر غداهم والله ماأجلس ببيتهم لحضه زياده ..
جيت بقوم بس ملاك تكلمت ..
ملاك :تذكرين يوم حضرنا عزيمة توظفه يوم تقولين لي ام خالد تناظرني وشكلها بتخطبني لخالد ..
سارا :ايه ذكرت ...
ملاك :اجل ليش ماخطبتني ..
سارا :ماأدري عنها عجوز ابليس شكلها .. وش فيهم الناس قاموا ..
ملاك :امشي شكلهم قلطوا على الغداء ..
سارا :وجع وش تحترين جالسه يالله نلحقهم ..
ملاك :انا اللي جالسه ولاأنتي اللي مجلستني بهذرتك ..
قمت وسحبتها معي ..
بعد الغداء وحنا طالعين لقينا وعد ونواف اللي جالسين يلعبون بالشارع ..
وعد :جبتوا لنا غداء ..
سارا :لا ..
نواف :يالنذاله ليييه ..؟!
ملاك :كذا كيفنا ليه ماجيتوا معنا ..
وعد :هند يالنذله ليه ماجبتي لنا ..
هند :ترى مو رايحين نشحدهم حنا ..
وعد :انثبروا نذلين بنروح نتغداء مع منير عازمنا ..
ملاك :احلى وين عازمكم ..
وعد : بالمطعم الأيطالي يعني وين بالبوفيه..
سارا :احلي وعد ياخطيره تعرفين المطعم الأيطالي ..
نواف :وعد امشي بس لاتروح علينا العزيمه ..
ملاك :انقلعوا يالله مشوهين المنظر الحضاري لواجهة بيتنا ..
هند :انتن ماتبن تدخلن ..
سارا :وانتي وش دخلك انقلعي يالله لوتشوفينا نشحت قدام المسجد ماتقولين لنا وش تسون ..
ملاك :ماتلاحظين سارا ان كل امثلتك عن الشحاده ..
سارا :حتى انتي لاحظتي وش اسوي وانا توأمك من البيئه اللي حولي اخذ الألفاظ عاد وانا توأمك ماودي اسب بيئتنا بس انا وياك وعاشقه عارفين وهذا كفايه ..
ملاك :سارا تجين نروح لخالتي ..
مارح انفعل عليها لأن اكيد هذا تأثير الشمس والتفكير بخايب الرجا وليدوه اثروا على راسها ..
سارا :بتروحين روحي لوحدك ..
ملاك :لا خلاص ماأبي اصلا مايصلح تروحين هناك وش يقول عنك جواد ..
سارا :من جواد ..
ملاك :جواد خطيبك ..
سارا :ياه وناسه رهيبه كلمة خطيبك احسها كذا كشخه ..
ملاك :مالت اللحين تعبيني اقول الكلمه عشانه تنبسطين حضرتك .. امشي بس بندخل سحت من الشمس ..
سارا:ولاكأنك اللي عارضه علينا نوقف هنا نتذوق مرارة ماتعانيه الشحادات ..
وجيت افتح الباب بس لفتني ملاك عليها ..
ملاك :شوفي قيسووووه ..
سارا :وش اسوي له ..
ملاك :من الصبح بالسياره وتوه ينزل ..
كنا نسولف بالصوت عالي ويوم قالت ملاك هالجمله طاح المفتاح من يده لأن كان يفتح باب بيتهم ...

**Loli.** · 11-07-2011, 09:15 PM

رد: بلا رقيب / لعاشقه ديرتها ، كاملة

الحلقه الثالثه والثلاثون

((1))

(.. احاسيس مجنونه ..)

ماهو اللي تربكه اصوات وكلام ولاهو اللي يرجفه احساس غريب بس شعور انها هنا قريبه منه سيطر عليه .. صك الباب وراه بكل قوته وهو يتسند عليه ... لا ياقيس لاتخلي هالأحاسيس المجنونه تسيطر عليك وش هالتيار اللي سرى فيه ليه يحس انه مشتعل نارر وانها هنا قريبه منه ..
:قيس وخربطلع ..
قيس :هاه .. وتعدل بوقفته :وين رايح انت ..
منير :بروح مع نواف ووعد نتغداء ..
قيس :ايه خلاص رح بس لاتأخر ..
طلع منير وبنفسه يقول غريب!!!ه ..
شوشو اه وينك .. اخخ بس لو تطيحين بيدي والله لأرميها على مكافحة التسول ..ولا انا كل هالشهور ادور عليها وماألقاها ... لايكون مقبوض عليها وانا جالس هنا ادورها .. بس لاشوشو مايقدرون عليها هي اقوى من انهم يقبضون عليها ..
حس ان الشمس نشفت دماغه وخلت تفكيره مثل وجهه ..
دخل المجلس ورمى حاله على الأرض بعد ماتوسد المركى ونام ..
ومثل عادته من اكثر من شهر شافها بأحلامه طيف عجز يتبين ملامحه ..
كانت تركض بالشوارع وهو وراها بخيشة فلوس يلحقها من شارع لشارع .. وبعدين شافه بالبيت لاهنا بالمجلس هذا وهو بعيد عند البنك يشوفها ووده يروح لها بس شي يمنعه مثبته مكانه يحرك يديه بس مايقدر يحرك رجوله ..
يشوفها تبتسم له مع انه مايشوف وجها بس يحس بهالشي من يدها اللي تاشر له مع السلامه ..
يصحي بعد معركه طويله مايدري هو انتصر فيها اولا وصل لشوشو ولاختفت قبل مايوصلها ..
***
السعاده هذا المفروض يكون شعوره بس هالشي اصعب شي ممكن يحس فيه ليه مايدري مشاعره جامده احاسيسه ميته .. عمه موافق ملكته الأربعاء .. شوقه بتصير له ليش ماهو فرحان .. وهو مجنونها ..
كله منه نواف ليه ساكت ..!! وش وراه ليه مايعترض ليه مايوقف بوجهه ليه مايطلب من بنت اخته ماترضى فيه ليه ساكت ليه ..؟!! .. سكوت نواف يذبحه بالبطيء .. يعيش بترقب وخوف مايعد الساعات والدقايق لايعد الثواني واللحضات ..الحياه عنده صارت يوم الأربعاء وبس ..
كل تفكيره منصب عليه مايقدر يبعد عن هاليوم سم ..
حتى مافكر بالجانب الأيجابي منه وانه يوم ملكته لا كل تفكيره وش بيسوي نواف بهاليوم كيف بيمنع الملكه .. واثق مليون بالميه انه بيسوي شي .. هو عارف ان الحصول على شوق ماهو سهل وانه بيحارب كثير قبل ماتصير له .. مع انه للحين الطرق ممهده قدامه ..
الطريقه اللي انفتح فيها باب غرفته تصيحه من قبره مو من افكاره بس..
:شفنا المعرس متغلي قلنا نتنازل ونجيه لحد غرفته ..
عدل بجلسته ..واشر على الكرسي اللي جنب سريره ..
الوليد :تعال جواد حياك ..
جواد يجلس :اكيد حياني اجل كيف ..؟! .. بلا لف ودوران وش فيك معتزل الدنيا .. بديت اشك انك مغصوب على هالخطوبه ..
الوليد :أيش ..؟!
جواد :امزززح معك ولا ياروميو من بيغصبك..
ترك كل اسألته من غير اجوبه وسأله باللي شاغل تفكيره ..
الوليد :ماشفت نواف هاليومين ..
جواد :اللحين ماتسأل عني وانا اللي جايك لحد عندك وتروح تسأل عن نواف هاللي ماهو داري عنك ..
الوليد :يعني وش بيكون عندك من اخبار ياراعي ساره وانا بس سألتك اذا شفته اولا ..
جواد :بليز لاتكلم عن محارمنا .. ونواف كل يوم اشوفه ..
الوليد :ماقال لك شي ..
جواد :قال لي اشياء بس ماأعتقد تعلق فيك ..
الوليد :اها .. وتراها للحين ماصارت من محارمك ..
جواد :وبالأول وبالأخير هي بنت خالتي وقريبا زوجتي ..
الوليد :ومبسوط يالبارد انها بتصير زوجتك وانت حتى ماشفتها ..
جواد :هي اللي ماتبي كيفها وليش اشوفها وأنا بأخذها سوء اعجبتني اولا ..
الوليد :لأنك بارد وبتضيع على عمرك فرصه ..
جواد :فرصة ايش اللي بضيعها ..
بتنهيده حاره :فرصة الحب ..
جواد :ايييه وانت ماعندك الا هالخرابيط ..
الوليد :الحب خرابيط صدق انك مو عايش بالدنيا اصلا وش الحياه من غير حب ..
جواد :الحياه حياه بحب وبغيره ..
الوليد :لا الحياه من غير حب موت .. اسمع لاتسرع وتزوجها ترى بتندم بعدين لالقيت نفسك ماتحبها .. ودق قلبك لوحده ثانيه ..
جواد :لاحبيبي ريح حالك انا ماعندي هالخرابيط ..اللي اختارتها امي لي هي اللي بتزوجها .. وانت خلك على قلبك وتزوج اللي دق لها .. بس اصحى يكون الخط مشغول ..

**Loli.** · 11-07-2011, 09:16 PM

رد: بلا رقيب / لعاشقه ديرتها ، كاملة

((2))
(..الخيانه ..)
ملاك

بهاليوم ابكي بدال الدم دموع .. اذوق العذاب مرات ومرات اليوم تنزف اختي توأمي لحبيب عمري ..اه ايه اليوم زواج سارا والوليد .. تبكون علي ايه ابكووو ودي احس ان احد معي يحس فيني يعيش معاناتي ..اه الكل سعيد حتى انا المفروض اكون سعيده قدام الناس وقدام خواتي اللي فرحنات لأختي وانا لازم اكون معهم فرحانه .. كيف لا وهذي توأمي اللي شاركتني حياتي من كنت جنين .. اليوم يوم فرحتها والمفروض فرحتي ماتقل عن فرحتها .. بس لا انا فرحانه ولاهي بتفرح وهي تخطف حبيب اختها منها ..اه ياسارا انجبرتي على المر ماألومك وماأقدر الوم نفسي على الكره اللي يتولد بداخلي لك .. ليه تأخذينه مني ليه .. انتي داريه اني احبه اعشقه اموت فيه .. ليه ماكنتي قويه ورفضتيه مثل مارفضتي جواد ليه ... بموت والله اليوم بموت ماأقدر يالناس افهموا سارا راحت واخذت معها الوليد انا من بقى لي .. انا حياتي كلها كانت سارا وبعدها جاء الوليد وصار اجمل مابحياتي عشت على امل حبه شهور سيطر علي وصرت ماأشوف بحياتي الاهو سعادتي توقفت عليه .. وفجأه يطلعون من حياتي .. من بقى لي انا خلاص انتهيت ..
كنت هند اللي جالسه جنبي تكلم بس ماأدري وش تقول كنت عيوني على سارا وعلى الجوري اللي بيدها ماأبغى اناظر بيدها الثانيه اللي تضم يد الوليد .. لا اه ..
خفت عليه من كل الناس وخطفته اقرب الناس لي الوحيده اللي مافكرت فيها .. اه ليه ياسارا ليه ..
رفعت عيني وهالمره طاحت بعيونه كان يبتسم وعينه بعيني وكأنه يقول موتي بحرتك خذلتك واخذت أختك منك .. ليه يناظرني كذا هو مايدري اني احبه ويمكن مايعرفني بالأصل .. وسارا اه ياسارا ليه الدمعه حيرانه بعينك .. خايفه ولازعلانه .. بس خلاص فات وقت الندم انتي اللي اخترتي هالطريق ..انسيني ياسارا انسيني انتي بالطريقك وانا بالطريقي ..
ياحسافه ياسارا ياحسافة اخوتنا .. اه خسرتك ياتوأمي وخسرتيني عشان اللي كان حبي واللحين صار عدوي .. ايه عدوي اللي فرق بيني وبين اختي وخاني ..
هند :ملاك خلاص لاتبكين سارا تزوجت ماماتت ..
مسحت دموعي اللي نزلت .. ليش تنزل ماأبي ابكي .. انا اكرررررررررررررررهم اكررررررررررررررررررررررررررررهم ...
:ملاك قومي وش فيك من اللي تكرهينهم ..
تعلقت عيوني بعيون سارا اللي تطالعني بخوف ..
ملاك :اكرررررررركهم انتي وياه ..
سارا :بسم الله عليك ملاكي ليه تكرهيني ..
قلت لها بقهر وانا ابكي ..
ملاك :لأنك اخذتيه مني ..
سألتني سارا وهي شوي وتبكي ..
سارا :وش اخذت والله مأخذت شي لك ملاك انتي تحلمين ولاوش سالفتك ..
هاه ..احلم .. تلفت ولقيت نفسي بغرفتنا على فراشي .. وسارا قدامي بالبيجامه الهريانه ماهي بفستان العرس .. يعني مافيه زواج وسارا ماخطفت الوليد مني ..وأنا مابكيت وتألمت ... ماصار شي سارا للحين معي والوليد ماتزوج وماأخذ سارا هذا اهم شي ..
صرخت بفرحه وضميت سارا ..
ملاك :سارا أنا احبك حيلللل ..
زفتني سارا عنها ..
سارا :اللحين اكرهكم وماأدري ايش وتبكين وبالأخير سارا احبك حيللل .. مالت عليك روعتيني احسب صارلك شي متي وانتي تحلمين ولاغرقتي ولالبيت صار فيه حريقه وانتي لحالك وماتعرفين رقم الدفاع المدني جايه بسرعة ميتين كيلو متر بالثانيه واخذت مخالفتين وهذي اخرتها ..
ملاك :محد قالك صير مطفوقه وحشريه حتى بأحلامي تحشرين نفسك مايكفي انك كنتي بتخطفين الوليد مني ...
طالعتني بالصدمه وهي تسألني ..
سارا :اييييش ..؟!
رديت عليها بعصبيه ونرفزه للحين الحلم مأثر علي ..
ملاك :اللي سمعتيه كنت بتزوجين الوليد لوماقلت اكررهكم وصحيت ...
سارا :اتزوج مين ..
ملاك :الوووليد ..
سارا:وععع هذا اللي ناقص اتزوج واحد احلى مني ..
ملاك :وجواد ..
سارا :وش فيه ..
ملاك :يمكن احلى منك ..
سارا :بس انا ماراح اتزوجه ..
حكيت شعري ..اخخ طلعت نفسي بلهاء قدامها ..قلت عشان ابرر ..
ملاك :طيب فرضا فرضا تزوجتيه ..
طالعتني سارا بنظرة قهر ..
سارا :لو اموت ماتزوجته اصلا انا ماأبغى اتزوج ياغبيه ..
ملاك :وليه لا انا لو خطبني الوليد بتزوجه على طول ..
سارا :وتخليني ..
ملاك :لا ..
سارا :تقولين بتزوجينه يعني بتتركيني ..
ملاك :من قال لا ..
سارا :أجل وشلون ..
ملاك :انتي ليه معصبه اللي يسمعك يقول خطبني ولاحتى فكر فيني ..
سارا :بس ولو ابغى اعرف ..
ملاك :قلت لك لا ماراح اترك .. اللحين كم الساعه ..
سارا :أي ساعه الحمراء ولالفسفوريه ..
رجعت راسي على ورى يقالي بضحك بس بقوه ظربت راسي بالراسها ..
سارا :اححح ليه ..؟!
سألتني وهي ماسكه راسها ..
ملاك :عشان ماتخففين دمك علي وانا معصبه اذا الناس مايعرفون كيف يوقفون هبالك انا اعرف كيف اوقفك بالعقاب الرادع ...
جلست سارا توجع وتهاوش بس وش هالصوت ..
ملاك :اصصص ..
سارا :تظربيني وبتسكتيني ..
تركتها وقمت لمصدر الصوت الغريب وش هالضحك المايع اخبر خواتي قمت العربجه ..
طلعت من الغرفه لدرج اللي يودي السطوح ولحقتني الخبله سارا ..
سارا :ملاك ..
لفيت عليها وكتمت صوتها بيدي ..
ملاك :اصصص .. هذي شهووده بمسكها متلبسه ..
سارا :ووش بتسوين لها ..
ملاك :بصادر جوالها حنا سكتنا لها كثير قليلة الحيا هذي بتفضحنا ..
مسكتني سارا ..
سارا :انتي بتمشكلينا معها وماحنا نقادر نأخذه منها تعالي خلينا من ام لسان هذي ..
ملاك :لاحبيبتي ماراح اتركها ولاهي مخوفتني بعدين ياقلبي الا متى بنتم صادين عن فعايلها والله لو تدري ضحى لتذبحها وتذبحنا معها ..
سارا :قصدك تسوي فينا مجزره جماعيه تتحدث عنها الصحف ..
ملاك :ويطلعونهابالسي ان ان بعد .. هاه وش رايك لسانها ولا الفضيحه ..
ردت علي بالطريقه ماخيبت ظني فيها ..
سارا :الا لسانها ونقصه لها اذا تطاولت فيه بعد .. بس تهقين السي ان ان يطلعون صورنا بعد ..
الصراحه الفكره ماطرت على بالي بس من وين لهم صور لنا خبري فينا بحياتي ماصورنا .. بس يمكن يجون لعندنا هنا ويصورنا وينقلون الحدث مباشره بعد ..
ملاك :اتوقع ايه بس بعد لف ودوران ويجون لرياض ويدورون بيتنا وعلى بال مايدخلون الحاره وعيال حارتنا المشفح يلحقونه ويترززون ورى المذيع ويدفدفون المصورين بعدين تطلع صورتنا ..
سارا :وللللل يبيلها مشاور هذي ..
شهد :خير وش تسون هنا ..
هع راحت علينا ..
ملاك :ومن وين بيجي الخير وهذا معك ..
وعلى غفله من هناسحبت الجوال اللي بيدها ..
شهد :هاتيه ..
حطيت يدي ورى ظهري ..
ملاك :احلمي فيه والله ..
سارا :بنكسره ثمان طعشر كسره ..
شهد :ملاك جيبيه بلا لعانه ..
ملاك :انقلعي بس لاتخليني اوديه لضحى ..
شهد :ودي يقالي بخاف منها ..
سارا :بلا مهايط والله انك تخافين من خيالها..
طالعتنا شهد بقهر ..
شهد :اكشتي فيه مثل ماجبته اجيب غيره ..
ملاك :قسم بالله لروح لأمه وعلمها عليه ..
شهد :وانا شكووو قولي لها ..
سارا :ايه ماهمتك الفضيحه وجهك مغسول بمرق ..
شهد :مغسول بمرقة حاشي بعد وعلى من بخاف من الفضيحه ..
ملاك :انقلعي عن وجهي لأذبحك ..
شهد :ياشينك ممالت ..
هجمت عليها بفتح بوجها شوارع .. بس سارا مسكتني وهي حطت رجلها وهجت ..
نفضت يدين سارا عن يدي ..
ملاك :ليش ماخليتني اربيها ..
سارا :خفت عليك من اظافرها القطوه ماشفتي كيف اظافرها تقل مخالب صقر ..
ملاك :معك حق عندها سلاح خطير ..
سارا :اوووي .. اللحين وش بنسوي فيه ..
ملاك :قصدك هذا ..
واشرت على الجوال اللي بيدي ..
سارا :تشوفين فيه غيره ..
ملاك :بنعدمه على مرأى الجميع بالحوش الساعه الثانيه عشر ليلا اخبري الجميع ليحضروا للأتعاض منه ..
سارا :حسنا سأفعل ..
ملاك :ياشين العربيه عليك ..
سارا :بتفتحين سالفه ماتنسكر يالله امشي نعلن الخبر ..
معها حق مناوشاتنا ماراح تخلص والعمر طويل خلوها للمره الجايه ..
نزلنا تحت ولقينا الشبيبه يلعبون فوتبول وكالعاده انضمينا لهم ونسينا سالفتنا ..

**Loli.** · 11-07-2011, 09:17 PM

رد: بلا رقيب / لعاشقه ديرتها ، كاملة

((3))
(..القرار الصعب ..)
ضحى

لاتلوموني على استسلامي ماكان قدامي الا هالطريق ماأقدر اضحي بخواتي بتركهم لحالهم ولا أقدر اضحي بالشدن اللي كان بيأخذها ان واثقه هالمره كان يتكلم جد الأصرار اللي كان بعيونه ماله الا تفسير واحد علي وعلى اعدائي كان مستعد يدمر كل شي عشان شي واحد وأخذه .. وش يعني لوكنت له زوجه صدق وطلقني ماهو مهم تطلقت او بقيت بذمته ماتفرق شي خلاص اللحين هو راح وانا واثق ان هالمره رجعته بتطول ... خسرت شي واحد وكسبت ثلاثه البيت والمهر وشدن وخسرت كرامتي ..
شدن :ماما يالله ننزل وصلنا البيت ..
وسحبتني مع يدي بتنزلني ..
قلت لسايق ..
ضحى :نزل الشناط ووصلها لعند الباب ..
سوا مثل ماقلت واول مافتحت الباب طلعن بوجهي نوف ووعد ..
وعد :لا انتي وش جابك ..
نوف :شوي بس وراجعين ..
قلت لهم وانا ادزهم بيدي يدخلون ..
ضحى :لاشوي ولاكثير يالله ادخلوا مافيه طلعه ماتحسون انتم درجة الحراره فوق الخمسين ..
وعد :والله لوفوق الميه عادي حنا تكيفنا على هالجوا ..
ضحى :ادخلي مافيه طلعه لو الجو نفسه تكيف عليكم ..
نوف :لاظلم حرام عليك ماوعد الشباب بنلعب كوره ..
وعد :تكيفن النهائي لاتفوتينه علينا لاتصيرين ظالمه مثل ماتقول ملاك ..
صكيت اذاني عن اعتراضاتهم ورجاويهم ..
ضحى :ادخلوا بلانقاش ..
وعد :اكرررررررررررررررررررررهك ..
ضحى :بموت ترى يالله ادخلي ولا أقولك روحي جيبي مكنسه واكنسي الحوش .. دام انك متكيفه على هالجو ..
وعد :أيش ..
ضحى :اللي سمعتيه ..
شدن :وانا معها ..
ضحى :لا انتي ادخلي داخل ..
وصرخت عليهن ..
ضحى :يالله كل وحده تسوي اللي قلتلها عليه ...
ودخلت عنهم داخل ..
كان بالصاله سارا وملاك يتكلمون ويوم شافوني سكتوا ..
ضحى :السلام عليكم .. وش فيكم ..
سار وملاك :وعليكم السلام ..
ملاك :مافينا شي ..
ضحى :من اللحين اقولكن اذا عندكن نيه تطلعن ترى مافيه ومن اليوم شغل الهياته اللي عايشاته مافيه وبسجلكن تدرسن دورات ..
سارا :ايش حنا ندرس ..
ملاك :هذا اللي كان ناقصنا ..انا مستحيل ادرس ..
ضحى :انا ماأشاوركن انا اعطيكن خبر ..
سارا :لا لا لا مانبي ..
ملاك :اووووووف ضحى لاتنكدين علينا دراسه ماراح ندرس ..
ضحى :بتدرسن غصبن عليكن .. وهذي ماهي دراسه ذولا دورات لين تبدأ المدرسه وبترجعن لها غصب عليكن ..
ملاك :وليش يعني اللحين بالذات..
ضحى :كذا بس ميزاج عاجبكن يعني الحال اللي انتن عليه ..
سارا :وش فيه حالنا وش زينه لاهم ولاغم ..
ضحى :عشان كذا بتدرسن جربت تتعبن شوي ..
ملاك :وبعدين مع تسلطك متى بترحمينا ..
رديت عليها بملل وانا اجلس ..
ضحى :يوم الله يأخذ امانته ..قومن جيبن الشنط اللي عند الباب ..
سارا :شنط ايش ..
ضحى :شنطي انا وشدن ..
ملاك :خلاص بتجلسون معنا ..
ضحى :ايه عندك اعتراض ..
ملاك :لا وناسه بس وعسافوووه ..
ضحى :سافر ..
سارا :للأبد ..
ياليت والله ياسار للأبد ..
ضحى :يمكن ماأدري ..
طلعت سارا تجيب الشنط وبقت ملاك وبعيونها كلام وبعد تردد وانا مطنشتها ...
ملاك :انا اسفه ..
طالعتها بنظره طويله ..
ضحى :على ايش ..
ملاك :ماكنت اقصد بس انا متهورره ..
ضحى :مره ثانيه اذا عندك كلام ضدي تعالي قوليه لي انا لحالي مو قدام خواتك .. انا احاول اجمع خواتك وربيهم صح لاتدمرين كل اللي بنيته بغبائك.. بطلع لغرفتي انام اذا جت مشاعل قوليلها لاتطلع ابيها ..
ملاك :بس مشاعل فيه ماطلعت ..
ضحى :للحين تعبانه ..
ملاك :لا .. بس ماطلعت من غرفتها ..
ضحى :طيب انا طالعه انام خواتك لايطلعن ..
بغرفة ميشو لقيتها على فراشها متوسده يديها وعيونها تطالع بالسقف وقطوتها نايمه على بطنها .. اووووف يقهرني هالمنظر ودي اذبح ميشو على تساهلها مع القطوه ..
ضحى :تعبانه ..
لفت تناظرني وكنها ماتناظرني ..
ميشو :كلا ..
ضحى :وش فيها عيونك ..؟!
ميشو :لاشيء ..
سألتها يوم مالقتني بال وانا تسند على الباب ..
ضحى :يقولون ماتطلعين من البيت ..
عدلت جلستها ..
ميشو :لم اكن اعلم ان هذا الأمر ممنوع ..
ضحى :بلافلسفه من الأخير وش مسويه ..؟!
ميشو :انا لم ارتكب شيء عن ماذا تتحدثين ..
ضحى :عندي احساس انك مسويه مصيبه ..
ميشو :الاماذا تشيرين ..
ضحى :ليش خلف خطبك ..
ميشو :لأني جميله ..
طالعتها بالشك ..
ضحى :ليش هو شايفك ..
حطت عينها بعيني لأول مره من تكلمت معها ..
ميشو :مارأيك انتي هل تعتقدين ان ارتكب محرم ..
ضحى :انتي منك كل شي اتوقع حصوله ولامكالماتك معه حلال ..
ميشو :لاأحلها لنفسي ولن اتجرأ لأقول ذالك ولكني أخطأ وأنا واثقه من قدرتي على أصلاح خطأي ..
ضحى :اجل كل الناس بتسوي اللي تسوينيه ويقولون نقدر نصلح خطأنا .. ميشو لاتلعبين على نفسك الخطأ يكتب خطأ واي شي تسوينه بعده مستحيل يمحيه ..
ماردت علي ليش لأنها تعرف انها غلطانه طلعت من عندها وجوالي يدق كان مبارك .. وش عنده ماأدري ليش بقلق من اتصاله .. هو مايتصل الا اذا يبغى شي اوووف بس لايكون جايب له عريس ثاني بعد ولاجته بنت جديده وبيرسلها علينا ..
ضحى :الووو ..
مبارك :السلام عليكم وش اخباركم ..
احلى ابوي مؤدب ..!!
ضحى :وعليكم السلام .. اخبارنا على ماهي عليه ... بس ان اختي انخطبت ووافقت على اللي جوها بدون ماتكلف نفسك تسأل عليهم ..؟!!
مبارك :خليج من الخرابيط هذي .. انتم اللي تبغونه ماهو ولد خالتها .. ولا ترفضون خلف اللي منا وفينا ..
ضحى :خلف منك وفيك انت ماهو منا وفينا وحتى لو كان ولد خالتها حنا وش عرفنا فيه ولاتبينا نروح نسأل عنه بين الرياجيل ..
مبارك :وش فيها اسألي عنه ماهي اختج ..
بلاه عليكم هذا ابو سفهته وشوي ولاصك التلفون بوجهه بس خفت ربي ..
مبارك :اسمعي عاد المره ذي خلف يبي اختج الصغيره ..
ضحى :اووووف ماخلصنا من هالخلف وش يبي هذا خواتي كلهن مايبنه ..
مبارك :ماهو على كيفهن ترى بنجي الخميس نملك له عليها فهميها تصير عاقله وتوافق ...
ضحى :انت وش قاعد تخربط عن من تكلم ..
مبارك :لحضه ...
وسكت شوي عرفت انه بيسأل احد عن اسمها او كاتبه بمكان ويدوره ..اووووف يارب فكنا من هالخلف ..
مبارك :شهد ..ايه شهد ..
كنت حاسه والله كان قلبي حاس .. حسبي الله عليك من مرت ابو اللي بتبلينا بولدك ..
ضحى:شهد صغيره وهذا شايب ومزواج ماتخاف تبلي بنتك فيه ..
مبارك :خلف رجال واختس ماهي صغيره كلكن عجز ..
اختس .اختك .اختج .. ارسالك على بر يبه ..!!
ضحى :وش اللي رجال هذا لعاب مايكفي زواجاته اللي لها اول ومالها أخر بعدالله العالم وش له بالحرام ..
مبارك :بنت بلاطولة لسان .. سوي اللي قلت لج عليه .. ولاترى بجوز قل خواتس هالخميس ..
وقفل بوجهي .. حسبنا الله ونعم الوكيل يارب من وين نزلت علي هالمصيبه ... حسبي الله عليك ياخلف وعلى امك حسبي الله عليكم .. الله لايبارك فيكم وين مارحتم .. الله يسود عيشتك مثل ماسودت الدنيا بعيني ... يارب عفوك يارب ..انا من وين القاها ولامن وين ..
دخلت علي ملاك وانا ماسكه راسي بين يدي واردد يارب يارب ..

**Loli.** · 11-07-2011, 09:18 PM

رد: بلا رقيب / لعاشقه ديرتها ، كاملة

ملاك :ضحى وش فيك ..
ضحى :مافيني شي نزلي الشنطه واطلعي برى ..
ملاك :لا والله ضحى وش فيك تكفين قولي ..
طالعتها وانا افكر معقوله اقولها ... ووش الفايده اخبي ...
لازم الكل يدري لازم نلقى لنا حل ..
ضحى :بقولك بس حاولي شوي تكونين عاقله ..
جت قدامي وجلست على الأرض ..
ملاك :قولي بس بالسرعه قبل ماتجي سارا الخبله تراها ماتعرف الجد من اللعب ..
تجاهلت كلامها وقلت ..
ضحى :خلف رجع يخطب من عندنا ..
ملاك بنرفزه :اوووووووووووف وش يبي هالخبل وكيف رجع يخطب من عندنا ميشو رفضته ...
ضحى :بس هالمره ماخطب ميشو ..
نطت بوجهي وهي تقول ..
ملاك :لا ماني موافقه ...
ضحى :ادري كلنا ماحنا موافقين ..؟!!
طالعت فيني بغباء وقالت بأسلوب اغباء خلاني ساعتها ودي اصطرها ..
ملاك :يعني خطبكم كلكم قبلي ..
صرخت عليها ..
ضحى :ومن قال انه خطبك ..
ملاك :اشووووووا اجل من خطب الشايب المتصابي لاتقولين شهد ولاشوق ..
ضحى :شهد ..
ملاك :وعععععععع ..
ضحى :وععع بعينك ..
ملاك :كنت عارفه ان عجوز ابليس براسها موال لشهد من شفت نظراتها لها ..
ضحى:الحمدالله طلعتي تفكرين ..
نفخت صدرها وقالت ..
ملاك :افا عليك اجل وش تحسبين عندي مخين واحد اساسي وثاني احتياط عاد الأحتياط هذا حق الأزمات يعني لاتأزم الوضع كلش شغلته ولاهو طول السنه بأجازه ..
ضحى :ياحظك وليش معطيته اجازه ..
ملاك :شفتي كيف اني كريمه لو بيدي اعطي كل الناس اجازات عشان ينبسطون ..
وقعدت ترفرف برموشها وهي تناظر تحت وضامه يديها يقالها مستحيه ..
ملاك :طيبه انا صح ..
ضحى :ترى ماهو وقت سوالفك ..اصلا انا الغلطانه اللي مفكره اني بلقى الجد عندك ..
قفزت تمسك يدي وتجرني تجلسني ..
ملاك :لاخلاص بتكلم جد ..
وبعد ماجلست ..
ملاك :وش الحل يعني ..
ضحى :ماأدري لاتسأليني .. انا جالسه افكر بس ماني لاقيه حل .. اووووووووف يارب لاتغضب علينا ..
ملاك :اللحين وش دخل هالدعوه بسالفتنا ..
ضحى :اووووف انتي ورى ماتسكتين شوي بجمع افكاري ..
رجعت تقول بطريقتها المزعجه ...
ملاك :ودي اقول شي بس عارفه بتعصبين .. اخخخ والله الكلمه بلساني تحكني ..
رديت عليها بعصبيه ..
ضحى :قووولي وياليت تكون بسالفتنا ..
ملاك :انتي ليش تحبين تعصبين علي ..
وبالطريقه تبكي أي اهبل يصدقها ..
ملاك :حرام عليك والله اني مبسوطه لأني اهرج معك ..
ضحى :ليه تهرجين مع كوندليزا رايس ..
ملاك :والله انها ماتجي شي عندك وعععع الصهيونيه ذيك ..
ضحى :ملاك اذا ماعندك شي تقولينيه اطلعي بنام ..
قامت ببطء ..
ملاك :خلاص بفكر وارد عليك ..
ضحى :ليه خاطبتك ..
ردت علي بصرخه ..
ملاك :احلى ضحى تعرفين تستهبلين ..
ضحى :لا احتريك تعلميني ..
ملاك :ياحبك لتحطيم ..
رفعت يديها قدام وجها ..
ملاك :خلاص عارفه بطلع لاتناظريني كذا ..
طلعت من عندي .. وحطيت راسي على المخده والأفكار توديني وتجيبني وكلها متركزه على الكيفيه اللي بأنقذ فيها شهد من هالخطوبه .. لين راحت علي نومه ..

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget