تويت
رد: بلا رقيب / لعاشقه ديرتها ، كاملة
أجل على كذا ننتظرك ..
وترجعين بالسسلامة إن ششاء الله =)
أجل على كذا ننتظرك ..
وترجعين بالسسلامة إن ششاء الله =)
-
-
رد: بلا رقيب / لعاشقه ديرتها ، كاملة
رجعت أليوم ان شاء الله أحطها لكم :$تعليق
-
رد: بلا رقيب / لعاشقه ديرتها ، كاملة
لوؤؤؤؤؤؤؤؤؤؤؤؤؤؤؤؤؤؤل الحمدلله ع السلامه احم
<< تنطر خخخخخخخخخخخختعليق
-
رد: بلا رقيب / لعاشقه ديرتها ، كاملة
وينج من امس توقلين بكملها هع
بسرررعه ابج مابقئ ع رمضان شي خخخخخخخخخخخخخخخخ
كملي قصتج قبل لا يشوتونها ترا مممنوع تطولين << تخرعها هخخخخخخخخخخخخخخخخخخخ لؤوول ناطرهتعليق
-
رد: بلا رقيب / لعاشقه ديرتها ، كاملة
هلا غلاتي
الله يسلمش يالغلا ^^
حيييييييييييييل خوفتيني
هع هع يلا الحين بس دقايق أنسق الكلام وحطه لك
منوره واللهتعليق
-
رد: بلا رقيب / لعاشقه ديرتها ، كاملة
الحلقه الخامسه والثلاثون
(.. على مقاعد الدراسه ..)
ملاك
ياويلي من هالقميص ساعتين عشان اصك ازراره اووووف .. اووووف هذي من بدايته ياربي اوووووووف ماأبي اروح للمدرسه ماأبي ..
سمعت سارا تناديني استعجلت بلبس جزمتي ..وزاد ارتباكي يوم سمعت وعد تنادينا من تحت ..
وعد :ملاك سارا بالسرعه الباص بيمشي ..
خطفت شنطتي ورحت اركض تحت وبيدي جزمه والبيد الثانيه الشنطه كنت بصقع بالسارا اللي طالعه تستعجلني ..
سارا :يالله ملوكه ..
ملاك :طيب اووف .. شوفي حتى جزمتي مالبستها ..
سارا :البسيها أي كلام .. يالله خوذي العباه البسيها ..
اخذت منها العباه ورميت عليها الشنطه اللي فارغه الا من دفتر من سنة جدي ..
ودخلت رجلي بالجزمه أي كلام ..
طلعنا نركض للباص اللي تحرك اول ماحطيت رجلي فيه ..
ظربتني وعد اللي واقفه وراي مع كتفي ..
وعد :ساعه يعني عشان تركبون .. والله الشايب كان بيسفهكن ويمشي ..
ملاك :لاتظربيني واحسن ليته سافهنا ورايح ماهو من حبي للمدرسه ..
وسفهتها وجلست اطالع بالناس اوووووف .. ليه ياضحى ليه .. والله اكره الدراسه ومستحيل اعطي فيها ..والله لو ماكنت مهددتنا بقطع علاقتنا بخالتي ماكنا رضينا نرجع للدراسه .. ولو ماترجتني سارا بعد اللي صايره مجنونة خالتي حتى بعد مافسخ جوادوه ياعساه للي ماني قايله خطوبته لها .. اه الحقير ياعسى ربي يأخذه .. بعداللي صار كرهت خالتي والساعه اللي عرفناها فيها بس سارا بعكسي ماكرهت خالتي لأنها كانت خلاص تعلقت فيها وانا عشان سارا اسوي أي شي ومن هالأشياء ان ظليت اتظاهر انه ماصار شي رغم ان اللي بقلبي حاجه ثانيه ..
تسألون ليش فصخ خطوبتها .. ماأدري ليش اه بس لو ادري .. بس سارا تدري وماهي راضيه تخبرني ..
نواف :اقول انزلي يالخبله لايخطفك الشايب ..
ناظرت مالقيت الا انا ونواف اللي واقف بينزل ..
ملاك :هع هع ياملقك ..
اول مادخلنا المدرسه وجيت انزل عباتي حسيت بخنقه وملل..
وجاني صوت من وراي :يالله بالسرعه ساعه تنزلن عبيكن ..يالله طوابير .. تحركن.
وجع ان شاءالله وش هالصوت مركبه مايكرفون ذي عمى بعينها ياربي وعععع كيف بتحمل ادرس من جديد مديره ومشرفات ومدرسات وغثاء ياكبدي ..
نواف :اسفهنها ذي ماعندها الا تصارخ ..
شهد :اقول تحركي بس لتوقفك قدام الطوابير وتهزاك عطوف قدام خلق ربي وتصير افتتاحيه يحبها قلبك ..
سارا :ايييه فتحتيها فتوى انتي ..
وعد :انا بروح اهجول بين الفصول ..
نواف :خذيني معك ..
سارا :وين بيطسن ذولي مو قالوا طوابير ..
شهد :ذولي عمرهن حظرن طوابير ..
ملاك :يالله امشي وين طوابيركم ..
شهد :امشي بالساحه الداخليه .. عاد انا بروح لفصلي وانتن دبرن حالكن.. انتبهن لاتصيحن هع ..
سارا :ياملقك اصلا انتي وش مدرسك ..
شهد :على راسك انا ..
ملاك :كل خواتك غايبات ..
شهد :احسن اصلا انا ابي اتحرر منهن بعيدا لو غبت انا من يجيب لنا الجدول ..
ملاك :اوووووف وخري يادحيحه ..
:تحركن انتن ماتفهن يالله كل وحده على طابورها ..
كنت بلف اعطيها من القوي .. بس جرتني شهد ..
شهد :تعالي يالخبله ماتعرفين ذي والله تصكك كف ولاتسأل عنك ..
سحبتني سارا معها ..
سارا :امشي بندور طابورنا ..
ملاك :اووووووف والله ان يدي تحكني ودي اسطرها ..
سارا :خبله انتي وش تسطرينها ترىحنا مو بالبيت ..
ملاك :هييييي انتي وياها وش فيكن خبله وخبله بديت اشك انا اسمي خبله مو ملاك ..
وجينا نصف بالطابورنا .. بس والله حسيت اشكالنا خطأ البنات قصار وصغيرين وحنا وسطهم خطأ ههههههههههه ..
سارا :ماتلاحظين انا صايرين طماشه للي رايح واللي جاي ..
ملاك:اكيد ذابحهم حلاي وجاي يشوفوني ..
سارا :اممممووت انا بالواثقين ..
جيت برد عليها بس سمعت نواف يصفر لي .. لفيت على الطابور اللي عن يمينا شفت نواف ووعد يأشرون لنا ..
وعد :تحضرون الأولى ولابتهربون معنا ..
يخرب بيتها بتخربنا توها ماحضرت ولاحصه بتهرب والنعم الخوات والله ..
عطوف :ووووعد مبارك بدون كلام ...
اشوى انها ماسمعتها بس ..
عطوف :يالله النشيد الوطني ..
ملاك :
سارعي للمجد والعلياء
مجدي لخالق السماء
تعليق
-
رد: بلا رقيب / لعاشقه ديرتها ، كاملة
وارفعي الخفاق أخضر
يحمل النور المسطر
رددي الله أكبر
يا موطني
موطني عشت فخر المسلمين
عاش المليك..للعلم والوطن
صوتي انا وسارا غطى على الكل ولايوم خلصنا جلسنا نصفق ... هههههههههههههههههههههه..
((2))
(.. سارا والمعجبين ..)
سارا
بسيطرت ضحى وتسلطها اللي تعودنا عليها اجبرتنا نرجع للدراسه .. وهذا اول يوم دراسي لنا .. واللحين الحصه الثالثه تصدقون ثلاث حصص مرت ماحسيت فيها اني بمدرسه .. رمونا علينا هالكتب وراحو طيب طلعونا لبيتونا ليش حاجزينا عندكم من زود المحبه يعني ...
عطتني ملاك بكوعها ..
سارا :وجع وش تبين ..
ملاك :طالعي بذيك البنت اللي قدام شكلها معجبه ..
لفيت ميه وثمانين درجه من الحماس ..
سارا :وينها ..
بس ملاك تطالع بالسقف وتصفر ومطنشتني..
سارا :ملاك ..
ردت علي وهي للحين تطالع فوق ..
ملاك :ولعنه ..
سارا :وجع اكلمك انا ..
ملاك :اقول انثبري يالفضيحه ..
سارا :فضيحه بعينك وش قلت انا ..
ملاك :مايحتاج تقولين الناس كلها درت انا نتكلم عن البنت ..
سارا :احلفي وش دراهم ..
ملاك :ومن غير حظرتك .. خلاص انثبري بعد شوي كلميني ..
سارا :طيب نزلي عيونك صورتي السقف تصوير ..
ملاك :ماهو شغلك ..
اخخخخ يالقهر وش اسوي انا اقووم سطرها قدام الله وخلقه ..
لفيت عنها وانا مبرطمه مادريت الا القى وحده جايه تجلس على طاولتي والأبتسامه من الأذن للأذن ..
طالعت بملاك لقيتها تطالع فيني بأستغراب ..
البنت :هاي .. ممكن اتعرف عليكم .. شكلكم جديدين بالمدرسه .. توأم صح ..
ملاك :تبين سلف ماعندنا ...
سارا :تبين دين ماعندنا ..
ملاك :تبين قروض ماعندنا ..
سارا:تبين فلوس وبعدين ترجعينها ماعندنا ..
طالعتنا البنت بالدهشه .. جت بتكلم ثواني بس وقامت ..
وانا وملاك طالعنا بعض وضحكنا ضحكه هزت الفصل ..
بالفسحه جتنا شهد واخذتنا لمخبأهم السري على قولتهم .. بس والله كان مخبأ على مستوى راقي .. حاطين له فيه سجاده نظيفه وتكايات ووسايد يعني اللي يبي ينام اللي يبي يجلس لا وترمس شاهي قسم بالله ماهن صاحيات ..
قلت لشهد وانا اشر على ترمس الشاي ..
سارا :هذا من وين جايبينه ..
شهد :من عند الخالات .. الترمس لنا بس هم يسوون لنا الشاهي البركه بوعد وحده من الخالات تموت عليها وعلى هبالها وماترد لها طلب ..
نواف :ياهلا منورين مطرحكم ومكانكم تفضلوا ..
ورمى اكياس البطاطس والعصير اللي معه ..
وعد :ياحيالله من جانا لو علمت الدار من زارها لتفتحت ازهارها ..
ورمت الشكولتات اللي معها ..
ملاك :وجعععع من وين لكن كل هذا ..
قال نواف .. اللي جلس بكل اريحيه واخذا له عصير وفتحه يشربه ...
نواف :سرقناه من المقصف ..
صرخنا انا وملاك ...
ملاك &سارا :اييييييييش ..
شهد :اعصابكم ماهي اول مره ذولي مايتعاملن الا بالسرقه ...
صرخت عليها ..
سارا :وانتم تأكلونه .. تأكلووون حرررام ..
قالت وعد بكل برود ..
وعد :وش نسوي يوم ماقدرنا نأكل بالحلال ...
سارا :بس ضحى تعطيكم مصروف ..تعليق
-
رد: بلا رقيب / لعاشقه ديرتها ، كاملة
نواف :ماكان يكفينا واللحين خلاص تعودنا حتى لو تعطي كل واحد منا مية ريال بنرجع نسرق ..
كملت وعد كلامه بتلذذ ..
وعد :ياه يازين الأكل المسروق ...
وش فيه ذولي من صدقهم يأكلون مال حرام .. ياويلي ملاك بعد تأكل معهم .. صرخت عليها ..
سارا :ملاك تأكلين أكل مسروق ..
ملاك :عادي وش فيها اجلسي يابنت هذا أكل الحكومه حلال حلال ..
سارا :وشوووووو ..؟!
ردت علي وهي ماهي قادره تكلم من فمها المليان بطاطس ..
ملاك :اقول اجلسي لايفوتك اللحين نمر المقصف ونرمي عليه قيمة اللي اكلنا وانقول اشتريناه ونسينا ندفع حقه ..
جلست معها بتردد .. ياويلي حرام هذا ..
ملاك :اجلسي ماعليك الحكومه بتحللنا ..
سارا :تهقين يعني ..
ملاك :اكيد اجلسي بس بعدين حنا بنروح ندفع حقه ..
مديت يدي واخذت جالكسي بالكراميل .. والله كنت متردده بس لاتلوموني ماقاومه حلال حرام المهم جالكسي ..
وبعد هالفطور المحترمه ختمناها بكوب شاهي بالنعناع والله انا خطيرين ..
بعد ماخلصت قمت ببراءه وقلت ..
سارا :يالله ملاك شكل الفسحه بتخلص ..
مادريت الا المكان يهتز تحتي من ضحكهم ..
سار :وجع وش فيكم ..
وعد :ههههههههههههههههههههههههههه هههههههههههههههههههههههههههههههههههههههههههههههههه هههههههههههه..
نواف :ياهههههههههههههههههاههيهيهيهههههههههههههههههه هههههههههههههههههههههههههههههههههههههههههههههههه..
شهد :يالخبله اللحين الحصه الرابعه بتخلص وانتي تقولين شكل الفسحه خلصت ..
انصدمت كيف يعني فاتتنا حصه ..
سارا :ياويلي يعني حنا اللحين يطلق علينا هاربين من الحصه ..
ملاك :وحراميه بعد ..
وعد :بنات امشن بوريكن شي خطير ..
طالعتها بالشك ..
سارا :لا انا ماراح اروح معك انتي خربانه بتخربيني معك ..
وعد :احلى يالمؤدبه ..
سارا :اكيد مؤدبه اجل وش تحسبين ..
ملاك :اسمعي نروح معك بالشرط اذا مسكتنا الأداره بنرمي كل البلا على راسك وحنا نطلع منها ..
وعد :اوكي توها سنه جديد وسجلي نظيف ..
طلعنا معها وبدت تفرفر فينا بين الفصول ..
سارا :يالله وين الشي اللي بتورينا ..
وعد :مو هنا بمبنى الثانوي ..
ملاك :الا تعالي هاللحين شهد وبقيت القروب مايهاوشونهم ادارتكم اذا جو هنا ..
وعد :الا اذا شافوهم بس خواتك ماهن هينات تربيتي ..
قلت لها بحقد ..
سارا :مافيها شك يالحراميه ..
وعد :امشي بس وانتي ساكته لأوديكم للأداره اللحين ..
سارا :يمه خوفتيني ..
وعد :بنات ناظرن تحت ..
وقفنا على الدربزين وشفنا تحت وحده شكلها معلمه او مشرفه واقفه ومعطيتنا ظهرها .. لو لفت على طول بتشوفنا ..
شفت وعد تحذف عليها قوطي عصير بقوه وتختفي .. وانا وملاك جامدات بمحلنا ..
المشرفه :انزززززلن ياقليلات الأدب ..
ملاك :وشوووووووو ..
المشرفه :ياقليلة الأدب انزلي لأجي انا انزلك بالعصا ..
ملاك :والله ماهو حنا..
يمه حنا وش سوينا وعد هي اللي ظربتها ..
المشرفه :انتي ماتسمعين انزززززززززلن ..
سارا :ياويلنا ملاك وش نسوي ..
ملاك :الله يلع .. ها الحيوانه وعد قسم انها خبيثه ..
جلست تلفت ادورها مالقيتها ..
سارا :خلينا نرجع لمخبأنا ..
ملاك :لا امشي بنشوف وش أخرتها معها ذي فضحتنا شوفي الناس كيف تجمعت عليها ..
صادقه ملاك كل اللي بالأداره طلعوا ..
ياويلنا من اول يومنا شكلنا بنأخذ تهزيء محترم وفضيحه علنيه نزلنا وحنا نسحب رجولنا سحب.. وطول الطريق نسب بوعدوووه هين والله لأوريها ..
استقبلنا صوت ابله عطوف ياويلي عرفتنا ..
ابله عطوف :ياهلا والله اسفرت وانورت واستهلت وامطرت شرفتنا بنات مبارك ..
ملاك :منوره بوجودك ابله عواطف ... بس قسم بالله انا ماسوينا شي ..
ابله عطوف:ماسويتن شي استحن على وجيهكن اطول مني واهاوشكن انتن اللي كبركن متخرجات من الكليه ..انا مادري وشلون قبلتكن بمدرستي ..
سارا :ابله مدرسة الحكومه مو مدرستك ..
صرخت علي ..
ابله عواطف :بلا قلة ادب والمدرسه مدرستي اقبل اللي ابي فيها واطرد اللي ماأبي منها ..
شفت المشرفه اللي ظربتها وعدوه بالقوطي تناظرنا بقهر يمه شكلها يخرع لاولابسه بلوزه صفراء مولعه وصابغه شعرها اصفر وهي سمراء وطالعه كأنها عامل بلديه ..
ملاك :اكيد ابله مافيه شك المدرسه مدرسته ويخسى اللي يقول غير كذا ..
وغمزلي ووطت على رجلي وكن محد يشوفها مادرت ان كل اللي بالأداره شافوها ..
سارا :صادقه ملاك المدرسه مدرستك ولو تبين نطلع منها اللحين شلنا قشنا وطلعنا من المدرسه كلها ..
ملاك :ايه ابله بس انتي امري فديتك انا ياحبيلك ..
ابله عواطف :بدون كلام زايد ويالله اعتذروا من ابله قمر ..
وشو قمر .. وجلست اتلفت ادور ابله قمر ..
ملاك :وينها ابله قمر ..
ابله عواطف بغيض :هذا اللي قدامك ..
واشرت على ام بلوزه صفرا ..يممممممامي لايكون هذي ابله قمر يالهوي .. هذي شهاب نيزك شمس قبر مو قمرر ..
ملاك :اسفين ابله قمار مع انه والله انه مو حنا اللي رمينا علينا القوطي وقسم بالله ان اللي رمته عليك وحده قليلة تربيه ماعندها ابو يربيها وامها راميتها ورايحه تزوج ..
ابله عطوف :وانتي يالله اعتذري ...
يمه وش فيها تطالعني كذا اللهم رد كيدهم في نحورهم ..
سارا :وانا بعد اسفه مع انه قسم بالله انه مو حنا اللي رمينا القوطي و..
المشرفه قمر :بس خلاص يالله على فصلكم واسفكم غير مقبول ..ولاتسون فيها خفيفات دم ..
ابله عطوف :اذا كررتنها تعهد مباشره ..
يالناس ودي اسطرها هالقمار .. مالت عليك وعلى ام جابتها ..
طلعنا من الأداره وبدينا نتطنز بأبله قمار..
ملاك :ولاتسون فيها خفيفات دم ..
سارا :ابله قمار ..
ملاك :يعع كرهتني بالأسم ..
سارا :ياعيني على الأصفر يالناس خطير .. تصدقين جتني فكره ..
ملاك بحماس :وش هي ..تعليق
-
رد: بلا رقيب / لعاشقه ديرتها ، كاملة
سارا :ودنا نضمن هالقمر ونحطها بصفنا شكلها شخصيه ..
ملاك :كيف ..
سارا :بنسوي انفسنا معجبات فيها ..
ملاك :لاتكفين تصدق عمرها .. وبعدين هالحركات ماعاد تمشي عليهم ..
سارا :ليش لا خليها تصدق .. نكسب فيها اجر .. نعطيها ثقه بنفسها ..
ملاك :دايم السالفه فيها اجر ليش لا ..
سارا :اجل اتفقنا ..
ملاك :اتفقنا .. امشى اللحين للفصل ..
سارا :ووعد ..
ملاك :يالخبله بتأخذن حقك منها هنا خليها حسابها بالبيت ..
وعلى هالأتفاق رحنا الفصل .. واخذلنا تهزيئه محترمه لأنا دخلنا وحنا نسولف وجلسنا من غير مانستأذن من الأبله .. ماأدري وين فاكرين انفسنا عايشين ..
((3))
(.. القلب القاسي ..)
ضحى
صحيح مدرسه جديده بس الطالبات نفسهم هم العامل المشترك بين كل المدارس نفس قلة الحيا نفس الأهمال نفس الكره للمدرسه والدراسه ..
اليوم البنات بغوا ينتحرون ماهم مصدقين اني جالسه اشرح لهم رياضيات اول حصه بأول يوم دراسي .. كان بيقلون ادبهم ويناقشون بس بعد صرختين وكذا شتميه سكتوا واخذوا فكره صغيره عن المعلمه اللي جالسين يتعاملون معها ..
كنت جالسه على اعصابي اليوم كل بعد دقيقتين اقول بستأذن ورح اخذ شدن من مدرستها .. اه ودي اتطمن عليها بأول يوم مدرسي لها .. ان شاءالله شدن ماراح تخيب ظني فيها بس خايفه انها تجيب العيد بتعاملها مع الطالبات والمعلمات مايحتاج اقولكم ان خواتي معطياتها شهاده بطولة اللسان ..
بروح استأذن من المديره شكلها حبوبه ..ويمكن هذي الحسنه الوحيده لنقلي للمدرسه هذي كان ودي اظل بالمدرسه اللي فيها خواتي عشان تكون عيني عليهم ..
قبل ماأطلع من غرفة المعلمات دق جوالي وكان استاذ عساف مالت بس ..
رديت عليه بدون نفس ..
ضحى :خير ..
عساف :السلام عليكم ..
ضحى :وعليكم ..
عساف:مريت على مدرسة شدونه واخذتها تبين امر عليك ..
ضحى :لاشكرا ..
وفكرت شوي ..
ضحى :مر علي وحده وقت الصرفه ..
عساف:من عيوني ..تأمرين على شي ياقلبي ..
ولاكلفت نفسي ارد عليه قفلت بوجهه ..
ورجعت للمكتبي بغرفة المعلمات وان اغلي من القهر اوووووف خرب علي الطلعه ..
اللحين ماعندي عذر اني اطلع .. ماشاءالله من متى هو مهتم بالشدن .. كل اللي يسويه عشان يقهرني .. دق جوالي بنغمة رساله عرفت انها منه قبل ماأفتحها طايح بهالحركه كل ماقهرته وكسحته ارسل علي رساله مثل وجهه .. يقالي طيب ونيتي صافيه مالت بس ..
لاوسمعوا وش كاتب هنا .."دورت لك في خاطري شي يكرهك .. لقيت حتى المكره فيني يحبك !.."
ياملقه يالناس .. اللحين هذا من وين يعرف الحب .. غير نفسه مأتوقع يحب .. الأناني يبغاني انسى اللي سواه .. اصلا سواياه للحين ماتشفع له بنته اللي هي بنته مالان قلبه لها ويبني اسامحه والين قلبي له ..
ولد عم مبارك ماراح بعيد ..
نغمة رساله جديده .. مأدري ليش اقرأ رسايله مع اني اقدر احذفه بدون مافتحها بس انا كذا احب اتسلى بقرايتها ..
فتحتها وياليتني مافتحتها ..
الحقير عليه مسجات كلها قلة حيا .. حذفته بدون مافكر ..
ادري تبون تعرفون وش كان فيه حفظته قبل مأحذفه عشان اقوله لكم ..
"..حان الان موعد بوستي
حسب توقيت الشوق لشفايفك.."تعليق
-
رد: بلا رقيب / لعاشقه ديرتها ، كاملة
((4))
(..خلف و التضاريس..)
ميشو
ضحكت كثيرا حينما ايقظتني سارا وطلبت مني الأشراف على المنزل في غيابها لأنها لاتثق في هند وشوق ..لأصدق انهما ستعودان حقا للمقاعد الدراسه ..
انها العاشره لم اكن انوي ابدا الذهاب للجامعه في هذا اليوم ولكن بسبب الحاح ريدا قررت الذهاب ..
هند :ميشووووو لا تشربي من هذا ..
ميشو :ولماذا ..؟!
هند :هذا شاي سبيشل من اختراعاتي يمكن مايعجبك ..
ميشو :حسنا دعيني اجربه ..
هند :لا لا ..
ميشو :ولماذا ..
هند :كذا كيفي هذا شاي سبيشبل لي ..
ميشو :توقفي عن الأنانيه ودعيني اجربه ..
هند :اوووووف ماراح يعجبك ..
ميشو :دعيني اتذوقه وسأحكم ..
وبأصرار تجرعت منه جرعه واحده فقط ارجعتها بالسرعه حينما لسعني الطعم اللاذع ..
ميشو :ماهذا ...
صاحت فيني ..
هند :شفتي قلت لك ماراح يعجبك ..
ميشو :حسنا توقفي عن الصراخ .. لما تعكسين المواقف .. اليس من الواقعيه ان اصرخ انا فيك ..
سحبت الكأس من يدي وهي تردد انها حره بما تفعل ..
ميشو :هل حقا ستشربينه ..
هند :اكيد اجل ليش مسويته عشان اصور معه ..
توقفت عن مجادلتها وخرجت من المطبخ بعد ان كرهت تذوق أي شيء بعد ذالك الشاي الخرافي ..
بدأت ارتداء ملابسي بكل ارتياح وبدلتها عدت مرات ...
كنت استمتع بماأفعله .. حتى رن هاتفي الجوال بنغمه كنت قد خصصتها لريدا .. حسنا انا قادمه .. القيت نظره خاطفه على ساعة يدي انه الحاديه عشر يألهي ستمزقني ريدا اربا ..
ميشو :مرحبا ماذا هناك ..
ريدا:ميشو حبي لاتجينا على الكليه حنا بالفيصليه بنفطر هناك .. انتي وين برسلك السواق..
ميشو :انا مازلت بالمنزل ..
ريد :خلاص برسله لك على البيت ..
ميشو :حسنا انا بأنتظاره ..
بعجل بدأت بتغير ملابسي وارتديت ملابس مناسبه .. وضعت روبي في سله مناسبه .. حملت حقيبة يدي وخرجت ..
في الأسفل وجدت شوق وهند امام التلفاز يتلذذن بعصير الليمون ..
ميشو :اسكبي لي كأس ..
واردفت بالسرعه ..
ميشو :من صنعه ..
شوق :عصير سبيشل انا مسويته ..
بدأت اتحسس من كلمة سبيشل ..
هند :لاتخافين مو مثل الشاهي حقي ..
ميشو :ياعزيزتي لأتوقع انه يوجد شيء بالكون مثل شايك ..
هند :ادري من زينه ..
كان العصير لذيذ جدا ولكن لم استطع اكماله لأن السائق وصل .. خرجت وانا احمي عيناي بنظاره شمسيه..
بادرني منير الذي كان يقف مع شقيقه الأخرق قيس بالتحيه ..
منير :هاي ميشو ..
ميشو :مرحبا ..
صعدت الى السياره وان اشعر بنظرات قيس تلاحقني ماباله الم يسمع بفتاة سعوديه تتحدث الفصحى من قبل ..
هل تعلمون لقد خطب فتاة جميله صغيره تدعى وديان .. لأتحدث عن قيس ..
المقصود هنا خلف ..
هل سأدعه يعيش حياته .. بالتأكيد لا هناك خطه قادمه في طور التنفيذ .. اقسم لكم بأغلظ الأيمان اني لن ادع هذا الزواج يتم بأذن الله ..
لايمكنه ان يفعل ذالك ..
هل سيتوقف عن حبي من اجل فتاة تافهه اسمها وديان.. يألهي هل وصل عشق والدها لتضاريس أن يطلق على ابنته هذا الأسم ..
هل نساني بهذه السهوله ولكني لم انساه ولن انساه ليعيش حياته بالسعاده ..
سوسو صديقتي العزيزه لاتتوقف عن تزويدي بأخر اخبار شقيقها .. وكم اتسلى انا بذالك ..
((5))
(.. خيانه ..)
واقف وبيده جوريه للجوريه .. شمها .. وضحك على نفسه .. وش يشم فيها ..
اتسعت ابتسامه يوم شافها مقلبه عليه وعيونها تدور بكل مكان تأكد ان محد يشوفها ..
غنى :عمري ماتمنيت شي كثر ماتمنيت اشوفك ..
:سلام ..
:هلا وعليكم السلام هلا بملاكي ..
ومد لها الورده ..
بضحكه :يسلموو ..
:الله يسلمك ياحياتي ..
كانت مستحيه ومثل عادتها تحفر الأرض برجلها من التوتر ..
:يالله حياتي متى بتشيلين هاللثام انتي قلتي المره الجايه وهذي المره الجايه جت ..
:لا ولودي ماأقدر ..
:ليش ماتقدرين لو تحبيني شيليه ..
:لا مأقدر حرام مأقدر ..
:قولي انك ماأنتي واثقه مني ..
ولف يطالع بالفيلا اللي على جنب .. لاحقت نظراته ..للحين يعني ماتاب ..
:وش تناظر ..؟!
:أي شي غيرك .. وش اناظر فيك اصلا كلك اسود بأسود ..
مسكت يده :وليد تكفى لاتزعل ..
:ماتبغيني ازعل سوي اللي اقولك عليه .. انا اجي مشتاق لك واعد الدقايق والثواني عشان اقابلك وانتي ولاهمك وتفننين بالتنكيد علي ..
:حرام عليك لاتقول كذا اصلا انا مأجي هنا الا عشانك ..
:تحبيني ..
قالت بقهر :ماأدري اسأل نفسك ..
:أحبك وميت فيك ..
:لو تحبني صدق طلقتها ..
:اه ياحياتي لاتحاسبيني على شي صار قبل مأعرفك ..
سمعوا صوت ارعبهم هم الأثنين ..
:خلاص ملاك روحي انتبهي لأحد يشوفك ..
لفت عنه بالسرعه :باي ..
وهو ابتعد عنها ..
ورد على جواله اللي من بداية المقابله يدق بس هو حاطه على الصامت الهزاز .. ومبسوط على كل دقه منه وهو عارف ان اللي وراه تحترق وهي تشوف اللقاء الغرامي اللي يتم تحت شباك غرفتها ..
الوليد :خير ..
:ليش الوليد ليش ..؟!
الوليد :وش تبين ..
:حرام عليك ليش تسوي فيني كذا .. حرام والله اللي تسويه فيني حرام ..
:واللي كنتي تسوينه فيني مو حرام ..
:بس انا احبك ..
:وانا كنت احبك ..
بلهجه قريبه للأستجداء كررت جمله:كنت واللحين ..؟!
تحياتي للجميع
عاشقة ديرتهاتعليق
.
تعليق