بلا رقيب / لعاشقه ديرتها ، كاملة

**Loli.** · 29-12-2011, 03:19 PM

رد: بلا رقيب / لعاشقه ديرتها ، كاملة

سارا :قيس ماسويت غداء ...
رمى فرشاة الشعر من يده بقهر ...
قيس :داري وريحي نفسك بنام بدون غداء ...
ولف على السرير ...
قيس :وانتي ...
قطع كلامه لما مسكت مع يده ..
قيس :خير
سارا :لحضه شوي بقولك شي بس لاتعصب ...انا اصلا متعمده مأسوي غداء
لوى يدها بقوه ..
قيس :وتعترفين انك تعانديني بعد ..
سارا :لا مو كذا ...اصلا انا خططت انا نتغدى برى ...
طالعها بأستهزاء..
قيس :والله
سارا :والله ...
قيس :وبأي مطعم تبين تتغدين ...؟!
أبتسمت أبتسامه كبيره وطلعت اسنانها الأماميه واللي يتميزون بفجله خفيفه بينهم..
سارا :يعني موافق وناسه كنت عارفه انك طيب وماراح ترفض ...
ترك يدها وبدزه خفيفه وخرها عنه ...
قيس :لأني طيب اقولك انقلعي عن وجهي لأرتكب فيك جريمه ...
اول ماصرخ نقزت لين الباب ...
سارا:يعني مو رايحين المطعم ...
عطاها نظره خلتها تطلع وتقفل الباب وراها ...
((9))
سارا
وفشل مخططي وليه مو حاله ماني عارفه ادبر شي كل شي اخذه من جولييت أخربه ..
بس والله أوريك قيسوه ماتوديني مطعم ...
مو كفايه مجبرني أكمل دراستي ... تبغاني بس جالسه بالبيت لا أنا مو شغاله عشان بس جالسه بالبيت ..
أنا ابغى اطلع وأتمشى .. اووووف مأبغى اطلع ولاأتمشى أبغى خواتي ...
وخواتي ماراح اوصل لهم لين يصير قيسوه مثل الخاتم بأصبعي... شكل الخطه هذي مو ناجحه ..
اوووف بس لو السحر مو حرام كان سحرته ومشيته علي كيفي ...
مر باقي اليوم علي ممل جدا قيس صحى العصر وقال بيروح يزور أمه وبعدها ماشفته نمت وهو مارجع ...

((10))
وعد
صحيت من النوم بكسل وتوضيت صليت ...
نزلت تحت وأخذت كوب حليب ورجعت اطلع فوق ... نوف دخلت بعدي الحمام مباشره وللحين ماطلعت ..
استغربت مو من عادتها ...
ليكون البنت نزلت عليها النظافه وتسبح اليوم بنص الأسبوع عاد نوووف احس مستحيل ... لو شوق ولا حتى هند الموسوسه يمكن أصدق بس نوف تسبح نص الأسبوع كبيره ...
دقيت عليها باب الحمام ...
وعد :نوووف وش تسوين داخل ...
نوف:.......
رجعت ادق على الباب لايكون نوفوه سبحت وغرقت بس الحمام مافيه بانيو تغرق فيه .. بس فيه مثل يقول تغرق بشبر مويا ...والله مأدري عنها هالخبله ...
وعد :نوففووووه انته عايشه اومتي ... لاتخافين لو متي اللي يموت غرقا يصير شهيد ... بتصيرين الشهيده نوف وأنا اخت الشهيده نووف .. وبيتنا بيت الشهيده نوف واخوات الشهيده نوووف وبنت عمة الشهيده نووف ...
نوف :عساك انتي تغرقين وانا اصير اخت الشهيده وعد وادخل الجنه على حسابك ....
يمه الجنيه لسى عايشه ...
جيت افتح الباب لقيته مفتوح .. دخلت ولقيت المفاجئه بل الطامه ...
وعد :وش تسووووووووين يالمجنونه ...
نوف :اللي شايفته وش رايك بشعري شي صح ...
وعد :شي اللي يشيل راسك يالغبيه اللحين من بيفكك من ابله عطوف وابله قمر انا ثلاث شهور وانا كل ماصليت ادعي شعرك يطول عشان تفتكين من حنتهم ويوم طال شعرك قصيتيه ...
نوف :مالت على خشتك كانك فاضيه تتدعين كان دعيتي نصير أغنياء مو تدعين شعري يطول هذا دعاء بالله عليك ..
وعد :احلمي بس مره ثانيه ادعيلك بعدين دعائي وأنا حره فيه و انتم مو معطيني وجه وانتم فقراء اجل لو صرتو اغنياء وش بتسوون فيني اكيد بترموني بملجأ انا ونوره بعد قلبي ...
بس البنت مو معطيتني وجه جالسه تمشط شعره مره يمين مره يسار
نوف :وش رايك كذا حلو ..؟! .. او كذا أحلى ..
وعد :عمره ماراح يكون حلو يحوم الكبد ... ومسويه فيها عندي شعر مره يمين مره يسار مافرقتك كأنك هندي حاط على شعره فليت يحسبه اسبريه ...
نوف :تدرين بروح لملاك حبيبة قلبي هي اللي تفهم بهالأمور اما انتي حدك ترفعين شعرك كأنه ذيل فار خخخخخخ ...
النحيسه انا شعري ذيل فار اكرههها اصلا الفار ماله ذيل ...
انسدت نفسي عن الحليب ونزلت فيه تحت ماصدق شفت ضحى قلت لها ان نوف قصت شعرها ...
طلعت ضحى معصبه من المطبخ هع الله يرحم نوف كانت طيبه بس من صاحبة ملاك صارت شريره وتستحق القتل ...

**Loli.** · 29-12-2011, 03:43 PM

رد: بلا رقيب / لعاشقه ديرتها ، كاملة

((11))

نوف

بديت يومي بهوشه محترمه مع ضحى ماثرت فيني كثير بس حزت بنفسي ...
الا الحصه الثانيه كانت كل الأمور معاي تمام ... ببداية الحصه الثالثه دخلت علينا أبلة العربي تكرهني ماتصدقون قد ايش تكرهني .. ودايم تقول عني متشبه ... وكل شي يصير بالفصل تحطه علي .. احس انها تفضل أبليس علي .. مع اني وربي ماعمري سويت لها شي ... واحترمها بس من كرها لي غصب أكرهها ... وطريقة تصرفها معي كأني مغيره ديني ..حتى معملة الدين الملتزمه ماعملتني مثلها بالعكس دايم تدعيلي بالهدايه ولاعمرها جرحتني ...
من دخلت حسيت بالشر بعيونها ... انا اعرف لو بيصير لي شي مو زين قلبي ينقبض ....
وفعلا دقايق بس من بداية الحصه وانتبهت على شعري وقطعت شرحها وبدت تسب فيني وتلعن وتقول كلام ماينقال وبالأخير عطتني كف ....
بذيك اللحضه تساوى عندي كل شي ..
أنا هذي تظربني ... عطيت كف وثنين وثلاثه وأربعه ...
ماحسيت بنفسي الا مسحوبه عنها ومرميه على الأرض كانوا بنات الفصل اللي فكوها مني ومسكوني حتى مأرجع أظربها وهي جلس تسب فيني وتهزأ ومأدري وش بعد ..... لأني اغلي من داخلي ودي أقوم وأكمل عليها حسيت ان هذي نهايتي بهالمدرسه وأبغى ابرد قلبي ..
بس البنات كانوا حاجز بيننا بعدين جت المديره ومعلمات والمراقبات .. وماقدرت أوصل لها بس حلفت أنها هذي مو نهاية اللي صار بينا ...
وشي طبيعي فصلوني مؤقتا لين يقررون العقاب الأكبر واللي استحقه ماهتميت بالقرار واصلا حاسه انه خلاص هذا أخر عهدي بالدراسه .. طلعت لمخبأنا السري مالقيت أحد رحت لشلة الشباب ولقيتهم يدخنون .. غصبوا علي ومن القهر اللي فيني جربت أدخن معهم ...هي مره وحده ومأتوقع اشوفهم بعد هاليوم ..

((12))

ضحى

من قمت الصباح وأنا افكر بطلعت السوق بمقابلتي لعساف عمري مافكرت كيف بقابله ووش بسوي ووش بيصير من طلع بحياتي مره ثانيه ...
يجي ويغيب وماحس أنه غاب أو اختفى ... بس المره هذي حاسه بالموضوع يوم ورى يوم ...
ماصدقت دق علي وقال أني عند الباب طلعته وطبعا حرص مأخذ احد معي لأنه على قولته ماله خلق عوار راس ..
ماتكلم كثير رد السلام ووشلونك وأخبار محمد وبس ....
ماقدرت اسكت اكثر لازم أسأله وش فيه ...
ضحى :عساف فيك شي ..؟!
ناظرني ورجع ناظر قدام ...
عساف :شي مثل ايش ..؟!
ضحى :يعني متغير .. قبل ماتوقف كلام
عساف :ثرثار يعني
ضحى :لا مأقصد كذا بس بجد وش فيك ..
عساف :ولا شي بس متضايق شوي من الشغل
سكت .. وأنا سكت وش أقول والسالفه فيها الشغل ..
عساف :متى بترجعين البيت ...
ضحى :بعد أسبوع .
عساف :ايه زين بجيب شركه تنظف البيت ...
ومابعدها ماقال شي لين وصلنا المجمع اللي أبي ...
وقدامه قالي أنه مايقدر ينزل معي بس اذا خلصت ادق عليه ...
تنرفزت منه يعني ماراح ينزل معي وماخلاني اخذ معي أحد .. من النرفزه نزلت بدون مأوجه له أي كلمه ...
بعد مادرت السوق وأخذت كل اللي أحتاجه كان معي كومت أكياس لو جايه مع سفر دقيت عليه يأخذهن ...
وكملت اللي باقيلي بس اللحين مضطره أطلع من السوق وانا ماكملت تسوقي دقيت على عساف اللي تنازل لين جاني بعد ساعه من اتصالي ...
اول ماركبت السياره وشفت كيف استقبلني بالتأفف عرفت وش اللي غيره ... خلاص الأخ مل ... كنت عارفه ان هذا اللي بيصير عمر عساف ماراح يكون قد المسئوليه تعود يكون حر ... وولده اللي جاء رجع يحسس أنه مربوط ... الأيام تعيد نفسها ...
ماتكلمت ولا ناقشته على تأخيره او على الحال اللي صاير فيه واللي عرفت أخيرا سببه ..
أخيرا عرف حجم المسئوليه اللي حط نفسه فيها واللي ماهو قدها ... كنت عارفه ان هذا اللي يصير ..
عمر نظرتي فيه ماأخطأت ...
قريب بيعلن أنسحابه من حياتي والله العالم بعد كم سنه بيرجع ...
وبكون سعيده لأنه بينسحب بالوقت المناسب قبل مأحط عليه امال ويضيعها..
امال كبيره .. لأني للأسف حطيت عليه امال صغيره ... بس مو مهم خله يروح برجع مثل قبل ...
نزلني بدون كلام ... دخلت غرفتي والقهر ذابحني طليت على حمودي النايم وسويت له رضعته كانت اسويها وارجها بيدي بقوه يمكن تخليتها مكانها رقبة شخص معين ...
نزلت الرضعه من يدي لما دق جوالي وجلست ادور شنطتي بين الأكياس وين حاطتها أنا ...
وبعد ماوصلتها وطلعت الجوال لقيت على شاشه مكالمه لما يرد عليها من عساف وش عنده مو كأني تو كنت معه وكلمتين على بعض ماقالهم ...
طنشت اذا يبغى شي يرجع يدق وكأنه يسمع كلامي دق الجوال مباشره .. انتظرت بعد ثلاث دقات فتحت الخط ...
ضحى :خيررر ..
عساف :حبيبتي معصبه ...
لاشكله الأخ رايق ..
ضحى :وليش اعصب ..؟!
عساف :ضحى انا عارفه وش اللي سويته وتأثيره عليك بس انتي موعارفه شي أنا مررره تعبان ...ولاتسألين عن اللي متعبني انا محتاجك مره مابغى اضغط عليك بس حاولي تقربين رجعتك ...
بغيت اقهره مثل ماقهرني يعني هو متعود اللي يسويه ...
ضحى :اقول عساف بتكلم بشكل واضح تفضل اوما كلام التلميح هذا ماينفع معي ... واذا حسيت نفسك مسوي شي فأنا بريحك تطمن ماحسيت انك مسويلي شي لتعب ضميرك ...
وقفلت ..... اول ماقفلت تندمت اوووووووف ليه سويت كذا انا من زمان توقفت عن هالحركه والله عيب علي ...
عطيت حمودي رضعته وأخذته للصاله ...
وهناك كانوا البنات يتخانقون ...
ضحى :خير وش فيه ...
استغربت انفعال نوف
نوف :قررت مأكمل دراستي هذا اللي فيه ومأبغى احد يناقشني بقراري انا مليت كرهت نفسي اووووف خلوني بالبيت اريح لي ...
حسيت أنها مقتنعه بقرارها اللي مأقول صدمني الا شلني ... ولو ماكنت جالسه قبل ماتلقي قنبلتها طحت من طولي نوف الشاطره الطموحه هذا كلامها ليش وش اللي صار ..... بس من طريقتها بالكلام حسيت ان لو تكلمت معها من اليوم لبكره ماراح يتغير شوي اصبر عليها شوي لين تهدا وأقدر اكلمها بطريقة تجيب نتجيه ومو تزيد الطين بله ...
ضحى :بس هذا اللي عندكم ... توقعت شي اكبر قفلوا الموضوع وتكلموا بالشي ثاني ...
نوف :لاتحسبني امزح ترى قراري خلاص ماراح اغيره
ضحى :طيب انا وش قلت خلاص انتي قررتي ليش هم يناقشونك .. قولوا سالفه جديده ..
ملاك :ونعم الأخت ...
كالعاده طنشتها ... وكالعاده بزنقات مايطلعني منها غير مشاعل ...
مشاعل :ضحى لقد طلب مني خلف تحديد موعد لزفاف لكني محتاره ...
ضحى :ماشاءالله زواج مره وحده مكأنك طالعه امس بتطلقينه ...
مشاعل :ضحى توقفي عن ذالك لما تحبين أزعاجي بحديثك ... لما لاتتحدثين بطريقه عاديه ...
ضحى :ليش كلامي وش فيه ..
مشاعل :ساخررر دائما ردودك لاذعه ..
ضحى :مع اني مالاحظت بس دامك قلتي هذا اكيد صادقه ...
وعد :وش قصدك كلامها يعني دايم صدق ...
اللحين ليش لاتكلمت مشاعل وعد لازم تكون على الخط ...
ضحى :اللحين انتي تشكين من شدن لاتكلمتي لازم تنط ماتلاحظين ان هذا رد دين للي تسوينه بمشاعل لاتكلمت ...
وعد :حرام عليك انا ماسويت لها شي وش قلت اللحين ....
لفيت لمشاعل ورديت عليها ..
ضحى :طيب وين المشكله ليه الحيره حددي الموعد اللي يناسبك ...
مشاعل :ولكني لأعلم ماهو المناسب ...
نطت وعد قدام مشاعل ...
وعد :احلى شي بسرعه يعني قريب جدا... الخميس الجاي يعني الخميس القادم ...
شادن :ماشترينا فساتين ...
وعد :وانتي وش لك مو لازم تروحين ...
شدن :أنتي وش لك ماتحبين مشاعل ليه تروحين ..؟!
ضحى :شدن وش قلنا لاتكلموا الكبار الصغار يسكتون بتجلسون كذا تقاطعون حديثنا تفضلوا برى تهاوشوا على كيفكم ...
وعد :اصلا انتم اللي جالسين عندنا حنا نشوف التلفزيون ومافيه مكان ثاني فيه تلفزيون غير هنا بس السوالف تصير بأي مكان ..
هند :صادقه وعد حددوه قريب نبغى نستانس ونوسع صدورنا ...
وعد :امووووووووه ول مره احبك يا البارده ..
رجعت مشاعل تسألني ووقتها حسيت انها مو معنا تقول شي وتفكر بالشي ثاني ...
مشاعل :ماذا لوطلبت منه ان يختار هو الوقت المناسب ...
ضحى :اقول مشاعل انتي متأكده انك تبغين تتزوجين انتي وياه والله احس كل واحد منكم يرمي الخيار على الثاني لأنه مو مستعد احسن شي انتظروا لين تحسون اثنينكم ان الوقت مناسب ...
مشاعل :هل تنصحيني بذالك ...؟!
ضحى :أكيد .. دامكم للحين مو مستعديين ليش العجله ..بعدين خلفوه توه طالع من السجن ويمكن هذا يأثر على حياتكم خليه لين يرجع لحياته الطبيعيه وبعدين انتبهي يتزوج عليك انتي مو ناقصه شرشحه ..
وعد :اوووما اتحدى مايتزوج عليها انا مره سامعته يقول لعساف ...
قاطعتها قبل ماتقول أي شي كانت بتقوله ...
ضحى :وانتي من طلب رايك ... وصفت نقل الحكي هذي مأحبها ...
وعد :لا خليني أقولها اختي لازم انصحها..
ضحى :وعد انطمي قبل مأوريك الوجه الثاني ...
وعد :لا وجه ثاني ولاثالثه وهذي طمه ماراح اقول ولاحرف ....
ضحى :شي طيب وياليت تكملين جميلك وتقومين تذاكرين ...
وعد :وشوو لاحبيبي ماحزرتي نوف تترك الدراسه وانا اذاكر لاعيوني وربي ماراح امسك كتاب اليوم ....
ضحى :احسن ارسبي وشدوون تنجح وذاك الوقت بتعرفيين وش بيصير ...
وعد :ماهمني خليها تنجح هي تحب الدراسه انا مأحبها وكل واحد وقدراته ...
ضحى :والله من متى كبر العقل هذا ولا بس يطلع علي ...
((13))
قيس
هذي استخفت وبتجننه معها .. وش النظرات والأبتسامات اللي مصبحته فيها اصايره ولا ممثلة دعاية معجون أسنان ... ولاحركات نص الكم اللي طايح فيها لابسه بلوزه قصيره مع كل حركه ترتفع .... والكارثه جالسه تمسح الجدار اللي فوق التلفزيون من متى هالسنع مايدري ...
ماتحمل أكثر صدق يشفق عليها أحيان بس هي اللي تجيبه لنفسها له ساعه ساكت عن حركاتها هذي ماعاد يقدر يصبر بعد ...
قيس :ساره ورب الكعبه اذا مانقلعتي عن وجهي لا تصير ليلتك سوداء هالليله ...
سارا :حرام وش سويت انا والله ساكته ...
قيس :روحي لأي مكان ونظفيه وتكلمي على كيفك بس مو توقفين فوق راسي وتقلبينه لي وتقولين ساكته ...

**Loli.** · 29-12-2011, 03:44 PM

رد: بلا رقيب / لعاشقه ديرتها ، كاملة

سارا :طيب حاضر ..اووووووف .. لاتعصب ...
ماصدق انها فعلا طلعت من عنده جلس ربع ساعه بهدوء مندمج بالبرنامج اللي يشوفه ...
تنرفز يوم شافها داخله عليه بس قال يمكن تذكر تهديده وتهجد ... بس المصيبه كانت يوم جت وجلست جبنه ..
هو ليش جالس على كنبه مزدوجه كان جلس على كرسي لحاله ..
عاد اللحين ماتسكت كأن البرامج يتكلمون فيها بلغه ثانيه تطيح لها سؤال لكل حرف ينطقونه ...
سارا
ماشيه بالخطه بالملي والصانتي ... مع أني خايفه بس يالله على قولت الناس علي وعلى أعدائي ...
انا حالفه اجننه اليوم ... له يومين مرتاح اليوم بطلعه من طوره مأكون سارا اذا ماخليته يطق من الشقه من القهر ... جيت جلست جنبه على الكنبه .. بعد مرور دقايق كنت فيها هاديه عشان مايطردني ..
حسيت انه خلاص ناسيني تمددت على الكنبه وحطيه راسي على رجله .....
اوما شكله كأن انلسع بفولت كهربا...
ابعدت راسي بسرعه وجلست وبكل براءه سألته
سارا :وش فيه ...؟!
قيس :ليه تلمسيني فجأه روعتيني ..
اووما روعتك انت تتروع وحش ويقول روعتيني
سارا :حرام لاتكذب مالمستك ...
قيس :والراسك اللي حاطته بحظني وش تسمينه ...؟!
سارا:انت دايم تحط راسي بحظني وقفت علي يعني بعدين انا دايخه من اليوم اشتغل والمخده بعيده ورجلك موجوده ...
قيس :خلاص طيب حطي راسك لو تبين بجهنم بس مابغى اسمع صوتك ...
وحطيت راسي وبكل قوه .. اخخخ بس والله راسي اللي تعور وهو مأتوقع جاه اذى ...
عديت لميه بعدين حطيت خصل من شعري على وجهي وجلست انفخه عن وجهي ويرجع وانفخه ..
مرت فتره على هالحال لين لقيت نفسي طايحه على الأرض ...
طالعت بقيس اللي واقف فوقي ويناظرني بعيون الغضب ..
سارا :يامتخلف ليش ترميني .. ظهري انكسر ...
قيس :اذا صرت متخلف بيكون من تحت راسك ... انتي بتجننيني ...
رمى كلامه الأخير علي وتحرك للغرفه..
قمت بسرعه لحقته ...
سارا :تعال وين رايح ماخلصت كلامي اللحين تشوفني مجنونه الله يرحم يوم كنت تركض وراي لماكنت شوشو ...
لف علي يطالعني بعصبيه وانا ثبت مكاني مسويه قويه وداخلي اتمنى لو مالحقته وظليت مكاني على الأرض اتألم من العوار الوهمي يمكن كان بيشفق علي بس اللحين خربت كل شي بغبائي لاحقته بكل قوه وسببت لنفسي مدخل لعلقه ....
قيس :انا ماني قايل السيره هذي ماعاد أبغى اسمعها .. انتي غبيه تبغيني اذبحك عشان ترتاحين ...
ياجدار يالوووح افهمي السالفه هذي تجنني تثير أعصابي تخليني مستعد أقتلك وأقتل اللي خلفووك فأحسن لك اسمعي كلامي ..
سارا :حاضر والله مأعيد السالفه بس لاتظربني ..ظهري يوجعني توني طايحه عليه مايحتاج تظربني فهمت الدرس ...
قيس :لا انت ماتفهمني مايفهمك الا الظرب ...
قرب بيمسكني بس أنا هربت ...
سارا :تكفى قيس والله افهم بلييز لاتصيرر متوحش بعدين اسميك الوحش ...بلييز والله ظربك يوجع ...
قيس :لا ياحلوه لو ذايقة الظرب اللي يوجع ماكان هذا حالك ...
نطيت من فوق الكنبه قبل يمكسني ..
سارا :حرام عليك والله صار ظربك يسبب لي كوابيس ...
قيس :انتي اللي تتسبين لنفسك بالظرب ...
انقهرت منه... يطول يده ويبرر لنفسه بكل
سارا :كل ظالم وله يوم ..
قيس:لا وتقولين ظالم وماتبغين اظربك ..
سارا :ليه م ....
قطعت جملتي يوم شفته جاي لمي .. ماعرف اتصرف حاولت اهرب انزل من الكنبه بس من الربكه ماقدرت الخوف ماخلالي فرصه طحت جالسه عليها وهو واقف قدامي وحاط يديه الثنتين على ظهر الكنبه ...
ناظرته بخوف .... وترجيته..
سارا :تكفى لاتظربني ...
قيس :قلت لك مشكلتك ماتفهمني الا بالظرب ...
هزيت راسي بالنفي
سارا:والله كذب أنا افهم انت قول وشوف افهم او لا ....
سحبني مع يديني وحطهم ورى ظهري ولف ظهري له ...
قيس :كذا نتفاهم عشان اضمن ان كلامي يوصلك وبنفس الوقت اضمن انك ماتهربين لأنك لزجه ماتمسكين .. وماتسمعين الا اللي تبغين ..
سارا :طيب بشويش عورتني ولاتقرب من اذني اسمعك بدون ماتكلم فيها ...
قلت أخر كلمه بقرف لأني أكرره انفاسه على اذني ...
قيس :اسمعيييني بس ...
سكت يالله بسمعه ...
قيس :سارا تسمعيني ...
سارا :انت تبغاني اسمعك او ارد عليك ...
قيس :سارا انتي تفهمين ...
سارا:افهم بس فك ايديني ...
كنت احس ايديني مشدودات لجبل مو أنسان ماسكهم ...
قيس :لا لو فكيتك ماراح تسمعين أنا اعرفك سارا ...
سارا :طيب تكلم بسرعه خلصني ..
قيس :انتي ليش ماتفكرين بالكلام اللي اقوله لك ليه ماتسمعيني بعقلك ليه ماتحاولين تفهميني ليه كل تصرفاتك غبيه ...
كل شي سمعته وبلعته الا الكلمه الأخيره ماتحملتها .. ركلته مع رجله بكل قوة...
سارا:لاتقووول غبيه ياحماررر ...
لا وش قلت أنا بيذبحني ...شد علي يديني بقوه وتكلم بغضب عند اذني ..
قيس :الا غبييييه ... سارا الكلام اللي قلته لك طول الشهرين اللي فاتوا .. لو الجدران تنطق نطقت وقالت انها فاهمته بس أنتي ..لا..
وحسيت نفسي اخير طليقة ...
بس يافرحه ماتمت رجعت حبيسة الكنبه ...ويدينه على كتوفي ملصقتني بالكنبه ....
قيس :شوفي ناظريني حطي عينك بعيني وقوليلي انتي غبيه او تتعمدين تكونين غبيه ...
يمه ياويلي هذا وصل قمة الغضب ياخوفي صدق ينفجر اليوم بركان غضبه ...
لو بسفهه ومأدري عليه مليون بالميه ماراح يتركني بحالي بس لو رديت ممكن اخفف من الوضع ...
سارا :والله مأتعمد بس انت تفكر بالطريقه وانا بالطريقه ثانيه ...
قيس :لا السالفه مو طريقة تفكير انتي تعمدين تقفلين عقلك عن الكلام اللي أقوله ...كلمة لا عندك يعني نعم ... اظربك وتعذرين وانتي قصدك انك بتزيدين جرعة الهبال والتخريب ....
يالناس كتوفي تحولت لطحين ...
قيس :افهمي أنا انسان ماتحمل الغباء والهبال الزايد ... اعصابي ماتتحمل انسان غبي ... لو تبغين تحافظين على حياتك ... تصرفي كأنسانه عاقله .... تصرفي بطريقة وحده بسنك ...
سارا :طيب والله بسوي اللي قلته بس وخر ايديك عني حرام عليك كتوفي تحولت طحين ...
وياليتني ماقلت الكلمه صرخ بوجهي
قيس :شفتي انتي عمرك ماراح تعلمين ..... انا جالسه اتكلم معك بكل صراحه وانتي فاضيه لتشبيهاتك الغبيه ...انا بديت اشك بسلامت عقلك احيان كثيره اوديك لمستشفى افحص عقلك ...
لا هذي قويه كيف اسكت عليها بس اخاف لو تكلمت فعلا تصير نهايتي التعيسه اليوم ...
سارا :بس افحص عقلك قبل ...
حسيته هدا يوم قلت الجمله بس مو كثر الهدواء اللي نزل علي ... حسيت بداخلي تنفجر براكيين الحزن والقهر اللي عشته طول عمري ..
قيس :ليه وش ملاحظه على عقلي ...
سارا :يعني انت مو شايف نفسك كيف تصرف ...
وغصيت بالكلام قبل مأقول ...
سارا :ونسيت كيف كنت تظربني وانا صغيره بدون سبب ..
وجلست أبكي .. دايم لتذكرت طفولتي أبكي .. لأنها كانت اتعس من التعاسه بفضله ...
كنت ابكي واناظر فيه .. حسيته مصدوم مشفق .. مو عارف وش يقول..
قيس :ليش تبكين أيام وراحت وكنا بزران ... ليش تحملين الموضوع اكثر من قدره ....
دزيته عني وقمت ...أكثر شي يقهر الأنسان الحزين ان اللي قدامه يهونون حزنه بطريقة تصغيره وانه مايسوى ...
سارا :لا ماكنا بزران ..والموضوع كبير .. انت اللي تبغاني اتكلم بعقل ...
تدري ليش انا خبله وهبلا على قولتك بسببك انت .... انا لو ماكنت هبلا وخبله ومأخذه الدنيا لعب ماكنت عايشه للين اللحين ...
شهقت بقوه حسيت اني ارجع للأيام زمان واحزان الطفوله ..
سارا :عشت طفولتي كلها حزينه العب وأنا حزينه انام حزينه وخايفه ومرعوبه من الوحش ... بالليل مأقدر افتح عيني بالظلام لأني اخاف اشوف الوحش ... بالنهار مأطلع لحالي بالشارع عشان مايجيني الوحش ... مأقول بكره بسوي او لكبرت بسوي ..لأن كان عندي احساس ان الوحش بيقلتني قبل مايجي بكره وأكبر ...
كنت دموعي اللي تنزل مثل المطر تضايقني بس ماراح امسحها خليها تنزل بخليها تذكرني كيف كنت انام كل ليله وهي على خدي ورجعت انام كل ليله وهي على خدي ...
سارا :مهما فكرت بمقدار الرعب اللي كنت مسببه لي ماراح تستوعبه لأنك ماكنت الطرف الضعيف ...
صرخت بقهر ..
سارا :فيه شي واحد بس أبغى افهمه ليش تستقوي علي وتظربني وش معنى انا ...
حاول يمسكني مأدري وش فاكر يحسبني انجنيت مثلا ..
سارا :لاتمسكني وخر ايديك عني انا مو مجنونه مثل تقول رد علي وبس وش معنى انا ....
قيس:سارا طيب اهدي عشان اقدر اتكلم الانفعالات هذي بتخليك مو قادره تفهمين كلامي ...
هزيت راسي بقوه بنفي ..
سارا:لا أنا افهم مو مجنونه مثل ماكذبت الكذبه وصدقتها ...
سحبني وجلسني غصب وهو يقول
قيس :انا ماقلت مجنونه ..سارا أنا مأعتبرك مجنونه .. ويوم أقولها مأقصد الكلمه بمعناها يعني مثل يوم تقولين لي وحش اكيد انتي ماتقصدين معنا الكلمه ... والكلمات اللي تطلع وقت غضبي أنا مأكون قاصدها ...
سارا :الا اقصدها انت ووووووووحششششش ... تعرف وش معنى وحش ...
وقمت بسرعه على الحمام وتخبيت فيه ...جلست ابكي حتى حسيت بيغمى علي من التعب ....
بس ماني قادره اوقف احس بكائي هذا مو على حالي اللحين على حالي قبل ... حال سارا المظلومه قبل مأعرف كيف اعيش حياتي باسلوب التطنيش ... قبل مأعرف اني اقدر اصير قويه وانسى ضعفي ...
بس اللحين رجعت لهالحاله بسبب الذكريات وبسبب الطريقه اللي عاملني فيها قيس ...
رجعت سارا الضعيفه اللي ماتعرف كيف تأخذ حقها وحياتها كلها سواد بسواد ...
ماعندي أحد يفرح لشافني مبسوطه بالعكس هو يستغرب لشافني باطسه نفسي بنفسي يبغاني مقهوره وضعيفه للطريقة اللي عاملني فيها مايبغى يكون عندي اكتفاء بنفسي يبغى يظربني وينكد علي وانا كل اللي اسويه اتضايق واموت قهر وبكاء ...
صعب صعب استمر كذا بموت لو بقيت اكثر على هالحاله ...

((14))

ضحى

ثلاث أيام بدون أي وجود له لامكالمات ولاحتى رسايل ... لين اليوم الرابع وصلني منه مسج ...
صدمني محتواه (( تعالي ضحى ... انا محتاجك المرض بيذبحني ))
كان باقي من الأسبوع اللي حددته لرجعتي ثلاث أيام ثانيه بس شنطي جاهز وحمودي وشدن جاهزين يعني أقدر أروح اليوم ..
لا وش اروح اليوم ... وش فيني ماني عارفه أفكر ...
يعني ماصدقت ارسل اروح له وكني انتظر بس هالخطوه منه ..
فيه شي بداخلي يبغاني ارجع عشان يأكدلي انه مامل مني مثل ماستنتجت ...
بس عقلي مستحيل يأخذ هالقرار ... اروح لعساف عشان يكتشف الضعف اللي صابني ومخليني ماني عارفه وش أبغى من الحياة ...
سحبت حمودي وفكيت لفته ورجعت الفها من جديد ...
وش فيه عساف ليه يقول مريض معقوله وحده من حركاته الغبيه ...
بس وش يضمني مايكون مريض صدق ...
عاد هو مايعرف يتصرف لو تجي كحه عفسته .. كيف لو مرض صدقي ...
عطيت حمودي رضعته ورجعت اقرأ المسج ...ارسله اسأله وش فيك ...؟!
لا بطنشه مثل ماهو مطنشني ...
ياربي وش افكار المراهقين هذي اللي تطلع معي ...
ضحى :استغفرالله العظيم ..
هدهدت محمد وانا اقول ..
ضحى :نام ياماما نام امك انهبلت ..
ماأدري كيف صبرت لين مرت الثلاث أيام علي خير كنت كل يوم اقول خلاص بروح ... ولا أمسك الجوال اقول بدق عليه بس الحمدلله اني الصبر متأصل فيني ولاكان من وصلتني الرساله وأنا رايحه له ...
مر اليوم الأخير بدون اتصال او رساله منه وجاء عشاء اليوم اللي بعده بدون أي خبر عنه ...
مثل ماكنت مقرره أخذت شناطي وعيالي ورحت له البيت واخذت الشغاله بعد معي اكيد البيت معفوس ويبقى له ترتيب وانا مافيني شده ...
من باب الشارع لين داخل البيت كان الترتيب والنظافه واضحين .. ويوم دخلت البيت تأكد لي هالشي معقوله عساف يتوقع اني بجي اليوم ومرتب البيت بس اكيد مو هو جايب احد يسوي هالشغل ...
قالت شدن اللي دخلت تركض قدامي
شدن :الله وناسه اخيرا رجعت لغرفتي ... بابا وين ...اروح اشوفه بغرفته ..
وراحت تركض قبل مأرد عليها...
قلت للخدامه ...
ضحى :دخلي الشنط وفرغي الملابس منها ورتبيها وبعدين روحي نامي خلاص مافيه شغل ...
جلست بالصاله وحمودي بسريره على الأرض نايم ...
تأخرت شدن معقوله لقت عساف ودرى انا جينا وجالس داخل وماطلع .. ناديتها بصوت عالي وجتني ..
ضحى :وينك لقيتي ابوك ..
شدن :لا موفيه بس لقيت أغراض كثيره وأشياء بغرفته ..
تأففت وينه هذا قسم بموت من رفعة الضغط ..
ضحى : طيب شغلي التلفزيون خلينا نشوف شي نتسلى فيه ..
شدن :بشوف ثري ..
هزيت راسي بايه بدون مارد عليها ..
ماراح اتصل عليه .. يعني مو كفايه مطنشني لاأتصال ولاشي ولاحتى جاء يأخذني من البيت ..
وهو عارف أن اليوم برجع له ... وكل شي يشهد على ذا ... واللحين جايته بنفسي وماألقاه بالبيت ...
جلست نص ساعه او يمكن اكثر وسط هواجسي وأفكاري ...
ماحسيت الا بصرخة شدن ...
شدن :بابا حبيبييي ...
وطارت له ... كان عساف بسيب المطبخ أنا مأشوفه بس شدن كان تقدر تشوفه ..
ماجاء على طول دخل هو وشدن المطبخ اسمعه يتكلم معها ويضحكون ... ماشاءالله عليهم من متى هالحب سبحان مغير الأحوال ...
ماني قادره اجلس مكاني شوي افرك بيديني شوي أقوم جالسه لين بالأخير بكى حمودي شلته على دخلت عساف ... جلست اهز حمودي وأمشي فيه شوي وكان عساف جنبي ..
سحب حمودي ...
عساف :هلا والله بعد قلبي .. كيفك حبيبي ...يه يه وش هالعيون وش هالخشم .. ماشاءالله طالع مزيون على أبوووك ...
ماشاءالله كل الترحيب لولده وأنا ولاكأني موجوده ... قلت وانا اهز رجلي بقهر ..
ضحى :ليش ماجيت تأخذنا ..؟!
عساف :هذاكم جيتم بدوني ..
وكمل سوالفه مع ولده .... وشوي مع شدن وأنا ولاكأني موجوده ماقدرت استحمل .. سحبت شنطة الرضع حقت حمودي ورحت غرفتي .. رميتها على السرير بقهر وجلست .. لقيته واقف على الباب وشايل معه حمودي ..
عساف :وش فيك ...؟!.. متهاوشه مع خواتك كالعاده ..؟!
درت بعيوني بالغرفه وانا ارد عليه
ضحى :مافيني شي ..
انتبهت على مجموعة صناديق كبير مغلفة على التسريحه .. ماكانت موجوده قبل ...
ركزت عيوني عليها وأنا اهز رجلي ...
عساف :طيب ماتبغين عشى قلت لكاتي تجهزه ...
اخذت منه محمد وقلت له
ضحى :لنيمت محمد جيت ...
ناظرت فيه للحين واقف كان يناظرني بتركيز سألته ..
ضحى :فيه شي ..
عساف :لا ولاشي بس لاتأخرين ...
نومت محمد اللي ماكان يأخذ وقت بتنويمه وطلعت للصاله ....
على الطاوله مجهز العشاء .. شكل عساف متكلف فيه ..
جلست وجت شدن تجلس ...
ضحى :وين أبوك ..
شدن :راح للمطبخ ..
شوي دخل علينا عساف ومعه كوب مأدري وش داخله وجلس قدام التلفزيون ..
سالته
ضحى :ماراح تعشى ..
عساف :لا مأقدر تعشوا انتم ...
تصنعت عدم الأهتام وهزيت راسي بتفهم ... وبديت أكل ...
بعد العشاء شدن اللي متحمسه تنام بغرفتها بسرعه راحت تنام .. وكاتي تنظف المطبخ ...
وأنا رحت للغرفه تحممت وغيرت ملابسي ونمت ...
صحيت على بكاء حمودي .. ياءالله وش فيها هذا اخذته من سرير ونومته جنبي فكيت لفته ...
ضحى :حمودي ايش فيك بس نام ..
كانت دايخه مأدري وش يبغى منى ... بعد شوي تذكرت أكيد جوعان وين اسوي له رضعه اللحين ماجهزت عندي مويا دافيه ...
اووه ياحمودي هذا وقتك ... رجعت لفيته وحطيته بسريره وهو يبكي ...
وطلعت من الغرفه مأشوف شي وش الظلام هذا ...
حطيت مويا على النار وجلست على الطاوله وسندت راسي بيدي ...
ثواني وصوت المويا يغلي ...عبيته بزمزمية حمودي وأخذتها معاي وطلعت من المطبخ ...
حسيتني بظرب شي الدنيا ظلام ماني شايفه شي بس عندي احساس ان فيه شي قدامي وقفت وأنا احس صوت انفاسي عاليه .. بس لحضه هذا مو أنا ... سألت بثقه ..
ضحى :عساف ...
:ياقلبه وعيونه ..
حطيت يدي على قلبي وشهقت بقوه ..
ضحى :حرام عليك ليه تسوي فيني كذا ...
مافيه رد رجعت انادي عليه مافيه رد ... بجد انهبلت رحت للغرفه بسرعه فتحت النور مالقيت احد بالصاله ..
ليه عساف سوى كذا ....
دخلت وقفلت باب الغرفه سويت لحمودي رضعه شربها ونام ...
جلست افكر بحركة عساف ليه فجأه تكلم وبعدين اختفى .. انقهرت اخذت جوالي وارسلت له ..ان الحركه اللي سواها سخيفه ... ونمت ...

نهاية الحلقه

**Loli.** · 21-01-2012, 02:08 AM

رد: بلا رقيب / لعاشقه ديرتها ، كاملة

الحلقة الرابعه والخمسون
((1))

سارا

صحيت من النوم بعد العصر ياءالله نمت أكثر من 16 ساعه ...
ماقدرت أرفع راسي عن المخده لأني احس بصداع فضيع ...
بديت أتذكر اللي صار أمس ... وتذكرت شي خلاني اجلس بقوه وسط السرير ..
تذكرت كيف قفلت باب الشقه من داخل وتركت المفتاح فيه اكيد قيس ماقدر يدخل
هذا الكلام كان أمس الساعه 12 بالليل بعد ماطلعت من الحمام اللي قضيت فيه فوق الساعتين وأنا

ابكي
لما مالقيته بالغرفه ولا بالشقه كلها .. كنت مقهوره منه ومأبغى اشوفه وكان اسهل حل أني اقفل

باب الشقه
توقعت اني بصحى على الفجر وبفتح له الباب .. ياءالله كيف راح دوامه اللحين أكيد بيسبب لي

مشاكل وأنا مو ناقصه ...
قمت أصلي الصلوات اللي فاتتني ياكثر مايفوتني وقت الصلاه اخرتها بيموت قلبي من الأهمال ..
بعد ماصليت طلعت من الغرفه ...
سمعت صوت طق على الباب ... هذا أكيد قيس أروح افتح او شلون ...
مشيت بهدؤ وكأنه واقف ورى الباب وحاط أذنه عشان يسمع صوتي ...
قربت من الباب سميت بالله وفتحت الباب ..
كان قيس جالس على السلم اللي يطلع لطابق اللي فوق وبيده علبة مويا وقدامه كيس فيه علب مويا

...
قفلت الباب مأدري ليش بس كنت خايفه .. طلعت المفتاح منه يعني يقدر يدخل ....
وهربت للمطبخ اصلا انا مو خايفه منه ولسى مانسيت الموقف اللي صار أمس ..
فتحت الثلاجه طلعت عصير ..وأخذت لي كأس أسكبلي فيه ..
دخل قيس علي المطبخ كان بثوب مبهذل ورافع يدين ثوبه وبدون شماغ ...
سلم مارديت عليه لفيت وجهي للجهه الثانيه ...
لفيت بطلع كان واقف بوجهي ويظرب بعلبة المويا اللي بيده جنبه ...
قيس :يعني افهم من الحركه هذي عقاب ..
ماحبيت ارد عليه .. لأني مو طايقته ..
جيت بطلع بس سحبني مع ايدي بقوه
عرفت أكيد بيظربني ..
بس لقيته يضمني ...
قيس :للحين زعلانه ..؟!
تنرفزت منه ماني طايقته جاي يظمني ...

&
قيس
بعد ماطلع من الشقه ندم أنه طلع وتركها بذيك الحاله تبكي بالحمام ..رجع بعد ساعه بس

واجهته الصدمه ماقدر يدخل لأن الباب مقفل والمفتاح فيه من داخل
والغلطه غلطته لأنه مأخذ المفتاح مثل عادته وقفل الباب عن نفسه وبقى محجوز برى دق على

الجرس ودق على الباب ألف مره بس مافيه رد ..
أكيد نامت .. ولايمكن للحين بالحمام ... أفكار مره مزعجه له ...
جلس ساعه وساعتين وثلاث قدام باب شقته وماهو قادر يدخل ...
لما طلع الصبح قرر يروح لبيت أهله ويرجع بعدين وأكيد صحت ...
من قبل الظهر بالساعه وهو واقف قدام الباب ماتركه الا مره نزل فيها يأخذ له مويا وغيرها

ماتحرك ..
ماصدق لما فتحت الباب حس براحه وكأن مويا بارده انسكبت عليه ..
ماعطته فرصه حتى يشوفها .. دخل وتوجه للمطبخ بعد ماسمع حركتها فيه ..
كان تصرف بتطنيش له .. حركاتها الطفوليه المعتاده ...
لو بس تعرف كيف هي شفافه قدامه ...
ضمها بحنان على صدره ... وهو يسألها ...
قيس :للحين زعلانه ..؟!
ضحك لما حطيت يدها على صدره تدفعه عنها ..
قيس :طيب خلاص قولي فكني وأفكك ماله داعي الخشونه ..
بس قال هالكلمه حس بشي بارد ينزل على رجله ...
دفعها عنه وهو يناظر لرجله بذعر مايدري ليش سوى كذا مع أنه حس ببرودة الشي اللي انكب

عليه ...
سارا :واللحين ممكن تطلع لأن المدرسه بتجيني ...
طالع بملابسه المعدومه من تحت بسبب عصيرها اللي كبته عليه ...
قيس :ماتوبين على طولت اليد ..
سارا :لما تتوب أنت قبل ...
هز راسه بتعب ...
قيس :يعني ماخلصنا من هالسالفه ... بس أوعدك اليله خالصين منها خالصين .. اللحين

بروح أنام خذي راحتك انتي والمدرسه ...

((2))

سارا

طلع من عندي المصخره وجلست أعملي ساندويش أكله قبل ماتجي المدرسه ... عاد اللحين

بتنشب
لي ذا العله وش صار معك وش سويتي .. وعلى قولتها انا حشريه تعترف هي ووجها بعد

...
رجعت أخذ لي عصير بدال اللي خسرته بسبب قيسوه ...
ماوحى لي أقفل باب الثلاجه الا والجرس دق ..اوووووف جات هذي موقته بالدقيقه والثانيه ..
نزلت اللي بايدي وطلعت افتح لها الباب ..زين أني لابسه من قبل ولاتوهقت ..
فتحت لها الباب ...
نجوى :مرحبا حبيبتي كيفك ...؟!
سارا :اهلين طيبه ..تفضلي أدخلي ..
ردت علي وهي تسبقني للغرفه اللي متعوده ادخلها فيها ..

**Loli.** · 21-01-2012, 02:45 AM

رد: بلا رقيب / لعاشقه ديرتها ، كاملة

نجوى :اكيد حتفضل وش سويتي بالأمتحان ..
سارا :يعني خبصت ...
مادري كيف نسيت وقلتها اللحين بتذبحني ياويلي..
كنا وصلنا الغرفه ...فصخت عبايتها ورمتها على بعصبيه ..
نجوى :كيف يعني خبصتي ..؟!
خفت منها ..ورجعت على ورى ..وقلت بأرتباك
سارا :وش أسوي تهاوشت مع قيس وماقدرت اذاكر زين وأثر على تركيزي لماجيت أحل

بالأمتحان ..
ياحليلي والله اعرف انصب بعد ..
نجوى :ايش كيف تهاوشتوا توك امس متصله علي تقولين بنتفذين الخطه ...
سحبتني مع يدي تجلسني ..
نجوى :اجلسي خبريني وش صار بالتفصيل ...؟!
طالعتها بتساؤل
سارا :بتفصيل بتفصيل ..؟!
نجوى :ايوه بالتفصيل بالتفصيل ...
وطلعت من شنطتها شيبس كبير وجلست تاكله ... حشى بتابع فيلم هي ..
جلست أقول لها اللي صار لين أخر حدث صار مواجهتنا قبل ماتجي ...
سارا :ولاتجلسين تبررين لي لأن خطتك مانجحت .. اقولك اللي عندي وحش ماينفع معه أي

شي ...
نجوى :لاحبيبتي الخطأ مو فيه الا فيك اللحين كان لازم تخربين شغلنا وتذكرين الماضي ومأدري

ايش
اللحين انتي بترجعين صغيره يوم جالسه تحاسبينه على شي كان يصير ذيك الأيام ...
سارا :ايش أسوي مقهوره منه ...
نجوى :طيب وش فادك قهرك فيه .. اللحين مأستفدتي شي بس حستي الدنيا
أنقهرت منها مره تقول انا الخطأ ومره ثانيه تقول حست الدنيا...
سارا :بكيفي دنياي وأنا حره فيها ..
نجوى :لاحبيبتي مو حره .. دامك دخلتيني بالموضوع مو حره وأنا مستحيل احشر نفسي

بالشي ويخرب لازم اخليه ينجح...
سارا :اوووف انتي عندك أمل اقولك هذا وحش ماينفع معاه شي ...
نجوى :وحش ديناصور شبح مو مهم أهم شي أنا انجح ...
سارا :اختبار هو المهم انتي تنجحين ..
نجوى :أيه اختبار .. واختبار سهل جدا بس لو أنتي تلينين وتفتحين عقلك شوي ..لأني بنجلط

من كثر ماعقلك مقفل ...
جالسه تهزأني هذي ...قلت بقهرها ..
سارا :أنا عقلي مو مقفل بس الموضوع مو عاجبني ..
نجوى :ياحبيبة قلبي مو لازم يعجبك أهم شي نتايجه بتحقق لك اللي يعجبك ...
تبون الصراحه أنا عارفه ومتأكده أن نجوى تأخذني على قد عقلي ...
سارا :أنا خلاص ببطل الحركات هذي مأستفدت منها الا المشاكل ...
نجوى :تدرين مشكلتك ان عقلك مقفل .. يعني للحين مأنتي فاهمه ليش عصب ....
سارا :لا كيف بعرف داخله بمخه أنا ..
نجوى :اللحين أنتي طبقتي كل حركات الفيلم ...
سارا :ايه كل التميلح اللي فيه سويته ..
نجوى :ومافهمتي للحين ليش عصب أنتي اللي داخل راسك هذا وش ...؟!
سارا :اووووووووف انتي لاتسوين انك فاهمه كل شي ولو فاهمه قولي ليش بدون لف ودوران

...
نجوى :اللحين مو تقولين انكم منفصلين ...
طلعت عيوني من مكانها ...
سارا :وش منفصلين غبيه انتي لو منفصلين بعيش معه بنفس المكان ومسويه فيها فاهمه ومعقوله

مافهمتي معقوله مافهمتي وانتي اللي مو فاهمه شي ..
نجوى :ياربي انتي ليه ماتفهمين اقصد موهو قالك أنه بتبقون زي الأخوان لين تحسين نفسك

راضيه بالحياة معه ...
سارا :الا قال ..
نجوى :طيب انا اقصد منفصلين من هالناحيه ...
سارا :ايوه اقولك قال بس مو معناتها انه نفذ ...
نجوى :يعني ماألتزم بكلامه ...
سارا :لا ..
نجوى :نفس المعنى هذا مايغير شي ..
سارا :مايغير شي بالنسبه لأيش ..
نجوى :للحقيقه اللي أنتي موفاهمتها .. ياحبيبتي هو لما يعصب لأنه معجب فيك
وعصبيته ردة فعل عكسيه عشان مايكشف لك انك وصلتي للي تبغينه ...
شوفوا الغبيه هذي كيف تفكر والله كنت عارفه ماعندها سالفه
سارا :حبيبتي هذا الوحش وش اللي معجب فيني ..
نجوى :حبيبتي حتى الوحش عنده مشاعر ...ومأبغى اتعمق أكثر ...
سارا :تعمقين درس تاريخ هو ..اسمعي مو عشان حليتي كم مشكلة لجاره من جاراتك صرتي

فهيمة زمانك ..
نجوى :ومن قال لك انهم كم وحده حبيبتي أنا بالبدايه حليت مشاكل نفسي بعدين جاراتي بعدين

طالباتي ... انتي مو أول تجربه لي ودايم
لازم انجح وعلى فكره انتي من أسهل الحالات اللي واجهتها ...بس مشكلتك عنيده ..
قلت أتمصخر عليها ..
سارا :طيب يادكتوره نجوى ..
نجوى :لاخليني اللحين أبله نجوى وطلعي كتابك العلوم خليني أشوف وش وراك ...
وجلست ساعتين تشرح لي لين خلصت الجزئيه اللي كانت بتدرسها لي ...
قالت وهي تقفل الكتاب ...
نجوى :يالله معاي ساعه قبل مأطلع للبيتي أرتب فيها امورك ..
بدينا بالغثا الله يعين ...
نجوى :اول شي طلبتي منه جوال ...؟!
سارا:طبعا لا أصلا ماعطاني فرصه أطلب
نجوى :والله بتجننيني أنتي وش الفرصه اللي تنتظرينها عشان تطلبين ..
سارا :الفرصه المناسبه يعني مثلا يسألني تبغين جوال ..؟!
نجوى :ياحبيبتي ياقلبي أنا مو قايله لك انتي تصنعين الوقت المناسب ....لأن مافيه شي اسمه

وقت مناسب
انتي اللي تختارين الوقت وتخلينه مناسب ...
حسيتها بدت تفلسف
سارا :رجاء أرجعي كلميني على قدي بدون فلسفه ...بعدين ليش أطلب جوال وعندي الجوال

الكسره اللي أنتي جبتيه لي ..
حسيتها عصبت لما قلت كسره
نجوى :أنا جبته كسره عشان ماتعتمدين عليه وتطلبين يجيب لك جوال وهذا حق من حقوقك الكثيره

اللي أنتي مفرطه فيها بضعفك .. هو أخذ كل حقوقه وانتي ولاحق لك حصلتي عليه ...
أعجبتني يوم انقلب وصارت بصفي ..
سارا :طيب وش رايك نسوي له عمل
طالعتي بأندهاش
نجوى :عمل ايش
سارا :ذاك اللي قلتي عنه
نجوى :يا**** انا كم مره قلت لك ان ذاك اختبار لك بشوف انتي من اي نوع من الناس عشان

احط ثقتي فيك
سارا :الله اعلم من اللي المفروض يختبر الثاني ..يالله كملي نصايحك اللي مأدري وين بتودينا

&

قيس
صحى بعد ساعتين على منبه الجوال ...
بعد ماتوضى طلع يصلي بالمسجد ورجع بعدها تعبان بس مافيه وقت ينام لأن صلاة العشاء بعد

ساعه ...
استغرب أنه مالقى سارا بالصاله على التلفزيون لأنها العاده ماتصدق تطلع من عندها المدرسه

مباشره للتلفزيون ...
جلس شوي بعدين قام يبغى يشوفها لكن ماراح يكلمها بالموضوع لأنه مانام زين ومتنرفز وهو

يبغى يكون هادي عشان الموقف ينتهي بنتيجه أيجابيه ....
قبل مايدخل عليها الغرفه توقف لأنه حس بوجود شخص ثاني معها .. اللي هو المدرسه ..

وقبل مايتحرك من قدام الباب ....
وصل لسمعه شي خلاه غصب يتوقف يسمعه ....صدمه ...
ذهول ..
وبدون مايفكر ... طق على الباب بقوه ..
طلعت سارا:خير وش تبي ..
قيس :خلي الزفت اللي عندك تشيل قشها وتطلع ...
كان يقول بصوت غاضب عالي متعمد ...

سارا
انرعبت يوم شفت عصبيته ...
قلت له بسرعه ..
سارا :طيب اللحين اقولها
دخلت للغرفه وتسندت على الباب ..وقلت بصوت هامس
سارا :اطلعي بسرعه اتوقع سمعتي الطرده وعساك تعرفين وش هو الوحش وماتلوميني ..
ضحكت على شكل نجوى المصدوم
نجوى :طردني
سارا :لاحبيبتي حلف انك تعشي عندنا ايه طردك ياقلبي هذا البع بع وحشي العزيز يطردك ويطرد

اللي خلفوك ...
يالله فارقي قبل مايدخل ويسحبك من عبايتك ويرميك من السلم ...
نجوى :لاخلاص والله بطلع وين عبايتي
قالتها وهي تدورحول نفسها ....
ضحكت كثير على منظرها وبنفس الوقت خايفه لأنه قيس رجع يطق على الباب بعصبيه
طلعت له
سارا :خلاص قسم بتطلع .. بس تلبس عباتها .. ولو سمحت ابعد عن الطريق روح

للغرفه لين تطلع ...

**Loli.** · 21-01-2012, 02:48 AM

رد: بلا رقيب / لعاشقه ديرتها ، كاملة

قيس
دخل الغرفه على طلبها وهو يغلي من الغيض من وين طلعت له هالمدرسه بعد
هذي أكيد شغلتها تخرب بيوت وهو اللي ظن فيها خير لأنها سعوديه طلعت أخبث من اللي
خايف منه... والخبله هذي أكيد قايله لها كل أسرارهم ...
جلس على أعصابه لين سمع باب الشقه
طلع لها وهو معصب ...
قيس :أنا ماني مصدق انك غبيه ومتخلفه لدرجه هذي ..
سارا :لحول وش سويت أنا ..
مسك أعصابه يوم تذكر هوشتهم أمس ...
مايبغى يوتر الأوضاع أكثر بس اللي سمعه واللي حصل مصيبه أكبر
قيس :المدرسه هذي ماعاد ابيها تجي بيتي بدور لك وحده غيرها ...
سارا:ترى انت اللي جايبها ولا أنا وش عرفني ...
قيس :طيب أنا اللي جايبها وأنا اللي بغيرها .. اصلا انت وش لك بالدراسه لو تجلسين بالبيت
أبرك ...
سارا :انت بس تبغى تحجزني بالبيت مو كفايه حارمني من خواتي ..
نطق بنرفزه الفكره اللي تدور بباله
قيس :لأنك غبيه وماتعرفين تعيشين وسط المجتمع ...
تضايق من دموعها اللي نزلت بسرعه لأنه كان حريص مايجرحها
بس للأسف حقق اللي خايف منه وبسرعه غير متوقعه
اصلا هي من امس صايره حساسه بشكل غير طبيعي
بدت تبكي وتكلمه بصوت مرتفع
سارا :أيه انا غبيه ومتخلفه ليش تزوجتني طلقني اللحين ...
وكان بداخل نفسه يقدر يكمل جملتها أكرررهك طلقني ..
سارا :اكرررررررهك طلقني ...
كانت الكلمه قبل ماتعني له ولاشي غير أنها كلمه تقليديه
لكن اللحين بدا يحس بالملل منها ويكره سماعها على لسانها...
لازم يحط حد لهالكلمه ... والحد أنها تعرف كل شي ..
قيس :يعني للحين مافهمتي ليش تزوجتك ...
سارا :لا ماني فاهمه ... فهمني ليش ...؟
قيس :لأنه لازم اتزوجك ... وليش لازم لأنه من كنت صغيره وانا مربوط فيك ... ليش
لأن امي تبغى تزوجك لي وملاك لجابر ...
عشان يكللون صداقتها هي وجدتك ويخلونها قرابه ...
سارا:لا تكذب جدتي ماقالت هالكلام .....
قيس :لا مأكذب هالكلام صار ...
سارا :لو صدق ليش جابر ماتزوج ملاك ...
بلحظتها مايدري كيف زل وقال الجمله المحرمه اللي عمره مافكر ينطقها لأن الموضوع هذا ياما
موته قهر ...
قيس :وأنتي عادي عندك يتزوجها..جابر!!! ...
سارا :ليش ماتزوجها
قيس :وانتي عادي عندي يتزوجها ..؟!
سارا :ماتزوجها لأنك كذاب مافيه كلام مثل هذا
قيس :الا فيه وماكان كلام كان حقيقه وجابر ماتزوجها لأن عادي عنده يعصي أمي بس أنا لا
مأقدر
... مأقدر أرفض لأمي طلب لو على حساب نفسي ...
سارا :وأمك كان لازم تلزقني فيك اووووووووووف منها ...
كان يرتجف من الغيض لأنه صرح بشي من زمان يخفيه داخله ومقفل عليه ...

سارا
كنت ميته قهر لما اكتشفت اخيرا وش سبب زواجه مني ماتوقعت أن أمه عجوز بليس لها يد بسالفه
...
سارا:وأمك كان لازم تلزقني فيك اووووووووووف منها
خفت لماشفت العصبيه على ملامحه ...
كملت لما شفته مامد يده او علق ..
سارا :وانت لازم تسوي فيها البار بأمك ..
جلست بعد ماكنا متواجهيين ...
سارا :وش فيها يعني لو تزوجت وحده ثانيه ...
حسيت الموضوع غبي جدا ليش طاع أمه يعني وهي ليش أختارتني له اوووف منها بجد مصيبه
هالعجوز هي وجدتي مسويات فيها بنكون قرايب
وعلى حسابي أنا وأختي اشوى أن ملاك فلتت منها وماتورطت بثقيل الدم ..
بس هذا وش عنده يلمح مستحيل يكون داري عن أيام خبالي وأعجابي بجابر ...
أكيد قصده اني مأبغى ملاك تزوج أخوه ... شي طبيعي مابغاها تزوج وتخليني ...
بس هذا وش دراه صاير مثل ملاك يعرف وش أفكره فيه ...
ماحسيت أني سرحانه عنه وهو يتكلم ...
لين حط ايده على كتفي وهو يقول
قيس :وعشان كذا كنت اظربك ...
سألت ببلاهه رغم أن كلمته شدتني بقوه
سارا :ايش ..؟!
هز راسه بأستنكار ..مثل اللي يقول مجنونه ..
قيس :ولاشي...
كان بيقوم بس مسكته مع يده مستحيل اخليه يروح بعد ماكشف لي أخيرا سبب ظربه لي...
حسيت انه ماراح يعترف لين اوضح له ان عندي رغبه اصدقه ..
سارا :قول والله انا بفهمك بس كنت سرحانه ماسمعت انت وش قلت ... قووول وش بتخسر
...
((3))
قيس
معقوله صدق سارا قدامه تطلب منه تسمعه وتوعده بتفهمه ...
وين اللي تصارخ وتقفل أذانيها لجاء بيقول شي وماتبغى تسمع الا نفسها ..تكلم بسرعه
خايف تغير رايها
قيس :بقول بس افهميني وراعي وش كانت ظروفي ...
هزت راسها بايه بدون ماترد وهو ماكان يطلب أكثر من كذا ....
قيس :قالوا من كنا صغار يمكن ماتشوفين صغير وقتها بس والله صغير كبر منير اللحين
انك بتصيرين زوجتي .... كان الموضوع يقهرني لأنك ماتعجبيني ولأن فكرة الزواج
مزعجه بعد
ماكنت اسمع الموضوع واتقبله وبس لا كنت أفكر بأبعاد ونتائج دايم افكر للبعيد ...
مأقدر اشرحلك وش كان شعوري لأني مأقدر احس فيه اللحين عشان انقله لك بس صدقيني كان
شعور مزعج كثير ويضيق على حياتي ...
صدقيني كان مثل الكابوس وين مارحت معاي ...
عشان كذا ماكنت اقدر احتفظ بيدي لشفتك لازم اظربك ....
غير أزعاجات عيال الحاره اللي يعرفون بالسالفه من كثر ماأمي وجدتك يتكلمون فيها قدام
الحريم ...
ولماكبرتي لاتلوميني كنت اشوفك تطلعين بدون عباية وأنتي بتكونين زوجتي غصب عني امد
يدي عليك واللي يقهرني
أني مأقدر افرض شي عليك وبنفس الوقت مأقدر

**Loli.** · 21-01-2012, 02:48 AM

رد: بلا رقيب / لعاشقه ديرتها ، كاملة

اسكت .. وحتى ماكنت اقدر اقول لأمي

خلي اللي بتكون زوجتي تستر

لأن أمي من مرضت جدتك الله يرحمها ماعاد اطرت الموضوع وأنا كنت على نار ماني قادر اتكلم
وسكوت يحرقني ويزيدني قهر ..
كان عارف أن اللي قاله ماراح يشفع له بس هذي الحقيقه ...وهي اللي طلبتها...
حس شي كبير ينزاح عن صدره ...
قيس :وش تبغين تعرفين بعد ...؟؟!
سارا :كنت تكرهني ...؟!
مأستغرب سؤالها لأن سارا عاطفيه جدا وعندها المشاعر ياحب ياكره ... بدقيقه تحب وبثانيه
تكره ...
قيس :لا...
كانت تناظره بشفقه..
سارا :بس أنا اكرهك وماسامحتك حتى لوتقول ألف عذر ...
قيس :بس كذا ماراح نقدر نعيش مع بعض
سارا :احسن من قال اني ابغى اعيش معاك .. أنا ابغى ارجع اعيش مع خواتي ...
تنهد بتعب راسها قاسي
قيس :بس هذا مو حل مصير خواتك بيتزوجون ويخلونك بتبقين كذا لحالك لازم يكون عندك زوج
وعيال ...
سارا :ايييش ولله هذا اللي كان ناقص انا توني صغيره بعيش حياتي وش عياله ...
ضحكه تركيزها على العيال ...
قيس :بس انا احس بتكوني ام رهيبه ...
سارا :مو علي هالحركات بتدخل الموضوع براسي شوف انت بطلقني اليوم او بكره وعيال
مافيه ...وبعدين وش قصدك بأم رهيبه يعني انا مرجوجه ...
قيس :ليش انتي شايفه نفسك عاقله ماجبت شي من عندي ..
سارا :اوووووووف منك ...
تعب من الكلام معها وبنفس الوقت تذكر جوعه ..
قيس :أوووف بعينك قومي جهزيلي حاجه أكلها قبل مايأذن العشاء ...
سارا :لاتصرخ علي ماراح اسوي شي ترى مانسيت هوشتنا أمس ...
قيس :لاله الا الله اللحين بتمسكين لي هالهوشه شهر قومي يالله ولاترى بتزوج عليك ...
حلوه عيونها وهي مفجوعه ...
سارا :هيي انت اصلا من المجنونه اللي بتوافق تتزوجك ... لا وبعد متزوج مالت عليك ...
قيس :مالت عليك انتي .. ولاتضحكين ترى صدق اسويها وتزوج ..
شكلها بجد تحفه اللحين تبغاه يطلقها وتبكي عشان قال بيتزوج عليها ..
قيس :لاتبكين ماراح اطلقك ...
صرخت عليه
سارا من بين دموعها:الا طلقني وتزوج لو تبغى الف وحده ..
حب يقهرها أكثر مد يده يمسح دموعها وهو يقول
قيس :بس الشرع حلل أربع وانا مأقدر اخالفه واتزوج ألف ...

سارا
كنت بموت قهر وغصب عني بكيت المتخلف كيف يتزوج علي ورافض يطلقني
والله بموووووت قهر لو سواها وانتحر ..
أنا يتزوج علي ليش وش ناقصني ..
يطلقني بعدين يتزوج .. مايتزوج وهو ماطلقني ...
سارا :تزوج الف اربع مليون بس قبلها تطلقني ...
قيس :بس انا حالف مأطلقك ...
يقهرني بموت قهر يبتسم وهو يقولها وش حيث اللحين يبتسم واضحك
وانا دايم اسوي الف حركة تضحك مايضحك بس لشافني ابكي ضحك الحقيرررر ...
سارا :والله انتحر لو تزوجت علي قبل ماتطلقني ...
صرخت عليه لما ضحك
سارا :لاتضحك لاتقهرني ياحقيرررر ...
قيس بضحكه :طيب خلاص ماراح اتزوج ولا اطلقك بس روحي سويلي شي أكله قبل مأكلك لاتنسين
أنا الوحش ...
سارا :أحلف عشان اصدقك
زاد ضحكه وانا ميته قهر مسوي نفسه ظريف يضحك
قيس :والله مأتزوج عليك ..
سارا:طيب بس لاتنسى انك حلفت ماتتزوج علي ...
قيس:اذا نسيت اصوم ثلاث أيام واكفر حلفي ..
طلعت من عنده متنرفزه ومقهوره ليه قلت كذا حسيت نفسي سخيفه وماعندي شخصيه لايحسب
اللحين أني احبه ولاشي هو غبي تفكيره مثل وجهه ...
دخلت المطبخ وسألت نفسي وش أسوي له ...
ووسط أفكاري تذكرت حركات النذاله اللي كنت اسويها أنا وملاك لأي وحده من البنات لحقدنا عليها
وبعض الأحيان نسويها لبعض ...
كنا نحط كمية بسيطه من الفيري بالساندويش او المشروب اللي بتشربه ..
طبعا بنفس اللحظه ماراح يحسوا بالشي بس بعد نص ساعه.. ساعه يبدأ التأثير ...
سويت له الأكل اللي طلب وعلى جنب سويت كوب عصير ليمون كبير بنكهة الفيري ...
ناديته للمطبخ ..
كنت أحتفل بانتصاري وأنا اشوف المقلب يمشي عليه وهو يشرب العصير بدون أحساس ...
ويمكن حس بالشي بس هو دايم مايعلق على الأكل حتى لو طعمه مو كويس انا بعض الأحيان اكرهه
ومأكله
وهو يكمل عادي بدون تعليقات يمكن هذي الميزه الوحيده فيه ...

((4))
ضحى
صحيت على الساعه عشر ..
لقيت الكل صاحي وعساف طالع هذا شكله صدق يتهرب مني ...
انسدت نفسي عن الفطور سوت لي كوب شاي بالحليب وجلس أقرأ لي مجله وشدن عندي تحل
واجباتها
وكل شوي سأله سؤال ولا تذكرني بالشي ...
دخل عساف مسرع وعلى غرفته دخل وقفل الباب
قمت واعصابي مفوره ... كيف يتجاهلني بالطريقه هذي بس وصلت الباب وقفت ماني قادره
ادقه
وش أقول اصلا

**Loli.** · 21-01-2012, 02:51 AM

رد: بلا رقيب / لعاشقه ديرتها ، كاملة

ولكنها ماضي أنتهى بنهاية صاحبه ...
وليت حياتي أنا ايضا انتهت لأنها للأسف كانت متمحوره حول ذالك الشخص رغم عني
وبموته أنتهت ولم يعد لها جدوى ....أصبحت رماديه فقط بعد انا كانت تحمل ثلاث ألوان
الأبيض والأسود والرمادي ...
قبل أن أخلد كل صباح إلى النوم لأني أقضي الليل بأسره بمكالمة مع خلف ..
اتذكر كل مأرتكبته منذ قررت الأنتقام من والدي ...
وأشعر بأنه هناك عقاب ألهي بانتظاري ... مأرتكبته من انتقامات
يجب أن أدفع ثمنها ...
حينما أصل إلى ماهية الثمن أغلق عيناي وأنتظر النوم ...

((6))
ضحى
مر علي اليوم عادي جدا ماقدرت أكمل عساف مع أن كل ماشفته يصير الكلام على طرف لساني بس
ماقدرت افتح هالموضوع بالذات...
وجاء يوم ثاني كان عادي حتى العصر ...لما دخلت بالصدفه على عساف وهو يكلم بالصاله
...
كنت قايله أني بروح أنام وماكان بالبيت غيرنا لأن الشغاله مع شدن عند خواتي ...
كان يكلم بالجوال مأخذ راحته لأنه متوقعني نايمه ...
عساف :أنا خايف أتركهم غصب عني ...أدري بس ماقتنعت انت تعرف الدكاتره كلن يقول
كلام ...
ولاتنسى أني انا اللي وسط الموضوع أنا مأبغى أخرب بيتي ..
وفجأه شكل حس في قال مع السلامه وقفل...
رحت على المطبخ وسويت نفسي أشرب مويا وفعلا دخل بعدي مباشره
سألني بأرتباك
عساف :أنتي مانمتي ..
ضحى :لا جيت اشرب مويا فيها شي ..
حسيت نفسي اتنرفزت ... أكيد بيشك لأني اليوم كنت معه طبيعيه ...
جلست ادقق بشكله حسيت فيه تعب وأرهاق على وجهه وبعيونه ... يعني صدق مريض
.. وش فيه .. ومتى بيقول لي ...
عساف :طيب انا رايح اجيب شدن ...
ظربت راسي على خيبتي ليه ماسألته والفرص كانت مفتوحه لي ...
×
×
كنت غلطانه يوم توقعت أن الموضوع بهالسهوله سألته بعدها عشر مرات تلميح وتصريح بس
ماكان
فيه جواب .... كان دايم يغير الموضوع او يتجاهله..
وتكررت مكالماته الغريبه ... كان دايم لجلس لوحده يكلم أحد ويشكي له من مرضه
...
لين مره سمعت اللي ماتوقعت اسمعه بيوم ...
كان عساف يتكلم مع اللي تعود يتكلم معه
عساف :خلاص بنفذ اللي قلته اصلا هي متعوده على الفراق ...
من هي أنا يعني ... أكيد قصده بيسافر مره ثانيه ...
ليش ياربي يصير معي كذا ليش ..
:ضحى .. ضحى ...
ضحى :هاه .. وش فيه ..
عساف :يالله مو تقولين بتلبسين عباتك وتجين مأشوفك لبستي
ضحى :طيب اللحين البسها ..
عساف :يالله ليش واقفه بأخذ شدن ونطلع ..
وراح عني وهو ينادي شدن ..
كذا بكل سهوله الأمر ولاكأنه قبل شوي يتكلم مع المصيبه اللي يكلمه بالتلفون أنه بيفارقني
ياربي وش أخرتها معك ياعساف ...
أخذت عباتي وطليت على حمودي ووصيت الشغاله عليه وطلعت الحقهم...
بالسياره بعد ماركبنا ...
شدن :بابا عادي نتعشى بهارديز مو المطعم اللي قلته ...
رد عليها وهو يربط حزام الأمان وأنا عيني عليه على ملامحه على كل كلمه تطلع منه...
عساف :اكيد عادي يابابا بس نخلي هارديز لبكره .. اصلا انا مأبغى شي من هالدنيا غير تكوني
انتي وماما وحمودي مبسوطيين ...
قربت شدن منه
شدن :ليه تكلم كذا ...
ضحك وسألها
عساف :كيف كذا ..؟!

**Loli.** · 21-01-2012, 02:52 AM

رد: بلا رقيب / لعاشقه ديرتها ، كاملة

بوضح قهري من تجاهله لي وبينبسط انا اعرف عساف نحيس مره بالأمور هذي ...
لا اصلا انا مأفكر كذا ومايهمني وش يفهم
بس أنا مأحب احد يتجاهلني بالطريقه هذي لأني مو قطعة أثاث بالبيت المفروض أنا اكون محور
أهتمامه مو مثل أي شي عادي
اذا راق كلمني واذا ماله خلق طنشني وتجاهلني ...
اخذتني أفكاري ومأدري كيف ماحسيت اني أخذت وقت وانا واقفه قدامه وهذا هو فتح الباب علي
..
أول ماشافني حسيته تفاجئ وأرتبك ......
عساف :حياتي تبغين شي ...
مايحتاج أجهز كلام ... لأن كان فيه كلام من أمس وهو على طرف لساني ومحتره منه ..
ضحى :وش الحركه السخيفه اللي سويتها أمس
قفل باب غرفته وسالني وهو مسوي نفسه مو فاهم ..
عساف :أي حركه ..
ضحى :عساف انت مكشوف لاتحسبني هبلا الحركه اللي سويتها امس بعد نص الليل بالصاله
كان يمشي بالصاله وانا الحقه من مكان لمكان
عساف : امس نايم من بدري ماشفتك لانص الليل ولاأخره...
ضحى :متأكد مو انت اللي طلعت علي بالصاله بالظلام وروعتني
عساف :حشاني لاطلعت لك ولاروعتك اصلا مايهون علي أروعك ...يمكن الشغاله ...
ضحى :الا سويتها لاتنكر...وأنا لوعميى أقدر أفرق بين الشغاله وزوجي
عساف :قلت لك انا ماشفتك رجاء لاتصدعين راسي انا مريض مو ناقصك ... وشكلك فاضيه

**Loli.** · 21-01-2012, 02:53 AM

رد: بلا رقيب / لعاشقه ديرتها ، كاملة

بتهاوشين وتخترعين أسباب من راسك .....
رحت لغرفتي ودمي محروق ... ليه يسوي كذا ليه ..؟!
مرت على ساعه انشغلت فيها مع حمودي وكنت ألعبه وأسولف معه
دخل وجلس على السرير وانا مطنشته ..
وجلس يلاعب حمودي ويناغيه ...
عساف :اغووو حبيب بابا ...
وبعدين بدأ يقط كلام وأنا مطنشه
عساف :انت يالنتفه اللي بغيت تحرمني من ماما مو زين انت يخخخ ..بس أحبك
وأنت معذبني ولاحتى راعيت أني مريض وتعبان بهذلتني الله يسامحك ...
سحبت نفسي بعصبيه وقفت قدام التسريحه وسويت نفسي أسوي شعري
طاحت عيني على الصناديق اللي على تسريحه ...
بلقافه مديت يدي بفتحهم عادي جدا مافكرت بالشي
لين صرخت عساف وقفتني ...
نزل حمودي على السرير وجاني ركض
كنت للحين واقفه مكاني ويدي على صدري بعد صرخته ...
بدأ يحط الصناديق فوق بعض وهو يقول
عساف :خطأ جبتهم هنا كنت بحطهم بغرفتي ...
طنشته وسحبت عطر ورشيت منه على معصمي وجلست اشمه ...
كلمني بأرتباك
عساف :أغراض خاصه بس لو تبغين تشوفينها عادي ...
رحت لسرير وجلست عليه بدون مأرد عليه
ويوم شفت وقفته طالت قلت عشان اتخلص من وجوده ...
ضحى :عساف ترى لاتهمني لأنت ولا خرابيطك شلهم واطلع من غرفتي ...
وفعلا أخذهم وطلع ...
اووووووووف ..ياربي ...ياربي
والله مووووو حاله ..
تعبانه مأبغى اوجع راسي بالتفكير...
أكره الحرب اللي بيني وبينه أبغى أرتاح واعيش حياة طبيعيه بدون مشاكل ...
جلست على السرير وحطيت حمودي بحظني ..
دايم اتخذ قرارات ومأسويها لأن أنانيتي تمنعني .... حياتي ماراح تمشي وأنا دايم أفكر
بهالطريقه خصوصا لكان عساف بالموضوع... احس اني مأفكر بعقلي
أفكر بمشاعري ودايم الماضي يحضر ويأثر على قراري
أحس بضعف لأني ماني قادره أنسى الماضي
ايه انا ضعيفه لأني الماضي للحين مسيطر علي ومخرب علي حياتي
مع أني المفروض أكون أقوى وأتمسك بحياتي الحاليه وأسعى لأنجاحها
عشان مأفشل من جديد حياتي قبل عساف فاشله بجميع المقاييس ...
لأني كنت أحافظ بس على أن حياتي تمشى وبنفس الطريقه
عمري مافكرت أنها المفروض تتطور للأحسن ...
لأن ماكان فيه أمل....
لكن عودة عساف اللي مأعجبتني كانت تحمل الأمل لو غصب عني
كثير فكرت أول مارجع أني بتطلق منه وبتكون عندي فرصه للزواج من شخص أخر
وحياة جديده ... بكون فيها ضحى جديده ..
فكرت ضحى الجديده دايم كانت موجوده لكن ماعمري فكرت اتحرك عشان أنفذها ...
والفكره اني أتغير ... وكيف بتغيررر
أبغى حياة جديده أكون فيها أنسانه غير مو ضحى اللي جسد أنثى وروح رجال ..
حتى الوظيفه بتركها لأني أكرها وأكره اللي كنت اسويه من خلالها ...
وكنت اتمنى حتى خواتي أبتعد عنهم بس دايم كنت أقول
الأمر هذا بالذات ببقى طول عمري أتمناه وماراح أقدر انفذه... بس كان كل أملي انهم هم بعد
بيصير
لهم حياة جديده كل وحده بتتزوج وبتنسى حياة الفقر اللي كانت فيها وبتنسى خواتها اللي شاركوها
ذيك الحياة
لأنهم بيذكرونها بذكريات ماتبغى تتذكرها بحياتها الجديده ...
وعساف مارضى يطلق ويبغاني أبقى زوجته...
حاولت ألف مره أني اتطلق منه بس ماقدرت ... مارضى يفهم أني أبغى حياة جديده بعيده عنه
مع رجال ثاني مثله ويمكن أسوأ منه بعد
لكن المهم رجل جديد وحياة جديده ...
وماقدرت أنا اصرح برغبتي الحقيقيه من ورى الطلاق منه ...
ولما تقفلت كل الأبواب بوجهي قلت أرضى ارجع له عشان يشوف غلطته الكبيره لأنه ماطلقني
لكن للأسف مهما سويت مارضى يفهم ...ليش لأنه مايشوف بأنانيته الا اني يحبني ...
مو مهم عنده حتى لو كنت أكرهه ..
في فتره ما رضيت بحياتي وعرفت أن هذا اللي اكتبه لي ربي وأقتنعت بعساف ...
وبالفتره هذي بالذات هي اللي رضيت أكون فيها زوجه حقيقيه لعساف بعد ماحفى
وهو يحاول يوصل لهالوضع ....
رضيت عشان أحصل على أولاد ...وهو حلمي الثاني بعد التغيير...
كنت احلم يكون عندي أولاد ومايعيشوا نفس عيشتي كنت أبغى لهم الأفضل والأهم الأستقرار
العائلي ...
بعد ماحملت نسيت كل اللي فكرت فيه حتى أني تضايقت لكوني حامل
وكنت دايم أكرر لنفسي مأبغى طفل يعيش نفسي معانات ...
ونسيت أو تناسيت أني انا اللي رغبت بالأطفال ...
لما ولدت وعدت نفسي .... اسوي كل اللي أقدر عليه
عشان يعيش حمود أفضل حياه وعشان أربيه أفضل تربيه ...
وهذا أنا بأنانيتي اثبت لنفسي يوم ورى يوم ..... أن اللي أفكر فيه شي
وأفعالي شي ثاني ...
عساف يحبني .. ويحب حمودي
وكل شي من طرفه طبيعي
بس أنا اللي عندي الخلل انا اللي مو قادره أسيطر على تصرفاتي وأغير من نفسي
عشان أعيش حياتي الجديده بطريقه الصحيحه ...
((5))
مشاعل

ست ساعات مع خلف على الهاتف طويله جدا متعبه مرهقه لم أكن أشعر بها حينما كنت احادث
فهدي ...
رغم أني اشعر بالراحه لكوني لأرتكب محرم بمحادثته ....
لكنه اصبح ممل جدا ويصر على أطالة المكالمه ويرفض أن يقفل الخط وان اضطر لمجارته ...
بت أخشى أن أتصرف بحرية كي لأسيء لعلاقتنا أريد ان يتعلق بي خلف لدرجة لايستطيع
معها أن يعاقبني لو أكتشف أي امر ضدي.....
كم أصبحت مطالبي ضعيفه تدعو للشفقه ...
كل مأتمناه الا يعاقبني خلف ,,, مطلب بسيط لايوازي أحلامي ورغباتي السابقه
....

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget