بلا رقيب / لعاشقه ديرتها ، كاملة

**Loli.** · 11-07-2011, 09:20 PM

رد: بلا رقيب / لعاشقه ديرتها ، كاملة

((4))
(.. وانقلبت الايه ..)
ميشو

نزل علي الخبر كالصاعقه واشد وقع منها .. بحياتي لم اجد نفسي بمثل هذا الموقف المتأزم .. حياة اختي بخطر شديد .. لم اكن اتوقعه بمثل هذه الحقاره .. هل يرغب ان يتنقم مني بشقيقتي .. يال سفالته ..
لأستطيع التفكير بصفاء ذهني مشوش .. لاأعلم كيف سأحبط هذا المخطط .. ولكن يجب علي ان احبطه ...
صراخ شهد الذي لم يتوقف منذ سماعها للخبر يوترني ويبث القلق بنفسي ..
شهد :حرررام عليك ضحى والله حرام عليك ...
ضحى :ان اللحين قلت لك اني راضيه انا مثلك ماأبيه يقرب من أي خواتي .. اهدي ياشهد ماراح اسمح لهم يخربون حياتك ..
شهد :لا انتي تهديني بس .. حرام عليكم والله حرام .. قسم بالله لأطلع واترررررررررك لكم البيت ..
كنت تصرخ بجملتها الأخيره بهستريه وجسمها ينتفض من شدة الأنفعال ...
صوت كف ضحى على وجهها كان مدوي اصاب المنزل بالصمم..
ضحى :ببببببسسسسسسسسسس .. ولاكلمه ماتفهمين انتي قلت لك ماراح تأخذين لو على رقبتي ليش ماتفهمين .. فووووووق يالله انقلعي فوووووووق ..
خرجت تركض وهي تكرر جملتها الأخيره ..
شهد :بتررررك لكم الببببييييييييييييييييييييييييييت ..
ميشو :لم يكن ظربها تصرف جيد من قبلك ..
ضحى :ميشو بليز نقطينا بسكاتك ..
نواف :ياعساه للموت الحقير قسم بالله لو يحب نجوم القايله ماأخليه يتزوج أختي ..
سارا :ياقدددددع والله قالوها ناس خبره مايجيبها الا عيالها ..
نواف :افا عليك اعجبك انا والله لامسح بوجه الشارع لو قرب من بيتنا ومبارك هذا خلوه علي ..
جميل حديثهم .. ماأروع لوكانت نوف حقا شقيقنا اليس افضل من ذالك المعتوه مالك القذر ..
عادت ضحى للصياح ..
ضحى :بسسس ماتفهمن خلاص بسسس ..
سارا :طيب اعصابك قطعتي بلاعيمك .. اقوول وش رايكم ندور له دوبيره وندخله السجن ..
قفزت عليها توأمها لتحتضنها ...
ملاك :ياحياتي ياسويررره والله عليك افكار خطيررره بس امانه كيف طلعتي هالفكيره الجونان ..
سألتها هند صاحبة الدم البارد هذا ماأفكر به حينما استمع لأحاديثها ..
هند :وش يعني فكيره ..
ملاك :مافهمتيها يالخبله ..
هند :لا ..
سارا :على وزن دبيره..
وبدأت بالصياح ..
سارا :فهمتييييي اللحين ..
خرجت ضحى من الصاله والهم يعتريها .. اعرف ماتفكر فيه الحسره على اخوات لايقلقهن مصير شقيقتهن .. وكل مايفعلنه هو اللهو ..اجل اللهو ولكن لهو جميل مفرح ينسي الشخص همومه ..
ملاك :بسسسسسسسسسسسسسسسسسسسسسسسسسسسسسسسسسسسسسسسسسسسس اسكتووووا..
وبعدما صمت الجميع ..
سارا :خيررر ليش تسكتينا ..
ملاك :هى هى هى هى اقلد ضحى ...
نواف :وعععععع ياشين السرج على البقر ..
وعد :اووووووووووووووووووووووووووووووووووووووووووف ..
سارا :وش فيك انتي بعد ..
وعد :المدرسه بتبدأ ..
ملاك:اللحين تفكرين ان المدرسه اللي بعد شهر ونص بتبدأ ..
ميشو :لدي حدس ان المدرسه تتملل من بدايتها بعد الشهر والنصف لأنك ستعودي اليها ...
احب مجادلتها .. يثيرني تحطيم مجاديفها ..
وعد :انتي وش دخل ابوك اللحين ..
ميشو :مبارك لاشأن له ..
وعد :ويييييه وخروا هنا كتاب القواعد يستخف دمه ..
ملاك :عاد حياتي انا كتاب القواعد اللي دمه زي العسل ..
وعد:وعععععععععع انت اللحين كيف تحبون هذي اللي عيونها تقل لمبات زرق..
جميل ذالك التشبيه التي ادلت فيه .. لها مستقبل رائع في مادة البلاغه ..
سارا :اقول ميشو بمناسبة تواضعك وجلوسك معنا وش رايك تلقين علينا قصيده ..
قفزت توأمها بالحديث ..
ملاك :ايييووه صدق ميشو القي علينا قصيده ..
ميشو :انا ومن اين لي قصيده ..
سارا :مو انتي تكتبين قصايد ..
ميشو :انا بالتأكيد لا .. هل تقولين اني شاعره ..
ملاك:وهل بذالك شك .. ياشاعرة ال مبارك ..
ميشو :جيد اللقب ولكني لاأستسيغه واتنازل عنه لغيري ..
سارا :ياخطيرررررره ميشووو تنازلتي عنه بعد ياقوووك يالواثقه ..
هل حقا سيفعلها يتزوج شهد .. هل يرى الأمر بهذه السهوله ..؟!
لم ارضى به يتزوج شقيقتي ... ارغب بحق معرفة نظرته الحقيقيه للمرأه .. هل يراها انسان يستحق الأحترم ..
لأعتقد ذالك بل اجزم انه لايرانا هكذا ...
ولكن كيف يرانا هذا ماأريد معرفته واتشوق لمعرفته ..؟؟!!
***
:ميشووووووو مبارررك مش معئول .. اكيد بحلم ..
اسقطت حقيبتي على رأسها بمرح ..
ميشو :بل ماترينه الحقيقه بعينها ..
سوسو :ياحبببببي لك ميشو اشتئتلك ..
ميشو :اعترف بأني اشتقت اليك ولكن ليس كثيرا ..
سوسو :هههههههههههههههههههههههههههههههه ياقدمك ويازين سوالفك ..ياخطيبة اخوي ..
ميشو :توقفي عن سخافاتك واخبريني هل المتعجرف هنا ..؟!
سوسو :نووو بالدمام عند بيك (ابوك)..
جميل مبارك وخلف مجتمعان ليس على خير بالتأكيد ..!!
سوسو :الا عاد ميشو قوليلي ليش رفضتي خلف ..
ميشو :وهل اخبرك عقلك الخفيف بأني سأرضى فيه .. لقد اخبرتك من قبل شقيقك الأخرق لايعجبني ..
سوسو :والله انتن يالبنات ماينفهم لكن تقولين ماتبينه وانتي مناك ميته عليه ..
ميشو :وهل تضميني لهذه الفئه ..
بنظرت تفحصيه اجابت ..
سوسو :لا عاد نجي لعندك ونوقف .. ماقلتيلي كيف وافقت اختك شهد على خلف حسبتها بترفض ..
ميشو :اذا كان كذالك هذا يعني انك خرقاء ..
اسندت خدها على يدها وبملل سألتني
سوسو :بالعربي ..؟!
ميشو :شهد رفضت اخيك ..؟!
سوسو :بس هو يقول ....
قاطعتها ..
ميشو :سيجبرها م ...و...الدي على ذالك ..
كم صعب على لساني نطقها ..
بان على محياها الأستياء .. جميل هذا ماأريده استغلال عواطفها الرقيقه ..
ميشو :اشفق كثيرا عليها كم اتمنى لو استطيع مساعدتها ..
بحزن بريء جارتني ..
سوسو :يعني مافيه حل ..
ميشو :أتمنى لو كان هناك واحد ..
سوسو :كان ودي لو امي تساعدنا بس امي ...
ميشو :لابأس لسنا بحاجه لمساعدتها .. ولكن هل يعني حديثك انك بأستعداد لمساعدة شقيقتي ..
سوسو :اكيد حبيبتي بس هذا مايعني اني ضد اخوي ..
ميشو :ياعزيزتي لاشك بوفاءك لأخيك ..
سوسو :مع ان نغمتك تشكك بحسن نواياك ...
عن ماذا تتحدث .. هل اصبحت سعاد فجأه خارقة الذكاء قارئه للأفكار .. ؟!!
ميشو :لأعلم عن ماذا تتحدثين .. ولكن اتسأل منذ متى اصبحت نوياي لكي سيئه ..
سوسو :يالله عاد ميشو لاتوقفين لي على الكلمه ..
لابأس ياعزيزتي سماح فقط من اجل شقيقتي من اجلها فقط اعفو عنك ..

((5))
(..الام لاتنام ..)
سارا

كنت طالعه من المطبخ وبيدي كوب شاي اتلذذ فيه على فكره شاينا ربيع عجيب جربوه .. ماهو ليبتون الحمدالله والشكر كله الوان .. ترى ضحى تقول كذا لاتصدقون ان هالكلام من عندي ..
وملاك متسطحه قدام التلفزيون وتأكل حب .. شفتها تنزل مع الدرج طيب شي عادي بس اللي ماكان عادي مشيتها .. كانت كنها بتطيح ..
سارا :ضحى ..
ماقدرت اتحرك جمدت مكاني وضحى تطيح من على الدرج لين الأرض ... ماصدقت المنظر كنت مفجوعه ...
ملاك :سارا ضحححححححححححححححححححححححححححححححححححححى ..
بنفس اللحضه كنا نجري لها ..
هزتها ملاك وهي تردد اسمها بس ضحى كانت مغمضه عيونها وماترد عليها .. ماماتت صح ماماتت ...
سارا :لا ضحى لالالالالالاللالالالالا ..
ملاك :ضحى .. تكفين.. ضحى.. لا ..تكفين .. اصحي ...هىا .. ضحى .. ضحى ..
ضحى :اه ووش فيكم ..
سارا:ضحى ..؟!!
كانت تجلس بصعوبه..
ضحى :اه وش فيني .. ياربي ..
ملاك :ضحى وش فيك ليه طحتي .

**Loli.** · 11-07-2011, 09:21 PM

رد: بلا رقيب / لعاشقه ديرتها ، كاملة

ضحى :اخ من راسي .. اووف ذبحتني الحراره ..
مديت يدي على جبهتها اللي كانت حاطه يدها عليها ..
سارا :يووووه مرره حاره ..
ملاك :من متى وانتي مصخنه ..
ضحى :من امس اخخ .. بس اليوم احسها زايده علي الحراره ..
صرخت عليها بقهر ..
سارا :غبييييه وليه مارحتي للمستشفى ..
ضحى :مالي خلق مستشفيات .. وخري عني بقوم ..
مديت يدي بساعدها .. بس هي اعتمدت على نفسها وقامت ..
مشت شوي وشكلها رجعت تدوخ .. فنامت على الكنب ..
ضحى :سووا لي ليمون ..
سارا :اوووووف ليه ماتروحين للمستشفى لاتصيرين غبيه ..
ضحى :سارا ترى ماني ناقصتك بتسوين لي ليمون والا اسكتي عني ..
سارا :خلاص .. يمه حتى وهي تعبانه وتوها طايحه من نص الدرج فيها روح تهاوش ..
حطت يدها على ظهرها وهي تقول ..
ضحى :اخخ من الدرج طحت .... وانا اقول وش فيه جسمي مكسر ..
ملاك :الحمدالله انك مصخنه وماتحسين ولاصريخك يسمعونه اللي بأخر الرياض ..
سارا :عاد ويييييه يالفشيله ابله ضحى تبكي مصيبه ..
ضحى :الله يلع ..كن انقلعن عن وجهي ..
ملاك :ابله ضحى تلعن يعني خلاص اختربت الأخلاق ..
سارا :يالخبله ماهي بوعيها البنت تهذي .. مالمستي راسها انتي كنه فرن ابو بشير ..
راحت ملاك لها وجلست عند رجولها ..
ملاك :ضحى ضح ضح تروحين للمستشفى ..
صرخت عليها ضحى بتعب ..
ضحى :انا مو بزر عندك ولو عارفه ان المستشفى بيفيدني رحت له ..
قلت بتهرب من الموقف لأني عارفه ان ملاك ماراح تسكت لها وانا مأحب هالمواقف اللي فيها رفع اصوات بين ملاك وضحى ..
سارا :انا بروح اجيبلك ليمون ..
قلبت المطبخ وانا ادور الليمون مع اني اعرف مكانه بس من اصواتهن المرتفعه يارب مايزعلن من بعض .. اكره يوم يتهاوشن اكررررره هالأوقات .. بس والله ملاك تبي مصلحة ضحى وضحى مليانه عناد .. صح هي الكبيره واللي كلنا نعتمد عليها بس هذا مايعني انها ماتحتاج لنا وحنا كل اللي نبيه نساعدها ..
فجأه اختفت الأصوات استعجلت بالليمون طلعت مالقيت الا ملاك جالسه بمكان ضحى ..
سارا :وينها ..؟!
ملاك :طلعت لغرفتها واتقول ماأبي يجيني احد ..
سارا :والليمون ..
ملاك :اقولك ماتبي احد اشربيه كبيه كيفك ..؟!
سارا :طيب لاتصارخين علي ..
ملاك :اوووووف سارا عاجبك شكلها يعني ترى المرض مو شي سهل نستهين فيه ...
رديت عليها وانا اشرب الليمون اللي سويته بدم البي ..
سارا :بتعلميني اخخخ ياكرهي لسخونه ..
ملاك :اوووووووف متخلفه اكره تفكيرها تحسب المرض شي عيب نستحي منه ....
سارا :بحساباتها هي اكبر عيب انا تبين ضعفها لنا ..
ملاك :تصدقين عندي احساس ان مامرضها الا سالفة شهد ..
رديت عليها وأنا ابلع عبره خنقتني ..
سارا :بكره الخميس .. ملاك ببكي .. حرام والله حررام اللي يصير لشهد ..
ملاك :يارب مايجي بكره ..
حسيت ملاك ودها تبكي وهي تقولها .. معقوله هذي اخرتها تتزوج شهد .. شهد المدلعه تزوج الشايب .. صح انا اكره تصرفاتها بس والله أحبها .. بتزوجه يومين وبيطلقها هذا كلام مشاعل اللي حلفت انها بتحل هالسالفه بس ماحلتها ..تخلت عنا بعد ماوعدتنا ورمت كل الحمل على ضحى ..ياربي حنا ليش يصير معنا كذا ليش .. وبديت ابكي بقهر ..
ملاك :سارا حبيبتي لاتبكين كل شي بينحل ..
رديت عليها وانا أحاول ماأبكي ...
سارا :لوبتنحل انحلت من قبل .. ملاك حنا حظنا منحوس حتى بالزواج متى بيتعدل حظنا متى..؟!
متى بنعيش براحه ليش حياتنا كلها مجموعة مصايب نطلع من وحده ندخل بالثانيه .. ليش عندنا ابو قاسي مثل ابونا ... ليه ماعندنا امهات يدافعن عنا يوم بيزوجنا بالغصب ..ملاك حنا ليش عايشين للحين عشان نتعذب بس ..
ضمتني ملاك بقوه .. وانا ابكي والله ابكي بقهر احس الدنيا كلها ضدنا حنا مالنا احد مالنا احد ..حنا يتامى ..
ملاك :خلاص سارا لاتعورين قلبك عشان حاجه ماتسوى .. سارا لوكنتي تحبيني لاتبكين ...
احبك ياملاك بس ماأقدر ماأبكي والله ماأقدر .. انا ابكي من داخلي مو دموع عيني بس اللي تنزل حتى قلبي ذرف دموعه ..ليش ابوي يتفنن بعذابنا مايكفي رمانا وراح ليه يرجع اللحين عشان يرجع يقتلنا من جديد .. حنا ماصدقنا نعيش زي الناس نتلاحم ونكون يد وحده ليه ابوي يسوي معناكذا ليه يكرهنا ليه مو حنا بناته ..؟!

عاشقة ديرتها

**Loli.** · 11-07-2011, 09:21 PM

رد: بلا رقيب / لعاشقه ديرتها ، كاملة

الحلقه الرابعه والثلاثون

((1))

الفرحه هذا المسمى الثاني لملكته بس ليش مايحس فيها.. اليوم انربط اسمه بأسم شوقه وين الوعود والعهود بالتصرفات اللي بسويها اليوم تعبير عن فرحته حتى وهو جالس اللحين مع شوقه يفكر بنواف ووش اللي بيسويه عشان يخرب عليه فرحته ..
ماحظر ليش ..
الوليد :شوووق خالك نواف ماجاكم اليوم ..
طالعته بنظره مستغربه اللحين طول الوقت ساكت عشان يوم يتكلم يسألها عن اخوه .. لا اكيد يكذب عليها يوم يقول يحبها مستحيل هذا عنده احساس اه يابروده ..
ردت عليه بجمود :لا ..
ناظرها بعيونه الحلوه :ليه قصيتي شعرك ..
بأبتسامه متردده لمست اطراف شعرها :من زمان قاصته ..
اتسعت ابتسامه :بس من زمان ماكنت اقدر اشوفك .. اخر مره شفتك فيها كان شعرك طووويل .. مد الكلمه دلاله على اللي يقصده ..
انفتح الباب بطريقه همجيه قطع عليها حديثهم ..
دخلت عليهم ود وراها وديان اللي قالت بلهجة اعتذار سخيفه ..
وديان :سوري كله من هالدفشه قطعت عليكم الأجواء الرومانسيه ..
رد عليها الوليد اللي مايهضم حالمية بنت اخوه الزياده :خلي عنك هالحكي .. وانتي ماتعرفين تفتحين الباب بالركاده ..
ود :ولودي لاتسوي نفسك شخصيه علي .. وجلست معه على نفس الكرسي وهي تأفف ..
وليد :ووش فيك تأففين ..
ود :مالت عليهن الخاينات ماجن ..
وديان :احسن انهن ماجن اصلا مالهن مكان بينا ..
ود بقهر :كولي تبن انتي مالك شغل فيهن لكان ملكتك تكلمي ..
وديان :ملكة الشوق وهي ماتبيهن فيها .. صح شوق ..
الشوق وزعت نظراتها بين الوليد ووديان اللي كان تخرها بقوه ..
وديان :شوووووق ..
الوليد بنرفزه :أي حد وجهة له دعوه يجي حياه الله بعد لاتنسين ان وحده منهن خطيبة عمك ..
وديان :عمي وعمي الله والعم ..
ود :ايه بعد اغلطي على عمي بعد .. عشان والله لأوصلها لأبوي ..
الوليد :هيي خير انتي وياها جايات تهاوشن عندي ..
ود :اصلا انتي مقهوووررره هاه مقهوووورره منهن وانتي عارفه ليه .. وجلست تغمزها بعينها :ماودي اتكلم هنا لأن فيه رجال ..
طالعها الوليد بنص عين :لاتكلمي وش عندك ..
ود :لاعيب .. ماما ربتني كويس ..
وديان :ماما اقول مالت بس ..
ود :عليك يالعصلا ..
الوليد :هي انتي وياها انقعلن برى ضاقت عليكن تهاوشن عندي ..
وديان :افا عمي تطردني اطردها هي وش جايبها ..
ود :جايبني اللي جابك ..
وديان :انا جايه عند الشوق حبيبتي وصاحبتي ووالوليد عمي انتي وش حاشرك ..
ود سفهتها وطالعت بعمها :عمي ولودي اطلع ..
وديان بسخره :ههه يقالي محترمه تبغى عمي يقولها اجلسي ..
الوليد بعصبيه :لوتطلعين انتي وياها يكون احسن ..
وديان :عمي ..
الوليد :اقوووول برررى .. ولا اقول خلوكم جالسين انا بطلع ..
شاف نظرة المفاجئه بعيون الشوق شوقه بس غصب عنه بيطلع مايدري ليش يحس بخنقه ..
وديان :لاعمي خلك جالس والله بنطلع ..
بس كان هو طالع ..
وديان بقهر لود :شفتي كله منك طفشتي عمي يالممله ..
ود :وانا شكو يطفشني مني الا طفش من بعض ناس .. ماأقول الامالت بس ..
الشوق :قال طفش مني قال حبيبتي هو يحب يده وجه وقفى اني رضيت فيه بعد ماحفى وهو يجري وراي ..
وديان :حفى وتجرع المر بعد لمين شواقي رضت فيه ..
ود اللي مالت رد على كلامهن نفخت بقهر وطلعت ..اوووووووف وش لاقي فيها الوليد عشان يحبها متخلفه وعععععع مو من زينها حتى وقليلة ادب وشايفه نفسها ..
ثقيلة دم ترفغ ضغط .. خساره وخساره وخساره فيها الوليد ..

**Loli.** · 11-07-2011, 09:22 PM

رد: بلا رقيب / لعاشقه ديرتها ، كاملة

((2))
ميشو

همست أليه عبر الهاتف ..
ميشو :انت من ستندم زواجك من أختي سيحرمك الزواح مني ...
اخذ بأصدار اصوات من حنجرته يطلق عليها بالعاميه (التنحنح ) أعتقاد منه انها ستخيفني ..
خلف :انت متى بتستحين على عمرك .. بكل قلة حيا جايه تكلميني وتقولين لي هالهرج ...
ميشو :توقف عن ذالك .. ليست هذه المره الأولى ..
خلف :ايه دارين ان لك سوابق وش تبين ..
مالذي اصابه هل الجنون توصل لأختراق عقله .. جيد ولكن ليس بهذا التوقيت فأنا واثقه حتى لو اصبح مجنون سيزوجه والدي من شقيقتي ..
ميشو :مابالك خلف ياعزيزي .. هل اصبحت ممله بالنسبه لك ..؟!
مالمؤثر في حديثي الذي ارغمه على الصمت هل هي عبارة عزيزي ام هي نبرة الأستعطاف في جملتي ..
خلف :وش تبين ..؟!
ميشو :اترك شقيقتي وشأنها لاتقطع بيننا سبل الوصل ..
خلف:لا أقطع ولاأسوي شي بتزوج اختك واذا طاب الخاطر منها طلقتها وأخذتك ..
ميشو :يال الطموح الذي تمتلكه ياعزيزي وهل سأكون هناك لأنتظرك راجيتك الزواج مني ..
خلف :ايه بتكونين باقيه تنتظريني تدرين ليه لأن مثلك محد يبيها ..
ميشو :كم انت مخطأ ياعزيزي فكما تريدني انت هناك كثيرون غيرك يريدوني ...
خلف :انتي مو قليلة حيا انتي اصلا ماعندك حيا كلش ..
ميشو :ياعزيزي هل تصدمك حقيقتي ..
خلف :اصلا انتي كلكي على بعضك ماتهميني ..
كلا لا .. لاأريد هذا الجواب .. لم يحن الوقت الذي تكرهيني فيه بعد ..
اقفل الخط كلا ..
بكل غباء امسكت بجهازي الجوال ورميته على الحائط وماأن فارق يدي حتى ندمت على فعلتي الحمقاء .. لقد اقتنيته بمبلغ ضخم بالنسبه لميزانيتي المتواضعه ..
يال تهوري .. لايستحق هذا الخلف ان اهدر من اجله هذا المبلغ الكبير ...
كفى كفى .. كفاكي ميشو التفكير بأمور سخيفه لاتتهربي من هذا الموقف .. حياة شقيقتك بخطر .. انتي من ادخلتي هذا الخطر لحياتها ويجب عليك حمايتها منه ..
ولكن كيف سافعل ذالك فهذا الحقير لايرغب بالأنسحاب ..
رنين هاتفي الجوال اخرجني من افكاري ... يبدو انه لم ينتهي تماما .. جميل احسنت اغلاق اجزاءه حتى استطيع الرد ..
رقم غريب لم ارغب بالرد عليه .. ولكن بالأخير قمت اجبت المتصل ..
ميشو :مرحبا .. ماذا ..؟! .. شدن ماذا هناك ..والدتك ماذا اصابها .. حسنا انا قادمه .. لاتخبري احد .. احسنتي بأتصالك علي ..

((3))

ظرب راسه وهو يسمع اللي معه على تلفون وش يقول ..
:عاد حنا ماسكتنا دقينا عليهم بس كد هجت تعرف الشحادات ماأسرع منهن لاوالمصيبه بالسرعه يختفن ..
قيس :لا ..
:وش فيك استاذ قيس فيه حاجه ..
قيس بلع ريقه وهو يلعن الساعه اللي فكر فيها يستأذن ومايروح الدوام :انت متأكد انها خويتنا ...
:ابصم بالعشره انها هي ..
قفل منه وهو يهز راسه ماهو مصدق حظه الشين ..شوشو ترجع ومن سوء حظه مايكون موجود ويشوفها .. لازم بكره تجي لازم بكره يشوفها .. خلاص مايقدر يتحمل اكثر ..
بس الحمدالله انها كانت بخير وماصابها أي مكروه كان من الممكن انها تعرض له ..
انفتح الباب عليه بطريقه نقزته ..
منير :امي تبيك تعال ..
قيس بصرخه :انت اللي تعال ..
ارتجف من صرخته بس سوى نفسه قوي بطريقه طايح فيها هاليومين :وليش اجي وش سويت ..
قيس بقهر :تعال هنا وانت ساكت ..
وقف بمكانه ينتظره لين جاء عنده وصار واقف بين يديه عطاه كف .. وطلع لصاله وين ماأمه تنتظره بعد مافش خلقه شووي ..
وبعد ماجلس واخذ له فنجال قهوه .. فاتحته بالموضوع اللي جايبته عشانه ..
قيس :لايمه لا قلت ماأبي ..
منيره :وليه ماتبي ..
قيس :منيره الله يخليك لاتدخلين ..قلت لكم ماأبي اتزوج ماتفهمون الاغصب بتزوجوني ..
ام كايد :ياولدي ابي افرح فيك ..
قيس :وماتفرحين فيني لين اتزوج .. تكفيك فرحتك بجابر .. ولازوجي الكبير وافرحي فيه يمكن يعقل ..
تندم على كلمته اللي طلعت وسط انفعاله يوم شاف نظرة الأنكسار بعين امه على اكبر عيالها ..
قام من عندهم وهو الندم يأكله على كلامه اللي تسبب بضيق امه ..
عند باب الشارع لقى منير واقف على باب الشارع كان بيهزأه بس تذكر انه قبل شوي ظربه رحمه وطلع ..
ورجع تفكيره لها .. ظرب على الدريكسون هي وهي وهي .. دايم ساكنه تفكيره .. بكل مكان يلقاها متى بيريح نفسه من هالخبال اللي يسويه غباء تفكيره فيها غباء ..
مشرده غبيه شحاده ليش ماينساها ويطلعها من باله .. تكلم بصوت مسموع لأجزاء سيارته :ليه ماداومت ليه .. غبي غبي غبي كيف فرطت بالفرصه .. ليه فاتتني اه اه ..
وقف سيارته بقوه وهو يشوف الحادث اللي صار قدامه غمض عيونه وهو يشوف الطفل اللي صدمته السياره يطير بالهواء .. نزل بالسرعه حتى باب السياره ماقفله ..
حفظ رقم السياره بذاكرته وراح يركض لللمكان اللي طاح فيه الطفل ..
:لاله الا الله .. يارب استر ..
رددها شايب كبير بالسن كان واقف قريب من الطفل ..
قيس :ولدك ياعم ..
الرجال صد والدموعه تنزل :لا .. يالله تحفظه يارب ..
قيس جلس على ركبه قدام الطفل كان حجمه مايعطيه عمر اكبر من ست سبع سنين ..
جسمه مستحيل يتحمل ذيك الصدمه الا بلطف رب العالمين فيه ..
طلع جواله يدق على الأسعاف وهو يفكر بالرجال اللي يبكي على ولد مو ولده ولايعرفه ..
الرجال :حسبنا الله ونعم الوكيل على اللي مايخافون ربهم .. وش فادتهم السرعه فيه ..
قفل جواله ووقف يطالع بمنظر الطفل قدامه ينزف وكان فاقد الوعي كليا ولايمكن مات ماهو قادر يقرب منه وش يقدر يسوي له ..
اغلب الناس الماره نزلوا من سياراتهم وجوا يتفرجون على ايش مايدري ..
ليش تصورها يوم شاف الحادث شافها مكان الطفل مايستغرب لو يصير لها كذا .. وهذا اللي مخوف عليها ..بس خلاص ياقيس ريح دماغك من هالأفكار اللحين بين يديك طفل يموت وانت كل تفكيرك بشحاده ..

((4))
وعد

اليوم بيتنا مو بيت لا ساحة حرب من كثر الصراخ اللي فيه والضجه .. ضح ضح مريضه بس ماتبغى تروح للمستشفى .. اوووف كأنها بزر .. واللي قاهرني ان خواتي يعاملنها كذا كنها بزر .. وبس يحاولن يقنعها تروح للمستشفى وخصوصا ملاك وشوق صجنا الا تروح للمستشفى ..
وفيه شي ثاني اليوم الخميس تعرفون وش يعني الخميس .. وانا بعد لا .. مأدري وش عندها الدنيا بتذبح بعض شهد قفلت على نفسها بالغرفه اللي بالسطوح زي ماكنا نسوي لجت امي بتأخذنا .. وسارا جالسه عند بابها تقول تخاف انها تهرب .. يعني الصراحه بيتنا اليوم موصاحين ابد حتى نواف بس جالس على باب الشارع ومعه العجرا يقول بيكسر فيها وجه خلف ..
ملاك :وععععععد ..
اوف هذي وش تبي بعد رحت اركض لها قبل ماتنزل وتعمل فيني شورما صيخ ...
وعد :جايييه .. هاه وش تبين ..؟!
مدت علي الطاسه اللي معها ..
ملاك :حطي فيها مويا وثلج ..
وعد :هذي ثالث مره اغيرها حشى مو راس هذا صخانه ..
قطيت كلمتي وهربت قبل مايوصلن لي .. عبيتها مويا وثلج ورجعت حطيتها عند الباب وهربت لأن نظراتهن ماكانت تطمن ..
اووووف وش هالملل ماعندي احد اسولف معه كلن ماله خلقي ونفسه بطرف خشمه
وكنه مضيع مية ريال ..

**Loli.** · 11-07-2011, 09:24 PM

رد: بلا رقيب / لعاشقه ديرتها ، كاملة

((5))
ملاك

خلاص ماني قادره اتحمل كذا فجأه صار كل شي مسئولتي وعلى راسي .. ضحى مريضه وميشو لها يومين مارجعت البيت ووو مبارك عسى مامبارك داق علينا اليوم الصبح يقول جهزوا مجلس رجال .. ياربي وش يارررب وش بيدي انا اسويه واسويه ..
طالعتني شوق وهي تغير الكماده من على راس ضحى ..
شوق :لازم نوديها المستشفى ..
ملاك :بس هي حلفت ..
شوق :اجل نتركها تموووت .. والله حالتها خطره كذا ..
ملاك :ماأدري نشوف بعد ساعه اذا ماتحسنت ..
شوق :ماراح تحسن ..
ياررربي ..وش اسوي انا محتاره .. ماأدري وش صح وش اللي لازم اسويه ..
ملاك :انا بروح اشوف شهد ..
قلت هالكلام عشان اطلع ابغى اشغل بالي بأي شي ..
كانت ضحى من امس بالليل وهي على هالحاله نايمه تصحى شوي وتكلم باشياء غير مفهومه وترجع تنام ..
رقيت لفوق لقيت سارا متسنده على باب الغرفه اللي ساجنه فيها شهد نفسها وتسولف معها ..
سارا :وانا مابكيت لأني كنت متعوده على طقه .. بس يوم دخلت البيت رحت تخبيت عن ملاك وجلست ابكي عشان ماتضحك على وتقول لي صياحه ..
كانت سارا تبكي وهي تكلم مع شهد عن ذكرياتها مع الوحش .. ياه حتى الوحش تغير وماعاد وحش كل الدنيا تغيرت ماعدا مبارك مازال مبارك سبب تعاستنا بالأرض ..
مسحة دمعتي اللي صاير نزولها هاليومين امر روتيني ..
سويت حركه عشان تنتبهلي سارا وماتسمعني شهد ...
سارا :انا بروح اشرب ماء ..
قالتها لشهد وجتلي ..
ملاك :ردت عليك ..
سارا :لا بس قلت لها شي يضحك وضحكة وهي تبكي ..
وحنا متى ماضحكنا وبداخلنا مانبكي .. موطول حياتنا نضحك والدمع بعيونا ..
اه ياربي ..
تمر الدقايق علي الساعات الثقال وكانها أيام وضحى على نفس حالها .. لين قبل المغرب بعشر دقايق كنا كلنا بغرفة ضحى مجتمعين حتى شهد انزلت بعد مادرت عن حالة ضحى وانها بوضع صعب .. على اعصابنا جالسين اصغرنا شدن مافتحت فمها بكلمه .. شيئين قرب حصولهم جيت مبارك ومعه نهاية وحده منا .. والخطر اللي بتوصل له حالة ضحى ..
لين دخلت علينا .. كنت ببكي يوم شفتها ..
ميشو :ماذا حدث هل تحسنت حالتها ..
ماكنت ميشو تدري عن حالة ضحى .. كيف درت ..؟!
وبنظره لوجه شهد المقلوب ..
ميشو :لا بأس لاتقلقي انتهى الموضوع ..
ونظرت بوعد ..
ميشو :اطلبي من الطبيبه التي تنتظر بالأسفل ان تصعد الى هنا .. وانتن اخرجن من هنا ..
وناظرت فيني ..
ميشو :لن اسامحك على عدم ابلاغي بهذا ..
ملاك :تتركين البيت وتقولين ماني ماسمحتك وماأدري ايش انتي الغلطانه ..
ميشو :دعيك من هذا واخرجي من هنا ..
ملاك :بطلع بس مو عشانك عشان ضحى مو ناقصه هوشه على راسها ..
طلعت واللي صاربينا ماأثر على اني حبيت تصرفها.. اللي ماقدرت اسويه بيومين سوته ميشو بالدقيقه فعلا انا ماني قد المسئوليه ...
جاني صوت سارا من وراي ..
سارا :قلت لك خلينا نتصل عليها شوفي ايش سوت حنا ولافكرنا بهالحل ..
ملاك :وش الفايده لصحت ضحى بتزعل ..
سارا :انتي خليها تصحي بالأول ضحى حالتها صعبه ..
ملاك :انا مابي ازعلها ماتفهمين انتي اووووووف ..
سارا :ومليوون اووووووف انتي ليه ماتفهمين البنت مو بوعيها ..
ملاك :خلاص سارا خليني بحالي والله راسي مو ناقص صراخك ..
سارا :خلاص لاتنفخين ترى مو انتي وحدك بهالموقف كلنا بمركب واحد ...
تجاهلتها هذا اللي كان ناقصني سارا تفلسف علي بس من قال سارا تسكت ..
سارا :بس اموووت واعرف كيف حلتها ميشو .. انا كلي يوم يزيد اعجابي فيها واقول عنها داهيه ..
ملاك :روحي بس شوفي وش صار عليها ..
سارا :اووه مالي خلق احتك بميشو هذي مالها صاحب اخاف تقلب علي تحسبني انتي ..
ملاك :اوووووووف ..
سارا :طيب خلاص بروح وامري لله ..
معقوله بكل سهوله بتنتهي الأزمه اللي نعيشها .. يعني بس تدخل علينا ميشو وتقول خلاص ويصير فعلا خلاص .. ياليت هذا اللي يصير ياليته ..

**Loli.** · 11-07-2011, 09:25 PM

رد: بلا رقيب / لعاشقه ديرتها ، كاملة

((6))
ميشو

لم اتوقف عن قضم اظفاري الوقت يجري وانا اقف داخل الدوامه بأنتظار اتصال سوسو المبشر او المدمر ..
سألتني الطبيبه التي احضرتها لضحى انها بحاجه لنقلها للمستشفى .. ولكن ضحى التي عادت لوعيها منذ دقائق رفضت ذالك معلله انها بخير ولاتحتاج سوى لراحه ..
بعد ان مسحت عرق وهمي من جبيني اجبتها بأنا لانستطيع فعل ذالك .. اجابتني الطبيبه بأنها ستفعل ماتستطيعه لمساعدتها على الشفاء من هذا المرض ولكن الله هو الشافي ..
عدت لهواجيسي وانا ارى الطبيبه تغرس ابرتها بذراع شقيقتي .. هيا سوسو مالذي تنتظرينه اريد اتصالك اريده حتى لو دمرني فهو الفاصل لقلقي ...
وعدت لقضم اظافري بتوتر .. اه يأهلي لقد شوهت منظرها .. لكن لبأس هيا سوسو .. وانطلق جهازي الجوال برنين متواصل ...
ميشو :حسنا ماذا حدث ..
سوسو :لا ميشو مش معئول اللي عملتيه بخلف ..
ميشو :اه سوسو لأحب مقدماتك السخيفه اخبريني ماذا حدث ..
سوسو :اللي حصل ان خلف جنن عمي مبارك وأمي يقول مايبي لاشهد ولاغيرها .. وبعد حرب طويله اعترف انه ماراح يتزوج اختك ويحرم نفسه من فرصة انه يتزوجك بيوم من الأيام ..
اه ياليتك شفتي وجه امي بعد كلامه شكلها تلقت صدمة عمرها طلعت السلم وهي اللي ماعمرها طلعت فيه يمكن من عشر سنين وعمي مبارك طلع من البيت وهو يصفق كف بكف .. ميشو خلف شايفك صح اكيد شايفك مستحيل يكون هالولع من فراغ ..
تنهدت بالسخريه واجبتها ..
ميشو :لقد حطمتيني ياصغيرتي كنت اظنه عشق وهاأنت تحطمين احلامي بقولك انه مجرد ولع ..
ساد الصمت على الطرف الأخر تبعته ضحكه مقهقه لاتليق بشفتي سوسو الناعمه ..
سوسو :ههههههههههههههههههههههههههههههههههههه .. ميشو انتي مجنونه مش معئوله ..
ميشو :وهل يعجبك جنوني ..
سوسو :انا مجنونه فيه .. ميشو كراميل رجعت وريدا على وصول وأريد نسوي لهم حفلة استقبال تليق بمقامنا ..
ميشو :لابأس ولكن اعتبريني بأجازه لمدة يومين بعدها سأرى ماسنفعل بهذه المناسبه ..
انهيت ذالك الأتصال وانا احاول رسم ابتسامة النصر على وجهي ولكنها لم تكن لتخرج .. اه يال لأحباط لأعلم مالذي اصابني رغم ان الأمور جميعها تجري بصالحي هأنا اليوم اوجه لأبي العزيز وزوجته سارقة احلام الطفوله ظربه موجعه من خلال ابنهما العزيز لما لأشعر بالسرور .. اه اجل اعلم انه ذالك الضمير هاقد عاد ليستنشق اكسجين الحياه على حساب اعصابي ...
عند الثالثه صباحا كانت حرارة ضحى قد عادت طبيعيه بعد ان اخبرتها خلال الليل بأن الأمور استقرت وخلف قد ذهب يبحث له عن عروس اخرى بعيد عنا ..
ولكن بداخلى اتسأل هل سيعود ..؟!

((7))
ضحى

صحيت من النوم وانا حاسه جسمي مكسر .. اه ياشين الصخنه ..احس كبدي لايعه والدنيا ضباب .. اه اكيد هذا من الجوع ..فكرت اخذ لي دش بس تراجعت لأني احس بدوخه وخفت اطيح بالحمام .. قلت انزل اسويلي قهوه تعدل راسي بعدها اروح اخذ لي دش بالرواقه .. نزلت السلم بخطوات متأنيه خايفه لأطيح لأن طيحتي الأولى للحين احس بوجعها .. كانت الساعه قبل الست صبح .. دخلت المطبخ وبعد بحث متعب عن الدله
اللي عجزت اتذكر وين بالعاده تنحط .. اللحين مواعين البيت عجزت اتذكر محلاتها ياخوفي هالصخنه تكون نستني كل اللي درسته بالرياضيات ..
شفت الدله تفوح قدامي وبنفس اللحضه التفت على خصري يد تضمني .. صرخة من الروعه ..
:ههه خفتي ..
لفيت بقوه وماني مصدقه الصوت اللي سمعته وتمنيت يكون هذا بالذات من اثر الصخونه ..
ضحى :أنت ..
شد على يده اللي ماسكتني ..
عساف :تصوري ..
ضحى :ليش ..
عساف :اشتقت لك ..
ضحى :انت اتكلم جد ..
ابعدت عنه وانا مستسخفه حركته ...
عساف:وانا اتكلم جد وبعدين ليش توخرين لحضه ماسلمت عليك ..
ضحى بضيق:مأبي سلامك .. ليه رجعت وبدون اجوبه غبيه..
عساف :جاوبت عليك بس انتي شكلك مو واثقه بنفسك ..
ضحى :ومتى بتسافر ..
ضحك بقوه خوفتني..
عساف :لهدرجه مستعجله على فراقي .. والله ياحياتي ماعاد فيه سفر الا ورجلي على رجلك ..
صرخت بوجهه ..
ضحى :انت وش تبي وش رجعك ماكان هذا اتفاقنا ..
عساف ابتسم :طيب وانتي ليه معصبه انا ماقلت بنسافر بكرره .. اذا سافرت ويمكن ماعاد اسافر ..
هذا وش جالس يخرف كيف ماعاد يسافر وشغله ..
ضحى :وشغلك ..
مد يده لكتفي بس انا ابعدت عنه خطوه بعد وادخل بالفرن ..
عساف :ليش مبعده قربي وشغلي استقلت منه .. وش رايك بالمفاجئه ..
مستحيل استقال كيف وليش انجن هذا ..
ضحى :خبل انت ليش تستقيل من شغلك ..
عساف :ماعاد يصلح لي ..
ضحى :كيف ماعاد يصلح لك بعد عشر سنين اكتشفت انه ماعاد يصلح لك ..
عساف :وانتي ليه معصبه لاتخافين ماراح اخليك تموتين من الجوع بتوظف لو عامل بلديه ..
ضحى :تستخف دمك ..
عساف :لا كيف مايصير نسيتي ان دمي ثقيل ..
اربكتني نظراته حسيت برعشه بأطرافي وبرد .. سألته اول شي طرى على بالي ..
ضحى :كيف دخلت ..
طالعني بنظره طويله ..
عساف :مع الباب ..
ضحى :تستخف دمك ..
وحسيت بدوخه قويه ..
عساف :وانتي ماعندك غير اللي تستخف دمك .. ضحى ..
اه ماأدري وش صار فيني حسيت الأرض بعيده وانا أطيح من فووووق ..

((8))
عساف

ماصدقت يوم دخلت وشميت ريحة القهوه عرفت انها صاحيه .. رغم انها عطله بعد صاحيه بدري .. طرت علي فكرت اني اجي هنا اول مالقيت مفاتيحها حقت البيت .. ماأدري ليش جيت هنا مع اني توقعتها نايمه وجيتي مامنها فيده ورغم ارهاقي جيت بس مجرد احساسي اني ممكن اشوفها يخليني ماأشعر بالشي غير الشوق ثم الشوق ثم الشوق .. وداعنا ماكنا على هواي .. ماقدرت استحمل اصبر اسبوع عنها استقلت وجيت بعت وظيفتي وغربتي اللي كنت افضلها واشتريت قرب وحده بايعتني..
اول ماشفتها واقفه عرفتها هي مستحيل أخطي فيها ضميتها ضمه ماأششفت غليلي وهي بالسرعه وخرت عني بالطريقه تجرح عديم الأحساس ..
كنت اتكلم معها وانا مو معها اشتقت لها حيييل كنت اشوفها تتكلم ومأبيها تتكلم ماأبي كلامها يخرب الصوره ..
اه يالناس ليه احبها ..
شكلها ماكان عاجبني من البدايه فيها شي احسها ضعفانه مع ان كل اللي غبته مايجي اسبوع ووجها اصفر شاحب .. واللي اكد شكوكي يوم بدت تترنح بوقفتها ومالت على الفرن ..
لحقتها قبل ماتطيح على الدله الفايحه وتحرقها ..
جلست على ركبي وان ماسكها راسها بحظني وباقي جسمها ممد على الأرض هزيتها ..
عساف :ضحى ضحاى ..
فتحت عيونها وسكرتها وكأنها نعسانه ..اه ياربي وش فيها انا كنت حاس انها مو طبيعيه ..
عساف :ضحى حياتي وش فيك ..
هزيتها .
ضحى :اخ راسي لاتهزني راسي ..
عساف :حياتي وش فيك ... قومي اوديك المستشفى ..
وقومتها معي وهي تمشي وتترنح وماأدري وش تقول ..
ضحى :فكني ..
وحاولت تسحب نفسها بس انا كانت ماسك فيها بقوه اخذت عباه معلقه عند الباب وبالقوه لبستها ..
ضحى :فكني وين ماأخذيني ..
عساف :وين ماأخذك يعني بخطفك ..
ضحى :اه ياربي فكني ..
عساف :ضحى بلا خبال امشي بوديك المستشفى ..
حسيتها رجعت تدوخ من عنفها ليش تجر نفسها مني بهالطريقه ..
ضميت كتوفها بقوه لي ومشيتها بهدوء .. كان ودي اشيلها بس ماأبي اضايقها بحركاتي ..
طول الطريق بالسياره وهي هاديه اسألها ماترد علي بس اذا اصريت بسؤالي ردب ب اممممم .. كنت اسأل عشان اتطمن اذا هي صاحيه اولا ..
بعد دوخه طويله عريضه بالمستشفى .. وبعد ماأكتشفت انها مريضه لها ايام عطوها مغذي ساعتين وبعدها طلوعها بعد ماصرفوا لها ادويه للحراره ..
اول مافتحت باب البيت ودخلتها ..
نواف :ياحقيررررررررررررررررررررررررررر ..
وعد :حيوووان حقيرررر مجنون .. ليه تخطف اختي ياغبي ..
نواف :انت ماعندك احساس كيف تأخذ اختي بدون ماتخبرنا متخلف انت ماتفكر ..
ضحى :خير وش فيكم ..
ملاك :وينك ضحى خفنا عليك ..
ضحى :ليه بزر قدامك ام ست سنوات ..
ملاك :ضحى ..
ضحى :بس ولاكلمه ..
حلو واخيرا شفتها تهاوش مع خواتها مابغت ..
عساف :اللحين انتي وياها تشوفن اختكن مريضه وتعاندنها لاومسويات فيها حريصات عليها وانتن المستشفى ماوديتنها ليه ..
وعد :انت مالك خص يامتخلف وش رجعك ياعساك غرقان في عبارة السلام ..
عساف :ضحى بمرك العصر جهزي حالك ..
ولفيت عنهم وطلعت قبل مايسمع ردها اعرف تسويها وتكسحني قدام خواتها ..

((9))

صحى من النوم بحماس اصلا مايدري اذا هو نام وكان يحلم فيها ولاكان يهوجس فيها لين طلع الصبح .. واقف قدام المرايه يمشط شعره .. وقف فجأه يناظر بشكله ليش يحس نفسه متغير .. فيه شي غير .. دقت اجراس الخطر داخله تأخررر رمى المشط اللي بيده واخذ شماغه ومفاتيح سيارته وطلع يجري تذكر جواله ومحفظته بس مارجع يأخذهم .. كل تفكيره انه بيروح هناك وبيلقاها مافكر لو واحد بالميه انها ماراح تجي ..

تحياتي للجميع
عاشقة ديرتها

**SOoΚaRh** · 12-07-2011, 12:17 PM

رد: بلا رقيب / لعاشقه ديرتها ، كاملة

يعطيك ألف عافية
بارت جنان ..
متابعتك ياعسسسل =)

**Loli.** · 13-07-2011, 07:00 AM

رد: بلا رقيب / لعاشقه ديرتها ، كاملة

تسلموا حييل
وانا ماقدر احطه البارت الثانين لأنه بسافر
معليه مابي احد يحط البارت غيري

ممكن (:

**مجنونة وجنوني يجنن** · 13-07-2011, 11:52 AM

رد: بلا رقيب / لعاشقه ديرتها ، كاملة

ممكن ونص اممممممممممممم
بطولين هع..؟<< مندمجه لؤوؤل

**Loli.** · 13-07-2011, 01:51 PM

رد: بلا رقيب / لعاشقه ديرتها ، كاملة

هع

لا بس 9 أيام وأرجع
منوره

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget