تويت
رد: بلا رقيب / لعاشقه ديرتها ، كاملة
يعطيك العافيه
ياليت تكملينها بسرعه
او نضطر ننقلها للمحذوفات حسب القوانين
يعطيك العافيه
ياليت تكملينها بسرعه
او نضطر ننقلها للمحذوفات حسب القوانين
-
-
رد: بلا رقيب / لعاشقه ديرتها ، كاملة
طيب غلاتي الحين بكملها :$تعليق
-
رد: بلا رقيب / لعاشقه ديرتها ، كاملة
الحلقه الحاديه والعشرون
ميشو
لم أكن أتوقع باسوء كوابيسي أن تعود ضحى بهذه اللحضه الحاسمه .. رغم كل هذا كان هناك هاتف بداخلي يخبرني أن ضحى لم ولن تتخلى عنا بمثل هذا الموقف وستعود ..وهاهي عادت لتفسد جميع خططي ولكن مأسعدني حينما أخبرتنا انها توصلت مع عساف الا حل وسط يرضي الجميع والأفضل ان هذا الحل لم يكن الأنفصال .. هذا يعني ان عودتها هذه لافائده منها بل هي نهاية تواجدها وسيطرتها على هذا المنزل .. أستغليت فرصة عودتها لأتمتع بحريتي من جديد فارتديت ملابسي استعداد للخروج ..
وأنا اهبط الدرج وروبي تتبعني ... سألتني سارا ...
سارا :مادريتي ..
ميشو :عن ماذا تتحدثين ..؟!
سارا :الشرطه اللي دقينا عليهم جوو تصوري بعد ساعتين جايين صدق ان مامنهم فايده الحمدالله انا ماكنا معتمدين عليهم أقشر امن اللي بيجينا من وراهم ..
ماذا هل ماتتفوه به هذه المعتوهه حقيقه ..
نواف :لا وبعد يقولون أن أزعجنا السلطات بس أنا ماسكت رديت عليهم رد جامد ..
وعد :اللحين يوم قلت ان الموضوع انحل ودي وان اللي طبوا علينا طلعوا من أهلنا صرت رديت رد جامد ..
واستمرت ثرثراتهم حتى وصلت للباب الخارجي ..
كنت اشعر بملل شديد فأنا لأعلم حتى ألى أين أذهب .. ؟!
اخرجت من حقيبتي شريط اغاني حصلت عليه كهديه من سوسو طلبت من سائق الليموزين اشغاله ..
ماهي الادقائق حتى ملأت السياره موسيقى صاخبه اجزم بأنها تعجب سوسو كثيرا .. ولكنها تجلب لي الصداع بسرعه طلبت من السائق اغلاقه ..فأغلقه وأعاد الي الشريط .. ومازال الملل يحاصرني طرأت لي فكره ستبعد هذا الملل عني وتجلب لي سعاده حتى لوكانت مؤقته ولكنها كفايه لتعيد لي صفاء روحي..
طلبت رقم كراميل التي ضحكت كثيرا حينما افصحت لها عن طلبي واضافت الم اخبرك ان هذا نوع من الأدمان .. بعد ساعتين كنت للمره الثانيه اقود السياره في شوارع الرياض ولكن لم يكن هناك خلف الأخرق يطاردنا ويجذب أنتباه الأخرين الينا .. وأنا اجلس هنا خلف موقد هذه السياره الرائعه متأكده أنه يجلس هناك محتارا يفكر ب روبي التي سلبته عقله والتي خرجت له اليوم بدور جديد وأسم جديد ..
حينما سمعت صوت رنين هاتفي المحمول وصد ضجة الموسيقى والأحاديث التي تملأ السياره راودني شعور بأنه هو المتصل ..
ميشو :كراميل من فضلك أخرجي هاتفي من حقيبتي ..
كراميل :لا سوري مأقدر أثق فيك كيف تبين تردين وتسوقين .. اذا تبين أرد ماعندي مانع ..
ميشو :هيا أخرجيه فقط اريد أن ارى من المتصل ..
كراميل :اذا على كذا ابشري ..
وفعلا وكماتوقعت كان رقمه وبالتأكيد لم أكن لأرد عليه لسببين أني مشغوله بالقياده والسبب الاخر ليس بهذه السرعه استجيب له يجب علي أن اخذ المزيد من الوقت اريده ان ينضج على نار هادئه ..
أخرجت سوسو راسها من بين المقعدين ..
سوسو :من المتصل ..؟
ميشو :رقم غريب لم أعرفه ..
سوسو :خليني أرد عليه يمكن أحد يبيك ضروري ...
وهل أنا حمقاء لأدعك تردي على شقيقك ...
ميشو :لا ياعزيزتي أخشى ان يتسبب لي ردك عليه بنوع من الأزعاج ..
سوسو :اه صح نسيت أنتي من اصحاب المباديء ..
ميشو:الايعجبك اصحاب المباديء ..
سوسو :اكيد لاحبيبتي هذا يبي لها سؤال ..
كراميل :ميشو وش رايك توقفين هنا ..
ميشو :هل أنتي واثقه مما تطلبين ...
كراميل :أكيد بنزل أنا وسعاد ثواني ماراح نطول وراجعين لك ..
مر على دخول سعاد وكريمه للمشغل النسائي عشردقائق ...
حدقت من مراة السياره بالسيارة الحرس الشخصي للكريمه كانت متوقفه خلف سيارتنا مباشره ..
لذا حينما سمعت الباب بجواري ينفتح لم أعتقد بأنها غير كريمه ...
ميشو :كريمه بهذه الس ......
وقطعت جملتي حينما وجدت من يجلس بالمقعد جواري لم يكن كريمه ..
:سوري اذا خرعتك كنت مراقبكم من بداية الجوله ماصدقت كلام كريمه يوم قالت لي انك أنتي اللي تسوقين السياره ... ليه ..؟!
دعوني أخبركم من هذا غريب الأطوار الذي أقتحم علي السياره ليسألني لماذا أقودها .. أنه شخص التقيت به في الشقه كان بأنتظار كريمه ..ولكني لأعلم لماذا أجده اليوم غريبا فهو بذالك اليوم لفت أنتباهي كثيرا فهو لم يوجه لي أي حديث بل عاملني كنكره والان يأتي ليسألني لماذا أقود السياره وكأنه يهتم لأمري ... كان بأمكاني أن أجيبه برد لاذع كأن اقول وماشأنك أنت او أن الأمر هذا من خصوصياتي الى أخر ذالك من الردود غير المحببه ..ولكنتعليق
-
رد: بلا رقيب / لعاشقه ديرتها ، كاملة
كل مافعلته أن أخذت بالتحديق به وقد أنعقد لساني ..
:ليش ماتردين علي ...؟!.. بعدين ليش تلبسين هالنظاره أفصخيها خليني أشوف عيونك ...
وقبل أن أقوم بأي تصرف وجدتها بيده ..
:أسبوع كامل وأنا كل ماغمضت عيوني حلمت بهالعيون ...
واخيرا وجدت صوتي ..
ميشو :من أنت مالذي تريده ..
:انا قتيل نظرة عيونك وش ابي منك حبك ياحياتي ..
واردف وهو يفتح باب السياره ..
:بنزل اللحين هذا رقمي دقي لي عليه ضروري ماراح انام لين أسمع صوتك ..
وترك لي مكانه على المقعد بطاقه تحمل اسمه وارقام هواتفه ..
لأعلم لماذا حينما يتعلق الأمر به لأكون على طبيعتي فأنا أتصرف بطريقه غريبه محيره تجعلني لأعرف نفسي فأنا لم أكن لأخذ تلك البطاقه لوكانت لغيره ..
فارس .. أجل فارس كان اسمه هذا ماتسألتم عنه اليس كذالك ..
..
كراميل :مشمش حبيبي وين سرحانه ..
ميشو :ماذا ..؟!
سوسو :سوري ميشو طولنا عليك ..
ميشو :لابأس ..
قلتها وأنا أهم بتحريك السياره ..
سوسو:فيه سياره تلاحقنا ..
أرتجفت يدي على المقود من ملاحظتها أنه فارس بالتأكيد ...
رايت ابتسامه على شفاة كريمه أم تخيلتها .. لأنها ردت عليها بكل برود ..
كراميل :أن مالحظت شي شكلك من الخوف بديتي تهلوسين ..
هل تعلم كريمه أن فارس هو من يلاحقنا .. لماذا تنكر كراميل لاتخشانا بالتأكيد .. مالذي تريده من فعلتها هذه ..؟!
كراميل :مشاعل حبيبتي وين بتباتين الليله ..
أستغربت سؤالها ..وكأنها تعلم أن لارغبه لي بالعوده للمنزل وضحى متواجده فيه ..
ميشو :ليس بالمنزل بالتأكيد ..
قلتها وأن أنحرف بالسياره لأترك المجال للمرورسياره خلف مقودها مراهق متهور يرغب بالتحدي ..
سوسو :هذا اللي بيجيب لنا المشاكل وش يبي ذا ..
ميشو :لاتقلقي لن يعاود مضايقتنا ..
كراميل :اجل تعالي معي بالشقه ماودي أرجع للبيت ..
ميشو :اخشى اني لأستطيع ذالك ايضا ..
كراميل :وش دعوى ليه عاد .. لايكون لقيتي غيرنا واستغنيتي عنا وماعاد تثقين فينا ..
ميشو :انا بالتأكيد لا ..
سوسو :اجل وين بتروحين ..
ميشو:هل تمانعين لوقضيت هذه الليله في منزلك ..
سوسو :اكيد لاياحياتي بس يبغى لنا تدبيرات أمنيه و...
قاطعتها ..
ميشو :الأخرق شقيقك لن تخبريه ..
سوسو :متحطيش في بالك مالك سافر ..
ميشو :جيد سيكون الوضع رائع ..
كراميل :افا مشمش ترفضين عرضي وتروحين مع سوسو ..
ميشو :هل أهمك لهذه الدرجه ..
كراميل بغرور :اكيد لا ..
ميشو :اذا لن يضيرك الأمر اليس كذالك أعرفك جيدا ..
مالذي يحدث يبدو أن كراميل متكدره بحق .. وابتسامتها المغروره لاتخفي شيء ..
لماذا أفكر بأمر كهذا لن أجد أجابته حتى لو حزرتها .. عندي الكثير لأفكر فيه ويكفي ليصيبني بالأعياء ..
وفهدي وعائلته الكريمه اولى بالتعب من أجلهم ..
وماذا ايضا والدي أجل والدي .. لقد حان الوقت لأكشف سره الصغير لزوجته الثريه ..
وماذا عن عساف الا يستحق ان يناله شيء من ناري هو ايضا قد تسبب لشقيقتي بالكثير من المتاعب ..
سارا
مر يومين على الزياره المبجله من قبل والدنا العزيز كل هذا ماهو مهم المهم اللي بيصير معنا اللحين ..
سارا :يالله ملاك اتصلي والله أني متحمسه ..
عاد ملاك لاتفوتكم جالسه ترتب شكلها الغبيه اللحين بالتلفون أحد بيشوف شكلها .. صدق بعض الأحيان تقهرني هالملاك بغباءها مأحسها توأمي ...
سارا :والله مأحد شايفك أتصلي بس ..
ملاك :خلاص اللحين بدق وين الرقم ..
سارا :معي شوفيه يالله أنا بمليه لك وأنتي دقي ..*******
ملاك :اخر رقم سته ولاتسعه ..
سارا :لاسته هاه ردوا ...
شفت ملاك بالسرعه تقفل السماعه ..
صرخت عليها ..
سارا :وجعععععع وش فيك ..
ملاك :غبيه انتي أنا دقيته على أنه تسعه ..
سارا :ياربي .. يالله اعيد لك الرقم ..
وعدت لها الرقم وهي تضغط الأرقام ..
ملاك :ررردوا .. الو ..
وصكت السماعه بيدها وقالت لي ..
ملاك :خدامه ..
ملاك :فين ماما شيماء .. شنوا هذا مافيه بيت مدام شيماء ..بيت منووو .. اها .. طيب كم رقم بيت ماما شيماء ..
وصكت السماعه بيدها من جديد ..
ملاك :سارا أكتبي الرقم ..
سارا :رقم مين ..
ملاك :اكتبي وأنتي ساكته بالسرعه يالله ..
وفتحت السماعه على السبيكر وأنا أكتب الرقم اللي تقوله الخدامه ..
وبعد ماقفلت سألتها ..
سارا :اجل هذا اللي أخذناه من الأستعالامات رقم مين ..
ملاك :هذا رقم البيت الثاني اللي فيه زوجة رجل خالتي شيماء الأولى ..
سارا :اها .. طيب يالله بالسرعه وش تحترين يالله ندق على خالتي شيماء يالله ..
ملاك :بس لحضه بعدل شكلي ..
ياربي بترفع ضغطي هالأنسانه ..
سارا :ياهبلا مانتي طالعه لأحد انتي بتكلمين بالتلفون ..
ملاك :يارربي حتى لو بتلفون لازم أطلع حلوه ..
ماقلت لكم هبلا ..
وجلسنا ندق الرقم الجديد .. بس اه يالقهر محد يرد ...
قالت لي وهي شوي وتبكي ..
ملاك :محد يرد ياربي حنا ليه حظنا كذا زفت ..
سارا :حاولي من جديد ماحنا تاركينه اليوم لين يردون علينا ..
وجلسنا نحاول بس مافيه فايده ...
سارا :طيب دقي على الرقم القديم وقولي أنا مافيه أحد يرد عليك على الرقم اللي عطوك ..
ملاك :والله أنك غبيه وهم شكو فيني ..
سارا :طيب بكيفك أنا كنت بختصر عليك ردوا ..
وحنا نتكلم كانت ملاك تطلب الرقم للمره المليون .. ماصدقت يوم قاطعت كلامي وهي تصرخ .
ملاك :ردووووووووا ..الوووووووووو .. فين ماما شيماء .. اوكي ..
سارا :هاه وش تقول ..
ردت علي ملاك بحماس حسيت أنها من قوته ودها تدخل مع السماعه وتروح هناك ..
ملاك :راحت تناديها ..
وفجأه شفتها ترتبك شكل أحد رد عليها ..
ملاك :السلام عليكم .. كيفك خالتي ... بخير الله يسلمك .. ماعرفتيني .. أنا ملاك ال ......ز بنت أختك صباح .. ايوه أنا ايوه سارا أختي جالسه عندي تبين تكلمينها ...
وصكت السماعه بيدها وقالت لي ..وهي تلعب بحواجبها بخبث ..
ملاك:ماصدقت من الفرحه تبكي ..امسكي تبي تكلمك ..
بالتردد اخذت السماعه منها .. مأحب أكلم أحد غريب لولا أصرار ملاك مافكرت ابد أني اسأل عن خالتي ..
حطيت السماعه على اذني وسمعت صوتها تبكي على الخط الثاني ياربي رحمتها شكلها هي فرحانه فينا بالصدق وحنا كل اللي نسويه لطمعنا فيها حسيت أن أنذال مجرمين قلوبنا ميته هذا اللي فكرت فيه قبل مارد عليها بصوت هامس ..
سارا :الووو .. أنا سارا ..
خالتي تبكي:سارا حبيبتي ياحياتي كيفك ...
سارا :انا بخير أنتي كيفك خالتي ..
سمعتها تبكي بقوه ..
خالتي :انا بخير من سمعت اصواتكم حبايبي كيفكم ياحياتي والله اشتقت لكم كثير .. ليش ماتصلتوا علي من قبل ان كان كل حلمي أني ألقاكم .. انتم وين اللحين ووش مسوين فحياتكم ...
اخذت ملاك مني السماعه يوم شافتني متصلبه وأنا ماسكتها ..تعليق
-
رد: بلا رقيب / لعاشقه ديرتها ، كاملة
ملاك :حتى حنا والله اشتقنا لكي خالتي .. ايوا ... وخاطرنا بعد نشوفك .. خالتي حنا نبغى نزورك ممكن .. مشكوره خالتي .. العنوان هاه لا مانعرفه .. ايوه لامايحتاج حنا نجي بالتاكسي .. لاوالله عادي خالتي .. اوكي .. باي ..
وبعد ماقفلت منها سألتني ..
ملاك :وش فيك سارا مو على بعضك ..
سارا :خالتي شكلها تحبنا بس حنا اللي نسويه ..
قاطعتني ملاك ..
ملاك :سارا وش فيك حنا ماسوينا شي للحين بعدين وش بنسوي بنستغل خالتي .. صدقيني كل اللي بنأخذه منا هي اللي بتعطيناه بدون مانطلبه حنا ماراح نسرقها بعدين هي عايشه بالنعمه يعني اللي بتعطيناه ماراح ينقص من غناها شي .. سارا لاتنسين أن كل اللي نسويه مو عشانا عشان خواتنا اللي أصغر منا مايعيشوا الحياه اللي عشناها ..
ملاك تحاول تقنعني بأي طريقه أن اللي نسويه شي عادي وماراح يضر أحد بس أنا ماني قادره أقتنع صح يمكن اللي نسويه ماراح يضر أحد مادين بس بالمشاعر بالعواطف .. الصدمه اللي بتجي خالتي لو عرفت هدف تقربنا منها ..
سارا :لا أنا مأقدر اللي تطلبينه مني صعب .. كيف تبغيني أستغل خالتي ...
شفت ملامح ملاك كيف تغيرت .. وهي تقرب مني وتمسك يدي ترجاني ..
ملاك :سارا لاتكونين غبيه وتضيعين هالفرصه من يدينا .. ارجوك سارا عشاني أرجوك .. لوكنتي تحبيني بتكملين معي اللي بديناه ..
ماقدرت أتحمل الرجاء اللي شفته بعيونها .. وبعت كل مبادئي عشان أرضيها ..
هذا الكلام اللي قلته لها وحنا فالسياره ..
ملاك :ياشينك سارا لاتكلمين بالطريقه هذا لاتصيرين معقده كفايه علينا ضحى ومشاعل خليناحنا شوي فررري مانبي مباديء وأخلاق ومن هالحكي .. سارا حنا أنولدنا كذا نسوي اللي نبي ومو لازم أحد يدري صح ..
هزت راسي بالموافقه رغم أني ماني مقتنعه ..
ملاك :بس اللحين ماعاد ينفع شغل الخش خلاص ضحى بتروح بالطريقها وبيصير لنا مجال اكبر أنا نأخذ حريتنا .. ولاتنسين أن كل اللي نسويه ماهو عشانا عشان خواتنا مو ... سارا فكري معي شوق هند يقدرون يعيشون اللي حنا عشناه أكيد لا ...نوف ووعد فكري فيهم ذولا الصغار اللي يبون كل طلباتهم ملباه بيقدرون حالنا .. شهد اللي على حافة الأنحراف بدون فلوس ماراح نقدر نسيطر عليها ..
صدقيني أستغلالنا لخالتي بيستفيدون منه خواتنا أكثر من استفادتنا حنا ... لأن حنا ماعاد تفرق معنا شفنا أنواع العذب بهالحياه ماعاد فيه شي نخاف منه صح ..
رديت عليها غصب عني ..
سارا :ايه ..
لأنه فعلا ايه حنا شفنا أنواع العذاب بحياتنا ...
وصلنا للفيلا خالتي وأنفتحت لنا البوابات اللي ياما وقفنا عندها نفكر كيف نقتحمها ..
ملاك :اللحين أي فيلا اللي فيها خالتي شيماء ..
سارا:وان ايش دراني ...اسألي هذا اللي عند الباب ..
وفعلا فتحت ملاك دريشتها وسألته فاشر لها على فيلا خالتي شيماء ..
وقفنا عند الباب وين مانزلنا التاكسي مترددين ...
سارا :اللحين بعد ماقطعنا كل هالطريق جايه تقولين متردده ... يالله بس دقي على الجرس ...
وكأن ملاك كانت منتظره اني أقولها هالكلام لأنها نفذته مباشره ..
التفتت علي ويدها على الجرس ..
ملاك :التلفون ساعه عشان يردون عليه والباب ساعه عشان يفتحونه وش هالكسل اللي فيهم ..
مأدري وش فيها ملاك صايره وقحه هاليومين الصراحه تقهرني فبعض تصرفاتها وتعليقاتها ..
سارا :عيب عليك وش هالحكي ..
وقبل ماترد علي فتح لنا البيت وكانت اللي فتحته الخدامه وقالت لنا أن خالتي تنتظرنا وانها بتودينا لها ...
مرينا بالصاله كبيره وفخمه كنا أنا وملاك نطالع بكل اللي حولنا بأندهاش كان الأثاث مره راقي والفيلا كبيره بشكل غير معقول .. وحنا للحين تحت دهشتنا سمعت صوت أحد يرحب فينا ... رفعت عيني لمصدر الصوت ولقيت ملاك بأحضان حرمه الأكيد انها خالتي ..كانت تبكي وهي حاضنه ملاك ...
بعدها تركتها وجت لمي وأنا بكل أستسلام أنقدت لها حسيت بحضنها بدفا وحنان ماتعودت عليه .. قالت لي وهي تمسك راسي بين يديها ..
خالتي :سبحان الله صباح بين يدي ...
سمعت صوت ملاك تسألهابحسد ..
ملاك :ليش بس سارا اللي تشبه أنا يعني مأشبهها ...
خالتي :مأدري ليه يوم شفت سارا تذكرتها ولا أنا مافرقتكم عن بعض ..لين قتلي أنتي أن هذي سارا ..
جلسنا على هالحاله نسولف وخالتي شكلها طايره فينا وملاك مره أندمجت معها أما انا لا ماقدرت ماحسيت بالراحه احساسي بالذنب لخداعنا لخالتي مخليني متوتره وابغى بس أطلع من هنا بس ملاك شكل ماعندها نيه .. سمعت خالتي تسألني ...
خالتي :سارونا حبيبتي ليه ساكته ..
ابتسمت بالتوتر وحسيت بخدودي مولعه ..
ملاك :خليك منها ياخالتي لاتحرجينها سارونا دايم كذا حيويه ..
وغمزت لي ... ايا اللعينه انا حيويه هاه ولا أنتي الخبيثه ولامن متى ملاك تكلم مع أحد بأحترام زي كذا ولا العقل اللي نزل عليها مره وحده .. ولا أسمعوا وش تقول اللحين يوم سألتها خالتي عن أبونا ..
ملاك :ابو أي ابو هذا اللي تسألين عنه ياخالتي أبوي الله يسامحه من أكثر من عشرسنين ماسأل عنا ولاحتى عن جدتي اللي طايحه مريضه لاندري عنه ولايدري عنا ...
شفت الصدمه بعيون خالتي ..
خالتي :يعني مايصرف عليكم ..
ملاك :اقولك ياخالتي ماسأل عنا كيف بيصرف علينا ..
خالتي :وطول هالوقت كيف عايشين من يصرف عليكم ..
ملاك :أختي ضحى الكبيره هي اللي متكفله فينا هي موظفه وتصرف علينا وهي اللي مربيه كل خواتي الصغار ..
محست خالتي دموعها اللي نزلت ..
خالتي :الله يسامحه مبارك ليش يسوي فيكم كذا ولاكأنكم بناته ..يعني أنتم ماعندكم رجال عم ولد عم يقوم فيكم ..
سارا :لاياخالتي حنا ماعندنا أحد ضحى هي رجال البيت ..
ابتسمت لي ملاك شكلها راضيه عن ردي ..
خالتي :بس كذا مايصلح ليه سكتوا هالوقت ليش مايجتوني من زمان أنا مستحيل أرضى بهالوضع كيف بنات أختي يعيشن كذا ...
ملاك :ليه ياخالتي وش فيه عيشتنا كل خواتي عايشين مثلنا ...
خالتي :لا مايصلح كذا كيف تعيشون لحالكم وأنتم بنات الناس وش بتقول عنكم ..
شكل ملاك مأعجبها كلام خالتي شفت وجها تغير لونه وتوترت ...مع ان هذا اللي كانت تبغاه بس ملاك ماصرت أفهمها ..تعليق
-
رد: بلا رقيب / لعاشقه ديرتها ، كاملة
ملاك
لا بليز خالتي الزمي حدودك ولاتدخلين بشئونا .. هديت نفسي لأرد عليها بأنفعال وأخرب كل خططنا ..
ملاك :وحنا وش بيدنا ياخالتي نسويه موحنا اللي طلعنا من بيت أهلنا هربانين لسمح الله عشان الناس تكلم فينا أبونا هو اللي تخلى عنا وحنا جالسين فبيتنا حاشمين أنفسنا ومأحد يقدر يتكلم فينا ..
تنهدت بالراحه يوم ردت علي خالتي رد يدل على أقتناعها بكلامي ثم غيرت الموضوع وكأنها حست بعصبيتي من هالموضوع ..
خالتي :وش رايكم نطلع نجلس بالحديقه الجوحلو هالحزه ..
كان ودي والله بس لازم نطلع لزوم الخطه ..
وقفت وأنا أقول ..
ملاك :ودنا ياخالتي بس شوفي الساعه كم وحنا مانقدر نبقى برى البيت لوقت مثل هذا تعرفين عندنا خوات أصغر منا مسئولين منا ..
فرحت بالأبتسامه اللي أنرسمت على وجهه خالتي ..
خالتي :كان ودي لوتجلسون معي أكثر ..وعشان أخليكم تطلعون لازم توعدوني أنكم بكره بتجون تغدون معي ..
تصنعت الأحراج والتفكير .. وقلت بتلعثم ..
ملاك :بس ياخالتي ..
قاطعتني ..
خالتي :لابس ولاشي ..ضروري تجون أنا مالي أحد غيركم ..عيالي ومسافرين يدرسون برى وأنا وحيده هنا بهالبيت الكبير ..
ردت عليها سارا اللي كانت تطالع تمثيلتي بعدم اقتناع ..
سارا :ان شاءالله ياخالتي ولايهمك ..
خالتي:تسلمين ياحبيبتي لاتنسون بكرا أنا أنتظركم وبرسل لكم السايق الساعه عشر الصبح بليز بدون أعتراض .. واللحين بخلي السواق يوصلكم ..
وحنا بالسياره ..
قالت لي سارا ..
سارا :ملاك والله اللي نسويه خطأ خالتي أنسانه طيبه ماتستحق اللي نسويه فيها ..
ياربي من سارا ليه صايره كذا حساسه بدون داعي اللي يسمعها يقول حنا رايحين ننصب عليها ..
ملاك :ياسارا ياحبيبتي حنا ماسوينا شي يستحق كل هاللي تقولينه .. بعدين أنتي ماشفتي كيف خالتي فرحانه فيها تبغينا نحطم قلبها لو انقطعنا عنها ..
سارا :ماقلت نسوي كذا بس ..
قاطعتها ..
ملاك :بس أيش صدقين والله ماراح نطلب منها شي .. اذا عطتنا بنأخذ وأذا ماعطتنا ...
سارا :بنتحايل عليها لين تعيطنا صح موهذا اللي كنتي بتقولينه ...
تنرفزت منها طريقتها بالكلام وكأنها تبغى نتهاوش وبس ...وبقهر قلت لها ..
ملاك :ايه نتحايل عليها لين تعطينا حنا بنات اختها وهي بطرانه ويقولون الأقرباء اولى بالمعروف .. هالفلوس اللي عندها كلها وش بتستفيد منها خليها تصرف علينا جزء بسيط منها ..
سارا :ليش تكلمين كذا ليه فجأه صرتي كذا جشعه وطماعه ملاك حرام عليك اللي تسوينه بنفسك ...
ملاك :اوووووووووووف بلييز سارا بلاش نصايح راسي يوجعني منها .. وأنا ماتغيرت أنتي اللي تغيرتي وصرتي فجأه معقده مثل ضحى ...
ماردت علي ظلت ساكته يعني زعلت ..
ملاك :سارونا حبيبتي ليش نخلي موضوع سخيف مثل هذا يفرق بينا .. خلاص انسي كل اللي صار اليوم ولاكأنا سوينا شي ..
سارا :كيف انسى وحنا بكره معزومين عندها ..
ملاك :انسي من اليوم لين بكره يحلها ربك ...
ماردت علي .. سألتها بدلع ..
ملاك :سارونا ليه ساكته للحين زعلانه مني ..
ردت علي بتكشيره .
سارا :لاخلاص نسيت ..
ملاك:طيب ليه مكشره يالله أبتسمي شكلك كذا ولا بالريال يعقدني ..
ردت علي سارا بأبتسامه وهي تقول..
سارا :شوفي سيارة خالتي كيف كشخه مالت على جمسنا ...
ملاك :مالت عليه مرتين وش يجي قدام اللومينا .. لا وهذي تلقينها ناسيتها مع السواق ولاتسأل فيها أكيد ماراح تطلع بالسياره مثل هذي ...
سارا بعدم تصديق :ليييش وش فيها هالسياره تهبل ..
ملاك :عندنا تهبل مالت علينا ماشفنا خير ..
ومابغيت اكمل اللي بخاطري واقول أنه قريب بنصير شايفين خير ومايملا عينا غير اللي يملا عيال الكباريه ..
وصلنا البيت وحنا ننزل شدتني سارا بقوه مع عباتي لفيت اشوف وش تبي شفت الرعب بعيونها وهي تطالع فبيت جيراننا وعرفت ان السالفه فيها قيس .. لفيت وشفته واقف على باب بيتهم وبيده سيجاره ..
مسكتها مع يدها عشان ندخل كانت تلصق عمرها في عشان أكون حاجز بينها وبين قيس اللي يكون بالجهه الثانيه ..
دخلنا البيت وقفلت الباب بكل قوه داخلي ..
ولفيت على سارا أقولها ..
ملاك :شفتي كيف الموضوع سهل طنشيه بس ومايقدر يسوي لك شي ..
سارا ترتجف :عيونه حمراء مثل المجرمين ..
ضحكت عليها لين جلست على الأرض ...
ظربتني على راسي بشنطتها وهي تصرخ بالطريقه طفوليه..
سارا :لاتظحكين علي يالدبا ..
بعد ماوقفت ..
ملاك :غصب عني ماتشوفين نفسك وش مسويه اللحين كل هالتمثليه وبالأخير تطلعين متمقله فيه لين قلتي بس وخايفه منه كيف تركب هذي ..
تركتني ومشت ..
ملاك :تعالي وين تركتيني هنا ...
اول مادخلت للبيت ...
وعد :خيرررررررررر وين كنتم فيه شوفوا الساعه كم اللحين عشر دقايق ويأذن العشاء ..
نواف :تاركين البيت كذا بدون حتى ماتعطونا خبر حنا شوي ونبلغ الشرطه .. بعدين وش ذا السياره اللي نزلتهم منها..
سألتهم وأنا ادور بعيوني عليها ..
ملاك :ضحى موجوده ..
وعد :لاوين خبرك عتيق ضحى من الصبح ماهي فيه ..لاتغيرين الموضوع قولي وين كنتم فيه ..
ملاك :اصلا ماقصدت أغير الموضوع ولاني معلمتك وين كنا فيه ...
ولفيت من غير قصد لسارا
وعد بحماس :هاه وش انتم مسوين اعترفي ولاليه تناظرين بالسارا وكنك تقولين لها لاتعلمين ..
نواف :شكل وراكم مصيبه علمونا قبل ماتجي ضحى وتطلع العلوم من عيونكم ..
قلت لها وأنا أجلس وأحط رجل على رجل وبأستخفاف قلت ..
ملاك :ذاك أول تخوفونا بالضحى اللحين ماعاد أحد يخوفونا أنا وسارا أحرار أعمارنا ..
سمعت صوت جاي من وراي خلاني أنتفض من قلب لدرجة اني فزيت واقفه من الخرعه ...
ضحى :لاياعمري طيب ورى ماعطيتينا خبر قبل أنك حرة عمرك يأم الحريه ..
ياملاك أفندي علمن ياصلك ويتعداك دام فقلبي نبض لو أني فعطارد بظل كبيرة هالبيت .. سامعتني ياملاك سامعتني ياسارا ...
سارا :بس أنا ماقلت شي ..
ضحى :توأمك ماقصرت قالت اللي في خاطرك وخاطرها ..
وعد بلقافه :سأليهن مع مين جايات ...
لا يوووه ماهو وقت سخافتك ياوعد هذي والله البلشه
..
طالعتني ضحى بنظرت وكأن عيونها بتطلع من محاجرها ..
ضحى :وش اللي تكلم عنه وعد ..
لاياربي وش هالوهقه يعني كان لازم تسمعها اوووووفتعليق
-
رد: بلا رقيب / لعاشقه ديرتها ، كاملة
ضحى :تكلمي أنطقي أنا أحاكيك مع من جايه أنتي وياها ..
صدمتني سارا يوم أعترفت ..
سارا :مع سواق خالتي ..
ضحى بذهول :خالتك أي خاله .. أنتي عن أيش تكلمين ..
الله يأخذ أبليس شيطان شياطينك ياسارا ..اللحين هذي وش بيفكنا منها ... الأعتراف خير وسيله فلامفر ..
ملاك :خالتي أخت أمي ..
حسيت ضحى للحين مصدومه من كلمت سارا .. وماتدري وش نقول ..
ضحى :خالتك أي خاله .. أنتي عن ايش تكلمين ..
ملاك :اووووه ضحى لاتقعدين ترددين لي الكلام مثل الهبلا .. قلنالك خالتنا أخت امنا دقت علينا ورحنا لها وبس فهمتي .. وهذا اللي وصلنا سواقها تعرفين هي وحده عندها خير ..
صرخت علي صرخه أحسها أنسمعت بأخر الحاره ..
ضحى :ومن سمح لكن اصلا تروحن لها أوحتى تردون على أتصالتها ..
هههههه اجل لو درت ان حنا اللي نجري وراها وحنا اللي متصلين عليها وش قالت ...
وكلمت ..
ضحى :اصلا وش اللي يخليكم واثقين أن هالأنسانه خالتكم أولا وبعدين حتى لو كانت خالتكم أنتم تعرفون هالأنسانه كيف عايشه وش أخلاقها واصلها وفصلها .. وبعدين خالتكم ماهي بسعوديه وهالأشكال ماينوثق فيها وش درانا كيف ولاوشلون ممشيه حياتها وهالخير من وين جايبته ..
ضحى
قهروني رفعوا ضغطي برودهم فالكلام يسبب لي أحباط وأنا ماني ناقصه كفايه علي زوج الغفله (صدق هالقب لايق عليه ) ..
ردت علي ملاك بطولة لسان ..
ملاك :خالتنا ماهي بالسعوديه أمنا ماهي بالسعوديه وش تفرق يعني اصلا وش سوت امك السعوديه ياهنم .. ياحياتي كلو ملحق بعضه سعوديه ولاغير ماتفرق كلهن ذوق أبوي الردي .. يعني أنا اللي مختارتن أن امي تكون ماهي بالسعوديه ..
اللحين هذي ليش تحب تفهم الكلام على كيفها ..
ضحى :كل كلامك هذا مايهمني وعلاقتكم بهاللي أسمها خالتكم تقطعونها ...
ملاك :لاحبيبتي مو على كيفك حنا صح ماحنا متربين بس هذا مو معناه أنا مانعرف بالأصول خالتنا وصلها واجب.. بعدين كيف تطلبينا نقاطع خالتي اللي ماصدقنا لقيناها تأمرينا يعني بقطع صلة الرحم خاف ربك يأدميه لاتدخلين عمرك بالمحظور ..
سارا :صادقه ملاك .. مالك حق تأمرينا أن نقطع صلتنا بخالتي حنا بنوصل خالتنا وأي احد عنده أهل يبي يوصلهم حنا ماراح نمنعه ... صح ملاك ..
ملاك :افكورس صح ياحياتي .. المفروض أنتي الكبيره العاقله تعلمينا الأخلاق الحميده موتقولين لنا أقعطوا خالتكم ..
ضحى :انتم ليش مو راضين تفهموني أنا ابي مصلحتكم الدنيا مليانه بلاوي للحين ماشفتوها وياليتكم ماتشوفونها .. الناس ماهي مثل ماتظهر داخل الناس خفايا مايكتشفها الواحد الا بعد فوات الاوان الطيب ماهو بالشكل والكلام الزين ماهوقالتلكم أنها خالتكم وتحبكم يعني تحبكم ... ماهو لاقالت لكم تبي مصلحكتم يعني تبي مصلحتكم .. ويمكنها صادقه بس حنا وش درانا ...
قاطعتني ملاك بهمجيتها المعتاده ..
ملاك :شفتي يعني موضروري أنها مثل ماتقولين وشلون بندري عنها من غير مانجربها ..
ضحى :وليش تجربونها وش حادكم عليها ليش تجيبون لأنفسكم الهم أنتم كذا عايشين ومرتاحين ..
ملاك :انتي تقولين كذا بس حنا ماقلنا أن حنا مرتاحين .. وخالتي طيبه وماشفنا عليها شي ..
ضحى :شي مثل ايش يعني لو كانت ساحره بتسوي سحرها قدامكم او لوكانت مروجه بتبيع سمها عليكم ..
سارا :لاحرام عليك خالتي مستحيل تكون من هالنوع بعدين خالتي وارث عن زوجها اللي يغنيها عن هذا ..
ضحى :ليش هم اللي يسلكون هالطريق بس غرضهم المال لازم يكونون فقراء شحاذين عشان يكونون سحره ومروجين وحراميه وبلاوي لها اول مالها أخر .. يعني هالمهن محكوره بس على المساكين لاحبيبتي الموضوع ماهو ماده وبس الموضوع أكبر من كذا ..
ملاك :انتي غاويه فلسفه وبس .. الأيام بتثبت لك أن خالتي ابد ماهي من هالنوع ومستحيل تكون منه ..
تعبتني هالبنت معها مستحيل تفهم اصلا هي مو راضيه تفهم ..
ضحى :موشرط تكون هي مصدر الأذى ليكم أي أحد من محيطها ممكن يصير مصدر خطر عليكم ...
ملاك :شكرا على التحذير ماقصرتي بس حنا بدينا طريق وبننهيه بأنفسنا وصدقينا مهما صار معنا ماراح نجي نشكي لك .. يالله سارا نروح ننام ...
كلهم كذا البنات يحبون المشاكل والجري وراها والله لو مكتوب لوحة تحذير خطر يرحون لهالمنطقه المحذوره بيشوفون وش وراها لازم يجربون الأذى يموتون لو ماجابوا لأنفسهم الألم .. مأدري وش أسميها هالحاله ضعافة عقل ولاثقه زايده بأنفسهم ..
وعد :اوووووف ضحى أنا أكلمك ليش ماتردين علي ..
ضحى :خير وش تبين أنتي الثانيه ..
وعد:هذا زوجك الغبي اتصل مية مره يسأل عنك .. أنتي ليه مقفله جوالك ..
ضحى :كيفي عندك أي أعتراض انسه وعد ..
وعد :انا لا بس عسافووه ايه ..
قلت بعدم اهتمام..
ضحى :طقاقه .. ماوريتوني تقاريركم الشهريه ولاتقولون ماستلمتوها لأني مكلمه على المدرسه يوم الأربعاء وقايلين أنها مسلمينها لكم من الأثنين ..
اسكتوا او بالأحرى جمدوا ولاكلمه ولاحركه ولاحتى نفس ..
ضحى :شوفيكم ساكتين وكأن على رؤسكم الطير يعني مأعتقد اللي طلبته لهدرجه صعب
كاللي طلبته تقاريركم ابي أشوفها ..
وعد :هاه أي ه ان ا تقريري ..
بدينا بتلكع اعرف هالحركه وراها مصيبه ..
ضحى :ايه أنتي تقريرك وينه ..
وعد :قطعته ...
ايش وش سوت المهبوله هذي غبيه متخلفه كيف تقطعه على ميزاجها هو ..
ضحى :لاعاد وعاجبك اللي يسويه اصلا أنتي كيف تجرأين وتسوين فيه شي قبل مأشوفه ..
وعد :وليش تشوفينه من زين اللي فيه ولادرجه تفتح النفس ولالمشاركه أعلى درجه ثلاثة أرباع ..
ضحى :اللوم بهالكلام موجه لمين لي أنا قصرت عليك فالشي قولي أنطقي فيه شي طلبتيه وماوفرته لك ..
وعد :بس الأشياء اللي تعلق بالمدرسه ..
ضحى :وكلامنا اللحين عن المدرسه .. اغراضك موفرتها لك شرح وأشرح لك مذاكر واربع وعشرين ساعه ماعلى لساني الا ذاكري ياوعد حلي واجباتك ياوعد ..قولي أنا وش قصرت فيه اللحين .. قسمن بالله اذا مانجحتي هالسنه لأطلعك منها واخليك تكرفين فالبيت مثل الخدم ..وانتن الثانيات وش تحترن وين تقاريركن لايكون مقطعاتها بعد ..
نوف :لا انا ماقطعته شوفي أخذت الخامسه ..
وعد بقهر :ياحظك بشري أمك ..
أخذت منها التقرير وكانت درجاتها حلوه واكثر شي ناقصها من المشاركه ..
ضحى :ليه ماتشركين ..
نوف :اشارك والله اشارك بس هم ..
وعد داخله عرض:متشبهه ماتستحق هالدرجات شفتي الظلام كيف ..
ضحى :اها ان اشوف شغلى معهم ..
وشفت تقارير شهد وهند وشوق وكانت مثل وجيهن ..
ضحى :وش فيكن أنتن بعد تبن تعيدن السنه ..
شهد :اولى ثانوي صعبه ..
هذي والله اللي بتذبحني ..
ضحى :صعبه ياحلوه لوكانت أول مره مولك ثلاث سنين تعيدين فيها وتقولين صعبه ..
وأنتي هند تبين تأخذين فيها سنتين مثل خواتك عاجبتك الفكره ..
هندبأنكار :لا من قال بس أنا دايم مأجيب بأعمال السنه كويس وفالنهايه أنجح ..
ضحى :بس هذي اولى ثانوي ماهيب مثل كل سنه خليك فاكره .. شوفي شوق أنتي يبيلك دروس فالرياضيات الخميس والجمعه الجايات اذا جيت خليك جاهزه عشان أعطيك الدروس فيها ذاكر خلال هالأسبوع عشان أعرف وش اللي محتاجه تقويه فيه وعشان مانضيع وقت ..
شهد :ايه صح فيه بنات كثير جولنا من اللي كنتي تدرسينهم يبونك تعطينهم دروس خصوصيه ..
هند :أغلبية البنات ومن كل الفصول اللي درستي لأن المدرسه اللي جت محلك توها خريجه ودجه بمعنى الكلمه .. وكل شرحها أخطأ ..
ضحى :ماشاءالله اللحين عرفوا قيمتي ورى مايروحون لمدرساتهم الأجنبيات اللي صاجتنا فيهن واللي يحلن لهن واجباتهن ..
شهد :توهم عرفوا قيمتك وأن شرحك هو الصدقي وأنهن مايستفيدن من هالمدرسات كثر مايستفيدن من شرحك وسط الحصه ..
ضحى :قول لهم اللي يبي يدل بيتنا وأنا أخذ ضعف المدرسه الأجنبيه ..
ايه بأخذ ضعفها لاتقولون حرام ظلم أجل ليش رواتب المدرسات الأجنبيات بالمدارس الأهليه ضعف رواتب السعوديات حلال عليهم وحرام علينا ..
هند :اخخخخخ والله اللي توهقم الحمدالله أني أختك وماتأخذين مني فلوس ..
شكلها أول وحد من خواتي تحمدالله أني أختها عجيب صح ..
هند :ضحى متى حتروحي مع عساف ..
تكدرت من هالطاري ..
ضحى :بالأجازه ..
وعد :اوووف وش الفايده تكون خلصت الدراسه ..
ضحى :واذا خلصت الدراسه ..
وعد :انا كنت احسبه اللحين عشان أقدر أخذ راحتي فالغياب ..
ضحى :عندك نيه تغيبين مو كفايه الأسبوعين اللي أنفصلتي فيها ..
وعد :لاماهو كفايه ذاك أجباري أنا أبي الغياب اللي على كيفي..
ضحى :انثبري بس وخليني أسمع أن وحده منكن غايبه ..
وضع وعد مره صعب كيف بتنجح وهي على هالحال أخر تفكيرها بالدراسه يبي لها حافز وأعرف وش هالحافز ...
ضحى :وعد وش أسم اللعبه اللي طلبتيها مني ..
كست ملامحها كائبه ..
وعد :قصدك البلاي ستيشن ..
ضحى :اذا نجحتي بتقدير كويس بجيبه لكي ..
شفت بعيونها عدم تصديق لكلامي ..
وعد :اذا نجحت بتجيبين لي بلاي ستيشن ..
ضحى :ايوه بجيب لك ...
نوف :الله وناسه صدق ..
ضحى :ايه صدق بس خلي وعد تنجح بالأول ..
وعد بفرحه :بس كذا انجح وأنجح وأنجح غالي وطلب رخيص ...
وبدت تقفز ..تعليق
-
رد: بلا رقيب / لعاشقه ديرتها ، كاملة
وعد :ياهههههههووووووو يالناس بيصير عندي بلاي ستيشن مثل الخلق والناس ...
وطلعت تركض ..
ضحى :تعالي على وين ..
وعد :بروح أخبر منيررر ..
ضحى :لاحقه على منير اللحين روحي ذاكري ولاماراح يكون فيه بلاي ستيشن من اساسه ..
رجعت وعد بأحباط ..وجت بتجلس ..
ضحى :لاحبيبتي وين جالسه أطلعي لغرفتك ذاكري ..
وبكل طاعه طلعت والله زين ليتني من زمان حاطه لها هالحافز ومريحه عمري ...تعليق
-
رد: بلا رقيب / لعاشقه ديرتها ، كاملة
عساف
ليش أظلمها يمكن أني مافهمت الكلمه صح هي أكيد ماتقصد الشهر بمعنى الشهر ثلاثين يوم ..
رجعت أرسل لها اسألها وش قصدها بالشهر ...
وجاني ردها اللي طير كل عقل فيني .. شهر لين تخلص الأمتحانات بالعربي بالأجازه ..
شهر تقوله شهر بالله عليكم وش يسوي بعمره وهي تقوله أنتظر بعد شهربعد كل اللي سواه تقول أنتظر بعد شهر ..
وهو اللي لبى كل مطالبها بأسبوع بس لأنه ماهو قادر ينتظر واللحين تقول شهر يعني ضعف الأسبوع أربع مرات ويومين وياليت الشهر ينقص ..
الصبر ياررب الصبر ..
ووسط هيجاني دقيت عليها ومثل ماعودتني طول الأسبوع ماردت
وبعد ماتمالكت نفسي ارسلت عليها.. اللحين بعد مالبيت لك كل مطالبك تقولين بعد شهر ..
ردت علي .. ماجبرتك على شي واذا تبي طلقني وأرجع لك كل هلله أخذتها منك ..
استاهل والله أني استاهل أنا الثور اللي بينت لها اني متلهف عليها وميت فيها ..
صدق أني غبي صرت لها مثل الكتاب المفتوح تقراه وهي مغمضه وهي لي غموض صعب أفهمه ومتاهه مالقيت طريقي فيها ..
اه ياعذابي ..
سلامتك من الاه ياقلبي ..
فتحت عيوني وشفته فاتح الباب ومتسند عليه ..
عساف :هذا أنت وش تبي ..
جابر :مابي شي شفتك طولت جيت أشوف وش فيك ..
صح نسيت أني طلعت من عند الشباب وانا واقف بالسيارتي قدام الأستراحه ..
عساف:ماجاء أخوك ..
جابر :والله انك مانت بالصاحي قيس من الصبح فيه خلف اللي للحين ماجاء ..
جيت بنزل بس هو ماتحرك ساد علي الطريق ...
عساف :خير وش فيك ..
جابر :وش أخبارهن بنات عمك ..
حسبت اني ماسمعته صح .. سألته ..
عساف :ايش ماسمعتك ..
وبكل وقاحه رجع يقولها وهو يبتسم ابتسامته الملتويه ..
جابر :أخبارهن بنات عمك ..
كنت قايم بضربه ماحسيت الاهو طايح علي بعد ماصرخ بألم ..
خلف :عدها يالخسيس والله لأكسر لك خشمك ..
زفيته عني وهو عدل وقفته ..
عساف :والله لوما أخوك قيس يمديني دافنك تحت موطى رجلك ..
رفع شماغه اللي طاحت على الأرض وبكل وقاحه قالنا ..
جابر :وش فيكم شابين فيني بنات عمكم سيرتهن على كل لسان .. ولاتسوون فيها ماتدرون وأنا ماقصدت شي شين كنت قاصد أنبهكم .. ولا أنتم مايعجبكم كلام الحق وتفضلون اللي يتكلم بظهوركم على اللي يكلمونكم بوجيهكم ...
ومشى رايح لسيارته ..
شفت خلف يلف عليه بيلحقه ..
بس أنا مسكته مع ذراعه ..
عساف :خله عنك التافه ..
خلف يسحب يده بقوه :فكننني فيني حره بطلعها فيه ..
ورمى شماغه من القهر يوم شاف جابر حرك سيارته ...
لف علي بقوه وهو يقول بقهر ..
خلف :الناس تكلم فينا ياعساف .. حتا خوينا مارحمنا بلسانه ..
نزلت راسي بكدر ياربي أنا وش اللي رجعني عشان أشوف هالبلاوي كنت مرتاح برى وأخذ راحتي لأخاف من كلام ولامن فضايح .. ليه رجعت وأنا اللي تارك وراي أبواب للحكي فيني ..
عساف :كلنادارين ياخلف بكلام الناس فينا ولا لازم نسمعهم عشان نصدق .. مانقدر نلوم أحد على كلامه فينا ليه مايتكلمون وحنا تاركين للبنات الحبل على الغارب ..
خلف وفكه يرتجف من القهر :ماعمر أحد قالها لي فوجهي ماكان يهمني كل هذا بس هاللحين غير بهاللحضه ماني قادر أستحمل الوضع .. عمي مبارك ليش ساكت ومخلي الناس كذا تكلم عن بناته ان ماعاد أفهمه كيف مايرضى علينا بالكلام ويرضاها على بناته كيف ...؟! ..
خوفني أنفجار خلف المفاجيء مع أني أعرفه خلف ألزم ماعليه سمعته ..ورجولته ماتسمح له أن أحد يتكلم فبنات الرجال اللي بمنزلة أبوه ..
فاجئني قوله ..
خلف :البنات ذولي لازم ينردعن حنا لازم نسكت الناس..
مارتحت لكلامه وقلت عشان أماطل ..
عساف :الكلام هذا ماينقال بالشارع ..
خلف :افتح سيارتك بنطلع فيها ..
ركبنا السياره وأنا احركها قال ..
خلف :وأنا أعرف كيف أسكتهم نزوجهن ونفتك منهن ...
بلعت ريقي ..
عساف :ومن ان شاءالله بتزوجهن بتنشر اعلان بالجريده ..
رد علي بعصبيه ..
خلف :انا ماني جالس أنكت معك لاتذبحني برودك ...
هذا هوخلف لعصب أقشر ماودك تجلس معه .. وبعد كلمتي هذي صد عني وهو يتأفف قلت عشان أكسبه ..
عساف :طيب تزوج منهن وزوج أخوك ...
لف علي بعصبيه وبسؤال ماتوقعته ..
خلف :أي أخوو ..؟!
عساف :مالك أخوك ..
خلف بنرفزه :تبغاني أزوج مالك وحده من خواته أنهبلت أنت ..
نهاية الحلقه ..
تعليق
-
رد: بلا رقيب / لعاشقه ديرتها ، كاملة
الحلقه الثانيه والعشرون ...
((1))
حكايه جديده
يسوق سيارته بالسرعه يسابق فيها الريح صوت الأغاني من شدته شال حتى تفكيره كان يردد مع المغني وهو يطبل بيديه على الدريكسون ..
احبه حب نساني شي أسمه راحت البال ... وحبه عامل بقلبي عمايل مو طبيعيه ..
خلاص اليوم بتكلم معاه واشكي له الحال ..
عرفت من البشر ياما وشفت أشكال واشكال ...رفضهم كلهم قلبي لأن القصه جديه ..
لأن مأبي غيره ولافي هذاي جدال ..
هدا فجأه يوم قرب من البيت وأنفتحت له البوابه بالسرعه دخل وهو للحين على سرعته وأخذ له لفه على الدوار وركن سيارته قدام باب فلتهم على طول .. ولف بنظره على فلة عمه وطالع بشباك غرفتها وأرسل لها بوسه بالهواء ... دخل البيت الخالي الا من الخدم وهو يغني ويتراقص على أنغام وهميه :
الناس تسأل عن بعض
تشتاق وتحن لبعض
وأنا وأنتا للأسف ماكنا حبينا بعض
الناس تسأل عننننن بعض
تشتاق وتحننن لبعض
وأنا وأنتا للأسف ماكنا حبينا ببببعض ماكنا حبينا بعض اه ماكنا حبينا بعض ..
ماكنا حبينا بعض ياشوق ماكنا حبينا بعض ..
رفع جواله اللي بيده ودق عليها وهو عارف انها ماراح ترد عليه اصلا هي عمرها ماردت عليه الامررره وحده وبس ...
هلي لاتحرموني مني هلى لاتبعدوني عنه ...
من وراه تردد معه بهبال :هلي لاتحرمونه منها ..
بدون مايلف يشوفها :أنتي هنا ..
:لاهناك بس قريني هنا ..
:ماعندك بيت أنتي تنثبرين فيه لازم كل ماجيت بيتنا الاقيك فيه ..
:افا عاشق الشوق ماتبيني أجي لبيت جدتي ..
:وينها جدتك ...
:جدتي ياعمي العزيز في منزل الشوق ..
أنتفض جسمه من طاريها وذبذبه عذبه مرت فقلبه ووجع يستلطفه عصر معدته :والله ..
نعمة صوتها وتكلمت وهي فاتحه فمها بطريقه غبيه ايقالها اللحين تقلده :ايه والله .. رجعت لطبيعتها :اقص رقبة أختي الماصله وديان اذا ماكنت أتمنى لو أنك مكانها ..
بأستخفاف رد عليها :لا ماتمنى لأن الشوق هالساعه بالجامعه ..
:ماحزرت ياعمي العزيز الشوق والماصله وديان اليوم عندهم اوف ..
:وأنتي وش فيك معلقه اليوم على الماصله وديان شكلك توك متعلمتها ..
:لا والله أن من الزمان عارفتها بس اليوم الصبح يوم صحيت لقيت نفسي ارددها ..
:الا تعالي أنتي ليه ماداومتي ..
:صدق أنك ياعمي العزيز الوليد دايم تدري بعد الناس ..
الوليد :لاتقولين تخرجتي ..
:لا وش دعوى توني لاحقه خير ..
الوليد :اجل أنفصلتي ..
:ولاهذي ..
الوليد :اجل ..
:انا من بداية الترم مأداوم يوم السبت لأن الماصله وديان ماتداوم فمن الظلم أن أداوم وهي جالسه فالبيت ..
الوليد :وابوك وينه عنك ..
ضحكت بغبطه :ابوي أكيد أخر شي يفكر اذا عياله راحوا مدارسهم اولا ..
الوليد بيتكمل ..
قاطعته :والله مالك داعي عمي العزيز وأنت مسوي عمرك مره مهتم بمستقبلي وتجلس تنصحني كلش مو راكب على الوليد بن ........
وقف الوليد :تدرين الشرهه علي اللي جالس معك ولا انتي من يطيقك ويجلس معك دقيقتين على بعظهم لاوتقولين وديان الماصله والله انك انتي الماصله 100% ..
رسم أخر كلمه بالهواء وطلع السلم ركض ..
نادته :عمييييييي عاشق الشوق وين رايح حرام عليك ارجع أجلس معي ..
طل عليها من أخر السلم :حرمت عليك عيشتك أنقلعي لبيتكم والله أن شفتك فبيتنا مره ثانيه هالحزه لحش رجولك ...
طلعت ود من بيت جدتها بعد الطرده المحترمه من عمها متوجهه لبيت جدتها الثانيه ..
:اوووووووف شوفي من طلع اللحين بعد الوليد تطلع ذي ...
من على السرير وبحظنها اللاب توب :من هي ذي ...
:ومن غيرها الغثيثه ود ...
:اها .. اصلا قلت لك عمي الوليد مستحيل يطلع يرجع وهو توه راجع من بعد طلعته أمس المغرب ..
جت ورمت نفسها عندها على السرير :وريني وش قاعده تسوين أنتي ..
وديان :ولاشي اسولف مع وحده من البنات ..
الشوق تظربها بمخده صغيره وهي تضحك :وحده من البنات شايفتني ود قدامك ..
وديان تشاركها الضحك :شوووق تخيلي عمرك ود ..
شوق:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه ..
وديان تعلق على ظحكة شوق :لايشوفك عمي وأنتي تظحكين كذا والله ليكره الساعه اللي حبك فيها .. كانت تقولها بغيره واضحه من ضحكة شوق الناعمه اللي تخلي الواحد غصب ينجن عليها ويطرب لسماعها ..
علقت على جرس الباب بحركه معتاده منها واللي يعرفونها فيهالخدم واصحاب البيت ...
ود :ياهل هالبيت وينكم .. مشتاق ومسير ... ههههههههههههههههه الله يرجني نسيت الأغنيه ..
أنفتح الباب بقوه ..
اللي داخل بأنفعال :خير ان شاءالله جالسين تدقون على المطافي أنتوا ..
ود اللي مصدومه باللي قدامها ماتكلمت من هذي ووش تسوي فبيت جدتهاه ياملحها الا تجنن ياويلي على الجمال مالت علي ماشفت الزين ..
بعصبيه :هييي انتي ياحلوه لاتكونين طرماء ...
صوت من وراها :ملاكي وش تسوين عند الباب ...
وأنضمت لها وهي تحط يدها على كتفها وتلف يدها على خصرها :يؤ وش عندكم ..
ود بلعت ريقها وش ذولا توأم واخيرا لقت صوتها :هاي من أنتم ..
ملاك :انتي اللي جايه لنا حنا نسألك ولا نسيتي أصول المحادثه أرجعي لمنهج ثاني متوسط بالانقلش وتلقينها ..
سارا :هايات وش تريدين ..
ود :اريد جدتي ..
ملاك :أي جده مضيعه جدتك وجايه تدورينها عندنا ..
سارا :ملاكي أعصابك خنشوف البنت وش تبي ..
ود بنرفزه :هيييييي انتم ماني جايه اطر من عندكم وخروا شي بدخل لجدتي ... وحشرت نفسها من بين سارا والجدار ودخلت ...
ملاك :شوفي المفعوصه كيف صارخت علينا ..
ود تنادي :تيته تيته شيماء ..
سارا ظربت ملاك على كتفها :شوفي تنادي على خالتي شيماء ..
ولحقنها على صاله ...
نزلت الخاله شيماء اللي كانت فوق :اهلين حبيبتي ود ..شكلك قابلتي المفاجئه اللي قلت لك عنها ..
ود بأحباط :اللحين هذي المفاجئه ..
الخاله شيماء بأبتسامه حنونه :ايه هذي المفاجئه سارا وملاك بنات أختي وش رايك فيهم ..
ود بقهر للي سووه فيها عند الباب وبكل شفافيه :حمارات ..
ملاك بردة فعل طبيعيه لأنها متعوده على الملاسن :انتي الحماره ..
سارا :خالتي من هذي ..
شيماء :هذي ود بنت محمد ..
وعرفن محمد المقصود ولد زوجها لأنها كانت معطيتهم شرح مفصل للعائلتها بجلستهم الثانيه وهذي الثالثه وعشان كذا البنت تقول جدتي ..
ملاك :الله يعينك عليها ياخالتي ..
ود :الله يعنيها عليك أنتي يالخبله ..
الخاله شيماء :بنات وش فيكم على بعض عييب .. تعالوا أجلسو ..
وبعد ماجلسوا .. الخاله شيماء :يعني للحين مابطلتي هالعاده ..
ود اللي فاهمتها:أي عاده ..
الخاله شيماء :انك تغيبين يوم السبت ..
ملاك بلقافه :كسلانه ..
ود :انتي الكسلانه ليه مارحتى لجامعتك ..
وقبل ماترد عليها ملاك كملت :لايكون أنتم بعد عندكم اووف ..
ملاك :لاعندنا لا اووف ولاوفين .. اصلا حنا ماندرس ...
ود بالصدمه وحسد بنفس الوقت :ماتدرسون كيف ..
قاطعتهم الخدامه اللي جت تقول للخاله شيماء أن جاها أتصال ...
وبعد ماطلعت الخاله شيماء ...
سارا لاحظت أن ود تطالعهم بالنظرات تقيم فيها مظهرهم الخارجي وعشان تختبرها قالت بأستهبال :معجبك الجينز حقي تبينه خذي بعشره مايغلى عليك ..تعليق
.
تعليق