تويت
،
صبحكم الله بالخير ونبدا في صفحه اخرى جديده تتكرر معنا دائما ونتمى
ان يستمر هذا التكرار في ابدال الصفحات وتجديدها !
ليت نقدر احيان اننا نبدل اوضاعنا بسهوله تبديلنا الصفحات وننسى اللي فات
ونكون اكثر قلق من بكره !!
اذكر كذا مره كتبنا او قرينا ان بعد كل يوم سيء سيكون هناك يوم افضل
لان بعد كل عسر دائم ياتي اليسر هي كذا الحياه !!
المشكله محد انتبه ان اليوم العسير فـ الغالب يكون بعد اليسير ايضا
بمعنى ان نحتاط للعسير من الايام في قمه سعاتنا باليسير !!
سبحان الله لو نلاحظ ان لكل قمه والوصول لها عقبات والمتعه فـيها بعقباتها
وبكل التردد اللي كان معنا لين وصلنا لقمه الشيء مهما يكون لو كان صغيرا !!
المشكله ماهو هنا المشكله في اللي يفرح بالوصول ويتربع
وينسى ان بعد الوصول لاي قمه يتوجب علينا بعد فتره التحرك للبحث عن الافضل من جديد
احيان بدايه هذه الحركه تكون اصعب شي لاننا احيان نطول في المكان اللي وصلنا
له ونحسب انه بيدوم لنا وكذا ويوم نجي نتحرك ننصدم شوي
يمكن من سوء فهم او كلمه يتعمد صاحبها استفزاز من يواصلون سعيهم للنجاح
وياكثر ذول العينات فـ كل مكان اللي يغبن اكثر شي
انك احيان تكون في ظروف ماهي ظروفك العاديه وتسمع او تشوف مثل هذه
الامور وتعال خذ لك تزيد الامور سوءا فوق ماهي سيئه اصلا !!
والله اتكلم بجد نفسى اعطيكم ارقامي في صفحه الصراحه
يا انكم بتلقون عينات مدري وش تبي بالضبط يحسسونك انك قليل خاتمه
هذه العينات ودك باللي يجمعهم في مكان ويجيب لهم ( فول وجبن وتمر )
وبعد ماياكلون ويشبعون يمنع عنهم المويا اسبوع لين يعرفون ان الله حق
وان الكلمه يوم يرسلونها تاثيرها يكون كبير اذ جات للواحد
بالوقت اللي يكون ماهو ناقص اصلا من يقول له شي !
يالله ماعليكم هذه بدايه صفحه حلطميه بقلب مودكم شكلي ذا المره
تحملونا عاد فـ كل اوقاتنا وكذا !!
فـ الاخير
دعواتكم عمتي دخلناها امس العنايه وفي حاله صعبه شوي
الله يقومها بالسلامه ويردها سالمه لاهلها وعيالها ويشفيها ويبعد عنها
كل اذى .. وبس والله
فـ امان الله .. كونو بخير
على طاري كونو بخير .. احيان اكتبها بالغلط كوني بخير
ومانتبه اني كتبتها بالياء بدل الواو وتعالو شوفو التفسيرات كيف !!
قسم بالله ناس نفسيات بجد
سلام بس خلونا نفظر يمكن نروق .. سلام
) !
تعليق