،



من ايام الطيبين ماني مصدق ذا التصميم مر عليه ست سنوات
يارباااه يامسرع الايام والسنين !!

عشان كذا ماحبيت اغير مدونتي ولا اغير اسمها من يوم سويتها
فيها كميه ذكريات قديمه ماهي صاحيه !!

على قول طيف الله يذكرها بالخير .. دايم اذ فضيت قعدت اقر بـ المدونه وافر امها فر
لين اقول آمين !!

اليوم لقيت هذه ياربااااه قسم قديمه بجد

صح قبل انسى شكرا مليوون لكل العالم اللي كانت معاي فـ الصفحه اللي راحت اكثر صفحه من فتره
اشوف فيها كميه اللايكات والتعليقات وكذا بجد الله يسعدكم جميع

وفيه ناس الظاهر من سنين مامرو الى قبل كم يوم بجد اسعدني تواجكم
والله يكتب لكم كل خير بجد تفاعلكم رهيب !!

على طاري النتيجه صارت ( 5 - 2 ) الحمد لله الرسايل الايجابيه متقدمه
بس فيه رساله سلبيه جات امس تعلق على كلامي حق السوال وان فيه اعتراض على القضاء والقدر
وادعاء لعلم الغيب ومدري كيف !!

بالله اهدى من كذا ياشباب يمين اني منتهي خلقه ولا عندي غير الدجه واضيع الوقت ترا بالكتابه
فخلوها تكفون على اولها الامور ماتتعدى سوالف وطقطقه وبس !!

قررت بسوي شي اذ جات كمان ثلاث رسايل سلبيه خلال اليومين الجايه
بكتب اسم المستخدم حق صفحه الصراحه والرقم السري هنا

واخلي اللي يبغى يدخل على الصفحه يروح براحته وبقفلها بعدها بيومين اذ محد تلقف وغير الرقم السري
عاد مالي دخل ثلاث رسايل ثانيه وبنزل الارقام

فاللي متحمس للسالفه يحش فـ اليومين الجايه بقووه << مجنون وربي

يالله بينتهي دوامي
ذا الرد للبيع

كونو بخير .. ســــلآم

كم هو صعب الشعور بان الكلام
‏عالق في منتصف حنجرتك

‏و تلك الغصة تقتل " العبرة "
‏وذلك الاحتياج ينهش ضلوعك

كم يبدو من الصعب أن تهرب من شيئا
ما وأنت تدرك جيدا ..

بأنه بداخلك ولا مفر من ذلك
تبدو محاولاتك فاشلة في التخلص منه !!

اعقلها وتوكل .. !

يقال

لاشياء المكتومة بداخلنا
صارت تترجم على هيئة صداع

سرحان نغزات في القلب
وضحكات تسليك !!

تبعها نوم كثير.... !!

اللي يشوف نفسه كذا ونومه كثر فجأه يراجع نفسه ويحاول يطلع من الاشياء
اللي داخله لاقرب ناس تسمع له

المشكله مو كل احد نقدر نقول له اللي نبي !!

وبس !

احيــان ودك تكون زي كذا
في مكان هادئ محد يتكلم فيه ماتسمع شي

مع نفسك !

يقال
احيانا كل ما نريده
هو شخص يفهم ما وراء صمتنا !!

تصدقون عاد شي يوم تكون خارج السرب محد يدري عن هوا دارك
ماتتعمق فـ احـد وتصنع لنفسك قضيه ثانيه !!

هو احنا ناقصين اصلا

دائما كونو بخير .. وبس والله .. بقفل القناه شوي ونرجع للسوالف

سلام

دائما نحب الأشياء التي تأتي دون مقابل :

الأبتسامة
مد يد العون
التشجيع
المصافحة الوديه

في زمن أصبحت المشاعر مستهلكة .. مؤقتة .. تقليدية

نحن لا نحتاج إلى :

كلمة شكر
أو ورد ..!!
ولا حتى هدايا

بـ حجم حاجتنا إن نجد
للصدق .. منافذ إلى القلوب
وذكريات تبقى مع الأيام

لا تتغير ..!!

نحتاج لــ /
الذكريات الجميلة
التي تتركنا نبتسم ب دون شعور

اجازه سعيده .. للكل .. خلونا نقفل هذه الاسبوع بذا الرد
الوعد باذن الله قريب

لمن اراد ان يضع شيئا في خاطره بعيدا عن الضوضاء ليذهب الى هناك

https://wasssme.sarahah.com/

اتسقبلكم بصدر رحب دائما

فقط كونــو بخير .. سلام

صبحكم الله بالخير .. ياوجيه الخير .. عساكم بخير .. اشتقت للمكان وربي
كذا كان وضعي باليومين اللي راحن فوق السطح !!

اناظركم بنص عين من هنا !!

اذكر مره جاني كلام وش نقصد باهل السطح ووين هم اهله ووين هم
ياطويلين الاعمار اهل السطح الناس اللي تدخل هنا بدون ماتسجل دخول

<< كيف ذا

احتست مدري كيف بشرحها شكلي طولتها وهي قصيره ماعليكم
المهم ذول الاعضاء هنا يوم يدخلون للمنتدى بمعرفاتهم الثانيه او يدخلون بدون تسجيل دخول اصلا
ويشوفو المكان وكذا ويطلعون

هم ذولاك بالضبط اللي نسميهم اهل السطوح !!

المهم اليوم ممسكه لهجات معاي كل شوي ارمي لي كلمه والمشكله دايم
اجيب العيد نفس المصري يوم يجي يتكمل خليجي

حياكم الله جميع .. اشوف اقلام راقيه من الاقلام الطيبه لهم بصمات فـ المدونه
يالله ان تحييهم قسم لبصماتكم شكل تاني والف مليووون حمد لله على السلامه
وان شاء الله نشوف لمدوناتكم حركه وكذا

فـ الاخير

لنجعل اللحظه الاجمل هي من تبقى دائما للذكرى لنحاول جعل كل ماهو سيء في
قائمه النسيان والتجاهل

وبس والله .. سلام

هذه من الصراحه !! انا ضعت مع اللهجه او الكلمه خلونا نقول
اجل " نبي " والله حلوه الكلمه تم السرقه بتصرف

المهم وربي مدري ش الحل اللي اعرفه من الايفون تستنى الصفحه لين تتحمل بالكامل
ثم تضغط على اي مكان فاضي في الرد اللي بتحط له لايك

تطلع لك الكلمه بعدها في اسفل الرد وتضغط عليها

اذ كان من اللاب الوضع اسهل بكثير بمجرد تحميل الصفحه بالكامل راح تطلع الكلمه
وتقدر تعطي الشخص اللايك بكل سهوله

اهم شي لا توقف تنزيل الصفحه وتدور بعدها كلمه " اعجاب " لانك استعجلت على تنزيل الصفحه بالكامل
وهذه السبب اللي يخلي كثير منا ماتطلع له الكلمه اول مايشوف الكلام يضغط ايقاف للصفحه
ويقرا وبعدين يدور الاعجاب مايحصله !!

اعتقد وضحت لصاحبة السوال

المهم اللي عنده اضافه او شي يقول لنا ومنها نقول للعالم اللي يسالون لاني ذا اللي اعرف والله
وبس سلامتكم ..

ســـلام

احب ذا الصوره وربي فيها كميه عفويه وسعاده ماهي طبيعيه
مدري لانها تذكرني ببعض من الماضي الرهيب او هي الصوره بجد حلوه وابدع المصور فيها

مدري والله بالضبط !!

ماعليكم .. تراني جايبها بقول لكم شي بس ضيعت شوي من تركيزي بالصوره
ايوه تذكرت ...

بقول لكم هذا وضعي بالمدونات ووضعها وكل شي اتابع المشاهدات للكل تقريبا
اشوف نسب التواجد والمتابعه والعطاء وكذا

ماشاء الله الغالبيه عطائتهم وتكريمهم للمدونين صاير ملاحظ بقوه
ماعمري رحت مدونه ماشفت لهم بصمه فيها بجد يعجبوني الناس اللي كذا اللي تلقى
بصماتهم في كل مكان يعطوننا دافعيه للكتابه

اول كنت اشوف الغالبيه بصماتهم بكل مكان الحين اقل بكثير بعضنا فيه
ناس ماتلقى لهم بصمات في المدونات الى في مدونات محدوده كانه مسوي تحديد لمجموعه
وتارك الباقين على جنب مدري والله !!

خلونا نكون اكثر كرم في ارسال شي لو بسيط للعالم اللي تكتب وكذا خلوهم يشوفون
تفاعلكم معهم عطوهم ولا تبخلون معهم !

ماشاء الله عندكم خفايء اتحداكم تمرون مدونه ماتلقون لها بصمه فيها
البنت ماهي مقصره مع احد بالدعم والتواجد وهذا شي يحسب لها والله

هو ترا فـ الاخير لايك
احسه للتعبير عن المرور والامتنان للكتابه وانا معكم نقرا لكم وايوه اكتبوا
لا توقفو وكذا !!

وبس والله .. سلامتكم ..

اليوم دوامي لين اربع العصر فبطول شكلي معكم وكل شوي ناط لكم
فعادي اذ شفتوني جبت العيد مشوها ماعليكم ضغط بوقت الدوام اكثر
من الضغط حق الشغل نفسه !!

يالله .. كونو بخير .. وكونو اكثر كرم معهم جميعا لا تجعلون لتواجدكم حدود
دائما كونو اكثر دعما .. سلام

وبس والله

ســـلآم ياصحابي .. ســـلآم ياعزوتي .. ســـلآم يالطيبين

ذا الرد رقمه فخم وربي والصفحه فخمه وماني مستعجل القلب الصفحه بس قسم ان يدي تاكلن
اكل عشان اكتب واقلب الصفحه بس بحاول امسك نفسي شوي

ذا الرد رقم (3330) في الصفحه رقم (333) بالله فخامه واللا كيف
عشان كذا ودي اجلس في ذا الصفحه ثلاث شهور عشان الكشخه وكذا ماودي اخربها

يارباااه

قسم اني متهور بجد وماعندي غير القرقره والدجه والهربته اللي اغلبها على
غير السنع ومدري كيف جايه !!

تخيلو بعد ثمان سنوات عجاف ذا عمر المدونه بالضبط لاني سويتها في (2010) بيوم 5-5
قسم عمر الله يستر شكلي شيبت ومحد قال لي شي عاد المدونه هذه فضيحه والله
مقدر اكذب عليكم بالنسبه للارقام كل شي قدامكم
ارفع الرايه من بدري !!

تــعالو هنـــا

بعد ثمان سنوات معكم يمين كانها كم شهر بس وش رايكم اوقف المدونه لين هنا
وخلاص يكفي قرقره واسوي لي مدونه جديده

ونقفل هذه ونخليهم يحولونها للحفظ فـ ارشيف ذا المنتدى

او اكمل معكم فيها والناس اللي يجون جدد يرجعون شوي ورا فيها ويلقون كل الفضايح
وعاد ماعاد اقدر اقول مو انا كل شي هنا

مدري والله !!

ليت فيه خاصيه اسوي تصويت اني اقفل هذه المدونه او لا ؟

اللي يحزني لو قفلتها انها شوي وتوصل (20) الــف لايك باقي شي قليل مع انهم
قد صفرو عداد اللايكات من قبل فتره

الرقم ودي اذ وصلته اقفل المدونه خلاص يكفي لين هنا مدري قسم !

المـــهـــم

بفطر ثمن بحسبها زين براسي انه اقفل المدونه او لا ابدا من جديد او لا
وبشوف اذ احد حب يعطيني رايه فـ الصراحه كمان ماراح استغني عن بعض الاراء


وبعدين ماودي اقلب الصفحه بالله شوفو كيف انتم كرماء معي فيها
ماودي والله اقلبها اصلا مالها الى يومين بس صاير كثير سوالف انا وويهي

يوووه كل ماتذكر ان لسى باقي على نهاية الدوام (7) ساعات اقول بقلب
الصفحه وانا اضحك مستحيل اجلس كل ذا الوقت بس اطالع عبير بدون مكتب شي

صح على طاري نسيت كمان من اسباب عدم تقفلي لذا المدونه
عدد المشاهدات وصل لين (255) الف مشاهده ذا الرقم يخليني افكر ميه مره
قبل اتهور واقفل هذه المدونه !!

<< طيب والحل معاك

مدري صراحه بشوف خلوني احسبها زين واشوف اذ بتشاركونن الراي
وبس والله سلامتكم

انتهيت من اول امغط بذا الرد ودي بس اكتب وربي لان ماودي اقلب الصفحه واخرب البرستيج
بس شكلي بخربه اعرفني زين مقدرش

وعندي كذا صراحه من زود الجمال اللي فيها والله ودي انزلها فيها كميه دعاء ودعم
قسم لو وزعوها على الاعضاء هنا تكفيهم

بجد اوقف كثير عندها اعجز عن شكر اصحابها الله يسعدهم ياشيخ
ويس والله سلامتكم

<< تر ثاني مره تقول وبس والله

اقول لكم مبغى انهي ذا الرد مدري ليه صح على طاري كم تتوقعون المساحه اللي اقدر اكتب فيها
يعني كم حرف وكذا كم سطر يسمع فيه المنتدى للرد الواحد

<< ليه وش تبي

مدري بس ودي اكتب لين يجي الرد طويل جدا احذف بعض الاجزاء مذكر انها قابلتني هنا
طيب مين بيقرا لو بطول الهرجه !!

خاص راعي الددسن لا جا هنا اظن اول سطرين والاخير ثم يقضب الباب
يالله ماعليكم كلن يصلح سيارته

ســلام من جد هالمره

استناكم فيذا



خوادفـــــــــس