طفلتك ماعاشت احساس الطفوله روايه رومنسيه جريئه

**حلاعتيبيه** · 01-12-2009, 06:08 PM

الدمام – حي الفيصليه ..

شفته البارح حكيت وحكالي ..

وأع جبني " أسلوبه " و " صدقه " و " قلبه "..

بعدها ( مدري ) وش اللي جرالي ..!!

الله يستر {.. قلبي ..} لا يكون حبه ..

عزام ..

بعد ماصليت الفجر كنت راجع ل غرفتي وأنا مرتاح ولله الحمد ..
تفاجأت ب صوت مسج على جوالي ..
طلعت جوالي وفتحت المسج لقيت إسم المرسل ..
( فاتنتي .. )

حسيت قلبي يدق بسرعه مدري ليش ..
وقرأت محتوى الرساله اللي كاتبه فيها ..

(( مساء النور ..

الله يعافيك ..

وإنت من أهل الخير .. )) ,,

ههههههههههههههههههههههههههههههههههههههههههه ..
ضحكت ضحك بالمدخل حق غرفتي لحد ماطلعت سدوومتي وجاتني تمشي تسحب رجلينها والنوم غالبها وتقول : اللهم سكنهم مساكنهم .. وش عنده العريس يضحك لحاله ؟؟
سحبت شعرها أحوسه لها وأنا مستانس حدي وميت ضحك على هالطفله اللي الله بلان .. أوة أقصد رزقني فيها وأقول : مالك دخل يالملقووفه .. بس ياليت الخلفيه اللي حاطتها بجوالك تغيرينها لو سمحتي يعني ..
شفتها فتحت عيونها فجأه وقالت ووجهها أحمر : وشو أي خلفيه ؟؟
ضحكت وقلت : إنتي عارفه أي خلفيه أقصد بلا عباطه ..
قالت تغير الموضوع بربكه : أقول وإنت وش وداك عند جوالي ؟؟ هاه ؟؟
ضحكت برواقه وقلت : اللي وداني عند جوالك رجليني .. ولا تغيرين الموضوع غيري الخلفيه وخلاص .. وألحين يللا تصبحين على خير ..
ردت وهي تحك شعرها بعربجه ضحكتني : وإنت من أهله ..
سكرت باب جناح الغرفه حقتي ودخلت غيرت ملابسي ودخلت بالفراش أدور للنوم اللي مجافيني من رجعت من عند عمي ..
كانت هي المستحوذه على مخيلتي وأفكاري طول الوقت ..
أنا صار لي كم يوم ما أنام مثل الأوادم من موضوع الخطبه ..
وألحين عمي وهقني أو خدمني بالملكه ..
بس يللا إن شاء الله تكون خيره ..
أنا متأكد إنها خيره لأني مستخير ربي من قبل وهو اللي سهل كل شئ سبحانه ..
بس فعلا أحسها خيره لأني ماكنت أحلم حتى إني أرتبط ببنت مثلها بأي شئ ..
جمال فاتن ..
طُهر ملائكي ,,
وطفوله بريئه عجيبه فيها ..
وعفويه صادقه ..
وهالأشياء خلتني أول ما أرجع البيت وأفتك من أسئلة خواتي وأمي اللي ذبحوني بالسياره .. وش رايك فيها ؟؟ وش قلت لها ؟؟ وش قالت لك ؟؟ ومدري إيش ..

وأول مادخلت البيت ورحت ل غرفتي أنام غدر فيني النوم ولا جاني ..
بعد ساعه طلعت ل غرفة خواتي اللي طقيت عليهم الباب ماردوا ..
قلت اكيد نايمين ..
ترددت شوي بس فتحت الباب بهدوء وشفتهم نايمين فعلا وباين إنهم تعبوا اليوم كثير بس مو مثل تعبي الجسدي والنفسي ..
المهم رحت على جوال سدومتي بسرعه وخذيته ل غرفتي ..
أول مافتحته وشفت الخلفيه إنصدمت بس فجأه ضحكت ..
وربي هالبنت طلعت موب صاحيه وبايعتها بقووة ..
متى يجي نواف ويرحمها ويفكنا هههههههههههه ..
بس والله إنها نور دنيتي ..
كانت حاطه صورة إثنين يبوسون بعض ومكتوب تحتها ..

(( زهقنا من مغ ازلة بع ض ..

خلّ الشفايف تلع ب الدور .. )) ..

قسم بالله إن أختي رايحه فيها ..
المهم فتحت ع الأسماء ودورت وقلبت الدنيا لحد ماشفت إسم (( الفاتنه )) وأرسلته بطاقة أعمال لرقمي اللي كانت كاتبته بإسم ( عزوة الروح ) ..
بجد اللقب أثر فيني كثير ..
الله لا يحرمني منها بس ..
وصلني الرقم وكان مميز كثير ..
سويت له حفظ ورجعت الجوال ل سدومه ..
توضيت وطلعت لصلاة الفجر ..
وأنا راجع كنت بس أفكر فيها إنتظرت عصام لما تعداني ودخل البيت ..
وعلى طول كتبت لا إرادي وأرسلت لها ..
وطلعت ل غرفتي وأنا مو متوقع أبد إنها بترد ..
بس خيبت ظني وردت ..
حتى ردها كان باين إنه جاف بس عفوي غير قابل للتصنّع ..
والله هالبنت خلتني أستعجب شلون فيه أحد بهالبراءه وهالشخصيه اللي رغم كل ماشافته من الام إلا إن الطيبه والبراءه والعفويه عنوانها ..
لبى ا قلبها بس ..
وعلى هالأفكار اللي صدعت رأسي نمت ولله الحمد ..

\
/
\

**حلاعتيبيه** · 01-12-2009, 06:19 PM

يوم الجمعه ..
الساعه 2 العصر ..
الخبر – حي الحزام الذهبي ..

[..ضَحكتكََ ..] ماتَشَب الاَ
~ صَوتَ قطَراتَ المطر ~

كَلَ ماَ انتيَ ( كَبَرتيَ )
{..قَدرَكَ..} ب عُمَريَ كَبرَ ~

صحى من النوم وهو مصدع شوي شاف الساعه 2 العصر ..
تعوذ من إبليس وقام غسل وخذا له شاور غير اللي خذاه لما راح صلاة الجمعه ..
طلع لبس بيجامه بيج وأبيض وترك شعره غرقان بدون مايمشطه ماكان له خلق أي شئ ,,
نزل تحت وشاف سمر وعزام وراما منسدحين ع الأرض ويرسمون بدفتر ويلونون وهم يضحكون بصوت عالي ..
دخل وهو يحك شعره ويقول : السلام عليكم ..
لفوا عليه وهم يقولون : وعليكم السلام ..
قامت عنده سمر وهي تقول بإبتسامه : صح النوم ..
قال بكسل وهو يطالع ب عياله : صح بدنك ..ولف عليها وهو يقول : ليش ماصحيتني من قبل ؟؟
ضحكت على شكله الكسلان وقالت : صحيتك بس إنت ماقمت .. وبعدين قلت اخليك لحد ما أجهز الغداء ..
قال وهو ياخذ ريموت التلفزيون ويبدل بالقنوات : طيب وألحين جاهز ؟؟ ترى حدي جوعان ..
قالت وهي تخرب له شعره وتقوم : يخسى الجوع .. دقايق ياقلبي ويكون جاهز ..
إبتسم بهدوء على حركتها وشافها طلعت سمع ضحك عياله اللي يتهامسون ولف عليهم وهو يقول : وش عندكم تضحكون يالتوأم المختلف ؟؟ ( مسلسل كرتون ع الإم بي سي 3 ^^ ) ..
ضحكوا عياله وقالت راما ببراءه تجنن : بابا ماما حلبت شعلك زي ماتحلب انت شعلها ,, ( حلبت = خربت .. شعلك = شعرك ) ..
ضحك سعود بحلاوه وقال : طيب إنتي وش جالسه تسوين ؟؟
قالت راما بحماس وهي تأخذ دفتر التلوين والألوان وتروح عنده : ماما دالت بتعطينا حواوه إدا كتبنا اثمنا ..
أخذها وحطها على رجله وقال : وكتبتي إسمك وإلا لا ؟؟
قالت ب يأس : ماعلفت أكتبه .. بس عزام يكتبه ملللللله حلو ..
ضحك سعود على شكل عزام المغرور بنفسه وقال : تعال أشوف شلون كتبت إسمك ؟؟
جاه عزام وهو يعطيه الدفتر ويقول له بكل حماس وشلون كتبها ..
بعد دقائق دخلت سمر وهي تقول : يللا الغداء جاهز .. وطالعت بعيالها وقالت : يللا حبايبي روحوا غسلوا ايدينكم وتعالوا صالة الطعام زين ؟؟
قاموا يركضون راما وعزام من يسبق الثاني عشان يغسل يده وهم يضحكون ..
إبتسمت سمر عليهم وتوجهت ل سعود اللي كان مبتسم وهي تقول بدلع وتلعب بشعرها : يللا حبيبي الغداء جاهز ..
إستانس وروق على دلعها بس حب يلعب بأعصابها شوي ويشوف وش بتسوي .. وقال بثقل وهو يقوم رايح ل صالة الطعام : اها .. يللا أجل تعالي ..
مشى قدامها وهو ماسك ضحكته وده يشوف وجهها ألحين ,,
أما هي مشت الموضوع عادي بحكم إنه توه صاحي من النوم ومو رايق وكذا..
راحوا يتغدون وهم ع الطاوله ..
سعود وجنبه عزام وقدامهم سمر وجنبها راما والطاوله ل 4 أشخاص ..
قال عزام وهو مستانس : بابا أنا إدا كبلت أتزود مين ؟؟
ضحك سعود وسمر عليه وقال سعود : وش جاب هالفكره على بالك ألحين ؟؟ إنت إكبر أول وإدرس وتوظف بعدين فكر بالعروسه يابابا ..
قال عزام ومسوي نفسه رجال : أدلي يابابا أدلي .. بس أنى أدول بعدين أتزود مين ؟؟ عسان خالو عزام وبابا تلكي بيتزودوا وأنا أتزود مين ؟؟
قالت راما اللي كانت طول الوقت تفكر ب عروسه لأخوها : إيييييييه إنت تتزود فاتن النونو بنت ماما مها ,, عسان تصيل انت وخالو عزام زي بعض ..
إلتفتوا سمر وسعود ببعض بدهشه وفجأه إمتلأ جوهم ضحك على تفكير بنتهم الذكي ..
بعد الغداء الحلو راحت سمر تذاكر لعيالها عشان الروضه ..
وسعود راح ل مكتبه يكمل أوراق ل شغله ..

**حلاعتيبيه** · 01-12-2009, 06:25 PM

ع العصر خلصت سمر مذاكره ل عيالها وراحت سوت حلى تشيز كيك بالفراوله تعرف إنه سعود يموت عليه ..
وبعد ماجهزته وجهزت القهوه وكل شئ طلعت على غرفتها خذت لها شاور سريع ولبست تنوره جينز كحليه ل فوق الركبه ب شوي مع بلوزه ربط ع الرقبه أورانج تجنن عليها تركت شعرها على طبيعته بعد مامشطته ومع كحل شوي وروج برتقالي وعطر يدوخ ختمت كشختها ونزلت ع المطبخ أخذت القهوه وحطتها بالصاله وراحت ل سعود بالمكتب دقت الباب بخفه ..
وهي تعدل شعرها ..
أما هو كان منشغل بأوراقه وشغله وسمع دقة الباب وعرفها لأنها هي الوحيده اللي تدق بهالخفه ^.^ ..
قال وعيونه باقي على أوراقه ومقرر يلعب باعصابها : تفضل ..
دخلت وهي تقول : إمممممم هاه حبيبي خلصت شغلك وإلا باقي ؟؟
قال وهو يقلب أوراقه : إممم باقي شوي ليش ؟؟
قالت وهي تجلس على طرف مكتبه وعطرها ينعش سعود : مجهزة لك أحلى شئ تحبه ..
قال وهو يتصنع اللا مبالاه ويحاول مايطالعها : والله وشو هالشئ ؟؟
إستغربت أسلوبه ماعمره تكلم كذا بس قالت : لا ماراح أقولك وش هو لحد ماتجي إنت وتشوفه بنفسك ..
قال وهو يرتب أوراقه دليل إنه خلص : أوف لهالدرجه مهم هالشئ ؟؟
قالت وهي تشد شعره جهتها بمزح : ياشينك لاسويت نفسك ثقيل ..
ضحك لأنها كشفته وقال وهو توه يشوفها : ههههههههه أوة أوة وش هالحلاوه ؟؟ وش عندها البرتقاله ؟؟
ضحكت من قلبها عليه وقامت وهي تقول : لعيونك صرنا برتقاله وليمونه وكل شئ .. بس يللا تعال الصاله ترى مليت لحالي .. راما وعزام عند الجيران يلعبون معاهم وأنا وجهي بوجه الخدامه ..
إبتسم وهو يقوم ويسحبها من خصرها ويقول بخبث وهو يطالعها بنظرات فهمتها : أجل قلتي لي راما وعزام عند الجيران هاه ؟؟
ضحكت وهي تضرب صدره بدلع وتقول : إيه عند الجيران بس بيجون ألحين ..
قال بخبث : إيه على مايجون فيه وقت طويل ..
ضربته على يده وهي تعض على شفتها السفليه وتقول : عييييب عيالك بيجون بأي وقت .. وألحين تعال قبل مايخرب الحلا ..
قال وهو يلمس وجهها بإصبعه ويقول : فيه حلا أحسن من هالحلا ؟؟
ماتت ضحك على حركته وخدودها مورده وقالت : لا والله مافيه ههههههههه ..
وسحبته معاها برا وهي تقول : والله ياويلك اذا خرب الحلا ..
ضحك عليها ويوم وصل الصاله وشاف التشيز كيك وشكله اللي يشهي قال : واو ,, تسلملي هالإيدين يارب ..
قالت ب فرح : الله يسلمك ياقلبي ..
جلسوا ع الكنب وقامت هي تقطع منه وهو خذا الريموت وجلس يقلب بالقنوات لحد ما إستقر على قناة mbc 1 وكان فيها برنامج جلسوا يتابعونه ..
جات سمر وأخذت قطعه من الحلا من صحنها ومدتها لسعود وقالت بغنج : يللا قلبي إفتح فمك أشوف ..
فتح سعود فمه وهو مبتسم ويطالعها بنظرات خبث وأكل القطعه وهو مبتسم ..
ضحكت سمر على شكله اللي من جلسوا وهو يطالعها بتفحص مع أنه مافيها شئ جديد ..
أكلت سمر قطعه وهم يطالعن بالتلفزيون وقالت : تصدق سعود خطبة عزام فاجأتني بس اللي فاجأني أكثر ملكته مره وحده ..
قال سعود بهدوء : كلنا إستغربنا سرعة ملكته بس أكيد ماسوى كذا إلا لسبب عزام مستحيل يسوي شئ مايحسب حسابه .. بس مبين من شكل عزام إنه مرتاح ..
قالت سمر وهي تفكر : صح والله مبين إن عزام مرتاح كثير خصوصا لما كنا رايحين شفت ضحكته شاقه وجهه وكأنه أسعد من بالدنيا ..
قال سعود بإبتسامه : أكيد بيكون أسعد من بالدنيا لأنه يوم ملكته وعريس لازم يكون فرحان .. وإلا نسيتي وش سويت بملكتنا ؟؟ ( قالها وهو يغمز بخبث )
ضحكت وهي تغطي وجهها من هالذكرى وقالت : ههههههههههه وهالشئ يٌنسى .. نزلت يدها وهي تضرب فخذه بخفه وتقول : مالت عليك والله مانسى ذيك اللحظه يوم طيحت وجهي قدام مها وساره .. بس زين إن القنوات الإعلاميه لمى وسديم ماكانوا فيه لحظتها كان من جد ذبحتك ,,
ضحك من كل قلبه وقال : ههههههههههه والله وش اسوي فيك إنتي حاطه روج لماع أحمر يدوخ بلد شلون ب سعود المسكين ماراح يدوخ ؟
ضحكت وقالت : تقوم تبوسني قدامهم ؟؟ والله العظيم إني كنت بأضربك كف لكن من الصدمه تجمدت مكاني .. وإلا البنات مساكين وجيههم انقلبت 700 لون من الفشله وأنا أكثر منهم ..
قال وهو ياكل قطعه : والله عاد ماحبيت أخليها بقلبي ل حد مايجي الزواج .. وإنتي وجهك كنتي مشترطه يكون الزواج بالصيفيه اللي بعدها يعني سنه كامله من الملكه للزواج وش يصبرني
هههههههههههههه ..
قالت وهي تصب لها فنجان قهوه ثاني : هههههههه والله ماأنساها لك .. بس هههههههههه تستاهل اللي جاك بأول ليله بالزواج هههههههههههه ..
ضحك من قلبه بس قال بقهر : لا والله ؟ أصلا فيه عروس يوم زواجها تتعشى وبعد العشاء تقول لعريسها المسكين باروح أغسل ايديني وهي بالأصل ماكله بالشوكه وتروح الغرفه وتقفل عليها وتنام ؟؟ وين صارت ذي بالله ؟
ماتت سمر ضحك على هالذكرى وقالت :هههههههههههههههههههههه والله ما أحد قالك كل ماكلمك ايام الملكه تقولي ( ثقلت صوتها وهي تقلده وتقول ) الوعد بيوم الزواج .. والله لأخلي كل من بالفندق يسمعون صوتك ..
مات ضحك على تهديداته لها أيام ماكان يكلمها ويرجاها تقول كلمه حلوة وهي مستحيه وترفض وقال : والله ماشفى غليلي فيك إلا الصباحيه اللي بس صحيتي وطلعتي من الغرفه وخليتك تفطرين وتروقين وتلبسين ع اساس رايحين لأهلنا وأعاملك ولا كأن شئ صار وبعدها خذيت لي دش أروق أعصابي لا أتوطى ببطنك على حركتك وطلعت لك وأنا رايق .. وأنتي عارفه الباقي عاد ( قالها بغمزه ) ..

**حلاعتيبيه** · 01-12-2009, 06:26 PM

ضحكت سمر وهي تتذكر اليوم الثاني من زواجها ..
وهي تحكي لكم ^,* ..

(( كنت خايفه من اللي سويته أمس وخصوصا اللي أعرفه عن سعود إنه عصبي شوي .. وهو من قبل مهددني ,, بعد ما أفطرنا وشفته مرررره هادئ وماعلق ع اللي سويته دخلت خذيت لي شاور وطلعت لبست فستان ناعم سكري وفيه نقش ذهبي ع الأكتاف وع الخصر وفيه فتحه من نص الساق لتحت وحولها نقش ذهبي والظهر على مفتوح على شكل مثلث .. وجلست أسوي شعري بسرعه عشان ألبس عبايتي قبل مايطلع سعود من الحمام ( وإنتو بكرامه ) لأنه كان يتروش .. إستشورت شعري أي كلام لأنه ناعم بالأصل ومايحتاج له شئ كثير .. وحطيت مكياج ناعم ذهبي بسرعه وأنا مرتبكه مررررره وكأنه أول مره أقابل سعود .. لأني كنت متخوفه من ردة فعله وإذا طلع ألحين وش ممكن يسوي إذا شافني كذا ... وأنا أعرفه متهور ومايهمه أحد ..
المهم خلصت بسرعه كبيره وجلست بألبس طقم الذهب اللي حرّصتني أمي إني ألبسه اليوم لبست الخاتم وسمعت فتحة باب الحمام وحسيت إني صرت أرجف أكثر ..
حسيت انه جاي جهتي وهو يقول : هاه قلبي خلصتي ؟؟
قلت وأنا أخذ سلسالي وأحاول ألبسه : لا حبيبي باقي لي شوي بس وأخلص ..
حسيت فيه واقف وراي بالضبط ويجمع شعري الطويل اللي كان ل نص ظهري ويحطه على جنب وياخذ سلسالي من يدي ويقفله لي ..
قلبي طاح برجليني وأنا أحس فيه يقفلها لي ويهمس بإذني وهو لاصق فيني : يازين كلمة حبيبي من شفايفك ..
قفل سلسالي وحسيت بإصبعه يلمس ظهري المكشوف برقه ونعومه ..
توترت كثير وبان علي ونفسي علا صوته من الربكه ..
لفني على جهته وشفته كان لابس بنطلون كحلي ساتان حق بيجامته وصدره عاري وشعره على وجهه وغرقان كان شكله يخقق بس أحرجني كثير وبان انه أطول مني يعني أوصل ل كتفه ..
نزلت راسي بالأرض بسرعه أول ماطاحت عيني على صدره العاري ..
رفع وجهي بإصبعه وقال بهمس : حبيبي .. طالعيني ..
طالعت بكل شئ إلا فيه .. وأنا أحس إن أعصابي تلفانه ..
قال بهدوء ورقه وهو يحط خشمه بخشمي : حبيبي .. أنا قلت طالعيني ..
طتالعته مجبره لأنه صار لاصق بوجهي وقال : إيه كذا لا تحرميني أطالع بأجمل عيون ..
إبتسمت بخجل وبعدت وجهي عنه وأنا أحاول أشغل نفسي بشئ بس أول ماعطيته ظهري ولفيت عنه بربكه ضحك بهدوء ولصق بظهري وهو يشم شعري ويقول : إمممممممم يازين ريحتك ..
إبتسمت بهدوء وخوف وقلت : أ .. سع.. سعود .. ماراح ت .. تبدل ملابسك .. ترى بنتأخر على أهلنا ..
حسيت إني تخدرت وقلت بصوت يالله ينسمع : س .. سعود .. م .. مو وق.. وقته حبيبي ..

وبعدها رفضت إني أروح لأهلنا بعد العلامات اللي تركتها لمساته وبوساته على جسمي وأجلنا الروحه لليوم الثاني ..
وهذا كان إنتقامه مني .. ^,^ )) ..

رجعت ع الواقع على لمسته اللي جنب شفايفها ولفت عليه بإبتسامة حب وهي تمسك يده وتقول بهدوء : وش فيك ؟؟
قال بضحكه وهو يمسح الفراوله اللي على طرف بإصبعه شفايفها ويلحسه : ولا شئ بس كنت أذوق الحلا لا صار عسل ..
ضحكت وحطت راسها على صدره وهي تطالعه و تقول : تدري إني أحبك كل يوم أكثر من اللي قبله ؟؟
ضحك بحب وقال وهو يضمها له أكثر : وأنا أمووووت فيك كل ساعه أكثر من اللي قبلها ..

\
/
\

**حلاعتيبيه** · 01-12-2009, 06:29 PM

الدمام – حي الفيصليه ..

نظرة ولع لمحتها في ( عيونك ) ...
فيها معاني فايقة كل توصيف ..
لالاتكابر كل نظرة .. /..تخونك...
ترى { النواظر } صادقه مابها زيف ..
النشوة اللي فوق ( رعشة ) جفونك...
تحكي * حديث عذب * من دون تكليف ..

كانت جالسه تحوس بالغرفه وماتدري وش تلبس وهي ميته خوف وتوتر ومنشفتها على رأسها لأنها توها ماخذه شاور ..
اليوم خالتها كلمت أمها وقالت بتجي هي وتركي عشان يسون نظره شرعيه ويحددون موعد الملكه مره وحده ..
دخلت سديم عندها وشافتها واقفه وهي عاضه على إصبعها وتطاله دولابها بتوتر والدموع بعيونها ..
ضحكت من شكلها وقالت : هههههههههه وش فيك يالخبله ؟؟ ليش صاير شكلك كذا ؟؟
قالت ساره بتوتر : ماسمعتي أمي وش قالت ؟؟ خالتي بتجي وهو بيجي معاها يشوفني .. ولا ادري وش ألبس أو بالأصح ماعندي شئ ألبسه وتقولين وش فيني كذا ؟؟
إنقهرت سديم من كلمتها وهي تكره تذمر أختها من اللاشئ وقالت : على تبن بس .. وين تايورك الجديد اللي شريتيه للعيد ومالبستيه .. إلبسيه يجنن وفخم كثير .. لا تقولين ماعندك شئ تلبسينه .. تراك تتذمرين ع النعمه اللي إنتي فيها ,,
تأففت ساره وراحت تطلع التايور اللي قالت عليه سديم واول ماشافته جلست تدقق فيه وتقلبه إذا يصلح أو لا ..
صرخت فيها سديم : إنقلعي إلبسيه خليني أشوفه عليك إذا يصلح تلبسينه وإذا مايصلح نشوف غيره ..
لفت ساره عليها وصرخت بأعلى وهي ترمي منشفة شعرها بالأرض : إنكتمي لا تصارخين ماني أصغر عيالك ترى ,,
قالت سديم وهي تدفها للحمام اللي بغرفتهم عشان تلبس : أقول إخلصي ماباقي شئ ويجون خالتي يالخبله ..
دخلت ساره بسرعه وبدلت وطلعت ل سديم اللي أول ماشافتها قامت تصفر بصوت عالي وتقول : واو ,, جنان ياختي العزيزه الخبله ..
قالت ساره بقلق : من جد حلو ؟؟ أحس شكلي صاير غلط ..
قالت سديم وهي تسحبها للتسريحه وتجلسها قدامها عشان تستشور لها شعرها : أقول إبلعي العافيه قسم بالله إنه يجنن عليك ..وقالت بطنازه : الله يعين قلبك ياتركي ع اللي بيجيك اليوم ..
ضحكت ساره وقالت : إلا الله يعين قلبي أنا .. قسم بالله حاسه إن هالادمي بيجيب اخرتي مثل سعود مو مسوي بأختك ..
إستغربت سديم اللي كانت تمشط شعر أختها عشان تبدا تسويه وقالت : وشلون يعني ؟؟
قالت ساره وخدودها حمراء : يعني لا يكون جرئ زياده عن اللزوم مثل أخوه ..
ضحكت سديم على تفكير أختها وقالت : يابنت الحلال هذا الحلو حلاة الرجال يكون جرئ أجل يستحي كأنه مره ..؟؟
قالت ساره : لا يالدلخه مو يستحي بس ع الأقل يحترم نفسه مو يبوس في زوجته قدام الناس مثل سعود يوم باس سمر ب فمها يوم ملكتهم قدامي انا ومها .. قسم بالله حسيت إنه ودي تنشق الأرض وتبلعني وقتها ولا اكون شفت هالمنظر ..
قالت سديم بحماس وهي توها تدري : كذابه .. متى وين وكيف يالدوبا ماعندي خبر عن هالسالفه ..
ضحكت ساره بخجل وقالت : إشتغلي ألحين خليني أقولك بعدين ..
قالت سديم وهي تمشط شعر ساره بقوة : والله ما استشور لك لين تقولين ..

**حلاعتيبيه** · 01-12-2009, 06:33 PM

ضحكت ساره وقالت بألم : اه وجع طيب باقولك بس مشطي زي الناس قطعتي شعري .. ( وقالت بإبتسامه حلوة وخدودها محمممممره ) ياطويلة العمر يوم ملكة سمر وسعود ولما دخلناهم داخل بعد الزفه ع اساس يجلسون مع بعض شوي طلعنا عنهم وبعدين قالت امي خلاص خل يطلعون وأول مأدخلنا أنا ومها بسرعه كان وجه سمر أحمممممر وهو جالس وماسك يدينها بيده ومتنح بوجهها ومبتسم قلنا لهم يللا إطلعوا خلاص ,, عصب سعود وقال إن ساعه ماتكفي يجلسون مع بعض بس هاوشته مهاوقالت له ان أمي معصبه وتبيهم يطلعون وإنهم طولوا .. المهم وأفق يطلع ولما جاء بيطلع وقف هو وسمر ولف عليها مدري وش قالها بإذنها وخلاها تبتسم وهي بتموت من الحياء وبعدين باسها على جبينها وخدها وقرب وباسها من شفتها بوسه ( ومدت يدينها وهي تقول ) طويله .. بصراحه حسيت أختك ماتت مكانها من هالموقف لأنه بس بعد عنها لفت وعطتنا ظهرها على طول وهو مات ضحك جاء بيطلع من عندنا وقامت مها تضربه على كتفه وتضحك وهي تقول قليل أدب .. وعطته منديل يمسح الروج اللي لصق بشفايفه من سمر .. أمى أختك المسكينه متنا عليها من الضحك لما رفضت ترفع وجهها وتطالعنا من الفشيله مسكينه وربي رحمتها ..
قالت سديم بعد صمت طويل شوي بتنهيده : اه ياربي إرزقني ب واحد شايل من وجهه الحياء مره وحده لو يفشلني قدام الناس راضيه بس هو يجي ,,
ماتت ساره من الضحك وهي تقول : ونواف ياعين أمك وش يشكي منه ؟؟ والا لا يكون بترفضينه ؟؟
قالت سديم وخدودها بدأت تحمر وهي مستانسه : وه فديت طوله قال ارفضه قال .. أنا كنت أتمنى واحد لو يسوى بس نصه مو كله وتبيني أرفضه ؟؟
أنا أصلا ماصدقت على الله يفكر فيني أحد تقول أرفضه ؟؟ إسمعوها ياناس ..
ضحكت ساره على هبال إختها بس قالت بعقل : سديموه .. لا يغرك الشكل والزواج وتنسين انه شريك عمر ومسؤوليه كبيره ..
قالت سديم بعقل وشوية حياء : لا لا تخافين علي أنا ذيبه فكرت زين ويكفي كلام عصام وعزام عنه .. حتى مها من درت وهي تمدحه لي ولأمي عشأن نوافق عليه .. وتبين الصدق ؟؟ ( حكت شعرها بخجل اكثر وقالت ) أنا كان عاجبني من قبل وأحب أشوفه إذا جانا .. عشان كذا بغيت أنهبل يوم خطبني خخخخخخخخخخخخخ ..
ضحكت عليها ساره وقالت : مجنونه وربي ..
ضحكت سديم وكملت إستشوار شعر ساره وبما إن سديم تعشق الماكياج سوت ل ساره مكياج ناعم يجنن وطلع شكلها مره جنان ..
وكانت لابسه تنوره سوداء ناعمه وعليها بلوزه عنابيه شيفون ماسكه ع الجسم ومطرزه بالأسود وفيها ورده ع الصدر باليمين ورده سوداء تجننن ..
وعلى شعرها اللي مستشورته والروج العنابي البسيط والكحل الأسود والبلاشر الوردي طالعه ملكة جمال ..
خلصوا كلهم لبس ونزلوا تحت شافوا خالتهم وصلت وساره بغت تموت خجل وخوف بما إن اللحظه الحاسمه قربت ..
وجلسوا يتقههون شوي وبعدها جاء عزام وهو يقول ل ساره تجي المجلس ..
ساره جاتها الصيحه .. خافت .. توترت .. ماتدري وش تسوي ,,
راحت مع عزام اللي جلس يهديها ويقولها إن الأمر عادي وبسيط وهو أكثر واحد عارف إنه أبعد مايكون عن البساطه لأنه هو نفسه وقت النظره كان يرتجف شلون بالبنت ؟؟
وصلت المجلس وهي ماسكه بيد أخوها وقلبها ينطق ..
( الله لايحرمني منك ياعز من خلق ربي على قلبي .. ) ..

\
/
\
في المجلس ..

ممنوع أحب غيرك لأن الحقيقه ؟
مافيه أحد يسوى يجي في / مكانك .
ممنوع أنام إلا ب هذي الطريقة :
( أنام أنا ويَّاك .. و أحضن حنانك )
ممنوع أنا أنساك لو في – دقيقة - !
لازم ( أفكر فيك ) و ( أعز شانك ) . . .
ممنوع أسمع : صوت : كل الخليقة ..... .
ويا زين كل كلمه تجي من { لسانك }
ممنوع أحس إنْ كنت ويَّاي ضيقه
ياللي خدمك الحظ .../.. فيني و عانك

كان جالس بكامل أناقته وكشخته وشكله يخقق يخقق يخقق خصوصأ مع شعره اللي يبين طوله من تحت الطاقيه اللي تحت الشماغ وسكسوكته الجديده ..
وثوبه السكري وشماغه السكري وساعته السوداء وعطره ال شانيل الاخاذ ..
طالع عذاب ..
سمع صوت عزام اللي كان يضحك بصوت واضح على شكل ساره الخائف ويقول :ههههههههه يابنت الحلال تعالي عادي ترى ماياكل ولا يسوي شئ ..
أول ماسمع هالكلام حس إن قلبه بيطلع من صدره من كثر مايدق بسرعه ..
وشافها تدخل وهي ماسكه بظهر عزام اللي ميت ضحك ويحاول يمسك يدها عشان تمشي جنبه ويقدر تركي يشوفها ..
قال عزام : يابنت الحلال إتركيني و إدخلي وش فيك كذا خايفه ؟؟

**حلاعتيبيه** · 01-12-2009, 06:36 PM

كل هالأحداث تصير وتركي واقف مكانه وهو متجمد شاف زول أحمر وأسود وبغا يهستر شلون لو شافها بوضوح وعن قرب ..؟؟
تقدمت ساره جنب عام بعد مافك يدها وصارت واضحه وضوح الشمس ل تركي اللي صدره صار يألمه من كثر دقات قلبه ..
قال تركي وهو تايه : هلا ساره شلونك ؟؟
قالت بهمس وهي تجلس قدامه جنب عزام : بخير ..
قال وهو باقي واقف : عساه دووم إن شاء الله ..
مسك عزام ضحكته على شكل تركي اللي باين انه مو مصدق اللي يشوفه .. وقال : تركي حياك اجلس وش فيك وأقف ؟؟
قال تركي وهو توه يصحى : هاه .. إيه إن شاء الله .. الله يحييك ..
جلس وعزام همس بإذن ساره وقال : أنا بأطلع اجيب العصير .. إنتي إجلسي هنا وإذا كلمك ردي عليه زين .. مو تخلينه يقول بنتكم طرماء ( ماتتكلم يعني)
أوك ؟؟
لفت عليه ساره برعب وقالت : وشو .. لا عزام تكفى .. لاتط..
قاطعها عزام وهو يوقف ويقول ل تركي : خذ راحتك يابو محمد بس مو كثير عاد ,, أنا بأروح أشوف الوالده وأجي ..
ضحك تركي براحه إن عزام بيخليهم ياخذون راحتهم وقال وهو يوقف : ههههههه خذ راحتك يابو خالد ..
طلع عزام وساره جاتها رغبه قوويه بالبكاء بس جمدت نفسها شوي ..
أما تركي كان يطالعها وهو مو مصدق نفسه راح وجلس جنبها وشافها بعدت بسرعه إبتسم لحركتها بس قال بدوء : ساره .. طالعيني .. ترى والله أنا أليف ..
شاف رجفتها بدت تهدى شوي وكمل وهو يقول : سارونه أي سنه ألحين إنتي ؟؟
شافها لفت عليه بقووة وشو سارونه ؟؟
وكانت أجمل فرصه إنه يشوف شكلها بوضوح مثل المره اللي تقابلوا فيها بس اوضح الحين وقالت وهي تنزل راسها بسرعه : سنه ثالث ..
قال بهدوء مع انه عارف بس يبي يفتح مجال للحديث بينهم : اها .. بالتوفيق إن شاء الله ياقل... ( قطع كلمته بسرعه وقال ) بالتوفيق ..
شافها تحاول تمسك ضحكتها وضحك وقال : إضحكي ترى كنت دوووم أحب أسمع ضحكتك ..
إبتسمت بحياء وسكتت وهي منزله راسها وتلعب باصابعها الطويله البيضاء ومزينه بالمناكير العنابيه اللي محليتها أكثر ..
قال بإبتسامه وهو بدا يهدأ أكثر شوي : تصدقين إني أحب هاللون ,,
لفت عليه وقالت بهمس : أي لون ؟؟
قال وهو يمسك أصابعها ويطالع أظافرها : هاللون .. كنت أحبه مررره من وأنا صغير وإلا نسيتي ؟؟
ضحكت وقالت وهي تسحب يدها بخجل و بدأت تتعود شوي : أذكر لما كنت إنت احيانا تحط لي مناكير بنفس اللون ..
ضحك ضحكه جننتها ووترتها وقال بهمس : زين إنك متذكره .. لأني إن شاء الله بأرجع أزاول هالمهنه بعد كذا .. وهاللون إن زاد حبي له فهو لأنك لابسته ومحليته ألحين ..
ماتت مكانها من الخجل وسكتت وهي مبتسمه ..
قال بصوت هامس مايدري شلون طلع منه أو وش قال إلا بعد ماقال : ساره .. ( لفت عليه تطالعه بخجل ) وكمل : أحبك ..
الصدمه وخصوصا صدمة الفرح شلت لسانها وجسمها ..
حست أن المكان صار ضيق وحر ..
قامت وقفت وهي ترتجف وقالت بهدوء : عن إذنك ,,
وطلعت تركض ..

أماهو..

كان بيطلع يلحقها إلا إنه جمد مكانه وقال بقلبه ( يكفيني لمعة عيونها اللي تدل على فرحتها ,, اه وش كثر أحبك يا ساره ) ..

بعدها رجع عزام ومعاه عصام جلسوا وحددوا وقت تكون فيه الملكه وهي بعد أسبوعين لأنهم داخلين بعدها على إمتحانات نهائيه وبعدها الصيفيه اللي بيكون فيه الزواج ..

وراح تركي مع أمه للبيت وهو أسعد من في الوجود ..

\
/

**حلاعتيبيه** · 01-12-2009, 06:40 PM

حي الفيصليه – الدمام ..
أفخم قصورها ..

وأنَادِي لِك ..!
حَزِينْ .. وَمَامِعي شَمّعَه ..!
تَعَال وَشُوف ..
هُو بَاقِي عَلى رِمشِي أَثَر دَمْعَة !!
تَعَبْتْ أَحِنّ ّ واشْتَاقِكْ ...
تَعَبْتْ أزّرَع لِك اشْوَاقِي .. ولاتِزهِر بِي اشّوَاقِك !
تَعَبْتْ اكَذّب احْسَاسِي
وَاَقولْ إنَه يَبِي يِرّجَعْ !!
وِجَع " إحْسَاسِي بِالكِذّبَة " .. ولَكِن " الغِيَابْ " أوجَعْ !!
تَعَال وَحَرّّك إحْسَاس المِكَان وَحرّّك احْسَاسِي ..
تَعَال الخَاين الوَافِي ! تَعَال اللّيّن القّاسِي !
تَعَال وَدِلّينِي وَينِي ..وَأنَا مِنْهُو ..!!
أنَا نَاسِي !!!

كان جالس ومهمووووووم ع الاخر ..
وصله خبر موافقة حبيبة روحه وعمره على رفيق روحه ودربه من تهاني إخته ..
هو كان صديق نواف أكثر من غيره ..
بعد ماتعرف عليه بالثانوي تعرف على عصام اللي كان يدرس معاهم ..
بس هو ونواف كانوا أكبر منه بسنه بالعمر يعني عمره 26 سنه ..
قضى نص عمره مع نواف ..
يحبه أكثر من روحه ..
لما صار الهواش بينهم بذيك الليله أول مارجع البيت بكى ..
إيه بكى ..
بكى الأخو والصديق اللي مافهمه وقتها ..
هو صح غلط بكلامه بس ماغلط إلا بعد ماإستفزه عصام بكلامه ..
هو ماكان يبي يصير واحد فاسد ويخرب أصدقاءه معاه بس عصام هو الي كان راغب إنه يسوي هالعلاقات ويتعرف ع البنات ..
هو ماكان يبي أصدقاءه يعرفون إنه يلعب على شلة بنات عشان مايستحقرونه مثل ماهو مستحقر نفسه بس هو مضطر ..
سوى كل شئ كان يبيه وإنتهى و إنتقم من شلة بنات فاسدات حاولوا يجرون إخته اللي عمرها ماتعدى ال 19 سنه معاهم ببلاويهم وتكون أداه رخيصه لأغراضهم ..
ولما رفضت خطفوها وهي راجعه من المدرسه وكانت ب عمر ال 18 سنه واخر سنه ثانوي ..
وأخذوها شقه مليانه شباب وإعتدوا عليها واحد ورا الثاني وضربوها بإبره مخدرات ..
وصوروها وصاروا يهددونها فيها لمدة شهر وهي حالها يتدهور ..
رفضت وقاومتهم وقاومت المخدر اللي كنا نسمع صراخها كل ليل بس ماندري وش سببه واذا سالناها تقول انها كانت مجرد كوابيس وأحلام مزعجه ..
ماصدقناها بس سكتنا عنها وظليت أراقبها من بعيد ..
تركت الدراسه بسببهم عشان تتقي شرهم ..
بس للأسف كانت حقارتهم أكبر من كذا لأنهم نشورا الصور والأفلام وفضحوها وفضحونا قبلها .....
اه عليها ..
كانت بريئه وبراءتها تكفي وطن ..
كانت خلووقه لأبعد درجه وهالشئ خلاها ماتستلم لهم مره ثانيه وفضلت إنها تقول لي أنا أقرب شخص لها بعد عدة محاولات إنها تفتح لي قلبها وماتخاف من شئ ..
لأن أبوي الله يرحمه كان من الممكن يدفنها حيه ومايصدقها ..
لما بلغتني بكل شئ وهي منهاره تبكي وتصرخ كنت راح أنجن ..
كيف ؟؟؟؟؟
يعني خلاص ؟؟
إنتهى كل شئ ؟؟
وإنتهت أختي ؟؟
وإنتهينا إحنا ؟؟
صدقتها ووقفت معاها وكنت أفكر أسوي شئ بس القدر سبقني ..
وعرف أبوي بالموضوع بعد ما شاف الصور اللي وصلته ب ظرف على الشركه حقتنا ..
وللأسف أبوي جاء البيت ضربها ضرب خلاها للموت أقرب ..
وبعدها أبوي أصيب بجلطه بعد كل هالمصائب وعلى أثرها توفى ..
أما أماني أختي من وقتها وهي ملتزمه الصمت ..
الكل قال إنها أصيبت ب خرس ..
بس أنا اللي كنت أسمعها باخر الليل تقرأ القران وتصلي وتدعي وتبكي ..
وعارف تمام المعرفه إنها ما إنخرست بس إحترمت رغبتها وسكت ..
حميتها من الكل وللان أحاول أحميها من أعمامي اللي حاولوا يذبحونها إنتقاما لشرفنا المهدور والمُغتصب ..
بس أنا خذيت عهد على نفسي أحميها وأحمي تهاني وأمي من كل شر هم الباقيين لي بهالدنيا ..

بعدها عرفت البنات وحاولت أعرف كل شئ عنهم وبعد ماعرفت كل شئ بالتفصيل خليت شلة شباب متمرسين بالفساد والمخدرات يتعرفون عليهم ويتواعدون معاهم كنت أكلم وحده منهم وهي الأساس تعاملت معاها بإسم ورقم وسياره ثانيه ..
والشباب ماكانوا يعرفون شكلي أبد ولا يعرفون إلا إن إسمي راشد بعد ما خليت البنات كلهم ينجرون ويتقابلون مع الشباب بلغت الهيئه والشرطه ومسكوهم كلللللهم بأوضاع مخله ..
ومن بعدها غيرت رقمي وكل شئ يخصني ..
ورجعت من جديد للام قلبي اللي عمرها ما إنتهت ..
والام صدري اللي مرافقتني من صغري ..
فكرت أكلم نواف وأعتذر له ..
لا تظنون عشان سديم ..
لا أنا صح بفتره كنت واطي بس مو خاين ..
أنا أبي أراضيه وأعلمه الحقيقه ..
الحقيقه اللي كان يعرف نصها والنص الأهم مايعرفه ..
هو كان يعرف عن فضيحة أختي لأنه وصلته مثل ماوصلت أي شخص ع الجوال بس وقف معاي وازرني ..
وحذرني من فكرة الإنتقام ..
وقلت له إني نسيتها بس هو نسى اني ممكن ماأنسى هالشئ ..
لأنه من المستحيل أحد ينسى شرفه الضايع ..
مسكت جوالي بسرعه وبدون تردد دقيت على رقمه اللي حافظه ..
جاني صوته وهو يضحك : ههههه .. إحم .. ألوووه ..
قلت ب صوت حاولت يكون ثابت : ألووه مساء الخير نواف ..
سكت شوي بعدين قال بنبره جافه : مساء النور ..
قلت ب توتر : أخبارك ؟؟
قال بسرعه : من الله بخير .. ولله الحمد ..
قلت بسرعه : طيب ممكن أقابلك بأي مكان ؟؟
قال بجفاف : وش المناسبه ؟؟
قلت ب غصه جرحت بلعومي : مناسبة إني محتاجك .. محتاج أخوي وصديقي ورفيق عمري ..
سكت شوي ولان صوته يوم قال : طيب تعال عندي بالبيت أنتظرك ..
قلت ب فرحه : دقائق وأكون عندك ..
قمت من مكاني بسرعه غيرت ملابسي وركض ع السياره ..
كنت أبي أشوف نواف وأضمه وأشكي ل حالي ..
أشكي له حال قلبي اللي من عرفت نفسي وهو تعبان ..
أبي أشكي له عن كل شئ ومن كل شئ ..
وأفهمه كل شئ ..

/
\

**حلاعتيبيه** · 01-12-2009, 06:42 PM

الفيصليه – حي ال 91 ..

أبكي على وقت مضى وانتهى وراح ..
مالي سوى الذكرى معي منه باقي ..
أشكي مصابي كلما الهم بي اجتاح ..
وامسح دموعي كلما الصدر ضاقي ..
وأسأل نجوم الليل والشوق ذباح ..
يانجم بالله... وين خيرة رفاقي ..

إستغرب كثير من إتصال سلطان بس ماقدر يخفي فرحته فيه ..
كسره نبرة الرجاء بصوت سلطان ..
سلطان اللي دووم يظهر لأصحابه وللناس القوة والجبروت وهو بداخله طفل يبكي بشراسه ..
سلطان اللي مات أبوه بسبب فضيحة إخته المسكينه ..
وأنا تركته وحيد ..
بس وش سبب تركي له وحيد إلا سديم ..
اه ياسديم ماتتصورين وش كثر فرحت من موافقتك علي ..
بس فرحتي ناقصه لأنك مو بإختياري التام ..
إنتي إختيار كنت مجبووور عليه ..
بس الله يقدرني وما أقصر بحقك ..

صحى من أفكاره على صوت الجرس ..
طلع من المجلس وفتح الباب وشاف سلطان قدامه لابس ثوب وكاب على شعره أسود وعله بالأبيض حرف s ..
حس ب وخزه بصدره لما شاف الحرف بس تذكر إنه حتى هو إسمه بال s يعني شئ طبيعي يلبس هالحرف ..
صحى من أفكاره مره ثانيه على صوت سلطان وهو يقول : السلام عليكم ..
قال نواف وهو يمد يده يصافحه : وعليكم السلام .. حياك تفضل ..
حزت حركة نواف بصدر سلطان كثير إنه مايسلم عليه بعد هالغيبه خد أو زي الناس ... سلام جاف وكأنهم أغراب ..
دخل متوجه معه للمجلس وهو منزل راسه ومتضايق ..
دخلوا وإستأذن نواف عشان يجيب القهوه ..
أما سلطان جلس يعيد الكلام اللي بباله مليون مره وكيف بيقوله إنه سوا ذا كله ..
دخل نواف بالقهوه وصب فنجان قهوه ومده ل سلطان وهو يقول : سم ..
أخذ سلطان فنجانه وقال بهدوء مستغربه نواف اللي يعرف رجة سلطان : سم الله عدوك ..
قال نواف وهو يحاول يبين انه عادي بالرغم انه شايل بقلبه على سلطان لأنه اجبره يقدم على خطبه مايبيها ويجبر نفسه على بنت صغيره مافكر لو 1% ياخذ بمواصفاتها وقال : كيف الشركه معاك ياسلطان ؟؟
قال سلطان وهو يحط فنجانه : الحمدلله ماشي حالها .. بس عمامي ناويين علي نيه شينه وحاس إنهم يبون يكسرون ظهري بالسوق ..
قال نواف بعتب : إنت ماأحد يقدر عليك إلا اللي خلقك ياسلطان ..
رفع سلطان عيونه ل نواف اللي إنصدم من منظر الدموع بعيونه وقال : لا تكذب على نفسك يانواف .. لأنك ماراح تقدر تكذب علي بهالكلام .. إنت أكثر واحد عارف إني أنكسر وأنكسرت كثير .. ومحد جبرني بعد الله غيرك .. إنت يانواف إبتعدت عني بدون ماتسمعني .. سمعت مني كلمه وحده طايشه ورميت ب عشرة سنين طويله ورا ظهرك ..( اشر على صدره وكمل ) ماسمعت عذري أو تبريري وركضت وراء عصام اللي مو محتاجك كثر ما أنا محتاجك .. أنا اللي محتاج الأخ والصديق والرفيق .. أنا اللي محتاج نواف مو عصام ..

إنصدم نواف من غيرة سلطان من عصام وقال ب جديه : إنت غلطت ياعصام غلط كبير .. قلت شئ ماينقال ..
قال عصام ب عصبيه : هو اللي بدا علي يانواف وإنت موجود وشاهد ..
وإستفزني بكلامه اللي مثل السم .. بعدها قمتوا كلكم معاه ضدي ..
أنى أكثر واحد ملسوع من ناحية الخوات وسيرتهم بين الشباب بس أنا ماحكيت عن اخته بشئ غلط قدامه ..
قال نواف يغير الموضوع اللي ضايقه من سيرة سديم : والبنات اللي تحاكيهم وتفضحهم وتطلع معاهم صدق وإلا لا ؟؟
قال سلطان بهدوء وهو يطالع المكان بنظرات مليانه حقد كللللللل السألفه كيف عرف البنات وكيف أنتهت معرفته فيهم ونواف مصدوم ع الأخير كيف جات هالفكره ببال سلطان وكيف أداها بدون مايأذي نفسه .. وتذكر كلام محمد أخوه عن الشقق اللي مسكوا فيها بنات وشباب من تبليغ جاهم من مجهول إنقطع رقمه بعدها ..

اخر شئ قال نواف وضميره يأنبه : إعذرني ياخوي إني فهمتك غلط ,, بس إنت ماخليت مجال للنقاش ذاك اليوم بكلامك ..
قام سلطان يبوس رأس نواف اللي تفاجأ من الحركه وقال : إنت اللي إعذرني .. ( وقال بغصه أخفاها بقد مايقدر ) ألف مبرووك ياخوي ع الخطوبه ..
إنصدم نواف كيف عرف سلطان وقال بسرعه وهو يسحب ثوب سلطان : كيف عرفت يالدووب ؟؟
ضحك سلطان وقال : ياخي ماقلنا لا تتسرع .. أختي قالت لي لأنها صديقة المدام المستقبليه حقتك ..
حس نواف ب غيره ل قرب سلطان من سديم وسماعه أخبارها وقال يخفيها : اها الله يبارك فيك يالحبيب وعقبالك ..
قال سلطان بألم واضح ل سلطان مهما حاول يخفيه : إن شاء الله مع إني ما أظن ..

\
/
\

**حلاعتيبيه** · 01-12-2009, 06:47 PM

البارت الخامس عشر ..

×××

قول.. أحَبكَ ..
قُول..وَ ..طَيّرنيّ بِ هَواكَ ..!
خَلنيّ أحَسْ.. | الدُنيَا | ..أَجَمَلْ وَ أنَا جنبه
قُول.. أحبَك ..خَلنيّ ألبَسْ.. ( عُمْرِ )..ثَانيّ
قُولهَا
وَ ..زَلّزلْ كَيانيّ عِيدنيّ لِ .. دُنيّا .. البَيَاضِ
..:أتبَعثَر:..
و خَلنيّ ألمَكَ..
.. حبنيّ/ حبنيّ ..
وَ لا يَهمكَ..
قُول.. أحَبكَ
..رَقّص.. (الدُنيَا) .. ب.ِ. عَينيّ ..
قُول .. أحَبَكَ ..وَ ..أوعَدكَ..
أَزرَعَ لَكَ بِ .. كَفيّ ..أمَانيّ ..
وَ .. لا.. أَثوَر..و.. لاألَوَمَ ..وَ .. لاَ أُعَانيّ
وَ أنّولِد فْي ّ.. { حُضِنِ } ..حُبِكَ ، مِنْ جَدِيدْ

\
/
\
بعد مرور أسبوعين ونص هادئه ع الجميع ..
يعني قبل خطوبة تركي وساره بيومين ..
*
*
عزام & فاتن ..
لاجديد في علاقتهم .. كل واحد باله بالثاني بس إنشغلو عن بعض ..
هو إنشغل ب الشركه والإجتماعات مع عمه ..
وهي إنشغلت بدراستها ..
*
*
سمر & سعود ..
على نفس وضعهم ..
كانت سمر متناسيه موضوع الحمل نوعا ما ..
بس سعود كان بيهستر عليه بس ساكت عشانها ..
*
*
تركي & ساره ..
متحمسين للقاء اللي بيجمعهم قريب ..
هو مايجلس بالبيت دقيقه من فرحته .. يجهز للملكه من جميع النواحي ..
وهي كانت مثله بالأسواق مع سديم وعزام أو عصام وتجهز نفسها وتحجز للصاله ومحتوياتها ..
*
*
عصام & لمى ..
كل واحد متعذب بجهه ..
هو مو قادر ينسى شكلها الملائكي .. وخايف من ردة فعل تركي لو عرف بإعجابه لأخته .. عشان كذا حاول يكتم هالشئ بقلبه ..
وهي تحقد عليه من جهه وقلبها وحبها يشفع له من جهه .. عايشه صراع نفسي وعاطفي فضيع ..
*
*
نواف & سديم ..هو كل يوم يزيد تقبله للموضوع وضيقه أكثر من قرب موعد شوفته لها واللي تحدد بعد خطبة تركي ..
هي كل المشاعر الحلوة كانت متملكتها .. بخطبة أختها وخطبتها هي بعد .. اللي كملت فرحتها ب شخص كانت تحلم تاخذ واحد مثله .. ومو مصدقه ان حلمها تحقق .. وكان القلق متملكها من ناحية النظره الشرعيه اللي بتصير ..
*
*
سلطان ..
عايش الام قاسيه ..
معاناته مع فرحته ل صديق عمره وحزنه على فراق حبيبة روحه ..
تسامح من عصام وتركي ورجعت علاقته معاهم ب فضل الله ثم ب فضل نواف ..
تهاني أخته تنقل له أخبار سديم ب صفاء نيه وطيبة قلب ..
من باب السوالف بس ..
مادرت إن هالسوالف تذبح أخوها وتقطع قلبه قطعه قطعه ..
وهو مستمتع إن أخبارها توصله بس الحسره بقلبه قاتلته ..
\
/
\

طفلتك ماعاشت احساس الطفوله روايه رومنسيه جريئه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget