الساعه قاربت ال 8 مساءا ..

في بيت ابو غرام الفاره ..
الجو كان كله نبض و حيويه..
ريحة البخور منتشره في ارجاء البيت ..
والحلويات متوزعه على كل طاوله من جميع المذاقات ..
الاضواء الصفراء مضويه الصاله الكبيره ..
ونفس الشي في مجلس الرجال ..

قاعده في غرفتها وقلبها ماوقف يدق من الصباح ..
لابسه فستان ابيض بإكمام شفافه طويله .. ومنسدل على جسمها بنعوومه وبساطه ..
ماكان متكلف بس مبينها ملاك او حتى حووريه .. مع المكياج البينك الناعم والعدسات العسليه الي تلائم لون بشرتها ..
رافعه شعرها ذيل حصان بدون ترتيب .. وخصل كثير منه نازله ..
شكلها مرره انثوي وهادئ ويعطيها المظهر الي يناسب سنها الصغير والحلوو ..

دخلت عليها اختها غرام مبتسمه : مساء الخير
غلا بارتباك وهي تطالع نفسها في المرايا : مساء النور
غرام قربت لعندها وباستها ببرود على خدها : كيف عروستنا ؟
غلا بحياء مع كثير من التوتر : ماشي حالي
غرام بغيره : شكلك مرره جنان
غلا بفرحه : من جد ؟
غرام : ايه وحتى الميك اب مرره روعه
غلا بابتسامه ناعمه : ثانكس
غرام استغربت مو دي غلا المرجووجه والهبله .. اليوم شكلها بجد عرووسه .. والي زادها حلا خجلها وحيائها ..
بعكسها هي يوم الشووفه .. كانت مره بارده وواثقه من نفسها ..
جاه على بالها فيصل .. كم لها ماشافته ولا تدري عنه ؟؟
بس هي حاسه انه مايهمها ولا تحس بشي تجاهه .. شيء غريب .. قريب بيصير زوجها رسمي ..
ولو وحده مكانها كان ذابت فيه من قبل لا تشوفه ولا يكلمها كان عشقته بكل احاسيسها ..
قاطع تفكيرها صوت اختها المرتجف : خايفه ..€
غرام بابتسامه رايقه : وش دعوه مابياكلك هو .. توكلي على الله ان شاء الله يكون نصيبك احسن من نصيبي ..
قالتها وهي تلوي في وجهها بإعتراض ..
غلا باستغراب : غرام ؟؟ وش تقولين ؟؟ يعني فيصل مو عاجبك ..
غرام بغرور وهي تتوجه للباب : ولا راح يعجبني بيوم ..
طلعت وقفلت الباب بهدوء ..


:
:
:





;;;;;;;;;;;;;;;;;;;;;;;;;;;;;;;;;;;;;;;;;;
;;;;;;;;;;;;;;;;;;;;;;

،
،


// مر اسبوع بحلوه ومره .. بحزنه وفرحه .. بضحكاته واهاته ..
وتبقى العقول في حيره والقلوب في غيره .. //

فجر يوم جديد مطل بكامل إشراقه ..
والشمس مازالت تحاول الظهور وإختراق كل المباني لإنارة المدينه ..
مدينة العز والفخر " الرياض " ..

::

خايفه ومرتبكه إيدها على قلبها .. اليوم النتايج ..
جلست على مائدة الطعام بتوتر وتشرب العصير الي قدامها وهي تدعي ربها ..
دخلت عليها أمها بإبتسامه حلوه : صباح الخير حبيبتي
حلا بتوتر : صباح النور ماما ..
أم محمد جلست جنبها ع الطاوله وحطت ايدها على كتفها وتمسح عليه بحنان : اتعوذي من ابليس يمه .. والي كاتبه ربي بيصير انتي شديتي حيلك والباقي على الله ( باست راسها ) وانا متاكده انك بترفعين راسنا كالعاده حبيبتي ..
حلا : بس يمه مرره خايفه احس اني ا ... مادري ا....
ام محمد تهدي عليها : خلاص حلووله لا تصيرين كذا قلتلك كل شي بيكون زين بس انتي اتعوذي من الشيطان وكملي فطورك مايصير تروحين على لحم بطنك ..
حلا هزت راسها بالموافقه وبدأت تاكل وبطنها تمغصها من الخوف والقلق ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;


انتهت من ترتيب اغراضها وسكرت الشنطه والابتسامه مرسومه على شفايفها المليانه ..
طلعت من الغرفه ونزلت للصاله : صباح الخير
الكل : صباح النور ..
فرح جلست جنب نوف وهي تبتسم : كيفك ياأموره ..
نوف بابتسامه مصطنعه (( اه من حالي وش أقول لك ياصديقتي .. الهم طاويني )) : زينه ..
فرح : دووووومات يارب
نوف : تسلمين ..
فراس بملل : متى بوديكم للشقه رحلتنا الظهر ماعاد يمدي ..
نوف بلعت ريقها بخوف .. بتجرب الحياه وحيده .. بتعيش لحالها .. بتبكي وتختنق ولا احد يدري عنها ..
غمضت عيونها بهدوء >> انتي قويه يانوف وبتقدرين تتخطين هالمرحله خليك زي ماإنتي دايم .. صامده ولا يهزك شي << ..
قالتها من ورى نفسها تهدي فيها بالها وتخفف على روحها ..
فرح وهي حاسه بكل شي يدور في بال صديقتها : ايش رايكم نروح دحين ؟؟ يعني عبال مانرتب ونشتري المقاضي الشقه فاضيه ..
فراس ابتسم : لا ياقلبي خلاص جاهزه رتبت كل شي واشتريت المقاضي ماباقي الا ( طالع في نوف ) نوف تشرفها ..
ابتسمت غصب عنها .. تحس بالمذله .. حتى لو ماتمننوا عليها او حسسوها انها ثقيله عليهم .. بس هي مالها احد غيرهم وكأنها شحاذه .. مهانه بوجودها تحت رحمة احد .. كل هذا يصيرلها واهلها عايشين وموجودين ولاسألوا فيها من يوم تركتهم ..
ليه الدنيا قاسيه كذا ؟!
ليه تتخلى عنها بهالظروف ..؟!
ليه تركتها وحيده تصارع همومها والامها لحالها من غير سند أو ظهر يحميها ويكون عون لها ؟!
دقتها فرح باستغراب : بنت فين رحتي ؟
نوف : هاه ..؟! وش قلتي ؟!
فرح : قلتلك يلا تجهزي بنروح دحين ..
نوف هزت راسها بهدوء وطلعت لفوق مع فرح وعيون فراس تلاحقها بحيره ..!!
فيه بنت بالدنيا تتمنى تكون هذي حياتها او ترضى فيها ..
بنت بعز شبابها حلوه وموظفه ومو ناقصها شي تعيش بعيده عن اهلها .. في دنيا قاسيه ماترحم ..!!
حياتها بتكون صعبه من غير رجال يحميها او أم تحضنها أو بيت يلمها ...!!
بتعيش غريبه ووحيده الين مايرضى عليها القدر وتتبدل الأحوال وتعطف عليها امها وترجعها لحضنها ..!!
>> الله يعينك يانوف بتشوفي من الدنيا الهوايل << ..
وبعد ساعه تقريبا .. ::..::
نوف كانت جاهزه بالجينز الي جات فيه وتي شيرت بينك من عند فرح .. بما أنها ماأخذت شي من بيتها ...!!
إلتفتت لفرح وقالت بامتنان : عمري ماراح انسالك الي سويتيه معاي .. انتي يافرح أعز انسانه بحياتي الحين ومالي غيرك ..
فرح دمعت عينها وضمتها بقوه : حتى انتي لا تفكري بيوم اني سويت كدا عشان شي انا سويتو عشاني احبك ومارضى عليكي انتي زي اختي وأعز وربي يشهد على كلامي ..
بكوا الإثنين بأحضان بعض .. صعبه الحياه بدون " اصحاب "
نبههم صوت فراس العالي من تحت : يلا تاخرنا ..
مسحوا دموعهم وشالت نوف الشنطه الصغيره الي فيها ملابس أهدتها هيا فرح على بال ماتشتريلها شي تمشي فيه حالها ونزلوا لتحت ..
لبسوا عباياتهم وطلعوا مع فراس بالسياره بعد ماودعت نوف مشعل وشكرته على استضافته لها ببيته ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;


حالتهاأ متدهوره كثير .. ونفسيتها في الحضيض ..
مو سهل أبدا إنك تفقد طعم الدنيا تفقد ألوان الحياه.. تفقد اشكال الأشياء ومعانيها ..
تفقد لذة كل شي حلو بالعالم .. تعيش بظلمه .. لحالك ومع نفسك ..
لو مين ماكان حولك بتضل وحيد ومايحيطك الا الظلام والخوف ..
وحده وكوابيس تلاحقك حتى وانت في عز استيقاظك ..
صعب تصحى بيوم وماتقدر تشوف نور الشمس ..!!
صعب تتكلم وتحكي وإنت ماتقدر تميز شكل الي تحاكيه ..!!
صعب تحس الأشياء بدون ماتلمحها أو تعرف ألوانها وأشكالها ..!!
صعب تكون الحياه خاليه من كل شي .... فراغ وبس ....!!

هذي هي حياة نجود من اليووم ..
إنصدمت من واقعها المرير قبل كم يوم .. صرخت وبكت .. ماإستوعبت .. كذبت الكل ..
بس لا مفر هذي حقيقتها ..
ناجت ربها الي نسته طول هالسنين .. صحى ضميرها الي كان ميت طول الفتره الي راحت ..
بدأ إحساسها بالذنب والخوف يقطعها ..
عرفت ان الله حق ..
والي سوته في نفسها وفي اهلها .. رجع لها ..
ناجت ربها بخضووع .. صلت لأول مره في حياتها .. كانت مستحيه تسأل أمها عن التشهد وإيش ينقال فيه ...؟!!
ضياع كبير .. ظلمت نفسها وقصرت في دينها وفي حق ربها ..
ولمن حلت المصيبه .. تذكرت خالقها .. إلي مردها الأول والأخير له ..
الرازق القادر على كل شيء .. كاتب الأقدار بيده حياة الناس جميعا ..
كيف نست إنه ممكن تنخطف روحها وهي على رذيله ..
كيف غاب عن بالها سكرات الموت وعذاب القبر بعد هالحياه الي ماعملت فيها شي تواجه ربها فيه ..
كيف بتقابل رب العباد وخالق البريه بيوم يسالها عن الي سوته في دنيتها ..؟!
صفحات ايامها سوداء .. حياتها الماضيه كلها ضياع وذنوب وكبائر ..

بكت بحرقه وهي تتخيل نفسها تموت بهاللحظه وهي ماعملت شي ينجيها من عذابه سبحانه ..!!

أم نوره بخوف : وش فيك يمه ؟!
نجود بصوت مهزوز وريق ناشف : وش فيني يعني .. ؟؟
ام نوره تنهد : الله يقومك بالسلامه يايمه
نجود ودمعاتها تتساقط بغزاره : لا تقولين كذا يمه انا ماني قايمه ابي اموت مابي اعيش كذا مابي ..
ام نوره : حبيبتي لا تقولين كذا بسم الله عليك بتتشافين وبتسوين العمليه وترجعين مثل اول واحسن صدقيني ..
نجود بصوت عالي ومرتجف : مابي عمليه مابي شي ابي امووت ..
ام نوره بقلة حيله : لا حول ولا قوة الا بالله ..
فتحت باب الغرفه وبإيدها صينيه والابتسامه الحزينه مرسومه على وجهها ..
نوره : السلام عليكم ..
ام نوره + ندى : وعليكم السلام
نوره حطت الصينيه ع الطاوله وشالت نقابها : كيفكم ؟
ندى : بخير ..
نوره سلمت على امها واخواتها وجلست ع الكنبه الي قبال نجود : كيفك نجود ؟
نجود ملتزمه الصمت وتطالع قدامها في اللا شيئ ..!!
نوره بحزن على حالها : حبيبتي خلاص لا تسوين في نفسك كذا .. راشد كلمني البارح وقال انه حجز على المانيا بعد يومين وبروح معاك وكلم احسن الدكاتره هناك وبترجعين مثل قبل ..
نجود بانفعال : ومين قالك اني بروح ؟
نوره بترجي : يانجود اسمعيني انتي لازم تسوين العمليه الحين ولا بتتضاعف حالتك ..
نجود بضعف : مايهمني خلاص ..
نوره تنهدت وقالت بحده : انا راح ارتبلك اغراضك وبنروح ..
لفت على امها بهدوء : يمه أم راشد تسلم عليك حيل وخواته بعد
ام نوره ابتسمت : الله يسلمهم .. رجعوا جده ولا للحين هنا ؟
ام نوره : رجعوا مابقى الا راشد يقول بيمرنا بكرا ..
ام نوره : والله ماقصروا معنا هالناس الله يحفظهم لبعض .. عيال اصول عرفناهم وقت الحاجه .. الله يوفقك يابنيتي معه هالرجال الطيب ويخليكم لبعض ولا يفرقكم ..
نوره بخجل واضح : امين ..
ندى ضحكت بخفه على شكلها ..
نوره : وش يضحكك ؟
ندى : ههههههه ابد
أما نجود .. تجمعت الدموع بعيونها ليه ماتقدر تشوفهم وتضحك معهم ؟ ليه ماتقدر تشوف تعابير وجههم ..؟!
حست بخجل نوره من قبل لا تضحك ندى .. تحس بلي حولها وبلي قاعد يصير بس ماتقدر تشاركهم شي او تتفاعل معهم باي طريقه..
فقدت اغلى ماعندها واغلى نعمه ممكن تملكها والي عمرها ماحمدت الله عليها .. دحين بس عرفت قيمتها ..!!

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;

في احد البيوت الكبيره والمترفه ..
الساعه 7:00 الصباح ..
نزلت تجري من الدرج والكتب بإيدها قلبها يدق بكل قوه له ..
خايفه ومتلخبطه .. تأخرت بالنووم .. بيفوتها الاختبار ..
لبست عبايتها باستعجال وسحبت الطرحه وخرجت من البيت تجري بدون لا تبل ريقها بكاسة مويه على الاقل ..
ركبت السياره وقالت للسواق يروح للمدرسه بكل سرعته ..
دخلت لقاعة الامتحان وهي الوحيده الي متأخره عن الفصل كله .. أكلت كم تهزيئه من المديره والمراقبات
قعدت بمكانها وصدرها يطلع وينزل .. مسكت القلم وبدأت تحل بإرتباك ..
عدت الساعتين ببطا .. وهي قدها خلصت من ورقة الامتحان بدري .. سهرانه طول الايام الي فاتت وراسها في الكتاب ..
أخيرا طلعت من القاعه وعدت اول ايام الامتحانات على خيرر ..
ركبت سيارتها وهي في طريقها للبيت رن جوالها بنغمه غريبه ...!!
ردت مستغربه ع الرقم الغريب الي ظهرلها ع الشاشه : الوو ..؟!
الطرف الثاني : السلام عليكم ..
غلا : وعليكم السلام ..
الطرف الثاني بهدوء : شلونك غلا ؟
غلا مستغربه اول مره تسمع هالصوت ولا قد مر عليها : نعم منوو ؟
الطرف الثاني ابتسم : ماعرفتيني ؟
غلا : لا منو ؟
الطرف الثاني بابتسامه اوسع وهمس خافت : خطيبك ..
دق قلبها بسرعه نشف ريقها فجأه .. ياربي هذا محمد ؟! وش يبي داق الحين ؟! ومن وين جاب رقمي ؟!
ياحلوو صوته فديته بس وش هالاحراج ياربييييه ..
ردت بهدوء عكس دقات قلبها المزعجه : محمد ؟!
محمد : ياعيونه
غلا حست بحرارتها ترتفع .. ابتسمت برقه وقالت بدلع طبيعي وبرائه : تسلم عيونك .... ماتوقعتك تدق ؟!
محمد تنهد ..
**في نفسه **
اه منك ياقلبي من شفتك وانا ناسي النوم .. عيوني سهرانه ترسمك .. وقلبي بدقاته تناديك ..
ملكتي كل شي فيني بايام قليله .. صورتك .. صوتك .. دلعك .. رقتك .. حتى نظرات عيونك الي جننتني ..
ربي يقدرني واسعدك ياأحلى من عرفه قلبي ..!!
غلا استغربت سكوته الي طول : وينك ؟
محمد صحى من افكاره وتأمله في صورتها الي ماراحت عن باله من يوم ماشافها : معك ..
غلا ابتسمت : قلتلك ماتوقعتك تدق علي ..
محمد ابتسم : يعني ضايقك اتصالي ؟
غلا بتردد : لا ابد .. بس استغربت شوي
محمد : لا تستغربين ياقلبي .. بشريني وش سويتي في اختبارك اليوم ؟
غلا بطبيعتها فرفووشه وفي نفس الوقت خجووله وحنونه : مرره سويت حلوو .. امممم حتى تخيل من اول ربع ساعه وانا مخلصه ..
نست نفسها وهي تكلمه .. متعوده تحكي بعفويه وبدون قيود .. وهذا الي اعجب محمد فيها زياده ..
محمد : ههههههه ليش مستعجله .. اهم شي حليتي زين ؟؟
غلا : ايه الحمد الله ..
محمد : يلا بالتوفيق ..
غلا : امين وياك يارب
محمد بابتسامه رايقه : وينك الحين رجعتي البيت ؟
غلا بنعومه : لا بالطريق ..
محمد بتردد : طيب قلبي ..... اقدر اشوفك الحين ؟
غلا بصدمه : تشووفني ؟!
محمد : ايه اذا ماعن..دك مانع طبعا ..
غلا : ليش فيه شي لا سمح الله ؟
محمد : لا ياحياتي يعني مايصير اشوف زوجتي الا اذا فيه شي ..؟1
غلا ابتسمت برقه وقالت بدلع : مابعد صرت زوجتك ؟
محمد ذاب في نبرة صوتها الي تعجبه مووت : بالنهايه انتي لي ياقلبي ..
غلا >> وه ياقلبي هههههه ياناس عليه فديته << ابتسمت : اذا املكنا ماعندي مشكله ..
محمد : يعني ؟!
غلا بارتباك : اسفه محمد ماقدر ...
محمد >> ياحلو اسمي من شفايفك ياقلبي << ابتسم بخبث : من عيوني دقايق وانا عندكم ..
غلا بققت عيونها ماتوقعت انه يكون جاد .. وهي الحين بلبس المدرسه ويبيلها على بال ماتوصل للبيت ربع ساعه ولازم تتكشخ وتتضبط ماراح يمديها ووقت امتحانات وحوسه : محمممد ؟!!!
محمد : عيوونه ..
غلا : ا ... ا.. وش رايك تخليها يوم ثاني ..
محمد باحباط : ليه ؟
غلا بتردد : الحين تعبانه شوي ولازم اصحى بدري اذاكر لبكره ومايمديني ..
محمد >> يالله وش هالغباء الي فيني ايام اختبارات وانا ابي اشوفها لا حوول << : براحتك (( ابتسم وهو يقولها لاول مره في حياته )) حبيبتي وشدي حيلك وركزي زيييين ..
غلا ودقات قلبها ع الطاير وايدها تلعب في طرف العبايه من الارتباك : ان شاء الله
محمد : يلا قلبي اتركك الحين واسمع صوتك على خير
غلا بابتسامه ودوده : على خير
محمد : في امان الله
غلا : الله معاك ..

قفلت منه وهي طايره للسماء .. اول مره في حياتها تحس بهالسعاده الي هي فيها الحين ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;


طلعت من غرفتها بالبيجامه وكشتها حايسه وتتثاوب ..
نزلت من الدرج بخطوات مترنحه .. شافت امها على طاولة الأكل والفطور جاهز ..
جود وهي تسحب كرسي وتجلس : صباح الخير
ام جود : صباح النور ..
جود بدأت تاكل قدها ميته جووع : وين سوسو ؟!
ام جود ابتسمت بحنان .. تعودوا على بعض كثير هالايام القليله الي راحت .. صارت تعزه مثل اخوها وتبديه على نفسها في كثير اشياء : لسه ماقام لهالحين ..
جود : يؤؤ وليش ماقومتيه يمه من غدا امس مارضى ياكل ..؟!
ام جود تشرب الشاهي : والله مارضى يقوم معي .. اطلعيله انتي ..
جود تركت العيش من يدها وقامت للمغسله : اوكي الحين طالعه ..
غسلت ايدها وطلعت تجري لفوق .. دقت الباب عليه بس ماجالها رد .. دخلت عليه بهدووء ..
فتحت اللمبات وقربت للسرير : سوسو سعوود ..
سعود بتعب يتقلب ع السرير ..
جود بحنان مسحت على شعره : سوسو يادب قوم كل هذا نوم ؟!
سعود بهمس خافت : ابغه انام ..
جود : ههههه ( رفعت اللحاف عنه ) قوم مافيه نووم تحرك يلا الفطور جاهز ..
فتح عيونه بكسل وبنظرات مشوشه يناظرها : مابغه افطر ..
جود تخصرت : وهو بكيفك حبيبي قووم ترى بكب عليك موويه زي ماسويت امس ..
سعود رفع نفسه عن السرير بخفه وببرائه : لا الله يخليكي ..
جود : هههههه زين قوم بالطيب احسن لك ..
تثاوب ونزل من السرير وهو يتوجه للحمام ببطأ وخطوات متعرجه وكأنه دايخ ..
جود لحقته وباسته على خده بقووه : فديت هالطماطمه ياناس .. ههههه يلا انتظرك تحت لو مانزلت ياويلك
سعود ابتسم بلطافه : حاضر ..
ابتسمتله وطلعت من الغرفه وحبها لهالطفل بدأ يكبر .. حست انها تعلقت فيه جد .. غير من روتين حياتها واضاف المرح والضحك للبيت ..

رجعت لغرفتها وغيرت ملابسها .. بس افتكرت شي بمجرد انو جات عينها ع الجوال ..
تعكر مزاجها وحست بالخوف يرجعلها مره ثانيه .. طول هالايام تناست وجوده بهالدنيا وتناست الي ممكن يعمله فيها ..
من اخر رساله ارسلها لها مارجع دق .. ولا ارسل شي .. وهي مطنشته ع الاخير ولا فكرت تسال عن شي او تتسائل ايش ورى هالسكوت المفاجئ .. هو هددها في اخر مسج له .. وعدت الايام ولا دق عليها او فكر فيها ..
حست بالقلق يسكن ارجائها أكيد بيسويلها شي هي متاكده مليون بالميه انه ماراح يتركها بحالها لو ايش ماصار ..
نبهها صوت سعود من ورى الباب : جود ..
ابتسمت وغيرت من ملامح وجهها العابس وفتحت الباب : هلا ..
سعود : ماما تبغاكي ..
جود هزت راسها : اوكي ثواني ونازله
سعود ابتسم ونزل لتحت يركض ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;



وبالشقه الواسعه بأثاثها العادي جدا ..
فراس بشبه ابتسامه : كييف عجبتك ؟
نوف ودموعها مغرقه عيونها : والله مادري شلون اشكركم انتو بجد سويتو الي محد قد سواه معي .. والله ا..........
قاطعتها فرح : حبيبتي كم مره اقلك مالو داعي دا الكلام انتي بمكانة اختي واعز .. ( ابتسمت في وجهها) أهم شي تنتبهي على نفسك وركزي في وظيفتك وان شاء الله ربي بيحلها ..
فراس كمل عنها : واذا احتجتي أي شي ( مدلها الكارت تبعو ) لا تترددي وعلى قولة فرح اختنا وبعيوننا ..
ابتسمت فرح على تغتير فراس خلال هالفتره .. وبدأ يتقبل نوف كثير ..
نوف حضنت فرح بأقوى ماعندها : الله لا يحرمني منكم ..
فراس ابتسم : طيب يلا فرووحه حنتأخر ..
فرح بابتسامه واسعه : اووكي ( طالعت في نوف ) يلا حبيبتي نتركك دحين واي شي تحتاجيه عندك رقمي ورقم فراس لا تستحي ياقلبوو
نوف هزت راسها : الله يحفظكم توصلون بالسلامه ..
فرح + فراس : الله يسلمك ..
فرح : ههههههه ترى مافيه فكه كلها اسبوعين بالكثير وراجعتلك ..
نوف ضمتها لاخر مره : بشتاقلك حيل ..
فرح بصدق : وانا كمان ..
فراس : يلا مابتخلصوونا ؟!
نوف : ههههههههه خلاص
فرح : يلا قلبي نلتقي على خير وطمنيني عليكي ..
نوف : ان شاء الله
فرح وهي توجه للباب : مع السلامه
نوف ودموعها تنزل : مع السلامه ..
طلعت ووراها فراس .. وبمجرد ماإنقفل باب الشقه .. نوف رمت نفسها على اقرب كنبه وبدأت نوبتها في البكاء ..

أما في السياره ..
فرح تنهدت وهي تعدل طرحتها : الله يعينها والله ..
فراس : الله معاها ان شاء الله ..
فرح ابتسمت : ايوا صح فرووسي
فراس : هلا
فرح : اممم فكرت في الي قلتلي عليه ..
فراس لف عليها وهو مبتسم ورجع طالع قدامه للطريق : جد ؟!
فرح : اها
فراس : وايش قررتي ؟
فرح هزت راسها بهدوء : موافقه ..
فراس ابتسم : ياقلبي انتي ..
فرح بتردد : اممم بس حابه اخذ رأيي ماما بالأول ..
فراس : اكيد ياقلبي ماراح يصير شي الا برضاها بس كنت حاب اعرف رايك اول بالموضوع ..
فرح : ان شاء الله خير ..
فراس : بالتوفيق ياقلبي هنا ولا هناك مستقبلك اهم شي عندي ..
فرح هزت راسها ..

;;;;;;;;;;;;;;;;;;;;;;;;;;;;;;;;;;;;;;;;;;;;


الساعه 10:00 صباحا ..

طلعت من البيت متوتره وخايفه .. بتروح تستلم النتيجه ..
ركبت السياره وايدها على قلبها .. افتكرت بنت عمها لمياء أكيد هي مثلها دحين وقلقانه زيها ..
دقت عليها وهي تهز رجولها بارتباك : الوو
لمياء بصوت مرح : هلا والله هلا
حلا : اهلين .. وينك ؟
لمياء : ههههههه الناس تقول شلونك اخبارك من صباح الله وينك ؟
حلا : جد انك رايقه وينك الحين ؟
لمياء : انا بالفيصليه ..
حلا بتفاجأ : وييييييين ؟!
لمياء بصوت عالي : بالفيصليه تحبي ارفع صوتي اكثرر ؟
حلا منصدمه من هالبنت المهمله : من جدك انتي ؟!
لمياء : ايه وش فيك ؟
حلا : والنتيجه ؟!
لمياء : هههههههه ماعليك لاحقه عليها .. بفطر وراجعه عالجامعه ..
حلا تنهدت : وربي انك فاضيه واحساسك معدووم ..
لمياء : ليه ان شاء الله ؟!
حلا بخوف : لموو مره خايفه .. احس ان قلبي بيوقف ..
لمياء : هههههه ياحلوك يالدلووعه ليه كل هالخوف ..؟! اجل انا الي مافتح كتاب وش اقول ؟
حلا : انتي اصلا عديمة الاحساس .. انا متوتره مووت وانتي تفطرين ..
لمياء : والله شي راجعلك مافيه شي يستاهل كل هالخوف .. عادي نتيجه مثلها مثل السنه الي قبلها .. واذا مانجحتي بتعوضين وين المشكله ..
حلا : دقيت عليك قلت يمكن تهديني ولا تريحيني بس جد فاهيه .. انا الغطانه الي اعبر عن مشاعري لوحده مثلك يلا باي
لمياء : هههههههه نص ساعه وبكون بالجامعه باي ..
سكرت منها ورمت الجوال بحضنها >> يارب استر يارب << ..

::

وبالقصر الكبير ..

أم محمد : هلا ..
محمد دخل للمطبخ مستغرب ومبتسم في نفس الوقت : وش تسوين عندك يمه ؟!
ام محمد : هههههههه نسيت انه حبيبي راجع اليوم
محمد وهو يجلس ع الطاوله الصغيره الي بنص المطبخ : اييييه والله وانا اقوول ..
ام محمد بابتسامه واسعه تدخل الحلى للفريزر : يالله حيل مشتاقتله الله يرجعه بالسلامه ان شاء الله
محمد : ابوي وينه ؟!
ام محمد : مادري عنه بالشركه اكيد ..
محمد : زين انا بطلع الحين عندي كم شغله اسويها ورايح للمطار ..
ام محمد : ليش اخوك متى بيووصل ؟!
محمد طالع في ساعة يده : له ساعه مقلع ..
ام محمد : زين الله يحفظك حبيبي انتبه على روحك واذا وصلت للمطار حاكيني ..
محمد وقف : من عيووني يمه يلا تامرين على شي
ام محمد : سلامتك ..
محمد باس راسها : الله يسلمك .. مع السلامه ..
ام محمد : في حفظ الله ..
طلع من المطبخ وهو مبسووط .. أخوه راجع اليوم ..
وغير كذا مكالمته لغلا وصوتها الي رد الروح فيه خلاه طاير بعالم ثاني ودنيا غير الدنيا ..


;;;;;;;;;;;;;;;;;;;;;;;;;;;;;;;;;;;;;;;;;;;;

" جده " ..

الساعه 10:30 صباحا ..

في أحد المدارس الكبيره .. والساحات الواسعه ..
جالسه على وحده من الكراسي المنتشره بكثره في الساحه وبإيدها كتاب التوحيد .. تناظر الكتاب بشروود وبالها في مكان ثاني مرره ..
قاطع سرحانها صوت صاحبتها من بعيد : رنووده ..
رندا حست على نفسها وابتسمت : ماصارت كل دا في القاعه بتخترعي الذره انتي ؟
فدوه جلست جنبها : وربي الامتحان مره صعب الله يهلكها الززفته ..
رندا : بالعكس والله مرره موويه ..
فدوه : ايوا صح ..
رندا ابتسمت بحزن : وكيف حالك اليوم ؟!
فدوه تنهدت : الحمد الله احسسن ..
رندا : الحمد الله ..
فدوه : اسمعي ياقلبي
رندا : شوو
فدوه بتردد : مادري بس .. رن..دا .. انا حاسه انك مخبيه .... مخبيه عني شي
رندا بتوتر : مخبيه عنك ايش ؟
فدوه تلعب في اصابعها بارتباك : ماعرف يعني احس انك كذبتي عليا في .... في النتايج ..
رندا حاولت تخفي ارتباكها ورى ابتسامتها الدافيه : انا اكذب عليكي ؟!ّ اذا مو مصدقتني حأجبلك التقارير بكرا تشوفيها بنفسك ..
فدوه : لاء مالو داعي خلاص ..
رندا >> متى حأقلها ياربي .. بس لازم ننهي الاختبارات أول ..مابغه اشغل بالها في شي وبالذات هالمصيبه .. انا مني مصدقه الي قاعد يصير والله حرام << ..
فدوه : هييييييه فين رحتي ؟
رندا طالعت في الكتاب الي قدامها بسرحان : ولا مكان راجعي احسن لك ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;


في الفله الكبيره والفارهه ..

نزل بخطوات ثقيله من الدرج العالي .. همومه اكبر منه ..
العذاب الي يحس فيه ماينوصف ..
كل شي انتهى وتدمر ؟!

سمعتهم صارت تنباع بتراب ..
شركتهم وأملاكهم مالها أي معنى من بعد هالفضحيه ؟!!
تضاعفت حالته للأسوأ من بعد الخبر الفظيع والمصيبه العظيمه ألي حلت بهم ؟!
كل هذا سببه .. مراهقه مالقت من يوجهها ولا يحافظ عليها ..
حس بالشتات والضياع .. هو صحيح مقصر مع اخواته ؟!
هل السبب الرئيسي لضياع أخته ودمار سمعتهم يرجع له هو ؟!
هل كان بإمكانه يدير باله عليها ويحميها أكثر من كذأأ ؟!
بس هو سوى كل الي قدر عليه .. والتربيه من الأساس تحتاج لرجل بيده السلطه ..
أبووه هو السبب في كل شي ..
دلعها كثير .. ماقد رفضلها طلب .. دللها وحسسها بإن الدنيا ملك لها هيا وبٍس ..
تمادى معاها وبالتالي تمادت بتصرفاتها واغلاطها ودفنت أنفه بالتراب ..
هذي جزاته من بعد كل هالسنين والتربيه الصالحه في نظرهم ..
نتيجتها ............... بنت مدمنه ضايعه ..

حس راسه بينفجر من كثر التفكير والندم ..
احساسه بالتقصير يقطعه ..

جلس على اقرب كنبه بالصاله الكبيره ..
سند راسه على ورى وغمض عيونه بتعب ..

هزته بحنان : سامي حبيبي قووم ياماما ..
سامي فتح عيونه بتعب وطالع فيها بضعف : امي ؟
ام سامي ودموعها مغرقه عيونها : ايوا حبيبي قوم ارتاح في غرفتك ..
سامي باستنكار : ارتاح ؟! تظني يامي انو فيه شي اسمو راحه من بعد اليووم ؟!
ام سامي بصوت مرتجف : خلاص حبيبي لا تشغل بالك كثير .. ان شاء الله اختك بتطلع بالسلامه وربي يشفيها من هالسم الي بجسمها راح ترجع مثل اول واحسن ..
سامي : هههههههههه ومين قلك انها بتطلع من المستشفى ( قال من بين اسنانه ) راح اقتلها بيديني ..
جلست جنبه بضعف وهي عارفه قد ايش اثرت فيه الصدمه : لا تقول كدا هادي اختك من لحمك ودمك .. وكل انسان بيغلط .. و....
قاطعها بانفعال : يامي أي غلط الي تتكلمي عنو دا .. هادي فضيحه عارفه ايش يعني .. سودت وجهي ووجه ابويا قدام كل الناس .. صرنا أحقر من الحشره بعيوونهم معد يهم ترجع صحتها ولا لاء الأهم كيف بترجع سمعتنا هاه قوليلي كيف بقدر امشي وانا رافع راسي قدام الناس واختي الي تتكلمي عنها باعتنا بتراب يامي الي سوته مو قليل لا في حقنا ولا في حق الله ..

دخلت للصاله مستغربه من صوت سامي المرتفع وانفعاله ..
من يوم صار الي صار وانكشفت عمايل أختها إلي كانت تظنها بريئه ومستحيل تضرهم ولو بشي بسيط .. وسامي كاتم في نفسه .. ماحكى ولا شي .. بس نظراته كلها تهدد وتتوعد ..
دعت كثير في نفسها انه الله يهديه ومايسوي لمها شي بالرغم من الفضيحه الي عملتها .. بس بالنهايه هذي اختها الي ماطلعت من الدنيا بأحد غيرها ..
ميار بهدوء : السلام عليكم ..
سامي تأفف ولف وجهه ..
أم سامي : وعليكم السلام ..
ميار جلست جنب اخوها وقالت بحنان : سامي اهدأ لا تنفعل أكثر من كدا انتا عارف ايش ممكن يسببلك ..
سامي باستهزاء : وايش ممكن يسببلي اكثر من الي سببته ليا اختك ال*****
ميار ابتسمت : طيب حاول ترووق .. ترى لو جربت تفهم ايش السبب من الي خلاها تعمل كدا .. ومين ورى كل هادا يمكن تكتشف انها ضحيه بريئه ومالها أي ذنب ..
سامي ضحك باستهزاء : هههههه انتي على بالك الي نشووفه في الافلام يتطبق على هالواقع لا ياحبيبتي اصحي ..
ميار تنهدت : الله يهديك ياسامي الله يهديك ..
قامت وتركتهم ..
طلعت لغرفتها متضايقه ومهموومه ..
سكرت الباب عليها وجلست ع السرير ..
اخذت جوالها تشيك عليه .. لقت 3 مسد كول من " أمجاد " = أمجد ...
ابتسمت بدون نفس .. صارلها كم يوم مو مهتمه ومطنشته ترد عليه بدون نفس ولا لها خلق أي شي ..
حاول يعرف ايش فيها بس مستحيل تصغر نفسها قدامه لهالدرجه وتقووله عن عمايل اختها السوداء ..
وابتسمت لمن افتكرت صديقتها الجديده .. وعدتها تكلمها اليوم ونست تتصل عليها ..
>> ياربي دحين ايش تقول عليا البنت من اولها كدا << ..
دقت عليها وهي تحاول تبين طبيعيه : الوو
الطرف الثاني : اهلييين ..
ميار : كيفك ؟
ريما : بخير انتي كيفك ؟
ميار : تمام ايش اخبارك كيف مسويه ..
ريما : والله بخير ياعسل .. متى نتايجك ؟!
ميار : على اساس انها بعد بكرا ان شاء الله خير
ريما : ان شاء الله .. انا استلمتها اليوم ..
ميار : بجد ؟! هاه بشريني ؟!
ريما : امممم يعني مو مره " جيد " ..
ميار : ماشاء الله بس حلوه برضوو ..
ريما : ههههه عيونك الحلوين
ميار : الف مبرووك ياقمر
ريما : الله يبارك فيكي حبيبتي ..
استغلت الفرصه وكملت بخبث : اقوول ميووري ..
ميار : هلا ..
ريما : انا عامله بارتي بعد اسبوعين بمناسبة النجاح وكدا وحاسويها في بيتي ايش رايك تجي ..؟!
ميار ابتسمت بضيقه >> ياريتك تعرفي ايش فيا بس << : لا حبيبتي اسفه ماقدر ..
ريما باحباط : ليييييه ؟!
ميار : والله ظروفي مره صعبه هالفتره ..
ريما بتفكير : امممم طيب ايش رايك ناجلها لوقت ماتحبي ..
ميار استغربت بتأجل البارتي كله عشانها : لا حبيبتي مافيه داعي اعمليه وانبسطو ..
ريما : لا انا وعدت صاحباتي اني اعرفهم عليكي مايسير ماتكوني فيه ..
ميار : اممم طيب ان شاء الله افكر وارد لك خبر بس لانو هالفتره مره مشغووله وماقدر
ريما بخبث : وقت ماتحبي ياقمر انا ماعندي أي مشكله ..
ميار ابتسم : تسلميلي والله انك عسل
ريما : ههههه ربي يخليكي ..
ميار : يلا ياقلبي ماطول عليكي ..
ريما : خلينا نسمع صووتك
ميار : على خير ان شاء الله ..
ريما : باي
ميار : باي ..
سكرت منها وعلى شفايفها طيف ابتسامه .. ماتدري ايش مخبيتلها ه "الريما " الي وثقت فيها وحبتها من اول ماشافتها ..
كانت راح تقوم وتغير ملابسها عشان تزور اختها بالمستشفى ..
بس صوت جوالها سبقها .. ابتسمت من قلبها وهي تشوف اسمه ظاهر ع الشاشه .. ردت بهدووء : اهليين ..
امجد : هلا والله ياقلبي ..
ميار : سووري والله كنت سايبه جوالي في الغرفه لمن دقيت عليا
امجد بابتسامه رايقه : مو مشكله حياتي .. اهم شي كيفك ؟
ميار : بخير الحمد الله .. انتا كيفك ؟
امجد : بخير دامني سامع صوتك حبيبتي ..
ميار بخجل : دووم يارب
امجد : اقوول حبي ..
ميار : هلا ..
امجد : وصلك ايميلي ؟!
ميار ابتسمت بحياء وهي تفتكر صوره الي ارسلها اياها .. بجد كان ملك جمال .. ولا عمرها شافت بحلاته ولا بجاذبيته : ايوا شفتو ..
امجد بثقه وحنان بنفس الوقت : هاه كيف اعجبتك ياقلبي ؟!
ميار بدلع : مووت ..
امجد اخذ نفس >> ياويلي ياناس << : هادا الي يهمني حبيبتي رأيك وبسس ..
ميار : ماشاء الله حياتي تجنن الله يحفظك ..
امجد ابتسم : ويحفظك ليا يارب ..

*&* الجزء العشرين *&*


دخلت للبيت وهي طايره من الفرحه .. رمت عبايتها على اقرب كنبه وطلعت تجري لفووق وفرحتها تسابقها ..
توجهت لغرفة امها ودقت الباب بحماس ..
أمها : تفضل ..!!
دخلت متحمسه ودموع الفرح بعيوونها .. واول مالمحت امها واقفه قدام المرايا وترتب شعرها
هرولت لعندها وضمتها بكل قوتها ..
ام حلا ابتسمت : هاه حبيبتي بشرري .؟!
حلا بنشوه وسعاده : نجحت بامتياز ..
ام حلا باستها على جبينها : يابعدي انتي الف مبرووك حبيبتي ..
حلا بقلة صبر : يمه وين محمد ..
ام حلا : هههههه راح للمطار ماباقي شي ويوصل اخووك .. خليها مره وحده وفرحيهم اثنينهم ..
حلا ابتسمت : على قوولك .. انا بروح اخذلي شاور واتجهز ..
ام حلا : اووكي حبيبتي ..
طلعت من غرفة امها وقلبها يرفرف بسعاده لنجاحها .. هذا الي كانت خايفه منه وانتهى .. رفعت راس اهلها بنتيجه مشررفه ..
وطول ماهي في طريقها للغرفه كانت تفكر في شي واحد .. تتمنى من كل قلبها تشوف السعاده بعيون ابوها اذا عرف النتيجه .. هل بيفرح وينبسط لها ولنجاحها .. او بيقابلها ببرود ولا مبالاه كعادته ...!!


:
:

فتحت الباب بقوه .. والحر هالكها .. دخلت للفله الكبيره والفخمه وبإيدها "ميلك شيك " وتمزمز منه بهدووء ..
كانت مره عادي .. ووضعها طبيعي ولا يدل على أي شيء ...!!
بالرغم من فرحتها الي تحسها بداخلها الا انها ماتهتم كثيرر ..
قابلت امها في وجهها : هلا حبيبتي متى رجعتي ؟!
لمياء ببرود : توني جايه ..
ام فيصل : هاه يمه بشريييييني ؟!
لمياء ابتسمت : ناجحه يمه افا عليك ..
ام فيصل ضمتها : الف مبروووك..
لمياء : يبارك في عمرك ..
سمعتهم اختها من بعيد وجات تجري : هاه ياهبله بشري وش صار ؟
لمياء : وش قطة الوجه ذي ؟ مالك شغل يلا روحي ذاكري يالبزر ..
يارا : يؤؤ هذا جزاتي ابي اتطمن عليك ..
لمياء لسه بتتكلم بس امها قاطعتها : بس انتي وياها .. الا وين فيصل ؟!
لمياء : وش يعرفني ؟
ام فيصل : مو هو الي جابك ؟
لمياء : لا .. يلا عن اذنكم بروح اتروش وانام حق الاسبوعين الي راحت كلها ..
ام فيصل : بنحط الغدا الحين لا تنامين ..
لمياء : لا شكرا مابي شي شبعانه ..
طلعت للدرج بسرعه خلاص حدها منتهيه .. بس صقعت في جثته العريضه والطويله وطاحت على ظهرها : اي ..
عمر : ههههههه اووبس سووري ..
لمياء وقفت معصبه : ووجع ماتشوف انت ؟
عمر بتريقه : نوو ..
لمياء دفته : قطييعه وخر عن وجهي بس ..
عمر : هههههههه تعالي بشري عسى مانجحتي بس ؟!
لمياء تأففت وماردت عليه .. دخلت لغرفتها وقفلت الباب وراها ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

طلعت من الإتواليت " وإنتو بكرامه " .. وعلى راسها منشفه صغيره لافه فيها شعرها الطويل ..
لبست ترينج عادي من الملابس إلي بالشنطه الصغيره والي دوبها تعرف مضمونها ومحتواها ..
تنهدت وجلست قدام التلفزيون ..
اشتاقت لأهلها اشتاقت لأمها الي ماتعودت على فراقها ولا دقيقه .. اشتاقت لبيتها ولغرفتها ..
اشتاقت لحياتها ..
غمضت عيونها بألم وهي تفتكر كل لحظه عاشتها من بعد هذاك الموقف ..
من بعد ماإكتشفت مدى نجاسة اختها .. وقررت تقتلها قبل لا يكتشف احد هالفضيحه وتصير سمعتهم بالتراب ..
بس القدر أراد لها تعيش .. تعيش ضريره ..
وهي اتعذبت وتهجولت مابين الام الحياه وصفعاتها القويه ..
بس الله أنقذها ورحمها بصديقتها فررح .. هي طووق النجاه بالنسبه لها .. لولا رافة الله بها ورحمته عليها ومساعدة فرح ووقوفها جنبها .. كان هي الحين متشرده في الشوارع ولا تعرف للأمان طريق ..
بس فضل هالناس عليها كبير .. علمووها ان الحياه باقي فيها خير وناس طيبه ..
ابتسمت غصب عنها .. ابتسمت بمراره .. ابتسمت رغم كل أحزانها وهمومها ..
ابتسمت لأنها مؤمنه بأن كل شي ممكن يتصلح وترجع المياه لمجاريها ..
بس هي عليها تصمد وتحارب وماتياس أبدا ..

حست بالجوع يداعب معدتها الصغيره ..
راحت للمطبخ الصغير .. والي كان مليان من جميع المأكولات والمعلبات والمواد الغذائيه ..
ماقصروا معاها بشي .. ولا بخلوأ عليها في حاجه ولو بسيطه ..
فتحت الثلاجه وأخذتلها كوراسوون جبنه وعصير برتقال ..
قعدت بالصاله وتاكل من غير نفس بس تبغه تسد جووعها وتسكت الأصوات الغريبه الي تطلع من بطنها الفاضيه ..

اخذت جوالها بسرعه وطلبت الرقم الي ببالها ..
وهي **تحكي في نفسها **
>> حتى الشي الوحيد الحلو بحياتي .. والاحساس الي بدأ يتكون بداخلي تجاه هالإنسان .. ماتهنى ولا شاف النوور<<..
طلع لها صوته الولهان : هلا والله ..
ابتسمت بارتباك .. من زمان ماسمعت صوته ولا حست بهالإحساس الي يخلي قلبها يدق بسرعه : الس ...سلام علي..كم ..
أحمد بلهفه : هلا وعليكم السلام ..
نوف بتردد : شلونك دكت..ور ؟!
احمد ابتسم : مصره على دكتوور ؟!
نوف : اقصد سيد أحمد شل........
قاطعها بتوتر : بلاها ذي الكلمه بعد .. ناديني احمد حاف ..
نوف ابتسمت : زين يا... ياأحمد شلونك ؟!
أحمد تنهد >> ياقلبي منها كلها حنان ورقه << : بخير يا ( عيون احمد ) نوف .. اخبارك انتي ؟!
نوف : ماشي الحال .. وكيف الشغل معك ان شاء الله تمام ؟!
احمد : الحمد الله .. الا قوليلي .. وين الغيبه نسيتينا ولا وش السالفه ؟!
نوف ابتسمت بحياء >> ماعاش من ينساك ياقمر انت << : لا افا .. والله مانسيتكم ولا شي بس ظروفي كانت صعبه شوي والحين تحسن الحال الحمد الله ..
احمد : الحمد الله .. اهم شي انتي بخير وبصحه وسلامه ؟!
نوف >> فديته الي يخاف علي << : ايه نحمد الله ..
احمد ابتسم بهدووء وهو يلعب بالقلم الي قباله عالمكتب : ومتى بتشرفينا .. ( كمل بهمس ) اشتقنالك ..
نوف بلعت ريقها وهي تحاول تظبط انفاسها : ح... ايه ... اقص..د ا .. من بكرا ..
احمد ضحك على ارتباكها الواضح : ههههههههه خلاص اجل نشووفك بكرا ؟
نوف مره خجلانه من نبرته وضحكته : ان شاء الله .... على خير
احمد : على خير يارب ..
نوف : يلا مع السلامه
احمد : الله معاك ..
قفلت منه وضحكت على نفسها وعلى مشاعرها الواضحه حتى من نظرات عيونها ..



;;;;;;;;;;;;;;;;;;;;;;;;;;;;;;;;;;;;;;;;;;;;;

تنتظر بشووق ولهفه .. تعد الدقايق والثواني ..
غاب عن عينها كثير .. اشتاقتله واشتاقت لايامها معاه ..
اشتاقت لضحكته لنظراته لسواليفه .. للقعده معاه ..
ابتسمت بحلم .. خلاص معد فيها تكتم مشاعرها اكثر من كدا ..
هي تحبه ومتاكده من هالشي .. بس ماتقدر تبين لأحد .. تحبه وتحس انه شي خاص فيها ..
تبغاه لها .. تبغه حنانه يخصها هي لوحدها .. تبغه نظراته تكون عليها وبس .. تبغه ضحكاته تكون معاها مو مع غيرها ..
>> اه يانواف لو تحس بلي احس فيه .. حبك تعبني وانت مو داري .. بعيد عن عيني بس اقرب قريب لقلبي << ..
سكرت الاي بود الي بإذنها وهي تدندن بأغنيه مرره تحبها ..

&& غمض عيونك حبيبي غمض عيوونك ..
بقول لك شي بس إسمعني بقلبك ..
محتاجلك في حياتي ماقدر بدونك ..
أو بختصرلك واقوول أحبك أحبك ..&&

طلعت من غرفتها متحمسه لوصوول نواف .. لو مالحياء كان هي الحين ببيت حلا وتنتظره بشووق ونار ..
تدور حول نفسها بقلق وكانو ضايعلها شي : ياربي متى بيووصل اف ماني قادره اصبر .. ابي اسمع صوته ابي احاكيه ابي المح عيوونه بس اه ياربي وش هالاحساس الي تملكني .. انا مو بس احبه والله مجنونه فيه وتوني احس ..
طلع من المطبخ بهدوء وسمع نص الكلام تقريبا قال بلقافه : تحبيييييييييي ميين ؟!
جود نطت من مكانها .. كان الجو هادئ وفجأه طلع لها بصووته العالي .. صرخت من الفجعه : اه ..
سعود انفجع وبلم فيها بخوف : ............
جود حطت ايدها على قلبها لمن شافته : خرعتني ياخبل ماتعرف تنحنح قبل لا تحكي ..
سعود بخوف : اس...ف ..
جود ابتسمت لشكله البريء وقربت لعنده وقرصت خدوده : لا تتأسف يالدب بس خرعتني ههههههه وبعد تتسمع علي وانا احاكي روحي ..
سعود : هههههههه مادري عنك مجنونه ..
جود شهقت : مجنوونه ؟ اجل انت وشوو ؟
سعود ابتسم : انا حلوو وعاقل ..
جود : ايييييه صح ..
سعود بخبث طفوولي : قوليلي مين دا الي تحبيييييييييه ؟!
جود ابتسمت وسحبته من يده : تعال اقوولك بس توعدني يكوون سررر ..
سعود هز راسه بحماس ..
ضحكت وجلسته وجلست جنبه ع الكنبه ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;


جالسه بصالة الإنتظار وبإيدها روايه أجنبيه .. إشترتها من مكتبة المطار وكثير عجبها الإسم ..
بدأت تقرأ فيها وبالها مشغوول بأشياء كثيره ..
وهمووم كبيره ..
وضع نووف الي مايطمن .. رجووع فهد لجده والي موترها كثير مع انها مشتاقه له .. تعب سامي الي تسمع عنه من بعيد .. وانتقامها من بنات عمها الي مازال مستمر ..
شوقها لحياتها وصاحباتها .. ومشعل واخواته الي تركتهم هالفتره .. خايفه كثير عليهم ..!!
نبهها صوت اخوها يناديها من بعيد ويأشرلها تجي ..
شالت شنطة ايدها الكبيره من جنبها وسكرت الكتاب الي بيدها وراحت لعنده ..
فرح بشبه ابتسامه : دحين رحلتنا ؟!
فراس وهو يطالع في التذاكر الي بيده : ايوا خلاص دحين هيا امشي ..
توجهوا للبوابه .. من بعد اخر نداء لرحلتهم ..

دخلوا للطياره وجلسوا بمقاعدهم في الدرجه الأولى ك عادتهم ..
فرح اختارت المقعد الي بجنب الشباك وبجنبها فراس ..
ابتسم لها : مشتاقتلهم ..
فرح تنهدت وهي تطالع الشباك وارتفاع الطياره الي أقلعت لتوها : موووووت ..
قال بحيره وهو يربط حزامه : تتوقعي ايش الموضوع المهم الي امي تباني فيه ؟!
فرح هزت كتوفها : اكيد يخص الشركه ..
فراس بقلق : لا ماأتوقع .. اصلا من نبرة صوتها مبين انه فيه شي .. وكل يوم تكلمني وتقوول لا تتأخروا عشان الموضوع مايحتمل التأجيل ؟!!! ايش الشي الي بيهمها لهالدرجه ..
فرح طالعت فيه باستغراب حالها حاله : والله ماعرف خلاص اصبر كلها ساعتين وتسألها بنفسك ..

;;;;;;;;;;;;;;;;;;;;;;;;;;;;;;;;;;;;;;;;;;;;;


مررت الساعات سريعه ..
والطائره القادمه من بريطانيا تعلن " هبووطها " ..

الساعه 5 المغرب ..
نزل من الطياره وكله شووق لنسيم وطنه و لشووفة حبايبه..
سحب شنطته الصغيره وصار يمشي في ارجاء المطار يدور أحد يلمحه .. انسان يعرفه ..
فتح جواله ودق على أخووه وماكمل رنه وحده إلا يحس بإيد على كتفه ..
التفت عليه ومن شافه ضمه بشووق : هلا والله بالغالي ..
محمد : حمد الله على سلامتك ياأخووي وين مابغينا نشووفك ..
نواف بعد عنه وابتسم : الله يسلمك ..انت عارف الطب وبلاويه الا انت بشرني عنك وش مسوي ؟
محمد : بخير يالغالي .. شلون كانت الرحله ؟
نواف هز راسه : تمام والله ماتعبنا كثير .. و..........
قاطعه صوته من بعيد مبتسم : هلا والله تو مانوررت الرياض ..
نواف رد له الابتسامه وقرب لعنده وسلم عليه بشوق : منوره بأهلها شلوونك فصوول ..
فيصل مبسووط ومكيف : والله عال العال .. طمنا عنك ياخواجه نسيتنا خلاص
نواف : هههههههه والله الدراسه شاغلتنا ..
فيصل غمز له : الدراسه ولا شرطان الذهب ههههه ..
نواف : خخخخخ قلبت رشوود على غفله .. اقوول ماني فايق لك ..
فيصل : هههههه افا والله ..
نواف : شلون عمي وعمر والبنات ؟!
فيصل : والله تمام ..
محمد قرب لعندهم : مطوولين ؟
فيصل : هههههه لا خلاص يلا مشينا ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

" جده " ..

إكتملت الفرحه ..وإلتم شمل العائله من جديد ..
مع كل المصاعب والأحزان الي مرت عليهم .. ورغم كل الدموع الي ملأت حياتهم ..
ظلوا واقفين على رجوولهم .. يحموا بعضهم .. كل واحد فيهم عوون للثاني وسنده بهالدنيا ..

تطالع في عيالها والفرحه مبينه في عيون كل واحد فيهم .. وضحكاتهم مافارقت شفايفهم من ساعة ماإجتمعو ..
ابتسمت ابتسامه صافيه .. ومعاها زالت كل همومها بمجرد انها شافت عيالها كلهم مجتمعين ومبسووطين ..

فهد : ههههههههه لا قولي غيرها يابكاشه ..
فرح بحماس لفت عليه : وربي العظيييييم ..
فدوه : ههههههاي انقزيها على قوولتهم ..
فجر : ههههههه انا اشوف انو شي عادي ليه مو مصدقينها ..
فرح بزعل مصطنع : ايووا شووفيهم ..
ام فايز : هههههه ( طالعت في فرح بحنيه ) حبيبتي اطلعي ارتاحي دحين ..
فراس طالع في فرح بنص عين : وفرح هيا بس الي جات من سفر ولا اييش ؟!
ام فايز طالعت فيه مبتسمه :لا انتا خليك ابغاك في موضوع ..
فراس تنهد نفسه يعرف الموضوع الي شاغله من اسبوعين : طيب قولي ياأمي ترى قلقتيني ..
ام فايز همستله : مو دحين ..
فهد رفع حاجبه وهوا ملاحظهم من بعيد : عجيييب والله صرنا راعين اسرار وخصوصيات ..
فدوه : اشتغل اللقف ..
فهد : انتي اسكتي يافصعوونه ياأم كرش ..
فرح : هههههههه من جد وربي صايره زي برج العرب ايش دا يابنت ..
فاتنه كتمت ضحكتها : اتخيلي صارت تلبس من ملابس فجر ..
فراس + فرح : ههههههههه
فدوه عصبت وكتمت دموعها : لا تتريقوا عادي كل الناس تسمن وتنحف ..
ام فايز وقفت : هههههه بس خلاص .. انا رايحه اشيك ع الغداء ..
فرح : اي غدا ياماما المغرب دحين ..
فجر : محد اتغدا قاعدين تستنى حضراتكم
فراس ابتسم : ايوا وربي ميت جووع ..
ام فايز : يلا ثواني وكل شي جاهز ..
خرجت ام فايز من الصاله الكبيره ودخلت للمطبخ تشيك ع الطباخه ..
فهد ولع سيجاره : ايوا ابو وليد اخبارك ؟
فراس وقف : والله تمام انتا قلي كيف دراستك ؟!
فهد ابتسم : ميه ميه ..
فرح : ايوا صح مابشرتنا كيف النتيجه ؟!
فهد : اممم يعني مو ذاك الشي ..
فراس : يعني ؟!
فهد : جيد جدا ..
فرح نطت جنبه وباسته : الف مبروووووووووووك ..
فراس ابتسم لأخوه بفخر : مبرووك ياأخويا ..
فهد : الله يبارك فيكم ..
فجر بابتسامه رايقه وهيا تشرب فنجان القهوه : ايش رايكم نطلع نحتفل بدي المناسبه بكرا ؟!
فدوه + فاتنه بصوت واحد : لا
فرح : ههههههه اصحاب المدارس خليهم في بيووتهم انا عن نفسي ابغه اسوووووووي شي ماقد إتسوووى لهالمناسبه
فهد : احم فله والله ..
فدوه : لا ياشيخه .. والله من راسك ماليييا استنوا الاختبارات تغلق وبعدها نعمل بارتي جماعي ..
فهد باستنكار : جماعي ؟! اول شي مصطلح بيئه وثانيا انا المهندس فهد الفارس احتفل بنجاحي معاكي انتي ياطفله ..؟!
فدوه بعصبيه : ماني طفله وبعدين انتا الخسران والله ليك الشرف ..
فراس بابتسامه واسعه : فتووشه ..
فاتنه والي كانت مسرحه لبعيد : هلا
فراس : فين وصلتي ؟
فاتنه ابتسمت : ولا مكان ..
فراس مستغرب كثير من اخواته الي تغيروا بالفتره الأخيره وبالذات فاتنه .. دايما سرحانه ومو معاهم بالمره .. هيا من الاساس مو قريبه له ولا يحتك فيها كثير بس برضو بتبقى اخته ومن حقه يعرف ايش فيها ..
من قبل لا يسافر وهي على نفس الحاله حتى الضحكه مغصووبه عليها ..

قال بهدوء وهوا يوقف : عن اذنكم دقايق وراجع ..
فهد : تيك يور تايم ..
قرب من فاتنه وأشرلها تجي وراه ..
فاتنه قامت مستغربه وخايفه ..؟ ليه يطلبها ايش يبغه فيها ؟
لا يكون حس بشي ولا ؟؟؟!!
بلعت ريقها وهي تمشي وراه ومنزله راسها تطالع في اظافرها بارتباك ..
دخل للصالوون الكبير الي باخر الدوور الواسع ودخلها وراه وسكر الباب الذهبي العالي ..
فاتنه باستغراب : خير فراس ؟!
فراس ابتسم : خير ان شاء الله ...( جلس ع الكنبه ) اتفضلي ليش واقفه ..
قعدت قريب منه وطالعت في عيونه بقلق مستعجله تعرف ايش بيقوولها ..
رفع عينه عليها : فاتنه انا اخووكي مو أحد غريب ..واذا ضايقك شي او محتاره في شي وماقلتيلي حتقولي مين ؟!
فاتنه وتحس بالغموض في كلامه : كيف يعني ؟!
فراس ابتسم وكمل : قصدي ياحبيبتي اني حاس فيكي .. حاس بحيرتك ومعاناتك .. حاس بضيقتك وألمك .. حاس بالدموع الي تخفيها ورى ضحكاتك المقتووله .. بس ليش كل هذا ؟! ايش الي يستاهل في الدنيا دي عشان تقتلي شبابك ومتعتك وتقضي على ابتساماتك في دا السن .. ايش شاغل بالك يافاتنه .. انا اخوكي واقرب انسان لكي واتمنى من قلبي انك تفضفضيلي بلي في داخلك وتشكيلي ..
فاتنه طالعت فيه مصدوومه ؟؟! لهالدرجه باين عليها .. لهالدرجه الناس تلاحظ حزنها والمها بدون لا تتكلم ..
خافت تفضحها دموعها الي على وشك الانهيار .. بلعت ريقها وقالت بصعووبه : فراس كل دي تهيئ..ات انا مافيا شي ..
تنهد وحط ايده على كتفها : لا تكذبي عليا وعلى نفسك معد تقدري تخبي اكتر من كدا ,.. انتي مو فاتنه الي اول .. مو البنت الفرفووشه الي كلها حياه وأمل .. الي ترد الروح لكل انسان يجلس معاها ويكلمها ..؟!
فاتنه وهي منزله راسها وعيونها مغرقه : انا مافيا شي .... بس ........ وفاة فايز ماثره فيا كثيييير ..
فراس : كلنا تاثرنا وكلنا تالمنا .. بس مو هادا الي فيكي .. فيكي شي اكبر بكثيييير ..
فاتنه بشوية انفعال رفعت راسها لناحيته : قلتلك مافيا شي
فراس وهو يصغر عيونه : والدموع الي على وجهك هادي من ايش ؟
فاتنه ماقدرت تمسك نفسها اكثر وانفجرت بالبكاء ..
ابتسم بحزن لحالها .. اخيرا طلعت الي في نفسها وبكت .. بكت همومها الي كاتمتها ..
البكاء مفيد ومريح كثيييير في بعض الاحيان ..
تركها تبكي وهو يسمع شهقاتها واهاتها ويغمض عيونه باسى .. صعب يشوف وحده من اخواته تتألم كذا ولا يقدر يسويلها شي ..
قرب جنبها وحضنها وقعد يمسح على شعرها ليمن هدأت شويه وخفت شهقاتها العاليه ..
رفعت راسها له وهي مو مصدقه انها انفجرت قدام احد من اخوانها ؟ وقدام فراس بالذات ؟!
اكيد بيشك فيها او بيحس بشي مو طبيعي قاعد يحصل لها ..
مسحت دموعها بسرعه ووقفت : انا ا ..... لازم اروح ... ا اذاك..ر دحين ..
فراس سحبها من ايدها وجلسها : ماراح تقوليلي اشبك ؟!
فاتنه تلعب في اظافرها وتناظر فيهم : انا مافيا شي بس ..... مشتاق...ه له ..
فراس تنهد وهو متاكد مليون بالميه انها تخبي سر كبير .. سر ثقيل على قلبها بس مستحيل تفصح عنه لأحد ..
فاتنه استغربت سكووته الي طول : يلا عن اذن..ك ..
خرجت بسرعه قبل لا تسمع منه ولا كلمه .. طلعت لغرفتها وسكرت عليها الباب وبكت كالعاده ..


:
:

مرت الأيام بطيئه وثقيله على أغلب أبطال قصتنا ..
ومع أجواء الإختبارات والمذاكره الملل يتزايد ..
بعد 3 أيام من اخر الأحداث ..

** الثلاثاء .. الساعه 2:00 الظهر **

في البيت الصغير المليء بالالام والاهات ..
نوره في غرفة نجود وفاتحه الشنطه الكبيره وحاطتها ع السرير ..
نجود وهي ماسكه راسها بتعب وتعدل جلستها ع السرير : وش تسووين ؟!
نوره ابتسمت : حبيبتي قلتلك راح نسافر ..
نجود بعصبيه وصراخ : انا مابي اروح مكان اتركيني بكيفي ..
نوره وهي تطلع ملابس نجود من الدرج الصغير الي بالقوه ينفتح : خلاص راشد حجزلنا وبعدين المفروض تفرحين وتتحمسين مو نجرك معنا بالغصب
نجود بنفس الصراخ : وش افرح له ؟! اني بسوي عمليه يمكن تنجح ويمكن لاء .. تعلقووني بأمل بالنهايه يطلع ولا شي .. ( نزلت دموعها بغزاره ) حرام عليكم حسوو فيني ..
نوره وغصاتها واقفه بحلقها على حال اختها .. قربت لعندها وجلست جنبها تهديها : حبيبتي كل شي مقدر ومكتوب وانتي ماتدرين وش الي ممكن يحصل صح ولا لاء ؟! الله كريم وبإرادته مثل ماخذ نظرك يرده لك بس انتي قوي ايمانك بالله ..
نجود بحسره وألم وهي تبكي : انا خلاص بمووت بمووت مابي اعيش انا ماأستحق اعيش والله ماأستحق اعيييش ..
نوره تبكي معاها : وش تقولين يانجود ؟!
نجود لأول مره بحياتها تضم اختها .. دورت بايدها عليها ليمن لمست كتفها وارتمت في حضنها : انا ماأستاهل اكون اختكم والله ماأستاهل اعيش بهالدنيا ابي امووت تكفون خلوني امووت ..
نوره ضمتها بقوه ودموعها تجري على خدودها : نجود احنا نحبك .. كلنا نحبك بس لا تقولين كذا ؟!
نجود بعدت عنها : محد يحبني ؟ انا منبوذه من يوم اني صغيره كلكم تكرهووني .. كل الناس تناظرني من فوق محد يبيني محد يحبني ..
نوره مسحت دموعها ومع كذا تنزل غيرها قالت بحنان كله حزن : حرام عليك تقولين كذا حنا اهلك وخواتك شلون مانحبك ؟! انتي بعد ماعرفتي قيمة نفسك يانجوود ..
نجود تنهدت وصارت تبكي بصوت مسموع >> ليتك تدرين انا وشوو .. ليتك تدرين وش هي قيمتي الي تحكين عنها .. انا فاجره .. انا حقيره .. انا كل شي نجس بهالدنيا << ..
نوره مسحت على شعرها تحاول تخفف عنها الامها : خلاص يانجود اتعوذي من ابليس احنا بنروح ونسوي العمليه وراح ترجعين مثل اول بإذن الله ..
نجود هزت راسها بمعارضه : مابي اروح ليه ماتفهمين اقوولك مابي ارووح خلاص ..
نوره وقفت وبدأت تفقد صبرها قالت بحده : برتبلك شنطتك الحين وبتجين غصب عنك ..
نجود تأففت وسندت راسها ع السرير من بعد ماهدأت من نوبة البكاء الي كانت فيها ..
قالت بهدوء وتوتر : وين ن..وف ؟!
نوره وقفت عن الحركه .. اتصلبت بمكانها .. من سمعت اسم اختها الي اشتاقت لها ولأخبارها .. الي ماتدري عنها هي بأي بيت ولا بأي وضع الحين .. ومع مين ؟!
هي ميته ولا حيه ..؟!
جيعانه ولا شبعانه ؟!
كيف حالها وكيف حياتها من بعد اخر مره شافتها فيها ؟!

نجود استغربت وقالت بتردد : وينه..ا؟!
نوره لفت عليها بهدوء وقالت ببرود عشان لا تحسسها بشي : بشغلها اكيد ..
نجود بعصبيه : ليش تضحكين علي ؟! على بالك بزر عندك انا .. من يوم قمت بالمستشفى وانا ماسمعت صوتها ولا حكيتو عنها شي هي وينها الحين ؟!
نوره ببرود اكبر : ماأدري ..
نجود ودموعها بعيونها : تكفين قوليلي .. هي ليش سوت فيني كذا .. صدق اني حقيره واستاهل المووت بعد بس .... بس ليش مانصحتني ليش ماعملتني ليش ما ..........
نوره قاطعتها باستغراب كبير وحززن : انتي وش تقولين يانجود ؟! وش حقيره وماحقيره وش هالكلام ؟!
( قالت بحيره ) ووش الي تستاهلينه وتنصحك بوشوو ؟ وش السالفه ؟!
نجود هزت راسها بعصبيه : ولا شي ابيي نووف ابي اكلمها وينها ..
نوره تأففت : قلتلك مادري عنها خلاص اركدي الحين ..

** نجود بهمس بينها وبين نفسها ..**

انا اكذب على ميين ؟! ليش اقنع نفسي بشي ماهو فيني ؟!
خليك صريحه يانجود .. انا اعترف اني غلطانه واستحق اكثر من كذا وماأنكر انها ياما نصحتني ووجهتني بس انا الي اصريت ع الي انا فييييييه .. انا الي سودت وجه اهلي ودفنت راسهم .. انا ماستاهلهم ..
ماأستاهل اكون شي بالدنيا ..
يارب يا سميع ياعالم بحالي .. ارحمني واغفرلي .. يارب اني اتوب اليك توبة نصووحه .. اغفرلي ذنووبي ونقني من خطاياي ..
بأي وجه بقابل ربي بعد مووتي باي وجه ؟!
يارب وش الحل .. ابي اتووب ابي ارجع انسانه زي ماخلقتني .. ابي اكون مشرفه لأهلي ولديني ..
ابي ارجع لك يارب ابي ارررجع ..

فكرت وبثواني وكأنها لقت الحل .. وهو اول شي جاه على بالها وتبغه تنفذه بأقرب وقت : نوره ..
نوره بابتسامه : هلا
نجود بسرعه : ابي اروح الحررم ..
نوره لفت عليها وبعيونها اكبر صدمه واستغراب من هالبنت الغريبه ؟!
نوره بنبرة تساؤل : وين تروحين ؟!
نجوود بصوت اعلى ونبره أوضح : ابي ارووح الحررررررم ..
نوره ماعرفت وش تقوول .. هذي من جد تبغه ترووح .. صح من حقها وهذا الواجب عليها بس نجوود ؟؟
الي ماتعرف للصلاه طريق تبغه تروح الحرررم .. ابتسمت بأمل >> الحمد الله يارب سبحانك تغير ولا تتغير يارب اصلحها ورجعها لدينك يارب << ..
نجود استغربت من سكوتها الي طال اكثر من اللازم : كل هذا تفكرين ؟ ابي ارووح ولا حرام بعد ؟
ضحكت بخفه .. اسلووبها مستحيل تغيره واخلاقها هي وحده .. بس اهم شي انها خطت بهالخطوه العظيمه : بعد مانرجع من المانيا ان شاء الله ..
نجود بإصرار : لا ابي اروح الحين اليوم قبل بكرا ..
نوره : لا مايصير خلاص حنا حجزنا .. ان شاء الله اول مانرجع بنرووح وانا بعد ودي اروح ..
نجود : قلت لا ابي الحين ..
نوره : انتي ما .........
قاطعتها بنبره حاده وصارمه : ماني متحركه لمكان قبل لا توديني لمكه تسمعين ..
نوره تنهدت بطفش .. عنيده ولا راح تتغير .. قالت تسكتها : ان شاء الله ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;


واقفه قدام المرايا وتضبط شعرها .. محتاره ايش تسوي فيه ؟!
رفعته ورجعت تركته طايح على كتووفها ..
عوجت فمها بعدم رضا : اووف وبعدين ؟؟
راحت لعند السرير ولبست الملابس الي كانت فاردتها عليه ..
جينز باهت وبادي أسود داخل فيه كتابات وتطريزات بالفضي مره روعه ..
حطتلها كحل سماوي من داخل عيونها وأسود قاتم من برى ..
كبست رموشها القليله وحددت حواجبها .. وحطت بلاشر خفيف و"قلوس" أحمر توتي ..
حركت شعرها بإيدها مره واثنين عشان تزيد كثافتها وبالنهايه ابتسمت ابتسامه واسعه على شكلها الرهيب ..
أعطت نفسها بووسه بالمرايا وسحبت شنطتها من التسريحه ولبست كعبها وطلعت من الغرفه مستعجله ..
صقع في رجلهى بقوه وهوا في طريقو لغرفتو ..
جود وسعود بنفس الوقت : اي ..
جود وهي ماسكه فخدها : ههههههه إنحولت انت ولا وشو ؟
سعود يفرك راسو : انتي الدبه عورتيني ..
جود مدت لسانها : احسسن انا رايحه الحين وخليك بالبيت لحالك ..
سعود ابتسم بخبث : اصلا انا جاي للغرفه عشان ألبس بنروح انا وماما ..
جود بتعجب : ياسلام ؟!
سعود : هههههههه ايوا حتى بتشتريلي بلاي ستيشن ..
جود ابتسمت لبرائته ونزلت لمستواه : حبيبي انت .. اسمع اليوم اذا رجعت بلعب معك تخليني ولا لاء ؟!
سعود لمعت عيونه بفرحه : ايوووا أخليكي .. بس ماتفووزي عليا ..
جود وهي توقف وتنكش شعره : هههههه اوكي .. يلا حبيبي باي ..
سعود بابتسامه حلوه : باي ..
نزلت مبسووطه لتحت وتحس الدنيا ومافيها بين يدينها ..
بتشووف~ه اليووم .. ودحين ..
بتسحر عيونها بحلاه .. وتمتع إذنها بحنان صوته ..
مو مصدقه انه اخيرا رجع ورجع الحياه لقلبها ونساها كل مخاوفها ..
ابتسمت وهيا باخر درجه .. شافت امها قبالها ..
جود والابتسامه مافارقت شفايفها قربت لعند امها وباست راسها : شلوونك ياأحلى انسانه بالدنيا ..
ام جود سمت عليها : ماشاء الله تبارك الله يمه قريتي على نفسك ؟
جود بدلع : لا ماما انتي اقري علي زي زمان يوم كنت صغيره ..
ام جود ابتسمت بحب وحنان .. تعشق بنتها ومالها اغلى منها بالدنيا ..
قرأت عليها بصوت خاشع ومن قلب .. نفثت ومسحت على شعرها وراسها : بسم الله عليك يمه تهبليين ..
جود : ادري حبيبتي طالعه علييييك ..
ام جوود : هههههههه يلا لا تتأخرين ..
جود : وين رايحه مع سوسو ماشاء الله ؟!
ام جود : هههههه واحبيله مسكين كسر خاطري من جبناه هنا ماطلع لمكان .. قلت اوديه يتمشى وبعد اشتريله هاللعبه الي يبيها ..
جود ابتسمت لحنان امها وطيبة قلبها .. طول عمرها كذا .. معاها ومع كل الناس : الله لا يحرمنا منك ياكل دنيتي ..
ام جود هزت راسها بحنان ومسحت على كتفها : يلا حبيبتي اول ماتوصلين كلميني .. ولا تطولييين ..
جود : من عيووووووووني ..

طلعت من البيت وشوقها سابقها ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

" جده " ..

الجو مره أخوي وهادئ .. البنات بغرفهم يذاكرووا ..
والأولاد بالصاله قدام التلفزيوون .. وفرح وفجر قاعدين ع النت بنفس الصاله ..
أما أمهم نايمه ..

وواحد منهم مهمووم .. وقلبه مكسوور .. يفكر بكلام نزل زي الصاعقه عليه ..
يفكر في مستقبله إلي أمه حسمته بكلمه منها ..
متضايق لأبعد حد ومو لاقي مين يشكيله ..
تنهد فراس وهوا يفتكر كلام أمه له قبل كم يووم ..!!

~ ... أم فايز بتردد : مستعد تسمعني ؟!
فراس بقلق : ايوا يامي اتكلمي قلقتيني ..
ام فايز بهدووء : ياحبيبي مافيه شي يقلق انا ابغاك تسمعني للاخر بدون لا تقاطعني ..
فراس يفرك يدينه : طيب اتفضلي ..
ام فايز بابتسامه واسعه عدلت جلستها ع الكنبه وحطت رجل على الثانيه : انتا دحين رجال ومايعيبك شي ..واعتقد انك مستعد من كل النواحي للقرار الي بقولك اياه .. سواء دراستك او وظيفتك أو ..
فراس قاطعها وكأنه عرف السالفه : طيب وبعدين ؟!
ام فايز اتسعت ابتسامتها : وانتا عارف الي مرينا فيه هالفتره كان صعب كثير علينا وعلى عيال خالتك الله يرحمها ..والصدمه لسه ماثره فيهم .. وعارف كمان انو مالهم احد في الدنيا غيرنا .. وملاك بنت هاديه ورقيقه وحساسه .. واكيد انها دحين عايشه في نار من بعد وفاة امها وابوها .. ومحتاجه لانسان يوقف جنبها ويطلعها من الي هيا فيه و ...............
فراس بشوية عصبيه وهوا يوقف : ياأمي مستحيل الي بتفكري فيييييه ..
ام فايز وقفت معاه وكملت بنفس الهدوء : ايش المستحيل ؟! ملاك بنت مايعيبها شي ويكفي انها بنت خالتك وانتا كمان ماعندك أي عذر .. دراستك ومخلصها وظيفه وعندك شركه بحالها وكل شي متوفرلك ايش ال مستحيييل ؟!
قال وهوا يحاول يهدي نفسه : ال مستحيل ياأمي انو ملاك اختي الصغيره وماأفكر فيها بشي غير كدا .. وثانيا انتي عارفه علاقتنا سوى من يومنا صغار مزح ولعب وبسس وبعدين ماأفكر اتزوج دحين ولا ليا رغبه في هالشيي ..
ام فايز : بس ياحبيبي اول كنتو صغار اكيد دحين كل شي بيتغير انتا بس طيعني ونروح نخطبها وبتشوف منها بنت غير كل البنات ..
فراس بضيقه : يامي الله يخليكي انسي دا الموضوع اذا انك تحبيني وتعزيني لا تفكري في هالشي مره تانيه ..
ام فايز بصرامه : يافراس هادا قرار مو محتاج لرأيك .. وبعدين ايش الي مانعك ؟! لا يكون فيه وحده في حياتك ولا من الخرابيط دي ؟
فراس تنهد : لا مافيه احد .. بس ملاك بالذات انا ماقدر ارتبط فيها ( وقف بقلة حيله ) انسي هالشي يامي انسيييه ..
طلع من الغرفه وخلقه ضايق وكل أحلامه وطموحاته انهدت على راسه ....~]

صحى من تفكيره على صوت فدوه نازله من الدرج وتصرخ : خلصصصصصت لووووولوووووووووي ..
فرح بفجعه : بسم الله اشبك ياهبله ؟
فهد : الحمد الله والشكر ..
فدوه تبوس خد فرح بقووه : خللللصت تخيلو خللللللللللللصت ساعتين بس والله من قديي ..
فجر بابتسامه : ايش عليكي بكرا ؟
فدوه : بلاهه ونكد ..
فرح : ههههههه ياحليلكم الين دحين تسمووها كدا ..
فدوه : ههههههههه اهم شي خلصت والله مو مصدقه ..
فهد : اممممم طيب ايش رايكم ؟
فرح + فدوه بصوت واحد : ايششششش ؟!
فهد : نطلع نتغدى كلنا مدام فدووشه مخلصه ..
فدوه بعدم تصديق : واو ايوا والله كدا الكلام ..
فرح : ههههههههه يافرحتك ..
فهد : يلا تجهزوا ..( طالع في فراس الي يطالع التلفزيون بدون نفس وباله مو معاه ) فروووس هيييييه ..
فراس لف عليه ببرود : هلا
فهد : فين مسافر ؟ جي معانا ولا ؟!
فرح رفعت حاجبها : اكيد جي ..
فراس ابتسم بضيقه ووقف : لا روحوا انتو ابغه انام ..
فرح : ليييه فرووسي والله الخرجه ماتحلى بدوونك ..
فراس : معليه ماليا نفس ( لف ظهره ومشى ) الله معاكم ..
فجر بهمس لاختها : غريبه من رجعتوا وحالو مو مضبوط ؟؟
فرح بنفس الهمس : قصدك من بعد ماتكلم مع ماما ..
فجر بتفكير : والله صادقه .. بس ايش الي حصل ؟!
فرح هزت كتوفها بجهل عن الي صار ..
فدوه تخصرت : اقوول لا تتسرسروا انتي واياها قوموا اتجهزووا ..
فرح : بس يابرميل ماهمك الا كرشك طايره ع الغداء ..
فدوه بعصبيه : مالك شغل ..
طلعت لفوق تغير ملابسها وحساسيتها من موضوع سمنتها مرره زاد وصارت تتضايق منه وتزعل اذا احد دقها بالكلام ..

فرح : هههههه اشبها سايره زعووله
فجر : ههههههه خليها مو كفايه محتله دولابي مابقت فيه شي ..
فرح ابتسمت وطلعت جوالها من جيبها ودقت على نوف من امس ماكلمتها ولا تطمنت عليها ..
فرح : الوو
نوف : هلا حبيبتي ..
فرح : مساء الخير ..
نوف ابتسمت : مساء النووور ..
فرح : اخبارك ياقمر ؟
نوف : الحمد الله كيفك انتي ؟
فرح : بخير ..
نوف : وامك واخوانك كلهم ان شاء الله تمام ؟
فرح : ايوا مبسوطين الحمد الله .. انتي قوليلي كيف مسويه ؟
نوف تنهدت : ماشي حالي ..
فرح : ناقصك شي محتتاجه شي .. اذا بخاطرك شي ترى مشعل مايقصر وعندك رقمو ..
نوف ابتسمت : لا حبيبتي انتو ماقصرتو معي كل شي عندي بس ضايق خلقي لحالي ..
فرح ابتسمت بحزن : يلا اهم شي رجعتي لوظيفتك تسليكي ..
نوف : هههههههه على قولك
فرح : ههههههه ليه تضحكي ؟ ( شهقت ) ايووووا صح ايش سار من زمان ماكلمتيني عنووو ؟!
نوف ابتسمت بخجل : ماصار شي ..
فرح : اهيييييي علييييييييينا ..
نوف : ههههههههه والله ماصار شي بس ..
فرح : ايوووا ال بس دي انا ابغاها ايش ؟!
نوف : اممم قالي ههههههه ..
فرح بقلة صبر : ايش قلللك ؟؟
نوف بهمس : وحشتيني ..
فرح : وه ياقلبي انا من جد ؟
نوف : ههههه ايه وامممم لسه مصر يشوفني برى ..
فرح : يوووه منك وانتي سايقه الثقل على راسو ..
نوف : مو كذا يافرح بس كيف ارضى على نفسي اطلع معه ولا اقابله بأي مكان غير الشغل وانا مابيني وبينه شي ؟
فرح : بس انتي محاتروحي معاه لمكان بعيد .. عادي في مكان عام واعتبريها مقابلة شغل واذا حسيتيه اتمادى معاكي في الكلام اخصريه ولا كانه صار شي ..
نوف : لا ماقدر انتي عارفه وضعي الحين ..
فرح بقلق : عارفه ياقلبي .. بس اهم شي انتي بخير ؟
نوف : ايه تمام بس مرات احس اني خايفه لحالي عني تدرين ماعندي احد و .....
فرح بحزن : عارفه والله انا راح احاول ارجع بأقرب وقت لا تخافي ..
نوف : لا لا خليييك عندك اهلك وانبسطي انتي ماقصرتي معي وماراح انسى لك الي سويتيه معاي انا بخير لا تقلقين علي ..
فرح ابتسمت : طيب حبيبتي انا حبيت اتطمن عليك واذا صار معاكي شي او احتجتي لشي لا تترددي انا موجوده ..
نوف ابتسمت : ان شاء الله ..
فرح : يلا اسيبك دحين ..
نوف : اووكي ..
فرح : مع السلامه ..
نوف : باي ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;

نرجع للرياَض ..

وقفت السياره قدام القصر الكبير ..
ابتسمت ودقات قلبها واجعتها .. ضمت يدها بقووه واخذت نفس ونزلت من السياره ..
دقت الباب أكثر من مره ليمن فتحتلها الشغاله ودخلتها للصاله الكبيره ..
جلست على اعصابها وهيا ضامه يدينها لحضنها ..
سمعت صوت عالي جاي من فوق ومن بعده لمحت وجه صديقتها البشوش : هلا والله تو مانور البيت ..
وقفت جود وسلمت عليها : اهلين قلبي كيفك ؟
حلا وهيا تجلس جنبها بحماس : الحمد الله بخير .. كيفك انتي ؟
جود ابتسمت : تمام والله ..
حلا :يوووه زمان عنك والله وحشتيني ..
جود نزلت راسها بهدوء : والله انتي اكثر بس ظروفي الفتره الي راحت صعبه شوي وانتي بعد كان عندك اختبارات وكذا ..
حلا ابتسمت برقه وهيا تطالع في صاحبتها بشوق : والله فقدتك الايام الي راحت تصدقين ( قالت بابتسامه ) ماأرتاح لأحد كثر مارتحلك حتى صديقاتي الي متعوده عليهم بديت احسهم مايفهموني ..
جود : ياقلبي انتي .. والله انا بعد ارتاحلك كثير اكثر من نفسي ههههه ..
حلا : هههههه طمنيني عليك ؟ وش اخبارك مره انقطعنا عن بعض ..
جود بابتسامه رايقه بعكس الحزن والقهر الي تحسه جواتها : والله ماشي حالي .. انتي بشريني شلون نتيجتك ..
حلا حطت رجل على رجل ولفت ايدينها على ركبها وحركت شعرها بدلع : وش تتوقعين من حلا الحلوه ..
جود : امممم اكيد ناجحه ماشاء الله عليك بس شلون النتيجه ؟!
حلا بهمس مع ضحكة فرحه : امتياز ياقلبي ..
جود بصرخه : واو .. من جد ؟!
حلا هزت راسها بحماس : ايييييه ..
جود ضمتها : الف مليوووون مبرووك ياعمري انتي ماشاء الله عليك ..
حلا : هههههه مو جديد علي احم هههه ..
جود بعدت عنها : طيب وماراح تسوين حفله ؟!
حلا باستنكار : اكيييييييد وش تتوقعين اجل ..
جود : هههههههه وليش ماقلتيلي ..
حلا : ماما قالت بتسويها هنا بالبيت بس لسه ماقررنا يعني بس فكره ..
جود : اها يلا ع البركه ..
حلا : الله يبارك فيك .. وانتي وش اخر اخبارك ؟!
جود تنهدت : تبين الصراحه بخاطري كلام كثير ودي اقووله لك ..
حلا ابتسمت ووقفت : اووكي ياقلبي الحين بروح اجيبلك شي تشربينه ولا تخلين في نفسك شي قووليلي كل الي ودك فيه ..
جود سحبتها : اقعدي مابي شي ياخبله ..
حلا : هههههههه ايه هذي جود صديقتي مو الي تو مسويه نفسها هاديه ورقيقه ..
جود ضربتها على كتفها : ياشينك يعني انا مو رقيقه هههههههه ..
حلا مسكت كتفها بألم : اه الا رقيقه موووت ..
جود بخبث وهي تقرب لحلا وتقولها في اذنها : وييييينه ؟!
حلا طالعت فيها ببلاهه : مين هو ؟!
جود : يوووه لا تستهبلين خطيبي وينه ..
حلا دوبها تستوعب : اها هههههههه موجود فووق ..
جود عضت على شفايفها ووقفت وسحبت حلا معاها : انزين امشي بسلم علييييه ..
حلا وقفت معاها : ايه صح نسيت اقوولك .. نتيجته مرره حلوه ..
جود بفرحه بينت في عيونها قبل صوتها : امانه ؟!!
حلا : والله جد وماما بتسوي الحفله لإثنينا ..
جود : الحمد الله يارب ..
حلا ابتسمت بحنيه : جود ..
جود ردتلها الابتسامه : عيوونها
حلا طالعت في اظافرها : تحبيييينه ؟!
جود ابتسمت ابتسامه واسعه >> كل هذا وتوك تحسييين ياحلا .. انا امووت فيه افديه برووحي << .......
حلا رفعت حاجبها : وين رحتي ؟!
جود عضت على شفايفها بقوه وهزت راسها بخجل ....
حلا صرخت : جددددددددد والله ؟!
جود تنهدت بحب : امووت فيه ياحلا وربي يشهد ..
حلا ضمتها بقوه ودموعها اتجمعت بعينها : ليييييش ماقلتيلي من زمان ليه ؟!
جود قعدت على اقرب كرسي وقالت بارتباك : مادري حلووله انا احس يعني ... مادري والله مادري كل الي اعرفه اني مجنوونه فيه ..
حلا ابتسمت بين دموعها وقعدت جنبها : يالله ياجود وتوك تحكين ؟!
جود استغربت ولفت عليها : وليش هالدمووع ؟! زعلتي مني
حلا مسحت دموعها بسرعه : لا ياقلبي انا ازعل من الدنيا كلها بس منك لاء .. بس هذي دمووع الفرح ..
جود ضربتها على راسها : قالت دموع فرح قالت لا تسوين لي افلام الحين ..
حلا : هههههه يابعدي انتي ..
جود وقفت : يلا عاد خلينا نطلع ..
حلا مشت معاها وبالها مشغوول كثير وقلبها مقبووض على صديقتها .. كيف بتقوولها وتوصلها الخبر ؟!
كيف بتخبرها انهم مستحيل يكونوا لبعض لو ايش ماكان الي بينهم ..؟!
تنهدت وطلعت الدرررج ورى جود الي سبقتها ..

اما جوود .. وصلت للدور العلوي ..
حست بالخيبه لمن مالقته في صالة الجلوووس ..
حلا : هههههه اكيد بغرفته ..
جود رمت نفسها ع الكنبه : خلاص خلينا هنا عشان يتفاجا هههههه ..
حلا ابتسمت وجلست معاها ..
ومامرت دقيقتين على بعضها إلا وبصووت اقدام متجه للصاله ..
ومع كل خطووه دقات قلبها تزيد ..
جسمها حار وفكها يرتجف ..
اخذت نفس تحاول تهدي فيه نفسها بس ...........
وقف قلبها لمن شافت الإنسان الي سهرها الليل واقف يطالع فيها بكل صدمه ..
نواف وهو يرمش بعينه اكثر من مره .. بلع ريقه وقال بعدم تصديق : جوود ؟!!!!!!


;;;;;;;;;;;;;;;;;;;;;;;;;;;;;;;;;;;;;;;;;;;;;


جده ".. دار الرخاء و الشده .."وفي

في فلتهم الكبيره والفخمه بكل قطعه وجزء فيها ..
في الفله الواسعه بمساحاتها والضيقه بقلووب سكانها ..

جالسه قدام التلفزيون تهز رجولها بتوتر .. الحزن طاغي عليها وعلى أجواء البيت ك كل ..
أبوها حالته متازمه ودايم بغرفته او بالشركه عشان ينسى المصيبه الي نزلت عليهم ..
وأمها طول اليوم تبكي على حال بنتها ياإما بالبيت او بالمستشفى تدعي ربها ينجي دلووعتها واصغر عيالها ..
وأخوها .. اه من حال أخووها .. أغلب اوقاته بالشركه أو برى البيت ماصارت تشوفه الا نادرا .. الصدمه ماثره فيه ..

تنهدت بألم وحسره : يارب رحمتك ..


:
:


في المستشفى ..

جالسه ع الكنبه الصغيره الي جنب السرير الابيض العالي وايدها على وجهها وتبكي بصمت ..
كل ماتشوف حال بنتها ..
اما هيا ..!!
طالعت في امها بضعف وصمت .. ساكته .. هادئه .. رغم كل الالام الي تحسها بجسمها .. وكل الإبر الي تدخل ل جسمها في كل يوووم .. مانطقت بحرف .. صارلها اسبووووع ؟!
ولا كلمه ؟! ولا حس ؟!
وهذا الي مخوف الدكاتره كثيرر .. والظاهر انه حتى لو تعالجت من السم الي بجسمها راح تظل الصدمه محتله عقلها ؟!

لفت راسها بهدووء على جهة امها .. الدموع محتبسه بعيوونها ..ا
المصيبه الي سوتها والفضيحه الي أذت فيها اهلها تستاهل عليها المووت ..
متوقعه كل شي .. ولو قتلها سامي او حتى ابوها ماراح تعترض ..

هم شايلته بقلبها .. والم تحسه بجسدها .. ودموع حابستها بعيوونها ..
بس ماهي قادره تتكلم ؟!
وبأي وجه تفتح فمها بكلمه ..
غمضت عيوونها لمن سمعت صوت الباب ينفتح والدكتوور داخل ومعاه الممرضه وبإيدها شنطتها الصغيره المليانه إبر وعلاجات ..
كرهت الدنيا وهي تستعد لجلسة العلاج المؤؤلمه اليوميه والي فتكت بجسمها وماعاد صار يتحمل أي وخزة ..!!

;;;;;;;;;;;;;;;;;;;;;;;;;;;;;;;;;;;;;;;;;;;;;;;;


طلعوا من البيت والفرح غامرهم ..
ركبوا سيارة فهد الجاغوار السووداء ..
فجر بجنب فهد .. وفرح وفدوه بالكرسي الخلفي ..

لف وجهه لناحيتهم وإبتسم : هادي الخرجه على حسابكم بمناسبة نجاحي ..
فرح : لا إحلف بوجهك دا ..
فهد لف ع الدراكسون وشغل السياره : أجل مطلعكم لسواد عيونكم ..
فجر ابتسمت : اممم العزيمه دي على حسابي شخصيا .. بمناسبة رجوع فرووحه شمعة البيت .. ورجووع فهد بالسلامه ونجاحوو ..
فدوه بلقافه : وبمناسبة نجاحي مقدما ..
فرح : اسكتي بالله ( طالعت في فجر بحب ) فديتها فجووره هيا الي فاهمتني ..
فهد : ياشين المصلحه بس ههههه فين حابين تطفحوا ؟!
فدوه : دي اخرة سفرتك حتى مصطلحات زي وجهك ..
فهد : احم والله من حلاة وجهي ..
فدوه : هيهيهي ..
فجر : هههههه ..
فرح لفت ع الشباك وطالعت للشارع والسيارات والحدايق الي حولهم بحنين >> يالله قديش وحشتني جده << ..
قالت بابتسامه حالمه : فهوودي خلينا نروح البحر شووويه ..
فدوه + فهد باستنكار : البحرر ؟!
فرح : ههههه ايوا اشبكم اكلتووني ؟!
فهد : في الظهر دا بحر ياشيخه فكينا بلا هبل ..
فرح : بليييز فهودي والله ياني مشتاقه لجده وبحرها ..
فهد بتأفف : خلاص لا تموتي علينا .. البحر وأمرنا لله ..

وصلوا بعد أقل من ربع ساعه ..
نزلت فرح بسرعه وبحماس بدون لا تنتظرهم ..
فهد وهوا يطفي السياره : ههههههه الله يشفيكي ياأختي ..
نزلت تجري ووقفت قدام البحر مباشره ..
ابتسمت بفرح وهي تاخذ نفس .. صرخت بصوت عالي ولا همها أحد : وحشتنييييييييييييييييييييييييييييييييييييي ..ههههههههههههه
إلتفت ع الصووت مو غريب عليه أبدا ..
حس بالصدمه شلته وجمدت لسانه ؟!
بلع ريقه وهوا يتأمل فيها ويدقق في ملامحها يتاكد هل صحيح هيا قدامه ويشوفها ولا مجرد وهم وخيال ؟!
قال بصوت مصدووم وفرحه مقتووله وابتسامه مخنوقه مابين الامه : فررررررح ؟!!
لفت ع الصوت مستغربه هيا تتوهم انها سمعت اسمها ولا ؟!!!!
فتحت فمها وهيا تشووفه واقف بكل تساؤل يناظرها .. همست بصدمه : مستحيييييييل ؟!!


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;


" الرياض " ..

طلع من غرفته مستغرب الاصووات العاليه والحماس الزايد الجي من صالة الجلووس الكبيره ؟؟!!

دخل عليهم بصوت بارد وهادئ : سلام ..
الكل التفت عليه : وعليكم السلام ..
لمياء : ذكرنا القط جانا ينط ..
فيصل وهوا يجلس جنب امه : تحشوون فيني افا والله ؟!
ام فيصل بحنان : لا يمه ماعاش والله من يتكلم عنك بس ....
قاطعتها يارا : الله الله واحنا لنا الله ..
فيصل : اقوول انطمي عن حركات البزران وش كنتو تقولون ..
يارا بزعل : احسن .. لفت وجهها عنه وطالعت التلفزيوون بقهر ..
لمياء بخبث وهي حاطه الشطرنج ع الطاوله وتلعب مع نفسها : كنا نحكي عن المصوونه زووجتك ..
فيصل جمدت ملامحه : وش فيها ؟!
لمياء : امممم لا بس كلمتها اشوف وش سووا ع الملكه ..
فيصل ببروود : اها ..
ام فيصل بحب تناظر في عيونه : حبيبي وانت ماتبي تروح تشوف وش ناقصهم وش محتاجين ؟!
فيصل بتأفف : ماأظن محتاجين شي زوج عمتي مو مقصر معاهم بشي ومدلعهم دلع لا قبله ولا بعده ..
ام فيصل : بس حتى لو يمه انت زووجها ولازم تسال عنها وبالذات بهالأوقات ..
فيصل ببرود يخفي وراه كلام كثير ومشاعر متلخبطه .. ناظر في امه وماعلق ..
** في نفسه ** ..
اه يايمه وش أقووولك .. والله ماني قادر اشيلها من راسي ..
ماني عارف شلون صار فيني الي صار ..
وشلون قدرت تملك قلبي وكل مافيني بمده بسيطه ..
شلون بقدر اناظر بوجه غرام ولا أستحملها من بعد ماعرفت الحب مع "حلا" .. وشفته بعيوونها وحسيته بضحكاتها ..
شلوون أقدر أعيش مع هالإنسانه من بعد ماشفت الهنى بوجووود "حلا" بحياتي ..
اه يا "حلا " أيامي .. وش بإيدي أسوي لا صرنا مو لبعَض ..!!


:
:

نهاية البارت .. ياإرب يعجبكم ..

::":: الجزء الواحد والعشرين ::"::


دق جواله برقم صاحبه المقررب له كثيرر .. رد عليه بضيق هذا الإنسان الي يحتاجه بهالوقت بالذات : هلا رئوود ..
رائد : هلا والله اخبارك ؟
فيصل : تمام انت شلونك ؟
رائد تنهد : الحمد الله على كل حال ..
فيصل : سلامات صايرلك شي ..
رائد : لا لا ابد بس وينك فيه ؟!
فيصل : بالبيت ليش ؟!
رائد : انا بالتحليه ..
فيصل : مبروك وش اسويلك ؟
رائد : بلا دلاخه وتحرك صاير مثل الحريم ..
فيصل ببرود : زين شوي وجايك ..
رائد : يلا لا تتأخر .. سلام
فيصل سكر منه وقام غير ملابسه وطلع على طووول ..


:
:


،،// منتي نهاية دنيتي لو تغيبي روحي على ماتشتهي مارجعتلي ..
مهما وصلتي إعرفي من تكووني أنا عملتك شي وإنتي "ولا شي " //،،

دخل لصدى التحليه وحالته بالبلى .. وده يفضفض بس مو عارف كيف ؟!
ايش بتكون نظرة فيصل له ؟!
كيف بيواجهه بحقيقة حبه القذر ؟!
كيف بيشكيله حال حبيبته " النجسه " والحادث الي تعرضتله ؟!
كيف من الاساس بيعترفله بحبه لإنسانه شرفها ضايع ألف مره .. وحده مالها أي قيمه ولا أي أهميه بهالدنيا ..مجرد أداة تسليه للمريضين ..
تنهد من قلب >> أنا المجنون .. وش ه الي قاعد يصير لي .. شلوون صار كذا وبأي حق .. يارب وش ه " الحب " الي من طرف واحد ولإنسانه واطيه .. بس قلبي إختارها وش أسووووي ؟!! << ..


إنتبه بالوقت .. مر اكثر من 10 دقايق وهوا سارح بتفكيره ..
رفع راسه على صوت فيصل : سلام ..
رائد وقف يسلم عليه : وعللليكم .. هلا والله ..
فيصل ابتسم وجلس قدامه : شلوونك ..
رائد ردله الابتسامه : بخير وانت يالمعرس بشرنا عنك ؟
فيصل تعكر مزاجه قال بدون نفس : تمام ..
رائد أشر للجارسون : معسل تفاح و ( طالع فيصل ) إنت ؟
فيصل بدون لا يرفع عينه : مويه ..
رائد باستغراب : بس ؟
فيصل : ايه ولو ابي شي كان نطقت ,..
رائد وهو ياشر للجارسون يروح : طيب اعصابك ..
فيصل تنهد وسيح جسمه ع الكرسي .......
رائد بشك : فوويصل وش فيك مو على بعضك ؟
فيصل : وش فيني يعني ؟
رائد تأفف : انت وراك صاير كئيب الحين هذا شكل معرس ماباقي على ملكته الا اسبوعين ؟!
فيصل ببرود : وش منتظر مني اسوي يعني ؟!
رائد : مادري وش تسوي .. اقوول قوم بس خنقه الجو هنا ..
فيصل بطفش : وين بتودينا ؟!
رائد بتفكير : وش رايك نطلع ل سعودووه الشقه ..
فيصل : لا لا مالي خلق المسخره الي هناك ..
رائد : اجل قم معي وانت ساكت ..
فيصل : وين ؟
رائد وقف واشر للجارسون يجي : كنسل الطلب .. ( يكلم فيصل ) يلا امشي ..
طلعوا من الكووفي وشغل رائد سيارته ..
فيصل ركب فيها : وش لزوومه المشوره الحين .. ولسه راجع اخذ السياره ياخي وربي انت ........
قاطعه رائد وهوا يسكر الباب وبدون مقدمات قال : انت مو مستانس ؟!
فيصل استغرب : وليش استانس اصلا ؟!
رائد وهوا يحرك السياره : هههههه والله انك غريب .. اجل معرس و ........
قاطعه بهدوء وبرووده : وانت كل شوي ناط لي معرس ومعرس وش يعني دخلت الجنه اذا اعرست ؟!
رائد ابتسم بخبث ومارد عليه ..
فيصل تأفف وشغل الراديو "الإف إم" ..
رائد بجديه : فيصل ..
فيصل لف عليه : شنوو ؟!
رائد : تحب غيرها ؟!
فيصل استغرب سؤاله وهو متاكد من قصده وفاهمه كويس .. بس معقووله مبين عليه قد كذا ؟!
قال بلامبالاه : ماأحب احد وانت تدري وش نظرتي للبنات كلهم >> الا حلا غيرهم كلهم << ..
رائد : ههههههه ايه صح .. ( رجع لجديته ) اقوول فصوول لا تلف وتدور وتكلم ماني بواحد غريب عشان تخبي عنه .. وش فيها لو حبيت الحب ماهو خطيه ؟!!
فيصل تنهد ولف وجهه ع الشباك .. خلاص مايبغه احد يذكرره .. هو لغرام وبس .. لازم ينسى حلا ويقتل كل المشاعر الي يحسها تجاهها ..

تافف وبدأ يفقد صبره : بتنطق ولاشلوون ؟!
فيصل ببرود كالعاده : وش انطق به ؟!
رائد وقف السياره قدام الفله الفخمه أو نقدر نقول القصر الضخم : انززل وحسابك معي جوه ..
فيصل دوبو ينتبه للمكان الي هما فيه .. بيت رائد ؟!
ليه جايبه هنا كان قله من الاساس يجيه ع البيت بدال هالمشوره ..
نزل وقفل الباب وراه بعصبيه يطلع فيها قهره ..
رائد : شوي شوي طيرت الباب ..
فيصل : ليش جايبني هنا وش فيه ؟!

رائد اشرله يمشي وهوا ساكت ..
دخلوا للفله وقفل الباب وراه بهدووء ..

وثواني قليله وهما بجناح رائد الواسع والفخم ..
قعدوا بالصاله الكبيره الي بالوسط مابين غرفة النوم وصالة البلياردو والخرابيط التانيه ..
فيصل وهوا يرمي نفسه ع الكنبه : وش صايرلك من اليوم احس عندك شي تبي تقووله ؟
رائد ابتسم له وراح للثلاجه الي بنهاية الصاله وطلع علبتين " كولا " ورمى وحده على فيصل ..
قعد جنبه وشغل التلفزيوون : اقوولك فصول ..
فيصل يشرب من الكولا بعطش : قول ..
رائد ابتسم بخبث : شخبارك ..
فيصل طالع فيه بغباء : تستعبط ؟
رائد : لا جد شخبارك و .... ( غمز له ) والحلا كيف هالأيام ..
فيصل مافهم عليه : وش تقصد ؟
رائد : قصدي مفهوم ياخي .. انت ماودك تصارحني ؟
فيصل عقد حواجبه : اصارحك بوشو ؟
رائد تنهد : ياليل ماأطوولك ... اقصد تقوولي ع الي بينك وبين ..... وبينها ..؟
فيصل باستغراب : مين هي ؟
رائد بقلة صبر : حلا ياخي بنت عمك لا تسوقها على راسي ..
فيصل وقفت رجله عن الحركه المستمره .. طالع في رائد بصدمه ..؟!
هذا ايش يقول وايش عرفه ؟
رائد ضحك على شكله المتفاجأ : ههههههههههه قلتلك اعترف مارضيت وش اسويلك ؟
فيصل مو عارف ايش يقول ؟
يصارحه ويترك لنفسه يفضفض ولا يسكت ويكتمها في قلبه وينسى كل شي ؟!
رائد حس بلي يدور في راسه : فيصل لا تحاول تكذب علي او تخبي شي .. قول ياخي مالنا غير بعضنا تكلم ..
فيصل طالع فيه بهدوء وحول نظره للتلفزيون بدون اي رد ..
رائد ابتسم وسند ظهره ع الكنبه : خلي قلبك يحكي انا مو غريب .. وجبتك هنا عشان تقول الي في خاطرك قبل لا يفوت الاوان ..
فيصل ببرود مختلط بقهر ويأس : هو لسه بيفوت ؟
رائد : يعني تحبها ؟
فيصل .....................
رائد باصرار : تحبها ؟!
فيصل لف على جهته متضايق : والي يعافيك اقفل هالسيره ..
رائد باصرار اكبر : فيصل كل شي بيتغير اذا قلتلي الحين ..
فيصل بهدوء : مابيتغير شي .. ( وقف ) يلا انا ماشي ..
رائد وقف معاه وحط ايده على كتفه : ماظنيت انك بتستسلم بهالبساطه ..
فيصل تنهد وطالع في عيون رائد مباشره : انت ماتدري عن شي ..
رائد ابتسم بخبث : ادري عن كل شي وحاس فيك ياخي بس انت قولها ولك مني مايصير الا الي تبيه ..
فيصل ابتسم باستهزاء : الي ابيه ؟ مابي شي بهالدنيا ولا يهمني شي ..
رائد بمرح يحاول يخفف من كتمة الجو : اووف اوف كل هذا سوته فيك.. ههههههه والله ماهي هينه ..
فيصل ابتسم : ههههههه ياشين الي مسوي ثقل وهو طايح ولا حد مسمي عليه ..
رائد اختفت ابتسامته ورفع حاجبه باستنكار : وش قصدك ؟
فيصل : ههههههه لا لا ولا شي ..
رائد : لا جد وش تقول ..؟
فيصل بهمس : الي ماخذه عقلك وقلبك ياسيد ..
رائد باستنكار : ايش ؟؟ ماخذه عقلي وقلبي ومين هذي والله ماجات ع الدنيا ..
فيصل رجع جلس : ايييه هذا حكيك اجل ..
رائد بدأ يتوتر : الحين انتي بتقوولي ولا شلووون ؟!
فيصل تنهد بقلة حيله : بقوولك ياخي ... اسمع ....................


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;


اخذت نفس تحاول تهدي فيه نفسها بس ...........
وقف قلبها لمن شافت الإنسان الي سهرها الليل واقف يطالع فيها بكل صدمه ..
نواف وهو يرمش بعينه اكثر من مره .. بلع ريقه وقال بعدم تصديق : جوود ؟!!!!!!
جود بلعت ريقها ووقفت مرتبكه واصابعها بارده وترتجف .. ابتسمت : هلا ن..واف ..
نزلت راسها بحياء وهيا مستغربه من الفرحه الي غمرتها والاحساس الغريب الي تسلل داخلها ..
حلا ابتسمت : هلا نواف اتفضل ..
دخل نواف بدون تردد ..وعيونه مركزه على جود يتفحص كل شي فيها .. ماتغيرت من يوم ماتركها .. نفس البساطه في اللبس نفس الروح الحلوه والابتسامه الساحره نفسها الغمازات الي يعشقها ..
قرب لعندها بخطوات هادئه وشوق غامر مد ايده يصافحها : ش..شلوونك ..
جود رفعت عيونها عليه بشوق فاضحها ولهفه كاشفتها عيونها .. ابتسمت ومدت ايدها : بخير وانت ؟
نواف وهوا يسحب ايده بهدوء : تمام ..
جود : حمد الله ع سلامتك ..
نواف بابتسامه واسعه : الله يسلمك يالغاليه ..
حلا رفعت حاجبها : احم تراني موجوده ..
نواف ضحك بخفه وجلس جنب حلا بعيد عن جود ..
لحظة صمت و ...........
جود اخدت نفس سريع وحاولت تبين عادي وتخفي ارتباكها : وكيف نتيجتك ؟
نواف والي ماشال عينه من عليها .. ردلها الابتسامه : جيد جدا ..
جود بفرحه : والله ...... ا.. اقصد ...الف مبرووك ..
نواف : الله يبارك فيك وانتي وش مسويه ..؟
جود هزت راسها : الحمد الله ..
حلا : امممم شوفوا .. بما انكم متجمعين انا ابي اعزززمكم ..
نواف : ههههههه وين ؟
حلا : امممم اي مكان تختارونه ..
جود بتفكير : على حسابك ولا تورطينا مثل ذيك المره وتقولين بالقطه ..
نواف بابتسامه ساحره : على حسابي انا .
جود : يعني بنروح ؟
نواف : ههههه اكيد لعيوونك ..
جود بخجل : تسسلم ..
حلا : يلا يلا قوومي ..
جود : ههههه انا جاهزه انتي قومي غيري ملابسك ..
حلا وهيا تطالع ملابسها .. جينز وتي شيرت بينك قصير : اووكي ثواني وجايه ..
طلعت من الصاله ..

نواف بهدوء : وشلون صديقاتك ..
جود : مين ؟
نواف : ههههههه اقصد نوف وهذيك الي تطايقتي معها زمان .
جود : هههههههه تقصد فرح ..
نواف : يب
جود : الحمد الله بخير كلهم ..
نواف : الحمد الله ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;

دخلت للشقه وهي هلكانه وتعبانه من العمل ..
أخذتلها شاور سريع وتمددت ع الكنبه قدام التلفزيون .. وبسرعه غفت من شدة ارهاقها ..

قامت مفزوعه على صوت الجرس .. تنهدت وهي حاطه ايدها على قلبها : خرررعتني ..
قامت بسرعه تشوف مين ع الباب .. بالرغم من انو ماحد يعرف مكانها الا فرح وفراس ؟!

لبست شرشفها حق الصلاه واظطرت تفتح الباب من ورى السلسه لعدم وجود " العين السحريه " : مييييين ؟!
جاها صوت ذكر بس مبين انه صغير في العمر وخايف ومرتبك : خالتي تعالي معي الله يخليك ..
نوف استغربت : مين انت ؟
الولد : انا عادل ياخاله ابوي طاح مادري وين اوديه ..
نوف بارتباك : وين امك ؟
عادل يبكي : امي ميته ابوي بيموت تكفين ساعديني ..
نوف خافت اكثر ورحمة صوته الضعيف : زين لحظه وجايتك ..
دخلت لغرفتها بسرعه ولبست عبايتها ولفت الطرحه باهمال وسحبت الشنطه الكبيره الي ع التسريحه وطلعت من الشقه ..
ناظرت يمينها وشمالها مالقت احد .. استغربت ومشت بالسيب وهي تنادي بصوت واطي : عادل عادل ؟!!
جاها صوته من وحده من الشقق والباب مفتوح وهو يجر ابوه ع الارض ودموعه ماليا وجهه : هنا ياخاله تكفين لحقي عليه ..
نوف راحت تركض وماعرفت ايش تسوي ؟!
نوف بارتباك وهي تحاول ترفعه : بس انا .... كيف احمله ؟!
عادل متردد وخايف .. راح يركض لشقه قريبه ودق الباب بقوه لكن .....لارد ؟!
نوف استسلمت وحاولت ترفع الشايب الطايح ع الارض بس كان اثقل من انها تقدر ترفعه ..
جاه على بالها شخص وبسرعه دقت عليه .. وبعد ثواني : الوووو مشعل
مشعل باستغراب : هلا والله مين ؟
نوف : انا نوف يامشعل تعال ضروري ..
مشعل بتفاجأ : نووف !! فينك انتي ؟
نوف : انا بشقتي تعال الله يخليك ..
مشعل وهوا يقوم من ع الكرسي : اووكي ثواني وبكون عندك ..
طالع في الزبون الي قدامه : اسف اخوي مظطر اطلع .. ( نادى على صديقه ) تعال شوف الرجال هنا ..
اخذ نفسه وطلع يجري من المحل ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;


فتحت فمها وهيا تشووفه واقف بكل تساؤل يناظرها .. همست بصدمه : مستحيييييييل ؟!!
ظل يطالع فيها والعبره خانقته ..
فرح حست بألم يعتصر قلبها بس ماأعطت الموقف اكبر من حجمه ولفت وجهها بسرعه ولا كأنها شافت شي ..
مامرت ثانيتين الا وتحس بصوته قريب منها وينطق اسمها بكل هدوء وحزن : فرح ؟!
فرح وكأنها ضعفت وانهارت كل قوتها الي كانت مجهزتها لو حصل لها موقف من هالنوع .. قالت وهيا معطيته ظهرها : خير ان ش..اء الله ؟!
سامي نزل عيونه للارض وهو يلعب في مفتاح السياره الي بيده : الين متى بتظلي تتجاهليني ؟!
فرح ماردت عليه وعملت حالها مو مهمته ..
رفع صوته زياده : فرح ردي عليا الله يخليكي خلاص يكفي ..
فرح بعصبيه لفت عليه : ايش تبغه مني ؟!
سكت وهو يتأمل الحزن بعيونها الواسعه .. والانكسار بنبرة صوتها .. يحس بضعفها ومتاكد من تصنعها لهالقوه الي هيا اساسا ماتنتمي لها ؟!
ابتسم بأمل وهوا يناظر عيونها : ايش ابغه منك ؟! محتاجك يافرح والله محتاجك ..
فرح ضحكت باستهزاء ولفت وجهها ...
سامي نزل عيونه للارض ورجع رفعهم : تدري اني بدونك ماني عايش ..
فرح بمكابره : عساك تموت جد وتريحنا ..
سامي بقهر : ليه كل هالحقد بقلبك هاه ؟ انا ايش مسويلك يافرح ..
فرح وهيا مكتفه يدينها ولافه ظهرها عليه .. قالت ودموعها متحجره مستحيل تنزل قدامه : كل هادا وماتعرف ايش سويت ؟!
ماتعرف انك قتلتني وانا حيه .. سرقت كل لحظات فرحي .. عيشتني بهم وحزن وعذاب ..
سامي وقلبه عوره عليها : وماتدري اني كنت مجبور اعمل كدا ؟ ماتدري اني اخدت بحقي وحق اخويا مو اكثر ؟!
ماتعرفي اني فارقت توأم روحي وصاير وحيد بدنيتي من بعد سالم وبعدك ؟!
فرح زفرت بانزعاج ولسه معطيته ظهرها : خلاص اسكت وابعد من هنا الله يفقدك كل غالي عندك مابغه اشوف وجهك تاني حتى لو بالصدفه ..
سامي ضحك باستهزاء على حظه وعلى حياته : انتي كل غلاي بس ماتخيلتك قاسيه لهالدرجه ...... الله يسامحك و..........
قطع كلامه صوت واضح وقريب من عندهم مبين فيه الصدمه والتفاجأ : سامي ؟!
التفت سامي للصوت وفتح عيونه على اخر حد وهو يتأمل الشخص الي قدامه ........... يالله رفيق الدرب وصديق الطفووله ؟!
معقوله اشوفه بعد كل هالايام .. متى رجع من السفر وايش سوى وكيف نتيجته ؟!
فهد باحتقار : فرح ايش تسوي مع هالاشكال ..
فرح متضايقه حدها ماردت عليه ومشت من جنبهم والقهر ماليها ..
سامي : هه هالاشكال يافهد ؟! انا صرت اشكال ياولد عمي ؟!
فهد طالعه من فوق لتحت : ماني ولد عمك ولا ليا صله فيك يا .... ياحقير ..!
تركه ومشي وخلاه في صدمه ..
** سامي في نفسه **
معقوله كل هالحقد شايلنو في قلبكم ياعيال العم ؟!
معقوله قاسيين قد كدا ؟!
يارب رحمتك ولطفك .. لو يدروا قد ايش محتاجهم بهاللحظات من حياتي .. بس لا ..
مو انا الي احتاج لهم ولا يهموني .. << من ورى قلبه طبعا ..

مابين بعينك على كثر ماجاك ..
لا واحسافه ليتني ماعطيتك ..
تخطي وأعذررك .. وأتحمل خطاياك ..
هويت غلطاتك كثر ماهويتك ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ; ;;;;;;;;;

وفي نفس المدينه " جده " ..

طلعت من الجامعه متضايقه .. تمنت لو انها قدرت تجيب معدل اعلى من كدا وتقدير يرفع راس اهلها فيها ..
كل سنه كانت من المتفوقات وبامتياز .. بس هالسنه ظروفها صعبه كثير .. كل شي حولها مايشجع انها تدرس او تهتم ..
"جيد " مو هذا الي كانت تطمح له .. ماكانت ترضى بأقل من الامتياز بس مشاكلها من بعد ارادة الله هيا الي أثرت في نفسيتها وخلتها تهمل دراستها ..

تنهدت في نفسها ..
ميار بصوت واطي : الحمد الله على كل حال ..
فتحت باب السياره ودوبها بتدخل بس صوت صاحبتها وقفها : ميوووووري ..
ميار لفت عليها بابتسامه : اهليييين ..
ريما بارتباك : سووري حبيبتي عطلتك بس حابه اطلب منك خدمه ..
ميار : اكيد قلبي اتفضلي ..
ريما : اممم ممكن توصليني بطريقك اذا مافيه تكلفه عليكي بابا مايقدر يجي ياخذني ..
ميار برحابة صدر : اكيد حبيبتي اتفضلي ..
ريما : مشكووره ..
ركبوا السياره وتوجهوا لعنوان " ريما " ..
وخلال ال 10 دقايق حقت الطريق وصلوا لعماره صغيره وشوارعها ضيقه .. وحالها يرثى لها ..
ريما وهيا تمثل الاحراج : اسفه دخلتكم لهالمنطقه بس الحال ع القد ..
ميار ابتسمت وهيا حدها مستغربه : لا حبيبتي مو مشكله ..
ريما : يلا قلبي مرره مشكوره اشوفك على خير
ميار : لا شكر على واجب الله معاكي ..
طلعت ريما وهيا مبتسمه بخبث >> قربت نهايتك ياقمر << ..
ميار في السياره متفاجأه ومو مصدقه >> دحين هنا تسكن ريما ؟! واللبس والشياكه والماركات والبارتي الي بتسويه .. معقوله هنا بيتها ماأأأأأأأأصدق ؟! <<

^^ إن كيدهن عظيم ^^ ..

رجعت ع المستشفى .. عشان تتطمن على اختها وبطريقها تاخذ امها الي صارلها كم يوم قاعده مع مها ومارضت تتركها مع انو ممنوع عليها تقعد معاها ؟!

نزلت للمستشفى الواسعه .. وطلعت للطابق ال 6 ..
مشت بالأسياب بس وقفتها صورة امها وهي جالسه على كراسي الانتظار وتبكي بصمت ..
قربت لعندها وحبت راسها : كيفك ماما ؟
ام سامي بصعوبه : بخير حبيبتي ... متى جيتي ؟
ميار جلست جنبها وبابتسامه هاديه : دوبني رجعت من الجامعه وجيت على طول .... قوليلي كيف مها ؟!
ام سامي هزت راسها بحزن وهي تبكي بصوت مرتفع : مايخلووني اشوفها منعوأ الزياره خلاص ..
ميار ضمت امها : خلاص امي اهدي ..
ام سامي باعتراض ودموعها على وجهها : كيف مايخلوني اشوف بنتي .. كل اسبوع مره بسس ؟!!!!!!
حرام عليهم ليه يسووا فيا كدا لييييييييه ؟!
ميار بحزن : خلاص ماما هادي شروط المستشفى ولازم نلتزم فيها وبعدين كدا احسن لها تتعالج بسرعه وبعيد عن اي ظغوط ومؤثرات خارجيه ..
ام سامي : اي مؤثرات واي خرابيط ابغه اشووف بنتي ابغه اقعد معاها ..
ميار : ياماما مايسير خلاص خلينا نرجع البيت وتشوفيها وقت تاني ان شاء الله واي وقت تقدري تتصلي ع المشفى ويطمنووكي عليها ..
ام سامي باصرار : بشووف بنتي ..
ميار تنهدت : الله يهديكي ياماما محايخلوكي يلا قومي ارتاحي ونجيها بعد كم يوم تكون اتحسنت شويه وقبلت العلاج ..
ام سامي تبكي ........
ميار وهيا توقف وتحاول تقوم امها معاها : يلا حبيبتي خلينا نمشي مها مافيها الا العافيه بس يحتاجلها وقت الين يروح السم من جسمها وتتعافى يلا ماما قومي ..
قامت ام سامي بقلة حيله .. ورجعوا للبيت حاملين معاهم همومهم والامهم وخوفهم على دلووعتهم " مها " ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;


تسند ع الكنبه وهوا مكتف ايدينه ويفكر >> معقوله كل هذا فيك يافيصل << ..
فيصل : هاه ارتحت برد قلبك ؟!
رائد ابتسم وقال بثقه : لسه عندك وقت وتقدر تصلح كل شييي ..
فيصل بعدم اهتمام : والي يسلمك قفل ع السيره مافيه شي بيمنع هالزواج الا موتي او مووتها ..
رائد : لا تصير ضعيف يافيصل وقوي ايمانك بالله وتحرك ..
فيصل : وش اسووي طيب علمني خلاص زهقت ..
رائد بمكر : الحل عندي ياخوي واذا مانفع عندي ثاني وثالث بعد ..
فيصل حس ببصيص أمل يشتعل بداخله ..

::

قاعده بالصاله مع أمها وأختها .. منشغلين بمتابعة المسلسل " عررس الدم " ..
غلا بقهر : الحقيييير ليه يسوي فيها كذا ..
ام غرام : وانتي وش عليك فيهم قومي لمذاكرتك ابرك ..
غلا : اف زهقت يمه باقي اسبوع كامل ..
ام غرام : شدي حيلك حبيبتي عسى الله يوفقك ان شاء الله ..
غلا من قلب : امممممممممممين ..
ام غرام ناظرت في غرام الي ماسكه جوالها وتلعب فيه : وانتي يايمه وش مقعدك هنا ؟!
غرام التفتت ببرود : انا ؟
ام غرام : ايه حبيبتي ورى مارحتي تكملين اغراضك ..
غرام : انتظر " نهال " بنت خالتي بنطلع سوى ..
غلا في نفسها >> ياكرهي لك انتي وبنت خالتك مغروورات وثقيلات طينه << ..
ام غرام : زين حبيبتي عجلي بأغراضك مابقى ع الملكه شي ..( طالعت في غلا بابتسامه حلوه ) وانتي بعد ركزي وانجحي عشان وراك حووسه ومابيمديك تسوين شي ..
غلا بخجل وهي تتنهد : الله يعييييييين يمه ..
ام غرام بحنان : والله ماني مصدقه اني بشوفكم عرايس بليله وحده الله يسعدكم ويوفقكم يارب ولا يحرمني منكم ..
غرام + غلا : امين ..
غلا بحماس قعدت جنب اختها : ماوريتيني فستان الملكه وش لوونه ؟!
غرام : مالك دخل وبعدين انا بسويه سبرايز حتى امي ماشافته ..
غلا : باللهِ ؟ هذي ملكه مو حفله عاديه عشان يصير سبرايز يمكن مو مناسبك او فيه شي نقولك عليه لازم تاخذين رايي امي ..
غرام بثقه : لا حلو ويجنن علي وبتشوفين وقتها ..
غلا ماعطتها اهميه ولفت على امها : وانا يمه مابعد سويت شي ولا شريت الفستان ؟!
ام غرام : لا لا تشيلين هم خالاتك باكر جايين ومعاهم الكتالوجات والي تأمرين عليه بيصير ..
غلا حبت راس امها بقووه : فديييييتك ياحلى ام بالدنيا ..
غرام بغيره : حتى فستاني ماسالتيني من وين جبته ولا حتى لونه ولا شي ..
ام غرام بابتسامه حنونه : يايمه جيتك وسالتك بس انتي رفضتي نسيتي ؟ وقلتي بتسوينها مفاجاه وانا ماحبيت اضايقك ولا الود ودي اشوفك بفستان ملكتك وافرح فيك ..
غرام ابتسمت : الله يخليكي لي يمه ..

دق جوالها رفعته وطالعت الشاشه باستغراب.. ابتسمت وطلعت من الصاله على طول عشان ترد ..
غلا : ههههههههه حبيب القلب ..
ام غرام : ههههه الله لا يحرمهم من بعض ويسعدهم طول العمر ان شاء الله ..

ردت مستغربه اتصاله .. اول مره بحياته يفكر يكلمها وهي مسجله رقمه من ايام الخطووبه ؟!!!!
عسى ماشر ان شاء الله يارب اسسستر ..

قالت وقلبها يدق بعنف : الووو ..
بصوت هادئ جدا : السلام عليكم ..
غرام : وعليكم السلام ؟؟
فيصل بتردد : شلونك غرام ؟
غرام : بخير وانت شلونك ؟
فيصل : الحمد الله .. اقوولك ..
غرام بتردد : قول ؟!
فيصل مرتبك ويطالع في رائد مو عارف ينفذ الخطه ولا يتراجع ..
رائد دزه وقال بهمس : انطق وش فيك ..
فيصل تنحنح وتحول صوته لجديه : وش عندك اليوم ؟!
غرام : اممم بروح مع بنت خالتي للسوق ..
فيصل بأمر : زين اعتذري منها انا لازم اشوفك ضروري ..
غرام استغربت وفي نفس الوقت تضايقت من لهجته الي يامرها فيها قالت بجديه وغرور مثله : اسفه مشوار ضروري مايتأجل ..
فيصل : وش ذا الشي المهم الي ماتقدرين تتاخرين عنه ؟!
غرام : شي خاص ..
فيصل باستهزاء : ههههه خاص ؟! اقول حبيبتي اشوفك اليوم يعني اشوفك ..
غرام والحيره بدأت تقتحمها : ليه عسى ماشر ؟
فيصل : فيه موضوع ضروري ابي اكلمك فيه ..
غرام بتردد: اوكي ... وين اشوفك ؟
فيصل : انتظرك بكوستا كوفي ..
غرام : الي وين ؟
فيصل : اممممم تعالي الي بغرناطه ... الساعه 8 يلا سلام ..
سكر بدون لا يسمع ردها وهو مو مقتنع بلي يسويه ..
لف على رائد : ياخي ماتوقع بينفع
رائد : صدقني مافيه طريقه غير كذا ..
فيصل بتردد : بس سمعة البنت وبعدين شلون ببرر لهلي الموقف ؟!
رائد : اف اسمع كلامي انا ماراح اسوي فيها شي بنت عمك بمكانة اختي .. بس الي عليك انك تمثل هالتمثيليه وكل شي بيمشي اوكي ..
فيصل : طيب واذا صار .. وعلمت اهلي كيف بيكون موقف اهلها منها وسمعتها ب ........
قاطعه رائد : هذا شي راجعلك ولذهانتك انت تعرف شلون تدبرها ..
فيصل تأفف ووقف : الله يكون بالعون يلا نمشي ..
رائد : تو الناس بدري اصبر شوي ..

طلعوا من البيت وهما مبسوطين ..
" كناري الحب " اخيرا إلتقى من بعد طوول غياب وفراق صعب على اثنينهم ..
نواف ابتسملها بسحر خاص فيه وهمس لها وهو يفتح لها باب السياره الخلفي : غطي وجهك لو سمحتي ..
جود انحرجت وماردت عليه كل الي سوته انها دخلت للسياره وسكرت الباب والتزززمت الصمت ..
حلا من ورى نقابها الي مبين عيونها الحاده والحلوه : وين بنرووح ..
نواف ابتسم ولف المرايا لجهة جود : محل ماتحب الغاليه ..
حلا بخبث : امممم اي غاليه فيهم ..
جود تضيع احراجها الي قبل شويه : انا اكيييد ..
حلا : هههههه طيب ياثقه .. وين بتودينا ..
جود : امممم وش رايكم نروح لكوفي ولا .......
نواف : انا عن نفسي مو جوعان انتو مادري ..
حلا : امممم ولا انا فطرت متأخر ..
جود : خلاص اجل نروح لكووفي اوكي ..
نواف : اكيد ياقمر الي تامرين فيه بس .... اي كوفي ..
جود ابتسمت : الي تحب ..
نواف : اووووكي ..
حلا ابتسمت من قلبها على الي تشوفه وتسمعه ..
كيف ماحست من زمان انهم متيمين بحب بعض .. نظراتهم كلامهم همساتهم وابتساماتهم .. كل شي فيهم يعانق بعض بشوق وحب واخلاص ..
ناظرت جود بحب أخوي صادق >> الله يسسعدكم ويكتبلكم النصيب .. يارب يتوج حبكم بالزواج ولا يكون مصير هالحب مثلي انقتل بوحشيه قبل لا يشوف النور << ..

:::::::::::::::::::::::::::::::::::::::::::::::::: :

سحبها من ذراعها ولفها عليه بقوه : هادا ايش كان يسوي هنا هاه ايش قلك ؟
فرح وهي تبعد ايده عنها : سيبني مادري عنو شفتو بالصدفه ..
فهد تركها والغضب بين على وجهه : بالصدفه هاه ؟ ولا متفقه مع حبيب القلب ت...........
فرح قاطعته بصدمه : حبيب القلب ؟؟ مالقيت الا سامي تقول عنو كدا .. انتا الظاهر خرفت ( تركتو ومشيت للسياره ) دا الي ناقص ..
فهد معصب حده .. رفع صوته : فجوووره فدوووه يلا مشينا ..
ركبوا السياره والصمت عم المكان ..
فدوه باستغراب : اشبكم كانكم أمووات ..؟
فرح طالعت فيها بدون نفس ورجعت لفت ع الشباك ..
فجر حاسه بتوتر الجو بس ماهي عارفه ايش السبب .. شغلت المسجل ع السي دي الموجود جواته ..
وثواني وارتفع صوت المطرب بنبراته الهادئه والحزينه ..

والله فاضي جاي تحكيلي هموومك ..
وإنتَ تحسبني أنا من الهم فاضي ..
بس تدري شلون أنا ماراح ألوومك ..
محد(ن) في عيشته ياعمري راضي ..

دخلت كلماتها لقلب فرح مباشره .. اطلقت تنهيده من أعماقها المجروحه ..
فدوه : ههههههه سلامتك من الاه اشبك ..
فرح : ها لا ولا شي ..

وصلوا للمطعم ونزلوا بفرحه أقل من الفرح الي كان غامرهم بالأول .. وقل الحماس عندهم ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;

وقف سيارته قدام العماره المتوسطه بحجمها ..
نزل بسرعه ودخل من البوابه الكبيره ..
ظغط زر الأصنصير .. بس كل مايفتكر صوت نوف الخايف وهي تكلمه يحس انه فيها شي .. ترك الاصنصير وطلع يجري من الدرج .. طابق ورى طابق ليمن وصل للدور الي هيا فيه .. كان يناهج بصوره كبيره ..
دق الجرس على شقتها كذا مره ماحد يرد ؟!!
إلتفت لصوتها الجاي من الخلف : هنا مشعل تعال بسرعه ..
استغرب والشك دخل لنفسه قرب من عندها بسرعه واثار الركض باينه عليه من صدره الي يرتفع وينخفض بسرعه ملحوظه ..
مشعل نزل لمستواها : مين هادا ايش فيه ؟
عادل بخوف : ياعمي ابوي بيموت تكفى لحقه ع المستشفى ماني عارف وش اسوي ..
نوف : ايه مشعل والي يعافيك خلنا نوديه للمستشفىى الحين م......
مشعل قاطعهم وهوا يحاول يحمل الشايب على اكتافه .. رمى المفتاح على نوف : تعالي بسرعه شغلي السياره وانا جاي ..
نوف هزت راسها ونزلت وعادل لحقها ..
شغلوا السياره بسرعه وركبت نوف قدام وعادل ورى جنب أبوه الي مدده مشعل بطريقه مريحه ..
إنطلقوا للمستشفى بسررعه ..
مشعل : عادل حبيبي أبوك مريض من شي يعني كان تعبان يشتكي من شي ولا فجأه كدا ؟!
عادل بلع ريقه الناشف : ا... أبوي عنده القلب و.... وكثير يتعب بس هالمره ( طالع في ابوه الي زرق وجهه وماقدر يكمل كلامه وإستسلم للبكاء ) تكفى أسرع ابوي بيموت مالي غيره بالدنيا والله مالي غيره ..
مشعل حس بغصه في قلبه على شكل الولد المسكين ..
وبعد دقايق وصلوا للمستشفى ..
نزلت نوف مع عادل بسرعه .. وطلبت سرير متنقل ..
حطوه عليه وركضوا الممرضين فيه بالأسياب .. وعلى غرفة الإنعاش على طوول ..
عادل يفرك يدينه بارتباك ..
مشعل وهوا يجلس على كراسي الانتظار : عادل خلاص اهدأ ان شاء الله مافيه الا العافيه
عادل وهوا ماسك دموعه : لو يروح مني ........ انا راح انتحر ..
نوف ابتسمت بحزن : خلاص ادعي ربك ان شاء الله بيقوم بالسلامه لا تقول هالكلام ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;

وصلوا للكووفي .. وقفوا السياره قدام المحل ..
رائد : اسمع انت تنتظرني هنا وراح اعطيك رنه تجي على طول ..
فيصل هز راسه بعدم اقتناع : اووكي انزل بس ..
نزل رائد من السياره ودخل للكوفي والاصرار بعيوونه .. مافيه الا هالحل عشان ينقذ حياة صاحبه ولا يحرمه من حبه الأول والأخير ...
مرر اصابعه بين شعره الكثيف واخذ نفس وصار يدور بعيونه على اي احد .. الكوفي كان فاضي تقريبا .. بس لفت انتباهه صوت بنت قاعده بوحده من الطاولات والستار مغطي عليه : اف ليش تأخر ..
ابتسم بخبث وقرب لعند الطاوله بعد ماأعطى فيصل رنه ..
بققت عيونها وهي تشوفه داخل عليها بهالشكل .. وقفت بسرعه وقالت بخوف : خيرررر مين انت ..
رائد بابتسامه : انتي غرام ؟!
غرام بخوف : اطلع برىىى وش تبي مين انت ..
رائد : ههههه لا ياقلبي اجلسي خلينا نتفاهم ..
غرام جات بتطلع بس رائد مسكها بقوه ورماها ع الكنبه وجلس جنبها بالكنبه الثانيه والابتسامه شاقه حلقه : ورى ماتشيلين الغطوه ..؟
غرام نزلت دموعها ووقفت مره ثانيه بتطلع .. بس صقعت في جسم ضخم ..
حست بالخوف قاتلها اكيد جايب واحد من اصحابه وبيعملوا فيها شي ..
رفعت عيونها بسرعه لوجه الشاب ووووو .................

.
.

وفي هذا الووووقت ..
تضحك بصوت عالي : ههههههههه والله انك غبيه ..
حلا بقهر تنفض التراب من عبايتها : اسكتي بدال ماتقوليلي حمد الله ع السلامه يريته فيني ولا فيك تضحكين علي
جود : هههههه لا بس ههههه شكلك تحفه وانتي تنقلبين على وجهك ..
حلا بعصبيه : نواف شوفها ..
نواف طالع في جود الي تلثمت بخبث : وايش اشوف فيها قمر اسم الله عليها ..
حلا بنرفزه تبعد عنهم : زين خلك معها وياخشتك بدال ماتدافع عني و .............. اختفى صوتها وهي تبعد عن مكانهم ..
جود : هههههه الله يشفيها ..
نواف ابتسم : يلا وش فيك واقفه ..
جود هزت راسها ومشيت معاه لداخل الكوفي ..
راحوا للطاوله الي جلست فيها حلا ..
نواف : اممم هاه وش تبون ؟
حلا ماسكه المنيو : امم انا ابي كابتشينو ..
نواف ابتسم وطالع جود : وانتي يا ( قلبي ) قمر ..؟!
جود بدلع : جيبلي مثلك ..
حلا غمزت : حركتات جوجو مو هينه ..
جود دعست على رجلها من تحت الطاوله وقالت بهمس : انطططمي ..
حلا : ههههههه طيب ..
نواف في قلبه >> الله لا يحرمني منك يابعد عمري انتي والله احبك << ..
ابتسم وقام عن الطاوله ورايح للكاشير عشان يطلب ..
اتفاجأ ب فيصل معصب وبيطلع من المحل ..
نواف بصدمه : فييصل
فيصل لف عليه واتفاجأ هو الاخر بس مارد .. ناظر فيه بضيقه وطلع برى المحل على طوول ..
نواف >> وش فيه هذا عسى ماشرر ؟!!!!! <<

.
.

طلعت تجري من المحل متضايقه ودموعها على وجهها .. مظلوومه ومالها ذنب بأي شي ..
دخلت للسياره وهيا تبكي بصوت عالي >> حسبي الله عليك الله لا يوفقك لا دنيا ولا اخره .. والله ماعرفه ياناس حرام ليه يصير فيني كذا .. الحين فيصل بيعلم ابوي والله مالي ذنب والله ماعرفه <<
قالت بصوت مخنوق : روح على بيت خالتي فوزيه بسررررعه ..
غمضت عيونها وسندت راسها ع المقعده وشهقاتها متواصله ..
قلبها يدق بسرعه وخايفه من الي صار .. ايش بيسوي فيصل ؟!
بيقول لابوها ولا لاء ؟!
اكيد راح يفصخ الخطوبه ويهون عن الملكه ؟!
اكيد رسم صوره شينه بباله عنها ؟!
راح تصير فضيحه قدام اهلها كلهم وهيا ماسوت شي ولا تدري عن شي ؟؟

غرام في نفسها : يارب الطف بحالي يارب استر علي ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;

الخميس .. بعد يومين ..
الساعه 10:00 صباحا ..

دخلت للغرفه وشغلت اللمبات : نجوود نجوودووووه قومي يلا ماعندنا وقت ..
نجود تتقلب ع السرير : وش تبين ابي انام ..
نوره : قومي بسرعه راشد بيجي بعد ساعه بالكثير ..
نجود دق قلبها بعنف .. افتكرت انو اليوم سفرتهم ل " مكه " ..
نوره تسحب اللحاف عنها : يلا تحررررركي ..
نجود قعدت ع السرير وهي تفرك عيونها : زين قمت خلاص ..
نوره ابتسمت : يلا حبيبتي شناطك طلعتهم برى وخليتلك ملابس ع السرير البسيهم وتعالي واذا تحبين اساعدك او .....
قاطعتها نجود بعصبيه : مابي احد يساعدني اعرف اخدم نفسي ..
نوره بهدوء : اوكي ..
طلعت من الغرفه وراحت للصاله تقعد مع امها قبل لا تسافر ..
ام نوره بحزن : خلاص بتروحون يمه ..
نوره بابتسامه تهدي على امها : يمه كلها شهر بالكثير ونرجع انتي عارفه العمليه صعبه ويبيلها وقت وان شاء الله بنرجع بفايده الله كريم ..
ام نوره تتنهد : الله يوفقكم حبيبتي ..
دخلت عليهم ندى : السلام عليكم ..
الكل : وعليكم السلام ..
ندى جلست جنب اختها : الللللله يالدنيا الحين انتي بتروحين لالمانيا اييييييييييه والله مو هينه
نوره : هههههه الظروف ياحبيبتي ..
ندى هزت راسها : زين ليه ماخذتوني معكم ..
نوره : ههههه والله فشله عاد كلنا شايلين شناطنا وبنسافر وبعدين وش يقول عنا الرجال ذولي ماصدقوا..
ندى: اممم اوكي عاذرتك بشررررط
نوره : امري
ندى : تجيبلي هدايا زييييين ..
نوره : هههههه ياقلبي انتي من عيوني ..
ام نوره : وش بلاك يمه روحي للمطبخ يلا وخلي الهدايا بحالها ..
ندى : اوووف الحين مافيه غيري من بعد ماراحت نوف بس انا الي اشتغل ..
راحت للمطبخ ومادرت انها بكلامها .. حركت مشاعر الامومه والاشتياق بصدر امها ..
** ام نوره في نفسها **
اه ياني مشتاقتلك يابنيتي انا وش سويت فيك وفي نفسي .. صدق الشيطان شاطر ..
ياترى وينك الحين مع مين وش تسوين .. يارب ارحمها واستر على بنيتي وين ماكانت .. يارب سامحني ع الي سويته بلحظة غضب ..
يارب رجعها لي سالمه يارب ..

;;;;;;;;;;;;;;;;;;;;;;;;;;;;;;;;;;;;;;;;;;;;

في بيت ابو فيصل ..

الكل مجتمع على طاولة الطعام لوجبة الفطور ..
ماعدا كرسي واحد فاضي !!
أبو فيصل بجديه : وينه ؟
ام فيصل : مين هو ؟
ابو فيصل : ولدك فيصل مين بعد ؟
يارا : فصوول راقد ومايبي احد يقعده ..
ابو فيصل باستنكار : نعم ؟! اطلعي قعديه يلا ذا الي نقص بعد ..
ام فيصل بهدوء : يابو فيصل الولد تعبان مارجع الا الصب .........
قاطعها بحده : قلت ينزل يفطر يعني ينزل ..
عمر في نفسه >> وش ذي العيشه ياخي متى الواحد يعرس ويفتك << ..
يارا خافت : ان شاء الله يبه ..
وطلعت لغرفة فيصل بسسسسسسرعه ..
دقت الباب وماجاها رد قررت انها تدخل ..
لقته مستغرق في النوم وشخيره عالي .. قربت عنده ودزته : فيييصل فوووويصل ..
فيصل : همممممممم
يارا رفعت صوتها : قوم ابوي يبيك تحت والله معصب ..
فيصل فتح عيونه وتأفف : ياصباح الله خير وش يبي ؟
يارا : مادري يقول افطر معنا ..
فيصل : مابي يلا روحي وقفلي الباب معك ..
يارا : فييييصل والله لازم تنزل ..
فيصل صلح جلسته ع السرير وهو يمسح على وجهه : خلاص زين اطلعي ..
طلعت وبعد 5 دقايق الا هو نازلهم تحت ..
فيصل بدون نفس : السلام ..
الكل : وعليكم السلام ..
جلس على كرسيه وبدأ ياكل بدون لا ينطق ولا كلمه ..
لمياء دزته : شوي شوي بتاكل الصحن ..
فيصل طالع فيها بجديه وبهمس : الحين ابوي وش يبي مقعدني ؟
لمياء هزت كتوفها : مايبي شي بس انت تدري انه لازم نجتمع كلنا ع السفره ولا بتصير حرب عالميه..
فيصل تنهد وكمل فطووره ..

وبعد الفطور راحوا للصاله الكبيره الي بالدور السفلي وجلسوا كلهم ..
ام فيصل وهي تصب الشاهي : حبيبي بتروح الشركه اليوم ..
فيصل : لا يمه م..........
ابو فيصل : وليه ان شاء الله ؟
فيصل : يبه والله حدي تعبان وطفشان ..
ابو فيصل : مافيك الا كل خير تقوم الحين تبدل ثيابك وتلحقني على هناك
فيصل بقلة حيله : امرك يبه ..
وقف فيصل بيطلع لغرفته وأشر للمياء تلحقه ..
راحت وراه وهيا مستغربه ..
طلعوا لفوق ودخل غرفته واشرلها تدخل ..
لمياء : خير وش فيييك مسحبني وراك مثل الماعز ..
فيصل : ههههه اجلسي ..
جلسوا قبال بعض .. وبان الارتباك على وجه فيصل ..
لمياء : ياليل مطولك وش فيك ..
فيصل طالع فيها بجديه : لمو بقولك شي بأمانتك تساعديني فيه انا ماني عارف اتصرف ..<< طبعا تمثيل ..
لمياء باستغراب وحيره : قول ياخي وش فيك قلقتني ..
فيصل وبدا على وجهه الضيقه : غرام اقصد الي بتصير زوجتي ..
لمياء بقرف : وش فيها ؟
فيصل تنهد وقال بحقد : خاينه وحقيره ومابيها ..
لمياء بتفاجأ : فصوول وش تقول وش فيك ؟
فيصل وقف واعطاها ظهره : تبين الصدق يالمياء انا شفتها مديته مع واحد غريب الاخت وكاشته معه ولا هامها احد .. بذمتك هذي تصلح تصير زوجه لي ولا بضمنها بعد كذا ..
لمياء مصدومه : .....!!
فيصل بعصبيه : لموو شوفي انا ماراح اتزوجها ابيك تفهمينها هالشي والي يصير يصيييير ..
لمياء وقفت : انزين هدي اعصابك يمكن احد يقربلها او شي لا تظلمها
فيصل لف عليها : لا بربك .. انا سامعهم باذني احبك واموت فيك وززفت .. ( هدأ نفسه ) ابيك تروحين لها اليوم ..
لمياء بارتباك : وش اقولها ؟
فيصل جلس على طرف السرير : انا اقووولك .................

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;

" جده " ..
قاعده بغرفتها وطفشانه مووت ..
لها فتره تتمنى تجي لجده .. ولمن جاتها تحس بالضيقه والخنقه زياده ..
كل زاوية ببيتها وكل ذكرى فيها لها ماسي بقلب فررح ..
ياكثر أحزانها وياقلة فرحها ..
** في نفسها **
هه يقولو كل واحد ياخذ من اسمو نصيب .. ياحسره عليا .. قال فرح !!
اي فرح دا .. فينو عمري مادقتو ولا حسيت فيه .. ليه حياتي كدا نكد في نكد .. هم في هم .. ضيقه في ضيقه ..
مشكله ورى مشكله .. طول حياتي مبهوره بنفسي وبجمالي وبمركزي وباسم بابا ..
بس عمري ماحسيت اني مبسوطه بهالاشياء ؟
ليه ماأحس بقيمة الي عندي ليه احس كل الدنيا ضدي .. ليه محد معايا ليه محد يفهمني ..
اخ يازمن تعبت والله تعبت ..

" ياصغر الفرح في قلبي .. وياكبر الألم والاه ..
تغرب في زمن هالناس وزود ظلمهم بلواه ..
لأنه مختلف عنهم تبرأ من طبايعهم ..
وغرب في سما بلواه .."

اه كلماتك جات ملح على جرحي ياجسووم .. يارب صبرني على دي العيشه ..

.
.

وفي مكان تاني ..
مشغل الاستريو ومنسدح ع السرير يسمع كلمات الاغنيه بقلبه وبعقله وبرووحه .. يحس فيها ويعيشها ..

" وفا وباعوه أحبابه وزود غدرهم همه ..
وشرع للهوى بابه وأهدر لأجلهم دمه ..
ولكن للأسف هانت سنين العشره وشانت ..
قلوب بالجفا دنياه ..
صبر والصبر مافاده تحمل لوعة الحرمان ..
بدأ يرتاح وبعاده عذاب وغربته إنسان ..
يادنيا مالها صاحب غريبه صدقها كاذب ..
تجازي من وفا تنساه .."


اطلق تنهيده من قلبه ..
** في نفسه **
متى بتحني عليا وتعرفي اني امووت فيكي ولا تسوى حياتي بعدك ..
يارب حنن قلبها .. والله مشتاق لها ولأيامها .. احس بالموت كل دقيقه وهيا غايبه عني ..
..
مسك الصوره ويتأمل فيها وفي تفاصيلها .. فيها سحر .. مهما سوت فيها شي يجذب ..
غرورها كبريائها .. حنانها الي تخبيه ورى قسوتها ..
عيونها نظراتها ضحكاتها الخبيثه ..
دلعها ورقة احساسها رغم جفافها..
كله حلو .. كله يجذب ..



" ولا تسوى حياتي بعد منك ..
يحز في خاطري بالحيل إنك ..
قدرت تعيش كأنه ماحصل شي ..
وأنا توي أنا توي في نفس السالفه هي ..!! "

.
.

طق طقق طق << دقة الباب ..
فرح ترمي البوم الصور جنبها وتعدل جلستها ع السرير : ادخلل ..
دخل وهوا مبتسم : صباح الخير ياقمر ..
فرح بحب : هلا فرووسي تعال اجلس ..
جلس جنبها ع السرير : كيفك ؟
فرح : اممم تمام وانتا ؟
فراس تنهد : الحمد الله ع كل حال .. اقلك ..
فرح : امرني ..
فراس ابتسم بضيقه : ايش رايك نسافر .؟!
فرح بتعجب : نسافر ؟!
فراس : يب ..
فرح : فين ؟
فراس : امممم انا فكرت نروح لميونيخ ايش قلتي ؟
فرح باستنكار : المانيا ؟!
فراس : ايوا اشبك ؟
فرح : اممم ماعرف بس ليه يعني ؟
فراس : والله مادري بس لسه افكر ماسويت شي ..
فرح بتفكير : طيب ونوف ؟
فراس بلع ريقه وابتسم : اشبها نوف ؟
فرح : في الرياض تستناني ؟!
فراس : ولا يهمك ياقلبي نقعد في الرياض اسبوع ولا اتنين ونمشي على هناك ..
فرح : مادري والله .. طيب واخواتي بيروحوا ؟!
فراس : انا جيتك بالاول اخذ رايك واخواتك ماعليهم بالذات فدووش بتلاقيها قبلنا في المطار
فرح : هههههه على قولك .. انا ماعندي مانع بس بشرط نروح الرياض اول ؟
فراس ابتسم : ماطلبتي ياحلوه .. انا دحين رايح اكلم امي ونشوف ..
فرح هزت راسها بابتسامه : الله لا يحرمني منك ..
فراس : ولا منك .. يلا عن اذنك ..
طلع من الغرفه وهيا قعدت تفكر .. يمكن هالسفره تغير فيها جو وتنتعش نفسيتها ..
وخصوصا انها وافقت على سفرة مصر ..؟!
يعني الدراسه والكرف جايها فلازم تروح عن نفسها قبل لا تسافر للقاهره ..
ومنها تقضي صيف حلو مع اخواتها وامها وحبيبها واخوها فراس ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;

صحت من النوم على صوت مضاربه ..
صراخ وركض بالبيت .. ايش الي بيصير ..
طلعت ببجامتها وهيا بالقوه تفتح عيونها ..
شافت سعود متخبي بزاوية السيب وضامم نفسه ؟!
جود باستغراب قربت لعنده : سعودووه وش تسوي هنا وش فيه ؟
سعود ياشرلها تسكت : نلعب شرطي وحرامي ..
جود : هاه ؟!
سعود بهمس : اولاد الجيران دوبهم جو مع امهم وقاعدين نلعب ..
جود وقفت : حسبي الله وانا اقول ايش هالصراخ خرعتووني ..
سعود : طيب طيب اخر مره بس اسكتي عشان لا يكفشووني ..
جود بعناد قربت لعند الدرج وبصوت عالي : ترىىىى سعودوه متخبي هنا جنب الدرج هههههههه ..
سعود انقهر منها وغير مكانه بسرعه ..
دخلت لغرفتها وهيا تهز راسها : هههههه الله يشفيهم ..
غيرت ملابسها وقعدت ع السرير ومسكت التلفون ..
جود : الووووو ..
الطرف الثاني : هلا حياتي ..
جود : ههههههه كيفك ؟
حلا : بخير انتي اخبارك ؟
جود : تمام ياعسل .. هاه قوليلي ايش صار معكم ؟
حلا : امم خلاص قررنا ..
جود : وشو ؟
حلا : الخميس الجاي بعد اسبوع بنروح المزرعه .. عمي مصمم يجمعنا .. واحنا بنسوي البارتي يوم الاثنين ..
جود بتردد : وملكة اخوك ؟
حلا بغصه : ملكتهم السبت بعد البارتي ب5 ايام ..
جود بحزن : اها .. ( قالت بفرحه ) اييييه صح ماقلتيلي صممتي فستانك ؟
حلا ابتسمت : ايه الاسبوع الجاي بيكون جاهز .. ايه وكارتك عندي تحبين ارسلك هو ولا ؟
جود : لا لا ماله داعي بيوم البارتي عطيني اياه ..
حلا : اوكي ياقمر هم اثنين لك ولخالتي ..
جود ابتسمت : تسسلمين حبيبتي .. طيب رتبتوا للحفله ..
حلا : ايه والله بس باقي حايسين انا وماما وساره بنت عمي ماقصرت بعد ..
جود : اها طيب تبين اساعدك بشي ؟
حلا : لا لا مشكوره ماتقصرين .. امممم بس ابي اخذ رايك بشغلات ..
جود : وشوو ؟
حلا : تقدرين تجين ؟
جود : ايييييه اكيد وانا افوت هههههه
حلا : اوكي تعالي اليوم العصر اذا قدرتي ..
جود : من عيوووني ..
حلا : خلاص حبيبتي انتظرك .. وعلى فكره بنت عمي سارونه عندي ..
جود : اوكي باي ..

سكرت منها ورمت نفسها ع السرير بفرحه : من قدي بشوووفه اليووووم ..
رفعت ايدها وطالعت في الخاتم الالماس الناعم الي بإيدها .. باسته بلهفه وضمته لصدرها ..

"الخاتم هو هدية نواف لها بعيد ميلادها الي راح اذا تذكروون ^.^ "

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;

قاعده على الكرسي الاسود الطويل وتناظر الاسياب بطفش ..
اليوم مره فاضيه المستشفى على غير العاده ..
ابتسمت لصديقتها الي تشتغل معاها بالريسبشن : حصه الله يعافيك بروح شوي وراجعه ..
حصه : وين ؟
نوف : شوي مو اكثر من 5 دقايق اووكي ..
حصه : اوكي ..
اتجهت للاصنصير وطلعت للدور الي تبغاه ..
وهناك مشت بالاسياب محتاره .. الشايب حالته صعبه ..
والولد المسكين بالشقه لحاله وقلقان على ابوه ..
>> يارب استر عليه .. يارب اشفي ابوه وخليه له <<
رحمته كثير .. الولد شكله متعلق بابوه مرره .. وبالذات انه ماله ام ولا اخوان ولا احد ..
طلعت جوالها وقررت تدق على بيتهم تتطمن عليه وتطمنه على حالة ابوه المستقره ..
نوف : الوو اهلين عادل ..
عادل بخوف : هاه ياخاله وش صار ؟
نوف ابتسمت : لا تخاف ابوك بحاله مستقره وان شاء الله بيقوم بالسلامه..
عادل بتردد : زين .. ابي اجي المستشفى ..
نوف : لا مايصير خليك بالبيت ..
عادل : ليه ؟ اكيد ابوي فيه شي وماتبين تعلميني ..
نوف : لا لا حبيبي ابوك مافيه شي بس ماله داعي تجي للمستشفى لانك ماتقدر تكلمه..
عادل : لييييييه ؟
نوف : ابوك تعبان ومايقدر يتكلم الحين .. ومنومينه كم يوم الين تستقر حالته باذن الله ..
عادل بحزن : طيب
نوف : يلا حبيت اطمن عليك .. واذا احتجت لاي شي دق علي زين ؟
عادل : اوكي مع السلامه ..
نوف : الله يحفظك ..
خلصت مكالمتها وقربت من القزاز الكبير الي يطل على غرفة الشايب المريض وهو بالعنايه الفائقه ..
ابتسمت بحزن على حال الصبي ..
هي فقدت اهلها وهم عايشين تمرمطت ومدت ايدها للناس .. لكن هي كبيره ومسؤووله ..
بس ايش حال هالولد اذا فقد ابوه بالموت .. وماله احد غيره .. وهو صبي بأول مراهقته ولا يعرف في الدنيا شي ..
بتلعب فيه الحياه وبيظطر يعمل اي شي وباي طريقه عشان يقدر يعيش ..
>> يارب احفظه واحميه ولا تحرمه من ابوه مثل مانحرمت من اهلي << ..
فاقت من سرحانها ودموعها الي كانت راح تنزل ,, على صوت تحبه وترتاحله كثيير ..
وتخاف منه وتخشاه بنفس الووقت ..
قال من وراها بصوت هادي : كثير اشوفك واقفه هنا وتتأملين فيه ؟ يصيرلك ؟
نوف ابتسمت وهيا معطيته ظهرها : لا بس جارنا ..
احمد ابتسم : اها .. الله يقومه بالسلامه ..
نوف لفت عليه : الله يسلمك ..
احمد وهو يلعب بالقلم الي بايده : وش عندك الحين ؟
نوف : اممم بنزل اكمل شغلي بس جيت اتطمن على العم ....
احمد : انزين اتركي عنك الشغل وتعالي لمكتبي ابيك بموضوع مهم ..
نوف بخوف : ان شاء الله ..
احمد وهوا يروح عنها .. التفت لها وغمزلها برقه : انتظرك ..
نوف دق قلبها بسرعه مجنوونه .. >> ياويلي منه بيجنني عذاب ياناس فديت هالطول وهالحلا << ..
راحت بسرعه للحمامات " وانتو بكرامه " .. وعدلت نقابها ورتبت شكلها ..
توجهت لمكتبه الي بالدور السفلي وهي تتنحنح وتعدل صوتها ..
طق طققق طقطق << تدق الباب ..
أحمد بابتسامه جريئه : تفضلي ..
دخلت نوف بهدوووء تام .. سكرت الباب وراها وتقدمت لعند المكتب : هلا دكتور امر ..
احمد باستنكار : له له له كم مره اقولك دكتور بلاشي منها ..
نوف ابتسمت ونزلت راسها : معليش دكتور احنا بمكان شغل و .....
احمد : باي مكان انا اسمي احمد وبس اووكي .. ولا بزعل منك ترىى ..
نوف ابتسمت : خلاص ان شاء الله ..
احمد : اتفضلي استريحي .. وش حابه تشربين ؟
نوف : ولا شي دكت.... اقصد احم..د ..
احمد بخبث : اول مره ادري انه اسمي حلو لهالدرجه ..
نوف بخجل : عاشت الاسامي ..
احمد تنهد : تعيش ايامك ..... نوف مستعده تسمعيني ؟
نوف بقلق : اتفضل ..
احمد : ابيك تسمعيني من اول حرف لاخر حرف بدون ماتقاطعيني واذا خلصت لكي الحرية التامه في قرارك .. وصدقيني اي شي تامرين عليه بيصير وبدون لا يكون له علاقه بالشغل ووظيفتك بتتم على حالها سواء وافقتي او رفضتي ..
نوف بدا يبان عليها الارتباك والقلق .. اكيد السالفه كبيره يارب استر ..
نوف بصوت يرتجف وريق ناشف : اتفضل اسمعك ..
رائد : هاه فيصل وش صار معك ؟
فيصل : خلاص كل شي اوكي ..
رائد : وش سويت ؟
فيصل : كلمت اختي وهي بتروح تتفاهم معها ..
رائد بمكر : ممتاز ..
فيصل بطفش : مابقى الا تلزقلي نجمه بجبهتي وش ممتاز وماممتاز بمدرسه حنا ؟
رائد : خخخخخ ايه صح تعال ..
فيصل : وشو ؟
رائد : وش لي اذا ظبط الموضوع ..
فيصل : وش لك يعني .. الي يسمع يقول مسوي معجزه ..
رائد : افا فويصل كذا رد الجميل عندك مقبوله وانا اخوك ..
فيصل ابتسم : ولا يهمك ياخوي والله ماني ناسيها لك والي تامر فيه انا حاضر بس خلي السالفه تعدي على خير ..
رائد : افا انا رئوود خويك من الابتدائيه تذكر خخخخخ ..
فيصل : هههههههه ادري ياحلو عشرة عمر ومابيننا ذا الحكي بس حبيت اسايرك ..
رائد : هههههههه اووكي .. علمني وش يصير معك اول بأول ..
فيصل : ان شاء الله ..
رائد : يلا انا عندي كم مشوار اكلمك بعدين ..
فيصل : على خير .. مع السلامه ..

قفل رائد جواله واخذ مفتاح سيارته وانطلق للمكان الي في باله .. وهو مقرر ينهي الموضوع ويقفل عليه للأبد ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;

ع الساعه 12:00 الظهر ..

اندق باب البيت الصغير ..
طلعت من غرفتها وقلبها مو موقف دق .. رتبت شعرها الاسود الطويل قدام المرايا الوحيده على ذاك الجدار ..
عدلت بلوزتها على التنوره الجينز الميدي .. وراحت تجري للباب ..
بهدوء : مين ؟
خلف الباب : انا راشد ..
نوره بلعت ريقها وفتحت الباب بهدوء ..
دخل راشد لأول مره لدا البيت .. في البدايه كان قرفان من الشارع والمنطقه بس بالنهايه هنا تسكن زوجته ولازم يرضى بهالشي ..
طالع في ارجاء البيت بامتغاض .. صحاه صوتها الناعم : اتفضل ..
دوبه ينتبه للي فتحت له الباب .. لف عليها وعلى وجهه علامة استفهام ؟!!!!!
اكيد هذي نوره .. ايوا هيا .. ؟
شافها قبل كدا في المستشفى لكن مو بهالصوره ولا بهالجمال ..
وجهها طويل وابيض .. وعيونها ماخذه مساحه واسعه بسواد الليل ..
حواجبها محددتها لفوق .. خشمها فيه ميله للجنب شويه وشفايفها بارزه بغرور ..
شعرها اسود ليلي لنص ظهرها .. مع لبسها البسيط الا انها حوريه في الجمال ..
سرح فيها ومادرى عن الدنيا ..
انحرجت منه ونزلت راسها بخجل ..
جاهم صوت ام نوره من بعيد : نوره يمه منووو ؟
نوره مو راضي يطلع منها الصووت ..
راشد حس فيها .. ابتسم ولف وجهه عنها : انا ياخالتي ..
ام نوره تقدمت لعنده وابتسامتها ارتسمت واسعه على محياها : هلا والله وليدي اتفضل حياك ..
راشد تقدم لعندها وسلم على راسها ومن بعدها دخلته للصاله وجلسته على الكنبه الي اكل عليها الزمن ..
ام نوره باحراج : ادري ياوليدي ماهو مقامك لكن انت ادرى بالحال
راشد بابتسامه مريحه : ماعليكي ياخالتي انتو ع العين والراس
ام نوره : الله يسلمك ياوليدي ..
راشد يدور بعيونه على نوره يتمنى يشوفها مره تانيه : اقول خالتي الطياره بتفوتنا فين البنات ؟
قاطعهم دخول نوره شايله تيبسي فيه عصير .. قربت لعند راشد وابتسمت : تفضل ..
راشد مد ايده واخذ الكاسه .. قال بهدوء : تسلم ايدك ..
نوره : الله يسلمك .. ( حطت التيبسي ع الطاوله ) يلا ثواني وبنجهز ..
هز راسه وشرب من العصير ..
طلعوا بعد دقايق من الغرفه .. نجود بعبايتها وطرحتها .. ونوف لابسه العبايه والطرحه على كتوفها وتطلع الشنط لعند الباب ..
وقف راشد بسرعه وراح لعندها : خليها عنك انا بوديها ..
نوره ابتسمت : لا ماله داعي اتعبك انا ب ...
قاطعتها حركته الجريئه حط ايده على ايدها الي ع الشنطه ومسكها بقوه .. طالع فيها وابتسم : عادي نتعاون سوى ..
نوره انحرجت وسحبت يدها بسرعه ..
طلع راشد الشنط للسياره ورجع دخل للبيت ..
وقفته نوره بهمس : راشد لا تنسى ..
راشد غمزلها : لا تخافي ماني ناسي ..
نوره تشبك اصابعها في بعض وتفكهم بقلق : بعد ماتقلع الطياره بنقولها ..
راشد : طيب لا تشيلي هم ويلا نمشي لا تفوتنا الرحله ..

;;;;;;;;;;;;;;;;;;;;;;;;;;;;;;;;;;;;;;;;;;;;;;

في بيت مشعل ..
رجع من الدوام تعبان وهلكان ..
نادى ع الشغاله تسويله أكل وبعدها طلع لغرفته وقبل مايدخلها مر على اخواته يتطمن عليهم ..

طققق طققق طق << باب غرفة مي ..
مشعل من ورى الباب : ممكن ادخل ياحلووووه ..
انفتح الباب وطلعتله مي بجسمها الصغير وهي لابسه بجامتها البمبيه وشعرها منكووش : ايش تبغه ؟
مشعل شالها وباسها بقوه : ياقلبي انتي دحين ادق عليكي الباب ابغه العب معاكي تقولي ايش تبغه ؟
مي حطت راسها على كتفه : كنت نايمه ..
مشعل : اها امممم طيب يانسه ميوويه اسفين ع الازعاج بس خلاص الوقت اتأخر ..
مي تنزل بالقوه : طيب وخر خلاص ابغه انام
مشعل كان بيتكلم بس سكرت الباب في وجهه : حتى البزوره طلعلهم لسان والله زمن ..
فكر يروح لغرفة ملاك بس اتراجع >> اه اكيد بلاقيها على نفس حالتها يارب طلعها من الي هيا فيه تعبتني معاها والله تعبت ماني عارف ايش اسويلها مو كفايه الهم الي فيني هيا تزيدو عليا انا محتاجها توقف بجنبي وتخفف عني بس اه الشكوى لله << ..

دخل لغرفته ودق على نوف يتطمن عليها وعلى حالة الشايب ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;;;

" جده " ..

أم فايز وهي توقف : موافقه لكن بشررط ..
فراس بهدوء : اتفضلي يامي ..
ام فايز لفت عليه وطالعته بحده : اول ماترجع تكون ملكتك على ملاك ..
فراس بضيقه : امي الله يخليكي ا..........
قاطعته : هادا كلامي ماعندي غيرو ..
فراس تنهد : خلاص ان شاء الله انتي اعطيني فرصه اروق وافكر مزبوط ..
ام فايز بعدم اهتمام : خد وقتك في التفكير لانو الي بيصير معرووف ..
فراس بدون نفس : اوكي انا رايح احجز دحين راح تجي معانا ؟
ام فايز : ايوا احجزلي ع الرياض بقعد هناك مع اولاد اختي وانتو تتوكلو محل ماتبغوا ..
فراس ابتسم : من عيوني يامي ..
طلع من الغرفه واتوجه لغرفة أخته الصغيره دلووعة الكل " فدوه " ..
دق الباب بهدوء ودخل بعد ماسمع ردها ..
شافها قاعده ع السرير وماسكه كتاب الكيمياء والاوراق والدفاتر حايسه الغرفه من حولها ..
ابتسم وجلس قدامها ع السرير : الله يوفقك شدي حيلك ..
فدوه رفعت راسها وهيا تسمع لنفسها الي حفظتو : كلور وماغنيسيوم يعطينا ا ...........
فراس : ههههههه طيب يامجتهده سيبي الي في يدك شويه واسمعيني ..
فدوه بدلع : امر ..
فراس ابتسم وقالها كل شي ..
فدوه بفرح : واو اكيد بجي ولا ايش على بالكم..
فراس : اووكي ابغاكي تكلمي فاتنه في هالموضوع ورديلي خبر ..
فدوه باستغراب : وليه ماتكلمها انتا ؟
فراس : انتي عارفه علاقتي فيها مره ضعيفه وانتي اقربلها يعني ..
فدوه ابتسمت : من عيوني ..
ماصدقت خرج فراس من هنا وهيا راحت تجري على غرفة فاتنه من هنا ..
قالتلها الحكايه كلها ..
فاتنه بدون نفس : لا قلبي مني رايحه ..
فدوه : يوووه وليه ان شاء الله ..
فاتنه : بكيفي مابغه اروح ..
فدوه : اصلا كلنا رايحين وماما جايه بس حتقعد في الرياض يعني بتجلسي لحالك ؟
فاتنه ابتسمت بارتباك : وحتى فهد رايح ؟
فدوه : امممم ماعرفش واللهي ..
فاتنه >> يارب يروح عشان انفذ خطتي بكل راحتي << ..
فدوه : هييييه فينك ؟
فاتنه ترجع نظرها للكتاب : ولا شي خلاص مابغه اروح يلا لو سمحتي ابغه ازاكر ..
فدوه تأففت : ياربي منك كئيبه كئيبه كئيبه بشكل فظيييييييع ..
فاتنه بدون نفس : طيب طيب روحي ياأم كرش ..
فدوه انقهرت وخرجت من الغرفه معصبه ..



;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;

قاعده بمكانها وتطالع في الي رايح والي جاي .. بخوف وارتباك ..
تفكر في كلامه ؟ هذا من جده يتكلم ؟
كيف يقول كذا وكيف فكر كذا اساسا ؟
معقوله يحبني ؟
بس انا وين وهو وووووين ؟
مايصير لا لا اكيد فيه غلط .. ياربي ماني مصدقه الي يصير معي ..
الدكتور أحمد يطلبني انا ؟؟ للزواج !!
مو معقووول وش فيه خررف ولا استخف ؟
فكرت بعقلانيه اكثر .. وليش لاء ؟
وش فيني عشان مانخطب مثل بنات الناس .. الفقر ماهو عيب ؟!
تذكرت شي وتحولت ملامحها كلها ؟!!!
بس شلوون ؟ وزوجته وعياله ؟
معقوله بعد كل هالمده اكتشف انه متزوج لا وبعد يبيني زوجه ثانيه له ؟
ياربي وش الي قاعد يصير ..
انا مستحيل اوافق ............ طيب ليش لاء ؟
بس لانه مو من ثوبي ........
انا مو ناقصني شي عشان اقول كذا ؟ بالعكس فيني مواصفات حلوه .. يعني اذا ربي كاتب لي اكون فقيره بتم عانس طول عمري ؟
لكن شلون بقدر اعيش معه واتاقلم على وضعه ؟
لا لا مستحيل راح اكون زوجه ثانيه ؟
اكيد راح اتبهدل واذوق الويل ..
صحححححح وبعدين بوجهي قاعده اقرر من نفسي نسيت انه لي اهل .. ومتبريين مني بعد يعني انسى الموضوع كلش ..
اصلا انا حظي من يومه منحووس ..
** صرخت في داخلها **
خلاص ماني قادره افكررر ..

..
الافكار متضاربه بداخلها وترددها وخوفها كبير ..
ونصيبها مكتوب ومقدر .. والله اعلم ؟!

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;

في مكان ثاني بالمره .. ودنيا أخرى ..
قاعد ع الكنبه قدام التلفزيون ورافع الصوت ع الاخر ..
طفشان واليوم عنده اوووف ..
فكر ينزل يفتح البقاله ويبدأ شغله بس مكسل مرره ..
سمع صوتها جاي من المطبخ : مالك يابني خفض ع الصوت لحسن الجيران يبهدلوونا ..
الشاب بلهجه مصريه بس واضح انها مو اصله : حاضر ياستي ..
طلعت من المطبخ وبايدها عصير مدته له وابتسمت : الف صحى وهنى ياحبيبي ..
الشاب ابتسم : الله يعافيكي ..
المرأه المسنه : مش حتنزل للشغل النهار ده ؟
الشاب : يوووه ياحجه والله مالي خلق ومكسل حدي ..
المرأه : ئووم مش نائصه دلعك يابني الشغل مايستناش حضرتك تفوئ وترووئ ..
الشاب حط العصير ع الطاوله ووقف بملل : عشانك ياست الكل وبعدين خلي ولدك رمزي يجي يساعدني بدال ماهو هايت بالشوارع ..
المرأه : حاضر ماتشغلش بالك رمزي مش حيتأخر واول ماييجي حأرسلو عليك على طول ..
الشاب باس راسها وابتسم : يلا تامريني شي ؟
المرأه : سلامتك ياحبيبي ..
نزل من العماره الضيقه بالدرج الصغير والمظلم وهو مهرول في خطواته ..

!!
!

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;

في المطار ..
واقفين بالطابور عند باب الطياره .. وهي قلبها يدق بقووه ..
خايفه كثير .. بتواجه ربها في بيته المقدس الطاهر بعد كل الي سوته والمعاصي والكبائر الي ارتكتبها ..
هي زانيه ؟! وماينظف دمها ولا تاخذ حقها الا بالررررجم حتى تمووت ..
لكن الله غفور رحيم .. مسامح رؤووف ..
خانتها دموعها ونزلت بصصمت ..
خلاص تبغه تتوب وماراح ترجع للرياض مره ثانيه الا وهي انسانه ثانيه .. خاليه من اي ذنب .. انسانه طاهره شريفه تخاف ربها !!
بس كيف وهي ألف من لمسها وألف من تلوث جسمها بمخالطتهم ..
وألف وألف وألف ....................؟!

صحاها صوت اختها : يلا نجود امشي ..
تقدمت لبوابة الطياره ودخلت وقلبها يلهج بالدعاء وبالذات انها أول مره تسافر فيها على متن طائره ؟!!
راشد ابتسملهم : يلا تقدموا ..
دخلوا للطياره .. ونجود متمسكه في ايد اختها الي تدلها ع الطريق ..
جلسوا في مقاعدهم .. 3 بجنب بعض .. نجود عند الشباك وبعدها نوره وبعدها راشد ؟!
اما نجود ف من يوم ماقعدت حست بخنقه وضيقه .. يالله قديش تمنت تركب طياره او حتى تشوفها من الداخل كيف شكلها مثل مايجيبوها بالافلام ولا تختلف ؟!
ولمن ركبتها .. ركبتها ضريره ماتشوف .. مسافره لبلاد الله .. لأول مره بتاخذ عمره وتزور بيت الله
..
وبرضوو ماراح تشووف .. الزمن ضدها .. وكل شي حولها ظلام وسواد .. عايشه في خوف ورررعب ..
تخاف لوحدها .. تحس حالها وحيده في هالظلمه .. مامعها احد مافيه ناس !!
تذكرت بهالوقت ظلمات أشد من الي تحس فيها دحين .. ظلمات القبررر وعذابه ..
تنهدت من قلبها >> يارب ارحمني يارب اغفرلي وتوب علي يارحيم ياغفوووور << ..

;;;;;;;;;;;;;;;;;;;;;;;;;;;;;;;;;;;;;;

دخلت لبيت عمتها وهي تحاول تجمع افكارها وترتب الكلام الي بتقولو ل " غرام " ..
مرتبكه كثير اول مره تنحط بموقف صعب مثل هذا ..
ابتسمت تهدي على نفسها ودقت الباب .. انفتحلها من اول مره واستقبلتها الخادمه ..
لمياء : هاي .. مس غرام موجوده ؟
الخادمه : ايه مس غرام نايم في غرفه ..
لمياء ابتسمت : اوكي بطلعلها ..
طلعت الدرج بدون لا تفسخ العبايه او الطرحه .. احتياط لو صادفها زوج عمتها ..
وقفت قدام غرفة غرام بتردد .. ترفع ايدها بتدق الباب وترجع تنزلها .. مو عارفه ايش تقول وكيف تتصرف ومن فين تبدا..
تنهدت : يارب عديها على خير ..
دقت الباب وانتظرت الرد ..
غرام بلعت ريقها وطفت التلفزيون : ادخل ..
لمياء حاولت تكون على طبيعتها المرحه عشان لا تحسسها بشي .. وبتشوف ردة فعل غرام اذا ارتبكت او توترت معناته كلام اخوها صحيح ..
لمياء فتحت الباب بدفاشه : بوووووووووووو ..
غرام انفجعت .. وانصدمت من وجود لمياء ببيتهم بهالوقت ؟ ايش جابها وايش تبغه ؟ اكيد سالفتي انتشرت وكل العائله عرفت فيها ..
لمياء قربت لعندها وضمتها : سلاموووو شلوونك يالخايسه ..
غرام مرتبكه وماتحركت من مكانها : بخي..ر وانتي ؟
لمياء رمت عبايتها ع السرير وجلست قدام غرام : تمام .. وش فيك ترتجفين ؟ بردانه ؟
غرام هزت راسها : لا لا ..
لمياء ابتسمت : اجل وش فيك ..
غرام وقفت : انتي وش جابك هالحزه ؟
لمياء : افا طرده يعني ؟
غرام : لا موب قصدي بس يعني ماتصلتي ولا شي ؟
لمياء : امممم جايه اكلمك في موضووع مهم ..
غرام وقلبها يطبل : وش موضوعه ؟
لمياء حست بتوترها : انتي اجلسي الحين وبعلمك ..
غرام جلست بسرعه اصلا رجلها ماكانت تشيلها من الخوف والرجفه : وشوو ؟
لمياء بهدوء وبان على وجهها الضيقه : انا بتكلم وابيك تفهميني ززززين ..
غرام ساكته وتلعب باظافرها ............\
لمياء بدون مقدمات رمت كلمتها : لازم تكلمين ابوك وتقوليله انك رافضه الزواج من فيصل وماتبينه ؟
غرام بصدمه رفعت عيونها عليها : وشووو ؟ ليه وش صاير .. اقصد شلوون تقولين كذا انتي ............
لمياء بحده : مايحتاج اتكلم وانتي تدرين شالسالفه ؟
غرام ماسكه دموعها : والله العظيم ماعرفه ولا عمري شفته مالقيته الا طاب علي ويحكي معي كاني خويته وبحزتها دخل فيصل ولا ........
قاطعتها لمياء : هذا الكلام حبيبتي تتبررين فيه موقفك قدام ابوك قدام اهلك مو معاي اوكي ..
غرام ماسكه دموعها بالقوه وصار فكها يرجف : والله صدقيني ماكذب ..
لمياء تنهدت : اخوي يقول هو مستحيل ياخذك .. واذا ماكلمتي ابوك ورفضتي من نفسك .. هو راح يظطر يعلم اهلك كل شي ويفسخ الخطوبه وساعتها بتصير فضيحه ومشاكل بين العوائل واحنا مستغنين عن هالشي ولا وش رايك ؟!
غرام تبكي : صدقيني يالمياء والله اني مظلووومه والله ..
لمياء هزت مشاعرها صورة بنت عمتها تبكي بهالشكل وهي الي طول عمرها مغروره ورافعه خشمها فوووووق .. بس تجاهلت احاسيسها وكملت : شوفي حبيبتي .. الملكه ماباقي لها الا اسبوعين .. اذا ماراح تتصرفين بسرعه فيصل راح يتصرف من نفسه .. وانا انصحك تكلمين ابوك بدون لا يحس بشي احسن من الفضايح وانا اعرف اخوي عصبي وبيسوي الهوايل لو جاه هنا ..
غرام بلعت ريقها : طيب ولو سالني ليه ؟!
لمياء باستهزاء : قوليله احب غيره مو عيب ..
غرام بتفاجأ : وش تقولين انتي انجنيتي .. انا متربيه زين و.............
لمياء : اوووف خلاص طيب تصرفي بنفسك ..
غرام نزلت راسها بانكسار : ولو ماوافق ؟
لمياء وهي توقف : انتي وشطارتك وعاد لازم تقنعينه باي طريقه ولا بيصير الي عمره ماصار .. وفيصل متوعد ..
غرام وقفت معاها : حرام عليكم والله ماسويت شي ..
لمياء وهي تتوجه للباب : انا مالي شغل انا جيت وصلت رسالة فويصل وبمشي يلا مع السلامه ..
وبعد ماطلعت ..غرام رمت نفسها ع السرير وانخرطت في البكاء ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;

" جده " ..
دق جوالها بنغمه خاصه لصاحبتها ..
ردت بسرعه من يوم ماشافت الرقم : اهلييييييييييييييييييييييييييين ..
من الجهه التانيه : هلا فيك .. سلام ..
فرح : وعليكم السلام .. كيييفك وحشتيني .؟
نوف ابتسمت : وانتي اكثر والله انا تمام شلونك انتي ؟
فرح : والله ماشي الحال .. بشريني عنك كيف شغلك ؟
نوف بارتباك : الحمد الله بس ...... فيه سالفه صارت لي وماني عارفه شلون اتصرررف ..
فرح باستغراب : ايش قوووولي ؟!
نوف بتردد : ا.......................احمد ..
فرح بخبث : احمد ايش فيه ؟!
نوف بلعت ريقها : خطبني ؟!
فرح بصدمه : اييييييييييييييييييييييييش ؟!

.
.

في غرفه تانيه قريبه من غرفة فرررح ..

فاتنه ..!!
ماسكه الجووال وحاطته على اذنها ..
ومع كل رنه قلبها تزيد دقاته ..
طلعلها صوته متلهف كالعاده : حبيبتي .......
فاتنه : ..................
عبد العزيز ابتسم : قلبي ووووربي احبك وحشتيني وحشتيني موووووت مووووت ..
فاتنه ماسكه دموعها : عزوووز ..
عبد العزيز : عيوني وحياتي انتي ..
فاتنه بهمس مدموج بشهقات : احبك ..
عبد العزيز تنهد : اه ياقلبي انتي ..و الله مو اكتر مني وربي ماني قادر انساكي ياساحرتني احبك والله ..
فاتنه تبكي بصوت مسموع : خلاص تعبت والله تعبت ..
عبد العزيز طالع حوله بضيقه .. وقرر يطلع الحوش عشان لا تسمعه زوجته : فاتنه .. انا حاولت والله حاولت .. ابغاكي يافاتنه بس ماني عارف كيف اوصلك ..
فاتنه اخذت نفس وقالت بصوت متقطع : انتا مستعد تسوي اي شي عشاني ؟
عبد العزيز بدون تردد : اي شي ؟؟ وربي ابيع الدنيا واشتريكي ..
فاتنه رجعت تبكي ...............
عبد العزيز بغصه : لا تبكي خلاص حرقتي قلبي الله يخليكي اسكتي خلاص ..
فاتنه : عزوز ليييه علقتني فيك ليييييه .. والله ماشوف حياتي الا معاك ..وربي ماحبيت دنيتي الا لانك فيها ..
عبد العزيز تنهد : ايش اسوي يافتو قوليلي .. انا تعبان اكثر منك ..
فاتنه بجرائه ودموعها لسه تنزل : نتزوووج ..
عبد العزيز باستهزاء : نتزووج ؟ قوليلي كيف وامك مو راضيه و .............
فاتنه بهمس متردد : بدون علم امي ..
عبد العزيز اتفاجأ : كيييييييييييييييييف ؟!
فاتنه رجعت تبكي : ايوا بدون محد يدري مايهمني خلاص .. حياتي زي قلتها بدونك مني مستعده اعيش الموت هادا ..
عبد العزيز : بس يافاتنه دا شي مستحيل ..
فاتنه : يعني ماتبغاني ؟
عبد العزيز : مابغاكي ؟ يابنت وربي انتي كل شي فيا ..
فاتنه : خلاص اجل ليه مستحيل ؟
عبد العزيز : لانك بنت ؟ وبتتزوجي من ورى اهلك .. حرام يافاتنه والله ماراح نتوفق بزواجنا وبعدين خطر عليكي وعلى سمعتك اشبك انتي ؟
فاتنه وصوتها بدا يروح : طيب قلي ايش الحللللللل تكلم ؟
عبد العزيز : ..................
فاتنه : ليه سكت ؟ لهالدرجه مستصعب انك تضحي بشي عشاني وانا مستعده اضحي بأهلي وبكل شي عشان اكون معاك ..
عبد العزيز بهدوء : حبيبتي لا تقولي كدا .... انا حاكلم اخوكي لاخر مره واذا رفض ساعتها بفكر ..
فاتنه بخوف : لا لا لا تكلمو ولا شي خلاص مابغه ..
عبد العزيز : ليه خايفه ياقلبي .. جاي اخطبك بالحلال فيها شي ؟
فاتنه : مافيها شي بس اكيد حيشكوا .. 3 مرات تخطبني ومصمم على دا الشي يعني اكيد بيننا شي ..
عبد العزيز : لا تخافي ما......
قاطعتو : لا انسسى ولا يخطر على بالك تكلم فراس .. خلاص والله حيشكوا فيا مو منطقي الي بتسويه ..
عبد العزيز : يعني الي تفكري فيه انتي هوا المنطقي عندك ؟
فاتنه بحزن : اذا كل الدنيا ضدي واهلي حرموني من السعاده الي اتمناها . ف هادا هوا المنطق بعينو ..
عبد العزيز : وايش مخططه بالضبط ؟
فاتنه : اهلي حيسافروا كلهم بعد اسبوع ...... ووقتها تجي تاخدني ونملك ..
عبد العزيز : طيب ولمن يرجعوا اهلك ؟
فاتنه بتردد : عادي اشوفك الويك اند و ........
عبد العزيز تنهد : والله ماني عارف .. افكارك مجنونه ويبغالها تفكير ..
فاتنه بقهر : خايف على سمعتك وعلى زوجتك .. وانا الي .........
عبد العزيز قاطعها بعصبيه : انتي كيف بتفهمي وبعدين معاكي .. انا احبك ياغبيه ومايهمني شي قد مانتي تهميني فاهمه ولا لاء ؟
فاتنه تبكي : طيب لا تعصب ..
عبد العزيز بحنيه : اسف حبيبتي خلاص لا تبكي ..... والي تبغيه بيصير ..
فاتنه بفرحه مقتوله : يعني موافق ؟
عبد العزيز ابتسم : موافق ..
فاتنه ابتسمت بسعاده : اخييييييييييرا ياعزووووز ..
عبد العزيز : الله لا يحرمني من هالابتسامه ..
فاتنه : وي ايش عرفك ؟
عبد العزيز : هههههه احس فيكي ياعمري ..... يلا قلبي سكري دحين وانتبهي لدراستك ..... انجحي وجيبي معدل حلو ..
فاتنه هزت راسها وكانه يشوفها : من عيووووووني ..
عبد العزيز : يلا قلبي اكلمك بعدين ..
فاتنه : ان شاء الله ... باي
عبد العزيز :الله يحفظك ..
سكرت منه وهيا الدنيا مو شايلتها من الفرحه الي تحس فيها ..
ومع كدا الخوف ساكن أعماقها من المستقبل المجهوول ؟!

" واي شي بدايته خطا نهايته أكيد خطا " .....!!


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

بعد العصر ..

جود وصلت لبيت حلا ومعاها سعود .. والي حابه تعرف صاحبتها عليه ..
سعود يشد عبايتها : هادا بيت مين ؟
جود تسكته وهي تشوف الباب ينفتح : بيت صديقتي اسكت ..
الخادمه : اهلن مدامم زوووود اتفززل ..
سعود : زووود ههههههه
جود : هههه انطم وادخل ..
دخلوا للقصر وسعود عيونو طايره .. يطالع يمين وشمال .. منبهر بمساحة القصر الواسعه والسقف العالي والنجفات المتدليه من اعلاه وكلها كرستالات لامعه .. طول الشبابيك والستاير الفخمه من اعلى السقف الى نهاية الشباك ..
جود تسحبه من ايده وتقعده ع الكنبه : فضحتنا وش فيك تناظر كذا مثل الخبل ..
سعود : واو بيتهم مرررررررررررررررررررررررررره كبير وحلوووو ..
جود ابتسمت : قول ماشاء الله
سعود : ماشاء الله ..
جود : يلا الحين بتجي صديقتي واعرفك عليها اوووكي ..
سعود : ايش اسمها ..
جود : اسمها ........
قاطعهم صوت حلا جاي من بعيد : هلا والله تو مانور البيت شرفتو ..
جود وقفت وسلمت عليها : هلا يادبه شلوونك ..
حلا بنعومه : بخير وانتي ؟
جود : تمام ..
حلا ابتسمت وهي تطالع سعود : اممم اكيد هذا سعود اخووك الجديد ؟
جود : هههههه ايه بالله عليك مو يخبل ..
حلا باسته على خده : ماشاء الله يززززنن .. كيفك يابطل ؟
سعود : طيب..
حلا : دوووم ان شاء الله ...... اتفضلووو ( نادت بصوت عالي ) سوونيا ..
جات الخادمه : ايه مدام ؟
حلا : وش تشربون ؟
جود : امممم انا عن نفسي ابي عصير ليموون .. ( طالعت سعود بحنان ) وانت ياقمر وش تبي ؟
سعود يوشوشها في اذنها : كووولا ..
جود : ههههههه لا توك شارب واحد بالطريق ..
سعود : الا ابغاه ..
حلا : ههههه خلاص جوجو خليه يستاهل كولا وشوكلاته بعد ..
بعد ماراحت الخادمه ..
حلا : اممم تطلعون فوق ؟ مافيه غير امي وسارونه ..
جود وقفت : اووكي يلا ..
طلعوا لفوق .. الصاله كانت فاضيه ..
ودتهم للصاله الثانيه الكبيره الي بنهاية الدور الثاني والمطله على الدور السفلي بشكل دائري ..
وقفت ساره مبتسمه اول ماشافتهم ..
جود ابتسمت : السلام عليكم ..
الكل : وعليكم السلام ..
جود سلمت على ساره وام حلا وجلسوا سوووى ..
ام محمد : هلا بنيتي شلوونك وينك ماعاد نشووفك ؟
جود : الحمد الله خالتي والله انشغلت شوووي مع الوالده ..
ام محمد : الله يحفظها لك .. كيفك وكيف ايامك وش مسويه ؟
جود : والله تمام عايشين ..
ام محمد ابتسمت : الحمد الله .. ( اشرت على ساره ) هذي ساره بنت عم حلا اكيد تذكرينها ..
جود : اييييه ولو .. شلوونك ساره ؟
ساره : بخير كيفك انتي ؟
جود : الحمد الله ..
حلا : هههههه يلا بطلوا رسميات ..
ام محمد وهي تبتسم لسعود : ومين هالشاطر ؟
سعود بخجل : انا سعود ..
ام محمد : ماشاء الله قممممر الله يحفظك حبيبي .. شلونك ؟
سعود : بخير ياخاله ..
ام محمد مدتله ايدها : تعال اجلس جنبي ..
سعود انحرج ولصق جسمه في جود ...
جود بهمس : روح ياقلبي ماراح تاكلك ..
سعود بصوت واطي بالكاد ينسمع : مابغه بقعد معاكي ..
جود ابتسمت : اوكي . ههههههه معليه ياخاله تدرين اول مره يشوفكم ومستحي ..
ام محمد : ماعليه حبيبتي .. هذا اخووك ؟
جود انحرجت : ايه اخوووي ..
ام محمد : ماشاء الله بس ماتشبهون لبعض ابد ؟
جود ترقعها : ايه لاننا موب اشقاء ..
ام محمد : اها يلا الله يخليكم لبعض ( وقفت ) انا بروح عندي شغلات بخلصها .. خذو راحتكم البيت بيتكم ..
جود : تسلمين ياخاله ..
راحت ام محمد وتركت البنات بالصاله ..
حلا : وش فيكم ساكتين .. اقوول تعالو ننزل اوريكم الديكووور ..
نزلوا البنات وانبهرووا بفضاعه الديكور والجو مررره رهيب ..
جود : مرررررره نايس ماشاء الله ..
ساره : ايه والله يجنن حيييييل ..
حلا وهي تأشرلهم ع المكان : بس لسه باقي شغلات ماخلصناها .. اممم الكوشه جاهزه بس باقي يجو يركبوونها .. والورود لازم تجي بنفس اليووم اممم واجهزة البخار والفقاعات بكرا بتوصل .. وايش بعد .... ايه الليله بيجون يركبون الاناره واللمبات الملونه ..
جود : هههههه لسه مشوووارك طوويل ..
ساره : يلا الله يعينكم بس راح يطلع كول ..
حلا : ان شاء الله ..
وفي كلامهم هذا .. دخل عليهم شخص غير منتظرر ..
نواف وهوا يدف الكراتين لداخل الصاله المغلقه الي فيها البنات : حلووله تعالي ساعديني ..
حلا اتفاجأت .. كانت بتتكلم قبل لا يدخل بس خلاص قده وصل لعندها .. رفع نفسه وانصصصصدم ؟!
ساره انحرجت ووجهها تقلب الان .. ارتبكت ورجولها ماعادت تشيلها .. دق قلبها بقوه ..
ونواف واقف مبله في الي قدامه ..
جود ... حبيبته ونور عينه ..
كانت واقفه بجمالها البريء وطبيعتها الجذابه وتناظره والابتسامه مرتسمه على شفايفها وغمازتها الوحيده بارزه ومحليتها اكثر ..
نواف بلع ريقه وهو ينتبه بوجود ساره ..
نزل راسه بسرعه ....... حبيبته / / زوجة المستقبل ..... مع بعض بنفس المكان ..
جود :: الي اختارها قلبه ..
ساره :: الي اختاروها له اهله ..
صعب التفكير .. صعب اتخاذ القرار ..
فاق على نفسه على صوت حلا تصرخ : نوافوه وش فيك اطلع يلا عجبتك الشغله ..
نواف انحرج وابتسم وهوا منزل راسه : اسف مادريت انكم هنا ..
طلع بسرعه وصوورة الملاك الي يعشقها بجنون عالقه بذهنه ..
مشى بيطلع لفوق .. وباله مو معاه .. سرحان بعيد ..........
صقع بجسم صغير وسمع صرخه طفوليه متألمه ..
نواف استغرب ونزل لمستوى الولد الي طاح ع الدرج : معليه مانتبهت فيك ..
سعود ماسك ذراعه بألم : طييييب ..
نواف : يألمك ؟!
سعود هز راسه ببراءه ..
نواف ابتسم ورفع كم التي شيرت حق سعود وتحسس مكان الألم : هنا ؟
سعود تعور : اي ..
جود قلبها طاح : هذا صوت سعود ؟؟
طلعت تجري لبرى وشافته قاعد ع عتبة الدرج وجنبه نواف : سعود حبيبي شفيييك ؟
سعود يوقف ويركض لعندها : طحت وتعوورت ..
جود نزلت لمستواه : وين تعورت ؟
سعود ماسك ذراعه : مرررره يعوورني ..
جود باست خده : خلاص حبيبي لا تبكي تعال احط لك ثلج عليها ..
قرب لعندهم وهو مستغرب وبنفس الوقت خايف ع الصغير المسكين : لا تحطين ثلج مابينفعه ( طالع في سعود بحنيه ) تعال معي ..
سعود هز راسه باعتراض : انت عورتني ماني رايح معاك ..
نواف نزل لمستواه وصار هوا وجود قبال بعض مباشره وبينهم سعود : انا اسف ماشفتك تعال معي شوف ايدك شلون صايره زرقا ..
جود بقلق : طيب وش صارله ؟
نواف تنهد وهو يتأملها ويلاحظ خوفها وارتباكها >> اه ياناس وش اسوي بعمري .. اذوب انا ان شفتها << ..
جود ابتسمت في نفسها على نظراته المتلهفه والمتأمله فيها : نوواف ؟
نواف انتبه وابتسملها : عيوون نواف ..
جود انحرجت >> موو قدام سعوود ياربي ماتعرفه هذا سووسه << ..
سعود مبسوط عليهم .. رجع شويه على ورى وخلاهم مقابلين بعض وهوا يتفرج عليهم يضحك ..
نواف بهمس : فديت الخجلان ياناس ..
جود بنفس الهمس : مو قدامه ذا البلشه ..
نواف بلع ريقه : اشتقتلك ..
جود حمر وجهها وماقدرت ترد عليه .. وقفت بسرعه تتدارك الموقف .. وهوا وقف معاها بنفس الوقت ..
نواف ابتسم والتفت لسعود شافه يضحك : هههههه الحين راح الألم الي فيك هاه ؟
سعود قطب جبينه ورجع يمسك ذراعه ويتألم بتصنع : لا لسسه يعوور أأأأأه ..
جود : هههههههه ياحبي لك ..
نواف التف لها بخبث : انا ؟!
جود رفعت حاجبها : لا طبعا ..
نواف يقلدها : وليه لا طبعا ؟؟
جود بجراءه قربت عنده وهمستله : لاني ماأحبك ..
نواف فز قلبه بقربها ..
جود وهي تمسك ايد سعود وداخله لجوه عند البنات التفتت عليه وكان لسه يناظرها بشوق .. حركت شفايفها بصوت خافت : اموووت فيك ..
دخلت تركض لجوه وتركت نواف في حاله يرثى لها ..
سريعه دقات قلبه .. وتنفسه اسرررع .. ابتسم بأمل : الله لا يحرمني منها ولا من حبها ..
شال نفسه وطلع لغرفته وافكاره كلها متعلقه فيها هيا وبس ..




.
.

*&* الجزء الثاني والعشرون *&*



الخميس .. 8:00 مساءا ..

تنهد بضيقه وتمدد على سريره ..
ياربي إلي سويته صح ولا غلط ؟
يعني كان لازم اسمع كلام رائد وامشي ورى تهوره وافكاره ..
بس مافيه حل غير كذا وانا لازم اخلص الموضوع بسرعه ماعاد فيه وقت ..
الملكه باقيلها اسبوعين ..
يارب إستر وش بيصير بعد ..

قطع عليه افكاره صوت الجووال .. مد ايده يرد عليه واتفاجأ بالاسم " غرام " ..؟!
اتررد .. يرد عليها ؟
بس اكيد راح تبكي وتحاول تفهمه الي صار ؟
وهوا بالمره ماله خلق احد ..
بس لازم ينهي الموضوع معاها قبل لا يفوت الاوان .. والي بدأ فيه لازم ينهيه ..
فيصل تنحنح ورد بهدوء وبرود : ايه نعم ؟!
من الجهه الثانيه .. صوت شهقات خافته ؟!
فيصل عدل جلسته .. وبتردد : غ .. غرام ؟!
غرام بصوت متحشرج : فيصل اسمعني تكفىى ؟!
فيصل : اقوول .. اسمعيني يابنت الناس كل الكلام الي ابيك تفهمينه وصلته لك اختي .. واذا ماتفهمين بالكلام بتصرف م.........
غرام قاطعته وهي تبكي : لا لا فيصل بس صدقني والله ماعرفه هو ..........
قاطعها بعصبيه : الظاهر ماينفع معك الكلام ؟!
غرام بقلة حيله : طيب شنو اقول لابوي ؟
فيصل تنهد : تصرفي بعقلك ..
غرام بتردد وصوتها لسه مخنوق وفيه بحة البكاء : انت مو مصدقني ؟
فيصل تأفف : عندك يومين بالكثير لو ماتم الموضوع بيكون لي تصرف ثاني .. مع السلامه ..
سكر في وجهها .. وتركها غارقه في دموعها واهاتها ..
غرام تحاول تمسك دموعها : انا وش فيني خايفه كذا ؟! مو انا الي كنت اتمنى اتخلص منه اليوم قبل بكرا ؟
ليه متضايقه عشانه وابيه يصدقني .. معقوووله اكون ؟!
لا لا مستحيل انا ماأحبه ولا عمري حسيت معاه بهالاحساس .. كنت ادري اني بتزوجه بس عمري ماحبيته مثل أي وحده تحب خطيبها ؟!

قعدت ع السرير باحباط تطالع في جوالها وتقلبه يمين ويسار .. محتاره وتايهه .. مو عارفه ايش الحل الأنسب ..
تحس بضيقه وتتمنى انو فيصل مايتركها ..
يمكن عشان صورتها لا تهتز قدام اقاربها ؟!
دخلت عليها اختها برجه وهيا مبسووطه : غرام شووفي ..
غرام بدون نفس : وشو ؟
غلا ابتسمت وجلست جنبها وهيا توريها الكرت تبع الملكه ..
غرام اخذته بيأس وطالعت فيه وعلى شفايفها شبه ابتسامه : حلو ..
غلا : أي نووو مره رهيب ..
غرام طالعت في عيون اختها بحزن وقالت بنبره هاديه : بس لازم تحذفون اسمي واسم فيصل منه ..
غلا ماستوعبت : ايش ؟
غرام بصراخ : قلتلك احذفو اسمي واسم فيصل ..
غلا استغربت صراخها وانفعالها .. وماصدقت كلامها اكيد انجنت : انتي وش تقولين ؟
غرام وقفت : انا الحين نازله اكلم ابوي وماني ماخذه فيصل ..
غلا : هههههههههههههه
غرام اتنرفزت : وش الي يضحك .. اطلعي مره ترى ماني رايقه ..
غلا وقفت وقالت بعقلانيه : غرام انتي تدرين انه هالشي مستحيل يصير وابوي لو حصل ووافق خالي مستحيل يرضى بالخرابيط الي تفكرين فيها .. واذا اصريتي بتصير مشاكل مالها اول ولا تالي .. اعقلي واتمسكي بفيصل تراه ولد خالك وبيصونك ويحطك في عيونه ..
غرام تنهدت >> والله ماتدرين عن شي ولا انتي بنفسك تشجعيني ع الي بسويه << ..
غلا ابتسمت بهدوء وطلعت من الغرفه : الله يهديها بس ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

وصل للمستشفى وبايدينه رجفه غريبه ..
سكر السياره وتقدم للبوابه ..
دخل منها وفي نفسه قرر ينهي دا الموضوع ويقفل عليه وينساه تماما ..
راح للريسبشن وابتسم : السلام عليكم ..
التفتت عليه وابتسمت من تحت نقابها : وعليكم السلام .. امر اخوي ..
رائد : لو سمحتي ابي رقم غرفة المريضه نجود الراسي ..
نوف رمشت بعيونها وقالت بعدم استيعاب : مين لو سمحت ؟
رائد استغرب : نجود الراسي .. رقم الغرفه اذا تفضلتي ..
نوف بلعت ريقها >> هذا وش يبي ليه يسال عنها وش يعرفه فيها ؟ وبعدين شكله مو راعي سوالف وولد عز ونعمه وش يبي بنجود يسال عنها .. غريبه ؟؟ <<
رائد شافها طولت وبدا يعصب : لو سمحتي انا مستعجل ؟
نوف هزت راسها تنفض الافكار الي تسللت لمخها وردت عليه بهدوء وهي تسوي نفسها تشتغل بالكومبيوتر لانها عارفه اختها طلعت من كم يوم : والله اسفه اخوي المريضه غادرت المستشفى من فتره ..
رائد بصدمه : وشو ؟؟
نوف : مثل ماسمعت ماهي بالمستشفى ؟
رائد : طيب ماعندك أي رقم مسجل لها ؟
نوف بانفعال : انت وش تبي منها ؟
رائد رفع حاجبه مستنكر : وانتي ليه تساليني .. هذا شي مايخصك انا سالت عن المريضه جاوبيني على قد السؤال اوكي ؟
نوف انحرجت : مو مسجله أي ارقام هنا ..
رائد ضرب على الريسبشن بخفه : اووووكي وين بتروح مني .. مشكوره اختي مع السلامه ..
نوف حاولت تستوعب او تفهم الموضوع بس مالقتله أي مببرات ؟!
تنهدت وطالعت ساعتها _ 8:15 المساء ..
اخذت شنطتها ولبست العبايه واستاذنت من صديقتها الي معاها عشان انتهى وقت دوامها ورجعت للبيت تعبانه ..
قبل ماتدخل للشقه فكرت تتطمن على عادل ؟!
ياترى وش صار فيه وش حاله ؟!
دقت عليه الباب ومن بعد دقتين فتحلها ومن شافها ابتسم : هلا خاله طمنيني شلون ابوي ؟
نوف ابتسمت تريحه : لا تخاف ابوك مافيه الا كل خير وان شاء الله بكرا اذا تحسنت حالته بخليك تشوفه ..
عادل : من جد ؟
نوف : ايه .. والحين قولي انت وش مسوي ؟
عادل : الحمد الله ..
نوف : انت ماعندك خوات ولا اخوان او أي احد يقربلك ؟
عادل باحباط : الا عندي اختين واخ كلهم متزوجين ومانشوفهم الا مره كل سنه ..
نوف ابتسمت بحزن : طيب اكيد مشغولين ؟
عادل يجاريها : ايه على قولك ..
نوف : اممم طيب وش رايك بسوي كبسه تتعشا معي ؟!
عادل بتردد : لا انا عندي اكل بالبيت ..
نوف ابتسمت وحست على نفسها مهما كان هذا غريب وماهو صغير كفايه عشان تدخله لشقتها : طيب خلاص انا بسويها وبرسلك تاكلها هنا على راحتك ..
ودعته ورجعت لشقتها وفي راسها الف مليون فكره وسؤال مو لاقيتلهم اجابه .. محتاره بمعنى الكلممه ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;


" جده " ..

صحت من النوم على صوت الجوال ..
تثاوبت وردت وهي مغمضه عيونها : ايوووا ؟!
جاها صوته الي تعشقه : يالبى النايمين انا معليه ياقلبي ازعجتك ..
ميار فاقت وعدلت جلستها : اهلييين مجودي ..
امجد ابتسم : ياعيون مجودك انتي كيفك حياتي ؟!
ميار : تمام كيف انتا ؟
امجد : بخير ياقلبي .. غريبه نايمه دا الوقت توقعتك صاحيه ؟
ميار باستغراب : ليه الساعه كم ؟
امجد : 8 ياحلووه كل دا نوم ياحبي ؟
ميار : ههههههه والله راحت عليا نومه امس مانمت كويس وقلت اتمدد شويه ..
امجد : نومة العافيه ان شاء الله ..
ميار : الله يعافيك ..
امجد : وكيفها اختك دحين ؟
ميار بحزن : ماتحسنت على حالها ..
امجد : الله يقومها بالسلامه ان شاء الله لا تشيلي هم شده وتزول باذن الله ..
ميار ابتسمت : الله يسلمك ياقلبي ..
امجد : وه وه ياناس ( تنهد ) فديتك وفديت قلبك الطيب ياشيخه ..
ميار بخجل : تسلم ... تيب حبيبي انا بقوم اخدلي شاور واكل لي لقمه وارجع اكلمك ..
امجد : حمام الهنا ياروحي والف عافيه على قلبك ..
ميار : تسلملي يارب ..
امجد : يلا تيك كير اوووكي ..
ميار : ان شاء الله وانتا كمان ..
امجد : من عيوني .. باي ..
ميار : باي ..
سكرت منه وابتسمت بحلم >> اه ياقلبي خلاص مني قادره اصبر اموووت فيه << ..
دخلت للإتواليت " وانتو بكرامه " واخدتلها شاور ونزلت تتعشا ..
دخلت للصاله ومالقت إلا سامي متمدد ع الكنبه ويتفرج ع التي في ..
ميار : مساء الخير ..
سامي ابتسم : مساء النوور.. مابغيتي تقومي ؟
ميار جلست جنبه : هههه راحت عليا نومه .. كيفك ؟
سامي ابتسم غصب عنه : بخير ..
ميار ربتت على كتفه : لا تشيل هم ياسامي قريب ربي بيفرجها ..
سامي تنهد : اه بس لو اعرف ليه مها سوت كدا .. ايش الي كان جابرها على طريق الحرام واحنا مو مقصرين معاها في حاجه ليه حطت راسنا بالتراب اه بس لو اشوفها راح اذبحها بيديني ..
ميار : لا تقول ياسامي مهما كان هادي اختك وكل انسان يغلط وهيا صغيره وماتعرف عن الدنيا شي اكيد صاحبات السوء دلوها لدا الطريق الي كانت غافله عنو .. انتبه ياسامي لا تسوي شي قبل لا تعرف اسبابو وتدرسو مزبوط .. لا تضيع اختك من يدك على غلطه لو كانت كبيره بس بجهل او بفضول منها لتجربة هالشي .. والغلط قبل مايكون فيها يرجعلنا بالبدايه .. من فين كانت تجيب الفلوس ؟ كيف كانت تطلع وتجي ومحد سائل عنها ؟ محد لاحظ عليها دا الشي الا لمن اخدناها للمستشفى .. غلطتنا ياسامي قبل لا تكون غلطتها محد اهتم فيها ولا فتحلها قلبو ووجهها للطريق الصح وحذرها من شياطين الانس الي وصلوها للي هيا فيه ..
سامي ابتسم وحس بالراحه من كلام اخته : الله يسهل ..
ميار ابتسمت : فين ماما ؟
سامي : ماتعرفيها يعني من صار الي صار وهيا في غرفتها وماتبغه تشوف احد ..
ميار : لا حول ولا قوة الا بالله .. ربي كريم ..
سامي : ونعم بالله ..
ميار بتردد : اولاد عمي يدروا بلي سار ؟
سامي : لا واصحك تقوليلهم فاهمه .. نشمت خلق الله فينا وبالذات عيال عمي الي يستنوا الزله مننا عشان يمسكوها علينا ..
ميار : طيب..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;


في بيت " فرح " ..

دخلت لغرفة اختها مبتسمه وتحس براحه غريبه : فجوره
فجر طلعت من الاتواليت " وانتو بكرامه " : هلا
فرح قعدت ع السرير : اقوولك .. انتي جيه معانا ؟
فجر ابتسمت : فين ؟
فرح استغربت : المانيا ؟
فجر : ايوا ان شاء الله بس بزبط اشغالي وارتب اموري الكم يوم دي وجايه معاكم اكيد ..
فرح : الحمد الله على بالي بتقعدي هنا زي كل مره ..
فجر : هههههههههه انتي عارفه الشركه ومشاغلها بس دي المره حابه اغير جو وان شاء الله الشغل بيمشي تمام ماعليه ..
فرح بينها وبين نفسها >> الشباب طول بعرض.. والبنت الي ماسكه شركتهم وحلالهم والله اخر زمن << ..
فجر : وفتوشه ؟
فرح هزت راسها : والله مادري عنها دي البنت مره غريبه ..
فجر : الله يهديها كل مالها بتبعد عننا ولا حتى لها حس بالبيت ..
فرح >> وانا الي بعرف ايش الي فيها بالضبط ..؟! << ..

وفي غرفه أخرى ..
جالس ع السرير وقدامه اللاب توب ..
باله مشغول في دراسته والشركه وحياته ..
يحس انه مو قادر يستمتع بطعم الدنيا او يعيشها زي أي انسان تاني ؟!
مع انه كل شي متوفرله .. وطموحه بدأ يحققه وتعدى اول خطوه ..
ومستقبله مضمون ..
كل شي مهيء له .. بس قلبه هو الي واجعه ؟!
** في نفسه **
اش مشكلتك ياقلب ؟!
ليه شايل هم كبير انتا مو قده ؟!
ليه تحس بضيقه وخنقه ووحده ..
يمكن اكبر همومك انه ماعندك هم ؟!
اه يارب طفشت من حياة الدراسه والشغل والاصحاب .. ابغه شي جديد ابغه اعيش حياه تانيه
حياه أحلى من الي انا عايشها بكثير ..
بس كيف ومتى ومع مين ؟!

تعب من التفكير وسكر اللاب توب وطلع للبلكونه يغير جوو ..
الجو كان رطب بس فيه هواء ..
جلس ع الكرسي وولع سيجارته ..
بس وصل لإذنه صوت مو غريب عليه ابدا ..
صوت وحده من اخواته ..
وقف وقرب من حافة البلكونه عشان يسمع كويس ..

<><><><>

حبيبي خلاص احنا اتفقنا صح ولا لاء ؟!
لاء ماليا صلاح انتا وعدتني وبعدين تفاهمنا على كل حاجه ليه تحب تعيد وتزيد ؟!
من جد ؟؟
ياعمري الله لا يحرمني منك والله امووووووت فيك ..
ان شاء الله من عيوني اصلا باقيلي كم صفحه واخلص ..
تسسلملي بس اخلص حأكلمك اوكي ..
يلا باي ..

<><><><>

وقف شويه مصدوم يحاول يستوعب الي سمعه ..
ويميز الصوت ..
فاتنه ؟! كيف مستحيل ايش بتسوي ومين دا الي تكلمو ؟!
فاتنه الهاديه الرقيقه الي مالها حس يطلع منها دا الشي ..
اخد نفس وهوا يشد قبضة يده بقووه يحاول يمسك اعصابه ..
>> لا يافهد مو دحين لا تسويها .. لا تكلمها دي الفتره .. وقت اختبارات ولا تشتت تركيزها وتضيع دراستها ..
هين يافاتنه انتي بس خلصي اختباراتك وحسابك معايا مالو اخر .. <<

زادت الضيقه والطفش الي يحس فيه .. جو البيت كتمه ويضايق وزياده على كدا اخته الي تكلم من وراهم ..
الي كان متوقعها اهدأ واعقل وحده من اخواته يطلع منها كدا ؟!

>> بس هين قاعد على قلبك ونشوف اخرتها ومين يطلع الزفت الي تكلميه << ..

تأفف وطلع من الغرفه ..

::

وفي غرفه ثانيه من البيت ..

>> انا ليه رافض فكرة زواجي من ملاك ؟!
بنت كامله والكمال لله ويكفي اني اعرف اخلاقها كويس ؟!
بس فيه شي في قلبي رافضها يمكن لاني احسها زي اختي ؟!
ولا عشاني مجبور عليها ؟!
والله ماني عارف ايش اسوي ولا كيف اوقف بوجه امي ..
والله ماقدر ازعلها بس هيا الله يهديها تحب تمشي كل شي بكيفها ..
يارب خيرتك .. <<

طلع من الغرفه بعد ماغير ملابسه ..
سكر الباب وابتسم لمن شاف اخوه واقف عند الاصنصير بس مبين عليه العصبيه والضيقه ..
فراس : هلا والله ..
فهد لف لناحية الصوت وابتسم على خفيف : هلا فيك ..
فراس قرب لعنده : اشوفك لابس طالع مكان ؟
فهد : ايوا طفشان وجو البيت يجيب الهم .. تطلع معايا ؟
فراس ابتسم : قدام ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;


" الرياَض " ..

بعد مارجعت من بيت صاحبتها .. غيرت ملابسها وكانت بتنزل تتعشا بس ...
رن جوالها بنغمه غريبه ..
هزت كتوفها باستغراب وردت ..
جود : الووو ..
الطرف الثاني : الو ..
جود دق قلبها وابتسمت : نواف ؟!
الطرف الثاني بجاذبيه : يا عيون نواف ..
جود بخجل : اهلين ..
نواف : كيفك ؟!
جود : اممم توني كنت عندكم ..
نواف : ههههه ادري ياقلبي بس بعد ابي اتطمن عليك ..
جود بابتسامه : بخير انت شلونك ؟
نواف : واحد يسمع صوتك وشلون بيكون ؟! ( ابتسم ) بس تصدقين اشتقتلك ..
جود رفعت حاجبها وهيا مبتسمه : لا بالله ؟!
نواف بهمس : وربي اشتقتلك موت ..
جود بدلع : وانا بعد ..
نواف >> ياحياتي انتي << : الا وش فيك اليوم تتهربين مني ؟
جود : انا ؟؟!
نواف ابتسم : ايه انتي .. امممم يعني مو بالعاده تتعاملين معي برسميه ..
جود : ههههههه طيب اصبر علي توك راجع من السفر ..
نواف : هههههههه فديتك ..
جود وقفت قدام الشباك وهي تلعب بخصله من شعرها : وشلون بريطانيا وحياتك هناك مرتاح ؟!
نواف : ايه الحمد الله ( قال بخبث ) والبنات وه يالبى قلوبهم يفتحون النفس ..
جود : نععععععم ؟!
نواف بمكر : وش فيك ؟
جود : ولا شي ..
نواف : تغارين ؟!
جود : لا اغار على وشو من حلاتك ..
نواف بخبث : اكيييييييد ؟!
جود ابتسمت : ايه اكيد لاني واثقه فيك ومستحيل اغار ..
نواف >> قوولها يانواف هذي فررصتك << : وانا بعد واثق فيك يا .... ياحبيبتي ..
جود وقفت ايدها عن الحركه لثواني وصدى هالكلمه يتكرر في اذنها بدون توقف .. هو يحبها مثل ماتحبه ..
ابتسمت بارتباك وماقالت شي تحس تنفسها سريع ..
نواف : جود ..
جود بصوت خافت : هلا ..
نواف : بقوولك شي وابيك تفكرين عدل ..
جود : ق .........
طق طق طققق << دقة الباب ..
جود بسرعه : نواف اكلمك بعدين اوكي ... باي
نواف تنهد : باي ..
جود تأففت >> ياربيه هذا وقته << .. فتحت الباب الا وبسعود قدامها .. سحبته لداخل الغرفه بقهر : هذا انت يازفت على بالي امي ..
سعود : هههههههه ايش كنتي تسوي عشان تخافي كدا ؟!
جود : يالقافتك مالك خص قوولي الحين امي وينها ؟
سعود : ماما ارسلتني عشان اناديكي تتعشي ..
جود ابتسمت : اوكي الحين نازله ..
طلع سعود وهي لحقته ..

::

ماسك الجوال ومقهور من الي صار >> انا الي بسويه صح ولا غلط اقوولها ولا انسى الموضوع ..
انا ادري بكل شي من قبل لا اشوفها واحبها بس وش اسوي قلبي يحبها ويبيها ..
وساره المسكينه وش ذنبها بلي يصير .. متعلقه فيني ومنتظره اليوم الي اجي اتقدملها فيه ..
بنت احلامها وامالها علي وبالنهايه اكون لغيرها ؟!
بس ماهي غلطتي .. غلط اهلي واهلها .. وافكارهم الي مستحيل يغيروها ..
انا ابيها والله ابيها وماتخيل اكون لغيرها .. راح اكلم امي والي فيها فيها << ..

اندق عليه الباب ورد بضيقه : ادخل ..
دخلت مبتسمه وبايدها كوب نسكافيه من ابداعها كالعاده : مساءك عسسسسل ياعسسسسل ..
نواف ابتسم : هههههههه يمسيك بالخير ان شاء الله .. غريبه وش عندك ..
حلا ناولته الكوب : لا بس ابيك تذوق هذا من يدي وماما مره عجبها ..
نواف : هههههه اكيد دامه منك ياقلبي انتي ..
حلا ابتسمت بدلع وجلست جنبه : ايه وش اخبارك ؟
نواف عارف انه وراها شي : تمام ..
حلا ابتسمت : دوووووووووووووم يارب ..
نواف : تدوم ايامك بالخير .. ايه هاتي من الاخر وش تبين ..
حلا : هههههههه يعجبني الفاهم انا .. امممم بس اذا ماعليك امر .. بليييز يعني توديني للمشغل ..
نواف باستغراب : الحين ؟!
حلا : ايييه ابي اشوف فستاني وش صار عليه ..
نواف : اقولك حلا خليها بعدين وربي ماني فايق ..
حلا : ليه وش فيك ؟
نواف تنهد : متضايق ياحلا وربي متضايق ..
حلا بقلق : سلامتك ماتشوف شر .. خير وش فيه ؟
نواف : الشر مايجيك ..
حلا مسكت ايده بخوف : نواف قولي وش تحس وش الي مضايقك ؟
نواف ابتسم : مافيني شي بس شوية ضيقه وبتروح الحين ..
حلا بشك : اكييييد ؟!
نواف : ايه اكيد .. انتي روحي شوفي شغلك وانا مافيني الا العافيه ..
حلا قامت من جنبه بتردد : طيب بس تكفى اذا فيك شي قولي ( قالت بحزن ) ماعاد اتحمل اخسر احد ثاني يكفي ..
طالعت فيه بحزن وطلعت من الغرفه .. وبمجرد انها سكرت الباب نزلت دموعها وراحت تجري على غرفتها ..
تركي ... وراح ..
فيصل ... وبعد بيروح منها ..
ابوها ... من زمان مايدري عنها ولا كانه موجود بالدنيا ..
وهذا نواف الغالي مستحيل تتخيل حياتها بدوونه ..

قعدت ع السرير تشكي الامها للي خلقها وتبكي بقهر .. على حبها الي ضاع ..
و ع الانسان الي بعمره ماحس فيها ..
حب يتيم .. من طرف واحد ..
ولد يتيم ومات يتيم ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;

عدت الساعات سريعه ..
الساعه 11:00 المساء ..

هبطت الطياره على أرض ميونخ _ ألمانيا ..
استعدوا الركاب للنزول ..
ومن ضمنهم ..
نوره وراشد ونجود ..
نوره وهي توقف : يلا نجود قومي ..
نجود وحقد الدنيا كله متجمع فيها من حركة اختها البايخه ..
كانت تحسب انهم رايحين لجده .. وبمجرد ماأقلعت الطياره .. قالولها الحقيقه الي بنظرهم عاديه ..
مايدروا قد إيش هي تحترق من جوه ومقهوره على بيت الله الي كانت بتزوره وحرموها منه ..
ماتبغه تسوي العمليه قبل لا تتوب لربها توبه نصوحه ..
نوره بعصبيه وصوت واطي : قومي يلا الناس تنتظر ورانا ..
نجود بقهر : الله لا يوفقك .. تحسبين بهذي الطريقه انك بتجبريني ارضى اني اسوي العمليه .. لاء حبيبتي لما اقول لاء معناته لاء .. والي خلقني ماني مسويه شي انتي وزوجك خططتوه وكل شي بيمشي زي ماأبي انا ..
نوره تنهدت تحاول تجاريها وتسكتها : طيب الحين قومي معي ..
مدتلها ايدها بس نجود حاولت توقف لحالها ..
نزلوا من الطياره ..

وبعد الإجرائات والعفش الي ماأخذ أكثر من ربع ساعه ..
طلعوا بالتاكسي للفندق ..
راشد بهدوء وابتسامه تريح : دحين لا تشيلي هم يانجود .. بنروح للاوتيل وارتاحي .. وبكرا يصير خير ..
نجود ساكته وكاتمه غيظها .. محد حاس فيها كل واحد يتكلم ببرود .. مايعرفوا احساس الخوف والرعب الي هي عايشته بهالظلام والوحده لحالها ..

نجود بتأفف : الساعه كم الحين ؟
نوره بارتباك : ساعتي ع السعوديه م...........
قاطعها راشد : ساعه وحده الفرق ( طالع في ساعته ) دحين 10 الليل ..
نوره ابتسمت : اها ..
مرت نص ساعه على ماوصلوا للأوتيل ..
نزلوا من السياره ..
وبعد ماحملوا الشنط ع العربه ..
راشد ابتسم وهما يدخلوا لداخل الفندق الفخم والراقي : نوره استنيني هناك شويه بخلص شغله وراجع ..
نوره هزت راسها واخدت نجود وجلسوا باللوبي الواسع .. ونوره مبهوره بجماله وفخامته والذوق الفني الي موجود بكل قطعة اثاث فيه ..
وبعد ماطلعوا للسويت حقهم .. الغرفه ماكانت أقل فخامه ورقي من مظهر الفندق الخارجي ..
نوره وهي تجلس بالصاله جنب نجود : يلا قومي معي عشان تنامين و ...............
نجود بدون نفس : مالك شغل فيني ..
نوره تنهدت >> عمرها ماراح تتغير << : طيب عشان ادلك ع الغرفه و ...............
نجود بعصبيه وصراخ : خلاص اتركيني بحالي .. مو كفايه الي يصير معي ليه تحسسوني اني محتاجتلكم .. انا اقوى من كذا وماني محتاجه لاحد .. خلاص يكفي حرام عليكم تعبت مليت خلاص ..
نوره اتفاجأت من ردة فعل اختها العصبيه .. قررت تسكت عنها وتسيبها براحتها وبكرا يصير خير ..

أما هو ..
بعد ماطلع من الإتواليت سمع كلام نجود وقديش هي عصبيه وماتتفهم او تتقبل أي شي ..
حس بالشفقه عليها وعلى حالها ..
رمى المنشفه الصغيره الي بيده ع الكرسي وطلع من الغرفه ..
راشد بهدوء : نوره تعالي شويه ..
نوره قامت بخجل واحراج وهيا لسه بعبايتها وطرحتها بس شالت النقاب ..
مشت وراه للغرفه وقلبها يدق بسرعه وبالذات انو السويت مافيه الا غرفتين .. يعني .............!!
جلس ع السرير وابتسم بخفه : قفلي الباب وراكي ..
سكرت الباب ووقفت قدامه والخجل مقطعها مو عارفه كيف بتتصرف ولا تتعامل معاه ..
دحين هوا زوجها على سنة الله ورسوله حتى لو مو قدام الناس بس بشرع ربي وحلاله ..
يعني المفروض عليها تعامله كزوج قبل كل شي ..
راشد استغرب : حتفضلي بعبايتك كدا ؟!
نوره وصوتها بالقوه يطلع : لاء راح افصخها الحين بس .....
راشد حس باحراجها : اوكي خدي راحتك ..
نوره هزت راسها ودخلت للحمام بسرعه وسكرت الباب ..
راشد : هههههههههه ياحلاوتها مستحيه ..
دخلت للحمام " الله يكرمكم " وفصخت عبايتها وطرحتها ..
فكت شعرها وحركتو بيدنيها ..
غسلت وجهها الخالي من المكياج ..
ورتبت ملابسها وخرجت ..
كانت مقهوره كتير انه اول مره يشوفها بدون قيود وتكون بهادا المنظر ..
تمنت تكون ملكه في الجمال يوم ماياخدها راشد ..
ملامحها حلوه وجذابه من غير أي مستحضرات .. بس مهما كان تمنت تكون بشكل غير الي هيا فيه دحين نهائيا ..
كان معطيها ظهره .. ويكلم تلفون ..
حست بارتباك وبرود في اطرافها .. توجهت لشنطتها بخفه واخذت الكولونيا ورشت على نفسها من غير لا ينتبهلها ..
انهى مكالمته وسند ظهره ع السرير بتعب .. ابتسم وهو يشوفها واقفه بعيد وخجلانه ..
راشد بتردد : تعالي اجلسي ..
قربت لعنده وجلست قدامه وهيا منزله راسها وتلعب باصابعها ..
راشد عدل جلسته وقرب لعندها : اشبك .. ماني غريب ..
نوره وهي ترتجف كل ماقرب منها : ادري ..
راشد >> وربي انك مخفه اثقل << بعد عنها شويه وقال بهدوء : انا بس حاب اقولك .. لا تشيلي هم اختك .. عارف انها عصبيه وانفعاليه زياده عن اللازم بس كل شي بينحل .. وراح ترضى بالامر الواقع .. انا متفق مع الدكتور وبعد بكرا ان شاء الله موعدنا هناك بيشوفها ويعين حالتها ويدينا موعد تاني نعمل فيه العمليه .. ان شاء الله سهاله بس لا تقلقي ..
نوره هزت راسها بالموافقه ..
اما هوا تنهد ورجع راسه لظهر السرير بتعب : والله دايخ ..
نوره بهدوء وقفت : طيب انا بخليك ترتاح و ............
راشد فتح عيونه : لا لا ماني نايم دحين .. طلبت عشا أكيد ميته جوع انتي ونجود وانا كمان معدتي اتلزقت ببعضها ..
نوره ابتسمت : اوكي ..
كانت راح تطلع من الغرفه بس صوته وقفها : لحظه على فين ؟
لفت عليه بتوتر : بجلس مع اختي شوي ..
راشد : اها اوكي ( وكمل بارتباك ) وترى انا حنام في الصاله يعني خدي راحتك ..
نوره بسرعه : لا لا مايصير انا راح انام مع نجود وانت ترتاح هنا ..
راشد ابتسم : لا وي مايصير خلاص انا قلت بتنامي هنا وانا برى ..
نوره بقلة حيله : الي تشوفه ..
طلعت من الغرفه وخلته يفكر فيها .. ويفكر بشخصيتها وكيف راح يتعامل معاها ..
هل بيقدر يسعدها ويعيشها الحياه الي تتمناها ؟!
او شبح " حبيبته " الخاينه بيظل يلحقه ؟!

** في نفسه **

ليه يارهام ليه ؟!
وربي حبيتك ولين دحين احبك .. اديتك كل شي بحياتي ..
كنتي انتي دنيتي .. اشوف فيكي حاضري ومستقبلي وعمري كله ..
ليه ياحلى حلم في حياتي ..
اه ياربي لو اعرف في ايش قصرت معاها عشان تسوي الي سوته ..
بس هيا خانتك ياراشد اصحى .. عمرها ماحبتك ؟!
كذابه ؟ كل كلامها وضحكاتها وحنانها كان مجرد لعبه حقيره منها ؟
من بعد ماعلقت قلبك وعشمته .. جرحتك ..
اخ بس لو اقدر انساكي واشيلك من بالي ..
احس حياتي توقفت من يوم الي سبتيني فيه ..
ياربي لطفك ..!

// قهر ماكنت أنا أدري تعيش بقلبي كذابه ..
قهر توي عرفت إنك على الحبلين لعابه ..
كذب كانت سواليفك وكل كلمه على كيفك ..
وأنا إلي أحسبك روحي ولقلبي اقرب إحبابه ..
ولقلبي إقررررب احبابه ..! //



________________

صباح اليوم الثاني " الجم ع ه " ..!
الساعه 9:00 في إلمانيا ..

قامت من بدري وأخدتلها شاور وجالسه بالغرفه تسشور شعرها ..
أسوأ ليلة نوم في حياتها بالرغم من المراتب المريحه والجو الحلوو ..
بس القلق كان مرافقها طول الليل .. مانامت ساعتين على بعضها ..

خلصت من السشوار ولبست بنطلون جينز وعليه قميص أبيض مقلم بالكحلي بخطوط رفيعه .. ومن تحته بادي أبيض ..
كان شكلها أنيق ومرتب ..
طلعت من الغرفه بهدوء وهيا مرتبكه ..
توجهت للصاله بخطوات غير مسموعه ..
ابتسمت بقلق وهي تشوفه نايم ع الصوفا الطويله ورقبته وضعها مره غلط والبطانيه الي عليه طايحه ع الارض وشكله مره حوووسه ..
قربت لعنده بهدوء عشان لا يحس فيها وعدلت رقبته ع المخده برقه .. وغطته وراحت لغرفة نجود تتطمن عليها ..

كانت صاحيه وفاتحه شنطتها ومقلبه الملابس والغرفه مره حوسه ..
تتحسس التي شيرتات تحاول تفتكر اشكالهم عشان تختار وحده مناسبه وتلبسها بس بدون فايده ..
كاتمه دموعها وقهرها وهي تطلع الملابس من الشنطه وترميهم بكل مكان ..
بالنهايه وقفت وقلبت الشنطه كلها بعصبيه وصرخت : اكرررررررررررررررررررررررررررررهك ..

قام مفزوع من نومه وقف وهو يقول بصوت عالي : ايش فيه ؟!

نوره انحرجت وقربت لعند نجود بسرعه : انتي وش فيك .. الحين وش يقول علينا ..
نجود : وانتي وش جابك هنا ؟ ( كملت بعصبيه ) من متى وانتي هنا ؟!
نوره اتنهدت : من زمان .. يانجود ياقلبي ماهو عيب اني اساعدك او اطلعلك ملابسك مو عيب انك تجي وتطلبي مني اخدمك بشي حتى لو بسيط .. انا اختك ولا ماوقفت معاك الحين متى بوقف ؟!
نجود تأففت ورجعت لورى خطوتين ليمن حست بطرف السرير وجلست عليه : ممكن تطلعين برى مابي اشوف احد ولا اكلم احد ومابي منك أي مساعده ..
نوره : طيب براحتك بس جيت اشوفك اذا محتاجه شي او تبين ادلك ع الح .............
قاطعتها بحده : نوره اطلعي برىىى ..
خرجت من الغرفه مقهوره على حال اختها وعلى تعاملها معاها .. ماحترمت وجود زوجها بالمكان .. تقلل من احترامها دايما بدون لا تحط حد لتصرفاتها او لفرق السن الي بينهم ..

شافها راشد وباين عليها انها منزعجه ومتكدرره ..
تنهد وقام من الكنبه راح للإتواليت " الله يكرمكم " وغسل وجهه وقرر يروحلها للغرفه ..

طققق طق طق << باب الغرفه ..

نوره ارتبكت : اتفضل ..
دخل راشد مبتسم وهوا يتثاوب مره ماتهنى في نومته المززعجه : صباح الخير ..
نوره وعيونها في الارض : صباح النور ..
توجه للدولاب والي اترتب كله بملابسه وملابس نوره من الجهه الثانيه : فطرتي ؟!
نوره بصوت خافت : لاء ..
راشد ابتسم وهوا معطيها ظهره : خلاص تجهزي عشان نطلع وقولي لنجود كمان ..
نوره تنهدت في داخلها >> الله يعين على ذي البنت << : ان شاء الله ..

;;;;;;;;;;;;;;;;;;;;;;;;;;;;;;;;;;;;;;;;;;


" الرياض " ..

نززلت بخطوات واثقه بعكس قلبها الي يرجف ..
راحت للصاله محل ما ابوها جالس ويشرب قهوة الصباح ..

سلمت على راسه بابتسامه رايقه : صباح الخير يبه ..
ابو غرام مسح على شعرها : صباح النوور حبيبتي ..
جلست جنبه ونزلت الجريده من يده : يبه ممكن شوي من وقتك
ابو غرام بابتسامه سمحه : كل وقتي وعمري لكي من لي اغلى منك يبه ..
غرام ابتسمت ونزلت راسها : ربي يطولي بعمرك ..
ابو غرام سفط الجريده ورماها بجنبه وطالع لبنته الي مبين عليها الارتباك : خير يبه وش فيك ؟!
غرام بتردد ولسه عيونها بالارض : اول شي ابي اكلمك بموضوع وابيك تسمعني للاخر واتمنى من قلبي انك تفهمني ..
ابو غرام وحس بخطورة الموضوع نوعا ما : قولي حبيبتي اسمعك ..
غرام : ..................
ابو غرام : غرام وش صاير قلقتيني ؟!
غرام : لا ماله داعي للقلق انا بقوولك الحين ..
كملت بتردد : يبه انا كبرت وماعادني الطفله الصغيره الي تخافون على مصلحتها .. انت علمتني اعيش قويه وصابره علمتني اعتمد على نفسي بكل شي وماحتاج لاحد .. ومن باب اولى يبه انكم تتركون لي حريتي في اختيار قرارتي والحياه الي ابيها ..
ابو غرام باستغراب : واحنا مقصرين عليكي يايبه ؟! وش الي محتاجته قولي
غرام تنهدت : لا يبه مو مقصرين بشي ابد .. انتم عزوتي وسندي بهالدنيا وعمري ماطلبت شي الا ولقيته بس اهم شي والي يجرح بوسط القلب يوم انكم تحددون مصيري بكيفكم وبتخطيطكم حتى من غير ماتشاورووني ..
ابو غرام فهم الموضوع وتنهد : غرام .. انتي تدرين وش رايي بهالموضوع ممكن تسكرين عليه وتنسينه نهائيا ..!
غرام : بس يبه انا مابيه ..
ابو غرام طالع في عيونها بعمق : واذا قلتلك عشان ابووك الي يحبك اكثر من أي شي بالدنيا لا تفحتين هالموضوع ثاني مره ..
غرام بحزن بين في نبرة صوتها : بس يبه انا ............
قاطعها بصوت حنون وفيه شوية حده : خلاص حبيبتي لا تزعليني منك وهذا ولد خالك وبيشيلك جوه عيوونه ..
غرام حست بقلبها يرجف مو قادره تسوي شي خلاص .. وفيصل قلبه حجر مستحيل يقتنع بلي ح تقووله اياه ..!
طلعت تجري لغرفتها وهي كاتمه دمووعها ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;

دخلت للصاله بنشاط وابتسمت بحيويه وهيا تشوف اخووها جالس ع اللاب تووب ومبين انو رايق ..
حلا: صباح الخير
نواف : هلا والله صباح النووور ..
جلست جنبه بدلع : كيييييييفك ياقلبي انا ..
نواف : هههههه بخير ياحلووه انتي شلونك ..
حلا تلعب في خصلات شعرها : بخيررر ..
نواف استغرب ورجع نظره لللاب : اييه وش مصحيك من بدري ؟
حلا : اممم ابد ولا شي بس قلت جمعه واتعبدلي شوي قبل الصلاه ..
نواف ابتسم : تقبل الله
حلا : منا ومنك يارب .. الا وين حمودي ؟
نواف : مابعد قام ..
حلا : اها الحين بروحله ..
نواف : وانتي ماترتاحين الا اذا ازعجتي احد بهالبيت ..
حلا : ههههههه لا بس عشان يلحق ع الصلاه ..
نواف : توو الناس استريحي بس .....
حلا ماردت وجلست تطالع التلفزيوون ..
مرت ببالها افكار امس الي حارمتها النوم ..
بان عليها الانزعاج والاعتراض على كل شي قاعد يصير ..
تنهدت بصوت مسموع >> مو معقووله ننحرم من الي نحبهم عشان دستور هالعائله الغبي .. اذا انا الله ماكتبلي نصيبي بفيصل .. نواف يقدر يحارب عشان الي يحبها .. بس ساره وش ذنبها .. ياما انتظرته وحلمت فيه .. ياما حكتلي عن امنياتها معاه ولهفتها لليوم الي يجمعهم بيت واحد ....... يارب رحمتك انت اعلم بلي فيه الخير بس لا تحرم نواف من سعادته هذا كل دنيتي << ..
نواف وهو يدقها : ووين رحتي ..؟!
حلا تأوهت بضيقه : ماني عارفه وش اقوولك ..
نواف ترك اللاب توب والتفت لها : وش فيه ؟!
حلا طالعت فيه بحزن : جوود ؟!
نواف بخوف : وش فيها ؟!
حلا : مافيها شي بس ......
نواف بقلة صبر : بس شنوووو ؟!
حلا ارتبكت : نواف ... حرام ينجرح قلبها وتنحرق مشاعرها كذا ..
نواف ؟؟؟؟؟؟؟!
حلا كملت وعيونها في عيونه : انت عارف وش اقصد .. وادري انك تحبها مثل ماهي تحبك ومتميه بحبك بعد .. بس ليه يصير معكم كذا ؟!
نواف ماستغرب ولا تفاجأ بلي قاله هو اكثر واحد متاكد انه عيونه فاضحته لو ايش مايسوي ..
وهذي اخته توأم رووحه تحس بلي فيه من نظراته ..
حلا بجديه : ليه ماتكلم ابوي ؟
نواف : اه ياحلا وش اقووله .. انتي شفتي يوم كلمه محمد وش سوى اجل انا وش بيسوي فيني ..
حلا : طيب حاول ع الاقل مايصير تستسلم بهالسهووله ..
نواف تنهد من قلبه : خليها على ربك ..
حلا بضيقه : بس انا لازم اقوولها ..
نواف بصدمه : وش تقولين ولمنو ؟!
حلا بتردد : لازم جود تعرف انه مالها مصير معاك حرام تتعلق فيك اكثر من كذا ..
نواف بصوت عالي : لا لا تقولين لها ولا شي .. ( كمل بهدوء ) ابي اتهنى بحبها مابي اخسرها الحين والله محتاجلها ..
حلا بينت الدموع بعينها بس حاولت تداريهم : حرام تسوون كذا بانفسكم .. انت غاوي عذاب وبس ؟!
نواف : حلا تكفين قفلي الموضوع الي فيني مكفيني ..
هزت راسها وسكتت .. وهي تحس بنار تشتعل جواتها ..
تتمنى تسوي أي شي بالدنيا عشان تجمعهم سوى وتسعد قلب اخوها حبيبها وصديقتها المقررربه ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;

غاطسه في نوووم عميق .. مو حاسه باي شي حوولها ..
مانامت الا الفجر ..
حاولت تفتح عيونها على صوت المنبه .. بس شيطان النوم اقووى منها ..
دخلت عليها امها وهيا منززعجه كثيرر : جووود جوووووووود قومي ..
جود : .......................
قربت لعندها بعصبيه ورفعت اللحاف : وبعدين معك كل يوم على هالحال .. لا صلاه ولا عباده بس نوم وطلعات ..
جود تأففت : يمه ابي انام تكفين ..
ام جود : نامت عليك طوفه ان شاء الله قومي تحرركي صلاة الظهر ..
تتقلب ع السرير بانزعاج : ماشبعت نوم اتركيني ...
ام جود تنهدت : لا حول ولا قوة الا بالله وش اسوي فيك .. بنت وحده ومطلعتلي عيني حسبي الله على ابليسك ..
طلعت من الغرفه متضجررره من تصرفات بنتها ..

رفعت راسها عن المخده بكسل : يالله جسمي مكسرررر ..
نزلت من السرير وهي تتثاوب ..
اخذتلها شاور وتوضأت وصلت .. ونززلت تفطر ..
بمرحها المعتاد : صباحك سكر ياست الحبايب ..
ام جود طالعت فيها ورجعت تكلم سعود : كل يمه بالعافيه ..
جود قربت وباست راسها : فديت الزعلان ياناس ..
ام جود ماهتمت ووجهت كلامها لسعود : وش تبي ؟! من هذي ... صحتين حبيبي ..
جلست جنب امها وبدات تاكل ميته جووع : ادري تحبين تتغلين علي بس يحقلك ..
سعود : جود .... ليه تزعلي ماما من يوم مانزلت من عندك وهيا متضايقه بسببك ..
جود باست راس امها مره تانيه : وووه ماعاش الي يضايقها ست الكل وانا اقدر على ززعلها ..
ام جود بابتسامة رضا : ياشينك والله ماقدر ازعل عليك بس وش اسووي ..
جود : هههههههه ادري ..
ام جود : عاد ومتى ناويه ترتبين نومك وحياتك ..
جود : اممم زوجوني اول ..
ام جود : هههههههههه شين وقوي عين بعد انتي خلصي الثانويه ذي الي مادري متى بتتخرجين منها ..
جود : يووه يمه خلاص لا تنسد نفسي على هالسيره ..
سعود : كسلانه ..
جود : طالعه عليك ..
سعود : والله اني اشطر منك حتى ماما ماتززعل مني مو زيك ..
جود طلعتله لسانها : اسكت بس ..
ام جود ابتسمت بحنان : الله لا يحرمني منكممم ..
جود حست بغيره بس ابتسمت : امين ولا منك يارب ..
سعود بتردد وفضول اطفال : ماما ... انا حقعد عندكم كتير ؟!
ام جوود : على طوول ياقلبي ليه تسال ؟!
سعود : بس فين بابا .. ليه مارجع ياخدني ..
جود التفتت لامها بسرعه تشوف ملامحها الي انقلبت فوق تحت ..
وحاولت ترقع السالفه : ايييه هههههههه يعني مو مبسوط عندنا ؟!
سعود : الا بس هوا وحشني مرررره ..
جود ابتسمت بحزن : هو ماتركك .. بالعكس جابك عندنا عشان تنبسط ويصير عندك اخت حلوه مثلي ..
سعود : انتي مو حلوه وانا ابغه بابا ..
جود >> ياربي وش ه الورطه << : معليه حبيبي اتحملني شوي الين مايرجع ابوك وياخذك بس هو مشغول شوي ومسافر ..
سعود ماقتنع بس فضل انه يسكت ..
اما ام جوود .. فكانت في قمة الحززن .. ماتدري وش تقوله ولا كيف تجاوبه ..
بس هذا امانه برقبتها ليووم الدين وبتكون له الام والاب وكل شي ..
جود ملاحظه كل التغيرات الي حصلت لامها والالم الي بين في عيوونها ..
قالت بمرح : سوسو وش رايك نروح الفيصليه اليووم ؟!
سعود : الفيصليه ؟!!!!
جود : ايه هذا مول مره كبير وفيه العاب وكل شي راح تنبسط ..
سعود بفرحه : طيييب ..
ام جود : ماشاء الله وانا ؟!
جود : انتي الكل بالكل ياغاليه ..
سعود : ماما ليه ماتجي معانا ؟!
ام سعود : لا حبيبي مشغوله شوي وصديقاتي جاييني اليوم .. روح مع اختك ..
جود : يلا خلص وغير ملابسك .. بعد العصر طالعين ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;


دخلت لغرفتها وهيا كاتمه دمووع الظلم والقهرر بعيوونها ..
ارتمت على سريرها وتركت لدموعها تنهمر بدوون توقف .. تعبر عن احساسها ومشاعرها المكبووته بداخلها ..

قالت بصوت عالي كله قهر : اكرررررهك ياحقير ليه تسوي فيني كذا ليه .. والله حرام الي قاعد يصير معي .. يارب استر علي يارب ..

هدأت شويه واخذت جوالها بإيد مرتجفه .. دقت عليه وهي تدعي من قلبها انه يحن عليها ويررحمها او حتى يصدقها ..
وبمجرد انه رفع السماعه تكلمت : فيصل ..
فيصل تنهد : هاه غرام وش سويتي ؟!
غرام بصوت مخنووق : والله حاولت مارضى وربي سويت كل الي اقدر عليه ..
فيصل بعصبيه : يعني شلووون ؟!
غرام تبكي : والله مادري .. ( قالت بتردد ) طيب كلمه انت ..
فيصل بطفش : اذا كلمته بقووله ع الحقيقه وتستحملين مايجيك ..
غرام بخوف : لا لا تكفىى فيصل لا تقول شي ( زادت دموعها ) والله اني مظلوومه حرام عليك ..
فيصل >> ادري انك مظلومه والله ادري بس مو بيدي .. ابيها احبها مستعد ابيع الدنيا عشان اكون بقربها << ..
استغربت سكوته الي طوول : وش اسوي ؟! والله مو راضي ..
فيصل : حاولي مره واثنين عندك الين بكرا لازم كل شي يخلص سمعتي ؟؟!
غرام بقلة حيله وصوت اقرب للهمس : بحاول ..
فيصل ببرود : مع السلامه ..

سكرر منها ورمى نفسه ع الكنبه .. مو عارف ايش يسوي ؟!
هوا اكثر واحد يدري انو بهادي العائله الاوامر تنقال والكل ينفذ .. مصيرهم بإيد اهاليهم ..
ومابيد احد يسوي شي .. اذا هوا الرجال مايقدر يوقف بوجه اهله .. كيف هي البنت الضعيفه ..
مهما كان يكرهها ومهما كان يتمنى حلا ويحبها .. لازم يفكر بطريقه ثانيه ..
لازم يترك الانانيه ويضحي .... يضحي بقلبه وبسعادته عشان لا يغضب اهله وربه ويظلم غرام الي مالها ذنب وهي زيه مجبوره ..!
قام توضأ وصلى العصر ودعى ربه يزيح همه ويوجهه للصواب ..
** في نفسه **
مابيدي شي .. حاولت والله حاولت ..
لازم ارضى بمصيري .. وانسى كل شي .. بنساها وبنسى حبي لها .. ومع الايام بتعود على غرام وبحبها غصب عني ..
ليه اظلمها واعذبها وهي مالها ذنب بلي صار ...
وحلا بعد لازم ترضى بقسمتها من هالدنيا .. احنا مو لبعض ..
بنتظر رد غرام الاخير .. والله كررريم والي فيه الخير يكتبه ان شاء الله ..

قام عن السجاده وقلبه يرجف .. اول مره بحياته يحس انه ضعيف ..
ماله أي كلمه ولا أي قووه انه يعمل شي او يغير شي ..
حتى ابسط حقوقه محروم منها .. واكبر قرار في حياته ممنوع من إنه يقرره ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;

" جده " ..

بغرفتها الواسعه .. سكرت الكتاب الي قدامها .. واخيرا خلصت من مذاكرتها بعد يومين من الكرررف ..
اخذت نفس وكانها كانت مكتووومه او احد جالس فووقها : اخيييييييييرررا ..

طلعت من الغرفه تجري ميته جووع والغدا أكيد جاهز ..
بس احساس غريب حست فيه ووقفها بمكانها ...!
ظغطت على بطنها بقوه وهي تحاول تظبط وقفتها ..
رجعت للغرفه بسرعه وهي تحس بغثيان وقرف ..
دخلت للإتواليت " الله يكرمكم " .. وقفت قدام المغسله .. وتطالع في المرايا ونفسها تلعب ..
دقيقه دقيقتين تلاته ..!
ماصار شي .. طلعت من الحمام بهدوء وجلست ع السرير ..
فدووه : ياربي دا وقتوو .. احس اني بستفرغ بس مافيه شي ؟!

دخل عليها بدون مايدق الباب : بنت يلا الغدا ..
فدوه بفزعه : وجع دق الباب تاني مره ..
فهد رفع حاجبه : يوجعك ياشيخه .. لسانك طول ياكتكووته ..
فدووه : لاء بس مع الفجعه ..
فهد : اها ههههه طيب يلا قدامي ..
وقفت بتعب غريب حست فيه : اوكي يلا ..
فهد قرص خدودها : يسلملي المنفوخ ياناس ..
مشى لعند الباب والابتسامه مرسومه على شفايفه .. بس وقفه صوت ارتطام قوي بالارض ..
التفت بسررعه والصدمه بعيوونه .. صرخ : فدووه ..
قرب لعندها ونزل للارض بقلق واضح : فدوو بنت اشبك ..؟! قووومي ايش فيكي ؟
حاول يصحيها .. ضرب على خدودها بخفه يمكن تفوق بس مافيه فايده ..
اطرافه ترتجف ومو عارف كيف يتصررف .. خووفه من فقدانه لاحد اخوانه من بعد فايز كبيرر واحساس مررعب ..
راح للدوولاب وطلع عبايتها .. لفها عليها بسرعه وحملها على كتفه ونززل يجري ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

على سفرة الغداء ..
الجوو متوتر كثير هالفتره ..
والكلام قليل جدأ بهالبيت حتى اصبح نادر ..!
ترك الملعقه من ايده ووقف : الحمد الله ..
أم سامي بصوت ضعيف : ماكلت شي ؟!
سامي : تسلم ايدك خلاص شبعت .... ( طالع في ابوه ) ابويا انا عندي مشوار مهم اليوم ومابجي الشركه ..
اكتفى أبو سامي بهز راسه بالموافقه ..
يحس ه الهم اكبر من انه يحمله رجال بسنه وبمكانته ..
سمعته صارت على كل لسان .. وفضيحة بنته انتشرت بسرعه غريبه ..
مافيه سيره بالشركه .. الا بنت العم عبد الله وإدمانها ...!

أما هووإ ..
غيرر ملابسه وطلع من البيت مخنووق ومتضايق ..

شغل المسجل وصار يكلم نفسه بهستيريه ..

** سامي **

مستحيل الي قاعد يصير وانا ساكت ..
لازم اعرف كل شي .. كيف يصير كدا بدون علمنا ..
متى ومن فين .. ومين الي كان السبب ..؟!!
انا الي بعرف .. وربي لو يطيح في يدي لا إنسيه يوم جاه فيه عالدنيا دي ..

وصل للمستشفى إلي تتعالج فيها " مها " ..
نزل بعصبيه وضربات رجله ع الارض قويه ..

دخل لجووه واستأذن الدكتور انه يشووفها ضروري .. بما إنه يوم الزياره المسموح فيها لسه ماجاه ..

وقف قدام باب الغرفه ودقات قلبه قوويه ومزعجه ..
لأول مره بيواجهها بعد عملتها السوده
كيف بيستحمل يطل في وجهها ولا يسمع صوتها ؟!
صح كثير اشتاقلها واشتاق لشقاوتها ومرحها .. بس الي سوته فيهم ماينغفر طوول العمرر ..!
دق الباب بهدوء بس ماجاله أي رررد ..
دخل برجلين مرتجفه الين وصل للسرير .. المتمدده فيه أخته .. دلوعته ..
كانت نايمه بهدووء ومبين على وجهها التعب والارهاق .. كثير متغيره ونحفانه ..
عظام نحرها بارزه وفكها ظاهر على برى .. هالات سودا تحت عيونها وشفايفها جافه ولونها قاتم ..

حس بغصه في قلبه على حال ه الورده الي لسه مانضجت ..
محد سقاها الحنان والرعايه الي تحتاجها .. محد اهتم فيها وراعى سنها الحساس ..
انجرفت ورى أهوائها وشياطين الانس ..
جلس ع الكرسي الي بجنب السرير وايده ترتجف .. يتمنى يضمها ويخفف عنها ..
كره الدنيا والحياه بعد ماشافها بهالحال .. هزيله ضعيفه ..
مد ايده البارده ببطئ ومسك ايدها الضعيفه و ضمها بقوه ..
نزلت دمعته إلي حابسها من ايام ..
الموقف اقووى منه .. صورة ملاكه البريء مختله قدامه ..
قال بصوت خافت ومبحوح : ليه سويتي كدا يامها ليه .. كنت مستعد اديكي عيوني بضحي بالدنيا كلها عشان احميكي وماقصر معاكي في شي .. ليه خذلتيني ؟! ليه خيبتي ثقتي فيكي لييييييه ؟!

حس بايدها تتحرك رفع عيونه عليها يشوف تعابير وجهها المنزعجه وهي تحاول تفتح عيونها ..
ساب يدها بسرعه ومسح دمعته ..
اخد نفس يحاول يرتب الكلام الي يقووله لها .. يحاول يمسك اعصابه ومايهب في وجهها ..
لازم يسايسها ويعاملها برقه عشان تتفاعل معاه وتديه الاجوبه الي محتاجها لكل الاسئله الي تدور في راسه ..
وبالذات بوضعها دا وبصحتها المتدهوره الي ماتتحمل أي عصبيه او ظغط ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

يجري في سيب المستشفى وهوا حاملها على كتفه ..
فهد للممرضه : لو سمحتي دكتور بسرعه ..
الممرضه اشرت للعاملين يجيبوا سرير نقل بسرعه .. واخدووها للغرفه ..
الممرضه وهيا تاشر لفهد : مافيك تدخل لهون انتزر هونيك ازا بتريد ..
هز راسه وراح يجلس وهوا متوتر وعقله مشتت ..
مر الوقت بسررعه ..
واخدت عملية الكشف والاجراءات نص سأعه ..
طلع الدكتور من الغرفه وابتسامة الرضا على وجهه ..
قام فهد مسرع لعنده : هاه دكتوور بشر ؟!
الدكتور : انتا زوجها اكيد ؟!
فهد استغرب : لا لا اخووها .. اشبها ؟ كيفها دحين ؟!
الدكتور : هههه ليه كل دا القلق اتطمن اخويا مافيها الا كل خيرر .. بس هادي اعراض طبيعيه نتيجة ال.................
رن جواله بنغمة راشد فنانه المفضل ..
فهد وهوا يطلع الجوال من جيبه : معليه عن اذنك ثواني ..
رد بسرعه : هلا يامي ؟!
ام فايز : هاه حبيبي فينك ؟! بنشيل الغدا ..
فهد يحاول يبين طبيعي : شيلو خلاص .. انا وفدوه طلعنا نتغدى برى ..
ام فايز باستغراب : كيف ؟!!
فهد : والله نسيت اقلك بس نشبت فيا الا اطلعها وقلت نخرج نشم هوى شويه ونتغدى مره وحده ..
ام فايز : اها .. طيب بس غريبه كدا بدون لا حس ولا خبرر تخرجووإ ( ابتسمت ) اه منكم مصايب ..
فهد ابتسم بتوتر : يلا صحتين على قلبكم .. مع السلامه ..
سكر من أمه ورجع للدكتوور .....!!

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;

" الرياض " ..

لفت الطرحه بترتيب .. واخذت شنطتها الكبيره وفتحت باب الفله : سوووسو يلا تاخرررنا ..
جاه يجري من وراها : يلا جيييت ..
ابتسمت ومسكت ايده وطلعوإ لبرىى ..
زهمت ع السوإق يشغل السياره .. وطلعوإ ع الفيصليه ..

سعود : جوود ..
جود ابتسمت بحنان : ياعيوون جود ..
سعود بلقافه : مين هداك الرجال الي تحبيه ؟؟
جود فتحت فمها ببلاهه : أي رجال ؟!
سعود : هههههههههههههههههههه
جود اتنرفزت : وش يضحكك ؟! أي رجال الي تحكي عنه ؟!
سعود : اممم هداك الي طيحني من الدرج ..
جود ابتسمت تلقائيا لمن افتكرته : قصدك نواف ..
سعود : مادري ايش اسمو ؟!
جود خربطت شعره : ههههههه ياشقاوتك ..
سعود بهمس : انتي تحبيه حقيقي ..
جود بنفس الهمس : اقولك بس تخليه سر ؟!
سعود هز راسه بحماس اطفال ..
جود بدلع : ايوا اموت فيه ..
سعود ضحك بخبث : حقوول لماما ..
جود بدلع : اتحداك ..
سعود : طيب ..
جود بخبث تكلم السواق : اقوولك خلاص ارجع البيت هوننا ..
سعود : لا خلاص والله محاقول ..
جود : هههههههههه طيب ..

وصلوإ للفيصليه .. دخلوإ من الباب الرئيسي وجود في نفسها تغير جوو من زمان ..
ملت من قعدة البيت ..
جود : هيا شوف تجلس عاقل وماتتكلم كثيرر عندي كم شي بشتريه .. بعدين نروح نلعب اوكي ..
هز راسه ببرائه ..
لفوإ في السووق إكثر من مره وإخذت الاشياء الي تبغاهم ..
سعود وهوا يشدها من عبايتها : خلاص رجولي اتكسرت ..
جود : ههههههههه يووه هذا ولسه مابعد لعبنا .. بمووتك اليوم امشي بس ..
تافف ومشى معاها ..
رإحت للدور الأخير .. وإشترت ايس كريم تسكت فيه سعود الين ماتخلص شووبنج ..
جود : يووه نسيت بشتري سماعات لجوالي مادري وين ضيعتها ..
سعود بعصبيه : اف خلاص طفشتيني مني طالع معاكي مره تانيه ..
جود : يلا ياسووووسه بس هذا اخر شي طيب ؟!
سعود : طيب بسرررعه ..
مشت لحد ماوصلت ل " إكسيووم تيلكوم " ..
دخلت وهوا ماشي وراها وياكل من الايس كريم ..
توجهت للكاشير : لو سمحت اب...................سكتت وهي تشووفه قدامها ..
يالله كم لها ماشافته وتقريبا نست وجووده بهالمكان ..
اشتاقت لايام زمان .. وجمعاتهم سووى واستهبالهم .. هيا وفرح وحلا ونووف ..
ابتسمت وهي تشوفه مشغول ومو منتبهلها : شلوونك مشعل ؟!
رفع راسه بسرعه واتفاجأ بوجودها : هلا والله وانا اقول اشبو النور قووي ..
جود : هههههههه لا ياشيخ ..
مشعل : هههههههه فينك يابت من زمان عنك ..
جود : موجودين انت الي مانشوفك ..
مشعل : والله انشغلت شوويه وتعرفي فرح سافرت وكدا .. قوليلي كيفك ؟!
جود : الحمد الله انت شخبارك ؟!
مشعل : تمام بشوفتك ..
جود : هههههههه و وشلون اخواتك ؟!
مشعل : بخير الله يسلمك ..
جود : الحمد الله ....... وفرح وش اخبارها ؟!
مشعل : مادري عنها والله تعرفيها من يوم ماتسافر تسحب على ام الدنيا ..
جود : ههههههههه ايه والله حتى انا ماعاد اسمع صوتها الا في المناسبات ...... يلا ترجع بالسلامه ان شاء الله ..
مشعل ابتسم : الاسبوع الجي راجعه مع اهلها .. عاد زورينا ..
جود : ايه ادري قالتلي .. اكيد على قلبك ..
مشعل غمزلها : عسل على قلبي ياشيخه ..
جود : اقووول .. عطيتك وجه ..
مشعل : طيب طيب .. امري ؟!
جود : ابي سماعات لجوالي ..
مشعل : اشوف شكلو طيب ؟!
جود : الغبي حقك الي غشيتني فيه اول مره تذكر ..
مشعل : ههههههههههههه حرام عليكي وربي كويس بس من عفاشتك ..
جود : هههههههههه ..

.
.

" جده " ..

وقعت المصيبه .. وانكشف السرر ..

نزلت كلمة الدكتوور عليه ك الصاعقه ..
طاح على ركبه من هوول الصدمه ..
مو مصدق .. لا لا ايش مو مصدق اكيد انه بيحلم او في كابووس مززعج ؟!
رفع عينه للدكتور بتوهان فظيع : كيييييف ؟!
الدكتور حس انه فيه شي غلط في الموضوع .. مد له ايده عشان يساعده يوقف : اهدأ ياخويا أي.......
قاطعه بعدم تصديق : انتا ايش تقوول بالله ؟!
الدكتور باستغراب : ليه لاسمح الله فيه أي شي ؟!
فهد هز راسه بهستيريه وهوا ساكت .......!!
وقف برجول مرتجفه والصدمه واضحه بعيونه وملامح وجهه ؟؟
جلس على اقررب كرسي .. يحاول يفهم الموضوع .. او يستوعب الحكايه ؟!
قرب الدكتور من عنده وجلس ع الكرسي المجاور له .. قال بتردد وهدوء : ياخويا ربك ستار .. ودا الشي م .........
قاطعه بعصبيه : فينها ؟!
الدكتور يحاول يهديه : ياخويا بدون فضايح .. تقدروا تناقشوا مشكلتكم برى او ........
صرخ بقهر ونار مشتعله جواته : اقوولك فينها الحيوانه ؟!!
تأكد الدكتور من الشكوك الي في باله .. وحاول يهديه بس بدون فايده ..
وقف بسرعه وركض لناحية الغرفه الموجوده فيها فدووه ..
لسه تعبانه ومتمدده ع السرير وماتدري بأي شي ؟!
دخل عليها بوحشيه وهوا يصرخ بس وقفته إيد الدكتور تشد على ذراعه بقوه : اخوويا اهدا خليني افهمك ..
فهد وهوا يحاول يفلت منه : وربي لا اقتلها سيبني ..
سحبه بصعووبه لبرى وسكر الباب : انتا مجنوون ؟! مافيه شي بينحل بدي الطريقه روووق ..
اخذ نفس عميق وهوا يحاول يظبط دقات قلبه المخرربطه ........
الدكتور : اسمعني لو سمحت .. انا بكلمك ك إنسان مو ك طبيب .. مهما سار في دي الدنيا راح تفضل اختك .. انتا لازم تفهم منها الحكايه كلها .. لازم تعرف الحقيقه بلسانها قبل لا تتهور وتعمل شي تندم عليه طول عمرك ..
فهد حس بالدنيا ضايقه عليه .. كيف سمعتهم تتلوث بهالطريقه .. كيف يسمح لواحد زي دا يتكلم معاه كدا وفي شررف اخته ..!
ايش الي بيسير .. حلم ولا حقيقه ؟!
سكت وماعلق على ولا حاجه ؟!
جثى على ركبته .. رجوله مو شايلته من قوة الرجفه والتوتر ..
غمض عيونه بقوه .. حاول يركز في الي قاعد يصير .. يتأكد من حقيقة الأمرر ..!
مسك راسه بين يدينه ونزلت دموعه هززت كيان الدكتور وكل الي يمر من جنبه ..
دموع رجال خسرر شرفه وضاعت سمعته ..
دموع انسان انكسر بعد ماكان شامخ ماتهزه رياح ..
شخص عاش حياته كلها راسه مرفووع ودحين مايسترجي يرفع عينه بعين أحد ..!
كل شي ضاع .. الشرف .. السمعه .. الثقه ...... أخته ؟!
تسند ع الجدار بضعف وهوا يبكي زي الاطفال بالضبط ..
ويتمتم بكلام مو مفهوم ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;

زفرر بضيقه وعيونه معلقه عليها ..
مو راضيه تتكلم ولا تنطق بأي حرف أو حتى إيمائه براسها ..
كل الي تسويه .. تبكي ؟!
تبكي وتقطع قلبه بكل شهقه تطلع منها ..
كان مجهز اقوال وافعال كثيره لحظة مايشووفها .. بس حن قلبه .. حن لأخته ل حبيبته ..
حس قد إيش هوإ يعزها ويغليها لو إيش ماسووت ..
نفسه يمد إيده يمسح دمووعها الغاليه ..
يتمنى يرجعلها الإبتسامه الحلوه إلي تميزها ..
مشتاق لصوتها .. مشتاق لكلامها وضحكاتها ..
كان في لحظه راح يضمها لصدره ويسامحها ..

تنهد وقال بحيره : مها .. تكلمي قولي شي لا تبكي خلاص ؟!
مها مازالت مستمره في البكا بدون أي كلمه زايده ..
سامي بحنان : طيب قوليلي مين الي سووى فيكي كدا .. مين الي كان يديكي هادا السم ؟! مين الي دلك عليه ؟!
اديني اسموو بس ..
سكتت شوويه تطالع فيه بتمعن ..
لسه حنوون .. لسه طيب .. لسه هوا سامي الي يحبها ويخاف عليها ..
معقوله بعد كل شي طلع منها مازال يعزها ؟!
يالله قد ايش ظلمته وظلمت اهلها بتصرفاتها ..
عمره ماقصر معاها ولا رفضلها طلب .. وبعد كل الي سووته رجعلها بطيبة قلب يحاول يساعدها وينتقم من الي ضرووها ..!!
نزلت عيونها للارض وهي تلعب باصابعها بعد ماهدأت شويه ..................
سامي مد يده لدقنها ورفعه بهدوء : قولي يامها لا تخافي .. صدقيني راح يدفعوإ ثمن كل دمعه نزلت من عيونك وكل اه قلتيها ..
مها وعيونها مغرقه بالدمووع .. تكلمت بصوت ماينسمع : سامحني ..
سامي غمض عيونه وعض على شفايفه بقهرر .. هوا مسامحها من غير ماتقول .. توقع انه ممكن يزعل عليها ويحقد .. بس من شافها نسى كل شي .. صار كل همه يرجعلها حقها وينتقملها ..
قال بإصرار كبير : قولي يامها .. مين ؟!!
مها بارتباك وصوت مرتجف : صحباتي ..........
سامي باستنكار : صحباتك ؟! لسه تسميهم صحبات ؟! قووليلي بس اسمائهم بسرعه ..
مها : ...................
حاول يطمنها قد مايقدر وشجعها تقوول ........
تكلمت بعد صمت طويل : س ....... سماهر ال***** و .......و ...............
سامي والحقد بين في صوته : ومين تكلمي ؟!
مها بلعت ريقها وهيا تحاول تفتكر كلمات شذى لها .. صح كانت شريكه في الي سووه .. بس كثير نصحتها وحاولت تبعدها عن دا الطريق ...........!!
قالت بهدوء : بس ..
سامي بشك : متأكددده ؟!
هزت راسها بالموافقه ..
سامي : لا يكون احد ماثر عليكي او مهددك بشي .. صدقيني محد يقدر يمس منك شعره انتي بس قوليلي ..
مها ودموعها منهمره على وجهها : هيا سماهر ..
وقف وايده قابضه على الجوال بقووه وبقهر : طيب طيب ..
اداها ظهره وكان راح يطلع .. ماعنده وقت يضيعه ..
مها بخوف : لا تروح الله يخليك ......
لف عليها بهدوء : انا لازم امشي .. لا تخافي الممرضات والدكاتره سهرانين عليكي وانا موصيهم ..
مها بصوت يقطع القلب : مابغه خلاص طلعوني من هنا .. تعبت والله حامووت ..
سامي قرب لعندها ومسح على شعرها : بسم الله على قلبك .. لا تقولي كدا .. وجودك هنا راح يساعدك تتخلصي من السموم الي في جسمك باقرب وقت .. وبكرا يوم الزياره حتجيكي امي ..
هزت راسها بقلة حيله ..
ابتسملها وطلع من عندها .. واسم واحد يتردد في باله ..
اسم إنسانه بتكون حياتها جحيم بمجرد دخووله فيها ..


;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;


" الرياض " ..

طلعت من شقتها بنشاط ..
والتووتر واضح عليها ..
هيا لسه مافكرت ولا اتخدت القرررار .. وماهي عارفه ايش الإختيار المناسب لها ..
محتاره لابعد حد ..
صلت الاستخاره اكثر من مره وللان ماحست بشي ولا أي راحه ولو بسيطه تجاه دا الموضووع ..!
اخدت تاكسي كالعاده وتوجهت لمكان شغلها ..
دخلت للمستشفى وتمنت من قلبها انها ماتشوف احمد او تحتك فيه طول اليووم ..
بس للاسف .. كل شي يمشي عكس ماتتمنى ..
كان اول وجه تبدأ فيه يومها بالعمل ..
حاولت تبين انها ماشافته وتبعد نظرها عن مكانه ..
بس عشقها لملامحه يجبرها تلتفتله غصب عنها ..
تنهدت من قلبها .. مو عارفه كيف تفكر ولا ايش القرار الصحيح والمناسب لها ..
تمنت بهالوقت تكون بين اهلها ووسط اخواتها ..
تمنت يشاركوها فرحتها .. تمنت تسمع نصيحة امها وشورها في دا الموقف الصعب ..!
بس الي مريحها جزئيا ..رجعة فرح القرريبه ..
فرح الإنسانه الوحيده الي وقفت معاها بمحنتها وساعدتها ..
دخلتها لبيتها .. اعتنت فيها .. حسستها بالراحه والأمان ..
كانت لها نعم الأخت ..

أما هوو ..
إنتبه بوجودها .. ووقوفها الشامخ ورى الريسبشن .. ابتسم بحب ..
يتمنى يسمع الجواب الي يريحه .. الي يسعده وينسيه هموم الدنيا إلي عايشها ..
ينسيه هم زوجته اللا مباليه .. ينسيه شتات أولاده مابين بيته وبيت اهل زوجته ..
لو انها حافظت عليه وقدرته ماكان راح يطالع برى البيت أو يدور على انسانه ثانيه تعووضه الحرمان ..
من أول ماشاف نوف وعرفها وهوا حاس إنها راح تكون شي مهم بحياته ..
حَبها لتواضعها وطيبتها .. ومع كدا واثقه في نفسها ومحترمه وخلووقه ومكافحه ..
يشوف فيها انسانه ثانيه .. انسانه مختلفه تماما عن بقية الناس ..
هز راسه بأمل ورجع لمكتبه .. لازم يعطيها وقتها من التفكير ومايظغط عليها ..

;;;;;;;;;;;;;;;;;;;;;;;;;;;;;;;;;;;;;;;;;;;;;

" جده " ..

جالسه بالصاله تقلب في القنووات بملل ..
دخل عليها بكسل : اف احس جسمي مكسرررر ..
فرح ابتسمت : صح النووم ..
فراس جلس جنبها : صح بدنننك ..
فرح : ساير كل وقتك في البيت ؟! لا شركه ولا شي ..
فراس بطفش : خليها على الله ..
فرح : اممم وايش سويت ع الحجزز ..
فراس : خلاص رحت سويتو وكل شي ..
فرح : حلووو ..
فراس وهوا يمدلها ايده : هاتي الريموت بس ..
ناولته إياه وصار يقلب بين المحطات .. لحد ماصرخت فرح : وقف وقف خلللللي لحظه ..
فراس : عمى ايش فيه ؟!
سكتت وعلقت عينها ع التلفزيوون باستغراب ..
فراس : دحين مين القرد دا ؟!
فرح : اووش خليني اسمع ..
حاولت تركز شويه .. بس من جد اكتشفت مدى تفاهته وسخافة اهتماماته >> وانا اقوول اشبو معد يدق .. ع ال "ال بي سي " ماشاء الله .... فكه عساها دوم ان شاء الله << ..
تأففت : خلاص غير ..
فراس : ههههه دا رامي ال.............
قاطعته : ايوا الله يصيبو ..
فراس : وي اشبك ع الادمي ..
فرح : ولا شي بس ماطيقوو ..
فراس : لي...................
قطع كلامهم جواله يدق .. رد عليه بسرعه : هلا فهد ..
ايش ؟!
اش بتقول مني فاهم ؟!
ياواد اشبك ؟!
طيب طيب بس فين ؟!
ايوا عرفتها يلا جاي ..

سكر منه وقام بسرعه لناحية الباب ..
فرح بقلق : ايش فيه فهد ؟!
فراس : هاه ولا شي بس ..... بعدين اقلك يلا باي ..
خرج بسرعه وهوا متلخبط ومو عارف ايش الي بيسير مع اخووه وليه كل دي العصبيه والتوتر في صوته ؟!

;;;;;;;;;;;;;;;;;;;;;;;;;;;;;;;;;;;;;;;;;;;

تكلم مع واحد من اصحابه .. الخبير في جمع المعلومات عن أي شخص ممكن يخطرر في بالك ..
انتظر في السياره نص ساعه يستنى جواب صاحبه ..!
دق جواله ورد عليه بسررعه : ايوا ياسر ؟!
ياسر : اقوولك طلع معايا كذا اسم .. جيبلي اسم الابووو اذا تقدر ؟!
سامي : وانا ايش يعررفني .. طيب ايش الي طلع معاك ؟؟
ياسر : امممم 3 بس وحده منهم متزووجه ماتوقع تكون هيا .. يعني عندك وحده في النسيم والتانيه في المرجان ..
سامي تنهد : طيب اديني ارقامهم وعناوينهم ..
ياسر بشك : سمووي ماقلتلي ايش تبغه فيهم ؟
سامي : انتا اديني دحين وبعدين افهمك ..
ياسر : اووكي اكتب عندك ..
أعطاه العنأوين والارقام ..
سامي ابتسم : مشكور حبيبي ماقصرت .. نردها في الافراح ..
ياسر : ولو ياعمي دا واجبي .. يلا في امان الله ..
سكر منه واخد اول عنوان وانطلق على هناك دووووووغرري ..
اول ماوصل للعنوان الأول " حي المرجان " ..
وقف قدام الفله المطلووبه وقلبه يخفق بقووه ..
نزل بهدوء وقرب لناحية الباب الكبير للفله الضخمه ..
متردد .. طيب كيف بيتصرف وايش بيقوول ..!!
مره غلط الي بيفكر فيه مستحيل يوصل لنتيجه ..
خطرت على باله فكرررره رهيبه ..
راح يجري للسياره وطلع من الدرج دفتر كبير موجود فيه وطلع قلمه من جيبه ..
وقف عند الباب ودق الجررس باصررار ..
طلعله صوت انثووي حاد : نعم مين ؟!
سامي بثقه : لو سمحتي اختي احنا جماعة الاحصاء السنووي .. وحاب اعرف عدد افراد العائله ..
البنت : امممم 7 مع الاب والام .. 3 اولاد وبنتين ..
سامي : اعمارهم لو سمحتي ؟!
البنت بتأفف : الكبير 24 .. والي بعدو 20 وبعدين البنت 18 وبعدها ولد 14 والصغيره 11 ....!
سامي بتردد : الاسماء ؟!
البنت : ايش اللقافه دي ؟!
سامي : ياختي لازم نتاكد من وجود هالاشخاص ؟!
البنت : يعني ؟!
سامي بقلة صبر : لو سمحتي بسرعه يعني ماورانا غيركم ..
البنت : اف .. محمد .. ماجد .. ساره .. سامر .. والصغيره سماهر ؟!! فيه أي شي تاني ..
سامي تنهد : لاء مشكوره اختي .. مع السلامه ..
ركب سيارته وعض على شفايفه بقهر : مو هادي هيا اكيد .. مافيه غير الي بالنسيم .. اخ ياشيخه لو اشوفك بس حاقتلك وربي حأقتلك ..

انطلق للعنوان التاني وكل مايقرب من المكان الحقد الي في قلبه يكبرر اكثرر ..
واخيرا وصل بعد زحمة السيرر ..

دخل للعماره الي في العنوان وطلع للدور المطلووب .. قرب من الشقه وحس بقوه غريبه تتولد في داخله ..
قوه ناتجه عن حقد كبيرر تجاه ه الانسانه الحقيررره ..
دق الباب وهوا على احررر من الجمر بانتظار مقابلتها ....!!

فتحت الباب وهيا تتثاوب : مين جي دا الوقت و ............. سكتت وهيا تشوف دا الوجه الغريب عليها ..
ردت الباب بسرعه : نعم مين ؟!
سامي بجديه : شقة سماهر ال******
سماهر باستغراب : ايوا ؟!
سامي بقهر مكبوت : اها وفينها ممكن اكلمها شويه ؟!
سماهر : مين انتا ايش تبغه فيها ؟!
سامي : انتي هيا ؟؟
سماهر : ايوا .. امرر ؟
سامي وهوا يدفع الباب بقوه : والله ووقعتي في ايدي يا***** ..
دخل بسرعه وسكر الباب ..
سماهر انفجعت : ايش تسوي انقلع برىىىى والله لا اصرخ اخررررج بسرعه ..
سامي قرب منها ولوى ذراعها : اطلع هاه .. انتي انسانه واطيه و...............
قاطع كلامه صوت بنت ثانيه طالعه من وحده من الغرف وشكلها مرعوبه : سماهر ايش فيه مي...................
سكتت وبلعت ريقها بخوف ..
سامي ماإهتم وسحبها لحد الكنبه ورماها بكل قوته : انتي ماتحسي ؟! ماعندك قلب .. ماتخافي ربك هدمتي حياة انسانه ضعيفه وبكل بساطه عايشه مرتاحه ولا كانك ارتكبتي ابشع الجرايم في حقها ..؟!

سماهر بخوف وهيا ماسكه ذراعها بألم : انتا ايش تقول يامجنون اطلع برىىى
سامي سحبها من شعرها : ايش مصلحتك من الي سويتيه هاه تكلمي ؟!
شذى وهيا تجري لناحيتهم : سيبها يامتخلف حرام عليك ..
سامي طالع فيها بحقد : خليكي بعيده لا اوريكي شغلك انتي التانيه ..
سماهر تحاول تفلت منه : سيبني خلاص اطلع برى ايش تبغه ؟
سامي رماها ع الارض : تبغي تعرفي انا مين ياسافله ؟! انا اخو مها .. مها الي دمرتيها ودمرتي شبابها ..
شذى وسماهر شهقوإ في نفس الووقت ..
شخص غير متوقع مجيئه بالمرره ..
سماهر وقفت بعصبيه : بدال ماتجي تتمرجل عليا اتمرجل على اختك الفلتانه محد جبرها ت.............
سكتت على ايد سامي الحاره على وجهها : انكتمي ياحقيره .. مالفلتان غيرك واشكالك الوسسخه .. دحين تنطقي وتفهميني ايش الي خلاكي تسوي فيها كدا .. ايش كسبتي من ورى اذيتها ؟!
سماهر زاد صراخها وعصبيتها من بعد الكف القوي : روح اسالها .. هيا جات برضاها .. ودحين اطلع برى لا ازهملك الشررطه ..
سامي باستهزاء : هههههه شرطه يامريضه .. صدقيني لو مانطقتي وفهمتيني كل شي لا اكون دافنك هنا انتي والتانيه الي معاكي ..
سماهر تكتفت وطالعت في عيونه بحقد : الي فراسك سويه مني خايفه منك ولا من طابوور زيك يامعفن ..
قرب لعندها ولف يدينه على رقبتها بحقد : تعرفي تردي يا**** يمينا بالله ر..............
صرخت شذى بخوف : سيبها حتمووتها الله يخليك سيبها ..
سامي وهوا يشد قبضة ايدينه : انا حلفت اني حقتلها اول ماشوفها .. واطيه زي دي ماتستحق تعيش ..
شذى وهيا تبكي والخوف ماليها : مو هيا السبب .. فرح ...... فرح السبب فررررح ..
وقف عن الحركه للحظه .. تشنجت اعصابه لمن سمع دا الإسم الي يعشقه ويعشق صاحبته ..
نزل ايده من على رقبتها والتفت لشذى بسرعه : فرح ؟! أي فررررح ؟!
سماهر ماسكه رقبتها وتكح بقوه تحس انها راح تمووت ..
شذى راحت تجري لعندها وضمتها بقوه :فرح الفارس .. هيا سبب كل شي .. هيا الي دبرت وخطتت ..
سامي ؟؟؟؟؟؟؟؟!!!؟!؟!؟!؟!؟؟!؟!؟؟؟؟

;;;;;;;;;;;;;;;;;;;;;;;;;;;;;;;;;;;;;;;;;;;;;;;;

دخل للمستشفى مسرررع ..
لحد ماوصل لمكان فهد ..
فتح عيونه على اخر حد وهوا يشوف دموع اخووه وحالته المبهدله ..
قرب لعنده بسرعه : فهد ايش فيه تكلم ؟!
فهد ساكت وماسك راسه بين يدينه بقهر وحسررره ..
فراس يهزه بعصبيه : اتكلم ياخي ايش ساير .. فدوه فيها شي ؟!
فهد رفع عيونه عليه وقال من بين اسنانه : ادخل لعندها واسالها ؟
فراس مانتظر ثانيه وحده دخل للغرفه وقلبه يدق بخوف حده قلقان ..
سكت لمن شافها .........؟!
تبكي زي المجنوونه .. تشد شعرها وتتمتم بكلام غريب .....
قرب لعندها بسرعه وحاول يهديها ويوقف ايدينها عن الحركه الهستيريه : خلاص ... فدوه خلاص فهميني ايش ساير ؟!
فدوه على نفس حالها ..!
فراس بصراخ : انطقووا ايش فيه جننتوني ..
حس بدمه حار .. متوتر ومو عارف السبب وايش الي حاصل ..
لأول مره في حياته يفكر يمد ايده على وحده من اخوواته .. بس هادا الحل الوحيد عشان يوفقها من الحاله الي هيا فيها ..
صفعها كف قووي وبصوت عالي : خلاص ..
فدوه وقفت عن الحركه ودمعتها متجمده على خدها بلعت ريقها .. وحاولت تستوعب الي بيصير حوولها ..!
فراس جلس جنبها : فدوو ايش فيه تكلمي ؟!
فدوه برعب : انا .... انا لا والله كدابين والله كدابين ..
فراس بقلة صبر خرج من الغرفه يكلم أي دكتور يعرف منه الي قاعد يصير ؟!
فهد بصوت مخنوق وهوا منزل راسه : مافيه داعي تكلم احد مو ناقصنا فضايح ..!
فراس التفت عليه بسرعه : فهد بتتكلم ولا كيف ؟!
فهد وريقه ناشف يحس بشي يقطعه من جووه مو مصدق الخبر الي معه ولا هوإ قادر يستووعب ..
معقووله اخواته يطلعوا بهالحقاره .. البارح فاتنه ...!
ودحين فدووووه ....!
الاولى مشكلتها بسيطه هذإ إذا ماكانت مسويه شي اكبر من كدا ..
بس الفضيحه الي هما فيها دحين ؟!
بأي حق يصير معاهم كدا ..
والأصعب انه يطلع من دلووعتهم اخر العنقوود .. فدوه رمز البرائه بالبيت الي بتنقلب حياته جحيم ..!
فراس جلس جنبه وهوا مخنوق : فهد بالله قلي ترى معد استحمل ؟!
فهد غمض عيونه وحاس بكتمه قويه : ح... ح.....ح..امل ..!!
فراس عقد حواجبه : كيف ؟! مين هيا ؟؟
فهد بغصه : فدو..وه ..
فراس ببلاهه : هاه ؟!
وقف ورجوله مررتجفه : انا ....... انا ماشي...............ويريت تقتلها ولا تشوفلها صرفه ....!!
مشي بسررعه وطلع من المستشفى يحس انه مخنوق ومو قادر يتنفس ..

أما فراإس ..!

همس لنفسه بصدمه : حامل ؟! كيف ؟؟؟
هز راسه يستوعب : لا ايش التخلف دا اكيد فيه غلط ؟!
قام بسرعه وراح لمكتب الدكتوور : لو س ........
قاطعه الدكتور : ياخويا كيف تدخل بدون ماتدق الباب ؟! فيه شي اسمه احترام وسلو...........
فراس يناهج : دكتور الله يخليك بستفسر عن شغله ضروري ..
الدكتور استغرب من شكله : اتفضل ؟!
فراس : ا .. المريضه الي جاتك قبل شويه ... ايش عندها ؟!
الدكتور تنهد .. عرف الهرجه كلها من ردة فعل فهد والصدمه الي بينت عليه وتأكد انها مو متزووجه ؟!
الدكتور ابتسم بقلق : طيب اتفضل اخويا ... ايش تقربلها ؟؟
فراس ماصدق وجلس على طول .. يحس بانهيار فظيع : اخوها اخوها يادكتور ؟!
الدكتور بهدوء : الي صار انها مجرد دوخه بسيطه نتيجة الحمل و ... وقلة الاكل والارهاق ....
فراس : لا لا دكتور .. المريضه فدووه الفارس ؟!
الدكتور >> لا حول ولا قوة الا بالله الله يصبركم << : ايوا اخويا هيا .. وهادا تاني شهر لها ..
فراس وكأن الكون وقف للحظه .. كل شي باهت .. ماله لون ولا حس ..!
قال ببال مشوش وتفكير ملخبط : يعني ... اممم ... كيف انتا متاكد ؟!
الدكتور هز راسه بأسف : ......................
فراس تسند ع الكرسي وغمض عيونه بقوووه ...............!!


.
.

إنتهىا الباإرت ..