رد: روايه ودي اضمك لين تختلط انفاسي معاك..

تمام باقي بنزل بارت اليوم بس مو الح انتظروني عالساعه 11 مساءا

Sent from my SM-N9005 using منتدى عبير mobile app

روايه ودي اضمك لين تختلط انفاسي معاك..

ممكن تنزلين البارت الحين بكره عندي مدرسة وماما تأخذ ايبادي ):

رد: روايه ودي اضمك لين تختلط انفاسي معاك..

طايب م عييييوني

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

تسلمين ي روحي :) :) :)

رد: روايه ودي اضمك لين تختلط انفاسي معاك..

وين البارت ؟

رد: روايه ودي اضمك لين تختلط انفاسي معاك..

بعد اسبوع وتحديدا يوم الأثنين سافروا قيصر واهله ووصلوا بالسلامه .. وصل قيصر وهو على امل انه يشوف حب حياته ميثا.. راح يشوف حبيبته الي مايمر يوم وماتخيلها وتعلقه فيها يوم عن يوم يزيد قيصر لمن نزل وشم نسيم المدينه وجوها .. حس بشعور غريب ووقف يتأمل هالمكان وهو يفكر في نفسه ويقول: هل فعلا بشوفها وكيف بيكون لقانا ايش بيصير معقوله تحب شكلي معقوله تهمها المظاهر هل فعلا تحبني وتموت فيني وبترضى فيني ابكل مافيني ولا بتكون مثل البنات هالزمان بس ماطال بتفكيره لأن اميره اخته وقفت بوجهه تبتسم: هيي انت وين وصلت يلا خلنا نروح من هالمطار ماعد فيني صبر ابي اشوف اتمشئ وافرر بالشوارع كلها واذا بعدك مطول قولي عشان اركب بتاكسي ومتى ماقررت تجي..
قيصر سكت ولا اهتم بكلامها ويمكن ماسمعها اصلا نظر فيها نظره خاليه من اي تعبير وتحرك وهي وراه تروح واتبعوه خواته اريج وانين وامه

اميره: عمرها19سنه اصغر من قيصر بسنه وهي اقرب له من خواته لأنها قريبه من سنه وتفهمه اكثر.....
اما باقي العايله مابعرفكم عليهم الحين لأن دورهم بعده مطول شوي
...............................



"البارت الرابع"


وصلوا قيصر واهله للفندق الي بيسكنون فيه هناك طول هالأسبوعين..كانوا تعبانين من السفر ومن دخلوا الكل نام من الأرهاق الأ قيصر الي جالس يفكر وماقدر ينام وقرر يسوي لميثا مسج يخبرها بأنه وصل اليوم
...........................


عند ميثا رن جوالها يعلن عن وصول مسج جديد اخذته وقرت المسج ابتسمت في نفسها قد ايش هي حابه تشوفه وقد ايش انها خايفه منه بس فرحها وشوقها له طغى على خوفها .... من داخلها فرحت من فكرت انها تشوفه عالطبيعه للحظات عالأقل فراحت واخذت الفون تتصل فيه وتحمدله بالسلامه
رد عليها قيصر بكل لهفه لأنه بالفتره الأخيره لاحظ عليها انها صارت جافه معاه ومايدري ايش السبب بس فرح من شاف اتصالها حس ان بعدها تحبه
قيصر بوله: هلا ميثا اشتقتلج
ميثا بدلع: اهلين حبيبي اشتاقتلك العافيه
قيصر: واخيرا عبرتيني صرتي قاطعه والله
ميثا: اسفه حبيبي بس امر بظروف هالفتره وعارفه اني مقصره معاك بس اعذرني حبيبي
قيصر: عادي حبيبتي لا تعتذري ادري انج مضغوطه شوي هالفتره
ميثا بحنيه: اوك الحمدلله على سلامتك طمني عليك شخبارك؟
قيصر: انا بخير حبيبتي لاتحاتين
ميثا: اهم شي سلامتك عمري
قيصر بتردد: ميثا متى راح نشوف بعض انا بصراحه ولهت عليج وودي اشوفج ولو اليوم
ميثا: لا قيصر شو اليوم انت اليوم ارتاح لأنك جاي من سفر وبكرا يصير خير
قيصر بحب: براحتج حبيبي بس تذكري ماراح اقدر انتظرج اكثر بس هاليومين تصرفي
ميثا بأنزعاج: بشوف قيصر لا تضغط علي
قيصر يهدي الوضع: ماضغط عليج بس أوعديني خلال هاليومين تقابليني
ميثا: والله انك من تقول شي تصير حنان يالله تمام بشوفلي صرفه واقابلك
قيصر: ايوا هاذي ميثا الحلوه الي اعرفها
ميثا بدلع: يلا حبيبي عن اذنك ترا وجعت اذني من صوتك وضحكت بدلع
قيصر وهو ذايب: فديت هالضحكه وراعيتها
ميثا وهي تزيد بدلعها: اكررررهك انا ما احبك
قيصر وهو يضحك: ادري والله تكررررهيني حييل لدرجه انج تخافين علي وتعصبين وتغارين واذا يوم مارسلت ولاعبرتج وبعدها ضحك بخفه: ههههههههههاي
ميثا بدلع اكثر: اكررهك لما تحرجني حبيبي
قيصر: فديت الي يستحون اموت انا على هالدلع ...
ميثا: يلا حبيبي اتركك الحين اوكيه
قيصر: اوكي عمري ديري بالج على نفسج
ميثا: وانت بعد حبي يلا بايات
..............................


ام محمد دخلت غرفة محمد وهي تبتسم: يمه ابيك بموضوع مهم
محمد: تفضلي ايش هو الموضوع المهم
ام محمد بحماس: ياوليدي انا كبرت وودي اشوف احفادي ودي اشوفك معرس وافرح فيك .... ابيك تتزوج وانا شفتلك وحده تناسبك وبتعجبك
تضايق محمد من سيرة الزواج وعلى طول جات في باله مها: بس يمه انا مابي اتزوج
ام محمد: ليش يامحمد وانت طبعا ماراح تتزوج الحين بنحجزها لك بس.. اخاف البنت تروح علينا انت باقيلك اخر سنه دراسه واذا خلصت بتشتغل والشغل ماراح تتأخر فيه لأن مكانك عند عمك صالح بالشركه
محمد: يمه ارجوج قفلي الموضوع
ام محمد: انزين مو حاب تعرف مين البنت
محمد بعصبيه: مايهمني اعرف
ام محمد بسرعه: العروس هي منى بنت خالتك بنيه حلوه وعاقله وما اريدها تروح منا
محمد بملل: منى احسبها اختي حالها حال ميثا ولاتضغطين علي لأني بصراحه مو رايق واسف يمه مو قادر احقق امنيتج
ام محمد بغضب: ليش عاد ايش ناقصها منى بنت اختي
محمد: مو ناقصها شي البنت حلوه وتستاهل احد احسن مني بعد
ام محمد وهي معصبه: بهاذي صدقت.. انت قول الحمدلله اذا هي وافقت عليك لأن سمعتك مع البنات صارت فايحه وزين اذا احد قبل فيك....
وعلى طول قامت وطلعت من عنده معصبه وسكرت الباب بقوووه وراها

*******************************


مرت اليومين واليوم هو موعد مقابلة ميثا وقيصر بعد ثلاثة ايام بالتحديد مثل ماحددها قيصر ميثا كلمت ريم وحاولت فيها تساعدها وبعد محاولات كثيره رضت ريم وراحت ميثا لأمها وكذبت عليها وقالت لها ان البنات اليوم بيروحون السوق يشترون شوية اغراض وان هي ودها تروح معهم
ام محمد على نياتها: انزين يمه روحي بس لا تتأخرين
هنا ميثا حست بالذنب لأنها استغفلت امها وكانت بتنزل دمعه من عينها بس راحت من عندها بسرعه قبل امها لاتشوفها تبكي وتتسأل
طلعت ميثا وهي من داخلها عايشه بصراع: الله يستر من هاليوم الله يستر...
ميثا على ماهي فرحانه ..خايفه ورغم انها مشتاقه لقيصر بس خايفه ولما طرأ فبالها قيصر ارتخت اعصابها وحن قلبها... فابتسمت بحب وهي تقول في نفسها: فديته حبيبي
..........................


بالليل عالساعه ثمان تبضعوا ميثا وريم عشان امها بتشك اذا جات بدون اغراض بأيدينها وهم يشترون اتصل قيصر ف ميثا لمن شافت رقمه ارتبكت وحست ان الخوف يتصاعد بقلبها من جديد فردت بسرعه
ميثا: هالو
قيصر بسرعه: ميثا انتي وين حبيبتي انا انتظرج
ميثا بسرعه: جايه حبيبي ماراح أتأخر
قيصر بحماس: تمام لا تتأخرين انتظرج على احر من الجمر
ميثا بخجل تصرفه: طيب حبيبي انا الحين بسكر اشوفك بعد شوي
قيصر: طيب باي
ميثا: باي
بعدها راحوا ميثا وريم للسواق ووداهم الأستراحه القريبه من البحر بمكان هادي ومع ظلام الليل والجو شاعري ورومنسي
نزلت ميثا وقلبها يدق دقات جنونيه وهي من داخلها تقول كيف بيكون شكله وشخصيته بس اقنعت نفسها بأن كل شي بالطبيعه بيبان
ميثا بهمس وخوف: ياربي استر يارب ابعد عني كل سوء
ميثا كانت قد اتفقت مع ريم توقف قريب منها ورفضت من البدايه بحجة الخجل وبالأخر وافقت....دخلت ميثا الأستراحه وشافت شاب عاطيها ظهره يعني ماتشوف وجهه....طويل عليه عضلات عالخفيف وجسمه حلو كان لابس بنطلون جينز ازرق وقميص اسود وعليه نقشات متداخله بالذهبي اما حذاءه فكان لابس سبورت ابيض وشعره كان طويل شوي واصل لرقبته
ميثا لمن شافته دق قلبها وكانت بنفسها تقول: هاذي اولها ياربي جسمه وطوله يجننون حتى ستايله ..... ولكنها طردت هالفكره من بالها
وعشان تلفت انتباهه تنحنحت عالخفيف لأجل ان
ينتبه عليها وهو لما تنحنحت على طول التفت.....
جلست ميثا تراقب ملامحه من ورا الغطا وهي تقول بداخلها ياربي والله ملاك هالقيصر ماتوقعته كذا فديته حبيبي طلع حليو بكل شي ... اه ياقلبي على هالجمال شكل وجسم وطول متناسق والعيون اه من العيون الي ذوبتني نظراته وشعره الي شوي طايح على جبينه والخشم الي مثل السيف من حدته ياربي شقول وشو اخلي بجد ملاك انا مو مصدقه ان كل هالحلاوه لي....ههه انا شفيني مو شايفه خير .....الله يحميني مادري هالجمال الى وين بيوديني الله يستر.......انتبهت على صوته وهو يقول: انتي ميثا صح؟
وكان يناظرها بنظرات متفحصه خلتها تشك بنفسها اذا كانت متغطيه زين او لا وكأنه يقولها وخري الحجاب عن وجهج...
بس ميثا طنشت وماوخرت الحجاب تحس ايدينها انشلت من الأرتباك والجمال الي تشوفه قدامها ودها تتمتع بالنظر له من ورا الحجاب ....وبعد لحظات قالت: ايه انا ميثا....وسكتت منحرجه من الموقف
قيصر بأبتسامه سحرتها: طيب ميثا وخري الحجاب عن وجهج ابا اشوفج
استحت ميثا وماقدرت ترفع ايدينها تحس فيها خمول وهي تقول بداخلها: ياربي اشفيني احس اني بطيح مو قادره اسند طولي
قيصر بدون سابق انذار رفع ايدينه وشال الحجاب من وجهها.. وانبهر لمن شاف جمالها ماقدر يرفع عينه منها ولو ماستحى كان لامس ملامحها البريئه الي جذبته وخلته يفقد صوابه
قيصر بداخله: ياقلبي عليج شوي شوي خفي على حبيبج كل هالجمال وانا ويني محروم ماشوفه... ماشوف هالملاك... والله وعرفت اختار كل شي فيها حلو كل المواصفات الي احبها فيها..... جمال براءة اخلاق وجسم.......... وبعدها كمل وهو يناظر تفاصيل جسمها: اوووه والله جسمها تحفه عليها خصر يجنن اخ......ألخ
ومن ثم رجع قيصر يناظرها بحب: الله يصبرني وما افقد صوابي واغلط....
انقهرت ميثا من جرأته وهي تقول بنفسها ياربي هذا مايستحي بياكلني بنظراته..
تكلم قيصر وقطع افكارها: اسف حبيبتي بس شفتج كأنج مو ناويه توريني نفسج
ميثا نظرت فيه بسرعه ونزلت راسها بخجل
قيصر بحب: شخبارج حبيبتي طمنيني عنج
ميثا بتلعثم منحرجه وايد: انا.... بخير .....انت كيفك
قيصر: الحمدلله تمام حبيبتي
ميثا سكتت مادرت شتقول: .......................
قيصر: ميثا اشفيج.. القط خطف لسانج ولاشو وين الكلام الي تقولينه لي بالفون ووين دلعج
ميثا: .................
قيصر بملل: طيب قوليلي احبك ابي اسمعها منج عالطبيعه عمري
ميثا بخجل: قيصررررر
قيصر ذايب: فديت اسمي يومه طلع من فمج...يلا قوليلي بسرعه حبي
ميثا بخجل: لا ما اقدر
قيصر: ليش والله
ميثا: قيصر لا تحرجني
قيصر: بليز قوليها بسرعه
ميثا ببراءه: طيب انت قولها اول
قيصر بأبتسامه: ماطلبتي شي من عيوني ياعيوني...
ابتسمت ميثا بخجل و ماتكلمت
كمل قيصر يقول: بجد ميثا انا احبج واموت بحبج يا أحلى حبيبه فالدنيا....
استحت ميثا بس ردت بدلع: تسلم
قيصر بقهر: لا ميثا حطمتيني عاد ماتعودت تقولين هالكلمه حاف الي اعرفه تقولين تسلم حبيبي يلا قوليها ترا قهرتيني وايد اليوم.. من شفتج وانتي ماقلتيلي ولا كلمه حلوه يلا علشاني بجد ماكسرت خاطرج حبيبتي؟
ترددت ميثا وبعدها قالت بتردد كبير: تسلم حبيبي
قيصر بأرتياح: ايوا كذي عمري...وقرب منها شوي
هنا ميثا خافت ورجعت لورا......
وبنفس هذا الوقت رن جوال ريم الي منتظره ميثا عند باب الأستراحه وراحت بعيد شوي علشان تتكلم بالفون بحيث أنها ماتشوفهم...
ميثا انقهرت من ريم وعصبت منها لما راحت وخلتها لحالها مع قيصر ....وانقهرت اكثر لما ناظرت قدامها ولقت قيصر يقرب منها وهو يقول
قيصر: احبج ميثا ماتدرين انج ملكتي قلبي وكل شي
فيني بجد من يوم حبيتج وانا ماحسيت نفسي انام مثل الخلق طول الوقت افكر فيج وبعد ماشفتج اليوم كيف تبغيني انام ...قرب منها ومسك ايدها وباسها بنعومه
ميثا انقهرت منه: لا ياقيصر لا تقرب
قيصر ماقدر يمسك نفسه وصار يقرب منها اكثر وهي كانت تتراجع لورا بخوف لين اصطدم ظهرها بالجدار ميثا هنا زاد خوفها اكثر خلاص قيصر ثبتها وحط ايدينه عالحائط وحاصرها من جميع الجوانب..... خافت ميثا من حركته وعصبت على ريم الي جالسه ترغي بالجوال ولا على بالها ونست مهمتها
قرب قيصر منها وهو يقول بهمس: من شفتج وانا ادعي بداخلي ما اذيج بس بجد مو قادر اسيطر على نفسي .......قرب منها وحضنها بقوه وكأنه بيخنقها... ميثا بققت عيونها ومن الصدمه وخرته بسرعه ولكن قيصر رجع وشدها له اكثر ميثا حاولت وحاولت انها تقاومه بس قيصر كان مثبتها صح ولا على باله وهي من جانب اخر كانت تحاول تبعده بس مافي فايده.. وبالأخير استسلمت خارت قواها وماعد قدرت تقاومه ولا إراديا ردت له الحضن ودموعها تطيح بغزاره على خدها ومن داخلها تقول: لا لا عاد تقرب لا ياقيصر راح نضيع
ميثا وهي حاطه ايدها على شعره وتمسح عليه وايدها الثانيه على خصره...قالت بأنكسار: قيصر خلاص ابعد ..
قيصر وانفاسه الحاره كانت تلهب خدها ورقبتها وذوبت ميثا وخلتها ماتقاومه: ماقدر ميثا هاللحظه كنت انتظرها بشوق كنت اتخيلج كل يوم واتمنى اني اضمج لين تختلط انفاسي معاج ..كنت اتمنى اضمج ولو لمره بحياتي...وهالحين امنيتي تحققت احس ان شي يشدني لج ومو مخليني ابعد عنج مو قادر اقاومج... انا احبج ياميثا والله احبج.....
وبعدها بلحظات ابتعد عنها شوي ومسكها من خصرها وهو يقول بصوت يشابه للهمس: خصرج جنني من اول ماشفتج وانا اناظره بأنبهار جننتيني
ميثا وخرت ايدينه بسرعه حست بالأهانه من كلامه وبعدت عنه على طول: خلاص قيصر يكفي خليني اطلع لا تخليني اندم اني جيت اقابلك
قيصر جرها بسرعه من ذراعها وقرب منها وحضن وجهها بين أيدينه الكبيره بقوووه وقرب من فمها وباسها ......ميثا من هول الصدمه انفتحت عيونها على وسعها ودموعها رجعت تنزل من جديد وهي تقاومه وتحاول تبعده منها بس بالأخير هي بنت ماتقدر على رجال بقوة جسمه وصلابته فراحت وحطت ايدها على بطنه ووخرته منها بقوه لين ابتعد عنها ..
ولكن قيصر لاحياه لمن تنادي ....رجع يثبتها عالجدار مره ثانيه ومو معطيها فرصه تنقذ نفسها وقرب من فمها وبعدها نزل لرقبتها وهي لا اراديا مالت براسها ودقات قلبها تسارعت لدرجه حست انه بيتوقف وبدون شعور جارته بالغلط ولكن بعد لحظات حست على نفسها وانتبهت على الي تسويه وياه معقوله بهالسهوله تطيح....فرجعت قاومته وهي تدمع: خلاص اتركني قيصر لاتضيعني اكثر....
قيصر من العصبيه والتضارب الي يحسه بداخله ماحس على نفسه الا وهو يضغط على خصرها بأيدينه بقوووه ويغرس بأصابعه على لحمها اكثر....ميثا كادت ان تصرخ من الالم الي تحسه بس تحملت وسكتت..ولكن قيصر رجع يشد عليها من
قبضته اكثر مره ثانيه ولا أراديا لأنه كان حاس بالي يسويه غلط ومن عصبيته على نفسه جلس يضغط بقبضت ايده على خصرها الي جننه وبقووه وكأنه يحاول يمنع نفسه لايتهور اكثر.....
ميثا كانت مغمضه عيونها من الألم ومن كثر الألم الي تحسه بدت تدمع بس ماحبت تصرخ .....
بعد لحظات رفع قيصر راسه وهو يقول بصوت هامس متهدج: ميثا ادري الي اسويه غلط بس مو قادر اوخر عنج...
ميثا كانت متحمله وساكته علشان لاتحرجه بس هو زاد من قوته على خصرها لين فضت قدرتها على التحمل وصرخت: اه قيصر عورتني
رجع لها قيصر وهي كانت تبعده وتقول بأنكسار: يكفي خلاص وخر عني قيصر بس بس والله وجعتني والله تعبت مو كفايه خنت ثقة اهلي واستغفلتهم وتعرفت عليك من وراهم وفوقها جيت لهنا اشوفك وبعدها جاي تقرب مني كذا وانا مو قادره حتى اوقفك احس اني ضعيفه قيصر الله يخليك خليني عالأقل احافظ على مابقى من كرامتي افهمني ..اذا تحبني..

قيصر وهو يشدد عليها في حضنه وكأنه يطمنها يتركها: اسف ياميثا والله اسف بس مادري شو صارلي سامحيني حبيبتي سامحيني.....ومن ثم باسها على جبينها بأسف.... وعلى هاللحظه دخلت ريم عليهم وانصدمت لمن شافتهم كذا
ريم بصدمه وهي مفهيه بفمها بذهول وحيره: ميثا شو هذا
فزوا قيصر وميثا اثنينهم لأنهم نسوا وجودها نهائيا
انقهرت ريم منها وبدون ولا كلمه طلعت واتصلت بالسواق يجيلهم وهي معصبه

اما ميثا وقيصر بعدهم مصدومين تقرب قيصر منها يعتذر
قيصر بتوتر: اسف حبيبتي حطيتج بموقف صعب
ميثا وعيونها غرقت بالدموع وهي تبعده عنها: يكفي الي صار بسبتك...
ومن ثم رفعت أصابعها وحطتها بلطف على فمه تمسح الحمرا الي انطبعت منها على فمه.. مسحتها بسرعه.... وراحت من عنده ...بس هو كان اسرع ومسك ايدها وهو يقول بكل اسف وتاثر: ميثا انا اسف ماقصدت اهينج
ميثا ماردت عليه بس الي سوته انها راحت من عنده وهي تراكض وتبكي وتشاهق في البكاء مقهوره تحس نفسها رخيصه ووصخه تحس بالأهانه وهي تتذكر لمساته لها وانفاسه الي كانت بعدها تحس بأثارها عليها بجد احساس فظيع اجتاح اعماقها وقلبها الكسير
قيصر كان يناديها بصوت عالي: ميثا ميثا انا اسف ارجوج لاتزعلين علي والله احبج احبج ... ومن كرهه لنفسه وحقارته الي كان يشعر بها من داخله طاح على رجوله بقووه وهو يحس بالم بقلبه ونفسه الي بتأنبه على فعلته الشينه بالبنت الي يحبها قيصر كان يحس انه واحد ضعيف جدا لأنه ماقدر حتى يتحكم بغريزته ورغبتة قدامها الي كادت ان تهدم حياتها بلحظات ولولا دخول ريم المفاجئ كان يمكن صار شي يندم عليه...
جلس قيصر يبكي وكأنه طفل صغير ضائع يدور امه وهو يقول بكل ندم: ياربي سامحني ماقصدت اسوي كذا يارب لا تحرمني منها والله احبها احبها....
بلحظه حس انه فقدها كان يبكي بحرقه وقهر من اسلوبه المتدنيء ...
يحبها يموت عليها ...ميثا هي البنت الي يحبها بجنون ويتمنى قربها وراح يعمل جهده وياخذها....من حمقه على نفسه جلس يدعي على نفسه ويضرب صدره بقووه...
.............................


عند ميثا الي نزلت شيلتها على وجهها عشان السواق لايشوفها ويشك فيها ... لأنها متضايقه حييييل وجهها مبين عليه اثار التعب والبكاء... كانت تبكي من ورا الحجاب تطلق لدموعها العنان لتعبر عن مابقلبها من حسرات بصمت.....اما ريم فكانت تناطرها بأحتقار وعصبيه بس ماتكلمت لأنها خايفه السواق يفهمها بس الي قالته هي كلمه وحده تطعن بها ميثا او تفهمها انها بتوريها شغلها بعدين: اشوفج بكرا بالجامعه... ويصير خير وقتها
ميثا ماردت عليها لأنها مالها مزاج ترد طنشتها وطول الطريق صامتات والجو يعمه الصمت والسكون وبعد لحظات وصل السواق لبيت ريم.... ريم وهي تنزل ودها تبرد بطنها بشي تحس نفسها تغلي من داخلها لأنها ماقدرت تفرغ شحنات القهر والصدمات بميثا.. للأسف خوفا من السايق لايفهم بس الي قدرت تسويه انها كانت ترمي عليها كلمات لاذعه سامه لتحسسها بمدى كرهها لذاك الموقف الي لقتها عليه مع قيصر ومن ضعف ميثا الغير متوقع.... ريم لما كانت بتنزل قالت بحره: توقعتج اقوى من كذا يا ميثا
وبعدها سكرت باب السياره بأقوى ماعندها وبعصبيه ومن ثم راحت تدخل بيتهم.....
اما ميثا وهي تبكي تحس بالم فضيع على خصرها من حركة قيصر لها بالأستراحه تحس وكأن لحمها متقطع...وشوي ووصلت البيت ونزلت البيت ومن حسن حظها انها مالقت احد بالصاله لأنها مالها وجهه تشوف احد حاسه بذنب كبير...
صعدت لفوق وهي تبكي ودموعها تنزل على خدها......بلحظه جاء فبالها الحلم الي يتكرر عليها دايما حست بخوف منه وهي تقول بخوف: ياربي لا يكون هالحلم متصل بهالشي الي صار اليوم ولكنها بسرعه طردت هالفكره من بالها بسرعه وهي رايحه للحمام(اعزكم الله) سمعت صوت جوالها يرن تجمعت الدموع بعيونها اكثر لما شافت رقمه وراحت عنه وماردت عليه دخلت الحمام (اكرمكم الله)وهي بتتسبح كانت تمسح مكان لمسات قيصر بالليفه بقووه الي بيدها حاسه نفسها وكأنها نجسه ودها تمسح اثار لمساته عليها من جسمها تذكرت خصرها ولما شافته انفجعت شافت اثار مسكته والحمره الي حول كل بطنها و مكان اصابعه طالع منها شوية دم عالخفيف بغت تخرقها باليفه بس لما لمسته بأصابعها بكت من الالم وقالت تدعي عليه:اكررررررررهههك ياقيصر واكره اليوم الي عرفتك فيه ضعيتني وضيعت ثقتي بنفسي بعدها رجعت تخرق جلدها خرق باليفه شوي ويطلع من جسمها ظلت على هالحال لنص ساعه ولما طلعت حست انها مرهقه وضايقه وماتدري كيف بتنام فتحت الجوال وهي كارهه نفسها لقت عشر مكالمات ومسجين.الأول(انا اسف ميثا والله ماقصدت اهينك حبيبتي لا تكرهيني ولا تتركيني انا ارجوج ميثا) المسج الثاني(ميثا ارجوج طمنيني عنج) ويوم جات بتحط الفون الا ودق اتصال منه كرهت اسمه عالجوال وسكرته كليا وحطت راسها عالوساده حاولت تنام بس ماقدرت منظرها بذاك الوضع كل ماله ويرجع لمخيلتها... كرهت نفسها والنوم جفاها لين اذن الفجر... قامت توضت وصلت وجلست تدعي ربها يغفرلها ولقيصر مهما كان تحبه وتتمناله السعاده ولو أنه اذاها اليوم .. دعت وبكت من حرقت قلب ويوم خلصت على طول غفت من التعب......

*******************************



عند محمد يتكلم عالجوال ويغازل وحده من صديقاته ويواعدها عشان بكرا يقابلها على هذيك الشقه الي ماوراها الا البلا (مو داري ان اخته اليوم بعد هي انحطت بنفس الموقف هذا ...... مثل ماهو يسويه في بنات الناس الي كل يوم يلعب على وحده وبعدين يتركها الا مها عاد الي موقادر على فراقها وبعد ماتعب من الكلام قام يتوضىء وصلى الفجر ونام

*******************************


الفجر عند قيصر الي مانام اساسا ومسكر على نفسه بالغرفه وجالس يبكي مثل الأطفال دقت امه عليه الباب وهي تناديه ودها تشوف اشفيه بس هو مارد لا عليها ولا على خواته ماشي فايده فقامت اميره وراحت وقالت لخواتها خلوه يهدي وبعدين نشوف اشفيه.........انتظروا
وبعد ساعتين قالت اميره انا بدخل عليه وبشوف اشفيه لأني الأقرب بينكم واكيد اذا حاولت فيه بيقولي بشي اتفقوا كذا و دقت الباب عليه مره ومرتين وثلاث حتى فتح لها الباب
اميره بخوف: قيصر اشفيك خوفتنا عليك... انت قبل ماتطلع كنت مرتاح ومتكشخ وبخير ماشاءالله عليك الحين ايش صاير عليك
قيصر بحمق: اميره بجد مو طايق احد واذا معاج شي خليه لبعدين
اميره بالهدواه: زين ياقيصر اذا انا ماهمك خاف على امي الي بتطيح علينا من الخوف وودها تتطمن عليك
قيصر: .....................
اميره: قيصر لاتكذب وتقول ان مافيك شي انا أكثر وحده اعرفك اذا كنت بخير او لأ واذا بخاطرك شي قوله ويمكن اقدر اعطيك حل
قيصر بأنزعاج: شو اقولج انا بجد مستحي من نفسي
سكتت اميره وكأنها تفكر وبعدها قالت: انت رحت لها...وسكتت وبعدها كملت: قابلتها...
قيصر بندم: والله كاره نفسي البنت طلعت حلوه ومن شفتها وانا خايف عليها مني حاولت اسيطر على نفسي بس ماقدرت والقهر انها كانت تترجاني اتركها بس انا كنت اناني ومافكرت الا بنفسي
انصدددددددددمت اميرررررررره.... وهي تقول بسرعه: قيصر لا تقول انك .....................
قيصر بيأس: لا يا اميره مو للدرجه هاذي عاد بس .... بس ..........تردد ماكمل)
اميره وهي تصارخ عليه: بس ايش؟؟....تكلم طيحت قلبي
قيصر بتوتر: اميره والله وترتيني..بس بستها وحضنتها والي خلاني اكره نفسي اني عورتها على خصرها
اميره بعصبيه وقهر من تصرف اخوها المتهور: يعني هذا شفته شوي على قولتك بستها وحضنتها
قيصر بأنزعاج: اميره ارجوج انا مو ناقص والي فيني مكفيني
اميره بمحق: طيب ليش عورتها ...قيصر انت انجنيت
قيصر ودموعه بغت تنزل بس هو ماسكها ماوده يضعف قدام احد..
قيصر وصوته تغير من الصراخ: لأني كنت حاس بالغلط الي اسويه ماحسيت بنفسي الا وانا اضغط على خصرها افرغ شحنات القهر الي بداخلي عشان كذا عورتها
اميره بقهر من اخوها الي فعلا انجن: وهي ايش سوت؟
قيصر بندم: المسكينه تحملت ولا حبت تحرجني بس كانت تترجاني اتركها وانا كنت اشد بالضغط عليها... وبالأخير صرخت علي اتركها وانا لما حسيت على نفسي تركتها واعتذرت منها وعلى هاللحظه جات صديقتها وشافتنا بهالمنظر وعصبت وراحت وتركتها...
اميره بغضب: قيصر انت شو سويت تدري شو سويت الحين..... قيصر انت حطيتها بموقف صعب الحين ايش يضمن صديقتها ماتقول لأمها وايش يمكن يسوولها اهلها قيصر توقعت عقلك اكبر من كذا للأسف طلعت واحد متهور واناني وماتفكر الا بنفسك
قيصر بصراخ: اميره بس.. بس ارجوج ارحميني خلاص
اميره بهدوء: انزين ومن رجعت اتصلت فيها تعتذر او تطمن عليها
قيصر بأسف: إيه اتصلت فوق العشر مكالمات بس هي ماترد وارسلت مسجين وماردت
اميره بعتب: من حقها ماتنلام الي سويته مو شويه

..................


Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

نايس .. بارت جمييل جدا

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

قيصر تهور بقوه:o

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

نبي التكمله بسرعه بليز ياعسل

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

القصة اكثر من روععععععععة مشكورة منجد مشكورة بس اذ فيك حييل كمليها بليز