رد: روايه نــــــــــــــــــــــــــــــــــــــور

لا الغاليه الروايه كامله وان شالله قريب بحط باقي الأجزاء


Sent from my iPhone using منتدى عبير

رد: روايه نــــــــــــــــــــــــــــــــــــــور



با أنتظار تكمله الرواية يا عسل , الله يعطيك العافية ..
أسعدك الله |

رد: روايه نــــــــــــــــــــــــــــــــــــــور

سموحه تاخرت عليكم يعطيكم الف عافيه وان شالله تعيبكم أكملت الروايه :)



بدر:ليتنيه دريت ابها واحنا يايين جان استانست والله معاها بالسوالف
زايد:والله بتم اتسولف معاها بالفصحى
بدر:شو المشكله مب لغتنا
زايد:اي لغتنا الله يهديك انته اتشوف حد يتكلمها
بدر:لغة الاجانب بنتكلمها عادي ماعندنا مستحى فيها ....ويوم بيينا اجنبي يعرف عربي بتحصله يتكلم بالفصحى واحنا بنجاريه عشانه اهو
وبنتكلم بالفصحى عادي
زايد:تعال انته ...ناوي تنفخليه راسيه اكثر مماهو منفوخ ...اقلع عنك الرمسه هذي
بدر:ياحليييلها ولا لغه عربيه فصحى ههههه....تدري العجم حاسدينا على هذي اللغه وهم اتقنوها اكثرعننا...في باكستان والهند مدارس وايد
كل طلابها يتكلمون الفصحى وحافضين القران والاحاديث مهتمين بعيالهم اكثر عننا احنا الي همنا اهنيه اننا اندخل عيالنا مدارس اجنبيه
زايد بطنازه:شرايك اتكلم باجر في الانتخابات ..يجب علينا العوده الى اللغه الفصحى عليكو ايتها القبائل العربيه
محاربة اللغه الاجنبيه
بدر:هههههه جنان شرايك
زايد:لا والله ...عشان مايتم نعل في القاعه ماينفر عليه
ضحك بدر بصوت عالي وتم زايد ايهز راسه على دخلت خليفه الي تم يضحك هو بعد عقب بعد ما عرف بالسالفه
خليفه:والان ايها السيد هلا طلبت لنا الطعام هههههه
زايد بغيض:ويمييين ان ما اصطلبتم انكم اتعرفون عماركم زين انجبو
خليفه:هههههه حسنا حسنا
زايد:خال وبعديييين؟
خليفه:اوكيه اوكيه تنفع هذي هههههه
.................................................. .................
في اليوم الثاني كانت جدة زايد قاعده في الحوش عدال سيارة فهد الي طلع وحصلها
فهد:هاه يدوه علومج
الجده بعصبيه:الدريول وييين؟
فهد:طرشته اميه اييب سمان من المينا
الجده:هيييه امك انا ادريبها يوم درت انيه بروح لغنميه طرشته ماتبانيه اروحلهن
توهق فهد وحب ايدافع عن امه
فهد:يدووه انا قلتله ايروح عشان انا في خاطريه اوديج لغنمج واميه ماطرشته الامن بعد ماقلت انا انيه بوديج
الجده:زين عيل ياله شغل الموتر
التفتت عقب للباب
الجده:يزوووي يايزووووي ياله فديتج
طلعت اليازي:بنرووح
فهد:وانتي وين تبين اتروحين
اليازي:بروح مع يدتيه
تم ايطالعها فهد بنظرات
فهد:ووين عباتج
اليازي:مش لازم احنا بنروح الغنم
فهد:لا والله ...مافي طريق فيه سياير لين العزبه
رفعت اكتافها:ماتهمنيه
فهد:زين اركبي اركبي خليهم ايقولون عيوز شاله معاها خدامتها
اليازي:انا مش خدامه
فهد:انا الي بقول؟ الي بيشوفونج بيقولون
اليازي:اووووه دقيقه انزين بيب عباتيه
راحت اليازي داخل وانرقع فهد على راسه بعصى جدته
فهد:اي........ يدوووه شبلاج
الجده:انته شبلاك على هالمسكينه جان خليتها تروح بدون عباه شو المشكله
فهد:ياسلام ...من متى هذا احنا ماعندنا بنات تتصقع بدون عباه...ولا اهيه خلاص اتعودت بيت خالتها كل شي فري
الجده:جب جب سكر ثمك هذا ويويلك ان لعوزتها في السياره تراك مابتاخذ الا اهيه
فهد:اتهبي
وصلت اليازي وركبت معاهم
ساق فهد وطلع من البيت وشاف انها ماتغطت
فهد:انتي تتغطين ولا لا؟
بادلته اليازي بالنظرات من المرايه
اليازي:لا ما اتغطى
فهد:والله ان ماتغطيتي انيه احولج اهنيه
اليازي:يدوووه قوليله ...اكيه يدوه مش متغطيه
فهد:هذي عيوز ولابسه برقع
الجده:عيوز امك يامسود الويه....شبلانيه انا ما اتغطى انا حرمه حشيم ولازم انيه بتغطى
فهد:زييين علمي بنت ولدج
الجده:وحتى بنت ولديه حشيييم ومزيونه ولازم انها بتتغطى الا انته مستعيل وماكلنا في بطنك
رفع نظره الها في انتظار انها اتنفذ الامر
اليازي:اووف
رفعت غطاها وتغطت وهيه متنرفزه
اليازي عاشت طفولتها في بيت خالتها الي كانت فري وماحصلت حد ايوجهها بالصح والغلط
ماكانت مهتمه بحجابها ولا انها اتغطي ويهها طبعا مش تعمد ولاكن جهل وهذا الشي مش فاهمنه فهد الي ماخذ عنها فكره سيئه
تحتاج البنت من الصغر التوجيهات وان تربي الام الستر والحيا في بنتها لاكن اليازي ماحصلت حد ايقوم بهذي المهمه
اتجه فهد بسيارته لطريق سويحان وين عزبة الجده في المناطق الصحراويه هناك
كانت اليازي فرحانه وايد لانها اول مره اتروح العزبه
اليازي:الله يدوه هذي عزبتج
التفت فهد ناحيتها مستغرب انها اول مره تي
اليازي:يدووه انحول
الجده:هيييه فديتج حولي
حولت اليازي وصرخت:لا
سكر فهد الباب والتفت ناحيتها
فهد:شبلاج؟
اليازي:اندعس نعليه في التراب
تم ايطالعه مستنكر:والله لابسه كعب واتقولين اندعس؟
اليازي:الحين شو اسوي ما اقدر امشي
فهد بغيض:انتي ايه انتي وين عايشه؟ شوو هالملاقه؟ عقي النعول وامشي عادي
اليازي:والله امشي حافيه على التراب اتريد اريوليه تتوسخ
فهد فقد صبره:لا والله بتتوسخ اريولج شيخه واحنا ماندري
اليازي بتحدي:هيه شيخه
فهد:ويوم انتي هب ويه سيرة العزبه ليش يايه
اليازي:وانا شو درانيه ان عزبتكم كلها رمل احنا انروح عزبة خالوه في المزرعه المكان اهناك كله نظيف
فهد:ماخربج انتي الا هالخاله المدرن مثل مايقولون...والله تبين تنزلين اكيه يدتج عند غنمها وان مابغيتي تمي في السياره
امبونج هب يايه اتساعدين
خلاها وراح وتمت اليازي اطالعه بنظرات كلها غيض وحقد عقب ركبت السياره وتمت فيها مقهوره
راح فهد عند يدته ودخل شبك الغنم ومسكلها وحده من الغنم قربها وتمت اطالعها وقالتله عقب ايروح عند الراعي اييب مقص عشان اتقص
الشعر الزائد في المعزه وفهد نفذ الها كل طلباتها وتم ماسك الغنمه والجده اتحلقها واليازي اطالعهم بنظرات مستغربه
شعر المعزه تطاير على فهد وخيس ملابسه وبعد ما خلصو تمو شويه عقب رجعو السياره كانت اليازي قاعده ورا فهد
حطت يدها على خشمها
اليازي:اووووف شو هالريحه
ولزت للجنب الثاني مبتعده من وراه ومازالت حاطه يدها على خشمها
اول ما ركب فهد
اليازي:اع شووو هالريحه
طالعها فهد من المرايه بغيض وتم ساكت ايسوق السياره وهو مقهور منها
اليازي تمت كل شوي تهب الريحه وتصدر كلمة اع اخ شو هالريحه وتحرك يدها تبعد الريحه عنها
بعد ما وصلو رقع فهد باب السياره وركض لفوق فكرت اليازي انه اكيد رايح يتسبح لاكنها انصدمت بيديه مسكتها
اول ما صعدت فوق وسحبها لاحد الغرف
اليازي:ايييييه اتركنيه
لصقها على الجدار وثبت ايديه على الجدار وهيه جدامه محصوره بين ايديه والجدار وتم ايطالعها بنظرات ناويه على الشر
فهد:هاه اليازي شو رايج في الريحه
اليازي:وخر عنيه ريحتك خايسه
فهد وهو يقرب عليها اكثر:والله عيل شمي اكثر عشان تتعودين
اليازي:اقولك وخر عنيه
طوقها فهد بين ايديه وهو يدعس بويهها في صدره
فهد:شمي زين شمي وافهمي انج باي حاجه ناويه اتغيضينيه انا بعاقبج ابها
كانت اتقاومه وتحاول تتفجج امنه رفعت ايديها وتمت تضربه على صدره ضحك فهد وهو يدعس ويهها اكثر واكثر
رفعت اليازي راسها وحطت عيونها في عيونه وهيه بعدها لاصقه في صدره
اليازي وهيه اتصيح:بطلنيه
حس فهد برجفه من شكلها القريب وايد دزها بعيد عنه وطلع بسرعه
.................................................. .................................
قعد زايد في الحديقه على الطاوله القريبه من برجة السباحه ينتظر هنيه تيب له الفطور لاكنه تفاجئ بوحده ثانيه
ابتسمت نور وحطت الصنيه على الطاوله
نور:اسعدت صباحا سيدي
التفت الها زايد وولعت عيونه من الغيض والاستفسار ليش اهيه الي يابت الريوق
نور:هنيه لم تستطع ان تحضر الفطار انها تعاني من الرشح وتشعر بدوار
صرخ زايد:وانتي منو قالج هاتي الريوق وين الخدامه الثانيه؟
فهمت نور انه يقصد الخدامه الثانيه
نور :ل لقد ذهبت مع السائق لاحظار بعض المستلزمات
زايد وهو يحاول يكبت نفسه:وانتي منو عطاج الاذن هاه
تمت نور اطالعه ماتعرف شو تقوله
زايد:مليووووون مره قلت ما اريد اشوف ويهج
نور وكلامه بعده مش مفهوم الها
نور:اسكب لك الحليب؟
زايد:انتي عنز ماتفهمين؟
تمت واقفه وتحاول تفهم شو يقول مع ان بعض الكلمات اتحس انها مفهومه لاكن المعنى مش واضح
زايد:لحووووووووو يالله انقلعي انقلعي داخل
بتردد:ماذا تعني بكلمة انقلعي
التفت زايد بسرعه للجهه الثانيه وهو يحاول يكتم ضحكته وبعد الموووت قدر التفت الها وهو يوقف
زايد:انقلعي يعني انقلعي وانا مش مسؤل منج عشان اقعد افسرلج الكلام ويالله فارجي
نور ما تحركت وتمت اطالعه بنظرات استفسار
زايد ووصلت عنده:تبين اتعرفين شو انقلعي انا بفهمج شوووه
جلب زايد صنيه الفطور واتناثر الاكل في كل مكان ونور اطالع بعيون مصدومه ومش متخيله الي يصير
زايد بصوت عالي :هذا يعني انقلعي يعني انا ما اريد اي خدمه منج فهمتي ولا ما فهمتي ما يهمنيه
المهم ما اريد اشوووووف ويهج
نور بانفعال وعيونها اتجول على النعمه المرمايه:تبا لك لما انت غاضب لما تفعل هاكذا بما انعم الله عليك
زايد :جب
نور بتحدي وغيض تملكها غصبا عنها وهيه تشوف النعمه تنرمى جذيه:لن اصمت لما انت متعجرف ؟ماذا فعلت لك كي تغضب
مسكها زايد من زنودها بغيض
زايد:انا اتقوليليه تبا لك يابنت الباكستانيه هاه منو انتي عشان ترفعين صوتج عليه؟
نور بضيق:اتركني ايها الوقح لا يجوز لك ان تلمسني هيا ابتعد عني
زايد قربها اكثر امنه ولامس صدرها صدره
زايد:ما بتركج زييين شو بتسوين يعني؟
رغم انه مستحقرنها الا انه حس بمتعه غريبه وهو ايقربها امنه بالغصب
ارتجفت نور وحست انها ما تقدر اتجادله اكثر فنزلت دموعها معلنه ضعفها
نور:اسالك بالله لاتفعل بي ذالك؟ ان ملامستك لي تغضب الرب
هزته كلماتها وتركها وهو يبعدها بعيد عنه
زايد:ما اريد اشووووووف ويهج انقلعي
اول ما ترك زايد نور طبعا طاحت على الارض قامت نور بسرعه وشلت الشال الاسود الي طاح منها اول ما مسكها زايد
ولفته عليها بسرعه والتفتت وهيه تطلق شهقه عاليه سمعها زايد وهيه رايحه داخل
تم واقف متنرفز ومتضايق وعيونه اتجول على الفوضى الي سواها
.................................................. ..........
كان خليفه رايح البيت واميره اتكلمه في التيلفون
اميره:اظاهر ان الحرمه بدت تسحرك ما شوفك يتنا من ملجت عليها
خليفه:ييت البارحه وقالوليه انج راقده
اميره:انزين جان قلتلهم ايوعونيه
خليفه:اميره لاتنسين ان احنا بس مخطوبين لبعض ولوما انتي بنت خالتيه انا ما قدرت اشوفج واتكلم معاج يعني استحي اطلبج
وبعدج ما صرتي على ذمتيه
اميره:قصدك نملج
خليفه:زييين بديتي اتفكرين
اميره:خليفه انا ما اريد ملجه عاديه وخلاص انا اريد حفله كبيره اذا انته مستعد الها ما عنديه مانع
خليفه:الحين انا ما اقدر اسوي حفله لنج تدرين يبالها مراكض وانا والله وقتيه امراكض مع زايد
خليه لين ايخلص وعقب فالج طيب بسويلج حفله لا صارت ولا استوت هاه راضيه
اميره بدلع:ههه اكيد حبيبي
خليفه:اووووه خفي عليه انتي تدرين ان الكلمه هذي اتذوبنيه وبدال لا اروح البيت باييكم
اميره:هههه اصلا انا في الكليه
خليفه:فديييت انا الكليه
اميره:يوووه خليفه بس عاد....هاه انتبه انته اليه انا تحمل من الحرمه الثانيه تسحبك الها
خليفه:انتي متى بتفهمين شو سالفة الحرمه الثانيه
اميره:عاده انا اخاف منها ولازم تتذكر انها اهيه لابسه النقاب عشان تخفي عيوبها
خليفه:هيه بكبرها ماتهمنيه زييين جذيه
اميره:طيب حبيبي بسكر البنات كلونيه بعيونهن
خليفه:طيب باي
سكر عنها ونزل من السياره رايح داخل البيت وحصل الكل قاعد في الصاله استانس يوم شافهم وحذف عقاله وسفرته
خليفه:زيييين بلحق يعني اليوم اتغدا معاكم
ناصر:هيه بس احنا نتغدى على الارض مش على الطاوله
خليفه:وانا بعد بتغدا معاكم على الارض
ابتسمت نوره وراحت المطبخ عند الخدمات ويابت لفراش فرشو على الارض وحطو الاكل والتف الكل
على الغدا راح خليفه يغسل ايديه وقعد عدال نوره وهند امبينهن ارتبكت نوره من قربه وحاولت تتجاهل الموضوع
احمد:يوووه انا ما اريد اقعد عدال هذي ام كشه
دانه:انا مب ام كشه انته كشه وصاحت دانه
خليفه:لا لا لا افا ياعيال وقعه على الاكل
احمد:قلها اتروح مناك عنيه بعيد
نوره بحزم:احمد
رفع احمد نظره لنوره ورجع واعتدل في قعدته تم خليفه ايطالع ومستقرب من كلمتها واحساس غريب انها يمكن مرهبتنهم افكار سودا تمت اتجول في راسه لاكن
حركة احمد عقب بددت كل هالافكار
قرب احمد من دانه وحبها على خدها
احمد:فديييييت انا كشتج ههههه
عقب رد وطالع خالته وابتسامته على شفايفه....نوره تمت اطالعه بنظرات عيونها واحمد اينزل راسه تحت ايطالعها
احمد:خلاص حبيتها ....خالوه اقول اداب الطعام
نوره:لا دانه الي بتقول
هند:لا خلي عميه خليفه اهو الي يقول
التفتت نوره لخليفه
خليفه:هاه انا ا ا ا لا خلو دانوه ابا اشوفها اذا تعرف
دانه:انا اعرف انته الي ماتعرف كلت العيش قبل لا تقول بسم الله
ضحك خليفه بصوت عالي:هههههه انا قلت بس انتي ماسمعتي
دانه:شوووف اول شي نغسل ايدينا عقب نقعد جذيه ريل تحتنا وريل عدالنا بعدين انقول بسم الله تدري ليش عشان الشيطان ما ياكل معانا
استانس خليفه عليها وهو ايهز راسه
دانه:بعدين ناكل من جدامنا بايدنا اليمين الرسول قال جذيه واحنا نسمع كلام رسولنا عشان نحيي السنه
خليفه:برافو دانوه
دانه:لا مش برافو قول شاطره هذي مش مالتنا
خليفه:هههههه فديتج انتي متى التزمتي وما عطيتونيه علم
بعدها بدا الكل ياكل
احمد:خالووووه عطينيه لقمه من ايدج الحلوه اخر لقمه اليه
نوره:خلصت؟
احمد:هيييه
اعطت نوره لقمه اخيره لاحمد وقام وهو يقول الحمدلله
هند وقبل ماتقوم:وانا بعد خالووه
ابتسمت نوره واعطتها
دانه:وانا بعد
طالع خليفه ناصر الي ابتسم منحرج وقف وقبل لا يروح رجع ونزل خذ اللقمه من يدهاوراح
خليفه:هههه يعني لازم اخر لقمه ياكلونها من يدج
نوره:شو اسويلهم من العام وهم متعودين عليها
خليفه:وال من العام
نوره:في البدايه ماكانو يرضون ياكلون بايديهم وبعد الموت وافقو على اساس اعطيهم انا اخر لقمه
خليفه:اكيد فيها سر هاللقمه
هند قربت منهم:جربها لذييييذه
خليفه:صدق!!!؟ عيل قولولها تعطيني اياها
التمو عليها وتمو يترجونها
نوره:طيب طيب روحي هند غسلي ثم فطامي وانتو ياله روحو فوق
احمد:اول شي عطيه اللقمه حرام طالعي كيف عويناته اطالعج
نوره:احمد
ضحك احمد وركض فوق يلحق بالبقيه
قرب خليفه راسه منها:احم بتعطينيه انا بعد لقمتيه عشان اروح ارقد ؟
كانت متوتره وهيه ادلقم له لقمه كبيره دعستها في ثمه وعيونها مركزه في عيونه
خليفه فتح اعيونه اول ما حطت اللقمه في ثمه واول ما حاولت توقف عشان اتروح مسكها من يدها ومنعها توقف واشار بيده
الثانيه تنتظر لين ما بلع اللقمه
خليفه:اوف والله انها لقمه عجيبه
نوره:ههههه
خليفه وترته ضحكتها:ما تغديتي؟
نوره:ما عليه عقب بتغدا
خليفه:كنتي تتغدين مع اليهال وخربت عليج
نوره:لا والله انا اتغدى عقب.... ما اعرف اتغدا لين ما يخلصون
ابتسم خليفه:مشكووووره نوره انتي والله خاله ونعم الخاله
نزلت نوره راسها تحت:حتى انته ماتقصر فيهم
خليفه:انا مادري شو كنت بسوي لو ما انتي ....الا صدق انا مستقرب من دندن قاعده اتحدث
نوره:ههههه ههههه هيه حرمه مش ياهل وتفهم عيل وين لو سمعت فطامي اتقول اداب النوم
خليفه:صدق عيل افرشيليه فراش عندها اليوم
نوره وهيه منزله راسها تحت:فطامي ترقد عنديه
سكت خليفه وقام رايح للمغاسل وهو مبتسم
##
##
##
ودمتم وديمه العطا

السموحه على التاخير غصبا عني والله

"نور"




Sent from my iPhone using منتدى عبير

رد: روايه نــــــــــــــــــــــــــــــــــــــور

الجزء الثامن

دخل زايد ملحق الخدامات والخدامه الفلبينيه تمشي جدامه ادله الطريق صوب هنيه وقف عند الباب
بعد ما قالت الخدامه لهنيه ان السير ياي وهيه كانت في لفراش تعبانه تلخبطت هنيه اول مره زايد ايي عندهن في الغرفه
زايد:هنيه....
اعتدلت هنيه وهيه تعبانه على الاخر
هنيه:ايوا يا باشه
تقدم زايد في الغرفه كم خطوه رايح صوبها
زايد:تعبانه وايد؟
هنيه:شوية رشح ياباشه
زايد:عطينيه رقم ابو فريد بتصله ايي وبخلي الدريول عقب ايوديكم المستشفي
هنيه:مفيش داعي ياباشه البنت نور ادتني زنجبيل وانا بحس حالي كويسه
زايد بحزم:كم الرقم؟
اعطت هنيه زايد رقم زوجها والتفت اهو للجهه الثانيه عشان يتكلم وانصدم من المنظر الي شافه
كانت لابسه حجاب ابيض ساترنها بالكامل وقاعده في الزاويه على سيادتها وشكلها مخلصه كان ويهها احمر ايدل على انها كانت في نوبة
صياح تلاقت نظراتها مع نظراته لثواني والتفتت عنه بنظرها لجدام بعدها قامت وطوت السياده وراحت
للسرير الثاني وقعدت على طرفه في الجهه الثانيه حس زايد انه مش مركز بكلامه مع زوج هنيه وبالعافيه قدر ايقوله يحضر عشان ايروح مع
زوجته المستشفي سكر عنه وجالت نظراته بالغرفه ووقفت عندها وهيه معطيتنه طرف ويهها ومنزله راسها تحت لين الحين اثار الصياح باينه عليها ياترى شو الي كان ايصيحها
كره زايد هذا الشعور الي حس فيه وتم يذكر نفسه انها بنت باكستانيه لا راحت ولا يت خلها تنقلع
مع انه انسان مايحس بحنيته وهيه تطلع غصب عنه والدليل اهتمامه بمرض هنيه لاكن هذي لازم مايوليها اي اهتمام
شكرت هنيه زايد وطلع عنهن وهو يحس بضيقه
..................................................
صرخ بدر الي كان في سيارته راجع البيت:وين انته
مروان:انا بخير مافيه الا العافيه
بدر:وييييين
مروان:راجع البيت
بدر:ياله انا راجع بعد
اتلاقى بدر ومروان في الحوش ودخلو ميلس الريايل
بدر:اشوووف
ضحك مروان:ياريال طلعوها مافيه شي
بدر:الكلب من وين ياب سلاح وضربك؟
مروان:اه يا اخي لو تقول الدنيا امان هذي عصابات محد يدريبها مرتبين عمارهم واشغالهم اخس من عصابات المافيه
بدر:ما اتخيل ياخي عندنا احوال جذيه
مروان:اوووه
بدر:اسمعنيه اقبض مكتبك وخلص الاشغال الي لك وحركات التنكر والدس بين لبيوت اقلعها
وين عايشين احنا
مروان:يا اخي ليش انته ماتريد اتصدق اقولك عندنا احوال بنغال شغالين مخدرات ولعب قمار وبلاوي
بدر:خل غيرك ايشوفهم حرام عليك اميه لو يستويلك شي نقزت وماتت
مروان:يابدر انا من البدايه مفهمنها عن طبيعة شغليه والاخطار الي بتواجهنيه
بدر:اه يعني من زمان قايللها توقعي خبر موتيه في اي يوم...زادنها اتبات على سيادتها تدعا ان الله يحفضنا
وماتشوف فينا مكروه
مروان:فديتها انا لوما دعاويها اليه جان منزمان رايح فيها
بدر:الله يهديك يا خويه وترحمنا شوي من همك....زين انك هب معرس جان المسكينه بنت الناس فارشه سيادتها عدال اميه
ضحك مروان:لا عاده الليل لازم انا باخذ اجازه
بدر:والله ما عرفنالك سعات اتقول انا مرتاح عزابي والحين بتاخذ اجازه على الليل
مروان:اخبار الخطبه
بدر:اتسكر الموضوع لا هم فتحوه ولا انا ناوي افتحه
مروان:واميه؟
بدر:لا اميه قلتلها لاتفتحين الموضوع لين انخلص من زايد
مروان:يالله الله كريم يمكن تعقل في الفتره هذي واتوافق
ابتسم بدر باستنكار وما رد على مروان
.................................................. ...
نزل فهد من فوق وانصدم من اليازي الي قاعده جدام امه الي كانت اتجدل الها شعرها تمت اطالعه بنظرات و
ولفت بنظرها عنه للجهه الثانيه كان ماسك كتبه والاب توب تقدم منهن خطوتين وبعده مستقرب
فهد بصوت معصب:اميه
رفعت ام فهد راسه له:هلا فديتك
فهد:وبعدين يعني شو سالفتها هذي
ام فهد:بلاك يا ولديه؟
فهد:هذي شبلاها ماتتحجب ماتشوف ريال جدامها
بنظرات تقهر سحبت اليازي جديلتها من يد ام فهد ووقفت وهيه رايحه لفوق تتبعتها نظرات فهد لين ما اختفت
رجع وطالع امه بنظرات استفسار
ام فهد اتوهقت ماعرفت شو تقوله:ا ا ا بعدها ياهل يا ولديه
فهد:هذي ياهل!!!! مب بالغ؟
ام فهد:عاده يا ولديه انا شدرانيه ابها ما اعرف اقولها اتحجبي استحي منها لبنيه شويه ما اعرف شو في خاطرها
فهد:ماتعرفين شو فيها ا هذي صايعه فالته وبذكرج في يوم عنها
وطلع فهد وهو معصب اكثر
ام فهد:الله يهديك يا ولديه لاتقول عن بنت عمك جذيه
صفق الباب وهو طالع
.................................................. ..............
اول ما دخل خليفه فراشه في المسا اتذكر فطامي ودعا النوم قام مبتسم لبس فانيلته وطلع صوب غرفة نوره
سمعت نوره دق خفيف على الباب
نوره قربت من الباب :منووو
خليفه:احم ا انا فطامي ارقدت؟
تذكرت نوره
نوره:لحضه شوي
راحت نوره لغرفة الملابس ولبست شيله كبيره ولبست النقاب وفتحت الباب لخليفه
نوره:لا بعدها واعيه
خليفه:ممكن اريد اشوفها؟
نوره وهيه تفتح الباب اكثر:تفضل
خليفه عجبه جو الغرفه بارده وريحتها حلوه وما حس بنفسه وهو يقول:الله ريحة الحجرة جنان
قرب من البنت الي على السرير تستعد للرقاد
خليفه:مساء الخير يا حلووه
فتحت فطامي ايديها عشان ايقرب وتحضنه وذاب خليفه لحضتها بهالحضن المرحب به
خليفه:يووووه فديتج
قرب منها وطاح عدالها على السرير وحضنته فطامي وتمت اتحبه في ويهه وخليفه مستانس
خليفه:فديت روحج ثرج هب هينه الحين انا ياي حق لاذكار اتسويبيه جذيه
كانت نوره واقفه عند نهاية السرير اطالعهم وهيه مبتسمه
خليفه شافها:وانتي كل يوم معيده معاها على هالحب
نوره:هههه ههههه فطامي بس حبيبي
خليفه في خاطره"عاده انا بروحيه جو الغرفه مدوخنيه ادوخينيه بعد بضحكتج"
حط خليفه عيونه في عيون فطامي
خليفه:اشوف عيووونج
فتحت عيونها اكثر في عيونه ورجع يضحك ونوره احاسيس غريبه انتابتها مره ثانيه من وجوده معاهن
حضنت فطامي ويه خليفه وهيه تقول
فطامي:بابا
انتفض خليفه من سمع الكلمه وحس بدموعه غصبا عنه تتجمع في عيونه ودعس بويهه في حضنها
ايحاول ايسيطر على مشاعره الي تمت اتزيد وفطامي تحضنه اكثر وهيه تكرر نفس الكلمه بعدها لفت ويهها
لنوره وقالت:ماما
انفجر خليفه الي ما قدر يستحمل اكثر بشهقه ركضت نوره بسرعه وطاحت ورا فطامي وهيه تحط يدها على كتفه
نوره:خليفه تعوذ من ابليس
قعد خليفه وهو يحضن فطامي ولامنها لصدره
خليفه:ما اقدر ما اقدر انا استحملت وايد وكبت وايد انتي ماتدرين بغلاة خلف اخويه اه ابيع نصف عمريه
واشوفه لو مره وحده بس
نوره:لا حول ولا قوة الا بالله كل شي مقدر ومكتوب واجله وقف وكلنا راحلين من هالدنيا.....الوعد في الجنه ان شالله
يعني شو الي مصبرنا على فرقا احبابنا الا اننا بنلاقيهم في الجنه يالله بحسن الخاتمه
مسح خليفه ويهه وابتسم
خليفه:اسمحيليه والله مادري شوصار اليه....
وهز راسه ونظرته رايحه لبعيد
خليفه:ماكنت اتخيل انيه بفارقه في يوم هو كان كل شي في حياتيه الاب والاخ والصديق
ابتسم
خليفه:كان ايقولليه عرس يا خليفه واسمع كلمة بابا محلاتها....الله يرحمه
كانت نوره اتحس بسجاجين تنحرها واتحاول تمنع نفسها ماتنفجر اهيه بعد
نوره:الله يرحم جميع موتى المسلمين
خليفه:امييين اميييين...سمحيليه ...اكيد انج ذايقه نفس الكاس وانا جددت المواجع
نوره هزت راسها:كاس مر
نزلت نوره راسها تحت في محاوله اكثر انها تمنع نفسها ماتصيح خليفه حس ابها وحط فطامي على المخده
واول ما التفت الها نزلت نوره بسرعه من على السرير وهيه تدري انها كسرت خاطره ويمكن يحاول
ايواسيها
نوره:انا بروح اشوف اليهال
استغرب خليفه من سرعتها الي قامت فيها من على السرير ورجع ايطالع فطامي ويحبها على خدودها
ويمسح على راسها لين ما شاف انها استسلمت للرقاد
طلع خليفه ورا نوره وماحصلها في غرف اليهال لاكنه سمع عقب صوت الماي في واحد من الحمامات وعرف انها استسلمت لدموعها
.................................................. .............
اجتمع في اليوم الثاني حشد كبير من العماله الباكستانيه جدام فلة زايد محتجين على طردهم من العمل
دخل بدر على زايد في ميلسه وكان زايد مفول فوووول من الغيض على الي يصير جدام فلته
بدر:وقته هذا يازايد وقته اتفنش العمال الحين
زايد:يعنيه افارق اويوههم هم الي يابوه لعمارهم....ولكلاب يتحسبونيه بردهم على وقفتهم هذي
بدر:هيه اكيد انك بتردهم انته نسيت انك الحين في موقف حرج وان اعدائك متربصين بك
ومش بعيده ايكونون هم الي مشيشينهم ايسون جذيه
زايد:ايخسووووون بيبطووون انا ما انمسك من يديه الي تعورنيه وباجر بتشوف ان ما كنسلت اقاماتهم كلهم وسفرتهم ما اكون انا زايد
بدر:لا حول ولا قوة الا بالله...يا زايد فكر فيها زيييين هذولا مابيروحون من جدام بيتك لين توعدهم بالي ايريدونه
زايد:اطلبلهم الشرطه الحين
بدر:ينيت انته تبا السالفه تكبر اكثر واكثر
زايد:يعني ما كبرت والصحافه من الصبح وهيه واقفه معاهم
بدر:شفت الي انا خايف امنه
زايد:مايهمنيه خلهم ايعرفون هم مع منوه بيتعاملون
بدر:هذا الشي مش في مصلحتك
زايد:يا اخي انا حر افنش الي افنشه من شركتيه محد ما يعرف باسلوبيه هذا والانتخابات انا ضامننها
بدر:لا انته هب فاهم شي اقولك ناس مستعديه لك واتقول ضامن على العموم انا بطلع الهم بحاول اصرفهم
زايد:تحمل يابدر توعدهم بشي ...والله مالهم عنديه الا التبن
في الوقت هذا كانت نور اتشوف ابناء جاليتها واقفين تحت اشعة الشمس ومش فاهمه ليش هم واقفين
نور:هنيه لما هم واقفين هاكذا؟
هنيه:بنت يانوور بلاش بقى تعدي اتبصي عليهم لحسن الباشه يشوفك ويعمل لينا سالفه
التفتت نور لهنيه:انتي ماذا تقولين لما لا تتكلمين باللغه العربيه
هنيه:امال انا بتكلم ايييه
نور:يا الاهي لا افهم مما تقولين حرف...لقد اعتقدت انني سوف افهم ما تقولون...هل تفهمين ما اقول يا هنيه
هنيه:اه انا بفهم الي بتئوليه دانتي بتتكلمي نفس الافلام المعربه
نور:ماذا تعنين بكلمة بتئوليه
هنيه:يعني انته يقووول
نور:ماذا؟
هنيه:بنت يانووور بلاش بئ ماذا وكيف دنتي دوختي لي دماغي
نور:انتي تعودين للكلمات الغير مفهومه
دخل زايد وهو ينادي هنيه وتلاقت نظراته بنظراتها ابتسمت ونزلت راسها تحت قرر زايد انه يتجاهلها لان مافي فايده في حبسها في ملحق الخدم بعدما اشتكت له هنيه انها ما تقدر الها
هنيه:ايوا يا باشه
زايد:سيري ازقري اليه البواب
هنيه:طيب يا باشه
طلع زايد والتوتر الي يحسبه يوم ايشوفها رجع له
التفتت نور لهنيه:ما ذا قال ؟ ماذا يعني بكلمة ازقري
هنيه بتفكير:يعني اندهي
نور بنظرات مستفسره:لم افهم الكلمه الاولى كي افهم التاليه
هنيه:ياختي انا مش دارسه ومش عارفه حاجه اعتئيني يابنت
طلعت هنيه وتمت نور واقفه مش عارفه هنيه شو قالت
نور:يا الاهي لما لا يتكلمون العربيه...كيف لي ان افهم ما يقولون
العمال ظلو على هالحال ثلاثة ايام ونور مارتاحت لين عرفة قصتهم من الدريول الي خبر الخدامه الفلبينيه وبدورها خبرت نور
تمت نور كل يوم اطالعهم من الدريشه وتحس بحرقه على حالهم وتتسال ليش زايد سوا ابهم جذيه
واحد من العمال طاح من ظربة الشمس في راسه عرفت نور بامره وراحت على طول للملحق وخذت عباتها الطويله المخرمه عند العيون وطلعت الهم ومعاها الخدامه الفلبينيه مجرجرتنها وراها
زايد وبدر وخليفه كانو في المجلس الخارجي نقزت عيون زايد جدام اول ما شافها رايحه صوبهم طلع من الميلس وجمد جدامه وهو يسمع صوتها الي ارتفع وهيه تكلمهم باللغه الباكستانيه
كل العمال وقفو جدامها يستمعون الها لين ما استوعبو شو قالت الهم وهزو راسهم مايدين كلامها
زايد بصراخ وهو فاقد اعصابه:الله يغربل الساعه الي يبتها فيها....
التفت لبدر وخليفه:هذي شو قاعده اتقول الهم..هاه شو قاعده اتقول الهم
خليفه:زايد ..زايد اهدا يبوي
زايد وهو مصدوووم من الي يشوفه:شو قالت الهم اكيد قالت انها بنت عميه الحيوانه بذبحها اليوم
خليفه:استهدا بالله ياريال
كانت نور راجعه بعد ما شافت العمال بدو ينصرفون وانصدمت بالي وقف جدامها والصدمه الثانيه بالكف الي ياها وطيحها على الارض
مسكه خليفه وكان ناوي ايدوسها بريوله
زايد:يا حيوانه شو قلتي الهم هاه شو قلتي الهم تتحسبين انيه مابعرف شو قلتي والله لا ايبهم اهنيه جدامج واخليهم ايقولون كل كلمه قلتيها
قلتيلهم انج بنت عميه وانج قريب بتستولين على كل شي ووعدتيهم اتعوضينهم انا بذبحج اليوم بذبحج
صرخ خليفه على بدر :تعال شله وده داخل
مسك بدر زايد الي كان ميت من الغيض وتم ايجره لداخل
بدر:زايد تعال وهد اعصابك
زايد:خل ابو درويش ايي الحين ...خله ايشوف شو قالت الهم الحيوانه
جر بدر زايد الي كان ينتفض من الغيض
نور بعدها كانت طايحه على الارض اتحاول تصلب نفسها بعد الظربه الي يتها وشهقت بصوت عالي اتصيح خليفه عوره قلبه عليها
وقرب منها وقعد قريب
خليفه:نور شي ايعورج؟
نور:هل هو غاضب مني لاني تحدثت عند الرجال ...اعلم ان صوت المراءه عوره ولاكنني لم استحمل ان ارا ابنا جاليتي بالحال الذي هم فيه
خليفه هز راسه هذي وييين تفكيرها والي يفكر فيه زايد وين:انتي شو قلتي الهم؟
كانت نور تشاهق وهيه اتصيح
خليفه:هل اخبرتيهم انج ابنة عم زايد
نور:لا لم اخبرهم ......اتعلم لم استطع ان احتمل رويتهم بهذا الذل...هناك في ديارنا نحن ننظر لكل شخص يقدم الى هنا بانه شخص محضوض
وبانه استطاع ان تطئ قدمه ارض الجزيره العربيه...الكثير هناك يحسدونهم لوصولهم الى هنا
شهقت بوجع
نور:لقد قلت لهم بانه عارا عليهم ما يفعلونه كيف يتذللون للمخلوق وينسون الخالق اليس الامر بيد الله الا يستطيعون ان يقفو
بين يدي الخالق ويناجونه بدلا ان يقفو بهذا الذل امام المخلوق......كيف استطاعو ان يقفو تحت اشعة الشمس يسترجون ان
يعفو عنهم السيد ولا يستطيعون ان يقفو بين يدين الله في الثلث الاخير من الليل وقد نزل الله اليهم للسما الدنيا ليقضي لهم حواجهم
لقد قلت لهم بان يتوجهو للخالق ويدعون المخلوق...اقسم لك لم اخبرهم بانني ابنة عم السيد
تاثر خليفه بكلامها
خليفه:لاتلومين زايد يا نور هو تعبان من الانتخابات وكل شي يفهمه غلط
حست نور انها فهمت لخليفه
خليفه:شي ايعورج؟...
نور:ماذا تعني؟
خليفه بابتسامه:هاه ا ا اقصد هل تشتكين من شي؟
وقفت نور:لا
مشت خطوتين والتفتت لخليفه
نور:هل تعني بان السيد اعتقد بانني اخبرتهم عن قرابتي له...سوف اذهب اليه لاوضح له الامر
نور ما اعطت خليفه فرصه يمنعها وركضت للفله داخل
وقف خليفه:لا الله ايهديها وين رايحه صوبه وهو مولع.....ابتسم خليفه
بس جنان كلامها الله يغربلك يازايد انته وبنت عمك
التقت نور ببدر الي كان طالع من الفله وراحت داخل بسرعه عند زايد الي كان المووووت عنده ان شافها
التفت الها منصدم من وجودها
رفعت نور غطاها وكان ويههها محمر من الصياح والضربه الي يتها
نور:ايها السيد انا لم اقل لهم بانك ابن عمي
صرخ عليها:تعمعمتي في خصف"هذي الجمله نوع من السب عندنا"انتي شويايبنج تبينيه اذبحج
نور بنظرات مستفسره:مالذي يغضبك هاكذا......لما انته غاضبا دائما؟
اتقدم زايد منها كم خطوه وتمت اهيه ثابته في وقفتها ومسكها من زنودها وهو يهزها
زايد:انتييييي انتيي سبب كل غيضيه وقهريه
ودزها بالقو على الارض كانت نور تتالم من دزته الي خلت جسمها يضرب بقو على الارض نفسها اتعرف ليش اهو غضبان هالكثر
نور وهيه تقعد ورافعه نظرها له اتكلمه وهيه متالمه
نور:اعلم انك تحتقرني لانني من العجم ...ان ما فعلته باؤلاك المساكين يثبت لي ذلك...انا لست بلها لقد ارسلت من يطلب مني
مقابل المال ان اظل صامته ولا اعلم احد بانني ابنة عمك ولاكن كل من يعرفني هناك اتى اليه يحمل صورك ويقول لي انظري انه احد اقرباءك لا مجال بان اخفي الامر
وقد تاكدت اكثر عندما رميتني في ملحق الخدم انا لا امانع فلا يوجد سواك في البيت ولا يجوز لي ان ابقى معك
التفت الها زايد:انزين وعرفتي شاطره اصفق لج وبعدييين....انا ماتهمينيه عرفتي ولا ما عرفتي وبربرتج هذي الي قاعده اتبربرينها خليها حقج ولا تحاولين اتلفين وادورين وتسوين عمرج
غلبانه...كلامج الي قلتيه برا كله بعرفه الحين وساعتها محد بيقدر يمنعنيه اسويبج الي اريد اسويه
نور ودموعها تنزل بغزاره:اقسم بانني لم اقل لهم بانك ابن عمي
زايد بصراخ:لاتقولين ابن عمي......
نزلت نور راسها تحت وتمت اتصيح من الالم الي تحسبه وتفكر ان الانسان الي جدامها مجرد من كل معاني الرحمه والانسانيه رفعت راسها له
نور:كيف اعتقدت في يوما من الايام انك رجل عظيم استحق ما انته عليه
التفت الها زايد منصدم:غصبا عنج استحق
نور وهيه تهز راسها وكان خليفه توه داخل ووقف وراها
نور:انته لا تحمل اي معنى للانسانيه ولا يملك قلبك ادنى ذره من الرحمه....انته لاتستحق ذلك الكرسي وسوف ترا انك لن تطاه في يوم من الايام
زايد وهو يقرب صوبها وبدت العفاريت تركبه:ايوا ارمسي ارمسي ظهري الي عندج لبركه فيج وفي الكلام الي قلتيه
نور بتحدي وهيه ترفع صوتها وبعدها قاعده لانها ماتقدر توقف ووجع جسمها بعده
نور:انا لا افقه مما تقول كلمه ولاكنك رجلا ظالم ....سوف ينتقم الله منك يوما
زايد:جب والله ان قلتي كلمه انيه ادوسج بريوليه....
نور:لن تحصل في يوم على محبة الخلق...ولن تحصل على ذلك الكرسي
زايد:اقولج انجبي.....ومحبة الخلق خليها حقج ...انا مايهمنيه حد انا ماوصلت للي وصلته الا بتعبيه وسلطتيه وماليه
وقف زايد قريب منها وكانت قاعده عند ريوله ونزل مجابلنها وعيونه في عيونها
زايد:السلطه والمال ....وانتي ماتيتي من باكستان الا من اجلهن
وقف زايد ومشى خطوتين
نور:تبا لك
التفت الها معصب وتمت عيونهم متشابكه ببعض
نور:انك شخص بغيض اكرهك ايها الرجل ...لم اتي من اجل مالك ولا من اجل سلطتك
زايد:عيل حق شوووه يايه؟
نور وبدت الدموع تنزل مره ثانيه وهيه تحط يدها على فمها تمنع شهقاتها
نور:ايها القاسي الاتعلم بانني طوال تلك السنين وانا اعيش وحيده ....لم ارى والدي ولا اتذكر والدتي حتى جدتي رحلت عني وانا ما زلت صغيره
لا اعرف في تلك الديار احدا يقرب لي اوله صلة غرابه بي...وقد ترعرعت والكل يشير اليه بانني
لست من تلك الديار
ضمت نور ايديها لصدرها




Sent from my iPhone using منتدى عبير

رد: روايه نــــــــــــــــــــــــــــــــــــــور

نور:لقد ربيت بين بناتهم كانني ابنه اخرى لهم يحيطوني بمحبه ومعزه تختلف عن الجميع
رفعت راسها له
نور:اتعلم لماذا ؟...لانني ابنة الجزيره العربيه.....كيف اكون ابنة الجزيره وانا حالي بهذا الذل على ارضها؟
زايد وكلامها كان له مفعوله فيه:لا تمين تتفلسفين عليه
نور:اتعلم لما انا اردت ان اتي الى هنا ...لقد شعرت بالحياه تدب في اوصالي عندما علمت بان لي اقرباء
وبانني استطيع ان اصل اليهم لاتعلم مدى سعادتي برويتي لصورك في تلك المجلات...لقد كنت اعيش في غربه رغم كل احبابي من حولي...وسعدت بمعرفتي انني سوف اعود الى موطني والى
اقربائي...لقد تمنيت ان اجد لي جده وعمه وعم وابنا اعمامي لقد حلمت طوال تلك السنين باسره لم اكن اعلم بانك وحيد مثلي
زايد:منووو قال انيه وحيد انا اليه اهل واقربا اليه جده وخوال احسن عن خوالج ميت مره انتي بس الي مالج حد وانا ما اتشرف اكون
من هالحد
نور وهيه تحس انها فهمت له:قاتلك الله ان الله قادر على ان يجعل لي اسره
ضحك زايد بصوت عالي:ههههه ومن وين تبين هذي الاسره
صرخ خليفه عليه:زايد انته بتشك في قدرة الله
زايد:انا ما اشك في قدرة الله لاكن هذي وايد مصدقه عمرها
تقدم خليفه كم خطوه:سر سر اطلع برا ابو درويش يرقبك خله يفهمك شو كانت اتقول يمكن
الله يهديك وتقلع المسكينه عنك
تم زايد ايطالع خليفه بنظرات مش مفهومه وعقبها اتوجه للباب
خليفه ما عرف شو هالاحساس الي ياه وتقدم من نور ونزل ماسكنها من اكتافها عشان يساعدها توقف
وقفت نور وهيه منحرجه امنه
نور:دعني
لاكنها فقدت توازنه وقبل لا اطيح شلها خليفه وكان زايد داخل يتبعه ابو درويش وعيونه عليهم شابه نار
التفت خليفه للجهه الثانيه ونادى هنيه الي طلعت وطلب منها خليفه ادله على غرفة نور
وصل خليفه نور الي حس انها منحرجه وميته من الي يصير الها
خليفه:ما عليج عند الضروره ترتفع الاحكام
حطها على السرير
خليفه:نور اذا ماتريدين اتمين في بيت زايد اخذج الى بيتي عند زوجتي والابناء
هزت نور راسها بلا :سوف ابقى ....اشكر لك صنيعك
خليفه:خليج بعيده عنه...زايد مشكله كلنا انعاني منها واذا احتجتي اي شي خلي هنيه اتكلمنيه عندها رقم تيلفونيه
نور:اشكرك سيدي ...سوف لن انسى صنيعك
طلع خليفه عند زايد الي كان قاعد وابو درويش قاعد ايترجم له كلام احد العمال الي كان ايعيد كلام نور الهم
مشاعر غريبه هزت زايد الي انصدم من الي كان ينقال وتم موجه نظره لبقعه معينه جدامه وساكت بدون اي كلمه
سكت العامل وسكت ابو درويش وزايد تم في سكوته سرحان وبعيد كل البعد عن الي حوليه
هز خليفه راسه وهو موجه نظره لبدر وعقبها طلع عنهم طلب بعدها بدر من ابو درويش والعامل انهم ايروحون
وتم بدر ينتظر زايد ايقول اي كلمه لاكنه تم على حاله
.................................................. ..........................
في مخفر الشرطه وصلهم خبر عن احد سائقين باصات المدرسه انه دعم عمود الكهربه وان سيارات وايد للشباب اتحاوط الباص وصاير شغب عند مكان الحادث
بعد ما طلع احد الظباط لموقع الحادث وقف مروان ومسك الشرطي من رقبته
مروان:باص مدرسه ولا باص كليه
الشرطي:كليه سيدي
مروان:وليش ماتقول جذيه من الصبح؟
انفجر البقيه من الضحك على مروان وهو يحاكم الشرطي
مروان :فارج فارج انا شو محصل من وراك من يوم ما يابوك عنديه غير العثره
التفت لربعه بعد ما طلع الشرطي
مروان:زين جذيه راح عليه باص الكليه
قام واحد من ربعه وهو يلبس قبعته:قم قم عدها الفرصه ما ضاعت خلنا نلحق سعد احيده ما يعرف يتصرف
مروان:ظنك؟
احمد:يالله وانته ظارب بالبدله اليوم اول مره
ضحك مروان ولحق احمد....ضباط مراهقين عند الجنس الثاني
لحقو سعد وقالوله يرجع وانهم هم بيتولون المهمه
اتشابكو في البدايه مروان واحمد مع الشباب الي يحاوطون الباص واصرفوهم ركب مروان الباص وكله ثقه ان البنات
مابيرفعن نظرهن عنه
صفق الدريول على علباه العلبا هو موخرة الرقبه من الخلف
مروان:عمي انته ماتشوف العمود
الدريول:باباه هذا سياره شباب مشكله يجي على طول جدام ورا سياره انا
مروان:وانته ثور ماتعرف تتصرف.....يالله قم حول خلنيه احرك الباص
التفت مروان للبنات
مروان:في حد اتضرر من الضربه
صوت ناعم من بعيد:لا
مروان في خاطره يالبي قلب هالصوت احم احم انا ضابط ما اعرف هالخرابيط
حرك مروان الباص وخلاه على الطريق الصحيح ورجع راعي الباص للباص عشان ايكمل
طبعا البنات في الباص ذابن وهن يراقبن مروان وهو متوجه لسيارته ومعاه احمد وكانو يتغامزون بينهم
احمد:عجيييييبه البدله اليوم عليك
مروان:اكييييييد ما سمعت التنهيدات داخل
احمد:الله ايغربلك هههههه واثق الاخ
مروان:ههههه طماشه
##
##
##
ودمتم وديمه العطا




الجزء التاسع

خليفه اول ما رجع من عند زايد راح البيت وكان متضايق من زايد..حصل اليهال يلعبون في الحديقه ونوره حاطه سلم صغير واقفه عليه عشان
تركب الليت طبعا السلم كان صغير ثلاث سلمات تراكضو اليهال لخليفه وتمو ايسلمون عليه ويطلبون امنه يشاركهم في اللعب التفت خليفه لنوره
الي حس ان السلم يهتز من تحتها وعلى وشك انه يطيحها اسرع بخطواته ومسكها بسرعه من خصرها عشان يثبت وقفتها"يعني يا خليفه ما عرفت الا خصرها" ارتبكت نوره من مسكته
خليفه:كملي انا بمسكج لين اتخلصين
نوره بتوتر:لا ما عليه انا ثابته
خليفه وهو مستانس على هالخصر الي ماتوقع انه بهالصغر:انا ماعنديه مشكله كملي
بدت نوره ترتجف وكان ذايب من رجيفها ونعومة الخصر الي بين ايديه يرتعش....مسكت بيدها يده اتحاول تبعدهن
نوره وصوتها متوتر:مش لازم اركبه الحين ا ا ب بخلي ا الخدامه ع عقب عقب اتركبه
خليفه وابتسامه خبيثه على طرف شفايفه:الي يبدا شغله لازم ينهيها وانا بتم ماسكنج لين اتخلصين ما عنديه شغله
نوره بصوت خافت منحرج وهيه بعدها اتحاول تبعد ايديه:ارجوووووك
انتفض خليفه وضغط بيديه اكثر وفلت الليت من ايد نوره وتكسر على الارض
ير خليفه نوره وهو شالنها ونزلها من على السلم ووقفها عداله
خليفه:شبلاج شو صاير عندج؟
نزلت نوره راسها تحت :ما ما شي
التفتت عنه بسرعه وراحت داخل ودقات قلبها اتزيد واتزيد
خليفه وبعده مبتسم:هاه ياعيال خليكم بعيد عن الليت
على الغدا من الاحراج الي في نوره حاولت اتصد بنظرها عن خليفه وتحاول ماتتلاقى نظراتها بنظراته اما خليفه فكانت نظراته طول الوقت
تترصد لاي نظره منها لاكن بدون فايده عرف انها انحرجت من الي صار وهو خلا نفسه ان الي صار شي عادي
ياه اتصال من اميره وقام عنهم وطلع لفوق تنهدت نوره بوجع بعد ما سمعت اسمها على لسانه وهو طالع فوق لازم اتسيطر على مشاعرها باي طريقه
.................................................. .............
دقت روضه الباب على مي
روضه:ايييييه الناقه افتحي الباب
ضحكت اليازي الي كانت واقفه معاها
اليازي:ههههه حرام عليج
روضه:والله انها ناقه ماتشوفين اشطولها كل مايلها تربع فوق
اليازي:هههههه ياويلج من ميمي اتجنن عدها بيبي
روضه:ما احيد البيبي تتعدا الدروازه فوق
اليازي:هههههه اخ روضه ذبحتينيه من تعليقاتج ...انا بروح عند يدوه هذي ما بتفتح
نزلت اليازي واصرت روضه ان مي تفتح وبعد ما فتحت مي كان ويههها محمر من الصياح
روضه باستغراب:ميمي ليش اتصيحين
انفجرت مي اتصيح
روضه:شبلاج؟
مي:ما شي؟
روضه:لا والله اتصيحين من البزا هاه
مي:ما فيه شي ...انتي شو تبين؟
روضه:افا ياميمي انا ختج العوده ليش ماتقوليليه شو يصيحج؟
اخبرت مي روضه عن المدرسه الي دائما تنزل علاماتها وهيه تستاهل علامات اعلى
روضه:عنلاتها انا باجر بلعن خير ابوها
مي:لا رويض انا ماريد مشاكل
روضه:انتي عنز بتمين ساكته وهيه تاكل حقج انا برويج فيها باجر
مي:لا روضه ان رحتيلها والله ما اداوم...خلاص خلاص انسي السالفه
روضه بنظرات غيض:تمي تمي عنز ماتعرفين شي...بشوف عاده شو بتسوين
مي:خلاص ياروضه ...انسي السالفه
طلعت روضه صافقه الباب من القهر على مي
كان فهد مار:حوووه كسرتي بيبان البيت
روضه:يعلهن الكسر
فهد:اعوذبالله
التفتت له روضه:من شوووه تتعوذ منيه انا؟!!!
هز فهد راسه ونزل تحت ....حصل اليازي قاعده عند التلفزون اطالعه وامه ويدته قاعدات معاها
قعد عدال يدته على الجلسه العربيه والتفت لليازي
فهد:قومي صبيليه جاهي
طالعته اليازي وبعد اشوي قامت متحمسه صبت الشاي واتقربت امنه واول ما وقفت جدامه وماده بالكوب بيدها له فرط الكوب وانجب على فهد الي صرخ
فهد:عمى ماتشوفين
التفتت اليازي لعمتها ويدتها:اسفه ماكان قصدي فرط من يديه
فهد وهو يحاول يمسح الشاي بالكلينكس:ماعليه روحي صبيليه واحد ثاني...وانتبهي مره ثانيه
استغربت اليازي انه سامحها وراحت ويابت له واحد ثاني واول ما قربت امنه وهيه اطالعه بنظرات متروعه وكانت ماسكه الكوب بايديها الثنتين
رفع فهد راسه الها ومد يده لاكنه مسك ايديها الثنتين بيد وجب كوب الشاي على ايديها صرخت اليازي وقام اهو
متذمر
فهد:لحوووووه ماتشوفين كل شوي جبيتي الجاهي
اليازي:اي انته الي جبيته عليه
فهد باستنكار:انا!!!! انتي ماتوبين
اتوجه فهد طالع برا وهو مبتسم ابتسامة قهر وتمت اليازي اتولول واتصيح من حرارة الجاهي على ايديها
اليازي:اه والله اهو الي حرقنيه اي ايعور ايعور
الجده:حسبي الله عليك فهيدان يالي حرقت ايدين لبنيه تعالي اشووووف
والتفتت عقب على ام فهد:وانتي بتمين فاتحه ثمج قوووومي طالعي لبنيه
قامت ام فهد وركضت لليازي الي كانت اتصيح من ايديها:اشوف يابنتيه
اليازي:اه حرقنيه والله اهو الي حرقنيه
في مغاسل مجالس الرجال كان فهد اهناك خلع ثوبه وتم واقف ايطالع البقع الحمرا الي علمت في جسمه من الشاي
ايحس بوجع الحرق هذا والثوب كان عازل عيل اهيه كيف اتحس بس تستاهل اهيه الي يابته لنفسها
فتح فهد الماي البارد وتم ايرش الحرق عشان ايبرد على نفسه اما داخل على صريخ اليازي وروضه ماسكه كيس بودرة حنا
واتجبها على ايدين اليازي حسب تعليمات الجده
الجده:ياله من ملاقتج يارويض جبي الحنا عدل
روضه عصبت وجبت كل الكيس على ايدين اليازي وعلى طول الجده رقعتها على راسها بعصاها
روضه:اخ يدوووه
الجده:شحقه اتجبين الحنا كله
روضه:انتي تراج اتقولين اليه
الجده:هالكثر اتجبين بجب على ايديها على الحرق مب اجب الكيس كله
اليازي:اي ايعور ايعور يدوه مارييييييد
الجده:جب انتي هذا زييين بيفك ايديج
ويت روضه ضربه ثانيه على راسها
الجده:لمي لمي الحنا رديه في الكيس
روضه:يدوووه حرام عليج راسيه قدا كله هضاب من عرياج هذي
الجده:اشوووه هضاب بعد هذي
روضه:هاه اتيسي اتيسي مافي مكان الا وورمه ناقزه
قامت اليازي:اي ايعور انا بروح اغسلهن والله الموووووت ما اقدر استحمل
الجده:يالعنز خلي الحنا زييين
اليازي:لا لا بغسلهن
الجده:ايييييي ربعت اتغسله الخلافه ماتدرين ان الحنا يبري الحرق سود الله ويهج
وركضت اليازي للمغاسل
مر فهد من المغاسل وشافها وقرب من الباب ووقف ايطالعها كانت تغسل ايديها واهيه ترتجف من الويع
وبنظره سريعه لمحته وانفجرت اتصيح
اليازي:كله منك كله منك حرقت ايديه شوووف شو سويت فيهن
اتقرب كم خطوه:وانا يعني ما نحرقت انتي الي يبتيه لعمرج
اليازي:انا ماكان قصديه هو بروحه الي طاح
تم فهد ايطالعها وايفكر انه يمكن كلامها صح
اليازي وهيه تحس بالوجع ايزيييد:اه يعلك الموووووووت ان شالله ....يعلك تنجلب في السياره وتنحرق فيها
فتح فهد عيونه منصدم من دعاويها:جب
اليازي:اه اكرهك يافهد والله اكرهك وبدعا عليك ليل ونهار بالموووت
مرت من عداله وهيه اتصيح...حس فهد انه مش فاهم اهيه شووه بالضبط تركيبتها
دخلت اليازي وشافتها الجده
الجده:لييييش غسلتي ايديج الحنا بيبري الحرق
اليازي:يدوووه ما اقدر استحمله
التفتت لروضه
اليازي:رويض طالعي الجلد بدا ينسلخ ايديه اتشوهت
روضه وهيه رايحه فوق:باروح اييب عباتيه وعباتج بوديج المستشفي مع الدريول
الجده:السبيتار بيقطعون ايديها حطي حنا وبتشوفين كيف بيبرا الحرق
ام فهد:عمتيه المستشفي زيين ايعرفون حق لحروق
الجده:هيييه وانا ما اعرف قوليها بعد
ام فهد:انا قصدي
الجده:جب جب اص ولا كلمه هذا كله من تحت راس ولدج الي ما عرفتي اتربينه هذا دلعج له
نفختي راسه متفرص في لبنيات والله انيه وراك يافهود
.................................................. ..............
ما زالت نور في لفراش واهيه تحس باوجاع في جسمها
هنيه:هو عملبك ايه الباشه
نور وهيه تحاول تكتم شهقاتها:هنيه لاتشغلي بالك بامري قريبا اصبح بخير
هنيه:انته في زياده تعبان
طالعت نور هنيه بعيون تدمع وهيه تحاول تفهم شو تقول
نور:هيا اذهبي لا عليك مني
هنيه:شوفي يابنت يانور انا والله بحبك من اول يوم انته ييجي انا يحب انته وعلشان كده انا عيزاكي تبعدي عن الباشه هو مشكله زياده
نور:هنيه ماذا تريدين ان تقولي اشعر ان بعض كلماتك مفهومه ولاكني لا اعرف ماذا تريدين ان تقولي
هنيه:يلاهوي كل البربره الي بقولها مش فاهمه منها حاجه...طيب انا ححاول اتكلم زيك بسي ياستي....انته معلوم هدا باشه
عرفت هنيه من نظرات نور انه ما فهمت الها
هنيه:هو انا قلت ايه بسي......لا تزهبي هناك
وكانت تشير بايديها
نور:تزهبي تعنين بها تذهبي
هنيه:ايووووا
وكانت تهز راسها
ابتسمت نور:ايووووا تعني نعم
هنيه:اه
نور:كذلك اه
هنيه:يا حلاوتك ايوا كده عيزاكي خليكي لهلوبه افهمي للكلام الي حاقوله
نور:حاقوله تعنين بها القول
هنيه:دنتي عشره على عشره
نور بابتسامه واسعه:دنتي تعني انتي
هنيه:ياصلاة النبي يا صلاة النبي دنتي سكره يابنت
نور تردد الكلمات:سكره....بنت...ههههه هنيه سوف احاول ان افهم ما تقولين هيا اعيدي علي ما كنتي تقولين ربما افهم ما تعنين
هنيه:انا عيزاكي تبعدي عن الباشه
نور:انتي ......ابتعد عن .....الباشه السيد
برقت عيون نور وهيه تقول
نور:هنيه انتي تريديني ان ابتعد عن السيد....هل تعنين بكلمة عيزاكي اريدكي
هنيه :يا صلاة النبي ...سكر سكر
نور:لما ترددين الصلاة على النبي...عليه الصلاة والسلام
هنيه:دنا ...فرحانه يا بنت يا نور
نور وبدت كلمات هنيه توضح عنده:دنا تعني انا.....فرحانه تاتي من الفرح تعنيين انك سعيده...يابنت يا نور تعنين بها انا .... انا بنت
هنيه:كفايه كفايه النهارده كده دنتي تحفه
نور:انا تحفه يا الاهي هنيه كلماتك اصبحت مفهومه لدي....النهارده ده ده ...ده تعني هذا الكلمه اصبحت هذا النهار...كفايه هههه اتعنين ان اكتفي هذا النهار
هنيه:ياصلاة النبي تحفه يابنت
نور:عليه الصلاة والسلام...مازلت لا افهم لما تعيدين الصلاة على النبي
وقفت هنيه:اسمعي يا نور انا دلوقتي حاروح عند الباشه يمكن عايزني في حاجه
راحت هنيه وتمت نور اتحلل كلمات هنيه...دلوقتي الوقت ...حاروح ...الروح....عايزني
تشابه عيزاكي..تريد يريد...حاجه...الباشه
كم امقت ذلك الباشه

.................................................. ...
نزل خليفه العصر تحت وتفاجى باميره واختها موزه قاعدات في الصاله تحت
خليفه:هلا والله...اسفرت وانورت
قامت اميره بابتسامه ساحره ورحبت بخليفه
قعد خليفه قريب منهن
خليفه:شحالج الغلا شو هالزياره الغير متوقعه
اميره:هممم قلنا انمر نتطمن على اليهال ونشوف شو احوالك
التفت خليفه لموزه:شحالج موزه
موزه:الحمدلله ايسرك الحال
خليفه:يا هلا والله
دخلت نوره وكانت شاله صنيه القهوه والشاي وحطتها ونظرات خليفه عليها بعدها التفتت وطلعت
اميره:ولا هاذي اهيه العروووس
خليفه ثبت نظراته على اميره ينتظر شو بتقول اكثر
موزه:ما شالله عليها رحبت ابنا وما قصرت سنعه ما شالله
اميره:هه...طبوب عيايز انتي شفتي شو لابسه متقبعه من راسها لين اريولها مب عيوز بالله عليج هذي
موزه:والله ايديها اتقول شي ثاني
خليفه:مويييز شبلاج يابوي خليج محضر خير عيوز ولا غيره انا ما همتنيه اصلا مافي مجال للمقارنه
القلب مافيه حد غير شخص واحد
ابتسمت اميره بانتصار لاكنها كانت اتحس بشي يحرقها داخل وقفت
اميره:انا بروح شوي وبرجع موووزه قولي لخليفه عن اوراقج الي تبين تقدمينها في الشركه
طلعت اميره واتوجهت للمطبخ وين تتوقع انها اتشوف نوره وبالفعل حصلتها اهناك




Sent from my iPhone using منتدى عبير

رد: روايه نــــــــــــــــــــــــــــــــــــــور

اميره:مساء الخير وين رحتي ليش ما قعدتي معانا؟..مب انتي راعية البيت الحين
نوره:انتي اميره؟
اميره:هممم عرفتيني
نوره:خليفه شرحلج وضعنا
اميره:وه فدييت خلوفي اكيد ياعمري شرحلي ومشكووووره وايد انج رضيتي تعتنين بالعيال
بصراحه احنا كنا مش عارفين كيف بيكون وضعهم تدرين انا بعدني بنت صغيره مش فاهمه في تربية العيال وخلوفي لازم ايكون متفرق لي...فانتي صدق صدق
انقذتينا من وضع محرج
تمت نوره ساكته مش عارفه بشوووه اترد عليها
اميره:ا صدق نوره انتي ليش مش كاشفه عن ويهج...مش خليفه زوجج الحين وحلال ايشوفج
نوره:وانتي عادي عندج ايشوفنيه
اميره:وشو بيشوف يعني؟
لزمت نوره السكوت وحست اميره انها بتمووت من الحريقه
اميره:ممكن اشوف ويهج نوره؟
نوره:نعم؟
اميره:اعتقد انيه حرمه
نوره:مافي داعي يا انسه تخافين منيه انا ويهيه ما بكشفه عند حد ووضعيه مع عم لعيال واضح
اميره:ليش ماتريدين تكشفينه
نوره:عنديه اسبابيه الخاصه
اميره:ويهج فيه شي
نوره:يمكن
اميره:انتي ليش تتكلمين معايه جذيه...لا تفكرين انيه مستعديه لج احنا لازم انكون صدايق
لاننا بنعيش مع بعض صح كل وحده في قسم بس بنكون في حوش واحد وانا بعتبرج اختي الكبيره
الي تهمها مصلحة اختها الصغيره
خليفه من ورا اميره:ما شالله اسمع كلام حلو شووه اظاهر انكن اتفقتن
اميره:هلا حبيبي ....
خليفه:اتعرفتن على بعض
اميره:والله الاخت نوره حبوبه جزاها الله خيرعلى معروفها الي سوته النا
تضايق خليفه من كلمات اميره بعد ما شاف نوره استاذنت وراحت
التفتت اميره له:حليلها ليتنيه ما اجبرتها تكشف عن ويهها
التفت الها خليفه بسرعه:شوووه؟
اميره:مسكينه نصف ويهها متشوه حرق
خليفه:ليش يا اميره تطلبين منها تكشف عن ويهها
اميره:عادي عادي بقع اذا راحت وسوت الها تجميل بيروووح بس شكلها كبيره في السن الا اخبار موزه شو رايك في عرضها
خليفه:ماعليه قلتلها تي باجر تقدم اوراقها
اميره :طيب حبيبي احنا بنروح وهاه تحمل تقولها انيه قلتلك عن الحرق عشان ماتنحرج مسكينه
خليفه كان يحس بضيقه بدت تكبت على صدره من طريقة كلام اميره عن نوره وحس انها كسرت خاطره
راحت اميره وموزه ووقف خليفه ايطالع نوره من بعيد وهيه تلاعب فطامي وبعده خاطره منكسر عليها التفتت له نوره وشاف انكسار نظرتها
خليفه وهو متوتر:انا بروح شي تبون
هزت راسها بلا
رفع نظره وتلاقت بنظرات عيونها وراح
في سيارة اميره كانت اميره تضحك بقهر
موزه:عنبوج شيطان
اميره:انتي ماتانسين القهر الي احس به
موزه:عاده الي يسمعج الحين ايقول انج ميته في حب خليفه
اميره:وليش ان شالله ما احبه
موزه:حبيبتي الي يحب ايضحي وانتي عمرج ما ضحيتي ذليتيه ثلاث اسنين وهو ايحاولج توافقين على الزواج
اميره :اتزوج جذيه لا حبيبتي...انا لازم يستويليه عرس لا راح ولا استوى
موزه:عقب شوووه عقب ماراح المعرس
اميره بغيض:مويييز خليفه بعده اليه اتخسي هالعيوز تاخذه
موزه:يوووه على الصوت ونعومته انا دوخت امنه وين عيل المسكين
اميره بقهر:هيه قاصده اتنعم صوتها ولا اهيه عيوز محروق ويهها
موزه:صدق؟
اميره:اكييييد اكيييد ويهها متشوه قالت اليه عنديه اسبابيه الي تمنعنيه
موزه:ياسلام عاده لو تطلع قمر يستاهل والله خليفه الخير ...مش وحده طماعه مثلج الي لو يحصللها ولد اخوه ما قالت لا
اميره بحالميه:يووووه حرام عليج تيبين العوق....عاده هذاك شي ثاني امووت انا على لعيون النعسانه
موزه:استغفري ربج بتصيرين حرمة خاله
اميره :والله محد فاقع جبدي الا خاله...لاكن شنسوي عصفور في اليد ولا عشره على الشيره....يكفينيه شرف انيه بكون حرمة خال زايد بن محمد...يوووه ان شالله ايفوز في الانتخابات
وتنهدت اميره بحسره وهيه تتذكر زايد
......................................
نور:هنيه اريد ان اذهب لاصلي
هنيه:يا خراشي ازي وانتي تعبانه
نور بابتسامه:خراشي ما هاذه الكلمه ماذا تعني
هنيه:انتي يابنت حاتنقي على كل كلمه حاقولها
نور:كل كلمه تقولينها تنقي فيها ماذا تعنين بتنقي
هنيه:ياصبر ايوووب ياصبر ايوووب دنا نفوخي وجعني
نور:هيا سوف اقوم من اجل الصلاه
هنيه:نور انتي تعبانه
نور:سوف احاول لا اريد ان اضيع صلاتي...هيا اعطني يدك كي استطيع ان اقف ...وقفت نور
نور:اه عضامي تولمني...لقد ارتطم ظهري بتلك الارض اليابسه ....يحزنني امر السيد...اراه وحيدا هنيه...اين جدته التي قال
عنها
هنيه:الجده عذوووب ام راشد دي ست سكره ...لما كان الباشه مريض جت واعدت عندنا
نور:هل كان مريضا
هنيه:دا من زمان
نور:الن تاتي مرة اخرى هنا
هنيه:والله مش عارفه
نور:هههه هنيه اعتقد بانني بت افهم ما تقولين ...حسنا هنيه اتركيني استطيع تولي امري
هنيه:انا حروح عند الباشه عايزني
نور:حسنا
.................................................. ..........
كان بدر راقد يوم طل في ويهه مروان وهو لابس النظرات السود ولبسه كامل اسود في اسود شورت طويل لين تحت الركبه
وتي شيرت اسود مرسوم فيه دائره حمرا فيها كتبه بالانجليزي
بدر:مروان الله ايهديك روعتنيه
مروان:هههههه
بدر وهو يحاول ايصحصح:على وين في هالوقت
مروان:عندنا مداهمه
بدر:بالشكل هذا يا اخي انته وايد مصدق عمرك ومسوي فيها جمس بوند
مروان:هههههه حلوه هذي جمس بوند.....شرايك كاشخ....المداهمه لشلة بنات مسويات *****
بدر:في ذمتك وين هذيلا؟
مروان:ههههه شو في خاطرك؟
بدر:لا الله ايلوع جبدك....بس مستغرب
مروان :والله ماتتخيل وين في نص وحده من الشعبيات بين بيوت عرب وقبايل...اونه مكتب للخدامات تعال عاده اختارلك خدامه من وين ماتريدها موجوده
انسدح بدر ايريد ايكمل رقاده:الله ايعلهم
مروان:تدري محزننيه الشباب الي عمارهم بين الخمسة عشر والعشرين رايحين في هالسوالف ومحد يدريبهم
تلحف بدر:الله ايوفقك يا خويه وتحمل على عمرك....والله يا كثر ماردعتك عن الخدامات وانته مراهق
طلع مروان وضحكته شاله الدنيا لبس نظارته وتوجه لسيارته
.................................................. .........
فترة الضحى كان فهد يتريق تحت ومرت من جدامه اليازي الي كانت فاتحه شعرها وايديها ملفوفه بالشاش كانت طالعه من قسم يدتها ومتوجهه لفوق
فهد لين الحين مستصيب من تصرفاتها وعدم التزامها بالحجاب
فهد:المره اليايه بحرق كشتج
التفتت له بطرف عينها وكملت طريقها
نزلت مي
مي:فهد بتوصلنيه...شاطئ الراحه
فهد:ليييش
مي:عندنا حفله اهناك المدرسه كلها رايحه اهناك
فهد:وليش ماتروحين مع المدرسه
مي:انا متبرعه بالعصاير...اريدك اتخطفنيه الكفتريا اول شي عشان اخذ العصاير
فهد:وشو لابسه تحت العباه
مي بتردد:تنوره وقميص بس والله ما اعق عباتيه الاداخل الاستراحه
فهد:تحملي اتعقينها ما يندرا بعد لو ايكونون حاطين كيمرات بالدس
مي :صدق؟!!!!!عيل بقول حق البنات بعد
فهد:زيين
مسكينه مي اي شي ينقال الها اتصدقه وفهد ما كان متاكد من الي قاله
بعد ما خلصت الحفله الي ما استقرقت كثر من ساعتين رجعت مي مع صديقاتها وطلبت منهن ايخطفنها بيت خالتها الي في منطقه ثانيه
عايشه:غريقة السراب
ابتسمت مي والتفتت الها:نعم
عايشه:وايد عاجبنيه انك نيمج شرايج اتبادلين
مي:سوووري يامس قطوه
البنت الثانيه:مي هذا البيت
مي:هييه مشكورات حبيباتي اشوفكن باجر
عايشه مدت يدها وكتت حاجه بين ثياب مي
مي:شوووه؟؟
مشت السياره وطلعت عايشه راسها :الحقي للصرصور قبل لا يخل في ثيابج اكثر
مي وهيه تصرخ وتركض لداخل:يا كرييييهه
اول ما دخلت مي الدروازه ركضت بسرعه لميلس الريايل وهيه اتعق العباه والشيله في طريقها للمغاسل والحمام لين ما دخلت وفتحت ازرار قميصها وهيه ترتجف في الوقت هذا دخل مروان الي انهى مهمته
في نفس المنطقه وكان متصارع مع واحد ومخيسنه بالرمل كان البيت هذا اقرب بيت له دخله عشان ايروح الحمام ويغسل ويهه
كان مستغرب من العباه والشيله الي في طريقه ماكان للحمام مغاسل دخله على طول وتوجه للولف وفتحه غسل ويهه واول مارفع راسه شافهامندسه ورا الباب
تلخبط بروحه وما عرف شو يسوي عقب اتدارك الموقف
وتم يتحسس الجدار مدعي انه اعمي والتفت الها وعيونه مركزه على الجدار فوقها ومد يده وهو يتحسس ومسك الباب وسكره
كانت عيونها عليه وتريد تتاكد انه صدق عمي خذت نفس يوم تاكدت
نزلت عيون مروان وياليته مانزلهن قممممممممه في الانوثه والجمال الي ابهره وخلاه صدق مضيع
كانت يده على المفتاح الي قفل به الباب توترت مي وتمت اتفكر بالي بيسويه اكيد انه ما يدري بوجودها
مي:ا ا
مروان:حد اهنيه
مي:انا انا باباه خدامه
مروان وهو يحاول يكبت ضحكته:شوووه خدامه انتي متى دخلتي؟
مي:باباه انته مافي سوي مشان انا وقت..باباه بطل باب
استانس مروان على ذكاءها لاكنه استانس اكثر عليها وعلى الي يشوفه نظراته كانت تتشتت حوليها وترجع تثبت عليها
ولا في الاحلام مروان تخيل انه ايشوف هالانسانه كانت رهيييييبه بالنسبه له شووو هالرقه والنعومه والشفايف الي يحسبها تقطر عسل
شعرها متبعثر اشويه امنه حولين ويهها لانها كانت تلف حولين نفسها قبل اشوي متروعه من الصرصور الي اونه بين ثيابها وطلعت مجرد ورقه صغيره
مروان:انتي فلبيني ولا اندونيسي
مي بتردد:انا سريلانكي باباه
ابتسم مروان:وشو اسمج؟
مي وملامح ويهها تنكمش في محاولة انها تلاقي اسم:هاه اسمي صافيه
مروان وقلبه بدا يدق عن جد:صافيه ايوووا وشو تسوين في حمام الريايل؟
مي واهيه تدور بعيونها الي ذبحت مروان عشان تلاقي الجواب:انا يييجي سوي تنظيف باباه
نزلت مي راسها تحت وعيونها بدت تدمع
مي:باباه بطل باب
مروان وهو يقرب منها:صافيه انتي ليش في خوووف؟
رجعت لورا شوي وهيه تحاول اتسكر الازرار الفوقيه الي كانت مفتوحه:باباه بطل باب الله يخليك الحين في سير ييجي
مروان متنح وعيونه غصبا عنه تتبع اصابع ايديها:ايوا صح الحين في سير برا انا مايقدر بطل باب
نزلت دمعتها وهيه ترفع راسها اطالعه
شي فيها ذبحه وخلاه منجذب الها اكثر ايحس باحاسيس غريبه تجتاحه وهو مستمتع بشوفتها بالحال هذا
نسى الريال اهوه شوووه
دخل مروان ايديه في جيبه وطلع مية درهم
مروان:صافيه
رفعت راسها له
مي:ايوا
مروان:صافيه هذي ميه صح؟
مي:ايوا باباه
مروان :تريدينها؟
هزت راسها بعدين تذكرت اهيه خدامه ولازم ماتقول لا
مي:ايريد باباه
مروان:انا بعطيج اياهن بس بشرط واذا تبين بزيدهن بعد
مي وهيه اطالعه بنظرات مستفسره اكثر
اشار مروان لشفايفه وهو مادنهن جدام
مروان:صافيه سوي مشان انا كيس
فتحت مي عيونها باتساعهن وحطت يدها على ثمها تمنع شهقتها وهزت راسها بلا
مروان :ويييينج انا يريد بس واحد كيس وبيعطي مشان انتي ثلاثه ميه
بدت مي ترتجف ومروان ايقرب منها
مي:لا لا باباه انا واحد خدامه عجوز سيم سيم ماماه انته
مروان:مافي مشكله انا يريد
عضت مي صبعها وهيه تهز يدها مش عارفه شو تسوي ونظراتها اتجول ادور شي
كان مستانس على تغيرات ويهها ونظراتها واول ما عضت على شفايفها وهيه تثبت نظرها عليه ما قدر يستحمل قرب منها وخذ "الكيس" بالقوه
لاكنه ابتعد على الصفعه الي يته
مي:يا حيوان
مروان:شبلاج؟
وكردة فعل لمروان الي اول مره ينظرب مسك يدها وثبتها على الجدار وعيونه في عيونها وهو معصب
مي:ا ان انته مش مش اعمي
مروان:لا مش اعمي
صرخت مي وهيه تسحب يدها بالقو وتحطها على ويهها مع الثانيه وتضغط بقو
زفر مروان وهو يستوعب الي صار...حط يده على ويهه يفركه وبعدها رفعها وتم ايطالعها وهيه تدعس بويهها في زاويه الحمام وايديها مازالت
على ويهها
ابتسم مروان وقرب منها وهو يهمس
مروان:سوري الي صار غصبا عنيه
كانت ترتجف وماردت عليه
مروان:صافيه
مي:كريييييه وخر عنيه مناك
مروان:يعني شو تبينيه اسوي كنت اريد انقذج من الموقف الي كنتي فيه على اساس انج تطلعين اول ماتدرين انيه اعمي
مي:انته غفلت الباب
مروان:ماحسيت تراج ضيعتيبيه وخصوصا القميص كان مفتوح عاده انا انسان مش لوووح
مي:وخر عنيه مناك وبطل الباب احسن لك
ابتسم مروان:شو بتسوين عاده؟
مي:بخبر عليك ريل خالتيه
مروان:انتي من هل البيت هذا؟
انفجرت مي اتصيح وتشاهق
مروان:طيب طيب خلاص انا بطلع وبتاكد من الطريق عن الصياح
فتح مروان الباب وطلع راسه رجع والتفت الها:اسكتي اخاف حد يسمعج خلينيه اتاكد من الطريق
طلع مروان وهدت مي لاكنه رجع الها بسرعه وهو يايب عباتها وشيلتها
مروان:هاج البسيهن بسرعه
واول ما خطى مروان خطوه رايح برا شاف راعي البيت الي زقره
صاحب البيت:ايه انته
مروان اول مره ايشوف هذا الريال التفت له
مروان:باباه انا بلفيتر سوي تصليح حمام
ورجع بسرعه مروان للحمام وغفله
مروان:اوووف التفت الها وكانت اطالعه بنظرات مستفسره تذبح وهيه تلبس العباه
مي:منوووه؟
مروان:اصصص اظن راعي البيت
مي بخوف:ريل خالتيه
مروان:قلتله انيه بلفيتر اصلح الحمام
ابتسمت مي غصبا عنها وغمض مروان عيونه منتعش بهالابتسامه...ابدا ابدا ما طرا على باله كم هو عمرها غره الطول
والوجه الحسن
مي:متى بيروح؟
مروان:شكله بيروح اشوفه شال دبة اللبن يمكن رايح لعزبته
هزت راسها وهيه تلف شيلتها حولين ويهها
مروان"حد ايي يصلبنيه ترانيه خلاص دوخت
عيونه ما فارقت ويهها الي بدا يحمر من الاحراج
مي:وقح
التفتت عنه للجهه الثانيه وتنهد مروان بصوت عالي
مروان:ما قلتيليه....انتي عايشه اهنيه
مي:لا
مروان:بيتج قريب؟
مي وهيه منحرجه:لا
مروان :بيت خالتج صح؟
مي هزت راسها بنعم
مروان:وانتي وين بيتج؟
ماردت عليه
ابتسم وتمت عيونه اتراقبها
مروان:بطلع اشوف الوضع الاماقلتيليه انتي ليش كنتي في الحمام بدون العباه والشيله
مي:مالك خص
مروان:مواعده
شهقت بخوف:لا والله انا كنت يايه مع صديقاتيه وكتن ورقه في ثيابيه وقالن انها صرصور...خفت ودخلت الميلس بسرعه
مروان:ههههه فديت انا الصرصور ووين راح؟
مي:قلتلك كانت ورقه
مروان"يووووه عذاب والله هالبنت من وين طالعه اليه
مروان:انا طالع
طلع مروان وتاكد من الطريق ورجع الها
مروان:بعد ما اروح بشوي طلعي...يالله باي
اتوجه مروان بسرعه للسكه الي كان ياي منها وراح للموقع الي كانت الشرطه متجمعه فيه وهم
يرحلون الشله الي مسكوها
قعد مروان على كرسيه وبعده ايحس بدقات قلبه اتقرب امنه احمد
احمد:مروان شو سويت مع الريال
مروان:هاه..اي ريال؟
احمد:الي قبل اشوي كنت تتظارب معاه
مروان كان في جو وهذا الا ويدخله في الجو الثاني
مروان:يا احمد الله ايهديك اتركنيه في حاليه شويه انا بروح انته كمل ترحيلهم يالله باي
حرك مروان السياره واحمد يبصم بالعشره ان مروان مب خويه الاولي
.................................................. .........
وقفت روضه اطالع من دريشتها اخوها عبدالله وهو يلعب بالدراجه في المنطقه الفاضيه ورا بيوتهم




Sent from my iPhone using منتدى عبير

رد: روايه نــــــــــــــــــــــــــــــــــــــور

وانضم له شاب يلعب بعد اهو بالدراجه والشاب كان امبين عليه انه كبير مش من سن عبدالله
تنهدت روضه:هيييه هذا الشباب ولا بلاش لعب وفنتكه...مب شيبه يبون ايعلونيه به...لا ومحامي
نزلت روضه الستاره والتفتت للغرفه الفاضيه وتمت اتكلم عمرها
روضه بصوت خشن:اسمعي يا حرمه تراج ان ما سويتي العشا مره ثانيه...بطبق عليج قانون اميه وسبعةعشر...الي ينص على
كذا وكذا وكذا خخخخخخخ
الله يغربله ان شالله ويبعد داره عن داريه
رجعت عقب روضه اتراقب الشاب الي يلعب مع اخوها وصارلها مده اتراقبه كل يوم مع اخوها
وبعد شوي انضمت الهم سياره قعدت اتفحص ويلات وتدور بالسياره في المنطقه مع الدراجات
روضه زاد عندها الحماس:هلا يعلن ابو الويييييييل
عند الدراجات وبعد ما وقفت السياره ووقفت عدالها الدراجات نزل بدر نظارته وهو كان على وحده من الدراجات
بدر:مروان طبيتنا يا اخي
مروان وهو مستانس في السياره ومعلى على المسجل باعلى صوته:ههههه اسويلكم جو
ضحك بدر ولحق مروان للبيت ماتدري رويض ان الشاب الي تراقبه من زمان هو نفسه المحامي الي خطبها
.......................................

على الساعه ثلاث الظهر دخل خليفه البيت وراح فوق وقبل لا يدخل غرفته سمع صوت البنات
في غرفتهن فتوجه الهن طل براسه ايشوف الوضع وانصدم من الي شافه
كانت نوره طايحه في نصف الغرفه على الارض في سابع نومه والبنات محاوطات ابها وحده قاعده عند راسها ناشله شعرها اتسوي فيه تسريحات الي اهيه دانه
وكان شعر نوره مغطي ويهها ونصفه في ايد دانه تلعب فيه اما فطامي كانت قاعده على وسط نوره
ومتخذه خصرها زحليقه تلعب عليه وكانت نوره نايمه على جنبها ووحده من ايديها ممدوده وحاطه راسها عليها
هند كانت قاعده عند ريول نوره وكان ثوب نوره منكشف عن سيقانها الي كان بياضهن ناصع
استغرب خليفه من الوضع هذا وحزنته نوره الي شكلها مستسلمه للبنات وللي ايسونه فيها يدريبها
صاحيه من وقت قرب بشويش منهن وقعد قريب من دانه
خليفه بهمس:شو تسوييين
ابتسمت دانه:اسوي تسريييحه
تمت عيون خليفه على شعر نوره الي ماتوقه انه كثيف وناصع السواد وناعم الشعر مغطي ويهها مافي مجال انه يشوفه
كان يسمع تنفسها الي يدل فعلا على انها مش حاسه بالدنيا
اجالت نظراته عليها وثبتت على نحرها الي طالع امنه شوي رجفه بسيطه لفحته والتفت عقب لفطامي الي كانت قاعده على خصرها
خليفه:فطامي شو تسوين
فطامي:اتذحلق
قرب منها اكثر وهو ياخذ راحته بالقعده
خليفه:وين تتزحلقين؟
فطامي:منييه
خليفه :هاه هاه شوي شوي ذبحتيها بروحها اهيه خصرها صغير كسرتيها نزلي يالله
فطامي:ماليد
خليفه:شوي شوي حرام هذي خالوووه
وجه خليفه نظره لهند وليدها الي كانت على ساق نوره وقرب اكثر منها وهو شبه منسدح
خليفه:هنوووده انتي شو تسوين بعد
هند:اطلع الحبوب السودا
جالت نظرات خليفه على سيقانها الي خلت الرجفه تسري بقو في جسمه ايدور اي حبه سودا
لاكن مافي ...ريولها تلق من البياض والصفا رغبه قويه اجتاحته انه ايمد يده اهو بعد يلمس ريولها
وهذي الرغبه ما قدر انه يكبتها مد يده ومررها على ساقها
خليفه بصوت بدا يتغير:هنوده انا ما اشوف حبوب سود
هند ولا اهيه داريه بالدنيا:في في عموه شوف هذن صغار
خليفه بتنهيده مكبوته:انزين وانتي شو تسويبهن
هند:اطلعهن
غمض خليفه عيونه وقام بسرعه رايح الحمام عشان يغسل ويهه حتى يصحصح
صرخت نوره بعد ما شدت دانه شعرها
نوره:اي دانوه بس ايعور قطعتي شعريه
قعدت نوره وتمت اطالعهن
نوره:متى بترقدن
بعدا رفعت راسها للحمام تسمع صوت الماي
نوره:منو اهنيه؟
هند:عمي خليفه
نوره منصدمه:هاه وليش ما وعيتنيه الله يفضح ابليس
قامت بسرعه ادور شيلتها ولقتها اخيرا وكان خليفه توه طالع من الحمام اتقبعت ابها بالكامل
اتفاجئ خليفه انها واعيه وابتسم الها
خليفه:السمووحه انا كن كنت ياي سمعت صوت البنات و وطليت عليهن اظاهر انهن مبهدلاتنج
نوره بتوتر:لا عادي
كانت فطامي اتيرها من ثوبها تريد ترقد خلاص نزلت نوره وشلتها وقعدت
على الكنب الي كان موجود في الغرفه اتهزها عشان ترقد
تم خليفه يتكلم مع البنات شوي وعقب التفت لنوره وفطامي وتقدم منهن
خليفه:رقدت؟
نوره:على وشك
قعد خليفه مجابل نوره على الارض وعيونه على فطامي
خليفه:فديييييت انا الرقاد محلاته
ابتسم ورفع راسه لنوره
خليفه:اتقولين الرقاد ورا اذنيها
هزت نوره راسه موافقتنه
خليفه:تبينيه اشلها عنج
نوره:لا ماعليه لين اتاكد انها رقدت بحطها في لفراش
خليفه:الله ايعينج اذا كنتي على هالحال دايمن
ابتسمت نوره:ماعليه
لاكنها جمدت اول ما حست بيده اطوق ساقها فوق اللوزه بشوي وانتفضت
خليفه:حاولي ترتاحين قبل لا يعطنون من المدرسه وتاخذيلج غيلوله لان والله شكلج كان يكسر الخاطر
ماقدرت اترد عليه وهيه تحاول بريلها الثانيه تبعد يده اخيرا هزت راسها
نوره:ان ان شالله
ابتسم خليفه وقام واقف:زيين انا رايح تبون شي؟
هزت راسها بلا
طلع خليفه من عندهن وبعدها ابتسامته على شفايفه
##
##
##
ودمتم وديمه العطا



الجزء العاشر

مي طول فترة الظهر والعصر وهيه منكته في فراشها مش قادره تنسى السالفه الي صارت الها
كل ماحاولت اتفكر في شي ثاني رجعت نفس الاحداث تنعاد الها
مي:يوووووه
اعتدلت في فراشها وهيه اتضمه الها
مي:وبعدين متى بنسى السالفه
وفجئه احمرت اخدودها:وقسما بالله انه وقح
رجعت وطاحت على جنبها وهيه تعض طرف لفراش تتخيل المشهد مره ثانيه لين ما غمضت بقو منحرجه
وماكان حال مروان احسن منها لانه طول الوقت وصورتها ما فارقت خياله حاول كذا مره يصرفها لاكنها ترجع
وتثبت في خياله
قام مروان من عند ربعه:شباب انا بروح اشوفكم باجر
احمد:انته اليوم هب صاحي
التفت له مروان:لا والله مش صاحي
ضحكو الباقين على مروان الي طلع ولبس نظارته وتم ايحوط في السياره لين ما وقف جدام البيت نفسه
مروان:وبعدييييين انا شو الي قاعد ايصير اليه...يعني اهيه مش اول وحده اشوفها واعجب فيها
مجرد اعجاب انا الي صار اليه مجرد اعجاب شو الي يايبنيه اهنيه

................................
كلم خليفه نوره في التيلفون وقال الها انه رايح دبي يومين وانها تنتبه على اليهال
وكان معاه بدر وزايد....زايد كان ايحس انه ايريد يغير جو بعيد عن البيت وتوتر امور الانتخابات ومنيه فرصه ايدور حق ميمي دراجه حق العزبه مثل ماوعدها ايبلها
اتصل واحد من ربع فهد على فهد وقاله انهم مواعدين بنات
فهد:تدريبيه انيه هب راعي السوالف هذي
ربيعه:ياريال بنطمش اشويه سوالف بس سوالف بنسولف معاهن
فهد حس بفضول انه يعرف مكان وين عايشات البنات
ربيعه:بمر عليك المغرب وبنروح اهناك
ساير فهد ربيعه على اساس يشبع فضوله لاكن فضوله هذا قاده لمكان ما كان متخيلنه وهو بيت خالة اليازي
فهد:منيه بتشلهن؟
ربيعه:هييه ترانيه قلتلك من زمان اننا قد شلينا بنات منيه
السالفه هذي كانت غصه بالنسبه لفهد لاكن انه يحضر حقيقه امر السالفه ما كان في الحسبان
فهد وهو يحس بكل جسمه يرتجف:انزل اشويه من السياره اريد اتكلم اشويه في التيلفون
ربيعه:اخافك تبا اتخرب السالفه عليه ولا تتصل حق مجتوم ربيعك
فهد:لا لا انزل انته اشوي
اول ما نزل ربيعه اتصل فهد على البيت وسال عن اليازي وكانت ضربه قويه على راسه يوم قالوله انها في بيت خالتها
سكر التيلفون وتلبسه ارضي وهو يشير لربيعه يركب
ربيعه:شوووه
فهد:حرك حرك متى بيطلعن؟
ربيعه:لحضه بسويلهم تيلفون.....هلا حياتي ياله احنا عند الباب
حرارة فهد ارتفعت فووووووول وهو يحس ابها تطلع من جسمه مافي مجال انه بيذبحها الليله
اول ما ركبت البنات كان يحاول يكبت ويكبت نفسه عن لا يلتفت ويصرخ عليها وبعد ما مشو مسافه بعيده طلب فهد من ربيعه ايلف لمكان منعزل مايقدر يصبر اكثر
ايحس انه بينفجر وبعد ما وقفت السياره نزل فهد والشيطان معمنه وفتح السياره من ورا وسحب البنتين وانهال عليهن بالضرب وهو يسب ويشتم"وكاد انه ماخلا فيهن عضيمات صاحيه"
ربيعه اتصل على ربعه الي فزعو بسرعه ومسكو فهد وضربوه ضرب مايريد غيره لين ما فقد وعيه
وصل بعد مجتوم الهم وسحب عنهم فهد وهو هاد مع ربيعه عليهم
صب مجتوم دبة الماي على ويه فهد
مجتوم:فهووود فهووود
فتح فهد عيونه:بذبحها بذبحها
مجتوم:منيه هذي الي بتذبحها؟
فهد:الكلبه ملعونة الصير اتواعد والله لا اذبحه
مجتوم:فهود فديتك البنتين الي تتكلم عنهن اظن انهن بيباتن اليوم في العنايه
فهد:لا اريد ادفنها وييييينها؟
مجتوم:راحن خلاص شلوهن مادري كيف بيتصرفون معاهن المشكله الحين لوتدخل الشرطه شو بنسوي
كيف بنطلعك من هالسالفه؟
فهد:انته ليش ماتحس فيه اقولك اريد اذبحها ودنيه صوبها وعقب خلهم ايسون فيه الي يسونه
مجتوم وهو يفكر:فهوود لبنيه تقرب لك؟
فهد:اه بذبحها الكلبه
مجتوم:متاكد ولا بس لابسنك شيطان وماتعرف شو السالفه؟
التفت فهد للطرف الثاني وهو مقهووور
فهد:ودنيه البيت
مجتوم:خلنيه اوديك عنديه
فهد:لا اريد ابويه لازم اهو يتصرف
مجتوم على طول خذ فهد ووداه لبيته ونزله في الميلس وطلب من عبدالله الي نفجع من شكل فهد المضروب انه ايروح يزقر ابوه
دخل ابو فهد وانفجع بعد اهوه وانفجر فهد يخبر ابوه بكل السالفه
فهد بعد ما انهى كلامه:اليوم تدفنها والا والله اموووت من القهر
هز ابو فهد راسه وقام رايح داخل وطلب من مجتوم انه مايتحرك
دخل عقب ابو فهد ومعاه بنت متغطيه
التفت فهد لابوه متعجب ومن تكون هالبنت
ابو فهد:اليازي
اليازي وهيه مش عارفه شو السالفه:ن نعم
ابو فهد:انتي وين كنتي من الصبح
اليازي:معاك عميه في العزبه
فهد تمت عيونه مبحلقه مش مصدق وفهم مجتوم ان ابو فهد ايريد يثبت له براءة بنت اخوه جدامه
مجتوم:ارخصوليه انا بروح
قام وطلع
ورفعت اليازي غطاتها وتمت اطالع فهد الي كان الضرب معلم فيه وثيابه متقطعه والدم مخيسنها
اليازي انصدمت من الي تشوفه وتقدمت كم خطوه ناحية فهد الي كان مازال مبحلق فيها عشان يتاكد انها ماكانت من البنتين الي دبغهن
همست اليازي اول ما قربت امنه:ينصر دينه الي سوا فيك جذيه...احسن تستاهل
رغم الالم الي كان ايحس فيه فهد الا انه ابتسم اخيرا:مشكووووره ايي منج اكثر
اليازي:ان شالله يايبنيه عميه لك عشان اطببك بتبطي والله
ضحك فهد وقرب ابوه منهم
ابو فهد:اشوفك تضحك يافهيدان...اليازي روحي فديتج
اليازي:ان شالله عميه
وبعد ما طلعت اليازي فتح معاه ابوه محاضره طويله وعريضه وانبه على التسرع والحكم على الناس بدون ما يتاكد
فهد:غصبا عنيه يابويه هذا عرضيه
ابو فهد:شعرفكم انتو بالعرض بس نافخين روسكم عرضيه عرضيه...الواحد لازم ايعالج الامور بحكمه وتروي
ولا ايسوي الي سويته يعني المره الي فاتت دبغة لبنيه وقلنا ماعليه سوء تفاهم لاكن انك اتعيد السالفه اليوم ونفس الشي سوء تفاهم هذي هب عدله ياولديه
عيل خواتك بتذبحهن لو حد يفتن عليهن بالغلط...شف اي شي ايخص العرض تعال اليه اول شي وشاورنيه
فرضا كانت بنت عمك معاهن انته تشوف حل الي سويته..جان اهيه في المستشفي وانته في السجن وانا ميت من الفضيحه
فهد تم ساكت وكلام ابوه اصبح واضح له
تم ابو فهد مع فهد فتره يتكلم معاه وعقب طلب امنه ايروح داخل ايبدل اثيابه
كانت اليازي في الصاله قاعده اتشوف التلفزون واول ما مر فهد طولت على الاغنيه غياظ تجاهلها مبتسم وكمل طريقه
اليازي:المره اليايه ان شالله حريقه
التفت الها فهد وتم ايفكر معقوله انا اذيتها لهذي الدرجه تمت اليازي اطالع التلفزون وتزيد صوت الاغنيه
......................................
في اليوم الثاني على الليل الساعه وحده كانت نوره في المطبخ التحضيري تسخن حليب لفطامي وحطت الها صحن صغير فيه تفاحه وعنب اشتهت تاكلهن قبل لاترقد
كانت لابسه قميص قطني بدون ايدين وقصير شوي نازل تحت الركبه وفاتحه شعرها وكانت تدري ان خليفه بيبات اليوم بعد في دبي لاكنها اول مايت تطلع من المطبخ وهيه شاله الصينيه سمعت صوته والتفتت بسرعه للجهه الثانيه
قبل لا يدخل عليها وهو يسكر تيلفونه انصدم من وجودها
نوره:خليييفه انته ييت فكرتك بتبات اليوم بعد
ابتسم خليفه وهو يشوفها واقفه ومفتشله وصاده للجهه الثانيه
خليفه:طلع عنديه شغل ضروري باجر
تمت اعيونه اتجول عليها وعلى كل شي فيها شعرها ايديها جسمها الي كان القميص ماسك عليه
وتقدم ناحيتها كم خطوه
خليفه:اليهال ارقدو؟
هزت راسها بنعم
قرب اكثر وحست بانفاسه تلفح شعرها
خليفه:وانتي شو تسويين؟
نوره بتوتر امنه:ا انا اسخن حليييب لفطامي
تم خليفه واقف وراها وهو يطل على الصنيه من فوق راسها ويستنشق ريحة شعرها
خليفه:والتفاح؟
نوره:ع عش عشاني
مد يده من تحت يدها الي ماسكه الصنيه ولوما الرخامه تحت الصنيه ثبتتها جان فلتت الصنيه من يدها
خليفه:عادي اخذ شويه من التفاحه؟
نوره:خذها عا عادي
مديده الثانيه من تحت يدها الثانيه ومسك السكين وبدا ايقطع التفاحه وهيه ملمومه في حضنه وصدره ملامس ظهرها الي بدا ايحسبه يرتجف
ضغط بشفايفه على شعرها
خليفه:نووووره اهدي باخذ نصف التفاحه وبرووح
طبع قبله على راسها وتركلها نصف التفاحه وانسحب بسرعه
كانت فرصه انه ايشوف ويهها لاكنه اتذكر كلام اميره وماحب يحرج نوره يمكن الحرق مسولها عقده
تمت فتره اتحاول اتسيطر على رجيفها ليييييش ايسوي ابها جذيه ليش ما يحس انها انسانه الها مشاعر
ومن قال يانوره ان خليفه مش حاس ابج الاهو منحرق من المشاعر الي يحس ابهن بوجودها
والاحاسيس الي تتفجر فيه والمشكله ان هالاحاسيس حاول ايحس ابها بوجود اميره ومالقاها
كان قبل لايرجع البيت وهو راجع من دبي مر لبيت خالته وقعد مع اميره حاول ايحس معاها باي احساس ومالقاه حتى انه اظطر ولاول مره يتجرا ويمسك ايدها
على امل انه اذا حس برجفة ايدها ينتقل الاحساس له لاكنه انصدم ان اميره ما انتبهت لمسكته الاوهيه تقول له
اميره:خلييييفه شعندك احنا بعدنا ماملجنا وتمسك ايدي ...فجها الحين بيدخل ابويه وبيقول لازم تملجووون
خليفه:زيين عيل مابفجها
سحبت يدها:لا حبيبي انته تدري بطلباتيه للملجه
تنهد خليفه وهو ينسدح على السرير وياكل من التفاحه"وبعديييييين مع هالحال شو السر بين نوره واميره اكيد لان نوره صارت زوجتيه وحلال عليه انا احس بهالاحاسيس ناحيتها...الله ايسامحج يا اميره لازم اقنعها توافق على الملجه وبعوضها بالحفله يوم العرس

ارقد ارقد ماعندك سالفه
........................................
نزل زايد في اليوم الثاني ونادى هنيه ...اول مايته ووقفت مجابلتنه انتبه لنور الي كانت واقفه على كرسي في احد الزوايا وتمسح اللوحه بقطعة قماش
همس زايد وعيونه على طرف اطالعها:هذي شو قاعده اتسوي؟؟؟
هنيه بتوتر:دي دي اصلها مش راضيه تسمع الكلام ومصره انها تساعد البنت سيييلي في التنظييف
زايد مايازله الي تسويه نور لاكنه فضل انه يتجاهلها
زايد:هاتيليه الريوق برا في الحديقه...وياويلج ان خليتيها اهيه تيب الريوق ولا اتشبر عنديه اهناك شبر
هنيه:ط ط ط طيب يا باشه
طلع زايد ونزلت نور وعيونها تتبعه وهو رايح
نور:ماذا كان يريد؟
هنيه:مالكيش دعوه انتي با بالي عايزه
نور:مالكيش...مالكيش
راحت نور عن هنيه وهيه تردد الكلمه في محاوله انها تفهم معناها
زايد تم مسترخي على الكراسي الي برا فطر وشرب قهوته وعقب قعد يقرا الجرايد لين ما حس انه بدا ينعس ربع ايديه على صدره وخذها غفوه
وهذي عاده فيه انه ياخذله غفوه بالطريقه هذي اذا كان الجو حلو
اذن الظهر ومازال زايد على وضعه
كانت نور طول الوقت تراقبه تشتغل اشوي وترجع اطل عليه
هنيه من وراها
هنيه:نوووور يابنت انتي مابتوبيش
نور:هنيه ههههه توبيش تعني التوبه يالها من كلمه بتوبيش عجبت لهذه الكلمات كيف تصوغينها
هنيه:كويس انك بتفهمي لي
نور:اجل افهم لك ولاكن لا افهم لما يقوله السيد استنتجت من ما قال كلمة ياويلج يعني بها الويل لكي
هنيه:برافو يابنت اهو بديتي تفهمي
نور:فليساعدني الرب...هنيه السيد مازال نائم وقد نودي للصلاه هيا اذهبي وايقضيه كي يستطيع ان يلحق على الاقامه
هنيه:نعم نعم نعم عيزاني انا اصحيه ...هو انتي عايزه اجلي النهارده
نور:ماذا هناك هنيه ...كانك لا تريدين ان توقضيه
هنيه:لاء ياماما انا يريد حياه مال انا
نور:الن تذهبي لتوقضيه؟؟!!!!
هنيه:ياخرابي منك رجعت مابتفهمش حاجه...الباشه سيبيييه في حاله هو مشكله زياده
نور:حسنا هنيه سوف اذهب لاوقضه انا
هنيه بصرخه افزعت نور:اووووعي اووعي قووومي يابنت اقووومي امشي معايه الاوده عايزه تنيلي عيشتنا النهارده
مشت نور مع هنيه باتجاه الملحق وهيه لاتفهم ماتقول هنيه وقبل ان تصل سحبت يدها بقوه من يد هنيه
نور:انا لا اخشاه سوف اذهب لاوقضه ...يجب ان يسرع قبل ان تنقضي الصلاه عنه...هيا اتركيني
التفتت نور ورجعت للفله مره ثانيه مخليه هنيه وراها تولول كالعاده لفت الشال الكبير عليها زييين وتوجهت له وقفت قريب امنه




Sent from my iPhone using منتدى عبير

رد: روايه نــــــــــــــــــــــــــــــــــــــور

وتمت اطالعه وهو مسترخي في غفوته...حست ان لسانها انربط وبصعوبه تكلمت
نور:سيدي............سيدي ....احم سيييدي
فتح زايد عيونه وسمع صوتها تناديه بعده متخدر ومش حاس بنفسه التفت الها وتم ايطالعها بنظرات اول مره اتشوفها نور وحست بالاحراج منها كان ايحاول يستوعب منيه هذي الي واقفه جدامه
نور وهيه منزله راسها تحت وترفع له نظرها:سيدي قد نوديا للصلاه ...عليك ان تعجل كي
تلحق للصلاة في المسجد
تم زايد حاط عيونه في اعيونهالي يشوفهن طبق الاصل من اعيونه ويحاول ايركز اكثر
نور:سيدي هل سمعت ماقلت؟
انتبه اخيرا زايد:شووه؟
نوروهيه تشير للمسجد القريب:قد نوديا للصلاه
ضوق عيونه وهو يشوفها وبصوت غاضب:والمطلوووب؟
ارتجفت نور:قد قد يقيم الصلاه ......عليك الاستعجال كي تستطيع ان تلحق على الصلاه
زايد بهدوء ايحاول يكبت فيه غيضه:حد......قالج.......تعالي........وعينيه
تمت نور اطالعه وهيه تعيد كلماته كلمه كلمه في راسها تحاول تفهم معناهن
نور:سيدي الن تذهب الى الصلاه؟
هز زايد راسه وهو مغمض:لحووووووووه والله انها نشبه
حط يده على عيونه وهو يضغط على راسه وبعدها رفع يده وطالعها اصدر باصابعه الابهام والوسطى صوت وهو يحكهن ببعض واشار الها باصبعه السبابه ناحية البيت
زايد:يالله فارجي داخل
تمت نور اطالعه بنظراتها المستفسره وصرخ عليها
زايد:داخل
هزت راسها ومشت رايحه داخل وهيه كل شوي تلتفت له تنتظر امنه انه يتحرك عشان يلحق على الصلاه لاكنها انصدمت انه ماتحرك ورجع لوضعيته السابقه
اسرعت بخطواتها داخل والتقت بهنيه
نور:هنيه ...انظري اليه لم يتحرك ليذهب للصلاه ماذا به
هنيه باستنكار:مازا به؟يا اختي الحمدلله على السلامه انك رجعتي ما فيكيش حاجه
نور بتوتر:لا استطيع ان افهم لك وانا اشعر بحرقه تلتهم صدري لحال ذالك الرجل الذي لم يبالي بامر الصلاه
نور:هنيه هيا اذهبي اليه واطلبي منه الاستعجال لكي يذهب للصلاه
هنيه:يابنت انتي حارقه اعصابك ليه هيه صلاتك ولا صلاته سبيه براحته
نور بنظرات منصدمه:لماذا تقولين ذالك هنيه الا يهمك امر الصلاه
زجرت بعدها نور هنيه الي خافت:هيا اذهبي وايقضيه ربما تعاقبي انتي في يوم لعدم ايقاضك له للصلاه
خافت هنيه وراحت وريولها تنتفض متروعه من نور ومن الي رايحه له بريولها
اول ما وصلت عنده فتح زايد عيونه الي ماقدر يفتحهن زياده لان الشمس بدت تعاشيه وتم ايطالعها
زايد:هاه شعندج انتي بعد؟
هنيه:ا ا ا انا انا كو كو كونت عا عا عايزه اعرف انته نايم ولا صاحي خ خا خا خلاص ا اسيبك يا ياباشه ب براحتك
زايد:هيه الي طرشتج صح؟
هنيه:ه هي هيه ميييين؟
غمض زايد عيونه:مادريبج؟
هنيه:ف فو فوتك بعافيه ياباشه
وقبل لا ايقول زايد اي كلمه كانت هنيه واقفه عند نور تلتقط انفاسها
نور:ماذا قلتي له؟
هنيه:الباشه صاحي يابنت صاحي سيبيه في حاله
من الحرقه الي تحسبها نور زمت شفايفها وهيه توجه نظراتها المعصبه ناحية زايد الي ماتحرك من مكانه
نور:اهو شيطان ارعن لا يصلي ولا يبالي لامر الصلاه ...ما هذا الرجل؟
هنيه:يابنت سيبيه لحاله
نور:لا لان ادعه سوف ترين ماذا يجب ان يقال له
لفت نور الحجاب مره ثانيه عليها وتوجهت ناحية زايد الي كان يحس بخطواتها تقترب وخلا نفسه على حاله مغمض عيونه ومتربع
نور وهيه اطالعه:حسنا ايها السيد
فتح عين وخلا عين مغمضه وتم ايطالعها والشمس فوقها ضاربه فيه وابتسامه فارضه نفسها يحاول يخفيها
نور:لقد فهمت لك ايها السيد انته جعلت المساله مسالة عند كي لا اتدخل في امورك...حسنا قد وصلتني الرساله
ابتسم زايد وهو يغمض العين المفتوحه ويفتح المسكره
نور:انا لا اريد ان اكون سببا لتركك صلاتك
غمض زايد عينه المفتوحه على امل انها تفارج
نور وهيه تحط ايديها على الطاوله وتقرب اكثر عشان يسمعها بوضوح:ولاكن بربك ايها السيد...ماذا ستقول لله اذا سالك في يوم
عن سبب تركك للصلاة عمدا
فتح زايد لحضتها عيونه باتساعهن ايطالعها متجاهل اشعة الشمس الظاربه في عيونه
نور:هل ستقول له بان المساله كانت من اجل تاديب تلك الفتاه؟
تم زايد ايطالعها
نور:اتعتقد ان الله سيعفو عنك لانك رجل ترا نفسك مهما عند الجميع.....هل سيعفو عنك؟؟
اعتدلت نور في وقفتها
نور:اسمع ايها الرجل انا لاريد ان ياخذني ذنبا من اجلك لن اتدخل في شؤنك مرة اخرى...فاليعفو الله عنا جميعا
وقف زايد لحضتها وارتطم الكرسي كالعاده على الارض مثل ما طاح قلب هنيه وهيه تسمع صوت الكرسي وعشان اتكون قريبه من قلبها قعدت على الارض
تم زايد واقف ايطالع نور بعدها مد يده لنظارته المرمايه باهمال على الطاوله ومحرومه انها تتربع على خشمه الي مثل السيف
رفعها ولبسها وبكل هداوه التفت عنها ومشى بخطوات واثقه رايح للفله ابتسمت نور واول ما وصل زايد اخر سلمه فوق وقف والتفت للسلم وفكر هيه كيف قدرت اتمشيه على كلامها وكيف اهو مشى قبل لا يعطيها كلمه اترم اعضامها
زنفخ وخلع نظارته الي اصتدمت بالجدار بعد ما حذفها عشان اطيح على الارض مليون قطعه دخل لقسمه وصفق بالباب الي هز الجدار من حوله وخلا قلب هنيه بعد ما رجع الها ينتفض
هنيه:سكنهم في مساكنهم
نور بعد مادخلت:لما انتي جالسه هنيه
التفتت هنيه الها بعيون زايغه:هو انتي مامتيييييش؟
ضحكت نور:ما متييييش اتعنين ان امووت لا عليك لقد لقنته درسا لن ينساه
هنيه باستغراب:لقنتيهي اييه
نور وهيه متوجهه ناحية الملحق وهيه مبتسمه:هيا هنيه انا عيزاكي الحقي بي لكي نصلي قبل ان تضيع علينا الصلاه كما اضاعها السيد...
هنيه:هو انتي فاكره السيد حيخلي النهارده يعدي على خييير....يبقى انتي معرفتيييش السيد كويس
نور:تبا له
.................................................. ..............
دخل مروان البيت وشاف بدر وشاف انه مش معاه كان واضح على ملامح بدر ان في شي مضيقنه
لقاه عند السياره برا وكان بدر يتعامل مع سيارته بعنف يفتح الباب ويصفقه واي حاجه يمسكها يرميها بعد ما يخلص منها بالقو تم مروان ايطالعه وما حب انه ايكلمه وهوبالمزاج هذا
دخل مروان داخل عند امه حبها على راسها
مروان:اميه بدر شبلاه؟
ام بدر:شي قالك؟
مروان:لا بس شكله متضايق
قعدت ام بدر:والله يا ولديه السالفه اتخص لبنيه الي خطبها
قعد مروان عدال امه:شبلاها
ام بدر:انا ما دري انتو شو صار معاكم يوم الخطبه ومن يومين وانا تينيه اتصالات من حريم اعرفهن وما اعرفهن يسالن كيف بنت ابو فهد ترفض ولدكم
مروان:وهن شدراهن؟
ام بدر:اهيه يا ولديه ما خلت حد من صديقاتها ما قالت الها السالفه وقالت انه رفضت ويابت عذاريب في اخوك مادري من وين يايبتنهن اونه شيبه
وراعي قوانين
هز مروان راسه:ياهل انتي كيف تقوليله عليها وانتي اتشوفينها ياهل
ام بدر:انا شدرانيه ياولديه يازت اليه وهلها ييراننا وما قد شفنا منهم قصور وامها ماشالله ذهب ما دري ان لبنيه ملسونه جذيه
مروان:وقلتي لبدر الي قالنه الحريم
ام بدر:لوكنت ادري ان خاطره بيتكدر جذيه ما قلتله والله انها رافسه النعمه
مروان:اميه احنا هب يهال الحين عمارنا وصلت سبع وعشرين وثمان وعشرين يوم بتفكرين تخطبيلنا طالعيلنا بنات
فاهمات وعاقلات وعلى الاقل مخلصات الجامعه اتكون الوحده فيهن اتقدر المسؤليه وتقدر اشغالنا هب يهال يبالهن دلع وخراطه احنا هب حق السوالف هذي
ام بدر:بسم الله على بدر اسميه الابيدلعها حرمته ومابيقصر فيها مزيووون ومية غرشوبه تتمناه الانته الشيبه الي تبالك عيوز
مروان:افا شفتي انج عنصريه وتحبين بدير اكثر عنيه
ام بدر:فديته انا ما اقهر فيه شي انته بتاخذ حقك ماعليك خوف لاكن اخوك حساس ومايقهر
قرب مروان راسه من راس امه:اممممميه بدير ما يقدر ياخذ حقه عيل ليش اهو محامي ما عليج من برائته تراه هب هين وبتقولين قلته يامروان
.................................................. ................
قعد خليفه لاصق في نوره عقب مانزل وحصلهم قاعدين ايشوفون التلفزون وقعد فطامي جدامه
خليفه:اي اي اي خشمي فجييييه ذبحتينيه
فطامي:ههههه
تم خليفه يدغدغ فطامي وهيه تضحك وتكركر
خليفه:يووووه فديت روحج
التفت لنوره المتسمته في قعدتها
خليفه:اخبارج معاهم متعبينج
نوره:لا ...فديتهم
خليفه:تبونا نطلع العزبه اليوم؟
التفتت له نوره:عندك عزبه؟
خليفه:ياسلام على عزبتيه بتستانسوون فيها
ابتسمت نوره:والله في خاطريه من زمان السيره للعزب
خليفه بدا قلبه ايذوب على الصوت الي معذبنه
نوره:عندك بوووش
خليفه:عنديه بووش وغنم وخيووول وعنديه بعد البقره الضاحكه هههه
نوره:ههههه يعني الحليب الي ايي كل يوم من عزبتك
خليفه:هيه نعم عجبكم
نوره:هييه
خليفه:عيل ياله عندكم عشر دقايق تكونون فيها جاهزين
تحمست نوره وراحت بسرعه تبدل لليهال وتاخذلهم تبديل وطلبت من الخدامه اتجهز قهوه وشاي وتسوي سندويجات لليهال
تم خليفه ايطالعهم وهم رايحين متحمسين للسيره بعدها طلعو للعزبه الي في طريق سويحان وكانت عزبه مرتبه مبناي على طرفها بيت من العريش وكان روعه
اليهال استانسو وتمو يراكضون بعد شوي طلعلهم خليفه وهو راكب دراجه كبيره وتمو اليهال ايصارخون مستانين
ناصر:عميه خليفه اريد وحده
خليفه:فالك طيب
احمد:وانا عميه اريد وحده
خليفه:ولا ايهمكم كلكم بييب الكم
هند:حتى احنا؟
خليفه:وحتى فطامي
عقب رفع نظره لنوره:وبعد جان خالتكم تبا دراجه ماعنديه مانع
احمد بحماس:الله بنسوي سباق
خليفه:بنسوي سباق والحين يالله صفو طابور بلاعبكم واحد واحد
تم خليفه كل شوي ياخذ واحد ايوديه يحوطه حولين العزبه ويرجعه نوره والبقيه قعدو في العريش الي كان مفتوح من جدام مطل على العزبه كامله
حطت القهوه والشاي والبسكوت والسندويجات وكان الجو روعه وهم مستانسين فوووول
اخر واحده كانت فطامي الي رجعت مستانسه
احمد:بعد دور عميه بعد دور
نوره:احمد بس حبيبي خل عمك يرتاح اشويه وياكله شي...تعال تعال اتقهوا
بدون ما يحس اريوله انقادت لكلمة تعال وهو يوقف الدراجه ويتجه ناحيتهم قعد قريب منها وتراكضو اليهال للدراجه راكبينها كلهم
نوره وهيه تمد له فنجان القهوه:تعبوووك
خليفه:لا والله مستانس معاهم
نوره:ما شالله العزبه اتجنن الله ايباركلك فيها
ابتسم خليفه الها وهو يطوق اصابعها الماسكه الفنجان الثاني الي مدته له تمت اصبوعه ماسكه صبوعها وثبت الفنجان بينهم انحرجت نوره والتفتت بنظرها لليهال عقب خذ خليفه الفنجال وشربه
نوره بتوتر:ا اصبلك شاي
خليفه :زيين
صبته ومدته حاطتنه جدامه
خليفه:شرايج في العريش
نوره:كل شي ايجنن في العزبه
خليفه:والدراجه ماتبين انتي بعد دور
نوره:انا!!!!هههه بس انا ما اعرف اسوقها
خليفه:ا ا ا ا بخلي ناصر يسوقبج
نوره وهيه تلتفت للدراجه:يقدر؟؟
وقف خليفه:اكيد يقدر
نوره:ماعليه اشرب شايك اول
خليفه:ماعليه برجعله...تعالي
ركضت نوره وراه لين الدراجه وقعد ناصر وقالها تركب وراه
انحرجت نوره واهيه تركب وبعد ما ثبتت في قعدتها ابتسم خليفه
خليفه:هاه نويصر اتعرف اتسوووق
ناصر:الاقعه انا اسوق العوده هذي
ضحك خليفه وشله من على الدراجه وما اعطى نوره فرصه تنتبه لخدعته وركب على طول واهيه وراه كانت تبا تتكلم لاكنه ما اعطاها مجال مسك ايديها وطوقبهن خصره وهو يضمها اكثر له
نوره:لا ما اريد
خليفه :تمسكي زييين عن لا طيحييين
نوره:خليفه ارجوووك لا
شغل خليفه وما سمع لترجياتها
خليفه:هنوده نويصر انتبهو لخوانكم وازقرو الخدامه اتيي تقعد عندكم
وانطلق خليفه ونوره ترتجف وراه وهيه مستحيه انها تاخذ راحتها في مسكته
خليفه بصوووت عالي:امسكي زيييين
عاده خليفه كان مستانس فووووول على قربها
في البدايه كانت نوره مستحيه لاكن الخوف طغى وخلاها تتشبث فيه اكثر واكثر وتحاول تمنع صريخها عن لا يعلى اول ما توجه ابها ناحية التلال
نوره:خليفه ارجوك لا اتودينيه مناك
خليفه وهو يضحك:بتستانسين صبري شوي بس
نوره برعب:لا لا ارجوووك انا اخاف
وزادت مسكة نوره لخليفه ودعست بويهها في ظهره بعد ما صرخت وهو ينزل ابها من التل
ضحك خليفه بصوت عالي
وتعالى صريخ نوره الي كان مستانس عليه بعد
نوره:حرام عليك خليييفه والله ايخوف
خليفه:هههههه ليش خايفه عيشي المغامره واحلى مغامره
استمر خليفه باللعب في التلال ونوره ترتجف وراه وكل مازادت من احتضانه كل ما زاد اهو في اللعب
نوره:خلييييييييييفه فديييييييييتك بس
وقف خليفه فجئه والله ستر انه ماكان في وسط التل وسحب نفسه بصعوبه ماتدري بمفعول كلمة فدييتك كيف هزته هز
نوره وهيه ترخي ايديها شوي شوي:خ خلاص
ابتسم خليفه:لا بعدنا ما خلصنا اتمسكي زين
وشغل الدراجه مره ثانيه
خليفه:فديييتج بنرجع العزبه خلاص ثرج خوافه وانا ما ادري
كانت حاضنتنه وراسها متساند على ظهره ولان الدراجه كانت تمشي شوي شوي ابتسمت وهيه تحس برجيف قلبها من قربه ماتتخيل انها قريبه امنه هالكثر تمنت حينها ان العزبه اتكون بعيده وما يوصلولها بسرعه

ادري حرقت اعصابكم عشان ايشوفها بس احداث القصه غييير وان شالله تكونون راضيين على الاحداث الي بتي
والي بتكون غير متوقعه بالنسبه لخليفه ونوره
اشكر الجميع على المرور
##
##
##
ودمتم وديمه العطا


مابنزله باجر بس بنزله اليوووم خخخخخخخخخ سوري على النذاله






نور
"

الجزء الحادي عشر

اول ما وصل خليفه قريب العريش نزلت نوره بسرعه ومشت بخطوات سريعه ناحية العريش ونظرات خليفه تتبعها
لاكنه انصدم يوم شافها ماسكه راسها وعقب طاحت على الارض نزل بسرعه وركض ناحيتها
خليفه:نووووره
وكان بعد ناصر واصل عندها ...خليفه لا شعوريا كان ماد يده للنقاب عشان يرفعه لاكن ناصر صرخ عليه
ناصر:لا عميه
جمدت يد خليفه ورفع نظره لناصر
خليفه:ليييييش؟
ناصروهو متلعثم:ا ا ا خالوه ماتحب حد ايشوف ويهها
خليفه:عشان الحرق؟
ناصر وعيونه في عيون عمه هز راسه بنعم
خليفه وهو متخربط:بس خالتك مغمى عليها لازم ارفعه عشان اساعدها
ناصر:خل الخدامه اتي اتشوفها انته روح بعيد
خليفه:حبيبي انا زوجها
ناصر وهو متشدد وكان المساله فيها حياه او موت:لا لا لا تشوفها عميه روووح بعيد
قام خليفه وهو منصدم من ردة فعل ناصر ....معقوله ان الحرق كبير ومشوهنها طيب كيف اليهال عادي ايشوفونها
تحركت نوره وهيه تضغط على نقابها
نوره:ناصر
ناصر ضحك والتفت لعمه:قامت عميه قامت
تم خليفه ايطالعهم بدون كلمه وخلاهم وراح لسيارته
اعتدلت نوره:ناصر حبيبي شو صار؟
ناصر:انتي اغمى عليج وعميه كان ايريد ايشل النقاب
نوره:وشله؟
ناصر:لا لا ما خليته
ابتسمت نوره:وليش ما خليته؟
ناصر:انتي ما تحبين الريايل ايشوفونج
قرب منها وهو يهمس:ايقول علشان الحرق وقلتله هيييه اي حرق يقصد
نوره باستغراب:هاه ما مادري هو قالك؟
هز ناصر راسه بهيه
قامت نوره ومشت متجهه ناحيه خليفه الي نزل من سيارته
خليفه:اخبارج احسن الحين؟
نوره:هيه الحمدلله...انا اسفه مادري والله شو صار اليه
خليفه:لا عادي يمكن من اللف على النقيان"التلال"تحسين بشي الحين
نوره:لا
خليفه :تبونا نمشي؟
نوره:على كيفك
رن تيلفون خليفه وقبل لا يرد التفت لنوره
خليفه:جهزو حالكم
عقبها راح عنها بعيد وهو يرد على اميره
خليفه:هلا اميره
اميره:وين انته؟
خليفه:في العزبه
اميره:نفسي اعرف شو مستفيد من هالعزبه؟
خليفه:حلاليه يا اميره انا ريال ما اصبر عن العزبه
اميره:عاده ايتمن شاغلاتنك ويوم الاجازات تقضيها عندهن العالم اطورت وقامو يسافرون برا
خليفه:قالولج انيه ما قد سافرت؟
اميره:بس انا حبيبي باجر اريد كل اجازه اتسفرنيه برا
خليفه وعيونه عند اليهال ونوره الي كانو يستعدون للرجعه:ومتى بيي باجر هذا؟
اميره:بعدك مستعيل على العرس ولا خلاص نستك الحرمه اميره؟
خليفه:اميره شو هالرمسه؟




Sent from my iPhone using منتدى عبير

رد: روايه نــــــــــــــــــــــــــــــــــــــور

اميره:هيه اميره اول كل ساعه اتسويلها تيلفون تترجاها عشان العرس..والحين مره نسيت السالفه ولا قمت تتصل
خليفه:ما جنيه البارحه عندج وطالب منج نملج وانتي ما طعتي؟
اميره:بس انا احس انك متغير ...خليفه تحمل من الحرمه تلعب براسك...اتغرك بصوتها وحركاتها...تراك انته الحين املها الوحيد
خليفه:وبعديييين معاج انتي ليش ماعندج ثقه؟
اميره:لانكم ريايل محد يامن فيكم
خليفه:لا افا عليج انا ما خنتج من زمان اخونج الحين ترا مليون بنيه مرت في حياتيه وما كنت اشوف غيرج
اميره:هييه هذيلاك متكشفات ووضحات لاكن هاذي الغامضه بنقابها ومعذبتنك بصوتها حركات بس عشان تغريك
خليفه:انتي ماتقولين ان ويهها محروق ليش متروعه منها؟
اميره:انا اتروع منها تخسي...انا والله متروعه عليك انته تضحك عليك
خليفه:هب ياهل انا يا اميره؟
اميره:بنشوووف
سكرت اميره عن خليفه وتم خليفه ايفكر في المكالمه....لازم يضبط مشاعره ويكبتها عن لا يطلع كلام اميره صح...لاكن هل نوره فعلا هيه الي تحاول تغريه
هز راسه بلا ...اهيه في حالها بس انا الي مب تاركنها في حالها
رجعو من العزبه وقرر خليفه انه يبتعد عن نوره عشان مايصير الي خايفه امنه اميره
.................................................. ...
نار شابه في صدره عليها وان ما كلمها اليوم مايدري شو بيسوي؟
اتصل بدر على بيت ام فهد وكلمته الخدامه طلب مي الي يت وكلمها وتم ايسولف عليها ويسالها عن الدراسه ويمدحلها الدراجه الي خذها زايد الها
بدر:مي ممكن طلب؟
مي:اطلب
بدر:اريد اكلم روضه وماريد حد ايكون عندها
تمت مي ساكته
بدر:مي انتي معايه؟
مي:يمكن ما اطيع؟
بدر:لاتقولين الها انيه انا الي اريد اكلمها بس انتي شوفيليه الجو عندكم اذا يسمح اتكلم معاها
وقوليلها ان الاتصال الها وماريد حد يدري
مي:انزين باروح اناديها الحين لان البيت محد فيه
بدر:مشكوووره ميمي
راحت مي ونادت روضه الي نزلت تناقز رايحه للتيلفون
روضه بلقافه:هلا والله
ابتسم بدر:مرحبا
كشرت روضه مستغربه من الصوت:منو معايه؟
بدر:بدر
روضه:هاه
بدر:ممكن اتكلم معاج شويه؟
روضه وبعدها مصدومه:معايه انا؟
بدر:ما باخذ من وقتج وايد وبدخل في الموضوع على طول.......روضه ليلة الخطبه يوم ييت اخطبج
طبلة ذنيه من داخل انطرت من صريخج واعلانج الرفض
حطت روضه يدها على ثمها تمنع شهقتها
بدر:اظن محد في البيت والبيوت الي عدال بيتكم ما سمعج.....لا ورايحه حضرتج عشان الي ما سمعوج اتقولينها الهم وجه لوجه انج رافضه
وماتتنزلين تاخذين المحامي ابو نظرات وشنطه سودا....وطبعا هم لازم ايكملون المهمه عنج وايوصلون الخبر حق الي ما وصله
روضه:ان ان انته شو شوتريييد؟
بدر وغيضه بدا يطلع:اسمعينيه زيييين والله لو ما حشيمة هلج وربيعيه انه اييج الرد هذيج الليله واعرف اخلي لسانج هذا ايتم في حلجج طول عمرج
عصبت روضه ووقفت:نعم نعم انته شو قاعد اتقول؟
بدر:جب ولا كلمه انا صوتج هذا ما اريد اسمعه وعندج خيارين اختاري الي يريحج منهن
اما انج تعلنييين الموافقه وتتصلين حق كل وحده كلمتيها وتقوليلها انج متندمه على رفضج واتاكد من الكلام هذاباتصالات الحريم نفسهن لاميه
عشان ايقوللها عن ندمج على عدم الموافقه...وانا ساعتها بعرف افركش الخطبه هذي بطريقتيه الي مابتضر حد فينا .......اوتنغصبين على هالعرس الي انا خذت الموافقه عليه خلاص وساعتها انا بربيج من اول ويديد وبمشي عليج الف وستميه قانون مب عشرين بس
روضه بغيض:انته شو قاعد اتخربط وتقول؟
بدر:اظن كلاميه مفهوم ومش مستعد اعيده ياله باي
سكر عنها بدر وهو يحس انه نفس عن نفسه شويه بس المشكله اهيه شو بتكون ردة فعلها طز شو مابتكون ردة فعلها
رن تيلفونه وشله
روضه:ياسلام يعني خلصت كلامك وسكرت في ويهيه
بدر:انا مش فاضيلج
روضه:وانا بعد مش فاضيتلك ولا فاضيه لكلامك
بدر:غصبا عنج بتمشين على كلاميه
روضه:لا والله انته ماتعرف منو انا؟
بدر:اكثر من الي عرفته...ما اتشرف
روضه:اسمع انته ...انته كيف تسمح لنفسك اتكلمنيه بالطريقه هذي انا اصلا محد يقدر يجبرنيه على شي
وانا اعلنت رفضيه ومابتراجع عن كلاميه ومحد يقدر يغصبنيه على شي
بدر:والله انا ياينج في السلم واريد مصلحتج ورد لكرامتيه مابتنفذين ...ماعنديه خيار غير انيه اخذج وانا مكره لهذا الشي عشان اخذ حقيه منج براحتيه
روضه وشبت ضو ومية عفريت ركبها:ما تقدر
بدر:لا تتحدينيه انتي اصلا ماتعرفينيه ولا قد اتعاملتي معايه فاحسن لج ترضخين للي اطلبه منج...لاتشوفين شي ماقد شفتيه...خصوصا وان الموافقه خذتها واقدر الليله املج واخذج بيتيه
روضه بقهر وصراخ وهيه تضرب بريلها الارض:ماتقدر ...انا محد يقدر يجبرنيه على شي وبتبطي يالشيييييييبه
طخ سكرت التيلفون في ويهه وانفجر يضحك عليها
بدر:ماعليه ان ماخليت الشيره اتشب في راسج ماكون انا بدر
مروان كان قاعد ورا بدر ومنصدم من الي يسمعه
مروان:انته شو قاعد تهبب؟
التفت بدر له:انا تونيه يا اخويه في المرحله الاولى من التاديب ان ما ادبتها لك هذي ام لسان ما اكون انا بدر
مروان:يا حلاوتك تعالي يامه تعالي تعالي شوفي ابنك الحنين بيعمل اييييه
تم بدر ايرتب اوراقه في الشنطه وعيونه على مروان سكرها وطلع نظارته الي اطارها اليوم اسود عجيب ولبسها ونزل طرفين سفرته على جنب ولفهن على رقبته وانفجر حينها مروان بالضحك وهو يفهم لمعنى حركات بدر
مروان:ليييييييتها اتشوفك بس
بدر:شافها ارضي
.................................................. .....
في اليوم الثاني كان زايد وخليفه عند الجده في صالتها صرخ فجئه خليفه ورقعته العيوز على راسه
خليفه:اي عمتيه
الجده:بلاك اتزاعج
خليفه:لا بس متفاجئ من الي قلتيه
ووجه نظره لزايد الي كان كلام الجده مبهتنه وملجم لسانه
رفع زايد نظره لخاله خليفه وحرك خليفه حواجبه مستانس
وقف خليفه:ارخصوليه
زايد بصوت حاد:وين بتروووح؟
خليفه:مالك شغل وين بروووح
زايد:خال تحمل
خليفه على عجله:مع السلامه مع السلامه
وقف زايد:اصبر تعال وين بتروح؟
لاكن خليفه ما اعطاه فرصه وركض لسيارته وهو يضحك
عصب زايد:لا اظاهر انه بيخبص اليه الدنيا
اتصل زايد على خاله خليفه الي طنش الاتصال واسرع حينها زايد بخطاه ناحيه سيارته وهو يتمتم بكلمات مش مفهومه فيها سب وشتم وكان صوت سيارته قوي وهو يريوس ابها ويلحق خليفه
كان خليفه لحضتها واصل جدام فلة زايد جدام البوابه الداخليه حول بسرعه وركض داخل وهو فيه حفوز
خليفه:هنيه ياهنيه
طلعت هنيه تركض:ايوا ياباشه
خليفه:وييين نور؟
هنيه:ميييين البنت نووور
خليفه:هيييه ازقريها اليه
دخل زايد مثل العصار
زايد:تحمممممممل اتقوللها
خليفه وهو يلتفت لزايد:اسف والله لا اقول الها ولا عليه منك
زايد:يا خال ما يصلح هالكلام
خليفه:لا يصلح ومن حقها انها تعرف
زايد بعصبيه:بس انا ما اريدها اتعرف
خليفه:وانا ماعليه منك
زايد:لحوووووه
دخلت نور الي كانت مغطيه ويهها
نور:السلام عليكم ورحمة الله وبركاته...طلبتني سيدي
خليفه التفت الها مبتسم:وعليكم السلام والرحمه تعالي يانور
كان زايد منحرق ومايريد خليفه يتكلم لاكنه ما قدر له ومن التوتر الي فيه طلع رايح للميلس
نور:هل هناك امرا تريدني به ياسيد؟
خليفه:تعالي يانور انا عنديه كلام ان شالله يسعدج
ابتسمت نور:حقا سيدي؟
خليفه:هيه نعم ....نور انا خال زايد اخو والدته من الاب
هزت نور راسها بنعم
خليفه وهو يقعد على الكرسي:اقعدي يانور
نور:افضل الوقوف سيدي
خليفه:نور اليوم انا وزايد ذهبنا عند زوجة والدي الي اهيه جدة زايد
نور:اجل
خليفه:جلسنا معها وتبادلنا معها احاديث كثيره وفي نهاية احاديثنا تطرقنا معها بالحديث عن والدج
نور:ابي؟
خليفه:هييه والدج ...تعرفين يانور شو قالت النا زوجة ابي ؟ قالت ان والدة والدج الي اهيه جدتج اتكون ابنة خالتها
ابتسمت نور:حقا؟
خليفه:وقالت ان جدتج كانت حبلا بوالدج وهيه كانت حبلا باخي عبدالله وانهن ولدن في نفس الاسبوع
وان جدتج توفت بعد الولاده على طول
حطت نور يدها على فمها متفاجئه من هذا الشي...هذا يدل على ان ابوها انحرم من امه بعد ولادته
نور:يا الاهي هل يوتم كما تيتمت وهو صغير
خليفه:هذا كان مكتوب يانور وكلا له اجله...
هزت راسها وهيه تحس بتجمع الدموع في عيونها
خليفه وعيونه على زايد الي كان مثل الي منحرقه اعصابه يدخل ويطلع مايعرف شو يريد:نور....تدرين شو صار لوالدج عقب
رفعت نور راسها لخليفه تنتظره ايقول الي عنده
خليفه بابتسامه:زوجة والدي يا نور ارضعة والدج مع اخي عبدالله
ارتجف قلب نور وجسمها كله وسرت قشعريره قويه في كل اطرافها وهيه تحاول تستوعب شو قال
خليفه وهو يحاول يكتم عبره ما توقع انها بتطلع:نووووور انتي مش وحيده انتي عندج عائله وعائله كبيره
زوجة ابي ما زالت عايشه واهيه جدتج واخي راشد ابنها ايصير عمج ولديه عائله يعني عندج بنات عم وابنا عم
وبعد اخي عبدالله وهو متوفي عنده بنت كبيره اهيه بعد يتيمة الاب والام
وانا يا نور انا اصير عمج من الرضاع لان الدر يرجع للاب
نور كانت واقفه ودموعها بس الي تنزل وماتعرف كيف تستوعب هالكلام
اما زايد الي كان واقف بعيد عنهم حس ان ريوله مش قادره اتشله اهو لين الحين بعد مش مستوعب كلام يدته
ان عمه ابو نور ايصير خاله في نفس الوقت...واكثر ما كان مخلنه مستصيب انها قالتله ان الله قادر يجعل الها عائله وهو استهزا ابها على تفكيرها
نور اصبحت بالنسبه له لغز محتار في امرها
نور بعد ما شهقت:اتعني ان لي عائله كما كنت اتمنى؟
خليفه وقلبه رجع ايعوره عليها:هيه يانور
نور:وان لي جده؟
خليفه هز راسه الها
نور:الاهي لك الحمد والشكر....اعذرني احتاج لان اذهب كي اسجد لله شكرا
التفتت عنه بسرعه وركضت باتجاه الملحق وكانت عيون زايد تتبعها متعجب من ردة فعلها
مشى خليفه متقرب من زايد الي كان السكوت طاغي عليه رفع زايد نظره لخليفه الي كان مبتسم
وقف زايد:والحيييين؟
خليفه:شو بعد الحين؟
زايد:والحين شو بنسوي اذا قالت اريد اشوفهم؟
خليفه:عادي بنقول الهم وبنوديها صوبهم
زايد باستنكار:لا والله...حلوه هذي يعني انا يايبنها اهنيه عشان محد يدري ابها وانته تريد تعلن وجودها
خليفه:انته شو مشكلتك معاها....بتسقطك في الانتخابات يعني مالها خص الانتخابات بالنسب والحسب
زايد:انا ......اريد يوم اطلع اطلع وانا واثق من نفسيه...ومحد يتغمز عليه من ورايه بالرمسه
خليفه:اووووه يا زايد يعني هامتنك تغميزاتهم مهم دوووم يتغمزون عنك في الرمسه
زايد:ايخسوون ماعندهم شي يتغمزون فيه عليه
خليفه:ليش تسلطك وغرورك الي انته فيه ما يعطيهم مجال انهم يتغمزون فيه عليك
زايد:طز....تسلطيه برضايه...مالهم خص فيه
خليفه:اوكيه وبعد بنت عمك خلها اتكون برضاك
زايد:اتخسي بنت الباكستانيه
خليفه وهو ناوي يطلع:بنت الباكستانيه ما عليها شرولا في حايتك دام فوقها رب يستجيب لدعائها...ياله فمان الله
طلع خليفه وخلا زايد الي بدت اعصابه اتحر من الوضع الي فيه
اما نور فتمت تسجد لله شكر وتحمده انه استجاب لدعائها ودموعها ما فارقت عيونها
.................................................. ....................
كانت مثل الاعصار رايحه راده اتفكر في المكالمه الي يتها وكل ما كلمها حد تمت تصرخ عليه وتهزبه في غرفتها الي تشهد دائما على احاديثها
المينونه
روضه:هو شفاكر نفسه انا انا اليوم يهددنيه حضرته ....اه ليته يعرف بس هو مع منو كان يتكلم يتحسبنيه بسمع كلامه ولا بنفذ الي يريده والله بيبطي وبيبطي
ما خذنيه الشيبه الحقيير ...والله ما عندج الاخياريين يا اما تعلنيين موافقتج واه يقهر يقهر يقهر والله انه مصدق عمره
قعدت روضه على الكرسي وتفكيرها ايرد عليها"يالمينوونه وان سوا الي قاله وخذج بالقوه"
روضه بصراخ:ايخسييييي بيبطي والله يبطي
ورد عليها تفكيرها"بس اهو قال ان الموافقه خذها ويقدر اليوم ايودينيه بيته"
روضه:ههه ههههههه خله ايحاول بس ان ما خليته يندم على اليوم الي يابته فيه امه
وفكرت"بس يالخبلا عقب شو بتستفيدين وهو واثق من نفسه وبالي بيسويه
روضه:اه برويه نجوووووم القايله
"يالعنز وان رواج اهو اياهن"
روضه واستسلمت اخيرا :يعني شووووو اسويييييييييي
دخلت اليازي عليها
اليازي:رويض عميه يباج
التفتت روضه لليازي زايغه:هاه يبانيه؟
ونقزت بسرعه وانكتت في لفراش:قولييييله محد راقده مريضه اي شي اي شي ياله رووووحي
تمت اليازي اطالعها مستغربه وطلعت روضه راسها من تحت لفراش
روضه:انتي ماتسمعين قوليله راقده...ياويلج ان قلتيله واعيه
راحت اليازي لعمها وقالتله انها راقده
وعقب رجعت بعد ما طلع عمها وقعدت مجابله التلفزون وشوي الاوفهد داخل وجه الها نظره
فهد:وين يدتيه؟
ماردت عليه وتمت مطنشتنه
فهد وهو طالع:زعل بو يعل ان شالله
اليازي بصوت بس اهيه تسمعه:يعل في خشمك
نزلت مي:اليازي بتروحين معايه الجمعيه
اليازي:لا
مي:ماشفتي عبود اخويه وين راح
اليازي:برا عند عميه
مي:انزين شي تبين
اليازي:اممممممم اريد اريد توكس
مي:بس
اليازي:واذا بتيبين اي شي عادي
مي:انزييين
راحت مي واخوها عبدالله للجمعيه وتمت مي ادور بعربانتها تجمع الاغراض الي تباها اما عبدالله قالها انه بيروح محل الكمبيوترات الي عدال الجمعيه واول ماتخلص تخلي الدريول ايناديه
مي:بتخلينيه بروحيه
عبدالله:اوووه ماعليج تراج دوم تين
مي:الله يسامحك
رجعت مي تكمل تسوقها في الوقت هذا كان مروان وربيعه احمد في نفس الجمعيه وكانت عندهم مهمه
مي وهيه تلم الاغراض طاحت مجموعه كبيره من الاغراض الي على الرف زفرت بضيق ورفعت غطاها وهيه تنزل للارض تجمع الاغراض
مروان على الطرف الثاني ظربه فضول يعرف سبب الصوت وشو طاح تقدم خطوه يطل في الممر ورفعت مي راسها اتشوف منو هاذا الي يطل عليها وتلاقت نظراتهم
شهق مروان بصوت عالي وخلا الكل يلتفت ناحيته انحرجت مي ونزلت الغطا على ويهها
بينما يا احمد بسرعه وير مروان على جنب:مروان الله ايهديك شبلاك
مروان وهو يلتفت ناحيه الممر الي اختفت امنه:شفتها اهيه اهيه
احمد ايحاول يستوعب:شوووه شفتها منيه هذي؟
مروان وهو يحط يده على قلبه:مشعبة القلب
احمد بهمس وهو معصب:انته صاحي انته شو مشعبة القلب انتبه يابابا واتذكر احنا شحقه اهنيه؟
مروان وعيونه ادورها:اه والله ان قلبيه دق شي استوا فيه شي ماقد صار له حط يدك اسمع
احسبه ايدق بقو
احمد:لحووووووه وبعدين معاك لا تنسى ان في مجرم في الجمعيه لازم نمسكه
مروان وهو يخطي رايح عن احمد:مسكه عزرايل انا هب فكاره...وهذي وين راحت؟
وشافها اخيرا عند المحاسب وكانت اهناك زحمه وقف قريب منها وشافته مي وتمت متوتره امنه
قرب احمد من مروان:مروان والله ان ما عندك سالفه ...تحرك يا اخي
هز مروان راسه بلا وطبعا ما كانو بلبس الشرطه
احمد:يعني شوووه تنلقى المهمه؟
مروان:والله لو انا صاحي كملت معاك بس انا احس انيه هب صاحي يا اخي تصرف سو الي تقدر عليه
احمد بغيض:ومتى بتصحى؟
مروان:يوم بيوقف الي بين ظلوعيه من الدق
هز احمد راسه وراح يدري بربيعه ان شاف الجنس الثاني ضاعت علومه
مي من التوتر الي ياها خلت الاغراض في العربانه وطلعت من الجمعيه رايحه للسياره
احمد:مرووووووووان
انتبه مروان وركض لاحمد وراحت عنه مي ماعرف اهيه في اي سياره ركبت
.................................................. ..................
لاحضت نوره ان خليفه بدا يتجنبها وكلامه معاها سطحي وفكرت شو سالفة الحرق الي سال عنه
ولاحضت بعد ان العمال الي بيبنون القسم الخاص الها ولعيال اختها يو عشان يبتدون البناء
ابتسمت لابد من ان كل شي بينتهي بتكون مع عيال اختها في قسم منفصل عن خليفه واكيد انه بيتزوج وبييب حرمته اهنيه.....عورها قلبها...ويمكن تطالبه بما انها يت في البيت انه يطلقها
قعدت نوره على الكرسي والفكره اتحسها ثقيله عليها ماتستحملها...يعني ان طلقها مابتكون قريبه مثل ماكانت قريبه امنه...ويمكن اتكمل بالاسابيع مابتشوفه اكييييد اكيد انها بتتجنب اتشوفه اهو الحين جدام عينها ومعذبنها وين عقب اذا صار مش حلالها ومعاه زوجته
خليفه:نووووره
قفزت نوره:هاه
خليفه:هههه وييين سرحانه؟
نوره:هاه لا ابدا موجوده انته متى ييت؟
خليفه:انا والله من الصبح واقف وقاعد انادي وانادي
نوره:والله ماسمعتك
خليفه:شو شاغل بالج ..العيال فيهم شي؟
نوره:هاه لا مافيهم غير العافيه
خليفه:عيل ...شو فيه اتفكرييين شي مضيقنج؟
هزت راسها بلا
عقب رفعت راسها وطالعته:العمال اليوم يو اعتقد بيبتدون خلاص
مايدري ليش خليفه حس ان سبب تكديرها هم العمال
خليفه:والله زييين ما دريت انهم بيون اليوم اظاهر انهم خلاص اشترو كل الي يحتاجون له وبيبلشون ا ا اشفتي تخطيط القسم
هزت راسها بلا
خليفه:تعالي موجود في المكتب تعالي برويج اياه
نوره: ما ماعليه بشوفه مره ثانيه بروح اشوف فطامي اكيد قعدت من الرقاد
التفتت عنه وطلعت السلم ونظراته تتبعها
.................................................. .......

اخر الليل روضه ماياها رقاد نزلت تحت والورقه الي سجلت فيها رقم بدر في يدها خذت التيلفون وراحت لغرفه الطعام
وعضت على اظافرها متردده تتصل له وبعدها اتشجعت
رن التيلفون عند بدر وابتسم يوم عرف الرقم طنشه شوي عقب رد




Sent from my iPhone using منتدى عبير

رد: روايه نــــــــــــــــــــــــــــــــــــــور

بدر:هلا
روضه ارتبكت:اسمعنيه زييين انا ما بنفذ اي قرار تباه تفهم
بدر:روعتينيه والله
روضه:انته شوووه يا اخي انا ما اريدك مش غصب الزواج...حرام الوحده اتقول لا ما اريد
بدر:انتي هب اول وحده ترفض وينقبل رفضها ....لييييش اسلوبج زفت في الرد هاه
روضه:انا حره هذي طريقتيه
بدر:وانا مش اي حد عشان اتخلينيه مصخره لج
روضه:بخبرهم انك اتصلت اتهدد
بدر:وانا بجلب الايه وبقول انج انتي الي اتصلتي تعطينيه قرارج....وتاديب لج باييب المطوع وبملج ومحد بيقوليه لا تاخذها بيتك
روضه:انته ليش اتحط راسك في راسيه انته شفت كم عمرك وكم عمريه
بدر:اه يعني تعترفين انج ياهل والي تسوينه يهاله
انقهرت امنه اكثر:والله العظيم انيه ما اسويلك الي تباه وانك بتندم على اليوم الي ييت اتخطبنيه فيه
بدر عصب عليها اكثر:ماعليه باجر بتعرفين عمرج زييين
وسكر في ويهها
...................................

كانت نور قاعده على سيادتها تخلص اذكارها وكانت واعيه من قبل الصلاه من ساعه تصلي وتذكر الله
وقفت هنيه عدالها وصلت وطوت سيادتها عشان تروح التفتت الها نور
نور:هنيه هل انتهيتي؟
هنيه:ايوا يانور عايزه اروح اعمل الفطار للباشه
نور:هناك الكثير من الوقت هنيه لما الاستعجال في الصلاه
هنيه:استعجال دنا صليت يابنت يا نور والحمدلله
نور:هنيه ابقي قليلا هناك الكثير من الوقت لا يزال
هنيه وهيه تقعد عدال نور متربعه:في ايه يا نور ...عايزه حاجه؟
نور:هنيه هناك امر اريد ان اتحدث معك فيه ولاكنني اخجل دائما ان احدثك فيه...لا اعرف ان كان الامراستطيع التحدث لك فييه
هنيه:يا اختي قوووولي الي انتي عيزاه انا معنديش مشكله في حاجه
نور:انتي طيبه هنيه وانا احبك كثيرا...واعرف ان قلبك طيب
هنيه بفضول:في اييه يا بنت يا نور؟
نور:هنيه.................لما الاستعجال دائما في الصلاه؟
فتحت هنيه عيونها اطالع نور
نور:هنيه انتي ....هل تشعرين بلذة الصلاه
هنيه:انا مش فاهمه حاجه انتي عايزه اييه؟
نور:هنيه .....يجب التروي في الصلاه انتي تقفين بين يدين الله ...اتعلمين ان الحجب ترفع بينك وبين الله عند الصلاه...والله يرا ذلك القلب
هل حقا هو يصلي له
هنيه وهيه حاطه يدها على ثمها وتاشر بيدها:بنت يا نور انا مش فهمه حاجه؟
نور:هنيه ....الصلاه هي عمود الدين يجب ان تدركي هذا الامر وان تتركي الاستعجال فيها
هنيه:دنا بصلي يانور والله بصلي
نور:اتحبين الله هنيه؟
هنيه وهيه تخبط بيدها على صدرها:يا اختي ازي تقوليلي بتحبي ربنا ميين الي ما بيحبش ربنا
ابتسمت نور:هنيه انا اريد ان احدثك قليلا لا ترتاعي هاكذا الامر بسيط....هنيه عندما تقفي بين يدين الله في الصلاه بماذا تفكرين؟
هنيه وعيونها اتروح وترجع:معرفش يا نور؟
نور:هنيه هيا تحدثي لما تكونين مستعجله دائما
هنيه:عشان الباشه ايوا الباشه دنا بكون افكر ان في حاجه لازم اروح اعملها للباشه بعد ما اخلص من الصله
نور:هل تفكرين في الباشه عندما تكونين في اتصال مع زوجك او والدتك
هنيه بارتباك وتفكير عميق:اصدك ايه يا نووور؟
نور:انتي تعلميين
استرخت هنيه في جلستها
هنيه:يا نور اعمل ايييه دنا لما ادخل في الصله....بتقيني افكار كتيييره دنا وانا في الصله بسافر لمصر وللحته الي كنت انا عايشه فيها
ولخواتي واصحابي
نور:ذلك من عمل الشيطان هنيه
هنيه:اعمل ايه يانووور؟
نور:عليك ان تجاهديه ...انتي لم تخلقي عبثا هنيه ...لم نخلق الامن اجل عبادة الله...واعلمي ان الصلاه هيه صله بين العبد وربه....هنيه اتعلمين ان الصلاه اذا قبلت تلف في خرقه بيضا وتصعد الى الله وتقول لك حفضك الله كما حفضتني...اما ان لم تقبل هذه الصلاه فهيه تلف في خرقه سودا وتعود لتضرب بوجهك وتقول ضيعك الله كما ضيعتني
...هل تتخيلين هنيه ان تدعو عليك تلك الصلاه في اليوم خمس مرات ....اتعلمين ما ذا يعني ان تدعو عليكي
اترين البؤس في هذه الحياه والكثير الكثير من الامور التي لا يوفق فيها المرء ربما تكون من دعا صلاتنا علينا ان لم تقبل
هنيه وعيونها مفتووووحه ويدها بعدها على صدرها:يالاهوي الصله بتدعي عليه ...دنا بقول كل يوم مين الي داعي عليكي يابنت يا هنيه...دنا صلاتي كلها كانت بتدعي عليه يالاهوي
اعمل ايه يا بنت يا نور انا عايزه صلاتي ماتدعيش عليه
ابتسمت نور:يجب ان تحسني صلاتك هنيه يجب ان تفكري بالامر جديا ...ان تدركي حقيقة امر هذه الحياه...واعلمي يا هنيه بان الله رؤف بالعباد
واذا را الله ان المرء يريد التقرب اليه.....تقرب الله اليه باضعاف ما يريد المرء
هنيه يجب ان تدعي الله ليلا ونهار بالهدايه وان تكثري من ذكر الله اجعلي لسانك رطبا بذكر الله..هنيه سوف نجلس سويه واخبرك كيف كانت الصلاة قرة عين حبيبنا ورسولنا محمد
هنيه:والله يا نور انا بحب ربنا ...وعايزه ازكره ليل ونهار بس مش عارفه انا بنسى بسرعه يا نور
انتي المره الي فاتت قلتيلي اسبحن كثير ..اعدت نص اليوم بسبحن وبعديها نسيييت
نور:اعلم هنيه الامر ليس بسيط ويحتاج الى مجاهده....ابليس لعنة الله عليه هو بالمرصاد دائما...هنيه ابليس منذ بداية الخلق وطرد الله له من الجنه وهو يريد ان
يهلك ابن ادم
هنيه:نعمل له اييه يا نور ....دنا قلبي وجعني من قلتي ليه ان الصله بتدعي عليه
التفتت هنيه لحضتها للقبله ورفعت ايديها:بلاش ياربنا تغضب عليه والله انا مابعرفش حاجه...دنا الدنيا مخداني يمين وشمال
والله ياربنا انا بحبك ومش عيزاك تغضب عليه...وصلاتي انا ححاول اصلحها...انا حعمل كل حاجه ياربنا بس ترضي عليه...انا عيزاك ياربنا وعيزاك تصلح لي حالي وتبعد عني الشيطان
اه وعيزاك ياربنا تساعدني ومتخليش الصلاه تدعي عليه دنا غلبانه والله غلبانه...وانا حسمع كلام البنت نور وازكرك ياربي كتييير وانته بأ ساعدني...استغفرك ياربي واتوب اليك استغفرك واتوب اليك
حطت هنيه ايديها على ويهها وهيه تكمل دعاها بتمتمه بينما كانت نور مبتسمه ودموعها تنزل بغزاره

بعد ساعتين دخل زايد المطبخ على هنيه الي كانت معزيه وتذكر الله
زايد ماعرف شو فيها:هنيه
التفتت له:ايوا ياباشه الفطار جاهز
زايد:شبلاج انتي اليوم؟
هنيه :مافيش حاجه ياباشه
زايد:لا انتي شكلج اليوم ابدا مش عاجبنيه
هنيه مستسلمه:تعرف ياباشه ان الصله بتدعي عليه كل يووم
زايد:هاه...انتي شو تقولين؟
هنيه:البنت نور بتقولي ان الصله بتدعي على الي ما بيصليهاش كويس وتنلف في خرقه سووودا وتظرب في وشه وتقوول ضيعك الله كما اضعتني
تم زايد ايطالعها ومنصعق من كلامها
دمعت عيون هنيه:انا مابعرفش حاجه دنا كنت بصلي ومابعرفش حاجه في الصله
زايد:هنيه....لا تمين تسمعيين الها تراها مينونه وبتيننج
نور من وراه:قد قيل لرسول الله من قبل بانه مجنون
التفت الها زايد:وتحطين نفسج مع الرسوول
نور:انا انهج بمنهاجه....نحن جميعا دعاه الى الله
تم زايد ايطالعها بنظراته الي تكرهها نور والتفت عنهن وطلع
نور بابتسامه:لا عليك منه....هنيه اود لو تتصلين على السيد خليفه اريد التحدث معه قليلا
هنيه باستغراب:الاستاز خليفه...ليييه عيزاه في ايييه
نور:هنيه هل ستتصلين به؟
كلمت نور خليفه وطلبت امنه انها اتشوف جدتها واهلها
خليفه:نوور لازم انخبرهم اول شي عنج محد يدريبج الا انا وزايد
نور:حسنا ومتى سوف تخبرهم انني اتحرق شوقا للقاء الجده
خليفه:ماعليه اعطينيه انتي بس فرصه...ولا تتكلمين مع زايد في الموضوع...انتي تعرفين زايد زيين
نور:حسنا لن احدثه ...لقد اردت ان تكون انته من يذهب بي اليهم
خليفه:ما عليه ان شالله قريب
نور بتردد:هل انته عمي
ضحك خليفه:هيييه عمج شفتي عاده
نور:يسعدني ذلك كم انا فخورة بك يا عماه
خليفه:ههههه حلوه هذي عماه
##
##
##
والحين شو تتوقعون ردة فعل الجده والي كانت اتمووووت في ابو نوروالي يوم اتشوف زايد تتذكره فيه
ودمتم وديمه العطا

مرحبا يا احلا اعضاء ..........عجبتني والله اميره خس ههههه وخميره
مسكيييييينه قطعتوها
فديييييت انا الجميع ومشكوووره وايد
محبتي للجميع وديمه العطا

"نور"

الجزء الثاني عشر

في اليوم الثاني طلب خليفه نوره وقالها انه ايريد ايوديها زياره وخبرها عن نور استانست نوره ورحبت بالفكره
واستعدت للزياره ومعاها فطامي....اتصل خليفه على هنيه وقالها انه اهو وزوجته ياين عشان ايزورون نور
وخبرت هنيه نور بامر الزياره واستانست وايد...كان زايد في هذا الوقت في شركته
خليفه ونوره وهم داخلين الفله:نوره ترا محد في البيت زايد راح لشركته محد الاهنيه ونور
نوره:منيه هنيه؟
خليفه:مدبرة المنزل الاخت من مصر
هزت راسها ومشت وراه
خليفه:هنيه يا هنيه
يت هنيه تركض:يامرحب يامرحب ياميت الف هلا وسهلا
ابتسم خليفه:يا هلابج يا هنيه
هنيه وعيونها على نوره:هيه مراتك ياباشه؟
خليفه وعيونه على نوره:هيه نعم
هنيه:يامرحب يامرحب ادبح القعووود
ضحك خليفه بصوت عالي:يا هنيه سيري سيري المره اليايه اذبحيه مشكوره وماتقصرين سيري ازقري نور
هنيه وما زالت عيونها على نوره تنتظر ترفع النقاب:اهيه جايه دلواتي...يا ستي ارفعي البتاعه دي
عايزه اشوف عروس الاستاز خليفه
خليفه:هنيه روحي استعيلي بنور انا بروح مش قاعد ورايه دوام
هنيه وهيه رايحه:طيب طيب يا باشه
اول ما راحت ضحكت نوره
التفت الها خليفه مبتسم وما قدرت تستحمل وضحكت زياده...عاد تعالو طالعو علوم القلب الي بدا ايذوب على الضحكه
نوره وهيه تحط يدها على ثمها من فوق النقاب:ياربيييي شو بيسكتنيه بس جنان ههههه
بابتسامته التفت لنور الي كانت تمشي يايه صوبهم وطبعا بدون الغطا والشال العود
من الرهبه وقف خليفه وهو ايشوفها طبق الاصل من زايدبس احلى وانعم...وقفت نور جدامه على بعد كم خطوه اطالعه وتشوف نظراته المنصدمه
ابتسمت ونزلت راسها تحت ساعتها حس خليفه بغيض اتملكه على زايد ...يعني ما يشوووف العمي انها بنت عمه وطبق الاصل امنه بعيونها الي مغتر دووووم ابهن...ما يحس ولا يحن
نور:السلام عليكم ورحمة الله وبركاته
وقفت نوره:وعليكم السلام ورحمة الله
رفعت نور نظرها لخليفه وكانت اتحس باحراج امنه
نور:هل هذه زوجتك ....عماه اتسمح لي بان اناديك بعماه
خليفه لين الحين ايحس بويع وحزن عليها:تعالي يانور تعالي انا عمج غصبا عن زياد عمج
اقتربت امنه نور بخطوات متردده ومدت يدها له وصافحها وسحبها صوبه وهو يلامس بخشمه خشمها
خليفه:هذا سلامنا يانور الانف بالانف...انسميه موايه بالخشوووم
ابتسمت نور وابتعدت خطوه وهيه منحرجه ووجهت نظرها لنوره
خليفه:هذه زوجتي واسمها نوره شبيه باسمك
اقتربت نور من نوره الي التفتت ابها للجهه الثانيه وكشفت الها عن ويهها وهيه مبتسمه وسلمت عليها تمت نور اطالع نوره باعجاب ويهها مبتسم
نوره:كيف حالك
نور وبعده مبتسمه ومنشرح قلبها لنوره:بخير والحمدلله
طبعا كانت صدمه لخليفه الي واقف ورا نوره وهو يدري انها كشفت بويهها لنور...الموقف خلاه ساكت بينما نور ونوره تمن يتحدثن بصوت واطي
نور سالتها ليش تتغطين عن زوجج وقالتلها بعدين بخبرج...عدلت نوره نقابها والتفتت لخليفه الي بعده ساكت
نور:كيف حالك يا عماه؟
خليفه:هاه ب بخير الحمدلله انتي كيف حالج؟
نور:انني سعيده حقا لا تتخيل يا عماه كم انا سعيده اكاد ارقص من السعاده لله الحمد والشكر
خليفه:ا ا نور انا والله خاطريه اقعد معاج وايد بس انا بظطر ارووح عشان شغليه بعد ساعتين برد اخذ نوره خليها عندج
نور:جوزيت خيرا يا عماه
خليفه وعيونه على نوره:يالله فمان الله
التفت عنهن وراح شووو سالفة النقاب وكيف ما شفت ردة فعل حق نور يوم شافت الحرق
قعدت نور مع نوره واستانست على فطامي واكثر يوم درت انها بنت عمها
هنيه كانت يايبه القهوه والشاي وطارت عيونها في نوره والزين الي شافته
هنيه:بسم الله ماشالله بسم الله مشالله ...خمسه وخميسه في عيين الي ما يصلي على النبي
ضحكت نوره ونور اطالع هنيه باستغراب
نور:هنيه ماذا تعني خمسه وخميسه؟
انفجرت نوره تضحك وضحكن كلهن
كانت كلمات نوره الي تتخللها كلمات بالفصحى واضحه حق نور واستمتعت بالحديث معاها سالته نور عن الاهل الباقيين وخبرت نوره نور بقصتها
وكيف تم الاتفاق على الزواج حق مصلحة اليهال
نور بتاثر:هو لم يرا وجهك؟
نوره:لا ...هو لديه خطيبه ...افضل ان تكون علاقتي به سطحيه كي لا ......
وسكتت نوره
نور:من المؤكد ان راك سوف يعجب بك....انتي لا تريدين ان تفسدي عليه امر خطبته من ابنة خالته...انتي امراءه عظيمه يا نوره تؤثرين الاخرين
على نفسك
نوره:لا اريد ان اظلم خطيبته فهي لا ذنب لها
نور:يا الاهي كم احبك يا اخيه....واتمنى لك كل الخير عماه رجلا صالح وانتي امراءه صالحه جمعكما الله على ما يحب ويرضى
نوره بابتسامه حزينه لاحضتها نور:مشكوووره يا نور
وقفت نوره:نووور انا يبت لج عباه
وقفت نور بنظرات مستفسره:ماذا؟
نوره وهيه اطلع العباه من الكيس الي كان في يدها
نوره:عباه مثل التي البسها
نور بفرحه:حقا لقد اعجبت بهذه العباءه التي ترتدينها وتمنيت واحده...كم انته عظيم يا الاهي
ودمعت عيون نور
نوره:نور ليش اتصيحين؟
نور:اشعر بسعاده عندما اجد ربي يحضر لي كل ما اتمنى بمجرد ان افكر به....ان الله عظيم يا نوره
وقريب جدا
نوره بتاثر:انتي يانور تستاهلين كل الخير...ياله قوومي البسي روينيه
نور بابتسامه:ماذا تعني روينيه؟
نوره:ههههه اسمحي لي اقصد بها اريني
نور:روينيه روينيه
نوره:هههههه
وقفت نور ولبست العباه وقعدت اتدور ابها:يا الاهي كم هي جميله وساتره افضلها على تلك التي كنت البسها
نوره:وهذي شيلتها وهذي الغشوه وهذا بعد نقاب
نور:اشكرك كثيرا يا نوره لا تتخيلين مدى سعادتي
نوره:باقي اسويلج ثياب ما كنت ادري انج تلبسين هالبس
نور:اجل اريد ان البس ما تلبسووون كي اشعر بانني هنا وانني عدت الى دياري حقا ...يال سعادتي
اريد ان اذهب لاسجد لله شكرا
نوره:الله يعطيج كل الخير يا نور ويوفقج
رجع خليفه عقب وخذ نوره ورجعها للبيت بعد ما ودعت نور وعدتها بالزياره مره ثانيه
خليفه في السياره:اخبار نور؟
نوره:اتجنن اتجنن والله ...وكسرت خاطريه وايد
خليفه:ايوالله مسكينه طول هالسنين وهيه محد يدري ابها ويوم دروبها مادرابها الا هتلر
نوره:هههههه حرام عليك اتقول عنه هتلر
خليفه:والله ان هتلر احسن عنه...............مييييييت قلبه...عاقنها عيل في ملحق الخدم ويوم ايرمسها رمسها
من راس خشمه جنها ماتسوا عنده فردة نعل...بس انا ارويه لخمام يتحسبنيه بخليها عنده
نوره:صدق خليفه بتيبها عندنا؟
خليفه :برمسها وبشوفها اذا بتوافق
نوره:والله انا حبيتها لو تشوف فرحتها بالعباه كييف
تنهد خليفه بالم على حال نور
اول ما وصلو وييت نوره بتنزل
خليفه:نوره
التفتت له
خليفه:خذي هالمستحضرات...الحين كنا في افتتاح محل عوود في ابوظبي موول وقدمو النا هدايا اتخص المحل عاده انا من حبيه للون العنابي خذت هالمستحضر بدال الازرق وطلع حريمي
نوره:خله حق اميره
خليفه:من سبق لبق وانتي تستاهلي اكثر من جذيه
مدت نوره يدها للمستحضرات وخذته
نوره:مشكوووور وما تقصر
ابتسم الها ونزلت نوره وهيه مستانسه بالهديه
.......................................
نزلت مي تحت وحصلت الخدامه تنتفض من الحراره
مي:ميري شو فييج
ميري:هلج مال انا زياده عور
مي:اوف فيج حراره زياده...ياله بوديج المستشفي صبري بتصل اشوف الدريول
خذت مي الخدامه للمستشفي عند الطواري لان بطاقتها منتهيه وعلى طول حطو عليها مغذي وعطوها ابره
في قسم الطواري الغرف كانت مقطعه ومدخلها بدون جدار وبدال الجدار ستايروكل غرفه فيها سريرين وبينهن ستاره
مي:هاه ميري احسن الحين
لاكن ميري ما ردت عليها من التعب لانها رقدت بعد الابره
سمعت مي ضجه وناس وممرضين يايبين مصاب و حطوه على السرير الي عدالهم وتفصل بينها وبينهم ستاره
كانت تسمع صراخ المصاب وحشرة الي معاه حد ايقول هات الهذا منيه وهذا مناك وحط اكسجين
وركب الجهاز المهم حشره وهاتو الدكتور بسرعه...والمصاب كان اهو مروان نفسه انصاب بطلق ناري في ريله ووحده في جتفه
مي ظربها فضول وقربت من الستاره وطلت بس بعويناتها لاكنها ما شافت الا التجمع حوليه
اخيرا شافته وهو يضرب براسه قوي على المخده وهو ماسك شعره بيديه الثنتين من الالم الي يحسبه
سعد رفيقه:خلاص يا مروان اهدا خلهم ايطلعون الرصاصه
في وسط الالم ومقاومتهم عشان يتركونه في حاله طاحت عينه على الي قاعده اطالعه من شق الستاره وعرفها سكرت الستاره بسرعه وشي رقع في قلبه نساه شويه الويع وهو عده مش مصدق يمكن يتخيل له
مي استغربت شو سالفة هالريال الي دوم اتشوفه لاكنه كسر خاطرها بمنظره الي يحزن رجعت اطل بعيونها بدون
ما يطلع ويهها
لحضتها كان مروان مغمي عليه من شدة الويع واحتشرو الي حواليه يوم اغمى عليه وسوو سالفه
تم قلب مي ايدق بقو من الروع اعتقدت انه مات واهيه اتشوف الاجهزه ايحطونها عليه وكل ما ييلهم ايزيد عددهم حوليه حتى الشرطه كذا واحد واقف عداله
سكرت مي الستاره والتفتت للخدامه الي خبر خير في سابع نومه وبعده المغذي توه يقل حست بتوتر ووجع في قلبها ماتدري شو سببه تمت تفرك ايديها رايحه يايه
وسمعتهم اينادونه
النقيب الي حضر توه:مروان مروان...طالع ياي اتحس بريلك
هز مروان راسه بلا وهو مش حاس بالي يصير حوليه وانصعقو الجميع يوم قال
مروان:صافيه....صافيه
حطت مي يدها على ثمها تمنع شهقتها...هذا صدق مضيع ولا ينكت
نظرات تعجب تبادلها الضباط والنقيب وتسالو منيه صافيه
الدكتور:هوهلا في حالة هذيان ....انا اعطيته ابره تهديه
هدا عقب الوضع وخلا المكان من حولين مروان بعد ما تطمنو عليه وطلعو الرصاصات
رجعت مي اطل عليه وشافته نايم بعد خمس دقايق تجرات ومشت ناحيته لان محد كان عنده
وقفت اطالعه وتتامل ملامح ويهه ما كانت تدري ان ويهها كان محمر من العبره الي خانقتنها عليه وليش هذي العبره ماتدري
وقف وراها احمد:احم...احم
نزلت غطاها بسرعه ودخلت بين الستاير بسرعه مختفيه




Sent from my iPhone using منتدى عبير