رد: روايه نــــــــــــــــــــــــــــــــــــــور

زايد:لا ياويلهم ان طلع قصير
بدر:تعال البس
لبس زايد البشت وكان رقم واحد عليه
بدر:لا فنان رقم واحد
زايد وقف جدام المرايه الكبيره الي تحت في الصاله وهو ايطالعه زيين
زايد:من ورا اوكيه قياسه
هنيه وهيه يايه ويايبه المدخن:بسم الله ماشا الله يارض احرسي ما عليييكي
قربت امنه وهيه اتدور بالمدخن حوليه:رقيتك واسترقيتك من عين ما صلت على النبيييي.بسم الله ماشالله ربنا يحفضك وينولك الي عايزه ياباشه دابو فريد ومعاه صحابه البارح مانمووووش وهما عمال بيصوتو ليييك ايوا
صرخ زايد باعلى صوته وقفطت هنيه:هنيه ومرض انا كم مره قايللج هذا العود عقيه برا الله ايلوع بجبدج مصبحتنيه به
هنيه:لللل ليه ياباشه دي ريحته كويسه
زايد:اه انا مادري شو مصبرنيه عليييييييج هذا عود اتسمينه مادري من وين لافيه به وييييين العود الي عطيتج اياه امس
هنيه:فففففف في المجلس يا باشه
زايد:سيييييري هاتيه وبدلي المدخن ناقص انا الا هالريحه
هنيه:ططططططط طيب ياباشه ددددددلووووقتي اجييييبه ياخرابي
وطارت هنيه وماشافو الا غبرتها ومادري من وين طلعت وهم في الصاله
بدر كان منسدح على الكرسي فاطس من الضحك التفت له زايد وهو يهب الريحه
زايد:الله يعلها هيه والدخون هذا
بدر:يا اخي هد اعصابك هههههههههه
زايد:انا هب طالع منيه الا وضغطيه مرتفع على الاخر
بدر:عيل يابوي خلنا نطلع قبل لا يصير لك شي مافينا الكرسي ايروح لحد غيرك
زايد:وانته الصادق انا بمر على يدتيه واهيه بخليها اتدخننيه عشان تعقينيه من بشت يديه لمزعفر
بدر:ههههههه اتجنن يدتك شعليه البسه
وقف بدر مجابل زايد وهو يعدله البشت
بدر:ترا الصحافه برا يرقبونك
زايد:يعني يدروون انيه بطلع بسيارتيه ليش مرتزين اليه برا
بدر:حبيبي الكل اموقع انك انته الي بتفووووز لازم الحدث من بدايته ايكون على الهوا مباشره هذا غير الهلي كبتر الي بتصورك من فوق لين توصل المقر
ابتسم زايد هذا احلى يوم في حياته الفووووووووز
زايد:مشكوووور يابدر انته ما قصرت معايه بدونك انا مادري شو بسوي
بدر:اباك تهجم اليوم وتلعلع بصوتك هييييه خلهم يدرون ان الكرسي حق ولدها
زايد:فالك طيب
بدر:ياله حركنا وسم بالله انا برد البيت بتسبح ووبدل وبمشي معاك مناك
اول ما طلع زايد من البيت تفاجئ بالجمع الغفير الي برا البيت
كل السيارات لحقته والتصوير مسلط على سيارته مع زحمة السيارات كانت سواقته بطيئه لين وصل بيت يدته الي كان في نفس المنطقه ويفصل بينهم شارعين....الوقت بعده بجير دخل زايد على طول قسم يدته واستغرب ان يدته بعدها راقده
دخل الغرفه ومشى لين السرير وكشف عنها
الجده:زياد انته ييت
انتبه زايد لنور الي لاويه على يدتها وتنتفض
زايد:شبلاها
الجده:والله يا ولديه مادري ابها حتى انيه ماقدرت اتحرك من مكانيه طول الليل اتون وتصيييح ويوم اكلمها تتشبث فيه وتلوي عليه قطعت اليه افاديه
حط زايد بشته الي كان ماسكنه وراح وولع الليت زيين ورجع لنور وهو مستغرب من حالها
صفعها على ويههها
زايد:نووور نووور
انتبهت نور الي كانت دموعها مغرقه عيونها ويرت اللحاف بسرعه
نور:ايها الوقح...هيا ابتعد
وقف زايد:هيا ابتعد .....شبلاج انتي راصه على يدوه جذيه
نور من تحت اللحاف:لا شان لك
زايد:انا هب فكارج الحين فجي يدوه اباها لانيه مستعيل بروح
نور:اخرج الى الخارج وسادعها تاتيييك
زايد:زيييين
طلع زايد وتم في الصاله وهو يفكر اكيد موضوع مطور مارقنها ويمكن عقب صلاة الاستخاره حلمت مطور ايغرقها في البحر ههههه خلينيه اخلص يانور من اليوم وعقب بتفيق لج ولمطور
طلعت الجده وفي يدها البشت لمزعفر
زايد:لا يدوه بشتيه داخل
الجده:مب على كييييفك بتلبسه هذا اليوم
زايد:اوكيه ان طلع طوليه لبسته هاتيه
قام زايد ولبس بشت يده وكان ماشالله صب وقايس
زايد:خييييبه يدوه كان يديه طويل
الجده:هييييه في حله يدك طوله ...عليه ذيج العرضه
دخلت ام فهد ورحبت بزايد
زايد:حرمة الخال الفزعه يدوه مصره علىهالبشت
ام فهد:ههه ماشالله والله انه زيييين
زايد:لا لا دخيلج انا بشتيه يايبنه معايه وابا دخون بدخنه قبل لا اروح
ام فهد:فالك طيب الحين اسويلك الدخون
اجتمه عقب الكل عند زايد وهم متحمسين ورضت الجده اخيرا ان زايد يلبس البشت الثاني
طلعت نور وكانت ملامحها حزينه وقعدت اطالعهم وهم ايدخنونه حتى اليازي وروضه ومي كانن موجودات
روضه:يدوووه حطيله من دهن العود هذا فنان
زايد:بس بس ماريد دهن العوووود ايكفي الي حطته يدوه والله اتشاور ارد اتسبح يعني انا شارد من دخون هنيه واطيح في عطورات يدوووه
اليازي:هههههههه اتعيش يدوه عن الحسد هههههه
يابت مي له الريوق وغصبته ياكل شب قبل لا يروح
كانت عيونه كل شوي اتروح عند نور الي شكلها هب معاهم وهيه اطالعهم بنظرات غريبه
ابتسم اكيد موضوع مطور مكدرنها
التفت الها زايد:ثبلاج نور ليث ما اتثاركينا
نقعت روضه من الضحك مع اليازي اما مي فكتمت ضحكتها وام فهد اطالعهم وتتلفت اتشوف اذا حد من عيال اختها ولابناتها موجود
قامت نور وراحت عنهم داخل
دخل عليهم عبدالله:ميووووه الحقي امطلعين بيتنا في التلفزون....انا بروح برا شوفينيه اذا بطلع ولا لا
مي اتحمست وركضت للتلفزون ولحقتها اليازي وروضه
ودع زايد يدته من بعد ما لبس بشته وطلع كان بدر في استقبالعه عند الباب
زايد وهو يركب سيارته:بتروح معايه
بدر:لا نسيت اييب الاوراق من المكتب بايبهن وبلحقك يالله موفق يالحبييب...عنديه تلفزون في السياره متابعنك
زايد:ههههه تمام فمان الله
طلع زايد بسيارته ومثل ما دخل وراه جمووووع من السيارات
اتصل زايد على بدر في الطريق:بدر الزحمه بتاخرنيه شو الحل
بدر الي وصل المكان المحدد من وقت:والله يازايد شو نسوي هذولا كلهم مرشحينك ليتنيه كنت قريب منك على الاقل ولا تدري مروان اخويه وربعه كلهم اهنيه بقولهم ايردون لك ويفسحون الطريق لك
كلم بدر مروان الي حرك اهو وربعه متوجهين للشارع الي ياي امنه زايد وهناك قدرو يفسحون له الطريق عشان تنطلق سيرته براحتها طبعا زايد بدل طريقه لطريق ثاني عشان يتجنب الزحمه اكثر
وتم يسرع بالسياره
بدر:هاه شردت عنهم
زايد:اخيرا
بدر وهو يضحك:بس الهلكوبتر وراك اتصور وانا اشوفك غيرت طريقك
زايد:زيييين دقايق وانا اكون عندكم....لحضه بدر شوي
بدر استبطى زايد وهو يشوفه يسرع سرعه جنونيه من اشاشه
بدر:زايد هد السرعه فديتك
زايد بضيقة خاطر:بدر .....القيييير مطاع يمشي معايه
بدر بتوتر من صوت زايد:انزيييين هد السرعه انته
صرخ زايد:مش قادر كل شي مش راضي يمشي معايه
بدر:شوووويعني
زايد وهو ماسك السكان بكل قوته وكان التيلفون محطوط على سبيك
زايد:الله يغربلها من سياره مادري شووو فيها
بدر وهو يراقب خط سير زايد:زايد الشارع الي بيييك لف اذا تقدر لان المكان اهناك زحمه يا اخي حاول

في سياره ثانيه كان سلمان وخميس يتضاحكون وهم ايراقبون السياره الي فقد راعيها السيطره عليها
خميس:نفاد
سلمان:قطعت الوايرات كلها
خميس:تفل في ويهيه ان شفته حي عقب اليوووووم
وعلى الهواء مباشره كانت الاحداث على مرا العين
وبدر يصارخ على زايد الي خلاص فقد كل السيطره على سيارته
بدر:زايد لا يا زايد الفووووز لك اليووووووم حاول اتسوي شييييي لا تستسلم يازايد
زايد ماقدر ايرد على بدر لانه خلاص ايشوف نهايته جدام عينه والسياره تعفد به واطير واتصك مافي اي مجال انه يسوي شي الشي الوحيد الي كان مسيطر عليه هو السكان ايلف به
ويين مايريييد
بدر وبعده على امل:طلعها يازايد طلعها من المنطقه هذي
خذلك اي طريييييق ثاني
زايد بنفاد صبر:ويييييييييين ما في فايد خلاص انا رايح فيها
بدر:لا لا اطلع منها سالم يا زايداطلع منها سالم فدييييييتك لا تخليييينا يا زايد الشيمه يابو سلطان فدييييييتك اطلع منها
سكر بدر عن زايد واتصل على مروان وتم ايصارخ الحقوووووو عليه الحقووووووعليه فدييييييتك يامروان الحقو على زايد
التفتت اليازي لروضه:شو قاعد ايصيييير ليش زايد ايسوق جذيه
تم قلب روضه ايدق وهيه تسمع المذيع يطلب منهم الدعا لزايد انه يطلع من هالمحنه وشوي وبدا الصريييييييخ وهن ايشوفن السياره تصتدم بقو في شاحنه واطير فووووووق في الجو وتصك وهيه تتجلب مليووووووون جلبه
مي بصوت عالي وهيه تصرخ:انجلب انجلاب لا اميه الحقيييييييي زايد انجلاب لا
وتاعلت الصرخات والمنظر كان مهول لين ما ثبتت السياره الي ابدا الي يشوفها ايقول انه منعدمه بالكامل ويستحيل انه يكون فيها حد حي
على طوووول السيارات التفت بالسياره وسيارات الشرطه ومعاهم مروان الي تم ايصارخ ويقول لازم انطلعه لاكن ربعه مسكوووه
ودزوووووه بعيد
سعد:مروان اهدا السياره يمكن تنفجر خلنا بعيييييد
مروان :لا زايد فيها خلونا انطلعه
قدرو ربع مروان ايهدون مروان ويفهمونه انهم ما يقدرون ايقربون من السياره لين توصل سيارات الاسعاف وناس متخصصه لفتح
حديد السياره لاكن المينون الثاني شو بيفهمه واول ماوصل بدر تم يصارخ وهو يركض ناحية سيارة زايد وتلاقاله مروان وربعه ومسكوووه
بدر كان منهار:لا والله لا اذبحك يامروان فجونيه خلونيه اطلعه...يا حمار انا قلتلك الحق عليييييه ليش واقفين ماتسوووون شي طلعووووه طلعوووووه
لوا مروان على اخوه وهو يحاول انه ايسيطر عليه
مروان:فديييتك يابدر اصبر اصبر الحين بنطلعه
بدر:زايد مات يامروان مات الحقو عليييييه الله ايخليكم طلعوووووه اه والله لا امووووت وراه طلعووووووووه
كانت الجده تزحف ودموعها تنزل لين وصلت شاشه التلفزون وتمت مبحلقه فيها ومدت ايديها على الشاشه تتلمسها
الجده:زياد المال يا زياد المال اطلع فديتك اطلع انا ادري انك بخيييير اطلع وقلهم انا مافيه شي سكت هالملعن عن النقيق طرن ذنيه حسبي الله عليهن ايقولن انك مت
ترا هذا تلفزون وكل علومهم جذب هذا كله جذب زياد المال الحين قاعد يضحك عليهم يتفاولون عليه
طلعت نور على اصوات الصريخ والصياح وتمت اعيونها ادور عليهم تبا تفهم شو السالفه اهيه من البارحه وقلبها مقبوض وطول الليل واحلامه ماتبشر بخير
نور:ماذا هناك ؟....لما الجمع يبكي
ركضت مي لحضن نور وهيه تصيييح:نوووور زايد سوا حادث وانجلب مات مات يانوووور شوفي التلفزوووون مصورينه على الهوا مباشره
التفتت نور للتلفزون الي كانت الجده متمسكه فيه وتكلمه
وقربت من جدتها
نور:جدتي ماذا هناك
الجده:ماشي يابنيتيه يتمصخرون علينا مسوين الكمره المخفيه ...حسبي الله عليهم
تمت نور اطالع شاشه التلفزون وهيه تشوف بدر الي كان التلفزون يتكلمون عنه ويقولون انه انهار عليهم
بدا قلبها ايدق بقو وهيه تستوعب اخيرا ازعجها صريخهن وصياحهن وهيه تحس بلقعه فيها
على طوووول راحت للغرفه ولبست عباتها وشيلتها وطلعت ادور حد ايوديها لبيت زايد وحصلت عبدالله
نور:عبد الله رجوتك ان تذهب بي الى بيت ابن عمي زياد
عبدالله :يالله بنادي الدريول
رجعت نور لبيت زايد ودخلت وهيه تحس بكتمه تضغط على صدرها حصلت هنيه اتولول جدامها
هنيه:الباشه يانوووور الباشه مات
نور:هنيه اصمتي دعيني وحدي هنيه لا اريد احدا معي
ودخلت نور للغرفه وصفقت بالباب وراها
##
##
##

لجل عيووووونكن باغاليات والله مصبحه من الصبح اكتب البارت




Sent from my iPhone using منتدى عبير

رد: روايه نــــــــــــــــــــــــــــــــــــــور

نور"


الجزء السابع عشر

فرشت نور سيادتها واول مره توقف اتصلي وهيه تنتفض واتحس ان ريولها مش قادره اتشلها
لين الحين منظر السياره جدام عينها وشكل السياره مايبشر بخير.....احلامها مازالت تتراءا الها وهيه تشوفه موصلنها لبكستان وتاركنها اهناك
كانت تلحقه في الحلم وتقوله انها ماتريد اتم اهناك بروحها وكان ايقولها وحتى اهناك بتمين بروحج لانيه انا بروح
قالتله بتم عند يدوووه رد عليها وحتى يدوووه بيها يوم وبتروح فاحسلج اتمين اهنيه
شافته وهو يركب الطياره ويروح عنها بعيد بعيد تمت اتصييييح وتقوله يرجع ياخذها لين ما اختفى في السما
بعد ما انهت نور صلاتها رفعت ايديها تريد تدعي وخانتها دموعها وانفجرت اتصييييح
بدت بالثنا على الله والصلاه على النبي
وتمت تدعو وتدعووتطلب من الله انه يبقيه الها ويرده واشتكت لله عن وحدتها وحاجتها له وتمت نور على هالحال طول الوقت في دعاء وصياح واصرار على الله انه يبقيه حي الها
كانت هنيه واقفه عند الباب مع الخدامه الثانيه وهن يسمعن صوت نور الباكي وهيه تدعو وكانها قاعده تكلم حد جدامها
وهيه تنتفض هنيه فتحت الباب وطلت امنه وراعها شكل نور وهيه تصيح ورافعه ايديها ..هنيه حست ان اريولها ماتقدر اتشلها وقعدت عند مدخل الباب اتصيييح
خليفه اول ما وصل ارض الحادث مع اخوه ابوفهد تم يترجاهم يتركونه بس ايطل في السياره عشان يتاكد اذا كان موجود فيها ولا لا
خليفه بصراخ:بس بشوووفه والله ما ادقه خلنيه بس اشوفه من بعيييد
سمح له الشرطي وتم يمشي معاه قرب خليفه من السياره وهو يدعو الله انه مايشوفه فيها وان زايد حول من السياره قبل الجلبه لاكنه انتفض اول ما شاف بياض كندورته حينها انهار وهو يصرخ والشرطي يمسكه
خليفه:زايد زايد خلوووونيه اشووووفه طلعوووووه حرام عليكووووو
ابعدو خليفه والبقيه عن ارض الحادث وراح ابو فهد للمصور وطلب امنه مايصور وهو يتذكر حال امه وبناته في البيت
مروان بعد ظرب واحد من المصورين الي قرب من السياره ايحاول ايصور من قريب وراقه واشار للجميع انهم ايبندون الكيمرات
واخيرا طلعو زايد من السياره بعد مايابو الات خاصه تقطع الحديد عشان يقدرون يطلعونه وكانت الاسعافات الاوليه بالانتظار ونقلوه على طول بعد ما اتاكدو انه مازال حي رغم ملابسه الي كانت كلها بلون الدم
على طوووول نقلوه للعنايه المركزه
البنات دخلن على يدتهن الي لجاة اهيه بعد لسيادتها وقالن الها انه حي ونقلوه للمستشفي
اريد اوضح شغله روضه لين الحين ماوضحت الها ملامح بدر اهيه صح شافته في التلفزون وشافت حاله لاكن التصوير ما ساعد انها تعرف شكله اوكيه مع الحزن الي كان عاصف ابها على زايد
وحتى راعي الدراجه الي تراقبه برا ومعجبه فيه ما شافته زييين
اما بخصوص عمر مي فهيه كملت الخمسة عشر وعلى نهاية صف اول ثانوي
انا مش قاصده اخر شوفة خليفه لنوره بس الاحداث اتريد جذيه
...................................

مازالت نور مرابطه عند سيادتها وهنيه كل شوي تيها تطلب منها اتقوم تاكل شي وطمنتها انهم نقلوه المستشفي وبعده على قيد الحياه وهذا الشي خلا نور اكثر ترابط عند السياده وهيه تشكر الله وتحمده" ولئن شكرتم لازيدنكم"
جمووووع غفيره ترست قسم الطوارء الي في مستشفي خليفه والكل ايريد يطمن على زياد المال
على المسا اصرت مي اتروح اتشوف زايد وهيه طول اليوم اتصيييح حاول ابوها اياجل سيرتها لاكنها اصرت وهيه تصييح
ابو فهد:خلاص قولي حق روضه واليازي يتجهزن
روضه رفضت اتروح وهيه تحس بضيقه من الاحوال الي هم فيها وحال يدتها الي ما طاعت تاكل شي
روضه:ابويه مابتودي يدتيه اتشوفه وتطمن
ابو فهد:وين اتشوفه ياروضه الريال غايب ومايحس بالدنيا ادعيله ايقوم بس بالسلامه الا وين نور
روضه:عبدالله ايقول قالتله ايوديها فلة زايد سويت تيلفون على الفله وكلمتنيه هنيه اتقول مافارقت السياده وكله قاعده اتصيييح وتدعا
ابو فهد:والله ان عنده بنت عم ذهب ليته بس عرف قيمتها
طلع ابو فهد بمي واليازي ووداهن المستشفي الشباب كلهم كانو في قسم الطوارء وناس وايده موجوده ابو فهد اول ما وصل شاف عرب ايعرفهم والتها معاهم وتمت اليازي ومي واقفات بروحهن
التفت بدر ناحيتهن وطلب من فهد ايروح ايناديهن
مروان كان واقف بعيد مع واحد من ربعه وشاف البنتين الي قربن من بدر الي لوا على وحده منهن عرفها على طول وتمت عيونه عندهن
بدر:ميمي زايد بخير ومايحتاي اتشوفينه باجر تعالي
مي:ما ما اريد اريداشووووفه
بدر وهو يحضنها:فديييييت انا ميمي والله انه بخير بس هم قالو خلوه اشويه في العنايه
مي وهيه تشاهق:ار يد ارييييييد اشوووووفه
قطعت قلب بدر وقال ماله بد ايرويها اياه
بدر:يالله تعالن بس بدون صياح
دخل بدر وفهد ومي للقسم الخاص الي فيه العنايه المركزه ومشو لين اخر الممر وقف بدر وهو يسحب نفس وعقب سحب الستاره
اول ما شافت اليازي زايد صرخت وركضت راجعه ولحقها فهد
اما مي ففتحت عيونها اتحاول تستوعب منو هذا الي كله وايرات واجهزه وشكله غييييير مافيه اي ملامح لزايد
بدر:انروح يامي
مي:منو هذا ويييين زايد
سحبها بدر بعيد
مي:بطلنيه هذا مب اهوه والله العظيم مب اهوه
بدر ودموعه بدت تنزل :مي فدييييتج خلاص عاده
احمر ويه بدر الي كان صعب عليه حال صديقه جذيه
التفتت مي وتمت ادور زايد في الاسره الثانيه
مي:وييييينه هذا مب اهوه لا لا لا مب اهوه حرام عليكم قوووول انه مات تضحكون علينا لييييييش
مسكها بدر ويرها لحضنه وانتحب معاها كان مروان لحضتها داخل وركض ناحيتهم
مروان :شوووووه يابدر
بدر:طلعها يامروان طلعها ودها البيييت انا خلاص ماعاد فيه حيييييل استحمل اكثر من جذيه
كان صوت مي عالي وهيه تنتحب في صدر بدر
سحبها مروان امنه وخذها في حضنه وهو يطلعها من قسم العنايه المركزه
مروان وهو طالع :خلييييفه رح لبدر داخل بسرعه فديييتك
كانت غرفه للكشف صغيره في طريق مروان دخلها ومي معاه تم حاضننها وهيه تصيييح في حضنه
مروان وهو يهديها:خلاص خلاص ان شالله بيعييييش
مي وهيه ميته من لمشاهق:لا لا لا هذا مب اهوووه اكيييد انه مات
مروان:والله مامات بس هذي الكدمات لازم اول ايام الحادث بتكون موجوده
مي:مب اهوووه لا ما اصدق
مروان:ماعليج من التنفيخ كله بيروووح صدقييييينيه انه اهوه وانه قرييب بيكون بخيييير
تمت مي اتصييييح وهو ايلمها اكثر في صدره ايحس انها ملكه ومايريدها تصيييح قطعت قلبه لاكنها ياهل يا مروان والدليييل انهم سمحولك تاخذها في حضنك
بيمووووووووت من هالشعووووور شعور انه ايحبها ويريدها وشعور انها ياهل ماتصلح له
قعدها على الكنبه الي وراه ورفع غشوتها لفوق وشاف ويهها الي كان شعرها متبعثر عليه كان ثاني ركبه وهو قاعد على الارض ويطالع ويهها قام وياب كوب ماي وهيه بعدها اتصيييح
رجع وقعد مجابلنها وهو بلبس الشرطه
مروان:خلاص عاده الصياح مايفيييد
مي وهيه بعدها اتصيييح:قوووول والله انه بعده حي
قام مروان وقعد عدالها ولفها بيديه ضامنها له وهو يحلف ويقسم وتم يمسح على راسها لحضات ايحس انها ياهل ولحضات يرتعش قلبه ويقوله هذي حبيبتك عذاب والله انج يامي عذاب
حس عقب مروان انهابدت تهدا وتستكين وكل شوي شهقت وهيه مازالت في حضنه
اما فهد الي لحق اليازي برا تم ايدورها وحصلها اخر شي عند السياره اتصييييح
فهد:اليازي
رفعت راسها له
اليازي:رجعنيه البييت ماريد اتم اهنييييه
فهد وهو يقرب منها راحمنها
اليازي:رح عنيه بعييييد ماريد اقعد اهنيه ليتك انته الي انجلبت وافتكيييت منك
فهد تم واقف منصعق من كلامها مع انه دائما يسمعها تدعا عليه لاكن المره هذي وبعد حالة زايد وانها توها شايفه حالته كان وقع كلامها قوي عليه
وبصوت صارم مافيه اي حنيه على حالها:اوووكيه امشي معايه صوب السياره
مشت اليازي الي صدق حال زايد خلاها تفقد حواسها وخاطرها تواقع اي حد جدامها
كانت اتصيييح طول الطريق وهو يسوق ولا كانه يسمعها اول ما وصلو البيت
فهد:انزليي
تمت اشويه
فهد:تسمعيييين ولا ماتسمعييييين
نزلت اليازي ومشت لين السلم الي عند المدخل وقعدت عليه اما فهد فحرك السياره بقو وطلع
قبل يومين كان فهد نازل من فوق وحصلها قاعده بروحها يا وقعد عدالها وعقب اشوي انسدح على ريلها التفتت له
اليازي:ياسلام ريليه لك مخده
فهد بابتسامه:انتي بكبرج اليه
دزت راسه ووقفت:ماصخ احترم نفسك احسن لك
وقف مجابلنها وحط عيونه في عيونها:اسف معاج مافي احترام للنفس من اليوووم




Sent from my iPhone using منتدى عبير

رد: روايه نــــــــــــــــــــــــــــــــــــــور

اليازي:شقصدك؟
مسكها من خصرها ويرها بقو ناحيته لين مالامست صدره
فهد:هذا قصديه
فتحت عيونها:انته ماتستحي؟
فهد:اذا في حد عنده اعتراض خليه ايقول....وبعدين احنا ملجنا عشان ناخذ راحتنا في هالحركات
سحبت نفسها من بين ايديه ورفعت يدها تتحلف له:ياوييييييلك تسمع ياوييييلك ان حاولت مره ثانيه اتقل ادبك معايه
التفت عنها وهو يقول:عاده بكيفيه حرمتيه وحر فيها عقب التفت الها
فهد:غناتيه تبين شي من برا اي حاجه في خاطرج اطلبيها انا كم يزووووي عنديه
اليازي:كرييييه انته قاعد تطنز
ومن هذاك اليوم وفهد كل ماشافها غمز الها ولا ارسل الها حبه طايره وكانت متنرفزه امنه وتتحسبه قاعد يضحك عليها
عاده هذي الاحداث كانت من يومين الحين انجلب حال فهد عليها
.................................................. ...................

مي من كثر ماكانت اتصيح في حضن مروان يتها حالة نعاس خلتها تهرب من الحال الي هم فيه وغفت عينها في حضنه
سند راسها على يده وهو ايطالع ويهها الراقد والمتنفخ من الصياح...ابتسم ورفع يده الثانيه وتم يبعد خصايل شعرها عن ويهها
مروان:وقسما بالله انيه احبج وامووووت فيج بليتنيه ياصغير السن بحبك
فتحت مي عيونها الي مجابله عيونه وارتبك مروان
مروان وهو يبعدها اشوي عنه:ا ا ا شوووه احسن الحيييين
دفعت مي بنفسها في حضنه وهيه تحط راسها على صدره وتسمع دقات قلبه الي ولعت ابتسمت متناسيه الماساه الي هم فيها وغمضت عيونها
مروان:ا ا ا انتي واعيه رفع راسها وشافها وشاف انها راقده
مددها على الكنبه الطويله وقام وهو يحس بتوتر
عند الباب وقف والتفت صوبها وعقب طلع وتلقاله احمد صديقه
احمد:منيه هي
مروان:هاه منو تقصد؟
احمد :لبنيه الي دخلتها اهنيه ومن الصبح وانته قاعد عندها
مروان:ا اهذي ميييمي ...بنيه ياهل لا يغرك الطووول مسكينه كانت منهاره يوم شافت زايد
وعلى طوووول مروان مشى عن احمد وراح للجهه الي فيها بدر يسال عن حاله
خبر مروان عقب ابو فهد ان مي في الغرفه الي وداها فيها وراح الها ابو فهد وشلها للبيت
على الساعه احدعشر طلبت نور من هنيه تتصل على خليفه كلمته وسالت عن حال زايد وبعد ماطمنها
طلبته ايي ياخذها عشان اتشوفه وياها خليفه ووداها المستشفي كان هادي والزياره انتهت
الا للاقارب ....وقفت نور مجابله زايد ومنصعقه من شكله مسكها خليفه من اكتافها اول مالاحضهن يرتجفن
خليفه:نوووور
نور:اتركني عماه
خطت كم خطوه رايحه صوبه وهيه اتشوفه بحاله الي مايسر عدو ولا صديق
نور وهيه تكلم زايد وخليفه على بعد خطوات منهم
نور:هل ستتركني حقا؟؟؟....هل ستدعني وحيده كما كنت ؟؟؟؟....الا تعلم انك من بقي لي من اقاربي؟؟؟
لا شك بان الجده ارضعت والدي ولاكن تبقى انته زيد من لحمي ودمي
قربت نور اكثر امنه وحطت ايديها على حواف السرير
نور:زييييد هل ستترك نور تعود الى هناك لوحدها؟؟؟ انا لا اريد ان ابقى وحيييده كما كنت سالتك بالله الذي رفع سبع سموات من غير عمد ان تعود من اجلي والا تتركني وحييييده
اقسم لك بانني ساكون وحييييده ان تركتني ....رجوتك يابن عمي الاتتركني
فتح زايد عيونه بصعوووووبه وهو يشوف الدنيا مشوشه حوليه
زايد:ن نو......
ورجع غمض عيونه
نور وهيه تضحك ودموعها تنزل بغزاره:ماذا ماذا قلت
التفتت لخليفه:عماه لقد استجاب لندائي...رايته وهو يفتح عيناه
ركض خليفه بسرعه ناحيتها:صدق يانووور
نور:اقسم لك
خليفه:زين زين بروح اقول للدكتووور
الدكتور ما صدق وقال انها يمكن تتوهم لانه في غيبوبه
نور:اقسم لك عماه لقد كان يريد ان يناديني اقسم لكم
التفت خليفه للدكتور:انزين يادكتور شووو اللازم الي لازم اتسويه اذا كان كلامها صدق
الدكتور:خلاص خلاص انا راح اتصل للدكتور الاستشاري
التفت خليفه لنور:دعواتج يانووور
نور:عماه اريد ان اقرا سورة البقره بجانبه ...رجوتك ياعماه هل ابقى لقد اتييت بكتابي
خليفه:زين زين يانور بروح اييب لج كرسي
كل يوم خليفه ايمر على نور وييبها معاه تطمن على زايد وتقرا عليه يوميا سورة البقره
الوريم بدا يخف ويابو اليده عشان تطمن عليه لاكنه مازال في الغيبوبه ملامح ويهه رجعت مثل اول وبقايه جروووح معلمه في ويهه الدكاتره طمنوهم عليه
انه مافيه اي كسووور غير شوي في الريل اليمين والمشكله الوحيده الي عليها بيتحدد مصيره
هيه كسر في فقرات العمود الفقري وان هذا الكسر لويلامس مخ العمود الفقري ادا الى شلل وبعد مشاورات تقرر انهم يسفرونه للخارج عشان العمليه
مرعلى الحادث اسبوعين الكل مرابط في المستشفي والنفسيات تعبت وايد
بدر مابين المكتب وشركات زايد وبقية اليوووم عنده في المستشفي وخليفه طول الوقت عنده يتبع اخر التطورات ومع اتصال للمستشفيات الخارجيه ايدور انسب مستشفي يستقبل حالته وتقرر اخير السفر لالمانيا لاكن يبالهم بعد وقت
خلال السبوعين الي طافن عليهم كان خليف مره من المرات عند اميره الي طلبت امنه ايزورهم متحججه بشوقها له
اميره وهيه قاعده معاه في الليوان الكبير:فدييييتك يا خليفه والله ان شكلك تعبان ليتنا ملجنا من زمان جان خففت عليك شويه
ابتسم خليفه الي كان شكله صدق تعبان ومنتهي:يعني كيف بتخففين عليه
اميره بضحكتها المايعه:يوووه عن الاحراج بخفف عليك بطريقتيه الخاصه
ابتسم الها
اميره:هيييه صدق انا اليوم بمر على اليهال وبوديهم معايه الحديقه اتصدق يا خليفه ماشالله عليهم ايجننووون
ماتخيلت انهم جذيه ادب واحترام ويسمعون الكلام انا بصراحه كنت متعقده من عيال اخويه محمد ايلوعوووون بالجبد وكله وقعه عشان جذيه كنت رافضه اربيهم لاكن الحين اربيهم واربي درزن مثلهم
خليفه مازال مبتسم ويفكر"ليتج فهمتيهم من البدايه قبل لا اتورط مع خالتهم وتجلبليه كيانيه
تمت اميره تسولف له عن عيال اخوه وعن دانوه الي تعلقت فيها وايد
بعد اشوي دق الجرس ولمعت عيون اميره هذي اللحضه الي تنتظرها
اميره:بعد اذنك خليفه بروح اشوف منو عند الباب اظاهر الخدامه ماتسمع الجرس
قعد خليفه يشرب شايه لين رفه راسه وانصدم من الي واقفه جدامه حرمه نصف ويههها محروووق بشكل فضيييع
اميره وهيه تاشر للحرمه على الطريق:اتفضلي اتفضلي يام خالد منيه الميس الحين بنادي الوالده لج
ام خالد القت السلام على خليفه ومرت من جدامه رايحه للطريق الي تقوله اميره وبعد ما وصلتها اميره رجعت
اميره:اوووف قلبيه ايعورنيه يوم اشوووفها
خليفه تمت عيونه على طرف الزوليه سرحان
اميره:مسكينه اتقول قبل كم سنه شبت حريقه في بيتهم وعشان تنقذ بنتها دخلت في الحريقه يالله الحمدلله الي عافانا
انا مادري كيف عيالها متقبلينها مسكييينه ريلها
تركها وعرس عليها اتقول ما قدر ايجابلها...قلنالها لوتلبسين نقاب واتمين به احسن جان ما ودرج
وقف خليفه:اسمحيليه يا اميره انا مستعيل اريد امر على زايد
اميره وهيه ضامنه ان الي تباه صار:صدق اخباره ولد اخوك بعده عايش
التفت الها:ان شالله انه بيعيش وبيطلع منها
وقفت اميره وقربت امنه:بس ايقولووون ان الي في حالته اتصيرلهم احوال عقب
التفت الها خليفه:شقصدج؟
اميره:يعني اتشوفهم جدامك صاحييين لاكن مرات يتخيلون اشيا ما صارت
طبعا هذا من الروع عن لا يسب عليها زايد في يوم من الايام
خليفه:ان شالله انه بيظهر منها سالم...يالله مع السلامه
رجع خليفه البيت وبعدها صورة الحرمه الي منحرق ويهها اتلوح في خياله مايدري ليش ربط ويه نوره بويه الحرمه
كان دائمان يحلم بليلتين الي قضاهن مع نوره لاكن الحين اول ماتطرو عليه نوره غزت هالحرمه افكاره وكره ان تكون علاقه بينها وبينه
اكثر لام خليفه نفسه على الي صار...كيف رضى بالجسد بدون مايشوفها...يعني لو تكون قبيحه ماعليه او تكون كبيره في السن
خليفه وهو طايح على سريره رفع ايديه جدامه:بس انا لمست ويهها مافيه اي اثار للحرق
في المستشفي حصل خليفه ولد محروقه ايده يوم قعد الولد عداله مد خليفه يده للحرق وتم ايمررها عليه ملمسه ناعم مايدل على اي حروووق
الولد:حرقيه كان من الدرجه الثانيه كانت فيه ترضيفات شويه بس يوم العمليه شلوهن
هز خليفه راسه وقام خلاص يا خليفه انته تدري من البدايه انها محروقه ورضيت بالي سويته الحين بتلوم نفسك مره ثانيه اتركها في حالها وعش حياتك
بدون ماتخليها اتاثر عليك مره ثانيه
طلع بدر من غرفة زايد وصرخ على خليفه:خلييييفه زايد قام
ركض خليفه لبدر ودخل عند زايد الي كان يون ويطلب ماي اينشف به ريجه
خليفه:ببشر نووور
اتصللها وبشرها واستانست وايد
في اليوم الثاني صارت تعقيدات على موضوع السفر وانهم مايقدرون يسفرونه من الخوف عليه
عن لا يسببون له اي حركه اتضره قالهم بدر انه طلب طياره خاصه له وبعد تعذر الهم الدكتور كانت نفسيةخليفه زفت يوم رجع البيت وتوه راقي السلم
نوره:خليييفه
التفت الها:شوووه
قربت نوره امنه وهيه متردده:ممكن اتكلم معاك اشويه
خليفه:شوووه شي صاير لليهال؟
نوره:لا بس انا اريييد ا نزلت راسها تحت ورجعت رفعته
نوره:ماعرف شو اقولك ؟بس لازم تدري انا تعبانه
نزل خليفه السلمتين الي كان راقينهن وقف مجابلنها
خليفه:شبلاج ...شو تانسييين؟
نوره بعد صمت ودموعها تنزل:والله ما اعرف شو اقولك انا بروحيه تفاجئت
خليفه:ارمسي شو صاير؟
نوره:خليفه انا حامل
خليفه والصدمات ماوقفت عليه الفتره هذي تم فاتح عيونه كانه ماسمع شو قالت:شو قلتي؟
نوره:البارحه رحت للدكتوره وقالتليه انيه حامل
خليفه:حامل!!!
تم واقف يردد الكلمه في راسه ايريد يستوعبها زييين
على طووول اتخيل ردة فعل اميره وشكلها منهاره وهيه تقوله يا خاين
خليفه:نوووره انتي متاكده من هالكلام
هزت راسها بنعم خلاص اهيه تعبانه يكفيها هجره الها وقلبها الي متولع به زاد عليها موضوع الحمل هذا
خليفه:ماباه انتي لازم تنزلينه
انصدمت ورفعت راسها اطالعه:شو قلت؟انزله ...خليفه انته شو قاعد اتقوووول
خليفه وركبه عفريت من عفاريت زايد لقطه من المستشفي وهو مايدري هههه
خليفه:اقول الي سمعتيه
نوره:لا يا خليفه ليش اتقول جذيه هذا حرام
خليفه:هذا ماكان اتفاقنا من البدايه
نوره:وانا شو ذنبيه انته الي جبرتنيه
صرخ خليفه:انا ما جبرتج...انتي سحرتينيه خليتينيه امشي وراج وانا مش حاس بنفسيه
نوره وهيه تهز راسها مش مصدقه الي تسمعه
خليفه:انا ماتزوجتج ويبتج اهنيه الاعشان عيال اختج وعشان اسوي فيج خير والمج
نوره:وانا يا خليفه ماكانت نيتيه غير جذيه
خليفه:جذابه انتي جذابه انتي استقليتينيه مافي وحده في الدنيا بتضحي التضحيه الي تسوينها وتوافق على انها تخدم عيال اختها وتم متزوجه في الظل
خدعتينيه بقناعج الوهمي اخفيتي عيوبج واظهرتي اليه حسناتج ولا بتقولين اليه ليش لابسه النقاب واحنا متزوجين
نوره:انا انا مافيه عيييوب اخفيها انا سويت جذيه عشانك حددت اليه علاقتيه بك وانا والله مالبست النقاب الاعشان امنع الي صار بس صار الي صار وانته مارضيت عقب اعقه
خليفه:جذب هذا كله جذب....وخداع على منووووه تبين تضحكين قالته اليه اميره من البدايه قالت انج بتفرين اليه راسيه
وبتستدرجيييينيه لين اتحصلين مبتغاج ولا كل الي قلتيه مايدخل العقل
شفتينيه صيده سهله اتساهلت معاج وقلتي خلينيه العب عليه مدام انيه بعيش معاه في بيت واحد وقريب امنه خلينيه اخبل فيييه وانسيه انه خاطب عمري ما شفت انا حد
ايفضل راحة غيره على راحته الام الي اهيه ام ماسوت الي تسوينه انتي باليهال وغير هذا ذبحتينيه بصوتج وعرفتي تستخدمين احسن شي فيييج عشان تجذبينيه لج بدون ماتعبين نفسج وتخلينيه اعرف انا مع منوووو اتعامل....تميتي لابسه هالنقاب
الي ولا مره قدرت احصلج بدونه متمسكه فيه كانج تدرييين انج ان عقيتيه اختربت كل مخططاتج
نوره ودموعها مغرقه نقابها "ابشرو يا جماعه الصمغ قرب يفج":لا يا خليفه والله ماكان قصدي هذا...انا مالبسته الاعلشانك
خليفه:جذابه
قرب منها خليفه وسحب نقابها بقو ومعاه انسحبت الشيله الي غطت ويهها وشعرها معاه وكانت سحبته قويه خلتها تفقد توازنها واطيح بالقو على الارض
مسك خليفه النقاب وفره بعييييد
خليفه ونظره عليها وهيه طايحه على الارض:خلاص هذا انا ماريييد اشوووفه...خلينيه اعرف اتعامل مع منووووه وحملج هذا لازم اتسقطينه تفهمييين كلاميه اهو الي يمشي
تبين اهلا وسهلا ماتبين انا بطلقج وبحطج في شقه وبحط معاج خدامات اطالعج لاكن هذا البيبي لازم ينزل
كانت نوره ترتجف على الارض وهيه حاطه يدها على بطنها الي بدا يعورها من الطيحه
نوره:خلاص يا خليفه خلاص ايكفي انا ما اقدر استحمل اكثر من جذيه بس ارجووووك لا تبعدنيه عن اليهال
مستعده ابتعد عنك ولا اتعرض لطريقك بس لاتبعدنيه عنهم الله يخلييييك والبيبي اذا ماتباه حتى انا بعد ما اباه بس لا تبعدنيه عنهم
خليفه بنظرة احتقار ايطالعه:هييييه ابدي ابدي اسلحتج الثانيه خلاص شفتي ان الحق ظهر صيييحي واترجييينيه
كله في سبيل انج اتمين مع اليهال
التفت عنها وطلع لفوق وهو ينتفض من الغيظ والقهر شوووو هذا الي يصيييرله لييييش ماسمع كلام اميره من البدايه يوم نبهته
الحييين صار الي ما يحمد عقباه
تم تحت الماي يحاول يهدي نفسه وعقبها طلع ومن التعب عق عمره وراح في سابع نوووومه من امس مارقد وهو منهد حييييله
ساعتين رقدهن وساعه احلامه ازعجته وهو ايشوف اميره منهاره وتقوله يا خاين وصورة الحرمه الي محروق ويهها كل شوي هجمت عليه وهيه تضحك
قام وبدل ثيابه ونزل بعد ماياه اتصال من بدر انه ايييه المستشفي لاكنه يوم نزل اتفاجئ بالخدامه الي قاعده اتنضف الدم الي مغرق الدنيا
نزل بسرعه:شوووووهذا؟؟؟؟
الخدامه:سيييير مدام تعبانه زياده في دم هو ومينا ايروح هوسبتل
قعد خليفه في نصف السلم مش قادر يوقف وعيونه اتشووووف كل هالدم:انا شوووو سويييت؟؟
هزت الخدامه راسها وهيه تنظف:شوووف هذا بيبي هو روووح مسكيييين ماماه زياده تعبان
وجن هالخدامه ضربته بسجين في صدره هالبيبي ولده اهوه ضناه
خليفه وبعده قاعد ايلوم نفسه:انا عقيتبه ؟؟؟!!!!انا اول ضنا اليه اسويبه جذيييه؟؟؟!!!
وقف بسرعه:لاحول ولا قوة الا بالله
ومشى بخطوات سريعه ايريد يطلع
خليفه:ويييين راحو اي مستشفي
اتصل خليفه على الدريول الي قاله انه وداها مستشفي الكورنيش وعلى طووول راحلها اهناك
لاكن الصدمه كانت عند باب الغرفه الي قالوله ان نوره فيها
خليفه:امييييره؟؟؟؟
اميره وعيونها متنفخه من الصياح:انا يا خليفه تضحك عليه انا اتخوننيه معاها وتقوليه اباج
خليفه اسود ويهه ومسكها ودخلها الغرفه وتم معاها واقف في الممر الي تابع للغرفه
خليفه:اميييره اسمعييينيه غلطه والله غلطه ونادم عليها
اميره:نسيتنيه يا خليفه انا ماقلت لك؟؟؟ما قلتلك انها بتاخذك منيه؟؟؟نسيت كم سنه واحنا مخطوبين لبعض
خليفه وهو يحاول يتقرب منها ويهديها وهيه كاسرهخاطره:اميره اسمعينيه خلينيه افهمج السلفه
اميره بصراخ:مارييييد اسمع شي انته جذاب انته خنتنيه انا ما احبك جذاب
خليفه مسكها من اكتافها:امييييره الله يخلييييج سامحينيه والله قصبا عنيه ...انتي قلتيها من البدايه انه بتستدرجنيه الها والله يا اميره انيه ماحسييييت بنفسيه
نوره كانت في الغرفه وقاعده في نصف السرير حطت يدها على ثمها تمنع شهقتها حالتها حاله توها قايمه من بعد الغسيل وتفاجئت باميره الي دخلت عليها مثل الارضيه وتمت اتسبها وتلعن خيرها طبعا اميره بعد ماطلعت انوره مع الخدامه المستشفي
دخلت البيت رايحه زياره وتفاجئت بالدم جدام عينها ولحقت نوره المستشفي عشان تتاكد
خليفه:ارجوووووج يا اميره انا مستعد اسوي الي تبينه تبينيه اطلقها بطلقها الي تبينه انا حاضر له
اميره:كيف تبانه اسامحك على خيانتك
تم خليفه يترجاها لين خلاص فقد السيطره على نفسه وقام ايصارخ:خلاص يا اميره ارحمونيه عاده انا من منووووه بحصلها منج ولامنها ولا من زايد الي طايح في المستشفي ذبحتوووونيه
ماتبين ترضييين كييييفج هذا كله منج انتي الي حديتينيه عليها من كم سنه وانا اترجا واترجا وابدا مافي فايده اتلومينيه الحين عقب ماضحكت عليه هذي وعيشتنيه في حياه مستقره...يعني شو تبونيه اسوي
وقفت اميره بسرعه واندفعت ناحيته وحوطته بايديها
اميره:خلييييفه انا اريييدك اريدك وخايفه تتركنيه عشانها ...ارجوووك خليفه انا مستعده نملج اليوم وايي اعيش عندك بدون عرس واي خرابيط بس لاتتركنيه عشانها
اميره مانسه اللقعه عقب ما شافت نوره وماتوقعت ان خليفه بيترجاها ترضى عليه واول ما جلب عليها وبدا يلومها
قامت عشان تربح اخر ورقه الها مع خليفه
تمت اتصيييح في حضنه
اميره:طلعنيه برا عنها طلعنيه برا ماريد اشووووفها اذا كنت اتحبنيه طلقها
لف خليفه ايديه حولين اميره وطلع معاها برا راجعبها لبيتها وهو يوعدها انه يلاقي حل للمشكله الي هم فيها
اميره:طلقها يا خليفه طلقها
خليفه:واليهال يا اميره
اميره:انا بسدهم انا مستعده ايي اليوم واعيش عندكم اذا ملجنا وبسدهم
خليفه:ما اقدر يا اميره الحين انا بسافر مع زايد عقب كم يوووم وما اقدر اخليج مع اليهال بروحكم خليها عندهم لين ارجع وعقب بنحل الموضووووع
نزلها وهو رايح للمستشفي لزايد اتصلت عليه الخدامه الي عند نوره
خليفه:ايوووا مينا علووومج
مينا:باباه ماما نوره زياده تعبان
غمض عيونه وهو يتخيل ان كل هذا تمثيل
خليفه:انزييين شو تبينيه اسوي تراكم في المستشفي


Sent from my iPhone using منتدى عبير

رد: روايه نــــــــــــــــــــــــــــــــــــــور

الخدامه:زييين باباه بس هدا دكتوره يقول لازم جيييب جواز مال هو مشان سوي ترتيبات مال هو عشان نوووم
خليفه:ماعليه ماعليه بيييبه
وعلى طووول اتوجه لمستشفي الكورنيش
كانت نوره قاعده وشكل عيونها وقف منها الدمع وشعرها مهدووود وويهها صافي من اي شي بياض رباني وجمال يسحر كل عين اتشوفه
كل شي فيها يسحر ويبهر نعوووومه ماكنها انوجدت الا الها الخشم والعين ياويييلك ياخليفه كانت حانتنك وماتباك تتوهق معاها عشانك خاطب
ماعندها شك انك بتنبهر ابها من اول يوووم يعني غلطت يوم حاولت تمنع شي صار غصبا عنها عقب
تنهدت نووره وهيه اكثر شي خايفه من موضووووع طلاقها وابتعادها عن اليهال اليوم نوره بتفتح النت وبتقرا كل قوانييين الرابطه عشان اتادب لحمير الي كانو ايصارخون قبل اشوي عند بابها اميييره كرهتها ومانست كم مره كانت تتصل الها وتتحلفلها
ماتتعرض لطريق خليفه والي سوته اليوووم يكفي عن كل شي كلام مثل السم جرعتها اياه
دخل خليفه الي كان شكله على عيله وهو يهز الجواز في يده ويظرببه في الهوا وطاحت عينه عليها وهو واقف في نصف الغرفه



"نور"
الجزء الثامن عشر
اول ما دخل خليفه الي كان شكله داخل على عيله وهو يحرك الجواز في يده بقو وقف متنح بالي قاعده جدامه اول شي فكر انه مغلط
واول مافكر يلتفت يطلع طاح نظره على الخدامه الي قاعده عدال السرير على الكرسي وهيه تتحرك واقفه فتح عيونه اكثر وثبتهن على نوره الي انبهر ابها ومش مصدق بعيونه الي يشوفه تم واقف بس عيونه اهيه الي تتعمق اكثر واكثر في هالمخلوقه الي جدامه وكانها مخلوقه يايه من عالم ثاني حتى يده الي
ماسكه الجواز جمدت من هول ماشاف
رفعت نوره عيونها وحطتها في عيونه كانها اتقول طالعنيه يا خليفه وقلليه وينها عيوبيه الي اخفيتها
وضحكت عليك عقب...طلعلي عيييب واحد يكون لك عذر على كل الي قلته واتهمتنيه فيه ....ماقدرت تستحمل نظرته المنصدمه ونزلت نظرها تحت تحاول قد ماتقدر تمنع دموعها عن لا تنزل مافيها ايقول بعد دموع تمثيل ان كنت ما اعرف للتمثيل قبل اليوم انا بمثل جدامك
على انيه انسانه قويه ماهمنيه كل الي صار
خليفه بعده واقف ايحاول يستوعب اكثر ...هل هذي هيه فعلا نوووره؟؟......نوره الي كانت عايشه معايه؟؟؟خالة لعيال اهيه هذي؟؟؟
معقووووووووله؟؟؟؟بس هذي مافيها حرق ....ومش قبيحه .....ولا وحده عمرها كبيييير....هل هيه صدق نووووره
انا معقوووووله كنت طول الفتره الي فاتت كنت مع هالانسانه؟؟؟؟
وبصعووووبه قدر يكسر نظرة عينه لتحت ويرجع ايطالعها وهو يتذكر كل التهم الي اتهمها ابها والهجوم الي شنه عليها الصبح
كانت كلها شكوووووك اوهام اهيه ماضحكت عليه ولا حاولت اتجرجره وراها ومليووووون بالميه ماسحرته اهو الي انسحر بروحه..............اتذكر
كلامها بانها لبست النقاب عشان تمنع شي صار غصبا عنها وبلفعل اهيه حاولت وماقصرت بس اهوه الي كانت مشاعره ميننتنه كل شي فيها يننه عيل وييييين لو شافها من اول يوم اكييييد انه بتضيييع علومه كلها
حقيييييييير اقسم بالله انيه حقييييير....معقووووله انا الي سويييته والي قلته الها...رفع نظره الها مره ثانيه
هذي كم عمرها؟؟ حتى الجواز ما فكرت مره افتحه واشوف شو فيه
وعلى طول فتح الجواز الي بين ايديه عشان ينصدم بصورتها وعمرها
عشرين سنه يانووووره عمرج؟؟؟عشرييين سنه وانا اتوهم ان عمرج فووووق على تصرفاتج واسلوووبج ومعاملتج لليهال عشرييييين سنه
شوووو هذا الي يصييييير انا ويييين عقليه من زمان
دخلت الدكتوره واتوجهت لنوره الي بدا ويهها يحمر وهيه تشوف انفعالات ويه خليفه المنصدم منها وتجليبه للجواز في يده خليفه حس انه ما يقدر يتكلم ولا ينبس باي كلمه
والي ذبحه اكثر يوم قالت الدكتوره الها معاوضه وانها بعدها صغيره والله بيعوضها وانها لوكانت منتبه لنفسها جان ماخسرت البيبي ومات يوم قالت نوره
نوره:لاتذبحينيه يادكتوره اكثر خلاص راح
وانفجرت اتصييييح
خليفه حس انه مايقدر يسحب نفسه وهو يتذكر سحبه للنقاب الصبح بكل عنف وهو يستحقرها حاول يسحب نفسه لاكنه ما قدر التفت عنهن وطلع
""خارج نطاق التغطيه وهو طالع اصطدم بممرضه حلوووووووووه وعشان ياخذ نفس حبسها واهيه يايه في طريقه
بينه وبين الجدار عشان يسحب النفس اهيه عاده ولعت من المستحى وهيه قريبه من حضنه وريحة عطره تارسه راسها""
الممرضه:سلامات ياباشه
طالعها خليفه الي كان وايد قريب منها ورفع ايديه عن الجدار عشان المسكينه تقدر تتحرر بعد ما شاف ويهها المحمر
الدكتوره من داخل:يا ممرضه روريينا انتي فييين
الممرضه رورينا:انا هوون يا دكتووره جايه جايه
ههههههههه هذا المقطع خاص لحبيبتنا رورينا اهيه طالبه لقطه خاصه الها مع خليفه ان شالله انبسطتي يارورينا
ركب خليفه سيارته وابدا مش عارف وين الوجهه لين ما وقف السياره عند الكاسر ونزل...وكان الله في عووونه

.................................................. ...........
دخل فهد للمطبخ الخارجي وحصل اليازي اهناك
فهد:انتي شو تسوييين اهنيه
اليازي بدون نفس:عمتيه مطرشتنيه اييب ملاس كبير
فهد:وماشي خدامات في البيت؟
اليازي بعد ما سحبت نفس:مشغوووولات
قرب فهد منها وعيونه على قذلتها الي كانت طالعه




Sent from my iPhone using منتدى عبير

رد: روايه نــــــــــــــــــــــــــــــــــــــور

فهد:وهاذي مره دووووم طالعه عند الي يسوا والي مايسوا
اليازي:عادي
فهد بغيض:منو قال انه عادي انتي ماتعرفين شي اسمه حرام
اليازي:يووووووه انا عاده مش متعوده كييييفيه
فهد:لا مش على كيفج...سيري صيعي بعد برا وقولي على كيفيه
اليازي:اسمع عاده انا ادريبك انته تبا اتواقع وبس
واول مالتفتت مسكها ولفها صوبه
فهد:احترمي نفسج واسمعينيه لين اخلص كلاميه تفهمييين
اليازي:وان ما فهمت شو بتسوي؟
رفع يده وقبل لا يضربها وقفت يده
فهد:انقلعي عن ويههيه انقلعي
تمت اليازي عيونها على يده المرفوعه والتفتت عنه وركضت داخل
فهد:الصبر يارب...انا الحين ما ابصم بانفصال شخصيتها الا ابصم انها متمرده ويبالها تادييب من اول ويدييد
.................................................. .......

على المسا وعقب ما ضاقت الدنيا على خليفه راح المستشفي عند زايد وعرف من بدر ان السفر اتقرر عقب اربعة ايام
طلب من نور اتروح معاه البيت تقعد عند اليهال لين ماتطلع نوره
فهمت نور من تلطيشات كلامه الي صار لنوره وتذكرت ان نوره قالتلها ان علاقتهم على ورق بس ما حبت تتكلم مع خليفه وتستفسر اكثر
في البيت كان خليفه قاعد على الكراسي الي تحت وسرحان وعيونه على نهاية السلم يتكرر له الي صار كل شوي ذابحنه الندم لانه ظلمها
نزلت نور من فوق ومشت رايحه صوبه حزنها شكله وقعدت عداله
نور:عماه ارى انك متعب كثيرا
التفت الها وشكل عيونه اتريد تنزل الدمع لاكن ماشي دموع
خليفه:تعبان يانور والله انيه تعبان
حطت نور مخده صغيره على ريلها واشارت له يرقد عليها وماصدق خبر حط راسه وهو يسحب نفسه بصعوبه
تمت نور تمسح على راسه وهيه تقرا بعض الايات في سرها لين ماغمض خليفه ورقد...فكرت انه حزين على البيبي...ماتدري انه حزين لانه هو سبب فقدان البيبي
سحبت نور ريلها من تحت المخده وبندت الليتات ويابت لحاف لحفته وراحت فوق عند اليهال
من غبشه كان خليفه في المستشفي عند نوره دخل بشوييييش وسحب واحد من الكراسي وحطه مجابلنها وهيه راقده وكانت الابجوره شغاله من قبل
رفعت الخدامه راسها وقاللها اوصصص ردي ارقدي
التفت لنوره ملاك راقد شفت يالثووور هالملاك كانت راقده في حضنك في يوم وانته ماتدري
كل هالبراءه كانت ملكيه وانا مضيع مش عارف شو فيه كانت تروينيه وانا احس بالعطش اكثر واكثر وصدق الشاعر يوم قال تاخذيني للبحر وترديني عطشان
والحين شو بتسوي يا خليفه بتطلب منها اتسامحك عيييييب والله عيب عليك ترفع نظرك فيها اصلا
ومن الهم الي كابت على صدره رفع راسه للسقف وغفت عينه واول مافتحت نوره عيونها اتفاجئت به واعتدلت بسرعه
نزلت من السرير وراحت للحمام وتعمدت انها تصفق بالباب قو انتبه لحضتها خليفه وقام وقف وتم يتلفت في الغرفه وعقب طلع من الغرفه
استانست نوره يوم ردت البيت على الضحى ان نور جدامها
نور:حمدالله على سلامتك
نوره:نوووور فديييتج انتي كنتي عند اليهال والله كنت احاتيهم وبدت دموع نوره تنزل
اقتربت منها نور وحضنتها
نور:طهورا ان شالله والله سوف يعوض عليكم
مسحت نوره دموعها
نور:هيا اعطني يدك ارا انك متعبه كثيرا
نوره:لا الحمدلله اليوم انا احسن
نور:الحمد لله
نوره:فيها خيره ان شالله فطامي بعده صغيره وماباها اتغار من البيبي
نور:ارى ان الامور قد تحسنت بينك وبين عماه
ابتسمت نوره ونزلت راسها تحت يعني شو بتقول؟؟
نور:هل تريديني ان اساعدك على الصعود الى اعلى؟؟
نوره:لا لا انا بخلي الخادمه تنزل لي اغراضي تحت سوف ابقى في قسم الضيوف ذالك خيرا لي
نور:وعماه؟
نوره بتوتر:عاد هو كيفه
نور:لا اعتقد بان عمي سوف يتركك وحيده بالاسفل
سحبت نوره نفس مرتعش والتفتت للخدامه:ويييين فطامي تولهت عليها سيري هاتيها واول مايابتها حضنتها نوره ورجعت اتصيييح
نور:لما البكا ياعزيزتي؟
نوره:كنت شاله همهن والله ماتدرين شكثره البارحه تعبت وانا افكر فيهم....اه نور المسؤليه وايد كاسره ظهريه وووايد انا افكر فيهم
خص البنات هذيلا همهن غيييير اخاف يتعرضن لاعتدا ولاشي ايضرهن
نور وهيه تقرب وتقعد عدال نوره الي تمت اتصيييح:اووووه نوره ذلك الشيطان يصور لكي امورا مشينه
نوره:يانور الدنيا الحين مش مثل اول كل شي تغير والواحد لازم ايخاف غصبا عنه
نور:لاتخشي شيا انتي تعيشين معهم في منزل منعزل وهم تحت انظارك الخوف على الابنا الذين يعيشون في تلك البيوت المتقاربه والتي يكون الابنا فيها في الداخل والخارج لا احد يعلم عنهم شيا حفضهم الله جميعا
نوره:اميين بس بعد اتم احاتيهن...لو يصير واروح عنهم مثل البارحه كيف برتاح
نور:عماه هنا وسوف يراهم لقد مرعلي وطلب مني الحضور لرعايتهم هو ايضا يخشى عليهم
نوره:ادري انه مش مقصر بس بعد ايتم قلبيه حارقنيه عليهم
نور:اين انت من رعاية الله؟
نوره:والنعم بالله بس الله ماقال همل وافتقد
نور:اطلبي العون عزيزتي دائما من الله اسمعي سوف اقول لك دعا وهو من الادعيه التي اقولها دائما في اذكاري الصباحيه والمسائيه وهذا الدعا
عظيم جدا يحفض لك كل ماتملكين من مال ونفس وابناء ...ردديه كل يوم واجعلي ثقتك في الله الى جانب عنايتك بهم...اتفقنا
نوره:يالييييت وينه هاتيييه والله لا اداوم عليه ليل ونهار ماشي اعظم من رعاية الله وانا محتاجتنها حييييييل محتاجتنها
نور:حسنا سوف اذهب واحضر قلم وورقه لاكتبه لك
قامت نور ويابت القلم والورقه وتمت تكتب الدعا عدال نوره
نور:ها هو انتهيت من كتابته سوف اقراءه لك...وهو دعا انس بن مالك قال ان رسول الله قد علمه اياها يدعو بها كل صباح ومساء
)بسم الله على نفسي وديني,بسم الله على اهلي ومالي وولدي،بسم الله على كل ما اعطاني ربي،الله،الله،الله ربي لا اشرك به شيئا،الله اكبر،الله اكبر،الله اكبر واعز واجل مما اخاف واحذر
اللهم اني اعوذ بك من شر نفسي ومن كل شيطان مريد ومن شر كل جبار عنيد،
فان تولو فقل حسبي الله لا اله الا هو عليه توكلت وهو رب العرش العظيم،عز جارك وجل ثناؤك ولا اله غيرك.امنت بالله العلي العظيم وحده وكفرت بالجبت والطاغوت واعتصمت بالعروة الوثقى لا انفصام لها والله سميع عليم،حسبي الله وكفى ،سمع الله من دعا، ليس وراء الله مرمى(
ثلاث مرات صباحا ومساء
نوره:مشكوره فديتج وجزاج الله كل خيير

.................................................. ......
كلم خليفه الدريول وقاله انه كان راجع بنوره والخدامه البيت
خليفه:رجعت ليش ما سوليه تيلفون؟؟
سكر عنه واتوجه على طووول للبيت مايعرف شو فيه لاكن اتصال اميره فاجئه ورجعه للواقع
اميره بدلع زايد:وييينك حبيبي؟
بلع غصه يته غصبا عنه:موجووود راجع من عند زايد
اميره:ووين رايح؟
خليفه:البيت
اميره:واخبارها مسودة الويه؟
غمض عيونه يحاول يكبت غيضه
اميره:خليييفه؟
خليفه:معاج
اميره:شبلاك؟
خليفه:اميره ليش قلتيليه من قبل ان نوره محروق ويهها؟
ارتبكت اميره:ا ا انا قلت ؟!!!
فتح عيونه خليفه وتداركت اهيه الوضع
اميره:انا انا سالتها انيه اريد اشوف ويهها وقالت ما اقدر قلتلها ليييش قالت عنديه اسبابيه الخاصه عاده انا قلت يمكن ويهها محروق وسالتها وقالت هييه هيه جذبت عليه
انا شو خصنيه...حليليه حطت في بطني بطيخه صيفي على قولت اخوانا المصريين وياغافل لك الله
استوت علوووم وانا مادري...وانته ياي عقب ما لعبت لعوبك معاها ليش قلتلك محروقه الله يسامحك اهي اهي
هز راسه خليفه:اميييييره انا ما اواقعج الحين انا بس استفسر
اميره:وليييش تتحسبني بتبلا عليها اصلا من حقيه ادافع عنك باي طريقه..لاكن انا مسكييينه ذنبيه الوحيد انيه احبك وعشانك مسامحتنك على الي سويته
خليفه:خلاص انزين يا اميره خلينا انسكر هالموضووووع
اميره:مابتمر علينا؟
خليفه:لا ما اقدر ورايه سفر واريد اجهز له
اميره:انزين اشويه حبيبي بطعمك الكيكه الي مسويتنها
خليفه:اميييره
اميره:خلوووفي حرام والله عشانك مسويتنها وانته تدري مداني ادخل المطبخ
خليفه:انزين انزين بمر
اميره:يووووه فديت قلبك
من متى يا اميره تتفدينيه ولا تهتمين فيه لاكن شونسوي حريييم
عاده اميره كانت مدخنه المكان ومرتبه كل شي وميك اب فووووول الموووووت ذبحتها نوووره يوم شافتها
موزه مستغربه من اهتمام اميره الزايد باستقبال خليفه
موزه:اميييره انتو بعدكم ما ملجتو عيل وين لو تملجون بتدخنين الغرفه اظنيه
اميره بعصبيه:انقلعي عن ويهيه انتي..انا مش ناقصه الا لسانج هذابروحيه لايعه جبديه من كل الي اسويه
موزه:محد غصبج والله اقلعي الريال في حاله
اميره:لا عشان تاخذه جاهز مجهز فارقت ويهها الخايس
ضحكت موزه:هههههه عقب المدح الي قلتيه البارحه لاميه وانتي مقهوووره ما اظن حليييلك يا خليفه عندك القمر
والعن خيرك يوم استانست به شويه...الله يعينك على الي بيييك والله راحمتنه هالريال وانا اقول ان
الله عوضه
اميره:يعلج المرض قوووولي اميييين انقلعي انقلعي اشووووف
موزه:انزين ياماما خفي من هالمكياج تراج اتفلخين مصدقه عمرج انتي مع ويه هالارجووووز
مسكت حينها اميره الجره الصغيره وحذفت ابها موزه الي شردت وهيه تضحك وتمت اميره تصارخ وتصارخ ويتها امها تركض
ام اميره:بسم الله عليج يابنيتيه شبلاج؟
اميره:الكلبه الحقيييره موييييز اتقول انها احلى منيه وان خليفه خلاص مايريدنيه
لوت ام اميره عليها وتمت اتهديها وزاد صياح اميره وهيه تسمع صوت خليفه ورا امها يسال شو صاير؟
محد رد عليه وتمت اميره اتصيييح واتصيييح التفتت ام اميره
ام اميره:هذا حالها يا ولديه طول اليوم اتقول انك خلاص ماتباها
خليفه:لاحول ولا قوة الا بالله امييييره انا قلت جذيه؟
اميره:انته غاصب نفسك عليه انا ادري
خليفه:حرام عليج عاده لو كنت ما اباج جان قلت من زمان ما اباج
اميره:اوعدنيه انك اول ماترجع من السفر نملج على طوووول ولا ليش عقب السفر اليووووم خليفه الله يخليك ان كنت اتحبنيه خلنا اليووووم نملج
رفع خليفه نظره لخالته وشاف دموعها
خليفه:خالتيه انتو ليش مهولين بالموضوووع شو تغير انا قلتلج يا اميره ان الي صار مابيتكرر
اميره:ما اقدر اصدقك كنت جذيه اتقول
خليفه وهو يوقف:خلاص انزين لج الي تبينه بييب المليج الليله وبخليه يملج
وقفت اميره وضحكت:صدق خليفه اميه سمعتي شو قال قال بنملج اتصلي على ابويه وقوليله
راحت عقب اميره وضبطت مكياجها وتم خليفه مع خالته وارتاح يوم شافها مستانسه مخه ظارب خلاص ايحس انه يظلم كل من حوله
بعد ما رجع خليفه للبيت شاف الخدامه اتنزل الاغراض من فوووق
خليفه:حق منوووه هذا؟
الخدامه:ماما نوره يقول يريد يجلس تحت...اولاد بعد كلش ايريد ينزل
خليفه:نووور موجوده؟
الخدامه:موجووود
طلعت نور من قسم الضيوف الي تحت:عماه لقد اتيييت هيا اقترب سوف نريك مقرك الجديييد


Sent from my iPhone using منتدى عبير

رد: روايه نــــــــــــــــــــــــــــــــــــــور

خليفه منصدم:شوووه؟؟
نوروهيه توقف وراه ادزه ناحية قسم الضيوف:هيا زوجتك لا تستطيع ان تصعد الى الاعلى
وقد قررت ان تنتقل الى تحت والشعب كله يريد ذالك ولا بد انك تريد ذالك ايضا
خليفه:لحضه انزين صبري
نور وادزه اكثر:هيا هيا
ياذي لوهقه
دفعته لين الغرفه وتفاجئت نوره به داخل ونور وراه ادزه
نور:ها هو العريس قد احضرناه عماه يقول ايضا هو لايستطيع ان يبقى في الاعلى لوحده
تلاقت نظرات نوره بنظرات خليفه وتداركت الموقف اهيه بابتسامه عاده تعالو دورو قلب خليفه الي غاب لثواني ورجع ايدق بقو وش هالابتسامه الي تذبح وتصرع انتو تدرووون انه ايموووت من مسكه اليد والخصر ويييين عاده الحييين مع هالابتسامه
نوره وبعدها ابتسامتها على شفايفها:حياك واشارت بيدها ايي قريب منها
دزته نورالي درت بسالفتهم كلها وسوت عمرها مش فاهمه شي
ارتبك خليفه وهو يحس انه رايح لوحده اول مره ايشوفها وماقد تعامل معاها
نوره بصوتها العذاب على قولته:حياك حبيبي
جانه غاب امساعه الحين وقف
قعد على طرف السرير وعيونه مش قادر يرفعهن عليها من كل هالقرب
نوره وهيه تمد يدها لخده:خليفه شبلاك شكلك تعبان فطرت اليوووم
التفت الها وعيونه تحاول تستوعبها وتقولها حرام عليج يانوره ليش اتسويبيه جذيه.؟؟؟...ليش اسويلك جذيه
ما انته ياما عذبتنيه بلمساتك ونظراتك لين خليتنيه اجرجرك على قولتك
نور التفتت للجهه الثانيه مبتسمه وما حبت تطلع عشان المسرحيه ماتنتهي
نوره وبعدها يدها على خده:اخلي مينا تيبلك فطور؟
خليفه:لا لا الغدا قريب
التفتت الهم نور:سوف اذهب واحضر لك سندويج سوف يعجبك عماه
طلعت نور وبسرعه نوره نزلت يدها والتفتت عنه
نوره بارتباك:نووور ماتدري بشي وانا مافيه افهمها السالفه اذا تريد اتقوللها كيفك
تم ساكت بعده ايحاول يستوعبها
ودخلت نور وهيه شاله الصنيه التفتت الها نوره ورفعت ايديها تاخذ الصنيه عشان اتحطها على ريولها
نوره:مشكوره يانور تعبناج معانا
نور:لا عليك انا في خدمة عمي هيا عماه كل لك شطيره انها لذيذه
مسكت نوره واحد من السندويجات وهيه مبتسمه ورفعتها له
نوره:ياله سم باله
اهو الكلام لين الحين ماقدر يتكلمه وييين يبنه ياكل..مسك السندويج وتم ماسكنه ونظره تحت
نور حست بالتوتر الي بينهم وقالت احسن شي اطلع وانا مش فاهمه السالفه اصلا
نور:سوف اذهب لرؤية الاطفال اذا قدمو
وطلعت وعلى طول نوره انسحبت من السرير اتريد اتروح الحمام ونظرات خليفه تتبعها لاكنها يوم وقفت وخطت كم خطوه حس خليفه انها بتفقد توازنها وبسرعه اتداركها ومسكها قبل لا اطيح التفتت له بسرعه مواجهتنه وابعدت ايديه عنها بعصبيه
نوره:لو تسمح لا تلمسنيه مره ثانيه...ولو اطيح وينكسر راسيه ماعليك منيه
مثل الكف كلامها كان على ويهه تم ايطالعها والتفتت عنه وهيه تتساند على الجدار ودخلت داخل
ما ستحمل ايتم معاها في مكان واحد وطلع ولقى نور في الصاله
نور:ماذا هناك عماه
خليفه:هاه ماشي خليج انتي عند نوره يمكن تحتاجج انا احس انيه تعبان بروح ارقد فوق شويه
وطلع بدون ما ينتظر منها جواب والله شكله تعبان ويكسر الخاطر
نور العصر رجعت لبيت عمها وانصدمت وهيه داخله بصريخ فهد على اليازي الي ماتابت وكانت برا قبل اشوي بحجابها المهمل كانت مي وروضه بعد موجودات
تمت نور اطالعهم واتوجهت لقسم يدتها عشان اطالعا
التفت فهد لليازي:هاه طالعي الغريبه جيف حجابها حشيييم ومتستره حتى ويهها ماقد طلعته
اليازي:والله هذن خواتك بويوههن ليش ماتواقعهن
فهد:لا انتي الكلام معاج ضايع
خلاها وحصل نور في طريقه ولاحضت انه معصب
نور مخاطبه البنات:ماذا هناك لماكل هذا الصريخ
اليازي وهيه مقهوره:كل شي انا اسويه غلط وحرام وغيريه ايسوي الي يسويه محد ايقوله حرام
نور:ايتها اليازي ماذا هناك ماهو الحرام الذي تقومين به؟
اليازي:حاشرينيه مع حجابيه ...انا من النوع الي ما اتحجب لازم يعني غصب
نور:ولاكنه امر محرم عزيزتي
اليازي:ياسلام العالم كلها حوليه اتسوي وايد اشيا محرمه شمعنا انا داقين اليه
نور:وهل تريدين ان تهلكي نفسك كما البقيه تريد ان تهلك نفسها
اليازي:انا مش متعوده على لحجاب
نور:وما الذي يمنعك من ذالك؟؟...هل تعلمين بانه عند نزول اية الحجاب كانت النسا في الاسواق تمشي من دون حجاب وعندما علمن بنزول هذه الايه التصقن بالجدار وابين ان يتركن امكنتهن الا من بعد احضار الحجاب لهن
الله لا يامر بشي الاوهو يعلم ان ذالك الامر به منفعه للمرء وامر الله لا يعصى الحجاب امر انزله الله عليك ان تلتزمي به
سكتت اليازي وتمت اطالع تحت رجعت ورفعت راسها وقالت:خالتيه مش متحجبه وبناتها بعد
نور:هو جهل منهن وعليك ان تقدمي لهن النصيحه...الحجاب ستر للمسلمه ويبعد عنها كل الاعين الخبيثه
ان شعر المراءه تاج جمالها وهذا الجمال لايجب ان يطلع عليه الازوجها ومحارمها...عزيزتي اليازي الامر بسيط
اقتربي من الله بحجابك يقربك الله اليه ومن ترك شيا لله عوضه الله بخير منه
بدت دموع اليازي تنزل:بس اهو مايريدنيه اتحجب عشان انه حرام اهو يتحسبنيه خايسه
نور:ما هذا الذي تقولينه ومن تعنييين؟؟
كان حينها فهد واقف في الممر ايريد يسمع نور شو تقول الها
اليازي:فهد فهد يتحسبنيه خايسه من البنات الي تغازل انتي ماشفتي شو سوابيه في المدرسه والله الحيوانات مايعاملونهن نفس ما عاملنيه
تمت تنحط وتصيييح واطلع كل الي في خاطرها
اليازي:اتخيلي يا نووور مسكنيه جدام المدرسات والبنات مثل الحيوانه وتم يسحبنيه بدون عباه وكل ما تخرطفت وانا انسحب ما اهتم وتم يسحبنيه
تخيلي من البوابه الداخليه لين البوابه الخارجيه وانا ما امشي على ريوليه كان يسحبنيه وفي السياره كل شوي التفت اليه وكفنيه على ويهيه وماشفتي شو سوابيه اهنيه داسنيه بريوله حيوانه انا عنده بس لانه شك فيه وظن ظن السوووء
انا في حياتيه وقسما بالله رغم الحياه الي عايشينها في بيت خالتيه لفري عمريه ما فكرت اغلط ولا اتعرف على حد دوم البنات ايحاولن معايه لاكنيه اعرف ان هذا غلط ويجر لاشيا غلط كبيره
والله يانووور انيه في عمريه ما رفعت عينيه في ريال غريب ولا اسمح لحد ايكلمنيه ايي هذا اخرتها يسحبنيه من المدرسه كانيه مسويه بلوه
والله اكره اكره وخله ايشك من اليوووم لين باجر فيه اريده ينحرق اكثر
غمض فهد عيونه متلوم واهو يسمعها
نور وهيه تلوي عليها:غاليتي انه سوء ظن وهو من عمل الشيطان لا تدعي له مجال بان يفسد عليك حياتك
الفهد يحبك ويخشى عليك فانتي ابنة عمه
اليازي:لا هو ايخاف على سمعته ولا انا محد مفتكر فيه
نور:هيا عزيزتي استعيذي من الشيطان واتركي ما مضى يذهب واسالي الله ان يصلح الحال وان ينير لك طريقك...وهذا العناد لا يفيد بشي هل تريدين ان تبقي على هذا الحال ابد الابدين عليك ان تسعي لتصلحي الامووور واستعيني بذالك بالله
اليازي وهيه تمسح دموعها:ان شالله
التفتت عن نور وراحت فوووق
كانن روضه ومي قاعدات ومتلومات فيها
نور:ماذا هناك ايضا لما الوجوووم هذا
روضه:الله يرحمنا يانور احس اننا مره مانعرف شي
نور:انتي ايضا ياروضه لا يعجبني حجابك
روضه منصدمه:ليييش انا ما اطلع شعريه؟
نور:ولاكن حجابج قصير جدا ومعالم صدرك واكتافك بارزه
روضه:انزين انا ضعيفه
نور:تبقي ملفته للنظر انك عندما تلتفتين وتمشييين معالم جسدك كلها تكون واضحه فلو تستطيعين ان تبدلي هذا الحجاب باخر طويل يستر اكتافك وصدرك يكون من المستحسن
روضه:انا ما اطلع برا جذيه ومحد محرم عليه في البيت
نور:لقد رايتك كذا مره وابن عمي زيد جالس وانتي بهذا الحال
روضه:شدرانيه بس انا ما احب الشيله الطويله
نور:الامر عائدا لك ما عليه الا البلاغ.....واعلمي ان ابليس عند خروجك بهذا الشكل يتمثل لكل من يراك وهو يبرز جميع مفاتنك
روضه:ما عليه بحاول
نور:افعليها ولن تندمي

.................................................. ...............
العصر كان خليفه قاعد مع اليهال يوم طلعت نوره وهيه لابسه كندوره برتقاليه مورده مع شيله بنفس اللون
الخدامه كانت ماره وركضت لنوره:ماما انتي تعبانه ليش يطلع برا
نوره بابتسامه:لا ماعليه انا بخييير
التفتت نوره لفطامي الي ركضت الها وطلبت انها اتشلها
خليفه وعيونه عليها ايحس ان هذي الانسانه اول مره ايشوفها ومايعرف كيف يتعامل معاها حس انه ايريد يمنعها انها اتشل فطامي لاكن السانه بعده مربوط وقدرته على انه يسوي شي منعدمه
شلت نوره فطامي وحست بويع ونزلتها
نوره:فطامي قديتي ثقيله تعالي معايه برويج شي
كانت تتصرف ولا كانه موجووود التفتت للبنات وشافتهن ايلونن
نوره:ياسلام لونتن ورقتيه
دانوه:هنوده قالت اليه
قعدت نوره عدالهن
نوره:اه هنوده قالتلج عيل انا بلون رسمتج
دانوه:لا لا انا بلونها
نوره:انتي لونتي رسمتيه شوفي هذا اسميه مكتوب عليها ولازم انا الون رسمتج
دانوه:لا لا ما اريد
نوره:انزين بلون كثر ما لونتي في رسمتيه
تم خليفه ايطالعهن ومليوووون غصه في صدره معقوله هذي ملكه وانه بات معاها ليلتييين مش متخيل
قام وطلع ولا حد عبره ولا قاله وييين بتروح راح لاخوه ابو فهد وقاله على سالفة ملجته وراحو عشان يملجون بعد الملجه كانو يباركوله وهو يتغصب الابتسامه ويتسال ليش مش مستانس




Sent from my iPhone using منتدى عبير

رد: روايه نــــــــــــــــــــــــــــــــــــــور

..............................................
في اليوم الثاني كانت نور في المستشفي وقالها خليفه ان سفرهم بعد ثلاثة ايام
نور:عماه اريد رؤيته
خليفه:الدكتور مانع يا نور اهو الحين منتبه ومتضايق من الحال الي هو فيه ...اتخيلي انسان مايقدر يتحرك ومنسدح على ظهره ورقبته محطوط الها مال الرقبه عشان مايتحرك اي حركه اتضره
نور:ولاكنني اريد روئيته عماه انا لا استطيع رؤيته من خلف الزجاج اريد ان اقترب منه واكلمه
خليفه:ماعليه تعالي بحاول اكلم الدكتور
رفض الدكتور وفي اليوم الثاني حاولت نور مع عمها انه يقنع الدكتور ووافق اخيرا
كان سريره مرفوع وايد فوق عشان ما يقدر ينتبه لحركه اي حد ايمر عداله ويلتفت صوبه والي بيكلمه لازم يوقف عداله ويبان له راسه
وقفت نور وطلت بويهها عليه بعيونه التفت الها وتم ايطالعها بدون اي كلمه مع انه يقدر يتكلم بس بصعوبه
نور:حمدلله على سلامتك طهور ان شالله
زايد تم ايطالعها بدون ماترمش عينه
نور:زيد يجب ان نتزوج كي استطيع ان اسافر معك
غمض زايد عيونه قو ومن بين ضروسه طلع صوته وهو ينادي خليفه
زايد:خ.....خ.........ل...ييييي...فه التفت الهم خليفه وقرب بسرعه
خليفه:شووووه يا زايد
زايد:ط ط.....ط....لعها ب....برا ...ولا...ب...قووووم وب....ذبحها
##
##
##
ودمتم وديمه العطا


"نور"

الجزء التاسع عشر

نور:حمدلله على سلامتك طهور ان شالله
زايد تم ايطالعها بدون ماترمش عينه
نور:زيد يجب ان نتزوج كي استطيع ان اسافر معك
غمض زايد عيونه قو ومن بين ضروسه طلع صوته وهو ينادي خليفه
زايد:خ.....خ.........ل...ييييي...فه التفت الهم خليفه وقرب بسرعه
خليفه:شووووه يا زايد
زايد:ط ط.....ط....لعها ب....برا ...ولا...ب...قووووم وب....ذبحها
ابتسم خليفه ولف ناحية نور ومسكها من اكتافها وقادها برا
خليفه:تعالي يا نور
نور:عماه انتظر يجب عليه ان يسمعني
خليفه:يا نور بعدين اهو الحين ما يستحمل حد يكلمه
نور وهيهاطالع خليفه برا:عماه يجب ان تقنعه بان يتزوجني اريد السفر معه انا لن ادعه يذهب لوحده اريد الذهاب معه
خليفه بابتسامه:نووور انتي شو تقولين زايد مستحيييل حد يقدر يكلمه في الموضوع هذا انتي لا تشلين همه انا بروح معاه
نور:لا عماه اريد الذهاب معه لا اريد ان اتركه ...لا اريد ان ابقى وحيده كما انه في حاجتي رجوتك بالله يا عماه ان تشير عليه بامر زواجنا
بعدها خليفه ابتسامته على شفايفه:ماعليه يا نور بحاول
نور:يجب ان تقنعه عماه اسالك بالله ان تفعل ذالك
خليفه:ماعليه
تمت نور عقب في الاستراحه التابعه للمستشفي وهيه متوجهه بالدعا ان زايد ما يرفض الطلب
وبعد فتره قرب خليفه من زايد الي كانت نظراته مثيته في السقف
خليفه:اخبارك يا زايد؟
زايد: م متا ا ال السفرررر
خليفه:قريب ان شالله يومين ثلاثه انخلص المعاملات ويكون كل شي جاهز
زايد:ب بدر و ووييين
خليفه:والله بدر قاعد ايراكض بين الشركه والمستشفي وابشرك كرسيك بعده فاضي قدرنا ناخذ مهله بما انك الوحيد المستحق للكرسي مدة شهرين لين تفتك وعقب بيكملون الانتخابات
زايد رجع اطالع السقف ومارد على خليفه
خليفه:زايد
التفت له بنظراته
خليفه:سفرتنا يمكن اطول ..وانا وبدر ما بنقصر معاك بنتناوب ان شالله عليك بس بعد يا زايد انته محتاج لحد قريب منك يعتني بك
زايد:ا ال الزبببده
خليفه:نوور نوور مصره اتريد اتروح معاك ومصره انكم تملجون علشان اتم منك قريبه دوووم
زايد:انا زاي يد تبا انيه ا اخ اخذ ب بنت الباكباكستانيييييه
خليفه:لحوووه يا زايد تراها بنت عمك
زايد:ت تهابيييي مش مش فييي حايتتتتها
خليفه:فكر يا زايد فيها وبتشوف انها من مصلحتك
زايد:ا اطل اطلع برا وانقلع م مارييييد اشوووف و ويييهك
ضحك خليفه:زييين ...هد اعصابك الحين بطلع
طلع خليفه وهو يضحك ويحمد الله ان زايد بعده حي وماعليه من اسلوبه الزفت المهم انه بعده بينهم
كلم نور وقاللها انه مش راضي
نور وعيونها قريب تدمع:لن اتراجع عما اريد سوف اقنعه مهما كان
خليفه:يا نور اهو الحين تعبان خليه تراه مش متقبل وضعه
نور بعصبيه:ولاكنني اريد الذهاب معه
خليفه:انزين شو المشكله انا معاج وانا محرمج بتكونين معايه
نور:لا يا عماه يجب ان اكون منه قريبه جدا هو في حاجتي انه لا يستطيع الحركه ولا المشي
انا اقرب اليه من اي انسان اخر وهو في حاجة من يعتني به ...عماه انته تفهم ما اعني يجب ان يوافق على طلبي
خليفه:ما عليه خليه اهو يفكر في الموضوع على راحته واكيد انه بيوافق عقب
نور:ارجو ذلك
كثرت المحاولات على زايد في اليوم الثاني عشان يرضى بالزواج من نور وكل ما كلمه حد تم ايصارخ عليه ويطرده من الغرفه حتى بدر الي عجبته الفكره
تم ايكلمه وما استحى امنه في توضيح اشيا وايد بيكون زايد فيها ان تكون حرمه قريبه امنه تعتني فيه ابها
بدر:يا زايد عناية الحرمه غييير وهذي بنت عمك متبرعه بنفسها اتكون قريبه منك ...واسال مروان يوم كان مسوي الحادث محد قدر يستحمل يتم عنده غير اميه اهيه الوحيده الي ارتاح الها وكان الها بارض في اكله وشربه
وعنايته
زايد وخلاص وصلت عنده:مش فيييي حاية ححد ا انقلعوووو ك كلكم
بدر:عيل تبا اتم في عناية الاجنبيات
زايد:اطل لع برا
في خاطره ايقوووم ويكفخهم كلهم لاكنه مايقدر مربوووووط جسمه كله مايحس فيه لاكن بيبطون بنت الباكستانيه اخذها اتم على هالحال ولا اكون في حايتها
حتى الجده كان الها دور في اقناعه هدت عليه وقالتله ان ماخذت نور انا بروح معاك وانا ما اقهر السفر سكت زايد عنها وتم مغمض عيونه مايريد يغلط في حق يدته
زايد:ا اذا تتبا اتسيييير خخلوووها ات اتسييير بس ما باخذها
خليفه:اتقول بدون ملجه ماتقدر اترووح
زايد:ان انتوو ما ما ت تدرووون ل ليييش اهيه تبا نيه ا املل املج عا علا شان ت تورثن تورثنيه اذا مت
خليفه:لا يازايد شو هالكلام لبنيه نيتها صافيه
زايد:ي يدوووه هاذي نييييتها ترا
الجده:لا يا ولديه محشومه بنت عمك عن هالتفكير لبنيه ما همها غيرك
كانت نور وراهم قاعده على الكرسي وتمت منصدمه من تفكيره
غمض زايد عيونه رافض اي نقاش معاهم وعقب ما طلعو عنه وقفت نور وتمت تمشي ناحيته ودخل خليفه اشار الها تتركه في حاله لاكنها رفضت وقربت امنه
فتح زايد عيونه وتم ايطالعها
نور:هل تعلم يا بن عمي انني وريثتك الوحيده من غير زواج...هل تعلم بانني لو ادق عنقك الان سوف تؤؤؤل كل املاكك
لي بصفتي قريبتك الوحيده المستحقه لاملاكك
انا لا اريد فلسا واحدا مماتملك وانا على استعداد بان اتنازل عن كل ما استطيع وراثته مقابل ان اتزوجك
زايد:ط ط طلعيييي برا
نور:انك رجلا متعجرف وتملك من الغرور مالا يملكه احدا سووواك تبا لك ولهذا الكبر الذي تمتلكه
كان مضوق عيونه وهو ايطالعها بغيض ايريد بس يده تمسكها من رقبتها عشان يعرف يسكتها
نور:اسمعني جيدا انا اريد السفر معك وسوف اسافر رضيت ام ابيت ولن اسافر الا وانا زوجتك وبعد ان ينتهي العلاج افعل بي ما تشا تستطيع ان ترسلني من هناك الى دياري لا يهمني الامر
ولاكن اعلم بانك لن توفق في سفرك هذا مالم تتزوجني
زايد:جب انتي ك كله م منج انا س سوييييت ال حادثثث د دع دعييييتي ع علييييه بالخساره
وال والحييين تبييينيه امووووت ق قبل لا اسافر
نور بنظرات مستهتره:حقا
زايد:با برا ي يابنت الباكستانييييه انا ما ما اتت اتنزل اخذ ب بنتت الباكستانيييه
نور :تبا لك انك حقا احمق سليط اللسان لو انقطع لسانك بدل ان تكون طريح الفراش لكان ذالك اهون
زايد:بر برا ط طلعووووووها برا
دخل الدكتور وتم ايصارخ عليهم لان الضغط ارتفع عنده
نور وهيه طالعه:لا عليك ايها الدكتور هذا حاله منذو ان ولدته امه لا تخشى عليه
زايد وعيونه طايره باتجاهها وهيه طالعه:ب بذبحههها
................................................
رجع خليفه البيت وحيله منهد من كثر ما كان واقف مع زايد الي ما وقف صريح
اول ما دخل البيت اتفاجئ باميره قاعده باستقباله وهيه عاقه الشيله ومتمكيجه وكانت صابغه شعرها بلون ذهبي صارخ مش مناسب الها
اميره وهيه توقف:خلييييفه اخيرا ييت تعبت من الانتظار
خليفه:اميره
عيونه جالت في المكان وما شاف حد غيرها
خليفه:انتي من متى اهنيه وليش ما سوييتي اليه تيلفون؟
اميره بدلع:كنت اريد اسويييلك مفاجئه
خليفه:حد لقيتي اهنيه؟
اميره:اممممم شقصدك بحد حد تقصد غير الخدامات ؟
خليفه:اقصد الخدامات طبعا
اميره:هيييه حصلتهن مع فطامي فديييتها من الصبح وانا الاعبها الا وييين خالتها مش اتقول اهيه اهنيه عشان اطالع عيال اختها اشووف الخدامات الي مهتمات باليهال؟
خليفه:اميره ممكن ما نتكلم في هالموضوع
اميره:هيييه انته عادي عندك انا انحرق مش مشكله
خليفه:اميره انا عقب يومين بسافر
اميره:بهالسرعه حبيبي؟
خليفه:شو اسوي
دخلت نوره اليايه من برا وهيه شاله دانووه وقف خليفه بسرعه وهيه لابسه العباه والشيله والنقاب


Sent from my iPhone using منتدى عبير

رد: روايه نــــــــــــــــــــــــــــــــــــــور

خليفه وهو مفزوووع:شبلاها؟
نوره:ما شي طاحت في المدرسه ورحت ايبها الحمدلله ريلها ما فيها شي
شل خليفه دانه منها وراح صوب الكراسي وحطها وهو يشوف ريلها الي فيها شويه جروح
خليفه:فديييتج ليش حبيبي تركضين قوي؟
دانوه:البنات عقونيه
خليفه:ما عليه باجر انا بروح وبشتكي عليهم عند الشرطه
دانوه:لا خالوه اتقول الله يسامحهم ...ماعليه الله يسامحهم
خليفه وهو يحضنها:فدييييتج الله يسامحهم ويسامح الجميع
نوره وهيه تقرب منهم واميره ميييته من القهر بعد ما شافت نوره اتعق النقاب
نوره:حبيبتي ياله انروح داخل
وقف خليفه وشلها:انا بوديها
التفت عنهن واتجه لقسم الضيوف الي تحت التفتت نوره لاميره وتمت اطالعها مستقربه ليش بدون حجاب
اميره بمكر:خليييفه قالج اننا ملجنا ؟
نوره:قال اليه ولا ما قال كله واحد
اميره بغيض :تعالي اهنيه انتي ليش تتكلمين معايه جذيه شوووه حاقده؟
نوره:على شوووه اللهم لك الحمد والشكر
التفتت عنها نوره واتوجهت للقسم وراحت للغرفه الي خصصوها للبنات الي انتقلن تحت عند نوره
خليفه قعد عدال دانوه وتم ايعق نعولها وجواربها وتمت نوره وراهم اطالعهم وهيه تفصخ العباه والشيله وقربت منهم وهيه تلم شعرها بالشباكه شكلها اليوم مثييير
وغيييير من امس ما شافها
نوره:دن دن ايبلج عصير وسندويج
هزت راسها بنعم
نوره :اوكيه بروح ايبلج لا تعبين عموووه بالدلع الزايد عرب برا يرقبونه
وقف خليفه والتفت ناحيتها وبابتسامه ماكره طالعته والتفتت طالعه
مرت نوره من جدام اميره بشكلها الملفت وهيه بدون شي وماتت من القهر اكثر اميره
واول ما قرب خليفه منها تمت اتصيييح
خليفه:شبلاج؟
اميره:انته وين رحت وخليتنيه معاها ؟
خليفه:ليييش شو صار؟
اميره وهيه تتلفت ادور عباتها وشيلتها:انا بروح مش قاعده اهنيه وهذي تتكلم معايه بالحقاره هذي
خليفه:امييره شبلاج شو صاربالضبط وشو قالتلج؟
اميره قعدت اتصيييح:ماشي ما قالت اليه شي
نوره وهيه ماره شاله الصنيه
خليفه:نوووره شو الي صار بينج وبين اميره؟
التفتت له نوره باستغراب وطاحت عينها على اميره وهيه تصييح:شوووه؟
خليفه:اميره ليش اتصييح شو قلتيلها؟
تمت نوره اطالعه بنظرات تذبح وهيه مستغربه منهم وهزت راسها:ما سويت الها شي
خليفه:بتصيييح من فراغ
وجهت نوره نظرها لاميره:سوووري ما ادري ان المدام حساسه وايد ولا ماتكلمنا معاها خلاص المره اليايه بتم سايلنت عشان ما نجرح شعورها اي طلبات ثانيه
خليفه انصدم من ردها وتم ايطالعها عرفت انه ملج واسلوبها في الكلام غييير ياترا شو صار بينهن؟
نوره:ممكن اروح اودي العصير لدانوه؟
خليفه وبعده ايطالعها التفتت عنه وراحت
رجع والتفت لاميره:شفت شفت اسلوبها الوقح في الكلام ..اهيه ليش تتكلم معايه جذيه انا شو سويييت الها يعني عشانيه
صرت زوجتك وهذا من حقيه قبلها تجلب عليه جذيه عيل كيف تبانا انعيش باجر مع بعض؟
غمض خليفه عيونه مش عارف بشوه ايرد عليها ولا شو يسوي
طلعت نوره وهيه ماسكه سفرت خليفه الي نساها امس
نوره:يا مينا تعالي شلي سفرت سيير غسليها"حركة نذاله...حليلها موصايه"
طالعتهم بنظره ورجعت داخل بعد ما شلت الخدامه السفره
اميره طلعت عيونها:شو تسوي سفرتك عندها؟
تخربط خليفه:هاه سفرتيه هذيه سفرتيه عليه
اميره:الي شلتها الخدامه الحييين خليفه انته اتبات عندها؟
خليفه:لا اميره وبعدين خلاص عاده احنا انتهينا من الموضوع هذا
اميره:عيل شو تسوي سفرتك عندها انته تبا تضحك عليه مثل اول لا يا حبيبي انا مش عنز نفس المره الي فاتت
خليفه:يابنت الحلال سفرتيه اكيد نسيتها في حجرة اليهال
اميره رجعت تقعد وهيه تصييح:حرام عليك يا خليفه تحرق قلبيه اكثر من جذيه انا ادريبكم تبون تتخلصون منيه باي طريقه
خليفه:يا اميره يا اميره وبعديييييين مع هالحال شو الي يرضيييج يعني؟
اميره :خلها تتركنيه في حاليه وماتثير غيرتيه كل شوي؟
خليفه:خليييج بعيد عنها وبترتاحييين
اميره:يا سلام هذا البيت بيتيه مش بيتها اهيه بتنعق في الملحق
خليفه:وبعدييييين بعدنا على هالكلام خلاص عاده فضيها سيره
سكتت اميره وتمت تكتم شهقاتها بحركات قطعت قلب خليفه
قرب منها:خلاص عاده
عقت بعمرها على طووول في حضنه وتمت اتصيييح
طلعت نوره ورقع قلبها بقو للمشهد الي شافته وهيه متوجهه للمطبخ وانتبه الها خليفه والتفت ناحيتها مرت وهيه شاله الصنيه وتوجهت للمطبخ ما يدري ليش حس انه في وضع غلط واتمنى ان نوره ما شافته بالوضع هذا
اميره عجبها الحضن وتمت ماخذه راحتها غياض لنوره ولا طاعت ترفع نفسها وخليفه تمنى انها اتقوم قبل لا ترجع نوره للقسم
قطعه صغيره من الفلفل كلتها نوره عشان تلتهي ابها عن الي يصير برا وتنشغل بحرارتها
نوره وهيه تهب الفلفل:اه اه اه مييينا بسررررعه هاتيييي ماي
مينا:مدام شو فييي؟
نوره:ماي ماي كوكلي اه اه
الخدامه وهيه تركض بالماي انزلقت وطاحت على الطرف الي فيييه الصواني وصارت ضجه كبيييره في المطبخ
وكل شي ايطيح على الارض مسوي صوت عالي
ركض خليفه بسرعه للمطبخ ووراه اميره لان الخدامه صرخت ولحقتها صرخت نوره والخدامه الثانيه
وقف خليفه مذهول عند باب المطبخ وعيونه على الخدامه الي طاحت والثانيه واقفه اتساعدها
لف بنظره لنوره الي قاعده عند طاولة الطعام الصغيره الي في المطبخ وانفجرت نوره تضحك بصوت عالي
وهيه تتذكر الي صار قبل اشوي ومن كثر ما ضحكت حطت ايديها على ويهها اتحاول تهدا لاكن مافي فايده الضحكه ما طاعت اتفج منها حتى الخدامات رجعن يتضاحكن
عرف خليفه شو صار بالضبط وابتسم وهو يحاول انه ما يضحك وخصوصا ان نوره يننته بضحكتها
قامت نوره وقربت من الخدامه وقعدت قريب منها على الارض وهيه بعدها تضحك ويدها على فمها تحاول وتحاول تسكت لاكن ما قدرت
نوره:م م ميييي ههههههههههه مينا هههههههههههه الله يغربلج شو سويييييتي هههههههه
تعدت اميره خليفه ودخلت المطبخ:شو قلت الادب هذيييي شو هالمصاخه؟
التفتت نوره لاميره وصفقت بيديها مع بعض وقعدت على الارض مستسلمه لضحكتها والخدامات يتضاحكن من ضحكتها
اميره بغيض:وبعدييييييين؟
قدرت اخيرا نوره تسكت وهيه تشييير بايديها بلا ما اقدر اتكلم لانها قالت لخليفه المره اليايه بتم سايلنت لاكنها بعد ما قدرت ورجعت تضحك
ماتت من القهر التفتت لخليفه وطلعت بسرعه راحت للصاله خذت عباتها وشيلتها وطلعت وهيهه تلبسهن اما خليفه فضل ايتم واقف مستمتع بشكلها وهيه تضحك وكل شوي خبطت الخدامه على راسها
نوره:هههههه الله يغربلج كسرتيييي المواعييين ههههههه
ما يدري ليش خليفه حس ان ضحكتها هذي فيها شي من القهر وشي في صدرها كاتمتنه تحاول اطلعه
قرب منها ونزل وشلها وهيه بعده تضحك وتحاول تضربه علىصدره يتركها
خليفه:اشششششش خلاص بس من الضحك
نوره:ههههههه المينوووونه انزلقت ههههههه
خليفه توجه لقسم الضيوف سيده لغرفتها وحطها على السريربعد ما كشف اللحاف اهيه على طول التفتت عنه وسحبت اللحاف وتغطت به مانعه انه يشوف دموعها الي بدت تنزل
وقف خليفه ايطالعها ويحس برجفتها من تحت اللحاف ايحس انه بيمووووووت من حالها
كشفت نوره شوي من اللحاف:اطلع برا وسكر الباب
خليفه تم واقف وريوله تسحبه عشان يطلع هذي الانسانه اول مره يتعامل معاها انسانه غير عن الانسانه الي كان يتحسبها وصلت للثلاثين هذي بعدها طفله
وطفولتها توها بدت تطلع ويمكن كانت موجوده بس مانتبه الها اه الرحمه ياربييييي والله احس انيه مكتف وما اعرف شو اسوي
طلع بصعوبه وسكر الباب وراح للصاله وتم قاعد مستغرب ان تفكيره عند نوره وما افتكر في الي طلعت معصبه
.................................................. .....................
فترة العصر رجع خليفه عند زايد الي قلت المحاولات عليه للعصبيه الزايده الي تعرض الها
اما نور ما استسلمت واجتهدت بالدعا اكثر ان الله يسخره ويوافق وطلبت من خليفه انه يرتب لسفرها في حال وافق زايد اتكون اهيه جاهزه
على المسا نزلت اليازي الساعه وحده المطبخ وهيه تحس بجوع وتفاجئت بالي قاعد يطبخ قربت امنه مستغربه
اليازي:فهد شو تسوي
التفت الها:ايعان واسويليه بيض وطماط
اليازي:الحين فليل
فهد:شو اسوي
تمت اليازي تتلفت:معناه ماشي اكل
فهد:انتي ايعانه بعد
اليازي:امممم يعني
فهد:ازيدلج؟
اليازي:لا حد ياكل هذا فليل
فهد:المهم عيشه
مسك فهد الملاحه وفتحها كامله وتوه بيحط ملح انفتحت الملاحه وانجب الملح كله صرخ
فهد:لا
التفتت اليازي للغاز وضحكت:هههههه تستاهل
ابتسم فهد:مش مشكله امبونيه متعايز اروح كوخ البرجر اخذليه وجبه بس الحين تنشطت وبروح
سكتت اليازي:ماحب اكله
فهد وهو يعق المقلى ويروح ايغسل ايديه:صدق!!!؟ عيل شو تحبين
اليازي:لييييش؟
فهد:يعني يمكن افكر اعزمج ونروح نتعشى برا؟
اليازي:تطنز؟
التفت الها وهو يسند ايديه على الرخام وراه:اذا عزمتج بكون عند كلمتيه
اليازي:هيييه هذا اذا عزمتنيه وانته اكيد ما بتعزم؟
فهد:اذا كانو العرب الي بعزمهم بيلبون الدعوه اكيد بعزمهم
اليازي بقصد انها تستفزه:وشو المشكله انهم ما يلبونها؟
فهد:النحاسه الي فيهم
تمت اطالعه بقهر:جرب مابتخسر شي




Sent from my iPhone using منتدى عبير

رد: روايه نــــــــــــــــــــــــــــــــــــــور

ابتسم فهد:اوكيه تسمحين اتروحين معايه نتعشى برا
التفتت عنه بتطلع وولع نار وهو يمسكها ويلفها ناحيته بغيض:اليازي
اليازي:بروح اييب عباتيه وشيلتيه ولا تبانيه اروح جذيه
هدا شوي فهد:يعني ماتعرفين قبل اتقولين انزين
تمت اطالعه وتنتظره يترك يدها
فهد:ياله روحي بنتظرج في السياره وشوي شوي لاتخلين حديدريبج ولا تسحبيليه ميوه ورويض ترا ما شي سيره عقب
التفتت عنه وراحت ...وقف فهد عند المرايه الكبيره الي في المدخل وكان لابس كندوره سودا وسفره حمرا وتم يكور سفرته
نزلت اليازي بعد مالبست عباتها المسكره ولفت شيلتها على راسها وتوجهو للسياره بسرعه
في السياره:ماشي غشوه ياليازي
اليازي:بتغشى بشيلتيه
فهد:بروحها شيلتج صغيره شو بتغطي
اليازي:خلاص انزين رجعنيه ماريد اروح
فهد:بنروح مابرجع بس المره اليايه انتبهي وخليها دائما مع عباتج
اليازي:امر يعني هذا؟
سكت فهد وتم ومارد عليها ومسك الشارع الي يودي للكورنيش
اليازي:ويين بنروح
فهد:اهنيه قريب
اليازي:المارينا؟
ابتسم فهد:وماشي مناك الا المارينا
ماتدري ليش اليازي حست بشعور غريب وهم يمشون على الشارع والشارع خالي الا من بعض السيارات
توجه معاها لمطعم السفينه وحجز مكام منعزل مثل الكبينه وراحلها السياره وقالها تنزل
اليازي:وييين؟
فهد:تعالي انزلي
كانت متردده وشي غريب عليها اول مانزلت مسكها من يدها حاولت تسحبها لاكنه مسكها بقو
ومشاها معاه...في الكبينه
فهد:تعالي اقعدي وعقي غشوتج محد اهنيه ايشوفج
اليازي وعيونها مبهوره والدريشه اطل على البحر
اليازي:احنا ويييين
فهد:في السفينه
اليازي:هاه؟
فهد:ما قد ييتي اهنيه
طالعته بنظره ورجعت اطالع تحت
فهد:يزوي اذا تبين اتعقين عباتج وشيلج عقيهن عادي
بنظراتها الي كانت اتشوفه ابها سالته شوووه اتريد تختبرنيه زييين
وقفت وعقت العباه والشيله وصنفتهن
فتحت شعرها ورتبته وخلته مفتوح غياظ بتشوفه شو بيسوي
اما فهد وهو ايطالعها مع اضاءة الشموع كان مبهور ابها بحركات عيونها الي فيهن تحدي
ابتسم ونزل راسه تحت وهو يمسك المنيوم فهم الها ولتفكيرها
فهد:شو تبينا نطلب
اليازي:مادري؟
فهد:تبين باستا بالخضروات ولا بالدياي؟
اليازي:اممم بالدياي
فهد:وبعد شو تبين
فتحت اليازي المنيوم واختارت كذا نوع بعد من السلطات والمقبلات
فهد:بس
اليازي:بس كم باكل بعد؟
فهد:انزييين
قام فهد وطلع وعقب شوي رجع وتم ايطالعها وعيونها اطالع برا وكل ما التفتت له انه ايطالعها صدت بنظرها برا
بدت اتحس بتوتر وتندمت انه وافقت اتروح معاه ياترا اهو ليش قال الها اتروح معاه اكيد ايريد يختبرها
التفتت له:متى بنرجع؟
فهد:اليازي تونا يايين عدنا ماتعشينا
اليازي:انا ما اريد عشى رجعنيه البيت
فهد:اليازي لعب عيال اهو اقعدي لين انخلص
رجعت اليازي وقعدت..المره هذي صد عنها فهد بنظره للشموع الي جدامه
رن تيلفونه وشله وكلمه واحد من ربعه
فهد:انا عند الكاسر انتو وييين؟.....خلاص عيل اكيد بتلاقى معاكم وانا طالع عند الكورنيش طيب طيب
اليازي:شوووه؟
فهد:ماشي؟
حطو العشى وتعشى فهد
فهد:اليازي اتعشي ياله والله انا ماييت اهنيه الا علشانج
اليازي مدت يدها للشوكه وهيه تقول في خاطرها جذاب تضحك عليه
بعد ما خلصو من العشا طلعو وشكل فهد كان على عيله اول ما طلعو من الشارع الي راجع من الكاسر كانت جدامهم مسيره
للشباب لفوز المنتخب
التفت فهد لورا وسحب سفره حمرا كانت ورا اعطاها اليازي
فهد وهو يتلثم بسفرته
فهد:يزوي البسي السفره وتلثمي ابها وخذي النظرات هذي البسيهن بندخل المسيره
اليازي متفاجئه:هاه؟
فهد:البسيها ماعليييج انتي لابسه عباه بيتحسبونها كندوره سودا
اليازي:ا انا ما ما اعرف
فهد:انتي اتلثمي ابها وخلاص
لفت اليازي السفره على راسها وتلثمت ابها واعطاها فهد نظرات لبستهن وكانت بوووووي
على طول فهد دخل بين المسيره وهو يهرن معاهم اليازي اندهشت من الي يسونه في المسيره وكيف العالم مندمجه ويهيصون ونصف الشباب فوق السيارات واشكالهم غريبه بدت اتحس بالوناسه وبراحه انها ماتسوي هذا الشي من وراهم
فهد معاها وسامح الها بهذا الشي
فهد:تبين اتشوفييين لاعبين المنتخب التفتي عدالج
وبالفعل التفتت اليازي وكانو في باص مظهرين روسهم من الدرايش الكل في زيطه وزنبليطه
الله يهديهم بس المهم يزوي استانست
ومثل ما دخلو المسيره فجئه طلعو منها فجئه ومسك فهد الشارع الي يرجعهم للبيت
سكر الدرايش وعقت اليازي السفره:جنان اجواء غريبه ماكنت متخيلتنها جذيه
ابتسم فهد انها عبرت عن وناستها
اليازي:ياي بحر رويض اهيه الي تحب اتابع المباريات بقول الها شفت المنتخب
فهد:وبتقولين الها انج كنتي معايه؟
سكتت وماردت عليه وقريب البيت التفتت له
اليازي:الا شو نتيجت الاختبار؟
فهد:اي اختبار؟
اليازي:يعني انته مودنيه معاك لله مش نيتك تختبرنيه عشان باجر اتقول لعميه والله انا وديتها وماعارضت وصار وصار وصار وانا ما اتشرف اتكون حرمتيه
تم فهد ايطالعها:اقول انزلي انزلي
نزلت وصفقت بالباب بقو وركضت داخل
فهد:اوففففف الهم طولج ياروووح ...مافي فايده
.................................................. ....................................
نزل خليفه من فوق وشاف نوره مع لعيال اتريقهم شعرها مفتوح وشكله خرسان مانشفته زييين هذا غير ريحة العطر التابع للمستحضرات الي يابهن الها اتفوح في المكان
تمت مشغوله اتسوي السندويجات وتصبلهم حليب ومش معطيتنه ويه خليفه تم ايفكر هذي شو سالفتها متسبحه على هالصبح في البرد هذا ناويه تذبحنيه الحين
عيونه مافارقتها وهيه لاهيه مع اليهال نظراته تتبعها في كل حركه اتسويها وكل شوي الخدامه تي وتاخذ حد من اليهال اتوديه السياره لين ماقربو كلهم ايروحون اتلاقت نظراتها معاه
خليفه:ليش متسبحه في هالبرد؟
التفتت له:فطامي زاعت عليه
رجعت اتخلص شغلتها وعقب التفتت له وخلت عيونها مثبته في عيونه تساله ليش حسيت باثاره وانا جذيه
رد عليها بعيونه الا انا منثار وخالص
نزلت عيونه عنه بسرعه وشلت فطامي وهيه تقول في خاطرها عيل الشرده نص المريله
وعلى طوووول راحت لقسم الضيوف وقفلت الباب عليهن
خليفه بعد ماخلص ترتيبات الجوازات والفيز رجع لزايد في المسا على اساس السفر ايكون باجر وقال انه بيحاول معاه في موضوع نور
خليفه:زايد مافكرت في الملجه
تم زايد ساكت ومارد عليه
خليفه:يا زايد ماشي باقي عن السفر ...ماشي وقت والمسكينه منحرقه اتقول الا تقنعونه
زايد:خلها ات اتوليييييي
خليفه:زايد والله ان نور محد شراتها انته لو تحصلك حد غيرها مثلها محد بيهتم فيييك لو شفتها انته عقب الحادث شو سوت طول الليل والنهار مجتهده بالدعاء ويومين اتيي اهنيه تقرا علييك البقره
زايد:م محد قالها
خليفه:كله كان عشانك
زايد:ي يوووووووه تتراكم اذيييتوووونيه بالسالفه هذي
عصب خليفه عليه:انته المفروض اتحمد الله وتشكره الي نجاك بفضلها وفضل قرايتها عليك ليل ونهار الا مستقوي ولا كان شي صار لك
ولا تفكر انك خلاص نجيت من الموت انته مجبل على عمليه بتحدد مصيرك ياتعيش طبيعي مثل الناس ياتنشل وطالع عاده عقب منوه بيتم معاك
زايد:اطلع برا
دخل بدر عليهم
خليفه:هاه يابدر خلصت كل شي
بدر وهو مقهووور:لا الطياره مش جاهزه لازم اندور طياره خاصه غيرها
خليفه:لحووووه الصبح قالو كل شي فيها زييين
زايد:ه هاذي اهيه ه هاذي حوباتها قالت مابتسافر الا وانا معاك سر سر هاتها وخلصوووونيه اريد اسافر واخلص
بدر:شو تقصد يا زايد
زايد:نوووور هاتها وهات المليج خلصوووونيه
ابتسم خليفه:اخيرا اقتنعت
زايد :هييه اقتنعت لانيه ا اد ادري ان انيه مابسافر الا وهيه لازم اتسافر الكلبه والله لا ارويها نجوم القايله اهناك
بدر وخليفه ضحكو واستانسو انه وافق اخيرا في اليوم الثاني يابو المليج ويابو نور وبعد الملجه طلع الشيخ وتم زايد يسمع الكل ايبارك لنور الي كانت تضحك وترد عليهم
زايد:ن نوووور
التفتت ناحيته ورفعت غطاها بعد ما طلع الكل
زايد:ت تتحسبييين انتييي كل شييي خلص م ماعليييه برويييج انا عقب ش شغلج بطلع الشعررر الابييض من راسج
ابتسمت واهيه اطالعه:لا يهمني المهم ان ابقى الى جانبك
زايد وهو يغمض عيونه:مماعليييه بتعرفييين عمرج عقب...ي يالله اطلعيييي برا فارجي
التفتت عنه نور وهيه مبتسمه وكلامه مثل العسل على قلبها
##
##
##
ودمتم وديمه العطا


Sent from my iPhone using منتدى عبير

رد: روايه نــــــــــــــــــــــــــــــــــــــور

نور"

الجزء العشرون

دخلت نور بيت زايد وهيه تنادي هنيه بسعاده
نور:هنيه...هنيه بنت ياهنيه انتي فييييييين
طلعت هنيه وركضت لنور متروعه
هنيه:في ايييه في اييييه مالك يابنت بتصرخي لييييه
نور وهيه تمسك هنيه:هنيه عليك ان تباركي لي ...لقد تزوجت
هنيه منصدمه:ايييه اتجوزتي امتا يابنت؟
نور بابتسامه:الان هنيه الان انا قادمه من هناك
هنيه:واتجوزتي مييين يابنت؟
نور بخجل:لقد تزوجت من السيد هنيه
هنيه بعدها متنحه:سيد مييين؟
نور:السيد هنيه زيد ابن عمي
خبطت هنيه بقو على صدرها:يالاهوي اتجوزتي ميييييين ؟؟انتي عايزه تاطعي الخلف مني يابنت يا نور؟؟اتجوزتي الباشه ازاي وهو
بين الحيا والمووووت مش قادر يحرك راسه
نور:لقد فعلتها هنيه وطلبت من السيد ان يتزوجني وقد تزوجنا
هنيه :بتقوووولي ايييييه ازاي طلبتي منه هو لعب عيال يابنت؟
نور:هنيه ...لا اعرف كيف اقول لك كان الامر
قعدت نور مع هنيه على الكراسي
نور:اقتربي هنيه سوف اوضح لك الامر...هنيه زيد ابن عمي وهو في حاجتي الان يجب ان تكون امراءه قريبه منه في رحلة العلاج هذه
استطيع ان اذهب معه هاكذا ولاكن هنيه هولا يجعل بيني وبينه حدووود ولا يراعي للحرومه بيننا...كان يجب ان نتزوج كي استطيع ان اقترب منه بدون خوفا من الله في ان
ارتكب ذنبا.....سكتت نور شوي ورجعت تتكلم
نور:هنيه انا من طلبت من السيد ان يتزوجني الامر كان محرج ولاكن لا اعرف كيف قلت له ماقلت
لقد جلست مع جدتي وتكلمت معها بانه يجب ان تسافر معه امراءه تعتني به وبكت جدتي لقلة حيلتها كنت اريد ان اقول لها
لو يتزوجني السيد سوف استطيع الذهاب معه ولاكن ايضا هنيه انعقد لساني ولم اعرف كيف اقول ...حتى عمي هنيه عندما بدات احاول ان اوضح له الامر خجلت وقال لا عليك هو سيهتم به ....ولاكن اقسم لك هنيه
لا اعرف كيف فعلتها مع السيد ولم اجد هناك حاجزا يمنعني
هنيه:والك روحي جيبي المازووون وتعالي نملك؟
نور:لا هنيه طردني وغضبا غضبا شديدا...هو لا يريد ان يتزوج ابنة اعجميه لقد تزوجته رغما عنه
هنيه:بتقووووولي اييييه ياحلاوتك ...اتجوزتيه رغما عنه ايه الحلاوه دي كلها الباشه اتجوز رغما عنه دنتي ليلتك سووووده
نور:اعلم هنيه لقد توعدني بما فيه من الكفايه
هنيه:توعدك؟؟ ياحلاوتك ياحلوتك...انتي يابنت بتحبي الباشه؟؟
ابتسمت نور ونزلت نظرها تحت عقب رفعت راسها اطالع فوق وعيونها فيها لمعه غريبه
وهيه ترجع ابها الذكريات لباكستان
كانت قاعده في الحوش في بيت وحده من جاراتهن قريب منهن كانت الزراعه في الحوش والمكان متروس دياي يمشي في كل مكان
كانت الامهات قاعدات ايسولفن وكل وحده في يدها شغله اما نور وصديقاتها قاعدات على جنب يتضاحكن وعادة نور وصديقاتها اذا كانن ايريدن يتكلمن في موضوع بدون ماتفهم الهن الامهات يجلبن للغه العربيه الفصحى
زينب:نوووور
نور:همم
زينب بهمس:هل رايتي صورة ابن عمك التي احضرتها عائشه؟
نور:عن اي صوره تتحدثين؟
زينب:تلك التي كان بها بلاباس رسمي يال تلك ربطة العنق التي كان يرتديها
اعشق اللون الحمر
فريحه:هبلا لا تنظر الا لربطات العنق
نور:اين تلك الصوره؟
فريحه:سوف احضرها الان ارجو ان لا تنتبه والدتي لها
زينب:احضريها سوف نجعل جلستنا مقابله للجدار
راحت فريحه ويابت الصوره وشكلها وهيه تمشي بين الامهات امسويه مصيبه زعقت عليها امها وقالت الها شو لمصيبه الي مسوتنهاوقفت فريحه بسرعه وتمت تقسم لامها انها ما سوت مصيبه وركضت لنور وزينب الي كانن يتضاحكن عليها
فريحه:خذي ان والدتي تعلم بي عندما اكون متوتره
زينب:الا تنظرين لنفسك كيف تمشييين؟
فريحه مستغربه:كيف؟
زينب وهيه تقلد فريحه:تمشييين وانتي منحنيه الظهر كان المصيبه التي تحظرينها تضعينها على ظهرك
ضحكت نور وفريحه بعدها اتحاول تستوعب كلام زينب
فتحت نور الورقه وعيونها تختلس بعض النظرات للامهات عن لا يكتشفن هن شو يسون
وكانت صورة زايد الي سكرتها نور بسرعه
زينب:ماذا هناك نور لما لا تنظري الى الصوره؟
نور:اشعر بخفقان قلبي كلما نظرت الى صوره اخشى ان تزني عيني بالنظر فلا يجوووز
زينب:نووور انتي مجبره هو ابن عمك عليك ان تنظري اليه
نور:لقد رايت الكثير من صوره ...ولا احتمل ان اراها كثيرا فخفقان قلبي يتعبني
فريحه:ارجو ان لا يكون متزوج كي تتزوجين منه نووور
احمرت خدوود نور:حمقا لما تقولي ذلك؟
فريحه:هو يشبهك كثيرا انتي مخلوقه من ظلعه
زينب:كفا تفلسف يا فتاه هي تشبه والدها وابن عمها يشبه والدها ايضا ...التفتت لنور...حقا نور العمه طاهره تعلم بقصة والدك مع والدتك
دعينا نذهب اليها لتحكي لنا كيف تزوجا؟
نور:حسنا انا اريد ذالك ايضا ولاكن العمه طاهره تسكن في اعلى الجبل ...علينا ان نسرع كي نعود قبل ان تغيب الشمس
اتفقت البنات انهن ايروحن وبعد ساعه راحن طالعات الجبل صوب العمه طاهره الي كانت صديقة ام نور الروح بالروح وهيه مدرسه ادرس في المدرسه اللغه العربيه الفصحى وكان الها دور كبير في تعليم نور اللغه
استانست العمه طاهره بالبنات وبنور اكثر لحبها لصديقتها ام نور وبعد فتره من جلوسهن طلبن منها اتقص عليهن قصة ابو نور وكيف اتزوج ام نور
طاهره:يا الاهي كانت ايام حقا لا تنسى...في تلك الايام كنت انا ووالدتك دائمامعا وكنا نبلغ من العمر السادسة عشر كنا صغيرات
ذات يوم احضر رجال القريه رجلا مصاب بطلق ناري وكان بين الحياه والموت وقد اعتنى به جد والدتك يانور
لم يكن معه احدا ولم نكن نفهم لما يقول والجد لديه خبره في علاج المرضى لم تكن حالته تسمح بان ينقل الى المدينه فاعتنى به الجد حتى اصبح يستطيع ان
يدرك ما حوله ولاكنه كان قد فقد الذاكره لارتطام راسه بالصخره التي وقع عليها بعد ان اصييب بالطلق الناري
حقيقة يانور والدك كان صعب المراس كان كثير الصراخ لا يعجبه شيا اضطرت والدتك ان تحضر له دائما الطعام والشراب وقد كانت والدتك تدخل عليه وهيه متلثمه
وكان لا يمر يوما عليهما الا والصراخ بينهما قد اشتد والدتك كانت تخجل منه وهو كلما احضرت له الطعام كان يرميه على الارض وبدورها اخذت تصرخ عليه كل واحدا منهم لم يكن يفهم ما يعني الاخر
هو لم يكن يريد الطعام بالفلفل وكان يرميه حتى تفهم ذلك ولاكنها لم تفهم حتى اضطر هو لاكل الطعام وقد اعتاد عليه
كما انه اعتاد على والدتك دائما تاتي له بالطعام وفي احدا الايام لم تكن والدتك تعلم بانه استطاع ان يقف وان يطل براسه للخارج ههههه حيث كانت هيه من دون حجاب وهيه تلحق بالدجاج
لتخرجه خارج السور وعندما سقطت وهيه تحاول ان تمسك بالدجاجه سمعت صوت والدك وهو يضحك بصوت عالي فانحرجت منه واخذت تشتمه وهيه تركض الى غرفتها
في ذالك اليوم كان عم والد والدتك ضيف عندهم وعلم بامر الغريب المصاب وطلب حينها من جدك ان يمنع والدتك من الدخول على ذالك الغريب ..لانه كان رجل دين ولم يحبب فكرة ان تدخل عليه في خلوته فمنع جدك دخولها عليه وافتقدها والدك كثير واعتقد بانها ربما تكون قد خجلت من رويته لها
فتكلم مع جدها وقال له بانهم منعوها لانه لا يجوز دخولها عليه
لم يكن يعلم والدك بان الامر كان صعبا عليه فلم يستطع ان يحتمل فراقها فطلب يدها من الجد وبانه في حاجتها فعقد قرانهما بعد ذلك
فريحه:يالاهي يالها من حكاية عشق ...اين نحن من هذه الحكايه من قبل
زينب:عمه طاهره وكيف استطاع والد نور ان يتفاهم مع والدتها؟
ضحكت العمه طاهره:كانت العيون هيه التي تتحدث ...رحمة الله عليهما ...قد انجبا فتاه ثمرة ذالك الحب
نور بعيون قربت تدمع:ولاكنهما لم يبقيا قد رحلا جميعا
العمه طاهره:عندما عادت الذاكره لوالدك وقد كنتي طفله صغيره في المهد عزم على العوده الى الديار لكي يخبر اهله بزواجه لم يكن والدك نور كبيرا في السن كان مازال شابا صغيرا يبلغ من العمر التاسعة عشر
لا اعلم مالذي حدث معه هناك ولاكننا تلقينا خبر وفاته وكان يوما عصيبا علينا ونحن نرا والدتك
منهارة القوء لا تستطيع التحدث ومن اجلك نور استطعنا ان نجعلها تجتاز تلك المحنه وان تبقى من اجلك ولاكن المرض وحبها الشديد لوالدك
اتعبها ولم ترحل الا وهيه مطمئنه على صغيرتها...لقد تكبلت انا وجدتك عنايتك حتى تزوجت انا ولم اكن ارغب بالزواج من اجلك ولاكن والدي ارغمني
كنت دائما ادعو الله بان يحفضك وان ييسر لك كل طرق السلامه وان يجعلك ممن يحب ويرضى
نووور هل حقا تريدين العوده الى ديار والدك؟
رفعت نور عيونها الي كانت تدمع
نور:ارغب بان التقي باهلي كما انني ارغب بان تكون لي جده واقارب ....انا اعلم بانني هنا بين اهلي واحبابي ولاكن هناك رغبة قويه تلح علي بان اعود الى هناك
دقت فريحه زينب وحركت حواجبها تقصد ابن العم فتحت الها زينب عيونها عشان تنجب
العمه طاهره:اتمنى لك يا نور التوفيق من كل قلبي وان ييسر لك امورك ...ولقد رايت صور ابن عمك هو كثيرا يشبه والدك كما انكما تملكان نفس الاعين
نزلت نور راسها تحت مستحيه ودقات قلبها اعلنت وجودهن
هنيه:يخرب بيتك يانووور هو انا بكلم ميييين
التفتت نور لهنيه:هاه هنيه ماذا هناك؟
هنيه:دنا اعده من الصبح بتكلم وبتكلم وبتكلم وبقول يا حوووه وياهوووه يا خوانا حد بيسمعنا
دنتي خالص مش معايه
ابتسمت نور:هنيه انا هنا اسمعك
هنيه:عليه الرفجه الي بتقولها ام راشد انك مكنتييييش هنا
نور:حسنا ماذا تريدييين؟
هنيه:دنا بقول يعني ممكن ازغرد
نور:ماذا تعنيييين؟
هنيه:يعني ممكن اقوووول يللولولولولولولولولولولووووووووشييييييي
نور:هنيه ما هذا؟
هنيه:دي الزغاريد يابنت

.................................................. ........................

رن تيلفون خليفه وهو راجع البيت على المسا
خليفه:الو.....الووووو
:خذني معاك خذني ارفع شراعك طييييير ارفع شراعك طير
خذني معاك خذني خذني بلا تفكيييير
اثر غرامك في قلبي بالغ التاثييير اثر غرامك وانته ياسيد سيدي نقطة التاثييير
خليفه:الووووو منو معايه
اميره:حبيبي يعني منو بيكون معاك
خليفه:اميييره
اميره:فهمت لكلمات الاغنيه...شرايك تاخذنيه معاك




Sent from my iPhone using منتدى عبير