رد: رواية/ شجون روحي شجون أنفاسي

راحت الخدامة تنادي ع أبو زياد اللي كان بالمجلس مع عياله
أبو زياد: عيدي وش تقولين
الخدامة: هازا في مدام يقول هو ماما بيبي سجون يقول روه نادي بابا كالد يجيب بنت مال أنا وقائد يصيه داخل بصاله
أبو زياد: وش جابها ذي ما صدقت عالله فكيت بنتي منها اللي كانت تضيع بسبتها
زياد: أنا بدق عالشرطة تجي تأخذها
أبو زياد: نفهم السالفة أول الله يستر بس
إياد: يبه ليكون بتأخذ شجون عندها
زياد: مستحيل لا تسمح لها تأخذها يبه
أبو زياد: أنا اتصرف معاها بس المهم شجون لا تدري بجيه أمها أخاف تروح معاها
محمد: بس مو ذا الحل
إياد: ويمكن جات لشيء ثاني
محمد: لا السالفة مبينة هي جاية عشان شجون اللحين بتسويها مسمار جحا
كل شوي تطب وتسوي لنا مشاكل
إياد: وإذا بغت تأخذها أنا أقول نسأل شجون وهي تقرر ترى ذي أمها بعد
زياد: ولو قالت بترجع مع أمها
دقيقة صمت ويقول محمد: خلها تروح معاها عشان ما نكبر المشكلة وعقب نفكر كيف نرجعها لعندنا
زياد: لا راحت معاها مستحيل ترجع
أبو زياد: نزوجها
إياد: يبه انت ما عندك سالفة غير الزواج كل شوي بزوجها بزوجها
محمد: أبوك معاه حق نرجعها بحجة أنها تتزوج ونقطع عليها طريق الرجعة
أبو زياد: يلا بشوف وش تبي هالعلة وإنشالله ما تحس علينا شجون وتنتهي السالفة هنا
دخلوا للصالة وشافوا نادية جالسة تصارخ وأم زياد تحاول تهدئ الوضع عشان ما يحسون البنات
أبو زياد: السلام عليكم هي انت وش فيك تصارخين ببيتي احترمي حالك
نادية: أنا مو جايه عشانكم لي أمانة عندكم وجايه أخذها
زياد بعصبية: مالك شيء عندنا ويالله ذلفي بره
أم زياد: يمه زياد عيب مو كذا ترى ذي ضيفة ببيتك
نادية تناظر الكل باحتقار:والله وصار بيت يا سمور أنت وعيالك الظاهر انك نسيتي ان كان بيتي قبلك اللحين صرت ضيفة
أبو زياد: مالك شغل بعيالي ولا بزوجتي كلامك معاي أنا واللحين قولي لي وش بغيتي وتاليتها معاك أنت متى بتتركينا لحالنا كل شوي رازه وجهك عندنا ما تستحين ابد
زياد: أصلا ذي مضيعة برقع الحيا ولا دلت طريقه
محمد: زياد
نادية: عطني بنتي ووعد ما رح تشوف رقعة وجهنا بحياتك من زين شوفتكم بس
أبو زياد: ومن قال أن لك بنت عندي ذي بنتي أنا اللي حرمتني منها طول 17 سنة واللحين والله ما أخليك تأخذينها وراسي يشم الهواء
نادية بضحكة: بنتك للحين تصر ع أنها بنتك ليه ما تبي تفهم شجون مو بنتك مو بنتك
أبو زياد: إلا بنتي وغصبن عنك وأقص لسانك لاقلتي غير ذا الكلام ولو سمحتي إذا خلصتي سخافاتك الباب يطلع جمل ومثل ما دخلتي تقدرين تطلعين منه
نادية تصفق: برافو برافو حدها حلوة هالمسرحية اللي سويتها حسستني بحنانك عليها صدقتك والله أنا بأخذ بنتي بأخذها ومانيب طالعة من هنا إلا وهي معاي
إياد: ورينا شلون تأخذينها
محمد: أنت ما تفهمين يا بنت الحلال البنت بنتنا ولا هي برادة معك وهي مرتاحة بين أهلها وأخوانها ولا قاصر عليها شيء
نادية: أي أهل وأي أخوان تبيني أصدق أنكم تعاملونها بما يرضى الله ع من تقصون بزر تشوفني أمص بصبعي أكيد ضايقة المر مع زوجة أبوها اللي ما تخاف الله وترى والله لاشتكي عليكم وبعدين ولد خالها خطبها وأنا وافقت وملكتها بعد ما تخلص امتحاناتها
إياد فاض بيه: ومن أنت عشان تخطبين وتوافقين وتزوجين من أنت ومن ولد أخوك تراك مصدقة عمرك حيل
نادية وهي تناظر أم زياد باحتقار: والله وعرفتي تربي يا سمر مشاء الله ع قلة الأدب وتبون أترك لكم بنتي عشان تخربون أخلاقها
زياد فار دمه وهو يصر ع أسنانه: ونعم التربية والأخلاق اللي علمتيها إياه نسيتي أن أبوي جابها من المغفر يا حضرة الأم الفاضلة
ويشد ع الكلمة الأخيرة
محمد: زياد عيب مو كذا
أم زياد: وبعدين ترى بنتك هي بنتي ومن جات عندنا وهي بحسبة بناتي وأعز
نادية بحقد: لا يا عيوني اتركي عنك شغل الحنية والحكي الفاضي ذا مو علي هالحركات سمووووور... أي نسيت مانت حرامية ومحترفة بعد بالماضي سرقتي زوجي مني وفرقتي بيني وبينه واللحين عقب السنين ذي تبين تسرقين بنتي بعد ما رح اسمحلك أبد
عصب محمد من حركاتها: حدك عاد لا تغلطين أكثر من كذا أنت في بيت محترم احترمي حالك أبرك لك لاتشوفين شي بعمرك ما شفتيه
نادية: أنا محترمة غصبن عنكم كلكم نادوا لي بنتي أخذها معي ذيك الساعة يرتاح الكل
أبو زياد: عسى يأخذ روحك إبليس ونفتك
تحتقره بطرف عينها وتصيح بصوت عالي: شجون يمه يا شجون
أبو زياد: قصري حسك واطلعي برة يلا فارقي
نادية وهي تسافهه وتصيح: شجون ليكون حابسينها بس هين أنا وريكم
وينك يا يمه شجون
أنا هنا يا أم علي

رد: رواية/ شجون روحي شجون أنفاسي

بين دهشة وصمت وخوف يلتفت الكل ع شجون اللي كانت جالسة بنص الدرج وضامة رجولها بين أيديها وكأنها خايفة من شيء كانت لابسة فستان قصير ع الركبة باللون الأحمر ماسك بخصرها وواسع حيل من تحت وبلا أكمام وعليه حزام أبيض ولابسة صندل أبيض وشعرها مظفور ظفرتين نازلات ع أكتافها وكان شكلها مثل الأطفال وهي تبكي بألم من اللي سمعته
شجون ما كانت نايمة أخذت شور وبدلت بيجامتها ولمت شعرها وجلست تتصفح بالإنترنت سمعت صراخ تحت نزلت وانصدمت بشوفت أمها وجلست عالدرج وسمعت كل الكلام اللي دار بالصالة
واسيل وسجا صحوا ع الصراخ بس ظلوا فوق يراقبون بصمت ولا أحد حس عليهم
شجون وهي تبكي بألم: نعم يا أم علي
أم زياد: يمه شجون صعدي دارك اللحين أنت بعدك ما طبتي وتعبانه حيل
نادية: أكيد تتعب والله أشكتي عليكم وبيننا المحاكم يلا شجون جمعي أغراضك خلنا نروح ما رح أتركك تحت رحمتهم أنا اوريك فيهم
شجون وبعدها جالسة ع الدرج ودموعها ع خدها: صدق يا أم علي تأخذيني معك صدق ما تتركيني تحت رحمتهم
سجا قامت تبكي وهي تقول : لا تروحين شجون تكفين لا تروحين
ونزلت أسيل: شجون خلك هنا أرجوك كلنا نحبك
أما أبو زياد عصب: أسيل خذي خواتك وصعدوا فوق لا أشوف وحدة منكم هنا
محمد: تعالى شجون تعالى يمه
إياد بخوف: خالي بس....
محمد: ما عليه إياد تعالى شجون
شجون نزلت ووقفت ع أخر درجة بكت سجا وضمت أختها كانوا خايفين أن نادية تأخذ اختهم بعد ما تعودوا عليها وحبوها
نادية: وش سويتو في البنت تقسون قلبها ع أمها هذي جلست معاكم ثلاث أشهر صارت تناديني أم علي مو كأني أمها أجل لو ظلت سنة وش تسوون فيها وبعدين وش فيه وجهك أصفر كذا
تعالي يمه نروح بيتنا حسبي الله عليهم
شجون ودموعها شلال: أي بيت يمه
كان الكل يراقب بخيبة أمل بس رد شجون فأجا الجميع
نادية: أي بيت أفا عليكي نسيتي بيتك اللي تربيتي فيه ولا القعدة بالقصور نستك حياتك يا بنتي ونسيتي أمك إلا ما فكرتي مرة تدقين علي وتطمنني عنك وش مسوية مع هالعقارب
شجون بحرقة قلب: ما نسيت ما نسيت شيء يا يمه وإن نسيت رفعت غرتها تذكرها بجرح بجبينها وكملت: ذا يذكرني
زياد كان يتكلم بس سكته محمد بنظره فهم أن شجون هي اللي بتحسم الموقف فكست الكل
تابعت شجون ودموعها تجرح خدها الناعم: ما نسيت كيف عشت ببيتك وأنتي أمي وكيف أعيش هنا وهذا بيت زوجة أبوي على قولتك
ببيتك انضربت وانهنت وانذليت طقيتني أنتي وزوجك طقني وأهاني وفي بيت أبوي هم بعد انطقيت تدرين يمه ما ظل أحد بهالبيت ما مد يده علي مثل ما كنتي تسوين أنت وزوجك
أنت خليتني خدامة عندك وأنا بنتك أمسح وأطبخ وأغسل وأربى عيالك ما سمحت لي بثواني أتنفس فيها وإذا رجع زوجك ما لقى الأكل جاهز ضربني... بس أرجع من المدرسة ما اقدر ارتاح حتى دقايق لأنك انتقمتي من أبوي فيني في بنتك يمه
هذا خالد ال... طقني يمه بس تدرين ليه لأنه ما رضه إن يشوف بنته بالمغفر أو يسمع عنها كلام مو زين ضربني عشان شجون مو لأنه لقى ملابسه مو نظيفة او ما لقى الأكل جاهز
وذا وتأشر ع خالها: خالي محمد هو بعد ضربني بس تدرين ليه لأن ما رضى علي أني أسقط بالمدرسة ضربني بس لأن شاف مستواي بالمدرسة يتدني خاف على مستقبلي ووقف بوجه أبوي اللي كان بيحرمني من دراستي
وذي تأشر ع أم زياد: أمي سمر بعد طقتني تدرين ليش لأني ناديت لها زوجة أبوي ما رضت لي إلا أناديها يمه من أول يوم دخلت فيه هالبيت لما أبوي رماني تحت رجولها قالت لي بنتي ولا كانت تسمح لأحد يجرحني بكلمة ضمتي بحب ولاطحت نيمتي بحضنها لطبت وما تركتني دقيقة تأكلني بيدها وراعتني كاني بنتها
وذول أخواني طقوني بعد بس كله عشان شجون عشان شجون وبس مو لأي سبب ثاني
يمه أنا ببيتك أنطقيت بس ليش ؟عشان أغسل وأطبخ واربي عيالك ببلاش زوجك ما كان يصرف علي إلا بالحسرة وهنا أول مرة أنطق بحب عشان مصلحتي عشان شجون يمه عشان أتربى وأدرس وارفع راسي ورأس أبوي وأخواني
ببيتك يمه زوجك ضربني وما بغى يتركني وانت ما سويتي شيء أنا كنت بموت بيده طقني لدرجة ما صرت أشوف فقدت بصري ثلاث شهور وش سويتي لي ولا شيء رميتني عند جدتي وأول ما رجع لي نظري وقمت أشوف خذيتني منها عشان أخدمك وأخدم زوجك ولارحمتني بيوم
الجميع كان يسمع شجون بصدمة والعبرة خانقتهم وخاصة زياد اللي ما قدر يغالب دموعه من اللي سمعه وخلاها تنزل ع خده
شجون كملت وهي تمسح دموعها وترجع تنزل ع خدها: الضربة ذي أثرت ع راسي وعيوني للحين اطيح بسبتها وراسي يوجعني حيل منها أنا ما قمت أشوف عدل ونظري ضعف وبعد كل ذا تبيني أرجع معاك بكل بساطة
ليه ما لقيتي خدامة تشتغل عندك ببلاش وتربي عيالك ولا صحى ضميرك فجأة وتذكرتي أن عندك بنت لا تقولين أن كل هذا شوق لي ومتعبة نفسك عشان ترجعني لحضنك ليه؟ من زود حبك وحنانك ما تقدرين ع بعدي
لا يمه أنا بظل هنا مع أخواني- ما تقبلوني صح بس ما ضروني كثر ما ضريتني ما حبوني عادي بس اهتموا فيني بظل عند أبوي ولو كان ما يبيني بعيش مع زوجة أبوي مع أمي سمر أمي اللي ما جابتني يا أم علي
وقربت منها وبكل حسرة تقول لها: وأنت يمه لو بيتك جنة يحرم علي ما دخلته
هالكلمة أترث في الكل وخاصة أبو زياد غمض عيونه بقهر والندم ياكل قلبه ويعصره عصر شلون ترك بنته كل هالسنين
كملت شجون: واللحين يا أم علي بقولك وأنا شجون بنت خالد ال.... ما أبغى أشوفك مرة ثانية
أنا.... شجون أقولك يمه اطلعي من حياتي كلها
أقولك وبكل اسف وأنا شجون وهي تأشر عالباب: طلعي بره ولا تعتبي هالباب بحياتك وانسى شيء اسمه شجون واتركني انسى العذاب اللي عشتها يمكن ارتاح انت ذبحتني من لما كان عمري ثمان سنين
وش تبين اللحين من إنسان ميت ما أبيك يمه ما أبيك
ودفنت راسها بصدر أم زياد اللي ضمتها حيل ومسحت لها دموعها اللي ما راضية توقف وهي تقول لها : خلاص يمه أنتي بعدك تعبانه لا توجعي قلبي أكثر من كذا رحمي حالك يمه وتكلم إياد: يمه إياد خذ أختك ودها لدارها ترتاح
إياد أخذ شجون وصعد بها فوق وهو يسندها ودموعها كأنها نهر ما تبي توقف ولحقتها أسيل وسجا وتركوا الكل تحت بين دهشة وصدمة والم وحررررررررقة قلب وقهررررر ماله حدود
زياد مسح دموعه وقال بكل غطرسة: اللحين ما بقى لك شيء عندنا والدرب اللي جابك يردك يلا ذلفي برة ولا عاد ألمح وجهك لمح وإياك تفكرين مجرد التفكير في شجون أو تحاولين تشوفيها حتى بأحلامك
والله بيكون أخر يوم بعمرك
محمد وقهر الدنيا كلها فيه وبغصة: اللحين سمعتي بأذنك وشفتي بعنيك ولا أظن عندك شيء تقولينه احفظي اللي باقي من كرامتك ويلا درب السلامة
نادية من صدمتها بنتها ما قدرت تسوي شيء وهي بها الموقف البايخ ووجهها راح ألوان من الفشيلة
وطلعت من غير ما تقول ولا كلمة
أبو زياد براحة"عسى تطلع روحك عسرة كفو والله بنتي ما قصرت فيها أحس أني اللحين أخذت حقي وبردت النار اللي بجوفي"
نهاية البارت الرابع

رد: رواية/ شجون روحي شجون أنفاسي

يسلمووووووووووووووووو
روووعه والله يا عسسل
متحمسه اكملها
يعطيكي العافيه
استمري

رد: رواية/ شجون روحي شجون أنفاسي

واووووو روعه كملي مره متحمسه
يعطيك العافيه وربي يسعدك ان شالله..

رد: رواية/ شجون روحي شجون أنفاسي

يعطيكم العافية أشكركم على تشجيعي وإنشالله قريب بنزل لكم البارت الخامس تسلمون حبيباتي

رد: رواية/ شجون روحي شجون أنفاسي

مررررحبا
بس بدي اسئلك عن موعد تنزيل البارتات
مشان اعرف ايمته افتح
او ازا ما في موعد محدد
يعطيكي العافيه

رد: رواية/ شجون روحي شجون أنفاسي

مرحبا حبيبتي
أنا بالحقيقة ما كان عندي موعد لتنزيل البارات لأن الرواية كاملة وجاهزة بس عشان عيونك الحلوة بحدد كل يوم ثلاث وخميس بإذن الله تأمرين امر يالغلا
وشكرا ع مرورك الحلو

رد: رواية/ شجون روحي شجون أنفاسي

عذرا على الإطالة فعندما أنسجم بالكتابة أنسى نفسي

رد: رواية/ شجون روحي شجون أنفاسي

البارت الخامس
معقول كل ذا تحملته هالمسكينة وكاتمته بداخلها صابرة ع همومها وبدل ما نعوضها عن الذل اللي عاشته مع زوج أمها زدنا عليها وحملناها فوق طاقتها
جواد: والله مانيب مستوعب اللي قاعد تقوله هذا لو مسلسل أقول يبالغون في أم بهالدنيا تسوي ببنتها كل ذا
زياد بحرقة: أجل لو سمعتها وهي تتكلم وش تقول أكيد يطير عقلك ولا تقدر تصدق... وبغصة: وأنا كل ما أشوفها أحقرها وأسافهها ولا مرة حسستها أنها أختي بالعكس اعتبرتها وحده صايعة ودايرة ع حل شعرها ولا مرة جسلت معاها ولا كلمتها وأن كلمتها جرحتها ولا كانت تنطق كله تكتم بداخلها وساكتة مدري وين أروح من تأنيب الضمير
جواد: بسك يا زياد لا تقهر عمرك كذا تراها أختك مهما صار عاملها عادي مثل باقي خواتها
زياد: بس أخاف تظن أني أشفق عليها بعد اللي سمعته وذا يخليها تبتعد عني زود ويزيد من عذابي
جواد بحيرة: غريبة أصلا أنت تتعامل مع خواتك بجفاف يعني الوضع بيكون طبيعي وشوي شوي حسسها بحنانك والله مدري وش سالفتك انت مع البنات اللي يشوف كرهك لهم يقول أنك مصدوم من وحده خانتك
زياد: لا يالسخيف
جواد: والله مدري شفيك أنت حتى خواتك تتمنى لو كانوا صبيان صدقني ما في أحلى منهم ومن دلعهم وحتى مياعتهم أنا بفرح لما اشوفهم ضحكتهم زعلهم حلوات كذا وناعمات كل حياتهم أحلام حتى شرهم أحبه تصدق أتمنى خواتي كانوا أكثر من كذا
زياد : يا شيخ روح أنا وين وأنت وين
جواد: أووووف أمداها تخلص دموعك ع طول رجعت زياد اللي أعرفه ولا الأخ كان يمثل اللحين عرفت معنى دموع التماسيح اللي يقولون عنها
زياد: هههههههههههه
@@@@@
شجون ما رضت تطلع من غرفتها بعد اللي صار العصر وظلت تبكي لانامت وما حست بالوقت ولما قامت كانت الدنيا ليل قامت صلت ولبست بيجامتها الموف ومشطت شعرها ظفيرتين والخصلة البيضا مظفورة لحالها وعليها مسكات صغيرة حاولت تنسى اللي صار وتركز بكتبها بس ما قدرت وتسمع طق بالباب بس ما ردت
أسيل: شجون لو سمحتي فتحي الباب
شجون فتحت ودخلت عليها أسيل وظلت واقفة بالباب
أسيل: ما رح تقولي لي تفضلي
شجون: أنت دخلتي وخلصتي
أسيل:وش قلة الذوق ذي الناس تقول تفضلي يا مرحبا وش تشربين وين الضيافة
شجون بابتسامة باهتة: والله مالي خلق أضحك
أسيل تجلس ع سريرها: شجون
شجون: هلا قلبي
أسيل: أنا... أدرى أن اللي صار مو قليل وأدري جية والدتك فتحت جروح كنت تحاولين تنسيها
أنا مدري وش أقول بس أبغاك تسامحني أنا عاملتك بكره لما أجيتي بس والله عقب حبيتك حاولت أتقرب منك أكثر كنت أحسد سجا اللي عرفت كيف تكسبك من أول يوم وأشوفكم تتهامسون وتلعبون وتتأمرون ع بعض أحيانا كنت اتمنى أني أكون معاكم بس مقدرت أتقبل وجودك أنه يطلع لي أخت بعد كل السنين ذي وكذا فجأة أحسها ثقيلة وصعبة حيل
أنا ما كنت أكرهك بس كان في شيء بداخلي يمنعني أقرب لك أرجوك تفهميني وتسامحني ولا تقولين أني قلت هالشيء عشان أشفق عليك بعد اللي صار اليوم والله أنا كنت بصارحك ونتصافى بس كنت أنتظر الوقت المناسب وحسيت اليوم أجتني الفرصة
وعيونها تدمع:أبيك تفهمني أرجوك ما أبغاك تحقدين علي أو تعاملني ع أني شخص غريب عنك وبعدين أنا كانت لي أسبابي أحكي لك عنها بعدين إذا رضيتي تسامحني قولي شيء لا تظلين ساكتة
شجون وهي تمد يدها لأسيل مثل الأميرات: بوسي يدي أرضى عليك وأمنحك لقب سير
أسيل تضرب يدها وتضمها: أحلفي عاد
هههههههههههه
@@@@@
ثاني يوم المسا شجون كملت تسريح شعرها ورفعته فوق وظفرت خصلته البيضا بس هالمرة رفعتها مع باقي شعرها ونزلت غرتها اللي غطت عيونها ولبست تنورة لونها أزرق سمائي ضيقة وطويلة عليها خيوط بنية وبلوزة نص كم بنية ولبست صندل زحف وكحلت عيونها الرمادية وحطت ع شفاتها مرطب شفاه وشويه بودرة ناعمة وتعطرت وناظرت شكلها بالمرايا وأخذت جوالها اللي غيرت له أكسسوارت ع اللون الأزرق ونزلت
أول ما طلعت للحديقة ركضت لها نجد بنت أروى وتعلقت برجولها: هلا بقلبي وترفعها فوق وتبوسها وتحملها معاها وتروح للبنات
شجون: السلام عليكم
شوق وحنان: وعليكم السلام
شجون: كيفك حنان وأنتي شوق كيف أحوالكم
بخير
شجون تتلفت: ما أشوف أبرار ولا ريناد وجنا بعد ما أشوفها
حنان: اللحين جايين بس راحوا يسلموا ع عمي
شوق: نزليها وفكي عمرك والله نشبة
شجون: اتركيها تنشب فيني عمري كله والله أموت فيها
بس تعالى ليش جبتيها معك وين أمها أجل
شوق: أروى حطتها عندنا عشان تهتم بولدها وقالت خذيها معاك لارحتو
ودخلت سجا ومعاها العصير وجلست شوي وجات ريناد وأبرار وجنا
أسيل كانت تتكلم بالتلفون
طيب حبيبي بس اللحين خلني أروح أجلس مع البنات
جايين عندنا بنات عمي
أمجد: وبنات عمك حلويين مثلك
أسيل: استح يا قليل الأدب
أمجد: لا بجد أكلمك اللحين بنات عمك حلوات مثلك
أسيل: وأحلى بعد
أمجد: يا ويلي مقدر ع التواضع أنا فديتك والله
أسيل: بسك عاد بلا هالحركات ويلا لا تعطلني أروح أجلس مع البنات
أمجد: روحي يا روحي وضبطلي وحده بطريقك يمكن أشبك معاها
أسيل: والله لأذبحك مع السلامة
أمجد: ما قلتي لي متى أقدر أشوفك
أسيل: مدري لأرحنا المجمع يمكن
أمجد: ما يصير أشوفك بمكان ثاني بالمجمع مقدر اتكلم معاك بس أشوفك دقيقتين وكله متغطية ليه ما تبين أشوفك
أسيل: مدري
أمجد: أنتي قلتي لي أن خوانك ما يغصبون عليكم ع الغطا ليه تتغطين بس تشوفيني
أسيل: أقول تراك مصختها ما رح تشوفني إلا عقب ما نتزوج وأحلم أشوفك بمطعم أو غيره ويلا ضف وجهك باي
أمجد: وترضين علي أزعل
أسيل: أي أرضى أحمد ربك اللي قاعدة أكلمك مع السلامة
وسكرت قبل تسمع رده وراحت لعند خواتها تشاركهم الجلسة
@@@@@

رد: رواية/ شجون روحي شجون أنفاسي

كانت شجون تلعب مع نجد وحاولت تركض معاها بالحديقة بس ضيق تنورتها منعها حملتها ورجعت للبنات
شجون: والله عسل عسل ما ينشبع منها هالبزرة
ريناد: وأنتي بعد بزرة مثلها اللي يشوفك ما يقول عمرك 17 سنة
شجون: أوووووف أتمنى أطول شوي عشان ما تعايروني
أبرار: أصلا كل إنسان وله ميزته وبعد قصر قامتك محليك أكثر
شوق: أنتي كله شايلة نجد نزليها عنك اللحين تبكي وتتلزق فيك وأبتلش أنا فيها بعدين
شجون: امووووت فيها يا حلوها بس
جنا: تحبين العيال يا شجون
شجون: إلا أموت فيهم أنا اللي كنت أربى أخواني وبعدين في أحد ما يحب يكون عنده عيال شوفي حلاتهم وتبوس نجد بشفاتها
أسيل: صدقتي حلوين طالما هم ساكتين بس لأصرخوا الله يعين
سجا: اللي يسمعك يقول عندك عشر اسكتي بس
أسيل:فال الله ولا فالك قولي اثنين ثلاث أربع بالكثير والحمد لله
شجون: والله ما في أحلى منهم خلهم يجون إنشالله عشرين ما أمل منهم
حنان: لا عشرين مرة وحدة مصختيها عاد
ريناد بضحكة: عادي كل مرة تجيب توأم
أبرار بقهر: الله لا يحرمهم أحد عطيني أياها شوي
شالت نجد من حضن شجون وضمتها حيل وشمت ريحتها" يا رب أنا ما اشتكي لغيرك يا رب أنت أدرى بحالي" وغمضت عيونها
انتبهت عليها سجا: أبرار وين رحتي
أبرار: ها معاكم بس ريحه هالحلوة تجنن
وغرقت بحزنها مرة ثانية
@@@@@
دقت عليه أكثر من مرة ولا رد ورجعت تدق
ريم تبكي: ما بتركك يا ناصر حتى ترد علي
ومن جهة ثانية كان يشوف تلفونه يرن يبتسم ولا يرد
يا خي رد أو قفله تراك سويت لنا قلق بتلفونك ذا وبعدين منو ذا ثقيل الدم اللي ما تبي ترد عليه كذا
ناصر: ذي بنت الفقر ازعجتني مليت منها ولا أبغاها أمي قالت أنها رح تخطب لي بنت من مستواي أنا يوم شفت بيتهم وكيف عايشين حقرتهم
الله لا يبليك يا ناصر ترى الفقر مو عيب ولا هم أختاروا أنهم يصيرون فقارة ترى ربك هو اللي يقسم الأرزاق وبعدين تقول ما تبيها بعد ما مكلت عليها وين كنت أنت وأمك لما تقدمت لها كنت تدري بحالها وعيشتها أو أنا غلطان
ناصر بسخرية: بركات يا شيخنا ومن متى صرت واعظ والله كنت ما أشوف عدل أكيد ساحرتني حاولت أحسن من مستواها بس لقيتها ما تستاهل وكله تطلب مني فلوس داشه هي وأهلها ع طمع ع بالهم تزوجوا بنك
استغفر الله العظيم حسبي الله ونعم الوكيل
ويرجع تلفونه يدق وبالأخير رد من غير نفس: نعم وش تبين اللحين
ريم تبكي: ناصر أبيك ضروري تعال للشقة اللحين لا تتأخر الموضوع ما يحتمل تأجيل
ناصر: طيب نص ساعة وأكون عندك ويسكر ويقوم
ع وين
ناصر: أشوف ست الحسن والجمال وش تبي يلا أشوفك
@@@@@
بعد نص ساعة وصل للشقة وفتح الباب بالمفتاح ودخل لقاها جالسة ع الكنب تنتظره وهي تبكي
قال بجفاف:وش فيك ليكون أبوك مات
ريم بصدمة: بعيد الشر عنه أنا اللي بموت لو ما تزوجنا
ناصر: وليه إنشالله وش فيك أنت بعد
ريم ببكا: ناصر أنا حامل وش بتسوي اللحين لازوم نتزوج باسرع وقت
ناصر باستخفاف: والله حامل مبروك ومن منه
ريم بصدمة: وش تقول أنت بقولك حامل تقول لي من منه
ناصر مسكها من يدها وقومها: سمعي حبيبتي هالخرابيط ما تدخل براسي أكيد كنتي تخططين حق هالشيء من زمان قلتي خلني أورطه وألفق له هالقصة لا يا عيوني شوفي لك أحد غيري تلزقين فيه سواد وجهك
ريم مصدومة من اللي تسمعه: والله لو ما سمعتك بأذني مصدق معقوله أنت يطلع منك كل هذا أنا زوجتك يا ناصر إذا نسيت
ناصر بخبث: ما نسيت المصيبة اللي ورطت حالي فيها أمي قالت لي ترى ما تصلح لك بس أنا ما سمعت كلامها إلا في أحد بمستواي يرضى يأخذ واحدة لا قيافة ولا أسلوب ولا حتى مكملة تعليمها ويا ريت تعرف تلبس
ناظرتي حالك بالمرايا ما استحتي من نفسك ومن كشتك
ريم ودموعها ع خدها: أنت شيطان أنت مو إنسان بعد ما خذيت اللي تبيه جاي تقول أني ما أناسبك أأأخ يالنذل رفعت يدها تصفعه بس مسكها ودفها ع الكنب وشدها من شعرها: ما بقى إلا أنت يالفاجرة تمدين يدك علي وبعدين يا غناتي لا تنسين أن كل شيء له ثمن وأنا كنت مضبظك ومغرقك بالفلوس عدل كلامي مو
ريم: تفو عليك يا الحقير
ناصر بحقارة: تؤتؤتؤ ليه قلة الأدب ذي خلينا نفترق وإحنا حبايب
أبعد عني يالحقير لا عاد تلمسني
ناصر: ومن قال أني بلمسك حدك مقرفة أنا بروح لبغيتي فلوس دقي علي وأخر كلام انت طالق يا ريم طالق
راح وتركها بين صدمتها ودموعها ولا هي عارفة وش تسوي بالورطة وشلون تخبر أهلها اللي كان عندهم أمل بحياة مثل الناس بس للاسف تبخر
@@@@@