رد: رواية/ شجون روحي شجون أنفاسي

مشكوره على طرح الروايه
متابعين لك استمري

رد: رواية/ شجون روحي شجون أنفاسي

روعه يعطيكي العافيه
متابعتك

رد: رواية/ شجون روحي شجون أنفاسي

عذرا على الإطالة فعندما أنسجم بالكتابة أنسى نفسي

رد: رواية/ شجون روحي شجون أنفاسي

البارت الثالث
قام وهو يسكر أزرار قميصه ويناظر اللي ضامه اللحاف ع نفسها بالسرير وتبكي
وليه تبكين اللحين ترى انا زوجك يعني عادي
بس للحين ما تزوجنا
نحنا ملكنا يعني أنتي حلالي ولا أحد يقدر يقول غير كذا
بس تكفى لا تأجل زواجنا خل نتزوج بسرعة أرجوك
طيب انتي اللحين قومي لبسي أوصلك لبيتكم وأياك تعلمين أحد باللي صار بيننا خليه سر بيني وبينك
مسحت دموعها وهي تقول: طيب أنت تحبني قول أنك ما رح تتخلى عني أكيد تتزوجني صح
أنت وبعدين معاك أنت زوجتي ع سنة الله ورسوله وعادي أقدر أخذك اللحين ع بيتنا بس أمي تبغى تفرح فيني وتسوي لنا ذاك العرس اللي لا صار ولا استوى بطلع عشان تلبسين ملابسك وخذي طلع فلوس من جيبه: خليهم معاك يمكن تحتاجون شيء أنت وأهلك
أخذت منه الفلوس وهي بعدها تبكي وخايفة من اللي صار قامت لبست ملابسها ورجعت لبيتها
@@@@@
بعد رجعة البنات للبيت ظلت شجون وسجا مع أم إياد يفتحون أغراضهم
شجون: وذي لك يالغالية
عطتها كيس وهي تبوس جبينها
أم زياد: لي أنا تسلمين يا بنتي
ويقومون ع الصوت اللي صفق الباب بكل قوة
أسيل.......... أسيل
ام زياد: أيش فيك يمه
محمد: بنتك وينها فيه ويناظر في شجون وسجا بكل غضب
أقول وينها أسيل
سجا بخوف: فو... فوق بغرفتها بس ليش
وتركهم وراح فوق وهو يصارخ: أسيل أسيل
وبس سمعت صوت خالها خبت الكيس اللي عطاها أمجد تحت السرير وسكرت تلفونها مع دخلت محمد للغرفة
منو كنت تحاكين
أسيل بخوف: رفيقتي
محمد: رفيقتك ها صفقها كف وطاح فيها ضرب من اللي كنت وافقة معاه بالمجمع تكلمي
أسيل ببكا: ما أحد أنت كنت مع سجا وشجون روح أسألهم
محمد: تكذبين بعد ترى إن ما قلتي يا أسيلو والله لأدفنك بمكانك
أحكي أحكي وينزل فيها ضرب
أه خالي اتركني ما سويت شيء ذا أخو رفيقتي كانت تبغي مني شيء وارسلت لي أخوها
أخو رفقيتك ها ومسكها من شعرها وكفخها
أخذ مفتاح غرفتها: إن شفتك عتبتي باب الغرفة والله يا أسيل بيكون أخر يوم بعمرك وتركها طايحة بالأرض تبكي
ونزل تحت وهو معصب
بس شافوه سجا وشجون خافوا منه وقالوا إحنا بنروح فوق
أم إياد: جلسوا ع وين يمه تو الناس
وهم يجمعون أغراضهم باستعجال: لا بنروح
أم زياد: شجون يمه قعدي ... سجا إيش فيكم
شجون: ها لا لا أنا لا خل سجا تجلس... أي تذكرت عندي واجب يلا باي
سجا:وأنا بعد في درس موب فاهمته شجون تشرحه لي
محمد بعد كان معصب ابتسم ع حركاتهم وقال: تعالوا قعدوا أنا بشرح لكم
الاثنين: لا لا استريح أنت بس
شجون: أنت بالذات لا مشكور
سلام
وراحوا يركضون ع فوق وبس طلعوا ضحك محمد مع أخته اللي سألته أيش فيها أسيل
محمد: ع طاري أسيل مابي أحد يكلمها أنا حبستها ع المدرسة مالها روحة إلا عقب اسبوع
أم زياد بدهشة : ليش وش مسويه
محمد: مالا داعي اللحين المهم سوي مثل ما قلت لك والبنات بالذات لا يجلسون معاها والله يصير لهم مثل ما صار لأسيل خلها تتعاقب
يمه أنت بعد لا تسوي كذا ترى حدهم خافوا منك ... شوف شجون شنو اشترت لي معاها
ومدت له صندوق مخملي باللون الأزرق بداخله ساعة فخمة وحلوة
محمد وهو يبتسم: فديتها والله هي وهالأزرق
أم زياد: والله وش رايك أخطبها لك بعد
محمد: سكتي عاد تراها مثل سجا وأسيل
أم زياد: أحلف عاد شفت كيف صدقتك
@@@@@
كان جالس لحاله بالحديقة وهو يفكر وكأنه مو بهالعالم وبدنيا ثانية
حتى لمن أجت أخته وجلست معاه ما حس فيها ولا رد عليها السلام
شوق: هاي أخ فارس نحن هنا
فارس:........
شوق: وبعد ما ترد حمد لله والشكر الأخ استخف وقعد
فارس: روحي زين قطعتي علي تأملاتي
شوق فتحت عيونها ع وسعها: تأملات مرة وحدة وشنو اكتشفت بتأملاتك يا نيوتن ليكون بتخترع شيء بعد
وبعدين شنو اللي مجلسك بالبيت اليوم
فارس: لا وبعد ما تبيني أجلس بالبيت ليكون بتطرديني من بيتي بعد
شوق: مو من عوايدك تجلس عندنا تصدق أني نسيت شكلك وجيت اتغطي يوم شفتك ع بالي واحد غريب
فارس: صدق والله أجل ليش بعدك كاشفة وتكلمين أحد غريب ما تستحين أنت
شوق: ههههههه حدك سخيف
فارس: أنا سخيف ترى عطيتك وجه زيادة قومي لأكفخك اللحين يلا انقلعي
شوق: منيب رايحة لين تقولي السبب اللي خلاك تجلس بالبيت ولحالك بعد أكيد السالفة فيها إن
فارس: أوووف قرفتونا والله جلسنا بالبيت صارت مشكلة طلعنا نسهر مع الربع سويتو سالفة أيش فيكم أمي استلمتني قبل شوي واللحين دزتك أنت ع بالها إذا ما خبرتها هي بقولك أنتي قومي واتركيني لحالي بس
شوق: وإن ماقمت
فارس: خلاص لا تقومي أنا تارك لك البيت وطالع عسى تطلع روحك قولي امين ويقوم عنها
شوق: تعال تعال الله يخليك ما شبعنا منك ياعسل وتغمز له أجلس خلنا نسولف شوي
ودخل رياض: السلام عليكم
شوق وفارس: وعليكم السلام
رياض: يا كبرها عند ربي فارس عندنا يا مرحبا يا مرحبا لزوم نسوي حفلة ونرقص للصبح
ويلتفت لأخته: شوق وين الكيك وين الشاي والعصير ما هقيتك بخيلة كذا ليه ما ضيفتي أخوك
شوق هي وتضحك: اللحين بحضر لكم أحلى ضيافة امر وش بعد
فارس فار دمه: تراك مصختها أنت وهي بس الشره علي اللي جالس مع بزران مثلكم
رياض: أقول وش عنده فارس بلا جواد
شوق: قصدك أنشتاين ترى يقول أنا بتأمل وخرابيط من ذي
رياض ويضرب أيده: لا حول ولا قوة إلا بالله أخوي جن الله يعوضنا بس
فارس فاض بيه وقال: أنا طالع وتارك لكم المكان شبعوا فيه
رياض: تعال تعال وين بتروح
فارس: يا شيخ انقلع عن وجهي وقام وطلع من البيت ودق ع رفيق له من زمان ما شافه
@@@@@@

رد: رواية/ شجون روحي شجون أنفاسي

يعطيكي العافيه
متابعتك

رد: رواية/ شجون روحي شجون أنفاسي

[SIZE=4جلست سجا وشجون بالصالة يسولفون ويشاهدون فيلم ويضحكون وأسيل طلعت مع خالها عشان يراضيها وشجون تعودوا عليها أخوانها وشوي شوي تغيرت معاملتهم لها
إياد: تعالوا نلعب ورق وغمز لزياد اللي قاله: لا ننتظر خالي لارد مابي ألعب مع ذول
إياد: وليش ما تبي تلعب معاهم ذول خواتك ما قلت لك ألعب مع بنات الجيران
زياد: انا ماعندي صبر لدلعهم ومو فاضي حق مصاختهم اللحين لا انهزموا يصرخون ويصيحون وع بالهم إحنا غشيناهم وما تشوف غير هالدموع الماصخة نازلة شلال
إياد بخبث: عادي أنا ما قلت نلعب معهم إلا عشان نغشهم ونستانس
زياد عجبته الفكرة بس قال: وإن قامت وحده منهم تبكي ترى أكفخها
إياد: خلك منهم عاد وتحملهم أحلى شيء فيهم لما يبكون عالفاضي شوف شكلهم مستانسات وأصوات ضحكهم واصلة الجيران وغمز له: خلنا نزعلهم شوي والله نستمتع
زياد تذكر كلام جواد ذاك اليوم عن خواته وقال: أوكي
ومد كفه لأخوه ويضرب كفه
شجون: أيش فيهم إخوانك يتساسرون
سجا: مدري ما عليك منهم أغبياء
إياد: سجا تعالى أنت وشجون خلنا نلعب
شجون تحمست: قومي سجا خل نلعب معهم
سجا: مابي ترى دمهم ثقيل مرة
شجون: عشان خاطري تكفين
سجا: بس عشانك
جلسوا ع الأرض مع الشباب وإياد يبي يوزع الورق
سجا: لا أنا اللي بوزع الورق وترى أنا لعبت بس عشان شجون
اجلسي لا تبوزي من أولها اتركي الزعل لبعد شوي وغمز لأخوه
وبدأ اللعب زياد وإياد فريق وشجون مع سجا ودقايق ويدخل محمد مع أسيل وما رضوا يشاركون باللعب بس يتفرجون ويشجعون
وبعد ساعة من اللعب إياد وزياد طايحين ضحك ووناسة وسجا وشجون ماسكين أعصابهم بالقوة
شجون وهي تبكي ما قدرت تغالب دموعها حذفت عليهم الأوراق اللي بيدها وهي تقول: بطلت ألعب معاكم أصلا أنتو ما كفو الواحد يجلس معاكم
وينفجر الكل ضحك عليها
قامت مسكها إياد من يدها: جلسي عاد بلا دلع ماصخ تو الناس مستانسين والله وضحك وغمز لزياد
شجون تسحب يدها منه: ما بي
محمد: لا خلاص الكل ع النوم يلا تصبحون ع خير
تصبحون ع خير وبعدهم يضحكون ع شجون ودموعها اللي نازلة ع خدودها شوف أم عيون رمادية شلون صاير شكلها
محمد: حرام عليكم إلا تعالوا وش اشترت لكم شجون ذاك اليوم
زياد: وأنت منو قالك انها اشترت لنا شيء
محمد: لقيت هديتي بغرفتي تأكدت أنها اشترت لكم بعد
زياد: حلها شارلوك هولمز
هههههههههه
@@@@@
أنت اللحين داق علي ومن يجي سنة ما شفتك ومطلعني بالبرد عشان تناظرني وأنت ساكت
وش أسوي أنت رفيق عمري وما نسيتك حتى يوم تخليت عني وتركتني
اللحين انا اللي تركتك إلا أنت اللي انقلب حالك وتبعت ذيك الشلة الوسخة نصحتك سبيتني وقلت مالك شغل فيني تذكر
أها أجل أنا اسف وأنا الغلطان اللي دقيت عليك يلا أخليك
مسكه من يده تعال أجلس أشفيك ما طقت لي كلمة أنا أعاتبك من خوفي عليك وحبي لك مو أكثر أجلس بس وقولي شنو السالفة
اه يا نواف أنت خوي ونديمي وأنت الإنسان الوحيد اللي يفهمني
نواف: أدري يا فارس وعشان كذا أول ما دقيت علي جيتك ركض لأني مثل ما قلت أكثر إنسان أحس بيك وأقرب لك حتى من أخوانك
تعال نروح لمكان تحبه ونسهر وتحكي لي السالفة من أولها تراني اشتقت لك حيل
فارس يبتسم: وأنا بعد يا رفيق عمري
@@@@@
رن الجرس راحت الخدامة وفتحت الباب
شجون راجعة من المدرسة قبل موعد رجعتها ودخلت شافت أم زياد بالصالة :السلام عليكم
أم زياد بدهشة: وش فيك يا بنتي
شجون: المديرة طردتني وتقول لا ترجعي إلا ولي أمرك معك
كان زياد موجود بالبيت وسمع الكلام اللي قالته شجون
أم زياد: وليش تقول لك كذا
زياد يطلع: وليش يا حزرك أكيد مسويه شيء قليلة الأدب مسكها بقوة من أيدها: أحكي وش عاملة ذي المرة
شجون: أتركني وجعتني
زياد يزيد ضغطه ع يدها: تكلمي أحسن لاكسر راسك اللحين
شجون تناظره برجا وبعناد: ما رح أقول مالك شغل فيني
زياد: والله إن ما تكلمتي...
أم إياد: اترك البنية ما صارت حاله كل ما شفتها يا تسطرها يا تهزئها وخر عنها أقول
وسحبت شجون منه وهي تقول: تكلمي يمه ليش طردتك المديرة
شجون:أخذت اللاب توب معي للمدرسة وفي بنت بثالث ثانوي مدري عنها دائما تناظرني نظرات غريبة وتتمسخر علي هي ومجموعة بنات
زياد بملل: وبعدين
شجون تتنهد:اليوم جالسة مع البنات بالفسحة نتفرج ع صور نزلتهم من الإنترنت أجت هي وخويتها وسحبت مني اللاب توب وتقولي من وين لك يا بنت الفقر
وتخانقت معاها وجت الناظرة ودتنا للإدارة
زياد بانتباه: وش صار عقب
شجون: قالت للمديرة أن أنا سرقت اللاب توب وهو مو لي والمديرة حسبي الله عليها أخذته مني
زياد بسخرية: وليه ما قولتي لها أنه حقك ولا لسانك بس طويل هنا بالبيت
شجون بقهر: والله قلت لها أنه حقي وأني أقدر اشتري عشر غيره وأعطيها عشر بعد لو ماعندها
زياد مفتخر بأخته المغرورة: كفو والله هذي هي أختي
أم زياد: هذا بدل ما تزفها تشجعها ع شوفة نفسها الله يصلحك بعد
زياد: أي كملي
شجون: بس ولا شيء انحرجت المديرة من كلامي وبالأخص لمن شافت البنات يضحكون عليها قالت لي وتقلد المديرة:طلعي برة يا قليلة الأدب ولا ترجعي إلا ومعك ولي أمرك
وهذا أنا رجعت وأخاف ما ترجع لي اللاب حقي
زياد: باكر أنا بروح لها وأعلمها شغلها صح
أم إياد: أنت خلك مستريح قال بروح قال عشان تزيد الطين بله لا مالك شغل بالسالفة بقول لمحمد وهو يتصرف
وأنت يا بنتي قومي ارتاحي فوق ولا يهمك حتى لو ضاع يجيبون لك غيره فداك والله بس لا تحرمنا من ضحكتك الحلوة
شجون تبوسها ع خدها وبدلع: زين يمه
زياد:انقلعي بلا مياعة
@@@@@

رد: رواية/ شجون روحي شجون أنفاسي

أروى: وش رايك يمه نعزم بنات خالي خالد عندنا
شوق: أي صح عشان شجون من جت ما عزمناها ع بيتنا وحتى روحتنا لهم قليلة
أروى: وافقي يمه تكفين
أم فارس اللي كانت واخذه موقف من شجون وحاطتها بالقائمة السودا: بنشوف أنا أحدد موعد وبخبركم
شوق: أحلى أم والله
@@@@@@
في مدرسة شجون
محمد: أنا ولي أمر شجون خالد ال.... خبرتني أنك طلبتي منها ما تجي إلا مع ولي أمرها وأنا خالها
المديرة: استريح أخ محمد السالفة وما فيها إن بنت أختك تشاجرت مع الطالبات بالمدرسة عشان لاب توب ولمن سألنا البنت خبرتنا إن شجون سارقة اللاب توب وأنه مو حقها
محمد: بس ....
المديرة: أرجوك أخ محمد لا تقاطعني المشكلة مو بس بالجهاز بنت أختك طولت لسانها علي وتقول برفعة خشم وعنجهية أنا مو حرامية ولو تبين أشتري لك عشر إذا ما عندك
محمد كاتم ضحكته" فديت العيون الرمادية والله زين سوت فيك" ويقول بصوت مسموع: بس والله سهل تتأكدين اللاب توب حق منو مو مشكلة ذي
المديرة: ادري بس هي رفعت ضغطي عشان كذا طلبت منها تجيب ولي أمرها ومو بس كذا أنا لقيتها فرصة عشان أوريك ذي بعد
وتمد له ورقة
محمد: شنو ذي
المديرة: ذي ورقة اختبار افتحها وشوف
محمد فتح الورقة وانصدم: كييييف
المديرة: انا بعد ماصدقت أول مرة لأن البنت متفوقة وعلاماتها ممتازة بس لما قريت الاسم وقارنت خطها للاسف ذي ورقتها ما حلت الأسئلة وكتبت بالورقة بكل سخرية|| لم ينجح أحد||
محمد فار دمه ووصل حده" هين يا شجون بدينا بالسخافات الظاهر أن موتك ع يدي أنا أوريك"
وقام : اسف حضرة المديرة وأوعدك أن هالشي ما يتكرر
المديرة: حصل خير وبالنسبة للاب توب تقدر تأخذه معاك لأني تأكدت بنفسي أنه حق بنت أختك من صورها اللي بداخلها
محمد: مشكورة يا حضرة المديرة
@@@@@
الله يتوب علينا بس من هالشغلة
أي بس لازم نقدر نوفي مصاريفنا تدرين أبوي وعلاجه من صوب ودراستنا من صوب ومصاريف البيت ما تخلص
سارة: ريم متى تتزوجين ع الأقل زوجك غني ويقدر يساعدنا ويخفف عنا يمكن نقدر بمساعدته نسوي العملية حق أبوي
ريم طاح قلبها وتذكرت اللي صار بينها وبين زوجها بالشقة: لسه شوي بعد ونتزوج
بدور: أنا ما ارتحت له أبد هالناصر نظراته ما تطمن وكأنه يخفي عكس ما يظهر ويتكبر علينا
ريم بقهر: لا تقولين كذا ترى مرة طيب
سارة: يا ليت كان عندنا أخو ما كان ذا حالنا بس وش نسوي وأحنا أربع بنات وأبوي طايح مريض
المها: اللحين لو زوجك يفهم في الأصول كان صار لنا أخو واهتم فينا وهو يدري أن ما لنا سند غيره
ريم بقهر: خلونا نرجع لشغلنا ونكمل الطلبية عشان نسلمها بدري لا تنسون المرمطة بالتكاسي إذا طولنا نسير ع رجولنا
سارة: يلا بسرعة خلونا نخلص
@@@@@
كانت نايمة بغرفتها حاولت سجا تصحيها ولا هي براضية تقوم
شجون بعصبية: سجا انقلعي عن وجهي خليني أنام أحسن لك
سجا: أنت كله تنامين أيش فيك والله قهريتني قومي أجلسي معي
شجون وفيها النوم: ما ابي أجلس معاكي روحي يالحقودة ونامي مثلي ترى طيب النوم لو ما تدرين بعدين أنا صحتي مو بزينة وحدي تعبانه
وفيني النوم
خلني ارتاح ضفي وجهك عني وانقلعي لدارك لأقوم أسطرك اللحين
سجا: وأن ما رحت وش تسوين يعني
شجون: الحين أعلمك وش أسوي
تلحفت باللحاف وغطت وجهها وقالت لها تصبحين ع خير
سجا: حدك سخيفة قومي يا بايخة
شجون: لاقمت بنتحاسب أبي استغل طردتي من المدرسة بالنوم وأنت يا العنز قومي اطلعي بره
سجا: أنا عنز يا وجه البقر طيب لا أشوفك بداري بس
شجون: طيب انقلعي من زينك أنت ودارك ورجعت تنام
@@@@@
السلام عليكم يمه شلونك
أم جواد: هلا ببنتي الغالية شلونك
أبرار: أنا بخير دامك بخير
أم جواد: يمه أبرار
أبرار: لبيه
أم جواد: وش فيك دايم سارحة وكل هموم الدنيا ع راسك ترى وضعك مو عاجبني وحتى أبوك حس فيك وأنتي كله عندنا
أبرار: ها لا ما فيني إلا العافية بس....
أم جواد بخوف: بس شنو يمه
أبرار بحسرة" شقولك يمه أقولك أني موب بمرتاحة وأن أحمد يعاملني كأني حشرة مو زوجته"
أم جواد: ايش فيك ساكتة تكلمي
أبرار بقهر: ولاشيء السالفة كلها أني ما حملت للحين وذا الشيء قاهرني
أم جواد: الله كريم يا بنتي وأنت ما صار لك سنة من تزوجتي يعني تو الناس لا تضايقين عمرك
أبرار: معاك حق بصعد فوق بشوف حنان وجنا وعقب برجع لك
أم جواد: زين يمه
طالعةع الدرج لاقت أخوها جواد نازل لابس ومتكشخ وريحة عطره واصلة للديرة كلها
كان لابس بنطلون جنيز أسود وبلوزة قطنية لونها أبيض وياقتها عالية وجاكيت كشمير طويل واصل لركبته لونه كحلي ولابس نظارته السودا
أبرار بتصفير وإعجاب شديد لأخوها: وش ذا الحلا وش ذا الزين تعال اقرا عليك ع وين إنشالله والله البنات بينهبلون عليك أكيد بتسوي أزمة عند الشباب
جواد بفخر وعنطزة: عشان تعرفين قيمة أخوك تراني مو قليل لو أشاور بس يصطفون النات صفين يبوسون يدي عشان أرقمهم
أبرار: أموت ع الثقة لا تصدق عمرك أنا جاملتك بس عشان ما ينكسر خاطرك يا الشواذي
جواد مسكها من شعرها : أحلفي عاد يلا أشوف اعتذري وصرخي عشان أتركك
أبرار: أيدك عن شعري أنت غيران لأن شعري أطول من شعرك وماني معتذرة
جواد: وأنا مو تاركك يلا اصرخي وأنا أهدك ومسكها حيل من شعرها
أبرار تصارخ: أأأخ اتركني وجع
تركها جواد بعد ما لعب بشعرها وخربطه لها: اللحين بتركك روحي شوفي شغلك
ونزل بسرعة: شلونك يمه
بخير ع وين إنشالله اللي يشوفك يقول معرس
جواد: أنا بروح بيت عمي خالد
أم جواد: وخير انشالله أشوفك متنقع عندهم بزايد
جواد حب يقهر أمه: رايح أشوف القمر أم عيون رمادية فديتها والله
أم جواد: نعم ما سمعت تشوف منو يا قليل الأدب
جواد ارسل لها بوسة عالهوا: لا تنظروني عالعشا بتعشى مع ربعي اليوم
أم جواد: مدري وش فيهم هالعيال ما يستحون أبد
@@@@@
هلا خالي
هلا أسيل شلونك وشلون دراستك
أسيل: تمام.. ذا لاب توب شجون أنت جبتا صح
محمد: أي وينها فيه أعطيها أياه
أسيل: كله نايمة من رجعت من المدرسة ما شفتها تقول أنها تعبانة وصحتها مو تمام هات بعطيه سجا تعطيها أياه
محمد" طيب يا شجون أنا برد لك صحتك وأضبطك وأعلمك شلون يتعاملون مع البزران" لا استريحي وعن أذنكم بروح أطمن عليها وأعطيها إياه
أسيل:طيب
وطلع فوق عند شجون دخل دارها ولقاها نايمة و متكورة ع نفسها باللحاف
محمد: شجون
شجون بتعب: ها وش تبي اتركوني انام والله تعبانة
محمد: قومي شوي أحاكيك
وبدلع: لا مابي اتكلم مع أحد انقلع
محمد" وتسبين بعد الظاهر أن جلدك قام يحكك"
وبصوت عالي: شجون أقول قومي بلا دلع ترى أنا محمد مو سجا
بس سمعت صوته فزت وجلست تبعد خصل شعرها عن وجهها: خ... خالي نعم وش بغيت
محمد بعصبية: خذي اللاب توب حقك ومد لها جهازها
شجون وهي تبوس الجهاز: فديتك مشكور خالي
محمد: ولسه رح تشكريني جبت لك هدية ثانية بعد
شجون بفرح: صدق وينها
ومد لها الورقة: خذي... افتحيها
شجون وهي تناظر باستغراب أخذت منه الورقة وهو يصر إنها تفتحها
فتحتها وانصدمت من الورقة
بخوف:لا ...لا خالي استنى أنا بعلمك تراك فاهم غلط
محمد قام وقفل الباب: والله فهمني شنو الصح
شجون ابعدت خصل شعرها اللي طاح على وجهها وبلعت ريقها: السالفة وما فيها أن ... أن ...
محمد: أن شنو تبي الصدق شجونة أنا بقولك وش السالفة
سحبها من السرير ونزل عقاله وطاح فيها ضرب
سجا شافت خالها وهو داخل غرفة شجون وجت تدخل وراه لقت الباب انقفل وشوي وهي تسمعه يصارخ ع شجون وهي تصيح نزلت الدرج بسرعة: يمه ترى خالي يطق شجون
أم زياد: ها شنو يطقها وليش هي وش سوت
سجا وهي تبكي:لحقي عليها ليذبحها تراها مريضة
أخاف تموت بين أيديه
أم زياد ركضت ع الدرج : هذا محمد جن وقعد أنا بوريه شغله
أسيل بشماته: وليش تبكين يا حظي باكر تتعود وخلها تنضرب عشان تتربى
سجا تناظر في أسيل باحتقار: ليه ما تحسين أنت ماعندك قلب وش سوت لك هي
أسيل: اللحين كل ذا عشان شجون أنا اللي هي أختك ما نزلتي علي دمعة لما انضرب
سجا: أوووووووف الله يأخذك ولحقت أمها اللي كانت واقفة عند الباب وتدق عليه: محمد افتح الباب والله إن صار فيها شيء ما تلوم إلا حالك سمعتني افتح الباب أقولك
شجون بعدها تصيح والله ما عيدها ما عيدها اخر مرة خلاص اتركني جسمي كله يالمني اتركني
تركها وهي طايحة ع الأرض أخذ غترته وعقاله: والله يا شجون إن شفت علاماتك نازلة ولو درجة أو اشتكى منك أحد بالمدرسة بيكون أخر يوم بعمرك ومن هالغرفة مالك طلعة قبل أسبوع وإن تكلمتي مع أحد قصيت رقبتك فاهمة
شجون بين دموعها: أي
قرب وضربها كف: الناس تقول فهمت مو أي
شجون وخدها يالمها: فهمت فهمت والله العظيم فهمت
محمد: بنشوف يا شجون بنشوف
فتح الباب وشاف أخته وسجا تبكي وهم واقفين ع الباب ناظروا داخل الغرفة وشافوا شجون بعدها بالأرض وهي تبكي
حاولت أم إياد تدخل منعها محمد وسكر عليها الباب بالمفتاح لا أحد يكلمها مفهوم كلامي وهو يناظر سجا بحدة
وظلت شجون بالأرض تبكي بقهر ومهيب قادرة تتحرك لي نامت بمكانها
@@@@@@

رد: رواية/ شجون روحي شجون أنفاسي

روووووووعه مررره حماس
يعطيك العافيه وربي يسعدك..

رد: رواية/ شجون روحي شجون أنفاسي

رووعه
يعطيكي العافيه

رد: رواية/ شجون روحي شجون أنفاسي

الساعة 12 بالليل وهو مو قادر ينام وقام عشان يتطمن عليها لأن حس أنه قسى عليها كثير خصوصا وإن سجا قالت أنها مريضة قرب من الباب إلا هو يسمع أحد يهمس ويتكلم بالجوال ظل واقف يسمع بكل دهشة
شجون: تصدقين يا رباب أنا انضربت ضرب قبل كم ساعة ما أقدر اتحرك من مكاني والله جسمي كله يوجعني
رباب: يا جعل أيديهم والكسر إنشالله منو اللي ضربك
شجون: لا تدعين عليه تراه خالي فديته والله
رباب بدهشة:شنو خالي وشنو فديته ما تقولين أنه توه ضاربك
ومسدحك بالأرض
شجون: أي وبعد حبسني بداري وقفل علي الباب والله وناسة إنشالله يسطرني كل يوم ترى عادي
محمد مندهش من اللي يسمعه" مجنونة ذي مبسوطة عشان طقيتها" وحس بيد مسكته من كتفه التفت وشاف أخته وقال بهمس: أوووووووص
أم زياد ع نفس همسه: وش عندك هنا أنت
محمد: بعدين أقولك قربت من الباب هي بعد وتسمع مع أخوها اللي قاعدة تقوله شجون
رباب: لا الظاهر إن الضرب أثر ع عقلك وجنيتي الله يخلف علي بعد في أحد يفرح عشان انضرب
شجون: لا لسه عقلي بمكانه وما جنيت بس تدرين أول احس إن ضرب عن ضرب يفرق
رباب: والله علميني عاد عشان أميز أنواع الطق يمكن يجي سؤال بالامتحان بجهز حالي بعد
شجون: لا تستهبلين تدرين يا رباب أنا كل يوم يمر علي هنا أحس أني ببيتي وإن هنا مكاني اليوم خالي أول مرة يمد يده علي بس مو مثل ما كان يسوي زوج أمي خالي محمد ضربني لأنه خاف علي وأنا ما زعلت
رباب: واو مو وقت رومانسيات خلنا بالمهم
شجون: وذا المهم أول مرة أحس أن هناك أحد قلبه علي وأنه ضربني بحب ضربني عشان شجون مو عشان شيء ثاني ومو بس هو حتى خالتي أم زياد والله لو طقتني بنبسط أحسها أمي وأكثر وما أقول لها غير يمه ودائم تحسسني أني بنتها ولا تفرقني عن بناتها أبدا
رباب: وبعد وش تسوين
شجون: ولا شيء ما رح أبين أني مبسوطة بسوي حالي زعلانه حدي وأني مقهورة من اللي سواه فيني خالي محمد وبعد اسوي حالي مضربة عن الأكل والشغلات الفاضية ذي
رباب بضحك: والله ما أنت بهينة
شجون: أعجبك
رباب: وتقدرين تصبرين أسبوع من غير أكل ترى أنت أدرى بصحتك
شجون: لا طبعا كل شيء بيمشي حسب المخطط أكيد امي فديتها قلبها ما يطاوعها وتجيب لي أكل وتغصب علي أكل وأنا أسوي حالي مابي وأكيد بيحطون لي شويه فواكه وعصير وكذا أخذ شيء بسيط وأخبيه
وأكله بعد تطلع
رباب: والله ينخاف منك يا بنت خالد
واللحين تصبحين ع خير ترى جسمي حده مكسر وماقدر أشيل نفسي بسحب اللحاف وأنام بالأرض مكاني أخاف بس ينتبه ع الجوال
ويأخذه منى بعد
رباب: لا إنشالله تصبحين ع خير
@@@@@
نزل مع أخته للمطبخ وهم يبتسمون
شفتي يمه وش يطلع منها ذي البزرة
أم إياد: والله تفأجات
بس تدرين قلبي وجعني عليها أحس أني قسيت عليها كثير
ام إياد: وأنت ما قصرت معقوله تطقها بالعقال كان سطرتها كم كف وخلصت السالفة
لا يمه إن كفختها بتعيدها وأنا بغيت أعلمها درس ما تنساه ورغم كل اللي صار لها فرحانه لأنها بين أهلها لا وتقول عادي عندها لو تنضرب كل يوم لأنها انطقت لمصلحتها
أم إياد: وأحنا أهلها مثل ما قالت مدري وش حسيت لما قالت أنها تشوفني أمها وأكثر بس أنت ما قلتي لي ليش ضاربها بهالشكل
محمد: قليلة الأدب بدل ما تحل الأسئلة بالاختبار وتجاوب كتبت بالورقة بكل استهزاء لم ينجح أحد
أم إياد ما قدرت تكتم ضحكتها: هههههههه الله يأخذ عدوها وش هالهبال
محمد: والله فار دمي وكنت ناوي اذبحها لو هي مو متفوقة أو كانت ترسب قلت ذي قدراتها بس انا أدري هي سوت كذا ليه سمعت أبوها يقول أنه يجلسها لا خلصت ثانوية ويزوجها
قررت أنها تسقط و لا تنجح بس تحلم
أم إياد: وأنت أكيد تصنتت عليها وسمعتها انا مدري من وين جابين هالعادات الخايسة حتى اللي ما هي متربية معاكم أربع وعشرين ساعة تتصنت الله يخلف علي بعيال سنعة بس
محمد بخبث: تربيتك سموووور
ام إياد: ولد احترم حالك
محمد: انا ما قلت إلا الصدق مو أنت ربيتني وعيالك يعني السبة أنتي
أم إياد: ما قلنا شيء واللي ما صار لها شهرين عندي بعد أنا ربيتها
محمد: أكيد كنت توجهينها عن بعد
أم أياد: إلا قول ذا أطباعكم الشينة والظاهر أنها وراثة
@@@@@
رجع كالعادة بعد نص الليل بس أول مرة من شهور يرجع ومهوب سكران وشاف أمه جالسة تنتظره
فارس: السلام
أم فارس: وعليكم يمه وهي تناظر فيه باستغراب
فارس: شفيك يمه مضيعة شيء بوجهي
أم فارس قربت منه وشمت ريحته بس ارتاحت لما شمت العطر بملابسه: متى ترجع ع بيتك مثل الناس والله تعبت وأنا انتظرك كل يوم وقلبي يتقطع من الخوف
فارس: وش منه تخافين
أم فارس: عليك يمه ولا مالي حق أخاف عليك كاهو رياض أخوك يتسامر مع ربعه ويرجع عالبيت مبكر وأنت ترد لي بعد نص الليل وبعد....
فارس: لا يمه أنا صحيح تأخرت بس ترى كنت مع خوي نواف مو مع اللي ببالك وكاني قدامك صاخ سليم
أم فارس: صدق يمه كنت مع نواف
فارس: والله ادق لك عليه عشان تتأكدين
أم فارس: أنا أبغاك ترجع ولدي اللي اعرفه اللي لها هيبة وقدر والكل كان يحترمه ويحسب له ألف حساب
فارس: يمه سكري ع الموضوع وانسيه لأن فارس مات ولا يمكن يرجع
ام فارس: خلك كذا يا ولد بطني ما تنيمني إلا ودمعتي ع خدي
فارس رحم حالها: فديتك يالغالية دموعك ما تهون علي أموت ولا أشوف دمعة تنزل ع خدك ويلاروحي نامي ولا ينشغل بالك وباسها ع جبينها تصبحين ع خير وطلع غرفته وبدل ملابسه وانسدح بسريره وهو يفكر بالملاك اللي شافه وشغل تفكيره
@@@@@
كانت سجا بغرفة شجون وهي تضربها بالمخدة ويضحكون وأصواتهم واصلة لتحت
أأأأخ خلاص سجا اتركيني جسمي لسه يالمني أأأأخ بعدي تكفين والله توبة
وشوي تتألم وشوي تضحك وسجا ما رحمتها
طلعت اسيل من غرفتها سمعت أصواتهم يصرخون ويضحكون راحت عنهم بس رجعت وقررت تدخل عليهم وتحاول تصلح علاقتها بشجون وتقرب لها
أسيل تفأجات من اللي تشوفه: وش تسوون
سجا: سئلي وجه العنز ذي
شجون وبعدها تتألم وتضحك: قولي لها تتركني والله أتالم بعدني ما طبت
سجا: والله ما أتركك ورح أطالع روحك اليوم وين يوجعك هنا صح وتضربها وشجون تصيح
أسيل: عجبها اللي يسوونه وقالت لهم: خبروني شنو المشكلة وأنا أنصر المظلوم
سجا بعصبية: ما في مظلوم إلا أنا اللحين انا عاطيتها اللاب توب حقي تنقل اللي تبيه قامت الأخت نقلت لي شبعت وحذفت لي ملفاتي
أسيل تضحك ع ضحك شجون: وليه تسوي كذا انتي
شجون: ذي عادتي ما حب أحد يشاركني في اللي أحبه وبس
سجا: إلا قولي لأنك حقود ورمتيها ع الأرض وجلست عليها تضربها بالمخدة
شجون: تكفين أسيل بعديها عني
أسيل: لا صدق ما تستحين شين وقواية عين بعد وترفع أكمامها وهي تقول بعدي سجا أنا أوريك فيها وتنسجم معاهم باللعبة وطاحوا بشجون يوجعونها وأصوات ضحكهم وصراخهم واصلة الجيران
وتدخل عليهم أم زياد باستغراب وتشوف البنات نايمات بالأرض: وش تسوون وش ذا الهبال يلا قوموا العشا جاهز
@@@@@