.. زهـايـمر حكـي .~

**تنهيدهـ** · 28-05-2018, 09:39 AM

رد: ✒ .. خآصرة حرف رمآدية

صباح الخير ..

معليش داخله الصبح بتحلطم على المتزوجين المعيلين اللي
يجيبون عيالهم عند اهاليهم بالايام .. ترى وربي ملل مهما
كانوا يحبونهم ..
يعني خصوصا برمضان اجهاد .. وتعب .. الواحد يالله يلقى
وقت يصلي ويرتاح ويستكن .. ليه تحملون خواتكم ولا
امهاتكم مسؤولياتهم ..
يعني صغارين .. يحتاجون انتباه .. تنظيم وقت ..
وكثير أشياء ..
حتى لو كانوا كبارين .. يكفي ان لهم نظام مختلف عن
نظام اهلكم .. ولهم مساحات مختلفه مو موجوده عند اهلكم
ياخي وربي شي يقهر حسوا شوي ..

نمت الساعه 5 على اساس اصحى بدري اسوي شغلي
ونومة الصبح مو نومه اصلا .. وقمت بعد ساعه وشوي ..
على أصوات وضحك وسواليف على راسي !!
طفيت الشبكات كلها وخربت جوهم .. وناموا .. وانا طار
نومي ..
وعندي اليوم بالذات شغل لين خشمي .. ومعزومه بعد العشا
شسوي الحين وربي فيني الصيحه ..
احترموا اهاليكم .. احترموا خواتكم .. ترى جد واجد تنطلون
عيالكم ايام ورا بعض او حتى اسبوع ..

هففففف بس .. اللهم اني صائمة .

**تنهيدهـ** · 30-05-2018, 12:32 PM

رد: ✒ .. خآصرة حرف رمآدية

من البارح ما بعد نمت .. جاتني الحالة اللي هي
عبارة عن عتب للنفس وحساب وصراحة ومواجهه .. ثم
اذا حسيت الوضع دراما .. وبعد ما أزبد لأحد من اللي
آمون عليهم .. واصيح .. ارجع طبيعية .. مدري احد مثلي
ولا انا لحالي كذا ..

عموما .. انا عندي وفاء لصداقاتي القديمة .. احب اتذكرها
واتمنى لو اقدر امحي كل الأفكار السيئة .. والمواقف اللي
فيها قلة خاتمه .. وكل سوء صدر منهم ..
واحط مكانه شعوري اول مرا عرفتهم .. ونقاء قلبي معهم ..
في كل تصرف وكل كلمه تطلع من فمي ..

لكني مؤمنه ان الدنيا فيها ناس ماتستحقني .. وهذا لوحده
كفيل اني اخلص الحاله بسرعه واطقطق على نفسي ..
وأصر اني اتجاوز الناس ومراحل حياتي اللي كانوا فيها ..
والحياة من عقبها تزين ..

آخذ طاقه ٧ شهور .. وارجع ام لسان طويل ^_^
مامن فكه ..

**تنهيدهـ** · 03-06-2018, 04:14 PM

رد: ✒ .. خآصرة حرف رمآدية

مسهم بالخير ..

احس حنا الناس الوحيدين اللي خفت سفرتنا في رمضان
لدرجة اني صرت ادخل المطبخ الساعه خمس العصر ..
اوك .. في أطباق متنوعة لكن الكميه اقل .. الروقان اكثر
اما انا عن نفسي آكلي مو واجد أبدا .. والمشي يضيع
يومي ..
امس مشيت ٤ كيلو من بيتنا الى الممشى .. ولفيت ٤ كيلو
و٧٠٠ متر في الممشى .. تقريبا وصلت ٩ كيلووات .. ولله
الحمد .. مع انه زمان م كنت اقدر امشي كيلو واحد على
بعضه .. بس حاليا امشي ٩ كيلووات ولا اعطش كثير
ولا اتعب ابدا .. اكتشفت انه التفكير له دور والرغبه لها
دور اكبر ..

مع ان المشي ما يحرق سعرات حراريه كثيره .. لكن ممتع
وبنفس الوقت صحي للجسم ويشد البشره .. وتبقى
سرعة الحرق لتمارين المقاومه والضغط .. سواء استخدمنا
كتلة الجسم او حديد .. والحديد افضل لانه يبني العضلة
بشكل حلو ..
بالنسبه لي صرت اتحمل ثقل ١٠ كيلوات بيديني .. يعني
كل ٥ كيلو بيد .. لأني تمرنت قبلها ع لاخف وصرت اتحمله
واحس انه خفيف ..
اتذكر يوم جيت اشتري الحديد من ساكو .. وجا الموظف
المسؤول عن الحديد يعطيني كيلو وكيلو ونص ههههههه
قلت له خفيف .. ورجع يكبرها لين وصل ٢ ونص في كل يد
قلت له لا ماينفع .. وجربت لين وصلت ٥ كيلو لكل يد ..
قال انتي تخوفين ههههههههههههههه

السالفه سالفة تعود على مدار سنوات مو كم يوم .. وانا
لي تقريبا خمس سنين او اربع استخدم الحديد تبع اخواني
والحين اشتريت لنفسي شي خاص ..
يعني ما تخوف السالفه .. جربوا لأن الصحة مهمه كل ما
تقدم فينا العمر وكذا ..
اما انا لو استمر بس في فلك المشي وتمارين المقاومه بنبسط
لكن عندي خوات .. عدوات للاكل الصحي بس الحمدلله من
تالي صايره أقاوم إغراءات الاكل والجلسه الكثيره بدون حركه
وب اذن الله استمر ..

وبس جعلكم تسلمون :)

**تنهيدهـ** · 08-06-2018, 12:37 PM

رد: ✒ .. خآصرة حرف رمآدية

‏ودي برساله طويله يكون فيها شي يسعد خاطري مهما كان المكتوب .. ودي .

Okoul

https://tan1987.sarahah.com/

The Link of YOU

**تنهيدهـ** · 19-06-2018, 02:57 PM

رد: ✒ .. خآصرة حرف رمآدية

مساء السكر ..

كل عام وأنتم بخير وينعاد عليكم وأنتم بخير وعافية .. وكل عام وانا في طيات أعيادكم ان شاء الله :)

وشكرا لكل شخص عايدني رغم عدم تفرغي للكتابة هنا .. وعدم تواجدي في الايام السابقة ..
سواء معايدة في الخاص او في رابط الصراحة المذيل في التوقيع .. لاعدمتكم يارب ..

اما عن ويني .. مدري شفيني الصدق حابه حلطمة السناب مع
اني ما كنت اتحلطم من فتره موقفتها .. لكني رجعت
ببثاره مو طبيعيه

وحلطمة الصوت تفرق طبعا ..
حاولت من فترة اني انزل حلطماتي الصوتية هنا بس نسيت اسم البرنامج اللي ارفق فيه الصوت ..
لعلي ان وجدته أبثركم بشي يسعدكم ويريحني من الكتابه ..

والله ماعندي شي داخله اعايدكم وبس ..

**تنهيدهـ** · 27-06-2018, 01:53 PM

رد: ✒ .. خآصرة حرف رمآدية

‏مرت هنا أيامنا الحلوه
‏وجروحك اللي حيل اذكرها

‏وهذا أنا من خلوه لـخلوه
‏امحي بقايانا وابعثرها

تنهيدهـ

**تنهيدهـ** · 27-06-2018, 02:48 PM

رد: ✒ .. خآصرة حرف رمآدية

مساء الورد ..

لكل انسان مقاييس ومعايير معينه يقيم فيها نفسه او الأشخاص المحيطين فيه ..
اما انا بعض الأحيان احس اني خبله .. احتاج احد يضبط ميزانيتي ماديا طبعا ..
اصرف وانبسط واذا وصلت الطفرة او قريب منها احس اني
مرتاحه .. هو مدري شلون كذا بس انا خبله ..
بس أبشركم امس وصلت لهالمرحله وارتحت ونمت .. واليوم
قمت افكر في موعد جلسة الليزر الجاية شو بدي اعمل فيها
حسيت اني تلقائيا بتجه للسلف .. الف ريال تزين ميزانيتي
خلال اسبوعين واحل اموري ..

بس الصدق .. انا انسانه اخر اهتماماتي الماده .. وجمعها والحرص عليها ..
يعني أعيش فيها وبدونها .. عادي م اهتم .. اوك هي تضبط حياة اي انسان وما تخليه محتاج للناس ..
بس فعليا مو من اهتماماتي .. اهتم للصفات الشخصيه في
الانسان اكثر ..
بعض الناس من حرصه عليها يدورها في يد غيره .. يحب ياخذ .. وان أعطى يتمنن .. وكثير مواقف
صارت في هالباب .. خلتني استغني عن معرفة بعض الناس
وكثير مواقف مازلت مدينه فيها لبعض الناس ..
واستحي منهم حياء عظيم ..

يعني من ضمن المواقف اللي جد ما زلت احس انها بخاطري
واحد من اخواني اللي احبهم جدا .. تراهنت مره معه على
انه يعطيني مبلغ معين في وقت متاخر .. والله العظيم ما
امداني اخلص ضحك الا وهي بحسابي .. وبعد فتره قال لي
انه اللي كان باقي بحسابه ٤٠٠ ريال والى الان رافض ياخذها
مني ..

اوقات هالامور تجي على هيئة مزح .. وأوقات تكون على هيئة
تمنن يوجع القلب .. ومن ناحية التمنن اكثر شي احسه بخاطري لما دفعت قيمة هدايا ما طلبتها ..
لكن كرامتي فوق انه احد يحسسني انه تكرم علي بشي من
ماكان هالشخص يكون ..

ولا تخيلوا تجيك شخصيه لها قيمتها عندك تقولك ادفعي قيمة
كل الهدايا اللي كانت بيننا ^_^
تلقائيا الرد بيكون ما ضربتك على يدك وقلت لك اهديني صح ولا لا ..
بس انا حزت بنفسي ودفعت واشتريت الهدايا بفلوسي .. ومع هالموقف راحت قيمتها ..

كل انسان يمر بتجربة في هالنطاق وتبين معدنه الاصلي ..
وانا معدني خبل غالبا :)

وبس ..

**تنهيدهـ** · 03-07-2018, 07:31 PM

رد: ✒ .. خآصرة حرف رمآدية

مساء الورد وكل شي حلو

على الرغم من انه شهر ١٠ اطول شي بالحياة لكن هالمره
حبيت طوله لأني روقت للأماكن اللي كنت حاطتها بقائمة
التفضيل عندي وبسطت نفسي ..
صح تأزمت ماديا شوي .. بس الحمدلله حتى الأزمه جات بالرضا ..

عاد اليوم كان ختام كل الدشرات الحلوة دام الوالدة توها في
عداد الضيافه .. اخذناها من المطار الساعه ٣ للبيت وكملنا
مع اخوي لين الفجر .. يقال له بيفطرنا .. بس جاه عمل طارئ
وكملت انا وخيتي لين الساعه ١٠ ونص صباحا .. ثم
رجعنا للبيت بدون غدا >> متحسفة ع لغدا ^_^

وعاد الصبح رحلة مامتي للشرقية من غير شر .. نوصلها ونروح نكمل شغل ..
ونبدا رياضه ودايت من جديد .. ونكمل دروس تعليم القيادة
مدري السواقه .. الزبده والله صعبه بس براسي انفدا راسي
يعني اوك فهمت الدعسه ع لبنزين والفرامل ومتى ارفع الجلنط
وحركات القير .. بس انصدمت بكمية التركيز اللي تحتاجه
علشان تسوق باحتراف ..

اللي باقي استوعبه شلون الف الطاره وقت اليوتيرن وكيف
الف يمين ويسار بدون ما الف على السيارات بالاشاره
الثانيه هههههههههه مخي مو مستوعب كيف ياخي ..
بس كدرس اول معلوماتي حلوه .. واحتاج احفظ قبل الفهم
وان شاء الله آخذ الرخصه وارتاح من مذلة اوبر وكريم
وكلمة الله يخليك ودني وجيبني .. حاليا .. نادر ما تشوف
بنت تسوق رغم المطالبات المميتة اللي كانت .. والسبب لهذا
انه مافي وحده راح تخاطر بنفسها وتسوق وهي ماتعرف
علشان تثبت انوه شوفوا انا سقت وتعاند ..
المسأله كلها وقت .. واتوقع انه وعي بناتنا مؤخرا سبب كافي
لتأخير تنفيذ القرار ..

خلاصة كل هذا .. الحياة أبسط من انها تحصر في شخص
واصعب مواقفها بسيط بس حنا نهوله .. ولولا الخوف
والكبت وانعدام الثقة والحرص الزايد عن اللزوم ..
كان الشخص يشوف الحياة بعيون حلوة ونظيفة ..
تغافلوا .. وعيشوا بقناعه وبساطه وخلوا غيركم يعيش
ويفكر كيف يطور من نفسه بدون تقليل من قيمته ..

وكل عام وأنتم بخير .. دام شهر العيد مابعد خلص :)

وبس ..

**تنهيدهـ** · 12-07-2018, 09:54 AM

رد: ✒ .. خآصرة حرف رمآدية

صباح الخير ..

عاد رايقه أقوى شي .. ولله الحمد .. لولا زيت اللافندر اللي داق خشم راسي دق ..
ترى مو كل زيت يسوون له دعايه يعني حلو .. ترى بيمشون سوقه وبس ..
وحنا ندربي روسنا لكل دعايه يلا نشري ونجرب .. لا لا مو كذا ترى يدفعون الاف مؤلفه ع الدعايه
علشان يمشي سوق المنتج .. ركزوا وش تشترون .. ترى والله مب ناقصين صداع بالعين والراس ..

عندي اخت لو تقولون لها العلك ب ٨٠٠ ريال ويبيض اللثه ماتقول لا .. تصدق ع طول .. وتشري ..

م علينا .. بس وش سالفة الصراحات اللي منهاله علي هالفتره
بشكل مش طبيعي ..
صراحة حب وبعدها زعل وعقب عتب وبعدين حنين ههههههه
ياخي طيب انا مارديت .. اقرا وأتعوذ من الحب وإبليس وامشي ..

لا وفيه صراحه جاتني صاحبها حاس انه محور الكون في
حياتي .. للعلم فقط مافي محور كون في حياتي ابدا ..
انا محور كون نفسي .. واحبني واحب اللي يحبني ..
خلكم بحالكم مو كفايه الجو حار .. ونصحى ع درجة حراره
٣٧ ..

لازم اجيب لكم الصراحات وعقبها اقلب الصفحة لان طولت
صفحة رمضان وشهر ١٠ .. وبحكي لكم عن كيفية كتابة الصراحات .. لحظه شوي اصبروا ..

برب ..

**تنهيدهـ** · 12-07-2018, 10:22 AM

رد: ✒ .. خآصرة حرف رمآدية

حب زعل عتب حنين وصف تهديد نصيحه شتم مؤدب والاخيره
لازم اتشرف بالتعرف ع صاحبها لاني للاسف م عندي محور
كون حاليا ..

لو سمحت ممكن تصير محور كوني .. لـ صاحب الصراحه ادناه :)

كثيره بس هذا اللي قدرت انزله .. انجوي بالله .. ^_^

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget