تويت
رد: ✒ .. خآصرة حرف رمآدية
ألف مره قلت لك ..
لاقلت م اقدر قصدي م اقدر أحيا يا جاهل بلاك ..
ألف مره قلت لك ..
لاقلت م اقدر قصدي م اقدر أحيا يا جاهل بلاك ..
-
-
رد: ✒ .. خآصرة حرف رمآدية
صباح أول يوم اختبارات وعسى الله يوفق الجميع ونشوف الفل مارك كثير :)
...
تعليق
-
رد: ✒ .. خآصرة حرف رمآدية
ماراح اجاوب على الصراحه هذي حاليا .. ابي اروق لها ..
لو يقولون لك عبري عن نفسك وش تقولي
بس تكلموا عن انفسكم وخلونا نشوف وش يقول العقل الباطن جواتكم .. ومدى رضاكم عنكم :)
وانا لي قعده امدحني على راحتي ^_^
برب ..
تعليق
-
رد: ✒ .. خآصرة حرف رمآدية
يمكن انا اكثر انسانه ضحكت هاليومين .. يالله لك الحمد والمنه .. صح انا من زمان سواليفي حلوه
وما ينمل مني .. بس بعد مدري شفيني محلوة زود .. رغم انه فيه اشياء ومواقف مو حلوة
بس جد مو مأثرة ..
الدوام خفيف ويومي الباقي يضيع نادي وشغل ع للابتوب .. اشوف كل شي حلو وكل الناس
جميلة .. زي الجو والبرد اللي يرد الروح .. طبعا بالرياض بس ..
ولا مدري عن باقي المدن ..
اكتشفت انه الفراغ هو سبب الدراما والمشاعر السلبية .. والتعلق ب اشخاص ما يستحقون ..
هو سبب البحث عن وسيلة للانشغال ب اي شي .. واي شخص ..
ربما بعض الشخصيات جميلة وتصادف شخصيات كثير عليهم وجودها معاهم ..
بس الحياة وقفتهم في طريقها علشان يتعلمون درس .. او فكره معينه ..
بس ايزي تمر الايام المو حلوة والاشخاص بعد .. وتتغير كل الاشياء وتصير ذات جمال
منقطع النظير ..
بس شوية صبر .. ونعرف وش الاجمل لنا .. وقد ايش احنا محظوظين في اللي بقوا معنا
وكثير محظوظين في اللي ولوا عن حياتنا وارتحنا منهم ..
ان شالله يستمر مزاجي عالي وضحكتي تاصل الى اخر مدى ..
احبني :)
تعليق
-
-
رد: ✒ .. خآصرة حرف رمآدية
صباح الورد ..
عندي كلام كثير بس ما يسعفني الوقت أكتبه .. بس خلوني
أطرح سؤال ..
هل يستمر الزواج بين شخصيتين اكتشفوا فيما بعد انهم مو مناسبين لبعض علشان بيبي ..
يعني بعد قرار الطلاق اكتشفت الزوجه انها حامل .. هل
الامر يستحق التراجع عن الطلاق من قبل الطرفين ولا لا ..؟
جد موضوع صعب بس بعد أحتاج أوصل فيه لقناعه
لأني أشوف إذا كان الشخص مو مناسب ليه اكمل .. مهما كانت الظروف ..
وبس ..
لالا تذكرت موبس .. بعض الصراحات اذا قريناها نتحسب
ع أصحابها المرضى .. لأن قلوبهم الوصخه مالها حل ..
فيه صراحه جات اتمنى ان صاحبها يكون شجاع ويكتب اسمه تحتها ..
بس كالعادة الجبناء يخافون يرددون كلامهم كثير ..
الشجاعة لها اهلها فعلا ..
لكن نقول ان الكلام في الشرف والعرض ينرد للشخص نفسه
واحيان كثيرة لأهله ..
ف أتمنى إن الحروف اللي انكتبت يتذكرها صاحبها في موقف يصير له مشابه للي كتبه بالحرف ..
باي ..
تعليق
-
رد: ✒ .. خآصرة حرف رمآدية
آن الأوآن لأعترف
أن الحياة مملة.. إلا معك
وسأعترف..
يا خل قد أنسيتني .. روحي
وكلي عندما.. شاهدت بعض ملامحك
أسفي على وقت مضى
ما كنت فيه أعرفك
ما كنت أدري من أنا؟
حتى الحياة جهلتها..
فعرفت نفسي والحياة
وكل شيء عندما..
أضحت عيوني تبصرك
...تعليق
-
رد: ✒ .. خآصرة حرف رمآدية
صباح الجو الزين والشمس الدافيه ..
نايمه امس ٦ ساعات وقايمه الصبح بدري للممشى قبل الموعد
يا انه لفحني هوا وانا مصيفه مب لابسه شي يرد عني ..
تحسفت اول الامر .. عقب يوم طلعت شمس حسيت اني تحسفت ع لفاضي ..
خلصت موعدي وجالسه تحت بالعياده مو قادره اتحرك من التعب .. ودي احد يشيلني ماقدرت امشي وقسم ..
الكوفي جنبي ولا قدرت امشي خطوتين لين عنده علشان افطر
وشكلي بسحب واكلم السواق يرجعني واخمد ساعتين
احس جسمي يبي له راحه لين يقول ولاضالين ..
مدري شفيني كارفه نفسي .. مع انه اجازه .. شكلي تعودت
على الشغل ..
ودي ب أحد يفرغ نفسه لي ويشيلني ع كفوف الراحه ..
يفكر عني ويخلص مشاويري ويحل مشاكلي ..
احس هنا بتزين نفسيتي وقسم .. هي زينه بس تزين أزود ..
تخيلوا لو تزود ظرافتي اكثر من كذا .. يارباه ..
الزبده اكتشفت شي في حياة ال vip ..
ودي اقوله بس رايحه اقرر انام ولا افطر ..
بس شكله انام :)
ولامن صحيت كملت لكم السالفه ..
برب
سي يا
تعليق
-
ذ
صباح الخير ..
من يوم سافرت الجنوب وانا قالبه على نظام اكلي والنوم .. تغذية الكهول القاسيه تزيدك ٣ كيلوات ب اسبوع ..
والحياة هاليومين ترفض الدبيات .. وانا ما بين هذا الحياة المؤقتة اللي ما تنسفه .. ومابين ضميري اللي يشتغل كل م اكلت شي دسم ..
الا ياليت النامس لا جا يشفط الدم يشفط دهون كان الان انا ناشفه صح .. أمنية حياتي اصير ناشفه وان شالله يصير .. بس انا وش يفكني من القهوه وكيلو الدسم اللي جنبها .. المشكله انه يغري وبعدها يصكك شحم جامد ويزعلك ..
يلا كلها ٤ ايام ونرجع للنادي والدوام الصح .. وننسى الاكل ..
بس هات اقتراحاتكم لسؤال يقول كيف ممكن اشبع بسرعه ؟
هيا خلوني اقيل ساعتين .. ورانا دشره مسائية ..
باي ..
تعليق
-
رد: ✒ .. خآصرة حرف رمآدية
مساء الخير ..
احس اني باقي ما رجعت للوضع القديم ونظامي الصح .. لذا احتاج اني استقر واضبط اموري وادخل 2019 بشكل مغاير عن
سابقتها ..
واجدد عهدي بالكتابه في قسم التدوين والشعر .. يعني ندخل دخله جامده بمواضيع جامده .. وندفي الجو بدل هالجمود اللي
عايشته المدونات هالفتره ...
ما علينا ..
نبي الله يوسف لما عرض عليه ملك مصر انه يكون صاحب منصب في الدوله قال " اجعلني على خزائن الأرض إني حفيظ عليم "
لذا حلو انه الواحد يعرف مكانه واستحقاقه ويدخل في مجال عمله بثقه ..
هذي نقطه لازم تضاف للمقابله الشخصيه في أي عمل يعرض عليك ..
سالفه من ثلاث اسطر توي راجعه من سفر لذا الاختصار ب اخر رد يكون ع حسب راحة الجسد ..
ثانكس للوسمي ع وجه الخصوص .. وللبقيه بشكل عام ..
نقلب الصفحه ..
برب ..
تعليق
تعليق