.. زهـايـمر حكـي .~

تقليص
X
 
  • الوقت
  • عرض
إلغاء تحديد الكل
مشاركات جديدة
  • تنهيدهـ
    V - I - P



    • May 2012
    • 2909

    رد: ✒ .. خآصرة حرف رمآدية









    تبتسم لشخص ضرك لين خشمك علشان تضبط الأمر هو يحسبها أحيان غباء
    تروح عزيمة واحد مالك خلقه بعد موقف بايخ .. هو يحسبك ما تحس ..
    مايدري انك جاي علشان أمك ولا أبوك وحاط النية لله ..
    تسوي شغل عن واحد مقصر بشغله يجي المره الثانيه متعود يبي يستغلك
    يحسبك سبك .. وغصب عن خشمك تسوي شغله ..
    تكتب لشخص سلبي جدا كلام حلو ولا تعتذر لآخر عن موقف صار منك معه
    يحسب انك دلخ ولازم تكون كذا ..
    بعض المواقف تتطلب نبادر بأخلاقنا وتربيتنا لا أكثر ولا أقل ترى ..

    أحيان يجي الواحد مب رايق لأحد ولا هو في مود أحد والبعض يجي يستظرف
    ولا يرسل لك أمور تدل على سطحية تفكيره .. قبل ما يكتب الشخص بعض
    جمله ويرسلها .. ياليت يوزنها .. لأن أحيان يكون الوقت قاتل ويبلش ..
    الحمدلله اني اتغافل ولا أصغر عقلي لسفاسف الأمور والأشخاص .. ولا
    لو كنت على غير هالوجه كان العلم الثاني والم ..

    ترى مب كل الناس تتحمل سلبيتك وعدوانيتك اللي جاي تفرغها في النت ..
    ولا هيب كل الناس تتحمل جراءتك على فعل الأمور اللي تمثل بيئتك ..
    مب ذنب شخص انه متربي في بيئة غير عنك انه يتحملك انت .. ممكن
    يتحمل سماجتك .. سوء تعبيرك .. كذباتك اللي ما تخلص ويسلك لك
    بس سوء الأخلاق مرا لأ .. هنا يقول لك وقف تعديت حدك المسموح به..
    تعلم علوم الناس اللي تعرف قدر الناس سواء في عالم النت أو الواقع ..
    والذرابه زينه ..

    استغلال المواقف .. والكلام اللي من ورا الستاير ترى ماله سنع .. واجه
    لو كنت متضرر يعني مب لازم تخبى وتقول انت وانت ترى قلة قدرك هنا
    صارت في مرحلة حرجة شف لك صرفه ..
    والناس اللي بوجهين ترى كاشفين الوجهين وتونا نتبسم للوجهين وندعي لك
    بالصلاح والخاتمه الحسنه ..

    ترى عندنا ناس في المستشفيات على أسرة بيضاء كل يوم عملية وندخل
    مواقع التواصل مبتسمين علشان اللي نحب .. وعلشان ناخذ فترة نقاهه
    للفكر ونتثقف .. المعادلة إفادة واستفادة .. ولا لو هي على ظروفنا
    السيئة ترى نقدر نفرغ طاقة اللي حاصل لنا مثلكم ونصير أسوأ ..
    بس التربيه لها دور .. ولا نرضى اننا نكون في المنزله اللي ماتناسبنا
    لأن نعرف قدر أنفسنا ..





    خلاصة الأمر .. كل إناء بما فيه ينضح ..





    تعليق

    • تنهيدهـ
      V - I - P



      • May 2012
      • 2909

      رد: ✒ .. خآصرة حرف رمآدية








      ‏ انكسرت وليت كسري بالعظام
      كلها في خاطري جات الكسور







      تعليق

      • تنهيدهـ
        V - I - P



        • May 2012
        • 2909

        رد: ✒ .. خآصرة حرف رمآدية





        اللي يكسر خاطري والله مرض الغالين بس ولا الناس تتعوض بغيرها ..




        تعليق

        • تنهيدهـ
          V - I - P



          • May 2012
          • 2909

          رد: ✒ .. خآصرة حرف رمآدية







          شكرا لصاحب الصراحة اللي زارني ثلاث مرات .. جد لفت انتباهي
          لأشياء فيني تغيرت .. وجاري التحسين .. وشكرا لكل اللي
          سألو عن مريضنا ممتنه لكم دعواتكم ومشاعركم الحلوة ..
          لاعدمتكم جميعا





          تعليق

          • تنهيدهـ
            V - I - P



            • May 2012
            • 2909

            رد: ✒ .. خآصرة حرف رمآدية







            هالفتره أنا والنوم أصدقاء للغايه .. لذا صرت اسوي أشياء تحتاج نتايج
            وانوم واذا صحصحت انبسط بالنتيجه ولله الحمد ..
            من ضمن الأشياء اللي سويتها .. كلمتين كتبتها اليوم لخواتي وزوجات
            اخواني يعني المقربين مني جدا .. دخلت الواتس ومسكت محادثة كل
            وحده وكتبت كلمتين حب وختمتها بأحبك جدا .. ونمت ماسكرت جوالي
            عاد ماتوقعتهم بهالتفاعل اثاري عندنا جفاف عاطفي وانا مدري

            انا من النوع اللي الحمدلله ما عندي قصور في التعبير لا كتبت استرسل
            واعبر عن اللي بخاطري بشكل دقيق وواضح ومفصل .. بس في الواقع
            غير أحس يعني استحي وتسذا اصلا يقول الأدباء ..
            أجرأ الناس في الكتابة أشدهم خجلا عند اللقاء .. فأنا ينفع معي طريقتين
            في الكلام الحلو أو العتب .. الأولى الكتابية بس عيبها عندي
            اني ما أحس فيها بلطف العبارة لأن ما اشوف الإيحاءات الجسدية اللي
            تصاحب الكلام .. وأصلا مافيها حضن لذا تلاقيني بعد العتب الكتابي فيني
            تكة حزن وودي اصيح

            الطريقه الاحلى عندي دايما انه يكون الكلام وجه بوجه بس لاتحط عينك
            بعيني .. مدري أحس استحي مرااا وما اعرف ارد حرفيا .. وأساس
            الترجمه والرد عندي لهالطريقة بعيد عن الكلام .. انتقل للفعل فاللي
            عندهم جفاف يفضلون الكتابة معي أما اللي يسترسلون معي في
            الكلام الحلو المباشر فالرد دايما أحضان وانا هنا في هالفصل انولدت
            على قولة مامي

            المهم ترى الكلام الحلو له أثر جميل على اللي حوالينا لازم نكون مبادرين
            دايما لأن كلن له أجل .. فلا يبقى الكلام في المنتصف مابين قلبك
            ومخارج الحروف
            .. عبرو بأريحية لأن ما في شي يدوم .. عادي في
            البداية راح تواجهون كلام وتكسير مجاديف بس بعدين راح يتعودون على
            طبعك الحلو جدآ .. والله الحياة ما تسوى إنه تكبت مشاعرك الحلوه
            داخلك لأن الناس ما تستاهل أو مب متعوده ..
            حتى لو أن الشخص ما يستاهل بعينك .. تذكر إن الابتسامه صدقه فما
            بالك لو كانت المبادرة بحرف أو فعل .. واصلا راح تكون شخص مميز
            في نطاق العائلة أو عند المقربين منك .. وتبقى بصمتك تذكر حتى إن
            غبت في يوم من الأيام .. المهم تبادر ..


            لايغركم أسلوبي أحيان .. ترى تطلع مني مبادرات وكلام حلو وكذا
            ويقطعني الخجل ^-^ .. بس الحمدلله ما اترك بخاطري كلام .. أحب
            أعبر حتى وإن مالقيت ردة فعل حلوة ..


            وبس والله ،،



            تعليق

            • تنهيدهـ
              V - I - P



              • May 2012
              • 2909

              رد: ✒ .. خآصرة حرف رمآدية






              التفكير بعمق أحيان يوصلك لأمور هادفه جدا وانا تعمقت مرا من المرات
              بالتفكير في موضوع نفر كويس مب صلب الموضوع يعني لأ .. في مقدمه
              بسيطه تسبقه يعني وكذا .. المهم مالكم بالطويله ..
              الآن قبل الزواج ولما الشخص يلتقي بنصفه الآخر وفي فترة التعارف اللي
              هي مابعد الخطبه أو تسبقها << المهم فترة تعارف ياخي
              اكيد بيكون تفكير كل واحد منهم يختلف جدا عن الآخر .. وفي نقاط اختلاف
              ممكن تكون كبيره .. سواء في الأفكار أو في الذوق أو حتى في الأسلوب
              وطريقة التعامل ..

              هنا انا فكرت في معايير التقبل والتنازلات اللي ممكن تصير ونحطها تحت
              مسمى تضحية أو حتى ارتقاء بالحياة المشتركه ..
              يعني هل أنا راح أقبل انه يغير من طريقة لبسي أو حتى حجابي أو هل هو
              يقبل اني أكون شخص موجه له في أسلوبه وطريقة تعامله مع أخته مثلا
              أو ترك التدخين .. أقصد هالامور البسيطه اللي البعض يحجمها ويخليها
              مشكله وش كبرها وربما كان الحل أبسط مما يتصور ..

              ماعلينا .. في هالفترة ممكن البعض يجامل علشان يكسب الآخر ويطيحه
              من سابع سما .. يعني الدعوا تسليك .. لكن الفكرة الأساس كلن له
              توجهاته اكيد .. هل أنت كشريك مستقبلي متقبل التغيير .. وهل انتي
              كفتاة لك كيانك في عين نفسك تتقبلين التعديل في أمور معينه ..؟
              أنا عاد تعرفون رايي لكن شفت نماذج جدا تحجم المواضيع بشكل مايستاهل
              اني اخسر حياتي علشانه ..
              نفسي اعرف ليه انت وياها تتزوجون دام إن الثقه في الآخر مب موجوده
              عادي في أشياء تتغير بالتدريج .. وفي أشياء تصل لحل وسط .. وفي
              أشياء تقتنع فيها فلانه انها ممكن تكون أفضل بالشكل الآخر ..

              لكن مب مستوعبه إن الحل يصل أحيان لحلقه مفرغة والحل يصير فاااي
              هو يا يكون عناد .. او انعدام ثقه .. أو حب قيادة وانا اللي يمشي رايي
              وكلها الثلاثه مع نفسك فيها
              لحظه تعبت من المقدمه المره الجايه ندخل في صلب الموضوع بس نحتاج
              شويتين طاقه ..



              برب ،،






              تعليق

              • تنهيدهـ
                V - I - P



                • May 2012
                • 2909

                رد: ✒ .. خآصرة حرف رمآدية







                أحيانا كلمه وحده من شخص ربما يكون أصغر منك .. لكن الدقه في الانتقاء
                يثير الدهشة ويخليك توقف تفكر قبل ما ترد عليه .. بس لما ترجع لظروفه
                تعرف من وين اقتبس الكلمات وكيف جابها على هالطريقه وبهالأسلوب ..
                لذا الخبرة دائما تتفوق .. مستحيل يكون التنظير نفس التجربه لذا أحب
                اسمع الكلام دايما من الأشخاص اللي دخلو في المجال اللي ابحث فيه بعمق ..

                المهم .. نرجع لموضوعنا اللي فوق .. وأنا لما قلت تقبل وتنازلات كنت
                أقصد مواطن الخلاف مش انك تكون copy paste من الشخص اللي
                تحبه أو تشاركه حياتك .. يعني كمثال بسيط جدا ويصير فيه الخلاف الأكبر
                دايما .. الحجاب ولما اقول الحجاب ما أتكلم عن المصطلح الديني لكن
                أتكلم عن نقطة اختلاف بين البنت وشريكها حول هالنقطه .. فأنا ممكن
                اني أكون انسانه أحب حجابي يكون أنيق وبشكل معين .. وهو يشوف
                إن الاناقه هذي لفت انتباه وتثير الغيره عنده ومايكون مرتاح بالمشوار
                مثلا ..

                فهنا الموضوع راح يكون مستمر في كل طلعه ومشوار وقلق وينتهي
                بزعل .. لكن الموضوع يؤخذ من باب آخر ومن حل وسط يعني وفي
                ألف حل وألف طريقه تخليك تتجنب الخلافات وتكون شخص وازن أموره
                بطريقه ذربه .. بعيده عن فرض الرأي والعناد ..

                كل شخص يحتاج مساحه خاصه فيه لكن نحاول إن هالمساحه ما تخدش
                جزء من الطرف المقابل أو تقلل من قيمته .. مساحتك برضه لها حدود
                وسقف ما يصلح انك تتعداه .. خصوصا انك تمثل الطرف الآخر قدام الناس
                وهنا راح يبين مدى جدية الشخص في المرحلة الجديدة اللي دخلها بكل
                مافيه .. صح إن الحياة أبسط من طريقة البعض أنه يعيشها .. لكن
                أيضا فيه أساليب حلوه تخليك تبسطها في عيون اللي تحب .. بس شوية
                أسلوب وثقه ..


                وقفه هنا مع شهرزاد ..~

                إذا كان هو متعمد يغير شي فيني مايستاهل التغيير وكان من باب ( بأعيد تشكيلك باللي يناسبني) هنا أنا ما بأعجبه أبدا وبيتوب توبة نصوحة لأني ما أتنازل عن إستقلاليتي ورغبتي الشخصية إلا بسبب مقنع لي والا أسلوبه حلو وكذا ههههههههههه


                مافيه شخص يرضى انه تعاد صياغته كليا إلا اللي صياغته اصلا أي كلام
                لكن مثل ماقالت الحلوة سبب مقنع وأسلوب .. هنا ممكن اغير رأيي
                بعض الناس يقول باخذ أم 15 سنه علشان أشكلها وما اتعب بعدين
                سواء باللين أو بأسلوب تعنيف .. هنا صدقني راح تتعب لما تنضج هالبنت
                وتشوف انها كانت متشكله بمزاج غيرها ..
                ناقش واتعب وتبادل وجهات النظر واوصل لقناعه وحط حلول .. هنا راح
                تكون أنجزت إنجاز عظيم جدا .. التبعية مب زينه كثير يعانون من آثارها
                حتى لو كانت مبنية على الرضوخ بداية .. ولا تنوي هالنيه أبد وكون
                فقط موجه بشي تتمنى تشوفه في أطفالك بعدين .. لأنك على حسب
                ما تشكل الأم راح يكتسب الطفل هالتشكيل ..

                كل الناس يفكرون في والديهم كنموذج أول بالزواج بعدين يلتفتون للبقيه
                أخواتهم أو اخوانهم .. وهنا راح تكون الخلفيه اللي خذوها حلوة دروس
                مع نتايجها لكن يبقى النموذج الأول هو الأهم .. وربما يكون كارثه لذا
                اللبنه الأولى هي انتي والشخص اللي اخترتيه .. ومدى ثقافتكم وطريقة
                تحويركم للأمور ..


                صح ولا مب صح







                تعليق

                • تنهيدهـ
                  V - I - P



                  • May 2012
                  • 2909

                  رد: ✒ .. خآصرة حرف رمآدية






                  ها أنا أبلغ سن الثلاثين ولم أتزوج بعد ..
                  مازلت عزباء ..
                  ولكني احتفل بزفافي كل يوم ..
                  بالرغم من اني لم أتزوج ابدا ..
                  سامحيني يا أمي ..
                  فقد كنت صبورة جدا ..
                  أخبري أبنائي المحتملين بأني كنت كذلك ..
                  أحببت بعمق ولكني خذلت ..
                  وأصبح قلبي على شفا جرف
                  على شفا جرح
                  على شفا نهاية بائسة ..
                  أخبريهم بأن لهم أما لطالما كانت وفية
                  مبتسمة .. ترسم للآخرين
                  فرحا
                  وحبا
                  وأملا
                  تغدق بسخاء ..
                  ولكنها تغفو على حصير الخذلان كل ليله
                  لم تكن ترغب بالزواج يوما
                  ولكن .. اغتيل شيئا منها تحت
                  سطوة العادات لا أكثر ..
                  وأصبح الحب في قاموسها
                  جرثومة تلوث جرحها
                  بذكرى الخيبه ..
                  وإن سألوك فيم كان هلاكها ..
                  فأجيبيهم بأني كنت أسقي
                  ورودا ذابله فيهلكني
                  الجفاف ..
                  أخبريهم بأن الحب وهم ..
                  يقتل باسم الظروف ..
                  والعادات ..
                  وثقافة المجتمع ..
                  وقسوة الأهل ..

                  وليقرأوني إن أرادو ..
                  على صفحات مذكراتي ..





                  تنهيدهـ ..






                  تعليق

                  • تنهيدهـ
                    V - I - P



                    • May 2012
                    • 2909

                    رد: ✒ .. خآصرة حرف رمآدية






                    أحب أصادق الناس البسيطه واحب اسمع دايما الحمدلله .. حتى لو كانت
                    هالصفة مب موجودة بالطرف الآخر .. مب لازم .. المهم اني انا أكون
                    بمعيار الصديق المناسب اللي دايما موجوده في كل مناسباتهم حتى لو
                    قصرو معي وكذا .. ولا اعاتب علشان مايشعر الطرف الآخر اني اتمنن
                    عليه بالإنصات ..

                    بعض نوعيات الأصدقاء اللي تجرحني .. هي النوعيات اللي تشوفك تتألم
                    من بعيد وتبخل عليك بطبطبه بسيطه .. تحس ودك غصب تحط عينك بعينهم
                    وتقول أنا وش سويت لك علشان هالجفا الغير مبرر .. لكن تحترم المساحة
                    والحاجز اللي انفرضت بينك وبينه يعني تحفظ وقار ذاتك شويتين ..
                    لكن تبقى بصدرك تكه وغصه ودك تعرف وش سويت كل ما طرى على بالك
                    وكذا .. هذا بالنسبة لنوعيتي المرهفه^-^ مدري عن الباقين ..

                    صحيح صداقاتي محدوده جدا وانتقيها بصعوبة لكن الحمدلله عمري ما
                    تحسفت على أشخاص عرفتهم أبدا .. حتى لو اكتشفت فيما بعد انهم
                    مايستحقون .. أتذكر المواقف الحلوة اللي كانت في البدايات واستمتع
                    لأن كل إنسان منا يشوبه السوء في مرحلة من مراحل حياته .. مب عيب
                    انها تكون مرحلة عابرة العيب أن تستمر معه حتى وهو يلاحظ تلاشي
                    الناس من حوله .. والعيب إن بعدنا بدون ما نترك له نصيحة وحده على
                    الأقل .. مب شرط يسمعها وينفذها .. المهم اننا نبعد ولنا أثر حلو ..


                    كل الشكر على كل الأشخاص الحلوين اللي عرفتهم .. وكل اللي دايما
                    يحسسوني اني جميله في كوني بالقرب منهم .. وشكر لأني وصلت
                    هالرقم المميز بالتقييم .. 1003660 .. يعني اتوقع اني اول وحده
                    تكسر رقم مليون في عبير من أول ما تم تدشينه << انتي أحلى وحده اصلا
                    << وخري بسسس
                    وشكرا لصديق الصراحة المبهم والمحفز دايما .. الحمدلله مافيه صراحات
                    سلبية هالفترة .. الله يسعدكم جميعا ..





                    خودافس ..~




                    تعليق

                    • تنهيدهـ
                      V - I - P



                      • May 2012
                      • 2909

                      رد: ✒ .. خآصرة حرف رمآدية



                      وقفه مع الهلالي اللي بينجلد قريبا :)




                      الحين ممكن ينقلب الحب لصداقة .؟
                      انا اعرف ان ممكن تكون الصداقة حب
                      بس ان الحب ينقلب لصداقة !!


                      أحب التساؤلات اللي تثير فيني شي من اللي أفكر فيه أحيانا واشوف
                      تصرفات جدا مغلوطه في التفسير .. خلوني أخلص اللي بيدي وارجع
                      اقلب الصفحه .. وقبل ما اقلب عسى الله يرزقني حبيب مايتغير علي
                      مهما شاف من عيوبي .. ومن زود حبه لي يهددني بالقتل مثلا



                      برب ،،







                      تعليق

                      google Ad Widget

                      تقليص
                      يعمل...