الفصل الثاني



الشرقيه..الدمام..بالشارع



حل الليل لبرودته فكان لابد منه لانه غامض..لانه اسود كالسواد المخملي مغرور بطبيعته
كغرور الطاؤوس بريشه يعتز ابه وهذا الليل يعتز ابنفسه لانه ساحر..
كانوا واقفين على الاشاره ليمن تفتح طلال كان ماسك ايد رهف ويغني لها مل من الانتظار..

عمرك سمعت بطيرويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشدعينه السما ولا يريد يطير
هذا الغلا و الحب من الله سبحانه
عمركسمعت بطير ويحب سجانه
**********************
انت زرعت الوفاو امسيت هدانه
انت وانت الوحيد الذي احياعلشانه
ما اقدر اعيش بدونك يادنيتي والكون
والله وغلات عيونك ما انساك مهمايكون
قربك لقيت الدفا لأنك يا حبي غير
كل ماحلمت بوفا القاك لهتفسير2
هذا الغلا والحب من الله سبحانه
عمرك سمعت بطير ويحبسجانه
******************
قبلك فؤادي انا غارق في احزانه
واليوم حبك ترى نساهحرمانه
يا تاج راسي محبك يا تاج فوق الراس
تحلا الحياة في قربك يا سيدالإحساس
ما عمر قلبي شكى في دنيتك تقصير
مهما يا ذخري حكا يعجز عنالتعبير
هذا الغلا والحب من الله سبحانه
عمرك سمعت بطير ويحبسجانه

بعد ماخلص الاغنايه انفتحت الاشاره ومشوا..بس رهف وقفته على اقرب مطعم صادفته

رهف:وقف..وقف..طلال
طلال:ليه بدك شي
رهف:جوعانه
طلال:متأكده مو انزل واشتري وبعدها ترفضين انك تاكلين
رهف:لا جوعانه معدتي بالشت تصاوي
طلال:خنشوف معاك

ونزل طلال على المطعم وطلب ساندوش..وكان يأشر بأدينه انواع من العصيرشنوا تبي فيهم
المانجو..البرتقال..التفاح..الكيوي..واهي كانت تضحك وتأشر على البرتقال..اما
اهو جننهها وخذ لها كيوي..اهي تنرفزة منه وبتنزل له بس اهو منعها..كان بنفس الشارع

سياره فيها مجموعه من الشباب كانوا يغنون ويرقصون كانوا يقدونها بسرعه جنونيه..
كانوا يرحون ويردون بنفس الشارع..طلال تضايق من اسلوب الشباب بعد ماخلص الاحساب
جاي لعند رهف وهو يحمل الاكياس..رجعت السياره مره ثانيه وكانت سريعه فوق الازوم

صاحب السياره كان لف وجهه على الي وراء مانتبه اضربت سيارته بسيارة طلال ومن شدة
اضربه ارتفعت السياره وبعدها هوت على الارض..طلال شاف هالمنظر وراء كل الي بأدينه
يشوق قدامه زوجته واولده الي ماجاءبالدنيا بالسياره مصدومين..بهالحظات مره عليه شريط
فرنسا بكل احداثه والحادث الي روع ابه وافقده حور..

بشقة امير

غرام كانت اجهز بالغرفه تحط سرير ثاني اتعبت مافيها حيل اتكمل بتروح تجلس الاء حركتها
انشلت وطاحت على الارض..وبدت تنادي على امير لان في امر ثاني حصل لها

غرام:امير..امير..امير
امير الي سمع صوتها وجالعندها على الفور:غرام..حبيبي
غرام واهي ماده ايدها:امير انت وين انا ماشوف..شغل لي الليت انطفت الكهرباء
امير الي استغرب من رد غرام له:حبيبي..بس الليت شغال
غرام واهي تهز براسها وتبكي:لا مو شغال انت تكذب علي انا ماشوف شي ماشوف الاء عتمه
امير لا تلعب معاي مو وقت لعبك
امير:والله انا مالعب معاك..وقرب ايده لين اعيونها ولوح ابها وشاف اعيونها ثابته ماتتحرك
غرام واهي تمد ايدها تبي تمسك امير:حبيبي انت وين لا تروح وتخليني
امير مد ايده وهو يبكي:كاني حبيبي مابعت عنك انا اقريب من يمك
غرام واهي تزيد بالبكي:اجل ليش مو قادره اشوفك او اوصلك

اميريبكي على الحال الي وصلت له غرام ومن اضغط الي يسببه الدبوس..حضنها لعند صدره

الرياض..بفلة بومشاري

بالرياض كانوا جالسين بالمجلس ازياره خطيب لخطيبته بس هالزياره مو عاديه ولا تخلى من شي

قصي:لولوه انا مطر اني اتركك فتره بسافر
لولوه قبضها قلبها ومسكت اطراف الكنب بأدينها وابلعت ريقها وعدلت من نبرة صوتها:لوين
قصي:عندي شغل ولازم انجزه قبل مانتزوج
لولوه:مافيك تأجله بعد مانتزوج
قصي:لا مافيني لانه لابد منه

لولوه كانت خايفه ان قصي يسافر ويتركها لحالها مثل ماعمل غيره..بس قصي كان عارف
شنو يدور بعقل لولوه..وحب انه يطمنها انه مستحيل انه يتركها..

قصي:لولوه ياقلبي انتي..لا تخافي انا برجع لك وماراح اتركك لو شو ماصار

لولوه ماقدرة تمسسك نفسها بكت بدون ماتتكلم..

قصي:سمعيني يالولوه انا مو مثل طارق ابعدي الافكار عن راسك
لولوه:صحيح..توعدني انك ترجع لي
قصي وهو يبوس راسها:اي كلها شهر وجاي لعندك

الشرقيه..الدمام..بالشارع

طلال الي ماتحمل بدى يحاول انه يفتح باب السياره بعد ماعدلها بعد انقلابها..كان يبكي ساعه
يشوف حور اهي بالسياره..وساعه يشوف رهف بالسياره..احتارت اعيونه مين اتشوف و
مين مالازم يشوف..وهو يضرب بالباب لينفتح ينادي واهو يضرب الجام..

طلال:رهف..رهف..تماسكي لا تروحي

رهف الي ساعه يغمى عليها وساعه تفح اعيونها وتشوف طلال اشلون خايف عليها..
الناس تجمعوا على هالمنظر المروع الي يشفونه..ويشفون شخص كيف خايف على الي
بالسياره..تقدم شخص ليبعد طلال عن السياره

...:ياولدي بعد عن السياره مافيك تفتحها شوفها كيف بتحترق السياره
طلال صرخ وهو يحاول انه يفتح لباب:رهف..حور..رهف..حور..وهويبكي..
لا تروحي وتخليني لحالي انا مافيني على بعدك..

مع صراخ طلال انفتح لباب وطاحت رهف على صدره بهالحظه ماشاف رهف شاف حور اهي
الي طايحه على صدره نفس الطريقه والي زاد عليه مواجعه اكثر انها نطقت نفس الجمله

رهف:انت اغلى غرامي ياطلال
طلال الي صورة حور ورهف ممزوجه مع بعض:لا ماراح اخليك تروحي بعد مالقيتك

الرياض..بفلة بوجاسم

كان الكل جالس بيت بوجاسم لتخطيط لزواج رن التليفون وارفعه ياسر لانه ماكان احد يسمعه

ياسر:الو..بابا..اي موجود..مين يبقا
امير الي انتبه وراح وخذ السماعه من ايد ولده وهو يضحك:الو
الطرف الثاني:حبينا نخبركم ان ابنكم طلال وزوجته اعملوا حادث اذا ممكن ان انتوا تجون

امير الي التفت لهم ويطالع فيهم مايدري شنوا يخبرهم وعلى ايش بالضبط..حس فيه خالد

خالد:امير مين كان على التليفون
امير:جدي
الجد:نعم
امير:خلنا ننزل على الدمام
الجد:ليه مافي احد بالدمام..وطلال قال بيجي تحصله اللحين بطريق
امير:جدي..جدي..وامير خلاص انهار وجلس على الارض بعد مارمى سماعة التليفون
خالد:امير ليش تبكي
امير:جدي..طلال..طلال..ورهف..عملوا حادث واهم اللحين بالمستشفى

الشرقيه..الدمام..بالمستشفى

موبس كان طلال الي بالمستشفى حتى امير كان اهناك..اسعف غرام لان حالتها زادة عليه
بالبيت..امير كان طالع من غرفة غرام بعد مانيموها شاف طلال وهو موعارف شنوا يسوي
بعد ماخذوا رهف من ناظريه..

امير:طلال انت شتسوي اهني مو المفترض تكون بالرياض
طلال الي حط راسه بحضن امير:امير اختك باعتني وبتروح مني استسلمت للموت
امير:شنوا

ماكمل امير الاء بحضور العيله بأكملها للمستشفى طلال الي شاف امه وطار لحضنه الانسان
ماهمى كبر..يجيله يوم وينرمي بحضن امه الدافئ الي حنانه اهو الي بيريحه ويسليه

طلال:يمه..يمه..رهف..الموت نادى عليها مثل مانادى على حور وخذها مني..يمه
شفت الموت انا مرتين..مره بحور..ومره برهف..يمه..يمه..انا مافيني اتحمل
الخساره مرتين..يمه..يمه..

الجد ماتحمل ايشوف ولده واهو هيك خذاه من حضن امه واحضنه اهو حيل..طلال جلس يبكي
على صدر ابوه مثل الطفل الصغير..الكل استغرب الاء اندهش من حال طلال ولكل يسأل مين

هذي حور الي ينادي عليها لكل كان يطالع...امير الي دايما ملازم طلال في سفرته بفرنسا
حتى اهو ماعرف شلي حصل لحور تم واقف معاهم

طلال:يبا..يبا..لكل كان يعايرني..ماحد عرف ليه انا تركت فرنسا ورديت..يبا امير
ولد اختي يقولي خليت جدي ايرجعك ويخليك تتخلى عن حور..يبا قوله اللحين ليه رحت
وجبتني من اهناك..يبا..يبا..ليش انا حظي بالدنيا قليل..يبا قولهم يردون لي رهف
اكفايه خذوا مني حور..سلموني جثه ادفنها بأديني
الجد:طلال رهف ان شاءالله بتقوم..اهي قويه

بعد الجلوس والانتظار المستمر طلع الدكتور من غرفة العمليات..لكل راح يستفسر عن حال
رهف والي حصل لها...

خالد:طمني
الدكتور:العمليه مستمره ادعوا لها لان صابها نزيف حاد بالمخ..وفي امر ثاني
ماجد:شنوا
الدكتور:راح نولدها مافينا نخلي اطفل في بطنها لان دقات قلبه بدت تضعف..وين زوج المدام
طلال:انا زوجها
الدكتور:تعال معانا بدنا توقيعك على اجراء لها عمليه قيصريه

عند غرام بقسم ثاني بالمستشفى

غرام توقعت بس تفتح عيونها تلقى امير بجانبها بس ماشافت له اثر..شافت الغرفه فاضيه..
بعدها ادخلت عليها الممرضه واهي شايله بين ادينها جهاز لقياس اضغط..

غرام:لوسمحتي وين زوجي
الممرضه ماكانت تدري خرت لغرام:زوجك براء
غرام:ليه ممكن تنادينه
الممرضه:زوجك منهمك بناس صاير على احد منهم حادث وواقف يمهم شكله يعرفهم
غرام ماتدري شلي جراء لها جسمها كله بدى يرتعش:تعرفين اسم الي صار عليه الحادث
الممرضه:اذا كان الاسم مضبوط الي سمعته اسم الزوج..طلال سعيد الغامدي..وزوجته
غرام الي اصرخت بعد ماسمعت الاسم:هذا عمي انتي شقاعده تقولين..وشالت السريوم
من ايدها
الممرضه:لا ماما مافيك تقومين

غرام ماهتمت وقامت من السرير بس سرعان ماطاحت على الارض ماقدرة انها تمشي..

غرام:روحي نادي زوجي لي
الممرضه:اوكي

عند طلال
طلال:ها الممرضه اخلصت العمليه
المممرضه:لا بس حبيت انقل لكم الاخبار الي انطلبت مني..ان المدام ولدت
طلال ماهتم على كلمت الممرضه طلع من المستشفى بأكبره

الكل فرح بس مو الفرحه الي لازم يفرحون فيها اشلون يفرحون بالمولود..ورهف مايدرون
عنها شي..والي زادة اطين باله يوم جات الممرضه لعند امير..

الممرضه:المدام صحت وبداها اياك
ام مشاري اسمعت:غرام..غرام بالمستشفى..اشفيها بنتي امير
امير:عمتي..غرام تعبانه اشوي
ام مشاري:ياربي شلمصايب الي تتنثر علينا مره وحده..يمه لولوه روحي لعند اختك شوفيها

غرام ماتحملت الانتظار اطلعت من الغرفه واهي تجر بنفسها من التعب وجات لعندهم...
امير الي شافها وراح سريع لعندها وحضنها وممشى ابها لعند الكراسي وجلس ابها..

غرام:وينه عمي طلال..ورهف وينها
امير:ادعي لرهف..رهف اللحين محتاجه لدعاكم..
غرام:الله يقومها لنا بالسلامه..وطلال وينه عنكم
امير:طلال ماستحمل طلع

عند طلال براء لمستشفى

كان على الجسر يطالع يمه..يشوف طريق للعوده..وطريق انه يواصل احتار في امره مو
عارف شنوا يسوي والاء وين يروح..ولمين يلجئ بهالحظه..للحبيبه الي تبعد عنه مسافات
طويله..الي قدر ايسويه انه يطلع صورتها من ادرج ويطالع فيها وهو يبكي بحراره..

طلال:حور..حور..مين اللحين بيسمعني..حور..رهف ولدت..بس اهي ماردت
لي خايف انها مابرحت زعلانه مني..وتبي تعاقبني..حور قولي لها ترد لي انا مابي شي
منها..الاء انها ترد

طلال سمع صوت انين مايدري من وين هالصوت والانين جاي له..

...:طلال حبيبي
طلال الي التفتت:حور انتي..انتي وين
...:طلال ارجع المستشفى..رهف بحاجتك جنبها لا تتركها بروحها
طلال:مافيني اخاف اني ارجع ويقلولي ان خلاص
...:لا انت ارجع

بالمستشفى

بالغرفة العمليات واهي تحت التخدير ماتدري شلي صاير حولينها..ماتشوف شي..ماتشوف
الاء ابيض في ابيض..تشوف نفسها على السرير..وبنت جايه لها..

حور:رهف حرام عليك تعذبين طلال رجعي له اهو بحاجه لك اكثير لا تروحين اكفايه انا رحت
عنه وخليته..لا تجين انتي وتكملينها عليه..رهف..رهف..اذا انتي خايفه اني اعترض
حياتكم لا تخافي انا بختفي عن حياتكم
رهف:انا مو قادره
حور:لا انتي قويه يلى اتحملي لوجع وانهضي..لا تتركين طلال لحاله..اهو محتاج لك

عند طلال

رجع طلال المستشفى وشاف الكل على حالهم ماتغير فيهم شي..وقف مكانه ماقرب منهم
خلاهم على حالهم الي يبكي ..والي يدعي..جلس ابعيد عنهم حط راسه على اركبه ومارفعه
الاء بعد صوت..صوت ناعم..

غرام:عمي..عمي طلال
طلال:هلا بعيون عمها
غرام:عمي قوم ماتبي اتشوف الولد
طلال:ورهف انروح عنها ونتركها
غرام:اذا صحت رهف واعرفت انك مارحت شفت الولد بتزعل عليك..وانت مو قد زعلها
طلال:لا دخيلك انا مافيني على زعلها

راح طلال مع غرام ليشفون الولد اوقفوا عند النافذه العريضه احتار اي فيهم ولده..اطلعت
الممرضه من الغرفه وشافتهم واقفين وأسألتهم شنوا فيه..

طلال:وين طفلي انا
الممرضه:شنوا اسم الام
غرام:اسمها رهف
الممرضه:لحظه واجيبه..

ادخلت الممرضه وجابت اطفل وحطته بحضن طلال..طلال الي ابتسم يوم شاف ولده

طلال:غرام شوفي اديش ولدي حلوا..جميل شوفيه

غرام بهالحظه تذكرة بنتها الي ماتت نفس الجمال..ماقدرة تمسك حالها بكت..

غرام:عمي حتى انا بنتي جميله حيل مافي احد بجمالها..جميله حيل..انتوا ماشفتوها
طلال:ان شاءالله نشوف الي في بطنك

ماجد جاء مسرع لهم وهو ينادي عليهم نسى انه بالمستشفى...

ماجد:طلال..طلال..رهف..رهف..اطلعت من العمليات واهي بخير..طلال
تسمعني

طلال الي وقف مابعارف يضحك او يبكي اكفاء انه يطالع في ولده...ونزل راسه ليأذن في
اذنه..واذنة معاها ايام وليالي..وانفتحت ايام واشهور..وتفتحت الورود..وانفتح لهم

فصل جديد واحفاد لأم خالد بولادة غرام ريماس وريان..واكتملت الفرحه بزواج خالد من
مشاعل..اما لولوه الي طالت عليها غياب قصي ماتدري بأي ارض اهو فيها..امابعد ماولدت

غرام..امير مصر عليها انها تسوي العمليه مباشره..

امير:حبيبي وهذا انتي ولدتي لازم اللحين تسوين العمليه
غرام:اشلون اسويها ووضع اختي مايطمن
امير:بيرد قصي..بيرد مصيره يجي بس انتي لا تخلقين لي اعذار
غرام:امير يمكن يكون هذا اخر طلب اطلبه منك..ابيك ادور قصي مكان ماهو فيه واجيبه
لختي ووعد مني اني اسوي العمليه

امير يعرف لغرام انها اذا حطت شي براسها تنفذه لو على احصاب صحتها..

امير:وين انا ادوره..او بأي بلد اهو فيه
غرام:اسأل عليه بشريكة الطيران واكيد بتعرف عنه خبر

بفلة الجد

رهف:تدري طلال ان حور يتني بالمنام وانا بالمستشفى تحت التخدير
طلال:ليه ماقلتيلي ساعتها
رهف:اللحين عرفت بس ليه انت متعلق فيها حيل ومو قادر اتشيلها من راسك وقلبك
طلال:بس اللحين قلبي مافيه الاء غيرك انتي..انتي وبس
رهف:وانا اللحين اقولك اني موافقه على الاسم الي تبيه
طلال حضن رهف وباسها على رقبتها:مشكوره ياحبيبتي..الله لا يحرمني منك ياغاليه
رهف:وانا بعد احبك

ماجد الي مو عارف شنوا اطريقه مع الجازي كيف يبرهن لها عن حبه لكبير لها..كل ماقرب
منها ابعدة عنه وصدت عنه احتال..الحب صعب والي اصعب منه فراق الي نحبه..امير طلع
من عند غرام راح للمطار يشوف عن قصي وين سافر..غرام طلع امير من هون واصعدت

لغرفتها هون كلهم كانوا متجمعين باللبيت الكبير ابيت العيله..من طلوع رهف من المستشفى و
اهم اهناك..بعد مارضعت لصغار انسدحت على السرير واهي تعر بنفسها من الوجع وجع
اظهر تاعبها...

عند قصي بالمطار

قصي كان نازل من الطياره وهو سعيد ومبسوط ان حاله تغير ورجع مثل قبل..امير كان مستعد
انه يسافر ليشوف موضوع قصي..الاء سبحانه وتعاله خلاهم يلتقون بالمطار...

قصي:امير..امير..امير

امير التفتت لمصدر الصوت وشاف قصي استغرب..اندهش..علامات اتعجب انرسمت
بوجهه من اتغير الي صار في قصي...

قصي:امير..انا قصي ماعرفتي
امير ابتسم:الاء عرفتك وشلون ماعرفك..انت وينك وين اختفيت
قصي:خلنا نروح وبطريق اقولك..انا حدي ولهان على لولوه

عند لولوه

لولوه احد فيكم يدري شحال لولوه..لولوه تعبانه من اختفه قصي وخصوصا كل ماتصلت على
جهازه تحصله مقفل..اعصابها انهارت من كثر ماهي تحاتي قصي..اضعفت ماقامت تهتم

بنفسها مثل قبل..غياب قصي شلها واهي مكانها..كانت جالسه بالغرفه تبكي ماتحب انها
تبكي قدام احد..تحب انها تبكي بين نفسها...

عند غرام

غرام الي كل ماله والالم يزيد عليها لساتها على السرير وبكي اعيالها عم يوجعها اكثير لانها مو
قادره تقوم من السرير وتروح لهم..

غرام واهي تبكي:بكفي بكي والله عورتوا قلبي..حبايبي سكتوا كاني بجي لكم كاني يمكم
مو ابعيده عنكم

حاولت انها تنهض نفسها من السرير بس ارجعت وطاحت كانت تلم بكل قوه فيها الشرشف تهد
كل حاليها فيه وتعصر نفسها...

عند امير

اميرالي صرخ وخل كل الي بالبيت يطلع:وينكم ياهل البيت تعالوا..شوفوا انا شنوا جبت لكم
لولوه..غرام..جدي..جدتي..بسرعه تعالوا..
قصي:اسكت فضحتنا

لولوه الي اطلعت من الغرفه وانزلت تحت ماعليها شي حتى شيله اوقفت بنص الدرج..امير
شافها هيك وتنحه وعطاها ظهره..

قصي:هذا استغبالك لي

لولوه الي لحد اللحين منصدمه...

قصي:لولوه تبيني اجي لعندك
الوليد الي نازل:لا مافي داعي تجي انا اجيبها لك..

ونزل الوليد لولوه وحط ايدها في ايد قصي..الي خلاها تصحى..

لولوه:قصي
قصي:اي قصي

عند غرام

غرام الي اقدرة انها تشيل نفسها وخذة تمشي واهي ماسكه الجدار..تثبت عن تطيح انزلت و
اهي كلش تعبانه..وجهها الشاحب..الذبلان الي كلش ملامح مافيه امير الي شافها هيك انفجع

مو هذي غرام الي تركتها قبل اربع ساعات..كأني تاركها اربع سنوات..فتح اذراعه
ليستغبلها اهي ماترددت انزلت وحطت نفسها بحضنه..تحس ان مابينها وبين الموت الاء
اشعره تفصلها عنه..

امير وهو يمسح على شعرها:اشتقت لك
غرام واهي تبكي وحاطه ايدها على فمها ماتبي ان يطلع:وانا اشتقتلك مليون مره
امير:تعالي خلينا نعيش ليوم لحالنا
غرام:وانا من ايدك ذي لايدك ذي..

لكل كان واقف ويطالع مو عارفين ليه كذا صاير..امير وغرام ليه حاضنين بعض..كأنه
راجع من سفر ابعيييييييييييييد حييييييييييييييييل...

غرام الي ماقدرة تتحمل الالم:امييييييييير..وطاحت

امير الي تلقفها بين اديه واهم لساتهم واقفين يشوف راسها كيف مددنن بالهوا..وادموعه تنزل

امير:غرام..حبيبتي..خلك اقريب مني لاتروحي
بومشاري الي مايدري جاله شعور وخاف على بنته وراح لعندهم:امير..غرام اشفيها
امير:انا باخذهاعلى المستشفى..

نروح للي راحوا المجلس اسرقوا نفسهم عن الاهل بدون مايعرفون شي كانوا جالسين وحاضنين

قصي:بدك اظلي اطالعين ابوجهي مامليتي
لولوه:ولا عمري راح امل..انت املي وعمري
قصي:خلينا نروح على بيتنا بدون زواج
لولوه:انا ماعندي مشكله..بس تمهلني يومين اجهز نفسي
قصي:مو يومين اسبوع عنك..

بالمستشفى

بالمستشفى على طول خذوها ودخلوها غرفة العمليات لان كل ماتأخروا كل ماصار الخطر اكثير
لكل يطالع امير يبي يعرف ليه العمليه الي بيسونها لغرام...

الجد:قولي ياولدي ليه العمليه هذي
امير وهو لساته يبكي:انتوا ماتعرفون شي..غرام..غرام قبل سنتين اهي طاحت بالمزرعه
بس لنكم كنتوا منشغلين ابها ماحد سأل نفسه مين الي وصلها للحال
الوليد:انت تقصد يوم يدق علينا عمي طلال
امير الي جلس على الارض وخله اعيونه متعلقه بالارض:الدكتور ماخبركم عن حالتها لاني
منعته..دخل في راسها الدبوسين اقدروا..انهم يطلعونه بس اثاني اقدروا انهم يطلعون جزء
منه والجزء الثاني ظل منقرس..ظل يمشي..ويمشي لحد ماوصل الى اظهر والالم يزيد عليها
كل يوم يمر الاعراض تزيد عليها
بومشاري:بس اشدخل الدبوس ينغرس فيها واهي ماكانت تشتكي من راسها
امير:هالسؤال سئلوه امير لانه اهو الي وصل غرام لهني.

مر الوقت واليوم خلص وحل يوم جديد والعمليه لساتها مستمره..لكل ماراح ظل بالمستشفى
حتى لولوه جات..ماحد ظل يم لصغار غير الخدم الي بالبيت ماحد فكر انه يسأل عليهم امير
مو فاضي ايدور على كبر المستشفى..مابين رايح وراد على الغرفه..كان واقف يشوف
الاطفال لصغار جات لعنده اخته الجوهره..

الجوهره:تطمن يامير راح تقوم بخير
امير الي كان يطالع لصغار:انا مو خايف..ماحد يعرف غرام كثري انا..غرام في ضعفها
قوه..وفي قوتها ضعف راح تقوم من الي اهي فيه
الجوهره:مادريت انك تحبها هالكثر
امير:غرام اهي روحي الي ساكنه بجسدي

امير تذكر يوم شاف ولد يشبه اعياله

امير:لعيال مين يمهم
الجوهره:لا تخاف ماجد اخذ الجازي لتدير بالها عليهم

عند الجازي وماجد

بالسياره كانوا ساكتين مافيه احد يتكلم لكل كان مشغول على غرام كان يراقب تصرفاتها بالمرايا
بس اهي كانت اطالع بالشارع واستوقفت ماجد..

الجازي:ماجد وقف هون
ماجد:بدك شي
الجازي افتحت شنطتها وطلعت مبلغ ومدته لماجد:خذ عطه الرجال الفقير الي جالس
ماجد:خليهم عندك انا اعطيه
الجازي:مايخالف ازيادة الخير خرين..

بالمستشفى

انفتحت باب غرفة العمليات وطلع من الاطبه الي اشرفت على عملية غرام..امير وقف بالوسط

الدكتور:العمليه انجحت بس مابنتأكد الاء اذا صحت
امير:وكم تستغرغ على ماتصحى
الدكتور:ساعه..واللحين بينقلونها غرفتها وتقدرون اتجلسون يمها بس ماتصحونها الاء ليمن
تصحى لحالها

لكل دخل للغرفه منهم من جالس على الكنب ومنهم من واقف يطالع في غرام ايراقب كل حركه
تتحركها..امير كان جالس يمها على السرير..ماحد يتكلم او يهمس بهمس..ومرت ساعه
وبدت غرام تصحى من الي اهي فيه..

غرام:ماي..بدي ماي..عطشانه..
امير سمع صوتها وجلس يطالع فيها:غرام..غرام اتي صحيتي
غرام:امير..امير

بهالحظه الي غرام تصحى فيه دخل الدكتور يبي يعرف اذا راح تقدر تمشي او لا..

الدكتور:ممكن كلكم تطلعون
بومشاري:ليش
الدكتور:بنفحص المريضه
الجد:اخذ راحتك ياولدي

طلع الكل من الغرفه مابقى مع غرام امير..الدكتور قرب من عند غرام ورفع الغطاء من على
ارجوها وطلع من جيبته مطرقه صغيره وبدى يضرب ارجول غرام..

الدكتور:تحسي بالم

غرام هزت راسها بمعني لا...

الدكتور بدى يضرب على الساق:واهني تحسين بالم

غرام مره ثانيه هزت راسها بعنى لا..

الدكتور اشر على امير واطلعوا براء مع بعض وغرام حطت ادينها على ارجولها..

غرام:اي المني اكثير ضرب الدكتور..هين يامير مثل مانت كنت مستعجل على العمليه انا
اعلمك اللحين خلينا انشوف قد حبك الي بتتحمل اني اكون مشلوله..راح نلعب عليك لعبت اني
مامشي..

براء لغرفه

الكل:ششششششششششششششوا
الدكتور:انا مسبق شارح للأستاز امير ان المدام راح تنشل لفتره
بومشاري:يعني اديش
الدكتور:على حسب حالتها..يمكن شهر..يمكن سنه

وبعد مامر اسبوعين اطلعت غرام من المستشفى بخير..وارفضت انها تروح مع امير بيتهم
راحت على بيت اهلها بالرياض..وكل ماراح امير لها انه يرجعها اهي ترفض..

طلال انتبه ان غرام تسحب بالكرسي لان ظلها كان يبين وحب انه يساعد امير انها ترد معاه

طلال:امير الاء اشرايك تتزوج وتخلي غرام تولي ابيت ابوها مو اهي عايفتك
امير عصب على طلال ماكان عنده علم ان طلال يمثل عليه:انت شقاعد تقول انا احب غرام و
لا في انسانه بتجي بمنزلت غرام..غرام راح تمشي وبترجع لي اهي بس تدلع
طلال:انت الخسران
امير:الاء قول انا الربحان ان غرام ملكي انا مو ملك غير

غرام كانت تسمع وقلبها وجعها على حال امير اتحسفت انها لعبت عليه هالعبه..وخصوصا
انها حاسه بملل بالبيت لانها مغير لحالها جالسه..بعد روحت لولوه بيت زوجها والجازي
ملتهيه في اختباراتها..قربت غرام من يمهم واهي كلش مسويه نفسها معصبه معقده الحجاجات

غرام:انتوا ماعندكم ابيوت كله جالسين عندنا
امير:وانتي شحارك
غرام:انا راسي يعورني وانتوا ازعاجكم واصل لعندي
طلال:روحي نامي ومعليك منا

بالشرقيه..الدمام..عند مشاعل

مشاعل الي من تزوجوا ماجلست مع خالد باليله شاعريه استغلت فرصة ان مابعد يجي من الدوام
البست لها فستان احمر اقصير قوق الركبه بدون اي مساكات في الاكتاف..كانت ليلتها غير
مو عاديه جهزة طاوله عشاء رومنسي حطت الاكل على اطاوله بعد ماحضرت شي خفيف و

خلت الشراشف على اطاوله وردي..وحطت ورده حمراء على صحنه..وحطت اشموع
ورد على سطح ماء وحطتهم على اطاوله وعلى الدرج وعلى الارضيه..وبعد ماخلصت

اشعلت الشموع تنتظر دخلته لانه اسمعت صوت توقف السياره راحت لعند لباب لتستغبله..
فتح لباب وشاف هالمنظر اهي ماستنت اكثير احضنته واهمست بأذنه..

مشاعل:ماتخيل هالدنيا من دونك..انت كل شي في دنيتي بالنسبه لي
خالد:وانتي غلاي

الرياض..بفلة بوجاسم

غرام ملت واهي جالسه امبينهم:طلال قوم ودني غرفتي
طلال:اسف ظهري يعورني مو مستعد اتعبه واتعب معاي رهف
امير:هذا انا جاس اقبالك ليه ماطلبتي مني
غرام:مابي اتعبك معاي
امير:اتعبك راحه

وشال امير غرام واهي اعيونها متعلقه ابه..اعرفت ان ماله بالدنيا غيره اهو..لكل بيمل منها
الاء اهو ماراح يمل منها..اوصلوا على الغرفه وحطها على السرير وحط عليها الغطاء..

غرام:اذا تبي نام اهني
امير وهو يبوس اعياله:لا انا مانام غير في بيتنا..غرام غيابك طول علي متى بترجعين
غرام:انت شلك بوحده مشلوله
امير وهو يأشر على ارجوله:ارجولي اهم ارجولك مستحيل امل منك..حتى لو تميتي العمر
كله مشلوله راح اشيلك
غرام بكت:بس بيجي يوم وتمل
اميروهويقرب يمها اكير:انا كنت عارف شنوا بيصير لك من البدايه كان فيني ماعمل لك العمليه
واخلي ادبوس بمكانه ليمن الله ياخذ امنته..بس انا احبك وابي اعيش معاك وقت اطول..

طلع امير من يمها واهي ظلت بمكانها ساكته..حطت راسها لتنام..

الشرقيه..الدمام..بفلة بوخالد

ماجد:يمه
ام خالد:نعم حبيبي
ماجد:ابيك بموضوع
ام خالد:عارفه شبتقول وانا اختصرت عليك الوقت وطلبتها من اهلها..واهم وافقوا بس الزواج
بعد الاختبار
ماجد ظل فاتحه فمه وبعدها:بس انتي شمعرفك
ام خالد:عيب ياولد انا امك وقلب الام دليلها
ماجد قام وحب راس امه..

غرام اطلعت من بيت ابوها ومعاها اعيالها راحت لبيتها اهي وامير اوصلت لبيت مطمئنه ان امير
مش موجود نظفته كان امغبر حيل والاواني امنثره بالمطبخ..نظفته ورتربته..واشعلت جمر

وبخرت لبيت راح الوقت كله..اصعدت غرفتها وصلت وبعد خذت لها شور سريع..اطلعت
هذي الليله ليله مميزه غير عن كل ليله تبي تعوض امير ومنها اعتذار..البست ملابس داخليه

حمرا من الدنتيل بس وبعدين جابت قطعةشيفون حمرا واربطتها على الكتف ونزلت منها ربطه
وعلقت فيها حبه فراوله وحطت مكياج خفيف وتعطرت..انزلت وافرشت على اطاوله فرش

احمر وحطت العصير في كأسات وعلى الكأسات رسمة قلب وحطتها جنب الصحن..وزينت
الطاوله بشموع حمرا على شكل ورد..وورود..وزينت غرفة النوم بورد احمر وشموع
وحطت ابجوره حمره وعلى فرش السرير افرشته بفرش روز..

امير جاء وهو مايدري كان حامل باقة ورد شراها من محل وكان مكتوب على ظهر الورد عباره
شاريها لغرام لانه مقرر انه بكره اول مايجلس يروح ويجيبها لعنده..دخل البيت وتفاجى بالي
شافه..

امير:غرام..غرام..انتي واقفه وتمشين
غرام غربت وباسته بشفايفه:اي انا من البدايه امشي مانشليت..بس حبيت العب ابي اشوف
مدى حبي عندك اذا انت بتتحملني
اميروهويلفها ويداور ابها:وتأكدتي
غرام هالمره ماسمحت للدموع تنزل:اي
امير قدم الورد لغرام وحضنها:احبك
غرام:وانا احبك
امير بعد عنها وجلس يطالع فيها بكل اعجاب:انتي الليله ناويه تذبحيني
غرام واهي تقرب من امير وتأشر على الفراوله:اكل هذي واهي معلقه
امير:انا مو بس الفراوله باكلها..حتى انتي باكلك
غرام:هههههههههههههههههههههه

واجلسوا اشوي منها كلوا واشربوا..وبعدها امير شال غرام وصعد ابها فوق وفتح باب الغرفه
وبعدها سكره وطفاء كل الاشموع الي بالغرفه..

انطفت تلك الاشموع واشتعلت بعدها انوار غير..انوار فرح بالعيله..زواج ماجد من الجازي
كانوا متحضرين حفله بسيطه امبينهم ماحبوا انهم يسون حفل كبير..لكل كان جاهز حتى

العروس طالع ولا اروع منها..ولا ننسى بطلتنا غرام كانت لابسه فستان ازرق طويل من
الشيفون لونه ازرق زهري مفتوح من الجانب وبحمالتين احداهما منفصله عن الفستان من الامام

لولوه:ياربي لفستان صاير وسيع علي رغم اني حامل
غرام:تعالي اضوقه لك
مشاعل:وهذي ماتنسى شي حتى عدتها معاها
غرام:للموقف هذي

كانت ليله لا بد منها لكل كان حاضر من الاصدقاء والاهل ليشاركونا فرحتنا العميقه..بعد
مادخلوهم تصور بعض الاصور..وبعد انزفوا على عش الزوجيه..وصلنا على البيت

عند ماجد


ماجد:هب لادخلين
الجازي:ليه
ماجد:انا حالف اذا وافقتي على الزواج مني راح احملك من بوابة لبيت الى داخل الغرفه
الوليد:مسوي نفسك
ماجد:كيفي محتر مني..ويلعب بحواجبه
خالد:خله الوليد يسوي الي يبي..يمكن احنا ماقدرنا نسوي
ماجد نزل اشوي وحمل الجازي:ول..اثر طلعتي فقيله مو هينه
الجازي اضربته على راسه بالورده:ياتعبان

ودخل ماجد ولكل دخل وراءه..الاء امير مسك ايد غرام ووقفها..


غرام:هلا حبيبي
اميروهويطلع لها بطاقات سفر:شوفي بطاقتين لنسافر
غرام:واو حبيبي متى
امير:اللحين
غرام:اللحين

اميروهويشيل غرام ويركبها بالسياره ويبوسها بشفايفها..

بفلة ام خالد عند ماجد


ماجد:وين
الجوهره ورهف:معاكم
ماجد:لا ياحبيتي انت واياها لهون وبس
رهف:تطردنا
ماجد:والله كل وحده عندها رجل تروح له

عند قصي

قصي:لولوه انتي مامليتي وانتي اطالعين بوجهي..انا مليت
لولوه واهي حاطه ايدها على خدها:ليمن اموت ماراح امل
قصي قرب منها اكثير وسدحها على السريروباسها على راسها

بفلة بوخالد..عند ماجد

كانوا جالسين على السرير ماغيرة لساتها بفستان الزواج..وهو منسدح عليها واهي تلعب
بشعره وخذ ايدها وباسها في بطنها

ماجد:احبك
الجازي:وانا احبك

عند امير

بوسط البحر على اليخت بجزيرة الكاري كان النسيم عليل والبحر هادئ والسماء متزينه باحلى
حله لديها كان اهو على ظهر اليخت واهي داخل بعد مانومت لصغار بدلت ملابسها والبست

فستان اسود راقي ليس لديه حمالات للكتاف ناعم وبه ثلاث خامات وثلاث طبقات التافته والريش
الاسود وقماش السيترتيش من اسفله لان كان بالليل وصولهم يوم ثاني وحطت مكياج ناعم..
دخل عليها وشافها

امير:كل مره تفاجئيني ابك
غرام اخجلت ونزلت راسها
امير ارفعه:مابيك تخجلي مني
غرام:امير خلاص

امير كان حامل بأدينه كاسين ناعمين وعلبة مشروب توت حطهم على اطاوله وسكب فيهم ومد
لغرام واحد واهو الثاني..اجلسوا على الكرسي..وكانت غرام حاطه ظهرها على صدره
وماده ارجولها على الكنب..امير حط الكاس ومسك ايدها وحرك بأصابيعها

امير:شفتي اصابعك
غرام:اي شفتها بس مو فاهمه
امير:شفتي اصابعك اديش غير متساويه
غرام:شلينه تبي توصل
امير:ابي افرجيك ان الحب مو مثل بعض كل شخص يحب على طريقه..وانا حبيتك غير
ماحبيتي امير زوجك الاولي
غرام:امير انا بعترفلك شي..اللحين عرفت كيف الحب يمكن انا ماحبيت امير كثر ماحبيتك
يمكن حبي لأمير مجرد اني ابيه يكون جنبي بس انت حبي الحقيقي

امير غرب اكثر وباس غرام في شفايفها وخلاها تذوب

تذوب
تذوب
تذوب
تذوب
تذوب
تذوب

ومد ايده وشغل المسجله

نامت عيون الناس الا عيوني
هالناس حبو والا بس انا اللي حبيت
مرات اقول شلون عايش بدوني
مرات اقول اني بشوقي تماديت

مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل فيني وغنيت

نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت


النهايه

انتهت قصتي..قصة اغلى غرامي اميري

مع الشكر

شفتك بعد غياب واسرني الحزن والهموم بغيابك

لكل مسافر له رجعه فأنا اليوم اودعكم وامل ان التقي

معكم بروايه جديده

فأنتظروني بروايتي الجديده

واشكر كل من قراء قصتي واخذة من وقته وكتب

رد بسيط وقوي

وحمسني على التكميله