الفصل الثاني

مرت ايام عصيبه على غرام النوم جافها متنام الليل..شلون تنام واهي عارفه انه امير متزوج
من صديقتها سهى كيف اعملوا فيها هيك..كانت حاطه راسها على المخده بس كيف تقوله ان

الي امبينهم انتهى امير الي طلع من عند سهى وهو تعبان الم رجله متعبه ماتم يمها مايبي يتعب
سهى..يبي يروح لعند غرام يبيها تهتم فيه لانه معتبرها ممرضه له..دخل لغرفه فصخ

ملابسه لبس بجامه حط راسه على المخده اهي اعملت نفسها نايمه..بس ماهان عليها تشوفه

يتعور واهي ماتساعده رفعة راسها وارفعة لستاره الي فاصله امبينهم..

غرام:تعبان حبيبي
امير فتح عينه على كلمة حبيبي:اي فيك دلكينها
غرام:اي اللحين اجي يمك

راحت غرام يم امير رفعت الغطا وبدة دلك رجله وتقراء عليها قران ليرتاح..اتفاجئت من رجله
بدة تتغير شكلها حبت تسأل سؤال..

غرام:امير
امير وهو يعصر من الالم:نعم
غرام:تفكر انك تتزوج او تحب وحده
امير:لا انتي عندي..انا مابدلك
غرام مسكة طرف الغطاء بأيدها وقلبها يتقطع:قولي انا مو بزعل واذا تبي اروح اخطبها لك
امير استغرب من اسألة غرام:فعلا تسوينها
غرام وادموعها تسيل:اي اذا هشي يريحك ويخليك سعيد
امير رفع راسه من المخده ومسح ادموع غرام وحضنها:لا انا مافكر
غرام الي بكيها يزيد وحطت ايدها على فمها لا طلع صوت وبقلبها:اهون علي تجي وتقولي انك
بتتزوج ولا تعمل فيني هيك..

الدمام بعد مارجعوا من الرياض اول شي راح الشريكه ليطمن على الشغل وكيف ماجد مشي
الشغل بغيابه..

ماجد الي كان جالس بالشريكه كان مايدري ان خالد بيجي بدري كان يلعب الفت بول بالمكتب

خالد فتح لباب:حلوا ضربه موفقه
ماجد:تعال خلنا نلعب
خالد:واذا داخل عليك عميل وشافك هيك شراح تشرحله

ماجد ماكلم خالد لانه شايل عليه ليه ماوداه معاهم الرياض

خالد:كيف امور الشغل
ماجد وهو يلعب ومارفع عينه:زين..واستلمت السيارات الجدد
خالد عارف اخوه:زين وليه مكشر وماتعطينه وجهه
ماجد:كيفي
خالد:كلذا اني ماسمحت لك تروح الرياض..بس ماقلتلي شنوا في الرياض لك

ماجد الي جات كلمة الرياض مثل السهم الي ينضرب في القلب..هناك قلبي وانت حرمتني من
شوفته ياخالد

خالد:هاي اكلمك

ماجد حط المضرب وطلع من المكتب وخالد مات من اضحك على سخافت ماجد..وهني تذكر
مرام كيف كان يتصرف اذا مارضت امه تروح الرياض..كان مثلاته وازيد..

ماجد طلع من باب الشريكه ويبي يرد الصاع لخوه شاف واحد مضروبه سيارته مع واحد وباين
على الشاب ان حالته لايرثه لها

ماجد:شفت هالشريكه صاحبها واحد كريم يعطي صدقات روح له
...:مستحيل مافيه احد يعطي صدقات من الله
ماجد طلع مبلغ:شوف انا توني داخل له وعطاني

ذاك اقتنع من كلام ماجد ودخل له..وماجد جلس يضحك..

صالح:نعم
...:ابي اقابل المدير
صالح:مو فاضي ومين اقوله
...:انت بس دخلني
صالح:لحظه اتصل فيه..ودق صالح على خالد وخالد سمح له انه يدخله عليه
...:السلام
خالد:وعليكم السلام..نعم تعرفني
...:لا بس في شاب طالع من عندكم وقالي انك توزع صدقات
خالد:ومن هذا
...:ماعرفه

خالد اعرف ان ماجد اهو الي مسويها لان مافي احد بيجرئ ويعملها:تفضل

جلس الرجال على الكرسي وخالد فتح ادرج وطلع منه مبلغ وعطاه اياه..

الرياض..بفلة بوجاسم

نرجع لغرام بعد ماسهرت على امير طول اليل نامت على الكرسي وهو جلس ودخل لتواليت
امير كعاته فتح لماي اذا بيكلم سهى بالجوال...

امير:الو
سهى:وحشتني
امير:وانا كيف نمتي
سهى واهي كلش منعمه صوتها بالجوال:كيف تبيني انام وحبيبي مو جنبي
امير مايهون ان سهى تكون زعلانه منه:خلاص هالاسبوع كله بكون عندك ونسافر بعد وش
تبقين
سهى:ابيك انت تعال الليله عندي
امير:ماقدر
سهى:عندي لك مفاجئه
امير:خبريني
سهى:شلون تصير مفاجئ
امير:اوكي الساعه تسع اكون عندك

غرام الي واقفه عند باب لتواليت وتحاول انها تسمع همس الكلام بس ماسمعت شي..حدها
اسمعت تسكير الماي يعني امير بيطلع من التواليت وبعدة نفسها سوت روحها تشتغل بالتطريز
امير طلع وراح بدل ملابسه وبعد ماخلص

امير:ماتبين تفطرين
غرام:الاء بس استناك
امير:يلى تعالي

على الفطور الكل موجود ماعدا جاسم ونهى اطلعوا يفطرون براء لبيت تغيير شكل اجلسوا
على كراسيهم غرام الي اطالع فيهم واحد واحد..هذا اخر فطور الي معاك واخر يوم بكون
فيه بهالبيت..

امير:يلى مع السلام اشوفكم على الغدى
ام جاسم:في حفظ الرحمن
مشاعل:غرام تعالي ابيك
غرام:وين خلينا جالسين

مشاعل اغمزة على غرام وغرام افهمت..

بغرفة مشاعل على السرير..

مشاعل:سئلتي امير عن الي شمتيه
غرام:لا
مشاعل:احسن عشان لاتصير مشكله من ولا شي
غرام عارفه مشاعل ماندتها في الغرفه على هذا السبب:مافي شي ثاني تسئليني فيه
مشاعل:مثل ايش
غرام:مثل خالد

مشاعل بس رن اسم خالد بأذنها اتجفت وتسارعت دقات قلبها...

غرام:اي خالد
مشاعل بلعت ريجها:وليش اسأل عنه وهو مجافيني وصاد عني وكله يعصب علي
غرام:طيب اذا اهو ماسأل انتي سئلي عليه
مشاعل رمت المخده على غرام:شكلك انتي ماتعرفين شلي بيسويه معاي
غرام بعدة المخده عنها وعدلة شعرها:لانك غبيه

طلال الي رجع الرياض مره ثاني وعلى طول راح عند امير المكتب ودخل عليه..امير بس
شاف طلال سكر السماعه..وطلال حط ايده على اطاوله

طلال:امير انت تزوجت من سهى
امير:اي ليه عندك اعتراض
طلال:وغرام المسكينه شراح تسوي
امير:هذي حياتي وبكيفي اسوي فيها الي ابي
طلال:لا مو كيفك هذي مو بس حياتك هذي بعد حياة غرام
امير حط صبعه على صدر طلال:انا مو مثلك بصير بس خبرك جدي ترجع وتترك حور سمعت
كلامه ورديت
طلال:انت شقاعد تقول ابوي ماعمل معاي هيك
امير:اجل شلي خلاك ترد من السفر وماتكمل دراستك
طلال:لان فيه شي صار لي
امير:وشنوا هشي

طلال ظل ساكت وماقال له السبب في رجعته ان حور ماتت..

امير:شفت ماعندك جواب

طلال طلع من مكتب امير وعارف انه لو يتكلم معاه من اليوم لبكره مارح يوصل مع امير نتيجه
ومرت الساعات سريع ورجع امير لبيت الساعه سبع ونص على طول دخل لتواليت ياخذ له دوش
وبيطلع وطلب من غرام انها تجهز له ملابس..

بالفله عند سهى

اما عند سهى كانت الليله غير كانت ليله غراميه عدلت لها طاوله يم حمام السباحه حطت فوق
اطاوله مزهريه وفيها ورد واشموع على مدام حمام السباحه على شكل سمكه..وفوق اطاوله

اكل خفيف وكاسين عصير بعد ماخلصت اصعدت فوق تلبس لها فستان وترتب شكلها..
فتحت ادولاب وطلعت لها فستان حرير لونه احمر بدون اكتاف لاسي وعلى الصدر زيج من

الريش الابيض ومخصر من فوق لتحت..ومن الامام كان اقصي ومن لخلف طويل ولبست
صندل برجلها ونزلت واهي ماسكه الجوال ترسل رساله لأمير...

بفلة بوجاسم عند غرام

غرام الي اسمعت صوت نغمة الرسائل الخاصه بجوال امير وخذته وفتحت الرساله..

غرام:حبيبي لا تنسى اجيب معاك ورد الي..حبيبتك..انقهرة ومسحت الرساله وحطنه
مكانه..

بفلة بومشاري

طلال راح بيت اخوه بومشاري يبي يقوله عن الي صاير لا غرام مع امير بس تردد بأخر لحظه

الجازي:عمي شعندك زياراتك متكرره بالرياض
طلال:لايكون جاي بيتك وانا ماعندي علم
الجازي:ياكرهك اذا استخدمت هالاسلوب كلش مو لايق عليك
طلال:ومنكم نستفيد..ماخذة السلوب لاء منك
لولوه:بهاذي اهنيك عليها ماكذبت فيها
طلال:وانتي وياها ماتقلون عمنا جاي من طريق طويل نسأل اذا جوعان شبعان ماعندك ذوق
لولوه الي حطت ايدها بأيد عمها وقومته:هذا يمك لمطبخ قوم سولك اكل واذا ماتدله اسأل الجازي
طلال:مالت عليكم مادري انا شماخذ منكم
الوليد الي ناده على طلال وهو بالمطبخ:طلال طلول تعال اسويلك اكل
طلال:انت..مابي خاف تحرقني
الوليد:كيفك انت لخسران

طلال اطر انه يروح لانه جوعان..اما امير بعد مالبس وتعطر طلع وبعدربع ساعه خذة غرام
عباتها وطلعت تروح وراه ماتقدر تكتم اكثر تبي تقطع اشك باليقين اذا فعلا امير مع سهى..

الشرقيه..الدمام..بفلة بوخالد

ماجد الي كان يغسل وجهه بالماي رفع راسه ليطالع نفسه بالمرايا بس شاف وجهه الجازي
بالمرايا..اخذ ماي بأيده واسكبه على لمرايا يبي يبعد صورتها بس للاسف ماراحت تمت
ملازمته بالمرايا..

ماجد:حتى بهاذي بتشاركيني فيها حتى وجهي نسيت معالمه كل اشوف صورتك فيه اخ احبك
سرقتي مني قلبي وسرقتي كياني وصرتي خيالي ادايم

ام خالد ادخلت غرفة ماجد تنادي عليه لينزل ليتعشي:ماجد
ماجد الي ارتاع من سمع صوت امه:هلا يمه
ام خالد اضحكة على ولدها:سلامتك بس العشاء جاهز
ماجد:كاني نازل

الرياض..بفلة بومشاري

نرجع لطلال والوليد بالمطبخ سوو لهم بطاطس مغلي مع بيض مسلوق ودخلت عليهم لولوه تشوف
شنوا يسون بالمطبخ اقلقة عليهم لانهم طولوا وصررررررررخت..

لولوه:شنوا هذا
طلال وهو يلتفت وبأيده البطاطس:خيييييييير اخت لولوه

لولوه اطالع بمنظر المطبخ الي صارير ساحت معركه المعين بالمغسله والدهن منكب على لفرن
وكله دخان..

لولوه:ابي افهم هذا مطبخ او ساحت معركه
الوليد:وانتي شنوا شايفه
لولوه:مايسادي علينا طلع علينا اكثر من بيعت اسوق..لوقايمه انا مسوي لعشاء لكم كان افضل
من هالمنظر
طلال:علمي نفسك
جات الجازي تشوف وحطت ايدها على قلبها:يمه شنوا هذا

بالفله..عند سهى

نرجع لسهى وامير الي راح لها واجلسوا على طول بره لبيت..اجلسوا على طاولة لعشاء
وحطت سهى ايدها على ايد امير الي باسطها على اطاوله

سهى:امير
امير:نعم حبيبي
سهى:ماسئلتني عن لمفاجئ
امير:واحلى من هيك ماظن
سهى:بس فيه مناسبه ثاني
امير:مناسبه ثاني ماظن
سهى:ههههههههههههه حبيت اقولك ان ولي العهد بيحل علينا ضيف

امير الي ابتسم من خاطر وقام وباسها على راسها

غرام الي دخلت لبيت وراحت من وراء شافت لشموع مضائه بدت تمشى على ناحيتها وشافت امير
حاضن سهى واهي تبتسم في حضنه وصفقة غرام على المنظر وادموعها تسيل وخلت امير يلتفت

مع سهى والي كانت مفاجئ لهم غرام موجوده عندهم...
كيف بتكون المعركه امبينهم

الفصل الثاني


عند غرام

جلست اصباح صباح مميز افتحت عيناه شافت المكان يلع فكرة نفسها بمكان غير فزت من مكانها
تلفتت وشافت نفسها بنفس المكان شالت الغطا من عليها وبدت تمشي وادخلت المطبخ وشافت على

اطاوله فطور رائع مميز وشافت ورقه صغيره على اطاوله *عذريني اني مشيت بدون ماقولك
نزلت اشوف اهلي وهذا فطور مني امير*حطت الورقه وجلست تاكل تحس نفسها جوعانه كلة
من غير توقف..

بفلة بوخالد

ام خالد وهي تحضن امير:ضوءلعيون جيت عندنا
امير وهويبوس راسهاونزل وباس ايدها ونزلت دمعه:لاني اشتقت لحضن امي ادافي
ام خالد:وانا اشتقتت لصوتك بالبيت
خالد:يمه عاد عطينا مجال
امير بعد عن امه وحضن اخوه:خالد
خالد:اي خالد الي ماتسأل عنه الا نادر
امير:وهذا انا جيت وحامل معاي شهاتي مارحت العب
الجوهره:يعني خلاص بتجلس معانا على طول
امير شد خد اخته:اي مابفارقكم
ماجدوهو متكتف:وهذا اعيال بوخالد اشتمعوا من جديد
رهف:ولا تنسى شي ماجد
ام خالد تذكرة اخوها بو قصي من زواج اولده وسفرهم ماتدري عنهم شي:امير شفت خالك
امير الي ارتبك مايدري شنوا يخبرها:خالي
ام خالد خافت لان امير تغيرت تعابير وجهه:اي خالك صار هناك شي
امير:خالي رد مع قصي
ام خالد استقربت:مو ساكنين اهناك على طول
امير:يمه قصي ولد خالي صار عليه حادث وتشوه وجهه
ام خالد اجلست من الي خبرها فيه:شلون
امير:حامه زوجته من اهي تحترق
الجوهره:شلون صار الحريق
امير:نسيوا الفرن شغال واشتعلت النيران بالمطبخ
ام خالد:وزوجته ماصار لها شي
امير:لا وبعد فيه خبر ثاني
خالد:لا تقول انها...
امير:بالضبط اطلبت منه اطلاق وطلاقها لانها ماتبي تشوف شكله الجديد
ام خالد:يمه ولد اخوي ماصار لهم اشهور من اهم متزوجين

بهالفرحه اسعيده بردة امير ممزوجه بحزن على وضع قصي الا انطرق لباب من هذا الي جاي
بيت بوخالد من اصبح المبكر راح فتح لباب خالد وخالد انفجع من منظر الوليد وطلال

طلال:خالد غرام عندكم
خالد تفاجئ:غرام....لا

الوليد الي توقع ان غرام تكون عندهم طاح على الارض ماتحمل اختفاء اخته..

طلال رفع الوليد من الارض:الوليد تماسك لاتخاف بنشوفها
الوليد:وين انشوفها واحنا في كل مكان دورنا عليها

خالد دخلهم داخل البيت بعد ماخبر امه وخواته يدخلون داخل لانه معاه اضيوف..دخلوا طلال
والوليد ومانتبهوا بوجود امير مين له خلق يلاحظ..

الرياض..بفلة بومشاري

لولوه:الو جدتي ماعرفتوا خبر
الجده:لا وامك صار عندها علم
لولوه:لا
الجده:لازم يعرفون..لازم ابوك يتحرك
لولوه:يعني اقوله
الجده:اي

دخل بومشاري على بنته واهي تكلم جدتها..وسكتت لولوه ماتعرف شنوا تقول لابوه اكفتت
اطالع في ابوها..

بومشاري:مين على الخط
لولوه:هذي جدتي
بومشاري:عطيني اياها من فتره ماكلمتها
لولوه:تفضل
بومشاري:هلا بأمي الغالي
الجده:هلا بولدي
بومشاري:يمه مابناوين تجون عندنا فتره اشتقنا لكم
الجده:فهد
بومشاري:سمي يمه
الجده:بنتك غرام اختفت
بومشاري وقف على طوله:يمه انتي متأكده..اقصد شلي صار على بنتي

الجده بدة تحكي لبومشاري كلشي من البدايه لنهايه وهو يسمع وتنزل ادموعه بحراره..
اما الوضع عند بيت بوجاسم مكان احد يدري لوضع مستقر..اما بالشريكه كان جالس بالمكتب

بوجاسم وهو يتكلم مع بوطارق عن زواج امير من سهى ..وكان يدري شلي سوت غرام بيت
امير بس ماهتم ولاحس ظل ثابت ولا اهتز اما امير الي جلس من نومته مع سهى واجلسوا يفطرون

بفلة امير

سهى:امير مالقيتها
امير:بالعنه الي تلعنها ان شاءالله سياره تصقعها وتموت
سهى:امير لاتقول كذا هذي بنت عمتك
امير:سهى لاتطرين لي كذا..بس وين تتوقعين تكون
سهى واهي تشرب الماي:لا

نرجع عند بوجاسم وبوطارق بالشريكه

بوجاسم:ههههههههههههههههههه اللحين لو طارق متزوج لولوه مو احتار وين يوقف بصف اخته
سهى او بصف اهل مرته
بوطارق:كانت خطتك جهنميه
بوجاسم:اي بدال مايدخال بومشاري معانا شريك وتكون القسمه اصغيره امبينا..تكون القسمه
اكبر خلنا نشوف شنوا بفيده اعناده يوم رفض انه يدخل بمعاملة الاجهزه الالكترونيه..
بوطارق:اهم حاجه انه مايسوي لنا مشاكل
بوجاسم:هذا جبان ومايسويها

بوجاسم يحب شي اسمه فلوس يضحي بأي شي سبيل لفلوس..وين ماتكون للفلوس تكون
مصلحته الاء زواج امير من سهى كان بأراته..

بفلة بومشاري

امالبيت بومشاري تحولة لجنازه وصل لخبر لعند ام مشاري وبدت تصفق بأدينها واهي تبكي على
ضياع بنتها...

ام مشاري:يمه حششاشت يوفي وين رحتي وخليتيني انا الغلطانه الي ماوقفة بوجهه ابوك ومنعته
الجازي واهي تبكي وتنزل ادين امها من على راسها لانها بدة ام مشاري تشد شعرها..
الجازي:يمه تكفين هدي نفسك لا تسوين هيك وغرام ماردنا بنحصلها
ام مشاري واهي تحاول تشق الجيب:اخ على ضياعق

لولوه الي ماتحملت اتشوف امها هيك راحت واحضنتها وام مشاري ماتحملت وطاحت مغشي
عليها..
لولوه:يمه

بفلة بوجاسم

امير الي راح بيت امه يشوف يمكن غرام عندهم بالبيت واهم مخبين عليه..

مشاعل:هلا امير اجل وين غرام
اميرالي تاكد ان غرام موموجوده:بالكرونيش وانا جاي اخذ لها ولي اشويت اغراض
مشاعل:شتطورات من امتى
امير:قلبي وجهك عني
مشاعل:غبي

بفلة بومشاري

مرت ساعات ولكل جالس على اعصابه كل مارن اتلفون يركضون ليرفعونه..يبون يطمنون
على غرام وعن احوالها..

لولوه واهي تمسح ادموعها:الو
مشاعل انقبض قلبها من صوت لولوه:خييييييييييير صاير عندكم شي

لولوه الي ماعرفت شتقول لمشاعل لانها اي اثانيه اعرفت ان ماعندهم خبر بالي صار..

لولوه:شكلكم ماتدرون بشي
مشاعل:لا يلى قولي وقفتي قلبي
لولوه وتزل دمعه:غرام ..غرام..وماقدرة تكمل
مشاعل الي بدى جسمها يرتعش:غرام..غرام علامها توني شايفه امير وسألته عنها قال انهم
بالكرونيش..
لولوه:امير كذب عليكم

الشرقيه..الدمام..عند غرام

نروح اللي ماحد يدري اهي وين بعد ماتجولت بالمزرعه وتكتشف شنوا فيها راحت صوب
الاسطرلاب ادخلت فيه شافت مجموعه من الخيل الاصيل اجلست تأكلهم وتضحك على حركاتهم

جاء امير ودخل المزرعه وكان شايل اكياس معاه حطهم بالمطبخ لانها بعض من الفواكه وعشاء
لغرام واشوية لاوزام تكفيها لمدة يومين وطلع وكان حاما معاه اكياس غير حطهم على الكنبه

وصعد فوق ومالق احد..نزل وراح لقلبه مارشده شافها كيف تلعب في الفرس الجميل..
واهي ممتسمه ابتسامه طفيفه ممزوجه بالحزن والالم وقف يطالع فيها سرحان شده رقتها ونعومتها
وظل يناظر ثواني ودقائق وساعات وبعدها نطق بأسمها الي دايما يردده بين نفسه

امير:غرام
غرام التفتت بدون شعور واهي لفه اشيله على شعرها بدون غطا:هلا

توقف امير وتوقف معاه هبيب الرياح وهبت ريح حبه ماصد ولا نزل راسه للارض تم يناظر
بعيونها الي متورمه من البكي..اهي الي صدة عنه وعطته ظهرها وحاكته وكانت متأكده..
انه لساته يطالع فيها لانها تشوف ظله بالجدار..

غرام:امير خلاص نزل اعيونك من علي
امير الي حس على نفسه وتحنحن:اسف
غرام:امير انت ماخبرة احد اني معاك
امير:لا بس الكل قلقان عليك وامك الي تعبان على غيابك
غرام واهي تشهق من البكي:وهذا الي متعبني
امير:انا جبت لك اكل واشويت ملابس
غرام:مشكور
امير:يلى من رخصتك انا ماشي تامرين على شي
غرام:سلامتك

ومشى امير وبس وين يمشي وحياته اقريبه من صف السياره أخر الشارع ورجع يمشي دخل
المزرعه خلصه وجلس بالغرفه الخاصه للحارس يبي حتى لو ان ابعيده عنه..يبي يحميها..

يبي يحرسها بعيونه..اما غرام بعد ماتعشت ونظفة بعدها خذة الاكياس الي على الكنب وشاف
فيهم اشويه ملابس جلابيات ومع عدة تطريز استغربت اشلون يعرف انها تحب اتطريز

الرياض..بفلة امير

امير الي كان سهران مع سهى ومو هامه شي مارجع البيت كلش من راح الرياض وهو على
طول راح بيته الي يجمعه مع سهى وأخر اهتمامه غرام كان جالس وحاط راس سهى على صدره
ويمسح على شعرها وكان عوار رجله زايد عليه بس يكابر على ذا لوجع مايبي سهى تضايق عليه

سهى:حبيبي خلنا نسافر انا ضايقه من جلستي
امير:لازم اعرف عن غرام اي ولاء مارتاح بالسفره
سهى رفعت راسها:ليكون اشتقت لها
امير:تخسي اهي انا اشتاق للبومه
سهى ابتسمة:فديت انا لقلب الي مافيه الاء سهى
امير وهو يعصر بداخله من الالم:لان قلبي مافيه غيرك انتي
سهى تطبع بوسه على خدامير:احلى نعمه انت
اميرشيطان ماكر حب انه يلعب:سهى بس هذي لبوسه مو معطتني شي ثاني
سهى:مثل ايش
اميرعض على شفته:لنكمل ذيك الليله الي اخربتها غرام
سهى فهمت على امير:بس تكون حواسك معاي كلها مابي غرام تكون مشاركتنا
امير وهو يسحب ايدها ويمشي ابها:وانا من امتى اشاركك بغرام..انتي حبي وعذابي

بفلة بوجاسم

ام جاسم:يارجال قوم شوف وين اختفت بنت اخوي
بوجاسم وهو يلبس الطقيه:وانا شعلي من بنت اخوك
ام جاسم:انت ماتحس لبنت مختفي وانت مو هامك لا انت ولا ولد الي قاضي وقته كله مع الحي
امرته
بوجاسم:قصري صوتك ولا دخلين بنت الناس بالسالفه
ام جاسم:وشلون مادخلها واهي اسرقت الرجال من امرته
بوجاسم:في معلومات امير طالب سهى من زمان مني وانا الي اجلة هالزواج وزوجته بنت
اخوك
ام جاسم:ومدامك مخطط من البدايه ليه زوجته بنت اخوي..واهي تبكي..
بوجاسم:لاني رديدت الصاع لخوك بسبب المعامله الي ضيعها علي
ام جاسم:شنوا قلبك مصنوع ماتحس..وش دخل لبنت بشغلكم
بوجاسم:لانها بنته
ام جاسم واهي لساتها تبكي زتطلع من الغرفه:حبسبي الله ونعم الوكيل

ماحد نام بهالليله لكل ظل صاحي يمكن انها تدق او تجي..الاء ثلاثة اشخاص ناموا براحه من
غير انهم يفكرون بلي صاير مع غرام او وين اهي مختفيه..امير نايم بعمق وبحضنه سهى

نايمه يحلمون بالطفل او الطفله الي جايه بالطريق..وبوجاسم نايم ماكانه عامل اي شي وهو
سبب كل الي يصير بغرام..اما امير ظل يحوم حوالين بيت المزرعه يبي يشم ريحتها وين
صايره وبأي غرفه نايمه..اما اهي كانت مستيقضه تراقب حركاته وين يروح ومن وين يجي

الجزء السابع


الفصل الاول



مرت اربع ايام على اختفاء غرام عن البيت ماحد لاحظ ان امير عنده علم لانه ماحسس احد انه
يعرف مكان غرام..اما امير بيجن يبي يعرف طريق لها كان جالس في مكتبه ودخل عليه

محمد:شخبارك امير
امير:هلا وغلا بمحمد متى جيت الرياض
محمد:صار لي اربع ايام انا موصل سلام مع امير
امير:امير مين امير
محمد:امير ولد عمك
اميركانه لف راسه:وانت وين شايفه
محمد:بالمطار ليلة السبت

امير بنفس الليله الي اختفت فيها غرام يعني غرام عند امير بس وين مخبيها

محمد:علامك شردت
امير:لا معاك اجل لعشاء عندنا
محمد:لا انا معزوم بيت اهل زوجتي بس مريت اسلم عليك..يلى فمان الله
امير:وين تو الناس
محمد:يلى الحق اني اوصل بيت عمي
امير:خلنا نشوفك عن قريب

بعد مامشه محمد دائرة الافكار في راسه وتاكد انها بتكون في مكان محد بيخطر على باله المكان
خذ مفاتيح السياره وجواله وطلع من المكتب ونزل على طول الدمام..

الشرقيه..الدمام..عند غرام

اما غرام كانت جالسه عندها وقت فراق طويل جالسه بالصاله التحتيه وجالسه تطرز وحاطه
مجموعة دبابيس على اطاوله لانها تحط ادبابيس على لقماش لتثبته عشان مايخترب عليها كانت

مندمجه ماتدري ان احد يحوم براء المزرعه كان امير يبي مدخل يدخل منه كل الابواب مغفله
بس نسى امير انه يغفل النافذه الي بالمطبخ دخل منها ودخل مباشره الصاله..


امير:ماشاءالله تاركه بيتك وجالسه اهني

غرام طاحة قطعة لقماش من ايدها واوقفة وتمت ساكته

امير قرب منها وصفعها اصطار على وجهها:انتي شقاعده تسوين اهني تخونيني معاه..معى
الكلب امير
غرام حطة ايدها على خدها وتدرف ادموع:ثمن كلامك مو انا الي اخون
اميرمسكها من اذراعها:يلى مشي معاي
غرام واهي تحاول تفك ايدها:بعد عني انا مو ماشي معاك
اميروهويشداكثر على ايده:انتي بترجعين معاي وبتكونين مربيه لولدي
غرام:انت واحد مجنون

امير ثار غضب من كلمة غرام وتركها ولف نفسه عليها وصار وجهه مقابل وجهها وغرام خافت
وارجعت بخطواتها..

غرام:انت شتبي مني طلقني وروح عيش مع سهى
امير:بخليك معلقه لا طالق ولا متزوجه..بخليك معلقه بين السما والارض ليمن تختنقي
وتموتين
غرام:روح للحقيره حقتك..الي خنتني معاه ماحترمت اصداقه الحيه الي تسرق الرجال من
امرته

اميرالي ماتحمل وصفع غرام كف وخلاها يفقد توازنها وطاحت على اطاوله واغمى عليها امير
خاف ونزل لها ورفع راسها من الارض بس حس ان ايده امتلئت دم..خاف وهرب وتمت
غرام مرميه على الارض..

بفلة بوخالد

كان نايم من اتعب صار له يوم كامل مانام جلس من نومته وهو مفزوع شي كاتم على صدره
سريع بدل ملابسه وراح للمزرعه..

بالمزرعه

ودخل وشاف كلشي ظلال واتجه صوب الليت وافتحه
وانصدم شاف اعيونه مرميه على الارض وادم سابح على الارض ونزل ورفع راسها..

امير:غرام غرام اصحي

غرام افتحت اعيونها وسريع ردة وسكرتهم

امير احتار شيسوي وبعدها حط راسها على الارض وراح فوق وجاب لها عبايه وحطها عليها
وشالها لسياره وحطها بالمقعد الوراني بس ماقدر انه يسوق والدم ينزف من راسها شاف الحارس

وقفه وطلب منه انه يسوق اهو وهو يركب وراءوراحوا لمستشفى..جلس وحط راسها بحجره
وحط تحت راسهاغترته ومال براسها...

غرام واهي تتكلم بصعوبه:امير..امير..
اميروادموعه تنزل:نعم..شنو.ا.في شي يألمك
غرام:دق على امي..ابي اشوفها ولهانه على حضن امي
امير:ان شاءالله كل الي تبينه بيصير بس انتي هدي نفسك

بفلة الجد

في احد كان جالس سهران..طلال مانام مشغول باله على غرام ومو بس هذا السبب كان فكره
كله عند الوليد يبي يخبره انه اهو ماله دخل بموت حور..بهالحظه رن تلفون طلال

طلال:الو
امير:طلال الحق علي
طلال:امير اشفيك تبكي
امير:غرام صار عليها حادث
طلال:وانتوا وين
امير:بطريقنا للمستشفى..دق على الوليد عجزة منه مايرفع السماعه
طلال:اوكي

الرياض..بفلة بومشاري

لولوه الي طالعه من غرفة امها بعد ماعطتها حبت موهدى اسمعت صوت تليفون يرن وراحت
صوبه وارفعته..

بفلة امير

امير رجع الرياض ودخل بيته وعلى السريع دخل لتواليت يغسل..سهى شافته والحقته بس
اهو سكر لباب واقفله..

سهى واهي تطرق لباب:امير افتح لباب اشفك وليه ادم بثيابك وعلى ايدك
امير من وراء لباب وهو يغسل ايده:حبيبتي مافيني شي بس ايدي منجرحه

سهى ابتعدة عن لباب وراحت صوب الدولاب وطلعت لأمير ملابس وحطتهم على السرير

بفلة بومشاري

لولوه بعد ماخبرها طلال راحت لغرفة ابوها وخبرته..والجازي راحت وخبرت الوليد

الوليد:وانتوا مين خبركم
الجازي:عمي طلال..يلى لاتكثر أسئله وخلنا نروح

عند بومشاري

بومشاري:يابنتي امك نايمه وماقدر اصحيها من تأثير ادواء مابتصحى
لولوه:والحل
بومشاري:انتوا روحوا والصباح اجي لكم

الشرقيه..الدمام..المستشفى

وصل طلال قبل امير ودور بالمستشفى ومالقى لهم اي اثر ودق على امير..

طلال:انا وصلت وانتوا وين صرتوا
امير:احنا يبيلنا نص ساعه
طلال:بسرعه امير لا تتأخرون
امير:مابنتأخر

الرياض..بفلة بومشاري

الوليد الي نسى كيف شكل السياره وكيف يسقونها تم جالس وحاط ادينه على الدركسون وفكره
يودي ويجيب..تذكر صوت الشاب وهو يصرخ ويحاول يفتح باب السياره يطلع لبنت من
السياره

لولوه حطت ايده على ايدالوليد:الوليد اشفيك اقول غرام حالتها خطيره بسرعه

الوليد الي سمع اسم اخته غرام وسار بالسياره سريع..

بفلة امير

امير بعد ماتروش وغسل ملابسه من ادم حط راسه ونام بس مانام ظل يتخايل منظر غرام واهي
طايحه بالارض وادم بالارض..ظل سهران واكتفئ يحرك بشعر سهى..

الشرقيه..الدمام..المستشفى

بعد طول انتظار دخل امير وهو شايل غرام بحضنه وادم يسيل على الارض طلال الي ماستحمل
المنظر تدرف دموع على غرام وهو ينادي على الدكاتره والممرضين..وتراكضوا الدكاتره مع

الممرضات وحطوا غرام على السرير وسريع على غرفة العمليات..وتم طلال واقف يم
الغرفه وامير جالس على الارض وهو كلش منهار..

عند الوليد

الوليد صف السياره يم باب الرئيسي بالمستشفى ودخل ةسأل لستبريشن عن غرام الغامدي و
دلتهم انهم يتوجهون على غرفة العمليات..

الوليد وهو يلف طلال:طلال خبرني عن حالة غرام
طلال الي دمعته ماوقفة:مادري ماحد خبرنا شي
لولوه:عمي شلون صار لها هيك وانت وين شفتها
طلال الي احتار حتى نفسه مايدري:مادري امير خبرني

التفتت الوليد وكل الاصابع تتجه لامير شلي وصل امير لغرام..وغرام ليه استنجدة بامير و
ماستنجدة ابه ماخلتهم الافكار نهم يسئلون امير لان الدكتور طلع..

الوليد:اختي شصار فيها
الدكتور:بهالوقت ماقدر اعطيكم كلمه
الجازي واهي كلش اشوي وتطيح وتصرخ بوجهه الدكتور:اجل ليش طالع..طالع تتمنظر
بأشكالنا
الدكتور:انا يأخت طلعت لان نبي دم..اختك نزفت اكثير ومحتاجين لمتبرع
امير الي رفع راسه وهو يوقف ويتمايل بالمشي:انا اعطيها دم
الدكتور:اول بنشوف فصيلة ادم اذا تطابق مع فصيلتها
امير:مايحتاج احنا نفس الفصيله
الدكتور:ياممرضه خذيه واخذي منه دم

مرت ساعات طويله على عملية غرام..وامير خلوه بغرفه ليرتاح لانه تعب لعمليه لساتها ما
خلصت ليمن طلع النهار واهم واقفين على ارجولهم يم غرفة العمليات..لولوه الي مانامت اما

عن الجازي تنام وتصحى طلال والوليد راحوا يطمنون على امير لانه الثاني لساته تعبان دقوه
ابرة مهدى لاترتاح اعصابه..

الوليد:امير انت شلي اجمعك مع غرام وشلي خلاك انت توديها لمستشفى مو غيرك
امير لف راسه لنافذه يطالع الشمس:لانها من البدايه كانت عندي
طلال الي تفاجئ:عندك وين ببريطانيا
اميريكلم طلال وهو لسى مارفع عينه عن النافذه:اول ماوصلت اتصلت في اني اساعدها
الوليد الي كتم عصبيته بداخله:انت تطالع فيها كيف معتفسين وشلون منخبصين عليها
اميرادموعه تسيل:قلتلك مافيني اخدعها واقول بعد ماأمنتني على نفسها
لولوه الي طارت لعند الوليد وطلال:الوليد غرام اطلعت من العمليات

بهالساعه وصل بومشاري مع ام مشاري ومعاه امه وابوه

طلال:يعني صارة بخير

الدكتور بينطق بيقول شلي فيها بس امير عطاه نظره وبدل في كلامه فهم شلي يبيه امير

الدكتور:انا مابخبي عليكم واقول ان وضعها تمام..اهي مارح تحس بالدنيا
بومشاري:ممكن توضح اكثر
الدكتور:احنا منومين بنتك لافتره مارح تصحى الاء اذا احنا صحيناها
الوليد:يعني بتتم على طول بهلحاله
الدكتور:لا احنا نبي نتأكد اكثر من حالاتها الصحيه
بومشاري:وطول الفتره مانقدر ندخل عليها
الدكتور:من الجام فقط بتشفونها

راح الدكتور ولحقه امير..شلي صار بداخل غرفة العمليات وكيف بيكون وضع غرام ليمن
تصحى بتخبرهم بالي جره عليها وان امير اهو سبب طيحتها بالمستشفى..

امير:خبرني عن وضعها بالتفصيل ولا تخبي عني اي شي
الدكتور:بصراحه اهي راح تعيش بس ماراح تعيش اكثير
اميرانصدم:ليه بتموت
الدكتور:قدرنا ان انطلع الدبابس بس
امير:بس ايش
الدكتور:ادبوس الثاني منكسر واستقر اسفل الجمجمه وبيضغط على الاعصاب وبأدي الى غماى
واستغراق دايم ومع مرور الوقت والسنين بتتعب اكثر نتيجة الضغط..وبيكون موت بالبطيئ

امير الي قام من الكرسي وطلع من مكتب الدكتور وسكر لباب وفتح باب الحزن والدموع طلع
من المستشفى بكبره راح بيتهم يغير ملابسه ومنه يخبرهم ليرحون ويواسون عيلة بومشاري

بفلة بوخالد

ام خالد الي اوقفة واهي متروعه من شكل ولدها امير:امير يمه ليه امبهدل وملابس كلها دم

امير طار للحضن الحنون الحضن الي مهما كبير الانسان يجيله وقت ويرمي راسه بحضن امه
ويبكي ويطلع كل الي بقلبه..

امير:يمه..يمه..يمه..غرام طايحه بالمستشفى
ام خالد:وانت شدراك
امير:انا الي نقلتها

ام خالد الي احتارة من امر ولدها شلون لساته يحبها واهي على ذمت رجال ثاني..اما عن
الزوج الي مايدري ان وضع زوجته راح بيت ابوه يشوف اذا الخبر وصلهم..

الرياض بفلة بوجاسم

مشاعل الي من درة بزواج امير من سهى صديقة غرام واهي علاقتها مو ذاك ازود مع امير

امير:مشاعل كلمتي بيت خالي
مشاعل:لا وانت شتبي فيهم

امير عرف بوضع غرام لانه سوا اتصالاته بس ماعرف شلي صار فيها..

امير:غرام لقوها واهي بالمستشفى
مشاعل الي طفت التلفاز:وانت مين خبرك

امير تم ساكت ومشاعل طارت لعند امها تعلمها عن غرام

الشرقيه..الدمام..المستشفى

نرجع للمستشفى صار الليل واهم لساتهم على حالهم لولوه جالسه تقراء قران والجازي حاطه
راسها بحضن اخوها الوليد وام مشاري تدعي رافعها اكفوفها لسماء تدعي الله ان يفرج بنته من

الي فيها وان يردها لها ولا يحرمها منها امابومشاري طول ماكان جالسه بالاستراحه منزل راسه
يبكي على وضع بنته..مرت ايام عليهم وضع غرام ماتحسن ولساتها منومه..ايجون لها و

يمشون بسرعه لان الزياره قصيره حيل..نسى طلال طلال الي فر من المستشفى يمشي
بطرقات الدمام يبكي خايف انه تروح غرام من دنيتهم ودفن انسانه غاليه عليه تحت التراب تذكر
حور والي جراء عليها

كانت الجازي تبكي في احد ممرات المستشفى ماجد كان يزور ديق له وشافها جالسه بروحها
ولامه نفسها وحاطه راسها على اركبها وقف اقبالها اهي رفعت راسها لان انشدة بجلستها اكثر

ماجد:الجازي ليه جالسه هني بروحك
الجازي من تحت الثام وتبكي:مابي اروح اهناك اخاف يطلع ادكتور يقول ان غرام خلاص
راحت اترحموا لها
ماجد طلع من جيبه منديل ومده للجازي:مسحي ادموعك

الجازي خذة المنديل بس مامسحت ادموعها شمت ريحة ماجد فيه اشلون امسح ادموعي ابه
وفيه ريحة الحبيب وبعدين ارميه..سكرة ايدها عليه وامسحة دمعتها بأيدها الثاني..

ماجد:يلى قدامي
الجازي:لا انا بجلس هني انت روح
ماجد:انا ماعندي دلع يلى
الجازي ماتقدر انها ترفض كلام ماجد وقامت ومشت وراها

طلال رجع المستشفى وشافهم على نفس الحاله الي تركهم ماتغير فيهم شي مجرد ادموع تنزل
منهم بدون اي كلام..مجرد همس بالاستغفار والادعيه..قلبه يرتعش من ايش مايدري اما

اهي من وهو يمشي جاي صوبهم في شي قالها رفعي راسك شوفي مين الي ماخذ ابروشك
اجلست تطالع فيه اهو بالبدايه مانتبه..بس نفس الحاله الي مرة فيها رهف رفع انظره لها على
طول الانظار تعلقت ابعض وعرف طلال ان لبنت صاحبة لبروش اهي اخت خالد رهف..

خالد:طلال ماتدري عن امير وينه
طلال الي انظره لساتها متعلقه برهف:لا انا فكرته بالمستشفى
خالد:هذا اختفه وخايف انه صار عليه شي
طلال:لا تفاول يامعود انت حط كل حملك على الله

امير حضر حاله بالسكنه بيت ابوه طلب من سهى انها تجمع كل اغراضهم عشان ينتقلون بيت
ابوه استغل فرصة انهم كلهم بالدمام ماعدا بوجاسم ماراح معاهم مافيه يتخلى عن شغله ويهتم

بالعيله ومشاكل العيله..وصلت عيلة بوجاسم وعلى طول نزلوا بيت الجد لان كلهم متجمعين
اهناك لان اليوم مافيه ازياره..والدكتور بعد منعهم من لزياره لانها حالاتها ماتسمح..

انتوا لعسولات

اشكركم اكثير

انتوا الي تعطوني ادعم اني اكمل