عند الشباب

قصي يطق على لطرنقه:امير سمعنا صوت الشجي

امير ماكن بده انه يغني حالته ماتسمح له بس يوم اطلعت من الخيمه وشاركت لكل بالجلسه تحمس

امير:ابدى

وبدى قصي يدق على لطرنقه

وامير يقول..وينك حبيبي
وينك حبيبي ما دريت شصار
الناس حطت دوبها ودوبي
العين هلت دمعها مدرار
امشي مضيع في الهوى دروبي

تدري احبك وهم عليك اغار
وتدري سكوتي اكبر عيوبي
ولو خيروني من من البشر ما اختار
انت حبيبي وانت مطلوبي

لا شفت زولك هلت الانوار
افرح واعطر كفي وثوبي
يا زين بوجودك تزين الدار
انت هنا عمري ومحبوبي

بين الصبر والهم انا محتار
مقدر اداري طبعي واسلوبي
الله يعدل ميلت الاقدار
واحلى الليالي تلتفت صوبي
__________________

طلال..كلذا لانها اطلعت قدامك
اميرماتكلم كل الي سواه ابتسم

عند بومشاري

بومشاري:يبا الاء ماقلت لنا شنوا يبي منك بو متعب..كانت له غايه ان يبون يزوجون غرام
الجد:جاي طالب القرب منك
ماجد:اي وحده فيهم اكيد لولوه
الجد:غرام

امير سمع الخبر وطاحت لبياله من ايده..طلال كان يدري ان امير يبي غرام من زمان

بومشاري:وش رديت عليه
الجد:قلت له ابشر
طلال:يبا اسأل الشباب الي جالسه يمكن واحد فيهم يبيها
الجد:لا مافي واحد يستاهلها
امير الي نطق:وانا جدي
الجد:انت لا اهي اكتفت من امير واحد غيرك
قصي الي مايدري عن شي:خالد تصلح لك مو
خالد:لالالالالالالالالالا
بوقصي:ليه رافضين لبنت انتوا لانها مطلقه
الجد الي خله امير يكسر لقلم بأيده من عصبيته:بس انا قلت له مخطوبه لأمير الغامدي امير
ولا كل الاماره
اميرالي هستر من اضحك:هههههههههههههههههههههههههههههههههههه
الجد:بس لا تعطوا خبر لائي احد
خالد:ليه
الجد:بعدين تعرفون

عند مشاعل

مشاعل تذكرة جزدان خالد عندها صار سنه شافت لبنات لهيات مع غرام قامت ودخلت الخيمه
وخذة الجزدان وطلعت بدون ماحد يحس فيها..مشاعل احتارت وين تحط الجدان اقعدت تفتح
واهي جالسه بالسياره..خالد كان جاي لناحية السياره بياخذ بكت دخانه واهي نازله رجلها
انسعت منها وخالد مسكها..وطاحت الثمه..

خالد جلس يطالع فيها

مشاعل نظرات خالد تحرقها لفت الثمه عليها

خالد نزل راسه يطالع الارض:شعندك بسيارتي

مشاعل تبلعمت شقوله كنت ارجع الجزدان الي عندي

خالد شاف في مشاعل شي عمره ماشافه بمرام شاف انها تستحي وخجوله عكس مرام وهذا الي
زاد في اعجابها اكثر

مشاعل اسحبت نفسها لان خالد مو معاها بس مسك ايدها..

خالد:مشاعل
مشاعل:نعم
خالد:انا اسف على كل الي سويته فيك انتي مالك ذنب
مشاعل:حبيبي كل شي منك عسل على قلبي
خالد:كل هذا الي
مشاعل:واكثر
خالد ترك ايدها:يلى روحي لا يستفقدوك..والجزدان ماكان داعي ترجعينه
مشاعل استغربت:وانت شعرفك انه عندي
خالد:لاني رجعت اخذه وشفتك تحطينه تحت بلوزتك

عند لولوه

لولوه اسحبت الجوهره على صوب تبي تعرف قصي الي شاقل فكره مين اهو..

الجوهره:وقفي مني مكان ماحد يسمعنا فيه
لولوه:الجوهره قصي مين بيكون
الجوهره:وانتي ليه تسألين عاجبك
لولوه:خلاص ولا شي
الجوهره:ولد خالي..ومتزوج..الجوهره قاصده انها تقول كذا
لولوه:متزوج..وانا هذا بختي
الجوهره:بس مطلق
لولوه افرحت من داخل بس مابينت:وليه مطلق
الجوهره الي تلعب بأعصاب لولوه:مدري..يمكن يحب وحده

عدت الساعة الساعه 11ولكل نام بس وفي احد مانام جلس بره عند الرمال يشيل في ايده ويرميه
خذ له امرايا بدى يطالع في نفسه من صار عليه الحادث هذي اول مره يطالع بروحه شرد يفكر
بمنال وهو يتحسس الحرق..

قصي:لو الحين مافيني الحرق يامنال مو كان عندنا بنت او ولد..ماهقيتها منك انك تتخلي عني
وانا الي بأمس الحاجه لك..من اول شي يصير لنا..هذا قيمت حبي لك او حبك لي..

في احد حس ان احد طلع من خيمة الرجال وطلع وراه سمعت كل كلامه تحس ان اهي الي تعبانه
مو اهو ماتدري شلي تحس اتجاهه حب او شوا

لولوه:اهي الغبيه الي اتركتك ماشافت داخلك..ماشافت ان عندك قلب كبير وعندك جمال
روحي..غبيه..غبيه انها اتركتك

قصي الي يسمع كلام مين هذي التفت بس مشاف الاء وراها لانها مشيت عنه..

الرياض..بفلة بوجاسم

جاسم الي توه راجع من دوامه تعبان يبي يرتاح فيه النوم صعد الدرج..سهى اطلعت من
غرفتها تفكر امير اهو الي جا اطلعت واهي لابسه فستان نوم اقصير وشفاف..

سهى:امير

جاسم الي ماعرف شنوا يسوي يصد بنفسه او يطالع فيها..ايطالع بمراء شبه عريانه..قض
ابصره وسهى ركضت لغرفتها وسكرت لباب واهي متسنده عليه ونفسها يصعد وينزل..

سهى:ياربي على الاحراج
جاسم الي انشغل فكره بسهى شكثر اهي حلوا:يابختك يامير بهالمراءه

امير الي رجع وهو تعبان رجله كل مال تزيد عليه ولونها بدى يتغير تميل للزروقه دخل الغرفه

امير:سهى
سهى الي كانت بالتواليت:نعم انا بالتواليت
امير جلس على السرير ويلعب ولده الي صاحي مانام:حبيبي الكربوج الي صاحي ويبتسم لابوه

سهى الي اطلعت من التواليت واوقفت واهي مايله بنفسها وامير لف لها وجلس يطالع فيها ويعض
على شفايفه..

امير:عذاب انتي حتى لو اني مابي اقرب تخليني اقرب قصب عني
سهى الي جات واجلست على ارجوله:امير لولد يطالع فينا
امير:خليه يطالع ويتعلم منا..وباس شفتها

الثمامه

طلال الي يحب انه يمشي الصباح جلس قبل شروق الشمس بدل ملابسه وطلع يتمشى على ريمال
الثمامه الناعم..بعد ماخلص دخل الخيمه الي محطوط فيها اواني اطبخ بيشرب له كاس عصير
فتح الثلاجه وهو ياخذ العصير ويصب له..ادخلت رهف تبي تتوضى توها الاخت تصلي لفجر

رهف:ماجد قطوا مطابخ يحب ينبش بالثلاجه

طلال الي سمع صوت رهف ومانتبه ان الكاس امتلئ من العصير وهو شردان على كلام رهف

رهف حست ان الارضيه متبلله ونزلت راسها..

رهف:ماجد شنوا كبيت انت على الارض..ورصت الثلاجه عليه

طلال الي فرحان ان بدى ينفذ وصيت حور احتار كيف يطلع من الورطه..رهف بعدت عن
باب الثلاجه ومسكت كنزته من وراء..

رهف:نظف الارضيه قبل ماتجي جدتي وتذبحك
طلال الي لف نفسه:اتركي كنزتي لا تشقينها وامي ماراح تعصب علي
رهف الي اشهقت من الي صار:طلال..طلال
طلال:ويهون عليك امي تعصب علي..ساعديني في التنظيف
رهف تذكرة لبروش خالد سألها عنه:ترجعلي ابروشي اول
طلال طاح الكاس من ايده شلون اعرفت ان لبروش عندي:لبروش اي ابروش
رهف:الي بالمطار..خالد سألني عليه

طلال شاف لمعه بعين رهف بداية بكي نزلت دمعه بس سريع مسحهها بطرف صبعه واهي مالت
بوجهها والاء بدخلت غرام وامير بنفس الوقت..

غرام:طلال
طلال الي ارتبك:غرام
غرام حست ان الجوا متكهرب:ع لعموم انا جايه اخذ دواي..والتفتت لأمير..امير انا
لين متى باخذ بدواء
امير:بس يخلص ماراح تاخذين منه..والتفت على رهف..وانتي سويلي فطور امرتب بعد
اشوي بنرجع الدمام

رهف الي طارت ولا قالت لأمير شي

امير:هذي طارت ولفطور
غرام:انا اسوي لكم فطور جلسوا

سوت غرام لفطور للكل وبعد ماخلصوا فطور حطوا الاغراض بالسياره ولكل رد لبيته ولجد
خبر امير ان بعد يومين يفتح الموضوع مع امه وهو راح بيت ولده ليفتح الموضوع معاها

الجزء التاسع


الفصل الاول



الرياض..بفلة بومشاري

غرام:لباب مفتوح
الجد والجده:مانزعجك
غرام الي عدلت جلستها واهي جالسه على السرير:جدي
الجده:جينا نقول لك شي
غرام نغزها قلبها:خييييييييير
الجد مسك ايد غرام:انتي جالك معرس واحنا وفقنا عليه
غرام نزلت دمعه من طرف عينها:ليش..ليش انا
الجده:لانه يناسبك
غرام:ليش انا..ليش مو لولوه او الجازي..ليه تبون اضحون ابي مره ثاني
الجد:بنتي احنا نبي مصلحتك
غرام الي قامت من السرير وبكيها يزيد مع شهقات مستمره:ومصلحتي اني اتزوج واعيش
العذاب..عذاب امير لساته بجوات قلبي انتوا ماتدرون شلون انا عشت مع امير
الجده:بس هذا غير
غرام:وامير قلتولي غير..وراحت عند جدها وحطت راسها بحضن جدها..جدي امير
جرحه ماطاب جرحه لساته بقلبي مابره

الجد الي بكى على بكى غرام وطلع من لغرفه وخلوا غرام تبكي على الي اهي فيه..

الشرقيه..الدمام..بفلة بوخالد

ام خالد:لا..قلت..لا..ولا تنزل كلمتي الارض
امير:ليش يمه انا احبها
ام خالد:اهي مطلقه وانا ابيك تاخذ بنت
امير:يمه..انا مابي الاء اهي
ام خالد واهي واقفه ومعقده حواجبها:انت ماتعرف مصلحتك وبكره تنساهى
امير وهو يبكي واقف ويمشي:يمه انا سافرت سنوات لأنساهى بس ماقدرة تدرين اهي شنوا
بنسه لي حياتي كلها

الجوهره واقفه مو قادره تسوي شي لخوها وهو بهالوضع ظلت تبكي بصوت غير مسموع..
ام خالد ماهتمة بكلام امير ظلت مصره على كلمتها ومشت عنه وخلته بروحه بالصاله..

الرياض..بفلة بومشاري

غرام انشغلت بالتطريز تبي تنسى امر الخطبه حست بصداع في راسها خلها تترك الابره من
ايدها ونزلت راسها وارفعته وشافت دم على البلوزه من خشمها قام ينزف..وخذة لها منديل
ومشته الاء بدخلت لولوه..

لولوه:غرام
غرام الي رمت المنديل تحت رجلها:نعم
لولوه الي مانتبهت عن شكل اختها نظرها كله راح عند لبلوزه:واو
غرام:اعجبك
لولوه:اهو مو بس عجبني الاء ذبت فيه اجل بجيبلك شالي تسوين عليه تطريزات بالاطراف
غرام:اخطبوني ناس من جدي
لولوه الي اندهشت
غرام:بس انا رفضت
الجازي الي ادخلت واهي بقمة الوناسه:غرام وناسه بتتزوجين
غرام الي ماحبت هالكلمه:مالت عليك داخله علينا الي يقول عنك سالفه مهمه
لولوه:وليه ياغرام ماتوافقين
غرام الي بكت واهي اجاوب اختها:شيقلون الناس ماصار لها فتره من تطلقت وبتتزوج
لولوه:واني شعليك من كلام الناس
غرام:انا جربت الزواج مره واكتفيت
الجازي:يمكن هذا اهو الزوج الي بتعشين معاه
غرام:يالجازي الوحده مو كاليوم لها زوج..واذا فرض صار نفس امير وطلقني..بصير
مثل الواحد الي كل يوم له سياره
لولوه:اختي انتي ليه ماتكلمتي من الاول ان امير مايعاملك زين
غرام:قلت يمكن بكره يتغير توه اصغير والحياه ماخذته..قلت بكره اذا ربي رزقه بمولود
يمكن يحس بالمسؤليه ويتغير

الجازي الي احضنت اختها من رجفتها بالكلام وبكت لبكائها حتى لولوه شاركتهم بالحضان وبكت

الشرقيه..الدمام..عند امير

امير بعد صد امه له ورفضها غرام انها تكون زوجه له راح..راح للمزرعه الي صار لها

سنه من تسكرة بذيك الليله البشعه فتحها..شغل الليت شاف كلشي على الارض مرمي..
ادم على الارض لساته موجود مشى عنه صعد الدرج..دخل الغرفه الي غرام كانت موجوده

فيها تلمس كلشي فيها..فتح الدولاب حرك ملابسها لانهم لساتهم موجودين طلع جلابيه من
الجلابيات الي جابها لها قربها لانفه وشمها..يتحسس عبيرها فيها رجعها مكانها راح لعند

السرير خذ المخده وشمها لقى عطرها لاصق بالمخده حضنها لصدره ولم نفسه على السرير
ونام بسلام..

الرياض..بفلة بومشاري

غرام الي ماعرفت تنام وطلعت من غرفتها وكالعاده لقت طلال يتكلم مع احد بس هالمره مو
بالغرفه بالصاله راحت لعنده وجلسته من سوبات خياله..

غرام:طلال
طلال الي مسح ادموعه:نعم
غرام:قوم عمي نام
طلال:مافيني نوم

غرام اجلست يم عمها وركزة نظرها في التلفاز وتمت ساكته

طلال:غرام ليه ماتوافقين على امير

غرام الي تفاجئت من طاري امير معقوله بيرد لي بعد كل هالفتره الي راحت

طلال:ترى امير يحبك
غرام التفتت:معقوله الكلام الي تقوله عمي وانت الي تعرف امير شلي سواه فيني
طلال:انا ماتكلم عن امير ولد اختي اتكلم عن امير ولد عمي
غرام:طلال انا
طلال الي حط ايده على فمها:لا تقولي انك رافضه فكري
غرام:ليه كل لكم تبوني اتزوج كله انا صرة عب عليكم
طلال الي حط راسه على ارجول غرام وانسدح مايبي تطالع بدموعه اذا انزلت:عطي نفسك
فرصه وعطي الحياه فرصه انها تكون بصفك

غرام كانت تسمع كلام عمها واهي ساكته بس تحرك بشعره..

طلال لساته يتكلم واهو يبكي:بقولك قصه..قصة بنت وشاب حبوا بعض بالجنون بس

ماتجرئوا انهم يصارحون بعض بمشاعرهم بيوم راحوا على مطعم كل واحد محضر لثاني كلام
غرام بس الخجل منعهم وبعد ماطلعوا ومشوا..وصلوا لعند شقة الشاب نزل اهو من سيارتها

اهي حسها قلبها انه يحبها وبيقول لها بس ماقال..ومشت لبنت وبقمضت عين صار لها حادث
وماتت..بس اخر جمله قلتها انت اغلى غرامي..

غرام الي استنتجت من القصه ان طلال اهو الشاب والبنت اهي حور لانه اسمعته وهو ينادي
بأسمها:وانت متحسف انك ماقلت لها انك تحبها
طلال الي لساته يبكي:مافهمت
غرام:القصه الي قلت لي اياه قصتك انت وحور مو
طلال رفع راسه واعيونه كلها جمر:اي..مابي نك تقلطين قلطتي

الشرقيه..الدمام..بفلة بوخالد

خالد:يمه..ليه راكبه راسك
ام خالد:ماهقيتها منك ياخالد انك تقو لأمك كذا
خالد:اسف يمه..بس ليش تحرمين امير من الي يبلها لانها مطلقه

ام خالد واهي تهز ارجولها وماعطت اهميه لكلام خالد.

الجوهره ورهف وماجد جاو وجلسوا عند ارجول امهم واهم يدرفون الدموع..

ماجد:يمه انت ماشفتي حالة امير يوم وصل خبر زواج غرام جن اجنونه..احنا ماقلنا لك الي
صار اهناك
رهف:يمه امير ضل ايام وليالي نايم بالمستشفى واذا صحى بس اسم غرام على شفايفه ينطقه
ويرد لنومته
الجوهره:يمه هذا امير الي ماعمره عصاك بالكلمه مو هذا شبيه ابوي شلون ترفضين اطلبه
خالد:يمه خلي الحياه تدخل لبيتنا ملينا من الحزن والهم الي عشناه اكفايه

ام خالد الي شافت بعيون اولادها العطف والحنيه على امير وواقفين بصفه مو ضده

ام خالد:انا موافقه اتصل عليه
خالد:ليه ماتروحين له وتخبرينه انتي بنفسك
ام خالد:وين اروح له
ماجد:بالمزرعه تلقينه هناك

بالمزرعه..عند امير

جلس امير من نومته الي نايمها بعد ماتوسد مخده الي احملت عبير غرام نزل تحت شاف امه
داخله..امير سوا روحه زعلان..

امير:لا تخافين بعدين بترتاحين من رقعت وجهي لاني بعد فتره راجع بريطانيا
ام خالد:حتى اذا عرفت اني موافقه على غرام انها تكون زوجه لك
امير الي طار لحضن امه وباس راسها وادينها:مشكوره يالغاليه ماراح انسى هشي
ام خالد واهي تمسح على راس امير:يلى يامير استعد نروح نخطبها لك

عند الجوهره

الجوهره جاها اتصال من لولوه وطلعت براء تكلمها لانها موصيتها انها تعلمه اذا غرام اموافقه

لولوه:عجزنا منها
الجوهره:مو معقوله انها لساتها تحب امير
لولوه:لا مو مسألة حب..فيه شي غير
الجوهره:انشاءالله بقرب فرصه انزوركم فيها

الرياض..بفلة بومشاري

غرام الي لساتها حابسه نفسها بغرفتها تفكر في كلام عمها طلال..عن الحب والفرصه ماتدري
ليه شدها كلامه مو طالع من راسها تعبت من التفكير وطرا على باله اشي الي محد يعرفه واذا
وافقة ممكن انه ينفضح..

ومشت الايام على غرام بطيئه وجاء اليوم الموعود ان امير يطلبها لزواج ماحد خبره انها رافضه
الزواج..خلاها لها مفاجئ..

غرام كانت ماخذه دوش البسة ملابسها ومشطة شعرها واربطته بالمساكه مالها خلق انها
تستشوره بهالناحيه ادخلت عليها الجوهره..

الجوهره:مرحبا
غرام التفتت عليها واهي تجلس على السرير:مرحبتين
الجوهره تقرب وتجلس يمها:غرام تدرين ليه احنا اهني
غرام:ارجوكش لا تخبريني ان امير جالس تحت يخطبني
الجوهره:اي وابيك توافقين
غرام:الجوهره انتي ماتعرفين شي
الجوهره:شنوا الي مانعرفه فيك تخبريني وانا مستعده اخبر امير ان ينسحب
غرام واهي تلم الجوهره وتبكي واهي تهمس لها:انا لساتني عذراء

الجوهره حطت ايدها على فمها..

عند الشباب

الوليد:شلك بالزواج وانت لساتك اصغير
امير:وانت شلك دخل
الوليد:ها اميروه ترى انا فيني اخرب الخطوبه
امير بثقه:على مافي خيلك اركبه
خالد:كفوا..سبع
الوليد:ماشاءالله مسانده
ماجد:واذا ماسانده اهو مين يساند مع وجهك

عند غرام

غرام واهي تلعب في اصابيعها:شفتي حتى انتي تفاجئتي شلون اهو
الجوهره:يعني امير كلش ماقرب عليك
غرام:اي طلعت من بيت ابوي بنت ورجعت بنت
الجوهره حبت انها تطمن غرام:بس امير شاريك..ماهمه اذا انتي بنت او انك مره
غرام:تصحيني اني اوافق
الجوهره:اي وافقي
غرام:بس عندي شرط
الجوهره:الي اهو
غرام:انك تفكرين بالوليد اخوي حرام يحبك وافقي عليه
الجوهره نزلت دمعه:بوافق عليه بس انتي قولي انك موافقه على امير
غرام:خلاص بلغيهم اني موافقه..بس بدون زواج هذا شرطي

الجوهره باست غرام على خدها واطلعت من الغرفه واهي طايره تروح تبشرهم بالخبر..

الجوهره حاطه ايدها على قلبها:وافقة..وافقة..وافقة
الجده من زود الفرحه بدة تلالش:كلولوش..كلولوش..كلولوش..

وصل الصوت لمجلس الرجال وانعرف انه تمت الموافقه لا تسئلوني عن امير لاني بعجز عن
وصفه كيف حالته..بس كل الي اقدر اقوله انها طار من الفرح وده انه يصعد لسماء ويخبر
القمر والنجوم والسحب ان غرام خلاص بتكون حليلته..

غرام من اسمعت الصوت تحس ان الدنيا بتطبق على صدرها ماعرفت شنوا تسوي تضحك او
تبكي كل الي اقدرة عليه انها تقول الله يعيني على الحياه..رجعوا اهل ام خالد لدمام بعد
الموافقه يجهزون كيف بيكون جهاز غرام..الجوهره اسحبت امير على غرفته تبي تخبره
عن شرط غرام..

امير:اشفيك تسحبني مثل الخروف
الجوهره:غرام عندها شرط
امير:عارف انها ماتبي زواج
الجوهره:كيف عرفت
امير بغرور:قلب المحب
الجوهره:شو راح تسوي
ام خالد كانت ماره واسمعت وادخلت:وليه ماتبي زواج هذا اول فرحه لي مو على كيفها
امير:يمه راح اسوي زواج بس اهي خلوها على عمها انها ماتدري
الجوهره:حلوا تفكيرك
ام خالد:الله يكون بعونك ياولدي كيف بتتحمل
امير:الحياه مع غرام بتكون غير

الرياض..بفلة بومشاري

جاءاليوم الموعد الي غرام مافيها تبدل رايها جابوا لها جهازها بصندوق كبير على شكل قلب..
خذته لولوه من امير واصعدة ابه فوق لوين ماتكون غرام جالسه..

بفلة بوجاسم

مشاعل:ياماما مو زين كذا تشربين شاي
الهنوف:امه ..يعني عمه..حلوا
مشاعل:ياماما مضر
مها:ليش معصبه
مشاعل:ادق بيت خالي ومحد يرفع التليفون
مها:يمكن موهني
طلال يتحنحن:يالله يالله يالله

مها اسمعت صوت طلال وحطت الشيله على راسها..ومشاعل اذنة له بالدخول..

مشاعل:خالي بيت خالي مو موجودين ابيتهم
طلال وهو يجلس وتجي الهنوف وتجلس على ارجوله:اناس ومن الذوق والادب يسلمون
وبعدين يسئلون
مشاعل:طيب السلام
طلال:وعليكم السلام ماعندكم غدا
مشاعل:سيده وعلى طول تبي غدا
طلال:اذا الشخص ماحاته بطنه مين يحاتي
مشاعل:كاهم يجهزون

الاء بدخلت الكل واجلسوا على طاولة الاكل وتغدوا بعد ماخلصوا اجلسوا بالصاله ومشاعل
جالسه بالارض تصب شاي..

مشاعل:خالي كم معلقه سكر
طلال:هنتين
ام جاسم:امي وابوي ردوا الدمام
طلال الي ناسي وذكرته ام جاسم:الله يذكرك بالشهاده انا نسيت
مشاعل:انا قاليه اطليل وراه سالفه..قول اطربنا
طلال طالع امير الي اشوي معاملتهم لبعض غير مو مثل قبل:غرام انخطبت

الكل سكت ومانطق باي كلمه ماغير تعابير وجههم اهي الي تدل عليهم..بوجاسم الي ظل
جالس على كرسيه ولا عطه ردة فعل..

سهى:ومين هذا الي خطبها..انا قلت بتتم طول عمرها كذا بدون زواج
طلال الي يكره سهى طالعها بكل احتقار:مو غريب من الاهل..وسوا المستحيل بس عشان
توافق
مشاعل الي مافيها صبر اهي كانت تتمنى هشي:بلى مقدمات وخبرنا مين اهو
طلال طالع امير وهو ينطق اسمه:امير الغامدي
امير الي انصدم اكبر صدمه في حياته.. امير ولد عمي بوخالد
طلال:اي امير

بفلة بومشاري

نرجع لغرام الي اجلست بالارض واهي تفتح الصندوق..افتحته واطلعت منه ريحه ولا اروع
منها خلاها تستعجل في ظهار الي فيه..رفعت الغطا وشافت علبه صغيره فتحتها شافت شيك

فيه مبلغ 1000,000انصدمة من المبلغ هذا مهري..اتركته وخذة شي ثاني..عبايتين وشلتين
ولثمتين..موبس هذليه لقت اربع علب عطر من الماركه..وثلاث جوز انعال اكرمكم الله..

واحد شحاطه والثاني صندل والثالث كعب عالي..وفستانين واحد طويل والثاني قصير..مو
بس كذا قطعتين اقماش..واخر شي لقت طقم كرستال على شكل عينب..
اهي ماهتمة بهالاشايه..لان في باله مجرد فتره وبينكسر كلشي مثل ماسوا غيره..

لولوه:انا مو مصدقه روعه
الجازي:ياليت فيه زواج
غرام الي تضايقة:لا تجبين طاري الزواج لي
الجازي:خلاص توبه مابفتح فمي

لولوه الي اسحبت الجازي وطلعوا براء غرفتها..

الجازي:هذي مجنونه
لولوه:روحي لبسي عباتك
الجازي:وين بنروح
لولوه:بنروح ناخذ فساتينا من المصممه
الجازي:اي فساتين
لولوه:فساتين زواج غرام

الجازي الي بتصرخ وحطت لولوه ايدها على فم الجازي واسحبتها..

عند غرام

غرام الي سكرت الصندوق والي فيه بس شدها عقد الكرستال افتحته وشالته بين ايدنها ولقت
ورقه اصغيره فتحتها وقرتها..هذا مو من قيمتك انتي لك اغلى من كذا..غرام من الغضب
اضقطت على الورقه بأيدها واخربتها...

كل عام وانتوا بخير

وعيد اضحى مبارك

ينعاد علينا وعليكم بالصحه والعافيه