-
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
يعطيك الف الف عافيةة
اسفةة ع التأخير.
متى البارت الجديد.؟
بأأنتظارك عسولتي
تقبلي مرووري.تعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
أهلن إعزائي ممكن تنورو روايتي الجديدة بقلمي بكون ممتنه لكم جدا
( https://v.3bir.net/316223/#post7247887 )
رواية : غصب عني تزوجتها وغصب عني حبيتها !تعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
السلام عليكم
سوري ع التاخير الحين بنزل البارت
هو قصير بس الايام الجايه ان شاء الله بيكون طوييلتعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
البارت الخامس عشر
ورد: هنادي !! دشي حبيبتي .. وينك انتي من زمان ما جيتي لعندي
هنادي: ما قدرت اطلع من البيت لانه كان ابوي بالبيت بس الحين سافر يقول عنده شغل
ورد: اها .. طيب احكيلي عنك شو سويتي بهالفتره؟؟
هنادي نزلت راسها وبان الحزن فيها
ورد: صاير شي فيك؟
هنادي: مشتاقه لها واجد اتمنى اشوفها ولو لحظه
ورد: من هي؟؟
هنادي: ماما
ورد: الله يرحمها
هنادي: ورد ماما عايشه ما متوفيه .. ابوي اعترف وخبرني انه بتجي عشان تشوفني واشوفها بس للحين ما جات وما راضي يقولي ايش السبب
ورد: صدق؟!!!
هنادي: ايه صدق
ورد: غريبه
هنادي: لو تحبني كانت بتجي تشوفني وبتسال عني ما تتركني كذا.. بس هي ما تحبني
ورد: يمكن مشغوله او شي
هنادي: بابا خبرني انها تزوجت..
ورد: اها.. لا تتضايقي ان شاء الله بتشوفينها قريب
هنادي: ان شاء الله
..........................
غدير: يمه جاسم يبي اليوم ياخذني عنده
فاطمه: هاه وش تخربطين انتي؟
غدير: ايه يمه وما يبيني اسوي عرس ولا شي يبي ياخذني كذا
فاطمه: وليش.. ايش سويتي انتي!!
غدير: ما سويت شي يعني لازم اكون مسويه شي؟
فاطمه: عيل ليش صار كذا وش اللي غيره
غدير: مدري
فاطمه: خليني انا بكمله واشووفه بصراحه اللي يسويه ما عدل وما ينسى انه بعد اخوك ماخذ اخته
غدير: يمه خلاص لا تكلميه ولا شي انا راضيه وخلاص اي وقت يبيني يجي وياخذني
فاطمه: على كيفك هو؟؟ لا يكون يحسب ما وراك اهل عشان كذا يسوي
غدير: يمه حبيبتي الرجال ما سوا شي ترا انا زوجته ومن حقه ياخذني اي وقت يبيه فرجاء لا تعقدوا اللامووور
فاطمه: وابوك؟
غدير: ابوي ما عنده مانع لانه هو بعد يبينا نستعجل بالزواج
فاطمه: استغفر الله
.........................
مشاعل بملل: الكل مشغول محد فاضي لنا
دانه: ما جات سيوف اليوم؟
مشاعل: لا
دانه: ما من عوايدها!! معقوله اربعة ايام متتاليات ما مرت صوبنا
مشاعل: يوم اقولك محد فاضي لنا.. سيوف ما جات تدري فيها اغلب اوقاتها تكون بالصالون .. انا ملانه اليوم وابي اطلع زهقت الا بالبيت
دانه ابتسمت: تفضلي اخذي هاذا
مشاعل: حق شو هالكتاب؟
دانه: هاذا فيه مجموعة من القصص ممكن انك تقريها وتستفيدي منها .. منها عشان الملل ومنها تستفيدي
مشاعل: اووف يا دانه تدري فيني ما احب هالكتب .ما احب اقرا كتب .
دانه: انتي جربي اقريه وما بينقصك شي
مشاعل اخذته: اممم طيب جيبي بنشوف وش فيه
......................
تعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
يتبع
......................
سيف: مشاعل طلعي غرفتك
مشاعل ولا رد جالسه تقرا الكتاب
سيف بصوت عالي: مشاعل
مشاعل: ما بروح
سيف: يعني سامعتني و تسوي نفسك ما سامعه هاه
مشاعل:.................
سيف: بسرعه طلعي فووق
مشاعل: ابي اجلس هني بالصاله
سيف بعصبيه: اطلعي لا الحين بكف على وجهك.. اطلعي الحين بيوصل جاسم
مشاعل: انزين قول من اول انه احد بيجي معك
خذت كتابها وطلعت فوق
.....................
سيف: احترت معاها واجد مدري وش بسووي
جاسم: طيب الحين وش مشكلتك معاها ليش ما تجلسوا مع بعض وتحطون حد لهالمهزله
سيف: كل ما اجلس معاها تقولي ابي وابي ما عندها كلام ثاني بس تطلب كل حياتها طلبات تبيت اخذ بس ما تعطي
جاسم: لا حول ولا قوة الا بالله
سيف: انا اقدر البي طلباتها ماني عجزان بس مابي اعودها على كذا اي شي تبيه تحصله بسرعه وصراحه طلباتها ما تدش العقل حتى ما فيه شي ما تبيه
جاسم: انا بكلمها ان شاء الله
سيف: ايه تكفى كلمها
جاسم: انا بروح اخذ زوجتي الحين
سيف استغرب: كيف!!!
جاسم: خلاص اتفقنا انه اليوم اخذها
سيف: والعرس؟؟
جاسم: ما فيه عرس يعني لزوووم اخذها بعررس؟
سيف: اكيد صاير حاجه
جاسم: لا ما صاير حاجه
سيف: بالتوفيق .. والله هو احسن ..حظك طحت على وحده متواضعه مثل غدير . والا انا طحت على اختك الي ما تقدر احد لكن الحمدلله على كل حال
جاسم: الله كريم
...............................
صابرين: ايه فديتك خلاص ان شاء الله نهاية الشهر
غرور: حلو... عاد عبد العزيز ماشاء الله عليه انسان محترم وخلوق
صابرين: ايه واجد محترم . تتوقعي كيف اعيش معاه؟
غرور: بيريحك كثير ..واهله طيبين مرره بس خخايفه عليك من شي
صابرين استغربت: من شو؟!!!
غرور: حرمة سيف .. احذري منها
صابرين: الجوري!! ترا كلهم حذروني منها .. ايش اسوي القدر جمعنا سوا انا وياها
غرور: هاذي عقربه وممكن انها تسوي اي شي
صابرين: مو لهالدرجه عاد هو صحيح انها عصبيه وعليها لسان هالطوول لكن اكيد بتحترمني وما بتقولي شي لاني انا اساسا ما راح احتك فيها .. يعني انا بحالي وهي بحالها
غرور: يكون احسن والله يوفقك ويهنيك معاه
صابرين ابتسمت: ان شاء الله وعقبالك بنفرح فيك
غرور: ههه ان شاء الله
.......................
تعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
يتببع
الغاليه: غدير . جاسم ينتظرك بالمجلس
غدير اخترعت ودق قلبها اكثر
الغاليه: شفيك!! اقوولك خطيبك ينتظرك يالله شيلي اغراضك وروحي له
غدير قامت واتجهت للمجلس
..............
غدير: السلام عليكم
جاسم: وعليكم السلام .. تفضلي اجلسي جنبي
غدير جلست
جاسم جلس يطالعها وبعدين تكلم: تجهزتي؟؟
غدير: ايوا
جاسم: عمي هنئ؟
غدير : خبرته والحين بيوصل
جاسم: انا ما كنت ابي اسوي كذا لكن انتي جبرتيني
غدير: مو مشكله اهم شي راحتك
جاسم: يعني عندك عادي اخذك هالحين وانتي ما مداك تتجهزي؟
غدير عكس اللي بداخلها: ايوا عادي
قاسم: السلام عليكم
جاسم: عليكم السلام هلا عمي .. تفضل
جلس معاهم
انت ليش سويت كذا؟؟ ليش تبي تاخذها كذا!! احنا ما كان هاذا اتفاقنا
جاسم تلعثم ما عرف وش يقول: عمم ي ا.نا صراحه
جلست تطالعه خايفه انه يقوله بالسالفه ويفضحها
جاسم: انا ابيها اليوم ما قادر اصبر عليها
قاسم: يعني ليش ما قادر تصبر؟ ترا باقي كم اسبوع بس
جاسم: عمي انا لازم اخذها وما بطلع من هنئ الا وهي معاي
قاسم: انزين بس فهمني السالفه على الاقل وانا متاكد انه صاير شي مستحيل يكون ما فيه شي
جاسم: ما صاير شي ... غدير انتي تبيني اخذك الحين ؟ يعني ما عندك مشكله
غدير: ايوا اكيد ما عندي مشكله الحين بجيب اغراضي وبجي معاك
قاسم: انا ما اقدر اقول لا ..اخذها هاذي هي قدامك بس دير بالك عليها ومدام انك ملكت عليها هي بذمتك الحين
جاسم: احطها بعيووني .. كم غدير عندنا ؟
قاسم: زين
................
مشاعل: تتوقعي سيف بيفسخ الخطوبه
دانه: يا ريت بس ما اعتقد يسويها
مشاعل: الا بيسويها .. انا سمعت يقول حق امي انه ماعاد يبيها
دانه: دانه حبيبتي ترا سيف يحبها بس متضايق من اسلوبها
مشاعل: هاذي مشكلتها انها ما تقدر تغير من اسلوبها الزفت.. اصلا لو تفكر هي بتعرف انه لو سيف ما اخذها مافيه احد بياخذها
دانه: الله يهديها بس
............................
انتي دخلي وطلعي غرفتي انا بجيب الشنط وبجيك
غدير بحزن: حاضر
حمدت ربها انه محد كان بالصاله وطلعت الغرفه ع طوول
..
فتحت باب الغرفه وسمت بالرحمن ودشت كانت مرتبه كثير والوانها هاديه عجبها تصميم الغرفه مرره لكن يظل بقلبها الم
جلست بالسرير وحطت ايدها على خدها
.....................
الجازي: بعدك ما نايمه
جمان: ما فيني نوم وبعدين انتظر العشا
الجازي: طلبتي من المطعم؟
جمان: لا بس مخبره الخدامه تطلع العشا بغرفتي
الجازي: فيكي حاجه؟؟ شكلك غيير
جمان: شووي متضايقه
الجازي: وانا بعد حاسه بضيقه.. احس حياتنا كلها تغيرت .. من تزوجت امي كلنا تلعوزنا
جمان دمعت عينها: تخيلي يا الجازي اني اتصل فيها كثير بس ما احصل رد منها .. ابي اكلمها ما قادره اعيش من دوونها ودي اقوول لها كلام كثير .. امي تخلت عنا كلنا
الجازي: تحبيها؟؟
جمان: فووق ما تتصوري
الجازي: بس هي ما امك
جمان: ما لازم اكون طالعه من بطنها عشان تكون امي .. انا كبرت بين يدينها وهي ربتني بعد ما تركوني اهلي ..صارت كل شي بحياتي .. ياليت ترد علي عشان اقول لها كل اللي بخاطري
الجازي: وانا بعد ابي اكلمها ابي اقول لها عن جسوم
جمان: الا على طاري جاسم .. جابها غدير والا لا؟
الجازي: مدري بس اعتقد انه ما جابها للحين
دقت باب الغرفه
جمان: تفضل
دشت وحطت العشا وطلعت
جمان: الجازي تعشي معي
الجازي: تمام وبنام معك بعد
جمان:اها اوكي نامي معي وبكره الصباح ان شاء الله بنروح السوق ابي اشتري اغراض
الجازي : حلوو
..................
تعليق
-
رد: روايتي الثانيــه (( لا تصدق انكـ حلو لا وربي الحلا ما مر صوبـــكـ))
انتهى
اعتذر انه البارت قصير مرره
وابي توقعاتكم اذا ممكنتعليق
تويت
تعليق