1234567891011 ...

رواية : غصب عني تزوجتها و غصب عني حييتها!

روايتي الاولى - رواية قصة لم تكتمل ارسال إلى Twitter ارسال إلى facebook
  1. Fo0o0oFo
    24-03-2013, 09:30 PM

    رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    سلام عليكم ورحمة الله وبركاته
    أنا فاطمة عضوه جديدة هنا بنزل أول رواية لي
    أن شالله إذا لقيت تفاعل معي بكمل إذا كان فيه إي انتقادات أتقبلها ودمتم بخير
    عائلة سعود :
    الأب سعود : رئيس قبيلة قوي بمعنى الكلمة وله هيبة عظيم الكل يخاف منه حنون على أبنائه ونقطة ضعفه هي ( مشاعل ) ويده اليمنى (محمد ) عمره" 54 "سنة
    إلام وضحى : قوية ولها هيبة عند الحريم وشديدة على بناتها تحب الخير لهم تتمنى أولادها وبناتها يطلعون نفسها نقطة ضعفها (حمدان ) وعمرها " 52"

    ~~~~~~
    الباريت الأول :-
    دخلت الغرفة ولقتها دافئة وبناتها كل وحده نايمة بشكل *
    .........:بنات يلا قوموا ماشبعتوا نوم ماتستحون يلا قوموا
    .........: هو يمه شفييك تونا نايمين
    .........: وتردين بعد يا سارة يالله قوموا مين بسوي الفطور بعد وهذا حظك ياوضحي شوفي تربيتك لبناتك بس
    ........: طيب يمه حصل خير ماعليك منها خلاص بنقوم
    وضحي : هذا الكلام سنع يالله قوموا بسرعة .
    وطلعت برا الغرفة **
    سارة : مشاعل وشذا الكلام .
    مشاعل: حرام عليك تخلينها تصارخ وأنتي عارفة انه عندها ضغط هو
    سارة : طيب طيب خلاص قومي خواتك يالله بروح الحمام " كرمكم الله "
    مشاعل راحت تقوم خواتها وقاموا كلهم وتوضوا وصلو ولبسوا ونزلو يسون الفطور
    وضحي : يابو محمد !
    سعود : نعم !!
    وضحي : في شي بخاطرك تاكله .
    سعود : مشاعل قامت ؟
    وضحي : إيه قامت يابو محمد !
    سعود : خلاص قولي لمشاعل ومشاعل تعرف وش تسوي !
    وضحي : بس يابو مح
    قاطع كلامها بنظرة حادة لها
    وضحي : مايصير خاطرك إلا طيب
    وتوجهت للمطبخ عند بنات إلي جالسين على الأرض
    وضحى : مشاعل
    مشاعل : هلا يمه
    وضحى: أبوك يبي فطور من ذوقك يمه
    ..........: وليش مشاعل بس
    ............: أكيد يا هيا هذي حبيبة أبوها
    ........: هو بنات معرفو إن مشاعل حبيبة أبونا
    ومشاعل تسمع هذا كله وتضحك عليهم : هههه ليش حاسديني ياهيا وأميرة وجمانة بسم الله علي بس
    جمانة : على إيش ياحظي
    أميرة : أسكتي بس لا يسمعك احد ويضحك عليك
    وأمهم تناظروهم وتضحك من جواها وتقول (يأرب ياحبيبي وفق ذا البنات وعقلهم وزد حبهم لبعض يأرب )؛ أوص بس والحين قوموا فزنن يالله .
    وطلعت المطبخ وبعد عشر دقايق جهز الفطور وطلعوا كل العائلة على سفرة *
    سعود : يامحمد .
    محمد : سم يبه
    سعود : أسمع اليوم بتجي بضاعة أبغاك تحرص عليها ياولدي .
    محمد : أبشر
    سعود : سلطان !
    سلطان : سم يبه
    سعود : كيف البعارين معاك ؟
    سلطان : زينه زينه يبه بس
    سعود ناظره بمعناه كمل !
    سلطان : ماتوا خمس بعاريين أمس!
    سارة بنفسها ( أستغفر الله بس ماتوا الله لايبلانه ندرس فيه من اليوم ولا يسمع )
    وضحي : شلون شلون ؟
    سعود بغضب : شقاعد تخربط أنت خلك تكون تمزح رقبتك بتنشال والله !
    مشاعل : يبه أدحر الشيطان .
    سعود ناظر بنت : لا إله إلا الله بس شلون ياولدي يموتون .
    سارة بنفسها ( يوه حت الأب بعد ستغفر الله بس ) *
    محمد بحدة : سلطان كيف يصير كذا وانأ مأمنك عليهم .
    سلطان : والله عارف بس في مرض أنتشر عند الحيوانات حتى حمد بعد ماتوا ثلاثة من الخرفان صح حمد
    حمد أرتبك :هاه ..إ.إ..إية صح
    سعود : شقاعد تقولون انتم بتجلطوني أنتم
    وضحي : الله يأخذكم من عيال بس
    أميرة : حمد كيف صار كذا
    مشاعل : قول ياحمد شصاير للبضاعة
    حمد : يبه هذا مرض خطير يموت الحيوانات يبه
    وصار عندنا 8 حيوانات ماتت من هذا المرض يبه
    سعود : طيب جبت الطبيب ليشوفهن
    سلطان : لا ماجبنا بس لقيت رجال حنا يعرف لمراض الحيوانات وقال أن هذا المرض أسمه .. أ.. شسمه ياربي ... حمد شسمه المرض إلي كتبته بيدك
    حمد : إيه إيه ستنى يبه هذا أسمه مرض كيف تنطق ذي الكلمة سلطان قام وجاء عنده : ورني ..ح.. حم.. حمه
    قاطعتهم ضحكت جمانه :هههه هههه ذا كبركم وما تعرفون تنطقونها هههه
    سلطان : يالله قوليها يا شاطرة أنتي
    جمانة : جيبها أشوف ومسكتها وقرتها وقالت يبه
    سعود : نعم هاه عرفتي الكلمة ولا زي خوانك
    جمانه : لا عرفته يبه هو بس ( مرض حمى القلاعية )
    سعود : أجل بخلي سالم يهتم للمرض هذا
    هيا : الله يعافيهم ولا يبلانا بس
    سالم : أبشر يبه مايصير خاطرك إلا طيب
    وضحى : هو حمدان ياولدي شفيك ماتاكل ؟
    سارة : لايكون ماعجبك الأكل ياحظي
    حمدان : أعقلي لاأكوفنك هني لايمه بس تعبان شوي
    مشاعل : سلامات ياخوي
    سعود : أيييه شبعنا يعطيكم العافية يالله بروح أنا تأمرون على شي
    الكل قال لا وكل واحد فيهم راح لشغله
    راحت لغرفتها صلت لها ركعتين تهدي فيهم وجلست بسريرها جتها أختها : مشاعل شفيك حزينة
    مشاعل : مافيني شي ياقلبي
    دخلت عليهم هيا وقالت بنات شوفو الجريدة أخ بس ياليتنا أغنياء كان لبسنا إلي نبيه ساعات ولبس وجوالات زي ناس والعالم أخ بس
    جت جمانة : ليش وش شايفتنا
    أميرة : إي والله صادقة أختي شفيك ترى عندنا جوالات وعندنا لبس وساعات
    سارة : أي والله صادقين شفينا
    هيا : هو هو كلتوني مافينا شي عندنا لبس بس كله طويل عندنا تنانير طويلة وبلايز طويلة وعندنا خمس ساعات كل وحدة وحدة ولا ساعة بعد جلد بني وجوالات لاأحد يسمعكم بس جوال كشاف ومافيه رصيد بعد
    مشاعل اقتنعت بعد بكلام أختها : صح صادقة أنا معك بس إيش بيدنا نسوى يقول أبوي إذا ربحنا كثير بنطلع بيت جديد برى القرية
    هيا : إيه إن شالله
    وقعدوا يسولفون
    نروح لبو محمد * سعود *: هلا والله هلا
    .......: هلا فيك يا سعود كيف البضاعة معاك
    سعود : ماعليها بس بقولك
    .........: تفضل أسمعك
    سعود : توفوا 5 حيوانات من عندنا
    ..........: ليش
    سعود : في مرض منتشر أسمه ( مرض حمى القلاعية )
    .........: أها طيب بجيب دكتور لكم لقريتكم إن شالله بكرى يوصلكم
    سعود : خيرك كثير يابو تركي
    .........: هههه ماقصرت تعال ماقلتلك نادني فهد
    سعود : شدعوة ترانا كبار مب شباب
    فهد : تونا يا ياخوي بعز شبابنا هاه نادني فهد أحسن
    سعود : إن شالله يا فهد
    فهد : يالله فمان الله
    ولتفت لزوجته إلي مادت له القهوة
    فهد : مشكورة يا دلال
    دلال : العفو يابو تركي إيه ما قلت لي كيف البضاعة مع الرجال
    فهد : ماعليها بس يقول إن توفوا 8 حيوانات علشان مرض أنتشر بينهم
    دلال : هذا يعني بيتوفون كلهم ؟
    فهد تنهد : مادري يا دلال خليها على الله بس
    دلال: فهد .. ليش ماتشغل غيرهم .. تعطيهم ناس تهتم مو نفس هذول ما يهمهم إلا الفلوس .؟
    فهد: شتقولين أنتي لا مستحيل .. أطردهم مستحيل
    دلال : ليش هذول ناس ما يستحون لو أنهم يستحون كلن اهتموا بالحيوانات زين ماهمهم إلا الفلوس
    فهد : ستغفر الله بس ماتسحين تقولين ذا الكلام ,, أنتي ماهمك إلا الفلوس,, أنا مأمنهم مستحيل أثق بغير أبو محمد لأسلمه البضاعة
    دلال : إيه هين هذا وجهي إذا مافلسوك ياف
    ماكملت كلامها إلا أبو محمد قام وطلع من البيت
    أعرفك بعائلة أبو تركي :
    لأب فهد : طيب وحنون والكل يحبه وقراراته هي إلي تمشي يحب بناته وعياله غني مره ما يهمه المظاهر وعمره " 49"
    لأم : دلال : تكره الفقر أهم شي عندها الفلوس متكبرة وتحب بناتها وعيالها عمرها " 45"
    ~~~~~
    فمكان ثاني بعيدة عن هذي لأجواء بداخل قرية صغيرة هادئة ومريحة سعود : هلا والله هلا بخوي
    .....: يا هلا فيك يا سعود .. شخبارك شخبار العيال
    سعود : الحمد الله كلنا بخير وسلامة ,أنت يا غانم شخبارك طمني عنك
    غانم : والله بخير بس البنات تعرفهم طاقتهم الوله لبناتك
    سعود : مايكون خاطرهم إلا طيب.. ويطق صدره : لعشا عندنا اليوم
    غانم : إن شالله كنت ناوي أكلمك فموضوع مهم إن شالله اليوم أكلمك فيه
    سعود : إن شالله
    سلام عليه غانم وتوجه كل واحد فيهم لبيته
    دخل بيته ومبسوط حيل لقى زوجته جالسة وعندها بناته
    غانم : سلام عليكم
    الكل : وعليكم سلام
    ........: هات فنجالك يابو يوسف
    غانم : تفضلي أيه اليوم لعشا عند أخوي أبو محمد
    .......: صدق يبه
    غانم : إيه يا أصايل
    .......: يبه تكفى نبي ننام عندهم
    .......: إيه يبه تكفى والله ولهانة عليهم
    غانم : خلاص يا موضي ومضاوي مايصير خاطركم إلا طيب
    .......: الله يطولنا فعمرك يايبه
    غانم أبتسم على كلام بنته .....: يابو يوسف شخبار أختي
    غانم : بخير يا فوزية بخير
    فوزية : إن شالله ولتفتت لبنتها : مناير يمه جيبي المنديل
    مناير : إن شالله
    موضي : أستأذن بروح أتجهز
    مضاوي : يمه تبيني أسوي شي لروحة
    فوزية : إيه يا بنتي سوي شاهي وقهوة
    أصايل : طيب يمه بقوم أساعدها وقاموا مضاوي وأصايل
    جت مناير وجلست ومدت المناديل لمها
    مناير : متحمسة أروح علشان أشوف مشاعل
    دخل عليهم وفز قلبه من جابو أسمها
    غانم : هههه إن شالله تشوفينها اليوم
    مناير ابتسمت ومرت ساعات

    تعريف بعائلة غانم
    الأب غانم : طيب وحنون وقوي ورئيس قبيلة مع أخوه
    يحب بنته ( مناير ) مره وعمره "53"
    لأم فوزية : طيبة وحنونة تكره التكبر ماتحب إلي يعاندها وتخوف
    عمرها " 52 " أخت وضحى
    ~~~~~
    وجاء وقت صلاة المغرب ونتهت صلاة المغرب
    وجاء أبو يوسف علشان يأخذ البنات
    ......: يبه وين بروح ؟
    غانم : بنروح لبيت أبو محمد يا حامد !
    ......: طيب متى بنرجع ؟؟
    غانم : هوهو تونا مارحنا علشان نرجع يا صقر !
    صقر : يبه ماحب أروح هناك بجلس بالبيت
    غانم بعصبيه : شتقول أنت !! إذا سمعنك مره ثانية قايل كذا دفنتك هنا
    صقر : أسف يبه !
    حامد :يبه
    غانم : نعم !
    حامد : وين يوسف ؟
    غانم : مادري ياولدي أخر مره شفته كان جالس معي يشرب شاهي العصر
    دخل عليهم : سلام عليكم
    حامد وصقر : وعليكم سلام
    يوسف : هاه يبه جاهزين نروح
    غانم : إيه .. صقر
    صقر : سم يبه !؟
    غانم : رح ناد خواتك يالله تأخرنا
    صقر : نشا لله وراح
    جاء ودخل عليهم : سلام عليكم يالله يبه تأخرنا ترى
    غانم : عارف يا منصور يالله مشينا
    ومشوا عائلة غانم مشي لان بيت سعود قريب من بيتهم
    ......: "( أخخخ ياقلبي أخيرا بتشوفها مشتاق لك القلب يا .......)"
    هذي نهاية الباريت أعزائي والحي بعرف كل أولاد وبنات عائلة سعود وغانم :-
    عائلة سعود :
    الأولاد :
    محمد : شاب قوي يد أبوه اليمنى عصبي بس حنون من الداخل
    جميل جدا ملامحه ملامح بدوا وجسم متناسق مع شكله وعمره " 30 "
    حمدان : شاب جميل طيب وهادئ خفيف دم الكل يحبه يحب يتهاوش مع أخته سارة كل يوم وعمره " 28 "
    سلطان : شاب مملوح خفيف دم يحب أخوانه حمد وسالم وذكي جدا عمره " 17 "
    حمد : شاب جميل و غبي وخفيف دم مايحب التكبر يموت على شي اسمه فلوس وعمره "15"
    سالم : شاب جميل جدا خفيف دم مايحب الزعل يحب أخوانه ويحب أخته مشاعل وأميرة وعمره "15 "
    البنات :
    مشاعل : بنت جميله جميلة جد ا طويلة سمرا شوي عيونها كبار لونها بني فاتح ورموشها كثيفة وشعرها بني غامق طويل إلى أخر ظهرها جسمها خيال متناسق مع شكلها طيبه حيل تحب أبوها مره وغالية عليه حنونة على خواتها ذكي وخوافة شوي عمرها " 27"
    سارة : بنت جميلة قصيرة شوي سمرا عيونها سود شعرها إلى نص ظهرها عيونها صغار ورموشها كثيفة جسمها مليان شوي تحب تتهاوش مع حمدان خفيفة دم شوي "22"
    هيا : مملوحة جدا عنيدة طويلة بيضة شوي شعرها إلى كتفها بني فاتح وعيونها سود عيونها كبار ورموشها قليله تحب تصارخ تحب تكون غنية عمرها " 16 " .
    جمانة : بنت جميلة دبة شوي شعرها لرقبتها أسود وهي بيضة شوي عيونها سود وعيونها كبار ورموشها كثيفة قريبه من سلطان وحمد عمرها "20 "
    أميرة : طيب حيل وذكية سمرا شعرها إلى أخر ظهرها مموج لونه أسود وعيونها بني غامق عيونها صغار ورموشها كثيفة توافق جمانه على كل شي عمرها "25 "
    عائلة غانم :
    الأولاد :
    يوسف : شاب مملوح عصبي مايحب الدلع ملامحه ملامح حادة ذكي
    ماعندة لف ولا دوران وقوي عمره "29 "
    منصور : شاب قوي ملامحه حادة بارد مايحركه شعره يحب المسدسات وعمره " 26"
    حامد : مملوح جدا ذكي حبوب يخاف من يوسف وعمره " 25"
    صقر : جميل خفيف دم مايحب يروح بيت عمة " عقدته "
    خواف وعمره " 18 "
    البنات:
    مناير : جميلة سمرا شوي شعرها قصير إلى رقبتها لونه أسود عيونها سود وكبار ورموشها كثيفة وتحب مشاعل وتفهمها وطيبه وذكية وعمرها " 28 "
    أصايل : مملوحة ملامحها حادة طويلة ودبة شوي وشعرها طويل إلى نص ظهرها لونه بني غامق وعيونها سود وصغيرة ورموشها قليلة وتحب أميرة وعمرها "26 "
    مضاوي : حبوبه عنيدة وخفيفة دم قصير ونحيفة وشعرها إلى رقبتها ولونه اسود وعيونها بني فاتح وعيونها كبار ورموشها قليله وتحب جمانه وسارة وعمرها "21"
    موضي : جميلة وعنيدة توأم هيا بس دبة شوي وبيضة شوي وشعرها إلى كتفها ولونه أسود وعيونها لونها أسود وصغار ورموشها قليلة وعمرها" 16 "
    وهذا نهاية التعريف والحين هذي أسئلة بسيطة لكم أبغاكم تجاوبوا عليها :-
    1/ كيف رائيكم بالباريت ؟
    2/ أكمل أو لا ؟
    2/ كيف لقيتو الشخصيات ؟
    3/"( أخخخ ياقلبي أخيرا بتشوفها مشتاق لك القلب يا .......)" مين إلي تكلم؟ ومن مشتاق قلبه لها؟
    ( وإذا لقيت تفاعل إن شالله بكرى أو الحين إذا أمداني أنزل الباريت الثاني )
    شكرا لكم أعزائي (^_^)
  2. Fo0o0oFo
    24-03-2013, 09:54 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    بعون الله أعزائي بالباريت الجديد في مفاجئات كثير وخاصتا بدخول بطلا الجميل القصة وإلتقائه ببطلتنا الجميلة
    .
    .
    .
    ودمتم بخير
  3. عـيـ من ـوني
    24-03-2013, 10:06 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    مره تجنن
    بس كم بارت
  4. shodi
    24-03-2013, 10:08 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    أهلن حبيبتي
    الباريت جميل لس فيك تعليمنا انتي إيش فكرتك على الرواية
    وهل ذكر البطل في الباريت أو لا
    الاسئلة
    1/ جميل
    2/ إية كملي
    3/ أممم ماعرف بس أحسه يوسف مادري والله
  5. Fo0o0oFo
    24-03-2013, 10:17 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    المشاركة الأصلية كتبت بواسطة عي من وني
    مره تجنن
    بس كم بارت
    ~~~

    أهلن عزيزتي (عي مين ني )
    صراحة ماقررت بس إنشالله أخبرك كم باريت عن قريب
    .
    .
    حفظك الله ^^
  6. Fo0o0oFo
    24-03-2013, 10:17 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    المشاركة الأصلية كتبت بواسطة shodi
    أهلن حبيبتي
    الباريت جميل لس فيك تعليمنا انتي إيش فكرتك على الرواية
    وهل ذكر البطل في الباريت أو لا
    الاسئلة
    1/ جميل
    2/ إية كملي
    3/ أممم ماعرف بس أحسه يوسف مادري والله
    أهلن عزيزتي ( shodi )
    ءءء صراحة فكرتي عن حياة البدو والحضر
    أنو عايلة سعود وعايلة غانم بدوا فكيف بتكيفون مع حياة الحضر
    بتكون مشاكل بتكون زواج إجباري حب من أول نظرة بس كيف بتكيفون هذا نشالله بتعرفونه بالباريتات الجاية
    وعن البطل أسفة جدا ماأقدر أقول إن شالله تكوني من متابعيني وتعرفين مين هو البطل
    ...
    دمتي بخير عزيزتي
  7. أح ـــلام انثى
    24-03-2013, 11:41 PM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    سلام
    الباررت خطيييييير
    وكملي الروايه
    بإنتظار البارت الجاي
    امممممممم
    مع السلامه
  8. نبضي
    25-03-2013, 12:11 AM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    السلام عليكم
    الروايه جميلله خصوصا انها عن البدو وكذا كملييها يالغلا جمييله
  9. Fo0o0oFo
    25-03-2013, 12:31 AM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    المشاركة الأصلية كتبت بواسطة أح لام انثى
    سلام
    الباررت خطيييييير
    وكملي الروايه
    بإنتظار البارت الجاي
    امممممممم
    مع السلامه
    أهلن يامزيزنه أفرحتي بمرورك
    وبعون إلله بدأ الان بكتبابة الباريت الجديد
    كوني بالجوار عزيزتي
  10. Fo0o0oFo
    25-03-2013, 12:34 AM

    رد: رواية : غصب عني تزوجتها و غصب عني حييتها!

    رواية : غصب عني تزوجتها و غصب عني حييتها!


    المشاركة الأصلية كتبت بواسطة نبضي
    السلام عليكم
    الروايه جميلله خصوصا انها عن البدو وكذا كملييها يالغلا جمييله
    أهلن أهلن يا عزيزتي
    أسعدني مرورك وإعجابك بالباريت
    وبأذن الله غدا بنزل ثاني باريت لرواية
    فكوني بالجوار .. دمتي بخير
1234567891011 ...

الكلمات الدلالية لهذا الموضوع