‏كل ما كبرت أكتشف قد إيش كنت معقده ومعطيه أمور كثيره أكبر من حجمها..
الحمد لله كبرت وراحت وجتني عقد أكبر

لكن الفكرة الأساس كلن له توجهاته اكيد ..
هل أنت كشريك مستقبلي متقبل التغيير .. وهل انتي
كفتاة لك كيانك في عين نفسك تتقبلين التعديل في أمور معينه .

راجعه من دوامي والبيت كله عمال ومحبوسه في غرفتي ولا تغديت
وبنفس الوقت جوعانة سوالف معكم هون، كثيره المواضيع ولكن أبغى أرتبها..

أولا أرحب بعودة الصبايا تدريجيا للنشاط والسوالف الحلوه طيف ومآثر والله أعلم من بعد جا وبيجي:) مبسوطه بعودتكم الحميده

لمحت في تويتر موضوع أكاديمية التعدد، الدكتوره اللي أقترحت الفكره تقول
انها بتزوج كل شاب ثلاث عرايس ( مطلقات وأرامل وغيره) وإذا نجح تكافئه بالرابعه بعد ١٠ سنين. تذكرت عروض بنده لما يشرطنون كم علبه والثالثه مجانا. طب هذا الشاب كيف يرتبط بثلاثه مره وحده ! حتى المعددين ياخذو وقت لين يكونو مستعدين للانتقال من مرحلة الأولى للثانيه للثالثه .... كذا دفعه وحده ؟
وهو له مكافأه والثلاثه الحلوات مالهم تحفيز ومكافأه ؟!
اذا هو نجح مو معناته لوحده أكيد اللي كانو من نصيبه لهم دور ناجح بروح الفريق وإتحاد القوه هههههههه يعني يكافؤونه ونسوانه زي البطه السودا وأكيد هم اللي بيضبطو عرسه بالرابعه.
عجبي .


اكمل سوالف بعدين... بلبس عباتي وانطلق إلى المطبخ لسني أستطيع الصمود

هلوين وسهلتين
مرحبا بمداخلتك أستاذ نفر
اللي تحب تاخذ صاحبتها معها في حياتها الزوجيه فيها الخير، ماحسدتها على الرجال اللي تشوفه والنعم . اللي مثل كذا نادرات ويطلعون صديقاتهم شريرات هههههههه امزح مانعمم
بس أنا جددا جدا مستغربه من عينات النساوين اللي كل شوي تطلع لنا بموضوع التعدد بطريقه استفزازيه جدا جدا جدا. والله ماهم طبيعيات تمجد الرجل ومصالحه والمرأه ماتحسب حساب لها ولا تحترم عقلها! والله ماهو عشان الموضوع صعب بالنسبه للأنثى لكن كل من قرأت لهالموضوع بقلم أنثى وتكون دكتوره ولكن اسلوبها فيه تحيز منفر جدا لإرضاء القاريء الرجل و المرأه مالها حساب أبد ولا حتى كلمة حلوه تجذبهم لرايها، خذوه فغلوه .


بقول لكم قد ايش زعلانه اليوم لأني شفت المرأه مجحوده في بيئة العرب وممكن في مجتمعي أكثر !وتتكرر علي المواقف ، ف مثلا أبويه مؤلف وأديب ويساهم مساهمات جميله ولكن لازم أنط له وأقول ليه تسوي انت والمهتمين زيك بالأدب مسابقات ومؤلفات وكتب تأرخون فيها الشعار والشخصيات الهامة وماخصصتو ولا جزء من الجزء للشاعرات عندنا والمؤثرات في تاريخنا ؟! رغم انه يحكي لنا قصص عن حريم كانو سبب لنقاط تحول جميله قي تاريخنا وتأثير وفي الحروب يقنصون مع القناصين .. شي ولا ممكن نجده في الأفلام. طبعا كان ما يرد عليه زي اللي يقول والله فاضيه واستقعدتي لي
بعدين قال لي لو انك فالحه كان انضميتي للمجلس البلدي قلت كل الناس اللي عليهم الكلام مارشحو انفسهم لأن احساسهم بالمسؤوليه عالي رغم ان جهودهم في المنطقه لا تنقطع، بينما الناس الي ينطون في الواجهات ويتسابقون للمناصب كلهم لقيتهم عينات ما سرني أبد وجودها في المجلس.
لكني الان مع مجلس نقووه ^_
مابعلمكم مجلس إيش ولا يقل أهميه إلا أهم من المجلس البلدي، بس نسيت أهايط علاكم ، على فكره تم ترشيحي له مو انا نطيت :)، كل نفره فيه من أطلق الناس وأكثرهم نفعا ( تحمست والله توي اتذكر اني في مجلس مهم هههههههههههه)

يالله قدباي بسافر مع وخيتي واذا ماشاركت كثير فهي السبب ، سيدة قلبي تكره انشغالي بأي شي عنها لما نجتمع