تغريدة صباح } ..

**ShahrzaD** · 03-05-2017, 06:38 PM

رد: تغريدة صباح } ..

لاحظت اني اذا شفت عتب علي أو أحد يشره أو يزعل،
ماعدت ارضى ادخل قلبي في عملية مراضاة والا أطيب خاطر أحد،
سار خاطري مثل عود ريحان ناشف مغبر، أدنى ما كسره.
حتى وإن كنت غلطانه.. اقول اسبابي وامشي،
ماعندي استعداد اسمع شي يكدر ذا الخاطر المتهالك..
خصوصا اذا الموضوع عادي بالنسبة لي وحرية شخصية،
والطرف الثاني معطيه اكبر من حجمه.
عذرا للحساسين بزياده.. دنياك يازين ماتستاهل أم ضيقه

**ShahrzaD** · 03-05-2017, 07:06 PM

رد: تغريدة صباح } ..

ديني ودين العبايه في الحوش، هذي ممتلكات خاصة كمان ألبس عبايه والا شرشف وزحمه؟
عادة أذيع للسواقين واسوي حظر تجول واحلا شي غرفهم بدون شبابيك، وأنطلق نحو الحرية،
ولكن ممنوع اقفل البوابة وتدخل سيارات احيانا واندس خلف شجره والا عامود والا أزحف هههههههه المشكله كلهم شيبان بهايلكس وجيوب مافي مجال يجي موديل شاب ثلاثيني جاد فل أوبشنز وأسوي اني انا اللي اسقي الزرع وكذا..امزح والله مايمدي دايم اطلع بفنايل شباب بقبوع للتمويه عشان من بعيد اطلع أحد العمال

مره من جد توهقت جا رجال يبغى ابويه وضيفه في البلكونه وأنا ملطوعه في البستان ، كنت في رعب لا يتمشون وينزلون ولكن ربي ستر

.. هذا حدي في المغامرات عاد وش اسوي.
مره عشان نشعر بالمخاطره وجمال تحدي الخوف، طلعنا أنا وأختي في الليل حفيانات في الظلام برا البيت !.. توجهنا للمزارع والأراضي والأرض بااارده وريحة الطين ومافي الا نور القمر، والله عارفه ان ممكن فيه حنشان وكلاب مسعوره وحمير وكل شي، وهنا المتعه في الموضوع قلنا " بسم الله الذي لا يضر مع إسمه شيء ، أعوذ بكلمات الله التامات من شر ما خلق.. الخ" ورجعنا بسلام.
مانكثر تهورات لكن لازم نكسر الروتين بطرقنا الخاصة.

**ShahrzaD** · 04-05-2017, 12:01 AM

رد: تغريدة صباح } ..

السناب عندي من أكثر البرامج اللي حاصرته بناس قليل جدا،
إنتقائيه جدا فيه حتى اقاربي لما يطلبونه أعتذر بدون تردد ،
عندي ٩ خيلان و١٠ خالات مو مضيفه الا بنات اثنين فقط منهم،
وحصل وحده من خالاتي طلبته هي وبنتها وقلت بصراحه ما أعامله مثل الواتس، لناس محددين فقط. وشكلها دعت علي هههههههه لاني بحكيلكم الموقف اللي جابني هنا

كنت بالاجازه اللي فاتت في جمعة الخيلان وعندنا خال ^^" ماودي اقولها لكن غثيث حبتين، وأنا مجاملجيه ويتكي معي كثير في الجمعات، خصوصا انه فنان ويفتح مشاريع معي والي حصل انه طلب سنابي وبأسلوب هههههههه قال الغيني من الاستوري بحيث ما اشوفه لكن اضيفيني عشان اصور لك مناسبات العائله وانتي بعيد، صراحه قلت له ما ودي واني مو ضايفه حتى اخواني ولكن مع اللطيفين مع اقدر اقول لهم لا أكثر من مره وهذا غلط لأني في نهاية الأمر اذا كلامهم مشى، بعد فتره ارجع لرغبتي الأساسيه. اللي حصل اضفته .. وبعد فتره تذكرت سوالفه يوم يقول ترا كنت بهكرك

...قلت لحوول هذي الطبايع ماتعجبني وحذفته هههههههه

المهم جانا اليوم من جده وتوهقت مافي أحد غيري بالبيت يعني مايمدي اسوي نايمه والا ميته ^^" واستقبلته ورحبت وهو يزفني بالتهزيء هههههههه قال يبغالك ذبح وهو يضحك طبعا لازال لطيف ، قلت ترا جاملتك يوم اضفتك والا أساسا ما اضيف الا بكيفي، المهم جلس يحرجني فقلت له والله من يوم قلت انك كنت ناوي تهكرني ولو كانت مزحه ما قدرت اخليك عندي

جلس يدافع عن نفسه وحس انه جنى على نفسه بهالمزحة ونسي الموضوع .. لكن الله يسعده ما زعل ولا ضايقني واخذني مشاني بالسياره للمحطه شرالي حلويات وردني ههههههههه لان محلات الديره تقفلت كلها كان بباله يوديني مول، قلت موول وييين حدنا سوبرماركت قد الصاله

صراحه موقف مزعج لما تكونون في موقف بين مجاملة شخص اساسا لطيف وتحترمونه وبين قناعتك ورغبتك الشخصية، كثير اطيح بهالموقف لاني ارفض واضطر اطيح بهالموقف وفيه من ياخذ بخاطره وفيه من خاطره رحب وما يكبر الموضوع.

**ShahrzaD** · 04-05-2017, 12:25 AM

رد: تغريدة صباح } ..

‏١٢:٢٢
" ‏وأذكركم بأن أجمل الرسائل هي تلك التي تكتب ليلا،
‏وتقرأ بنصف عين صباحا "

**ShahrzaD** · 05-05-2017, 11:03 AM

رد: تغريدة صباح } ..

وبتسأليني بغيابك شو صاير فيي
مأكدة بدك تسمعي هالخبرية؟
جريئة وعم تسأليني، كإنك قال بتحبيني
نسيتي انك موتيني وضحيتي فيي

صرت جرح وماشي على الطرقات، هربان من الذكريات
بوصل لدرجي أوقات عم بحكي مع حالي

انتي الوحيدة انتي بالذات، ماتسأليني عن قلب مات
عن عمري الصار خيالات، هي هيي أحوالي

حقك ياقلبي، خذلتك بعد ما وثقت فيي
حبيتا وسلمتا كلها بايديي
وبعد ماوقفت الدقة، وبإيدا رسمت الفرقة
حرمتني منك يا قلبي، آه ماعاد فيي

أنا الجرح الماشي على الطرقات، هربان من الذكريات
بوصل لدرجي أوقات عم بحكي مع حالي

انتي الوحيدة انتي بالذات، ماتسأليني عن قلب مات
عن عمري الصار خيالات، هي هيي أحوالي

**ShahrzaD** · 05-05-2017, 12:05 PM

رد: تغريدة صباح } ..

‏- حرية اختياراتك هي الشرف الوحيد الذي يجب أن تدافع عنه !..
‏⁧‫#حياة_مؤجلة‬⁩

**ShahrzaD** · 06-05-2017, 03:12 PM

رد: تغريدة صباح } ..

فلنذهب للصفحة التالية...

**ShahrzaD** · 06-05-2017, 05:24 PM

رد: تغريدة صباح } ..

مساء الفل

المشاركه نزلتها لكن مأكول نصها مدري وش السالفه.
اللي ارسلت رقمها في الصراحه، ماعندك أخوات ههههههههههه
وش السالفه المهمه جاني فضول، لكن مالي حيل سولفي في الخاص

الحين بعلمكم عن هاشتاق اذا ودكم تساهمون فيه
اداريات التعليم العام ياخذون اجازه مع الطلبه،
بينما اداريات التعليم العالي مالهم اجازات الا ٣٠ يوم في السنة،
لذلك ساهمو لو يسامحونا في رمضان ع الاقل والباقي نداوم اهون من اننا نداوم طول الصيف.
#إداريات_التعليم_العالي

**ShahrzaD** · 07-05-2017, 08:45 PM

رد: تغريدة صباح } ..

مساء الورد لي ولكم

كثير أوقات أشتاق أعبر بكلام شاعري رومنسي حتى لو بإقتباس،
لكن ودي محد يشوف، محد يحلل، محد يشك إنها فيه، محد يشك إنها في أحبابه اللي أقلقونا بهم ومحد في سماهم. الله يكون بعون كل الكتاب هنا قسم بالله انهم في عناء من المتوهمين.

المهم فيني موود تعبير بنكهة الربابه في عز القمراء... احم لا تطالعون
.
.
.
كتبت ومسحت لين طلع دخان من الكيبوورد.. خلوها اقتباس احسن
" فكرو في الحب تلاقو في الظلما ألف قمر

"

**ShahrzaD** · 07-05-2017, 09:04 PM

رد: تغريدة صباح } ..

" أنا لا أسأل عنك ببساطة،
ليس برودا في ولا إستهانة فيك...،
كل ما هناك أن السؤال لا يكفي حين أفتقدك ".

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget