تويت
رد: تغريدة صباح } ..
اللهم أنبت بقلبي زهرة... بيضاااء عطره
بلا شوك بلا ألم .
اللهم أنبت بقلبي زهرة... بيضاااء عطره
بلا شوك بلا ألم .
-
-
رد: تغريدة صباح } ..
كل فتره اشتاق افرفر على مدونتي بشكل عشوائي،
وصلت عند هالمشاركه تخيلتني أنا وأختي سعيدان وعليان هم يسولفون على السطوح هههههه
الحين اختي تسولف لي عن تخبيصها في امتحان النحو والصرف
انا كنت مثلها في الثنوي متعقده من الاعراب والماده هذي..
بس أحس اني الان مخي افضل حالا من ذاك الوقت، أقول لها مستعده اجيب من الأوائل في الثنوي
مدري ليه احس عندي قدره على الاستيعاب افضل الان ..
قلت لها شكلي بخلي اولادي يدخلون المدرسه واعمارهم عشرين عشان يوصلون الثنوي ومخهم ياسلام
طبعا طالعتني بنظره حارقه كويس ما حصل اشتباك بالأيادي ههههههه
قالت: "ياحبيبتي النقش على الصغر كالنقش على الحجر" .. وهي منفعله طبعا ف تغيرت صياغة الجمله
بعدين قالت: انا ما ورطني الا اللي نقشوني وانا صغيره ماعندهم سالفه تقصد مدرساتها ما أسسوها زين هههههههههههههه
أنا عارفه مشكلتهاومشكلتي ايام الثنوي.. لكن ان شاء الله تتغلب على مشاكلها وتجيب نسبة تبرق برق.
احبها لما تعصب
تعليق
-
رد: تغريدة صباح } ..
دروس من مدونة نفر كويس
كل سطر درس لحاله
.
.
لا ادعو للبحث عن الحب لاني اعتقد ان الذي يبحث عن الحب لن يعيشه
لان الحب يأتي هو من تلقا نفسه فجاءة وبدون اي مقدمات او عوامل تجد نفسك تحب
اما مايفعله البعض بالتجول بين البنات او البنات بين الشباب والبحث عن حبيب فهذا لعب عيال
والحب اللي يجي بالبحث يروح بالحذف وتصبح العلاقات كلها قص ولصق
كل قصة حب صادقة تجدها مختلفه في جوهرها عن غيرها وقد تتشابه....
........ الى اخر المشاركة، التحديد والنسخ بالجوال مايساعدتعليق
-
رد: تغريدة صباح } ..
منذ فتره قلت اطلالاتك الصباحيه في مدونتك اشتقنا للقراءة لك لمتابعتك كتاباتك هل للاجواء دورا في ابتعادك قليلا عن ماتبدعين فيه ام للاختبارات دورا واصلي كتاباتك في مدونتك ولتعلمي انك من القلائل في عبير ممن يزرعون البسمه ويدعموننا لنكتب ولنتواجد
يارب ما أزرع فيكم الا الابتسامة والضحك والقهقهة والخير وكل جميل ان شاء الله =)
الصباح ممكن لانها فترة امتحانات وهالفترة يكثف الشغل ف خف نشاطي، متواجده بس ديكور بعبير اتأملكم من حين لآخر. كل عضو تجيه فتره يركد ويتابع بصمت بعدين يرجع بنشاط...
خلوني أخلص النوم اللي براسي بعدين تجي أوقات لزيزه لطيفه واكتب وازاحمكم قريب ان شاء الله.
شكرا على السؤال والتحفيز
تعليق
-
رد: تغريدة صباح } ..
ماشاء الله يعني مو بس عندي الأمطار، ربي يهنيك ياطيف وجميع المسلمين بهالأمطار الرايقه الجمييله المناظر جنه جننننه، السماء لونها الأزرق كأنها بألوان فاقعة، وبرضو الأشجار والعشب ماشاء الله والثمار طلعت كمان..
اليوم بالعمل جايبين سماعه كبيره بالمايك حقها للحفلات وكذا، جابوه لمكتبي
حللته صراحه حمسوني اجيب لي مايك، صورت المايك اللي ببالي للسنابيين لاسمح الله احتارو وش يهدوني ^_
على طاري الشيبان، الكهل المرشح لتنهيده شكل روحه شباب ناقصه شوية هدوم وبس ههههههه
الله يسعد الشيبان والكهيل وبالنسبة لي الغير خليجيين يعني مش القبيليين هم المفضلين .. على مودي^^
في فترة ماكنت في امريكا كان فيه دكان دايم اشتري منه وقت البريك،
وفيه شايب لبناني ما كنت ادري انه عربي، جيت احاسب عنده جلس يلتفت فيني بنظره كلها حنيين،
وانا انتظره يقول شي، قال: مرحبا !
قلت: اهلين!
كيفيك! < بانت لهجته تدريجيا
الحمد لله تمام
من فين ؟
ما اذكر وقتها جاوبته سيدا والا خليته يحزر ابغا يقول لبنانيه مثلا هههههههه
بعدين رديت السؤال
قال احزري ! < من هالكلمه عرفت
قلت لبنان
ضحك ما توقع اني بجاوب صح
وسرت كل ماشريت من هناك يوقف السرا من السوالف ويحكي عن شوقه للبنان بس مقهور على حالها من الحروب، وكل ما ادخل تعودت كل اللي حولي يتكلمو انقلش فلما ادخل اقول هااي ويزعل يقول يابنتي احكي عربي ، وأوقات اجي القاه مستلم أخويه سوالف بعد ههههههه
صراحه ان السوالف معه جميله =)
والشايب الثاني بروفيسور جراحه ، ودارس فنون جميله، دعاني للكورسات حقته يوم شاف رسوماتي، مدري اذا حكيتلكم عن هالتجربة الجميلة، كان هو اللي يوديني للكلاس تبعه ويعطيني سوالفه والماضي الجميل.. صديق لأبويه من ٣٠ سنه، مصري ومتجوز انجليزيه وعايش هناك، استمتعت واستفدت كثير بمعرفته .
يعني حدي مع الشيبان صحبه وصدقان اما العرس ماظنتي
التعديل الأخير تم بواسطة ShahrzaD; 15-05-2017, 03:48 PM.تعليق
-
رد: تغريدة صباح } ..
صباحو ^_
بما ان سوالفي اعجبتكم بكمل جزئيه بعد تذكرتها،
شايب كان حيكون صديقي بس انا ماعطيته مجال صراحه, لطيف جدا بس واضح انه يحب الحريم ومايصدق بالسوالف
العجيب وللي لفتني له وقتها وجهه .. طلع واحد من الاربعين للامير بدر بن عبد المحسن
والله ما ابالغ نفسه بس على فقير وكحيان يعني زي عريس تنهيده ههههههه
نفس الامير بدر ونفس ابتسامته وهدوئه .. المهم
كنت انتظر الباص في حينا في امريكا، وجا ووقف قدامي يطالع فيني ويبتسم، وانا اسوي اني ارسم مستقبلي على السحب وما اشوفه استغربت وقفته وابتسامته، ولما طولها وانا طولتها بالعبط ،، قال هاي....سويت انو اوووه توي انتبه ان فيه واحد قدامي ياسبحان الله .. هاي
ووقف جنبي ويسال من وين وكذا.. وطلع من النيبال.. ماعرفتها وقلت هي في الهند والا حولها قال لا هذي فيها قمة افرست المشهوره.. وعلمني وين يشتغل واسترسل في الحديث وانا اقول في نفسي لاااا اله الا الله بصوت شيباننا.. كيف يشبه الامير لهالدرجه ، وجا الباص ركبت بجنب وحده عشان ما يتكي جنبي واضح قد ايش يحب يسولف مع النسوان
وكل ماركبت الباص القاه جالس جنب وحده ويسوولف ههههههه
المهم جت امي عندي وتحب الامير بدر مره ، قلت تعالي اوريك شبيهه هههههههههه
بعد عدة محاولات للبحث طلع لنا اخيرا ووريتها اياه وتفاجأت .. ماتوقعت الشبه لهالحد.
اخويه فاهم اهتمامي بالشبه انه اعجاب وزوجني اياه خلاص هههههههه كل مايشوفه يقول شوفي زوجك ، محد يقدر يمدح عندنا ، زوجني كل الناس اللي مدحتهم
تعليق
-
رد: تغريدة صباح } ..
نعسانه بس فيه سالفه حلوه خن أقولها بالصفحة اليديده....
تعليق
-
رد: تغريدة صباح } ..
مساء الفل
اجتمعت بنص شلة الجامعة اليوم.. كلهم متوزعات في ربوع المملكة،
وجا منهم ثلاثه فاجتمعنا جمعة جميلة لطيفة، وكانت أكثر السوالف من وحده منهم،
حكت لنا عن عاده تسويها لما تغيب عن زوجها او هوه يغيب، تحب تعبي المكان بأثر لها
تعرفو ورق الملاحظات اللاصق، اذا بتسافر وتخليه مثلا توزعها في الاماكن اللي يجلس فيها عادة، وتكتب عبارات حلوه والا دعوة جميلة.. هيك شغلات..
واذا سافر تدخل هالوريقات في جيوب ملابسه.. انا كنت اتسمع واقول هل ياترى الرجال انغث من الحركه هذي والا حبها وسار يتشوق لهالوريقات المفاجئة ..
بعدين قالت لنا انها لقيته يجمعها في صفحات دفتر، ملصقها ومحتفظ فيها ...كيوت
هذا اللي كنت أبغى أسمعه في النهاية
مايكتمل جمال الأفعال الحلوة إلا إذا لقيت تفاعل، أثر جميل، اممم اهتمام متبادل !
الله يديمها بينهم ويزيدهم اهتمام ومحبة .
ياريت ما أسمع إلا هالقصص الحلوة، مو الجانب المظلم وبس
التعديل الأخير تم بواسطة ShahrzaD; 17-05-2017, 11:13 PM.تعليق
-
رد: تغريدة صباح } ..
لا تظن أنك تفهم أحدا تماما من خلال موقع تواصل اجتماعي، هذه ليست نصيحة.
- حسين منصور
تعليق
-
رد: تغريدة صباح } ..
مت ! أو لتتركني أمت !
إختر مماتا أو حياة واختفي
لا تحي كالأشباح في....
- ميسون السويدان
تعليق
تعليق