اللي بعدو


كثير صراحات ما تحتاج أرد عليها بس وحده منها ضحكتني بجد
علقت على موضوع لأحد الأعضاء وجاني تعليق اني " أتودد "
ماجبت طاري هالموقف الا عشان أقول:
دود ياكل مخك المعفن ان شاء الله هههههههههههههههههه

معقوله كل عضو يمدح الثاني والا يتابعه بإهتمام يعني انه ناوي عليه نيه
مافي إعجاب باللي يقدمه ؟ والا بشخصه وفكره وإبداعه ..؟!
تفسيري لهذي النظره ولأصحابها انهم جياع إهتمام وعاطفه، وأشياء كثير مابجلس أفكر وأحلل أكثر. مو كل الناس مثلكم حبايبي :).

لو بأحب عضو من مشاركاته ومواضيعه وصداقتي معه مثلا ، بأحب ثاني وثالث ورابع .. لأن هذا مو حب حقيقي.. زي الفشفاش ، القطن ، الريش، خربوطي، أساسه ضعيف ولا تشوفو الصوره كامله فيه، فقط جزء منها. لذلك ما يدوم.
حبو لكن حبو شخص حولكم تشوفونه تعرفون اهله ومجتمعه، مو شخص بعيد ماتدرون عن شي الا عن محاسنه اللي يظهرها برغبته والكلام الحلو. قلوبكم أغلى ماتملكون ما تستاهل ترمونها بتجربه كذا زي اللعبه بيدين السفيه.

بقوم أفطر ميمتي الحب الكبير

من المره اللي فاتت وانتي مو فاهمه الجمله، مرت شهريار يعني زوجته
بس خلاص أنا عرفت خفة دمي فاشله مو قلت لكم اني أنفع مع المجردات أكثر من الأشخاص هههههههههههه ترا في أشياء كثيره غير اللي ذكرتها، ومنها خفة الدم الكذبيه .
المهم تراك دعيتي كثير لصاحبة آخر صراحه لا تنسين تدعيلي انا كمان دامي صارحت وحشيت وسويت اللي طلبتيه كله ما طلبتي نمدح طلبتي نصارح ونحش هههههههههههه
وبعدين الى متى وانتي تصلحين في ذا الكمبيوتر ترا زعلت يوم قلتي بتغيبين، جا الوسمي تروحين انتي، يعني هذا نظامكم ،، والله مازين

اللهم آمين جزاك الله كل خير .. ومن يقول يارب




توي كنت بمدونة لحن الوفاء
أحبك إنتي وعاشقة المطر رغم اني بعيده عنكم لكن لكم تقدير واحترام ومشاعر ما أعرف أوصفها، انتي في أرقى دور بالحياة، مثلا أنا لو أخذت دكتوراه وانجزت ما أنجزت في الحياة وكنت مؤثره زي ما أتمنى أكون، ما أشوفني أعظم من الأم وخصوصا اللي قايمه بدورها وحريصه وكرست وقتها وجهدها في نجاح بيتها ك شريكه ومربيه ومسؤوله، الله يبارك بجهودكم ويكون بعون كل أم
بصراحه ممتنه كثير لأمي لما أعطتني وقتها وجهدها وإهتمامها، تحملت عيوبي وعنادي وتوقف معي بكل وقت بدون ما تخليني أخاف أطلب وقفتها. والحمد لله انو شافت ثمر تعبها مهما أهديها وأحاول أسعدها مو مثل لما تسمع مدح الناس فينا وفي تربيتنا.. هذي اكبر هديه لها انو تشوف تعبها ما ضاع وعقبال عندكم :).

المهم حساب الصراحه مخليته عشان أتعلم منه، ما بشرح كثير لكن فيه دروس مفيده وأكيد فيه صراحات جميله والا شلته من زمان.
لا تبطي هربتتك نبغاك تسابقين فريق الهربته ومتشووقه كثير لمداخلاتك ومشاركاتك في الاراء اللي نناقشها ^.^
باقي أنة حرف ماخذه اجازه كبيره ما شبعت والا ايش ^^

مدري ليه مالي رغبه أشارك برأيي وكنت أفضل أقرأ رأي الباقين لكن ماشفت تعليق،
اذا مو شرط تبقى العلاقه للزواج اش راح تكون، صداقه والا حب ؟ وليه ماتكون تسليه وطرف صادق وطرف يتسلى ..؟
مدري مين اللي يسعد بحب (معلق) .. أشوفه حرمان
ممكن أكون دراميه شوي، وما أشوف العلاقه اللي كذا تنفع تكون بين الصداقه والحب..
لان لابد فيها وجع محد يرضى يكون حبيبه مجرد صديق، وان رضى بيكون حزين مو سعيد،
الحب مفروض يقوينا مو يضعفنا، ان اضعفنا معناته فيه خطأ بحق أنفسنا.
وطبعا أي علاقه مع كل البشر يفضل تنتهي بكل خير تبقى الموده والمعزه، والقلوب صافيه، للحفاظ على السلام الداخلي حتى لو كان الطرف الثاني غلط ، بعد زمن بتلاقون نفوسكم متأثره بأي علاقه انتهت بدون استسماح وتحليل.

والحب اللي ما يسعدك أتركه لوجه الحب :)






هذا طلبيه من نمشي
وعلى أساس اننا نختار، وعلى أساس ان الحب أختاره وأفعل هالمزايا، ليتها بهالسهوله.
توفيق وكلن على نيته يلقى توافيقه زي ماقال اللي قالها :)

دعوات طيف عابر
آمين اللهم آمين، ومن يقول والقارئين كلهم يارب
أحبج

ههههههههههههههههههههههههههههههههههههههههههههه
ختتتتتمتي الخبااااااااال ياطيف
أنا مثلك بأنحرف مصري على طول بس دقيقه أسوي شفت ألت وأغير اللغه.



يالله نبدأ بسم الله .. فعلو الصوت الحجازي بمخكم
أنا ادا جيت ابتكلم لازم تطلع معايه كلاكيع مالها آخر، يعني أحاول أهرج بلهجة وحده ماني عارفه كيف، في كل لهجة تطلعلي منوعات لهجات وهما لهجتين عندي المصريه والحوجازيه والجنوبيه غصب عني
اسمعو الحكايه، وانا دوبي جايه من عند ستيته وبست راسها ويدينها وسمعت ولد صغير يبكي وسألتها مين هادا ؟ ومين لبدوه ؟ ضحكت هيه ونادت المخرج عشان يصلح اللهجه الجنوبيه في الجملة السابقه هههههههههههههههه .
ما قلتللكم انا أحوب أغاني فوزي محسون لما يغني ويقول .. " فوق السطووحيي طير ينوحيي" والا " أهرج معايا بصراحه والا أوفر كلاااامي " يسلااام على الطرب الأصيل < طللعو الصاء الحوجازيه
الا صحيح ماتغديت والله من زمااان عن المنتووو واليغمش والدقه لااازم تكون ع السفره خصوصا مع الفووول وشااي تلقيمه كدا أكون رضيت وصحيت من همي

على فكره أمي تربت في مكه وعاشت هناك لين تزوجت أبويه، جت عند البدو هدولا ماتعرف اش يقولو، كانت تقول (وي!) ويضحكو، ومره طلبت ( فيونكه لونها بمبي) جلسو يلفو البيت وهما مو عارفين لا الفيونكه ولا البمبي ههههههههههه
أهم حاجه عرفتني على حلاوة اللدو وطبطاب الجنة والسمسميه وحاجات تجيب السكر بس بالمره طعمه وان شاء الله اسويها بنفسي p: يالله بروح لأمي وأخدلها شاي بالورد وأحكي معها حوجازي لما تضحك عليه وعلى جوناني.


اذا نجحت جيبولي عريس حجازي ليبرالي يخاف الله هههههههههههه

صباح الخيرات والمسرات

جاتنا هالأسبوع موظفه لتدعمنا كموظفات وتفيدنا بخبرتها السابقه،
وفي إجتماعها بفريقي قالت نصائح عامه ومنها انو في العمل لا تكونو صداقات عميقه،
لأن بوقت من الأوقات ممكن تسيري مديرة أو مسؤولة عن صديقاتك ويخرب الشغل بسبب علاقتكم، مثلا صديقتك تسبب لكم مشكله بأخطائها أو تقصيرها وما تقدرين تقولين لها أو ماتقدري تكوني صارمه معها وتتعاملي معها بالانذارات، وخطأ شخص بالفريق يتعاقب عليه الفريق كله.
معلومه استوقفتني طويلا.. رغم إني ما أشيل هم إدارتي للمواقف والأشخاص خصوصا بعد ما جربت نفسي فيها، لكن لازالت ترن في اذني ، أكيد فيه مواقف صعبه بين الأصدقاء في هذا الدور وخصوصا في الأوقات اللي ماتتحمل التساهل.

وحده من الفريق سارت صديقتي المقربه وكل شغلنا سوا ومسمين أنفسنا إتحاد القوه حتى بقروب الفريق بالواتس، الطالبات والموظفات مايدورون إلا إحنا الثنتين مايعترفون بالبقيه
آخر يوم رحنا إجتماع بقائدات المدارس عشان نعرفهم بالكليه وكنا إتحاد القوه فعلا ههههههه ، كنا جاهزين للاجتماع ولكن قبل ننطلق له داخت بنت ومارضت تصحى، طلبنا الاسعاف ووقفت أنا وصديقتي معها أثناء محاولة اسعافها لانو طلبنا المسعفين يحاولو قدر الامكان يصحوها عندنا ماياخذونها، وقتها ماكنت فاطره الا تمرتين وفجأه داخت هالبنت وشليت معهم وحطيت ف أثناء اسعاف الطالبه دخت ولكن مشيت لكرسي ودخت عليه وجابت لي وحده مويه وتمر وقهوه وورق عنب قلت ليتني دخت من زمان ههههههههه
انا خفت صراحه ان دوختي تطول ولا أحضر الاجتماع مع صديقتي لكن صحصحت الحمد لله ورحنا بعد ما خلص الاجتماع حقهم وبقي فقط فقرتنا أشوى جينا عليها ^^".

هنا ظهر جمال اتحاد القوه ، في طريقنا لغرفة الاجتماع قلت لها انتي جهزي البروجكتر وأنا بأبدأ بالكلام والمقدمه ولما يجهز البروجكتر بأبدأ العرض وانتي تنطلقي توزعي الأغراض اللي جبناها ، وهذا اللي حصل والحمد لله بشكل ممتاز ولا كأننا متأخرين ولاربكه ولا فوضى . مو دايم أخذ القياده دائم نتبادلها لأننا نكمل بعض .