تغريدة صباح } ..

**ShahrzaD** · 14-01-2017, 03:36 PM

رد: تغريدة صباح } ..

لاخر لحظة من عمري اقلك انت محبوبي
وحبك في دمي بيجري وطيفك نور في دروبي

ياريت
العمر يتوقف
على حالة هناا جنبك
نعيش فيها ولانخفف
من الشوق الى مايوصف
ونتهادى ورود الحب
ونروي فيها نشوة حب
واقلك "انت محبوبي"

حبيبي تعبت الايام تنادينا نسايرها
تعبنا وصحت الأحلام وفرصتنا في حاظرها
احبك يارشيق القد
احبك في اللقى والصد
احبك والدموع الخد
احبك مهما كان الرد
وانا في حالتي معذور بربك لاتلوم مجبور
انت منايا مطلوبي

يارتني
املك الافراح واتصرف بها وحدي
واعرف كم بقالي جراح
وكم ساعة هنا عندي
أخلي فرحنا دايم
وأخلي عمرنا هايم
وأقول للشوق مين انته ؟ توكل روح ياظالم
ونتهادى ورود الحب ونروي فيها نشوة قلب واقولك
" أنت محبوبي "

- ياحلو الحب في القصايد والورق.. أكثر من معمعة الواقع.

**ShahrzaD** · 17-01-2017, 07:48 PM

رد: تغريدة صباح } ..

يامساء الورد والفل والسعاده

البارح من دوامي طوالي لبيتنا واخذت اولاد أختي وسافرت بهم لخميس مشيط،
وانطلهم عندها وأستلم اختي الصغيره توها مخلصه امتحانات,
ومعي بنت خالي رفيقة السفر ووقفنا الثلاثه بأطلق مطعم بطريقنا ومافي حسابي الا ٣٠٠
لازم لما اسافر لأي حته أدخل مقهى والا مطعم أو مول، أي مكان أكون من زمان عنه،
أبغى أحس اني تمشيت مو أديت مهمه وبس، والله تعشيتا ذيك العشوه في جلسات خارجيه

الحمد لله وقتها كانت غدا عشا ماأكلت قبلها، ورجعنا البيت واخذت دش ونوووومه أجمل منها مفييش.

طبعا مع السواق يازين المشاوير، مع أخويه ما اسوي ولا شي يفيدني، بصعوبه يوافق يوقف لي عند بارن كفي أخذ كفي أخدع فيه مخي إني طلعت من الديره

..اوك اذا هو عجول انا عجوله أكثر منه لكن لازم أكافيء نفسي اني تلحلحت وسافرت ^^
يقول اش قصتك كل مارحنا خميس مشيط تطلبين كفي، قلت والله الود ودي اجيب معي ترمس وأقول عبي فل ياصديق

صراحه اللاتيه عندهم على مزاجي .

لا تقولون ليه ماتعرفي تترفهي الا بالاكل والشرب

مافي اماكن ترفيه تشبع حواسي..
والاسواق مايعجبني فيها العجب، اذا رحتها اصدع وخصوصا حقت خميس مشيط،
والكتب أحب أروح للمكتبات أتصفح وأقرأ جوا المكتبه ، لكن مين بيصبر علي ومايعجلني..
لكن المره قبل الاخيره لما رحت خميس مشيط شريت كتابين وكويس ان باقي الكتب ماهي متوفره، كويس عشان اقرأ اللي شريتهم قبل بعدين اشتري غيرهم،.

نقطه واخر السطر

زميلاتي كل شويه ياخذون اجازه ماشاء الله، بس اللي استغربه انه عندهم فقط ٣٠ يوم في السنه وياخذونها الثلاثين يوم كلها دفعه وحده ! حتى في وظيفتي السابقه كذا يتصرفو البنات مع اجازتهم. طيب من ثاني اسبوع بتمل وتطفش وتحتار اش تسوي في باقي الشهر.. والأغلب ماتكون عندهم مخططات لتحليل الاجازه تحليل صح.. لا سفر ولا خطط ولا شي.. كذا خساره ، لأن الاجازه لازم تخرجك من جو العمل والروتين والتعب والازعاج ، لازم تسوي شي عكس ايامك ايام الدوام،، ولكن اجازة الشهر كثيره ، انصح تكون الثلاثين يوم متجزئه.. ناخذ عشرة ايام مثلا كل فتره ، مش الشهر كامل مره وحده الا اذا كان عباره عن عدة مراحل من المتعه، جزء منه سفر، جزء منه مع العائله، جزء منه مساج استجمام أي شي :)

يالله جالسه اجمع اجازتي لين يسفروني برا، لو بإيدي أأجز في المالديف

يقولون أخواتي المالديف للمتزوجين وشهر العسل وكذا
أنا متزوجه أصلا ،، متزوجه وضيفتي وراتبي والله يخلينا لبعض

**ShahrzaD** · 20-01-2017, 05:20 PM

رد: تغريدة صباح } ..

السلام عليكم
طبتم وطابت جمعتكم

من صبح وأنا فاتحه هالمشاركه باسولف لكم لكن فيني كسل يجنن..
سعدت بخبر نجاح وزير السلطان وبدرجات عاليه مشرفه ماشاء الله
ما أجمل شعور الإنجاز والنجاح ،عقبال بقية الطلبه يارب

أختي من فرحتها بنجاحها تقول أحس بشعور التخرج هههههه من قوة كرف هالترم.

الحمد لله طلعت من فترة المرض بالسلامه، واشتقت لصوتي بعد انقطاعه فتره،
اكتشفت اني احب أغنيلي أكثر من أي هوايه ثانيه، فيه جيتار تركوه أخواني عندي،
لو كنت اعرف اعزف عليه اريح، ليتهم تركو بيانو مثلا

اذكر في المنطقه اللي فيها معهدي بأمريكا كان فيه بيانو محطوط في الشارع،
كل فتره يجلس عليه أحد الهواة والا محترفين ، امبسط اذا احد مسكه

ياجماعه تدرون ان دعاء السفر يعدل النفسيه... حتى لو ماعندكم سفر تحسو انكم مسافرين ^_^
جربو لما تركبو السياره تقولوه، خلاص تحسي بشعور اللي راجع من تمشيه،
على هالطاري أذكر مره في طيارة قطر احنا والأهل مسافرين لماليزيا، بجنبي أمي وعمتي وبدأ دعاء السفرفي الطياره وتفاجأنا انها قال بدايته وبس ،، ماكمل الدعاء، أمي وعمتي قالو يوه وين راح باقي الدعاء ههههههه قلت ماعليكم أنا بقوله ورددو معي ^_^ .. فيه جزء في الاخير علق معي نسيته .. سكتت شوي وهم ينتظروني.. قمت قلت وصل اللهم على سيدنا محمد وعلى آله وصحبه أجمعين

قالو أثرك زي اللي دعا قبل شويه ههههههه.. ماعندهم وقت على طول يسلخون الجبهه.

**ShahrzaD** · 20-01-2017, 05:37 PM

رد: تغريدة صباح } ..

‏اللهم ‏ارزقنا حلو الحياة وخير العطاء وسعة الرزق وراحة البال
‏ولباس العافية وحسن الخاتمة..
ربي إني استودعتك أدعية فاض بها قلبي فأستجبها لي يا كريم
اللهم بشرني بما يفرحني وأنت خير المبشرين..
‏اللهم ارحم من نسي اسمه وهجر قبره ، ولم يزره زائر ولم يذكره ذاكر ..

اللهم امين..

**ShahrzaD** · 21-01-2017, 03:08 PM

رد: تغريدة صباح } ..

" ‏أنا تعبت :
‏اشتاق واضيق واحن !
‏من ياخذ احساسي .. ويشتاق عني ؟ "

**ShahrzaD** · 21-01-2017, 04:22 PM

رد: تغريدة صباح } ..

السؤال يقول ..

هل حبيتو من قبل ؟ وهل خسرتو شي مقابل هالحب ؟

هالسؤال من مدونة تنهيده قرأته وماكنت في موود يسمح بخوض أي نقاش، وها أنا أعود له، وبعدين يوم تقولين جاوبو حتى لو في أنفسكم ، ياجده ياخراطه وش فايدة السؤال

الجواب حبيت وحلمت ورفرفت في أعلى السما ووقعت على وجهي .
جاوبت عشان أوصي القراء، لما تكون عقلاني وتقول مابسمح لقلبي يحب، وبحميه من اي تجربه مو مضمونه ومبهمه ، زي حلاتي قبل أحب، وجا من يغري عواطفك وقال ليه مانحلم والكلام الي بالافلام ليه مانحب وهذا حقنا.. اعرف انه شخص حالم وماعنده أكثر من الحلم. الا اذا تأكدت من روح المجازفه والمغامره عنده، والظروف ماتمنع اجتماعكم بالحلال . انا عارفه فيه جميع الأعمار تقريبا تقرأ لي وبعضكم بيقول هالموضوع مو مناسب للمراهقين، ولكن كل هالأعمار معرضه لهالتجربه ، ولابد من الوصايا. برضو لا تغترو بتحكمكم بعواطفكم، اللعابين واللي يتسلو مصيرهم يتعلقو بسبب التعود، ويذوقو مرارة النتيجه.
كلامي يعكس صوره سيئه عن اللي حبيته، لو هو نصيبي بكون ملكت الجنه، وما أتمنى غيره ، ولكن النصيب بيد رب العالمين.

واخر الكلام، بياعين الكلام مثل ذرات الأكسجين حولنا، الكلام سهل، بعكس الفعل.

**ShahrzaD** · 23-01-2017, 05:59 PM

رد: تغريدة صباح } ..

إلى الصفحة التاليه ...

**ShahrzaD** · 23-01-2017, 06:32 PM

رد: تغريدة صباح } ..

سلام سليم من قلب سليم

طيف ماسويت لك لايك لين تشبعين حواسي بالهربته .. وانتي راجعه جيبي عذر غياب معك < متأثره بشغلي

هالفتره مافي شوق لمدونتي رغم ان عندي تغاريد ممكن انزلها ك فقرتي المعتاده، ممكن منشغله بوجودوخيتي، مأجزه عندنا :)
أبشركم خلصت فترة التدريب الثلاث شهور ونجحت فيها الحمد لله والجو جو تبريكات بالعمل وكذا، ألحمد لله كما يليق بوجك وعظيم سلطانك

صحيح متورطه بضغط وحوسه لدرجة ان ذاكرتي تنضرب شوي، ولكنها نعمه تستحق الامتنان.

أهملت صحتي لفتره ، والان لازم ارجع انظم غذائي وأوقف عن الأكل القمامي وأكثر مويه، وشايله هم الصداع اللي يجي اذا تركت الغذاء الصناعي وخصوصا السكريات. اعراض الانسحاب لادمان السكر اعتقد .. تجيب الصداع وكمان الدايت يخلي الاخلاق للخشوم ههههههه أشوا الطالبات اجزو عشان مايروحون الضحيه، المهم امي بس لا يرتفع صوتي معها ، اذكر مره كنت اطبق ٣ايام اسمها تطهير، تكون دايت جامد يخلص الجسم من السموم وصراحه مو سهل ويخليكم تكونو عصبيين، ورفعت صوتي مع امي بعدين انتبهت وقلت معليش يا أمي كله من الدايت لا تقتربو مني لين استقر ههههههه اشوا مشتها ولكن ان شاء الله ماتنعاد.

يبغالي ابدأ بفكرة التطهيره هذي لانها تخلص الجسم من السموم وبعدها اقدر اتأقلم بسرعه بدون الاكل الغير صحي. بعلمكم طرق التطهير:
اللي اعرفها طريقتين.. اما انك تعيشي ٣ايام على عصيرات خضار فقط ومويه ... وهذي كانت الاصعب ولكن الأطلق تأثيرا على الصحه << ماخذه راحتي في التعبير الخربوطي
والطريقه الثانيه ( اول يوم فاكهة أو خضار ، ثاني يوم اختاري اللي مااكلتيه اليوم الاول.. يعني اذا كنتي ماكله خضار خلي اليوم الثاني فاكهة والعكس ، ثالث يوم كلي خضار وفاكهة سوا ) وأهم شي المويه والرياضه عشان تغسل الجسم وتستفيدون .

وش رايكم فيها

... اللي بيجربونها علموني بتجربتكم

**ShahrzaD** · 25-01-2017, 06:39 PM

رد: تغريدة صباح } ..

موود يتكرر علي ويوصلني لمدونتي دايم وما اطلع بنتيجه،
ألا وهو موود الرغبه بالتعبير العاطفي شعرا أو نثرا،
ولكن ماتسعفني الحروف والكلمات وارجع أقفل كل شي.

**ShahrzaD** · 25-01-2017, 08:27 PM

رد: تغريدة صباح } ..

الأفلام اللي وعدتكم انزلها بعد الامتحانات

The accountant
للفنان Ben Affleck
رجل بالغ وخبير في المحاسبه ولكن عنده توحد..! جميل :)
الاعلان حقه مايحمسك للفلم ولكن الفلم رائع.

a hard day
فلم كوري لشرطي عاش كابوس ع الواقع .. اكشن جامد.

The terror live 2013
برضو كوري عن مذيع يتصل عليه ارهابي وبرضو يعيش كابوس أردى من اللي قبله.

Whiplash
فلم كله عن شاب طموح في مجال الموسيقى وخصوصا الايقاع والطبل، وما أحكيلكم أكثر عشان ما أحرق القصه ولكن فيها دروووس روعه، حبيت الفلم من كل قلبي.

كلها أفلام نظيفه ومناسبه للعائله
اعطوني رأياتكون بعد ما تشوفوها :)

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget