( رواية من حب عفوي الى حب جنوني ) للكاتبه ( عقد اللؤلؤ ). (كامله)

تقليص
X
تقليص
 
  • الصفحة لـ 28
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 11 12 13 28 template التالي
  • عقد اللؤلؤ
    عضو متألق
    • May 2011
    • 282
    #21
    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

    السلام عليكم ...

    اسفة لانقطاعي المفاجئ عن تكملة الروايه ...

    احببت ان اعود واكملها ... فهل هناك من مشجع ومرحب

      تعليق

      • مزمز
        عضو ماسي
        • May 2011
        • 1087
        •
        #22
        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

        وعليكم السلام
        ياهلا وغلا تو مانور المنتدى
        حمدالله على سلمتك
        حبيبتي خذي راحتك اهم شي انك بخير
        ربي يوفقك ويسعدك ان شالله
        بصراحه مررره متحمسه على ارويه متابعه لك استمري..

          تعليق

          • الكاتبة ساندرا
            كاتبة روايات
            • Mar 2011
            • 6266
            #23
            رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...



            هلابشش يابهجة الدنيا..
            اكييد نبضي..

            أنا من مشجعينك والاعضاء مهوب مقصرين يالمزيونةة..

            =))

              تعليق

              • عقد اللؤلؤ
                عضو متألق
                • May 2011
                • 282
                #24
                رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                مزمز , ساندرا

                ربي يسعدكم ... ومشكورات على الردود الذوق

                يالله انقلوا الروايه من هنا .... سننطلق ان شاء الله

                  تعليق

                  • عقد اللؤلؤ
                    عضو متألق
                    • May 2011
                    • 282
                    #25
                    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                    <<<<<<<<<<<<<<<<<<<<<<<<<<<<<<<<<

                    الجزء الثالث
                    <<<<<<<<<<<<<<<<<<<<<<<<<<<<<<<<<

                    ......................... في لندن

                    بتال ..في شقة صغيرة معاه اثنين من الإمارات و واحد من الكويت .... نايم على سريرة ويفكر في جده وأهله و صاحبه ...
                    "ياه قد ايش الغربه صعبه .. وخاصة ان رمضان يجي ولا تشوف اهلك ... يا ربي كيف اجل لو جاء العيد .. " .. مسح على وجه بقوه ومررها على شعره ..." ما ادري ايش بيصير فيني ..."..قطع عليه أفكاره ..
                    حمد :بتال اشدعوه يخوي .."جلس على طرف السرير" ... وش هالحزن مخيم عليك اليوم ...
                    بتال "جلس بكسل": .. الغربه صعبه والله صعبه يا حمد ..
                    حمد : بتتعود بتتعود ... كلنا صار لنا نفسك بس عدينا هالمرحله ..
                    بتال "هز راسه ": صادق ... لازم اتعود ...
                    حمد "حط يده على كتفه ": يالله قوم توضاء شوي ويأذن ..
                    بتال "بحزن": اول يوم في رمضان بدون اهلي ...
                    حمد : .. تعوذ من الشيطان .. ويالله قوم .. واذا تبغى اهلك كلمهم وارتاح .."وقف" .. يالله انا بسبقك لا تتأخر علينا ..احمد و راشد ينتظرونا ...

                    .............................................

                    ثاني أيام رمضان والساعة 2 الظهر... وأم بتال وأم روضه وسميرة في شقة أم روضه .. تجهزوا للعمرة ... ولابسات العبايات... استأجروا تاكسي وهو ينتظرهم برا العمارة ...

                    أم روضه "توصي بنتها": .. ولا تفتحي الباب لأحد..
                    روضه "بملل": طايب ...طايب ...
                    ام روضه : ولا تنامي وفيه شي على النار ...
                    روضه "بملل": يماه خلاص من أمس وأنتي توصي علي ... كلها 12 ساعة وأنتي عندي إن شاء الله ..
                    سميرة : المشكلة لك سوابق أخت روضه ...
                    روضه "بحرج": .. هذيك المرة اعتمدت على أمي بس هالمره لا ما عليكم ما بنام ...
                    ام بتال : ولو سبحان الله احتجتي لنا وإلا شي .. رقم جوال سميرة تعرفيه ...
                    روضه "زفرت بقوه": إيه اعرفه
                    سميرة : أنتي كاتبته عندك وإلا اكتبه لك ..؟!
                    روضه ..."سحبت شعرها"..: ...تراكم جننتوني ... ايش رأيكم اخذ عباتي وأجي معاكم ...
                    ام روضه : خلاص خلاص بس انتبهي يا بنتي ..."وقربت منها تسلم عليها "..
                    روضه .. سلمت على أمها وخالتها مزنه وسميرة ....
                    وسميرة وهي وطالعه ...
                    سميرة : امسكي ..."عطتها مفتاح "...هذا مفتاح شقتنا خليهم معاك ..
                    روضه : وش ابغى بمفتاح شقتكم .. لا لا ماله داعي ...
                    سميرة : يمكن نتأخر شوي ... وبعدين فرصه كلمي بتال ...
                    روضه "بفرح": .. والله بيكلم اليوم ...
                    سميرة : ايه .. اخذ له تلفون في الشقه مع الشباب .. وعطانا رقمه .. بتلاقيه في دفتر الأرقام .. جنب التلفون ...
                    ام بتال "وهي نازله الدرج":.. يالله يا سميرة ..
                    سميرة "تلف على امها ":.. طيب جايه يا امي ..."ورجعت تلف على روضه"... فهمتي ... ولا تنسين بعد تسوين لنا السحور اكيد بنرجع هلكانين تعب وجوع .."تتغطى "... يالله مع السلامه
                    روضه :أأأ ط طيب باي وقت اكلم بتال ..؟!
                    سميرة "وهي طالعه ": .. من الساعه 8 الى 10... باي ..
                    روضه : مع السلامة ..."ترفع صوتها عشان يسمعوها".. وكلموني اذا وصلتوا الحرم ...

                    قفلت الباب .. وهي مبتسمه ... أخيرا لوحدي بالبيت .. لا إزعاج ولا شي .. اممممم ايش بسوي فطور ايش بسوي ... كل اللي امي منعتني منها ... اولها السمبوسه باقليها بالزيت مو حلوة في الفرن .."متجهه للمطبخ .. وهي تفكر".. وكمان لقمة القاضي ..وقطايف ... و "دخلت المطبخ.." .. بس اول اشوف فيه مقادير والا لا ... فتحت الثلاجه ... وتفاجأة ..."واو.. من وين جاء هالاكل كله .." ..طلعت امها مسويه لها قطايف وسمبوسه جاهزة وسندوتشات بالدجاج .. وشوربه.. وحلى .. ومدخلتها الثلاجه .. وما علي روضه الا تسخنها وبس ..."دمعت عيونها "يا قلبي يممه .. وربي انك الوحيده اللي تحس فيني ...عساني ما ابكيك يارب ...

                    وراحت تركض لعند التلفون .. ودقت على جوال سميرة ..
                    سميرة "في التاكسي ورى بين امها ومنيرة": الوو .. هلا روضه ...
                    روضه : هلا سميرة ...
                    سميرة : مسرع اشتقتي لي ..."وتضحك"..
                    روضه "بسخريه": ايه مرره ....بعدين لاتضحكين يسمعك راعي التكسي .. ويجي يخطبك .. شكله حلو ..صح..؟!
                    سميرة : و ينه و وين الحلاة ... "توطي صوتها "شايب اقرع مجعد ..لابس نظارات .... "رفعت صوتها"..هاه ايش رايك..
                    روضه : اموووت بالملامح القويه .."وضحكت من قلب"...
                    سميرة : يالوسخه ... تعالي قولي لي وش عندك متصله ...؟!
                    روضه : ابي اكلم امي عطيني هي ...
                    سميرة "عطت ام روضه الجوال ":.... خالتي .. روضه تبي تكلمك ..
                    ام روضه : هاه روضه .. خير يا بنتي ...
                    روضه : انتي الخير كله .. يمماه ليه سويتي كذا ...
                    ام روضه "ابتسمت": أجل فتحتي الثلاجه ... اعرفك بنتي ..
                    روضه "بحرج": هذا انتي قلتيها تعرفيني ... ايه فتحتها وعجبتني الطبخات .. عساني ما انحرم منك يارب .. والله يخليك لي ...
                    ام روضه : هالمرة اخر مرة اقول لك فيها كلي ولا تاكلين .. صرتي كبيرة وتعرفي مصلحتك ...
                    روضه : ايه يممه ما عليك بسوي بعد اسبوع رجيم ... عشان العيد ..
                    ام روضه "بدون تصديق": ان شاء الله يممه ... خلاص يمه مقدر اطول معاك اكثر من كذا ... يالله توصي شي ...
                    روضه : سلامتك ... وادعي لي يمه بالحرم انحف ...
                    ام روضه "ضحكت":طيب ابشري ... يالله مع السلامه ...
                    روضه : مع السلامه ....

                    قفلت روضه من امها وهي مبسووطه تحس كل شي تمنته اليوم تسهل .. رجعت ظهرها لورا .. وغمضت عيونها "ايش تسوي يا روضه.. ايش تسوي ..اها.. بروح انام لي شوي ... لسى كثير على العصر ..." .. و وقفت بكسل وراحت لغرفتها ...

                    ................................

                    في التاكسي .....
                    لاحظوا على صاحب التاكسي انه مرتبك ويطالع يمين ويسار ...ويهدي السرعه ومره يزيد السرعه ...
                    سميرة " ... تقدمت شوي لحد ما قربت منه ":.. ياعم خير وش فيه ..؟!
                    صاحب التاكسي "بارتباك" :.. ولا شي ولا شي تطمنوا ...
                    سميرة : اذا فيه مشكله بالتاكسي .. بننزل وناخذ تاكسي ثاني ...
                    صاحب التاكسي "عصب": .. اقول ريحيني من هذرتك الزايده .. اسكتي مثل اللي معك .. وارجعي ورى يالله ... ماني ناقصك ..
                    سميرة "عصبت منه .. ورجعت ورى ":... طيب وهذاني رجعت .. ورني ايش بتسوي ...
                    ام بتال : خير وش فيه يا سميرة ...؟!
                    سميرة : وش عرفني يمه عصب علي ...
                    ام روضه : .. ما عليك يا بنتي بعض الرجال ما يحبون احد يكلمهم وهم مشغولين ..وشوفي الطريق زحمه بعد ...
                    ام بتال : أي والله .. اول مرة اشوف الخط السريع بهالشكل .. كأن كل اهل جده رايحين مكه ...
                    سميرة "وبالها مشغول ":.. بس لو في السيارة شي المفروض يوقف او يخبرنا اويطلب احد يساعدنا ... الشرطه يا كثرها على الطريق...
                    ام بتال : الله يوصلنا بالسلامة يارب ..."رفعت صوتها ".. اقول يمدينا نصلي العصر في الحرم ...
                    صاحب التاكسي :...قولي ان شاء الله ... بس اسكتوا عني شوي تراكم توتروني ...
                    ام بتال : طيب طيب .. بنسكت ..
                    سميرة : وش فيه هذا بس ينافخ علينا ... كانه بيودينا ببلاش ...
                    ام بتال "تدقها في كتفها ":.. اسكتي خلاص ... ادعي واستغفري حتى نوصل ...

                      تعليق

                      • عقد اللؤلؤ
                        عضو متألق
                        • May 2011
                        • 282
                        #26
                        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                        .....................................


                        روضه .. صحيت من النوم .. توضت وصلت العصر ...وبكل حماس راحت للمطبخ .. وطلعت كل الصواني من الثلاجه .. وبدات تسوي لها فطور ملكي على قولها ... ما حست بالوقت الا لما اذن للمغرب ... وبسرعه اخذت اللي قدرت عليه في صحن كبير ... .. ومعاه عصير ...وراحت تركض للصاله ... جلست وأخذت الريموت وحط على قناة القران .. وبدأت تفطر ...
                        روضه "مركزة على التلفزيون":... وين بلاقي ثلاث حريم ثلاث حريم .. وحده متينه وثنتين نحاف .."امها وسميرة نحاف .. وام بتال سمينه "... ايوا ايوا هذولا..."اخذت قطعه من القطايف" ... باقي يطوفون الكسلانات ..."وتضحك " ... لا لا مو هما .. لا بسات نقاب هذولا .."تشرب عصير".. ومحد لبس منهم نقاب لانه ما يجوز في العمره .. ".تشرب شوربه "... يمكن في السعي ... ايه اكيد .. او يمكن خلصوا العمره وجالسات في التوسعه..."تاخذ سمبوسه"... بس ليه جوال سميرة خارج التغطيه ... معقول مافيه ارسال في الحرم ...!!! غريبه ...!!! ..."طالعت في الساعه ".. يؤؤ الساعه 7 باقي ساعه على موعد مكالمة بتال .... بروح أصلي ...


                        صلت المغرب ... ورجعت تكمل باقي فطورها ... وهي تراقب الساعه ... خلصت من الاكل ورجعت ظهرها على ورى وتكت وهي حاطة يدها على بطنها .."أه يا بطني ... بانفجر .... الله يسعدك يا امي اكلك لذيذ لا يقاوم "... طالعت في الساعه ..." 8 الا ربع باقي ربع ساعه يا دوب ارجع الاكل للمطبخ .. واروح لشقة خالتي ام بتال ...".. تضرب على ارجولها بشكل خفيف تشجع نفسها .."يالله يالله يا روضه قومي .. تحركي "..وقامت بكسل واللي خلاها تقوم تفكيرها في بتال .. عشان لا ينشغل باله على امه واخته .. تركت الصحون في المطبخ بشكل مو مرتب ... وراحت للغرفه أخذت عباتها .. وهي طالعه من غرفتها ...

                        رن التلفون ... تطالع فيه بكسل .. "والله ما ارد ... بروح اكلم بتال .. وارجع انام ".. تتثاوب ...رن التلفون مرة ثانيه .." .. بلا تلفون بلا هم "... وطلعت من شقتهم بعد ما اخذت مفتاح شقة ام بتال .. وراحت للشقة وفتحت الباب .. حست بشعور غريب ... " أول مرة ادخل الشقه وهي فاضيه ...".. دخلت وسكرت الباب .. وفصخت عباتها .." يووه جد تخوف .."طالعت في الساعه .." .. يالله ما علينا ...صارت 8 وخمس ...اممم اكلمه وإلا انتظره ...لا لا بكلمه وربي تعبانه ودايخه نوم ..."........... راحت لمجلس الحريم ... شغلت اللمبات .. وجلست جنب التلفون .. وفتحت دفتر الأرقام ... دورت لرقم بتال .. وحصلته بأول صفحه .. وابتسمت .. وهي تقرا اللي مكتوب ...

                        "روضوه يا دوبا .. هذا رقم بتال طيب... سلمي لنا عليه كثير السلام ... قولي سميرة وامك يسلمون عليك .. وحتى خالتي منيرة .. ادري فيها تمووت فيه .. روضوه لا تطولين معاه وتخسرينا ... ترى انتي اللي بتدفعين الفاتورة ... لا والله روضه فداك فلوس الدنيا كلها ..شوفي ترى بدعي ربي لك بالحرم انك تصيرين أحلى وحده ويصير جسمك مثل ملكات الجمال .. "

                        روضه "تضحك ..مع كله كلمة قرتها ":.. الله يسعدك يا سمورة .. محد يعرفني في الدنيا مثلك ...اووه نسيت بتال ... يالله بدق عليه ...

                        دقت الرقم وهي حاسة بفرحه كبير جواتها ... جاها الرد ...
                        : ألوو ..
                        روضه "ارتبكت" : .. أأ السلام عليكم ... بتال موجود ..
                        : مين انتي ؟!
                        روضه "فتحت عيونها ": وش عليك مين انا ... "بعصبيه"... بتال فيه وإلا لا ..؟!
                        : "يضحك بقوه" ... والله اشتقت لعصبيتك يا دبدوبه ...
                        روضه "تحاول تستوعب": ... ب بتال ..؟!
                        بتال : ايه .."يقلدها"..ب بتال ..."ضحك".. يا حيا الله هالصوت .. كيفك روضه ...؟!
                        روضه : الله يسلمك ... بس ليه كذا تلعب بأعصابي ...
                        بتال "ضحك": ... بصراحة .. والله ما عرفت صوتك أول ما سمعتك ...
                        روضه : للأحسن وإلا ...؟!
                        بتال : لا طبعا .. للأحسن ... بالله كم كيلو نقصتي ...شكلك ما تأكلين في رمضان شي ... مسويه رجيم
                        روضه "تتذكر فطورها ... وبحرج":..أ ايه ما أكل خففت...
                        بتال : ترى أنتي روضه الدبدوبه ما راح تتغيري لو تجلسي سنه ما تأكلي ..."وضحك "...
                        روضه "بلا اهتمام":.. خلك مني الحين ... أنت كيف رمضان معاك ؟!
                        بتال "بحزن واضح في صوته ":... والله صعب .. قد ما توقعته صعب طلع أصعب .... تخيلي رمضان يمر بدون ما تجتمعي مع اهلك .. والله بيني وبينك .. ماني متخيل كيف راح تمر علي أيام العيد ... إذا رمضان ما تحملت كيف العيد ...
                        روضه "حزنت عليه": ما عليك تهون ... متى راح يعطوك إجازة .؟!
                        بتال : لسنه كاملة ما اقدر اطلب إجازة ... أنتي عارفه عشان ترتيب الجدول والمحاضرات ..
                        روضه : الله يوفقك يارب ...
                        بتال : .. أهلي راحوا يأخذون عمره ..؟!
                        روضه : ايه ومعاهم امي ...وكلهم يسلمون عليك ..
                        بتال "بنذاله ": وانتي ليه ما رحتي معاهم ..."ضحك" ..عندك عذر ..
                        روضه "انحرجت": .. لا .. عشان بكرة مراجعتي في المستشفى .." بعصبيه تغطي حرجها " .. مو انت اللي سويت لي الموعد ..
                        بتال "وهو كاتم ضحكته ": .. طيب ليه معصبه ... انا قلت شي غلط ..
                        روضه : لا ...
                        بتال :.."ضحك بقوه"... والله انك تحفه ... يا بنت انا مثل أخوك ...
                        روضه "بعصبيه" : وانا وش قلت يعني أنت خالي ...
                        بتال : طيب ما علينا ... انتي لوحدك في بيتنا ...
                        روضه : أكيد لوحدي ...
                        بتال "رجع صوته الجدي": .. انتبهي لنفسك طيب ....
                        روضه : طيب ... وانت كمان انتبه لنفسك ...
                        بتال : ان شاء الله ... لو عندك في الشقة دي اس ال ... كان تكلمنا مع بعض صوت وصورة ...
                        روضه "فاتحه فمها.. مو فاهمه شي ":.. هاه ... ايه ايه صح ...
                        بتال "ضحك بقووه": ... اقول يا ويلك اجي بعد سنه ما الاقيك اخذتي دورة كمبيوتر ...انت فاضيه في البيت روحي استفيدي ...
                        روضه "بملل":.. طيب .. طيب... باقي شي تبغى توصي عليه ... ترى ما ابغى اطول على تلفونكم ... سميرة متوعدتني لو جت الفاتورة مرتفعه ...
                        بتال : اها .. اجل خوف من سميرة هاه...
                        روضه : أي والله .. من وين يا حسرة اجيب لها فلوس لو طلبتني ...
                        بتال "بحزم": روضه ... اذا محتاجه شي تكلمي لا يردك الا لسانك ... فيه عندكم صديقي يزيد ما راح يقصر معاكم ...
                        روضه "ضربت جبهتها": .. لا لا وين راح تفكيرك ... ترى امزح ..
                        بتال :تمزحين هاه .. المهم رقم يزيد عند سميرة ... انتو كلموه وهو يتصرف ... تراه مثل اخوي ...
                        روضه "ضحكت":.. كل الناس مثل اختك ومثل اخوك ...
                        بتال : تتريقين هاه يالدبا ...
                        روضه : يالله بتال ..طولت ... توصي شي ...
                        بتال : لا سلامتك ... بس لا تقطعوني طيب. .. وقولي لامي وسميرة يكلموني بكرة ..
                        روضه : طيب يا بتال ... يالله مع السلامه ...
                        بتال : مع السلامه ..

                        قفلت من بتال .. رجعت ظهرها لورى .. وميلت راسها .. ابتسمت وغمضت عيونها ... وبدون ما تحس نامت ..

                        فجاة وهي غاطة بالنوم دق تلفون بيت ام بتال ... فتحت عيونها مفجوعه ... تلفت يمين يسار تحاول تستوعب هي وين ... لحد ما تذكرت انها في شقة ام بتال .. طالعت الساعه لقيتها الساعه 10 ونص ... شافت التلفون ما زال يدق ... لمت عباتها وطرحتها ولبستها بسرعه بشكل مهمل وقفلت اللمبات وطلعت من الشقه وهي مربوشه ..
                        دخلت شقتهم وهي متصربعه ... فكت الغطوه ... قفلت الباب .. وجلست وراه في الارض .. مددت ارجولها .. وهي تتنفس بشكل سريع ... حطت يدها على صدرها .. وهي تبلع ريقها ... " بسم الله .. بسم الله ... كيف نمت ما حسيت بنفسي ... كل هالوقت ... صدق غبيه"... ضحكت بقوه .. "انا الحين ليه خفت وتصربعت .. والله لو احد شافني بيقول حراميه "..رجعت تضحك بشكل اقوى .... وتمسح دموعها اللي نزلت من كثرة الضحك ....
                        اللي خلاها توقف عن الضحك ... رنة تلفون شقتهم .. "يوووه وش فيها هالتلفونات .. مسويه لي رعب ..." .. توقف بصعوبه بسبب زيادة زونها وعباتها عليها وطرحتها مرميه على كتفها .... و بخطوات ثقيله رايحه للصاله...والتلفون ما زال يرن..".. اذا جت امي لازم اقول لها شتري لي جوال .. وتوبه ارد على التلفون بعد كذا ..".. وصلت عند التلفون وجلست على الكنبه ....ومسكت السماعه ..."الوو .."
                        :... هذا منزل مزنه عبد الرحمن ..؟!
                        روضه "بملل": .. لا الرقم غلط ... "قفلت السماع على طووول ".. اخرتها طلع غلطان .."حكت راسها بكسل .. وجت بتوقف .. "

                        >>>> التلفون يرن <<<<

                        روضه "رجعت جلست":.. يعني وبعدين مع هالتلفونات اليوم .."رفعت السماعه".. نعم ..؟!
                        : يا اختي انا اسف بس هذا منزل م....
                        روضه "بعصبيه": وبعدين معاك .. قلنا الرقم غلط ...
                        "وبسرعه قبل لا تقفل": يا اختي معاك مستشفى النور بمكه .. "رجعت السماعه لاذنها " ...وانا ابغى اوصل لحد يعرف مزنه عبد الرحمن او .. سميرة سعود ... او .. منيرة سالم ..؟!
                        روضه "هديت ملامح وجهها .. وتحولت من العصبيه الى الخوف .. ": .. م م مس تش فى ...!! .."فتحت عيونها وكانها مو مستوعبه "..
                        : ايه ت....
                        روضه "قاطعته بسرعه وكانها توها تستوعب": ايه ايه .. ايش فيهم .. ايش صار لهم .."وقفت .. وهي تصارخ .. وتحرك يدها بكل اتجاه".. وين امي وخالتي وسميرة ...عطني اياهم ابغي اكلمهم ..
                        : يا اختي صلى على النبي .. اذا فيه رجال بالبيت اقدر اتفاهم معاه ..لو سمحتي عطيني هو ..
                        روضه "وهي تشد على جبهتها.. وبعصبيه ":.. مافيه احد مافيه .. قولي وش صار لهم ...تكلم ...
                        : صار لهم حادث ..
                        روضه "مفتحه عيونها": ايششش ..!!
                        : اذا تقدري تعالي انتي على المستشفى مع اني افضل شخص كبير معاك ...

                        رمت روضه السماعه على الأرض وهي تحاول تستوعب اللي سمعته .. وقفت لدقيقه بدون لاحركه ولا رمش ولا نفس كأنها دهر ... وبعدها تحركت لباب الشقه بشكل هستيري وسريع وهي تصرخ باعلى صوتها .."يماه ... يماه"..وفتحت الباب وطلعت للدرج وهي تصارخ وتبكي ..."الحقووووني امي بالمستشفى .. يا ناس .. " ... تطالع بالادوار اللي فوق وهي ماسكه الدربزان بنظرات تائهه ومليانه دموع .."وييينكم ؟؟!!!" ... وبصوت أعلى "خالتي ام محمد .. خالتي ام ثامر .."وبدا صوتها يضعف ..وهي تجلس بشويش على الارض ".. خديجه .. كوثر.. الحقوووني امي بالمستشفى هي وخالتي مزنه وسميرة "... بكت بقووووه .."اه"

                        نزل ابو محمد يركض و وراه ولده محمد وهم لابسين ثياب الحر .. ابو محمد كمل نزوله عندها أما محمد لما شافها بدون غطاء وقف بأعلى الدرج ..
                        ابو محمد "بارتباك وخوف":.. خير يا بنتي وش فيك ؟
                        روضه"تحاول تتماسك ": المستشفى ... المستشفى كلموني يقولون امي وخالتي مزنه صار عليهم حادث .. "تبكي بقوه".. الله يخليك ودني لهم ابغى اشوفهم ...

                        محمد وهو واقف باعلى الدرج سمع ايش قالت روضه لابوه وطلع ركض يخبر أمه وخواته ...

                        ابو محمد "يحاول يفهم منها .. وهو يرجع الطرحه على راسها": وين بأي مستشفى .. ومتى صار هالكلام..
                        روضه "تمسك طرحتها على شعرها":أأ اليوم.. راحوا ياخذون عمره .. و و واحد كلمني وقال لي هم في مستشفى النور ..
                        ابو محمد : بمكه هاه ؟!
                        روضه "تهز راسها ": ايه ..."تمسح دموعها".. ابغى اروح لهم يا عمي ..

                        نزلت ام محمد وبنتها خديجه وهما لابسات عبيهم بشكل سريع بعد ما قال لهم محمد اللي سمعه من روضه وهي تخبر ابوه.. روضه بس شافتهم .. زادت بكاء وهي تنادي على امها ...
                        ووقفتها ام محمد بمساعده خديجه بنتها واخذتها في حضنها ودخلتها شقتها ..بما انها الأقرب ..
                        ابو محمد "يكلم بنته قبل لاتدخل شقة ام روضه":خديجه .. خلوكم هنا بشقتهم ..بروح اغير ملابسي.. ونروح مع البنت نشوف الوضع كيف بالمستشفى ..
                        خديجه : طيب يا يبه .. بس انا وامي راح نجي معاكم ..
                        ابو محمد "هز راسه بالموافقه ":الله يجيب العواقب سليمه يا بنتي .."وطلع الدرج متجهه لشقته وهو يردد".. الله يستر .. الله يستر ..

                          تعليق

                          • عقد اللؤلؤ
                            عضو متألق
                            • May 2011
                            • 282
                            #27
                            رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                            .................................................. ...


                            في مستشفى النور بمكه .....
                            صاحب التاكسي .. اعطى كل اللي يعرفه من معلومات عن ام بتال وسميرة وام روضه للشرطه.. وترك عنوانه ورقم تلفونه وراح لبيته ...

                            ..................... في لندن ...
                            دخل حمد على بتال اللي لسى نايم ..
                            حمد"وهو يطالع في ساعته":..بتال ... بتال يالله قوم تأخرنا ... بتال...
                            بتال "بكسل":همممممم...
                            حمد : يالله قوم يامعود .. بنتاخر على المحاضرات ...
                            بتال "يشيل البطانيه من عليه بكسل": طيب ..طيب .."جلس".. يعني بالله صايمين وبرد حرام عليهم مايعطونا إجازة ..
                            حمد "يضحك":.. بالله في لندن ويعطوك اجازة عشانك صايم..؟! ههههههه..وانت مداوم بس من شهرين..؟! والله انك عجيب ياخي .. "طالعه بنظرات جديه".. هاه صحيت خلاص ...؟
                            بتال"بكسل" : ايه .. ايه ... خلاص روحوا وانا بلحقكم ..


                            ..............................في مستشفى النور
                            دخلت روضه ومعاها ام محمد وابو محمد ومحمد وخديجه .. وفي الاستقبال ...
                            ابو محمد "يلف على بنته خديجه.. وبصوت واطي ":خذي روضه وامك واجلسوا في انتظار النساء ...
                            خديجه : يبه روضه رافضه تروح تقول تبغى تعرف امها بأي غرفه ..؟!
                            محمد خلاص يبه خلهم واقفين نسأل عن رقم الغرفه وانتهينا ..
                            ابو محمد "باستسلام": امري لله .. "وقرب من موظف الاستقبال ".. لو سمحت جانا اتصال منكم ان فيه ثلاث حريم موجودات عندكم ..مدري صار عليهم حادث والا ايش بالضبط يا ولدي ..
                            الموظف :طيب ممكن تعطيني اسمائهم ..؟
                            روضه "تقدمت بسرعه":منيرة سالم وسميرة سعود ومزنه عبدالرحمن ؟
                            الموظف "طالع شوي بالكمبيوتر قدامه .. وطالع فيهم مستفهم": وانتو ايش تقربون لهم ؟
                            روضه : امي .. امي هذي مع جيراننا ..
                            الموظف :خير خير ان شاء الله .. دقايق بس "اخذ سماعه التلفون تكلم شوي بصوت واطي .. وقفل .. وطالع فيهم وابتسم".. دقايق وجاي الدكتور ..


                            ................................ لندن
                            طلع بتال من المحاضرة بعد ما لبس جكيته الاسود الطويل .. ومشى بملل على اول كرسي صادفه في حديقة الجامعة ...لحقه حمد وجلس جنبه ..
                            حمد "يطالع فيه": بتال وش فيك ياخوي .. شكلك اليوم متغير ... وين حماسك ونشاطك ..؟!
                            بتال "يحك راسه":والله مدري ايش فيني اليوم أحس إني ... إني "وياشر على صدره.."..إني مكتوووووم ..
                            حمد "بخوف":انت تعبان ..؟! تبي اوديك المستشفى .."وقف وهو ساحب يد بتال معاه"..قوم قوم معاي..
                            بتال "بملل": ياحمد وين اقوم معاك ..!!...فكني الله يرحم والديك "سحب يده"اتركني بحالي ..
                            حمد: طيب .. بتركك الحين بس إذا رجعنا للشقه ماني بتاركك فاهم .. يالله باي .."ولف رايح عن بتال"...
                            بتال "يطالع فيه وهو ماشي ويبعد عنه": وينك يا يزيد وينك ... وربي فاقدك...

                            .....................................

                            في مستشفى النور ..

                            ابو محمد "يطالع في الدكتور بحزن":أيششششش ؟؟!!! .. أيشش تقول يا دكتور ...
                            الدكتور : مثل ما قلت لك .. توفين جميعا الثلاث نساء ..
                            ابو محمد "يهز راسه":.. لا حول ولا قوة الا بالله ... إنا لله وإنا اليه راجعون ...
                            روضه انتبهت لشكل ابو محمد قربت منهم بدون ما ينتبهوا لها .. وهي تراقب بتركيز...
                            محمد : كيف يا دكتور ايش صار لهم .. حادث ؟
                            الدكتور : حادث سير.. نزلوا من التاكسي لما تعطل فيهم وهم يقطعون الشارع فيه شاحنه تحمل حديد تسوق بسرعه شوي عاليه .. ما انتبهت لهم .. صدمتهم بقوه ... وفارقوا الحياة كلهم قبل يوصلوا الى المستشفى ...
                            روضه " تدخل بين الدكتور وابو محمد بشكل سريع وتصرخ بقووه ":... لا..أيش تقووول ... مأأأأأتووو ... لا أكيد غلطان..."تبكي بقووه"..غلطان ...
                            ام محمد "قربت منها وتمسكها هي وبنتها ":.. بسم الله عليك يا بنتي .. وش فيك .. مين اللي ماتوو...
                            روضه"الدموع تنزل على خدودها بدون صوت .. وسحبت الغطوه من على وجهها .. وتتنفس بصعووبه":.. أمي ... أمي ... وينها ابغاها ..."طاحت على ركبتها".. تكفوون جيبوا لي امي ... يماه "وبصوت اعلى".. يماه لا تتركيني ... يماه ماعندي غيرك..
                            خديجه " تبكي معاها":.. روضه قومي خلاص ... تعوذي من الشيطان..
                            وام محمد تبكي وتقرا عليها .. لحد ما سكتت روضه وغمضت عينها وطاحت عليهم .. وراحت في غيبوبة ...

                            .................................................. .....................

                            ....................في لندن
                            بتال يكلم بالتلفون ...
                            بتال : لا ... انا برسل لك من فلوسي ...
                            يزيد : بلا عبط ياخي فلوسك لك راح تحتاجها ..انا بعطيهم من عندي.. وبعدين نتفاهم انا وانت ...
                            بتال : بعدين ... أي بعدين الله يرحم والديك.."بتريقه".. تفكر اني برجع مليونير ..؟!!
                            يزيد : ايه بترجع مليونير ... انت بس اهتم بدراستك .. تخصصك جدا حلو..ويحتاجه اغلب الشركات وأولها شركتنا ...
                            بتال "بملل": ايه .. ايه طيب ...
                            يزيد : وليه تقول كذا من غير نفس...
                            بتال : ياخي متضايق حدي ... ودي اكلم أهلي...
                            يزيد : طيب كلمهم اذا بترتاح ..ايش المانع ؟!
                            بتال : اولا انا أمس كلمت روضه قالت انهم في مكه يأخذون عمره .. يعني اكيد الحين تعبانين ونايمين ..
                            يزيد : اجل اصبر لليل.. وانت بعد صوتك ترى مرره .. واسمح لي يغث .."وضحك"..
                            بتال: تضحك انت ووجهك ...
                            يزيد"يضحك اكثر": والله تقول جالس اسحب منك الكلام سحب ..مع انك انت اللي متصل وانت اللي تبغى تسولف .. لا يكون امس مسوي شي والا شارب شي .. اعترف بسرعه ...
                            بتال "يضحك بدون نفس":الله يقطع ابليسك وش بكون شارب هاه .. لا اطمن اللي في بالك ماصار ولا راح يصير ...
                            يزيد : كفوو والله اعرفك بس قلت انبهك ...
                            بتال : المهم الحين روح شوف اذا وصلتك الحواله ..ووديها لامي سلمها في يدها ..
                            يزيد : عنيد ما ينفع معاك ..."وباستسلام"..ابشر من عيوني اسملها لامك يد بيد ...
                            بتال : هذا العشم فيك والله يا يزيد ..

                            ..................................


                            في المستشفى ...
                            وبالتحديد في غرفة الملاحظه ... وروضه فاقده الوعي ونايمه على السرير والمغذي في يدها .. وبالكراسي اللي قريبه من السرير جالسه ام محمد وبنتها خديجه .. دخلت الممرضه تشوف ضغطها والسكر ..وتتابع حالتها ...
                            ام محمد : سستر وش عندها روضه ؟
                            الممرضه : كيبوبة سوكر ..
                            خديجه : غيبوبة سكر .. يعني فيه خطر على حياتها ..؟!"الممرضه ما فهمتها ".. يعني فيه مشكله كبير بعدين...
                            الممرضه : لا مافيه موشكله بس لازم سوكر متابعه كل سويه ...
                            ام محمد : طيب متى تقوم ... يعني متى تصحى ؟
                            الممرضه "بملل":الهين يجي الدكتور يكلم انته .."وطلعت وتركتهم في حيرتهم وخوفهم على روضه "..

                            خديجه "طالعت في الساعه ... وجابت اقرب قارة مويه ...":.. امي خذي اشربي ترى قرب أذان الفجر...
                            ام محمد "أخذت المويه وشربت وعطتها بنتها ":.. الحمدلله..اشربي حتى انتي يا بنتي ما أكلتي شي من الفطور ...
                            خديجه "شربت شوي":.. والله يا امي اللي صار لنا اليوم يخلي الواحد تنسد نفسه عن الأكل وكل شي بالدنيا .."طالعت في روضه".. وهذي اللي مالها احد بهالدنيا بعد امها ايش راح يصير فيها .."ودمعت عيونها ".. يا امي اغلى شي بالدنيا الأم والأب وهي فقدتهم .."بكت بقوووه"...
                            ام محمد "تأثرت من بنتها":الله يعين على هذي الدنيا .....وربك ما يخلي عباده يا بنتي... الله يعين


                            الله أكبر .. الله أكبر
                            ...................................

                            الساعه 3 ظهرا .. يزيد في مكتبه ومعاه السكرتير ...............

                            يزيد:أول ماتجيك حواله على حسابي عطني خبر على طوول ..
                            ريان "السكرتير":طال عمرك .. بأي حساب ..؟! .. وكم الحواله ؟!
                            يزيد : بحسابي الشخصي اللي ببنك الرياض .. والحواله 4 الاف..
                            ريان "كتب الملاحظات":ان شاء الله ... بخبرك بأي جديد... عن إذنك ..."وطلع من المكتب"

                            يزيد : ولسى بانتظر بتال يرسل حواله ومدري وشو ... ليه ما أعطيهم اليوم أكيد محتاجين لهم شهر كامل ما جاهم شي .. وخاصة مع رمضان فيه اشياء كثيرة يحتاجونها ...ماني منتظرك يا بتال واللي تبغى تسويه سويه .."" ضحك .. واخذ مفتاح السيارة .. وطلع من المكتب بعد ما لبس نظارته الشمسيه .. "

                            وصل يزيد .. عمارة بتال ... ولاحظ ناس مجتمعه وفرش ع الأرض و كراسي بلاستيك بيضاء .. ما اهتم للموضوع .. وطلع للشقه .. جلس أكثر من ربع ساعة وهو يدق عليهم جرس الباب وأكيد ما احد فتح له ... نزل ..
                            وتفاجأ بمجموعه رجال جايين .. وجلسوا على الكراسي ... وكأنه فهم من اشكالهم وسلامهم على بعض انه عزاء ..شكله كان غلط داخل بينهم .. صف مع المعزيه وعزا اللي واقفين .. ولف راجع لسيارته ..إلا ويسمع احد يناديه ...

                            : يزيد ... يزيد ...
                            يزيد "لف على الصوت":هلا ..؟!!
                            :.. ماعرفتني ..؟!... انا محمد .. جار بتال .. مو أنت يزيد .. صديقه ؟
                            يزيد "فصخ نظارته الشمسيه ... وابتسم ":اييييه .. عرفتك ياحمود .. ايش أخبارك ؟!
                            محمد"ابتسم من اسم حمود":بخير الله يسلمك .. وانت ايش إخبارك .. وايش أخبار بتال ... بشر متى بيوصل .؟!
                            يزيد :وين ... وين يوصل ؟
                            محمد : بتال مو جاي يحضر العزاء..؟!ونعزيه ؟!
                            يزيد "مفتح عيونه": أأأي عزا ... عزاء مين .."وبصوت اعلى "..تعزيه في مين انت ...
                            محمد "متفاجئ من رده":اجل انت ليش جاي هنا ؟
                            يزيد : كنت ابغى اعطي خالتي ام بتال فلوس الحواله اللي مرسلها لهم بتال .."قرب منه".. قول لي مين مات ... تكلم .
                            محمد "بحزن": الله يرحمها ... خالتي ام بتال وبنتها وخالتي ام روضه .. توفوا امس في حادث في مكه ..
                            يزيد "مفتح عيونه فيه .. ويلف يطالع في المعزيين ويرجع يطالع في محمد ... "يحاول يستوعب اللي سمعه " ..طاحت نظارته من يده من شدة الرجفة اللي صابته":لا لاحول ولاقوه الا بالله ..
                            محمد"مسكه يسنده ... وسحب اقرب كرسي وجلسه عليه ":أي والله لاحول ولاقوة الا بالله .. هونها ياخوي .. والله ماكنت ادري انه ماعندك خبر...
                            يزيد "يحاول يمسك دموعه .. بس نزلت غصب عنه ": متى ..متى توفوا ؟!
                            محمد : امس .. امس اتصلوا على روضه .. وطلبوا احد يجيهم .. ووديناها انا وابوي وامي واختي .. وهناك عرفنا ..وصلينا عليهم صلاة الظهر . وتونا راجعين من المقبرة ..
                            يزيد"يحط كفوفه على وجهه": يالله حتى دفنهم مالحقته .."وتذكر بتال ".. و وبتال ..عرف .. احد خبره ...
                            محمد: عني انا ما اعرف احد اعطاه خبر..اصلا محد يعرف رقمه والا كيف يوصله .. وروضه من امس بالمستشفى ماصحيت حتى تخبرنا كيف نقدر نوصل له ... وحتى انت رحت من بالي والا كان دورت لرقمك واتصلت عليك من امس..
                            يزيد " يوقف بصعوبه":.. خير .. خير ان شاء الله .. انا بكلمه ...
                            محمد"وهو يساعده يوقف":يزيد اجلس شوي انت مو قادر توقف كيف بتسوق الحين ..

                            يزيد .. اشر لمحمد انه لايهتم .. ومشى بخطوات ثقيله لحد ماركب السيارة .. حرك السيارة وهو مو عارف وين رايح ..وقف على جنب عند مدخل الحي اللي ساكن فيه بتال ..وقف سيارته غصب عنه.."تكي بيده على باب السيارة واصابعه تلعب في شعره .. " ..وتذكر بتال كيف كان يكلمه امس وهو متضايق .".. نزلت دموعه .."ياه يا بتال الظاهر كنت حاس ان فيه شي .. إنا لله وإنا اليه راجعون .. كيف راح اقول لك هالخبر.. كيييف ...بس لازم يعرف ..."قبض على الدركسون بقوووه ".. يارب ساعدني .." مسك جواله .. ورقم شقة بتال بلندن على شاشه الجوال ....

                            طق ..طق...طق..

                            "ضرب قوي على كبوت سيارته .. وبصوت همجي"... خيييير ايش عنده ابو الشباب واقف هنا ..؟!

                              تعليق

                              • عقد اللؤلؤ
                                عضو متألق
                                • May 2011
                                • 282
                                #28
                                رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                قرأه ممتعه للجميع ..

                                  تعليق

                                  • قطر النداء
                                    عـضـو فعال
                                    • Sep 2012
                                    • 107
                                    #29
                                    رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                    يسلموووو على البارت الرائع
                                    ممكن تحددين لنا وقت تنزيل البارت

                                      تعليق

                                      • مزمز
                                        عضو ماسي
                                        • May 2011
                                        • 1087
                                        •
                                        #30
                                        رد: •.♥.•° ღ♥ღ رواية من حب عفوي الى حب جنوني •.♥.•° ღ♥ღ بقلمي ...

                                        رووووووعه تهبل
                                        من جد حماس كملي ياعسل..
                                        يعطيك العافيه..

                                          تعليق

                                          السابق 1 2 3 4 5 6 7 8 9 10 11 12 13 28 template التالي

                                          google Ad Widget

                                          تقليص
                                          يعمل...