...............

وصل بتال لندن ... وكلم امة واخته وطمنهم انه وصل بالسلامة .. وللاسف روضه ما كلمته .. لانها نست الوقت ... فنامت بعد ما اكلت لها وجبه دسمه ...



......................................


بعد شهر...وعلى قرب شهر رمضان ... انتهت فترة مهمه بالنسبه لبتال ... بانه قدر يسيطر على خوفه على اهله .. وخاصة بعد ما تطمن ان الامور ماشيه مثل ماكان موجود واحسن ... هذا الشي خلاه يبدا بالاهتمام بدراسته ومستقبله ...

............... في شقة ام روضه .. وفي ليلة رمضان ...

روضه "تلبس عبايتها ": يمه بسرعه ..
ام روضه "تطلع من غرفتها": طيب طيب يا بنتي .. وش فيك مستعجله ...
روضه : اخاف ما نلحق اليوم على اتصال بتال ... لي "وترفع اثنين من اصابعها" اسبوعيين ما سمعت صوته ... "تمسك يد امها".. يالله يالله بسرعه يمه ...
ام روضه "وهي تحاول تجاري سرعة روضه": .. شوي شوي يا بنتي ... الله يهديك ..
روضه "ابتسمت .. وهي تفكر في بتال "...

................ شقة ام بتال ...دق الجرس وفتحت سميرة لروضه وامها ...
سميرة : يا حيا الله خالتي منيرة ..."تسلم عليها"..
ام روضه : الله يسلمك يا بنتي ... وشهر مبارك ...
سميرة : علينا وعليكم يارب ...
روضه "من ورى امها ": ..هاه بتال كلم ...؟!
سميرة "تضحك": .. سلمي اول ...ايه يكلم امي الحين في مجلس الحريم ...ادخلو ..
دخلت روضه تسابق امها ... و دخلت مجلس الحريم وراحت تجلس بسرعه جنب ام بتال ....
ام بتال"تطالع فيها وهي مبتسمه " : .. والله كلنا بخير يا بتال ... ايه روضه جت .. لا خالتك ما جت ...
روضه "تاشر لام بتال": .. امي جات يا خاله في الصاله مع سميرة ...
ام بتال : أها ... ايه ايه جت خالتك منيرة ... كلم روضه الحين هي جنبي .. وبعدها بتكلم خالتك ... مع السلامة ... "تعطي السماعه لروضه ... و وقفت"... كلميه حتى اسلم على امك وبتجي تكلمه ..
روضه "هزت راسه بمعنى طيب .. مسكت السماعه ":.. الو ..؟!
بتال : الووو روضه ... كيفك ..؟ شهر مبارك
روضه "بحزن": الحمدلله ..... علينا وعليك ... كيفك بتال ؟! وكيف دراستك ؟
بتال : كلوو تمام ... هاه بشري كم كيلو زايده "ويضحك"...
روضه "ضحكت ":.. امممم يمكن اثنين كيلو ...
بتال : افا .. اجل ما زعلتي على سفري كثير...ولا فقدتيني ..

روضه : حرام عليك لا تقول كذا وربي فقدتك مووت ... بس ...
دخلت ام بتال معاها ام روضه ...
ام بتال : يالله يا روضه خلي امك تكلم ...
روضه "ابتسمت ":... يالله بتال انتبة لنفسك .. وخذ امي معاك ..
بتال : ..اوكي روضه .. عطيني خالتي ..

..................................... في لندن
بتال "من كبينه في الشارع .. يضحك ":أن شاء الله.. مع السلامة يا خاله منيرة ..."قفل السماعه.... واختفت ابتسامته"..

اه اول مرة يمر رمضان وانا مو معاكم .. والله اشتقت لكم .. "دمعت عيونه .. مسحها بسرعه وكانه تذكر شي ".. .. يزيد لازم اكلم يزيد ..."تذكر لما ودعه بالمطار .. وقال له أي وقت تحس انك متضايق كلمني على طول "... يدق الأرقام وهو مبتسم ...ورفعت السماعه ...
بتال "بحماس ": الووو يزيد ... الوو .. الصوت يقطع ...
يزيد :كلم كلم من تلفون البيت ... انتظرك ... تسمعني ...
بتال "بصعوبه يجمع الكلام": أأأ ايه ايه سمعتك ... باي ..."قفل .. ورجع يدق مرة ثانيه على تلفون البيت"

بيت ابو يزيد ...
ابو يزيد ...(تاجر كبير.. متزوج على ام يزيد .. عنده اربع بنات و ولد .. كان يبغى باي طريقه ولده يمسك شغله بس يزيد .. كان مقهور من اهماله لهم ..مع انه معطيهم فلوس تكفيهم وزياده ..زوج ثلاث من بناته ... وباقي يزيد .. و هويدا )
يزيد عمره 20 سنه ...( كان يتأخر في الدراسه ويرسب عشان لا يمسك أي شي يخص تجارة ابوه... شاب طويل وجسمه ممتلئ نوعا ما.. ابيض و شعره ناعم وطويل .. فيه كم كبير بداخله من القهر واحساسه بالظلم .. انسجم مع بتال لانهم حساسين جدا وفاقدين ابائهم وهم المسؤولين عن غيرهم).....
هويدا عمرها 16 سنه ..(تعتبر دلوعه يزيد .. ولا تعرف ابوها كثير... تعتمد على الشغالات بكل شي .. بنت عز ... شعرها دائما صابغته بني فاتح .. تسويه مجعد يناسب وجهها الطفولي ذو الملامح الهاديه .. وجذابه )..

دق تلفون بيت ابو يزيد ...
هويدا "بملل .. ودلع ":.. ألوو...
بتال "بحماس":... اموت بالدلع انا ... زيود اخبارك يالحبيب ...
هويدا "فتحه فمها": هاه ..
بتال "ارتبك":.. أأأ هذا ... هذا مو بيت ابو يزيد ...؟!
فتح يزيد بسرعه باب الفله ... ودخل يفحط على صالة التلفون ... وبصوت عالي ...
يزيد : سكري سكري التلفون بتال الحين بيدق ....
هويدا "بلا اهتمام ..": .. خذ...."عطته السماعه ... وراحت تمشي بدلع وغنج .."
يزيد "بحماس":.. الووو ... بتال يا هلا بخوي ....
بتال : يزيد ؟!
يزيد : ايه معاك معاك ... شهر مبارك ...
بتال "ابتسم": علينا وعليك ... والله اني متضايق يا يزيد اول مره يدخل رمضان وانا مو معاك ولا مع اهلي ...
يزيد "حب يخفف عنه":..اصلا حتى لو جيت ما راح اكون معاك ... "جلس وحط رجل على رجل ".. انا الحين التاجر يزيد ولد ابو يزيد ...
بتال : لا "وضحك"... في شهر صرت تاجر....وكيف قدر ابوك يقنعك ..؟!
يزيد : والله .."بحزن"... غيابك يا بتال هو اللي خلاني اشغل نفسي بشي ثاني ...
بتال : لا تزيد علي الجرح ..
يزيد : ايه انا اسم على مسمى ازيد في كل شي ...
بتال , يزيد : "ضحكوا .."

من ورى الباب كانت "هويدا"تسمع لمكالمه اخوها .. " يعني هذا بتال ... واي ما توقعت ان صوته حلو .."...تذكرت شكله ..." بس خسارة مو موجود... سمعت من يزيد انه سافر... يالله مو مشكله.. بدال بتال فيه عشرة " ... رجعت شعرها على ورى .. وطلعت تركض لغرفتها وهي مساكه الجوال بيدها .... وتبحث في الارقام ..

..............................في شقة ام بتال .....

الكل مجتمع بعد ما كلموا بتال ... تذكروه ودعوا له بالتوفيق ...
ام بتال "تطالع في ام روضه": .. يا منيره .. ما ودك تجين معانا بعد بكره نروح ناخذ عمره ...؟!
روضه : تبغون تاخذون عمره الحين في اول رمضان ؟!
سميرة : ايه افضل الحين في اول رمضان قبل الزحمه ...
ام روضه : والله ودي يا مزنه كم لي ما أخذت عمره ....
روضه : يماه نسيتي ان ثالث يوم رمضان عندي مراجعه في المستشفى عشان السكر ... يالله قدر بتال يقدم الموعد ...
سميرة : أي مراجعه انتي تعبانه ...
روضه : لا مو تعب بس هذا فحص شامل للجسم كله عشان يشوفوا تاثير السكر على الجسم .. بس بتال بالقوه قدر يقدم الوقت لرمضان الا كان بعد عيد الحج ...
ام روضه : .. أي والله صديقه يزيد ما قصر ... معليش والله نسيت يا بنتي ...
ام بتال : خسارة اجل ما تقدروا تجون معانا ...
سميرة "تفكر":.. طيب ايش رايكم نروح ونرجع في نفس اليوم ... مو بعيده مكه عن جده ...
ام بتال : بس والله ودنا نشوف الحرم ونشبع فيه ونصلي لنا التروايح هناك ... وترى انا وخالتك مافينا شدة نروح ونرجع في نفس اليوم ..
والا ايش رأيك يا منيره ...
ام روضه "بحزن": والله كان نفسي اجي معاكم بس ... خير ان شاء الله ... نروح مرة ثانيه انا وروضه ...
روضه "حست بحزن امها ": .. يمه خلاص ما عليك .. بنروح وانا براجع بعدين ...
ام روضه : لا والله يا بنتي اهم شي صحتك ...
ام بتال : خلاص خلاص يا منيرة ... بنروح ونرجع في نفس اليوم .. وامرنا لله ...
سميرة : أي والله احلى حتى انا ما اقدر اخذ الا يومين بس اجازة ...
ام بتال : وتوك تكلمتي ...
سميرة "ضحكت": ايش اسوي ما حبيت اخرب عليكم ...
روضه : اجل انا خربت عليكم ..."ضحكت "...
ام بتال : اجل خلاص نروح بعد بكرا في الفجر ...
روضه : بس انا ما باجي معاكم ...
ام روضه : ليش..
روضه : ما يصلح ابذل مجهود قبل الفحص ..
سميرة "بنص عين": .. ومن الدكتور اللي قال لك ..
روضه "بحرج": أأأ سمعت ....
ام بتال : تعالي وبنعطيك عربيه للطواف والسعي...
روضه "بعصبيه": ... لا والله ما اصدقكم قبل سنتين يوم رحت خليتوني امشي ... وما عطيتوني عربيه ...بس بتال رحمني واخذ لي عربيه ..."ترفع اصبع السبابه" .تووبه اروح معاكم ..
الكل ... ضحك عليها ...
روضه : ايه اضحكوا ... امي وخالتي بعربيه وانا لازم امشي ... قال انحف قال ...
سميرة "تحاول تمسك ضحكها":.. ط طيب .. بوعدك اني اخذ لك عربيه ..
روضه "وقفت":لا والله ما اجي معاكم... دامكم بتروحون وترجعون في نفس اليوم ... خلا ص بانتظركم ...
ام بتال : امرنا لله ..
ام روضه : والله مو مرتاحه نروح ونخليك بس ... يالله استودعناك ربي ..
سميرة "وقفت جنب روضه ": والله بنفتقدك يا دبا في سفرتنا ...
روضه "بغرور": ادري ادري اني مهمه ...بس يالله استحملوا هالمره ...
سميره "ضربتها على كتفها ":مالت ...
روضه ..." ضحكت "...: الا ما قلتوا لي ... خبرتوا بتال ...
سميرة : ايه قلت له اول ما رديت عليه ...
روضه "باهتمام": وش قال ...؟!
سميرة : ما قال شي .. قال استخيروا والله يسهل لكم ...
روضه :أها ...
سميرة : وش فيك واقفه اجلسي ...
روضه : لا لا بروح ... عندي ملابس بغسلها ...
سميرة "رافعه حاجب ومبتسمه": اكييييد ملابس ...!!! والا فيه اكله دسمه تبغي تقضي عليها ...
ام روضه "وقفت": .. والله انه فيه غسيل ...بس اتوقع ما راح تغسل الا بعد ما تاكل اللي بالثلاجه ...
روضه : يمممماه ...بكرة بصوم ...لازم اكل ... وبعدين الرسول اللهم صلي وسلم عليه قال "تسحروا فإن في السحور بركه"...
سميرة : سحور يعني قبل الفجر .. مو الحين ...
روضه : والله عاد كل واحد وقدرة تحمله ...
ام بتال : خلاص يا سميرة اتركي البنت ... روضه روحها حلوه وهذا اهم شي ...
روضه "ابتسمت":الله يخليك لنا يا خالتي ... ولا يحرمنا منك ...
ام روضه : امشي امشي يا بنتي الله يصلحك ... ما راح تعرفي مصلحتك الا اذا كبرتي بكرة ومحد جنبك ...
روضه "تحضن امها": يمممه انتي الخير والبركه ... غرتي من خالتي لاني مدحتها ولا مدحتك ..."تسلم عليها".. وهذي بوسه اموواح
ام روضه : لا ما اغير من مزنه هي اختي ... بس انا خايفه عليك يا بنتي ...
ام بتال : امك معاها حق يا روضه ...

روضه ابتسمت .. بلا اهتمام للكلام للي سمعته ..
... وللاسف اخشى ان لا تستيقظ "روضه " من اهمالها الا بعد فوات الاوان ...