تويت
رد: رواية الحارس الشخصي /رووووووعة لا تفوتكم منقولة
مشكورة ي عسل ~
متابععينك~
مشكورة ي عسل ~
متابععينك~
-
-
رد: رواية الحارس الشخصي /رووووووعة لا تفوتكم منقولة
السلام عليكم ..........اسفة على التاخيرفى التنزيل للبارت
بس النت كان مقطوع,,,
_ اقول انا افكر نرجع المستشفي ونكلم الحرمه ونطلب منها انها تجينا و ..
_ ليش خائف
التفت له _ لا لا مو خائف بس يعني صعبه نروح لها يمكن هي مو مستعده لنا
_ لا ماعليك مستعده انت بس شوف طريقك
انا كنت خائف وكنت احاول اهدئ نفسي واطمنها ( امممم
وصلنا البيت وكان عباره عن عماره من دورين وحولها سور كبير وعالي وقدام البيت واقفه سياره بيضاء صغيره
التفت ليوسف _ كيف ايش نسوي فيه احد راح يخرج لنا
هز يوسف راسه _ ايه شوي وبينزل اخوها او ولد اختها مدري ايش قلعته
تنهدت وقلت الله يستر
انتظرنا شوي ونزل شاب صغير اول مشافه يوسف اشر لي اني انزل له واسئله اذا كانت ام مأمون جاهزه لأستقبالنا
نزلت ورحت يمه
_ السلام عليكم
طالع فيني من تحت لتحت _ وعليكم السلام والرحمه نعم انت يوسف
ابتسمت _ لا مو يوسف انا ناصر
_ ايه طيب وينه يوسف خالتي تنتظره داخل
............ دخلنا البيت وكانت سيده عجوز هراها الزمن ( هههههه هراها
تجلس علي كرسي وتلبس السواد طالعت فينا شوي واشرت لنا انا نجلس جلسنا بهدوء لفنا صمت يوسف يطالع فيني يعني تكلم
ماعرفت ايش اقول شكلها اثر فيني وهي كانت ساكته ماتكلمت
اخيرا اتكلم يوسف _ انتي تعرفين انا ليش جاي
هزت راسها بصمت بنعم
كمل يوسف كلامه _ طيب مأمون ينتظرك يبي يشوفك
ماردت عليه
مر وقت حتي جا الولد ومعه ضيافه لنا قدمها لنا وجلس يطالع فينا
بصمت الهدوء كان يعم المكان كنت انتظر اي احد يتكلم اوحتي يعطس لكن صمت خيم علينا محد كان عنده شي يقوله
اخيرا تكلم يوسف مره ثانيه _ طيب ياخاله انا سويت الي علي والباقي عليك انتي بخليك الحين تفكرين بالكلام الي قلته لك
وبقولك ان صلاح مايبي الا مصلحته ولا قد فكر بمأمون لو كان يبي مصلحته كان تنازل عنه وماخلاه و ,,
قاطعه الولد _ هيه انت لا تتكلم علي عمي صلاح انت تعرفه
طالع فيه يوسف _ ايه اعرفه وانا اعرف عنه حاجات انتم ماتعرفونها عنه
اخيرا تكلمت السيده _ ايش تعرف عنه يا وليدي
سكت يوسف ومارد
تنهدت السيده _ الي سواه مأمون شي مايتغفر ابد تسبب بموت ابوه وكسر ضهري بسواته دمر مستقبله ودمر سمعه العائله
سكت يوسف شوي وبعدها طلب مني اني اخرج واتركه لحاله مع السيده ترددت شوي تسألت ايش يبي يقول لها ومايبيني اسمعه
قمت وخرجت وقفت بره انتظره
مر وقت حتي خرج يوسف من البيت وكان مبتسم ومبين عليه الرضاء
وقفت اطالع فيه قرب مني والفرحه ماليته _ خلاص حبيبي انتهينا وافقت تشوفه وانا عندي احساس ان صلاح الزفت راح يتنازل عن دم ولده وراح يلتم شملهم قول امين
كنت اسمع له وهو يتكلم وكله حماس فرحت لفرحه وتمنيت من الله ان كل شي يصير زي مايبي حتي مايتضايق ويزعل
.................واحنا بطريق راجعين المستشفي كنت اتسأئل ايش قال للسيده ام مأمون حتي وافقت انها تشوف ولدها التفت له بسئله لقيته سارح ومو بالدنيا
واحنا واقفين عند الأشاره اتصلت فيني البنت كنسلت اتصالها التفت لي بأبتسامه _ رد عليها
طالعت فيه ومارديت عليه بس اكتفيت بأبتسامه تسألت هل عنده حبيبه بحياته وسألته بدون تفكير
_ عم يوسف انت تحب
وماسمعت الا ضحكته الي شقت اذوني وازعجت المارين ههههههههههه
عرفت من ضحكته الغير طبيعيه انه ماعنده سالفه
وصلنا المستشفي وكان يوسف علي موعد مع الدكتور امجد وطبعا يوسف يكره شي اسمه امجد بما انه الطبيب البديل لحسان الي اختفي وما ادري وش سالفته ووين هو الحين
.....
جلست انتظر امجد يخرج من عند يوسف
وفكرت اتصل بالمزه واتهرج معها شوي واضيع الوقت وانا جالس اتكم معها
_ احم احم
رفعت راسي كان طارق الي يقول أنه عم يوسف
_ ممكن اشوف يوسف
قمت من مكاني ابتسمت _ ممكن بس هو الحين الدكتور عنده
تنهد _ طيب
انا نازل الكفتريا شوي وارجع
هزيت راسي بطيب
ومشي من عندي صراحه ماتطمن لهذا الرجال برغم من ملامحه الي تريح الشخص ومبين انه طيوب بس انا ما ارتحت له قلت ياليتني طلبت بطاقته الشخصيه حتي اتطمن اذ هو عمه ولا لا
...........
خرج الطبيب من عند يوسف وطمني انه بخير وانه ممكن يخرج من المستشفي خلال كم يوم اسبوع بالكثير فرحت ودعيت الله انه ماتنتكس حالته ونضل بالمستشفي
دخلت عليه كان جالس عالسرير مسترخي ورايق قلت له ان عمه جا بيشوفه مارد علي
....
جلست شوي وطرق خفيف عالباب فتحته كان العم ,,,,,,,,,,
,,,,,,,,,,
رحت قلت ليوسف ان عمه بنتظر
علي صوته بقصد _ خليه يولي ما ابي اشوفه
رجعت للعم وماتكلمت هز راسه وتنهد
_ لاحول ولا قوه الا بالله طيب انا ماشي سلم لي عليه
..........
مشي العم وانا عصبني تصرف يوسف اكيد عمه حس بالأحراج من تصرفه الغبي
رجعت له _ انت ايش فيك يالمريض كذا ترد عمك
طالع فيني_ انت قلتها عمك يعني عمي مو عمك انت
_ طيب يايوسف هو جا يشوفك ويتطمن عليك ليش رديته
مارد علي واخذ يلعب بالجوال ويدندن ومو مهتم بكلامي ,, تنهدت وجلست عالسرير اتصل فيني اخوي مره ثانيه رديت عليه
كان صوته مو طبيعي خفت _ ماجد ايش فيك سلامات
اتاني صوته مبحوح ومتعب _ ياخوي امي امي
_ امي امي ايش فيها ياخوي ايش فيها
سكت شوي عصبت منه _ ايش فيه ياخوي ايش فيها الغاليه ايش فيه
يوسف قام من مكانه وقرب مني ومبين انه منفجع من صراخي وقف قدامي يطالع فيني بخوف
تماسك اخوي شوي _ امي تعبت علينا وهي الحين بالعنايه المركزه تعال شوفها ياناصر
قمت من مكاني ومو مصدق الي اسمعه منه امي تعبانه الغاليه تعبانه
سكرت منه وجلست مكاني مذهووول ومو عارف كيف اتصرف طالعت بيوسف الي كان يناظرني بسكات
_ امك ايش فيها ؟
مارديت عليه
جلس جنبي _ روح لأمك اذا هي تعبانه تطمن عليها
طالعت فيه _ ايه هي تعبانه وبالعنايه
ابتسم _ طيب روح ليش جالس وان شاء الله تكون بخير
_ طيب وانت ب ,,
قاطعني _ انت خبل امك مريضه وتفكر فيني اقول سري تقلع روح شوف امك
خرجت من عنده وانا مهموم وكأني مغيب عن الدنيا مو عارف يا الله امي بالعنايه حسيت بهموم الدنيا علي قلبي ياتري ايش صار بغيابي عنها الطريق طوويل جدا المستشفي الي هي فيه حسيته بأخر الدنيا وكأني ما ابي اوصل واسمع خبر مو بزين عنها
,,,,,,,,,,,تعليق
-
رد: رواية الحارس الشخصي /رووووووعة لا تفوتكم منقولة
مشكوره عالبارت
متابعه لكتعليق
-
رد: رواية الحارس الشخصي /رووووووعة لا تفوتكم منقولة
وصلت المستشفي وقلبي بيتقطع علي امي وبالي مشغووول مع اهلي
لقيت اخوي محمد واختي نهي واقفين بره _ ياربي ايش صاير؟
رحت يمهم وانا مو قادر امسك نفسي عن الصياح مسكت اخوي من كتوفه _ ايش فيها الغاليه ياخوي ايش صار
اخوي حاول يهديني ويطمني ان الوالده مافيها شي بس تعبت شوي تنهدت وتمسكت فيه من خوفي لا اطيح
_ بس بس ماجد يوم كلمني كان صوته مو طبيعي وخوفني عليها طيب هي ليش بالعنايه
ابتسم _ الخبل ماجد تدري عنه دائم يكبر الأمور لا بس هي بالعنايه تعرف ابوي هول الموضوع ولزم الا تبات اليوم عندهم عشان يتطمن عليها ماعليك ياخوي الوالده طيبه وتعال معي تشوفها
تنهدت براحه ومشيت معهم لين العنايه كان ابوي توه خارج من عندها يوم شافني بحالتي الخبله الي كنت فيها طالع فيني متعجب
قرب مني وربت علي كتفي _ ايش فيه ياولدي يوسف فيه شي
قبل لا اتكلم رد محمد _ كان خائف علي امنا تدري عاد نصور قلبه رهيف
ضحك ابوي وانا ابتسمت لمني لصدره وبعدها اخذني لأمي وهناك شفت ماجد الي كان ودي اكفخه لين يقول بس علي سواته خوفني وكان بيوقف قلبي
امي كانت بخير وكان ودها تخرج لكن ابوي اصر تبات بالمستشفي حتي يتطمن عليها اكثر
جلست عندها لين خلصت الزياره سألتني عن يوسف وكانت حريصه تعرف اخباره كلها حكيت لها كل شي صار معنا وكانت منصته لي وبعد ماخلصت سوالفي مع يوسف
_ مبين ان وسف قلبه ابيض ياناصر وكل الي يسويه هذا تمثيل يبي يشوف انت تحبه من جد ولا بس معه عشات الراتب
ضحكت _ يمه عاد تدرين انا كنت معه عشان العقد الي كتبته غصب بس الحين لو يحرقه قدامي ماتركته الا لين يعقل ويتعالج ويعرف مصلحته فين وهي هانت كلها كم يوم ويخرج من المستشفي
جأ حارس الأمن وطلب نا الخروج لأنتهاء الزياره خرجنا وسلمت علي أخواني وابوي طلب مني ابوي اني انتبه لنفسي وليوسف وارسل سلامه معاي له
انا كان نفسي اروح معهم البيت من جد وحشني بيتنا بس ايش اسوي ( يالبا قلبي انا
وصلت المستشفي كنت قد شريت شويه حاجات لنا انا ويوسف وبرضو خرابيش اخري من عصير طبيعي وتسالي و,, و,, كنت بوزعها علي العاملين بالمستشفي يعني عشاني فرحان ان امي بخير ( طيب
دخلت علي يوسف وانا شايل كياس وش كثرها طالع فيني مستغرب بيني وبين نفسي استغربت انه مافرك من المستشفي المكان كان سالك هههههههههه
قام ووقف قدامي وانا جالس اخرج بألاشياء_ ايش هادي وماما بخير يانصور
_ ايه بخير
ومديت له كيس فيه من الخرابيط _ خذ هذا لسلامتها
ابتسم _ من جد تيب والباقي ده لمين
قمت من مكاني بعد ماخلصت توزيع _ للعاملين هنا اي احد اشوفه بعطيه
تقز قدامي ومثل البزران _ طيب بروح معاك الله يخليك
مديت له كم كيس _ طيب يا الله قدامي
خرجنا من الغرفه وجلسنا نوزع علي الخليقه عاد يوسف كل محد سئله ليش هاذا قص عليه قصه حياتي كلها
المستشفي عرفت ان امي كانت تعبانه وانا رحت وانا كنت خائف عليها وبعدها صارت طيبه ورحت شريت هذه الخرافيش عشان سلامتها و , و ,
هههههههههه ياحليك يايوسف ) ماعنده حل وسط ياخبل بالمره ياشرير ___
وصلنا لقسم العمليات كان فيه شاب وبنت واقفين عند الباب ومبين انهم منهارين
انا كسر خاطري كلأم البنت _ يارب خذ من عمري واعطيه يارب
وكانت تبكي والشاب يحاول يهديها بس مو قادر
يوسف وقف مكانه مسكت يده وطلبت منه انا نرجع
واحنا راجعين _ لو سمحتوا بغيتو شي
التفتنا كانت ممرضه سعوديه ساحره الجمال ( ياخائن والبنت الي طايح عندها ...
والي محليها انها سمراء وطويله ( يعني عالمود جات ههههههههههه
ابتسم يوسف يوم شافني انبلهت _ لا بس خذي
ومد لها الكيس اخذته بأبتسامه خجل _ ليش ده ( وخجوله بعد خخخخخخخ
وحكي لها يوسف الحكايه كل هذا والشاب يطالع فينا شكرتنا بأدب تحمدت لي علي سلامه امي ومشت وقلبي راح معها تمنيت لو عرفت اسمها اي شي لكن كانت الجميله المجهوله
غمز لي يوسف _ مو ملاحظ الشبه
عرفت قصده ومارديت عليه
واحنا ماشين _ لو سمحت ممكن
كان الشاب رحنا له وقبل لا يتكلم مد له يوسف الخبل كيسين وكانت اخر شي معه
ابتسم الشاب مع انه كان يبكي بشده _ شكرا ياخوي
واعطي اخته كيس
_ بس انا سمعت صاحبك يقول ان امك كانت تعبانه وكذا
رديت _ ايه بس الحمد لله قامت بالسلأمه
يوسف جلس عالكرسي وجلس يطالع بالبنت الي فتحت الكيس وشربت من العصير وكان مبين انها تعبانه
سألت الشاب _ سلامات من المريض
تنهد وجلس واشر لي اجلس جنبه _ اخونا الصغير صار عليه حادث اليوم وهو بالعنايه وماندري اذ هو طيب ولا لا
ابتسمت _ لا دامك شفتنا ان وعم يوسف اكيد راح يقوم بالسلامه
طالع فيني مستغرب _ عم يوسف
وقبل لا ارد نقز يوسف _ خبل اقوله لا تقول عم الا هو مصر
ابتسم من كلام يوسف _ وليش يقولك عم
_ اممممممممم انا رضعت مع عمه الصغير
طالع فيني مو مصدق كلامه بس ماحبيت اكذبه واكدت الهرجه وحكيت قصه من عندي ومشيت الهرجه
مر وقت وتعرفنا علي الشاب واسمه تركي
شوي وخرج الدكتور نقزت البنت يمه _ ايش صار بشر
ابتسم _ لا الحمد لله قدرنا نسيطر علي النزيف هو الحين بخير حمد لله عالسلامه
حمد الشاب ربه وضمني وضم يوسف لصدره بقوه وشكرنا
يوسف تأثر من الموقف وضمني لصدره وجلس يبكي استغربت تصرفه ربت عليه وهديته وبعدها رجعنا لين الغرفه
ماحبيت اسئله ليش لأني حسيت انه يمكن تذكر اخوه الي مات
..............
واحنا جالسين بالغرفه يوسف كان هادئ جدا وانا ماحبيت ازعجه استئذنته اني اخرج اتمشي شوي بالمستشفي
ابتسم لي _ لا ياشيخ انت تبي تشوف الممرضه الي قابلناها قبل شوي
مارديت عليه ( صراحه مافكرت بكذا بس هو حط الفكره براسي
سند راسه علي السرير _ روح الله يسهل لك وعارف بس اطلب لي اكل احسني جيعان شوي
قبل لا اخرج تذكرت الي سواه يوم ادعي انه رضع مع عمي وماحب ان تركي يعرف اني انا الحارس تبعه
التفت له _ عم يوسف ممكن اسئلك سؤال
ومن دون مايطالع فيني _ اسئل
_ ليش ماحبيت ان تركي يعرف انا منو
طالع فيني _ مافهمت عليك ؟
ذكرت له الموقف الي صار مع تركي
ابتسم _ ايه
ومارد علي سؤالي جلست انتظره يتكلم لكنه ابد ما اضاف كلمه زياده علي ايه ,,,
فقدت الأمل انه يتكلم ويفهمني ايش السالفه و
خرجت من عنده اتصلت بالمطعم وطلبت له شويه اكلات عارف انه يحبها جلست ادور بين الأقسام اشوف الناس ونفسي المح الممرضه الي اخذت قلبي معها (اما ,,, اخذت قلبي ,,,
جلست احوس وحسيت اني اثرت الشبهات هههههههههههه قررت اني ارجع الغرفه ابرك لي
وانا طالع للقسم كني لمحت صلاح مار حسيت بالخوف ياتري ايش يبي مشيت وراه تأكدت انه هو ايش جابه هنا
وقف عند الأستقبال وكان يسئل عن يوسف وقفت وراه
_ احم نعم تبي يوسف
التفت لي وماعرفني _ انت منو
_ انا حارس يوسف سمعتك تسئل عن غرفته
_ ايه انا ابيه بموضوع ورحت يم بيته وعرفت انه هنا اتاريه مدمن الضائع
تنهدت _ طيب انا الحين اشوفه اذا يقدر يستقبلك ولا لا
مشيت قدامه وطلبت منه انه ينتظر عند الباب
دخلت علي يوسف الي كان جالس عالجهاز يطالع بشي ويوم حس فيني قفل الجهاز والظاهر انه كان يبكي مسح دموعه بسرعه
اعتذرت منه علي تطفلي ( يعني مسوي مؤدب
_ عم يوسف صلاح ينتظرك بره ادخله عليك ولا
طالع فيني ومبين انه تعبان _ لا ما ابي اشوف احد خله يجي بكره انا بنام
قام من مكانه وجلس عالسرير وتغطي باللحاف
خرجت لصلاح وقلت له ان يوسف مايقدر يستقبله
ضحك بسخريه _ مايبي يستقبلني ولا مستحي يشوفني بعد ماعرفت حقيقته انه مدمن
_ لو سمحت هذا مو وقته
_ ايش الي مو وقته يجيني ويهدنني ويسوي نفسه مدري مين واخرتها يطلع مدمن
انا عصبت وكنت بمد يدي عليه لولا ان رجال الأمن جو وطردوه من القسم لكنه ماخرج بهدوء جلس يهدد ويتوعد يوسف انا خفت عليه
دخلت الغرفه كان نائم ووجهه احمر من البكاء تسألت ياتري ايش كان يطالع واثر فيه لهذه الدرجه
............,,,,,,,,,,,,
الساعه 2 ونص باليل صحيت علي صوت يوسف يكلم احد بالجوال ماحبيت اسمع كلامه لكني غصب قدرت اسمع كان يكلم احد
_ طيب خليني اشوفها لو شوي مو لازم تعرف انت قلي هي وين تروح وانا ,,,
ماكمل كلامه جلس يبكي اعتقد ان الي كان يكلمه رد عليه بكلام جارح
حاولت اني ما احسسه اني صاحي وغمضت عيوني وانا اتسأل مين الي بيشوفها ومو قادر ؟
وخفت عليه من صلاح ياتري ايش راح يسوي له ؟
واخيرا انهيت افكاري بالبنت الي سحرتني
واكتشفت اني ربما حبيتها ولكن حسيت بصراح داخلي
انا حبيت البنت المجهوله ياتري هل انا خائن ؟؟( احلي ياخائن يامقطع قلوب البنات شوي شوي بس ..
؟في اليوم التالي
الساعه 10 كالعاده عند الطبيب النفسي يوسف مكان وده يروح انا كنت متحمس قلت يمكن اشوف البنت الي شفتها امس
اما هو فكان متملل حتي انه ما لبس ملابسه الا متأخر
انا صحيت واخذت لي دش سريع وتعطرت وش حليلي اما هو فتفاجئت يوم خرج من الحمام كان لابس بنطلون اسود مخربش هههههه وقميص مدري من فين جايبه مكرمش وحالته حاله وشعره منكوش ( ؟؟؟؟
جلست اطالع فيه وهو يدورعلي شرابه تحت السرير بهدوء استغربته
قربت منه _ عم يوسف اي مساعده
رد وهو منزل راسه _ لا
خرج الشراب وجلس يلبس فيه وكان مو نضيف ابتسمت
_ عم يوسف في الدرج شرابات نضيفه تحب اجيب لك واحد يناسب لبسك اليوم ( حبيت انبهه انه مبهذل
طالع فيني وهو يلبس الشراب_ لا انا ابي البس هذا عاجبني عندك مانع
_ لا ماعندي مانع ,, طيب تأخرنا عالموعد
قام _ طيب يا الله
واحنا خارجين رايحين للطبيب صادفنا الممرضه انا حمدت ربي اني تعطرت اليوم ( ؟؟ ههههههههه
مرت من جنبنا انا ويوسف وابتسمت لنا قلبي فز من مكانه وتنهدت بقوه قلت ياليتني لقيت هرجه مفيده وتهرجت معها شوي وتبادلنا اطراف الحديث ( اممم هههههه
انا جلست خارج الغرفه انتظر يوسف يخلص جلسته مع الدكتور شوي وشفت ابو يوسف مقبل علينا جلست اطالع فيه مو مصدق جيته لذا القسم قرب مني
_ يوسف جا
هزيت راسي بصمت يعني بنعم ..
تنهد _ ايه طيب ادخل قل للدكتور اني جيت
قمت وانا اتسائل وش الي جايبه هنا
دخلت عالدكتور بهدوء
_ احم دكتور فيه شخص يبي يدخل يشوفك
طالع فيني شوي _ مين جا
طالعت بيوسف الي كان جالس عالكرسي ويحرك رجليه بملل واضح
_ اممم ابو يوسف ينتظر بره
طالع فيني يوسف بذهوول وحول نظره للدكتور قام من مكانه
_ هو هذا الضيف الي بتفاجئني فيه
الدكتور _ ايه ابوك انا حسيت انه لو شارك معنا ممكن نتوصل لحل لمشكلتك معه
_ مشكله مافي مشكله انت ليش مصر ان فيه مشكله بيني وبينه
تنهد الدكتور _ فيه مشكله والدليل انك ماتناديه بأسم ابوي انت حتي مو معتبره ابوك
سكت يوسف شوي مرت لحظه هدوء حتي تكلم _ طيب خليك معه انا طالع الجلسه بالنسبه لي انتهت
راح يفتح الباب منعته من الخروج _ لو سمحت عم يوسف لمصلحتك تكلم معه شوي
ومن دون مايطالع فيني _ بعد عني لو سمحت ياناصر
_ لا انا اسف لازم تجلس معه
_ يعني ايش راح يصير لو تكلمت معه مراح يتغير شي
وقبل ما اتكلم دخل ابو يوسف الغرفه والظاهر انه سمع نقاشنا مع يوسف
كان بيقرب من يوسف لكنه تمسك فيني وبعد عنه وكأنه مايبيه يلمسه
قام الدكتور من مكانه سلم علي ابويوسف وطلب منه الجلوس عالكرسي القريب منه
يوسف كان بيخرج من الغرفه لكني مسكته بقوه تألم
_ اي وجعتني ياحيوان
ودفعني عنه
وجلس يصارخ علي وانا رديت عليه نسيت نفسي وتخيلت يوسف اخوي مو عمي ونسيت ابو يوسف والدكتور
هديت شوي ويوسف طردني من خدمته للمره المليون هههههههه
_ طيب انا مطرود خلاص انا مطرود
وخرجت من الغرفه تبعني يوسف _ لا ياشيخ ماصدقت اطردك عشان تمشي
رديت عليه وانا ماشي_ مو انت طردتني خلاص انا ماشي بروح لأهلي وبيتي
_ وانا تخليني لحالي
التفت له _ لا بخليك مع اوهامك الغبيه وعقلك المتخلف تطمن مراح تكون لحالك
_ طيب تقلع بالي مايردك يارب البنت الي تحبها تكون مو حلوه قبيحه مثلك وحماره وهبله
ضحكت من كلامه لكن كملت مشي ورحت للغرفه ماكنت ودي امشي بس قلت خليني اعلمه درس هو دائما يطردني وانا ارجع له زي الحرمه ( هاه لا اقصد يعني الحرمه لما زوجها يطلقها وترجع له __ فهمتو ! اكيد فهمتو ..
تيب المهم
جلست بالغرفه تقريبا عشر دقائق وخرجت نزلت الكفتريا استغربت ماشفت يوسف ياتري وين راح
حسيت بالخوف قلت يمكن هرب ولا صلاح شوي فيه شي
خرجت من الغرفه رحت يم القسم النفسي قلت يمكن اشوفه
كان جالس عالكراسي القريبه من غرفه الدكتور النفسي
ترددت قبل ما اقرب منه جلست ادور عن اي اداه حاده قريبه منه لأنه الظاهر كان معصب
قربت منه بهدوء_ عم يوسف
رفع راسه طالع فيني ومارد علي سند ظهره علي الكرسي وحط رجل علي رجل
تنهدت وبقيت مكاني احوس هنا وهناك بلا هدف وتسألت عن ابوه ياتري هو فينه مشي ولا لسه موجوده عند الدكتورتعليق
-
رد: رواية الحارس الشخصي /رووووووعة لا تفوتكم منقولة
مشكوره
متابعه لك واصليتعليق
-
رد: رواية الحارس الشخصي /رووووووعة لا تفوتكم منقولة
يعطيك ألف عافية عالبارتات
متابعتك ياعسسل =)تعليق
-
رد: رواية الحارس الشخصي /رووووووعة لا تفوتكم منقولة
الله يعافيكم مشكورينتعليق
تعليق