اوهايو قوزايمس

بدون مقدمات اكتشفت اني اكره شيئين في الحياه
فصل الشتاء
والمستشفيات
خص نص الاخير

وربي كرهوني بعمري
يعني فوق مو انا ضاغطه ع عمري وماروح لها
الا لما يوصل فيني الالم حده الاقصى
كمان يشحطوطون الوحده من عياده لعياده
ومواعيد بالشهور
وش ذا
طيب ركبتي انا من نفسي ساحبه عليها اكثر من 6 تشهر
ومارحت لهم الا يوم الوجع يرقص فيها سامري
وتقولي مافيك شي
وقبلها رايحه لمشفى خاص يقول مدري ايش بالعظم
يعني بالله اعصب والا ماعصب

انا بفهم شلون ماخذين شهاده دكتواره يوم الوحده تجلس على مكتبها
ومالها خلق ولا تقولك ماادري مااعرف
طيب اذا انتي دكتوره ماتعرفين منو الي يعرف فيس يشمق
خلوكم منهم لا قبل مانتركهم اذا احد عنده خبره بالركب يسعفني

لا وفوق ذا كله مسجله بنادي يقالك لياقه قال
وتضييع وقت فراغ وتجديد حياه
وطحت على ركبتي السليمه وقت البوش اب
وجبت العيدين بدال الوحده صارت كلها ماهذا

لا والي بنادي كل ماجفتني وحده تشهق كانها مدري وش جايفه
حرام عليك جسمك حلو وش تبين بالرياضه
ياخي مشكلتنا كاعرب عندنا مفهوم خاطئ للرياضه
ع بالهم بس للي وزنهم زايد
ترا في شي اسمه لياقه بدنيه واشياء كثير مالها بالازوان الزايده
اخرتها تجيني وحده تقول وش رايك نتبادل تاخذين جسمي واخذ جسمك
وبدال ماتنحف تزيد تضحكني هالانسانه ظريفه
اخر ماتوصلت اليه قالت قولي امين ماتخلص السنه الا يصير جسمي نفسك واوقف قدام المرايه
واسوي كذا تسوي لي حركات واسير فرحانه بنفسي
وانا بس اناظرها وابتسم تضحكني الله يسعدها
هي الله يصلحها ماتمسك نفسها تاكل كثير وتبي تنحف شلون تجي ذي

ووحده مره وزنها كبيييير مرررره
طالعتني بنظره ازدراء من فوق لتحت
يعني من جدك جايه تزيدين وزن لاني سالتني
وقلت لها لياقه وزايده وزن كم كيلو وشكلي جلطتها
وقالت وش لك بالسمنه خلك ع حالك
قلت لها بس كيلوين بس
فالاخت شكلها تحسبني اتدلع
قالت انتي متزوجه قلت لا قالت خلاص لاحقه هالهم من بدري
وقتها اذا تزوجتي بتجين تخففين وزن مثلنا
الي يضحك انها صادقه بكلامها يعني بنات العيله روفيعين قبل الزواج
بعد الزواج يقلبون مدرعات

فشكلي رفعت ضغطها ع الفاضي
لا والمشكله انها هربانه من رقص الزومبا ماتبي تكمل تقول تعبت
وتنتقدني طيب يختي انت دافعه فلوس شدي حيلك ع نفسك
وربي اشكال الي بالنادي يضحكون الي كسلانات ومايبون يشيلون اثقال وكذا
يجلسون اخر الكلاس عشان المدربه ماتجوفهم
واذا انتبهت لهم يرفعونها يعننا نلعب معاكم وكذا


وبس والله

باك قصيت نص التدوينه ونزلتها بوحده جديده
عشان مااجلكم انتم بعد


اي صح نسيت اضيف شي ثالث اكره نسيت
توهه يالس يطربني بازعاجه وتذكرته

اكره الي يشرون حيوانات ويحبسونها بقفص
خص نص الحيوانات الناطقه ياهي ازعاااااج مو صاحي
غير الخرشه الي يخرشونج وانتي ماشيه وناسيه الا فجاءه تسمعين صوت ياصراخ
ياقطو يا يقول لوووولوووي تقولون طقاقه بعرس

بقولكم موقف صار قبل يومين
يااني انخرشت انخراشه قووييييه اقوى شي
احس وقتها قلبي طاح في بطني وصار ينبض براسي ويرجع نبضه ببطني من الخرشه

تخيلوا كالعاده اخونا بالله مسميته كاشت الحيوانات من كثر مايجيبها
وياريت يسولف وياها ولا يهتم فيها الا يسحب عليها حتى اكل ماياكلها
لانه عارف ان في وحده وراه قلبها مرهف وحساس على بني الحيوانات
وقاسيه على البشر

المهم طبعا طائرنا المتحدث الجميل حل في بيتنا ضيف جديد ماله يوم
اليوم الثاني كسر خاطري ضيف جديد وماعنده حتى ماي>> قلب مكسور
المهم اخذت ذاك الشي حق الماي اعبيه ماي وارجع
اشوي الا ارجع الاقيه كما الصقر فوق قفصه
يويل قلبي وربي قلبي راح فيها تخيلو باب السطح مفتوح يعني لو طار
بتصلون علي صلاه الغايب وقتها من كثر الزف الي بيجيني
لانه ماله يوم توه جديد يالهووووووووووووتك ياعطيييييييييييييات

واطير لأخوي نايم اقول الحق كوكو طلع
وينط من فراشه مفجوع هههههههههههههههههههه احسن يستاهل
كم مره اقوله لايجيب كذا ويجيب وربي قلبي يوجعني عليهم حيل
الا يرجعه الي بيته بسلام

الي يميز هالجميل المزعج عن باقي اسلافه الي راحو من عندنا طبعا
انه ذكي
واكتشفت هالشي من حركته اول مااخذت حق الماي جلس يناظرني
ويترقب شنو اسوي
اول مارحت استغل الفرصه وطلع من نفس المكان فديت راسه ومخه انا
ثاني شي كنت اكله اكله
ولما شلت يدي طفشت يسوي حركه براسه يهز راسه وجسمه كانه يرقص لحد ماعطيه الباقي
حبيب قلبي هو جوعان
ثالث شي لما طفشت حطيت الي بايدي مكان اكله عشان ياكل بنفسه
صار ياخذ حبيتين استغربت
طلع ذكي وحده يقشرها والثانيه ماسكه بايده عشان يريح نفسه
قلت بس يمكن صدفت معاه مره وحده لا طلع ياخذ حبتين بكل مره

رابع شي متحدث لبق ومزعج بنفس الوقت


كثرت حكي حق تجميعه الاسابيع كلها بتدوينه وحده
الي مالهم خلق يقرون عادي في مدونات حلوه ومختصره روحوا لها

اديوس

صباحكم إشراقات
زخات مطر
تداعب نسائم شتاء حل



ماشاء الله هالاسبوعين امطار وثلوج
صبح ومساء وليل

والناس مبسوطه كله كوم والي موقفين سياراتهم ع جنب
ع بالنا حادث من الزحمه

طلع الناس موقفه بالطريق
عشان يلعبون بالثلج
الي يجمعه ويحطه فوق سيارته مسوي جبل شكله تصميم والله اعلم حركات شباب
والي نازله تعبيه ببطل ماي>>مادري شنو الحكمه ع اساس ماراح يذوب الثلج ولا بيبقى محنط مثلا
والي يسوي رجل الثلج والباقين ينطرونه لحد مايخلص عشان يصورون مثله
والي يصارخون ماما ثلج بابا ثلج ويناقزون
وربي حكايه
هههههههههههههههههههه

هذه بعض لقطات من حكايات الشتاء
لمدينه الورد

تسجيل دخوول يامعلم





أولى
كومو استاس
موي بيين قراسياس
إيتو

الترجمه لغير الناطقين بالاسبانيه

مرحبا
اخباركم وشلون دنياكم
انا زينه اين نحول شكرا
هههههههههههههههههههههههههههاهههااءء
قصدي انا بخير وانتم وش علومكم واخباركم

بما اني ماخذه اجازه من نفسي
وساحبه ع اللياقه
يبيلي والله اخصص تدوينه بين مفهوم اللياقه البدنيه والرياضه التخسيسيه
من كثر مارفعوا ضغطي الي فيه ليه جايه وشنو تسوين >>وش دخلك كيفي لو ابي اصير فيل
يرفعون الضغط بعض الحريم

بس مو الحين مودي رايق
المهم كنت اتابعكم بشكل متقطع من خلف الستار نغير من خلف الكواليس شوي
تصدقون كنت اقرا قبل وانفهش

الحين وصلت لمرحله السلام الملكي
مو سارعي للمجد والعليا لا
مرحلة سلام مخي عصبي حسحوسي مخموخي
ترا تفرق المخ عن المخيخ لانهم اذا اجتمعوا تصير عضلة كبيره >> متاثره بالرياضه
يعني مخ كبير
تصدقون انها بالضبط نفس سارعي للمجد والعليا
يعني اي مو لا

صرت اقرا وابتسم مانفهشي خالص اه واللهي
الناس وصلوا سطح القمر لا القمر صار قديم
وصلوا سطح المريخ وبنوا لهم فيها خيمه
وتقهووا نساء ورجال ومنبسطين ورجعوا للارض

وفي ناس للحين عقلها عقل زمن الكهوف المظلمه ويجوف الانثى عار وعوره
ياللهوووووووووووول ياربااااااااه كم هم سذج وحمقاء >>يجماعه وش جمع احمق حوميقيون ولا
هبولي فنيان قهوه اصكه براس احدهم اي والله
ماعلينا مراح اتكلم في الموضوع لانه تافه جدا اشد التفهان العقلي والوجداني
يكفي البرذر نافوره كفى ووفى بالموضوع
ارفع له العقال والقبعه يستاهل حتى ارمي له العبايه بعد>> من الحماس
<<يابنت خذي عباتك تستري لاتصيرين عار وعوره من جد

المهم الجميع كفوا ووفوا بالموضوع
ومعاد يهمني الرد بهيك مواضيع راحه بال اعصاب مخي اولى
من مجادلات اشخاص عقلهم بلوك الا بيوت طين من قدمها

الاسلام صالح لكل زمان ومكان
يعني صالح لما يناسب تغيرات العصر الي يعيش فيه الانسان
طالما يحافظ على اسلام الشخص وتوحيده لربه بعيدا عن الخطوط الحمراء الي حددها الله عزوجل
وش المانع ان الانسان مايعيش بتقدم مع الاخرين في ظل تمسكه بما يحفظ عليه دينه بعقل وحكمه

مشكله القطيع الضال ياتضيع ويانا وتضل بنفس الطريق لانهم متعودين يمشون فيه من مئات السنين
يا انك تصير عدو لنا ومن عباد الله الضالين حتى لو كان الطريق الثاني مليان ورد ورياحيين
عكس الاول الي كله صحراء متصحره تؤدي الي صلع بالمخ مع الشعر وذهاب العقل

ماعلينا المهم
كومو استاس
كيفكم طيبين

اي صح مرحبا الف مرحبا مليون
بالبرذر المختفي
هاتوا الرشاش ياقماعه
طططططاااااااااخ طااااااخ طططططططططاخ
لحظه باقي تعشيقه في رصاصتين طخ طيخ

وش بعد قبل انسى واختفي واغيب
خلوها بالتدوينه الي بعدها عشان ماتصير كثير

اشكال بعض البنات بالنادي
لما يكون كلاس اليوم بالكوره

سا يونــارا ياخونا سا يونــارا

بالياباني بيبااي

صباحوو
اليوم سحبت ع النادي
قلت فرصه اجي اشخبط في ذا

بس قبل الشخبطه
الف سلامه لبنت اخونا نفر ماتجوف شر وحمد لله على سلامتها
طمنا عليه بين فتره وفتره
تراها بنت اخونا الصغيره وانا اول وحده جفتها فوجب عليك تطمنا عنها

تصدقون امس الناس بالناس وتعلقياتهم عن الصراحه
وانا مودي وقتها جالسه ارسم ولا علي بالموضوع
الناس مشتطه وكلن يدلوا بدلوا
وانا وضعيه هكونا ماتتا تيمون وبومبا
ورحت للنادي اليوم الثاني ولا كأن في شيء صار

الشيء الي زاعجني امس رجعت وانا تعباااااااانه
وبنفس الوقت جوعانه تخيلوا على ريوق امس
من الساعه9 ونص
ومن التعب مالي خلق اقوم اسوي لي شي
وبنفس الوقت تعبانه وابي انام
امس بجد انهييييييييار طاقه من داخل

وتو قبل شوي صاحيه وراسي صدااااع من تحت الرقبه الف نبضه مع صداع
المشكله جوعانه ومافي احد بيصحى يجيب لي ريوق
شكلي بنطر للظهر

يلا ماعليكم بنزل خربشه كنت اظن وخاب ظني
حرزوا فيها ع مال ارفع الباقي

ودي اعلق واطقطق بس مالي حيل جوعانه جدا ودايخه علقوا انتم خذوا راحتكم






وكالعاده ياسعاده الرسمه ماكملتها
سحبت عليها في اخر لحظه
حتى شعرها طنشته ولا هو حفله