توي قبل شوي كنت بمدونه البرذر ابو شخابيط
وطول ما اقرا ماخذه وضعيه الفيس المبتسم
يحزن كل العالم تأجز وهم لا

وسمي شنو رياك امسك عنك شفتات طفشت من كثر الاجازات
وماعليك بتخفى واتلطم بشماغ لحد ماترجع
حدك شهر وتعال خذ مكانك

هههههههههههههههههههههه
استغفر الله تخيلت جد يالسه مكانه ومتطلمه واذا حد بيسالني بجاوب بالاشارات

لحظه لحظه بوريكم سويت اقتباس مالي حيل اسوي كابتشر ع الصراحه
واصغر حجم ويوووه ورفع صور لووويه
>>صايره ثقيله وكسلانه ياطيف وش عندك ها
<<ماعندي شي بس احس اني سرت ثقيله في مخي استغفر الله بس

جوفوا بالله وش يقول وانا طول ما اقرا عيوني كذا
اقول ماشاء الله نزل عندهم ثلج
طلع يتطنز علي مو صاحي ثلج ها
والمويا يثلج برا الفريز خير ان شاء الله

كأني ما اعرف حركم حتى بالليل الحرم ارضه نار ياللهوول من النصبتاه ياللهووول
ويقارن جوهم بجونا بعد..
لك ويه يامعود المصطافين كلهم منبشرين عندنا
حتى نفر في وقت ما مضى جاء يدور المطر لمنا
وانت تقول عندكم ثلوج ها ماشاء الله

المهم الله يحييك ويبقيك يابرذر >>كذا يقولون ولا لا
المهم ماعلينا خلهم يشغلون المكيفات ويبردون لنا الطريق لا جينا
قال ثلوج قال

عادي بس اصبح عليه واقوله صباحو
>>وش الي صباحو ذي.. بتنكبينا انتي ولا شلون لا صباحو ولا غيره هوص
<< ياخي ماتجي تروح تدوام من غير ماتكون مشع وسعيد وتصبح ع الخلق ببتسامه مشرقه
>>اي هين مشرقه والله لخيلها مسوسه اذا فتحتي فمك بحرف




اجرام بريئ وفيه منفعه بالنص
الله يسلمك ويسمنك ويسعدك

تصدقون >>المشكله ماكو الا انا والبرذر بالمنتدى واقول تصدقون
ع اساس ان الكل فيه
ماعلينا اذا رجعوا الباقين يصير جمع

المهم لي فتره امر بمرحله استكنان مع لا مبالاه
مع شويه سلام على محاوله توزان
علي شوية تقييم عام لنفسي ولمخي ولحياتي ككل

الفتره الاخيره احس فيني ثقل مو ثقل جوفه نفس او تغلي لا
مدري احس مدري كيف
كثير اوقات اقول بسوي كنترول ع نفسي مثلا مانفعل بالكلام
او ماقول كذا او اسوي كذا
خص نص بالتجمعات وكذا
واخربها واذا رجعت البيت اخاصمني اقول هذا الي بتقول وبتسوي

بالله ياجماعه في احد مخه ملحوس مثلي ولا وضعي مو مضبوط
اكرر الخطاء وقبلها اكون متحمسه انو خلاص الكنترول بيدي
واخرتها كوذاب

بس الصراحه احس فرقت الفتره الاخيره كثييير عن اول
صح في تخبيصات واجيب العيد
بس كمان في تغير وسيطره افضل

بدليل اني هالفتره بجد احس مافي شي يستاهل كله محصل بعضه
ورتبت بعض اوراقي واقدر اقول ماشيه خطوه خطوه
لحد ما اوصل للمرحله الملكيه

وبس والله

خلاص عيوني طفت باخذ قيلوله
ولاتنسون فضل هالعشر
اغتنموها بكل شي جميل وزيدوا ارصدتكم فيها من الدنيا

واصدحوا السنتكم بذكره في كل حين..


الله أكبر، الله أكبر، الله أكبر،

لا إله إلا الله

والله أكبر، الله أكبر، ولله الحمد


والسلام عليكم ورحمة الله
سبحانك اللهم وبحمدك اشهد ان لا اله الا انت استغفرك واتوب اليك
استودكم الله

هآآلووهآآ

اي ميس يوو قااييز وقايززاات

من اول احوس ومسويه زحمه وارفع الصور من جوالي
ع برنامج البنترست بنزلها لكم هنا
اخرتها لما فتحت حسابي باللاب
كأنو حساب جديد ماكو فيه ولا نقطه صوره
ماااااا هاااازا ياللهوووول

بحاول اجرب مره ثانيه
بنزل لكم صور المدينه ياخي احبها موت
غير شي ثاني
في اشياء عجيبه غريبه ماجوفها الا بالمدينه
ياهو على البراذرات ستايلات كأنك بالوندون موش المدينه
عليهم قصات شعر غريبه وتضحك في نفس الوقت
المشكله اني مصوروتهم فيديو من بعد مسويه زوم
امشي وابتسم الله يهدينا ويهديهم اجمعين

ليتهم جافوني متعبه نفسي يوم العيد
مسويه شعري استريت وميك اب وعدسات
قال بكشف واستمتع بالعيد قال
ماوصلت للتوسعه والا احس ويهي ذاآآآب
هو ويهي بس الا كلي ع بعضي
ياللهوووووووووولااااااااات

تقولون شمعه مو بني ادمه

حر ياجماعه حر حر مو طبيعي
وانا انسانه ماقدر اعيش بامكان حاره او رطبه اموت
لدرجه توصل فيني ممكن ابكي من الحر
اصلا سويتها مرتين

مره وانا نونو صعنونه تقول امي ماتحبين الحر انهرتي علينا تبكين
وماسكتي الا لما شغلنا المكيف عليك بالسياره

ومره وانا كبيره مو كبيره مررره نص كبيره
بفتره المراهقه
مابكيت حقيقي بس عيوني دمعت دموعات نص نص من حراره الجو
وهم بعد كانت بجده هههههههههههههه

ع قولة امي الله يعين الي بياخذك وشكلك ماراح تتزوجين الا بواحد
يابجده يابرياض بالاماكن الحاره الي يكره الشيء يجيه ياساااااااتر


المهم ماعلينا اذا تعرفون برنامج احفظ فيه صوري
خصوصا اذا كانت الذكره ممتلئه ومابي اخسر صور حلوه
وبنفس الوقت ابي شي يحفظ لي كل صوري وتكون امنه ومافيها ضرر لي
اذا تعرفون خبروني
ع مال احاول انزل الصور

يلا بباااااااي ياقلبوشيني انا

اجوف اعمدة عبير مختفين
خير اللهم اجعله خير

هوا نلكم من الحب قانب ياخونا متلي ولا ايه
يالله تخيلت مجرد تخيل لو يختفي عبير او
انتم تختفون ياللهووووول
شعور مريع

صح اني ماصرت مثل اول اكتب في ذا كثير
بس ع الاقل احس بوجودكم فيه وانكم بخير شي يطمني عليكم

اما كذا اختفى وركود وسكون
يالهوتي كاني في بيت بالغابه بروحي ومسكون بعد
ياللهوووووووووووولااااات


المهم ان شاء الله العوده قادمه وبقوه
ماصدقت اخلص من روايه اطول روايه بالحياه قراتها
عشان كذا اختفيت

بس ياهي ممتعه فيها اكشن واثاره وجنون
ورومانتك وكونان
روايه شامله من ماقامييعوه مثل مايقولون

ابدددددداع ثلاثي برومودي>> وش ثلاثي برومودي ذي
<< هوص هذا اصدار جديد من التحيشيش وش عرفكم

المهم انها اخذت من وقتي كثير هذا وانا اقراها للمره الثانيه تخيلو
نسيت انها طوووووووويله حيل صرت انقز بعض الاحداث
لاني والله اعلم شكلي بديت افقد الذاكره كانها جديده بالنسبه لي نسيت نص احداثها

مالكم بالطويله ارجعو ياحبايب نبض قلبي انا
مايحصش برضوه كده اتكلم لوحدي كاني مقنونه
>>انتي مقنونه وخالصه من زمان اصلا

يلا حياه اجمل مع جنون قادم باذن الله في الصفحات الاخرى
كم بااااك افري كلكم بسرعه

قد تخونني ذاكرتي بك

لكن حتما ستذكرك جميع أوراقي..

............................................................................................طيف عابر

هههههههههههههههههههههههههههههههههههههههههههه
لاحول ولا قوه الا بالله
شر البليه مايضحك

سبحان الله عمر نظرتي ماخابت في فصيله التماسيح
ماعمري جفت شباب راقين ومؤدبين الا من رحم ربي
ويكادون ينقرضون


قبل شوي كنت داشه محاضره نيابه عن البرذر دخول مؤقت لحد مايجي
لانهه راح يودي اختي المشفى فانبت عنه لحد مايرجع المهم
جفت العجب العجاب
ياهم لحوج الشباب وكميه خبال مو صاحي فيهم ما كأنهم خلاص جامعيين
ولا والمصيبه وين
في صوت مرة قاطه وياهم وتهاوش بنتها
وتقول لا الدكتور ماجاء وتشرح لبنتها الصغيره
يعني فوق ماتدرس بنتها بعد داخله محاضره لولدها او لزوجها بعد
اللهم المستعان

وفصيله التماسيح هاتك تعليقات وضحك
والي يقول شعر والي يعرف عن نفسه
حسيت اني بقناة الساحه مدري الصحراء وشهو ذااا

انا مدري هالفئه منو الخبله الي بتتزوج منهم بس
وربي انتحار بطيئ مافي عندهم ذره ذوق ياللهوووول

بروح اكمل اجوف اخر وضعهم شنو
مخابيل الحمد لله والشكر
ههههههههههههههههههههههههههههههههه

اكمل لكم الجزء الثاني بعدين
اي صح قبل اطلع ادعوا لي بكره بقدم بمدرسه ادعوا لي يقبلوني فيها
واي صح كمان الناس الي طاقين النفسيه ومقفلين كل حساباتهم
ارجعوا كلكم وراتسم تسذا ها الدنيا حلوه

ويلا ببااااااي