عمتم صباحا
فيس يتمغط
أصبحنا وأصبح الملك لله

ابغى وحده فيكم توصل هذا الايس جوس سنكرز >> متعوب على الكلمه ترا
ابغاكم توصلونها لطيف خلوها تشرب منه لين تقول امين
لحقو عليها شربوها هالعصير مع السنكرز
كود ترجع تسولف نفسنا كذا وترجع طيف خويتنا بالشخبطه

لو سمحت مافي جالكسي بداله ماحب السنكرز>>تتشرط بعد

.. .. ..

ان كان ودك قل للي بيوديه يمر علي اقراء فيه شوي
يمدحون قرايتي اللي ما جربوه يقولن وحده بوحده عاد طيف
اية وحده تكفيها ان شاء الله بس لاتدري ان درت مقري فيه
ما شربته نفسيتها مزاجية

البرذر نور اذا كان رايق يكتلني كتل

صباحوا

في مواقف أحيانا تمر علينا
تجبرنا للخروج من عمق وجع دواخلنا
فـــ
نحتاج للثرثره
نحتاج للحلطمة
نحتاج نرسم
نحتاج نعبر
نحتاج نطلع كل طاقة سلبيه متراكمة
نحتاج نتخلص من الضغوط
إلي أحيانا توصل لحد الانفجار من كثر الصبر بدون أي حل يذكر..!!

نحتاج احيانا نتبعثر بدون مانسمع لأي صدى صوت ثاني
يرجع لنا أو علينا
مجرد ثرثرة أوجاع مبعثرة يتنفس بها المرء ليس إلا..

أحيانا البعض لما ينفس عن الي بداخله
محتاج يتنفس جرعة سلام داخلي
وأحد يقوله قدااام فش خلقك في احد جنبك
يحب أحد يسمع له ويوجهه في تخبطات وجعه..

والبعض وده بس احد يضمه من غير مايقول وش فيك ومافيك
مجرد ضمة تسكن بها وجع روحه

والبعض مايحب يسمع صدى صوته إلا نفسه
يعني يجيك يفضفض ويتكلم ويطلع كل الي عنده
بالمقابل مايبي يسمع صوتك ولا تعلق عليه بأي حرف
مجرد إناء امتلىء ليخرج من قاع البئر ليرمي مابداخله خارجا
ثم يعود إليه فارغا ..

ولأن المعروف أن الكلام إذا طلع للشخص الخطاء
أتى عليك بالوباء

فما للأشخاص إلى مدونتاهم يشخبطون فيها
بعيدا عن أعين المتصيدين والمتلصصين من الأقارب
او الصديق الي متخبي بثياب عدو وغيره

فخلوا العالم تنفس وتتنفس براحتهم ياجماعه
في المكان الي يريحهم بدل مايجيبون العيد من ناس خطاء
ونشر غسيل والصيد في المية العكره

فيصير بدل فضفضه الوجع
زياده ضربة قاضيه ممن يخفون سهامهم خلف ظهورهم من قريب ولا عدو ولا بطيخ
فخلوا العالم تنفس وتتنففس

انا والله ودي اخدمك بها الامرين لان ولدي
اللي في محل الاتصالات يشتري من برا كثير
وعنده فني صيانة اجهزه
بس اخاف يقول من هي هذي ثم يعلم امه
ثم الله يجيرك من ربك وما دينك ومن نبيك
وشوي واظهر من الاسلام

أضحك الله سنك يابرذر
شو هالخدمة الي من غير توصيل

قول له هذي وانا ابوك جدتكم من الرضاعه
ماعرفني عليها ابوي الي هو جدك الى قريب يوم كنت جالس اشرب قهوه مع الشيبان في عبير
>>عاد هنا النكبة لو سألك من عبير

وقول أبد وأنا ابوك تراني متبري منها ولا أعرفها حتى أمك وهي أمك ماعرفها
بس وأنا ابوك سمعت من جدك أن عندها شغليات ود أحد يساعدها فيه إذا أحد يعرف لها
وقلت ابد مالها الا ولدي البطل المغوار يساعد جدته الجديده الي طلعت لنا بالساحه

وبس وصلى اللهم وسلم على نبينا محمد
والله يرحمك مقدما صلي ركعتين وتشهد قبل يقرون عليك الفاتحه
بس لحظه في أي مسجد بيصلون عليك
عشان أجي اصلي معاهم بما اني طلعت من قريباتك وأنا جدتك

ويابدايآآت الصباحات الجميلة
اليوم كان صباح جميل وزاد جماله برشات المطر
الي تشاغب الأرصفه والسيارات والطرق
ياربااااااااه
اشرقت السعاده في قلبي الصغير

اكتشفت شيء مدري في احد مثلي او لا
جمال اليوم حقيقي وفعلي اذا صليت الفجر بوقته
وقريتي وردك
بعدها ريوق خفيف يسد جوع عصافير بطنك
بعدها رياضه تنعنش كل خليه بجسمك حتى مخك

المهم قال ابوي ترا في رشاش مطر برا وهو جايب لي الريوق الي احبه
بعد ماخاصمني يوم طلبته يجيب وانا اصلي
واخرتها جاب طيب ليه العكننه من البدايه طيب
ياخلونا نسوق ونجيب اشيئانا بنفسنا ولا جيبوا سواق

مالكم بالطويله المهم
قلت ترا بروح معاك لما تودي اخواتي للمدرسه
قال طيب
رحت واستنشقت ريحه المطر وريحه الصباح
وريحه الطريق
فعليا اكتشفت اني احتاج الصباح هالفتره
والحمد لله تجدد نشاطي وقلت لبابايا خذ بنا لفه

عاد قبل مانقرب من البيت فيه ممشى يفتح النفس ونفس جوي
يفتح النفس قلت لابوي وانا متردده يزفني ويرفض
قلت وقف خلنا نمشي رياضه
قال انا اتعب ماني ماشي تبيني انزلك نزلتي
واااااااااااااااااااااه ماصدقت قلت مايبليها ايه اكيد نزلني
يالله الجو بطل بطل بطل
غيوم وصباح وزخات مطر ورياضه
وش ابي اكثر من كذا سعاده تصنع يومي

فعليا احس اني مشحونه طاقه وسعاده
اللهم لك الحمد
ومن هالمنبر بليييييز الناس الي عندهم اهل اخوات زوجات بنات
بطلوا تعقيداااات وخلووهم يمشون في الهواء الطلق
الحياه مرا وحده خلو الناس تعيش وتتنفس

ياللــــــــــــــــــــــــــــــــــــــه مررراااا اليوووم جميل وحلووو
قررت اسويها مرا بالاسبوع
بس خفت اقول الخطه الي في راسي لبابيتو
وقتها يبطل ويقول الشرهة ع الي اخذك
فنخليها ع الاسبوع الجاي ونسوي بروتوكولات تقديم طلب

اي صح نسيت اقولكم شيء يضحك
والله لو دريت ان ابوي بعطيني ويه ويخليني امشيء كان كشخت
الناس تمشيء وهي كاشخه
وانا امشيء وانا كاشخه ببجامه فخمه كلها ارانب

ع انو بالعاده ماطلع ببجامه البس بنطلون ولبس مرتب
بس هالمره مالحقت اخواتي وراهم تبصيم
وانا كنت اترريق حتى الريوق بسرعه بسرعه بلحق اروح وياهم
يالله والله حزنت ع نفسي كني بزر بيروح يلفلف مع اخوانه ويرجع

اصلا ماجاء ببالي ولا واحد بالميه ان ابوي ينزلني بالممشا
دايم يسب ويخاصم بالناس الي تمشي فيه كل مامرينا نروح السوق
المهم اني ضحكت ع نفسي وانا امشي
العبايه تهفهف مع الهواء وتطير
والبجاما الفخمه ام ارانب تمشي في الساحه
هههههههههههههههههههه
زين اني ماطلعت بالسلبر حق البيت ابو حصان وقرن براسه كان والله صوروني
وطلعت بمواقع التواصل كانت بتصير فضيحه بقلاقل يادي النيله المهببه

عاد بنزلون بوست فتاة الصباح وانطلاقه للياقة الصباحيه
ببجامة كيوت وسلبر وحيد قرن
ياربااااااه انهو لمشهد جميل مضحك

المشكله قدامي 3 بنات كاشخين ع سنقة عشره مثل مايقولون تقولون رايحين حفله
وانا يفتح الله انا وارانبي القميله
في البدايه استحيت بعدين قلت ماهمني مو مشكله
اهم شيء اني اتنفس واعيش الجو واليوم بدون تعقيد وحلطمه
ولاااا بعد جالسه امشي واصور بجامتي اضحك على نفسي
وشكلهم يضحكون علي يقولون هذي شكلها تو صاحيه من النوم ونازله تمشي قبل تغسل ويهها
الحمد لله اني بجامتي فخمه وكيوووت ولا كان قلت لابوي وقف وخذني البيت