ها نحن نا على دروب كنزنا
نسير معا وآمالنا تسير خلفنا
من غيرنا يقطع يوما مثلنا
دربا خطيرة الى الشخبيطه من غيرنا


هالفتره امر بحالة مدري وش اسميها
دا انا موش انا ياقماعه
المهم في وحده طلبتني ارسم خطيب صديقتها تبي تفاجئه بيوم ميلاده ع قولتها
وصديقتها يوم جافت الرسمه انصدمت واصابها انهيار عصبي وبالاخير طلعت اختها
عاد المينونه اختها ماخلتها في حالها اخذتها طقطقه على خشمه تقول ضبطتيه مرا
واختها زعلانه
وهي فرحانه لاني سبق ورسمت خطيب الثانيه
والله حاله البنات عليهم حركات مدري وش تبي
من جد مدري وش يحسوون بوه يوم وحده تبي تهدي خطيبها رسمه بعيد ميلاده
انا اتوقع مخي خارج انوثه وتفكير البنات
اعتقد لو بيوم انخطبت وفكر يتصل و قالي احبك يمكن اقول له ياقليل الادب
وقفل الخط بويهه بعد قال ارسمه قال

المهم بنزل لكم صوره وحزروا فروزا اي هييا
يلا استتتعددوووا على قولة سكار



استعدوا لافلام الرعب

هيا بنا لتس قو

قايلتلكم افلام رعب
وفوقها التصوير مدري ليه صاير كذا تقولون وياه مغص بالامعاء
ماهذا
غير كذا اصلا الرسمه ع ايبادي وبرنامج الي ينقل الصوره بشكلها الاصلي متعطل
وصورتها من جوالي ومع اضاءه الايباد مدري شلون صايره كانها زومبي
المهم حزوا فرزوا اي هيا ياحلوين ع مال اجيب لكم باقي مصاصين الدماء
هههههههههههههههههههههههههههههههههه

صبح صبح
اليوم الجو رايق
رغم اني صاحيه مصدعه

وحلى الروقان اطلالة تنهيده
حي الله احتريك مدري احتريتك
الله ع ذيك الايام وين كنا وين صرنا

تصدقون لي يومين طحت ع مسلسل امريكي
رغم اني مو من هواة متابعة المسلسلات اااااطلااااااااقااا
لا اجنبي لا عربي ولا لوعة الجبد التركي انا مدري شلون الناس تابعوهم
لامحتوى ولا شيء مفيد

حدي فلم ابو نص ساعه ويكون امريكي او بريطاني
اعزز فيه اللغة وبنفس الوقت اطلع بشيء عليه القيمه ويغذي المخ
قبل يومين طحت ع مسلسل ع بالي فلم وانصدمت انه مسلسل قلت لااااااااااااااا
ماراح اتابعه لانه 3 مواسم وهالشيء ذا عندي من الصواعق
ضياع وقت ع الفاضي وخصوصا لاكان تافه وكله مصخره حب وقلة حياء
قلت يابنت خل اتابع اول حلقه لان البوستر ماله اعجبني
ان لقيت فيه شيء يوافق مزاج مخي كملنا
ان كان حب وغرام وخباله سحبت عليه
بس قبلها فتحت الموسم بجوف فيه كم عليه اذا من 40 وفوق والله مافكر اتابعه لو شنو
طلع كل موسم فيه 7 فكه

كل هالكلام اتركوه ع جنب
الكلام كله ان المسلسل كأنه يحاكيني انا بجد
طول الحلقه وانا اتخيل اني كاتبه وكل جزء منها اغوص بعالمي وذاكرتي لشيء وراء
التصوير بحد ذاته مخليني اعيش فتره الماضي مرحلة الطفوله
اذا تذكرون مسلسل ساره بالقناه الثانيه لما كنا صغار
في مقاطعه افونلي نفس احداث المسلسل بهالمكان ونفس الاجواء اللبس المحتشم
وحدود التربيه والممنوعات ومحاوله الانفتاح
في شيء غريب قاعده اعيشه مع هالمسلسل وخصوصا بطلة المسلسل تذكرني بنفسي
الفرق هي كانت مندفعه للحياه كاعصفور منطلق بحريه
والي حولها اطلقوا هالشيء فيها
وانا العكس كنت مثلها بس اندفاعي للحياه كان باستحياء بخجل لما كنت طفله
خلاصه الموضوع احيا فيني شيء او نقول اشياء جالسه ارتبها بحياتي هالسنه واحاول اعيشها

الشيء الغريب اني يوم جفت اسم تنهيده ببدايه المدونه
وجفت باقي الاسماء مثل موج البحر مره تصعد مره تنزل
ومره مثل مد وجزر تكون متواجده ومره تختفي

وكأن عبير مثل جزيره كانت مؤهلة بالسكان
وبدت ملامحها تختفي مع كل سنة
هالشيء يخوف حلو التطور ايه
حلو العيش بشكل مختلف ايه
بس الي يخوف اعشاشنا الصغيره الي بنينها بانفسنا بنتركها باختيارنا
في يوم لازم يصير فيه هالرحيل حتمي!!
او خلوني اقول كهوف اكثر من هو عش لان الاعشاش هشه مع هزة ريح بتختفي
مكان يشبه الكهف مغاره صغيره عليها شخابيط ورسوم كثيره تثبت وجودنا في هالجزيره بيوم من الايام
باليوم الي يكون فيها اختيارنا للرحيل قرار نابع للعيش بسلام بقاره اخترنها من جديد
لانا لقينا فرص الحياه فيها اكثر
اكيد ذكرياتي راح تقود خطوات ذاكرتي للابحار لهالجزيره الي بيوم من الايام كان بها مسكني
وجل وقتي
يومااااااااااااااااااااااااااااه شيء يخوف بجد ويوجع القلب

عموما مهما كان وصار تبقى اجمل ايام عمري بهالمكان تحديدا
فطبتم غرباء اصبحوا اصدقاء

كااااااااااااااااااااااااات الي دخلوا جو اطلعوا برا
وجع عشت جو المسلسل وشطحت

نرجع للشخبطه من جديد رغم
ان قلبي يوجعني في التدوينه واحس احد عاصره عصر مدري ليه>>متاثره
يمكن لاني جوعانه ماتريقت للحين

اي صح قبل اطلع ياجماعه اي احد عنده الصلاحيه يحذف بمدونتي
كل شخابيطي بتدوينه الرسم جد جد والله مو حابتها
ولا ابي كل مافتح المدونه الاقيها بويهي
ياااااااااااااااااااااااااع

احذفوها الله يسعدكم مابي اجوفها اذا رجعت
ورده

صبح صبح
ازيكو يانفرين ويا نفرات
الا ع سالفه الجمع قبل كم يوم عجزت الاقي جمع لكلمه جبناء بس للإيناث
واقول لامي وابوي من ضمن النقاش
لانهم جبنات جوبنات مو راضيه تطلع وياي جمعهم اخر شي خليتهم جبن اكل
ههههههههههههههههههههههههه


لحظه قبل اشخبط واعلق ع ابونا نافوره خلوني ارد ع تقييم الحذف وارتاااح
من جد لايعه تسبدي كل مادش المدونه الاقي شخابيط رسمي بويهي>> فيس لايعتون سبدوه
سدوا نفسي الله يسد نفس العدو عن الحياه>> ع اساس مو انتي الي راسمتها
>>اي راسمتها بس تجيب الاكتئاب مع الصباح الباكري هوف

والله مدري يابرذر من وين اجوف رقم المشاركه
المهم انها ثالثه تدوينه
عد من فوق واحد وانزل لحد ثلاثه الي كلها رسم وشخابيط احذفها عن بكرة ابيها
حذفا من الاعماق امعطهم مع شوشتهم
وقول لهم يلا اطلعوا براااااااا بصراااخ
بس بشويش طبعا لايخافون ويطحيون فوق بعض ويتكرفوسون
هههههههههههههههههه
>>امزح امزح الحين مايحذفها من الخبال الزايد

لا تخلي احد يستغلك ويفهمك ان النجاح يكون بالمظهر
النجاح يكون بالمواهب والقدرات

هالكلام سليم ميه بالميه ومايختلف عليه اثنين

لكن لما تنقلب الطاولة ويكون مدى قبولك الوظيفي
لايعتمد ع انجازاتك وقيمك ومواهبك وقدراتك
من المسؤؤل؟؟!!!!

لما تكون فرص عيشك بالحياة قائمة في هالفتره الزمنيه الحاضره
قائمه ومعتمده على انسلاخك من مبادئك واحترامك لنفسك
لاشياء تخدم مصالحهم الخاصه تحت مسمى تسويق عمل؟!!!
او اغراض اخرى
من المسؤؤل؟؟!!


اقول هذا الشي لانه بدت تنتشر اعلانات توظيف للبنات خاصة
يشترطون الجمال والمظهر الجميل وكشف الوجه وتناسق الجسم ( مايبون دبه )
ماادري كيف تقبل الانثى بهذي الاهانة في زمن هي نفسها الانثى اللي تقول للزوج انا لست جاريتك
فكيف تقبلين تكوني جارية في العمل كيف تقبلي ان يكون سبب توظيفك هو ابراز انوثتك وليس ابراز مواهبك وذكائك وشهادتك
الحرية والكرامة والتحرر اشياء لا تتجزا

الي لونته بالاحمر لقصه سمعتها شخصيا من ام
لما كنت بالمدينه ولما اعرفك شخصيا كانفر كان قلت انها انت

والصراحه كذبتها ( الام) مدري لاني فاهيه او لاني اجوف الحياه بمنظور براءه وحسن ظن
فااكذب القصص الي كذا لانها توافق هواء بعض المعارضين الي حاصرين بناتهم في مجال التعليم فقط
السالفه بوقت انتظار دخولنا للروضه بالمدينه جلست يمي حرمه
وطول الوقت تتكلم عن انو تخاف على بناتها وتمنعهم يروحون لصاحبتهم الا لازم تكون هي معاهم
وامهاتهم يجون مع بناتهم وكلام طويل اعارضها فيه
المهم قلت لها هالاسلوب غلط خليها تتعلم من حياتها الصح والغلط
خليها تعيش وتجوف الحياه في حدود المعقول

المهم السالفه تقول انها راحت مع بنتها لشركه توظيف
وقبلوا بنتها قبول مبدئي ع اساس معرفتها بالحاسب
الشاهد وقت المقابله الشخصيه مع المدير
تقول قبل بنتي بنتين قبلها
وحده طاقه الميك اب وفالها شعرها راميه الطرحه ع اكتافها وبيضاء ع قولتها شكلها اجنبيه مو سعوديه ع كلامها
والثانيه سعوديه بس متلثمه
والاخيره بنتها طبعا بنقاب والبنت دبدوبه جفتها
تقول الاولى طول معاها وخرجت وتم قبولها فوري لانو كلم السكرتيريه برا
بس قالها تدخل الباقي
فقالت البنت للام وبنتها والبنت الثانيه ترا من شروط المقابله والعمل تكشفين وجهك
بصراحه ماصدقتها شويتين
( لان عندي قناعه الناس الي رافضه مبداء الاختلاط يجيبون لك قصص تخدم هواء نفسهم في الترهيب)

ماعلينا المهم ردت البنت الي مثلمه قالت لها عادي ماعندي مشكله
وقالت لها ادخلي وطول معاها بس اقل من الاولى
ام البنت وامها رفضوا مبدئ كشف الوجه قالت انتم طالبين بالوظيفه شيء خاص بالحاسب
هي بتطبع وتكتب بوجها ولا بيدها
قالت ياخاله انا مالي علاقه كلمي المدير المسؤل
وجاء دور بنتها

تقول ماهي الا خمس دقايق وبنتي طالعه ماطولت مثل الباقين
والسبب تقول المدير اول ماجاف بنتي ضحك لان البنت دووباا ع قولة نفر
وثاني شيء قال تدرين ان العمل يتطلب كشف الوجه
وقالت له عاد نفس الكلام انا بتوظف بوجهي ولا بشهادتي وخبرتي
قام ضحك عليها قال اصلا انتي مرفوضه لاجسم ولا حتى شكل (حيوووواااان )

فالحاصل بعد كذا قصه من هالنوع والي كنت اكذبها
ودعمها نفر كمان بهالقصه رغم انها خارج نطاق العروبه بس نفس السياق في الانحلال الفكري العفن
فاللاسف هذا الي حاصل بهالزمن
يمكن سبب من اسباب رفضي للتصديق صدمة التفكير
من جد صددددددممممممممممه

ويقولون ليه طيف صايره عصبيه وبس تتحلطم
واكبر حلطمه خذوها ع الطريق برجع اعيد الاختبار الي اختبرته رغم اني اجتزت الاختبار
بس لان حضرت نطاق التوظيف الي عندنا ماشيء ع اللعب ع الحبلين
ياتدفع فلوس من تحت الطاوله بمبلغ وقدره وتتوظف مثل السلام عليكم وهالشيء ارفضه رفض قطعي
مابقي الا اكل واشرب والبس بملابس حرام
او تدفع 200 ريال لكل اختبار اعاده ياسعاده

يعني برجع من جد وجديد اجلس اذاكر من الحين لحد الاختبار
ويمكن تصيب ويمكن لا
يعني ياخوي يانفر شكل المشروع الي قلت لي عليه بيروح في الباي باي من كثر مااختبر واعيد حفله يادنيا حفله
اما جداره حفله ماحصلتش كل شوي تخصصك لا يناسب
ماهذا الجنووووووووووون ياللهووول

اعتقد جزء من اسباب صرع القبول بجارية التوظيف مثل ماسمها نفر
هو تحجير الحرمان للرضوخ بالموجود بالساحه؟!!
رغم اني ضد كلمه جاريه تماما
لان في ناس ظروفهم تحدهم للقبول باي وظيفه عشان يوفرون لنفسهم لقمه عيش

عكس الي موظفين نفسهم جواري باختيارهم لانهم منحلات عن احترامهم لانفسهم
بعيد عن مواهب وطاقات عمل وغيره
اتكلم عن فئه الي اضحك بصوت عالي عشان الفت انتبهك وتعيش في وحل غرامي ياع
وهالفئه للاسف موجوده بكثره ع صعيد البنات او حتى الشباب تميع وقلة حياء للوصول الى مبتغاهم بسرعه
وهذا للاسف حاصل
سواء ع صعيد الوظايف او حتى الزواج نفسه بشكل يثير الاشمئزاز بصراحه


المهم خلوكم من افلام حياتينا الهنديه
قولوا لي شلون اذاكر المكعبات المغلقه
لاني اختباري الاولى ذاكرت المكعبات المتفوحه
وجات بالاختبار مقفله
بالله شلون اعرف احلها وهي مقفله والوقت دقيقه وحده
الله ياخذ الي اخترع هالاختبار يااااارب

سلامووو عليكووو
بسأل سؤال واحد هو ليه صفحاتكم بالصراحه ماتشتغل
هو ليه واي ولمازا
شكل مايشتغل من الصراحات الا صفحتي
كل مااجي برسل لاحد يطلع لي فيس وكلمات يا انقليزي ياعربي
اما صفحه نفر شي سعاده يطلع لي فيس مبتسم ووياه رساله ايجابيه
المهم نعلق ع البرذر نور


صباح الخير غاليتنا
ان شاء الله تكوني باتم صحة واحسن حال
تطولين الغيبه الله يسعجك

هذا الي يبيني اختفي مره وحده
ههههههههههههههههههههههه
جفتوا يقول تطولين الغيبه يعني لو سمحتي اختفي وطولي بالغيبه قدر ماتقدرين وفكينا يامعوده
اما يسعجك ذي مدري وش تطلع
شكلها مثل كلمات الوسمي الي مو مفهومه
شكل معناه اسعجي عنا هناك يعني طولي وابعدي
لا اله الا الله
ههههههههههههههههههههههههههههههههه

ع طاري الوسمي حلمت فيك انت والبرذر نفر تكلمون بعض بالحلم
شكلكم متزاعلين وطلعتوا بحلمي تتصالحون


المهم بلا كثرة حتسي ع قولتهم
شكرا يابرذر نور على ماتمت به قواتكم الجويه من الحذف والقصف معا
بارك الله في جهوكم المظليه الميمونه

وشنو بعد ايه انتبهوا له في غيابي المسجوع هههههههههههه
ترا الولد مو صاحي
طايح في مدونته كلام حب وغرام وقلوب وسهام
مدري وش عنده
شكله الله يستر ناوي ع الثانيه
الويل لك وين العصا يابنات
دوعابه دوعباه امزح


يلا غياب طويل الاجل الى حين ميسره
استودعكم الله الذي لاتضيع ودائعه
سبحانك اللهم وبحمدك اشهد ان لا اله الا انت استغفرك واتوب اليك

لاتصدقون يمكن انط لكم بعد يومين واكتب باللون الابيض ولا الرمادي
يعنني متخفيه كاسبر وكذا
عيل اسمي طيف عابر واكون شخص باين ومنظور للعيان مايصير
هههههههههههههههههههههههههههههههه

من اول ما عرفتها وهي تقول ما افهم عليك ووقتها اعيد واعيد
واعيد واثر بنت الاجواد تطقطق علي وانا ياغافلين لكم الله بس
ما يخالف الله يقولون ان كيدكن عظيم

والله صدق اغلب الاوقات مافهم عليك خصوصا يوم تعلق بشي وترد
كلامي يكون بالشرق وتعليقك بالغرب عشان كذا انفهش
اما سالفه اطقطق لا والله ماطقطق حشاك عيب اصلا
اتغشمر ايه اتشاغب وياكم ايه امزح ايه اما اطقطق نو وي لا عليك ولا على غيرك يابرذر


قلت تطولين الغيبة خبر انها تغيب واجد على قولتهم واحشتنا
وجاية مستنكرة هذا اللي يبيني اختفي مرة يقول تطولين الغيبة
قالت الصدق واستحت وهونت وعودت تولول وتقول شئ ما قلته ولا ابيه
ما علينا هي كذا الله يسعدها

هيا جفت هنا والله مو فاهمه شي ههههههههههههه ياجماعه تراني والله احيانا مفهيه مدري وش السالفه
وش الي قلته واستحيت وهونت وولولت
اما اني قلت عنك شي ماقلته تراها من باب الدعابه الاخويه لا اكثر ولا اقل
اما يسعجك ذي مدري وش تطلع
شكلها مثل كلمات الوسمي الي مو مفهومه
شكل معناه اسعجي عنا هناك يعني طولي وابعدي
لا اله الا الله
ههههههههههههههههههههههههههههههههه

حتى الدعوة الصادقه تلكلك فيها صح خطا مطبعي
هيا تبي الصدق عاد وربي اني فهييت وجلست متنحه افكر بالكلمه اقول وش ذي الله يسعجك
لاني اقرا سريع سريع ع بالي مثل كلمه رنووووه الي طلعت بالاخير ضربوه
فجلست مع نفسي شوي وضحكت ع نفسي لانها بالاخير طلعت خطا مطبعي وعرفت انها الله يسعدك وانها غلط مطبعي
بس حبيت امازحكم فيها بس والله هذي كل السالفه

بس ما يهمها وانا بعد هم ما يهمني الله يسعدها دنيا واخره
وياك يابرذر والجميع

بس تكفون لاتنسون وصاتها تراها صاااااااااااااااادقة لان القلوب عند بعضها
اي وصاة بعد لااااا هذا الي يبليه مو عصا يبليه تعليق بالمروحه على رقم خمسه ايام زمان
ههههههههههههههههههههههههههههههههههه
وبعد القلوب عند بعضها وش عند بعضها ذي كمان لايكون جد بتتزوج الثانيه
ياللهوووووول ياربااااااااااااااااااااااااه لست بصاحيا خالص
المهم لاتعلقون ع ردودي عشان ماارجع اشخبط في ذا
لاتخربون برستيجي انا قلت بغيب فتره منها استكنان دماغ
ومنها مذاكره يعل الي يكتب لنا الاختبار يطيح ع راسه بالشارع ويفقد الذاكره وينزل لنا اساله اختبارنا الاول
وبعد مانخلص الاختبار ترجع له الذاكره
حرام يمكن عنده بيت وعيال لازم يتعرف عليهم
هههههههههههههههههههههههه
استا منيانا
سي يا

صباح الدوخان وصباح الي انا مو انا فيس دايخ
من امس احس للحين مخي متبنج
لحد هاللحظه احس في شي فاضي عالم مسطل مدري سرحان مدري شنو اهوا بالضبط
كله من دكتوره الاسنان قال اخصائيه قال
وربي عزرت فيني امس ولاهي الي نظفت الاسنان صح
دوختني ع الفاضي وراح نص دمي .. مجزره

غير كذا احس اني هالفتره حايسه ومختبصه
جاني ترشيح بوظيفه وطالبيني مقابله شخصيه
والعدد بالهبل تخيلوا من كثرهم من شهر 2 الى 7 المقابله يوميا
فهنا احس ضعت عقلي يقول كنلسي اختبارات قدره معرفيه دام اني اجتزتها
ومنها اشوف اساله الي اختبروا واصير اذاكر من ناحيه اساله الي قبل والي بيختبرون بعد
واستعد للمقابله الي بشهر 7 لان المقابله في صلب القسم
يعني ارجع من جد وجديد ارجع كل اذاكر كل الي درسته بالجامعه فيس يصيح

ومره اقول اسحب ع الاثنين خصوصا ان المقابله بالرياض
غير كذا الوظيفه نفسها احسها مسؤليه كبيررره
لان من ضمن الاساله الي سالوها البنات قالوا لهم لو ضاع الختم او المستندات وش بتسوين
ياحبيبي من اولها فيها ضياع وبلاوي
المشكله مو هنا المشكله لو جبروني امشيء شي من تحت يدي
هنا انا اعرف نفسي مااقدر اسكت واخاف يبلوني شيء ولا يلبسوني مصيبه
الشغله يبيلها امانه وانا بصراحه كله الا الغلط ماقدر امشيء ع حساب والله هذا معرفه ولا ذا واسطه ولا مدري وش
الحق حق اما اللف والدوران واللعب تحت الطاوله ذا مايمشي معي بنوب
وهنا المصيبه احس ضعت واحترت
ودي بالوظيفه لاني جد محتاجه اكون انا رغم ان الوظيفه نفسها مو نفس الشيء الي احبه واتمناه
حطيتها اختيار لاني عارفه كالعاده كل مااقدم مايصير شي .. ..اصلا انصدمت يوم رسلوا لي رساله
هههههههههههههههههه بغيت ابكي من الصدمه
المهم ودي بها عشان اغير جو واستقل ماديا واحس اني عايشه
وماودي بها لان الوظيفه في حقوق ناس واي غلط مني لو سهوا انا الي بتحاسب
يالله مخخخخخخخخخخخخخخخخي ضاع

اخ بس اخ لو اني ولد كان توظفت ع مزاجي بالشي الي يناسب طموحاتي وقدراتي
ماعلينا

ابشركم شكل اعطيت نفسي عين ثلاثيه الابعاد
مو انا قلت لكم صفحاتكم بالصراحه ماتشتغل
بس صفحتي وانتم لا

ابشركم اني كنت بحمل برنامج ايراني
بعدها الدنيا بازت ياقدعان صفحتي اجي افتحها الاقي فيها واحد اسمه محمد والرسايل عنده فوق الالفين
كيف حدث هذا ياللهوووووووووول
يعني ادش عادي وتفتح الصفحه والاقي صوره الخلفيه بس بدل اسمي الاقي محمد
اطلع ادش مره ثانيه نفس الشيء ولا يقول اذا لم تكن مسجلا بالصراحه الى اخره
طيب والي يفتح ويطلع لي محمد ذا وش يصير

الزبده حتى اليوتيوب صار مايشتغل وايبادي صار ويولع ويطفي ويخرج من صفحات قوقل ع كيفه
مااستعبد بعد الهكر يدش بصفحتي عبير بعد ويفحط الله لايبارك فيه


ابشرك صفحه صراحتي ماتت وتهكرت عليه بالعافيه الي هكرها
ع باله فيها كنز علي بابا