صفا حا ت من الحياة..

**طيف عابر** · 26-08-2012, 10:06 AM

رد: صفا حا ت من الحياة..

.

صغيره هي الحياه مجرد شهيق
........................ .........أن لم يتبعها زفير
..............................................................انتهت..

.

**طيف عابر** · 26-08-2012, 12:09 PM

رد: صفا حا ت من الحياة..

وها قد عاد هالفيس الجميل

الى احضان صفحاتي

فمرحبا بك ايها الفيس الاخضر ابو اسنان لميع

بتقولون لي الي يسمعك طيف يقول ماكأنا نشوفه كل شوي بمدونتك

بقولكم ايه شفتوه صح بس كان مايبتسم ويضحك من قلب يعني زينه لكم وتضليل لي

لكن هنا يضحك حقيقي رجع لاخلاقه الحسنه ههههههههه
وواحد فيس اخضر وصلحوووه

<< حشى طالبه قهوه مو فيس مالت عليس

وفاصل مره وحده يعني بريك ريلاكس ههههههههه
سي يو لتر

**طيف عابر** · 28-08-2012, 07:29 AM

^ـــ^

صباح الخير ..و النشاط والحيويه ..

صباح التمغيييط

.. و الروايات الحزينه

<< طيف وشلون نشاط وحيويه وروايات حزينه ماتجي

ههههههه تجي ياذكياء بقوه

شبعت نوم وصحصحت على 4 الفجر

وتمغغغطت بعد ماصصحت وجلست اقرا بروايه

تدورن وش اكثر جزء اكره بالروايات لما تجي لحظات عاطفيه وانسانيه

او احد يموت او مشاعر مبتوره ملاها الزمن بالعاطفه

<< بالله وش رايكم بالحكي مشاعر مبتوره
ملاها الزمن بالعاطفه وربي اني دخلت جو خاطره شكلي بسجلها على جنب وكمل عليها في وقت لاحق

من اول جالسه اقرا لحد ماخلصتها واقول مابي ابكي او بالاحرى لاني مو متعوده ابكي فمابي ابكي
وخاف احد يمر من اهلي وعيوني تفضحني

فصرت اذا جات حركات دموع رفعت راسي فوق هههههههههه عشان ترروح

بس كسرت خاطري سما الي ماتت وجنى الي ظلموها وهي طفله مغتصبه وحطوا الذنب عليها

اكره الظلم واكرره الرجال يوم مايفكرون الا بانفسهم

بالمختصر المفيد الروايه كانت اجتماعيه بحته وتحكي حقائق تصير بمجتمعنا للاسف

يعني مؤثره عورت قلبي

عاد بتقولون وش حادك تقرين روايات فيها حزن ووجع قلب مع الصبح

بقول لكم صراحه انا ماكنت اهتم فيها بس صرت مدمنه لها لانه بكل صدق استفدت منها الشي الكثير
يعني من خلال تجاربهم الي مروا فيها وكيفيه التعامل مع احداث المصايب الي نلاقيها بخشتنا كل يوم

وهيك كثير اشياء حلوه ومفيده بطريقه ما سواء على صعيد الحاضر او المستقبل

بس مع هذا اكرررررره شي لما يخلون الوحده تبكي وهي ماتبي تبكي

يعني عيوني الحين معها انفصام في الشخصيه

( الا صح هي انفصال ولا انفصام ههههه مدري اهم شي عرفتوها ) تقولي ياتبكين ياطيف وتريحنا وتريحين نفسك

يامال امها داعي تقرأين وتكتمين في نفسك

وصباحكم حياه حلوووه كلها تفاؤل وامل

<< بعد ايش ضفي وجهك بس

وبعد عشانكم صباحكم قشطه ياقشطوطين يامربى هههههه البنت شكلها غلطانه وقرت روايه رومنسيه مو حزينه

**طيف عابر** · 28-08-2012, 09:16 AM

رد: صفا حا ت من الحياة..

بريك ريوووق
ومن ثم نعود للتعليق فيس نص معصب على خفيف على نص متاسمح مبتسم
اذا رجعت احط الفيسات ابي الحق ع الفطور فيس ماد لسانه على جنب هههههه

**طيف عابر** · 28-08-2012, 11:17 AM

رد: صفا حا ت من الحياة..

لقد عدنا

<< حشى الاخت مشتركه بسبيس تونات ههههههههههه
نجي هنا للرد احم احم

اما انه يربط لي الظلم بالرجال هذا الظلم بعينه وعلمه
ومن قال الرجال مايفكرون الى بانفسهم لا والله
وش مضيعينا وحايس اومنا حوس بها الدنيا غير
التفكير فيكم
اما عاد تفكرون فينا المشكله الكبرى هنا صح تفكرون في جنس حواء
بس مو حواء الام حواء الاخت حواء الزوجه
بل حواء الحبييبه الغير محرم لها وهنا اكبر الغلط وام المصيبه والمشكله
لكن الاهل من زوجه وام وبنت واخت وقريبه لا تقلبون عليها فرعون
معليش كلام الحق مايزعل >> يوه نسيت في الزعل كف امزح ترا مجرد مناقشه عائليه عادي ترا ها
بس لانربط شئ بشئ لان اغلب اللي حنا فيه
وعايشين فيه بذا الوقت غلبته عليه العادات والتقاليد
مو هاذي المصيبه العظمى والطامه الكبرى انكم تعترفون انها عادات وتقاليد يعني عارفين انها غلط بغلط
وهذا ماهو حنا اللي سويناه اجدادنا وابائنا
ربونا على هذه الشئ وصعب اننا نغيره لو مهما حاولنا
معليش اسمحوا لي هنا اقول اذا الاجداد والاباء جهله وعايشين بزمن الجاهليه ويحلوون ماحرم الله ويحرمون ماحلل على كيفهم
نتبعهم في كل شي ونكون امعه ؟؟؟
سين سؤال من هو رب الجنه والنار؟؟ الله وإلا الاجداد والاباء الي يبنون تقاليد وعادات لم ينزل الله بها من سلطان ؟؟!!
لما نموت ويحاسبكم ربي يالرجال يالي قوامون على النساء بما فضل الله يوم يسالكم اما بعثت فيكم نبيا رحمه للعالمين
ليعلمكم امر دينكم ويخرجكم من الظلمات الى النور بامري وبكتاب يتلى عليكم اناء الليل واطراف النهار؟؟
وش بتردون على ربي؟؟!! معليش ياربي نحن رجال ومايعيبنا شي الاجيبنا وشايلين عيبنا؟؟!!!
نحن رجال وشايل عيبي اذا سويت محرم لاني بدخل الجنه عشاني رجل واشيل عيبي
لكن البنت عار واذا سوت محرم لازم ننزل كرامتها بالارض هذا اذا ماقتلتوها ولانها بنت تدخل النار؟؟
بتقولون ياربي معليش نحنا كنا نتبع مله قوم لايفقهون الي هم الاجداد والاباء ؟؟!!!!
لا والله اسمح لي في ذي ياخوي وربي الكون كله ربي رحم اهلي اني مو رجال ولا كان قلبت الدنيا فوق تحت على روس الاجداد ذولي الي يجبون المرض وتفكيرهم العقيم
ولاتقولون لي هذولا كبار بالسن معليش كبار بالسن يصلون ويصومون ويقرون كتاب الله ويعروفون ان هذا حرام ويقولون لا معليش هذي الايه بنتجاوزها عشان نحن تربينا كذا ؟؟
سبحان الله صدقت الايه الكريمه الي بتفسيرها لما يسالهم الله يوم القيامه قالوا كنا نتبع مله ابائنا الاولين
سبحان الله صدق الله العظيم فيما انزل من هديه الكريم عارف عقول الناس كيف مصديه على كيفهم الدين
اذكر مره جلست بنقاش مع ابوي واخواني في سماجه العادات الغبيه ذي والتقاليد
قلت ليه الحين بعض القبايل اذا تزوجت بنتهم مايحضورن عرسها ؟؟
قال عيب اهل البنت يتبعون بنتهم مثل العار عندهم؟؟؟!!!
جلست اتامل ابي جواب مقنع مافي تحسبوني سكت لا تكلمت وعصبت قلت مدام هي كذا
خلاص خلو البنات يسوون شي عار صح ويطلعون مع الرجال عشان لما ماتتبعونها بعرسها يكون صح انها عيبه وعار
وبعدين قلت له ليه مو هم بناتكم مو شريفات وبناتكم من لحمكم ودمكم وثقون فيهم
قال ابوي المشكله في كبار السن الاجداد هم الي متخذين هالاشياء الغبيه تقعنين مين وتكلمين مين؟؟!!
قلت وانا وش علي فيهم وبتفكيرهم الجاهلي وشيئ مانزله ربي بكتابه ولا حرمه مجتمع مخه مصدي
وقتها قمت وقلت وربي يايبه تدري لو اني رجال لاوقف بوسط مجلس الرياجيل واقول لهم يامن ترداودن المساجد
وفيكم من اطلق اللحاء ويعرف الله اليس فيكم رجل رشيد تأتون بما لم ينزل الله به من سلطان؟؟!!!
بس ربي رحمكم اني بنت وماسكه خيري وشري قال رجال قال الا ذكور فقط تتبرا الرجوله منهم
معليش اسمحوا لي انا ماتكلم لاني بنت فاكون ضد الرجل لا انا اتكلم من وضع ماساوي نشوفه بمجتمعنا العربي
وخص بالسعوديه
على بالهم الرجوله والمرجله بشرب الدخان والصياعه وقله الحياء ويتزوج اربع مايعروفون الدين الا بوقت مزاجهم وجع
لكن تجي تناقشهم كرياجيل تلاقي حتى الرجوله عار عليهم
يقولون الرجال مايعيبه الا جيبه ..الرجال يسوي الحرام ويفتخر بنفسه بكل ثقه يقول انا رجل <<رجل طل بعينه
لا هنا اقول لك عفوا انت ذكر ولست رجل ( كلامي للي مسوين نفسهم رياجل وهم ماعندهم ذره رجوله ) يعني مو الكل
يقولون ان الرجال شايل عيبه بنفسه انا هنا اقول لا منو قال انا اشوف انه ان كان منعدم الاخلاق والمرجله الحقه
يجلس ببيت امه احسن لانه ذكر لا رجل
يقولون الرجال عادي يتزوج اذا حرمته عقيم بس بالمقابل لما يكون هو عقيم وتخفي عليه زوجته ويهينها هو واهله
ولما فجاه يكتشف انه هو السبب عادي يخليها على عصمته ؟؟؟!!
يقولون ان الرجال عيب يدلع زوجته ويمشيها ويداريها عشان الناس مايقولون انها خلته خاتم بيديها ومن الكلام التافه الي مابي اقوله اوف ياربي عصبوني
لكنهم نسوا ان هذا كله من افعال الرجوله وكفى بنبينا محمد عليه السلام قدوتنا لنا بتعامله مع نساءه
للاسف المجتمع العربي فاهمين الرجوله غلط
صح خطأ البنت صعب يغتفر ف مجتمعنا لو مهما سوت
وصح الرجال يشيل عيوبه هذه مسلمات صعب
غييرها فلا تخلون الرويات تلعب بعقولكم
ترى دايم لا يدس السم الى ف المكان الجميل

ليه صعب تغييرها تدري لييه؟؟؟ لأن محد تكلم وقال هذا حرام و ياعالم ياناس اتقوا الله وقووا انفسكم واهليكم نارا لا محد يتكلم ويقول
تدري ليه صعب لاننا اعطينا الذكر واقول الذكر لا الرجل لان معاد في رجال للاسف بوقتنا الحالي الا من رحم ربي
واقول البعض وليس الكل عشان ماكون ظالمه وجائره بقولي اعطينا الذكر القوه والثقه وهو مايستاهلها
تدري ليه صعب لان مجتمعتنا الذكوريه فرحانين بهالشي لانها وبكل بساطه تنصفهم وتغطي على عيوبهم
ويرمون كل شي على المراه بالله هذا مو شي ينقص من رجولته واحترامه انهم يتخفون ويستتورن بعيوبهم ويرمونها على النساء؟؟!!!
تدري ليه صعب تتغير هالعادات لان محد يبيها تتغير عاجبهم الوضع عشان لما يجي الوقت
وينقال الرجل فيه عيب وينرد ويجي الوقت الي فيه المراه تطلب الطلاق من الرجل العقيم
ويجي الوقت الي فيه ينفضح بين الخلق اذا سوا علاقات محرمه واعتدى على بنات الناس وانتشر اسمه بين الخلق ان محد يزوجه بنته
كللللل هذا لو صار راح يموووت الرجل ميه مره ويطعن في رجولته يكره نفسه اذا سوا شي غلط بحياته
بس لا ماراح يصير له شي ويهزه لان حقه محفوظ مو بالكتاب المحفوظ لا بل بتخريف عقول الاباء والاجداد المريضه
لا بارك الله فيها من عادات وتقاليد وعقول مصديه

ارجع واقول ماقصد كل الرجال لكن الاغلبيه كذا للاسف فلاتنكرون هالشيء

والحياه حلو وتمشي السفينه مع اشتداد الرياح وربي يؤجرنا على صبرنا عليكم

**طيف عابر** · 28-08-2012, 11:47 AM

رد: صفا حا ت من الحياة..

وه ياقلبي وربي اني عصبت تعصيب مو صاحي

حتى احس انه بيطلع دخان من خشمي واذاني وراسي

لعاد تخلوني احشش واعصب بعدين معرف نفسي

ولا بعد حطيت فيسات خضراوات حليوه تلطف الجو والا المفروض احطها كلها فيسات معصببببه وغاضبه

لان بجد الرجال يرفعون الضغط ويبجون بنكرياس وكلاوي واعصاب وعقد بعد لا ننساها اهم شي هههههههههه
بس ارجع واكد واقووول مو كل الرجال

لكن الغالبيه العظمى كذا للاسف

ولا ننسى بعض البنت المصرقعات ودك تحكينهم كف على تفكيرهم السخيف ونقص عقلهم

يعني سوا سوا الرجال والبنات

بس التركيز كله على ادم لانه المفروض يكونون قوامون على النساء بما شرع الله مو بالغلط صح والا لا

ترا والله وبالله وتالله لو الناس كلهم رجالهم وحريمهم وبزارينهم سمعوا كلام ربي ومشوا على هدي حبيبي صلى الله عليه وسلم
كان مافي مشاكل ولا ظلم ولا عوار راس

بس وش تقولون في العقليات المنتهيه صلاحيتها

وفيس غاضب لاني عصبت من جد

وواحد اخضر حلو تاكيدا للسلام

**طيف عابر** · 28-08-2012, 12:57 PM

رد: صفا حا ت من الحياة..

الله اكبر الله اكبر طيف اكلتني اكل بردها
لي عوده بحاول اركز شوي لانها لحست اوم مخي
والله اني ما اكل احد طيبه وحبوبه ومو اكله لحوم بشر
بس وانا اقرا تعبت كيف لو بكتب ههههههاي
ههههههههه عيل من الحين لاتفكر ترد لانك بتتعب وبالاخير انا الفايزه
صح اني مجنونه وامزح واضح بس وقت الجد جد ماعندي يمه ارحميني
بعدين تعالي هنا تراني ماتكلمت عن الامور من الناحيه الشرعيه
معليش عاذرتك شكلك مكثر فول مثل ماقلت لي وماركزت عدل هههههههههههههه
وشلون ماتكلمت عن الامور من الناحيه الشريعه وهي تصب فيها وتنبعث من أعماقها
لاتحاول انا فايزه يعني فايزه عليك
ولا جيت يمها لاني ما افهم فيها زين ولا ني اهل لذلك
كلامي كان عن رؤيتنا للبنت وعويبها بس لا اكثر
هههههههههه مو هذا صلب الموضوع ولبه ومضمونه واطاره بعد << البنت قامت تتفلسف ياليتنا ماعطيناها وجه
طيب ياذكي مو الكلام كان عن رؤيتنا للبنت وعيوبها صح
وقلت بعد انها تعتمد بنظرتنا للفتاه على العادات والتقاليد الي ربونا علينا اجدادنا ؟؟!!
يعني انا ماخرجت خارج الاطار تكلمت بنفس المضمون وشلون نفصل الدين عن واقع نعيش فيه ؟؟
مو هذا هو الشي الي يقوم عليها وطنا الشريعه الاسلاميه ونتحاكم فيها ؟؟
يعني انا ماتكلمت عن الناحيه الشريعه الا لانها المعيار الاساسي الي تقوم عليه هذه القضيه
و2 لي وصفر لك هههههههههههههههههاي

كيف مجتمعنا يحكم على خطا البنت والشاب وكيف
يفرق بينهم بس !!
مثل ماقلت لك قبل شوي لاتحاول تدور مخرج طوارى مافي
شوف وانا اختك انت اخوي على عيني وراسي ايه بس لاتحاول تكون مع الرجال في الشي الغلط لانك بتخسر من نقاشي معك
خذوها قاعده مني انا طيف من راسي لراسكم انا مو ضد ادم لاني حواء ولا احب اكون مع حواء لاني من بني جنسها لا
انا مع الحق سواء رجل او امراه بكون بصف الحق ماعندي كلام اذا انا بنت بوقف صف البنات لا انا مافكر كذا
ولاتحاول تدور تصريفات لاني بقولها لك بصراحه مره في ناس من اقاربي منهم المطوعين ومنهم لا عادي لما نجلس مع بعض
ونسولف ويجي موضوع خاص بالبنات واشوف فيه ظلم اجلس اناقشهم بعقل وبكلام ربي مو كذا من الباب للطريق
تدرين وش يردون هههههههههه لانهم يعروفن انهم ع غلط ومنهم المطاوعه بعد ويحاولون يبررون ويضحكون ويغيرون الموضوع انشب بحلقهم << اي وربي ياطيف انك نشبتي بحلقي ياليتني ماكلمتك
واقول لاتصرفون ليش ماتجاوبون ولا هو الدين ع كيفكم ويجلسون يضحكون من جديد ويصرفون ههههههههههه ماتقولي ليه ماينطقون؟؟؟!!
لان للاسف تعلموا وتربوا ان الرجال صح وحواء غلط
ماتعلموا لغه الحوار والاحتواء والاستماع تعلموا لغه انا رجل مال للمراه الحق بشي الا الي هم يشوفونه
هذي نظره الرجل اعطى لنفسه الحق فيما ليس له بحق
و3 لطيف صفر للاخونا الوسمي
المهم لي عوده شكل الدعوه يبيلها تشمير ايدين
ويمكن توصل الدمي للركب المهم الدعوه عامه
هههههههههههه لاتشمر وانا اخوك ولا شي كلنا اخوان والاعتراف بالحق فضيله اعترف وانتهت القضيه
للمشاركه والفرجه بس لحد يتجاوز حدود الادب
والاختلاف الحميد اوكي
اي صح مثل ماقال اخوي بس تفرجوا وشجعوا بدون رمي قوارير صحه وطماطم وعلب ببسي على روسنا
مثل مايسوونا بالانديه الرياضيه اذا خسر فريقهم الي يشجعونه
صح مره ثانيه مثل ماقال اخوي الاختلاف لايفسد الود في القضيه ذاك المثل الي مدري وشهو عرفتوه
يعني عادي نحنا نتناقش نقاش اخوي وفيه فيسات خضراء بس اخوي الوسمي خربها باخر شي وقال دم وركب
زين ماقال سواطير وسيوف بعد ولا كان صارت علووم
يالله استنوني لي عودي

لا لحد يستاناه انا فزت عليه خلاص اربع صفر

ولا تدري شلون نعطيك واحد يالله عشانك مشرفنا

**طيف عابر** · 29-08-2012, 07:52 AM

صباح جديد يحمل معه شكرا لله أن بث بروحي الحياه

.

صباح جديد يحمل معه شكرا لله أن بث بروحي الحياه
انعشوا جوارحكم بذكر الله اطراف النهار واناء الليل..

الدعاء والأذكار- أدعية من القرآن الكريم والسنة النبوية المطهرة | الباحث الإسلامي

http://www.islamicfinder.org/supplication.php?cat=14&lang=arabic

وفر لك الباحث الإسلامي مجموعة رائعة من الأدعية الواردة في القرآن الكريم والسنة النبوية المطهرة. يمكنك الاطلاع عليها، وأن تتعلم منها أدعية لكل شيء تفعله في حياتك اليومية.

طيف عابر

**طيف عابر** · 29-08-2012, 10:56 AM

رد: صفا حا ت من الحياة..

جاكم
جاكم الاعصار محدن يشيله
منتخبنا اليوم وخر عن طريقه

جاتكم طيوف لي لعبت جهزوا لها كاس الذهب

اذكر الله وشوف مدري وش بعدها هههههههههه <<الاخت شكلها نست انها بمناظره ولا مضيعه وداخله ملعب مثلا

يوه تحمست علي اني شويه مالي خلق افكر بفستاني الي باقي ماشريته والعرس بكره

اوف الله يعين

ماعلينا ها ارد الحين ولا بعد ماتخلص

**طيف عابر** · 29-08-2012, 11:32 AM

رد: صفا حا ت من الحياة..

ذحين افطرت وتقهويت وصح صحت
وبتفظى لطيف وسوالفها قالت ايش اربعه صفر
انت افطرت وصح صحت وانا اليوم مالي خلق اخلاقي مقفله حبتين
بس مو مشكله نجيب مفتاح ونفتحه بنات ادعوا لي الاقي فستان اليوم
يابختكم يارجال ثوب ابيض وشماغ وامشي نحن حوسه وزحمه

بالاول ماهو انت اللاعب والحكم بنفس الوقت
انت العبي واتكلمي والناس يحكمون
اي صح معليش من الحماس امس نسيت نفسي خلاص بنلعب وانتم احكموا بالحق
سمي وانا اخوك مافيه احد بيخسر وبعدين لا تقولين
بر لين توكين عليه
والله مافهمت هنا عليك ترا مخي حاليا خارج نطاق التغطيه

وانا اتكلم عن شئ حنا نعيشه وتربينا عليه
وصرنا نعده زي القواعد الثابته بحياتنا مو معناته
اها معليش هنا بقول شيء اسفه انا ماعترف باشياء عشنا عليها مثل ماتقول
انا اشوف انا تعايشناها بالاجبار مو برضانا عشان تصير قواعد ثابته بحياتنا
انا ماعترف بهالاشياء وهالقواعد الي تقول عليها لانها وبكل بساطه مادخلت مزاجي ولا وردت لا بكتاب ولا سنه
اجل ايش فايده انا تعلمنا بمدارس ودخلنا جامعات ؟؟ عشان نكون بكل بساطه جهله ونتبع شي غلط ولانصححه ؟؟
مايصير كذا وانا اختك لازم نغير الاوضاع الغلط عشان يتغير المجتمع للافضل وتنحل كثير من المشاكل
الي سببها التعصب والهنجعيه والتزمت الفكري الخاطىء

انه كل صح او لا ولا اني مع الرجال ضد البنات
كمان لا !!
صح كذا انا وياك متفقين لأني أنا لست ضد ادم وأنت بالمثل لست ضد حواء
لكن الاختلاف بينا أنه أنا ما أسلم بأمور كتبها الاجداد والأولون تخالف شرع الله
وأنت تسلم فيها لأنك تشوف أنها صارت قواعد ثابته وعشنا معاها

ارجع واقول بالنسبه لي ماهو شرط واحد فينا يكون
صح والثاني غلط المهم اننا نتفق على شئ يكون يرضي
جميع الاطراف ونطلع بفايده لو بسيطه
صح عليك وهذا الي أقوله من أول ، أهم شي الشيء الغلط يتعدل وتنسف الافكار التي لا تعد شيئا من العقل

صح اتعصب ساعات شوي لرايي وفكرتي واحاول
انها تكون صح بس اعترف اذ اللي يحاورني قدر يقنعني
بشئ ثاني حتى لو كانت من جنسكم الناعم !!
حلوو كذا نحن تمام وع البر .. شوف انا مو من النوع الي يتعصب في رأئي الا بالحق شيء شفته صح وتعلمته بالمدارس والجامعات
وقرأت عنه بالقران وتتبعت أثاره في السنه هنا أعصب وأتعصب لرائي وبقوووه
واكبر مثال لما كنت بالمدينه وجلست مع ناس مو متحجبات هنا اتعصب لرائي لاني ع صواب وهم ع غلط
لانهم يقولون الحجاب مو لازم بس نغطي الراس معليش هنا اقول لهم هذا غباء وبعدين راح اقولكم وش صار مو الحين
لكن اذا شفت رأي افضل من رأئي واسدد منه وافضل منه في امور يتقبلها العقل لاتخالف الشرع اتقبل الطرف الاخر باعجاب واثني عليه واقول لهم صح مافي مشكله عندي بالموضوع

وخلصنا الجزء الاول من المناظره نجي للجزء الثاني ها ناخذ بريك واستراحه ولا ناجلها لبعد بكره

صفا حا ت من الحياة..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget