رواية /وحشني شوف أصحابي وربعي والغلا مستور / كاملة

تقليص
X
 
  • الوقت
  • عرض
إلغاء تحديد الكل
مشاركات جديدة
  • SOoΚaRh
    V - I - P
    • Jan 2009
    • 1778

    رد: وحشني شوف أصحابي وربعي والغلا مستور / كاملة

    أبها ..
    كانت غلا تسولف على نجود لان توها جات ل ابها .. عشان جدها ..
    نادى تركي غلا ..
    غلا: هلا ..
    تركي: من هنا ؟
    غلا: خواتك ..
    تركي: زوجه عبدالله ؟
    غلا: لا امها شوي تعبانة وراحت لها.. تركي بكرة بروح لبيت جدي من جيت مارحت ..
    تركي: اوك ..
    جات بتمشي مسك يدها ..
    غلا: هلا ..
    تركي: اجلسي معي زهقان ..
    غلا: وين اخوانك وعيال خواتك ..
    تركي: ماأحد فيه .. انا ابيك انتي.. ابي اجلس معك .. وضعنا ابد مو عاجبني ..
    غلا تكتف بملل واضح ..
    تركي تكتف نفس الحاله: ها ..
    غلا: ولا شي.. خلنا تسذا احسن ..
    تركي عصب: تبطين .. مهو ب تركي اللي يعيش تسذا .. راح نعيش كأي زوجين وراح تعطيني من حب وحنان ورومنسية وكل شي ابيه منك بالطيب بالقوة.. بس خلي ابوي يطلع والحمدلله الدكتور يقول قربت طلعته .. وقتها صدي عني .. ونشوف مين اللي راح يمشي كلمته على الثاني.. دامني ابيك وحاطك براسي اجيبك ياغلا وانا تركي..
    غلا رفعت حاجب: خير وش هالكلام وين عايشين .. اجبار وزحمه .. تركي انا غلا ام راما .. ولو تصرفت معي مثل هالتصرفات بيت أبوي قريب وحينها اشوف مرجلتك ..
    تركي: غلا ..
    غلا: تركي هدي .. تيب..
    تركي: يعني تهددين بأبوك واخوانك ..
    غلا: عندك شي ؟
    تركي: واللي راح يهددك ب راما ..
    لمعت عيون غلا بسرعة ماتوقعها تركي ..
    غلا: الا بنتي .. تحملت كل شي منك عشانها ورضيت اصير بهالحال .. تجي تهدد تأخذ راما .. الا هالشي لاتفكر فيه .. صدقني ماراح تطلع وتربح لو سويت هالشي ..
    تركي : راما تعني لك روحك .. وانتي روحي .. ارجعي لي اخلي راما..
    غلا : تحلم بالرجعه .. فكر باللي سويته.. ذليتني ..!
    مسك يدها ومشى فيها للحديقة : انا ماكنت ادري.. غلا افهمي شي اسمه عرض سمعه شرف ..
    غلا: اوه ياتركي لو انت واثق ماسويت تسذا..
    تركي : لو مش واثق كان طلقتك بسرعة .. لا كان كنت منصدم ولاني مصدق عشان كذا شفتي هالتصرفات .. تأكدي لما نشوف الخيانة ونكون عارفين ان المره تخون مالها عيشه عندنا .. !
    طالعته ..
    تركي: أنا واثق فيك كثر ماأنا واثق أني ماسك يدك الحين واني أبو بنتك ..
    .
    .

    .
    .
    اليوم الثاني ..
    الشرقية ..
    شقة فيصل وشوق ..
    صحت شوق فيصل : بيبي قوم .. الساعه الثالثه العصر..
    رمى نفسه بحضنها ..وكمل نومة..
    شوق تلعب بذقنه والشعر الخفيف النابت على خده: يله قوم صل العصر.. يله قوم ..
    فيصل : بس خمس دقايق احسبيها وقوميني..
    شوق: ههههههه ماراح تفرق.. حتى مادوامت ..
    انقلب وصار على ظهره ويناظرها: مو مهم .. المهم .. اني احبك ..
    شوق: وأنا بعد .. بس قوم صل العصر ..
    جلس وشعره كشه وهي تعدل شعره وهي ميته فيه .. قومته : بروح اجهز الغدا ..
    دخل وضى للعصر وتالي صل العصر ..
    كانت شوق تجهز الغدا جا فيصل وشال الصحون عنها ..
    شوق فيها الضحكه : ترى الغدا مكرونة..
    ابتسم فيصل ومسوي معصب: مصحيتني ومانمنا الا الصبح والنهاية مكرونة ..
    شوق : هههههه فييييييييصل..
    خق وطيح الصحون ..
    شوق حطت يدينها على اذونها ..:لالا
    فيصل مبتسم وباينه صفه أسنانة : هههههههه عادي تفداني..
    شوق: ههههه اكيد .. يفداك الكون بعرضة وطوله ..
    فيصل قرب منها: لا عز الله ماتغدينا .. شوق جوعان ..
    شوق مبتسمه وجهها احمر: تيب اجلس .. والحين بجيب الغدا ..
    فيصل: عطيني الصحون ..
    طلعت شوق صحون جديده وعطته .. وتالي رجع اخذ العصير ..
    حضرت شوق المكرونه ..
    وقعدا يتغدون ..
    شوق: ها حلوه ..
    فيصل: لبا عروق قلبك .. خقق يابنت .. حلوه وقمر وذوق وتعرف تطبخ بعد يارباة .. امي داعية لي..
    حمر وجهه شوق ونزلت راسها ..
    سحب فيصل كرسية وجلس جنبها وهو مبتسم: خلاص ماعادني بقايلين شي الين تتغدين ..تغدي فد قلبك..
    فيها الضحكه على حركات فيصل ..
    .
    .
    .

    أبها ..
    ببيت جد غلا ..
    كان تركي جاي يبي يأخذ غلا لانها من الصبح ببيت جدها ..
    غلا: بنام هنا..
    تركي: ماسمعت ..
    غلا: تستهبل..قلت لك راح انام هنا..
    تركي: غلا وبعدين وبعدين معاك ..
    غلا: ولاقلبين .. خلاص بنام هنا.. من زمان عن جداني بجلس معهم انا وسعود ..
    تركي: بكرة بجي اخذك ..
    غلا: لا طبعا .. من حقوقهم علي اجلس معهم وادرايهم الين تجي وحده من خالاتي او امي ..
    سكت لان معها حق ..
    تركي: وين راما طيب..
    غلا: ادخل وشوفها مع جدتي وجدي داخل ..
    دخل تركي معها .. وشاف جدتها وجدها وسلم عليهم ..وجلس يسولف معهم .. وجابت غلا القهوة .. وصبت لهم .. وشافت جدتها تسأل تركي عن أصابته وقالهم .. ضاقت فيها الدنيا لما سمعت سالفه الاصابه ..والمر اللي عانه تركي ..
    تالي شال بنته وهو يضحك ويسمع سوالف جدان غلا عن بنته وضحكها وحركاته ..
    جده غلا: فيها منك ومن امها ..
    تركي: أبيها تأخذ كل شي من امها..
    جدتها: حلاتها تأخذ منكم اثنينكم .. الله يخليها لكم ..
    تركي: الله يسمع منك ..
    باس بنته وأستأذن منهم .. وبالله خلوه يروح ..
    عند الباب ..
    تركي : متى راح يجون خالاتك وعمتي..
    غلا : اممم هالاسبوع ..
    تركي: زين ..يله سلام ..
    غلا: تركي كيف يدك ؟
    تركي: يعني يقالي الحين يهمك ..!
    سكتت..
    تركي: يعني اقولك ماتألم .. الا تألم .. امس رحت بشوف الخياطة على منطقه الجرح طلع الجرح ملتهب.. ونظفه الدكتور والله كريم..
    غلا: أنت ليه ماتهتم بنفسك.. وش فايدة السواق ليه ماتخليه يسوق.. تراك تزهق قاعد تضيع نفسك بنفسك ..اوف تراك تزهق..
    ابتسم وهو بتكتف: تخافين علي..
    غلا عيونها ملمعه وتسولف ولاهي حاسه: اخاف عليك.. اه بس قلبي متقطع خوف..
    تركي : تحبيني ؟
    غلا تطالع تركي وتتكلم قلبها مع جرحه ولاهي حاسه: تشك بهالشي..
    تركي ابتسم:اجل سامحيني..
    حست غلا .. وسكتت..
    تركي بعده مبتسم: الاتحبيني.. سامحيني..
    غلا تصرف: سلم على ريوف..
    دنق وباس خدها : يوصل.. مع السلامة ..
    .
    .
    .
    بعد اسبوع ..
    طلع أبو تركي ..
    وسعود وصل اخته غلا لبيت أبو تركي.. طلعوا اخوان تركي عشان تسلم غلا على عمها..
    سلمت غلا على عمها وخلته يسلم على راما.. اللي شالها وهو يسمي عليها وهي تمسك ب لحية جدها الحمرا وتضحك ..
    غلا جلست جنب عمها وراما: راما عيب لاتمسكين لحية جد تسذا تعورينة..
    ضحك عمها: خليها.. خليها.. تضحك مشالله مانكرت)ماخافت منه)..
    غلا: يمكن عشان نفس جدي لان كنت عند جداني وتعودت على جدي تسذا..
    كان تركي يناظر غلا وهي تسولف مع ابوه وتضحك معه حبها اكثر..
    أبو تركي : دامكم هنا ..بغيتكم بسالفه؟
    جلس تركي قبال أبوه: لبيه..
    أبو تركي: بنت عمك ؟
    تركي سلم على راس أبوها: طلبتك لاتكلمني بهالموضوع..
    أبوه: ورى ياتركي؟
    تركي : لاتكلمني فيه.. ماأبي اكدرك وتوك طالع مع المستشفى..
    شالت غلا بنتها وجات بتقوم ..
    أبو تركي: اجلسي ياغلا ..
    جلست ..
    أبو تركي: وشاللي سوته بنت عمك ؟
    تركي: وش اللي ماسوته .. خلاص يبه..
    أبو تركي: رجعها الله يرضى عليك ..
    تركي: اولا يبه هي طلعت من العدة.. ثانيا محال اني ارجعها..
    أبوه: الله يهديك .. وراك تعرس اجل..
    تركي: هي السبب .. يبه لالاتضايق..
    أبوه: ماكنت مؤيدك زواجك على مرتك .. والحين خليت بنت عمك مطلقة واختها جنبها والسبب منهو ياتركي..
    تركي: يالوالد هي السبب بزواجي على أم راما.. وهي من تسبب.. ومدري كيف انعميت.. بنات عمي ماهن متربيات.. اجلن ترسل ولد اخوها يكلم غلا ..!
    أبوتركي سكت ..
    مصدوم من اللي يسمعه وغلا كانت بس تمسح دموعها بصمت.. جرحها الموقف..
    طلعت من المجلس..وراحت لغرفتها مع تركي بكت وهي ضامه بنتها لصدرها..
    استأذن تركي من ابوه عقب ماتجمعوا خواته وامه والكل عنده وطلع ل غلا ..
    دخل لغرفتهم .. شافها تبكي ضمها هي وبنته لصدره : ليه ليه البكى؟
    كانت بس تبكي .. وصارت بتنها تبكي معها..
    ابتسم تركي غصب: الحين كيف نسكت هالحلوه ؟بكت معاك..
    بعدت غلا عن تركي بهدوء وراحت ترضع بنتها ..
    جلست ترضعها حتى هدت ونامت..
    تركي مسك يدها وجلسها: ليه هالدموع؟
    غلا : ولاشي..
    تركي يمسح طيف دموعها: وسعي صدرك.. ترى راح نسافر للرياض قريب.. جهزي نفسك..
    غلا: ميب سيارة..
    تركي:ايه حجزت..
    غلا: وكيف يدك ؟
    تركي: الحمدلله..
    غلا: ترى بكرة برد لبيت جدي خالاتي كلهم جاو الليله وامي ..
    تركي: ان شاء الله .. غلا بغيت اخذ رأيك بقرار قررته..
    غلا:هلا..
    تركي: قررت اخذ الوالد والوالده معي للرياض يعيشون معنا..
    ابتسمت غلا: ياعمري الله يحيهم ..
    تركي: ماعندك مانع ..ولا راح تتضايقين ..
    كشرت غلا: ليه ارفض ؟ بالعكس هالشي يسعدني .. ولاتنسى ان وجود الشيبان بالبيت بركة .. وحتى راح يونسونا انا وراما ..
    ابتسم تركي بحب ماله مثيل : وتبيني اتركك بحالك .. ياغلا كل يوم احس اني ماستاهلك بس فيه شي بداخلي يقول غلا ماخلقت الا ل تركي .. والله اسف تأكدي اي قسوة صدرت مني عليك هي غصب عني انا تجرحني قبل ماتجرحك .. تراك روحي ..
    غلا : الحين هالدوبا نامت أشيلها وتطلع معي ..
    تركي انسدح جنب بنته : أنا مرهق بنام معها ..
    غلا: اوتس .. بس تركي مش مثل كل مره مايمدي اطلع الا الاقيك جايبها ..
    تركي ضحك : شكلها يكون مغري مايمدي ابوسها الا وتتحرك وتفتح عيونها نومها خفيف ..
    غلا: تيب خلها بحالها خلها تنام .. اه يازين ايام العزوبية ..
    فز تركي من السرير وسحب غلا لعنده: وشو ؟
    غلا ابتسمت غصب : ولاشي..
    تركي : غلا ..
    غلا: قصدي ايام ماكنت ادج وحدي مافيه شي يقديني وخاصه مسؤلية راما ..
    تركي ابتسم: اشوا تقصدين راما ميب أنا ..
    غلا: ههههههه أنت وراما واحد .. نام ..
    تركي ابتسم وقربها لحضنه: اجل تحبيني دام أنا وراما واحد ..
    غلا حطت يدها على خد تركي تبيه ينام وتطلع تسولف مع ريوف لانها بتروح : حبيبي نوم ..
    تركي صار مسير مهو بمخير لها .. سدحته وغطته مع راما وطلعت من الغرفة ..
    .
    .
    .

    تعليق

    • SOoΚaRh
      V - I - P
      • Jan 2009
      • 1778

      رد: وحشني شوف أصحابي وربعي والغلا مستور / كاملة

      بالحوش ..
      كانت غلا وريوف يسولفون ومعاهم قهوة وحلا ..
      ريوف : راكان جا ..
      غلا ابتسمت: وينه ؟ ومتى جا ؟
      ريوف : محمد أخوي توه اخذه من المطار .. يالبىا ..
      غلا : وانا اقول كاشخه .. يالبني عسى ربي يحفظه ..
      ريوف: امين .. اجل وين خالي وهالدوبا ..
      غلا: خخخخخخخخخ نايمين ..
      .
      .
      .
      الليل ..
      دخلت ريوف للمجلس وكان راكان واقف يعدل شماغه قال وهو مبتسم:صكي الباب ..
      ابتسمت وصكت الباب ..
      تقدم لها وضمها وهو شايلها: يالبا هالوجه وحشتيني يالحيل..
      ريوف تفأجات من حركة راكان وحمر وجهها ..
      راكان: ههههههه الله الله ليه وجهك حمر كذا..
      عاد الحركة وغطت على وجهها: راكان ..
      ضحك وسبحها وجلسها جنبه :يابعد حيي .. شخبارك ؟
      ريوف وجهها احمر وتلعب بشعرها من الاحراج ..
      راكان قرب منها اكثر: ريوف ..ريوفتي..
      طالعت فيه وهي مبتسمه : عليك حركات ..
      راكان: ههههههههههههه .. ترى لاشفتس يجيني شي .. المهم بكرة الفجر راح نطير ل حايل..
      ريوف: اوتس..
      .
      .
      .

      .
      .
      .
      الرياض ..
      ببيت خالد وعهد ..
      دخلت عهد هي وخالد ولدهم .. كانوا عند جدان عهد ..
      خالد: يادوبا انتي وهالدوب بروح أنوم وراي دوام لا اسمع همس ..
      عهد شايله ولدها وتبتسم: اوك ..اجل راح ننام بغرفتنا القديمة..
      خالد :ههههههههه تسوينها ..
      عهد: اوك اجل ..
      خالد: ويهون عليك خلودك ينام وحده ..
      عهد: خلودي يبي ينام .. وهالدب ولده مايبي ينام نام ببيت جدي ورفضت جدتي اصحيه ..
      خالد: ههههههههه الله يسامح جدتي ..
      شال خالد ولده ودخلوا لغرفتهم ..
      عهد تنزل عبايتها : خالد أتركه بعدها دايخ خله لعل وعسى ينام..
      خالد يضحك ولده : ايه هين شوفي الضحكه باين انه مصحصح ..
      عهد تطلع لها بجاما نوم ودخلت تبدل ملابسها ..وطلعت .. وطلعت ملابس خالد ونادر..
      عهد: خالد روح غير ملابسك ..
      وجلست هي تبدل لولدها ..
      خالد: بنام تسذا ..
      عهد : ياربي الظاهر تبي ابدل لك نفس ولدك.. يله خالد قوم ..
      خالد: فيني نوم ..
      عهد تركت ولدها وراحت ل خالد: اجلس اشوف ..
      جلس خالد وجلست تفك الازرار وتساعده ينزل الثوب : حشا ياخالد كل ذا كسل..
      خالد: مانمت كويس مامدى جيت من الدوام الا وطلعنا .. وامس مانمنا الا الفجر..
      نزل بلوزتة الداخليه ولبس بلوزة البجاما ..وجلس يغير وعهد راحت لولدها اللي ماغير يعض بيده ..
      عهد:بس عيب .. ليه تأكل يدك ..
      بدلت ملابسه وجلست تنومه لعل وعسى ينوم ..
      لفت على خالد لقته منسدح بالعرض على السرير قامت وفيها الصحيه على خالد ولدها ..
      عهد: خالد نام تسذا
      عدلته وغطته ورجعت لولدها ..
      .
      .
      .
      الشرقية ..
      شقة فيصل وشوق ..
      شوق: امممم عاتي من زمان اسمع عن ابها غلا وريوف يسولفون لنا عنها خل اشوفها ..
      فيصل: هي جوها خيال .. وراح امشيك معي .. وبعد جدتي وخالاتي اللي ب ابها يبون يشوفونك .. يبون يعرفون من ذي اللي جابت راس فيصل عقب اضراب ست سنوات عن الزواج .. بس ماراح نطول يمكن يومين بالكثير ..
      رمشت شوق ..
      فيصل : في عيونها بحر به الناس تغرق,وفي رمشها سهم يجيب المنية..
      شوق : أحبك كثر ماضاقت من أسباب الفراق صدور,,
      أحبك كثر ماسمي يتيم وخاطره مكسور,,
      أحبك كثر ماتنقال هالكلمه بدون شعور,,
      أحبك كثر ماضاق المكان بواحد مقهور,,
      أحبك كثر ماطارت تحت شمس الزمان طيور,,

      وأحبك أحبك أحبك أحبك
      فيصل: اغليك واللي كون الكون انا اغليك
      وحب الغلا..ماهوب مثل حب المزوحي ..

      شوق : أغليك أكثر منهم بس .. لعلمك
      أبوك , خالك , إختك , أخوك , ماضيك
      ربعك ، جميع الناس , وعيال عمك
      شايف غلاهم لك .. أكثر أنا أغليك
      واللي وصل( نص الغلا ) يمكن أمك ..

      فيصل : ياكثر ماحبك وياكثر ماغليك
      وياكثر مالك في ضميري معزه
      أموت واحيا كل ماحل طاريك
      ويفز لك القلب مليوون فزه ..

      شوق ويدينها بيدين فيصل: هههههه فيصل نسيت ..
      فيصل: هههههه قولي طيب احبك وبهمس أبي أتلذذ بسماعها منك .. وقوليها بأذني ..
      حمر وجهها ..
      فيصل : يالله .. واحد .. اثنين .. ثلاثه ..قولي..
      شوق قربت منه وهمست بأذنه : احبك ..
      .
      .
      .
      أبها ..
      ببيت أبو تركي ..
      ريوف: طلع مع اخوي محمد وأخوياه يقولون راح يتمشون ..
      غلا: يله خليه يتعرف أكثر على ابها ..
      ريوف: اجل وين راما ؟
      غلا: اخذها خالك يقول فيه نوم برغم ماصحى هو وراما الا على اذان المغرب والحين فيه نوم ..
      ريوف: تيب كيف علا قتك معه ..؟
      غلا: زفت .. اقول له خلاص خلنا تسذا .. يقول لا .. اللي صار مش قادرة انساه ..
      ريوف: غلا عشان راما .. وأنتي بعد تحبين خالي سامحية ..
      غلا: مقدر ياريوف .. خالك خلا بدل كل لحظه حلوه لحظه فيها جرح مؤلم .. ماتتخلين اللي عانيته ..
      ريوف بألم : ياعمري.. بس والله خالي يحبك حب مش طبيبعي .. وهالشي باين ودايم يقول أنا أحبها ويكرر هالكلمه .. والرجال تحسين صعبه تطلع منهم كلمه أو يصرحون بحبهم لاحد بس خالي صرح والحين أكيد ندمان حتى شوفي احسه مهموم .. ومتغير كثير ..
      غلا: أنا كثر تركي تعبانة بس خلاص .....
      سكتت لان جوالها دق وكان تركي ..سكرت منه ..
      قامت غلا وقومت ريوف: قومي نأخذ راما ..
      بغرفه تركي ..
      دخلت غلا ومعها ريوف ..
      تركي : مانامت ..
      غلا: هاتيها .. اصلن ماصحت الا على المغرب كيف تبيها تنام ..
      تركي : حاولي تنوميها هنا ..
      غلا: البنت مافيها نوم .. وبعدين هنا غلقه بطلع للحوش برا ..
      تركي: الليله راح تنامين هنا ..
      غلا: خلصنا من هالكلام ..
      تركي : لاماخلصنا ..
      غلا: ياليل الهم ..
      تركي: غلا اقصري الشر ..
      غلا عصبت: انت اللي اقصر الشر .. اوف ..
      علا صوت تركي وغلا نفس الشي ..
      ريوف شالت راما: خالي .. غلا .. شفيكم خوفتم راما وبكت .. ميب زين تسذا .. تعوذوا من ابليس ..
      تركي: أعوذ بالله من ابليس.. جننتي ..
      غلا لفت وحطت يدها على جبينها: يالله .. استغفر الله العلي العظيم ..
      ريوف: خالي .. غلا.. اجلسوا مع بعض جلسه بهدوء وناقشوا أوضاعكم.. بأخذ راما معي ..
      طلعت ريوف من الغرفة وراما معها ..
      غلا: تركي تعبت منك .. خلاص ماأبي اعيش معاك تعبت راح تقعد على هالموال كل شوي خل تنطلق احسن ..
      تركي : نجوم الثريا أقرب لك من الطلاق .. يابنت الناس أحبك أفهمي أحبك قدري هالكلمة وبس..
      جات بتطلع ومسكها تركي وصك الباب ..
      غلا تبعد تركي عنها: مجنننننون انت .. بعد ..
      تركي: تبين تشوفين هالمجنون صدق ..
      غلا :ترركي بعد شفيك.. بلا تصرفات سوفاج ..
      قدرت تبعده عنها بس لما دفته على يده المصابة ..
      تركي بألم : اه ..
      غلا وجهها كله دموع: انت السبب ليه ماتبعد ؟
      جلس تركي ويده تألمه .. مسك بيده الثانية على كتفه وهو مرجع راسه على الصوفا ..
      جلست تناظره وجلست على طرف السرير وهي تبكي بقهر ..
      جلست على السرير لفتره وهي تبكي وتركي مغمض عيونه والالم باين من مسكته لكتفه ..
      لفت عليه .. وشافته مغمض عيونه ..مسحت دموعها : دايم تسبب الالم لي ولنفسك..
      كان ساكت وعلى حاله ..
      غلا ودخلت تغسل وجهها وتالي قعدت تنشفه وطلعت ..
      غلا: وين المفتاح أبي أطلع ..
      مادر عليها..
      غلا: وين المفتاح ؟
      تركي صوته واطي : شوفيه بجيبي ..تعالي خذيه ..
      غلا: طلعه ..
      تركي : خذيه أذأ تبين تطلعين ..
      قربت وهي ترجف وطلعت المفتاح بس كتف تركي فيه دم بسيط أكيد من الجرح ..
      شهقت : تركي دم ..
      تركي: افتحي الباب واطلعي ..
      جلست وهي رجعت تدمع: تركي يدك ؟
      تركي بعصيبه: مالك شغل.. اطلعي من الغرفة ..خلاص ..
      دمعت اكثر وهي تشوف تركي يتألم وهي السبب ..
      تركي بعصيبه تخوف: اطلعي برا .. بسرعة ..اطلعي ..
      عصبت وطلعت ..

      تعليق

      • SOoΚaRh
        V - I - P
        • Jan 2009
        • 1778

        رد: وحشني شوف أصحابي وربعي والغلا مستور / كاملة

        بالحوش ..
        شافت ريوف وكانت راما بالهزاز (سرير خاص بالصغار) .. وطاحت بحضنها وهي تبكي ..
        ريوف ضمت غلا وهي تهديها ..:خلاص قلبي الله يهديكم..
        غلا: تركي يده تنزف دم وهو معصب .. اه ياريوف تعبت ..
        كانت بحضن صديقتها وتبكي كل اللي بداخلها ..


        صديقي اللي يوم ضيقي تضايق
        اللي يشاركني همومي وضيقي
        يحاول اسعادي بشتا الطرايق
        يشيل كلش واقفن في طريقي
        هذا الصديق اللي له الاسم لايق
        اصل الوفى من معدن اصلي حقيقي
        اما صديقي بس لاصرت رايق
        ما يستحق انه يسمى صديقي


        .
        .
        .



        .
        .
        .
        اليوم الثاني ..
        حايل..
        ببيت أهل راكان ..
        ريوف : ها يمة ..
        العجوز : تعالي بيشوفونك أخوانك ..
        ريوف خافت: يمه بعدين بعدين ..
        العجوز زعلت: أخوانك علمتهم عنك ..
        ريوف مسكت يدها: من عيوني.. بس لاتزعلين .. الحين تعشي وخذي علاجك ..
        العجوز ابتسمت وبابت تجاعيد وجهها: طيب..
        ريوف ابتسمت لها .. وقعدت تعشيها وتسولف لها ..
        دخل راكان ..: سلام ..
        ريوف : وعليكم السلام ..
        راكان: مشينا..
        طالعته العجوز: ماراج تأخذ بنيتي ..
        ريوف: ايه يمه بجلس معك ..
        ابتسمت ل راكان بمعنى اهدى ..
        راكان: اجل وين الوالدة ؟
        ريوف: الظاهر بالمطبخ ..
        راكان:اها ..
        عطتها العلاج وخلتها تنسدح وغطته..
        العجوز: لاتروحين ..
        ريوف: ان شاء الله ..
        العجوز: بيأخذك هالمهبول ..
        ريوف:ههههههههه يالبىا ..
        راكان: فرحانه انها تسب فيني ..
        ريوف فاطسه ضحك ..
        راكان ضحك معها..
        ريوف مسكت نفسها شوي: لا بس انت وهي توسعون الصدر ..الله يوسع صدوركم بطاعته..
        دخلت ام راكان وجلست تسولف مع ولدها وريوف والعجوز نايمة ..
        راكان: مشينا..
        أمه: لا منتم براحيين .. اجلسوا تعشو معنا.. مابوه حد الا أنا وأبوك ونسونا..
        ريوف: من عيوني خالتي.. ماطلبتي شي..
        جا ابو راكان ..وقامت ريوف مع عمتها يحضرون العشا ..
        .
        .
        .
        أبها..
        ببيت أبو تركي ..
        تركي: راح تسافرون معي وتريحون بالرياض.. احسن من هنا.. انا حجزت وأنتم معي..
        أبو تركي: ان شاء الله..
        تركي: طبعا راح تعشيون معي .. ماراح أعطيكم احد من اخواني(قالها وهو يبتسم) ..
        ضحك أبوه وامه..
        استأذن تركي من أبوه وأبوه وطلع من غرفتهم وراح لغرفته ..
        كانت غلا ترتب ملابسها وملابس راما..
        دخل تركي وانسدح ..
        سكرت غلا الشنط ..
        تركي: نامي هنا.. الكل مش موجود ..
        طالعته: ادري..
        تركي : زين أنك عقلتي شوي..
        غلا: تركي بالله خل هالليله تعدي على خير..
        تركي يحك ذقنه: افكر..
        غلا : مشكله انت..
        تركي: لو ادري انك ماتحبيني ماأجبرتك ولاحنيت عليك.. بس عارفن قلبك.. أسمعي هالقصيدة بس .. شغل جواله وسمعها ..

        أنا مدري وش إحساسك ؟.. و مدري وش تظنيني؟..
        أنا الصادق في عينك كنت .. و صرت الكاذب الخوان !

        أنا أخطيت .. ما أنكر .. و لا في عذر يكفيني ..
        سوى أني أحبك حيل..و أني دائما انسان..

        أنا أدري بمدى جرحك .. و أدري الحظ جافيني..
        يطول الوقت ما أخطي .. و إذا أخطيت كل شي بان..

        أنا شفت الزهر مايل و ظنيته يناديني !
        قطفته ..يوم ضميته..لقيته للأسف ذبلان!

        عرفت أنك زهر عمري .. عرفت أنك بساتيني..
        و غيرك قيظ ما يروي .. سراب يشقي العطشان..

        أنا لو ما حصل ما كان .. و شو اللي يدريني..
        بأنك ما سواك أنتي سكنتي القلب و الوجدان ؟

        أنا اسف على أعذاري .. عجزت ألقى عذر فيني ..
        يليق بغلطتي في حقك .. و يرجع كل شيء كان ..

        أحبك كثر أخطائي .. و أدري أنك تحبيني ..
        و أدري لو تفارقنا .. فلا نقدر على النسيان..

        إذا تقوى على فراقي و بعدي عنك .. خليني..
        أنا مليت من دور الكرامة..لعبة الغفران..

        قليل العمر ياللي أنتي دموعك ما تساويني..
        حرام أنه يضيع فراق .. هي من قلها الأحزان..

        تركي : لبا عبدالرحمن بن مساعد انشهد انه جابها على الجرح ..
        سحبت غلا الغطا وتحلفت وهي تغالب دموعها ..
        تركي: شرايك بالقصيدة..
        غلا : تكفى تركي خلاص.. خل انام ..
        حطت بنتها بينها وبين تركي ..
        تركي يبي عطفها وحنانها: تدرين اليوم رحت للمستشفى..
        طالعته وهي تمسح دموعها: جد ..
        تركي:ايه ..والحمدلله غيرت على الجرح ..
        غلا: تيب أنا اسفه على اللي صار البارح.. ماكان قصدي..
        ابتسم تركي: طلعتي شرسة..
        غلا: بجد اسفه.. لما كنت تتألم حسيت بوخز الالم فيني وطول البارح مانمت ..
        انقلب تركي وصار بحضن غلا: يعني تحبيني..
        غلا: أيه احبك.. بس راح نظل كذا..
        تركي ابتسم: أهم شي أنك تحبيني.. وراح اجبيك ..
        ضحكت غلا غصب: نام طيب..
        تركي يستهبل: هنا؟
        غلا: تركي رح لمكانك لاتصحي راما..
        تركي :ماطلبتي شي..
        .
        .
        .
        اليوم الثاني..
        الرياض ..
        ببيت تركي وغلا..
        غلا : هاعمتي الغرفة حلوه.. اذا ماأعجبتك قولي لي .. ومن عيوني أغيرها..
        أم تركي: فديتك حلوه واسعه وأحسن شي انها بالدور الارضي..
        غلا: زين الحمدلله.. الله يحيكم ياعمه معنا.. لكم البيت ولنا عتبته..
        سلمت على راس عمتها ويدها..
        أم تركي: الله يرضى عليك يابنتي.. ويصلح لك راما.. ويسدد مابينك وبين تركي..
        غلا: امين..
        طلعت غلا لان عمها دخل للغرفة ..
        .
        .
        .
        بغرفتها..
        انقهرت ان تركي نقل كل الاغراض لغرفه نومهم الرئيسه ..
        دخل تركي وهو مقهور: عندي اخو رخمه رجع نادية..لو طاعني وطلقها وزوجته خير منها..
        غلا بألم: احسن شي سواه.. خلك أنت تطيع كل شخص بحياتنا الخاصه ..وبعدين لاتسبه انت من قبل تزوجت بشورة..سبحان الله بس..
        تركي قام ومسك يدها: غلطت أدري.. بس قلبك كبير.. اسف
        غلا: قلت لك كبر الخطأ ماكل عذر يغطيه.. مثل التعازي ماترد المصيبة..
        تركي: وش اللي تأمريني فيه.. غلا ماقدر اصبر عنك اكثر من كذا.. اقولها لك بصراحه.. خلاص صبري بدأ ينفذ..
        غلا ناظرته شوي وتالي صدت ..: تركي أخوك عبدالله ورهف راح يجون الليله ..
        تركي: عندي خبر..
        .
        .
        .
        ببيت نايف ..
        العصر..
        طلعت دانه ونايف ولدهم بينهم يمشونه .. وشكله صغنون بينهم ويضحك ..
        دانه ونايف فاقعين ضحك على مشية ولدهم توه صغير وهم يبونه يمشي..
        أم نايف: اه يامشاري ياشين حظك وهالمهابيل امك وابوك ..
        قامت شالت ولد ولدها منهم: وبعدين معكم باهالاثنين..
        دانه: هههههه دب مامشى زين..
        أم نايف: ولدك ماكمل عشرة شهور كيف يمشي..
        دانه: ابيه يمشي.. ابي اتسابق معه ..
        نايف: بجد ورى يمة مامشى.. شكل وزنه مشالله تبارك الله زايد ..
        جدته لامه: بسم الله عليه .. بعده صغير..
        دق الجرس وتسابقت دانه ونايف على الباب لانها الهنوف..
        ضحكت أم نايف: يابري حالي ولدي مرته ماهم صاحيين ابد..صح يامشاري..
        ضحك مشاري لجدته..
        جدته لابوه: ههههههه الله يصلحهم لو تكسروا مع هالركض..
        .
        .
        .

        تعليق

        • SOoΚaRh
          V - I - P
          • Jan 2009
          • 1778

          رد: وحشني شوف أصحابي وربعي والغلا مستور / كاملة

          عند الباب..
          ضحكت الهنوف على ولد اختها وزوجته..
          شالت دانه ولد الهنوف وهي تبوسه :فديتك..
          نايف يشيل الاغراض مع خالته..
          الهنوف: شخباركم..
          دانه: الحمدلله تمام..
          دخلت معهم داخل ..
          راحت دانه ونايف معها مايجب يفارقها وهي نفس الشي.. للمطبخ تحضر القهوة..
          دانه وهي تقطع الحلا وتذوق نايف منه: حلو؟
          نايف: تمدين فيه بيدك وتسأليني حلو..
          دانه: احم احم ..ترى استحي تسذا
          نايف: يالبيه يادانه قلبي وروحي..
          سكتوا لان ام نايف دخلت للمطبخ ومعها مشاري تسوي له سيريلاك ..
          خلت نايف يشله على ماتسوي له اهو ولد الهنوف..
          خلصت وخلت الشغاله تلحقها فيه..
          دانه: وناسه قرب رمضان ..
          نايف: بجد الحمدلله.. كان مثل هاللايام عرسنا.. يالبيه..
          حمر وجهه دانه وهي تتذكر احتفال نايف بذكرى عرسهم..
          ضحك نايف لانه عرف بايش تفكير دانه..
          دانه:فديتك نايف.. الله لايحرمني منك.. بجد احبك .. يمكن تقول وش مناسبه هالكلام.. بس والله احبك..
          نايف خق معها: يالبني ا .. بنت خفي علي..
          دانه ضحكت: امشي بس .. شال الدله حقه القهوة ودانه صينيه الحلا..
          .
          .
          .
          ببيت سلطان ..
          كان جالسين بالصاله ومشاعل شايله معاذ وتلاعبه ..
          عليا: لاتحطينه على بطنك ميشو هالايام ..بسم الله عليه مهو بخفيف..
          باسته مشاعل: يالبني خليه..
          كان سلطان جالس جنب امه ويسولف معها ويضحك ..
          عتطه اخته القهوة ومدى لامه الفنجان وخلاها تتقهوى ومدى لها الحلا..
          مشاعل بقلبها (الله لايحرمك ياسلطان من امك ولايحرمني منك) ..
          حست مشاعل انها راح تستفرغ .. نزلت معاذ بهدوء وقامت من الصاله.. وراحت للمغاسل الداخلية وهي ماسكه راسها وبطنها وعيونها ملمعه .. لما استفرغت حسن انها ارتاحت .. غلست وجهها بس حست باللي يأخذ وينشف وجهها ..
          سلطان: شفيك ؟
          مشاعل: خلاص الحين تمام ..
          سلطان يرجع شعرها وبحنان: خلينا نروح للمستشفى.. كود يعطونك شي يخفف حده الاستفراغ .. حتى ماصرتي تأكلين وذبلانه ..
          مشاعل حطت يدها على يدها: لا حوبي هالشي لما سألت طلع عاتي ..
          مسك سلطان يدها وطلعوا من المغاسل الداخلية : تبين نجلس مع الاهل او تطلعين غرفتنا تريحين ..
          مشاعل (هالوقت هو الوقت الوحيد اللي يجلس سلطان مع اهله وخاصه مع امه وماحبت تطلع لغرفتها عشان ماتحرم امه منه) ..:لاقلبي خل نقعد هنا.. الحمدلله انا تمام ..
          جلست مشاعل وسلطان جلس جنبها ..
          عليا: الله يعينك على الوحم ..
          مشاعل كشرت: يتعب ماتوقعت تسذا..
          ضحكت أم سلطان: مابعد شفتي شي ياأمك .. الله ييسرها لتس ..
          مشاعل من قلب: امين ..
          شال سلطان ولد اخته معاذ وقعد يلاعبه ويضحكون.. وتالي طلع فيه للبقاله..
          عليا: سلطان شوف لك صرفة مع عبدالاله وطارق ومحمد مايجلسون بالبيت ..
          سلطان وهو شايل معاذ : ولايهمك .. لاتشلين هم .. هم استأذون مني يقولون بيحضورن مباراة الهلال والشباب ..
          أم شوق: ههههههه ياخوفي ل فاز فريق واحد منهم على ثاني ثور أعصابهم ..
          سلطان: هههههههههه كل شي ممكن .. لا كن هم أخوتهم ومحبتهم لبعض تبعدهم عن هالتفاهات .. الحين بكلم السواق وشوف وينهم ..
          عليا: سلطان طلبتك لاتوافق ل طارق على السيارة ..
          سلطان رد جلس: كبر الولد ياعليا ..
          عليا: لا وانا اختك .. لو استلم السيارة أعرفه متهور.. وبعد كل مباراة بيطلع يفحط اعرفه .. ماتشوفه لما تخلص المباريات ويفوز الهلال يقول اه لو معي سيارة كان أنا معهم ..
          أم شوق: الله يهديهم ..
          سلطان: أنا وعدته هو وعبدالاله ونجحواوجابوا نسب عالية بجيب لكل واحد سيارة ..
          أم سلطان: سلطان الله يهديك عز الله ماجلسوا بالبيت ..
          سلطان: مالك الا طيبه الخاطر .. أنا وعدتهم ومستحيل اخلف وعدي معهم خاصه أنهم بتفوقهم .. وبصراحه امس رحنا واخترنا السيارات ..
          أم سلطان: يابري حالي..
          أم شوق: شوف وأنا أختك دامك خلاص وعدتهم .. بس سيارة وحده تكفيهم ورى كل واحد سيارة وطالعتهم كلها مع بعض ..
          سلطان ابتسم وهو يقول مع معاذ : الله يكتب اللي فيه خير.. عن اذنكم ..تبون شي..
          عليا: لا تسلم ..
          .
          .
          .



          .
          .
          .
          ببيت تركي ..
          كانوا أخوان تركي موجودين عنده وحاول عبدالله يأخذ أمه وأبوه بس تركي رفض ..
          راحوا أخوه واخته لان الوقت تأخر ورمضان قرب يبي له تجهيز ..
          بغرفتهم ..
          دخل تركي ولقى غلا نايمة باين انها مرهقه حيل .. حتى راما صاحية استغرب وقعد يلاعب بنته .. وتالي اخهذ رضاعتها ورضعها حتى نامت..
          .
          .
          .
          بعد عده اسابيع ..

          الشرقية ..

          شقه فيصل وشوق..
          كانت شوق تحضر الفطور وفيصل يساعدها برغم انه توه جاي من شغله..
          اذن ..
          وجلسوا ..
          فيصل عطى شوق تمره واخذ له: اللهم أني لك صمت وعلى رزقك افطرت ..
          شوق عطت فيصل قهوة :خذ حبيبي..
          فيصل: تسلمين .. ياحبني لها ..
          ابتسمت شوق .. وكملوا فطورهم ..
          اكتفت شوق م الفطور وقامت توضي وتصلي وفيصل نفس الشي ..
          بعد الفطور ..
          حضروا لهم خفايف بعد الفطور وجلسوا على التلفزيون ..
          فيصل: هههههههههه اليم هالبيني وبينك ..
          شوق: هههههههههه بجد ..
          طلعت ممثله ..
          شوق : فيصصصل لاتطالع ..
          فيصل: هههههههههههه يالبى الغيرة.. الحين بطالع بهذي وعندي هالقمر.. يابعدهم انتي..
          شوق: كل شي جايز ..
          فيصل: افا.. احد يخلي الحشمه والطهر والعفه ويناظر بوحده كل هب ودب يناظرها .. هي ياشوق مثل الاكل المكشوف الكل يشوفه بس ماأحد يأكله بس يتفرج فيه .. بس انتي والطاهرات من بناتنا نحفى حفي على مانأخذكم .. فديتك والله ..
          شوق : يعني مهي حلوه ؟
          فيصل : ممكن تكون حلوه .. لاكن وشو الفايدة حلوه وطالعه على tv .. أو حلوه وتمشي بالمجمعات والاماكن العامه ولابسه فستان سهرة مهيب بعبايه واللي يسوى ومايسوى يشوفها .. وتضحك لهذا وتتغنج ل هذا .. جمالها هنا محط احتقار لانها استخدمته كوسيله لجذب الشباب والانظار لها ..
          شوق: الله يهديهم ..
          فيصل: امين .. شوفي عندنا يالشباب نحب الجمال صح بس الاهم وحده اخلاق محترمة تحفظ بيتها .. بمعنى تكون لاحضرت مرأه ولاغبت عن البيت رجال ..!
          شوق: بس بعضهم يقول جمال وحده وبس..
          فيصل: لا يغرك لابد يطلب الاخلاق .. واحد من الربع تزوج كان يبي الجمال بس وفعلن اللي بيبي .. لاكن ماستمر هالزواج والحين اخذ وحده ثانية محترمة واخلاق وعلى قدر من الجمال ومرتاح معها ويقول ل ربعنا اللي مابعد تزوجوا أهم شي الدين والاخلاق ..
          شوق: اكيد ..
          فيصل مبتسم: اقول يالحلوه وراك ذابله ..
          شوق: عاتي بس أكيد من الصوم ..
          فيصل: طيب خذي هالقطعه لازم تأكلين ..
          شوق ابتسمت: اوك ..
          .
          .
          .
          الرياض ..
          ببيت خالد وعهد ..
          عهد تأكل ولدها ..
          عهد: خالد خل أكله ..
          خالد: شمعنى هو وانا لا..
          عهد: ههههههههههههه يرحم امك لايسمعك احد بزر انت ..
          خالد :عهدوه ..
          عهد :خلودي روحي رح صل العشا والتروايح ..
          خالد وقف وهو يحك شعره: امري لله ..
          عهد: ههههههه يله حبيبي روح ..
          .
          .
          .

          ببيت سلطان ..

          كانت مشاعل تبكي خلاص الوحم تعبها ..
          سلطان: مشاعل حبيبي خلي نروح للمستشفى..
          مشاعل تبكي وهي ضامه المخده: مابي..
          سلطان: طيب لازم تأكلين ..
          مشاعل: كل ماأكل ارد واستفرغ.. وأتالم .. خلاص مابي..
          سلطان جلس معها وهداهاشوي وتالي قام عشان الصلاه ..
          .
          .
          .
          بالصاله..
          نزل سلطان ..
          سلطان: يمه مشاعل تعبانة ..
          أمه رحمت ولدها وخوفه على زوجته : لاتخاف وانا امك لما حملت فيك جاني وحم نفسها واشد .. الحين بسوي لها شي دافي ترقي فيه نفسها ..روح صلي وان شاء الله تجي من الصلاه وهي زينه ..
          سلطان: ان شاء الله ..
          طلع سلطان مع عيال خواته للصلاه بسيارتهم اللي اقتنعوا بسيارة وحده لهم كلهم ..
          أما ام سلطان سوت شوربة ل مشاعل هي بنفسها ونادتها تجي عشان تأخذ منها ..
          مشاعل تشرب منها بهودء: ياعمري ياعمه ليه تعبتي نفسك..
          عمتها: هو فيه عندي اغلى من شي ل سلطان ..
          ابتسمت مشاعل بحب لعمتها..
          .
          .
          .
          اليوم الثاني ..
          المغرب ..
          ببيت تركي ..
          اذن وكان أبو وأم تركي وغلا وتركي يفطرون ..
          تركي عقب ماقال دعاء الافطار دعى بنفسه وكل ليله يدعيها على الافطار(اللهم اصلح مابيني وبين غلا وردها لي ردا جميلا ياحي ياقيوم )

          ثبت في مسند الإمام أحمد وسنن الترمذي عن أبي هريرة - رضي الله عنه – أن النبي صلى الله عليه وسلم قال: ( ثلاثة لا ترد دعوتهم: الإمام العادل، والصائم حتى يفطر، ودعوة المظلوم..)

          ..

          تعليق

          • SOoΚaRh
            V - I - P
            • Jan 2009
            • 1778

            رد: وحشني شوف أصحابي وربعي والغلا مستور / كاملة

            بعد صلاه التروايح ..
            جلست غلا مع عمتها وتجهزوا عشان راح يطلعون ل رهف ..
            غلا بخرت عمتها ورشت لها عطر وساعدتها عشان تلبس عباتها .. وتالي راحت غلا وبخرت عمها الي كان جالس بالصاله هو تركي ..وتركي عينه تلمحها بحب واضح وأعجاب وعشق وجنون الحب وأنواعه ..
            قربت من تركي وبخرته .. اللي بعدت للفه عن يده طاب جرحه ..
            تركي : شماغي بالغرفة تعالي هناك ..
            غلا رفعت حاجب: تركي واللي لابسه ؟
            تركي ابتسم: بغيره ..
            طلعت غلا معه للغرفة ..
            ونزلت المبخره وطلعت له شماغ : هذا ..
            تركي: ماأبي أغيره مرتاح بهذا..
            غلا : تركي تلعب معي..
            تركي بعده مبتسم ..
            غلا ابتسمت غصب: طيب مشينا ..
            تركي بعد مبتسم قرب منها وباسها: ياأنك عنيده .. خلاص اخذتي حقك..
            غلا حمر وجهها: مشينا بس..
            تركي: طيب متى راح نرجع لبعض مثل الناس..
            غلا: أذا الله اراد .. يله مشينا ..
            حطت عود عود أزرق على الجمر وقربت من تركي وبخرته ورشت له العطر :يله ..
            تركي: ياليل .. تكفين ..
            غلا مسكت يده جننها : يله توتي..
            ضحك من كل قلبه ..وقال بصوت فيه نشوه فرح: من زمان عن هالدلع.. ترى مشتاق بالحيل..
            غلا: يمه منك .. انت اللي جبت كل ذا لنفسك ولي.. يله مشينا عاد ..
            طلعته معها وهو يضحك ويسوي حركات ..
            تركي: امريني بس ..
            غلا وقفت وهم ينزلون مع الدرج: تكفى لاتحرجني قدام عمي وعمتي..خلك عاقل الله يخليك ..
            تركي يأشر على عيونه : من عيني ذي قبل ذي .. غلا ..
            غلا: لبيه ..
            تركي : لبيه .. لبيه ياللي وحدك إن قلت لبيه ..
            يذبحني لبيهك ويذبحني الصوت ..
            لين اندهك يافلان واتقول لبيه ..
            واطيح من طولي و يذبحني الصوت ..
            غلا: يؤ تركي بسك .. المهم تركي ..خلك عاقل ..
            تركي: غلاتي بعد بكرة العيد ..
            ابتسمت غلا: كل عام وانت بخير ..
            تركي: وانتي يابعد عمري بخير.. المهم لازم نصفي الامور تكفين..
            غلا ابتسمت: تيب بس مشينا تأخرنا ..
            تركي يقلد دلعها: تيب..
            غلا: ههههههه امشي بس..
            .
            .
            .


            .

            حايل ..
            شقه راكان وريوف ..
            ريوف: لا مليت توى امس نزلنا للسوق.. الليله البنات راح يجون ..
            راكان: بنات اخواني ..
            ريوف: يس.. راكان تكفى خل الرومنسية شوي ..
            راكان باس خدها وهو يضحك: ماأقدر.. يالبيه يابعد حي حيي ..
            ريوف حمر وجهها: ركوني تكفى ..حبيبي انت .. ممكن ..
            راكان ابتسم ابتسامه شريرة : مقدر مقدر.. لو تمر لحظه وماأسوي لتس شي يطلع حمره خدودك احس اني مالي داعي..
            ريوف: ههههههههههههههههه يؤ مشكله ركوني ..
            دق الجرس ..وقامت ريوف وراكان ..وكانوا البنات .. سلموا ودخلوا..
            ريوف: هلا وغلا تو مانور البيت .. طبعا شذى وسمية أول مرة تجون عندنا..
            شذى: ايه .. بيتكم خقق.. صغنون على قدكم ..
            ريوف: احلى شي.. ترى كل شي ذوق خالك ..
            وجد: دايم ذوق.. وذوقه احلى لما اختارك..
            ريوف: ياعمري من ذوقك ..
            سمية : بجد عمي شلون اخذت ريوف..
            راكان: لما كنا عايشين بالشرقية عشان جدتس يشتغل هناك .. كنا جيرانهم وكانت دايم تجي مع أمها لبيتنا وكبرت وماصرت اشوفها كثير وبعض الاحيان اشوفها لما تكون تلبس عباتها بالحوش وهي طالعه للمدرسة من غرفتي ..
            ريوف غطت على جهها وفيها احراج وضحكه ..
            راكان : المهم من وقتها دخلت راسي واخذ اخبارها من امي لان كانت على اتصال دائم مع عمتي .. والحمدلله مامدى اشتغلت الا واخذتها ..
            وجد: وه خقق ..
            راكان يبعد يد ريوف عن وجهها : ههههههههه خلاص اسكتوا احرجتم حبيبتي ..
            وجد: لا عمي لاتضمها قدامنا
            البنات ضحكوا..
            سمية: يختي خلاص انتي وعمي احرجتم البنت ..
            قامت ريوف تجيب للبنات شي يشربونه .. وجهها احمر مع حركات راكان ..
            قامت شذى معها..: ههههههههههههه وين وجههك ..
            ريوف: ههههههههه احراج .. المشكله محذرته اقوله بلا حركات ..بس راكان اذن من طين واذن من عجين ..
            شذى: ههههههههههههههههههههه خليه عادي وناسه والله .. حركات قدامنا ومهي حرام وش نبي اكثر..
            دخلت وجد ..
            شذى: حتى ماتلاحظين صاروا يقطون البنات عندكم كثير هههههههه ..
            ريوف: يالله خخخخخخخخخخخخ عشان تسذا .. الله يهدي راكان .. انا مالي شغل لو انحرف احد ..
            وجد : الحين عمي قدامنا ماجلس اجل لما تكونون وحدكم اشلون ..
            ريوف: خخخخخ خليها على الله ..
            حضرت الفطاير وحطتها الصينيه والعصير معها ..
            بالصاله عطت البنات ريوف وتالي عطت راكان ..
            راكان: أكليني ..
            ريوف: أهئ راكان بس وربي احراج ..
            راكان نزل الكوب وضحك وضمها لصدرها: هههههههههه خلاص بحترم نفسي والشكوى لله ..
            .
            .
            .



            الرياض ..
            ببيت نايف ..
            كانت دانهو نايف توهم راجعين من السوق ..
            دانه تلبس ولدها عشان تشوف الملابس تمام عليه ..
            أم نايف: وش هاللبس تبون يصكون الولد بعين ..
            دانه: يمة بسم الله عليه ..
            جدته لامه: صادزه عمتك .. انتبهو عليه ..
            جدته لابوه: الله يحفظه أطخم ولبسه ذا بيحط العيون عليه ..
            دانه ضمت ولدها اكثر لصدرها: ياعمري الله يحفظه .. لا اجل بلبسه بس هنا ..
            طالعت بولدها اللي يضحك ولاهو داري عن الدنيا ..
            شالت الاكياس معها لغرفتها ونايف شال ولده ..
            بغرفتهم ..
            جربت دانه ملابس العيد ..: حلوه ..؟
            نايف : انتي اللي محليه هالملابس مهي بهي .. الله لايضرك ..
            دانه: يالبي الله لايحرمني منك ..

            .
            .
            .

            يوم العيد ..

            ببيت سلطان ..
            لبست مشاعل وخلصت تتنظر سلطان يجي من الصلاة ..
            دخل سلطان والعيال من صلاه العيد وكانت مشاعل بالمطبخ مع عليا جلست حتى طلعوا العيال لانهم سلموا على جدتهم وعايدوها ..
            طلعت مشاعل .. وعيون سلطان تراقبها وتسمي عليها ..
            سلم سلطان على اختها وعايد عليها وسلم سلم على راس مشاعل: كل عام وانتي بخير ..
            مشاعل انحرجت : وانت بخير وصحه وسلامه ..
            صبت له فنجان قهوة وتالي عطته شوكلاتة وفتحتها ..
            سلطان: تسلمين ..
            مشاعل: الله يسلمك ..
            سلطان: ها اخبارك احسن ان شاء الله ..
            ابتسمت: ايه الحمدلله ..
            سلطان: يحفظك الوالي ياشمعه سنيني ..
            .
            .
            .
            ببيت نايف ..
            لبست دانه ولدها اللي بدى يخطي ويمشي شوي ويطيح ..
            نايف شال ولدها وداه لخويه مشاري بالمجلس..
            مشاري يشيل سميه: بسم الله مشالله كبر السمي ..
            نايف مبتسم: شفت كيف ..
            عطاه مشاري حلاو وقعد يأكله..
            مشاري: الليله العشا عندي انت والاهل .. وعاد تعال شوف سميك نايف..
            نايف: لبا السمي وأبوه والله عز الخوي..
            مشاري: لبا قلبك .. ههههههههههههه قبلنا غزل ..
            نايف: ههههههههههههههههههههههههههههههه ..
            استأذن مشاري من نايف وقال له انه جا يعايد على مشاري سمية ويعزمه على العشا ..
            نايف: ماتقصر.. ان شاء الله ..
            مشاري: اجل سلام انتظرك ..
            طلع مشاري و شال نايف ولده وراح للصاله ..
            دانه انفجعت: لالالالا وش هالشكولا وسخ ملابسه ..
            ام نايف: ههههه هاتيه فديته ..
            قعدت تعطيه حلاو هو يسيحها بفمه ويوسخ ملابسه ..
            دانه: دب بسك ..
            أمه تهزئه وهو يضحك..
            نايف: ههههههه ولد احترم امك .. هزلت تهزئينه ويضحك ..
            دانه: اصلن انت مستانس باللي مسوية ..
            نايف: أقدر انا أستانس وقلبي معصبه ..
            دانه تطالع بساعتها: الساعه 8 بروح انوم ..
            أم نايف: خلي مشاري معي .. أنا بغير له ..
            دانه: ياعمري ياعمتي ..
            قامت وقام معها نايف : عن اذنكم ..
            بغرفتهم ..
            نايف: مدري كم مره قلتها لك .. بس
            كل عام وانت بخير وانا بخير
            وكل عام وانا احبك بزياده

            وكل عام وانا اموت التفكير
            واحبك بإصرار واراده
            دانه: وانت لي عز وذخر وسند وحبيب وروح وجسد وكل شي..
            .
            ..


            تعليق

            • SOoΚaRh
              V - I - P
              • Jan 2009
              • 1778

              رد: وحشني شوف أصحابي وربعي والغلا مستور / كاملة

              .
              .
              ببيت خالد وعهد ..
              عهد كانت تكلم جدتها عشان تجي تتغدا عندها هي و جدها والكل ..
              دخل خالد ومعه سله حلويات واكياس كثيرة ..
              سكرت عهد من جدتها وساعدت خالد بالاكياس ..ونزلتها ..
              خالد فتح يدينه : تعالي بسرعة هالعيد اول عيد لنا مع بعضنا..
              ابتسمت بألم : يعني عيدين ماكنا مع بعض يالله ..
              خالد بعده فاتح يدينه: أهم شي حنا مع بعض قربي بسررعة لحضني .. اه ياعمري ياعهد ..

              تعالي وقربي مني تدلي ياشبه عنقود
              وانا اللي بالصبر ماطلت لا حامض ولا حالي
              عضيم الوجد في عيني وقلبي من الوله ملهود
              ومن نظم الحزن باين على لحني وموالي
              اجاذب نايح الورقى وغني في هبوب النود
              والا منه ضواني الليل اسامر نجمي العالي
              الين ان السهر خلا تحت عيني رسوم سود
              وضاق الكون في عيني بحر وهضاب وجبالي
              اسلي القلب في فرقاك وتوجد عليك وجود
              وياليتك علي اتحن ولا تروف بحوالي
              همومي ماتخليني على كيفي وكيف اهود
              وكيف ارتاح وريح خفوق من العنى بالي
              دخيل عيونك النجلا حذاري تقطع الممدود
              بسلك معاويه بيني وبينك ياهوى بالي
              وحب حرف من كلمة غلا في داخلي موجود
              ارددتها ورتلها على قلبي وغربالي
              احبك ايه احبك يابعد عمري بدون حدود
              واحبك حب ما حبه غلا غالي على غالي
              شبيه الورد في عيني ولو ما للورود اورود
              وانا عدي محيل وحال حوله يابري حالي
              شبيه الريم ولا الريم في حسنه بعد وتزود
              على حسن المها وعيون خدر الناعس السالي
              سحرني حسنك الفاتن وقيدني بدون قيود
              بسحر جعود هنديه وسود دعج وضلالي
              حشى مالك شبيه ولا يشابه لك حشى مولود
              تغار الغيد من حسنك وكن احسانهن زالي
              من اقدامك الى هامة جعودك يانعيم العود
              طغى فيك الجمال اليوسفي وطغاك من تالي
              وانا اللي كل ما شفتك ذكرت الله عظيم الجود
              وبسم الله عليك من الحسد وعيون عذالي

              قرب له عهد وضمته ..: كل عام وانت بخير..
              خالد يتنفس من انفاسها: وانتي بخير ..
              سكت لان وجود عهد بحضنه يغنيه عن كل كلام الدنيا ..
              جلس وقت حاضنها وهم ساكتين ..
              عهد: خلودي..
              بعد خالد شوي: نور عيونه سمي..
              دخلت الشغاله ومعها ولدهم ..
              عهد بعدت عن خالد وحمر وجهها زود ..
              خالد جلس: الحين يازرو مالقيتي انتي وهالادمي تدخلون الا الحين ..
              رزو طواله لسان: انتي في كل مرة سوي كذا .. عادي ..
              عهد عضت على لسانها..
              خالد يخز: مراقبة الاوضاع .. وبعدين ذي زوجتي حلالي ..
              روز: في معلوم .. نادر في يبكي..
              شالت عهد ولدها وفيها الضحكه ..
              خالد: تعالي عهد للغرفة .. روز رتبي كل الاغراض ..

              بغرفتهم ..
              عهد: ياعمري ليه كلفت على عمرك ..
              خالد يلبسها العقد وانفاسه على رقبتها لانه مدنق : انتي عمري اصلن ..
              خلص ولفها عليها: انشهد انك محليه العقد ..
              .
              .
              .

              الشرقية ..

              شقه فيصل وشوق ..

              شوق: فيصل من امس مانمت خل انام .. العشا عند اهلك ميب حلو نروح لهم واشكالنا مرهقه..
              فيصل: لاخلي نسولف شوي .. لاحقين على اهلنا والكل.. أهم شي احنا..
              شوق: فصولي حبيبي دلبي نور عيني نام ..
              قرب منها فيها وهو مفهي: وشو عيدي ؟
              شوق غطت وجهها باللحاف .. وفيصل بعد الغطا : يرحم اهلك عيدي .. يالبيه ..
              شوق: فصولي..
              فيصل: وبعد ..
              شوق: حبيبي ..
              فيصل: وبعد ..
              شوق: دلبي..
              فيصل: وبعد ..
              شوق: نور عيني ..
              فيصل: وبعد ..
              شوق: يؤ فيصصصصصصل..
              فيصل:اقسم بالله احس لما اقعد معك يجيني شي هو من حسنك هو من غنجك ..هو من دلالك ..هو من اخلاقك ..يالبيه ..ياجعل امن جابتك للجنه.. قولي فصولي قوليها .. تزنن من فمك ..
              شوق: فصولي .. فوفو..
              فيصل : بنت هههههههههههه خفي خفي قلب فيصل وعقله اخذتيهم ..
              شوق بدلع رباني: حلالي صح ..
              فيصل: وانشهد ان فيصل كل كله لك .. ولك فيه ماهو ل غيرك ..
              ضحكت شوق وفيصل يناظرها بعشق مجنون ..
              .
              .
              .
              المسا ..
              ب حايل ..

              شقة راكان وريوف ..
              طلعت الثوب : راكان البس هذا .. الثيات اللي فيها من الرقبه أزار ماحبها كثير الليله البس هذا ..
              راكان: اوك ..
              عطته الثوب وجلس يلبسه .. وقعدت تسكر أزار الثوب ..
              ريوف : الكبك اي واحد تبي ..
              راكان: اختاري لي ..
              ريوف: هذا حلو ..
              راكان: اعجبك ..
              ريوف ترمش: يس..
              راكان : دامه أعجبك ورى تسأليني .. ركبيه لبا هالرموش..
              ركبت الكبك وخلصته :حلو مرا ..
              جابت له الغترة والطاقيه والعقال ..
              ريوف: لحظه لحظه ..
              طلعت فوق السرير عشان تعرف تلبس راكان لانها بالنسبة له طفله مع جسم راكان وطوله ..
              راكان: ههههههههههههههههههههه الطول عز ..
              ريوف : ههههههههه لاتتظنز ..
              لبسته الطاقية وتالي حطت الغترة وقعدت تعدل النسفة حقت الغترة وتلبسه العقال وخلته شوي مايل (لان معروف عندنا بشمال المملكه اهل الشمال أهل العقال اللي على الراس مايل) ..
              ريوف: تسذا ..
              راكان: خبره عندك ..
              ريوف: ههههههه يس .. كنت اسوي لخالي تركي تسذا .. وهو اللي علمني .. والحين بطلع مواهبي عليك ..
              راكان: هههههههههه .. احلى موهوبه ..
              ريوف نزلت من فوق لسرير وراح تأخذ العطر وتعطره .. وتالي عطته المسحبه .. وركبت القلم بجيبه وحطت البوك والمفاتيح بجيبه السفلي ..وراكان ذايب معها وريوف اكثر ..
              ريوف: خلصنا ..
              جلست تطالعه ..
              أحب زوله واحب طوله واموت برزة عقاله
              واحب ولاعته وعطره وبوكه وكل حاجاته

              واحب سيارته واسمه ورسمه ورقم جواله
              واحب بزران حارتهم ونغمة صوت هرناته

              واحب حكيه واحب صمته واحب ايامي بوصاله
              واحب غشمرته وجده واهوى حتى زعلاته ..

              راكان: ريوف قلت لك من قبل او لا ..
              ريوف وهي جالسه على طرف السرير وتطالعه بحب ..: اممم لا..
              راكان: انك اغلى من خلق ربي وانك عمري وانتي كل شي ل راكان ..
              ريوف: اممم تيب تدري..
              راكان خق معها وجلس جنبها : وشو ؟
              ريوف: انت روحي تعرف شمعنى روحي انت اكثر اكثر من هالمعنى.. انت بشي بداخلي كل يوم يكبر عن اليوم اللي قبله .. انت اللي اشكر ربي اللي رزقني بمثلك ..
              راكان باسها : جعل ربي يحفظك ..
              ريوف: ويحفظك لي من كل شر وهم وكدر ..
              ابتسمت لانها تناظر راكان وعارفته..: قوم يله نروح لبيت عمي ..
              راكان ابتسم: مشينا .. احب الناس اللي تفهمني ..
              ريوف: هههههههه خبره ..
              راكان : ههههههههههههه .. جعلني فدا لمبسمك ..
              .
              .
              .

              تعليق

              • SOoΚaRh
                V - I - P
                • Jan 2009
                • 1778

                رد: وحشني شوف أصحابي وربعي والغلا مستور / كاملة

                .

                الرياض ..
                ببيت تركي ..

                كانوا توهم داخلين للبيت وغلا نومت بنتها ..
                تركي : جا الوقت اللي نحط النقط على الحروف ..
                غلا: تركي خل بعدين تنفاهم ..
                تركي : علي الحرام الليله اتفاهم معك .. خلاص ..
                ابتسمت غلا وهي تناظر تركي اللي تنرفز بسرعة ..
                تركي ابتسم :روحي بدلي ملابسك وانا راح انتظرك ..
                غلا راحت تطلع لها ملابس..
                بس تركي من وراها مد لها ب كيس ..
                غلا لفت وصارت مقابلته ..: وشو ؟
                تركي: ابيك الليله تلبسين هذا ..
                غلا: بس ...
                تركي: ولا بس ولاشي .. البسي هذا ..
                شافت تركي معزم تلبسه اخذت الكيس ..
                دخلت تأخذ لها شاور وعقب ماخلصت فتحت الكيس وكان روب نوم فخم وهادي جدا ..ابتسمت وقالت براحه: اهم شي محتشم ..
                بس انفجعت من الفتحه للركبة وفتحه الصدر.. لبسته مقاسها تمام .. عقدت حجابها وهي مستغربة من تصرف تركي..
                طلعت وكان تركي لابس بجاما بنفس لون الروب ابتسمت ..
                تركي وهو يناظرها كأنها اول ليله زواجهم : نعيما ..
                غلا بحيا: الله ينعم عليك ..
                تركي: لابق عليك بشكل ..
                دنقت غلا ..
                تركي: جعلني فدوة لك ..
                حمر وجهها من كلامه ونظراته حيل ..وضاع كل الكلام اللي كانت تقوله لك وقت هواشهم ..
                طلع تركي من الغرفة وارتاحت غلا شوي .. فتحت المجموعه حقتها من نكتار وحطت كريم مرطب عقب الشاور وحطت عطر ..وقلوس بس ..
                دخل تركي ومعه عربه فيها كيكه كبيرة وكأسين عصير فرواله .. وانواع من الشكولا ..
                تركي قرب من غلا وجلس جنبها : يمكن بعدك شايله بقلبك علي واللي سويته مهوب بقليل ابد .. بس اذا الله سبحانه وتعالى يغفر ويسامح ليه حنا مانسامح ونغفر.. غلا عشان كل لحظه حلوه عشناها ..عشان تركي ..عشانك انتي.. عشان بنتنا .. عشان كل شخص غالي عليك ..
                غلا سكتت اصلن تحس اللي يصير حولها حلم..
                تركي ويده عى خصرها : غلا قلبي وروحي وعمري..
                غلا: واللي سويته ؟
                تركي: اطلبي اللي تبينه الا البعد ونعيش بعاد عن بعض .. ولك التنفيذ ومن عيوني ..
                غلا: والجروح الي سببتها ؟
                تركي: ببدلها ان شاء الله .. تأكدي كل جرح جرحك انا انجرحت قبلك
                منه ..
                غلا: وشاللي يشفع لك ياتركي ..
                تركي وهو ماسك يدينها: حبنا .. وعشقنا لبعضنا.. راما بنتنا .. كل شي..
                لمعت عيونها : اه تركي مسكتني من يدي الللي تعورني حبي لك وراما بنتنا ..
                تركي: اسف كلي خطأ ومخطي .. اسف ياغلا .. اسف كثير ..
                ضمها لصدره وهي استسلمت له تعبت من الفراق كثره واكثر يمكن بعد ..جرحها لانه حبيبها .. لانه قلبها .. لانه روحها .. ولانه ذاتها.. جرحها وطولت بقبول عذرها لانها ماكانت متوقعه هالجرح منه بالذات هو ..
                قومها ..
                مسح دموعها وباس كل مكان بوجهها وهو يمسح دموعها اللي انتثرت على ملامح وجهها اليوسفي ..
                قومها معه وهو واقف وراها ويقطع معها الكيك وتالي جلس وجلسها جنبه وهو يأكلها وتأكله من الكيك .. عطاها العصر وشربها منه وتالي شرب من نفس المكان ..
                تركي: ماني مصدق.. القمر رضت علينا.. اه ياحبني وعشقي وجنوني فيك ..
                ابتسمت وانفها احمر : لانها تحبك ..
                قرب لها زود : ملاك الليله طالعه .. ملاك .. هالليله ابيك تعربين لانها اول ليله لنا مع بعض.. نبي نبدى حياة جديدة الماضي نبي ننساه كله اتفقنا ..
                غلا ببحه: اتفقنا ..
                باسها تركي على راسها وتالي جابها لحضنه : الله يقدرني واسعدك..
                غلا ذابت من بين احضانه : وانا بعد ..
                تركي : يابعد روح تركي انتي ياخلفهم كلهم .. الحين تجين نصلي ركعتين شكر لله ..
                غلا: تيب..
                .
                .
                .

                مشاعل*سلطان ..

                شفنا كيف كانت مشاعل متعقده كليا من الرجال .. وكيف قدر سلطان بذكاءه انه يغير نظره مشاعل عن الرجال .. وكيف تقبلت واصبحت حياتها مرتبطه ارتباط كلي بحياة سلطان وكيف تقبلت وجود اهل سلطان بالبيت وعاملت خواته كأنهم خواتها وهالشي خل سلطان يحبها اكثر لان الرجال لاشاف الحشيمة لاهله من زوجته علا قدرها اكثر بعينه ونفس الوقت عامل اهلها بالمثل.. وهم الحين ينظرون مولودهم الاول ..

                دانه*نايف ..

                شفنا كيف حب وغيره ام نايف على ولدها وحيدها .. وكيف قدرت دانه باخلاقها وتفهمها لوضع ام نايف بحكم ان نايف ولدها الوحيد .. تحب دانه وتتفهم انه مهما تزوج فأن امه راح تظل وظلت بالمكان الاول بحياة نايف .. وكيف زواج نايف من بنت عمه وستره عليها كيف الله سبحانه وتعالى يسر اموره مع دانه .. ودانه وذكاءها في تعامله وتقبلها لعذر نايف وعدم افشاء سره.. وان الله سبحانه وتعالى رزقهم بطفل نور حياتهم كلهم ..

                عهد* خالد ..

                شفنا كيف بدايه زواجهم .. والمشكله اللي صارت بينهم وزواج خالد مسيار وأكتشاف عهد ل سالفه زواجه وصدمتها .. ولان خالد ماحب وسلك طريق الحرام رد الله له عهد ردا جميلا .. وعايشين حياة حلوه مع ولدهم نادر..

                ريوف*راكان ..

                شفنا كيف رفض ريوف وأضرابها عن الزواج بسبب حبها لولد خالتها .. وأصرار أمها على الموافقه وفعلن وافقت وتم زواجها من راكان .. اللي ماتقلبت وجوده بالبداية بس هي لقت ان حبها لولد خالتها كان سراب وهم .. اما راكان فهو أول حب بحياتها بسبب حبه الصادق لها وهي ايضنا لربما هي تعشق راكان الان اكثر مما يحبها هو ..وان الحب بعد الزواج هو الدائم ..

                شوق*فيصل ..

                شفنا كل اللي صار ل شوق .. وبرغم كل هذا فيصل أصر واخذها وصبر عليها الين نال حبها لانها من الاساس تعشقه ولاكن خوفها .. وشفنا كيف تغلبت على خوفها واعتذرت من فيصل .. هالاعتذر ليس دليل على الضعف بل العكس صحيح تماما .. والان هم يعيشون قصه حب مجنونه عقب انتظار من فيصل دام ست سنوات تتكلل بالزواج ولاغيره ..


                تركي* غلا ..


                شفنا كيف المشاكل عصفت بحياتهم من البداية .. وشاللي صار ل غلا وشلون تعذبن وذاقت الامرين ..! ولاكن كانت مع ذلك على يقين بأن الله سبحانه وتعالى سيظهر كل ماحل بها .. وكانت ولازالت ملازمه للاستغفار وقيام الليل لان الله سبحانه{وقال ربكم ادعوني أستجب لكم إ} [غافر: 40/60] عبد الله بن عباس رضي الله عنهما قال : قال رسول الله صلى الله عليه وسلم : ( من لزم الاستغفار جعل الله له من كل ضيق مخرجا ، ومن كل هم فرجا ، ورزقه من حيث لا يحتسب ) رواه أبو داود ..و تعالى امرنا بالدعاء والتضرع اليه والله يحب العبد اللحوح بالدعاء وغلا كانت كذلك ..وعلى ذلك يسر الله لها وانكشف مابها من هم وكرب .. ودرى تركي وتعبت كثير على ماوصل واعتذر لها وقبلت عذره لانها تعشقها وعارفة ان اللي صار نابع من غيره رجل لاتعترف بأنصاف الحلول ..! .. وكيف حبها تركي اكثر لما رحبت بوجود امه وابوه معهم وعاملتهم بكل حب وتقدير..
                والحين هم بدو حياة جديدة لايشوبها شائب ..مع بنتهم راما ..


                وشفنا كيف كل ظالم اخذ جزائه .. وان عين الله لاتنام .. لذلك فلنحذر من الظلم .. !



                انتهت^_^ ..




                فصول روايتي الاولى والتي شاءت المشئيه الالهية ان ننتهي في مساء يوم الجمعة الموافق 22_1_1431ه
                7_1_2010م في الساعه 5,50 دقيقه مساء..
                اشكر في نهاية روايتي الله سبحانه وتعالى على توفيقه لي وانهاء الروايه .. وبالمقام الثاني شكرا لكل صديقاتي اللاتي دعمني .. شكر لهن .. شكرا ل ابنة خالي لولو التي دعمتني واصرت على قرائه الروايه وسؤالها الدائم .. شكرا لاخي عبدالله الذي قرأ روايتي برغم صغر سنه واعجابها بها برغم انه لايعلم بأنني من كتبت هذه الرواية الا هذه اللحظه ..وشكرا لاختي لولو وازو اللتين قرأتا الرواية وكان ل رأيهما بالغ الاثر ..
                شكرا لكل من دعمني .. شكرا لكل من وقف بجانبي.. شكرا لكل من انتقدني انتقاد هادف.. شكرا لكل من دعى لي بظهر الغيب وامامي..شكرا لكل تفاعل معي على هذه الروايه اللي تعتبر الاولى لي..
                شكرا لكل من سأل عني بفترات غيابي الاضطراري .. شكرا لكل من تحمل فترة وعتب علي عتب احبه بفترة غيابي.. شكرا لكل من رد على الرواية .. شكرا لكل من عاشها معي بكل لحظاتها بكل فتراتها .. شكرا لكل من ارسل لي على الخاص .. شكرا احبتي في الله على كل الذي قدمتوه لي .. فهما اشكركم سأضل عاجزة ..!
                لكم حبي ..
                اخيرا ..
                طلب اخير دعوة صادقة في ظهر الغيب ان الله سبحانه وتعالى يوفقني بدراستي ويكون النجاح والتوفيق حليفي الدائم .. وان يريح بالي بما اتمنى .. وان يرزقني من حيت لا احتسب .. وان يجمعني بمن احبه في هذه الدنيا .. ويرحم من توفاه الله إليه ..ويجمعني بهم في جنات الخلد ..

                أختكم : وحيدة وأهلي كثيرين ( هلاليه غير..! )

                تعليق

                • بنت آبوها
                  عضو متألق
                  • Mar 2011
                  • 298

                  رد: وحشني شوف أصحابي وربعي والغلا مستور / كاملة

                  رواييييييييه اعجز عن وصفها رائعه جدا جدا واحب اشكرك قلبو ع رواياتك وحسن معاملتك مععنا ولاتحرميننا من جديدك سوف اضل متابعه لك في جديدك وتستاهلي +++++..
                  سلمت يداك ..
                  ودي*

                  تعليق

                  • SOoΚaRh
                    V - I - P
                    • Jan 2009
                    • 1778

                    رد: وحشني شوف أصحابي وربعي والغلا مستور / كاملة

                    تسسلم عيونك والله
                    إحنا اللي لازم نشكرك على وجودك معنا =)
                    نورتينا

                    تعليق

                    • انثى من الخيال
                      V - I - P
                      • May 2009
                      • 1602

                      رد: وحشني شوف أصحابي وربعي والغلا مستور / كاملة

                      مشكوره يالغلا على اكمالها

                      تعليق

                      google Ad Widget

                      تقليص
                      يعمل...