رواية /وحشني شوف أصحابي وربعي والغلا مستور / كاملة

**SOoΚaRh** · 06-05-2011, 07:16 PM

رد: وحشني شوف أصحابي وربعي والغلا مستور / كاملة

ببيت نايف ..
نايف وهو ينزل الاغرض : تجيبن معي أو أوديك للغرفه ..
دانه : لا اجي معك ..
دق نايف على باب غرفه أمه ودخل ومعاه دانه ..
نايف : سلام ..
وبسرعه راح لامه ..
نايف: يمه شفيك ؟
ام نايف: مريضه وأنا مريضه رجولي تعورني وراسي ..
نايف : سلامتك يالغاليه .. يله نروح المستشفى ..
أم نايف : لا يانايف .. ماله داعي .. أخذت بندول..
نايف : بس يمه ............
قاطعته امه : لا يامي .. بس أبيك تجلس معي ..
نايف ماهو عارف نوايا أمه اللي تغار عليه من الهوا .. : خلاص بس بودي دانه ..
شوي الا بدخله جدته أم أمه .. أنصدمت لما شافت نايف ..
جدته أم أمه : نايف وش اللي مجيبنك هنيا ؟
نايف قام لجدته : أمي كلمتني وقالت أنها مريضه وجيت لها ..
طالعت جدته في بنتها بقهر ..
جدته : خلاص ياحبيب جدته روح الحين مع زوجتك لغرفتكم ..
نايف طالع باأمه ..
أمه : ودها وتعال ..
نايف : أوك ..
طلع نايف ودانه ..
جده نايف : الحين ذا ياوضحى (أم نايف) فعل تسوينه لولدك الوحيد .. تجيبينه
ليله عرسه من الفندق ..
أم نايف : يمه مريضه ..
جده نايف : منتي مريضه .. لكن الغيرة على ولدك ذابحتك ..
ام نايف : ايه مني مريضه لكن مستحيل أخلي نايف ينام برا البيت .. مايهنى لي
نوم ..
جده نايف: الله يسامحك .. أجل خليه ينوم مع زوجته ..
أم نايف : اليوم بينوم معي ..
جده نايف: ياوضحى خافي ربك .. وبعدين ولدك رجال كيف ينام معك ..
أم نايف: ماهو بنيام الا معي .. ولدي ماهو كبر بيظل ذاك الطفل الصغير بنظري
..
جده نايف هز راسها باسف : لاحول ولاقوه الا بالله ..
أم نايف : الحين وشفيك يمه ؟
جده نايف: جايبه ولدك بليله العمر من الفندق و تبيني أفرح ياوضحى ..
دخل نايف وهو لابس بيجامه ..
فرحت أمه لما شافته داخل ..
نايف : خلاص ياجدتي روحي نومي انا بقعد مع أمي ..
جدته انقهرت عليه : ودانه ..
نايف :عادي .. دانه متفهمه ..
جدته : الله يوفقكم ..
نايف: جزاك الله خير يالغاليه ..
جدته : تمسون على خير ..
نايف : هههههه جدتي الساعه 3 الفجر ..
جدته : ولو صليت الوتر وبمشي أرقد ..
نايف : وأنتي من اهله ..
طلعت جدته وهو جلس يسولف مع أمه ..
بغرفه النوم ..
دانه كانت منسدحه على بطنها وتقرأ مسجات جايتها من الشله أو بنات خالاتها
وخوالها .. وناس كثير .. بعضها تهنئه وبعض هبال من صديقاتها .. ولقت رسايل من
اخوها سطام .. لماشافت رسايله دمعت عيونها ودها تدق عليه لانهم كانوا دايم
يسهرون بس اكيد بيستغرب .. حطت راسها على المخده وقعدت تفكر .. شكل ام زوجها
مهي هينه .. باين عليها .. بس الاهم نايف صح ماجلست معه الا تقريبا ساعه ونصف
بس حبيب ..
بغرفه أم نايف ..
شاف أمه كانها نامت .. قعد يلعب بالجوال .. ومل منه ..
نايف بهمس : يمه ..
أمه راحت في وداي النوم ..
ناداها بس كانت بسابع نومه تعبت من العرس ..
طلع بهدوء .. مجرد ماطلع من غرفه أمه ركض بسرعه للدور الثاني لان غرفته هناك
..
فتح الباب بهدوء ..
انتبهت دانه وجلست ..
نايف بابتسامه : جيت ..
دانه : هلا ..
نايف : كلمه هلا ياحلوها من لسانك .. ياحلوها من بين ذيك الشفايف ..
حمر وجهها ..
نايف : راحت الليله ..
دانه بدلاخه : أي ليله ؟
نايف ابتسم وغمز لها : ليلتنا ..
انحرجت دانه .. وبقلبها كان محترم اول الليل بس الحين بد يتكلم .. ياربي ..
نايف طالع بساعته .. : اوف الحين الساعه اربعه الفجر .. تو قبل شوي ثلاثه ..
كانت ساكته بس تحرك الجوال بيدها ..
سوا حركه خلاها تقوم ..
نايف مسك يدها حتى طاحت بحضنه .. بالموت فكت نفسها منه .. لانهم سمعوا المؤذن
يأذن للفجر ..
دانه : بصلي ..
نايف : حتى أنا ..
دانه : طيب روح وضي والحق الصلاه بالمسجد ..
نايف : بصلي .. بس بصلي هنا .. لان لو صليت بالمسجد أهل الحي ماراح يسكتوا ..

دانه : أها ..
قام نايف وضى وصلى .. ودانه نفس الشي ..
بغرفه أم نايف .. الساعه 6 الفجر قامت ومالقت نايف انقهرت من كل قلبها ..
صلت الفجر .. ومن القهر طلعت للدور الثاني وتدق الباب بكل عصبيه ..
فز نايف استغرب وش هالدق توهم نايمين ..
نايف فتح الباب : يمه وشفيه ؟
أم نايف قاعده تخز ولدها : ......
نايف انتبه لنفسه مولابس البلوزه .. انحرج ونزل راسه ..
أم نايف ماهي لاقيه حجه تبرر دق الباب بالطريقه اللي دقتها ..
نايف طالع لامه : يمه تعبانه أوديك للمستشفى ؟
امه : لا .. بس كنت بسأل صليت الفجر ..
نايف : ايه ..
أمه : وين ؟
نايف : هنا ..
أمه : وليه ماصليت بالمسجد ؟
نايف : أنتي عارفة يمة أهل الحي يعني وكلامهم ..
أمه سكتت شوي وطالعته : متى رحت من عندي ..
نايف: الساعه اربعه ..
أمه : وليه ماجلست معي كان يمكن أحتاجك ..
سكت ..
أمه : ليه ماترد ؟
نايف : ناديتك ومارديتي وماعاد حبيت أزعجك ..
أمه : حتى ولو ..
نايف طفح الكيل : يمه الله يهداك ناسيه أني توني متزوج البارح وحتى زوجتي
ماجلست معها الاساعتين ونصف ..
امه : والله يانايف .. من اليوم يعني ..
نايف باس راس أمه : اسف يمه ..
أمه : وين زوجتك ..
نايف : داخل نايمه ؟؟ ليه ؟
أمه : بس أسأل ..
نايف وهو ماسك الماسك حق الباب : يمه أبي أنام ..
أمه : روح نام .. بس ثاني لاتطلع الا وانت لابس لبسك كامل..
انحرج نايف : الله يسامحك روعتيني ومانتبهت ..
أمه : ركز ثاني مره ..
نايف : زين ..
وراحت أمه .. وأخذ نايف نفس ..
دانه سوت نفسها نايمه دخل نايف بجنبها ونام ..

بالمستشفى ..

الدكتوره : أنا اسفه .. بس للاسف كل التحاليل والفحوصات أثبتت أنها مصابه
بسرطان الدم..

**SOoΚaRh** · 06-05-2011, 07:23 PM

رد: وحشني شوف أصحابي وربعي والغلا مستور / كاملة

الجزء الثالث عشر ..

خالد بهسرتيا : أنتي شتقولين ..
الدكتوره : يأخ خالد هدي هذا قضاء وقدر ..
خالد : شوفي النتايج حقتك بس ..
الدكتوره تطالع بالاوراق : مسويه مرتين .. والا ..
خالد بد يفقد أعصابه : أقولك تأكدي ..
الدكتوره راحمته : ياخوي شوف الفحوصات أنت وتأكد ..
خالد : يعني كيف ؟
الدكتوره : أومن بقضاء الله وقدره والحمد لله على كل حال ..
خالد : والعلاج ..
الدكتوره : العلاج أفضل نبدء فيه بدري لان سرطان الدم من أكثر أنواع السرطان
أنتشار ..
قام خالد والدينا ضايقه فيه بما رحبت ..
دخل بيته الساعه 10 الصباح يتسحب .. مايبي يزعجها ..
الا أن عهد كانت صاحيه .. تطالع التلفزيون ..
عهد : هلا خلودي ..
خالد يحاول مايبين : سلام ..
عهد: وعليكم السلام ..
خالد جلس جنبها : كيفك اليوم ؟
عهد : تمام الحمدلله ..
خالد : ماتحسين بالدوخه والالم اللي كان يجيك ..
عهد: عادي بين وقت وقت ..
جلس يناظرها ..
عهد : خالد شفيك ؟
خالد : مافيني شي عهدوتي ..
عهد: وجهك يبين أنك متضايق ..
خالد ( أذأ ماتضايقت من مرضك ياعهد أجل وشهو اللي بيضايقني ) : لاياعمري ..(
يصرف السالفه) أفطرتي ..
عهد : لا أنتظرك ..
خالد : طيب تعالي نفطر وبعدين بروح اخذ شاور عشان صلاه الجمعه ..
عهد : أوك ..

ببيت نايف ..

صحى نايف بعد على صوته امه ..
نايف : يالله ..
قام وفتح الباب ..
نايف : هلايمه ..
أمه : قوم ورى بعدك نايم .. نسيت الصلاه ..
نايف و هو يفرك عيونه : لا يمه ..
أمه : وين زوجتك ؟
نايف :نايمه ..
أمه : نايمه للحين ..
نايف : عادي مانمنا الا بعد الفجر ..
أمه : روح صحها بس .. وأنزلوا للفطور بعد ربع ساعه تكون تحت ..
نايف : ان شاء الله ..
أمه : ألف مره قلت لك لاتطلع الا ولابس لبسك كامل ..
نايف : لاحول ولاقوة الا بالله .. يمه الله يعافيك لما قلت لي الصباح مانتبهت
وراحت سيده ونمت والحين دقك على الباب يروع ماحسيت ..
طالعته امه بقهر وراحت ..
صك نايف الباب .. وراح للملاك اللي نايم ..
نايف : دانه ..
..........
نايف : دانه .. حبيتي ..
صحت دانه ..

نايف : صباح الخير ..
جلست دانه .. : صباح النور .. شخبار عمتي ..
نايف ( فديت اللي يسألون عن أمي): الحمدلله ..
انحرجت دانه من نظراته لها .. وقامت ..
نايف : وين ..
دانه : بروح أخذ شاور ..
ابتسم لها نايف ..
قامت دانه وراحت أخذت لها شاور .. ولبست فستان صيفي كيوت حيل ..
نايف كان منسدح على ظهره ويلعب على الجوال .. جلس أول ماشافها .. سمى عليها
من كل قلبه ..
قام لها ..
نايف وهو يبعد شعرها الغرقان عن وجهها : تدرين أنك حلوه .. حلوه .. حلوه ..
حلوه .. حلوه ..حلوه.. حلوه .. حلوه ..حلوه ..
وقعد يكررها كثير ..
حمر وجهها ..
نايف : والله أني صادق .. ماتوقعت أني بأخذ بوحده بكل هالجمال .. بسم الله
مشالله ..
طالعت فيها دانه للحظه .. ونزلت عينها بسرعه ..
نايف أبتسم : لوقفت كذا راح تنأخر عن أمي وجداتي ههههههههه .. بروح أخذ شاور
..
طلع له ملابس وراح يأخذ له شاور ..
قعدت دانه تجفف شعرها .. وخلت بشرتها على طبيعتها ماحطت شي .. الا قلوس وكحل
..

ببيت أهل مشاعل ..
أبو مشاعل رجل أعمال .. كان عايش بالشرقيه وانتقل للرياض مسقط رأسه .. يحب
عياله .. وخاصه مشاعل لانها وحيدتها بين عيال ..
أم مشاعل بنت عم أبو مشاعل .. أنسانه راقيه جدا .. ربت عيالها على الاخلاق
السامية ..
أخوان مشاعل ثلاثه ..
مشعل عمره 29 سنه مابعد تزوج .. وماسك شركات أبوه مع أخوه فارس .. مزوح كثير
وحبوب .. يحب أخته مشاعل كثير .. وأكثر واحد يدلعها .. ويحاول كثير يكسر
الحواجز اللي حاطته مشاعل بينها وبين أبوها واخوانها لان تخاف تجلس معهم كثير
.. عنده صديق أسمه سلطان .. ( راح نعرفه لاحقا لان دوره أساسي )
فارس عمره 27 سنه خاطب بنت عمه شري بس بنفس الوقت حنون .. كلمته مسموعه ..
والكل يهابه .. وبينه وبين مشاعل كثير أحتكاتات ..
سيف عمره 17 سنه يدرس ثاني ثانوي .. أكثر واحد داج مع مشاعل وقريب منها ..

كانوا جالسين بالصاله ..
أبو مشعل : شوفي وأنا أبوك معك أثنين ولد خالك وسلطان ولك الخيار ..
مشاعل وهي تطالع بأبوها : يبه مابيهم كلهم ..
فارس عصب : خير ماتبينهم كلهم .. أقول ترى مهو بكفيك كل ماتقدم أحد رفضتيه ..
عيال عمومتنا كلهم رفضتيهم وبعدين ..
مشاعل خزته وسكتت ..
أبو مشعل : لاتضغط على أختك ..
فارس : ماتسمعه يايبه شتقول ..
مشعل كان متكتف يطالع ويبي مشاعل لصديقه سلطان .. بس سكت ..
أبو مشعل : ها أبوي مشاعل ..
مشاعل : يبه الحين بكمل دراستي وبعدين الزواج ..
أبو مشعل : فكري ماينرودن كلهم لاناصر ولاسلطان ..
مشاعل : بجد يابوي مالي رغبه بالزواج ..
فارس : الى متى أن شاء الله ياخت مشاعل ..
مشاعل عصب : يبه شوف فارس خله بنفسه ..
فارس : بالله .. شوف يايبه أنت وامي والكل .. ملاحظين الهانم كل ماتقدم أحد
ردته .. وبعدين .. والناس ماهم ساكتين .. فهذاني أقولك مانتي برداها الاثنين
واحد منهم بتتزوجيه فهمتي ..
مشاعل : فارس خلك بحالك ..
فارس قام معصب : يبه أنت دلعتها زود .. وأنا أقول لو درت ناصر أو سلطان
مابيصير خير ..
أبو مشعل : فارس وتاليتها .. خلاص مشاعل بتسمع كلمتي ..
أم مشعل : فارس ورى ماتكمل قهوتك ..
فارس : بس يمه .. لكن عقليها .. بروح أتسبح وتالي بروح أصلي الجمعه والاثنين
ينتظرون الرد الليله ..
مشاعل : مالك شغل ..
وقامت ..
ابو مشعل : وانت يامشعل وش رأيك ؟
مشعل : السالفه تعود ل مشاعل لانها هي اللي بتتزوج ..
أبو مشعل : لانك من تشوف أنسب لاختك ..
أبتسم مشعل : بصراحه ناصر كفؤ .. لكن سلطان أعرفه كثير وصراحه تكانه وشهم
وبيحافظ على مشاعل وأبيه لها ..
سيف : وأنا محدن مأخذ رايي ؟
ضحك أبوه : وش رايك ؟
سيف رز الفيس وقعد يقول رايه ..

ببيت نايف ..
نايف ودانه نزلوا تحت وكان نايف لابس ثوب وغتره لانه بيروح يصلي الجمعه ..

جدته أم أمه : هلا بنايف .. هلا بالمعرس ..
ابتسم نايف وراح سلم على راس جداته وامه .. ودانه سوت نفس الشي ..
نايف وهو يجلس : هلا بك جدتي ..
جدته أم أمه : ها كيف أصبحت ..
نايف أبتسم زود : الله يسامحك ياجدة هماك شايفه هالقمر اللي معي .. وتقولين
كيف أصبحت ..
جدته أم أبوه : الله يوفقك يانور عين جدتك ..
نايف : تسلمين جدتي ..
وجلس يسولف مع دانه بهمس وعلى وجههم ابتسامه مرسومه ..
أمه انقهرت تبي تبعدهم عن بعض ماتخلي نايف يجلس معها ..
أم نايف : دانه ..
دانه : هلا ..
أم نايف : قومي حبيتي شوفي الشغالات خلصوا من تجهيز الفطور ..
دانه ابتسمت : أن شاء الله .. بس وين المطبخ ؟
نايف مسك يدها وقومها معه : تعالي معي أنا بوريك أياه ..
أم نايف : لا وشهو له تقوم نايف أنا بقوم معها ..
نايف وهو ماسك يد دانه : لايمه .. لاتعبين عمرك انا بوريها ..
ومشى معها للمطبخ ..
أم نايف : اخ يالقهر شفتوا حتى ماختشى منا وترك يدها ..
جدته لابوه : خليهم معاريس ..
أمه : لكن مهو بقدنا ..
جدته لابوه : وضحى ولدك ماسوى شي ..
وضحى : الا سوى وسوى ..
جدته لامه : الله يهديك ..
شوي الا بدخله دانه ونايف ..
دانه : جهز الفطور ..
.
.
.

**SOoΚaRh** · 06-05-2011, 07:24 PM

رد: وحشني شوف أصحابي وربعي والغلا مستور / كاملة

على السفرة ..
أم نايف : مافيه سفر .. كنسل الحجز ..
نايف : لا يمة وش كنسل الحجز خلاص أعتمدته ..
أمه : قلت لك مافي سفر .. أنا وأبوك لاقضينا شهر عسل ولاهم يحزنون ..
نايف : يمه تمزحين ..!
أمه : ماأعتقد بمزح معك في صباحيه عرسك ..
طالعها نايف وطلع ..
جدته لامه : نايف أفطر ..
نايف : بس ..
وطلع مايبي يجلس اكثر لان أمه وترت أعصابه بما فيه الكفايه ..
جدته لامه : أطعلي يادانه شوفيه ..
طلعت دانه وهي متروعه من عمتها ..
طلعت للصاله بس ماشافت نايف .. فتحت الباب وشافته يفتح سيارته ..
طلعت له ..
دانه : نايف ..
لف نايف وسكر الباب وجا لها ..
نايف : هلاحبيتي ..
سكتت دانه انحرجت وش تقول له بس ..
نايف : بغيتي شي ..
دانه طالعته : لاتزعل .. السفر لاحقين عليه ..
نايف : أفهم أنك مش زعلانه ..
دانه : لا وين ..
نايف يطالعها وهي تتكلم بصدق : يالب قلبك .. خفت تزعلين ..
دانه : لا مستحيل ..
نايف حط يده راحة يده على خدها ..
دانه : بروح ..
نايف ابتسم عرف أنها تصرف ..

بالصاله ..
أم نايف : وش قالك ..
دانه : نايف ولاشي ..
أم نايف : شلون ولاشي .. وأنتي قاعده معه وقت مهو بهين ..
دانه انحرجت : ..........
أم نايف : : ها يادانه ..
جدته لامه : وضحى ..
دانه : عن أذنكم ..
وطلعت .. رمت نفسها على السرير .. اللي هذا بدايته ينعاف تالية ..

بعد المغرب ..
ببيت أبو مشاعل ..
بغرفه مشاعل ..
مشاعل : مين ..
فارس : أفتحي ..
قامت مشاعل ..
مشاعل : نعم فيه شي ..
فارس : ليه ماجهزتي ؟!
مشاعل : ليه ؟
فارس : سلطان بعد شوي بيجي .. يعني قبل صلاة العشا ..
مشاعل : وش دخلني ..
فارس : بلا هبل .. الرجال جاي يشوفك ..
مشاعل تهدج صوتها : تستهبل أنت .. أي شوفه وأي هم .. أنا ماوافقت أصلن ..
فارس : ماقالك أبوي على الغدا أنه لقى سلطان ولمح له على الموضوع واعطاه رايه
.. وانه موافق .. وناصر ولد خالي رديناه ..
مشاعل : أنت شتقول؟
فارس : اللي سمعتيه .. البسي بسرعة ..
مشاعل : تحلمون أتزوج طيب ..
فارس عصب : مهو بكفيك .. الرجال بعد شوي بيجي ..
مشاعل صارخت : ماأأأأأأأأأأأأأأأأأأأأأأأأأأأأأأأأبي أشوفه .. أنقلع أنت وهو
..
مسكها فارس بقوه مع فكها : ماهو فارس اللي ينقال له انقلع ألبسي بالطيب وعدلي
نفسك ..
سمع مشعل صراخهم وراح بسرعة لهم ..
مشعل : شفيه ..
فارس : الهانم تقول انقلع انا وسلطان .. وزواج مهي متزوجه ..
مشعل : مشاعل ياحبيتي خلاص الوالد عطا سلطان كلمه ترضين يرد بكلمته ..
مشاعل : على حساب حياتي .. ليه .. وش سويت عشان هالغباء يصير لي ..
مشعل : وأنا أخوك ترى سلطان تكانه ورجال ونعم .. وكلن يتمنى يصير نسيب له ..
يعني ماحنا رميناك لاي أحد ..
مشاعل : شوفوا تكانه رجال من أي داهية .. أنا مأبي اتزوج أفهموا يابشر ..
جا فارس بيضربها ..
مشعل عصب :فارس أشفيك ؟
فارس : منت شافيها .. أخوانها مهي محترمتهم ..
مشعل : خلاص روح ..
فارس : والله أن ماعلقت لاعلمها أن الله حق ..
راح فارس ..
مشعل : يامشاعل الله يصلحك وأنا أخوك .. خلاص أعتراضك الحين ماينفع ..أنتي
عارفه أبوي ..
مشاعل : والله ماأشوفه لوتموتون ..
مشعل : مشاعل وش هالحكي ..
انقهرت تبكي حظها الردي وصكت الباب بأقوى شي في وجه مشعل ..
مشعل : الله يصلحك ..
ومشى ..
بعد نصف ساعة ..
دق فارس ..
مشاعل : مين ..
فارس : جاهزه سلطان تحت ..
مشاعل طاح قلبها : مو بنازله .. ولاني فاتحة الباب ..
فارس عصب : مشاعل أقسم بالله لو ماتفتحين الباب وتنزلين بالطيب مايصير خير ..
مشاعل : مش فاتحه الباب .. لوتكسره لو تسوي المحال مش فاتحته ..
فارس يضرب على الباب بقوة : مشاعل أفتحي بالطيب ..
مشاعل : روح بس ..
نادى فارس امه ..
امه : صاحية أختك ..
فارس وهو يفرك جبينه : مدري عنها .. خليها تفتح الباب ..
أمه تدق الباب : مشاعل أفتحي الباب عيب يمه ..
مشاعل : ماراح أفتح ..
فارس : بكسر الباب الرجال تحت لاتحرجينا معه ..
مشاعل : ماراح أفتح .. لو تموت ..
أم مشاعل : مشاعل أفتحي الباب لاتفضحينا ..
مشاعل : .............
أم مشاعل : ماراح ترد لكن ناد أبوك ..
فارس قعد يضرب الباب بقوة .. لكن وين يفتح معه ..
نزل تحت وجهه محمر على الاخر ..
صك ب سيف وهو نازل ..
فارس بصارخ : رح ناد أبوي من عند سلطان .. ولاتحسس الرجال بأي شي ..
سيف خاف من أخوه وراح لابوة ..
نادى سيف أبوه وجلس هو مع سلطان .. لان مشعل كان بالشركة .. وبنفس الوقت كان
حاس أنه بيصير شي لذلك فضل الانسحاب
أبو مشعل : وشو ماتبي تطلع ورى ؟!
فارس : مدري عنها خلها تطلع لاتفشلنا مع الرجال ..
أبو مشعل : خلاص أبعدو من هنا أنا بكلم مشاعل ..
راح فارس وامه ..
أبو مشعل : أفتحي يامشاعل ..
فتحت مشاعل لابوها وعيونها حمر من الصياح .. وطاحت بحضنه من البكى ..
مشاعل : خلاص بوافق أتزوجه بس ماأبي اشوفه ..
أبوها بحنان : ليه يابابا ؟!
مشاعل : بس الله يخليك ماأبي أشوفه بليز بابا ..
أبوها : خلاص مالك الا طيبه الخاطر .. لكن هدي نفسك ..
مشاعل هدت شوي .. على الاقل تأجل القدر المحتوم ..
أبوها طالعها : مشاعل وش اللي مخليك متخوفه من الزواج بالشكل ذا ..
مشاعل خافت ارتبكت لكنها ختمتها بشهقه على صدر أبوها ..
دخلها أبوها وجلس معها حتى هدت .. وتالي طلع ..

بالصاله تحت ..
فارس : وينها ؟
أبوه : خلاص خل أختك أعصابها منهاره لاتكلمها .. أنا تكلمت معها وقالت أنها
مواقفه على الزواج لكن أهم شي ماتشوفه ..
فارس : وسلطان ..
أبوه : سلطان بحسبتكم عندي وبيفهم الوضع والبنت مستحية ..
فارس جلس : مادلعها الا أنت يايبه ..
أبوه : أم مشعل وين القهوه ..
أم مشعل : أعطيتها سيف قبل شوي ..
بالمجلس ..
قال أبو مشعل ل سلطان أن مشاعل مستحية وعشان كذا مايقدر يشوفها ..
سلطان ابتسم : خلاص ياعم ولايهمك ..
أبو مشعل : متى تبغى الملكه ..
سلطان : اللي تشوفه ياعم ..
أبو مشعل : وأنا أبوك رمضان قرب ولو تكون الملكه والعرس بعد رمضان ..
سلطان : ملكة لحالها يعني ..
أبو مشعل : لا وشهو له الصجه الملكه والعرس بيوم واحد ..
سطان : تم أجل ..
ابتسم أبو مشعل ..
واتفقوا على المهر وكل شي ..
وعقبها طلع سلطان ..
الساعة 9 ..
سيف مقهور : أبوي كأنه ماصدق أن سلطان تقدم وطلب مشاعل يقول له العرس أول يوم
بعيد الفطر ..
امه : أبوك وكلنا نبي الستر ل مشاعل .. مو معناها أن أبوك قدم الزواج يعني
يبي الفكه ..
سيف قام معصب ..
أمه: الحمدلله وشفيكم ذا الايام كلن نفسه براس خشمه ..
فارس : رافعه ضغطي مشاعل وأبوي مدلعها زود ..
أم مشعل : خلاص أبوك وكلمها وأقتنعت .. وبعدين يافارس لاتقس عليها مهما كان
هذي أختك ..
فارس : يمه لاتهقون أني ماأحب مشاعل أوأبي الفكه لا والله لكن يمة ماحنا
بدايمن لها وسلطان رجل كفؤ فيه رجال والله أني شفتهم يعيني وسمعتهم يكلمونه
يبونهم يناسبهم لكان هو شارين ودنا ..
أم مشعل : أدري يابعد قلب امك .. لكن خلك حبيب معها ..
فارس : أن شاء الله .. أهم شي خاطرك يالغالية مايشيل علينا ..
أم مشعل : خاطري راضي عليكم كلمكم ..

**SOoΚaRh** · 06-05-2011, 07:28 PM

رد: وحشني شوف أصحابي وربعي والغلا مستور / كاملة

بعد أسبوع ..
ببيت تركي ..
كانت أخت محمد منيرة وعيالها توهم جايين من أبها وبيطريقهم مروا للرياض عشان
تتطمن على تركي .. بس كلهم راحوا ل عبدالله أخوها الكبير .. الا ريوف سلمت
على خالها وبعدين راحت مع السواق ل خالها تركي عشان تبات عندهم ..
كانت غلا وريوف يسولفون بالمطبخ لانهم يجهزون العشا ..
غلا : أحس أنه تعبان ياريوف بس عارفه خالك الا المستشفى ..
ريوف : طيب قولي ل جدتي ..
غلا : أخاف يزعل ..
ريوف : الله يهديه خالي راسه عنيد ..
غلا : أوف من قلب .. جنني .. أكل مايأكل زي الناس .. علاج مايأخذه الا
بعد شيب راس .. نوم يالله ينام ..
جلست تضحك ريوف حتى دمعت عيونها ..
غلا :هههههههههههههه وشفيك الحمدلله ..
ريوف :أخ يابطني شكلك ينرحم وأنتي تشكين .. الى هالدرجه خالك معذبك هذا
ياقلبي طفل ..
غلا : ههههههه اه مو أي طفل الا طفل عنيد ..
وشالو الصواني وراحو للصاله ..
غلا : يله حبيبي تعشى عشان العلاج تأخذه وتنام ..
تركي : غلا عشا الساعه ثمانية مدري تسعه وين كذا ..
غلا : الحين الساعه تسعه وثلث.. الساعه 9,45 لازم تأخذ دواك ..
تركي : غلا ..
غلا : عيون غلا .. بس اذا عشان موعد علاجك فأنسى ..
ريوف : خخخخخخخخخخ ياحرام ..
تركي يبي يكسر خاطر غلا عليه لانها ماشية بمواعيد العلاج وكل شي زي ماقال
الدكتور : شفتي خالك ياريوف كيف حالته ..
غلا : ههههههههه يله حبيبي عشا .. ريوف طبعا البيت بيتك ..
ريوف : اكيد ..
قعدت غلا تأكل تركي عشان تتطمن أكثر ..
تركي : شبعت ..
غلا : أوك بس لازم تشرب عصير ..
تركي : لا خلاص يكفي اللي شربته الحين ..
غلا : طيب كمله ..
تركي : خلاص يالله لك الحمد ..
غلا : بعد شوي علاجك ..
تركي بوز : ادري .. طيب تعشي ..
غلا : لاتشيل همي بأكل ..
تركي : تعشي الحين ..
غلا: ههههه تبي ترد الدين ..
تركي : ههههههههه ..
ريوف : تهبلون أنتم ..
تركي : شكرا يابنت أختي الغالية .. عقبال ماأشوفك أنتي وزوجك كذا ..
ريوف : خخخخخخخخخخخخخخخ شكرا على الدعوه ..
قعدو سوالف وضحك تركي تغيرت نفسيته كثير من بعد ماشوف ريوف وسولف معها ..
وغلا كذلك ..
غلا تطالع بساعتها : تركي موعد دواك ..
وقعدت تعطيه الدو ..
تركي : خلاص والله ماراح أخذ من مره ثانية طعمه مو حلو ..
ريوف : خخخخخخخخخخخخخخخخخخخخخخخخخخخ
خلاص فطست ضحك على خالها كأنه طفل ..
غلا : ههههههههه الحمدلله وشفيك تضحكين .. ترا عادي متعوده عليه كل ليله كذا
.. بس الليله حالف ..
ريوف : خخخخخخخخخخخ يضحك يضحك .. لا لا خالي مش طبيعي ..
تركي : ايه بلاك ماشفتي اللي شفته ..
غلا : خلاص شوف الحين خلصنا العلاج .. يله حبيبي نوم ..
تركي : لا وين أنام الحين ..
غلا : أخ منك .. على ماتفرش أسنانك .. وتبدل .. وتصلي قبل النوم ..
تركي : أمرنا لله ..
قومته غلا ريوف ..
بغرفه النوم ..
غلا : تركي صح أخوك مهند دق ..
تركي : أيه رجع كلم ثاني مره ..
غلا : أها .. طيب دقايق رايحة وراجعه ..
راحت غلا جابت الحليب ل تركي ..
تركي : غلا عمر ماأحد تحكم فيني كذا ..
ريوف : هههههههههههههههه غلا تستهبلين ..
غلا : ههههههههههههههه لازم يشرب حليب ويتغذى عدل .. لان الدكتور لما رحنا
أعطاني قائمه أغذية ومن ضمنها الحليب ..
ريوف بجدية : لا أجل أذأ كذا لازم ياخالي تأخذه ..
تركي : وهو لازم كل ماقالوا الاطباء تلتزم فيه ..
غلا : أيه لازم .. والحين أشرب ..
تركي : غلا ..
غلا: تركي أشرب ..
تركي : مالي نفس توني متعشي ..
غلا: لازم تشربه ..وبعدين توتي كل ليله لازم هالموال ..
تركي : مشكله ترا ..
غلا : بس حبيبي أشرب شوي .. شوي مرا ..
قعدت تشربه وهو كل شوي يقول بس الين جننها ..
غلا : تركي يومك صغير كنت كذا ..
تركي : ههههههه وأكثر ..
غلا : يامامي .. اشلون كانت عمتي متحملتك ..!
ريوف : هههه زيك الحين ..
ضحكت غلا ..
تركي : شوفي العلاج بدء يأخذ مفعولة يعني بنام ..
غلا : أوك حبيبي ..
ريوف أخذت الصينيه وطلعت ..
عدلت غلا المخدات وحطت راس تركي عليها وجلست عند راسه .. تسولف معه حتى ينام
..
تركي مسك يدها وحطها بين يدينه ..
غلا : يله نقول أذكار النوم .. امسينا وامسى اللمك لله والحمدلله لا اله الا
الله وحدة لا شريك له له الملك وله الحمد وهو على كل شئ قدير رب اسأ لك
خير مافي هذه الليلة وخير مابعدها واعوذ بك من شر هذه الليلة وشر مابعدها رب
اعوذ بك من الكسل وسوء الكبر رب اعوذ بك من عذاب في النار وعذاب في القبر..
قعد تركي يرددها معها وعينه متعلقه بعيونها ..
غلا : اللهم بك امسينا وبك اصبحنا وبك نحيا وبك نموت واليك المصير
غلا: ((امسيت)) اشهدك واشهد حملة عرشك وملائكتك وجميع خلقك انك انت الله لا
اله الا انت وحدك لا شريك لك وان محمدا عبدك ورسولك
غلا: اللهم (ما امسى )) بي من نعمة او بأحد من خلقك فمنك وحدك لا شريك لك فلك
الحمد وللك الشكر
غلا: ياحي ياقيوم برحمتك استغيث اصلح لي شأني ولا تكلني الى نفسي طرفة عين .
غلا: اللهم عافني في بدني اللهم عافني في سمعي اللهم عافيني في بصري لا إله
إلا انت اللهم اني اعوذ بك من الكفر والفقر واعوذ بك من عذاب القبر لا إله
إلا انت
غلا: اللهم اني اسألك العفو والعافية في الدنيا والاخرة اللهم اني اسألك
العفو والعافية في ديني ودنياي واهلي ومالي اللهم استر عوراتي وامن روعاتي
اللهم احفظني من بين يدي ومن خلفي وعن يميني وعن شمالي ومن فوقي واعوذ بعظمتك
ان اغتال من تحتي .
غلا : اللهم عالم الغيب والشهادة فاطر السموات والأرض رب كل شئ ومليكه اشهد
أن لا إله إلا انت اعوذ بك من شر نفسي و شر الشيطان وشركة وان اقترف على نفسي
سوء ا او اجره إلى مسلم
غلا: اللهم انت ربي لا اله إلا انت خلقتني وانا عبدك وانا على عهدك وعدك ما
استطعت اعوذ بك من شر ما صنعت أبوء لك بنعمتك علي وابوء بذنبي فاغفر لي فإنه
لا يغفر الذنوب إلا أنت
غلا: اللهم صل على محمد وعلى ال محمد كما صليت على ابراهيم وعلى ال ابراهيم
انك حميد
شافته غلا قرب النوم يغلبه وهو يردد معها ..
باسته على خده وقعدت تمسح على شعره حتى نام .. غطته زين وفكت يدها بهدوء تام
وضبطت حرارة الغرفه وطلعت ..
طلعت للصاله لقت ريوف تطالع التلفزيون ..
غلا : نام ..
ريوف : غلا كيف حياتك مع خالي ؟
غلا ابتسمت : الله لايحرمني منه .. ماتتخلين ياريوف شقد مرتاحة معه ..
ريوف : ياقلبي الله يسعدكم ..
غلا: تسلمين والله .. أهم شي طمنيني عنك ..
ريوف : أخباري عادي .. تدرين ولد عمي تقدم بس رفضته
غلا : ليه ؟
ريوف : ماأبي اتزوج ..
غلا: هبله أنتي .. عشان مين ؟ ها ..أكيد عشانه صح ..
ريوف : أيه عشانه.. غلا ماني قادرة أنساة ماني قادرة ..
غلا عصبت من جد: ماتهمك كرامتك .. عشان مين عشان محمد خلاص ياريوف الرجال
تزوج انسية أنسية .. وشوفي نصيبك مو كل ماجا واحد صديته ..
ريوف : غلا مهو بيدي والله ..
غلا : أجل بيد من ؟
ريوف هلت دموعها: مدري ..!
غلا قامت عندها وضمتها : اسفه وربي لاكن أبي مصلحتك والله يامحمد مايستاهلك
..
قعدت تبكي بشكل كلام غلا كان صادق واثر في ريوف ..
...

**SOoΚaRh** · 06-05-2011, 07:29 PM

رد: وحشني شوف أصحابي وربعي والغلا مستور / كاملة

ببيت نايف ..
.

بغرفه دانه ونايف ..
دانه : لا اجلس ..
نايف : ماراح أجلس ..
دانه : هههههههه مشكله أنت ترا ..
نايف: شكرا ..
دانه: المهم أبي أروح بكرا اسجل ..
نايف يتغزل: سجلتي وتم قبولك ومن غير تردد ..
دانه فهت : أنا سجلت وقبلوني جد ..
نايف : تم قبولك بجامعه قلبي ياقلبي ..
انحرجت دانه ..
نايف : يالبية .. يالب هالوجه ..
دانه : نايف بسك .. والله أقوم الحين واطلع من الغرفة ..
نايف رمى نفسه على رجولها : يله قومي ياقمر أنت .. وش ذا .. بسم الله مشالله
صاروخ بحري أرضي جوي .. اخ تهبلين ..
دانه عضت على شفايفها ومات ضحك ..
نايف حط يدينه على خدوده وكوعه صار على فخوذها ويطالعها من قلب : من تشبهين
.. أحس مالك شبيه ..
دانه حطت يدينها على وجهها وهي فاطسه ضحك ومنحرجه بنفس الوقت ..
نايف : لاوخري يدينك .. خلني أطالع فيك من ربي خلقني ماغير أمي وجداتي
وخالاتي بوجهي ..
دانه : ههههههههههههههههه
نايف جلس وخر يدينها وباسها بقوه على خدها : تهبلين ..
دانه : والله لو ماجلست بروح أنام بالغرفه الثانية ..
نايف :وأنا بروح لامي ههههههههههههه
دانه :ههههههههههههههههههه ..جد نايف بروح اسجل بكرا بالجامعه ..
نايف : من عيوني كم دانه عندي ..
دانه : وحده ..
نايف : طيب شتبين تسجلين ..
دانه : خلاص تم قبولي عن الانترنت بس بكره بودي الاوراق
نايف : طيب وش اخترتي ..
دانه : مو أنا اللي سجلت خليت صديقاتي يسجلوني بس حطيت لهم خيارات ياعربي
يادين ..
نايف : حلو بس أنتم المشكله أن التخصصات المتاحه لك يالادبي محدودة ..
دانه : مدري عنهم .. خل أدق على عهد وأشوف وش تم قبولي فيه ..
دقت على عهد وقالت لها عربي ..
سكرت دانه : تقول عربي ..
نايف : حلو ..
دانه : أدري ..
نايف: هههههههههههههههه ..
شوي الايدق جوال دانه ..
دانه : هلا ريوف ..
ريوف : هلا بك زود .. شخبارك ؟
دانه : تمام الحمدلله .. وأنتي .. بعدك باأبها ..
ريوف : الحمدلله .. لا أنا الحين بالرياض ..
صارخت دانه من الفرحه : واو قولي والله .. أبي
أشوفك تكفين ..
قعد يطالعها نايف ويضحك مرجوجه ..
ريوف : ياقلبي أنا أكثر ..
غلا تكلم ريوف : خليها تجي بكره وأنا بكلم البنات ..
ريوف : سمعتي غلا ..
دانه : أنتم الحين سوى ياحضكم ..
ريوف : ايه جايتها على المغرب وأهلي الباقين عند خالي عبدالله ..
دانه : اها .. طيب دقيقه خل أقول ل نايف ..
دانه : نايف بروح لصديقاتي بكرا ..
نايف : من عيوني
مسكت دانه خده وقرصته : تدنن أنت ..
نايف : ههههههههههههه ..
ريوف وغلا كانوا على الخط ماتوا ضحك على دانه ودجتها ..
ريوف : ههههههههههههه توحفه أجل تدنن أنت ..
دانه انحرجت : ههههه وش تبون أنتم ؟
ريوف : هههههههههههههه اشوفي أجل بكرا بتكلمك غلا على العصر وتعطيك العنوان
أوك ..
دانه : أوك أوك ..
.

اليوم الثاني ..
الظهر ببيت خالد وعهد ..
عهد : خالد غريبة ماصرت تطلع ولاتسهر ولاشي ..
خالد : مالي خلق .. بنروح المستشفى طيب ..
عهد : عشان النتائج قصدك ..
خالد : أيه ..
عهد : طيب توني اليوم طالعه للجامعه ومنهد حيلي خل بكره ..
خالد : لا لازم اليوم ..
عهد : طيب بروح لصديقاتي لانهم متجمعين عند غلا ..
خالد : خلاص يصير خير ..الحين تعالي الغدا ..
قامت عهد معه ..
عهد : طيب متى الموعد ..
خالد : بعد المغرب ..
عهد : طيب وصديقاتي ..
خالد : صحتك أهم عندي ..
عهد ماقدرت تجادله لان خالد باين نفسيته زفت ..
العصر ..
خالد : تعالي نروح للمستشفى قدمت موعدك عشان تروحي لصديقاتك على المغرب ..
عهد : ياقلبي ..
خالد ابتسم لها : وين عباتك ..
عهد : لحضه بجيبها ..
بالمستشفى ..
خالد ضايقن صدره ماقدر يبلغ عهد بمرضها عشان كذا خل المهمه للدكتورة ..
الدكتورة: الاخت عهد ...........
عهد: أيه ..
الدكتورة وجهها مستبشر : هذي أعراض طبيعيه للحاله اللي تمري فيها حبيتي لانك
حامل ..
عهد بدلاخه : يعني ببطني بيبي ..
الدكتورة ضحكت : أيه ..
عهد: جد والله ..
الدكتورة : أيه جد شفيك مش مصدقه ..
عهد : لا بس شي غريب علي ..
الدكتورة : عموما مبروك .. وأنتي الحين بالشهر الثاني .. انتبهي لنفسك وغذائك
كويس .. وين زوجك ..
عهد : برا ..
الدكتورة : طيب أنا الحين بكتب لك عن فيتماينات عشان لك وللجنين .. وراجعيني
كل شهر ..
عهد : أوك شكرا ..
طلعت عهد وكانت مصدومة وبنفس الوقت خايفة ..
خالد كان على جواله قام لما شافها ..
عهد : يله نمشي ..
خالد وخايف حيل ويبي يسألها وش صار بس فيه شي يقوله لا ..
خالد : يله ..
بالسيارة ..
عهد أعطته الورقة ..
خالد: وش ذا ؟
عهد : علاج تقول الدكتورة أستخدمه ..
خالد : أوك .. (بتردد) عهد شقالت لك الدكتورة ..
عهد : عادي ماقالت شي بس أعطتني هالعلاج وتقول ارجعها ..
خالد : بس كذا ..
عهد خافت ليكون يدري ..
وقف خالد عند صيدليه وجاب العلاج ..
ببيتهم ..
عهد : خالد ممكن أقولك شي ..
خالد عوره قلبه يالله أكيد بتقول لي عن مرضها ..
عهد : خالد شفيك ..
خالد : ولاشي عيوني .. بس وش بغيتي تقولي ..
عهد : امممممممم ..
خالد مسك يدها وقعد يطالعها..
عهد محمر وجهها ..
خالد : ها عهدوتي ..
عهد : خالد اممممم مدري بس بقولك شي ..
خالد ضحك بتوتر : ههههه طيب قولي ..
عهد : لا .. أحراج ..
خالد : وش اللي احراج ..
عهد : خلاص خالد ماراح أقول ..
خالد :والله انك تقولين .. تحمست .. ههههههه ..
عهد : اممم شوف لما سويت تحاليل اوك تقول الدكتورة أنو فيه بيبي ..
خالد : أوه من قال لك ..
عهد ضحكت وهي تشوف الفرحة بعيون خالد : هههههههههه الدكتورة ..
خالد فجأه بكى : يعني مافيك سرطان دم ..
عهد تغير لونه وجهها .. خالد يبكي .. ويقول سرطان شسالفته ؟
عهد :خلودي شفيك ؟
خالد مسح دموعه وأخذ شماغه وجواله والمفتاح : نصف ساعة بالكثير وأنا راجع ..
عهد قامت : خالد وين بتروح ؟
خالد: عيوني لاتخافين شوي وراجع أن شاء الله ..
عهد : أوك ..
خالد مسك يدها : روحي اجهزي عشان اوديك لصديقاتك لماأرجع
عهد : أوك ..
طلع خالد وعهد مستغربه منه ..

بالمستشفى ..
بغرفه الدكتورة ..
خالد يصارخ : أنتي عندك خبر أسبوع كامل وأنا أصارع الخوف عليها لاليلي ليل
ولانهاري نهار ..
الدكتورة متروعة من خالد : والله أسفه ياخ خالد أنت عارف جبيتي يوم جمعه
والصباح ........
قاطعها خالد : لا تبررين هذا شغلك منتي بقده أعطي هالمكان غيرك ..
الدكتورة: أنا أعتذر لك ..
خالد : وش يفيد عذرك لاقدر الله رحت سويت لعهد كيماوي وهي حامل تتوقعين وش
كان بيصر وحنا متعمدين عليك ..
الدكتورة : لا مستحيل نبدء بالعلاج قبل التحاليل للتاكد .. وبعدين ياخ خالد
بالفعل فيه وحده أسمها وعد عندها سرطان ..
خالد : وعد مهو ب عهد ..
الدكتورة : عموما........
خالد : عموما أنا مالي تفاهم معك .. أنا بروح للمدير ..
الدكتورة : لو سمحت ..
خالد : نعم ..
الدكتورة : جل من لايخطأ وعلا .. وأحنا بشر مش معصومين من الخطأ ..
طالعها خالد بنظره ..
الدكتورة : وأنت الحين راح تصير أب وأنا عندي أطفال ومصدر رزقي الوحيد
هالوظيفة ..
خالد طالعها وطلع ..

**SOoΚaRh** · 06-05-2011, 07:30 PM

رد: وحشني شوف أصحابي وربعي والغلا مستور / كاملة

ببيته ..
دخل و بسرعة طلع ل عهد .. أول ماشافها ضمها بقوه لحضنه ..
عهد : خالد شفيك ؟
خالد يبكي وهو ضامها : مت رعب وخوف اسبوع كامل وأنا أصارع فكره سرطان الدم
وكيف راح تعيشين ..
عهد : ليه أنا عندي سرطان..
خالد وخر عنها ومسكها وقعدها وقال لها السالفة ..
عهد : يالله ..
خالد : يالله ياعهد بجد هذا اسؤ اسبوع مريت فيها بحياتي كلها ..
عهد : يله الحمدلله ..
خالد ابتسم : الحين بيصير عندنا طفل ..
عهد : ايه ..
خالد : حلو ..
عهد : طيب يله خلني اروح ل صديقاتي ..
خالد : بس ها ماراح تطولين بس سلمي عليهم وبعدين نروح نقول للاهل عشان خبرك
رمضان قرب والمدراس راح تبدء وكل واحد راح يسافر ..
عهد : أوك ..
ببيت غلا وتركي ..
كل البنات تجمعوا عدا شوق لانها بالشرقية ..
ودرو عن حمل عهد وزواج مشاعل ..كانت جمعه حلوه كلها سوالف وضحك بس غلا كان
بالها مشغول مع تركي اللي طلع مع ربعة عشان يخليها براحتها مع صديقاتها ..
خايفه عليه يتعورأو شي ..
عهد : بنات خالد دق يقول لازم اطلع ..
غلا: لاجلسي مامدى جيتي ..
مشاعل : اجلسي والله مرا زهقانة خلينا نسولف مع بعض شوي
عهد: والله يابنات مأذيني من طلعنا وهو يقول بوديك وبعدين نرجع عشان نروح
لبيت جدي لان خالاتي وخوالي متجمعين وبيسافرون ..
دانه : خلاص اجل أن شاء الله لنا جمعة ثانية ..
ريوف تضم عهد : ان شاء الله أشوفك قريب ..
عهد : أن شاء الله ..
لاتزعلوا بنات ..
غلا : لا ياقلبي عادي ..
طلعت عهد ولحقتها دانه ..
ريوف : خلاص مشاعل فكيها وش بتسوين لو رفضتي وكدرتي بالك ..
مشاعل هلت دموعها : ماني قادرة أتحمل .. بنات ماني مستعده نفسيا .. أنا شايلة
فكره زواج من راسي يجون فجأه وخلاص راح تتزوجين ولاحددو العرس بالعيد ..
ريوف : طيب كلمي واحد من خوالك أعمامك ..
ضحكت مشاعل باستخفاف : عندك خبر أن خوالي واعمامي سبق ورفضت عيالهم تخيلي
شكلي وأنا أكلمهم وبعدين مالي علاقهم معهم زي الناس ..
غلا: طيب من وين عرفك خطيبك ؟
مشاعل : مدري عنها أكرهه والله لاكرهه بالحريم اولهم وتاليهم .. الزفت صديق
مشعل أسمه سلطان ..
ريوف : مشاعل ماتدرين يمكن طيب وخيره لك ..
مشاعل : ماأبيه .. هذا اللي أعرفه أني مابي الزواج ..
غلا : ياقلبي ماتدرين وش بيصير من هنا للعيد .. أهم شي ماتتضايقي وتظلي كذا
..
مشاعل : اه بس ..

بسيارة خالد ..
عهد : لية وقفت هنا ؟
خالد: بنزل أجيب شوكولا من هالمحل ..
عهد: طيب لمين ؟
خالد ابتسم : فيه أحلى من هالمناسبة بجيب وبعدين بنروح لبيت جدي ..
نزل خالد ..
شوي الا يدق جوال .. طالعت عهد لجوالها ولقته مافي أي مكالمه .. استغربت ..
طالعت تشوف جوال خالد ماهو موجود .. شالت يدها من على المكان اللي بينها وبين
خالد وفتحته لقت جوال انصدمت .. شوي الا يدق مكتوب ..( الجازي) يتصل بك
انصدمت أكثر .. طالعت للمحل مابعد طلع خالد أخذت جوالها وسجلت الرقم لانه كان
طالع تحت الاسم .. وحفظته بجوالها وسكرت .. دعت ربها أنها ماترجع تدق .. سمعت
صوت رسالة .. بس ضغطت على أعصابها عشان ماتفتحتها .. شوي الا بطلعه خالد ..
حط الاغراض بالمكان الخلفي ..
خالد : تأخرت عليك ؟
عهد العبرة خانقتها : لا ..
مانتبه خالد .. وعهد تحاول قد ماتقدر ماتبكي .. أو تصرخ فيه ..

ببيت نايف ..
دخلوا وكانت أم نايف معصبه ..
نايف : يمة ماهو بلزم كل ماطلعنا نقول ..
أمه قامت بعصبية : لا لازم انا أمك وبعدين مهو تزوجت خلاص يعني ماأدري وين
رايح ومن وين جاي ..
نايف : يمه .. الله يهداك ماعادني ذاك البزر ..
أمه : نايف لاترادني ..
نايف : وديت دانه ل صديقاتها.. ورجعنا ..
أمه : وأنت لما كانت دانه عند صديقاتها وين رحت ..
نايف : كلمت مشاري وطلعنا للتحلية .. شي ثاني يمة ..
أمه جلست ..
مسك نايف يد دانه وجا بيطلع لغرفتهم ..
أمه : خل دانه هنا ..
نايف : ليه؟
أمه : بأكلها ..
نايف : مو القصد ..
أمه : أجل ..
نايف : خلاص يايمه خلاص .. دندون أذأ خلصتي تعالي ..
أمه : غير ملابسك وتعال للعشا ..
نايف يطالع بساعته : الساعه 8
أمه : تعال سولف معي أنا وجداتك ..
نايف : ان شاء الله ..
دانه : بروح أغير ملابس وبجي ..
أم نايف : لاتبطين ..
مسك نايف يدها وطلعوا ..
بغرفتهم ..
دانه : أشفيك ؟
نايف : ولاشي ..دندون لاتزعلين من أمي ..
دانه : عادي نايف كل الامهات كذا .. أكيد هي خافت عليك لانك
ماقلت لها ولاكلمتها ..
نايف : طيب ليه مادقت علي .!
دانه : أكيد ماجا على بالها .. طيب روق ..
نايف : أروق كيف ماأروق وأنتي معي ..
دانه : هههههههههه شكرا ..
نايف : عفوا هههههههههه ..
فزت دانه : نايف أأمك تصارخ ..
بسرعه كل واحد منهم أخذ له لبس ..
دانه : بروح أغير ..
نايف : هههههههههههههه الله يسامحك يايمة ..

ببيت جد عهد وخالد ..
علم خالد الكل أن عهد حامل .. انبسطو وفرحوا حيل ..
الا عهد ضايقن صدرها ..
جدتها: عهد ..
كانت حاطها يدها على خدها وتطالع لمكان مش محدد ..
جدتها: عهد ..
أم عهد :شفيها ؟
جدتها : مدري ناديتها ماردت ..!
أمها راحت لعندها : عهد .. أشفيك جدتك تناديك ..
عهد : تناديني .. ماسمعتك والله ..
جدتها : تعالي عندي ..
راحت عهد ..
جدتها : متني على بعضك ..
عهد : لا صدقيني جدتي عادي ..
جدتها : تخبين على جدتك ..
عهد : هههههه لا ياجدتي بس ودي أنام .. مانمت زين من وقت
جدتها : طيب تعشي ونومي الليلة هنا ..
عهد : جد ..
جدتها : أيه خلي خالد أنا بقنعه ..
عهد : أوك .. أجل بروح أنام ..
جدتها : أول شي تعشي .. وبعدين نومي ..
عهد : مالي نفس ..
جدتها : الحين لازم تغصبين نفسك عشان اللي ببطنك ..
عهد :هههههه خلاص ياجدتي من بكرة ..
ضحكت جدتها ..
قامت عهد من عند جدتها وخلت واحد من العيال ينادي خالد ..
بالحوش ..
خالد : هلا عهدوه ..
عهد ماهي قادرة تناظره تخاف تفضحها عيونها .. : بنام الليله هنا ..
خالد ماعارض ولاشي : أوك ..
عهد : يله تصبح على خير ..
خالد : عهد طالعيني ..
طالعته وصدت بسرعة ..
خالد لف وجهها بيده : أشفيك ؟
عهد تتصنع الضحك : ههههه ولاشي خلودي بس بروح ..
ابتسم خالد ..
دخلت عهد لداخل وراحت غرفته خالتها شهد .. عشان تنام فيها .. لان خالتها تبات
مع أمها وخالاتها بغرفة الضيوف لان وناسه وسعه صدر .. وهي مالها خلق لاحد ..
بالليل ..
قامت عهد وهي اصلن مانامت بالها مشغول .. نزلت للدور الارضي جدها لقت الكل
نايم ولافيه همس طالعت شاشه جوالها لقتها2 استغربت الكل نايم .. وضت وصلت
الوتر .. وعاد راحت تأكل المطبخ أي شي .. طلعت ومعها عصير ..
جلست في الصالة وقعدت تقلب بالتلفزيون .. طلعت جوالها من جيبها وقالت ان لازم
نشوف شو سالفة هالرقم ..
دقت على رقم الجازي..
عهد استغربت ماترد طالعت بساعتها صح الوقت متأخر بس الشك ذابحها ..دقت الا هي
رافعة السماعة وباين انها صاحية ومروقة بعد ..
عهد بتردد : ... ألو ..
الجازي بصوت مرح : هلا أختي ..
عهد وهي طالعه للحوش تخاف أحد يصحى .. : دقيقه ..
الجازي : خذي راحتك ..
طلعت عهد ..: أيه سوري .. ( طلعت لها كذبة ) وين مها ..( ابتسمت )
الجازي : الرقم غلط ......
مامداها تكلم الا صوت ضحك خالد .. وهي تجهل الضحكه وراعيها مستحيل .. هذي
ضحكته .

**SOoΚaRh** · 06-05-2011, 07:33 PM

رد: وحشني شوف أصحابي وربعي والغلا مستور / كاملة

الجزء الرابع عشر ..

عهد وهي تكتم صوت شهقتها ..: شكرا ..
بكت وانهارات تماما جلست على الارض وحطت وجهها بين رجولها وقعدت تبكي .. وتسب
وتلعن ب خالد الخاين ..
قعدت وقت مهو بهين تحاول تجمع شتات نفسها وتقوم ماتبي أحد يشوفها .. سمعت
الاذان قامت على طولها وهي بقمة انهيارها أكيد جدها الحين بيروح يصلي وعاد
يصحي العيال معه .. دخلت للصاله الداخلية صلت الفجر لانها كانت واضيه وانسدحت
على الكنبة ..
دخلت خالتها ..: عهد وشفيك نايمةهنا ؟
عهد وهي منسدحة ومعطية خالتها ظهر غصب عنه ماتبي تشوفها وهي كذا : مالي خلق
أطلع فوق ..
خالتها : لاحبيتي نامي فوق لان السرير اريح لظهرك وللي ببطنك ..
عهد: وقت ثاني خالتي ..
طلعت عاد خالتها وصكت الباب وراها بعد ماأخذت السجاده والجلال ..

قامت عهد على صلاه العصر استغربت محد صحاها ..
طلعت للصاله ..
عهد وجهها مورم وعيونها حتى شفايفها وأحمر ..
قامت أمها : عهد ليه وجهك كذا ..
عهد تتصنع الضحك ماتبي أحد يحس : ههههههه يمة توني صايحه .. ليه ماصحيتوني
للظهر ..
أمها : صحيناك بس ماقمتي ..
عهد : اها .. بروح أصلي الظهر والعصر ..
راحت تصلي ..
خالتها أم خالد : وجه عهد يقول ان فيها شي ..
أمها : وأنا بعد اقول كذا ..
جدتها توها جاية من المطبخ مسوية لعهد غدا ..
جدته عهد :و ين عهد ..
أمها : راحت يمه تصلي .. الله يهديك وش سويتي ..
جدته عهد : عهد ماتغدت ولافطرت وسويت لها غدا ..
جات عهد ..
جدتها : تعالي تغدي ..
عهد : جدتي ياقلبي ليه تعبتي عمرك؟
جدتها : ماتعبت لكن تعالي تغدي لاتعشيتي أمس ولا افطرتي ..
قامت عهد غصبت نفسها بالاكل عشان خاطر جدتها وتعبها وعشان مايحسون لانها
شايفة الشك واضح في أمها وخالاتها بس ساكتين ..
أم خالد : عهد مادق خالد عليك ؟
عهد: لا خالتي ..
أم خالد : غريبه ..حتى ماجا ..
عهد وهي تأكل وبعدم اهتمام : عادي خالتي خالد دايم كذا لما يطلع مايدق
..
أم خالد : ليه هو يسويها ؟
عهد تدراكت الوضع : لا .. بس هو لما يطلع مايحب أحد يدق عليه ولاهو يحب يدق
..
أم عهد: عهد وين العلاج حقك خالد نبهني عليه أمس ..
عهد : بالشنطة ..
أمها :خذية هذا لازم لك وللجنين ..
عهد : أن شاء الله يمه ..
قامت عهد .. : تسلم يدك ياجدتي ..
جدتها : بالعافية ..
طلعت عهد وهي أصلن متضايقة من لبسها شوي ضاق عليها وهي من أمس لابسته عشان
ماعندها ملابس تغير فيها ..
أخذت العلاج ونزلت للمطبخ ..عشان الماي ..
طلعت تقعد معهم ..
جدتها : عهد لاعاد تلبسين زي ذا الين ربي يقومك بالسلامة بعد الولادة ..
ابتسمت عهد : ان شاء الله جدتي ..
بنت خالتها ندى : عهوده وش ناوية تسمي البيبي ..
عهد : اممممممم مدري بس بشوف أسماء واختار منها وأكيد راح تساعدوني ..
أبتسمت ندى : يعني عادي ..
عهد بصدق : اكيد عادي ..
دخل خالد من غير احم ولادستور وقاموا البنات بسرعة لان بنات خالاتها مايكشفوا
علية ..
خالد : ههههههههههه السلام عليكم .. اسف مانتبهت ..
الكل : وعليكم السلام ..
ام خالد : انتبه احرجت البنات ..
خالد : ان شاء الله ..
جلس بجنب عهد ..وحط يده على اكتافها عهد تضايقت كارهته بشكل مايعقل ..
خالد : شخبارك ؟
عهد تطالع بالتلفزيون : تمام ..
خالد بهمس : ماوحشتك ..
طالعته عهد : أكيد ..
خالد : أكيد وشو ؟!
عهد : أكيد وحشتني ..امممم ريحه عطرك غريبة ؟
خالد ارتبك : عطري لاهو عطري اللي دايم استخدمه ..
عهد طالعته بنظره شك : جد .. أول مره أشمه ..المهم وين رحت .. وبعدين
الفنلية ماعندك زيها ..
خالد : عهد وش هالاسئله ..
عهد : تضايقت منها ؟!
خالد: لا بس أسئله كثيره ..
عهد اتغتصبت البسمة عشان الكل عيونهم عليهم : سوري ماعاد بسألها ..
ابتسم خالد ..
أم خالد : خالد وينك حتى ماجيت تتغدى هنا ؟
خالد : راحت علي نومة ..
أم خالد : طيب دقيت على بيتك محد يرد ..وجوالك نفس الشي ..
خالد : نمت عند واحد من الربع ..
طالعته عهد ..
أم خالد : وهالصديق دايم مطيح عنده..
أم عهد: هههههههه بسم الله أكلتيه أنتي وعهد ..
أم خالد : لامفروض ماينام برا البيت .. لما كان عزابي ماماكان ينام بالبيت
الا قليل .. وخاصه من سنة ..
عهد :كيفة خالتي ..أهم حاجه راحته ..
طالعها خالد ..
خالد بهمس : يعني عادي عندك ابات برا ..
عهد بمستوى صوته : أيه .. أهم شي أنك فرحان ومبسوط عند ربعك خاصه انك اسبوع
ماشفتهم ..وبعدين ياكثر مابت برا ..
خالد ارتبك وبان هالشي عليه ..
أم عهد: خالد ماشفت نادر ..
خالد : لا .. ليه ؟
أم عهد : لان الليله بنسافر ..
عهد لمعت عيونها : لا يمه الليله ..
أم عهد : ايه عهد خلاص مابقى شي على المدراس ورمضان ..
تضايقت عهد حيل ..
خالد قربها لعنده : لاتتضايقي ..
عهد : طيب يمه متى الرحلة ..
أمها : الساعة سبعة ..
عهدبكت : لا ..
وقامت طلعت ..
أمها لمعت عيونها : أنا كنت خايفة من هالشي ..
أم خالد بحب : لاتخافين عهد في عيوني وبعدين خالد بيعتني فيها ..
جدة عهد : وهي عندي خالد بيجيبها دايم ..
أم عهد : أدري والله مابتقصورن بس حتى بفقدها .. وأبوها بيفقدها كثير ..
خالتها شهد : هذا حال الدنيا .. أما عهد في عيوننا ..
بالصالة الداخلية ..
خالد يهدي عهد : خلاص عهدوه ..
عهد: أبي أروح معهم ..
فتح خالد عيونه على وسعهن : وشو ؟ وأنا من بيقعد معي ..
عهد: خالد بلا انانية زايدة ..
خالد أخذ على خاطره : أنا أناني .. ليه ؟ عشان قلت من بيقعد معي ..عهد فكري
فيني شوي ..
عهد سكتت ..
طلع خالد ..
عهد: خالد ..
مارد عليها ..
أم خالد : وين بتروح ..
خالد بضيق : بطلع .. عن اذنكم ..
أم عهد : الله يهدي عهد .. اكيد هي زعلته ..
سكرت عهد على نفسه الصالة الداخلية قعدت تبكي نفسيتها زفت من خيانة خالد أو
من سفر أهلها .. أو زعلته ..
أم عهد : عهد أفتحي يمة ..
عهد: يمة الله يخليك خلوني بروحي شوي ..
أستجابت أم عهد لبنتها ..
أم خالد أخذت جوالها ودقت على خالد ..
خالد : هلا يمة ..
أم خالد : تعال .. أو وزوجتك كأنكم صغار .. لاتخلي خالتك تسافر وبالها على
عهد مشغول ..
خالد : بأخذ لفه وبجي ..
أم خالد : الله يرضى عليك تعال الحين ..
خالد : ان شاء الله ..مع السلامه ..
سكر الخط ..
الساعة خمسه ..
طلع عهد وعيونها مورمه من البكا ..
أم عهد كانت لابسه عبايتها ..
عهد : الحين بتروحون ..
أم عهد ضمت بنتها : أيه ياقلبي ..
عهد قعدت تبكي بحضن أمها ..
دخل خالد اللي كان موجود بالمجلس ..
خالد : عهد عمي يبيك ..
أم عهد : خلاص ياماما روحي لابوك سلمي عليه هو ونادر ..
أخذت لها مناديل وطلعت ..
ودعت أبوها وأخوها ..
نادر :بشتاق لك حيل ..انتبهي لنفسك .. وللبيبي وأذأ جا ولد أكيد نادر
.. (قالها وهويضحك )
عهد ابتسمت غصب ..
سلم اخوها على راسها : لاتبكي .. بطب عليك كل وقت ..
عهد : والله ..
نادر : والله .
أبو عهد يحط يدها على أكتافها ويقربها يمه : خالد أنتبه على عهد..
خالد : يعيوني ياعم ..
عمه : وهذا العشم ..
راح خالد للسيارة لانه هو اللي بيوصلهم ..
أبوعهد: يله أبوي مع السلامه انتبهي على نفسك ..
عهد :ان شاء الله ..
طلعت ام عهد عشان لازم يتواجدو قبل وقت من الرحلة بالمطار ..
الساعة تسع ..

**SOoΚaRh** · 06-05-2011, 07:37 PM

رد: وحشني شوف أصحابي وربعي والغلا مستور / كاملة

جوال عهد يدق ..
عهد: هلا خالد ..
خالد : أنا برا أطلعي ..
عهد: وين ؟
خالد: يعني وين أكيد بنروح بيتنا ..
عهد : اها .. أوك ..
سكر خالد ..
عهد : جدتي بطلع خالد ينتظرني برا ..
جدتها : بحفظ الله ..
أخذت عهد عبايتها وطلعت ..
بالسيارة كان الجو هادي .. كل واحد ساكت وشايل بقلبه على الثاني..
ببيتهم ..
دخلت عهد الغرفه وخذت ملابس النوم عشان تتسبح وتنام ..
أخذت لها دوش روقت معه شوي من أعصابها المشدوده والتعبانه حيل
خالد زهقان ومتضايق ..
دخلت للسرير وتغطت وبدت رحلة الدموع تحس نفسها مخنوقه .. ودها تكلم دانه بس
أكيد الحين نايف عندها وحتى خالد أكيد بيجي ينام بس بيأخذ له دوش ..
حاولت تكتم بشهقاتها بس ماقدرت قامت سكرت الغرفه ماتبي خالد يدخل ويشوفها
بهالحالة ..
طلع خالد من الحمام الخارجي ( وانتم بكرامه) اللي برا الغرفه يبي يدخل .. بس
الباب مسكر ..
خالد دق الباب : عهد أفتحي ..
ماردت ..
خالد : عهد بلا هبال ..أفتحي الباب ..
ماردت عليه ..ضرب الباب بقوة ..
خالد : طيب ياعهد أنا بتركك ألين تهدى اعصابك ..وبعدين بشوف شفيك .. ماهي
سالفة كل شي مع أهلك ..خلاص أنتي الحين متزوجه ..لاتخليني أحط فكره أني اسافر
برا وأكمل دراسات عليا .. لاتخليني ياعهد تراها براسي .. وحينها تشوفين متى
تشوفين أهلك
عهد مسحت دموعها وقامت فتحت الباب ..
عهد : شوف تبي تسافر سافر مالي شغل فيك فاهم .. وسفر برا ماني مسافرة لو
أيش ..
خالد دخلها داخل وصك الباب ..
خالد : أشفيك أنتي منتي طبييعه..كل شي أهلي أهلي وبعدين ..
عهد تكتفت : مو شغلك ..
خالد : فيك شي ؟
عهد صارخت فيه : مالك شغل .. والحين أطلع برا .. ماأبي أشوفك
ولاأشوف أحد ..
خالد صارخ بصوت أقوى : عهد ألين هنا وخلاص ..طلعه ماني طالع
..مابقى الاهي تمشيني على رايك ..
عهد : أنا بطلع وأنت أنطق هنا ..
ماحست الاب كف على وجهها ..
خالد: أنطق هالكلمه ماتقولينها يابنت العم والخالة ل خالد ..
عهد تطالعه بصدمة ..وخرته عنها ..شدها خالد بقوة : طلعة منتي طالعة ..
عهد تطالعة : وخر ياخالد وخر .. مهو بصالحك اللي صار ..وخر بس ..
خالد بصوت عالي : أقولك أقعدي يعني أقعدي ..
عهد ودها تصرخ فيه وتقوله يالخاين بس في شي مانعها ..: أبعد ضرب وضربت وشتبي
بعد .. تبي تضرب زود .. أضرب ..
خالد هدى شوي دموعها ذابحته : أسف والله أسف ..
عهد شقهت ماتحملت هالنبرة بصوته :أبعد بس تكفى ..
خالد : لاتقولين ابعد ..
عهد بتهور : أجل أنقلع ترضيك ..
دفها ( دزها) بقوة حتى طاحت على الصوفا والطرف حقها ..
خالد : أعملك من خالد بجد ..
عهد خلاص ماهي قادرة تتحرك بالشهور الاولى من الحمل يكون البطن حساس لاي شي
اتجاهه وهالشي خلا الالم عند عهد مش طبيعي ..
طلع خالد من الغرفة ..
جلست على الارض وحطت راسها على الصوفا ودموعها صارت جزء من حياتها اليومية ..
بكت وبكت وبكت ألين نامت ..
دخل خالد على الفجر البيت وكان البيت هادي طلع لغرفتهم بس انهبل لما شاف عهد
بنفس الوضيعة اللي تركها فيها ..بس راح لها ..
خالد : عهد ..
ماردت ..
خالد: عهد .. ردي علي ..
كانت غارقة بالنوم وجها أحمر .. ويدها على بطنها ..
شالها خالد وحطها على السرير ..
عهدتتمت ب كلام يبين أنهاتتألم ..
خالد جلس عند راسها : عهد وش يألمك ؟
عهد النوم غالبها بس الاغلب أكثر قالت وهي تشد على بطنها وعيونها تدمع :
بطننننننني اخ يألمني ..
خالد : قومي خلي نروح المستشفى ..
لفت عهد على جنبها وهي تشد أكثر على بطنها ..
خالد مسك يدها : عهد قومي ..
جلست عهد وهي ترص على أسنانها من الالم ..: أبعد الله يخليك .. شوفتك تزود
الالم ..
خالد : عهد خلي هالكلام قومي الحين
سحبت نفسها منها وقامت قام خالد معها ..
خالد : وين ؟
ماردت علية ..
خالد : عهد بالله انسي الزعل شوي ولاتظلمين طفلنا ..بزعلك هذا ممكن يصير أي
شي له ..
طالعته وبعدته عن طريقها .. خالد سكت خلاص البنت راسها يابس مستحيل تروح معه
وبعدين سالفة الضرب ماراح تعدي على خير ..
دخلت للغرفه الثانية وصكت الباب وجلست وراه ..
..
. .

اليوم الثاني ..
المسا ..
ببيت تركي وغلا ..

تركي : الاسبوع الجاي فيه ناس بيقومون من صباح ربي ويرحوا للجامعه ..
غلا ماكانت عارفة شلون توصل له اللي تبيه .. لانها سبق وتناقشت معه ورفض
سالفة تركها للجامعة وحتى الاتنساب ..
غلا : تركي بقولك شي بس افهمني ..
تركي طالعها : غلا أحس أن وراك شي ..
غلا: طيب لاتعصب ..وسامحني لاني كذبت عليك ..
رفع تركي حاجب وسكت ينتظرها تكمل ..
غلا : اممم بصراحة ماسجلت جامعة..
انصدم تركي ..
غلا: لاتزعل بس بجد مستحيل أروح من الساعة ثمان الى 2 او 12 وأنت بالبيت ..
تركي بهدوء: وأنتي ملزومة فيني .. أنا كلها شهرونصف وراجع لشغلي ..
غلا: حتى ولو .........
قاطعها تركي : وبعدين ليه قلتي أنك سجلتي ..وأنتي ماسجلتي أصلن ..
غلا: ماأبي أزعلك ..
تركي بعصبية : لمعلوميتك بس اللي تكذب على زوجها في أمور زي كذا تكذب عليه
بامور ثانية ..
غلا : تركي ..
تركي : بلاتركي بلاهم ..بزر عندك أنا تلعبين علي خير ان شاء الله ..
غلا: تركي هدي أعصابك ..
تركي : وش هدي أعصابك .. قسم بالله ياغلا حركتك مالها داعي ..
غلا : خلاص تركي ..
وطلعت من الغرفة ..
تركي :غلا ..
ماردت عليه ماتبي تتهاوش معه .. رده فعله عنيفة ماتوقعت أمر دراستها كذا
يهمة..
.
.
.
ببيت نايف ..
دانه : يالله تجنن خالتك خاصه النونو حقها مرا جنان ..
نايف : صح دانه ..
دانه : وشو؟
نايف : متى راح تجيب بيبي ..
ضحكت دانه ..
نايف : ترا بجد أبي واحد دب حلو طالع عليك بكل شي ..
دانه انحرجت ..
نايف : دندون تخيلي بجد عندنا طفل ..
دانه طالعته : شي مرا حلو .. بس نايف ماراح نعرف نربية ..يبي له مجهود وأنا
عندي دراسة ..
نايف بوز : لاتقولين أننا نأجل سالفه العيال ..
دانه ابتسمت : لا ماعندي الاشياء هذي كل شي بيد الله ..بس أنا خايفة من سالفة
الاطفال .. وبعدين تعال أنا وأنت وجهنا وجه عيال خل أول شي نرتب حياتنا من
الفوضة وبعدين ..
نايف : هههههههههههههههه جد والله .. أهم شي ..لاحملتي تمقلي (طالعيني) اربع
وعشرين ساعة خليه يطلع علي ..
دانه : هههههههههههههههه توك تقول تبيه يطلع علي ..
نايف يحرك حواجبة : مو أنا أشهبك ..
دانه: ههههههههههههههههههههههههههههه من وين المعرفة أمي متوحمه عليك ..
نايف : يمكن ههههههههه ..
دانه : الساعه 11 مع خشتك وأبي أنام عندي دوام الاسبوع الجاي ..خخخخ وناسة
صرت جامعه ..
نايف : مع خشتك حتى أنا صرت مدرس ..
دانه: جد نايف كيف الطلاب دجه عاد ثانوي ..
نايف يحك شعره : مدري خبرك أول سنه أدرس .. بس بتفاهم معهم ..
دانه : أول سنه تدريس يعني عشت مرحله البطالة ..
نايف :ههههههههه لاماعشتها لان توني متخرج السنه هذي ..
دانه : بلاهبل ..
نايف : لاجد والله ..
دانه : شلون ..
نايف : مامدى تخرجت طبعا وقدمت أوراقي والحمدلله تم قبولي ولو أني ماتوقعت
أبد خاصه توني السنه هذي خريج ..
دانه طالعته بشك : نايف كم عمرك حبيبي ؟
نايف فطس ضحك ..
دانه: طالعني لايكون فاشل بدراستك وموصل24 وأنت مغرز ..
نايف: ههههههههههههه لا بصراحه عمري 22 سنه ..
فتحت دانه عيونها بقوة ..
نايف: بصراحة أبوك لما سألني عن عمري قلت له 24 لاني خفت اقول 22 ويرفض ..
دانه: أقولك شي ..
نايف : قولي ..
دانه : هههههههه من أول ما شفتك وشفت تصرفاتك صحيح عاقل وفاهم بس أحس أشياء
كثيرة ناقصتك في الحياة وبعدين داج بقوة عشان كذا حبيتك بسرعة ..
نايف مسكها عليها : تحبيني ؟

**SOoΚaRh** · 06-05-2011, 07:38 PM

رد: وحشني شوف أصحابي وربعي والغلا مستور / كاملة

حمر وجهها ..
نايف : قولي أحبك الله يخليك ماسبق وقلتيها لي تكفين ..
عضت دانه على شفايفها من حركاته اللي تضحك ..
نايف : بس أحبك مره وحده يله ..
دانه وهي تعض ابهامها وتطالع ل بعيد : أحبك ..
نايف خق : يالبيه يالب هالقول قوليه تكفين ..
دانه: خلاص بكرة بقولها لك ..
نايف: الحين قوليها وبعدين ..
دانه غطت يدينها بوجهها : أحبك موت ..
نايف ابعد يدينها: والله أنا اللي أحبك موت وحيل وجدا وكثير وبهبال وأوي
وبرشا وايد وبالزاف وبجنون ..
دانه حمر وجهها بقوة ..
نايف : أحبك من هنا لاخر محطات الغلا لهناك
أحبك كثر ما يهوى رضيع الصدر غفواته
احبك يابعد كل الحروف وعلها تفداك
أحبك يابعد بيت القصيد وكل غاياته
أحبك يابعد عمر قضى مني على ذكراك
أحبك يابعد من داج بالدنيا بخطواته
أحبك يادفى برد السنين اليا غفت بحماك
أحبك ياأمل عمر الوحيد ويابعد ذاته
أحبك يابعد قلب نزف كل الغلا لرضاك
أحبك يابعد كل العيون ونزف دمعاته
أحبك كثر ماتبرى جروح لامسة يمناك
أحبك كثر ما يلجا فقير الحال لسكاته
أحبك بس لو تعرف وش اللي بالحشا ينخاك
أحبك من هنا لاخر هنا لاخر هنا لهناك
أحبك لعنبو حي الرضيع وحلو غفواته

دانه قامت ..
نايف مسكهاو طاحت بحضنه ..: وين ماأحب هروبك مني ..
دانه صح أنها دجه وتمزح وتسولف بس تستحي واحراج هالمواقف لها لمعت عيونها ..
نايف: النونو حي بيبكي فديته والله ..
دانه :خلاص ..
نايف ضحك وقعدها بحضنه : تدرين أو أقولك والله عاجز يادانه أبين مقدار حبي لك
الله لايحرمنا من بعض ..
دانه: امين ..
.
.
.
.
نرجع لبيت غلا وتركي ..
قام تركي أخذ العكاز حقه وبصعوبه مشى لقى غلا دافنه وجهها وتبكي بالصالة ..
تركي جلس بصعوبه وحط العكاز على جنب .. وحط يده على كتف غلا ..
تركي: زعلتي .. طيب أنا ماأبيك تجلسين بالبيت ..غلا مابيك تفكرين بقلبك فكري
بعقلك الدراسة شي مهم جدا ..
ماردت عليها ..
تركي لفها يمه : غلا ..
غلا: تركي خلاص أنا مش مقتنعه بالدراسة حاليا بس أنت مش فاهمني .. خلاص بشهر
عشره بقدم اتنساب ..
تركي : على بالك ليه زعلت ؟ أنا أبي مصلتحك ..
غلا مسحت دموعها .. وطالعته ..
تركي : خلاص فديت قلبك .. ماأحب أشوفك زعلانه وضايقين صدرك والسبب أنا ..
غلا كانت مأخذه على خاطرها لانه قاله اللي تكذب بشي زي كذا تكذب باشياء زي
كذا بس سكتت خاصه أن تركي من الحادث حالته النفسية مهي أوك ..
تركي لمها ل صدرها : الدنيا يابعد عمر تركي لامن تضايقتي ضاقت به الدنيا
بمارحبت ..
استكانت بصدره ..
تركي يبي يفرحها : طيب ماقلت لك ..
غلا تبعد عنه وتطالعه: لا ..
تركي ابتسم وقعد بيعد الخصل عن وجهه : عندي لك خبرين .. الاول أنا بفك الجبس
(اللفه_الجبيرة) عن يدي ورقبتي بكره لان الحين بيمر عليها 3اسابيع ..
غلا صارخت من الفرحه : قول والله ..
تركي فرح من فرحتها: أيه ..والخبر الثاني عن سعود ..
غلاخافت: أشفية ؟
تركي : لاتخافين ..بس حبيت أقولك أن خطبته ل بنت عبدالله تمت والعرس لاسبوع
هذا ..
( سعود خطب بنت عبدالله أخو تركي نجود ..)
غلا: جد .. بس أسبوع مايمدي ..
تركي : هههههه سعود مستعجل ..
غلا : ياحياتي الله يوفقه .. بس خسارة فيصل ونوف ماراح يحضرون ..
تركي : متى راح يجون ..
غلا: فديتهم والله بعد شهر أو شهرين بالكثير أن شاء الله .. عاد أمي وابوي
بيسافرون يحضرون حفل تخرجهم ..
تركي: بيسافروا ل بريطانيا ..
غلا: أيه .. يله نقوم ننام ..
تركي : ههههه اللية عديت وقت النوم اللي حدديته طال عمرك ..
غلا ضحكت : ل صحتك ..
ساعدته وقاموا لغرفتهم ..
.
.
.

ببيت عهد وخالد ..
عهد كان الالم يزيد عليها بالغرفه مسكره عليها ماتبي تشوف أحد ..
خالد كان متضايق ماعمره توقع نفسه يمد يده على عهد .. وماكان موجود بالبيت
خاصه قال انها مستحيل تطلع ..
عهد كانت تبكي من قلب وجهها أصفر وذابل من الكف اللي أكتله من خالد معلم
بوجهها .. تبي تشوف الساعة كم ..
ماقدرت ..
قامت وراحت لغرفة النوم وكالعادة خالد مش موجود الالم مهو طبيعي فيها .. دقت
عليه وكان مايرد ..
ماهتمت للساعة ودقت على خالتها ماترد..دقت على بيت جدها ..
شوي الاردت جدتها ..
عهد تبكي : جدتي تكفين تعالي ..
جدتها : يمة عهد وشفيك ..
عهد: جدتي بموت بموت ..
جدتها : خلاص بجي أنا وجدك الحين ..
عهد : أوك ..
سكرت ..
شوي الاجات جدتها وجدها ..
كانت عهد جالسه بالصالة والالم ذابحها .. صحت الشغالة وفتحت الباب ..
دخلت جدتها وجدها..
عهد : جدتي بموت من الالم ..
جدها : قومي وانا جدك خلي نروح لمستشفى ..
قومتها جدته ..
بالسيارة ..
جدها : عهد وشهو اللي يألمك ؟
عهد: بطني ياجدي ..
جدتها : من أيش ..
عهد : طحت ..
شهقت جدتها : كيف طحتي ..
عهد بتموت من الالم وجدتها وجدها ماغير يسألونها .. ماقدرت ترد لان الالم
بأسفل بطنها ذابحها
جدها يكلم السواق لانه مايقدر يسوق بالليل ..: بس روح للمستشفى ........
جدتها : وين خالد ؟
عهد: مدري عنه ..
وقف السواق قبال المستشفى ..
بغرفه الطوراى ..
الدكتور : راح أستدعي الدكتورة لان البنت حامل ..
جدتها: كيف ؟
الدكتور : الظاهر الجنبين ........ سكت شوي مايبي يخوف جدتها .. خل أشوف
الدكتورة ..
أستدعى الدكتورة..
الدكتورة: ياخالة لازم ننومها .. لان فيه مويه تنزل عليها وخاصه هي توها
بالشهور الاولى ..وهالشي لاقدر الله ممكن يسبب بالاجهاض ..
جدتها : اللي فيه مصلحتها سوه ..
الدكتورة : خلاص أجل تطمني الحين بنعطيها مغذيات وسوائل عشان تعوض ..
جدتها : خلاص ..
قعدو ساعة تقريبا على مادخلوها التنويم ..
جدتها : مايصير أتنوم معها ..
الدكتورة: لا ياخاله الحمدلله الحاله ماتستدعي كذا .. بس لو تبين تتومين معها
عادي لان المستشفى خاص ولها غرفه ..
جدتها : خلاص أجل بتنوم معها ..
الدكتورة ابتسمت: أول حفيدة لك ..
جدتها : هذي ببنت بنتي ..
الدكتورة : مهي زوجه ولدك ..
جدتها ابتسمت : زوجها يصير بعد ولد بنتي ..
الدكتورة : الله يوفقهم ..
جدتها : ومن قال ..
دخل جدها الغرفة ..لقى جدتها ..وعهد نايمة والمغذي بيدها ..
جدتها: دقيت على خالد ..
جدها : دقيت لكن مايرد .. هالعيال مفروض ماحدن يزوجهم أحدن فيه عقل يترك
زوجته وحدها بالبيت ومدري وين يروح ..
جدتها: تلقى عنده شغل .. الغايب عذره معه ..
جدها: شغل انصاف الليول ..
جدته : اذكر الله ..
جدها: لا اله الا الله .. الحين بروح البيت .. والصبح بجي ..
جدتها : طيب .. لاكن علم خالاتها وقولهم لايقولن لامها يروعونها ..
جدها: خير ان شاء الله .. مع السلامه ..
راحت جدتها توضي وتصلي الوتر .. وقعدت تصلي وتدعي لها ..
اليوم الثاني ..
دخل خالد لبيته العصر ..
طلعت الشغالة ..
الشالغة: مدام عهد في المستشفى ..
خالد : وشو ؟!
الشغالة: امس في روح ..
خالد: أوف .. طيب من وداها ؟
قالت له الشغالة ..
وبسرعة طلع ودق على جده اللي قال له المستشفى ... عقب ماأعطاه تهزئية محترمة
..

**SOoΚaRh** · 06-05-2011, 07:38 PM

رد: وحشني شوف أصحابي وربعي والغلا مستور / كاملة

دخل خالد ..الغرفة ولقى كل أهلهم عندها .. طلعوا البنات ..
خالد: السلام عليكم ..
الكل : وعليكم السلام ..
جدته وجدها قالوا للكل أن خالد كان فيه بس طلع عشان شغل ..
خالد قرب لها : سلامتك ..
عهد غصب عنها : الله يسلمك ..
أمه : خالد وينك ؟
جدته ماتبي نتكشف السالفة : خالد كان هنا ..
ابتسم خالد بحب ل جدته ..
أم خالد: أجل الحين ياعهد بطلع .. بجيب لك أكل زين ..
عهد بتعب: لاياخالتي لاتعبي عمرك ..مالي نفس بأي شي ..
خالتها : لاتعب ولاشي ..
عهد: والله بجد خالتي مالي نفس .. أذأ اشتهيت بكلمك ..
خالتها: وعد ..
عهد: ان شاء الله ..
خالتها شهد : عهد اشلون طحتي ..
عهد توترت من هالسؤال وخالد أكثر ..
عهد: مانتبهت وطحت .. بس الحمدلله جت سلمية ..
خالتها أم خالد : انتبهي حبيتي شوفي وجهك الكدمة مهيب بشوي .. وبطنك ماسلم من
السالفة ..
عهد: أن شاء الله بنتبه ثاني مره ..
طلعوا خالاتها ..
خالد: جده من أمس وانتي هنا خلاص ورحي وأنا بقعد مع عهد ..
جدته : خلاص ..
طلعت جدته مع خالاته ..
فضت الغرفة مابقى الاعهد وخالد ..
خالد جلس على طرف السرير : أنا اسف ..
ماردت عليه ..
خالد : والله اسف ماكان قصدي بس الشيطان وانتي استفزتيني ..
ماردت عليه كانت طول الوقت تتحاش النظر له ..
خالد: عهد طالعيني ..
عهد تبي تحرق قلبه : الجنين راح ..
وقف خالد ..: وش تقولين أنتي ..
عهد : اللي سمعته ..
خالد: شلون .. طيب لية ماحد قالي .. ولية محد من الموجدين أهتم هالسالفه
كلهم عادي ..
عهد : أنت السبب ..انت اللي تسببت بطيحته ..
خالد قعد : عهد ماكنت أقصد ورب البيت ماكنت اقصد ..
عهد: يعني مرا يهمك الجنين ..
خالد: أكيد يهمني كيف مايهمني وهو طفلي ..
عهد: عموما خيره أنه راح ..
خالد بيستجن منها: كيف خيرة أنه راح .. ماتبين طفل مني .. براسك شي ..
عهد سكتت ماتبي تجرحه مهما كان هو يظل حبيبها والغالي لكن القلب شايل ..
خالد : عهد ردي علي ..
عهد: خالد بليز اتركني بروحي ..
خالد: عهد ..
عهد: بليز خالد ..
احترم رغبتها وطلع ..
طلع يتمشى شوي .. ورجع على المغرب ..
كانت الدكتورة عندها ..
خالد : السلام عليكم ..
الدكتورة : وعليكم السلام ..
الدكتورة: زوجها ..
خالد : أي نعم ..
الدكتورة : زين جيت .. عهد أن شاء الله بتطلع بكرة أو بعده بالكثير .. لان
الجنين فقد شوي من الموية وحنا الحين قاعدين نعطيها مغذيات ..
خالد بنظره مافهمها الاعهد: يعني الجنين كويس ..
الدكتورة : الى الان ماتقدر تحكم بس أن شاء الله زين ..
خالد : يعني ماأجهض ..
الدكتورة : لالحمدلله .. أهم شي الاخت عهد تحافظ على اكلها .. وتتوعى زين
لخطواتها لان الطيحة المرة هذي عدت على خير ..
خالد : أوك ..
طلعت الدكتورة ..
خالد : الحين هذا فصل تسوينه فيني ؟!
عهد : شي من الحرقة اللي بقلبي ..
خالد : يالظالمة مالقتيها الابطفلنا ..
عهد : أبي أنام روح عني ..
خالد: لامني برايح ..
لفت عهد بوجهها للجهه الثانية .. وراحت بوادي النوم .. الابر والمغذيات
تنومها غصب ..
جلس خالد عندها .. طالع بخدها الكف مأخذ مكانه .. أو المغذية اللي بيدها ..
قام مايبي يزعجها ..وجلس على الصوفا .. يطالع التلفزيون من غير صوت بس يأخذ
لفه على القنوات .. سمع الاذان قام راح للمسجد يصلي ..
صحت عهد على الساعة ثمان مالقت أحد تضايقت حست بخوف أول مره تكون بوحدها
بمكان غريب عليها ..قعدت تبكي .. رحمها الله بدخله خالد ..
خالد : عهد اشفيك ..
ارتاحت لما شافتها : ليه تركتني ؟
ضمها خالد : ياقلبي بس رحت أصلي وجبت لك عشا ..
عهد وخرت عنه ..
خالد حس فيها .. وسكت ..
عهد : خلاص روح ..
خالد طالعها وأكتفى بالصمت ..
دق التلفون اللي بالغرفه رد خالد ..: هلا .. عهد .. أيه هنا ..
عهد : ألو ..
دانه: عهدوه حياتي شفيك ؟
عهد : دانه تكفين تعالي الحين تكفين ..
دانه ماترددت ولو للحظه : خلاص ياقلبي الحين أكلم ويجيبني عندك .. بس عطيني
رقم الغرفة ..
عهد طالعت بالباب (لان الرقم يكون مكتوب على الباب ) :107 ..
دانه : أوك قلبي .. الحين جاية ..
سكرت عهد ..
خالد : عهد ترا صايرة مش طبيعية .. الحين وشهو له تجيبن البنت ..
عهد: صديقتي وكيفي .. وبعدين مدري منهو اللي مش طبيعي .. شوف تصرفاتك وطالعتك
اللي ماترجع منها الاعلى الفجر .. وبعض الاحيان تبات برا ..
طلع خالد ..
ببيت نايف ..
نايف: من عيوني .. بس البسي ..
دانه: أنا جاهزه ..
أخذ المفتاح والكاب حقه وطلعوا من غرفتهم ..
أم نايف : خير خير أن شاء .. وين العزم ..
نايف: بنروح للمستشفى شوي وراجعين ..
أم نايف : فيكم شي ؟
نايف : لا بس صديقه دانه بتزورها ..
أم نايف بعصبية: لا جد .. الانسه دانه تبي تطلعك بذا الليل للمستشفى ورى
ماتنتظريين للصبح ..
دانه : صديقتي تعبانه ولازم أروح لها الحين ..
أم نايف : ونايف ماهو بطالع الحين ..
نايف: يمة اسمحلي لازم أدويها وبعدين الساعه ثمان ..
أم نايف : والله ماتطلع هالوقت .. أنا قلت لا يعني لا ..
جدته لامه : وضحى ورى تحلفين على الولد ..
أم نايف: والله مايطلع هالوقت ..
نايف: يمة ..
دانه : خلاص نايف حلفت .. بكلم أخوي وبطلع ..
دقت على اخوها سطام .. وقالت له يمرها ..
نايف مشكلته مرا بار بأمه وطيب وحبوب ..
أم نايف : ولا حتى أنتي بطالعه ..
دانه ماهمتها : نايف بطلع أنتظر سطام برا ..
أم نايف: منتي بطالعة ..
دانه سكتت ..
نايف: يمة دانه بتطلع ولدك وطاعتك علي واجبة لكن بنت الناس أسمحلي ..
مسكت دانه يدة وطلعته معها لبرا ..
دانه : قلبي وحبيبي أنت لاتزعل .. ادري قلت لك أكثر من مليون مره بس هذي امك
..
نايف كان ساكت أمه تحكمها فيه يزيد يوم عن يوم ..
دانه : نايف ..
نايف : ياقلب نايف وعمره ..
دانه ابتسمت ..: يله عاد أضحك .. طنش تعش تنتعش ..
نايف :دانه أنا اسف ..
دانه تهورت وباسته على خده : ماسويت بيبي شي ..
نايف يتحسس مكان البوسة : وحده ثانية بس ..
دانه عضت على شفايفها : ههههه خلاص مهي حلا ..
نايف : وحده ..
باسته دانه على طلعه أمه ..
أم نايف : مشالله مشالله حتى هنا مشتغلين غراميات ..
انحرجت دانه حيل .. ونايف اكثر ..
رحمهم الله من لسان ام نايف بجيه أخو دانه ..
دخلت أم نايف معصبه من ولدها وزوجته عقب ماشافت السواق يبجي يفتح البوابة
لانه كان داخل..
نايف ودانه جاتهم ضحكه مش طبيعية ..
نزل سطام من سيارته ..
سطام : السلام عليكم ..
دانه + نايف: وعليكم السلام ..
نايف: يالله أنك تحييه النسيب ..
سطام : الله يبقيك ..شخباركم ؟
نايف: بخير جعلك بخير .. أقلط ..
دانه: لا يله سطام نمشي ..
نايف: هههههههه خلي الرجال يدخل .
دانه: بأي وقت بعزمه على القهوة وبيجي عادي صح سطام ..
سطام : أي صح هههه ..
دانه : يله تأخرت عن عهد ..
سطام حس أن في السالفة : طيب تامر بخدمه نايف ..
نايف : سلامتك ..
سطام : يله بالاذن أجل ..
راح سطام لسيارته ينتظر دانه ..
نايف : متى تبين أجي أخذك ..
دانه: بكلم سطام بجيبني ..
نايف: احراج معه ..
دانه: دي خيي حبيبي .. وبعدين أنا مشتاقه له خل نسولف مع بعض شوي ..
نايف عارف أنها ماتبي تسبب له مشاكل مع امه ياحبني لك يادانه وياكبر أخلاقك
..
دانه : سي يو ..
نايف: سي يو ..

رواية /وحشني شوف أصحابي وربعي والغلا مستور / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget