تويت
رد: وحشني شوف أصحابي وربعي والغلا مستور / كاملة
يعطيكم العافية ..
نورتوا الصفحة بوجودكم ^_^
بنت أبوها ..
تابعي ورح تعرفين وش راح يصير =)
يعطيكم العافية ..
نورتوا الصفحة بوجودكم ^_^
بنت أبوها ..
تابعي ورح تعرفين وش راح يصير =)
-
-
رد: وحشني شوف أصحابي وربعي والغلا مستور / كاملة
الجزء الثاني عشر
ناديه صارخت : غلا ..
ضربت غلا بخفه على خدها .. ولكن وين ..!!
ناديه: بخوت وش نسوي ..
ريوف انهارات هي الثانيه .. أغلى خلق الله بالنسبه لها فارق الدنيا
..
ناديه وهي تمسح دموعها وتبكي : لاله الا الله .. شوفي بنت منيره ؟؟ ( تقصد ريوف ) ..
بخوت وهي تمسح دموعها بطرف شيلتها : يارحمت الله .. مدري عمتي درت ..
ناديه : اكيد عبدالله ناداها .. لاله الا الله ..
بخوت : ياربي .. عاد ذا تركي .. أصغرهم وأغلاهم .. والله لتروح فيها عمتي ..
ناديه وهي جالسه عند غلا اللي فاقده الوعي : نجود نادي وحده من عماتك قولي
لها يجون غلا وريوف طاحوا ( وبكت ناديه )
تبكي تركي .. صحيح عمرها ماأتحكت فيه .. بس ماهما كان يعني قريب لهم .. ولد
خالتها وعمتها ومتربي معهم .. أخو مهند .. وهي عارفه شكر مكانه تركي عند مهند
..
بالمجلس ..
أم تركي : وجيهكم مهي ب لكم .. علموني وشفيكم ؟!
عبدالله والعبره خانقته : يمه .. أنتي عارفه الدنيا ..محدن دايمن عليها ..
الاوجهه سبحانه ..
قاطعتها امه بخوف : تركي وينه ؟ هو صار له شي ؟
عبدالله وهو يجلس مقابل لامه وبهدوء بس دموعه ماأهنت ألا لما نزلت : يمه أنتي
أنسانه مؤمنه بقضاء الله وقدره .. والله أخذ أماتنه ب تركي ..
أم تركي : عبدالله منت صادق !!
عبدالله سكت :
أم تركي : تركي مهو برايح وتاركني وراه ..
وصارت تتمت بكلمات ..أليمه .. جمل أعتراضيه .. بحسره .. بلحظه كانت الانهيار
وصل قمته ..
عبدالله : يمه أذكري الله ..
أم تركي : وينه تركي وينه ؟
عبدالله : .......
مهند جلس عند ركبه امه : يمه أذكري الله ..
أم تركي قعدت تبكي وتذكر الله .. وأبو تركي حالها ماكان أحسن بس ساكت .. قضاء
وقدر ..
أما منيره جلست على أقرب كنبه ماغير تتشهد ..
أما رهف كانت تكذب الخبر .. وتقول لا مامات ..
جات رغد وقالت لهم عن اللي صاير بالمقلط ..
قامت منيره والدنيا بكل سواده في وجهها ..
بالمقلط ..
ناديه جسدت كل معاني التبلد والبشاعه بالتفكير والاخلاق .. رفضت أن مهند يشيل
غلا ..
ناديه : لامنهد مايشيل زوجه تركي ..
ناظرتها منيرة بنظره لو ناظرتها كافر أسلم ..
ناديه بهستريا : قلت لك مهند لا مايشليها ..
صارخت رهف : ناديه وبعدين معك .. ماتستحين أنتي .. وبعدين مهو بشايلها
.. ريحيي أعصابك يالمريضه .. ( قالتها وبكت من حرقه قلبها ) ..
شال محمد ولد منيره غلا عقب ماغطوها .. وعبدالله شال بنت أخته ..أما نجود
كانت واقفه لاتكلمت ولاشي مصدمه ..
بخوت انتبهت لبنتها : نجود ..
لاصوت .. ماغير تطالعهم ..
بخوت : ماما نجود .. دري ..
أنهبلت امها واخذتها تسمي عليها ..
بالمستشفى ..
الدكتوره : شالصدمه اللي جتهم ؟!
منيره وصوتها رايح : أخوي توفى ..
تأثرت الدكتوره وسكتت شوي تالي قالت : عظم الله أجركم ..
منيره وهي تمسح دموعها : جزاك الله خير .. شعندهم ؟
الدكتوره : شي طبيعي للصدمه .. أنهيار عصبي ..
منيره : طيب الحين وش السواه ؟!
الدكتوره : الحين راح يتم وضعهم تحت الملاحظه .. وأنا أعطيتهم منوم لمده 12
ساعه .. وان شاء الله خير ..
منيرة جلست على الكرسي وقعدت تبكي بشكل ..
الدكتوره جابت لها مويه .. وقعدت تهديها ..
منيره : جزاك الله خير ..
دقت منيره على ولدهامحمد اللي كان برا صاله الانتظار ..
محمد: هلا يمه ..
امه : انت برا ..
محمد : ايه ..
امه: خلاص الحين طالعه لك ..
بالسياره ..
امه : وين خالك عبدالله ؟
محمد وهو يمسح دموعه: راح لجدتي كلمتها خالتي وقالت انه تبيه ضروري ..
قعدت تبكي : يارب رحمتك ..
محمد: يمه انا متأكد خالي مامات صدقيني يمه مامات ..
أمه حطت يدها على كفه اللي كان حاطها على القير: أذكر الله وانا امك ..
محمد وقف وقعد بيكي وهو حاط رأسه على الدركسون :...........
امه سكتت مهي قادرة تقول شي أهي بقمه انهيارهاولدها طلع زيها ويمكن أكثر
خاصه أن تركي يعني لعيال منيرة كثير لانه دايم يزورهم وقريب من اعمارهم ..
ببيت أبو تركي ..
عبدالله : الحين انا بلحق مهند وابوي ..
أم تركي: بروح معكم ..
عبدالله : وين يايمه الله يعافيك تروحين ..
ام تركي: بشوف تركي ياعبدالله بشوفه ..
عبدالله : يمه الحادث واقع على طريق أبها وكله اكيد رجال ..
بخوت : خلاص ياعمه أقعدي وأن شاء الله خير ..
ام تركي وهي تبيكي بحرقه : خير ونور عينه أمه راح .. اه ياتركي .. ياليتي
مانكويت بكيتك .. ليتني رحت قبلك ليتني ..
باس عبدالله راس امه وقام طلع ..
مامدى طلع عبدالله من المجلس الا جواله يدق .. نفس الرقم اللي دق وبلغه بوفاه
تركي ..
عبدالله : الو ..
الرجال : السلام عليكم ..
عبدالله : وعليكم السلام .. خير أخوي ؟!
الرجال : والله أني مدري وش أقول لك ..
قاطعه عبدالله بنفاذ صبر وبنره أمل : تركي مامات .. قول انه مامات الله يرحم
والديك .. ( وتهدج صوته ).. بشرني الله يبشرك بالجنه ..
الرجال: لا أبشرك الحمدلله ..أخوكم حي والحين هو بالمستشفى
جلس عبدالله عند باب المجلس وقعد بيكي كأنه طفل ..
قامت بخوت بسرعه ورهف.. وهم يسمعون نحيبه ..
بخوت : عبدالله شفيك ؟!
عبدالله يشاهق: تركي مامات تركي حي .. حي يابخوت ..
بخوت صارخت هو من الفرحه من الصدمه : عمتي .. تركي مامات ..
رهف وهي تمسح دموعها : ماقلت لكم تركي حي مامات ..
أم تركي من سمعت الخبر أغمى عليها ..
عبدالله : يمه ..
راحت رهف وبسرعه جابت مويه بارده وقعدت تصحي أمها .. قعدت شوي وتالي صحت ..
وهي تهلل وتكبر لله .. ان ولدها بعده حيي ..
عبدالله وهو يبوس يدين امه: ايه يمه تركي حي ..
دق جوال جوال وكان عند باب المجلس طاح من عبدالله .. جابته له رهف واعطته
اياه ..
عبدالله : هلا ..
الرجال : تعال للمستشفى (.......) ..
عبدالله : ذا المستشفى بابها والا أنا أتوهم ..
الرجال : الحادث ياخوي صار لهم قريب من ابها ومابه مستشفى قبل الحالات الاذا
..
عبدالله سبهم سبه قويه ) ..
الرجال: الحمدلله اخوك بخير .. تعال للمستشفى ..
قام عبدالله : خلاص الحين جاي ..
سكر عبدالله وكلم أخوه مهند وابوه .. وقالهم يقابلوه بالمستشفى ..
شوي الا يدق سعود ..
سعود : عبدالله وش هالخبر اللي تو سامعينه ؟!
عبدالله أخذ نفس : لا وانا اخوك جات سلامه واحد الله يبيحه كلمنا وقال ان
تركي توفى بحادث والحين مكلمني ويقول ان تركي حي وقبل شوي بس فقد الوعي
والحين هو بالمستشفى ..
سعود بعصبيه: ياخي ناس همج ليه مايتأكد قبل مايدق .. أعوذ بالله ..
عبدالله بهدوء وبحلمه المعتاد: الحمدلله .. الحمدلله .. طيب تعال للمستشفى
.....
سعود: أن شاء الله .. ( قلبه مع أخته ) .. طيب عيال تركي ( يقصد زوجته ) ..
درت ؟!
عبدالله بضيق : أيه ..
سعود عارف أخته : أكيد أنهارات ..
عبدالله : أيو الله .. وهي الحين بالمستشفى مع بنت أختي ..
سعود: أي مستشفى ؟!
قاله عبدالله :...............
سعود: طيب الحين بروح لها وتالي أجي لك ..
عبدالله: ممنوع بغت تقعد منيره معهم بس خابرمستشفى حكومي ممنوع والحين الساعه
عشر وشوي تجي على 11
سكت سعود شوي : طيب .. الحين امرك ..
عبدالله : على امرك ..
سكر سعود ..تعليق
-
رد: وحشني شوف أصحابي وربعي والغلا مستور / كاملة
بالمستشفى ..
الدكتور : الحين هو تحت الملاحظه .. وان شاء الله خير ..
سعود : طيب كيف هو ؟! فيه كسور شي ؟؟
الدكتور سكت شوي : .......
عبدالله: دكتور حنا مؤمنين بقضاء الله وقدره .. تركي شصار له ؟!
الدكتور: صراحه هو الحين كله كسور .. عنده كسربرجله اليمنى .. وكسر بيده
اليسار ..الرقبه عنده التواء خفيف ان شاء الله .. مع جرح بالرأس وسوينا له
خياطه والحمدلله ..
مهند:لاحول ولاقوه الا بالله ..
سعود: أهم شي العمود الفقري والصدر مافيهم شي ؟
الدكتور: لا الحمدلله جات سليمه ..
الدكتور: أن شاء الله هينه ..
عبدالله : طيب ليه الحين هو بغرفه الملاحظه ؟
الدكتور: فيه أشياء لازم نتأكد منها ..
عبدالله : الحين نقدر نشوفه ؟
الدكتور : الحين لا والله .. لانه تحت تأثير المنوم لان كان يتألم وعطيناه
منوم عشان يرتاح ..
أبو تركي كان جالس يستمع بصمت .. وحامد لربه وشاكر ان ولده حيي ..
عبدالله : طيب اللي كانوا مع تركي بالحادث كيفهم ؟
الدكتور: لاأبشرك الحمدلله بخير .. بس واحد منهم جاه كسر بيده.. والحين هم
بالطوراي ..
عبدالله : جزاك الله خير ..
الدكتور: عن أذنكم ..
راح الدكتور ..
عبدالله : الحمدلله أننا تطمنا عليه ..
سعود : الحمدلله على سلامته ..
أبوتركي : الله يسلمك ياولدي ..
مهند: خلو قبل مانمشي نشوف زملاء تركي ..
أبوه: مشينا أجل ..
راحو شوفوهم ..
وطلعوا للبيت ..
الصباح ..
صحت غلالصباح راسها كان مصدع ..
أحداث ليله أمس قاعده تمر أمامها قعدت تصارخ وتبكي ..صحوا احرمتين كانوا
بالغرفه معاها هي وريوف ..
قامت الحرمه كانت بجنب غلا : شفيك ياأمي شفيك؟
غلا كانت الدموع مغطيه وجهها : حبيبي راح .. راح ..
الحرمه استغربت :
قامت الحرمه الثانيه : شفيها؟
قعدت غلا تبكي بشكل : تركي يقولوا مات .. مامات صح ؟! مستحيل يتركني صح ؟!
الحرمه : منهو تركي يابنتي ؟!
صحت ريوف على بكا غلا ..
ريوف تطالع بنفسها بالمكان اللي حولها تطالع ب غلا قاعده تبكي وتصارخ
وتنطق أسم تركي ..
ريوف حطت يدها على فمها : لا الله يخليكم خالي مامات .. لاتموتوه ..
قعدو يطالعون الحرمتين ببعض مستغربين من هالبنتين ؟؟!!
بسرعه نادات وحده من الحريم الممرضه التي أستدعت الدكتوره ..
جات الدكتوره .. وعطتها مهدي منوم .. وشافت ريوف مهيب أحسن منها أعطتها
الثانيه منوم
الحرمه كانت كبيره شوي بالسن : يادكتوره من صحت وهي تبكي بكا يقطع القلب
وتقول ان حيبها راح وبعدين تقول تركي ..
وبعدين صحت الثانيه ..والله انهم يحزنون ..
الدكتورة : توفى أمس قريب لهم ياغلا ياريوف زوجته (لان الدكتوره ماكانت تدري
منهم منهم زوجه تركي ) .. وحده منهم بنت أخته ..
الحرمه: لاحول ولاقوه الا بالله ..
الدكتوره : عن أذنكم ..
وطلعت ..
ببيت أبو نواف بأبها..
صحى سعود على صوت أمه ..
سعود: ها يمه فيه شي ؟!
أمه : لاتخاف حبيبي بس بغيتك توديني لاختك .. تلاقيها صحت والله يستر قام
سعود .. وراح يأخذ له شاور خفيف ..
طلع سعود عقب ماخذ له شاور ولبس ثوبه وشماغه ..
بالسياره ..
أمه : مر لبيت أبو تركي عشان منيره بتمر معي ..
سعود : أن شاء الله ..
بالمستشفى ..
بمكتب الدكتوره ..
الدكتوره أستبشرت من كل قلبها : الحمدلله على سلامته .. والله فرحتوني بها
الخبر .. أنا أمس مناوبه وحيلي مهدود بس هالخبر غير مزاجي جدا ..
منيره تبادل الدكتوره الابتسامه : جزاك الله خير .. أجل شوفي وقع الخبر علينا
.. الحمدلله يارب ..
الدكتوره: ايو الله له الحمد ..
منيره : طيب كيف البنات ؟!
الدكتوره: والله مدري شقولك لكن هم قبل شوي صحوا .. وكانت أعصابهن جدا تالفه
.. لذلك أضطريت أعطيهن منوم ..
أم غلا : الله يعين ..
الدكتوره : عموما المنوم مفعوله ح ينتهي بعد خمس ساعات من الان ..
أم غلا تطالع ساعتها: يعني الساعه 2 الظهر ..
الدكتوره : تقريبا
أم غلا: ممكن نشوفهم ..
الدكتوره : ممكن لكن ترى ماراح يحسون فيكم لانهم في غيهاب المنوم ..
منيرة: ماعليه الله يعافيك بس نتطمن عليهم ..
الدكتوره : تفضلوا معي ..
راحوا وشافوهم كان أقل مايقال ان هموم الدنيا كاسيتهم وهن نايمات غصب بفعل
المنوم اللي أخذ مفعوله ..
بالمستشفى الساعه 2 الظهر..
كانت أم غلا وأم ريوف موجودات عندهم .. لان الزياره بدت ..
أم غلا : غريبه ماصحوا !
أم ريوف: بعدهم شوي الحين الساعه 2 ونصف .. يمكن ع الثلاثه بيصحون ..
أم غلا: من عرفت الخبرالبارح عرفت ان غلا ماراح تعديها لان على أي خبر يغمى
عليها لكن أول مره يصير مثل ذا الانهيار ..الله يخليه لها (تقصد تركي)
أم ريوف: خفت على أمي خاصه ان الضغظ عندها لكن أخذو مكانها بنتي وبنتك ..
واللي زاد الطين بله ولدي محمد بسم الله عليه رجال لكن وحنا بنصف الطريق
للبيت وقف وقعد يبكي .. الله لايوريك ذيك اللحظه ..
أم غلا: اللهم امين ..
وحده من الحريم اللي متنومات : بناتكم ..
أم غلا: اللي هذي بنتي (تأشر ع غلا) .. والثانيه (تأشر ع ريوف) بيت منيره ..
الحرمه: قاموا الصبح وحالتهم تنرحم ..
أم غلا: الخبر اللي سمعوه مهو بهين . لكن الحمدلله ان صار لبس بالموضوع وتركي
عايش ..
الحرمه : الحمدلله يارب .. تستاهلون سلامته .. اللي بتبشر هالبنات بيقعدو
يدعون لها طول عمرهم ,,
ابتسمت ام غلا ومنيره ..
قعدو يسولفون شوي شوي الا تتحرك ريوف ..
قاموا عندها بسرعه ..
أم ريوف:ريوف ماما .. خالك حي ماماتت ..
ريوف تطالع فيهم ودموعها سبقت نطقها : حي ..
أم ريوف: ايه ياماما والله حي .. مامات ..
ريوف بعدها مش مصدقها: لاتكذبون ..
أم غلا : ياحبيتي والله انه حي .. بس السالفه ان تركي أغمى عليه والرجال حسبه
مات واخذ جواله ودق على خالك ..
قعدت ريوف وهي تمسح دموعها: غلا ..
غلا .. قومي خالو مامات ..
أمها قعدت تهديها ..
أم غلا: هي الحين بتقوم ياعيوني .. بس اهم شي هدي أعصابك ياماما ..
ريوف: لاصحوها خلوها تدري تكفون ..تكفون ..
هدتها امها وساعدتها تقوم تصلي الفروض اللي فاتتها .. وعاد بالغصب خلوها تأكل
لانها ماأكلت ولاشي ..
ريوف: ليه ماصحت للحين ؟
أمها : بتصحى صدقيني يابنتي بس صبر ..
بمستشفى ثاني بنفس مستشفات أبها ..
بغرفه تركي طلعوه من غرفه الملاحظه والله الحمد..
تركي بصوت تعبان حيل :الله يسلمكم .. مايجيكم شر
دخل عبدالله (كان عند الدكتور)على طلعه رجال كانوا يزورو تركي ..
عبدالله : السلام عليكم ..
الكل : وعليكم السلام ..
عبدالله : الدكتور يقول منت بطالع ..
تركي : ليه ماطلع ؟ كل جبس الدنيا حطوها علي .. ياخي بطلع ..
سعود: تركي ريح الليله هنا وبكره يصير خير ..أهم شي نتطمن عليك الليله ..
تركي :سعود المستشفى قرف .. أبي أطلع ..
أبو تركي بحزم : تركي الدكتور أدرى بمصلحتك منك .. خلك الين يطلعوك ..
تركي :ماعندهم شي يايبه.. الكسور وجبسوها ..
أبوه: الدكاتره أخبر بحالتك ..
ضحك أخوانه وعيال عمومته وانسابه ..
كان تركي ضايقن صدره من حالته وهذولا ضيقوها زود ..
أستأذن الكل مابقى غير سعود ..
تركي قلبه مع غلا ..
تركي: كيف غلا ؟
سعود: الحمدلله ..
تركي حاس بحبيته: سعود غلا متأكد انها زينه ..
سعود : الحمدلله .. لكن خابر الخبر ماكان وقعه عليها عادي وهي الحين
بالمستشفى ..
تركي: ها ؟!!
سعود : والله أنها الحمدلله زينه..
تركي ماتطمن : طيب دق عليها ..
سعود : أمرك ..تعليق
-
رد: وحشني شوف أصحابي وربعي والغلا مستور / كاملة
دق ..كلم وقالت له امه انها مابعد صحت ..
وسكر ..
سعود: مابعد صحت ..
تركي : ليه وش سو لها ؟
سعود : من أمس عطوها الساعه ثمان منوم وصحت اليوم تسعه الصباح ومجرد ماتذكرت
السالفه اللي خبرك انهارت وعطوها منوم لمده ست ساعات ..
تركي :تقول من الساعه تسع والحين كم الساعه ؟
سعود بناظر ساعته : الحين خمس ..
تركي انهبل : كيف ماصحت للحين ؟ مفروض هي صاحيه !! ليكون سو لها شي ..
سعود : أذكر الله ياولد الحلال .. مابها الا العافيه ان شاء الله .. بس خابرن
منومات مهي بهينه ..
تركي : أبي أشوفها ..
سعود : تركي يابعدي وين تشوفها البنت كويسه ان شاء الله .. أنت الدكتور رافض
يطلعك .. تجي تقول بطلع عشان تجهد نفسك أكثر ..
تركي : ماعنده سالفه أقولك ..
سعود : خلاص انا بكلم أمي ولاصحت أخليها تدق علي وتكلمها ..
تركي : طيب وين جوالي ؟
سعود : مدري .. خل أدق على عبدالله ..
دق على عبدالله وقال له أنه عنده تسلمه من الامانات اللي بالمستشفى هو
والمحفظه ..
سعود : يقول عنده مع المحفظه ..
تركي : طيب لاهنت دق عليه وخله يرسل به ولده .. أو يعطيه محمد ..
سعود: ماطلبت .. ولايهمك ..أو تدري أنا بمر على عبدالله واخذ الجوال منه
وتالي امر على غلا وعاد أتطمن عليها واجيك ..
تركي : خلاص .. لاتبطي ..
سعود: أن شاء الله .. يالله عن أذنك .. شوي وأرجع لك ..
تركي : بحفظ الله ..
طلع سعود من عنده ومر عبدالله أخذ من جوال تركي اللي كان فيه خدوش غير الغطا
ومرعلى غلا ..
راح سعود لاخته ..
دق على أمه وقالت لها تعال مافيه أحد .. راح سلم عليها وكانت تغط بالنوم ماهي
درايه عن أحد ..
سعود بضيق: مامفروض تصحى من الساعه 2
أمه : الا لكن الدكتوره تقول المنومات اخذت مفعول أكثر ..
سعود: وش أقول ل تركي طيب ؟
أمه: درى عنها ؟
سعود : ايه .. أول ماخلت الغرفه من الزوار سأل عنها .. وعاد قلت له ..
أمه : طيب أذأ وصلت دق علي بكلمه ..
سعود: زين .. يالله عن أذنك..
طلع سعود من المستشفى اللي أخته متنومه معه وراح ل تركي بالمستشفى الثاني
..
دخل سعود ..
كان تركي مغمض عيونه وباين عليه يتألم .. راح له سعود بسرعه ..
سعود: تركي أشفيك .
تركي فتح عيونه ببط :مافيني شي ..
سعود: تركي أنادي لك الدكتور ..
تركي يرص على أسنانه من الالم : لا .. لا .. بس هاشفت غلا ..
سعود : ايه شفتها .. تركي خل أنادي لك الدكتور ..
تركي: ماله داعي ..كيفها ؟! صحت ؟!
سعود جلس : الحمدلله كويسه .. بعدها ماصحت ..
تركي : طيب أسمع أنقلها لمستشفى ثاني وأعطاه أسمه (.......).. هذا مومتطمن له
..
قعد يطالعه سعود : تمزح أنت ..
تركي : موضع مزح ذا الله يهداك لا هو انا عندي اغلا من غلا .. ايه أنقلها ..
سعود ابتسم وقال: خلاص ولايهمك بس أذأ ماصحت خلال ساعه ..
تركي : تأخذني على قد عقلي أنت ..
سعود ضحك : هههههه أجل البنت من اثر المنومات مابعدها صحت تقول لي بنقلها
مستشفى خاص .. وش راح يسون لها يعني ؟
تركي خزه بنظره وسكت ..
سعود : تركي روق صدقني بتصحى بس أصبر ..
شوي الاتدق امه عليه رد سعود بسرعه : هلا يمه .. هاصحت ..
أمه : توها صاحيه .. وياقليل الخاتمه ليه ماتدق واكلم رجل أختك ..
ضحك سعود : هههههههه هذا هو .. بس توني واصله ..
سعود وهو يمد الجوال ل تركي : هذي الوالدة تبي تكلمك ..
وقام لها لان تركي مايقدر يتحرك كثير ...
تركي : هلا عمتي ..
أم غلا : هلا يمه .. كيف حالك ؟ الحمدلله على سلامتك ..
تركي : لا ابشرك طيب .. الله يسلمك .. مايجيك الشر ..
ام غلا : كيفك الحين أحسن من البارح ان شاء الله ..
تركي : لا أحسن .. كيف غلا ؟!
أم غلا : الحمدلله زينه .. ماينقصها هي وريوف الا شوفتك .
تركي : أشفيها ريوف ؟
أم غلا: لا تخاف بس تعرف لما سمعوا الخبر وماتحملت واغمى عليها .. والحين
الحين هي صحت وزينه ..
تركي ضاق صدره : طيب لاهنتي ياعمه بغيت أكلم غلا ..
عمته : خذ معك..
عطت ام غلا الجوال لغلا بس ماقدرت تمسكه ..
أمها: كلمي هذا تركي ..
غلا تبكي : ماما قولي والله ان هذا تركي ماتلعبون علي أحلفي ياماما ..
امها عاذرتها: ياقلبي والله انه تركي رجلك كلميه ..
جات بتمسك الجوال بس يد ترتجف مهي قادرة .. يعني تخيلوا أحدن يقول أن أغلى
خلق الله على قلبك مات .. يعني مابه أمل لشوفته الابجنات الخلد والنعيم بأذن
الله .. وتغيب عن الوعي لده يوم كامل تقريبا.. وترد تصحى يقولوا لامات بعده
حيي .. أكيد الاحساس اللي يرواد الشخص حينها انه لا اكيد أهو مات بس أنتم
تبون تهون هالصدمه الحين وبعدين يصير خير ..
هذا كان أحساس غلا وهي تعطيها امها الجوال ..
مسكت لها أمها الجوال وخلتها تكلم ..
غلا ماغير تبكي وتشهق ..
تركي كان يسمع الكلام وحاس باحساسها .. ضاق صدره لما سمعها تبكي بحرقه قلب
...
تركي يحاول قد مايقدر مايبين صوته الجد تعبان : غلا ..قلبي ..
غلا من سمعت نبره صوته الحنونه المميزه بكت أكثر ..
تركي: غلا .. عيوني .. أنا تركي ياقلب تركي ..ردي علي ..
غلا مسكت الجوال من يده امها وبصوت باكي تخالطه شقهاته: تركي وينك ؟
تركي : قريب ياعمر تركي قريب .. ليه تبكين ؟ أنا كويس وان شاء الله بكره أطلع
..
غلا: ابي أشوفك تركي والله تعبانه حيل
حيل ..
تركي : سلامه عمرك ياعمري من التعب .. شفيك؟
غلا نست من امها ومنيره وكل العالم اللي حولها : مشتاقه لك موت .. بموت من
بعدك عني ..والله ماسوى من دونك شي ..
تركي: ياعمري خلاص وعد بكره وانا عندك وعد ..
غلا : والله ..
تركي تعبان حيل وصوته بد يخونه : والله .. غلا عمري بضطر اسكر لان الدكتور
بيمر الحين ..
غلا: امنتك الله ..
تركي : انتبهي لنفسك .. عيوني عطيني ريوف أكلمها ..
عطته ريوف وماكانت أحسن من غلا قعد تركي يهديها ويطمنها الين هدت نوعا ما
وسكر تركي ..
بعد وقت دخل سعود لانه طلع لما قعد تركي يكلم غلا ..
سعود مبتسم : هاكلمتها ؟
تركي بابتسامه رغم التعب : ايه وتطمنت الحمدلله ..
سعود مزوح: أجل مستشفى خاص ..
تركي ابتسم : ماعندي الاغلا وحده ترى ..
سعود : ههههههههههه الله يسعدكم ..
تركي : جزاك الله خير .. سعود بغيت الدكتور ..
سعود: تعبان شي ..
تركي : لالحمدلله .. بس بغيته ..
نادته سعود الدكتور اللي جا وبلغه تركي انه خلاص يبي يطلع الدكتور رافض
بالبدايه بس مع اصرار تركي وافق وقاله بيطلعه اليوم الثاني ..
راح الدكتور ..
سعود: منت بصاحي ..
تركي ابتسم: جزاك الله خير ..
سعود : الدكتور قبل شوي يخزني خز مهو بصاحي ولسان حاله يقول وش مقعدك هنا
ههههه ..
تركي : ههههههه ..
سعود : يله عن أذنك .. تامر بخدمه شي ..
تركي : تسلم يالنسيب ماقصرت ..
سعود: ماسوينا شي .. مع السلامه ..
تركي : بحفظ الله ..
بالمستشفى اللي فيه غلا وريوف ..
غلا : خلاص ماما نطلع ..
امها : ايه حبيتي .. الحين سعود يمر ..
منيره : طيب غلا الحين بكلم محمد يمرنا تروحين معنا ..
ام غلا : لاتكلمينه سعود الحين بيمرنا سوى وعاد انا بمر على الوالده واتحمد
لها بسلامه تركي ..
منيرة بابتسامه : الله يحيك ..
ام غلا: الله يسلمك ..التعديل الأخير تم بواسطة SOoΚaRh; 06-05-2011, 06:43 PM.تعليق
-
رد: وحشني شوف أصحابي وربعي والغلا مستور / كاملة
ببيت أبو تركي ..
بمجلس الحريم ..
كانوا سوالف الحريم كلهم .. وناديه تطالع ب غلا .. اللي قاعده بجنب أمها
وماسكه عبايه امها لان امها رفضت تنزل العبايه لان سعود مستعجل حيل دق جوالها
..
أم غلا :هذا سعود الحين بطلع له .. بس حبييت اتحمد لك بسلامه تركي ..
أم تركي : الله يسلمك .. لو قعدتي معنا شوي ..
أم غلا: تسلمين والله .. أهم شي تطمنت عليكم ..
نادت منيره عشان توصيها على غلا ..
منيره ابتسمت : ولايهمك بعيوني ..
ام غلا: تسلمين يالغاليه ..
وطلعت ..
ناديه قعدت تطالع ب غلا .. انتبهت لها غلا وخافت ..
غلا بصوت واطي : ريوف تعالي ل غرفتي ..
ريوف : شفيك ؟
غلا: امشي وبعدين بقولك ..
قاموا وطلعوا ..
ناديه : الحمدلله صدق ان تركي الله يعافيه ماخذن بزر ..
رهف : ليه ان شاء الله ؟
ناديه: قاعده قبل شوي تمسك عبايه امها كأن أحد بياكلها ..
رهف : طيب أمها عادي .. بعدين أبعدي عنها ..
ناديه بحقد : ان شاء الله يطلقها ..
منيره : ياناديه أذكري الله .. البنت ماسوت لك شي .. وبعدين امها موصيتني
عليها .. بالله خليها بحالها .. كفايه اللي فيها ..
ناديه : ميتين عليها مدري وش فيها من حلا ..
دخلت ام تركي وجهها مستبشر ..
رهف : يمه وين كنتي ؟
أم تركي : سلمت على سعود .. وقال لي ان تركي بيطلع بكره ان شاء الله ..
فرحوا خواته بهالخبر فرحه خياليه ..
بالرياض ..
ببيت خالد وعهد ..
عهد : خالد ترا بكرا الكل بيتعشون عندنا ..
خالد : الله يحيهم .. فيه شي ناقص ..
عهد : ماعرف شي خالد .. مدري وشهو اللي ناقص ومو ناقص ..
خالد ضحك : ههههههههه جد .. وين تركب ذي .. عهد بيتك ماتدرين وش اللي ناقص
ومو ناقص ..
عهد : مدري ..
خالد : طيب بكرا نمر على أي محل للحلويات ونأخذ كل تبينه .. ونكلم أي مطعم
بالنسبه للعشا ..
عهد : الله لايحرمني منك ..
خالد : ولامنك ..
عهد : خلودي بنام ..
فتح خالد عيونه زود : تنامين الساعه ولاجات حتى على الثامن ونصف ..
عهد : والله تعبانه ونعسانه حيل ..
خالد : طيب خلي أجيب عشا وتعشي وتالي نامي ..
عهد وهي تتغطى باللحاف : لامابي .. أهم شي صليت العشا ..
خالد وهو يجلس وراه : تعبانه ؟
عهد : شوي أحس أني متضايقه ..
خالد : يحفظك ربي ياعمري شاللي مضايقك ؟
عهد لفت ل خالد ودفنت نفسها ب حضنه وقعدت تبكي ..
خالد خاف عليها : عهد شفيك ؟
ماتكلمت فرغت الخوف والهم بأحضانه ..
خالد : بسم الله عليك ياعمري شفيك .. تونا نضحك ونسولف شفيك ياعمري ..
عهد : خالد أنا خايفه ..
خالد رفع حاجب : خايفه ؟ من أيش ؟
عهد قعدت تبكي قعد يهديها ويسمي عليها .. ألين هدت ونامت ..
قام خالد غير ملابسه ونام هو الثاني ..
بابها ..
ببيت أبو تركي ..
بالليل الساعه 12 ..
نامت غلا مع حمواتها وريوف ..
قامت غلا من النوم متروعه ..
منيره : بسم الله عليك شفيك يمه ؟
غلا تبكي : تركي .. تركي ..
منيره : تركي طيب ياماما بس هذا الشيطان يروعك ..
غلا تحط يدها على وجهها وتبكي : يخوف الحلم يخوف ..
منيره : بسم الله عليك .. لاتخافين .. مادقيتي وتطمتني عليه قبل ماتنامي ..
غلا تمسح دموعها بقفا كفها: الا ..
منيره : خلاص أجل تطمني .. وتعوذي من ابليس تبين تصلين ركعتين عشان تهدين ..
هزت غلا رايها بمعنى أيوه ..
قامت معها منيره وضت وصلت وكأنها هدت ..
منيره وهي تغطيها :تعوذي من ابليس ونامي ..
مانامت منيره الا لما تطمنت أنها نامت ..
اليوم الثاني المغرب ..
أبو تركي سوى عزيمه كبيره بمناسبه سلامه تركي ..
غلا: تركي بالمجلس من العصر وانا للحين ماشفته قهر ..
ريوف : ايوالله .. بس تدرين شكل مالنا امل الا بعد مايروحو المعازيم ..
دخلت رهف للمطبخ : بنات جهزوا الشاي والقهوه للرجال ..
غلا: هذي هي جاهزه ..
رهف : محمد يبيها .. يقول الناس كلهم صلوا هنا جماعه ..
غلابقهر : سخافه يعني مافيه مسجد يصلوا فيه ..
رهف: هههههههههههههههههههههههههههههههه شكلهم مايبونكم تشوفوه
ريوف: طيب متى راح نشوفه ..
رهف تبي تقهرهم : أنا الحمدلله شفته وسلمت عليه .
غلا ابتسمت غصب : لا ..
ريوف: يقالي تقهرنا ..
رهف أخذت الشاي والقهوه عشان تعطيها للعيال وهي مبتسمه : شفته ..
ضحكوا البنات .. وطلعت رهف ..
غلا بضيق: ليه كل ماسأل أحد يقولوا زين ومايعطوني أي تفاصيل ثانيه .. تصدقين
حاسه تركي مهو بزين مره ..
ريوف: لا ان شاء الله .. بس أكيد مشغولين أنتي شايفه الناس اللي جاو وبعد
ماجاو كلهم ..
غلا : حتى لو كان على الاقل يطمنونا ..
ريوف : خلاص عاد فليها ..
غلا تمسح دموعها : تعالي نروح أكيد أمي وخالاتي وجدتي جاو ..
ريوف : يله ..
الرياض ..
ببيت عهد وخالد ..
كانوا كل العايله متجمعه عندهم ..
بالمطبخ ..
خالد متسند على الجدار : وجهك متغير بقوه ..
عهد جات عنده وحطت راسها وجسمها على صدره : أحس أني هلكانه تعب .. ودايخه ..
خالد وهو حاط يدينه على ظهرها : خلاص خلي نروح للمستشفى ..
عهد تروعت : لا .. لا ..
خالد يطالعها بتدقيق أكثر : ليه ؟
عهد : لا مالي خلق ..وبعدين الكل هنا ..
خالد : بكره نروح ..
عهد : لا ..
خالد : عهد ..
عهد تطالعه : ها ..
خالد : بكره نروح .. لاتخليني أحطها براسي ونروح الحين ..
جات ب ترد دخلت أمها وخالتهم رنا وأم خالد .. أنحرجت عهد من أمها
وخالاتها.. خاصه أنها كل جسمها على خالد .. وخرت عنه ..
ضحكوا عليهم ..
أم عهد بابتسامه: الحين تاركه ضيوفك وقاعده مع خالد ..
أم خالد : وهو زيها ..
حمر وجهها وخالد انحرج ..
خالتهم رنا : ماعليكم منهم .. عهد وجهك مصفر وذبلانه ..
ارتبكت عهد : أنا لا نفس ماأنا خالتي ..
خالد وهو يسحبها لحضنه ولاهمه أحد : شفتي .. حتى أنا ياخالتي أقول لها بس
تقول لا ..
خالتهم رنا : طيب روحي للمستشفى .. اكيد فقر دم ..
أم عهد : بكره أنا بوديك ..
عهد : لايمه ..
خالد : لاياخالتي خليها لي أنا ..
أم خالد : وجهها من أول ماجينا مهو عاجبني ..
خالد بضيق وهو يلمس شعرها : من قبل أمس يمه وهي تعبانه .. بس البارح زاد
عليها .. واليوم شوفي زاد التعب ..
أم خالد : خلاص أجل روحوا الحين ماعليك مامن غريب ماغير حنا وخالاتك وجدتك ..
زوجات خوالكم ماجاو ..
خالد : أوكي .. يله عهد البسي عباتك على ماجهز السيارة
عهد تطالع فيه وبرجا : تكفى خلودي مالي خلق الحين ..
خالد أخذ نفس : لا الحين ..
عهد : خاله رنا قولي له ..
رحمتها خالتها : خلاص خالد بكرا الصباح ..
خالد : بس خاله شوفي وجهها مصفر ..
خالته رنا: مالها نفس بالروحه والصباح أزين من الحين ..
خالد : لعيون خالتي والا بكره بنروح ..
عهد بوزت : طيب ..
خالد : هههههههههههههههههه أعشقك لا سويتي هالحركه ..
أم خالد : خويلد وجع ماتستحي منا ..
خالد : ههههههه .. يمه عادي ..
عهد حمر وجهها : خالد روح للرجال ..
خالد : طرده .. مردك لي ..
استحت عهد : خلاص خالد .. خذ القهوه ..
أخذ القهوه وطلع عقب ماجنن عهد ..
أم خالد : تعالوا نروح لامي ..
بالصاله ..
عهد : جدتي أبيك الليله تنامي معاي ..
جدتها ضحكت: مانسيتي ..
عهد : لا طبعا ..
جدتها : خلاص .. لكن ماعندي ملابس أغيير بها ..
عهد ابتسمت : عندي لك ملابس ..
أم عهد: من وين ؟
عهد : نزلت السوق وشريت لي ولجدتي ..
ابتسمو خالاته وامها .. معروفه عهد بحبها لجدتها ..
عهد: وجدي ..
جدتها : تعرفينه مايجب يبات برا بيته وبعدين بيقعد مع أمك وخالاتك رنا وشهد
وعيالهم ..
عهد : يله .. أهم شي الليله بنام سوى ..تعليق
-
رد: وحشني شوف أصحابي وربعي والغلا مستور / كاملة
بابها
ببيت أبو تركي ..
الساعه عشر ..
غلا : أمي وجدتي عنده بيسلموا عليه ..
ريوف: طيب خلي ندخل دام المجلس فضا من الرجال وخلاص راحو ..
غلا :لا .. يالله .. مرا خايفه ..
رهف : بنات ماتبون تسلمون على تركي راح مافيه الا الحريم ..
ريوف: غلا تقول خايفه ..
رهف : من أيش ؟
غلا : مدري .. بس بجد خايفه .. تدرين بشوفه وحدي ..
ضحكت رهف : ههههههههههههههههههههه قولي كذا ..
انحرجت غلا : لارهف بس أخاف لذلك أفضل اكون وحدي ..
رهف : طيب تعالي ريوف سلمي عليه ..
راحت ريوف ..
أول ماشافت ريوف خالها قعدت عيونها تدمع ..
كان جالس وكل عماته وخالاته وامه خواته وعمتها ام غلا وجدتها عنده ..
تركي أبتسم : ريوف تعالي حبيبه خالوا تعالي ..
راحت ل خالها و ضمته .. : خالي ليه كذا ..
كان تركي تقريبا كله مكسر وباين عليه التعب .. كان ماد رجله لانها مكسوره ..
ويده كلها عليها جبس ومربوطه مع رقبته .. من غير اللفه اللي على الرقبه كلها
.. والشاش الابيض اللي على الراس ..
تركي : الحمدلله .. لاتخافين ..
باست خالها على خده وراسه : ياليته فيني أنا ..
تركي : بسم الله عليك .. لاتفاولين على نفسك .. بعدين شوفيني كويس ..
أم تركي : أجل وين غلا ؟
ريوف وهي تمسح دموعها : بعدين بتشوف خالي ..
تركي يهمس ل ريوف : ليه وينها ؟
ريوف بنفس همس خالها : خايفه تقول لو بتدخل أكيد بترتبك ..
ابتسم تركي.. وبقلبه الله يعين ياغلا يعرفها حساسه .. أجل لو تشوفه كله
كسور..
راح الكل ..
وجا محمد ساعد خاله وراح لغرفته ..
محمد : تامر بشي خالي ..
تركي : سلامتك أبو حميد ..
محمد : يله عن أذنك ..
أم تركي : منيره وينها مرته أخوك ..
منيره : الحين بتجي بس أكيد على بالها محمد باقي فيه ..
أخذت منيره أمه وطلعت ..
دخلت غلا.. كانت مستحيه منه وخايفه عليه ..
تركي بصوته السمح لكن التعب مؤثر فيه : غلا تركي تعالي يمي ..
سكرت الباب .. وقفت وهي ماسكه يدها اللي الشاش الابيض لازال عليها ..
تركي : تعالي ماتبين تسلمين ..!!
غلا حطت اصابعهاعلى شفايفها ودموعها بدت تأخذ مجراها : الا ..
تركي : تعالي أجل ..
قربت لعنده وطاحت بحضنه وقعدت تبكي ..
تركي : أرفعي راسك ياعمري أبي أضمك تراي مشتاق لك مشتاق لانفاسك تعانق أنفاسي
أرفعي راسك ياغلاهم ..
حطت غلا راسها على صدرها وصارت تبكي من قلب .. وتركي خانته دموعه وبكا معها
ولمها أكثر لصدره..
علم اللي مابعد ذاق الهوى
درس >>لاضميتني<< والشوق ذاب
وعلم اللي في حياته ما انكوى
ويش معنى >>الضم<< من بعد الغياب
لكن الله جابك وصرنا سوى
ضمني يا لعنبو حي العتاب
غلا: بغيت أموت ياتركي بغيت أموت .. والله حياتي بدونك ماتسوى ولاشي ولاشي ..
تركي وهي يمسح دموعه ودموعها اللي أختلطوا بكفه : أنا عمري وحياتي وكل كلي
لك.. خلاص لاتبكين ..
غلا : تركي تدري قالوا أنك رحت خلاص .. اه تركي ذبحوني من الوريد للوريد ..
تركي: بسم الله عليك .. خلاص أنسي كل شي .. شوفوني معك الحين وهذا أهم شي ..
غلا كانت تشاهق ..
تركي : قلبي ..
غلا طالعته :ليه كل ماسألت قالوا طيب طيب ؟ وأنت كلك كسور .. يالله ..
تركي يطالعه ويبعد غرتها عن وجهها : أنا زين ...
غلا كأنها طفله : لامش زين .. وجهك مرا تعبان حتى صوتك .. وجسمك كله كسور ..
تركي بابتسامه: عمري .. حياتي ..
دفنت وجهها بحضنه ..
تركي: غلا ..غلوا .. حياتي ..
غلا رفعت راسها وقعدت تطالعه وهي تمسح دموعها : تدري ..
تركي ميت فيها : أممممممم لا وشو ..
غلا: غيابك تعبني كثير كثير ..
تصدق وإلا ما تصدق .. أنا عاجز عن التفكير
تعال وشوف في عينك غيابك وش عمل فيني
حبيبي ما بقى عندي صبر .. يتحمل التأخير
رحلت .. وعقبك الدنيا غلاها طاح من عيني
أجاوب اللي يسألني عن أخباري وأقول بخير
وأنا لا خير بغيابك .. ولا حاجه .. تهنيني
على طاريك كل لحظه .. ولا أحتاج للتذكير
حريص القلب ما ينسى عيونك , لا توصيني
محد يقدر يعوضني لأنك .. في حياتي غير
ومهما شفت أنا الفرحه .. بدونك ما تسليني
أنا حبيتك .. وهالغلطه حبيبي ما لها تبرير
علاقة حب مجنونه .. ما بين أحزاني وبيني
وكيف الحال وشلوني .. جواب ما يبي تفسير
بدونك إنت , ما تضحك حياتي وترمش سنيني
مثل شاعر عجز يوصف شعوره وخانه التعبير
أنا ضايع .. ولا أدري من غيابك .. أنا ويني
مثل طير كسر بعدك جناحه وما قدرت اطير
أحاول أبتسم وأنسى ولكن وش ينسيني..؟!
تركي : أنا أكثر وربي الشاهد كل لحظه مرت أتخليك فيها ..
غلا: طيب أبطلب منك طلب ..
تركي: أمريني ..
غلا: لاتتركني ثاني مره وتروح أنا وانت سوى أي مكان سوى .. طيب ..
لا تغيب عني وترحل ..
أضيع أنا لو تغيب..
أصلا حياتي ماتسوى إلا إذا أنت قريب..
عندي سؤال ونسيته...!
نساني زود الغلا..
نسيت أقولك إشتقتلي
.... ولا لا ....
أما أنا يالحبيب...
باين على بعيوني إني
[" أحبك"]
<و>
[" أحتاجك"]
<و>
.....["أبيك"].....
في غيبتك ياحبيبي..
كل الجوارح تناديك...
كنت < أخاف > أبين لك..
حناني ومشاعر قلبي...
تركي: من عيوني الثنتين .. بس دموعك لاشوفها تنزل .. حتى لو على شاني ..
بعدت عنه وجسلت على طرف السرير ..
تركي : ليه بعدتي ؟!
غلا وهي تمسح دموعها : بروح أغير ملابسي ..
تركي وهو يمسك يدها اللي ملفوفه بالشاش الابيض : كيف يدك باقي تعورك؟
غلا:لاعادي ماتألم ..
تركي : أن شاء الله بعد بكره نسافر للرياض بس مالقيت حجز بكره ..
غلا بوناسه : يعني بنروح بيتنا ؟
تركي ابتسم : أيه بنروح بيتنا ..
غلا: وناسه ..
تركي قعد يطالعها يحبه يموت بها وبراءتها ..
قامت تغير ملابسها .. شوي ورجعت ..
غلا : تركي تبي أساعدك عشان تغير ..
تركي : أيه ..
ساعدته عشان ييغير ملابسه .. وبصعوبه غيير ..
بالرياض ..
ببيت عهد وخالد ..
كلهم روحوا عشان جد عهد يبي يأخذ دواه وهو أصلن ينوم بدري .. أما جده عهد
وخالد ف نامت عند عهد وخالد ..
عهد : حلو ياجدتي الثوب ..
جدتها : أكيد دامها منك .. وين ثوبك ؟
عهد : بروح الين اتسبح والبسه وعاد أجيك ..
رفع خالد حاجب وطالعها ..
عهد : عن أذنك جدتي بروح وبرجع لك ..
جدتها : طيب ..
باس خالد جدته على راسها ويدها : تصبحين على خير جدتي ..
جدته : وأنت من أهله ..تعليق
-
رد: وحشني شوف أصحابي وربعي والغلا مستور / كاملة
بغرفه النوم ..
دخل خالد ومالقى عهد أكيد راحت تتسبح ..
أنسدح ينتظرها ..
بعد ربع ساعه طلعت ..
خالد : نعيما ..
عهد:الله ينعم عليك ..شرايك بالروب ..
خالد : يجنن دامه عليك .. كيف لقيتي لك ولجدتي نفس النوعيه ..
عهد : ههه أنا عهد ..
خالد : والنعم ..
عهد : ماعليك زود ..هههههههههه ..
خالد : شفيك تضحكين ؟
عهد : ولاشي ههههههههههههه ..
قام لها خالد وبهمس : شفيك ؟
عهد: ولاشي .. بروح لجدتي تأخرت عليها ..
خالد : طيب بأخذ دوش لا تبطين ..
عهد ( بقلبها هين خلودي ) : أوك ..
طلعت وهو راح يأخذ دوش ..
أخذ دوش وطلع بس مالقاها .. غريبه ..
راح لغرفه جدته لقاها قاعده تهمز رجول جدتها وتسولف معها ..
خالد : سلام ..
جدته وعهد : وعليكم السلام ..
خالد : أقعد معكم..
جدته : تعال ياميمتي ..
قعد خالد بجنب عهد على السرير ودزه بكفته وابتسم لها .. وقعد يهمز رجول جدته
مع عهد ..
نامت جدتهم وهو يسولفون معها ..
خالد بصوت واطي : يله جدتي نامت ..
عهد : لا مابي بنام عندها..
خالد بنفس صوته : والله أشيلك .. قومي ..
عهد : مابي بنام مع جدتي ..
خالد : وأنا ..
عهد: زيي ماكنت تنام قبل وحدك نام بس الليله ..
خالد بعناد وبتكرار : لالالالالالالالا قومي ..
عهد حطت كفها على خده : لا .. يله خلود روح لاتصحي جدتي ..
خالد : هين ..
قام ودنق وشالها وأهي ماقدرت تسوي شي ولاتصارخ عشان ماتصحي جدتها ..
وصلوا غرفتهم ..
عهد : أوف ..
نزلها خالد على السرير : عشان بتنامي معي أوف ياعهد..
عهد وهي مبوزه : لا .. بس أبي أنوم مع جدتي .. وحشتني ياخالد أبي حنانها ..
خالد جلس جنبها وقال برومانسيه: حناني يعني مهو مكيفيك؟
عهد استحت : لا مو كذا .. بس حنان جدتي غير ..
خالد :جد ..
عهد: والله ..
اخذ خالد الغطا وغطاها فيه وتغطا معها وضمها لصدره وقعد يقول لها قصه عشان
تنام ..
عهد : طيب وليه صار كذا ؟
خالد مبتسم : لان الذيب يبي يأكل ليلى ..
عهد : أها .. طيب كمل كمل ..
خالد : ماتعرفين قصه ليلى والذئب ..
عهد : أسمع فيها بس ماأعرفها ..
خالد : وعاد أنقذ الحطاب ليلى من الذئب .. وتوته توته خلصت الحتوته ..
عهد : طيب ليلى وين راحت لما أنقذها الحطاب ..
خالد : راحت لجدتها ..
عهد : أها .. ياحياتي طيب خلني أروح لجدتي شوف ليلى راحت لجدتها ..
أنفجر خالد ضحك ..
عهد : ليه تضحك ؟
خالد : لاني أبي انسيك النومه عند جدتي وأنتي الا تبين تروحين ..
دق جواله ..
عهد : جوالك يدق ..
قام خالد ..
شاف الرقم رفع حاجب ..
عهد : رد ..
خالد : هلا ..
عهد: رد ..
خالد أخذ نفس : هلا ..
فتح الباب اللي يفتح على البلكونه وطلع .. أستغربت عهد وقامت لها ..
خالد بعصبيه: هلا .. أنا كم مره أقول ذا الرقم لا حدن يدق عليه .. حتى ولو ..
لا .. لحظه .. لحظه ..
(حط يده على الجهاز) ..
خالد : فيه شي عهد ؟
عهد تطالعه شفيه قلب فجأه : لا ..
خالد بعصبيه: طيب ليه واقفه ؟ تراقبين يعني ؟
عهد تطالعه مستغربه : .............
خالد : وش هالنظرات ؟
عهد تنرفزت منه : أعصابك .. رايحه أصلن بنام .. كمل مكالمتك ..!!
خالد : طيب مفروض ماقمتي من الفراش .. أو بس تبين تسمعين .. كأنك شاكه يامدام
..
عهد طالعته بنظرات : اللي على راسه بطحا يحسس عليها ..
مسكها خالد مع يدها : شقصدك ؟
عهد : اي فك يدي ..
خالد مافك يدها : أول قصدك ..
عهد دمعت عيونها لانه شاد على ذ راعها مرا : يدي فكها والله تألم فكها ..
ماقصدي شي بس فكها .. اي فكها ..
خالد بعصبيه : طيب ياعهد نشوف بعدين ..
وفك يدها ..
سكرت باب البلكونه بقهر وراحت لجدتها ..
خالد كمل مكالمته : الف مره أقول هالرقم لاحدن يدق عليها .. ........ حتى ولو
.. مالي شغل .. والرقم الثاني وش فايدته .. ها .. ليه أجبيه للبيت
.. وش دخلك ؟ .. عهد لا تطريه على لسانك .. مالك شغل .. خلاص بكره تنفاهم ..
وسكر الخط بعصبيه .. فتح باب البلكونه لغرفتهم .. بس ماشاف عهد .. انقهر ..
ليه عصبت عليها .. طيب هي مالها ذنب .. الحركه ماكان لها داعي ..
راح لغرفته جدتها بس لقى الباب مسكر .. ضاق صدره ..
.
.
.
بأبها ..
ببيت أبو تركي ..
بالذات بغرفه غلا وتركي ..
الساعه 2 الفجر ..
فزت غلا من النوم وماغير تبكي وتشهق ..
تركي فز : غلا .. غلا ..
غلا كانت تبكي وهي حاطه يدها على فمها وتشاهق ..
تركي تسند على يده اللي مش مكسوره وقعد : غلا بسم الله عليك تعالي حبيتي ..
كانت بس تبكي .. وهي على طرف السرير ..
أخذ تركي جهازه ودق على منيره ..
شوي الاهي جايه ..
دقت الباب ودخلت ..
تركي بضيق : منيره غلا بس تبكي ورافضه تجي عندي ..!!
راحت لها منيره : غلا شفيك ياماما ؟
غلا وهي تشهق : نفس .. نفس .. الحلم اللي البارح نفسه ..
منيرة : ياماما من الشيطان شوفي تركي هذا هو جنبك ..
تركي كان يطالع والصمت سيد موقفه ..
قومتها منيره عشان توضي وتصلي ..
عقب مادخلت غلا توضي ..
منيره شافت تركي يتبع غلا بنظراته وعيونه فاضحته تحكي خوفه ..
منيرة: لاتخاف .. بس طيحتك أثرت عليها ..
تركي : بس مو كذا ..
منيرة : صدقني ياتركي حلمت أمس كذا .. لاتخاف .. وخليتها تصلي والحمدلله
بعدها نامت ..
هز تركي راسه ..
طلعت غلا وعاد صلت ..
منيره وهي تمسك بيد غلا : نامي على جنبك اللي ماكنتي نايمه عليه .. وتعوذي من
ابليس حبيتي ..
غلا : طيب ..
منيره : تبي شي ياتركي ..
تركي : لاخلا ولاعدم ياأم محمد ..
طلعت منيره وصكت الباب ..
تركي : الحين ولاعذر تعالي نامي بحضني ..
(لانه قالها تعالي من قبل مايناموا ورفضت عشان خايفه تعوره)
غلا : بس ..........
قاطعها تركي : طفي النور وتعالي ..
تعالي نامي بحضني .. حرام ينام به غيرك
تعالي حطي همومك بوسطه .. واخذي افراحه
تعالي فدوتك قلب(ن) نبت به ورد من خيرك
تعالي ننسى هالعالم .. وننسى باقي جراحه
تعالي خلي انفاسي تعانق منك تصويرك
تعالي راسك بصدري .. والراحه على الراحه
تعالي خلي طيوري تعانق بالهوى طيرك
تعالي خلي أيامي معك بالحب مرتاحه
تعالي خلي العالم يصير اخر مشاويرك
تعالي واسكني قلبي .. وهاك اليوم مفتاحه
تعالي خلي الدنيا تزين بريح تعطيرك
تعالي نجعل الدنيا بريح الحب فواحه
أبي وانتي على حضني يخونك وصف تعبيرك
أبي حزن(ن) سكن قلبك أبدد باقي اشباحه
تعالي كل هالعالم أبد مافيه احد غيرك
بيستاهل دفا صدري وياخذ لحظة افراحهتعليق
-
رد: وحشني شوف أصحابي وربعي والغلا مستور / كاملة
راحت غلا لحضنه .. حطت راسها على ذراعه اليمين ..
ولع تركي الابجوره ..
تركي : قربي لحضني أكثر وأكثر ..
غلا : عمري ماحسيت بالامان قد هاللحظه ..
تركي : وعمري ماحبيت ولاراح أحب الا أنتي .. غلا ماأبيك ضعيفه كذا .. خليك
أقوى من كل المصايب ..
غلا: موبيدي ..
تركي: لا بيدك .. أبيك أقوى من كل شي ..
غلا: بحاول ..
تركي يقرص خدها بخفه : خوافه هالبنت ..
ضحكت غلا ..
تركي : يالب هالضحكه وراعيتها ..
انحرجت غلا ..
تركي لفها وصارت مقابله لوجهه : عندك خبر وبقولها للمره الالف أنك لا استحيتي
تجيني حاله غريبه ..
غلا: تركي ..
تركي : يالب أسم تركي من فمك ..
غلا أنحرجت : خلاص والله ابعد ..
تركي : ههههههههههههههه تهدييني عشان مكسر ماقدر أمسك لا تراي قدها ..
غلا : ههههههه
تركي قعد يطالعها فيها وهي خلاص انحرجت ..
أما غلا سبحان الله كيف قدر تركي يغير مزاجها بالحظات بمشاغبته لها وغزلها
لها بكل لحظه ..
بالرياض الساعه 4 الفجر ..
أذن للفجر ..
قامت جده عهد ولقت عهد نايمه جنبها ابتسمت .. وقامت وضئت .. وعاد صحت عهد ..
عهد : ها جده ..
جدتها: قومي وضي وصلي وصحي خالد ..
عهد : طيب ..
قامت عهد وضت للفجر ..
جدتها لفت عليها وهي على سجادتها : أمشي صحي خالد خليه يلحق الصلاه بالمسجد
..
عهد وهي تلف شعرها : أمممممممم ..
جدتها : أشفيك ؟
عهد: ولاشي .. بروح أصحيه ..
فتحت عهد غرفته جدتها وطلعت ..
وصلت غرفتهم وهي متردده ..
دخلت واخذت جهازها وطلعت بسرعه ..
دقت عليه .. مره .. مرتين ..
رد ..
عاد لما رد سكرت الخط ..
خالد طالع بالرقم ولقاها عهد انقهر ..
قام وضئ وعاد لبس ثوبه وغترته .. ومر على غرفه جدتها ولقى عهد تصلي وجدته ..
طلع راح يصلي ..
عهد نزلت للمطبخ عشان تعرف جدتها دايم تحب تتقهوى الفجر .. وسوت قهوه وقعدت
تجهزها .قالت للشغاله ..:أنتبهي للقهوه ..
وطلعت راحت تتسبح ..
تسحبت وعاد راحت لجدتها عشان تنزل معها للقهوه ..
جدتها : خالد جا ..
عهد: لا .. بيجي الحين ..
نزلوا بالصاله ..
عهد: جده بروح أجيب القهوه والفطور وأجي ..
جدتها : خلاص ..
شوي الا بدخله خالد ..
خالد: السلام عليكم ..
جدته : وعليكم السلام ..
خالد : كيف اصبحتي ياجده ..
جدته : الحمدلله .. البارح أخذت عليك عهد ..
خالد : هههههه يله سامح بس اخر مره .. الا وينها ؟
جدتها : بالمطبخ ..
قام خالد : عن أذنك جدتي بروح أساعدها ..
ابتسمت جدتها ..
دخل خالد للمطبخ وكانت عهد تحط الدله بالصينيه ..
خالد: سلام ..
عهد : وعليكم السلام
خالد وهو يطالعه وهي معطيته ظهرها : أساعدك ..
عهد: لا ..
خالد : عادي ترى ..
عهد سكتت ..
خالد قعد يطالعه وده يقرب بس بتصده .. والشغاله كانت موجوده ..
عهد: ودي القهوه للصاله ..
أخذت الشغاله وطلعت ..
أستغل خالد الفرصه وقرب لزق فيها ..
عهد : خالد وخر ..
خالد : أسف ..
عهد: ماسويت شي ..
خالد : الا سويت .. والله اسف ..
عهد داخت وهي بين يدينه ..
خالد بخوف : أشفيك ؟
عهد : ولاشي .. ولاشي ..
خالد : أسمعي بعد شوي بنروح للمستشفى ...
عهد سكتت ..
خالد : تعالي نفطر ..
وشال الصينيه حقت الفطور وطلعوا ..
بالصاله ..
عهد: هاجدتي اشرايك يالقهوه ..
جدتها : حلوه تشبه قهوه خالتك شهد .. عهد وجهك مهو لك (متغير)؟
عهد ارتبكت : أنا .. لا عادي بس مانمت زين بروح بعد شوي أنوم ..
خالد : لا ماهو من النوم أنتي صايره تنامي كثير ..
عهد وهي تفطر : لا تتوهم ..
خالد رفع حاجب : أنا أتوهم ..
عهد : أيه ..
جدتهم : صلو على النبي ..
خالد وعهد : اللهم صلي وسلم عليه ..
خالد : تجهزي بنروح سبعه للمستشفى ..
عهد : مالي خلق ..
خالد : جده شوفيها .. ترى تعبتني .. كل شوي دايخه والحين تقول ماتبي تروح
للمستشفى ..
جدتها : بتروح .. لكن أصبر عليها ..
خالد : صدقيني ياعهد الساعه سبعه لو مالاقك جاهزه مايصير خير ..
عهد: أوف .. نشوف ..
تنرفز خالد لكنه سكت ..
افطرو كلهم ..
جدتهم : بنام لي شوي ..
عهد: طيب أجل تعالي لغرفتك وساعدتها وطلعوا للغرفه .. غطت عهد جدتها وطلعت من
غرفه جدتها ..
كان خالد واقف مسكها من يدها .. ودخلها لغرفتهم وسكر الباب ..
عهد: فك يدي .. أنت ماعندك الا تمسك يدي ..
خالد مبتسم : ماعورتك الحين .. لاني مسكتك مع كفك ..
ورفع كفها وباسه ..
سحبت يدها عهد ..
خالد : بعد ربع ساعه تجهزي بنروح المستشفى ..
عهد: خالد بنام فيني نوم ممكن ..
خالد : طيب والمستشفى ..
عهد: أعطيتك ردي من قبل شوي ..
خالد بنبره تحذيريه: عهد الى الان وأقسم بالله ماعرفتي خالد .. خلينا حبايب
.. وخلي نروح للمستشفى ب طيب نفس ..
عهد : لا أمس شفتك ..
خالد : لا صدقيني ماشفتي شي ..
عهد: طيب خلاص صدقناك بعد بس أبي أنام ..
خالد عصب : لا .. تستئهزئين يعني .. شوفي أجل خمس دقايق وأنتي بالسيارة ..
عهد اعصابها تالفه وخالد قاعد يزودها عليها مو كفايه الهم اللي بداخلها : مو
برايحه فهمت او مافهمت ..
خالد سكت وراح فتح الدولاب وجاب العبايه : ألبسي الحين ..
عهد صارخت : موب لابسه ..
خالد قعد يلبسها غصب عنها .. فكت يده وقعدت تبعد العبايه ... خالد عناد فيها
خلاها تلبسها غصب ..
خالد حط أصبعه على أنفها : لاتتحدين ثاني مره .. وأرجع وأعيد وأزيد ياعهد
مابعدك عرفتي خالد ..
عهد هلت دموعها ..
خالد : شفتي دموعك ..منتي قدي ياعهد صدقيني ..
عهد حطت يدها على راسها وجلست على طرف السرير ..
خالد خاف عليها .. جلس عند رجولها : شفيك ؟
عهد كانت ساكته .. وتمسح دموعها ..
خالد :عهد طالعيني وقولي لي شفيك ؟
عهد :أنت اللي أشفيك علي ؟
خالد مسك يدينها ورق قلبه : عشان قلت لك وأصريت أننا نروح للمستشفى وأتطمن
عليك قلتي شفيك علي ؟ أنا خايف عليك .. كل شوي دايخه .. وجهك متغير ولونك
باهت .. وتبيني ما أضغط عليك .. من أول ماجيتي من الشرقيه مع اهلك .. على
بالك غافل عنك .. لا يابعدهم .. بس خلاص أنتي كل يوم والتعب يزيد عندك ..
انتي أكيد ملاحظه أن فيه أشياء كثيره متنازل عنها .. وساكت لانك مريضه ومابي
ازودها .. لاكن لكل شي حدود .. ولازم تروحين المستشفى ..
عهد: لاتقول عشان كذا .. أنت من عقب مكالمه أمس وأنت منعفس ..
خالد : واحد من الشغل مزعجني وبعدين أنا ماحبهم يكلموا بذا الوقت هذا وقتنا
أحنا انا وأنتي وأذأ كنا سوى ماأحب احد يقطع خلوتنا بأي شي كان ..
عهد طالعته وسكتت ..
خالد : والله أسف .. ومسكت يدك ماكان قصدي والله ..
عهد :........
خالد :طالعيني ..
عهد : خلاص بنام ممكن ..
خالد : بعد مانرجع نامي على راحتك .. بس طمني قلبك ..
عهد قامت معه ..
خالد : مالك نيه ترضين علي .. ترى والله ماتحمل زعلك والله ..
عهد :بزعل من الدنيا كلها بس منك ماعتقد ..
خالد بسرعه ضمها : والله أنتي حياتي ..
تعليق
-
رد: وحشني شوف أصحابي وربعي والغلا مستور / كاملة
بابها ..
ببيت أبو تركي ..
العصر ..
بغرفه غلا وتركي ..
غلا كانت تكلم امها ..
غلا: لا يمه ........ بس كذا ..
تركي قال لها قولي لها شوي ..
غلا: يمه لحظه ..
غلا : هلا ..
تركي : شفيه ؟
غلا: اليوم ملكه بنت خالتي وأمي تسألني بروح ..
تركي : طيب روحي ..
غلا: مابي ..
تركي : ليه ؟
غلا: كذا ..
تركي يطالعها وهي ترد كأنها طفله : والله ..
غلا: والله ..
تركي: هههههههه لاقلبي روحي عشان خالتك ماتزعل ..
غلا: بتزعل عشان ماأحضر ..
تركي : يمكن ..
غلا: مدري كيفها بس أنا ماراح أروح بقعد معك ..
وكملت مكالمته لامها ..
قعد تركي يطالعها وهي تكلم حتى سكرت..
تركي : أوه عنيده ..
غلا : ههههه لاعادي ..
تركي : طيب بتزهقين ترا ..
غلا : أزهق وأنا معك لا مستحيل ..
حست غلا ب لسانها واسكتت ..
تركي: هههههه فديت اللي يستحون .. لاتسحتين مني ..
كانت جالسه قابله وتلعب بيدها ..
كانت نظرات تركي ل غلا هي كلامه لها ذيك اللحظات ..
دق الباب ودخلت منيرة ورهف ..
منيره : ها كيفك ياتركي الحين ..
تركي : دام هالملاك معي والله حيل مبسوط ..
رهف : ههههههههههه حتى وأنت حالتك حاله ماخليت البنت بحالها ..
تركي : أعمى لو أسكت يارهف عنها .. بالله ماتلحس المخ ..
رهف : وأنا اشهد ..
منيره : تركي بس و أنت رهف احرجتوا البنت ..
رهف : صح نسينا .. يله تعال تقهوى معنا أنت وغلا ..
قام تركي بمساعده غلا ورهف ..
غلا وهي توثق له العكاز : كذا زين ..
تركي : أيه ..
بالمقلط ..
كانت بس أم تركي وبناتها رهف ومنيره وعيالهم ..
منيره : مابتروحين ياغلا ..
غلا وهي جالسه بجنب تركي ماصارت تحب تفارقه : لا
أم تركي : يابنتي خالتك بتزعل ..
غلا: عادي ..
تركي ابتسم وطالعها .. بادلته غلا النظرات .. مسك يدها طول ماهو جالس كان
يسولف من أمه وخواته ..
اليوم الثاني ..
سافرو غلا وتركي للعاصمه الرياض ..
ببيتهم ..
تركي : الله يحيك ..
غلا ابتسمت ..
تركي : هاشرايك بالبيت ..
غلا:يجنن مشالله .. ماتوقعته كذا كبير ..
تركي بحزن : هذي الفيلا كنت عايش فيها مع خالي تركي الله يرحمه ولما توفى
كتبيها باسمي ..
غلا : الله يرحمه وموتى المسلمين ..
تركي : تعالي نريح ..
غلا : طيب وين غرفه النوم ..
تركي : بالدور الثاني ..
غلا عقدت حواجبها : لاتركي ماينفع كذا .. أبي مكان مريح بالنسبه لك ..
تركي ( فديت اللي يخافون علي ) : وين طيب ..
غلا: فيه هنا بالدور الارضي غرف ..
تركي أبتسم : أيه .. غرفتي وانا عزابي ..
ضحكت غلا : أجل فيها شي وشويات ..
تركي : ههههههه لا تراني محترم ..
غلا : وين موقعها بالضبط ..
تركي : هذي هي ..
غلا : أوك .. طيب الحين بروح أنظفها وأرتبها ..
تركي : لاياعمري لاتعبين عمرك ولاشي .. فيه عندي شغلتين وحده من جنسيه عربيه
من عهد خالي تركي الله يرحمه والثانيه توني جايبها مع السواق ..
غلا : أجل وينهم ..
تركي : متعود لما أسافر اخليهم عند جيرانا أو عبدالله ورهف .. والحين هم عند
جيراننا .. أنا أصلن مكلم جارنا وخليته يرسلهم ونظفوا البيت ..
غلا: أها ..
طلع تركي جواله ودق على جارهم وسولف معه شوي وعاد قال له يرسلهم .. وفعلن
أرسلهم ..
بغرفه النوم ..
غير تركي ملابسه وساعدته غلا ..
غلا : الحين حبيبي نام الين يأذن للظهر ..
تركي خق معها : وش قلتي ..
غلا حمر وجهها : ها ..
تركي : بالله هالكلمه لاتفارق لسانك .. والله هبال ..
انحرجت غلا وجات بتطلع ..
تركي يبي يستعطفها ..: أفا بتروحين ولا حتى بتغطيني ..
غلا : ياقلبي مانتبهت .. ورجعت له بسرعه ..
وغطته .. وضبطت حرارا الغرفه ..
تركي مسك يدها : الله لايحرمني منك ..
غلا: ولامنك ..
تركي : قربي ..
كانت غلا مدنقه وقريبه منه .. قربت منه أكثر ..
تركي باسها على خدها ..
تركي وهو بعده ماسك يدها .. : اجلسي معي ..
جلست غلا على طرف السرير وجلس يسولف لها ..ألين حست غلا أنه قرب النوم يغلبه
غطته زين وقعدت تطالعه ألين ماغلبه النوم ونام ..
طلعت من الغرفه بهدوء ..
بالمطبخ ..
غلا: السلام عليكم ..
المستخدمات : وعليكم السلام ..
غلا: شخباركم ..
أم سيد : الحمدلله ..
غلا كانت تطالع بالشغاله الثانيه اللي ماردت وابتسمت لها وبادلتها ..
غلا تعرفهم بنفسها : أنا غلا زوجه تركي ..
أم سيد : أهلا بيك ..
غلا : كيف نظامكم هنا مع تركي ؟
أم سيد : كيف يعني ؟
غلا أبتسمت : يعني النظام في البيت كيف ؟ ومع تركي بالذات ؟ هو يأكل بالبيت
أو شلون ؟ متى يرجع ؟
أم سيد : أهو يصحى الصبح بدري الساعه 7 ونصف وبيروح لشغله مابيفطر .. وبيرجع
الساعه 3 وبينام الين الساعه خمسه وبيقوم يروح للمسجد يصلي المغرب ومابيرجع
الا الساعه 10 او 11 وبيرجع ينام ..
غلا : نظامه غريب .. مايأكل بالبيت أبد ..
أم سيد : لا مايأكل ..
غلا: طيب خميس وجمعه ..
أم سيد : ينام الين الساعه 10 الصباح غالبا ويقوم يلبس ويطلع .. وبعض الاحيان
يسوي الفطور لنفسه مايحب أحد يسوي له ..
ابتسمت غلا ..
غلا : أوك .. طيب الحين الساعه 10 .. وبصراحه مالي ذيك الخبره في الطبخ وأبي
مساعدتكم ممكن ..
أم سيد أبتسمت : طيب بتعرفي تعملي ايه ؟
غلا: حلا وفطاير وشغلات بسيطه .. بس أشياء كذا دسمه ماأعرف كثير ..
أم سيد : خلاص ياست غلا بدك اليوم تتعلمي ..
غلا: أوك .. بس قبل بما ان الوقت بدري على الغدا بسوي حلا حتى العصر بس
مادري كل شي موجود ..
ام سدي: نشوف الادوات وأذا مافيه نجيبها ..
لقتها كلها موجوده ..
وقعدت غلا تسوي حلا وجهزته وحطته عاد بالثلاجه ..
غلا: بروح أخذ لي دوش وتالي أجي ونسوي الغدا ..
ابتسمو لها ..
أخذت غلا ملابس لها لان الشنطه حقتها كانت بالصاله وسألت المستخدمات وين
الحمام غير اللي داخل الغرفه اللي تركي نايم بها .. وعاد راحت تسبحت ولبست
بنطلون جنيز برمودا وبلوزه كيوت رصاصيه وعليها رسمات .. وسوت شعرها جديله
وحطت قلوس وكحل .. ورشت عطر ..
طالعت بساعه جوالها لقت الساعه 12 الا شوي .. ومع تنزليها جوالها سمعت الاذان
..
دخلت الغرفه بهدوء ..
جلست عند راس تركي ..
غلا وهي تمسح على راسه : تركي ..
تركي : ........
غلا: تركي ..
فتح عيونه ببطئ تركي وباين عليه أنه تعبان ..
غلا : قلبي شفيك ؟
تركي يكابر : ولاشي .. أذن ..
غلا : ايه توه ..
تركي يطالعها وحط راسه على فخذها : .....
غلا خافت عليه : تركي والله باين عليك تعبان
تركي : شوي بس بأخذ الحبوب المهدئه للالم وبيخف ..
غلا : أوك .. الحين أبيك تأكل بس شي خفيف عشان مب زين تأخذ الحبوب كذا ..
تركي : أوكي ..
ساعدته غلا وقام وضئ وعاد فرشت له السجاده .. وطلعت ..
راحت صلت ..
وتالي راحت للمطبخ وأخذت له عصير وخفايف عشان الحبه الي بيأخذها ..تعليق
-
رد: وحشني شوف أصحابي وربعي والغلا مستور / كاملة
بالغرفه ..
دخلت ولقته جالس على السجاده نزلت اللي بيدها وساعدته وجلسته على الصوفا ..
وقامت جابت العصير والخفايف له ..
تركي يطالعها بأعجاب واضح : وش هالحلا .. حرام عليك خفي علي تراي منتهي كلي
كسور وانتي بتزوديها علي ..
حمر وجهها ..
غلا: بس تركي ..
جلست تأكله بيدها وتشربه هي العصير ..
تركي : مني برز ..
غلا : هههههه ماعليه توته بس من اليوم ورايح أنا المسؤله عنك .. تيب توته
(دلع تركي)..
تركي مبتسم: بس كذا راح اتعود ..
غلا ابتسمت : عادي ..
تركي : والله حلو ..
غلا: طيب كل قلبي عشان تأخذ العلاج ..
وقعدت تأكله .. وأهو مجننها كل شوي مسوي لها حركه تحرجها .. ويحمر وجهها وأهو
عادي عنده ..
غلا جابت له العلاج وأعطته حبه من الدوا .. وشربته مويه ..
تركي : ابي أطلع للصاله ..
غلا: من عيوني ..
تركي:تسلم لي عيونك ..
جابت غلا العكاز حقه ..
يوم الخميس ..
عرس دانه ونايف ..
كلمت غلا دانه واعتذرت بأنها ماتقدر تجي .. وشرحت لها وفهمت دانه موقفها ..
وحضر العرس عهد ومشاعل من الشله ..
أما ريوف بابها .. وشوق بالشرقيه ..
دانه كانت على أعصابها : بنات خايفه ..
مشاعل : ههههه أجل هذي اللي تبي تتزوج .. وبعدين لاتلوين على بطنك فضحتينا ..
عهد : خخخخخخخخخخ حرام ميشو والله ليله مرعبه .. خاصه أن دندون ماشافته
بحياتها ..
دانه : اخ وهذا اللي مخوفني ..
جات أم العريس : بنات الحين بيدخل المعرس ..
نزلوا البنات ولبسوا عبايتهم وتغطوا ..
ودخل المعرس مع أخو دانه وخوالها وابوها ..
نايف كان مستحي وخايف .. باس راس دانه أول ماوصل .. وجلس وعاد سلموا عليها
خوالها وابوها وسطام ..
سطام : الف مبروك دندون ..
دانه :الله يبارك فيك ..
أبو دانه مسك يد نايف : اعطيتك الليله شمعه بيتي ونوراه حياتنا أبيك تحافظ
عليها وتحطها بعيونك .. تراني معطيك الدانه ..
نايف وقف لعمه : بمحاجر العيون ..
ابو دانه : وهذا العشم ..
طلع الكل مابقى الانايف ..
طلعت أم دانه وأمه وجداته وجده دانه .. وقريبات نايف ..
نايف : يمه الساعه 1 ابي أطلع ..
أمه بغيره لانه وحيدها : لاحق ..
جدته أم أمه : أم دانه نايف يبي يطلع ..
ابتسمت ام دانه وقالت لهم يجهزو الزفه ..
وانزفت دانه ونايف ..
بالفندق ..
نايف كان جالس قبال دانه ..
نايف : شخبارك ..
دانه وهي تطالع المسكه : تمام ..
سكتوا شوي .. وكل واحد منهم مستحي من الثاني ..
نايف : بروح أشوف العشاء ..
وطلع ..
دانه أخذت نفس عميق : اوه أخير ..
وقامت بسرعه غيرت ملابسها وأخذت لها شاور ولبست روب هادي ..
أستغربت تأخر بس سكتت ..
كان جالس بالصاله .. عقب ماخلص من امور العشاء ..
تردد يدخل .. بس دق الباب ودخل ..
نايف : تعالي عشا ..
دانه ماعمره طالعت فيه ولاتعرف هالانسان كيف شكله لانها أول مرا بتشوفه
بحياتها .. قالت وهي منزله راسها : أوك ..
على العشا ..
نايف: كلي ..
دانه وهي تحرك الملعقه بالصحن : أكلت ..
نايف وده يمعن النظر فيها بس هي منزله راسها وشعرها القصير مغطي على وجهها ..
نايف : طيب على الاقل قطعه حلا ..
دانه : بس شبعانه ..
نايف : عشاني ..
دانه ( بقلبها متى المعرفه ) : بس ..
نايف ابتسم : عشاني .. بس هالقطعه ..
أخذت دانه القطعه ومانتبهت وهو خاق يطالع فيها البنت حلوه طاحت القطعه
بالعصير ..
ضحكوا اثنينهم ..
نايف : يله خذي هذي ..
أخذتها وهي ماسكه نفسها لاتضحك عاد أهي خلقه ضحوك ..
أكلت شوي وقامت ..
قام نايف معها ..
بالغرفه كانوا ساكتين ..
نايف :أحم ..
ماطالعت فيه ..
نايف : ممكن نتكلم ..
دانه : عادي ..
نايف ابتسم : طيب بما اننا تزوجنا كذا ولا شوفه ولا ملكه ولاخطوبه أشرايك
نعرف بعض بانفسنا ..
ابتسمت دانه تذكرت المدرسه لما تجي مدرسه جديده تقعد تعرفهم بنفسها وهم زيها
..
دانه: أوك ..
سكتوا كل واحد منتظر الثاني يبدء ..
نايف: ابدي ..
دانه : ابدأ أنت ..
نايف : ههه ..أنا نايف ..
دانه : وانا دانه ..
نايف : وعمري ..... والا اقول خلي الاعمار ..
ضحكت دانه ..
نايف : وحيد ماعندي اخوان ولاخوات ..
دانه : بس أناو اخوي سطام ..
نايف : اشتغل مدرس بالمرحله الثانويه والسنه هذي أول سنه لي ..
دانه :طالبه ..
نايف : طيب تخصصك ..
دانه : مدري مافكرت لاني الى الان ماسجلت..
نايف : علمي أو أدبي ..
دانه : لاطبعا أدبي ..
ضحك نايف ..
طالعته دانه وه وش ذا الخقاق يدنن .. أوف مشالله يجنن ..
نزلت عينها بسرعه أول مالمحها .. بسم الله عليها حلوه من قلب ..
نايف : نكمل نعرف بعض .. اناأجتماعي وعندي أصدقاء كثير .. بس أقربهم واحد
اسمه مشاري .. ودايم أنا معه ..
دانه : زيك .. وعندي خمس صديقات .. وكلهم مرا قريبات بس يمكن عهد أقرب وحده
لي ..
نايف (يالب قلبها اللي زيي ياناس) قعد يطالعها .. وكسر حاجز التوتر لما مسك
يدها وباسها .. وقرب منها أكثر وأكثر حتى صار لاصق جنبه بجنبها نايف بصوت
رومنس : دانه ..
ماردت ..
نايف بنفس النبره : دانه ..
دانه : سم ..
نايف حط يده على خصرها فزت دانه ..
نايف ضحك .. بنفس الوقت أستانس البنت حياويه ومجرد مالمها فكت منه .. وهذا
يطمنه ..قام لها ..
دق جواله .. تأفف ..
نايف وهو ماسك يدها: أحد يدق هالوقت ..
وطلع جواله من جيبه لان مانزل ثوبه : امي تدق ..
دانه تلقائيا : رد ..
نايف ابتسم : من عيوني ..
ورد ..
نايف : هلا يمه .. أشفيك ؟ .. أجيك الحين يمه ......... خلاص الحين بنجي ..
سكر نايف ..
نايف وهو يدخل جواله جيبه : أمي تقول مريضه ..
دانه ماترددت ولو للحظه : طيب خل نروح لها ..
نايف : يله ..
لبس شماغه وأخذ أغراض دانه والفستان حقها وطلعوا ..تعليق
تعليق