بلا رقيب / لعاشقه ديرتها ، كاملة

**Loli.** · 07-09-2011, 12:39 PM

رد: بلا رقيب / لعاشقه ديرتها ، كاملة

((15))

[..نحرت مبادئي ..]

ميشو

ظربت بكافة معتقداتي عرض الحائط .. ورضيت بالشوفه كما أسمتها لي ضحي .. أي الجلوس امام الرجل الخاطب لي .. ليتأملني ويدرسني دراسه شامله ليقرر هل أنا مناسبه لأكون زوجة خانعه له ...
فعلت فقط ذالك هربا من خلف الذي لن يرضيه سوى انهى حياتي ...
بت يائسه لأملك سوى هذا الحل الزواج للهرب ... بالتأكيد خلف لن يستطيع ان يقتص مني ابدا بعد أن أصبح زوجه لرجل اخر ...
أجل انا لم أخطأ حينما اخترت هذا الخيار ابدن لم أخطأ .. هذا الزواج ليس سيئا ابدا ... سأصبح بحمى رجل
... ليحرم على الأخر حتى التفكير بايذائي ...
مهما بررت لنفسي لن اسامح ابدا من تسبب بكل هذا ...
.. تبا لك من والد .. دمرت حياتي بحياتك ومازلت تدمرها حتى بعد مماتك .. تبا لكم جميعا من رجال ..
ولك خاصه يامن تقبع خلف قضبان السجن من تحت يداي ...
عدت لأرض الواقع أي ارض هذا المجلس ... لأجد نفسي كضيف ثقيل هذا المكان ...
سحبت نفسي ساخطه بدون أذن ..... هل حقا سأتزوج ذالك الرجل ... الذي لم يرفع عينه إلي ولامره واحده ... هل طلب حقا رؤيتي ام أنا من اقتحمت عليه المجلس عارضه نفسي عليه ...

((16))

[..دور الأخ ..]

مالك

طول الجلسه وأنا ماني مرتاح ماتعودت أكون أخو ... لا وأخو لوحده مثل هذي الله المعين بس ...
اول ماطلعت وسألت الرجال عن رأيه كتقليد بس ...ماتوقعت ابد أي رد غير الرضى ...
بس التردد اللي وضح عليه صدمني معقوله بيقول أنها ماعجبته ... وفعلا قالها بس بطريقة اكثر تنمق وأحترام ...
غصب عني سويت نفسي متضايق وماني راضي اسمع منه وسمعته كم كلمه والضحكه خلفهم متخبيه ...
الحمدلله لك يارب أموري مره متيسره .. ورفضك ياميشو رفضك وين اللي نافخه ريشها ومحد قدها ... وكأنها ملكه وتنازلت تجلس مع باقي الشعب ...
اه بس ودي اشوف وجهك لما يوصلك الخبر ... لكن للأسف مضطر ءأجل هالرغبه اللحين ..
لين انفذ كل بالراسي
رفعت جوالي بأبتسامه خبيثه ماني قادر اكبتها ودقيت رقم أختي الكبيره .. ضح ضح على قولت البزره عهد مادري وعد ...
اول شي وصلني تأففها غريبه خوات ذولي عليهن نفسيات شينه الوحده مو طايق نفسها حتى كيف عايشات ذولي ...

((17))

[.. دور الأم ..]

ضحى

اول ماشفتها بعد ماطلعت من عنده سألتها ولكن ماردت علي الا بنظرة قهر طيب وش اللي جابرك يأختي ...
دق مالك اخوي اللي أحسه بجد خطأ مأدري كيف فعلا هو أخوي ... رديت عليه وقال أن الرجال موافق وبكره الملكه وبيسافرون ... سألته اذا هو صاحي ... قال ان هذا اللي عنده واذا هم رافضين يقولون وهو احب ماعليه يوصله للرجال هالكلام ... قفلت منه وأرسلت وعد تقول لمشاعل هالكلام لأني مالي خلق أي نقاش معها ...
رجعت تقول أنها موافقه بس ...
وعد :انا مو موافقه .... اختك هذي انجنت اول مره اسمع وحده تزوج كذا .. مايكفي سارا .. أنا اعترض ..
نوف :وأنا اعترض ولاخلاص جاء لكم أخو جديد وماعاد تحسبون لي حساب
وعد :مصدق انت ان ذاك اخو ... ذاك المفروض يكون اخت وانت تكون أخو ...
ضحى :اوووف بنات والله مو ناقصتكم خلاص ريحونا من هرجكم اللي يعور الراس
...
وعد :طيب خلاص اوووف منكم ان شاءالله كلكم تزوجون مالي شغل فيكم بس لو تموتون ماراح اشتاق لكم مثل سارا ...لأنها هي الوحيده اللي كانت ماتبغى تزوج... بس انتن يالشينات ميتات على الزواج ...
سارا وسارا وسارا كفايه عوار قلب ذولي ليش مصرين يعورن قلبي ويذكروني بخطأي اللي ارتكبته بحق سارا
ليه تعجلت وظلمك ياسارا ليه مكتوب دايم عليك الظلم والقهر ...
ابعد ت موضوع سارا من راسي ... اللحين هالخبله كيف بتروح مع زوجها بكره بدون تجهيز بدون شي ..
ياربي والله مافيني اروح ولاأجي ...
ضحى :وعد ...
نطت وعد بسرعه ..
وعد :ايوه لو تكلمت سكتيني ولابغيتي شي على طول ناديتيني ...
طنشتها مالي خلق نشفان ريق ..
ضحى :شدون نادي مشاعل ...
شدن :ليش تقولين لها مشاعل عشانها بتزوج ...
ضحى :موناقصتك انتي بعد روحي ناديها ...
شدن :أوكي ياحلى ماما ...
وعد :تكفين يالبنت الباررره لاتابعين طيور الجنه ترى مخربه أخلاقك ..
ضحى :وعد اتركي شدون عنك ....
وعد :اوكي بس تنازلي لي عن نورا أربيها بأخلاقي الحميده ..
قمت عن سوالف وعد اللي تقفل المخ من كثرها .. ودخلت الغرفه انتظر مشاعل عشان اشوف وش يمديني أجهز لها وبكره بس زواجها ....
يكفي سارا طلعت من هالبيت بملابس ماتشرف ...
دخلت مشاعل علي وهي تكلم ..
مشاعل :حسنا ماذا لديك أيضا
ضحى :ليه انا قلت شي مو انتي جالسه تقررين واحنا ماغير نهز الراس وراك ..
مشاعل :ماذا هل تريدين ايضا أن تأخذي عن قرارتي المصيريه ...
ضحى :ابغى اساعدك تختارين ابس انتي ماسمحتيلي
مشاعل :لأني لست بحاجه لمساعدة واعتدت أخذ قراراتي بنفسي ... والان أخبريني ماذا لديك ...
تنهدت بالتعب وأن اقول وعد على مين طالعه ...
ضحى :كيف بكره بتروحين مع زوجك وأنتي كذا لتجهزتي ولاتضبطتي ...
مشاعل :أنا هكذا جاهزه لأريد أي تجهيز ..
ضحى :بس كذا مايصير وش يقولون الناس عنا ...
مشاعل :اووووه بربك ضحى توقفي عن التفكير بالناس والأخرين الا تهتمين بنا ابدا تفكرين بالناس أكثر من تفكيرك بنا ...
طالعتها مصدوووومه هذي تكلم عني أنا ..
مشاعل :من أجل الناس القيتي بسارا بين أنياب الحوش دون أي اكتراث لأمرها ...
قلت بتجاهل لأفكاري بالفتره الأخيره عن ظلمي لسارا ...
ضحى :سارا هي اللي أختارت هالطريق ورجاء حنا اللحين فيك ...
ردت علي وهي توقف
مشاعل :وأنا اخبرتك بأني قادرة على ادارة حياتي ولست بحاجه لأي مساعده من أي كان...

((18))

.. البنزين & النار ..]

مالك

اليوم بزواج البنزين والنار .. بكل سهوله اقنعت خلف اللي كان بحاله مايعلم فيها الارب العالمين وكله من تحت راسها
... بس انا اللي بدمرها ... هو اللي قتل بس هي اللي قررت كان مثل الأداة السهله بيدها ... هي اللي تحدتني وكان بتنتقم مني بس كل شي رجع عليهم هم ..
خلهم بس يتزوجون حسب خطتي ويشوفون بعدين وش يصير ... بتشوفون مالك لو خطط وش يقدر يسويي ..
توقعها المتيمه العاشقه اللي رضت فيه وهو بالسجن ...ههههههه صحت بعد فوات الأوان وأكتشفت انها تحبه ماتوقعت ساذج لهدرجه ياخلف ... ولا أنا الأخ الوفي اللي رضى يضحي بأخته عشان اللي ينقال له أخوه من الرضاعه ... وبعد طلعت غبي ياخلف ... بس مالومك جلست السجن طيرت عقلك ياحمش ...
بعد ماجهزت كل شي الوكيل عن العريس والشيخ اللي بيملك لنا وانا الولي ... طلعت كرت العائله اللي فجأه طار منه أسمها كان مجدد قريب ومشيوله منه صورة أبوي بحكم أنه توفى ... بس وين مشاعل ......
كنت بنجن كل عقل فيني طار ...دقيت رقمها اللي حافظه اكثر من اسمي ...
ميشو :ماذا ...
مالك :ماذا اللي تشيل راسك الغبي وين اسمك يامتخلفه ولاأهلك مو معترفين فيك ....

**Loli.** · 07-09-2011, 12:40 PM

رد: بلا رقيب / لعاشقه ديرتها ، كاملة

((19))

.. لأول مره مخدوعه ..]

ميشو

كصاعقه نزل سؤاله على رأسي ... أسمي أجل اسمي الذي غيرته من اجل ان اخدع خلف ...ابتلعت ريقي
ميشو :لقد قمت بتبديل اسمي ...
مالك :من زينك انتي ووجهك تغيرينه ووش اسمك الجديد ياهانم
أجبته بعد تررد لأعلم لماذا اتردد كل شي انتهى واسم بلاهويه لم يعد يجدي ...لقد دمر كل شي بغبائه ...
ميشو: ريما...
مالك :طيب ياشاطرة أنزلي عشان توقعين على العقد وبسرعه ..
سألته بتردد
ميشو:هل ذالك ضروري ...
ولكن لماأسمع جوابه فقد قام بأقفال الخط ...
يألهي يسيطر علي الأرتباك هل حقا سأغاد مع ذالك الرجل بعد قليل ..
راقبت حقيبتي التي اعديتها من ملابس القليلة التي تبدو بحاله جيده من ملابس الجامعه ..وعدة قطع جيده وصلتني كهدايا من صديقاتي في فترة أختلاطي بهن ...
نزلت بسرعه خوفا من أن أكون قد تأخرت على مالك ...لم اعد اشعر اتجاهه بكثير من الحقد فقد انتقمت منه جيدا وأصبحنا متساويين بعيدا عن الأحقاد ...
وجدته ينتظرنه أمام باب المنزل الداخلي... قمت بتوقيع داخل الدفتر الذي كان يغطيه بيديه ولم اكد أرى سوى مكان توقيعي ...
مالك بسخريه :ألف مبررروووك ياعررووسه ...
شعرت بالسخريه في كلامه ولكن لم أهتم كثيرا فهو يبدو دوما بهد المزاج الساخر لاجديد ...
أخبرني أن انتظر مكالمه منه حينما يكون العريس مستعدا للمغادره ...

((20))

.. تخطيط الشيطان ..]

مالك

ريما وخلف لاكثير لايقين لبعضهم ...
بعد ماطلع الشيخ ... كنت متحمس اطير اخبر أمي بس مسكت نفسي شوي حبه حبه يامالك لتدمر كل شي بسرعتك ...
رغم أني انا اللي سعيت بهالعرس لكن والله ماأنت هيين ياخلوف زواج حتى وأنت داخل السجن .. هالرجال مأدري وش يصيبه لقلنا تزوج ينهبل وينسى كل علومه .. مأدري وين الضمير اللي كان يعذبه مات من سمع طاري العرس ...
... لا وهالمره العروس مشاعل العشيقه السابقه ... أنا مأدري كيف كنت أفكر فيها والله هالبنت تجيب تقزز ياليت سعاد أختي مو هذي على الأقل سعاد رغم كل عيوبها عندها قلب مو عديمة الأحساس ذي كتلة الجليد ..... بس هيين يامشاعل ياوجه النحس والله لرد لك كل اللي سويتيه فيني ...
رفعت الجوال بعد مادقيت رقم أمي .. وبالصوت كله فرحه للي بالراسي ..
مالك :وش أبشرك يمه ولدك تزوج ....شفتي عاد قايل لك ولدك هذا حتى قضبان السجن ماترده ألف مبررررووووك يالغاليه وعقبال مانحتفل بخرجته من السجن ...
بعد ماخلصت من نشر الخبر بقى نخبر العروس من عريسها ..هههههههههههههههههههههههههههههههههههههههههههه ...
لا لحضه لين يطلعون الرجال بعد مانعشيهم أخاف هالخبله لدرت تفضحنا بين الناس ...
رجعت لرجال وقلطتهم على العشاء ...

((21))

.. في ليلة الفرح غاب الفرح ..

وعد

قلت لخواتي اللي متجمعات بالصاله وساكتات ..
وعد :اللحين انتن مصدقات ان هذا زواج ههههههههههههههههه صدق مصخره على قولت أخوانن الكويتين ..
نوف :خخخخخخخخخخخ تصوري أنا بقاعه وفيه طق ورقص وردح غمضي عيونك وتخيلي وعيش جوووو
لا وسامري وحركات ....
غمضت عيوني بتصور مثل ماقالت لي نوف بس ماتصورت أي شي كان فيه بس لون أسود واشياء ذهبيه كأنها خطوط لارقص ولاقاعه ولاحتى ناس ...
صرخت بغيض
وعد :اووووووووووف حتى هذي مو ضابطه معي ماني قادره اتخيل وش هالفقر اللي أنا عايشه فيه ...
هند :توك تدرين أنك عايشه بفقر الحمدلله على السلامه ..
وعد :الله يسلمك وعقبالك بس أنا متأكده ان عشوقه بتخم القصه وأنتي ماوصلتي ...
وسكت قبل ماتصرخ ضحى فينا لأن وجهها تغير وخدودها انشدت لفوق وعيونها السرحانه تحركت من مكانها ..
بس اشوى رجعت تسرح وماصرخت علينا ..
وفجأه انفتح الباب علينا ودخل الدلخ مالك .ههههههههههههههههههههههههه الله يقرفه بدخلته ذكرني بمنير هو الوحيد اللي كان يدخل علينا كذا .. واللحين صار هالشين مكانه الله يقرفه ...
وعد :اووووووووووووف جاء وش تبي أنت ..
مالك :اوووف بعينك ... تعالوا خذوا عشاكم ...بسرررعه يالله ...
وعد :من قال أنا نبغى منك شي ..
مالك :انتي يافرخ أبليس أنطمي ..
وعد :يعني تعترف أن أبوك أبليس ..
مالك :هييي أنتي أنطمي اعوذ بالله من هالتربيه ..
وطلع وهو معصب .. والله بديت اشك ان أبوي رباه .ههههههههههههه مبارك على أخر الزمن يربي ...

هو طلع من هنا ..
وضحى صقعتني على راسي من هنا وطردتني ... قالت ايش ليه تكلمين مع أخوك كذا .ياربي تقهرين ضحى لسوت فيها أخوك وماأخوك وهي اصلا مو مقتنعه بكلامها بس مسويه بتربينا ...
طلعت اوقف عند باب الشارع ....
اشوى ماكان فيه رجال بس ولد أبليس هع هو قال كذا مو أنا... وعسافووووه ...
بس تصدقون اكتشفت ان عساف ومالك مايطيقون بعض ... ولاتقلون كيف ترى أنا ذكيه بس ماأقول ....
جوعانه بس ماراح أكل من اللي جابه ولد أبليس ... بس لو ماأكلت شدن ونوف ماراح يتركون لي حاجه ولالمفجوعه هند أكيد بتقضي عليه ... ايه خليهم يشبعون فيه اللي ماعندهم كرامه ... وش دخل الكرامه
اللحين هذا عشاء زواج أختي لازم أكل منه ولابتزعل مني ... مصدقه نفسي تزعل مني هي ولاتدري عن العشاء ولاغيره ...
اصلا مالي نفس أكل .. مشاعل بتروح مثل ماراحو سارا وشهد ... خايفه بلأخير ابقى انا ونوف لوحدنا .. وبعد يمكن نوف تروح وأبقى انا لحالي ....

**Loli.** · 07-09-2011, 12:40 PM

رد: بلا رقيب / لعاشقه ديرتها ، كاملة

((22))

[..سأحتفل بأحزانكم ..]

مالك

كنت انتظر عساف يطلع عشان أكلم الحلوه وأخبرها بالخبر اللي بيزلزلها بس الرجال ماهو راضي يتحرك ...
اصلا ماكان راضي عن اللي سويته ... بس كنت ماسك عليه انه ماييغى يساعد خلف .. وأن الزواج هذا افضل لمشاعل وفهمته وحلفت له أن الرجال بنفسه رفض مشاعل ... يعني نقول للبنت أن الرجال رفضها أو نزوجها خلف لو بالخداع أحسن ... وطبعا بالأخير كان لازم يقتنع بكلامي ولاماتضبط القصه أنتم وش رايكم ...
أصلا هو كان كل خوفه أن ضحى تزعل منه .. وماكان بيجي بس كان لازم يكون وكيل العريس ... ولابدونه ماكان بيكون عرس ....
وأخيرا قام ...
عساف:بروح داخل شف لي طريق ..
مالك :داخل وين
عساف :بشوف مرتي تعبانه من الحمل بشوف اللحين كيفها وترى من قبل ماتعرف خواتك وتشوفنه وأنا ادخل والكل يعرف هالشي ...
مالك :طيب لاتفتح لي محاضره ... لحضه اشوف لك طريق
عساف :اجلس مكان بس الف مره دخلت وهن متعودات على هالشي أنادي ويبتعدون عن الطريق ....
قلت له بتصريفه وانا مستعجب من كلامه توه يقول شف لي طريق واللحين يقول مايحتاج ..
مالك :طيب خذ راحتك ...
ورفعت الجوال خلاص لازم أقول لها .. مع أن خاطري اطلع واقفل جوالي واروح أنام وهي خلها تحترق بمكانها بس لا مأبغى أحد يبشرها هالبشاره غيري ...

((23))

.. الفاجعه ..]

مشاعل ..

أخذت حمام طويل وبعد أن خرجت منه وقفت أمام المراءه لأعلم ماذا سأفعل ليس لدي أدني استعداد لتزيين ...
لم أكن أحب هذه الصفه فيني ولكني كنت مرغمة على الضغط على نفسي والتزيين بالجامعه او ببعض المناسبات اللتي كنت أذهب إليها مع كريمة وسوسو ... كنت أفعل ذالك فقط لألفت الأنظار ... حينما كنت بالمدرسه كان لفت الأنظار يزعجني ولكني تأقلمت معه وأصبح أمر اعتيادي ... بعد ذالك حينما ألتحقت بالجامعه في ذالك المجتمع الكبير لم أجد لفت الأنظار الذي أكرهه ولكني تعودته .. فبدأ افعل المستحيل حتى أعود محط الأنظار كما كنت بمدرستي الصغيره ... لم يكن لون عيناي الجميل ولاحتى لساني الذي ينطق بالفصحى كافيا فبدأت بأرتداء ملابسي بطريقة غريبه ... وحتى الملابس التي تبدو عاديه أجعلها غريبه بغرابة أغلاقها كأن أجعل الأزرار بأماكن بعضها فيبدو شكل القميص ملفتا برثاثته ... ولن أنسى ذالك الوشم الذي وضعته أسفل كتفي بكل تهور .. وأبقيته كي أتذكر دوما ان لا أضحي بشيء مني حتى لو من أجلي ...
ابعدت المنشفه عن شعري المبلل وبدات بتحريكه وأنا كل حسرة على تضحيتي فيه وهذا درس أيضا ...
ولكن شعري سيعاود النمو وكذلك ذلك الوشم بعملية ليزر بأمكاني أزالته ... ولكن هناك أمور بالحياة لايمكن أعادة أصلاحها ... لن أفكر بذالك الأمر لن أفكر فيه ابدا يجب أن أبعد عن فكري والان بذات ليس الوقت المناسب للهستريا التي ستصيبني لمجرد التفكير فيه ... أنا لاأقتل .. أنا لأتسبب بموت أحد ....
أخرجني رنين هاتفي المحمول من أفكاري ... يالهي أنه مالك .. هل سيخبرني أن علي المغادرة مع ....... وأنا لم اتجهز بعد ...
بعد ان ضغطت على زر الأجابه وقبل أن اتحدث وصلني صوته ...
مالك :برسل لك مفاجئه حلوه الوسائط تشتغل عندك ...
لم أفهم القصد من حديثه ولكني أجبته بنعم ... ليغلق الخط وبعد قليل تصلني رساله منه ..
اممم ماهذا الصوره غير واضحه .. قمت بتكبيرها هذا عقد الزواج ... لما يرسل صورته لي .. بماذا يفكر هذ الأحمق .....
وانتفض كامل جسدي ... ماهذا مالذي يفعله أسمه هنا .. كلا ياربي لا ....
خلف خلللف أصبح زوجي .... يارب الأقدار ...رحماك ...

نهاية الحلقه
اتمنى ان تحوز على رضاكم

**Loli.** · 07-09-2011, 12:41 PM

رد: بلا رقيب / لعاشقه ديرتها ، كاملة

الحلقة الخمسين ..

((1))

..أنتظار ..]

سارا

لا أنا بستخف وين راح هذا اللحين له يومين مختفي يارب تستر ماني داريه وش اسوي بنفسي حتى الجوال اللي كنت معتمده عليه خلص شحنه وماني لاقه شاحن ودي اطلع اسوي شي بس مرعوبه احس لو طلعت بضيع بيصير لي أي شي احسن شي ابقى بالشقه لين قيس يرجع ... يارب يرجع يارب ...

((2))

.. أنفجار ..]

ميشو

لم أشعر بنفسي الا وأن انزل الدرج لأعلم حتى إلى اين ذاهبه ولكن برأسي أمر واحد فقط سأقتله ... أجل أنا من سيقتله ...
كنت اردد كلام لأعلم ماهو ولكنه بالتأكيد كل مأملك من مفردات بذيئه ....
خرجت الا المجلس حيث يجلس الحقييييير الواطي المتخلف ...
ضحك حينمارأني بسخريه وهو يقول :وش رايك بالمفاجئه ياريما ..
ميشو :سأقتللللللك ايه السافل واعلق عنقك على باب المنزل لتكون عبرة ...
لم اتم حديثي لأني فقدت سيطرتي على اعصابي وبدأت اقذفه بكل شي يقع تحت يدي وحينما لم أجد مأقذفه فيه... القيت بنفسي عليه .. وبدأت بظربه وهو لم يكن له رد فعل سوى الضحك الذي يثير جنوني ...

&

مالك

قهرها يضحكني يطيرني فوق السماء وأخيرا بديت اشوف اول بوادر انتصاري ...
كانت تظربني وأنا اضحك بس بعد مامصختها كتفت يديها على ظهرها ... وهي تصرخ وتسب بس كل هذا ماهمني ...
ميشو : ياقذر دعني .. صدقني لن أدعك تنجو بفعلتك .. اتركني والا اقتلعت عينيك ...
ضحكت من قلب وانا ارد عليها ..
مالك :قبل شوي كنت بتقتليني ...
وكملت ضحكتي .. بس بعد مارفستني ****** مع رجلي ... ضغطت يديها اللي مكتفها بقوه لين صرخت ..
مالك :شوفي ياحيوانه مو مالك اللي تقللين ادبك عليه وتظربينه .. ولاتزعلين كثير على زواجك من خلف لأنك ماشفتي شي هذا اول شي بس ...... باقي لو درى خلف باللي سويتيه ... تدرين اهون شي ممكن يسويه فيك انه يذبحك ...
صرخت بعد ماسمعت كلامي .
ميشو :انا لم افعل شيء عن ماذا تتحدث..؟
مالك :عن ماذا اتحدث ياحلوووه ... عن ايش ولايش المشكله ياحلوه انك مو مسويه مصيبه وحده الا مصايب ...
واللحين يا شاطره ممكن تقولين وش كل هالحقد على خلف ...
كنت أحسب انا المقصود من كل هالبلاوي بس طلعتي تقصدين خلف ...
سؤالي ليه ...
ظربتني مع رجلي وهي تصرخ .

ميشو :لاشأن لك هل تفهم ... انا لم افعل شيء انت تهذي بأمور تافهه ... خلف يعشقني وأنا لا أحبه هذا فقط الأمر ..
مالك :لا ياحلوه بغيت اصدقك بس المشكله اني عارف كل شي يامشاعل كل شي ...
ميشو :كاذب انت كاذب لم تفهم شي ولاتعرف عن ماذا تتحدث ....
نوف :هيييييي انت خلاص فك أختي ياحيوووان ...
رميتها على الأرض وطلعت وخليتهم ... هيين يامشاعل بتشوفين والله لتشوفين ...

((3))

.. أنكسار ..]

ضحى

بعد مانزلت مشاعل من فوق مثل المجنونه كلنا لحقناها ماندري وش سالفتها ... اجل بدال ماتنزل لنا عروس نازله مثل المجانين ... شفتها تدخل المجلس وتهاوش مع مالك وانا ماني فاهمه شي ...
بس شفت عساف يدخل من برى وهو يناظرني مثل اللي مسوي جريمه وخايف تنكشف ...
ياربي وش اللي جالس يصير ...
كان التعب هاد جسمي وماني قادره اسند طولي .. شكله لاحظ وضعي ومسكني يبغاني ادخل
عساف :تعالي أجلس وش موقفك هنا
ضحى :عساف تكفى قلي وش اللي صاير ..
عساف :ضحى والله مأدري وش تقصدين تعالي بس أدخلي داخل ..
نفضت يده عني .. وقلت بقهر ..
ضحى :أتركني وتنهدت بألم :ياربي متى برتاح أنا بس ..
شوي وطلع مالك من المجلس ونوف وراه تسب بالكلام مأدري وش تقول ..
بس مر من جنبي مالك قال ..
مالك :المفروض تحمدون ربكم أن خلف فكر يأخذ وحده منكن بس منتو وجه خير...
وطلع .. كلمته استنزف الباقي من قوتي حسيت اني بطيح على الأرض ... بس عسا ف مسكني
سألته وأنا ماني قادره اتحمل اللام اللي تراكمت علي
ضحى :وش يقصد ...
عساف :خلف تزوج مشاعل ....

((4))

..اسف لأني خذلتك سيدتي ..]

عساف

كنت انطق الكلام وأنا اشوف نهاية الصفا اللي انولد اليوم بينا ..وهي تناظرني وكأن كل ألم العالم فيها .. وكل خيبات الدنيا تراكمت عليها ... ليش ياربي يصير معي كذا .... ماقصدت أخونك والله ياحياتي ماقصدت ... بس خلف صاحبي ... كنت بين ناريين .. وهذي وحده منهم تحرقني ...
ألف كلمة أعتذار ماراح تكفيها .. هذي ضحى وياويلي من هالضحى ...
ابعدت يديني عنها وراحت تسحب رجولها للبيت ...
وأنا بداخلي اتحسب والعن بمالك اللي ورطني هالورطه الله ليربحك ياولد مبارك عساك لقرادة الحظ مثل ماقردتني ...
وبعدين مع هالحظ النحس انا وش دخلني بخلف ومالك وش اللي بلاني بكل هالموضوع .......

((5))

..لا أريد ان أفقدك ..]

ضحى

الألم اللي أحسه اسفل بطني افقدني أي مشاعر استياء كان ممكن أحس فيها ...
ماني قادره اغضب على عساف ... ولا أشفق على مشاعل وانعي حظها ..
كنت متألمه حد اللا سيطره مو قادرة اتماسك .. وغير الألم فكره وحده مسيطره علي بولد قبل شهري وبالشهر الثامن ...
وأنا عارفه جدا وش معني الولادة بالثامن ... حريم عايلتنا اللي تولد بالثامن دايم تفقد جنينها .....
بس شخص واحد ولدته أمه بالثامن ومامات وسط عايلتنا ... ولد جدتي .. ابوي ... مبارك
... كنت أتألم من هاللحضه لفقدانه ...
طفلي اللي تعبت فيه اقسى تعب وشفت الموت وأنا حاملته بفقده ...
بس ألمي الجسمي سيطر علي ونساني ألم الخساره ...
صرخت باللي حولي :بوووووولد ..

.. سأنقذك ..]

وعد

كانت ضحى تصرخ بولد وكل خواتي واقفات مايدرن وش يسوووون ... بس أنا كنت اعرف وش المطلوب مني
ركضت برى للحوش وماكان احد فيه اول مافتحت الباب ... كانت سيارة عساف تتحرك لحقته وأنا اصرخ وابكي ... وووووووووقف الله يخليك ووقف بس ماكان يسمعني ركضت وراه لين طحت على ركبي وأنا ابكي تكفى وقف ...
اه ياربي وش اسوي ... كنت اسمع صراخ ضحى وهي تتألم بأذني رجعت للبيت اركض مثل المجنونه مأدري وش اسوي ...
ايه تاكسي ... اخذ تاكسي بروح أجيب بس المسافه طويله طويله مررررررره ... فجأة شفت سيارة وجلست اقفز قدامها بوقفها لازم يوقف لازم .. ولا ضحى بتموت ...

**Loli.** · 07-09-2011, 12:44 PM

رد: بلا رقيب / لعاشقه ديرتها ، كاملة

.. دئما المنقذ ..]

بصعوبه قدر يسيطر على السيارة ولاكانت بتدعس المجنونه .... نزل معصب عليها بيذبحها من غبائها وش طلعها بوجهه بهاليوم ...
بس بكائها المفجع وقفه عن اللي كان بيسويه .. كانت تطلب منه يجي يأخذ اختها للمستشفى قبل لاتمووت ..
تكلمه وتسحبه معها للبيت ... بيسكتها بيقولها طيب بيركب سيارته بس ماهي معطيته فرصته ببكائها وكلامها اللي مو راضي يوقف ...
صرخ عليها :طيب خلاص بجي بس بجيب السيارة ... طلعوا أختكم بسرعه ...
وركب سيارته وحركها قدام بيتهم .. يومه طويل طويل جدا ماهو ناقص يكمله بالمستشفى اللي ماطلع اليوم منه .. بيوصلهم عند البوابه ويتركهم زين منه انه فكر يساعدهم..
بعد انتظار عشر دقايق اطلعن اربع حريم سود ووعد اللي ركبت قدام وطلبت منه يحرك بسرعه وخواتها للحين ماركبن ... بعد ماركبن ضحى بصعوبه ركبن بس ثنتين ووحده رجعت للبيت ...
فهم أخيرا وش سالفة شكل ضحى بتولد ...هو يعرف أنها حامل بس كيف عرف ماهو متذكر ...
حرك السيارة بسرعه وماحس بنفسه الا يوقفها قدام المستشفى ... رجع راسه على ورى منهك يومين مانام قمة الأرهاق اللي يمر فيه .. اول مانزلوا كل اللي بالسياره حرك وللشقته حتى بيتهم اللي كان رايح له عشان يشوف أبوه مارجع له لأنه خلاص مو قادر يستحمل أكثر الأرهاق اللي يحس فيه ... بس يبغى فراشه بيريح راسه من كل الهم والتفكير ...
كان يصعد الدرج بتعب ويحس الأرض طرية تحت رجوله والمسافه طويلة .. حاول يطلع بالمصعد بس كان خربان هو حاله كذا من سكنو هالعماره مصعدها يوم شغال وعشره خربان ...
جلس قدام الباب دقايق على بال مأستوعب انه عشان يدخل محتاج مفتاح .. وعلى مابال طلع المفتاح وفتح باب الشقه كان خلاص استنزف كل قواه ... كان جسمه مخدر ورجوله يصعب عليها المشي دخل وقفله الباب بقوه وتكىء عليه ... شافها واقف تناظر فيه بصدمه وشكلها كأنه طالعه من قبر ...
بس عقله كان خلاص مقفل الأمور اللي يستوعبها أمرين بس تعبان ويبغى ينام ...
سحب رجوله لين وصل الغرفه ورمى نفسه على السرير ومايحتاج يفكر أنه راح بأخر نومه ...

.. وكانت المفاجئه ..]

سارا

ياويلي شفته بعيوني والله بعيوني شفته يترنح سكران ... ياويلي هذا من تريقتي على كايد طلع زوجي هو السكيررر .. زوووجي مالت بس على حظي الغبي وش فرقة لو كان سكير يعني مو كفايه أنه الوحش ...
حسبي الله عليه اللحين لي يومين طايح قلبي مأدري وينه واخر شي يرجع سكران الحمدلله أني ماتعبت نفسي بالتفكير فيه لأنه مايستاهل ...
سحبت عشاي اللي كنت توي منزلته وعدلت جلستي عشان أقدر اشوف التلفزيون وأكل بنفس الوقت ...
اللحين فيه فلم فله رعببب ياي لو ملاك والبنات معي كان الفلم جنان ..
بدأ الفلم وكنت متحمسه حدي لما انتصف الفيلم وانتصفت الأثاره ... جاء موقف خلاني اصرخ من أعماق أعماق قلبي ... حسيت قلبي طلع من مكان ... كنت موووت خايفه اصلا انا خوافه ودايم استمتع بأفلام رعب لأني خواتي معي بس أنا للحين لحالي ... ماقدرت أكمله قفلت التلفزيون وركضت للغرفة اللي فيها الوحش فرشت لي فراش على الأرض ونمت اهم شي أحس معي شخص بنفس الغرفه لوكان هالشخص بحد ذاته وحش ... بس وحش تشوفه ولا عشره مستخبين لك ...
أول مأذن الفجر كنت صاحيه بسرعه شبعت نوم لأني كنت طول اليوم نايمه اصلا ماعندي شي أسويه غير
أنام ....
لما اذن الفجر بعدين أقام ... كنت أفكر اصحي قيس أو لا ... بس لا مالي شغل فيه ...أخاف منه ... مع أنه حرام مأصحيه .... بس اقنعت نفسي باللي اسويه وغطيت راسي ونمت بس والله تعذيب الضمير ماخلاني أنام كلش ولا العبادة .. ماقدرت أنام لين حسيت فيه يصحى ويطلع للحمام .. أرتاح قلبي ورجعت أنام ...

..سيبقى الهم رفيقي ..
ميشو

الوضع متأزم جدا ... وولادة ضحى متعسره ... يالها من ليلة طويله صعبه مليئة بالخوف المرعب ...
سؤال وعد الذي لم تنفك طول الليل تردده يصيبني بالرعب ماذا لو لم تنجو ضحى ..؟
ماذا سيحل بنا من بعدها ...
يألهي أرجوك نجها .. هي بأمس الحاجه إليك ... يارب ساعدها ...
يألهي لأريد ان افقد ضحى ..
بعد أنتظار طويل خرجت إلينا الطبيبه تخبرنا أنهم سيقومون بتوليدها قيصريا ...
شعرت بخوف شديد أنا لأفهم بهذه الأمور وليس لدي خبرة سابقه ولم أجرب ان يمر شخص قريب
لي بهذا الوضع ....
ولكن تاريخ ضحى مع هذا الحمل أخبرني أن الأمور لاتجري كما هو مطلوب ... وهذة العملية لم تجرى لها الا لأن حالتها سيئة ...
طلبت من وعد التي جعلت كتفي لها وسادة أن تبعد راسها عن كتفي او لتتحمل ماسيحل برأسها ...
ابتعدت بسرعه والفزع يسيطر عليها ...
وعد :وش صار ..
يألهي ماأقساني لم أكن اعلم أنها نائمه ...
هذا ليس وقت الحنان على وعد يجب أن اجري هذا الأتصال بسرعه ... ابتعدت قليلا عن شوق ووعد لأعلم لماذا لأريدهن ان يعلمن اني ساستنجد ب عساف من ماذا أخاف وخاصه أمام شوق المسالمه ووعد التي لم تعرف بعد الدنيا ...
ربما هو هروب من نفسي ومن ضحى الذي اراها تراقبني بعيني شوق ووعد ...
أخرجت هاتف ضحى من شنطتي بحثت بسرعه عن رقم عساف ولكني لم أجد اي رقم بأسمه ...
يألهي هل تحفظه ضحى بلقب ما ...
وماذا لو كان محفوظ على هيئة رقم فقط ... وماذا لو كان محفوظ بأسم والد شدن ...
بحثت بسرعه وكما توقعت وجدته محفوظ بأسم ابوشدن ...
اتصلت بسرعه فيه ورد بنفس السرعه رغم تأخر الوقت... قلت له ماعندي ... ولم انتظر الرد منه ...

.. لك دعواتي ..]

ملاك

من طلعت ضحى للمستشفى وأنا ماوقفت دعاء لها ... ياربي تستر ... طلع الصبح وللحين ماجانا خبر عنها .. والله بتجنني نوف وصياحها.. شدن ونوره ماسوو مثلها .. وتتهمني أني مو مهتمه للضحى .. بس ماراح أرد عليها لأنها بزر وزعلانه على ضحى .. لوقايله هالكلام وقت ثاني كان حاسبتها ...
ياءالله حنا بأيش وانا جالسه افكر بأيش ...
يارب سهل على ضحى ولادتها يارب ..

.. هل حان الفراق ..]

عساف

كنت طول الليل عيني على شاشة جوالي أبغى اتصل عليها ومتردد لأني عارف أنها ماراح ترد علي
بس مأدري المره هذي بالذات ماكان ودي اتصل وأنصدم بعدم ردها اللي واثق منه ..
لين فجأه مثل الحلم مر اسمها على الشاشه ...
كانت اصابعي تتسابق للضغط زر الرد .... ولساني قال الووو قبل ماينفتح الخط ....
بس صوت ثاني هو اللي وصلني ... بس غصب عني نطقت أسمها ...
عساف :ضحى ...
ميشو :كلا ... ضحى بغرفة العمليات ولادتها متعسره ... أرجوك لاتخذلها تعال هي بأمس الحاجه إليك ..
كذا بكل سهوله بغرفة العمليات حتى ماقالت وش فيها ... طلعت أركض وانا ماني حاس بنفسي وصلت سيارتي وبعدها تذكرت اني طالع بدون مفاتيح سيارتي ولاحتى جوال وقفلت على نفسي باب الشارع ..... يارررربي ... قربت السيارة من السورة وتسلقته ونطيب بالحوش ... وباب البيت الداخلي مفتوح دخلت بسرعه لبست ثوبي واخذت المفاتيح والجوال .... ورجعت ركض للسيارة ....
اول ماحركت السيارة وانتظم تنفسي اللي احسه ينافس دقات قلبي بقوته ......... بديت افكر ... معقول بفقدها ...يوم اتذكر أخر موقف لي معها اليوم يعصر الألم قلبي ....
ياربي وش اللي سويته فيها .. مو كفايه عذبتها معي من سنين رجعت اللحين واسقيتها من نفس الكأس ....
يارب احفظها لي ....

**Loli.** · 07-09-2011, 12:45 PM

رد: بلا رقيب / لعاشقه ديرتها ، كاملة

.. متى توقف الوقت ..]

ميشو

يألهي مأطول الدقائق ... مابالها ساعتي هل توقفت ام عيناي باتت لاتفرق بين الدقائق ...
لم أعد احتمل التفكير بذكرياتي مع ضحى لما مخي يستعيدها من سمح له لاحاجه لي بأستعادت الذكريات ضحى مازالت موجوده ومواقفنا معا لن تنتهي ... أرجوك ايها المجنون توقف لما تكفن ضحى قبل موتها ...
وعد ياصغيرتي عودي لنوم لما تصحين مفزوعه لتعاودي البكاء ....
أحتضنت وعد التي صحت مفزوعه من ثواني كما كررت هذه الفعله طوال الليل .... تنام قليلا ثم تصحى فزعه وتبكي ... ونتناوب انا وشوق على تهدأتها ....
لأعلم لما احضرناها معنا فوجودها كان مصدر أزعاج لنا فقط .... لو كانت بالمنزل لنامت مرتاحة البال وجودها بقرب الحدث يوترها أكثر .. وللأسف معرفتها بتفاصيل مايحدث مع ضحى لاتساعدها كثيرا ...
خرجت إلينا طبيبه تحمل لنا خبر السيء ضحى باتت محتاجه للدم فقد فقدت الكثير منه ..... لديهم الدم المناسب لفصيلتها ولكنها فقط تخبرنا بتفاصيل مايحدث مع ضحى ...
يألهي لما باتت الأمور معقده ... لم أعد واثقه من نجاة ضحى وطفلها ...
بت أفكر ربما نفقدهما ....
ماذا سيحدث عندها ... لأستطيع التفكير بحياة لن تكون ضحى فيها ...
أنتهت العملية ... ولكن ضحى لما تنتهي معاناتها مازالت بخطر والطفل كذالك ....
منظر عساف الحزين يؤلمني ... فهو يتصرف بدون شعور تاره يجلس مفترشا الأرض بكل أسى غير مبالي بمنظره ... وتاره يتمتم بأسم ضحى ... والماضي .. وعبارات أخرى لايصلني بعضها .. ومايصلني منها غير مفهوم ...
هل تعلم ضحى بمقدار عشقه لها .... ماذا لو رأته على هذا المظهررر .... أنا لأصدق فكيف هي ..؟!
هي بالذات اللي تذوقت منه ألوان الخذلان ....
ولكنه قد تغير بالتأكيد لاحظت ضحى ذالك ...
ماذا لو كان تغيره وليد اللحظه يألهي أرجو ان لايكون بعد فوات الأوان .....
أريد ان تعيش ضحى بسعاده ..... لأتصور أنها قد تفارق الدنيا وهي لم تذق منها سوء الألم والتعاسه والظلم ....
أشعر بالأختناق لم أعد قادره على التنفس وكأن جدران المستشفى تطبق علي ... ابتعدت بسيري بعيدا عن شوق اللي تحتضن وعد وغارقه بدوموعها ... وعساف الذي يفترش الأرض ويرثي حبه ...
... ولكني لم ابتعد كثيرا لأن ملاك ونوف فاجئتاني امام المصعد ...

..عدت لأكون ..]

ملاك

مأدري كيف نمت صحيت والنور طالع ... ياررربي أكيد البنات أتصلوا وانا نايمه ....
ناديت على هند بس شكلها للحين نايمه ماصحت ...
ياربي لازم اسوي شي كيف بعرف اللحين وش صار على ضحي ...
ياربي بنجن قسم بنجن ....
طلعت لغرفة هند وصحيتها غصب ..
هند :اوووف انتي وش تبغين خليني نايمه
ملاك :انتي وش البرود اللي فيك ضحى لها ساعات طالعه للمستشفى وللحين البنات ماطمنونا يعني يمكن صاير فيها شي وانتي راقده بكل برود ..
هند :يعني وش تبغين أسوي اذبح نفسي ... خلاص لاصار شي بيدقون .. بعدين هم اللي مادقوا يعني الغلط عليهم انا بس نمت لأني مافيه بيدي شي اسويه ..
صرخت عليها اولله خاطري اذبحها الثلجه هذي ..
ملاك :أسمعي انا بأخذ نوف وبنأخذ تاكسي وبنروح للمستشفى لأني مو قادره اصبر وانتي ياويلك لو نمتي خليك صاحيه عند شدن ونورا
هند :لاه كلكم تروحون وان أجلس مع البزران ....
ملاك :هيي انتي حنا مو رايحين كشته بنروح المستشفى نتطمن على أختك يازلابه ...
هند:طيب ياحبكم لتهزيأي
ياربي يالناس والله رايقه ...
نزلت لتحت بعد مأخذت عبايتي ومريت على غرفة وعد ونوف مالقيت نوف وين راحت الغبيه ...
دورتها تحت مالقيتها طلعت للحوش لقيتها جالسه على الدرج وتحذف حصى ...
ملاك :قومي يالله بنروح المستشفى ...
نوف :من بيودينا
ملاك :تاكسي من يعني
نوف :لا الصبح اخاف خلينا ندق على سفر
ملاك :اللحين امس عاله كبدي مانمتي .. واللحين خايفه تروحين ...
نوف :والله ابغى اروح بس وش بنستفيد لو انخطفنا او صار لنا شي ... خلينا بالبيت وهم اكيد بيتصلون يخبرونا..
ياحب هالبنت للحركات الأفلام والمسلسلات ... لبست عبايتي وقلت لها ..
ملاك :اسمعي انا بروح بتجين تعالي او احسن انثبري بالبيت ....
نوف :لا تبغيني اخليك تروحين لحالك لاحبيبتي رجلي على رجلك
اخاف تنخطفين وكلي شي يطيح على راسي ... بس انتظري اجيب عباتي وأجي ......
ماصدقت لما وقف التاكسي قدام المستشفى كنا انا ونوف نتسابق على النزول ....
سألنا الريسبشن وعلمونا أنها بالعنايه الفائقه ...
نوف :ليش حاطينها هناك وش فيها ... ملاك ضحى ماراح تموت صح ...
أنا ابغى اعرف جواب هالسؤال أكثر منك يانوف .....
ملاك :مأدري اللحين نشوف مشاعل وشوق ويقولون لنا وش صار ...
طلعنا من المصعد ... وجهنا بوجه مشاعل ...
ملاك :مشاعل ضحى وش فيها ليه بالعناية ..
مشاعل :لقد أجرت عملية ستكون بخير .. لماذا اتيتم ..؟!
نوف :بنشوف ضحى انتي ماعلمتونا بالشي ولاكان فيه احد بالبيت جالسه على أعصابه ...
مشاعل :حسنا .. سأنتظركم بالأسفل يجب ان نعود جميعا الى المنزل أحضروا وعد وشوق ...
ملاك :انا ماظربت مشوار عشان أرجع للبيت لازم اشوف ضحى واجلس عندها
مشاعل :لن تستطيعي ياعزيزتي غير مسموح بذالك ...
طنشت مشاعل ورحت للمكان اللي جالسين فيه شوق ووعد ...
ملاك :وين ضحى ...
شوق :موهنا نقولها للعناية ... ماتقدرين تدخلين ...
وعد :انا برجع للبيت تعبت ...
ملاك :طيب ارجعوا بكيفكم انا بجلس هنا انتظر أي شي عن ضحى ....
نوف :وأنا بجلس معك ...
شوق :طيب خبرونا لو صار شي ...
مأدري حسيت من هدوئهم براحة بس لحظه ماقالوا شي وش جابت ضحى ولد او بنت ... ليكون الجنين صار له شي ...

.. لتفرحي قليلا ..

سارا

اوووف وش فيه هالأنسان ليه مايصحي مايحس ياربي مافيني على تعذيب الضمير اصحى عساك الموت ...
الله يقلعك اصحى ...
كنت جالسه على طرف السرير اللي قيس معطيه ظهره وكل شوي أطل على وجهه اشوف صحى او لا ..
ياربي بيطلع وقت الصلاة وهو ماصحى مايكفي صلاة الظهر ماصلاها ...
ياويلي من ربي ياويلي انا عنده وماصحيته .. الظهر كنت نايمه بس اللحين وش عذري ...
هوووو قيسوووه السكران قوم صل .. استغفرالله أكيد من البلاوي اللي شاربها ماهو قادر يصحى .. حسبي الله عليه الوحش السكير ...
ووسط عصبيتي نسيت نفسي .. هزيت كتفه بقوه وأنا اصرخ ...
سارا :قيسوووووه قووووووووم صلي ...
ياويلي وش سويت اكيد بيصحى اللحين ويذبحني .. المفروض اهرب منه بس انا مأدري وش اللي حصل معي وماقدرت اتحرك من مكاني ... هو بعد صرختي واضح انه صحى بس مافاق جلس على السرير يد ساند فيها نفسه على السرير واليد الثانيه مغطي فيها عيونه ...
صرخ في :قفلي الستاره ياحماره ...
نطيت من محلي وقفلت الستاره اللي كنت فاتحتها وأنا اصحي فيه ....
ناداني :تعالي هنا ..
انهبلت ياربي وش بيسوي فيني ليكون لحد اللحين سكران ...
وبنظرة وحده قدرت المسافه بيني وبينه وبيني وبين الباب ... ولقيت أن فيه أمل أهرب ... وبدون تفكيركنت اركض برى الغرفه ....
ياربي وش هالأنسان بيظربني بس عشان صحيته يصلي متخلف سكير متوحش ....
انشغلت بالمطبخ ونسيت الوحش واللي قاله لي ماحسيت الا داخلي علي ...
لبس ثوب والشماغ على كتفه والعقال بيده يلعب فيه ...
قيس :سويلي قهوه وتعالي ...
سويت القهوه وأنا اهوجس وش اللي صار أسأله وين كان مختفي أو اسكت أحسن لي ... أكيد مختفي يشرب ويسكر ولو سألته ماراح يجاوبني بالصدق ..
بعد ماخلصت القهوه أخذتها له ... صرخ فيني ...
قيس :وين التمررر ...
سارا :لاتصرخ علي خلص وأنت اللي أكلته مو أنا لأني مأكله ولاأحبه ...
قيس :طيب انثبري واسمعيني ...
يالناس لشفته صاحي اتندم ليه ماستغليت الفرصه وهو نايم وقتلته وقطعته حتت ورميت كل حته بزباله الله يكرمكم ...
ياليت قلبي قوي وأقدر اسويها ... واريح العالم من شره ... بس العالم وش دخلهم اصلا ماأحد متأذي منه غيري ... ومافيه احد كثري بيفرح بموته للأسف ...
قيس :تسمعين وش أقولك ...
سارا :لا
قيس :لأنك صمخا وأنا الغلط اللي جالس أكلمك ... قومي ألبسي عباتك وافهمك بالسياره ...
وصرخ بقوه :تحررررررركي ...
ياربي وأخيرا بطلع ماني مصدقه بس لحضه وين بيوديني هذا ..؟!
يعني وين بيودني أكثر خطر بالعالم أني أكون معه وهذا أنا معه ...
يعني لو يرميني بصحراء مظلمه أخر الليل ماراح يكون مخيف مثل وجودي معه ...
لبست عباتي وأخذتي شنطتي اللي فيها الجوال اللي سرقته منه واللي فاضي مافيه شحن بس قلت يمكن احتاجه ...
ركبنا السيارة وطول الطريق جالسه اقراء الأذكار وكل الأدعيه اللي تطري على بالي ... خايفه مووت
وين موديني هذي يمكن بيرميني بدار للعجزه او مستشفى مجانين أو السجن أو أي مكان ...
افكار ومخاوف طفوليه بس والله كنت افكر فيها بكل جديه ...
لدرجة اني غمضت عيوني مأبغى أشوف مخاوف تتحقق قدامي عيوني اول ماوقفت سياره حسيت قلبي ووقف عن الدق ...
سمعت يطلب مني أنزل بس والله لو يموووت مانزلته صرخت
سارا :ماأبغى أنزل ...أنزل أنت ...
قيس :لو ابغى انزل لحالي مأخذتك معي أنزلي بدون زيادة لغي ...
من صرخته نزلت حتى بدون مأفتح عيوني بعدين تذكرت وفتحت عيوني ...
مووول .. وش نسوي عنده ...؟!
بس الأخ ماعطاني فرصه سحبني معه للمول ...
الف علامة استفهام على راسي ليش جايبني هنا ... هنا مو مكاني ليكون بيضيعني هنا ويروح يخليني يحسبني دجاجه ماأعرف أروح لخواتي ... مسكين ماعرف سارا زين نفخة روحي ومشيت بكل ثقه ... كان سابقني بالمشي يبغاني أمشي وراه بكل ذل بس هين أوريك حنا بمكان عام يعني مايقدر يسوي لي شي ...
ساويت مشيتي مع مشيته وجلست أتفرج ... بعد مامشينا شي ربع ساعه وأنا ماني عارفه وش المطلوب مني ... بس أجاري مشيته واذا مشى مشيت ولو وقف وقفت معه ... وشكله محتار بس تصدقون شكله يضحك ...
بس لو اعرف وش سالفته عشان اضحك زياده ...هههههههههههه ..
وطبيعي مافكرت اسأله وطبيعي أكثرهو مافكر يقولي ...
فجأه لف علي وكأن عنده موضوع مهم ويبغى يشغلني عنه عشان كذا قال ...
قيس :أدخلي هنا وأشتري اللي تبغين ...
ناظرت فيه ببلاهه ... واشرت بأصبعي على المحل وقلت
سارا:هذا ...
هز راسه بقوه بأيه وهو يحط ايديه بجيوبه ....
قيس :هنا او أي محل ...
طالعته بعدم تصديق ... وطالعت بالمحل وقبل مايغير رايه مشيت للمحل بسرعه دخلت وفيني ضحكه ...
والله يوم سعدك ياسارا ... أجل أدخلي المحل واشتري اللي تبغين ماأتوقع بيكون بالمحل شي ماأبغاه ...
مسكت ضحكه شريره قبل ماتطلع مني ...
واول ماطاحت عيني على الملابس بديت أنسى كل شي ...
غير كلمته اشتري اللي تبغين ...

ويمكن هي بعد نسيتها
بس تبغون اللحق لقيت اشياء كثيره ماأعجبتني ومابغيتها يعني مو مثل ماتوقعت ان كل اللي بالمحل بكون ابغاه ....
بس كل اللي بغيته أخذته ...
لفيت لقيته وراي وماسك سلتي اللي جمعت فيه ملابسي ....
ادري بداخله يقول مفجوعه بنت فقر وماشافت خير أو أي شي ثاني بس مو مهم ....
والله وطحت بيدي ياقيسوه ... تصدقون كنت خايفه يرميهم بوجهي أو يهزأني ويقول صدقتي نفسك يابنت الفقر .. بس ماعلق ولاقال أي كلمه طلعنا من المحل .. شكل الأخ يحسبنا خلصنا لاحبيبي تونا ببداية السهره ...هع هع ...
تقدمت عليه بالمشيه ودخلت أول محل كان بوجهي ... بس هالمره تشريت بميزاج وجلست اتفنن وأطلب ألوان من الموديلات اللي تعجبني مأخذ اللي قدامي وبس ...
المحل اللي بعده كان للجزمات ... عاد تعرفوني متعوده على السبورت والواطي ... وتقريبا أو شبه .. كل السبورت والواطي اللي عندهم كله أعجبني بس خفت يفشلني هالمره ... قلت بأخذ أغلب اللي أعجبوني..
لماخلصت فكرت أخذ صنادل كعب ...اممم اذكر لما رحنا مع ضحى لبيت يسرا الشينه لبست كعب وطلعني حلوه اصلا كلي على بعضي حلوه بس ذيك المره يعني كنت غير ..
أخذت كم واحد اعجبني ...
لفيت عليه كان سرحان هزيت مع يده لين انتبهني اخاف أكلمه يصارخ علي وأتفشل ...
وبكل ثقه قلت له ...
سارا :خلصت يالله حاسب .....

..بماذا تفكر ..]

تكونت عنده الفكره بطريقه طفوليه .... هو ناوي يوديها لأهلها وخصوصا أن أختها مريضه ولازم تشوفها ... مايبغى يحرمها من أهلها ... لأنه يخاف ينحرم من أمه .... بعد موت كايد صار فقد الأحباب كابوس يخاف منه ... وقبل يوديها لأهلها فكر يأخذها تتسوق .... ولسبب غبي جدا .... عشان يوصل عن طريقها لشوشو كيف لوأنها مكان سارا كيف بتكون مبسوطه ....
لكن بنت الفقر ماصدقت تحسبه جايبها عشان سواد عيونها وشالت كل اللي بالسوق .... فالبدايه حس أنها فعلا تشتري أشياء تحتاجها ... بعدين حس أنها تشتري لمجرد أنها كانت محرومه .... بعدين فهمها صح
قصدها تخسره .... خصوصا بأخر محل ... وابتسامة الخبث اللي مافته ولاقدرت لثمتها الشفافه تخبيها وعيونها طبعا قمة البراءه ومليانه خوف هذي دكتوراة بتمثيل ......
طلع من المحل وهو محمل بالأكياس وهي وراه بكيس بكل يد .....
كان مقهور منها ومفوررر ... ماكان ناقصه الشخص اللي اصتدم فيه ...
قيس :وعمى أن شاءالله .... رفع عينه لشخص اللي قدامه وللي للأسف ماكان حتى يناظر بنتايج بلاهته ....
زفه بكل قوته على صدره وبقهر لأنه فهم ليش صدم فيه بدون مايشوفه لأن كل تركيزه كان على سارا وعيون سارا ووجه سارا :وش تناظر فيه هاه ...
الرجال ببلاهه وهو يناظر بقيس وأكياس قيس اللي تحت رجوله :هلا ... اسف ياأخوي ... ونزل يشيل له الأكياس ...

**SOoΚaRh** · 12-09-2011, 07:38 PM

رد: بلا رقيب / لعاشقه ديرتها ، كاملة

عوافي رغود ..
متابعتك عسسسولة =)

**Loli.** · 13-09-2011, 09:03 PM

رد: بلا رقيب / لعاشقه ديرتها ، كاملة

منورة غلاتي ( :

**Loli.** · 13-09-2011, 09:06 PM

رد: بلا رقيب / لعاشقه ديرتها ، كاملة

رجع قيس يزفه مع كتوفه :أنقلع بس من وجهي ...
ونزل شال أكياسه ومشى وهو مقهور ... ماصدق يركبون السيارة ...
قيس :ليش فاتحه وجهك يامتخلفه ...
سارا :مافتحته مغطيته ...

قيس :لا والله مغطيته وعيونك اللي طالعه هذي وش هي ..
سارا بغباء :عيون وش هي بعد ...
قيس بقهر :تستهبلين أنتي ...لافه طرف الطرحه على نص وجهك وتقولين مغطي وجهي
سارا :انا دايم اسوي كذا حتى ضحى ماقالت لي شي بعدين زين اني ماكشفت وجهي كله لأني ماأحب أحط على وجهي شي وأنا حره ....
قيس :لا مانتي حره ... حره هذي قبل يوم اللي مسئوله عنك حرمه مثلك ... بس دامك معي تمشين وتطلعين معي والكل يعرف أنك مرتي ماتطلعين الا متغطيه من راسك لرجولك وبصرخه :سامعه ...
واتمنى تعاندين عشان تشوفين موتك علي يدي .......
والله الفكره ماهي سيئه لو تموت بسهوله يتزوج أخت أرملته ..... كان زين والله يقدر يذبحها ...
وتسهل كل أموره ...

.. أنا هنا ياأناني ..

سارا

مالت على وجهه الغبي خرب علي فرحتي بالتسوق العالمي اللي سويته ... بس ماخربت مره ... لأن هذي من أهون الخناقات اللي صارت بيننا ... وبعدين أنا كلمتين من واحد خايس مثله ماتخرب علي ميزاجي ..
لفيت اطالع من الدريشه وأنا مبسوطه خخخخ وأخيرا شفت الشارع .... اوما يوم طلعت كنت متوقعه يرميني بدار العجزه او مستشفى المجانين الله يرجني طلعت موسوسه بقوه ....
حرام حرمت نفسي التفرج على الشوارع صدق أني هبلا يبغالي اعوض اللحين لأني اكيد برجع انسجن بالشقه ...
وقف قدام الدكان ونزل ... اول مانزل حاولت افتح الدرج اللي قدامي بس مافتح ... تصدقون من ركبت السياره ودي أفتحه بس خايفه منه ... واللحين يوم نزل الدرج مأنفتح مالت عليه ... دقايق وركب... رمى علي كيسه فيها علبتين مويا وحلاوة مصاص يستهبل هذا .... وهو حاط سيجاره بفمه ومعاه بكت سجاير ....
قال بعد ماولع سيجارته وحرك السياره ...
قيس :افتحيلي المويا ...
سارا:معك يد ...
قيس بقهر :ياحيوانه افتحيه لأفتح راسك بهذا واشر بجواله اللي بيده ....
فتح له المويا وأنا ادعي انه سم على قلبه ... وجعله للعطش الدايم ...
سمعته يكلم أخوه جابر ويسأله عن أمه ... صح وش صار على عمليتها ... ياربي أنا كيف نسيت ... اووووووف ياربي كيف بعرف ... اللحين هذا لو سألته ماضمن انه بيجاوبني يمكن يتريق علي او يسفهني او حتي ممكن يظربني ....
طول بالمكالمه حشى ماخلى أحد من أهله الا وسأل عنه حتى عيال منيره يسأل عنهم واحد واحد كل هذا أهتمام ماشاءالله وأنا حارمني من خواتي الملع ** ... ان شاءالله تنحرم من شوفة أهلك يالحقير ...وكعادتي لحسيت بالقهر وبكل تهور رفعت الكيسه اللي فيها علبة المويا الثانيه وظربته فيها على بطنه بكل غباء ..مأدري كيف نسيت انه هو اللي يسوق وأنا بالسياره وبسبب تهوري كان ممكن يصير حادث واموت انا وياه ....

&

قيس

كان يكلم جابر وبذيك اللحضه جالس يشرح له حالة منير اللي من سمع عن غيبوبة أمه وبعد ماصحى من الأغماءة اللي صابته صار مايتكلم ....
وكان تركيزه متشتت بينه وبين الطريق ... الظربه اللي جته على بطنه مهما كان مصدرها كانت بتسبب كارثه ... لأنه تحت وقع المفاجئه والألم القوي كان بيفقد السيطره على السياره لولا لطف الله ....
بعد ماسيطر على السيارة لف على الشخص اللي معه بالسيارة وللي للأسف كان السبب بكل هالمصيبه ...
قيس :غبيه انتي غبيه .. كنتي بتسببين بحادث لنا والله العالم كم سياره بعد كانت بتررروح بسبب غبائك ... انتي مجنونه ولاوش مشكلتك يابنت الناس ....
حسبي الله عليك بتجننيني معك ...
ماوقف تلعين وسب .. لين وصل الشقه ... نزلها وعطاها مفتاح لشقه عشان تطلع لأنه لو طلع معها اكيد بيذبحها ...
رد على جابر اللي من قطع المكالمه معه وهو ماوقف دق ...
قيس بعصبيه :خيررر وش عندك انت بعد
جابر :انت اللي وش فيك ليه صرخت ... وش صار لايكون مسوي حادث
قيس :لاسويت حادث ولاشي بس طس عني ... اللحين أنا جايك لاتحرك من المستشفى لين أوصلك ...

.. وانتقم الوحش ..]

سارا

ماصدقت قدرت اوصل للشقه وأنا حامله كل الأكياس بدون ماطيح شي ... طيحتهم على السرير ورميت نفسي فووووووقهم .. وصرخت بمرح
سارا:هيا ...
اللي سويته اليوم أنجاز لي من عرفت الوحش .... وييي والله تصرف مجنون بس برد حرتي ..
ههههههه ولا شكله وهو يصارخ علي ومنفعل أكبر شفى لغليلي .. صح كنت اتنافض من الرعب ... بس مبسوطه .. مبسوطه موت لأني قدرت أطلعه من طوره و خليته يفقد اعصابه .....
شكل تصرفاتي المجنونه بتكون افضل سلاح استخدمه ضد الوحش ...
امممممم واللحين بدأ وقت تجريب اللي شريته ... هيا قفزت واقف وسحبت أول كيس تحت يدي وفتحته ....
سارا :هههههههههههههههههههههههههههههه ... ياربي وش هذا ... صدق مجنونه هذا كيف يلبس الحين .... ماله يدين هههههههههههههههه ..
يالله يابنت بلا قراوه فكري شوي وبتعرفين كيف تلبسينه هع ...
رميته بالهوا ورجعته مسكته ... بس بجد مالي داعي مشتريته اكيد هذا من المحلات الأخيره اللي كنت اقش منها بس عشان اخسر قيسووه .. طلعت بنطلون تحفه فوشي ... بس ياربي وش ركبت عليه هذا مو فاكره ... رميته بعدم اهتمام وشفت شي ثاني .. وهكذا قضيت العصر كله وانا انبش بأغراضي شي ألبسه وش ارميه بالدولاب بدون تجريب ... فلللله وفلة الفللله ماعندي ملاك تقول رتبي الدولاب .. لاتخلين ملابسك طايحه على الأرض ...
كذا الحريه والا فلا ...
حسيت أني جوعانه بعد كل هالفرفره بالسوق ...
رحت المطبخ مأدري وش أسوي بس تعبانه مره مافيني أطبخ .. اللي يسمعني يقول طباخه .. سويت سلطه وحطية عليها جبنه وحشيتها بالساندويشتات اموووت فيها كذا ... ملاك ماتحبها تقول تخبيص بس دايم تأكل معي ...
جلست بالصاله وجلست اشوف ام بي سي اكشن اصلن مأشوف غيرها وتو بس مأحب القنوات الباقيه ....
وجلست على التلفزيون لين بعد صلاة العشاء ...
بعدها قمت تعبانه خلاص بنام ... بس قبل مأنام لازم اخذ دش .. لأني احس بقرف من يومي الطويل ...
اخذت شور سريع وانتبهت اني ماجبت ملابسي معي للحمام .. من النعاس والله ماني حاسه بالدنيا .. لفيت علي المنشفه ..وطلعت للغرفه أخذ ملابسي ...
كنت مره نعسانه وماني حاسه بالدنيا جلست على الأرض عشان اخذ من الدرج ملابس .... لفيت على تقفيلة باب قويه ومو أي باب ... باب الغرفه ... لفيت بسرعه .. توني انتبه .. كيف طلعت من الحمام كذا ...
كيف نسيت وجود قيس ..
تجمدت مكاني مأدري وش اسوي ودي اقوم بسرعه اركض على الحمام ..
شفته جاي لمي والشر بعينه ... صح كيف نسيت اللي سويته اليوم بالسياره .... شكله مانسى ...
بس تكفى مو اللحين لين البس ملابسي واظربني على كيفك .......
كان يقرب مني ويقرب ويقرب .... لين صار فوقي مباشره وأنا تحت رجوله ....
كانت نظراته مرعبه ..غمضت عيوني وأنا اصرخ ...
سارا :لا الله يخليك لا ...

**Loli.** · 13-09-2011, 09:07 PM

رد: بلا رقيب / لعاشقه ديرتها ، كاملة

..أضعت حلمي ..]

قيس

ركب سيارته بعد ماصلى الفجر ... سند راسه على الدريكسون ....
وش اللي سواه قمة الغباء ... كيف أخطأ هالخطأ الكبير ... بهالتصرف ربط نفسه بسارا الى فتره أكبر .. ويمكن للأبد ...
ليش انهى حلمه بيده .... كان عنده أمل ... أنه يطلق سارا ...... وينتظر لين تتزوج ... ويتزوج ملاك ...
صح فيه عواقب كثيره منها أمه ... وأختها ضحى ... واشياء كثيره بس هو يحس انه مرتاح للفكره ..
لكن اللحين وبعد اللي صار بينهم ... كيف يطلقها عشان يتزوج أختها .... كان متأمل أنه لو طلقها بدون مايحصل بينهم أي شي .... سارا بتوقف معه لو طلب منها يطلقها بشرط أنها تقنع ملاك تتزوجه ... كان مخطط مايظلم سارا ... ولو تبغى تتزوج هو يبحث لها بنفسه عن زوج مناسب ...
هو خطط هو رسم ... هو فكر بكل شيء .... وهو بنفسه هدم كل شيء ....
فتح الدرج اللي داخله الشنطه وغمر وجهه فيها ... يحس انه يشم فيه رئحه خياليه .... ويربطها بشوشو .....
خلاص أنهى حلمه اللي بدأ من سنتين بلحضات غبيه فقد فيها عقله ....
مرت أيامه مع شوشو مثل الحلم قدامه عيونه .... لما كان دايم يشوفها من شباك مكتبه ... وهي تجري ورى هذا وهذا تشحد .... يتذكر دعاويها الأستفزازيه اللي تطلق عليه وعلى اللي مايعطونها فلووس ....
يتذكر الأيام اللي كانت فيها محل اشمئزازه ... كان يكره النوعيه اللي هي منهم ...
يكره طريقتها بالترجي والركض ورى الناس عشان تكسب من وراهم كم ريال ...
ويتذكر كيف بدأ يحبها .... كيف بدأ يفقدها لما تغيب .... كيف كان يتعمد يتهاوش معها ... رغم انه قبل كان يتقرف بس من يسمع صوتها ... وهي اللي كانت تحتك فيه وهو يشمئز منها ومايرد عليها ..
وبعد ماصارت محل أهتمامه صار هو اللي يتعمد يسوي أي شي عشان تجي تكلمه ....
...
ضغط على راسه بين يديه يمكن بهالطريقه يقدر يوقف تدفق الأفكار داخل راسه ...
حرك السياره بيروح أي مكان بس يهرب من هنا ...

.. فلسفة الصغار ..]

وعد

بعد العصر رجعنا مره ثانيه للمستشفى .. واللحين انا ونوف واقفات نشوف الأطفال اللي بالحضانه واللي منهم ولد ضحى ....
نوف :مأدري ماتحسين شكله مو حلووو ..
وعد :حرام عليك لاتقولين كذا هو صغير
نوف :اصلا انا حاسه ماراح يعيش ..
وعد :كلنا حاسين انه ماراح يعيش بس مانقول مثلك ..
نوف :عادي وش فيها لو قلت توه جاء اليوم امداكم تعلقتو فيه ..
وعد :اول ولد بعائلتنا ويمووت حرام والله
نوف :ههههههههههههه عشان كذا انا اقولك ماراح يعيش مايصلح يكون بينا ولد ..
وعد :قص السان ان شاءالله انا عندي احساس انه بيعيش ..
نوف :مسرع ماغيرتي رايك توك تقولين كلنا عندنا احساس انه بيموت ...
وعد :طيب انا عندي احساسين انه بيعيش وانه بيموت ...
نوف بضحكه عربجيه :بجد انتي خبله ....
وعد :مليت ضحى متى بتصحى .. يعني ليش جينا وحنا ماراح نقدر ندخل لها
نوف :مأدري عنهم مستشفى الفلس ...
وعد :وش دخل المستشفى .. الدكتوره الغبيه ام شعر برتقالي هي اللي مانعه الزياره عنها .. ماتشوفينها كيف خزتنا وقالت مافيه زياره
نوف :تدرين وش افكر فيه ..
وعد :لا وش دراني .. انتي تفكرين داخل عقلك مو عقلي ..
ظربتني نوف على راسي وهي تقول
نوف :غبيه ... هذي مقدمه عشان اقولك السالفه اللي عندي
قلت بأستغراب
وعد :ليه انتي عندك سالفه ...
نوف :اجل وش كنت بقولك من الصبح ...
وعد :انتي بتقولين لي السالفه اللي الصبح او اللي اللحين
نوف بصرخه :غبيييييييييه ...
فجأه نوف صرخت علي وراحت تمشي وتركتني ...
وعد ناديتها بصوت عالي وأنا ناسيه نفسي :نوووووووف ..
بعدين تداركت نفسي ورحت اركض ألحقها ...
وعد :نوووف تعالي وين رايحه
نوف :بروح لخواتك يعني وين بروح ...
وعد :طيب وش نبغى فيهم نرجع لهم خلينا نفررفر بالمستشفى ....
نوف :ياحبيبتي بتفرفرين انا قلت لهم بنشوف البيبي وبنجي اللحين أكيد بنرجع للبيت لأن جلستنا مالها فايده ...
وعد :مين قال مافيها فايده ... شوفينا مبسوطين وجايين نتمشى ...
نوف :غبيه انا اقصد الغرض الأساسي من جيتنا للمستشفى اللي هو زيارة ضحى .. واللي اللحين مانقدر نشوفها .. عشان كذا نرجع للبيتنا افضل ...
مسكت مع يدها بس مارضت توقف ..
وعد:بليييز اسمعيني لو رجعنا للبيت بس بجلس تهاوش مع شدن .. وحنه ورنه ..خلينا هنا احسن .. اقنعي البنات نجلس أكثر .. قولي لملاك هي تسمع منك ..
نوف :من متى ملاك تسمع مني أو منك
وعد :ياغبيه ملاك اللحين تقرب منك عشان سارا راحت عنها .. ماتشوفينها اليوم الصبح اخذتك معها لما كانت بتجينا المستشفى .... وحتى على الغداء جلست جنبك
نوف :كل هذا يعني صارت تقرب مني ياغبيه هذي اشياء طبيعيه ... مو معناها ان ملاك تقرب منك
وعد :لا أنك ماتعرفين تفكرين لو فكرتي شوي بتعرفين ان ملاك تحس بالوحده وبتصير تقرب منك وتصير صديقتك
نوف :وش معنى انا ليش ماتقرب منك انتي
وعد :لأنك اقرب لها بالسن
نوف :لا والله اللحين نسيتي شوق وهند هم اللي اقرب لها مو أنا
وعد :بس شوق وهند مو صديقات .. ملاك أختارتك لأنك صديقتي وقريبه مني وتحسب تقدر تأخذك مني وتصيرين صديقتها ..
نوف :بليييز وعد اتركي سوالف الرسوم عنك أنتي كبرتي على التفكير بالطريقه هذي .... مو كل شي تشوفينه بالتلفزيون تجين تطبقينه علي ...
وعد :شفتي هذي بداية أعراض انك بتتركيني تشوفيني بزره واصغر منك وتفكيري غير تفكيرك مع ان الفرق بينا سنتين ...
نوف :وعد والله لو ماسكتي لأخذك وارميك بمستشفى الأمراض النفسيه ...
وعد :مصدقه نفسك انتي ماعندي أهل عشان ترميني بمستشفى المجانين ...
نوف :فعلا انتي ماعندك أهل ... ويالله اخرسي تعبتي احبالي الصوتيه باسألتك الغبيه ...
وعد :تكفين يافاتن حمامه ..
نوف :وش دخل فاتن حمامه بالسالفه .. ومن هي فاتن حمامه ...
وعد:مأدري بس مره سمعت ضحى تقولها لملاك وقلدتها فيها شي ...

.. لايكفيني الصبر ..]

سارا

اللي حصل معي أبشع شي توقعته يحصل معاي ...
ان ماكنت متقبلته ... ولاهو متقبلني ... ليش تصرف معي بهالطريقه الحيوانيه ....
ان ماني زوجته صدق عشان يصير بينا كذا ....
هذي فتره و بعدها برجع لحياتي الحقيقيه ... مأبغى ارتبط بحياة جديده .. وخصوصا معه ...
ليه يربطني فيه ... كل اللي مريت فيه قبل من طلعت من بيتنا يوم العيد الا يوم أمس ... احسه مغامره
سيئه صح كنت اتصبر بس لأني واثقه اني بنتهي منها ...
بس ماتوقعت ان الأمور تتطور معي كذا ...
انا مأبغاه .. وماني مستعده ابد لفكرة الزواج ...
للحين ابغى حياتي الماضيه ابغى اعيش بين خواتي مابغى اتزوج وتنقطع علاقتي فيهم وارتبط بشخص ثاني ...
وماعندي اسعتداد اتقبل هالحياه ..
كنت مابغى اتزوج وانفصل عن خواتي ... ورضيت تحت ظروف معينه على امل يكون زواج مؤقت وكلن ببيته لين تقتنع ضحى اني مأبغى اتزوج ....
بس هو بحقارته سرع الأمور بطريقه ماني فاهمتها واللحين رجع بطريقة جديده يربطني فيه ...
بس أنا مستحيل استمر بهالحياه معه ... أنا لازم اواجههه وافهمه ان حياتي معه مستحيله ..

.. أكرهك .. هل تعلم ..]

قيس

بعد الظهر رجع للشقه .. كان تعبان قضى ساعات طويله بالمستشفى .. بين منير اللي للحين رافض يتكلم ...
وأمه اللي تطمن عليها من كلام الدكتور بأذن الله فيه مؤشرات انها بتصحي ... ومع كل هذا مانسى يفكر بمصيبته ... وشبه اتخذ قراره بسرعه مثل ماكانت قراراته بالفتره الأخيره ....
فكر يخلي الأمور مثل ماهي .. ماراح يغير شي ... مايدري الوقت وش مخبي له ... يمكن كل أموره تنحل بدون تدخل منه .. ويمكن مع الأيام يقدر يتعايش مع حياته الجديده ...

سارا :لو سمحت ابغى اتكلم معك ...
طالعها بنظره عدم استلطاف :وانا مابغى اسمع صوتك ....
مايدري ليش رد عليها كذا .. مع انه مافيه سبب يمنعه من سماعها ...
سارا :قيس لووو سمحت ترى انا مليت من تطنيشك لي ..... شووووف انا اخاف منك صح .. وانت تعرف هالشي ....
ومشى وراح ماسمع باقي كلامها
دخل الغرفه وهي وراه ....
لف عليها بقوه :اطلعي بررررى
سارا :ماني طالعه لازم تسمعني ... شووف انا ماني مجنونه ولامختله ولاحتى غبيه عشان تعاملني كذا ....
سحبها مع يدها عشان يوخرها عن طريقه بيطلع للحمام ... بس هي مثبته يديها بقوه على فتحة الباب ... وقالت وهي تتالم من سحبه لها :انا افهم مثلك ... انا انسانه عندها عقللل ...
لازم تسمعني فاهم ......
قيس :سارا وخري عن وجهي احسن لك ... لاتخليني انزل سخطي فيك ....
سارا :اكثر من اللي سويت وش بتسوي .... قيس انت وش بقى ماسويته فينيي ...لو انا يهودي ماسويت فيني كل هذا .... من انا طفله مارحمتني .... وش بقى ماسويته ....تبغى تذبحني اذبحني على الأقل ارحم من العيشه معك ...
دفها عن طريقه وطلع للحمام ...
اول ماطلع للقاها للحين واقفه ...
سارا :شوفي لو بتذبحني بقولك اللي عندي وبتسمعني غصب عنك ...
مشى للغرفه بدون مايلقيها بال ولاكأنها موجوده ... بس شكل هالتصرف بعد ماراح يردعها عن اللي بتسويه ....
دخلت وراه للغرفه ...
سارا :تسمع اللي بقوله لك .. انا اكررررهك ... مومن اليوم ولاأمس ولامن شهر او اسبوعين ... طول عمرري اكرهك من عرفت نفسي أكررهك ... انت الوحش والكابوس اللي بحياتي ...
تسمع انت كابوس بحياتي .... انت ماعندك احساس وعارفه انه ماراح يهمك ... بس لازم تفهم هالشي انت مو انسان.... انت حقير اقرررب تكون للحيوان من كونك انسان ...

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget