بلا رقيب / لعاشقه ديرتها ، كاملة

**Loli.** · 09-07-2011, 01:21 AM

رد: بلا رقيب / لعاشقه ديرتها ، كاملة

((4))

مخططاتي والعم الخبيث

ملاك

كنا جالسين نتابع فلم شي اكشن وخيال .. مرررره كنت منسجمه معه بس اللي منكد علي سارا اللي نايمه على رجلي ... مع صراخ البطله سمعنا صراخ ثاني عندنا هنا بالبيت ..
سارا فزت جالسه وسألتني ..
سارا :مين اللي يصرخ ..
ملاك :مافيه غير ضحى برى ومستحيل تكون هي ..
سارا :لاهذا صوت مشاعل ..
طلعنا نركض واول شي لمحته الرجال اللي طلع وقفل الباب وراه وش السالفه من هذا رجعت بالسرعه وجريت سارا معي مانقدر نطلع لأن عساف المغثه بررى كنت مررره خايفه على مشاعل ليش كانت تصرخ اكيد احد اذاها ..
سارا :من اللي طلع ..
ملاك :مادري اوووووف بطلع اشوف وش فيها مشاعل ..
وعد اللي جايه من ورانا ..
وعد :وش فيها ليه ماتطلعون ..
وقبل مانرد عليها كانت طالعه ولحقتها نوف .. وانا جالسه مكاني موتره ابغى اعرف وش فيها مشاعل ياربي الله ياخذ اللي اذاها بس من هذا وعساف وش يسوي برى واقف يتفرج وضحى ياربي ماني فاهمه شي ...
انفتح الباب ودخلوا نوف ووعد ووراه مشاعل ويدها علي عينها ...
مسكتها مع يدها ..
ملاك :مشاعل وش فيك ..
طالعتني بنظره قويه من عينها الثانيه ماردت علي بس سحبت يدها من يدي وطلعت بهدوء لغرفتها ..
صرخت عليهم ..
ملاك :وش صاير وش فيها ..
نوف :ماندري بس ماسكه عينها ..
وعد :المتخلفه ماتستاهل احد يسأل عنها نكلمها وماهي معطيتني وجه ..
ملاك :انتي انطمي لاتقولين عنها متخلفه ..
وعد :اوهووووو بس خربتوا علينا الفيلم اوووووووف ..
سألت نوف ..
ملاك :وش ضحى ..
نوف :تهاوش مع عسافوه ؟؟
اوووووف ماني قادره اصبر ودي اطلع واطرده واسأل ضحى عن اللي صار لمشاعل .. جلست على اعصابي عشر دقايق دخلت علينا فيها ضحى وبنفس الوقت سمعنا صوت الباب الخارجي ينصك بقوووه ..
ملاك :ضحى وش فيه ..
ضحى بنرفزه: مافيه شي .. ؟!
ملاك :اووووف ماهوعليك مافيه شي اناجالسه اسألك عن مشاعل ماهو عن نفسك عشان تفكرين تخبريني اولا مشاعل وش فيها من اللي كان بالحوش يوم طلعنا ..
طالعتني بالنظره غريبه ..
ضحى :متى طلعتوا ..
ملاك :يوم صرخت مشاعل ..
لفت عني بتطلع السلم ..
ملاك :من كان ..
ضحى :ماهو شغلك ..
رديت عليها بقهر وبلهجه ماعمري ستخدمتها معها ..
ملاك :الا لي شغل من الرجال اللي كان بحوش بيتنا فأخر الليل .. وش بينه وبين مشاعل ..
ضحى :ماهوشغلك فاهمه .. البيت هذا انا كبيرته وفيه احد له حق يسأل هالأسئله غيري فاهمه ..
ملاك :لاماني فاهمه واذا كنت انتي واختك بتسوون اللي تبون انا بعد بسوي اللي ابي .. ولاتجين تسأليني او تحاسبيني ..
ردت علي ضحى برد ماتوقعته ابدا ..
ضحى :وحد ماسكك سوي اللي تبين وماني محاسبتك ربي اللي بيحاسبك ..
وطلعت فوق وتركتني مكاني مصدومه ..
طالعت بالسارا اللي تطالعيني وعلى وجهها بوادر ضحكه ماتحملت اكثر الظاهر ان شكلي وانا مصدومه ضحكها ...
سارا :ههههههههههههههههههههههههههههههههههههههههههههههههه ه هههههههههههههههههههههههههههههههههههههههههههههه والله انك سكتتك هالرد شي فقعتوا مرارتها المسكينه كل وحده بالتصيع من جهه .. لاوتعرفون تهددون بعد ...
قلت بطلع مصطنع ادلع عليها ..
ملاك :أفا سارونا انا توأمك كيف تكلميني بهالطريقه ...
وانطلت عليها حيلتي بانت الشفقه على وجهها وقربت مني بتحضني بس انا صديتها ..
ملاك :وخري عني مأحبك ..
سارا بحزن :ملاك ...
رديت عليها اقلدها ..
ملاك :اللحين ملاك وقبل شوي تضحكين علي ..
ومضى ليلنا كذا بعناد واستهبال وكر وفر ...
الصبح على الساعه عشر طلعنا لبيت خالتي اللي بعد موقفنا مع عم ود ماعاد رحنا له الصراحه انقهرت من الموقف اللي حطنافيه حسيت انه انسان خبيث حقير نفسه دنيئه وبسببه صرت اتردد كل مافكرت نروح لبيت خالتي واتعذر بأي شي عشان مانروح وسارا محتاره فيني بس اليوم عقدت عزمي وقررت أروح ماهو واحد خسيس مثل هذا يخرب علي مخططاتي ....
اول مادخلنا بيت خالتي انبسطت كثير بجيتنا وسألتنا عن سبب غيابنا بالأيام اللي طافت وحنا ماعطيناها جواب شافي ...
دخلت علينا ود بالطريقه هبلا ..
ود :ماصدقت يوم شفتكم مع دريشة غرفتي ..هاي ..
ملاك سارا :هايات ..
خالتي :امك وينها ..
ود :فبيت جدتي ام نواف ..
خالتي :اجل انا بروح لهم خوذوا راحتكم بنات ..
مع اني انقهرت انها بتتركنا بس نبسطت بكلمة خذوا راحتكم شكلها تحسب ان غيبتنا فالأيام السابقه لأنها مقيدتنا فبيتها ومانعتنا من الطلعه حتى للحديقه الا معها ..
ملاك :تسلمين خالتي ..
بعد ماطلعت خالتي جت ود وجلست بينا ..
سألتها سار ..
سارا:وش عندك اليوم بعد غايبه ..
ود :وانتي شكو على الأقل موعاطله مثلك اسم اني ادرس ..
ملاك بطنازه :هع هع هع تسمين دراستك هذي دراسه والله حتى وعد المضيعه عندك دافوره ..
ود :مين وعد الخبله اختكم ..
سارا:خبله بعينك مارضى على اختي حبيبتي هذي..
ود :ماشاورتك بعدين من متى هالحب اللي نزل عليك لأختك خبري فيك ذيك المره تقولين انك ماتحبين غير ملاك وعمرك ..
ملاك :الكلام هذا متى صار ياعمري اكيد انه ماهو اليوم والشي اللي ماتعرفينه عني وعن توأمي الحبيب انا نبدل مشاعرنا وعواطفنا مع تبديلنا لملابسنا ...
يوم خلصت من خطبتي الطويله اللي كانت ود خلالها فاتحه فمها على الأخير ويوم خلصت رمت علي التكايه اللي بيدها بقهررررررررر ..
ود:حماره غبيه وثرثاره ..
وفجأه بدت تكلم بجديه ..
ود :بنات انتم صح ماصرتم تجون عشان الموقف مع عمي ..
تبادلت مع سارا نظرات لها معنى ..
ملاك :تبين الصراحه ايه ...
ود :والله عمي مايقصد هو يحسبكم صاحباتي ..
سالتها بالدهشه ..
ملاك :واذا صاحباتك عادي ..
ود :لاموعادي وهذي اول مره يسويها ..
سارا :تبين الصراحه ود عمك مرررررررررره وقح حتى نظراته حسيتها موصاحيه ..
طالعتنا ود باحراج وقامت بتطلع ..
ملاك :تعالي ود وين رايحه بتتركينا لحالنا ..

**Loli.** · 09-07-2011, 01:23 AM

رد: بلا رقيب / لعاشقه ديرتها ، كاملة

ود :شكلكم ماتبوني ..
سارا :لا افا وشلون كذا مايصير كيف مانبي ود الدبا اجل من بنجلس نغلس عليه ..
ود :يعني بس هذا اللي تبيني فيه صدق صريحه ..

((5))

الوسيم

سارا

يحليلها هالود تعجبني قووه مره انبسط عليها واحسها صديقه لي رغم ان بيننا فارق عمري خمس سنوات ..
ود :وش فيك يالحلوه تطالعيني كذا لاتكونين معجبه ..
سارا بضحكه :ليه شايفتني لهدرجه معدومة الذوق ..
ملاك :هيي انتي يالخبله صدق ليه ماداومتي ترى اول ثانوي صعبه ماهي لعبه ..
ياحليلها ملاك تكلم وكانها ماره فيها ..
سارا :احلى ملاك لايكون تدرسين من وراي ..
ملاك :يؤ كشفتيني ..
سارا :يالحقيره سويتيها ..
ملاك :والله سارا انا اسفه وش اسوي انا نفسي اكمل دراستي وانتي رافضه وتقولين البنت مالها الا البيت والمطبخ لين يجيها نصيبها ..
سارا:طيب انا قلت لك كذا ليه تخالفين شوري ..فيه بنت عاقله تسوي سواتك انتي مالك الا اللي يقفل عليك بالبيت ومايخليك تطلعين منه الاعلى بيت زوجك .. بنت قليلة حيا ...
جتني ملاك وهي تمشي على ركبها ومسوي نفسها مره متأثر من البكي ووطت على رجولي تسوي نفسها بتحبها ..
ملاك :لاسارا تكفين لا الا دراستي تكفين لا ..
سحبت مع يدها ووقفتها وانا اضحك ..
ود :قسم بالله انكن موصاحيات لاويعرفن يمثلن العمات ..
ملاك :عمات تعمي عيون عدوينك وش عمات هذي ..
ود :مادري كلمه وجت على طرف الساني .. ممكن تسكتن شوي بوريكن شي وابي رايكن فيه ...
وطلعت جوالها ..
سارا :احلى اكشخ كاميرا بعد ..
ود :اجل وش قالوا لك ود جوالها يكون عادي لاحبيبتي مايصير لاوبعد اخر موديل والله وديان ماهي احسن مني ..
ملاك :وديان الماصله ..
ود :ايه وفيه وديان غيرها ..
سارا :ايه فيه وديان فاطمه وديان حنيفه ...
ود :قسم بالله انك مضيعه ..
سارا :قسم بالله اني ادل طريق بيتنا ..
طالعتني ود بغيض ..
ود :انتي ابد ماعندك جديه ..
سارا :لاعندي عاميه والفصحى عند ميشووو ..
ملاك :سارا هونك عليها ماهي متعوده بتفقعين مرارتها ..
ود اللي شكلها فقدت الأمل منها مدت علينا الجوال ..
ود:شوفوا هذا المقطع وقولوا لي وش رايكم فيه ..
اخذت ملاك الجوال منها وخلته بيني وبينها .. فتحت فمي يوم طاحت عيني على اللي داخل المقطع كان واحد مرررررررررررررررررره وسيم فضيع فضيييع بشكل بحياتي ماشفت مثله كانت ملامحه كلها على بعضها جنان مستحيل احد يشوفه ماينهبل عليه .. هزيت راسي وحاولت اركز بالمقطع كان يغني بس صوته ماهو واضح ...
سارا:ملاك ارفعي على المستوى ..
طالعتني ملاك ببلاهه ..
ملاك :ها,ه ..
قلت وانا مستغربه منها ..
سارا :ارفعي بنسمع الأغنيه ..
رفعت ملاك بدون ماتعلق ..
وجانا صوته يغني هلي لاتحرموني منه كان صوته مره عادي بس الكلام كأنه يطلع من قلبه فيه احساس مشاعر تحسون بصدق الكلمات تطلع منه وكل كلمه يقولها مشاعرها تصور على وجهه ..وبالأخير بدت تنزل دموعه على وجهه وعلى اخر المقطع كان واضح عليه فعلا انه يبكي ..
قلت لود بشهقة عدم تصديق..
سارا :هذا شكله صدق يحب ..
ود :حتى انا اقوله ..
سارا :مرره مؤثره الأغنيه بالأخير مع ان صوته موذاك الزود..
ود :ملاك وش رايك بالمقطع ..
حسيت ان ملاك طولت قبل ماترد بصوت بارد ..
ملاك :حللوو .. وكملت بالطريقه مرحه ..
ملاك :والله اني وسارا وفرقتنا المتواضعه اصواتنا احلى منه ..
ود :ليه انتم تغنون ..
سارا :مونغني وبس طق ورقص ووناسه ...
ود :والله انكم ماخذين راحتكم بقوه واخذين الدنيا لعب ووناسه بالشكل ..
سارا :حاسدتنا ..
ملاك :محد ماسكك لاتسوين مثلنا ..
ود :وامي وابوي ..
ملاك :اسحبي عليهم هذي حريه شخصيه ..
ود :ابووووووواك يالنذاله ...
سارا :لاأمك يالنذاله وش فيها يعني اسحبي عليهم ولو طردوك من البيت تعالي عيشي عندنا ترى بيتنا مفتوح للجميع الفتيات الهاربات والمطرودات والساحبات على اهاليهن ..
ملاك :تعالي بس ترى السكن عندنا بأيجار ..
سار:واكلك عليك ..
ملاك :والمويا شرب وغسيل بفلوس ..
سارا :الهواء اللي تستنشقينه بفلوس ..
ملاك :بس اذا كنتي فالبيت بالحوش الهوء مجاني ..
سارا :والطلعه والدخله بفلوس تدخلين عشره ريال وتطلعين خمسه ..
ملاك :السوالف معنا بفلوس انا وسارا على عشره وباقي خواتي على ريالين الا ميشو الحديث معها بخمسين تعرفين مثقفه ونخاف تسرقين احاديثها وضحى الحديث معها مجاني لأنها مستحيل تعطيك وجه وترد عليك ..

**Loli.** · 09-07-2011, 01:23 AM

رد: بلا رقيب / لعاشقه ديرتها ، كاملة

ود :شوقتوني اتعرف على خواتكم مرررررره تحف ..
ملاك :وش تحف وجع قيمي الفاظك ..
ود بأستغراب :وش فيها لو قت انهم تحف مأقصد فيها مسبه ..
ملاك :شفتي ماني قايله لك مانتي عارفه قيم الفاظك اللحين بكره يتحول بيتنا لمتحف وانا وسارا وين نجلس بالشارع ..
سارا :ايه تصوري اشكالنا بالشارع ماعندنا بيت يلمنا ولامصدر رزق ونجلس نشحت قدام المساجد لله يامحسنين ..
ملاك بحزن:والله اني اشفقت علينا ..
ود بالصدمه :اشفقتي عليكم وينك يالرندا تجين تشوفين وتقولين انه انا اللي ابالغ ....
انا وملاك بنفس الوقت ..
سارا وملاك:من رندا ..
ود :صاحبتي دايم اسولف لها عنكم وتقولي تبالغين تبالغين ودي اخليها تجي تشوفكم عشان تشوف بعيونها اني ماأبالغ يالفاقدات ..
ملاك :يؤيؤيؤ لاتقولين فاقدات الاهليه ترى عندنا حساب بالبنك الأهلي ..
ود :لاماعندكن اهليه لأن ماعندكن عضويه بنادي الأهلي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه ..
وجلست تضحك مبسوطه لأنها غلبتنا ان كان عندي رد يسكتها بس سخفتني (كسرت خاطري) اول مره تفوق علينا حرام اخرب عليها فرحتها اليتيمه ..

((6))

شوشو وينك ..؟!

اوووووووف مره ومرتين ومليون وين راحت هذي كيف فجأه كذا اختفت لها ثلاث اسابيع ويومين مختفيه وين طست الله ياخذ عدوينها اووووووووووووف .. معقوله صارلها شي مريضه احد من اهلها صار له شي ولايمكن قبضوا عليها كل شي جايز كلللللللل شي ضرب بقبضة يده على الدريكسون .. شي كريه انك تجهل مصير احد يهمك ..
طالع بالساعته له ساعه من طلع من الدوام مثل امس وقبله وقبله على اساس بيدورها بس وين بيلاقيها ..كل مكان شافها فيه من قبل دور عليها فيه ومالقاها ماخلى تجمعات للشحادين الا ودور عليها بينهم ,,وين راحت كيف فجأه كذا أختفت قلقه عليها حرمه النوم مايدري ليش هو مهتم فيها بس والله ماهو قادر يطلعها من باله .. ارتجفت سيجارته بين اصابعه فرجعها لفمه وحرك سيارته من قدام الأشاره وهو يردد :وينك ياشوشو ويننننننننننننك ..
حالها غريب وحاله هو الأغرب من هي ووش سالفتها ليه تشحد وواضح عليها مو محتاجه ..
ليه وليه وليه وليه والف ليه عنده عليها وكلها مايعرف لهاجابات اللي يعرفه عنها اسمها اللي مايتوقع انه اسمها الحقيقي ولافيه وحده بالدنيا اسمها شوشو ..
اللحين هو ليه مهتم فيها ومتعب عمره يدور عليها طقاقها بالعكس المفروض يكون ارتاح منها موهي اللي منكده عليها ودايم يطردها ويهددها انه يبلغ عنها وش هالتناقض اللي فيه ليه يحس يوم انها تشده ويوم ينفر منها ويكرها ووده لوهو بنفسه يمسكها ويرميها بالسجن .. وايام ووده ينقذها من عيشة التشرد والشحاده اللي تعيشها اكيد ماعندها احد يهتم فيها ويسأل عنها ولوماكان هذا حالها ... كل هالأفكار والتناقضات ماتهمه المهم عنده اللحين انه يلقاها ..
وينها يبغى يشوفها لامولازم يشوفها بس يبغى يتطمن عليها .. دق جواله كان واحد من الموظفين قفل منه وهو يكرر :جاي انا اللحين جاي .. لف بالسيارته بقووووووه اليوم بعد دوارته لها ماجابت نتيجه متى بترجع متى بيلقاها يارب مايكون صابها مكرروووه يارب ..يارب احفظها حتى وهي بعيده ومصيرها مجهول ..

**Loli.** · 09-07-2011, 01:28 AM

رد: بلا رقيب / لعاشقه ديرتها ، كاملة

((5))

ماقبل الالام

انا لى حبيبي وحبيبي الي
ياعصفوره بيضاء لبئى تسألي
ليعتب حدا ولايزعل حدا انا لحبيبي وحبيبي الي

مسح دموعه اللي نزلت على وجهه واللي شكلها صارت عاده ... خايف حيييل خايف يدفع ثمن اللي سواه بأخوه يوم حرمه من الأنسانه اللي حبها .. بس اخوه اللحين متزوج وعايش حياته يعني ماكان يحبها لذيك الدرجه ولاماكمل حياته من بعدها ولاكأنه عرفها بيوم .. هوغيره غيررر مايقدر يعيش بدونها يحبها يعشقها مايقدر يتصور حياتها من غيرها بعد ماغير حياته عشانها تررووح منه لا والف لا ... اخذ نفس عميق يوخر فيه هالأفكار عن راسه من قال اللحين انها بتروح منه الشوق له له هو وبس..لكن اللي مخوفه انه كله ماطلب يملك عليها تعذروا له وأجلوا ..خايف يكون لنواف يد فالموضوع لازم يكون له يد اصلا ماهو مصدق انه للحين ساكت وماتدخل وفرصة الأنتقام منه جت له على طبق من ذهب ..اه يارب توخرره عن طريقي ياررب كلش ولا الشوق مأقدر اعيش من غيرها يارررب لاتحرمني منها ..يارب خذ روحي ولاتأخذها مني ..
يعني هذا كان شعور نواف يوم ركع (استغفر الله العظيم ) قدامي يترجاني اتنازل له عن نوره اللي طلبت من ابوي يخطبها لعانه لأني عرفت بالعلاقه بينها وبين نواف كذا كان أحساسه مثل اللي تنتزع منه روحه مثل اللي ينشلع قلبه قدام عيونه وهو موقادر يحمي نفسه من هالألم ..تأوه بحده وهو يضغط على صدره قلبه بيطلع من محله بس لاتخيل شعوره والشوق ماهي له ..

((8))

المكالمه المجهوله

وعد

وش فيها الأبله هذي شكلها حاقده علي من بداية الحصه وأنا رافعه يدي ابي اشارك معها بس الحماره ماتقومني قومت كل الفصل حتى نوف الا انا وهذا أخر اسبوع يعني لازم اشارك عشان اخذ شي من درجة المشاركه بس الحيوانه هذي مأدري وش فيها علي مايكفي اني اليوم بس مداومه عشان حصتها .. لا انا خلاص موقادره احتمل الحيوانه متعمده ماتعطيني وجه بس انا اوريك حسبالها رافعه يدي عشان سواد عيونها والله انا ارفع يدي عشان الدرجات مابي شي من خشتها والله لو اطر منها .. انتظرتها لين لفت على السبوره ونزلت شحاطتي وصقعتها فيها ...
خخخخخخخخخ لايفوتكم شكلها الحيوانه ..
لفت علينا وهي مفجوعه وأنا كنت واقفه مستعده لمواجهتها..
الأبله :من الحيوانه ..
وعد :مايحتاج تكملين انا ليه ماتقوميني ترى مارفعت يدي من حبي لك انا رافعه يدي عشان درجات المشاركه ..
الأبله :ياقليلة التربايه تظربيني ..
وعد :ايه اظربك ولالظرب حكر عليكن لاحبيبتي حتى انا عندي شحاطه اظرب فيها كيفي ..
الأبله اللي مصدومه للحين ماهي مصدقه ان احد ظربها:انتي وحده حيوووانه مو متربيه .. وجلست ترررد الفاظ سوقيه كثيره ..
وعد :اذا انا مو متربيه انتي وش تسمين انتي ولسانك هذا مالت على هالخشه ..
الأبله :بررررررررررى انقللعي على الأداره .. وهذا وجهي اذا ماخليتهم يعطونك فصل نهائي ..
طلعت وأنا متنرفزه عارفه نقظة ضعفي ياكرهي لهالكلمه ياقشعر جسمي لسمعتها فصل نهائي ..
وعد :طيب هونك على بلاعيمك لتقطع ترى قريبه انا اسمعك ... ورزعت الباب وراي ..
جلست اتمشى بين الفصول صدق مافيه احد الناس غايبه الفصول مافيها الا على عشر خمس طعش بعد ماكانت الفصول على اربعين خمسين طالبه ..مريت على فصل ثانوي شكل كل البنات مداومين فيه كانت الأبله تشرح والبنات واضح عليه الملل بس غريبه مسكتين ماشاءالله عليهم عاقلين .. بس لحضه ذولا مو اولى (ه )من متى نزل عليهم العقل
خبري فيهم العن فصل بالمجمع ..
رجعت اطالع بالأبله وعرفت وش سبب عقلهم هذي أبله منى انسانه مخيفه مرعبه مافيه احد بالمجمع مايهابها ويخاف منها حتى يمكن المعلمات انفسهم يخافون منها ..
كملت مشواري بالدوران بين الفصول ورجعتني رجولي لعند فصل اولى (ه ) لقيتهم على نفس حالهم كسروا خاطري تهي تهي وذولا زميلاتي بمهنة الشطانه الصراحه مارضى لهم المذله طرت فبالي فكره مجنونه ليه مأسويها بس خايفه شوي الأبله هذي ترعب .. افا ياوعووده تخافين هبله تخوفكي والله انك عار لبنات مبارك حنا مانهاب الرجال نهاب الهبلات استري نفسك بس ولاتخبرين احد من خواتك لودرت ملاك ولاسارا وش بيقولون عني اكيد بيتهمني اني وصمت عار في تاريخ العائله اللي صنعهن بالمدرسه بالشطانتهن كيف وهن اللي كان يرقصن المعلمات من هبالهن اجي انا وأخاف من هبله ..
بكل شجاعه دقيت على الباب وفتحته .. وبأسلوب ينقط الأحترام منه قلت..
وعد :السلام عليكم ..
بلعت ريقي اللحين عرفت ليه الناس تخاف منها ..
منى :نعم خيرررررر ..
بتخوفيني هالنظرات تخوف غيري ماهو أنا ..
وعد :ابله فيه مكالمه لك عند الأداره ..
وضح عليها الأستغراب ..
منى :لي أنا ..
لا لي انا ايه لك يالخبله كان ودي اقول لها الكلام ياحسافه ياليتها وحده خبله ..
وعد :ايه ابله لك ..عن اذنك ..
وطلعت بكل احترام ..
حسيت فيها تطلع وراي رحت امشي لوحده من الفصول الفاضيه وكني بروح لفصلي ..
اول ماشفتها تنزل مع السلم رجعت للفصل اولى (ه) ركض ..
وعد :ترى اكذب عليها ماحديبيها يالله اللي تبي تهرب الطريق سالك ...
وحده من البنات :يالمجنونه تكذبين على ابله منى ..
ثانيه :قسم بالله مأنتي صاحيه فيه احد يقص على ابله منى ..
ثالثه :يحوول من المتوسط شكلها من المتوسط ماتعرفها ..
وعد :تصدقن الشرهه على اللي منقذتكن اصلا ابله منى هاللي مخوفتكن وين بتلقانين قصيت عليها وهربت بتروح تدورني بين الف طالبه يعني..
طالعن فبعض ..
الألى :صدق انك مأنتي هينه ..
وعد :اكيد ولا مأكون وعد مباررك .. يالله باي باي ..
وهربت قبل ماترجعن وتصيدني رحت للمخبأ السري لقيته فاضي اووووف توقعت القى الغبيه نوف هاربه ولا مستأذنه مدبره عمرها بس حماره ماتعرف تصرف من غيري ..
ارتحت بجلستي وسندت راسي على الجدار ..اووووووووف مللل .. يؤؤؤ وش فيني ارقص .. وش فيها الأرض تهتز تحتي وخرت شوي اشوف وش جلست عليه رفعت السجاده لقيت تحت طرفها البعيد جوال يؤ هذا شكله حق شهد .. رفعته عن الأرض لقيت فيه خمس مكالمات لم يرد عليها من نفس الرقم جوري .. من جوري ..؟! .. رجع الجوال يهتز بيدي جوري يتصل بك .. ترددت ارد لا خبله وش تردين .. ردي شوفي من جوري هذي .. لا انتي مالك شغل لاتردين ولاتلمسينه .. ووسط ترددي وقف الجوال عن الهز .. اوووووووف زين كذا لو راده ومشبعه فضولي ومتسليه مع هالجوري مو احسن اللحين بجلس لحالي ملانه ياربي ياكرهي لصمت مملللللللللللللل .. ماصدقت يوم حسيت بالجوال اللي حطيته جنبي يحس على طول خطفته وضغطت على زر الرد ...

نهاية الحلقه ..

**Loli.** · 09-07-2011, 01:29 AM

رد: بلا رقيب / لعاشقه ديرتها ، كاملة

الحلقه الخامسه والعشرون

((1))

(.. ملك الأنسانيه ..)

ملاك

اصرت علي سارا انا نرجع للبيت والا انا ماكان عندي نيه خصوصا ان البيت ماكان فاضي شوق اليوم غايبه عشان تجلس مع شدن وجدتي والله الجلسه مع ود ماتنمل والصراحه البنت حبوبه بس باقي اهلها احسهم اشرار من كلامها عنهم خصوصا ابوها واختها وديان اللي شفتها مره انا وسارا من غير ماتشوفنا كانت هي وبنت عمها شوق يلعبن تنس ويصارخن بالدلع ماهضمتهن كانت حركاتهن وميوعتهن تذكرني بنوع من البنات أي المدرسه ماكنت استسيغهن و دايم انا وسارا نتجنب النوع هذا من البنات لأنا مثل ماتعرفون عاقلات مره ومانحب نماشي الا العاقلات مثلنا اللي مايحبن الصرقعه هع ..
عند الأشاره حسيت بيد سارا تهزني ..
سارا :وش فيك يالمفهيه من الصبح اقرق عليك وانتي ماتدرين علي ... تصدقين انتي من شفتي صورة ذاك المزيون بالجوال وانتي مانتي صاحيه ..
طالعتها بالصدمه وش تهبب هالغبيه بتطلع علي اشاعات ترى تنصب لاتصدقونها الغبيه ذي ..
سارا :غبيه بعينك ..
ياربي رجعنا على تجسس على الأفكار ..
سارا :روحي بس الأفطار هاه زين ان عاشقه تلاحقت غلطتك وعدلتها قالت افطار قالت ...
ملاك :احترمي حالك يالملاك ياللي ماتخطئين ..
سارا :لاحبيبتي انتي الملاك والمفروض ماتخطئين ..
ملاك :سارا ترى والله لأرميك من السياره ..
سكتت شكلها صدقت هع صدق بريئه ياويلي قلبي يالناس ياعيني على الأدب ...
ملاك :سارا انتي مره مؤدبه ليه ماكنتي تأخذين الطالبه المثاليه على المدرسه ... سارررا ..سارونتي ..
هزيتها لين انتبهت علي ...
سارا :ملاك شوفي هناك ..
طالعت وين مأشرت كان البعبع اللطيف قيس .. كانت سيارته واقفه جنب سيارتنا على طول ..
ملاك :وهذا اللي سرحانه مافيه ..
ردت علي بعصبيه ..
سارا:ماسرحت فيه بس من زمان ماشفناه ..
ملاك :ايه صح اخر مره شفناه فيها يوم تقولين عيونه تشبه لعيون المجرمين ..
سارا :من زمان صار هالكلام ..
ملاك :وأنتي مشتاقه لي يعني احسن فكه منه مانبي نشوفه ..انا الصراحه مأحب شوفته ولاأرتاح لها ..
ماردت علي سارا ساكته مأدري بأيش سرحانه دخلنا البيت وحنا على نفس حالتنا ..
لقينا الشيخه شدن حاطه رجل على رجل ومتمدده تحت التلفزيون وحاطته على سبيس توون ...
جيت من وراها وسحبت الريموت من يدها ..
شدن :ملاكوووه جيبي الريموت ..
جلست على كرسي وحطيت رجل على رجل وسويت نفسي ماسمعتها وفريته على قناه ثانيه كانت الأخباريه السعوديه سويت نفسي مره فاهمه ورفعت على الصوت زياده ..
كان خبر خبررر خبرررررر ..
قفزت من مكاني وأنا اصرررخ وادور على نفسي ..
ملاك :ياهوووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووو ...
سارا اللي كانت رايحه للمطبخ جتني تركض ووراها شوق ..
سارا:ملاك وشبببك يابنت ...
كنت اصرخ وارقص من الوناسه من غيرموسيقى ...بعد شوي لقيت سارا اللي ملت من سؤالي وأنا مارد عليها ترقص معي ..وشوق الخبله رجعت للمطبخها ومعها الزقه شدن..
وقفت ..
ملاك :وش فيك يالخبله ليه ترقصين ..
ردت علي وهي ترقص تنزل تهز وترقى تهز والله لو مشغلين نانسي ..
ملاك :اعصابك كانك مشبوكه بكهرباء ..
سارا :تحمست ياحلووووو الرقص ..
تذكرت أنا ليه كنت ارقص وتحمست ...
ملاك :ماسمعتي أحلى خبررر ..
سارا :لاوشووو ..
ملاك :خفضوا اسعار الرزز والحليب ..
سارا بصرخه :كذابببببببببه ..
ملاك :يمين بالله ..
ضحكتني سارا من الوناسه ماتدري وش تسوي جلست تزغرط (تيبب)..
سارا :كلووووووووووووووووووووووووووووووووووووووووووووووو ووووووووووووووش ..

((2))

سارا

مره استانست يوم علمتني ملاك بالخبر ومن الفرحه جلست ازغرط ياحبيله بابا عبدالله ماقصر والله .. وودنا لو كل اسعار المواد الغذائيه ترخص مو بس الأرز والحليب بس يمكن ذولا اهم غذائين للشعب السعودي ..الصراحه ارتفاع الأسعار افقرنا معه زود ماحنا فقرانين كان كارثه للي حالتهم مثل حالتنا حسبي الله عليهم التجار الطماعين يعساهم يذوقون جوعنا هم شبعانين بطرانين مادروا عنا حنا المساكين اللي محدن سأل فينا عشنا ولامتنا وجودنا وعدمه واحد..
ملاك :سارر وجعوووه وش فيك اليوم بس سرحانه وتهوجسين ..
سارا :مقهورره من التجار ورجال الأعمال ..
ملاك :ليه وش فيك عليهم ..
سارا :هم سبب ليش يرفعون الأسعار ..
ملاك :وأنا وش دراني عنهم الحيوووانات ..
سارا :حقيرين اكررههم طمعهم سبب كل مصايبنا اصلا أنا دعيت عليهم يذوقون الجوع مثل ماذقناه ..
ملاك:يارب قتر عليهم بعيشتهم وضيقها عليهم ...
انبسطت حتى ملاك رأيها مثل رايي احسن خل ندعي عليهم يستاهلون خل ينفعهم طمعهم ان شاءالله كل قرش يكسبونه من رفع الاسعار نار ببطونهم يارررب ...
ملاك :اللحين ليش نضيق على انفسنا خلينا نحتفل بكرم بابا عبدالله الله يطولنا بعمره ...
وجلست تغني بابا عبدالله بابا ياغالي يحفظك المولى وينصرك الوالي وشدن تردد معها وأنا ارقص ..
شوووي وقطع طربنا التلفون رديت عليه ثمن عطيته ملاك لأنها المطلوبه الوليد ..
بعد ماقفلت ملاك التلفون رجعنا للأحتفالاتنا ...
جلست اطبل على الطاوله وأغني وملاك ترقص ..
سارا :.. اهمه لو قال اني مأهمه .. غلاه يدور في قلبه ودمه .. يبان الحب في نظرة عيونه يقول الصدق ولا ولد عمه ..
عاشووووووووا البنات .. ورررى قدام ... يغارر وغيرته تفضح غرامه .. وتكشف غيرته حتى كلامه يغار ويقلب الدنيا عليه يبني دوم في قربه وجنبه.. عاشوا هييي ..
والخبله ملاك ترقص بحماس وشدن ماهي مقصره مغطيه عليها بالرقص ...
دق التلفووون من جديد وقطع رقصنا ..
رفعته وأنا مقهوره ..
سارا :خيررر نعم ..!!
الطرف الثاني :منزل مبارك ال ..
سارا :مبارك مين لا ..
وقفلت بعدين انتبهت يووووووووووه صدق اني غبيه وأنا اقوول من مبارك هالأسم ماهو غريب علي صدق اني غبيه ..
ملاك :مين ..؟!
سارا :تصدقين وحده تقول هذا بيت مبارك وقلت لا ..
ملاك :وأنا اشوفك تقولين مبارك مين لا, حسبته احد يسألك اذا هو موجود ..
سارا :لا صدق انك غبيه من بيسأل عنه عندنا ومن وين بيجيبون الرقم ..
ملاك :تصدقين غريبه من هذي اللي تبي مبارك ..
سارا :مادري ..
وفجأه صرخنا جميع انا وملاك ..
:لايكوووووووووون ..
سارا :لايكون ايش ..
ملاك :لا انتي قولي لايكون ايش ..
سارا :لا انتي قولي ..
ملاك :لا انتي الصغيره قولي ..
سارا:كذابه انتي الصغيره يالله قولي ..
ملاك:والله مأقول لين تقولين ..
سارا :والله مأقول لين انتي تقولين ..
ملاك :بكيفك ماني ميته على كلامك ..
سارا :ولا انا بموت عشان ماعرفت اللي كنتي بتقولين ..
جلست بكرسي بعيد عنها وعطيتها ظهري ..
شدن :ياغبيات وش فيكم جالسين كذا ..
محد رد عليها ..
شدن :حمارات قومن بنرقص ..
محد رد عليها ..
شدن :ياربي مجنونات ماتردون اشكالكم تضحك ..
يوم ماشافت فينا فايده ..صرخت ..
شدن :خبلات اروح العب مع روبي اصرفلي ..
وراحت ..
ملاك :زعلت ..
جيت بسوي نفسي زعلانه ومارد عليها بس ماقدرت لساني يقرصني بيتكلم..
سارا :طقاقها وش اسوي لها ..
ملاك :بتعلمن علينا ضحى ..
سارا :ماتخوفني ..واصلا ضحى مو جايه الخميس هذا ..
ملاك :بس شدن ماتنسى ..
مارديت عليها .. دق التلفون .. وتسابقنا عشان نرد عليه وسبقتني هي ..
ملاك :هالووووووووووو مبارك هاوووووس .. أجل اجل وووووووووووووت .. مين اختي وش فيها ماتت لا مستحيل وش قاعده تقولين انتي اللحين انا جايه اللحين ...
خفت من كلامها اول ماقفلت كنت بوجها ...
سارا:وش فيه من اللي ماتت ..
ملاك :مادري هذي المدرسه تقول بنتكم تعبانه مأدري وش فيها تعالوا خذوها ..
سارا :بنتنا ماقالت مين ..
ملاك:لا ياويلي لايكون وحده من البنات صار لها شي ..
سارا :ملاك تكفين لاتخوفيني .. نروح نشوفها ..
ملاك :يالله .. هي اصلا تقول تعالوا خذوها ..
لبسنا عباياتنا اللي معلقينهن ورى الباب لزووم السرعه .. كنا طول الوقت وحنا بالسياره مرتبكين وخايفين على أختنا المريضه .. طبعا اخذنا تاكسي لأن سفر يوم دقينا عليه قال انه مع مشاعل ..

((3))

(..شقاوة بنات..)

وعد
حسيت بالجوال اللي حطيته جنبي يهز على طول خطفته وضغطت على زر الرد ...
وعد :نعم ..
الطرف الثاني :........
وعد :الووو جووري ..!!
طخخخخخخخخخ ... قفلت بوجهي الحيوانه صدق حماره كيف تتجرأ ,,رفعت الجوال ودي اخبطه بالجدار اللحين كل هالتردد والتفكير وبالأخير تقفل الخط بوجهي حيوانه الشرهه مو عليها على شهيدان اللي تكلم وحده مثلها .. اووف يالملل يعني هالجوري وش بينقصها لوردت علي وجلست اسولف معها بدال جلستي الكيئبه هذي وانا اردد ملل طفش طفش ملل ..ووسط مللي فتحت صندوق الوارد بشوف راسائلها .. وجععع فاضي وجه فقر حتى رسايل ماعندها طلعت لقائمة الأسماء لقيت فيها اثنعش رقم وكلها اسماء بنات احلى شهد كل ذولي صديقاتها من وين جابتهن بالمدرسه ماعندها ولاصديقه ووين ارقام الشباب اللي تكلمهم ليه ماسجلتهم ولايمكن حافظتهن ماتحتاج تسجلهن بالجوال كل هذا خوف من الأداره لو فتشوا وطاحوا على الجوال طيب ليه ماتخاف رب العالمين وهي تدري ان اللي تسويه خطأ ...
وأنا اقلب بقائمة الاسماء لفت نظري رقم اعرفه ززين ياربي وين شايفته هالرقم .. وبكل غباء ضغطت على زر الأتصال (جاري الأتصال في بيت الفقر) ياربيه قدايش انا غبيه هذا رقم بيتنا .. ماقطعت المكالمه خليته يدق بجلس اسولف مع اللي ترد على التلفون وبستهبل عليها ..
وعد :الو مرحبا قصر الوليد بن طلال ..
:يس من فيه يبقى هوا ..
وعد :وعد مبارك ..
:هووو مايقاد وئد موبارك بنفسها يالل الهول سواني وهو في يجي يكلم انتا ..
وعد :الو الوليد .. وينك .. الحمدالله بخير كيفك انت .. بالنسبه للسلف اللي طلبته مني .. ايه خلاص جهزت الفلوس متى بدك اياها .. اوكي نو بروبلم بحطهالك امانه عند دكان ابوصالح .. اوكي .. اوكي .. يالله باي وسلم لي على الريم بنتك ..
ملاك :لحضه وووووووووعد ..
وخرت الجوال عن اذني حشى مو صرخه هذي كانت بتفقع طبلتي عاد من وين اجيب طبله ثانيه الطقاقات مكوشات على السوق الطبول ..
وعد :نعم وش تبين ..
ملاك :من وين تكلمين يالهايته ..
وعد :ماني هايته احترمي حالك هذا جوال شهد ..
ملاك :جوال شهد الصياعه ومن الصبح تكلمني فيه بكم

**Loli.** · 09-07-2011, 01:30 AM

رد: بلا رقيب / لعاشقه ديرتها ، كاملة

شاحنته هذي ..
وعد :وانا شدراني انقلعي بس ..
ملاك :لحضه وعد ماسمعتي اخر خبر ..
قلت بحماس ..
وعد :لا أي خبر..
ملاك :بابا عبدالله خلاهم يخفضون اسعار الرز وحليب الأطفال ..
وعد :كذابه احلففففففففففففففي ..
ملاك :قسم بالله وحنا جالسين نحتفل رقصص وووناسه ياهي فايتك ..
وعد :الله وناسه يالله مع السلامه عشر دقايق وانا جايتكم ..
وقفلت بالسرعه ياحبيله بابا عبدالله والله اني احبوووووووو ..
نزلت الدرج بالسرعه الدور الثالث الثاني واخيرا الأول طرت على الأداره وقبل مأدخلها تلاحقت على نفسي مسكت بطني عضيت لساني بقوه لين حسيت بطعم الدم بفمي وصرخت بألم ..
وعد :ا اىىىىىىىىىىىىىىىىىىى بموووووووووووووووووووووووووووووووووووووووووووووووو وووووووووووووووووووووووووت .. الحقوني انجدوني .. ورميت نفسي على الأرض اخخخخخ احس عظامي تكسرت بديت اصرخ بألم اىىىىىىىىه ياويلي شكله كسرت نفسي ... طلعن المشرفات من الأدراه ..
:يابنت قومي وش فيك ..
الله ياخذ هالخشه هذا اللي قدرك الله عليه .. صرخت بألم..
وعد :اىه أمي ابغى امي بموووت من الألم بموت ...
طبعا الاه صدقي بس الباقي كذب من حبي لأمي اقول ابي امي ..
المشرفه :قومي يابنت اشوف بدق على أهلك يجون يأخذونك ..
وعد :مأقدر اه يالألم بمووووت..
المشرفه الثانيه :نتصل على الأسعاف ..
المشرفه :وش اسعافه اللي بنطلبه عشان دلع بنات قومي يابنت ادخلي بغرفة الأنتظار لين اتصل على أهلك يجون يأخذونك ..عطيني اسمك كامل ...
سويت نفسي ماني قادره اوقف وساعدتني المشرفه لين دخلتني غرفة الأنتظار وأنا مو مقصره بالصرخات والتأوهات الوهميه .. بس اخ لساني يألمني صدق ..
رجعت علي المشرفه وقالت أنها دقت على رقمنا بس ردت عليها وحده وقالت انه ماهو بيت مبارك ..
سويت نفسي اتألم وبفقد الوعي من الدوخه ..
وعد :دقي مره ثانيه اكيد وحده من خواتي تستهبل ..اه الدنيا تدوووووورر ..
سمعت المشرفه تنفخ بقهر وهي تقول ..
المشرفه :وانا فاضيه لأستهبال اختك.. وطلعت وتركتني ..
انا كنت رافعه علبة كلينكس بظربها فيه مو أحسن من الأبله بس تداركت عمري انا المفروض مريضه ..
ياءالله يالزين الراحه صدق هالكنبه مريحه ياحلوو النووم عليها ...
صحتني صرخه اختتتتتيييي وووععدد وش فيها وش مسوين فيها يامجرمين ...
يووووه شكلها راحت علي نومه حاولت اجلس بس جسمي مكسل ودي ارجع انام .. حسيتني انهزز ..وصووت احسه بعيد ووووعععد حبيبتي وعععد ياعمري ردي علي تسمعيني وعد انتي حيه ..
غصبت نفسي وفتحت عيوني ..
صرخت فرح وعععععععد ياعمررري سارا وعد حييييييه ..
طالعت بسارا وملاك وبالمكان لاياربي كيف نمت بالمدرسه ..!! .. سألتهم بكل بلاهه ..
وعد :كم الساعه ..
ياعيني على السؤال اللي يسمعني يقول مره تقدس الوقت .. بس من الركبه مادريت وش اسوي احس اني بليده ماني قادره اكمل اللي بديته ..
المشرفه :كيف حالك ياوعد اللحين تحسين نفسك احسن تقدرين تكملين وتحضرين الحصص الباقيه ..
جمعت بعض من قواي .. وصرخت ..
وعد :لا من قال للحين مريضه اه بطني يوجعني اه ..
طالعت فيني المشرفه بنظرات احسها شاكه فيني ..ياشين التمثيل والواحد توه صاحي من النوم ..
المشرفه :طيب تعالوا وقعوا على الورقه هذي والورقه هذي خوذيها للمستشفى خليهم يكشفون عليك ويرسلون لنا تقرير باللي فيك ...
ملاك :طيب يالله بالسرعه بنلحق نوديها للمستشفى ماتشوفينها كيف تألم ...
المشرفه :قبل عطوني بطاقة ولي امركم ..
ملاك :أي ولي امر الله يعافيك ..
المشرفه :ابوكم اواخوكم اللي جاين معه ..
سارا :جايين مع التاكسي تكفي بطاقته ..
المشرفه:تنكتين حضرتك ..ماراح تطلع الا في بطاقة ولي امر او كرت العائله ..
ملاك :ماهو معي كرت العائله بس معي نسخه منه ..
المشرفه بتردد :جيبيها اشوف بس لاعاد تعيدونها ..
سارا :اخلصي علينا بس ..
كل هذا وأنا جالسه مكاني متندمه على اللي سويته الخبلات خواتي شكلهن مصدقات اني مريضه مايدرن اني سويت كل هذا عشان اطلع من المدرسه ياويلي كيف بتكون ردت فعلهن لو درن اني سويت كل هذا عشان اطلع وأحتفل معهن ...صدق انهن غبيات يعني مايعرفني قبل ساعه كنت اكلمهن وأستهبل وش هالمرض اللي بيجيني فجأه بس هذي مشكله الفاشلين اللي ماكملوا دراستهم اغبياء مايعرفون للفنون التصنع والتمثيل للهروب من المدرسه ..
وقعت ملاك الأوراق وطلعنا بعد ماورتها كرت العائله ..
بالسياره كنت ساكته وملاك وسارا يسألوني وش فيني ..
ملاك :وعد انتي كنتي كويسه وتكلميني وتستهبلين وش اللي جاك فجأه ..
سارا :انتي اللحين تعبانه تبغينا نوديك المستشفى ..
قلت بالسرعه...
وعد :لا ..
اووووووف لازم اقول لهن الحقيقه ..وعشان اتهرب ..
وعد :لوصلنا البيت اقول لكم بس قبل بنمر على الدكان نشتري حلاوه طحينيه ..
ملاك :حلاوه طحينيه وش طراها عليك اللحين ..
وعد :بس كذا مشتهيتها ..
حسيت اني انكشفت نظرات سارا لي ماهي طبيعيه .. وعشان تأكد ظنوني صرخت صرخه كانت بتودينا بالداهيه لأن سواق التاكسي فرررررررررمل فجأه ..
سارا :وععععععععععععععععععععد يالحيوووووووووانه تقصيييييييين علينا حنا ياحماره ..
وكملت وهي تظربني بشنطتها على راسي وظهري وكتوفي وانا احاول احمي نفسي بيدي ..
سارا: طيب قولي لنا ماهو مخليتنا مثل الهبلات خايفات عليك .. وعقاب لك مافيه طيحنيه خلي لسانك يذبحك عشان تعرفين تكذبين مررره ثانيه ..
فتحت عيوني بشويش بشوف بتظربني ولاخلصت مني الحمدالله لقيت معتدله بجلستها وماهي يمي ..
وعد :حررام عليكم ماهو ذنبي انكم اغبياء ... لساني يوجعني قوووه تكفون ابي طحينيه ..
ملاك :يالحماره انتي ماتوبين من حركتك ذي طيب لو انقطع لسانك ولا أنطرمتي بينفعك لعبك هذا ...
اللحين عضت اللسان بتخليني طرماء الحمدالله والشكر .. جلست اتمسكن قدامهن ترى مجرمات ذولي يسوونها مايجيبن لي حلاوه طيحينه واجلس انا ميته من الألم ..
وعد :وش اسوي كنت ابي اطلع بأي طريقه وانتم شهيتوني اكثر على الطلعه يوم قلتم انكم تحتفلون ..
سارا :اجل تحمليلي اللي يجيك مو انتي اللي تبين الطلعه تحملي هالألم كرمالها ..
وعد :ملاك سارا تكفوووووون لساني يوجعني قوووه والله بصير طرماء ..
ملاك :اللحين مو لسانك يوجعك ليه تكلمين انطممممي ..
جيت بتكلم بس قاطعتني سارا ..
سارا :قلنالك انطمممممممممي ..
ملاك :والله ان عدتيها ياوعد لنحجزك بغرفة السطوح ..
وعد :ماتقدرررون اخبر ضحى عليكم ..
سارا :والله لودرت ضحى بتسويك هي اللي بتحجزك بغرفة السطوح ايام ..
وعد :مجرمات انتن مجررررمات ..
جلست اصارخ عليهن واسبهن بس اه يالقهررر ماعطني وجه ولاكن ادميه جالسه معهن ..
وصلنا البيت نزلت قبلهن بهرب بس سارا كانت سريعه ومسكتني ..
وعد :فكيني ياحمارره ..
سارا :وين بتروحين ..
حاولت اتملص منها بس ماقدرت ..
وعد :فكيييييني مالك دخل ..
نادتنا ملاك اللي فتحت الباب ..
ملاك :امشن ادخلن ...
وعد :ماني داخله خليها تفكني ..
:سارا وععععععد ..
لفينا كلنا على مصدر الصوت شفناه كان منير ..جاي يركض من اخر الشارع ومعه شنطته ..
وعد :منيرررررر ساعدني ..
وصلنا منير وهو يلهث ..
منير :وش عندكن تهاوشن بالشارع ..
وعد :منير خلها تفكني ..
فكتني سارا ..
سارا :وش عندك انت بعد الساعه توها احدى عش مسرع طلعت ..
منير :ماخذنا شي من الحصه الأولي وحنا نلعب كورره ..
وعد :ياحظكم ماهو حنا كله مراجعات مللونا ..
ملاك :سارا تعالي من صدقك واقفه مع هالخبول ..
راحت سارا وبقينا انا ومنير ..
عفست وجهي لأن لساني كان يوجعني قووه ..
منير :وعد وش فيك ..
وعد :عضيت لساني ويوجعني .. وملاك وسار عيوا يشترون لي طحينيه ..
منير:وانتي ليه ماتشترين ..
وعد :مامعي فلووس ..
منير :انا اشتري لك ..
وعد :يالله وش تحتري امش لدكان ..
منير :بتجين معي ..
وعد :ها لابجلس احتريك .. اكيد بجي ..
وحنا نمشي بالطريق ..
وعد :انت ليه ماصرت تجينا كثير ..
طالعني بأستغراب وهو يأشر لي عشان اوقف لأن فيه سياره ماره بالسرعه ..
منير :كل يوم اجيكم ..
وعد :قبل كنت تقضي اليوم كله عندنا اللحين بس تجينا ساعه ساعتين وماتدخل بالبيت عندنا بس بالحوش ..
منير بتردد :قيس قالي اسوي كذا ولابيمنعني اجيكم كلش ..
وعد :الله يأخذه الحقيررررررر .. ليش بيبعدك عنا ..
منير :هوو يقول كذا احسن لي ولكم ..
وعد :كيف احسن بعدين من متى هو يسولف معك عشان يقول احسن واشين اخبره بس فالح يكفخك ..
منير :اوووف وععد اللحين وش تبين فيه ..
وعد :ولاشي ..
منير :أجل خلاص اسكتي لتكلمين عنه ..
وعد :لاتسكتني ..
منير :الا بسكتك احمدي ربك بشتري لك حلاوه طحينيه ..
وعد :وابي ببسي بعد ..
منير طالعني بنظرة قهر ..
وعد :لاتطالعني كذا لو معي فلوس ماطلبت منك ..
منير :اصلا انتي متى صار معك فلوس ..
وعد :لو عندي كرامه ماخليتك تشتريلي بعد هالكلام بس وش اسوي ربيت فبيت يقولون أهله الكرامه ماتأكل عيش ..

**Loli.** · 09-07-2011, 01:33 AM

رد: بلا رقيب / لعاشقه ديرتها ، كاملة

(4))

(.. نهايه أو بدايه..)

ميشو
تحسست الشاش حول عيني لأتأكد انه مازال بمكانه وغير واضح من خلف النظاره الشمسيه التي ارتديها ويبدو شكلي بها مضحك في قاعة الأمتحان .. لطفك يألهي الألم يكاد يقتلني من شدته .. لم استطيع النوم بسببه ولم يترك لي فرصه حتى للمذاكرة .. صداع فضيع وطنين مهلك والرؤيا بدت لي ضبابيه كلا يألهي ليس الان علي حل هذه الأسئله اللعينه يجب ان انجح بهذا المقرر بالذات اغمضت عيني السليمه وبدأت بسيل من الأدعيه والأستغفارات ... شعور بالخدر احسه بعيني اليمنى المصابه وسكينه تملأ نفسي لأرى سوى الورقه ولا أفكر الا بكيفية الأجابه عليها تمر ثلاث ساعات بلمح البصر أخرج بعدها من لجنة الأمتحان وقد بدأ الألم يتصعد لدرجه اوشكت معها على الصياح بصوت عالي بأن يتركني وشأني .. لم أجد نفسي الا امام مكتب الطبيبه دخلت اليها وبعد ان شكوت لها علتي اعطتني بعض المسكنات وطلبت من مراجعة المستشفى حسنا يبدو ان هذا ماسأفلعه فلست مستعده لشعور بالألم من جديد ..
دخلت الكافتريا لأحستاء كوب من الكابتشينو يعيد الي بعض نشاطي الذي فقدته ثم الذهاب مباشره للمشتشفى حملت كوبي متخطيه العديد من الطاولات .. سمعت بعض الأصوات تتهامس بأسمي لم أتوقف لأسمعها لأنها بالتأكيد لن تعجبني .. جميع الطاولات مشغوله لذالك شاركت طالبتين طاولتهن ..
ميشو :المعذره ..
وجلست لم أعرهن انتباهي ولم تجذبني همساتهن للنظر اليهن اكتفيت بأحتساء شرابي والكتابه على ورقة الأمتحان التي تفاجئت عند جلوسي على الطاوله باني مازلت احملها بيدي..
احسست بيد تستقر على كتفي ..
هدى :مرحبا شوشو حياتي كيفك ..
كلا يألهي ليست هي ..
قبلت خدي وهي تجلس في المقعد المجاور لي ..
ميشو :مرحبا هدى ..
هدى :اشوى تذكرتيني احسبك نسيتيني ..
ميشو :بالتأكيد لاوكيف يحدث ذالك ..
ارسلت يدها لتنزع نظارتي ولكني كنت اسرع منها ومنعتها عن ذالك ..
هدى :اشبك ميشو ياقلبي اشتقت لعيونك زرقاء خليني امتع عيني بشوفتها ..
وقفت بالسرعه وأنا اضع حقيبتي على كتفي ..
ميشو:اعذريني هدى يجب علي الذهاب ..
امسكت بيدي ..
هدى :لاميشوو تكفين اجلسي انا ماصدقت اشوفك ..
سحبت يدي بقوه ..
ميشو :ارجوك علي الذهاب ..
وحينما خلصت يدي منها ..
ميشو :الوداع ..
وأخيرا تخلصت من الامي بعد مراجعتي للعياده العيون .. اعرف انه تخلص مؤقت ولكنه يتيح لي الفرصه لتفكير بأحوالي .. فعلها السافل وكما في الفتره الأخير حطم كل توقعاتي وفعل مالم اتوقع ان يقوم بفعله ..بكل وقاحه كشف كل مارتكبته لم تخذله شجاعته كما توقعت .. ادهشني بتناقضاته يعترف بأمور وأخرى يستتر خلفهاويخشى كشفها الى العلن .. تسألت هل أخبر والدي كيف كانت ردت فعله هل سارع للقول انه قد تبرىء منا كعادته .. او قام بشتمي وسبي وأخبره بأنه سيأخذ له حقه مني .. ماذا حدث .. هل أخبر والدته .. ماذا عن سوسو صديقتي العزيزه التي خدعتها ومازلت اتفنن بخداعها هل اخبرها ماذا فعلت وكيف كانت ردت فعلها .. هل تشتم بأبنة زوج امها وترغب بالأنتقام منها لصالح شقيقها هل تنعتني بأقبح الألفاظ كعادتها عندما تكره شخص ما وتتخذ منه موقف ..
فجأه شعرت بأن هناك امر غريب يحدث ..
ميشو :سفر ماذا هناك ..؟!
سفر :هذا في سياره هدي (حدي)انا ..
كلا يألهي السفله مالذي يريدونه ..
ميشو :سفر ارجوك ضاعف من سرعتك ..
سفر :فيه اشر انا وقف ..
ميشو :كلا سفر ارجوك لاتفعل ذالك ...
لأعلم مالذي يريدونه منا لماذا يلاحقون سيارتنا ويطلبون من سفر التوقف ويجبرونه بمضايقاتهم للسيارتنا على ذالك ...
سمعت صوت انفجار تسبب بأهتزاز السياره ... شيء ما اصطدم بالرأسي ادى الى فقداني للوعي .. ولم اعد اشعر بالحياه ..!!!

((5))

(..ذكريات ..)

عساف ..

دق علي خلف وقال اجيه بالمستشفى وماقال وش فيه ولاوش يسوي بالمستشفى رحت له بالسرعه .. اول مادخلت المستشفى دقيت عليه ..
عساف :الوو خلف وش فيك وينك انت ...
علمني بمكانه رحت له بالسرعه دخلت عليه ولقيت نايم على السرير ورجله مجبره ..
عساف :وش فيها رجلك ..
خلف :انكسرت ..
جلست على الكرسي اللي جنب سريره ومديت يدي بلمسها .. بس هو مسك يدي بالسرعه ..
خلف :وخر يدك ..
عساف :كيف كسرتها ..
خلف :زلقت بالحمام ..
عساف :اكيد عقلك ماكان معك ..
خلف :وش تبي من هالكلام ..
عساف :ولاشي متى قالوا لك تقدر تطلع ..
خلف :مادري ماسألت ..
عساف:اهلك يدرون ..
خلف :لا كنت قايل لهم اني بسافر ..
عساف :كنت بتسافر ماقلت لي ..
خلف :ماكنت واثق ..
سكتت شوي ويده على رجله المكسوره ..
خلف :طلقتها ..
عساف :وشووووووووووووووووو ..
خلف :طلقت الهنوف ..
عساف :زوجتك الجديده ..
خلف :اييه ..
عساف :وليه حرام علي ..
قاطعني ..
خلف :هم اللي طلبوا مني ...
عساف :اهلها ..
هز راسه بنعم ومارد علي ..
عساف :ندمان ..
خلف:بالعكس مرتاح ..
عساف :امك درت ..
خلف :ايه من قبل وهي قايله لي اطلقها ..
عساف :يعني جاء الطلب على هواكم .. ومن الضحيه القادمه ..من خطبت لك امك ..
خلف :ولا أحد وش هالسؤال ..
جلسنا عشر دقايق ساكتين ..
رفعت يدي ورى راسي وتسندت عليهن ورفعت رجولي على السرير .. وتذكرت ..
ضحى :وش التخلف هذا ماتسمع انت اقوولك خذ ولد اخوك وانقلع ..
كانت واقف قريب من الباب وساكت مارديت عليها ذهوولي بالحوار اللي بين خلف والواطيه سالب كل عقلي كانت تهينه وترمي عليه كلام اللي مافيه ذرة رجوله يحس بالأهانه منه ..كنت مركز على الأخير انتظر اللحضه اللي بشوف فيها راسها بين يدين خلف بعد ماقصه لها ..وهي تسب وتشتم فيني برد عليها بس ماقدرت الموقف شادني للاخر درجه ماصدقت عيوني يوم شفت خلف وهو يغرز اصبعه بعينها توقعته قلع عينها من مكانها يوم سمعت صرختها ..
تصرف خلف رجع لي شوي من الثقه فيه وانه مازال خلف اللي اعرفه ...
ظربتني على كتفي بقوووه ..
ضحى :ياحيوووان انقلع اطلع بررررررررررى ..
وخرت يدهاعني ..
عساف:اقدر اكسر لك يدك هذي بس مراعي انك مو على بعضك ادبي اختك عشان مايتكرر مثل هالموقف ...
ضحى :اختي اللي يبي لها تأديب ولا ولد اخوك والله لأدفعه الثمن الحيوووان ..
عساف :هي اللي جنت على نفسها وش تبغى بالرجال تفضحه اصلا هي لو فيها ذرة احترام او اخلاق ماسوت اللي سوته ..
ضحى :كلكم حقيرين مثل بعضكم اطلع الله لايوفقك انت وياه ..حسبي الله عليكم وش تبغوون فينا مضايقينا بعشتنا وش تبووووووون فينا اتررركوووونا انسووووونا نساكم رب العالمين ...
طلعت يوم شفتها فاقده اعصابها دايم اشوفها مسيطره ساخره بارده بس المره ذي كانت اعصابها منهاره تدعي تسب تشتم توقعت باللحضه من اللحضات انها بتجلس تصيح منهاره ...
رفست رجل خلف المجبره بقهررر ...
خلف بالصرخه :عساف لا ...اه ..
عدلت جلستي ونزلت رجولي من على السرير ..
عساف :تستاهل بسببك تهاوشت مع زوجتي ...
رد علي وهو ماسك رجله ووجهه منعفس من الألم ...
خلف :حسبي الله عليك انت وياه .. اصلا انت ماكنت متهاوش مع زوجتك بالأسم ..

**Loli.** · 09-07-2011, 01:33 AM

رد: بلا رقيب / لعاشقه ديرتها ، كاملة

تنرفزت من كلمته حسيت فيها طعنه للرجولتي ...
عساف :احتررررم نفسك ..
وبزفره كملت ..
عساف :تعايرني ياولد صالح قسم بالله لو مانت بهالحاله كان عرفت كيف ارد عليه ...
وطلعت قبل ماسمع اعتذاره اللي جالس يردده ..
ياهي حاله حتى خلف يعايرني خللف وللد اخووي وانا اللي ماعتقدتها تطلع منه بيووم ..
استاهل كل هذا بسبب تهوري ليش تركتها ليش سافررت كله عشان زوجوني ايها غصب طيب زوجوني عمتها من قبل غصب وش اللي أختلف ..
مأنلام كنت توني طالع من مصيبة مووت زوجتي وبنت مريضه بالمستشفى بين الحياه والموت يجوون يزوجوني الله يسامحك يبه الله يسامحك ياعمتي غصبتونا على بعض وشوفونا للحين بعد ست سنوات ندفع الثمن ..
تذكرت
يسرى :ابوي يبغاك تأخذ بنت مبارك ..
انصعقت فالبدايه بعدين جلست اضحك ..
يسرى :وش فيك تضحك كل هذي فرحه ..
عساف :فرحه هههههههههههههههههههههههههههههههههههههههه ياحليلك بس فرحه يبغاني اتزوج بنت مبارك وهذي كم عمره 13 سنه والا اربعتش ..
يسرى :عمرها 18 سنه لاتقووول صغيره يوم أخذت عمتها كانت اكبر منها بالسنه وحده ..
عساف :وانا كنت اصغر من عمري اللحين بالسنين ..وش فيه ابوك استخف شغال خطابه يمووت لو ماصار عرس... عنده مبارك خل يزوجه ولا ابوك يخرب من جهه ويصلح من جهه مبارك ياخذ ارملة ولده وبنت مبارك انا اخذها بس معصي الا هنا وبس ...
يسرى :وش فيك هاب بأبوي .. هو ماجاب الشور من عنده البركه بعمتك وحفيدتها المصون اللي ماستحت على وجهها حاطه عينها على زوج عمتها وقدام الناس تربي بنت عمتها عشان ماتعذب مع وحده غريبه ..
عساف :والله عاد شور ابوك وعمتك واحد قولي لهم لو تنطبق الأرض على السماء مأخذتها وبنت عمتها على قولتهم خليها تعيش اللحين بعد نشوف من بيربيها ..
ضغطت على جوالي بقوووه وانا اشوف الصوره اللي داخله صوره التقطتها بلحضة غفله منها ضحى وهي ماسكه يد شدن راجعات من مشوار .. ربتها أيه ربتها بعد ماتزوجتها غصب وسافرت وخليتها ارجع عشان القى زوجتي المنفيه مربيه بنتي المنسيه ..
حركت سيارتي وانا افكر ان ضحى ماهي موجوده يعني اقدر اشوف شدن واتكلم معها على راحتي ويمكن اخبرها بالحقيقيه شدن ماغيرها هي اللي بتقربني من ضحى هي نقطة ضعفها ولازم استغلها لوكسبت حب شدن بابتز ضحى فيها وبنشوف يابنت مبارك يأنا يأنتي ..

((6))

(..أحساس أم ..)

ضحى

رتبت المواعين اللي غسلتهم بعدماجففتهم بأماكنهم بالدولاب .. دخلت علي عمتي ام مها زميلتي بالمدرسه واللي ساكنه معهم بالنفس البيت ..
ضحى :هاه عمتي ام ناصر تامرين على شي ..
ام ناصر:ايه جاي بسويلي شاهي ..
اخذت الغلايه من يدها ..
ضحى :خليه عنك انا اسويه ..
ام ناصر :لاوالله يابنيتي انا اللي بسويه تعبناك من مرضت مها وانتي اللي تقومين بشغل البيت لحالك ..
ضحى :من كبر البيت ياعمتي خليه عنك بس وبعدين انتي مثل امي ومستحيل اخليك تشتغلين وانا موجوده ..
ضحكت على نفسي مثل امي لامستحيل ام ناصر الطيبه تكون مثل امي هذي مثال الحنان والطيبه ينبووع الصفا والمحبه مثل امي اللي يكفي عشان تكون قاسيه انها تزوجت مبارك ..
ام ناصر :أجل مادامك مصره يابنتي سويلنا براد ول احمد براد ..
ضحى :ان شاءالله من عيوني روحي انتي ارتاحي ...
سويت الشاي لنا ولأحمد وحطيت زمزميته عند باب غرفته بعد ماطقيت عليه الباب وقفلت الباب الفاصل بين غرفته وبين الصاله .. ورجعت للمطبخ واخذت الشاي حقنا والمكسرات ورحت فيها عند ام ناصر ومها بالصاله ...
بعد ماصبيت ل ام ناصر ..
ضحى :مها تبغين شاي..
كانت نايمه ومتغطيه فبطانيه لها يومين على هالحال حرارتها مرتفعه وبس تستفرغ ماندري وش فيها وديناها للأقرب مستوصف من هنا وكان بقريه ثانيه اكبر من هذي عطوها خافض للحراره ومضاد حيوي بس مانفعنها حالتها نفسها ماتغيرت ..
ردت علي بصوت مرتجف ..
مها :لاماني مشتهيه .. ابي عصير ليمون ..
ضحى :عصير ليمون لا ذبحتي نفسك فيه من مرضتي ماتشربين غيره وش رايك اسوي لك شوربه ..
هزت راسها بالنفي ..
ام ناصر :وديتي ل احمد مكسرات تراه يحبها ..
ضحى :لا تشغله عن المذاكره ..
ام ناصر :ياحليله احمد من جينا هنا ماعنده غير المذاكره الله يراحم ايام كنا بالرياض الكتاب مايفتحه الا ليلة الأختبار نص ساعه ثم رماه ..
ضحى :خواتي مثله واردى مشكلة هالجيل مايفكرون الا بحاضرهم ومتعتهم الحاليه مايفكرون بالمستقبل وقد ايش دراستهم هذي بتنفعهم فيه ..
قطع كلامنا كحه حاده من مها ..
سألتني أم ناصر بصوت مكسور وخوف واضح على بنتها ..
ام ناصر :انتي متأكده يابنيتي ان هاللي فيها ماهو انفلونزا الطيور اللي يحكون عنها بالتلفزيون ...
ضحى :لاتطمني ياخالتي ماهي انفلونزا الطيور اللي فيها هذي صخونه عاديه ..
ام ناصر :قلبي ماهو مطمني يقولون بالرياض اعدموا دواجن كثيره كلها مصابه ..
ضحى :حنا وين والرياض وين وان شاءالله ماراح يصيبنا الا اللي الله كاتبه لنا ...
أم ناصر :العيال بالرياض ماعاد يأكلون دجاج معتمدين على لحم الغنم وسمك والربيان ..
الحمدالله خواتي مايأكلن دجاج كثير هي مره بالأسبوع .. المره ذي لنزلت الرياض بشتري خروف انعبي فيه الثلاجه والأكيد اسعارهن اللحين مرتفعه ..الله يعين ...
زادت كحة مها وقمت اجيب لها عسل ممزوج بعصير الليمون يمكن يخفف عنها الكحه ..
وأنا امزج لها العسل مع الليمون طاحت الملعقه من يدي وسببة صوت حاد عالي .. سميت بالله وأنحنيت أخذها خلصت اللي بيدي وطلعت أعطيه ام ناصر تطعمه مها ورجعت المطبخ ماقدرت اجلس معها وانا بحالتي ذيك.. قلبي يخفق بقووووه الم حاد خوووف ماله مبررر يارررب عفوووك يارب جلست اسبح واستغفر .. معقوله قلقي هذا بسبب حالة مها الله يشيفها ويعافيها .. لا هالأحساس مايجيني الا لشي يتعلق بخواتي .. يارب سترك ياررب ..
استغفرالله ولاحول ولاقوة الا بالله اللهم إني أعوذ بك من الهم والحزن ، والعجز والكسل والبخل والجبن ، وضلع الدين وغلبة الرجال ...

نهاية الحلقه

**Loli.** · 09-07-2011, 01:38 AM

رد: بلا رقيب / لعاشقه ديرتها ، كاملة

الحلقه السادسه والعشرون ..

((1))

وافتها المنيه

ضحى

مسحت دمعه نزلت من عيني غصب ياه ماكنه مر شهر على موتها كل ماحاولت انساها جاء اللي يذكرني بموتها .. مات سندي بهالحياه مات ازري مات ظهري ,, اه ياصعب الحياه من بعدها كل ماتذكرت انها خلاص راحت وماراح ترجع تخنقني العبره وتظلم بعيني الدنيا وأحس ان حياتي أنتهت .. كيف اقدر اعيش من بعدها كيف اكل اشرب اتنفس اعيش وهي خلاص ماعادت بالدنيا ماتت ماتت ياصعبها من كلمه .. ليش راحت وتركتني لمن خلتني .. من بعدها بستمد منه قوتي ماني قادره اوقف على رجلي ماني متصوره انه خلاص مالي ظهر أنا بس مالي عون بهالدنيا.. هي كانت سندي قوتي ظهري للأسودت الدنيا بوجهي وضاقت علي تذكرتها كلمتها سألتها تذكرتها وأنشرح صدري وقوت عزيمي .. انا وهي واحد كلا قالي اني مثلها اشبه لها تفكيري نفس تفكيرها عقلي مثل عقلها قوتي نفس قوتها بأختصار هي قدوتي وأنا تلميذتها .. واللحين راحت وتركتني ماعادت لي قدوه ولامصدر قووه .. غصب عني ضعفت وانهرت عشت حياتي كلها تحت ظلها .. يوم كنت قويه امر وأنهي وأتحكم بمصير الكل كانت هي تحكمني هي كبيرتي واللحين ماعاد لي كبير .. لييه راحت
لييييه حتى لوكان وجودها مثل عدمه حتى لوكان الكل ماهو حاس بقيمتها يكفي انا حاسه وعارفه قيمتها..
ملاك :ضحى ضحى ..
مسحت عيوني وبلعت ريقي ..
ضحى :خيررر ..
ملاك :سويت لك عصير ليموين تبين ..
وجت تحط كأس العصير على المكتب وانا بكل نرفزه رميته على الأرض وانكسر الكوب واللي فيه انكب على الموكيت ..
ضحى :من طلب منك تسوين لي عصير ..
ملاك :حسبتك مزكومه ضحى انتي ماتبكين على ....
قاطعتها ..
ضحى :مالك دخل فيني خليك بنفسك اصلا انتم من متى كان عندكم احساس .. من فيكم حس فيها أوحبها رغم كل اللي كانت تسويه لكم ..
ردت علي سارا بصوت باكي ..
سارا :حرام عليك لاتقولين كذا حنا نحب جدتي نحبها..
لفيت عليها بقهر ودموعي تنزل ..
ضحى :لاتقولين تحبينها لاتكذبين .. كلكم كذابين ماكنتم تحبونها ماحد حبها ولاأحد عرف قيمتها غيررررري .. جدددددددتي خلاص راحت راحت حبكم اللحيين بأيش ينفعها ..
ملاك :خلاص ضحى كفايه حززن اللي تسوينه ماراح يرجع جدتي ..
سارا :موت جدتي كان رحمه لها من عذاب الأمراض ...
رحمه لها ولالك هذا اللي تبادر بذهني بس ماقلته اكيد انبسطت سارا بموت جدتي هي ماكانت مرتاحه يوم جدتي عايشه وبصحتها كانت دايم تفضل ملاك عليها .. سارا تكذب علينا تكذب على الكل ماحزنت عليها مثل ماتقول وتمثل هي تكررره جدتي تكرها .. كلهم يكرهون جدتي لأنها كانت مسيطره عليهم محد كان يحب جدتي غيري أنا انا وبس احب جدتي ...
ملاك :ضحىى خلاص كفايه اصحي البيت من غيرك مايسوى خواتي ماحنا قادرين عليهم ...
سارا :ضحى خواتي امانه برقبتك كلنا امانه برقبتك لاتضيع وتضيعينا ...
جملة سارا هزتني من داخل حسيت نفسي بغيبوبه وصحيت منها أمانه خواتي امانه برقبتي من قبل خمس سنين جدتي مامنتني عليهم وحاولت قد مأقدر أحافظ على هالأمانه واللحين بهالشهر كنت بدمر كل اللي بنيته ... حطيت راسي بين يديني بأخر عتاب لجدتي اه ياجدتي ليه رحتي وتركتيني من للي اللحين من بعدك ياربي والله ماني قادره أتحمل خلاص تعبت ... المسئوليه ثقيله والله ثقيله قبل كنت اسوي كل اللي اسويه بظلك اللحين ماني قادره اخطي ولا خطوه احس نفسي تايهه .. شهر كامل وانا بغيبوبه لاني صاحيه ولاني فاقده للوعي وش بسوي اللحين ماني قادره اصحى اوقف على رجولي صعب الأمر علي صعب تفكيري بجدتي مأزمني ... اه يالتني بعيده بعيده الف الكيلو مترات عن هالمكان .. بس انا هنا وبهالمكان بكل مافيه لازم اقاوم نفسي وانفض عني الالم وأرجع لقوتي .. ماهو لايق علي دور الضعيفه نفسي ماهي راضيه باللي اسويه فيها عزتي تنهاني اني اهينها بضعفي ..
بس يلزمني انام وبعدها اصحى بعد ماستعيد قوتي وأجهز دفاعاتي فيه ناس كثير تنتظر مني المحاسبه وأولهم زوجي العزيز ..!!

((2))

ساحرني

ملاك
صعبه كثير حالتنا من ماتت جدتي وهذي حالة ضحى صراخ عصبيه ونرفزه بسبب وبدون وخواتي مايحتاج اقولكم انهن يستفزن حتى بارد الأعصاب .. صار البيت متكهرب وكنك بساحة حرب الكل يبي يمسك شي على الثاني كلن يبي يصارخ وينفخ يأمر وينهي ماعاد فيه أحترام بالعربي بيتنا ماله كبير موعشان جدتي ماتت لا لأن ضحى تغير حالها صارت تسرح وتغيب عن الواقع بالساعات مأدري ايش تفكر فيه وترجع ساعتين للواقع بعصبيه غير عاديه والشي هذا افقدها الكثير من قوة شخصيتها وأحترامها بينا..
كثير اشياء تغيرت بالشهرهذا وكأن اللي مر علينا مو شهر سنه.. فالبدايه أنهرت وخصوصا ان سارا مره أنهارت وأثرت علي كثير بس بعد أسبوع قدرنا نتمالك انفسنا وعرفنا ان حياتنا مستمره بجدتي ومن غيرها حاولنا نرجع البيت مثل ماكان بس هذا حدوثه شبه مستحيل مع خواتي اللي مايقدرونا ويشوفونا معهم بنفس المرتبه .. وكان ملجئنا بيت خالتي اللي صرنا نقضي فيه طوال ساعات النهار ومانرجع الا بالليل عشان ننام في بيتنا ..
بعد الموقف اللي صار لي مع ضحى طلعت انا وسارا لبيت خالتي اللي كنا مقررين مانروح له اليوم لأن خالتي بتطلع بس بعد اللي صار قررنا نروح هناك مو لازم تكون خالتي هناك اهم شي نبعد عن هالمكان ..
اشياء كثيره صارت تشدني في بيت خالتي وخصوصا وبكل صراحه المزيون عم ود اه يابنات ياهو عذاب جميل جميل بكل ماتعنيه كلمة جميل يالناس ياعالم عمري ماتوقعت ان على الدنيا انسان بهالجمال الفضيع هذا مستحيل يكون بشر عادي .. بس اللي قاهرني وحارق دمي انه هو نفسه اللي شفناه بمقطع بجوال ود وكان يغني ويبكي اه يالقهر كل ماتذكرت الأغنيه انحرق قلبي من هذي اللي يحبها اخخخ يالقهر .. من طاحت عيني عليه
نازل من سيارته قلبي ذاب ظليت واقفه بمحلي وعيونه عليه ماقدرت احرك رجولي ولاغضيت نظري .. وانصدمت ان سارا كانت مثلي ..
سارا:ياه هذا بشر ولاملاك ..
رديت عليها بقهر استغربه اللحين ..
ملاك :عيييييب وش هالكلام ..
سار وهي تنهد :يخبللللللل بس جابر احلى منه ..
من ذيك الحزه عرفت ان سار معدومت الذوق ولاجابر اللي مافيه أي وسامه احلى من ملك الجمال هذا اه ..
سارا :سلامتك من الاه ..
ملاك :اه ياسارا شكلي حبيته ..
سارا :اووووف رجعنا على طير يلي ملاك ماتحسين ان كلامك هذا عيب ..
ملاك :داريه بس شسوي والله قلبي يعورني لفكرت فيه احسه ينعصر وحالي ماهو طبيعي وش اسوي سارا والله اني اشفق على نفسي الله ياخذه ليتني ماشفته ..
سارا :ودي اسأل ود عنه ...
ملاك :لاتكفين سارا ماقدر اجلس وسمعها تكلم عنه احس بتعلق فيه اكثر انا مجنونه فيه اللحين وان كل اللي عرفه عنه انه عم ود واسمه الوليد اه ياحلات اسمه ..
سارا :بس انا متشوقه اعرف عنه الصراحه محيرني المقطع اللي شفناه له ..
ملاك :لاسارا خلاص اسكتي انسي تكفين انا احاول مأفكر فيه وأنتي بس تذكريني ..
طالعتني سارا بقهر من ورى اللثمه ..
سارا :انا اللحين اللي اذكرك فيه ولا انتي اللي ماتسكتني عن الهرج فيه كل ماصرنا لحالنا اه يا سارا شكلي حبيته ..
الجمله الأخير كانت تقصد تقلدني فيها ..
وصلنا السواق خالتي لين باب الفيلا اللي معطيتنا خالتي مفتاح لها دخلنا وانا فسخت عباتي وسارا راحت تفرج على التلفزيون وهي بعباتها ..
كنت اطلع الدرج يوم صادفت خالتي نازله ووراها شغالتها شايله عبايتها وشنطتها ..
خالتي :هلا والله .. مثل ماقلت اني يمكن اتأخر برى خذوا راحتكم واذا تبون تباتون ..
ملاك :تهاوشت مع ضحى يمكن نبات هنا..
خالتي :هي للحين على حالها الله يعينها ..
ملاك :مسببه لنا ضيق بالبيت عصبيتها ماتحتمل ..
خالتي :اختكم وضحت كثير عشانكم تحملوها هالأيام ...يالله مع السلامه ..
رديت عليها السلام وكملت لفوق وأنا افكر انا خالتي تحب سارا اكثر مني بس تعاملنا بنفس القدر يالله مأقدر اجبرها تحبني كثر سارا عاد سارا

**Loli.** · 09-07-2011, 01:39 AM

رد: بلا رقيب / لعاشقه ديرتها ، كاملة

الدلوعه تستاهل ..
بالغرفه اللي خصصتها خالتي لنا كنت واقفه بالبلكونه انتظره كل يوم اشوفه جالس بالقعده اللي هنا وعيونه على الفيلا اللي ورى فيلتهم .. مرت عشر دقايق قبل مايجي اليوم كان لابس كله اسود بأسود .. طلعت المنظار وناظرته ماكان يشوفني ولاعمره نظر للفيلا خالتي طول الوقت وعيونه على الفيلا ذيك اليوم على غير العاده مالبس كاب وشعره
اللي طويل شوي طالع جنان ..
نفس الحركه بالجوال كأنه يتصل على أحد ومايرد عليه أأخخ من هالغبي .. ونفس الحركه اللي تعذبني بوسته للجوال يالناس قهرر والله قهرر ودي افهم وش قصده من ورى هالحركه ..
رفع نظارته فوق شعره وحط الرجول على الطاوله قدامه وغاب بتأمل طووويل للفيلا الحقيره صرت اكرها واكره جلسته قدامها .. بعض الأحيان تجيني افكار غبيه اني اصررخ عليه كفايه تناظرها اعميت عيونك بمطالعها.. ومرات افكر اني انزل له وبس بعدين مأدري وش بقول او اسوي .. طبعا هذي افكار غبيه مستحيل اسويها بس بلحضات مجنونه افكر اسويها وبعدين استخف الفكره ...
شفت ود جايه من بعيد قربت منه لين وقفت قدامه قالت له شي وجلست تضحك وهو معصب منها وكأن يصرخ عليها شكلها زعلت وجلست تكلم معه بالطريقه جديه ماكان يسمعها وكل تركيزه على الفيلا قدامه هزت راسها بيأس وجت تمشي بأتجاهنا وقبل ماتوصل صدت عليه وصرخت بصوت عالي سمعته غبي ..!!
دخلت بالسرعه للغرفه خفت تشوفني صكيت باب البلكونه ونزلت تحت أنتظرها انا خلاص قررت انفذ اقتراح سارا الحيره بتذبحني لازم اعرف كل شي عن هالأنسان اللي ساحرني ..
تحت لقيت سارا ومعها ود ول عليها كيف سبقتني سويت نفسي متفاجئه فيها ..
ملاك :ود ماشاءالله متى جيتي ..
ود :منذ قليل ..
سارا :اعقب يالفصحى كملي سالفتك بس ..
وضح على ود النرفزه .. وش سالفته اللي مسببه له هالنرفزه ..
ود :والغبي يحبها ..
طالعت بسارا اللي غمزت لي فهمت من حركتها ماأسأل ليش مأدري ..
ود :خلونا من سالفته الغبي وش رايكم نلعب بالبلاي ستيشن بروح اجيبه من بيتنا ..
بالسرعه قلت لها ابيها تطلع مأدري ليش احس الكلام اللي دار بينهم عن الوليد ..
ملاك :اوكي يالله ننتظرك ..
ود :غريبه ماخبرك تحبينه ..
سارا :يالعجازه قولي ان ماودك تجيبينه ..
ود بحسن نيه :لاوالله عادي واللحين بروح اجيبه ..
قبل ماسمع صكت الباب سألت سارا ..
ملاك :وش السالفه..
سارا :شفتي ان سارا اذا وعدت فعلت المزيون وليدوووه يحب شوق الماصله اللي ماحبيتيها بنت عمه ..
طالعتها بالصدمه وش اللي قاعده تقوله يحب طيب وأنا ..؟!

((3))

حكايه ..

ميشو

سكبت القهوه البارده على وجهها بطريقه مفاجئه الجمت لسانها ..صرخت تحت ضحكات سعاد وكريمه ..
رندا :مشاعل ياحيوانه ..
عدت لأسكب ماتبقى منها على وجهها مره أخرى ...
رند :لا ميشششو لا ..
ولكن كما يقال سبق السيف العذل ..
بقيت عدت ثواني تطالعني بالنظرات أستغراب على فعلتي تلك .. قبل ان تنسحب لدورة المياه ..
سعاد :حرام عليك ميشو والله ماهي كلمه اللي قالتها خلتك تسوين فيها هيك ..
كريمه :افا سوسو ماتعرفين ميشو ماينداس لها على طرف واللي يرشها بماي بالدم ترشه ..
راودني أحساس بمعاني خفيه خلف جملتها تلك لم أعرها الكثير من اهتمامي ..
كريمه :الاصدق سوسو عندي لك عريس لوئطه ..
سوسو :اخخخ مابيه خليه لك ..
كريمه :لا أنا عندي حبيب البي توتو ..
توتو من وماذا عن فارس ..
ميشو :توتو من ..؟!
سوسو :توتو متعب ماتعرفينه .!
كريمه :لا مايصير ازعل منك كيف ماتعرفين توتو ..
يألهي عن ماذا يتحدثن متعب من هذا ..
ميشو :هل تتعمدان فعل ذلك ..
سوسو :نتعمد فعل ايش ..
ميشو :لاشيء انسي ماحدثتك به ...
كريمه :ميشو شكلك دايخه وش رايك ..
قاطعتها ..
ميشو :اغربي عن وجهي ..
لم ترد علي فقط اكتفت بضحكتها اللئيمه ..
سوسو :كريمه والله انك خاسيه بس عطيني سيكاره ..
كريمه :عادي ولا ..
سوسو :ليش شايفتني مثلك يالمحششه ..
كريمه :عن الغلط ..
وارسلت لها صندوق سكائرها ..
سوسو :والله من اشوف هالصندوق اشتهي اللي فيه ..
أخرجت سيكاره لتضعها بين شفتيها وقبل ان تشعلها .. كانت تستقر بين اصابع ريدا ..
سوسو :يالعنك ..
ريدا :من زمان توك تدرين ..
اخرجت سوسو لها سيجاره أخرى واشارت لي بواحده رفضتها ..
ريدا :بنات وش رايكم نطرد ميشو من الشله ..
سوسو :واي وش عامله ..
ريدا :البنت عاقله ..
كريمه :لاعاد كلوا ولاميشو مارضى عليها لوحكي هذي حبيبتي ..
ريدا :ياعيني على الحب.. عندي سؤال يمكن تقولون سخيف ويمكن غبي بس ابي أجاباتكم عليه ليه كلكم تحبون ميشو ..
واخذت تضحك بطريقه هستريه ..
كريمه :ريدا وش شربتي داخل ..
سوسو :ريدا اعترفي تغارين من ميشو صح ..
ريدا :لاشيء فقط مجرد تسأل .. شفتو اعرف للفصحى خلاص ميشو ان بحكي مثلك فصحى وبلبس عدسات ملونه وابغى كل البنات يحبوني ..
كريمه :بتطلعين صدق جيكره ..
ريدا :اكثر من كذا مأظن هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه ...
عادت ضحكتها الصاخبه لتعكر ميزاجي لأنها تعيد لي ذكرياتي لأرغب بالتفكير فيها .. يألهي توقفي عن ذالك لأرغب برؤيته يغرس اصبعه بعيني ..صرخت بها ..
ميشو :كفى ..!!
تلى صرختي صمت قصير ..
ريدا :ميشو وش فيك ..
ميشو :لاشيء سأخرج لأستطيع تحمل ضحكاتك تجلب لي الصداع ..
امسكت بيدي ..
ريدا :لاخلاص حبيبتي والله بسكت ليه ماقلتيلي انك مصدعه ..
ميشو :كلا اتركيني سأخرج ..
كريمه :خلاص أتركيها ميشو خلي السواق يوصلك ..
هزيت راسي بالموافقه ارتديت عباءتي على عجل وحملت حقيبتي وخرجت بالسرعه ...
المنظر ينعاد امام عيناي احاول ان ازيد من سرعتي لا أريد رؤيته مره أخرى لاأريد معاودة الألم .. فركت عيني من خلف الغطاء اشعر بنفس الألم فيها ..
ركبت مع سائق كريمه وطلبت منه ايصالي الى المنزل ..
بعد الحادث الذي تعرضته له مع سفر الأخرق لم اعاود الركوب معه

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget