تويت
.
رد: بلا رقيب / لعاشقه ديرتها ، كاملة
/
يعافيك الرب مزون ..
بالحيل نورتي !!
أكيد من عنوني :$
يعطيك العافيه
واصلي
واصلي
/
يعافيك الرب مزون ..
بالحيل نورتي !!
أكيد من عنوني :$
-
-
رد: بلا رقيب / لعاشقه ديرتها ، كاملة
يعطيك ألف عافية رغودة
تابعي =)تعليق
-
رد: بلا رقيب / لعاشقه ديرتها ، كاملة
واصلي قلبؤوؤوؤو رررووعه هعتعليق
-
رد: بلا رقيب / لعاشقه ديرتها ، كاملة
تسلمون والله
والحين بكملها لكن !!
نورتوا فديتكم :$تعليق
-
رد: بلا رقيب / لعاشقه ديرتها ، كاملة
لكن شنوووووو........؟
هاع يلا عاد انا شفتها مكتوب كامله وجيت اقرا وسهرت عليها من 9 الصبح لين 8 بالليل لوؤؤول وتالي انقطعت كمليها بسرعه شوقتيني لباقي الاحداث لوؤؤؤلتعليق
-
رد: بلا رقيب / لعاشقه ديرتها ، كاملة
يؤ نسيت قلت بكملها بس اليوم ماقدرت جد أسسفه حيييل
ولا يهمك أكملها لك ماحد معبرني غيرك :$ لووول
تسلمي على المتابعه الحلوه / ,تعليق
-
رد: بلا رقيب / لعاشقه ديرتها ، كاملة
طلعت من القاعه ومن الفرحه ودها تحللق انتقمت منه وفضحته فضيحه مايغطيها أي غربال...
المره ذي جاء أنتقامها خاص هديه خاصه والجديد ان المهدى يعرف صاحب الهديه .. وهذا اللي تنتظره بتشوف وش بيسوي خلف وكيف بيتقص منها ..بالسياره ارسلت له رساله قصيره تشفي غليلها فيه ماتقدر تصبر لين يعرف من اهله ... بعد مأرسلت له الرساله حست بالراحه عميقه مثل عادتها كل مانفذت وحده من انتقاماتها على أهل ابوهابس هذي المره ماحست بالقبضه القاسيه اللي تعصر قلبها لأن المره ذي انتقمت من خلف وفيه وماكان فيه أي احد مظلوم بالموضوع ...
صوت مسج واصل على جواله طلعه وهو متوقعه واحد من ربعه يبارك له ويتعذر لأنه ماحضر ولايمكن واحد من الموجودين وحب يبارك له بالكتابه ...
فتح المسج وعينه فوق على المرسل رقمها ايه رقمها هي اه والله مو وقتك اللحين ياشعلة القلب ..
نزل للمسج يقرراه ,, (.. مبروك يافهدي .. لم استطع ان تمر هذه المناسبه من غير ان اشاركك فيها ..اهديت هديه بسيطه بهذه المناسبه العظيمه لنا جميعا ارجو ان تتقبلها بصدر رحب يافهدي الخائن ...سمحت لنفسي ان اذيع بعض المكالمات التي جمعتنا في حفلة ملكتك .. ارجوك لاتغضب مني فاللوم كل اللوم يقع عليك ..)
هذي اكيد تمزح مستحيل تكون سوتها مستحيل كيف يعني هي كانت تسجل مكالماته معها مستحيل تسويها اصلا هي ماكانت تبي تكلمه هو اللي كان مأذيها هو اللي أجبرها تكلمه ..هذا مقلب منها هي ماسجلت مكالمتها ولا أذاعتها .. هي مافضحته مافضحته .. ماتجرأ مستحيل تكون سويتها هي عارفه انه يعرفها وماراح يسكت لها لو ضرته بالشي ..اصلا هي بتفضح نفسها قبل ماتفضحه ... سكت شوي وهو يتذكر اللي عرفه عنها ومن اللي عرفه غمض عيونه وهز راسه بالنفي تسويها تسويها ...
عساف اللي ملاحظ ان خلف ماهو بخير من يوم وصلته الرساله ..هز من كتفه لأنه مأنتبه له يوم ناداه :خللف خلللف يارجال وش بلاك ...
خلف والوجوم على وجهه مد له الجوال ..
عساف أخذ منه الجوال وعرف انه يبيه يقرأ الرساله ... قرأ الرساله وامرات عدم التصديق واضحه على وجهه وش هالتخاريف .. هذا اللي أخذه من المكالمات المحرمه حذره ياما حذره ان هالزباله مصيرها تأذيه وتسبب له الفضايح والمشاكل ... هو اللي عطاها الفرصه وهي حقييييييييييره حقيييييييييره زباله ماهمها شي انسانه بلا أخلاق وش ينتظرون من بنت مارباها رجال ايش متوقعين منها أيش مايهمها شي ماعليها رقيب وماعندها من تحسب له حساب ..فضحته ولاهمها ان هالفضيحه تطولها بعد ولا كأنه ولدعمها نست ان اللي يضره يضرها وان اللي يمسه يمسها..هذي أكيد أنسانه مريضه مافيه انسان سوي يسوي اللي سوته ...
صدق زباله بس هالزباله هم اللي اوجودها هي نتاج أهمالهم وهم اللي دفعوا ثمن وجودها .. ياترى كم زباله اوجودوا بعد وكم ثمن بيدفعونه ...
عساف
طلعت من المجلس مقهور بالطريقها لفت انتباه الجميع بس ماهتميت ... وجوال خلف للحين بيدي .. ركبت سياري وعلى بيت عمتي .. قطعت كذا اشاره من غير اهتمام خليني اخذ مليون مخالفه المهم اوصل وطلع قهررري فيهن الحقيرات ...
نزلت من السياره وصكيت بابها بقوه يمكن يخفف من قهرري شووي ...
علقت يدي على الجرررس يمكن يغيرون عادتهم مررره ويفتحون بدري لكن مايكونون اصحاب هالبيت لو سووها ..
اضطريت ادق عليها وبعد طلوع الروح ....
عساف :افتحوا الباب لأكسره على روسكم ..
كنت بقفل بس ماقفلت كيف اقفل وانا لي اسبوع ويومين ماسمعت صوتها ..
صمت دقايق ثم جاني صوتها ..
ضحى:انت اللي عند الباب ..
عساف بتنهيده :ايه انا ..
ضحى بهدؤ :طيب دقايق ونفتح لك الباب ..
وقفلت ... غريبه ماسألت وش تبي .. عجيب هالهدؤ عليها ..
تسندت على سيارتي احتريهم يفتون الباب خمس دقايق ثمن انفتح الباب .. كانت واقفه ومعطيه الباب ظهرها وعليها عباتها والطرحه لفت علي ..
ماجيت الا وانا مجهز الكلام اللي بقوله كنت ناوي اول شي اسويه برمي جوال الخلف بوجها تشوف حقارة اختها بتسألني وش هذا ويجي وقت التشفي بكشف لها أختها الزباله ومصايبها بس كللللللل شي ضاع يوم شفت عباتها اللي كانت المفتوحه .. ماقدرت اوخر عيني من عليها البنطلون والقميص واصفات جسمها بالطريقه اول مره اشوفه فيها ..
انتبهت على نظراتي وبأرتباك قفلت عباتها ...
مسكت يدها ..
عساف :ضحى ..
سحبت يدها من يدي بقهوه ولقتني ظهرها ..
ضحى :عساف وش كنت جاي بتقول واضح ان عندك كلام ..اخلصي عليه فيه عندي بنات اعطيهم دراس خصوصيه ..
عساف :ماهو مهم اللي كنت جايه اقول ..
وحاولت امسك يدها مره ثانيه ...
ضحى بعصبيه :وش كانت جاي تقول ..
قهرتني ارتفع ضغطي من اسلوبها صدق اني غبي اهنت نفسي قدامها بتصرفاتي المراهقه ...
ان لازم انفذ اللي كنت جاي بسويه واطلع من هنا بالسرعه يكفي اهانات تلقيتها للحين ..
طلعت الجوال من جيبي ويدي الملعونه للحين ترتجف .. مديت لها الجوال وبذلت مجهود كبير عشان اوقف يدي من رغبتها بمسك يدها ...
ضحى :وش هذا ..
عساف :اقري مصايب اختك ...
طالعت فيه بأستهزيء وواضح عليها التسليه وبدت تقرأ تغير شي بوجهها وشو مأدري بس بان عليها الجمود وشكلها عرفت من المقصود بكلمة اختها ..
ضحى :مافهمت شي ...
عساف سحبت منها الجوال اللي مدته لي ..
عساف :ولابتفهمين شي .. تدرين من هالفهد اللي فضحته اختك المحترمه واذاعت مكالماتها المحترمه معه وفحفلة ملكته هذا خلف ولد زوجة ابوكم وولد أخوي ...
بان عليها القهر والأرتباك وشي من الصدمه ..
ضحى :مستحيل الكلام اللي تقوله مستحيل عقل يصدقه مشاعل مستحيل تسوي كذا ...
ضحكت عليها كيف مستحيل تسوي كذا وهي عرفت أي وحده من خواتها المقصوده من غير ماقول اسمها .....
عساف :واكبر دليل انك عرفتي أي وحده من خواتك المقصوده من غير مأقول اسمها بكل بساطه لأنك تعرفين اسلوبها بالكلام ... أختك المحترمه مررره اللي تاركاتها هايته لدرجة انها تمر ايام مارجعت فيها للبيت والله وحده العالم وين ومع مين تبات ...
كنت منتبه على يدها من قبل ماترفعها فمسكت قبل ماتوصل خدي ..
قلت واناماسك يدها بقوه ...
عساف :يدك هذي مره ثانيه ان فكرتي مجرد تفكير ترفعينها بوجهي ولو دفاع عن نفسك بكسرها فاهمه وش معنى بكسرها ...
ودفيتها على ورى ..
ضحى :تخسي الا انت تكسر يدي .. ماخلق بعد اللي يمد يده علي .. وأختي حره باللي تسويه وولد اخوك يستاهل اللي جاه وعساه من هالحال واردى .. خله يدفع ثمن انحرافه ..تعليق
-
رد: بلا رقيب / لعاشقه ديرتها ، كاملة
ماشاءالله خلف منحرف واختها الشريفه العفيفه ..
عساف :واختك متى بتدفع ثمن انحرافها ...
ضحى :اختي اشرف منك واشرف من كل جابها على لسانه ... انا عارفه اختي زين ماسوت كذا الا لأنه تعدى حدوده معها ويستاهل اللي جاه ماهو بنات مبارك اللي ينداس لهن على طرف ... سامعني ياعساف زين ماهو بنات مبارك اللي ينداس لهن على طرراف وكلامك بالشرف اختي قسم بالله لأدفعك ثمنه غالي ...
واختفت من قدامي وأنا واقف اطالع بالباب اللي دخلت معه ..
اتصل علي خلف رديت عليه وطلب مني اجيه للبيت ...
مريت ليه ولقيته واقف ينتظرني عند الباب الخارجي وهو متلطم وبيده شي يهزه ...
وقفت له وركب بالسرعه ...
رمى علي الشريط .. شغلته .................................................. ........ وسمعنا كل اللي فيه كان خلف حاط راسه بين يديه هالمنظر ذكرني بمنظره يوم اكتشف ان ريم خانته ...
سألني بنبرة اليأس ..
خلف :وش اسوي ..
تذكرت اللي صارلي مع أختها ..
عساف :رحت لأختها بتشمت فيها تشمتت فيني تقول ولد اخوك يستاهل وفرحانه بأختها ...
حسيت بالرجفة خلف القويه لفيت له لقيته رافع راسه ويناظر فيني بنظرات واضح فيها الغضب ...
خلف :بذبحها ياعساف بذبحها ماني بالرجال لو ماذبحتها بيديني الثنتين ذي ...
نهاية الحلقهتعليق
-
رد: بلا رقيب / لعاشقه ديرتها ، كاملة
الرابعه والعشرون
((1))
حبيبتك قطوه
رجعت من سهرتها على الساعه ثنتين ونص وهي اخر وناسه صدق ريدا هذي ماهي صاحيه بجد نزلت من السياره وضحكات ريدا توصلها رجعت تقولها :ريدا توقفي عن ذالك ..
ريدا تضحك :يوووووووه ميشووو كل ماتذكرته الغبي ذاك ياويلي ماني مصدقه بجد وقح هههههههههههههههههههههههههههههههههههههههههههههههههه هههههههههه هههههههههههههههههههههههههههههههههههههه ...
ميشو بأبتسامه :اعلم انه احمق ولكن ضحكك مبالغ فيه ..
ريدا :اركبي ميشو بنأخذ لنا لفه بحارتكم ...
كان جالس بسيارته ولو ماعساف قفل البيبان عشان ماينزل ويسوي لهم فضيحه قدام صديقتها يمديه من زمان مبرد حرته منها بدال ماهو جالس يشوفها كيف تضحك مع صديقتها مأخذه راحتها بقووه ..
عساف وعينه على يد خلف اللي قابضه على ركبته :خلف اهدا شوي والله هالعصبيه ماهي جانيه عليك الاشررر ...
خلف ينفخ بقوه وساكت ..
عساف :تكفى خلف طلبتك لتمد يدك عليها لتجني البلاوي على عمرك هذي مجنونه لو لمستها قسم لتفضحك بالناس .. هي بمكالمات سوت بلاوي كيف وانت ...
قاطعه خلف :اسكتتتتتت مابي اسمع منك شي ...
عساف :اتكلم عشان مصلحتك ..
خلف علا صوته:مابي اسمع شي
عساف سكت خاف البنات يسمعنه ...
مشاعل :حسنا الوداع ...
ريدا :ميشوو لحضه ماتبين روبي ..
خلف همس :روبي ..
وشافها وهي تطلع لها مع الدريشه سله ..
خلف يسأل عساف :من هي روبي .. وبعصبيه:مأسمها مشاعل هي ..
عساف :الظاهر انها تقصد القطوه ..
خلف بقهر :قطوه ..
عساف ابتسم :ايه قطوه شكل حبيبتك قطوه ..
خلف كلمة حبيبتك رفعت ضغطه :حبببتكك القراده يالحيووووووووان .. وفتح الباب بالسرعه ونزل لأن ريدا كانت سيارتها محركه ..
مشاعل تكلم روبي :استيقظي ياجميلتي كفاك .........
انقطعت كلمتها يوم حست بيدها تسحبها مع كتفها وتلفها غمضت عيونها وهي تصور من يكون جابر فارس ...
خلف :جيتي يالحيوانه ..
مشاعل :كلا خلف ..
خلف بتريقه :كلا ايش ..
مشاعل :ليس انت ..
خلف اكثر شي يقهره ويثور فيها انها تكلم بكلام ثلاثة ارباعه مايفهمه تقول كلمات مايدري وش المقصود فيها :انتي خبله مجنونه وش اللي سويتي ياحقيررره ..
مشاعل :هل انا المقصوده ماذا فعلت ..؟!
عساف جالس يتابع الموقف من بعيد وهي يطالع البيوت القريبه والسيارات الماره يخاف احد يشوفهم وبنفس الوقت مستعد لأنقاذ خلف من نفسه لو تهور وقرر يطقها .. استغرب اللي جالس يسويه توقعه يصارخ عليها يسبها يشتمها ماهو طاقها سوالف معها وصوته باخفض مستوى .. ابتسم يوم تذكر ان هذا نفس صوته بالتلفون يوم يحكي او بالأحرى يتغزل فيها ياحليلك ياخلف مو لايق عليك رومانسي ..
خلف لوى يديها بقوه خلتها تصرخ بعاللي صوتها :اىىىهههه ههههههههههههه ...
((2))
مصايب تجر مصايب
ضحى
سويتيها يامشاعل هذي أخرتها ياما حذرتك ونبهتك بس ماتكونين مشاعل لوماسويتي اللي بالراسك طول عمرها عاشت بس عشان تنتقم من ابوي وعايلته هذا اللي كانت تردد فمراهقتها كنت احسبها نست غبيه يوووم فكرت كذا غبيه اللي يشوف حماس مشاعل ذيك الأيام يعرف انها مستحيل تنازل عن افكار انتقامها .. واللحين بس انتقمت ... انتقمت هي مأنتقمت هي شوهت سمعها فضحتنا بين الناس ليه يامشاعل لييييييييييييييييييييييييييييه كل اللي اسويه تجين تهدمينه .. انا اسعى لنظاف سمعتنا لأجلها واجل خواتها وهي تسعى للأنتقام مادري وش بتأخذ منه ليه موقف حياتها عشان افكار ونزوات شيطانيه .. تحسب هي بترتاح باللي تسويه تحسب الناس بتسكت لها ... اه يامشاعل وين كان عقلك وانتي تسوين اللي سويتيه ...
ملاك :وش فيك ضحى .. البنات ينتظرونك مأنتي مكمله لهم الدرس ..
بالصعوبه طلع الكلام مني ..
ضحى :لاخليهم يروحون ويجوون بكر بدري من بعد صلاة الجمعه ..
ملاك :حاضر ..
سكتت وحسبتها راحت ..
ملاك :ضحى وش فيك وش
قالك المتخلف ذا ..
ضحى :ولا شي روحي سويي اللي قلت لك عليه ..
قالت وهي تدخل وتصك الباب بيني وبينها...
ملاك :كريه الله يعينك عليييييييه ..
غمضت عيوني كرييه مره بس ياملاك قوليها مليون مرره ماتوفيه حقه .. اكرهه واكره اسمه وأكره طاريه .. اه ياشينك من حظ زوجتيني من هالرخمه.. اصلا انت متى زنت ياحظي لابزوح ولا أب ولا أم ولاحتى خوات ..
... استغفرالله العظيم حظ ياضحى لاماهو حظ هذا اسمه مكتوب ..
مكتوووووب وأنا مكتووووب علي الشقى بكل حياتي مافرقت لوكان زواجي بعد شقى .. شقيت وأشقى وبظل شقيانه ماهو يوم ولايومين سنيين ..
مروا من عندي البنات بيطلعون لبيوتهم .. قالت وحده منهن ..
:ابله مادرينا انك متزوجه ..
سلمى:مبروك ابله وعد تقول زواجك بالأجازه ..
ابتسمت مبرروووك هاه ياحليلك تباركين لي بالشقاي ..
ضحى :الله معكم لاتنسون بكره تعالوا بدري ...
سلمى:ان شاءالله ابله مع السلامه ..
مأدري كم مر علي وأنا جالسه على درج مدخل البيت كنت ساهيه افكر بحياتي ماصحاني من هالغيبوبه الطويله غير صرخه اعرف صاحبتها زين مشاعل ...
تغطيت بطرحتي أي كلام وطرت للباب وفتحته وانصدمت بالمشهد قدامي ..
مشاعل تصرخ من الألم والحقير خلللف لاوي لها يدها وهذا سبب المها ...
والرخمه عساف واقف من بعيد يتابع الموقف ...
اندفعت افصل بينهم ...
ضحى :ياحقيررر كيف تسمح لنفسك تمد يدك على اختي ...
خلف :وذبحها وذبحك فوقها بعد وش عندك يابنت ال ...........
عساف بقهر:خلللللللللللللللللف ..
ضحى :حقير وش بيطلع منك يعني على قد مستواك بتطلع الفاظك ياولد صالح ... مشاعل ادخلي ...
وتراجعت على ورى لين دخلت ولحقتها وقبل ماصك الباب حسيت بقوه تدفعني وتدفعه لين انفتح غصب عني ... دخل الحقير وعمه وصكوا الباب وراهم .. صرخت بأنفعال ..
ضحى :وش تبي انت وياهتعليق
-
رد: بلا رقيب / لعاشقه ديرتها ، كاملة
برررررررررررررررررررررررررررررررررررررى ماكفاكم اللي صار بالشارع بتعدون على بيتنا بعد ..
خلف :انا مالي كلام معك كلامي مع الحيوانه اللي وراك ..
مشاعل :ليس بيننا أي كلام ...
خلف :غصب عنك بينا كلام ياحيوانه لك عين بعد تكلمين بعد الفضيحه اللي سويتيها لي ...
مشاعل :نلت ماتستحقه فقط ايه الجرذ القذر ...
خلف :اذا انا قذر فأنتي اقذر مني ..
مشاعل :ستكون أحمق لوتوقعت ذالك فقذارتك لايوازيها قذاره في منطقة الرياض بأكملها ...
قاطعت مهزلتهم ..
ضحى :عساف خذ ولد اخوك وأنقلع حنا مو ناقصين فضايح باخر الليل ترى اللي جانا منكم مكفينا وزايد ...
مارد علي بقى بمكانه متكتف ومتسند على الجدار ويتابع اللي جالس يصير ...
ضحى :ماتسمع انت اصمخ خذ الحقير هذا وأنقلعوا ولا قسم بالله لأتصل على الشرطه اللحين ...
مأدري وش اللي صار كنت اهزأ بعساف وهو ساكت .. ومشاعل ترمي على الحقير كلام وهو يرمي عليها مثله ...
لفيت عليه بعد ماسمعت صرخت ميشو لقيته غارز اصبعه بعينها ...
((3))
فضائح بالجمله
خلف
يعني طبيعيه ماهي عدسات وخرت اصبعي عن عينها وانا اسمع صراخها مأدري كيف طلعت من البيت ولاركبت السياره وتركت عساف وراي كم مر علي ساعه ساعتين ثلاث المهم انه اللحين طلع النور وانا جالس بالصحراء .. وش جابني هنا مادري من متى انا هنا بعد مأدري .. الشي الوحيد اللي ادري عنه ان صورتها طول كل هالوقت مافارقتني منظرين مافارقن عيني حركتها اللئيمه وهي تفتش طرحتها وتحط عينها بعيني بالتحدي
... وعينها الزرقاء بعد ماغرزت اصبعي وسطها وفركتها عشان أتاكد انها طبيعيه ولاعدسات ...
واخرتها يعني انا اللي بليت نفسي انا .. دفنت يدي وسط الرمل ورفعتها وهي ينسل من بين اصابعي ..
وش اللي تبيه مني ابعدت عنها يوم طلبت ليه لحقتني وتسببت بفضحيتي .. !! .. عشان عرفت اني ولد زوجة ابوها .. اكيد عشان كذا ولاهي من قبل ماكانت تبي أي علاقه فيني بس كيف سجلت المكالمات ولييييه .. عشان تهددين فيها طيب ليش .. يوم كنت اكلمها كانت توضح انها ماتبي هالمكالمات وانها مجبره عليها اجل ليش تسجلهن .. ماني فاهم لييييه لييييييييييييييه ..؟!
اذا هي ماتبيني ليه تفضحني .. هي بنفسها ماردت علي يوم اتصل عليها وهي بنفسها اللي قطعت العلاقه ليه اللحين تنبش فيها .. تذكرت كلمتها لي قبل ماتفتش طرحتها ..
مشاعل :الم تخبرك فتاة من قبل انها حادثتك لتتسلى بك ثم تفضحك ...
قبضة بيدي كمية رمل ونثرتها الحقيررره ولها عين بعد تقولها تسلى فيك ثم تفضحك تسلى فيك ثم تفضحك ...
ايه تسلى فيك اجل بتحبك هههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه ياحليلك ياخلف مره متأثر بكلام الحب وخرابيطه قال تحبك قال .. ياخوفي بكره تجيني تقول احبها والله لأذبحك لوسويتها انحرك نحررررر ... ماهو خلف اللي على اخر عمره يتمرمط بحب مره ..
هي مرمطتك وفضحتك اهانتك وخلتك تترجاها وانت ماحبيتها اجل لوتحبها وش بيصير .. ياكبر فضيحتك ياخلف الناس كلها سمعتك وانت ترجاها ترجاها ترجى مررره ياخلف ياكبرها بحقك ياكبرها ..هذي تاليتها خذ راحتك بالمكالمات وقل محد سامعني وداري عني وهذي اخرتها فضيحه ياخلف والله فضيحه ...
انا لازم اذبحها على اللي سوته في اخنقها لين تموت على يدي ..ماشوفك ذبحتها يوم لقيتها ولاهالكلام بس يوم انك بعيد .. خلف وش فيك ياخلف انت قلت بتذبحها ليه ماسويتها وخلصت منها يوم لقيتها ياويلي منك ياخلف وش صابك على أخر عمرك صاير كلامك وعزومك كلام بدون فعل .. مانت اللي ذبحت الريم من الظرب وكنت بتزهق روحها بين يديك لو مافكوها منك عشان خانتك ليش ماذبحت هذي يوم فضحتك ليه ياخلف لييييييييييييييييييييييييييييييييييييييييييييييييي يييييييييييييييييييه ..!!!
بنات مباررك وش سوت فيك ياولد صالح ..
خلاص مابي افكر راسي بينفجر وعقلي بيجن .. رجعت للسياره اول ماحركتها دق جوالي كان عساف مارديت عليه عارف انه بيسألني ويني فيه ووش اللي سويته واسأله كثيره مالي ميزاج ارد عليها ..
اول مادخلت الرياض ماقدرت اروح للبيت اروح وش اسوي هناك بعد فضيحتي رحت لأقرب فندق وحجزت لي فيه وأنا مقرر بعد ماصحى من النوم بدور لي شقه اوبحجزلي واسافر اذا صحيت اكون اقرر ..تعليق
تعليق