تويت
رد: بلا رقيب / لعاشقه ديرتها ، كاملة
يعطيك العافيه
استمري قلبووو
يعطيك العافيه
استمري قلبووو
-
-
رد: بلا رقيب / لعاشقه ديرتها ، كاملة
ود اللي ألعن منها بالأستهبال :لا معجبني حق سارروووووه ..
ملاك وسارا أنتبهن أنها ماتدري من ملاك ومن سارا فجلسن يضحكن ...
ود انقهرت من ظحكتهن :وجعععععع ان شاءالله ماقلت شي يضحك ..
ملاك اللي قربت من وجها لأنها جالسه معها فنفس الكرسي :الا قلتي شي يموت ضحك مايضحك ..
ود بقهر :اللي هو ..
سارا :انووو انا سارا ياحياتي مو ملاك ..
ود اللي أنتبهت على غطلتها :وش فرقت يعني كلكن تشابهن ..
ملاك بالنفي :لا مانتشابه ..
ود بأنفعال :والله أتشابهن ..
سارا :نتشابه بالون البشره والشعر والعيون ولنا نفس القامه ونفس رسمة الوجه بس فينا أختلاف بالملامح لو عرفتينا زين بتقدرين تفرقين بينا بس لابد من الخطأ ..
ملاك بصوت عالي:سارونا وش الكلمه اللي قلتيها قبل شوي ..
سارا بخوف :أي كلمه ..
ملاك بعصبيه :اللي قلتيها قبل شوي ..
سارا شوي وتبكي :أي وحده ...
ملاك بأبتسامه غبيه :قامه من أي برنامج لاقطتها ..
سارا توسعت ابتسامتها :من البرنامج ذاك السياسي اللي يعرض على القناه ذيك اللي كلها أخبار برامج ودعايات ..
ود مصدقه :والله وش البرنامج السياسي ذا اللي يقولون فيها قامه كنت أحسبك بتقولين برنامج ازياء او أي برنامج عن المرأه ..
ملاك :هذي برامج ماتعرض الا على تلفزيونا ..
سارا :خبله تحسبها بتعرض على تلفزيوناتهم ذي اللي بوصاتها كبيره ..لاذي برامج سبيشل تعرض على تلفزيونا بس ..
فجأه وقفت ود وجات قدام ملاك ومدت لها يدها :سلمي ..
ملاك مدت يدها تصافحها وهي مستغربه ..
ود :تعجبوني خلاص بنصير صديقات ...
وتركت ملاك اللي ميته ضحك ,, وتوجهت لسارا وسوت معها نفس الحركه ..
سارا :كم تدفعين بالشهر ..
ود :ادفع ايش ..
ملاك :تدفعين مقابل صداقتنا ..
ود بتكلم بس سارا قاطعتها :لاتقولين ماقريتي عروضنا المغريه بالجريده ..
ود اللي أفهمت أستهبالهم :أنا اللي ابصادقكم بس عشان هالأستهبال بس بديت أخاف منه شكلكم طول وقتكم كذا ماعندكم جد ...
ملاك :خل يصير عندنا ابو بالأول عشان يصير عندنا جد ..
((2))
(..عقاب دامي ..)
وش سوووى ..؟!! .. كيف اطلعت منه هالكلمات ولمين اكيد انه انجن عشان يطلع منه هالكلام .. من بيفكه اللحين من قيس لو درى .. اخ من كثر مايأس منها صارت تصرفاته ماهي محسوبه .. اللحين بس فطن أنه ضيعها من يده اه ياشعوله ليه حبيتك وأنتي جازيتيني بالجفا .. ليه ماكانت مثل خواتها المفتونات فيه ليه هي الثقيله وهالثقل ماجاء الا عليه ..
من صغره وهو أسير عيونها الزرقاء كبر وكبرت معه مشاعره لكن هي كبرت وتكبرت عليه ..
وقفل عيونه وهو يتصور عيونها الزرقاء اللي ياما عذبته من ورى اللثمه ..
فتح عيونه بالسرعه يوم سمع اصوات منبهات السيارات وراه وتحرك لأنه كان معطل سير بعد مافتحت الأشاره ..
دق جواله فز قلبه يوم سمع النغمه هذا قيس ... رد عليه بالسرعه رغم أنه خايف لايكون درى باللي صار بينه وبين خلف وعساف ..
جابر :هلا ..
قيس :وينك فيه تعال البيت بالسرعه ..
جابر بلع ريقه مليون فالميه درى اصلا خلف مستحيل يمررها له ..
جابر :ليه فيه شي ..
قيس بنبره غريبه :ليه مستعجل على رزقك تعال للبيت وتعرف ..
جابر :طيب أنا اللحين جاي ..
قفل منه وأخذ له سيجاره رماها بفمه ورفع المسجل على أعلى مستوى وأكيد كان طلال المداح ..
جتني تقول جتني تقول محبوبتك لاتنتظر ميعادها
جتني تقول جتني تقول هذا الجواب اللي بقى لك عندها ..
جتني تقول جتني تقول لملم جروحك وانسحب مالك نصيب باللي تحب
وارجوك أقبل عذرها ارجوك أقبل عذرها
هذي الحياه وهذا حكم أقدارها
ياحبها يالدنيتي وحلم العمر ياحبها ياللي بيدك كل الأمر
كيف الهروب من حبها وهي مناي وغايتي ..
كيف اتحاشى قربها وعنها أداري غيرتي
ياذا القدر شلي أقول شنهي الوسائل والحلول
شنهي حياتي بعدها شنهي حياتي بعدها
جتني تقول جتني تقول محبوبتك لاتنتظر ميعادها
جتني تقول جتني تقول هذا الجواب اللي بقى لك عندها ..
قفله وهمس بضيق :ياليت كان بينا مواعيد يابو عبدالله ياليت ماكان هذا حالي ..
عشر دقايق وكان يوقف سيارته قدام البيت ..
تردد ينزل بس بعدين حزم أمره ونزل ...
لفت أنتباهه صوت ضحكاتهن واللي صدمه السياره اللي نزلن منها ..
:شوفي من واقف على الباب..
:ياحياتي ياسارونووو من قلتي ليه يجلس على البيبان ..
:ياقلبي ياملاكي من غير القطاوه والشحادين ولله يامحسنين هههههههههههههههههههههههههههههههههههههههههههههههههه هههههه ...
ذولا اللي كانن لامر من عندهن تجمدن محلهن مثل الأهرامات واللحين يمرن من عنده ويتمسخرن عليه لهدرجه صارت حالته يرثى لها لاكسب من حب ولامن حبه ولاحتى بملكته توفق وغمض عيونه مايبغى يتذكر اللي تنسمى زوجته ياه من بعد هالغزلان يختار له حظه هالقرده ..
فتح باب البيت واستقبله صوت قيس اللي نفضه نفض ... ردد :الله يستر الله يستر ..
فجاه أنفتح باب البيت الداخلي وطلع أخوه فادي طاير وطاح على الأرض تراجع على ورى قبل مايطيح عليه ...
كان يصب مع فمه وخشمه دم .. رفع عينه على اللي طلع من البيت كان مشمر عن سواعده وشكله مبهذل كان حاط يده على مقبض الباب بيطلع بس هو كان أسرع منه .. ثواني وكان طاير فالهواء وطايح فوق فادي اللي كان يئن من الألم ..
جابر :اخخخ خير أن شاءالله وش مسوي أنا ..
وقطع بعد ماشاف نظرات قيس اللي تذبح من حرارتها ..
وطلع من جيبه جوال رماه على وجهه بكل قوته .. وعرف جابر وش السر ..
جابر بتلعثم قبل مايهجم عليه قيس :لحضه قيس خلن ......
وأنقطع كلامه بعد البكس اللي كان بيشيل وجهه من قوته مع البكس الثاني حس أن أسنانه تحركت من محلها ومن البكس الثالث بلع واحد من أسنانه ..
وومع الدوخه حس نفس يرتفع فالهوا ويصقع راسه بالشي قاسي كان راس فادي اللي شاركه هالمره بالصرخه ..
جابر بصوت متقطع من الألم والدم مغرق معظم وجهه :ق يس واللي يرح م والد يك اسمعن .....
رد عليه قيس يوم ركله بكل قوته مع بطنه قوة الظربه لصقته بالجدار ..
جابر ويده على ظهره اللي حس أنه أنقسم نصين:اه ..
فادي يبكي :اه خلاص بمووووت .. التوبه والله التوبه ...
قيس يوطى على رقبة فادي بالرجله :وش قلت ..
فادي يبكي :التوبه والله التوبه اه مأقدر أحتمل تكفى فكني ..
قيس بقهر:ماتقدر تحتمل هاه طيب ليه تسوي شي مانت قده .. لو أهل البنات دروى باللي بتسويه لبناتهم والله حتى القتل مايغفرذنبك قدامهم ..
فادي يئن من الألم :التوبه خلاص والله مأعيدها اموووت ولا أعيدها ..
قيس بقهر يحرقه من الداخل :ولك وجه بعد تقول أنك منت بعايدها ... لوانك رجال بس فكرتطالع بطرف عباة وحده من بنات الجيران والله لأذبحك ذبح الشاة ..
وبصق بوجهه .. وراح لجابر اللي طايح قريب منه وبصق بوجهه هو الثاني ...
قيس :تفووووووو عليكم مافيه واحد منكم طلع رجال كلكم سرابيت الله يلعن .....
قربوا من منير او حتى اسألوه لو بالكلام والله لخلي ليلتكم ليله ..
وطلع وتركهم كلا مصروع بمكانه ...
كان يطالعهم من فوق من دريشة غرفته وهو يتنافض من الرعب صح قيس يظربه أحيان بس أبد ماهو مثل هالظرب والله لويعطيه بقس واحد من اللي عطاه جابر وفادي ليتنوم سنتين فالعنايه .. كل اللي جاهم بسببه هو بس يستاهلونه والله يستاهلونه هم اللي أستغلوا ضعفه وطلبوا منه يصور بنات الجيران هذا فادي وجابر طالب منه بالتخصيص صورة مشاعل .. هو ماغلط أبد يوم خبر قيس كان يحسب أنه بيلقى من الطيب نصيب وكان عادي عنده فالسبيل أنه ماينفذ لهم مطالبهم بس غضب قيس وقهره كله انصب على فادي وجابر وهو حتى ماكلمه ولاعاتبه لأول مره فحياته يحس أن قيس عادل وحقاني لدرجة أن عيونه نزلت منها الدموع من الغبطه .. والأهم أنه ريحه من الكابوس اللي كان عايش فيه من يوم جاه جابر وعطاه جوال كاميرا وطلب منه يصورله مشاعل .. واكملت يوم رجع له فادي اللي كان من شهور يطلب منه الطلب وهو يماطل فيه حتى أنه مره أخذمنه جوال وغرقه بالمويا وقال أنه طاح منه بالحمام بس عشان يغير رايه وماعاد يطلب منه اللي أطلبه وعطاه جهاز جديد وهالمره هدده لو ماجاب له صورهن ومعه مهلة أسبوع .. انسدت بوجهه كل الأبواب ذيك الساعه أخوانه يخاف منهم وبنات الجيران اللي يحبهم أكثر من أخوانه مايقدر يخونهن ويغدر فيهن بس هو يخاف منهم ومايقدر الا انه ينفذ طلباتهم .. وسخرلهم الله قيس اللي شاف جوالات الكاميرا اللي معه بالصدمه وبالسؤال ونظره مرعبه خر كل اللي عنده وماكان بيقلى أحسن من هالفرصه عشان يتخلص من الأختبار الصعب اللي أنحط فيه .. فكر يطلع بالسرعه للبيت الجيران يمكن قيس باقي بالراسه حب مانطحن ويرجع عليه أو فادي وجابر تدب فيهم الحياه فجأه ويجون بينتقمون منه ..
تعليق
-
رد: بلا رقيب / لعاشقه ديرتها ، كاملة
((3))
سارا
(.. حبي المرحوم ..)
ماصدقت مشاعري البارده اللي مريت فيها وأنا اشوف جابر اللي المفروض أكون حبيته حسيت بتبلد وكره عنيف له مأدري ليه يمكن عشاني حبيته وفضل يختار غيري ولايمكن لأن حبي له ماكان صادق ويمكن حبي صادق ويوم مالقى تقبل من الطرف الثاني أنقلب للكره كل هالأحتمالات وارده بس المهم اني ماعدت أحبه ...
دخلنا أنا وملاك البيت وحنا رايقين بعد وحده من زياراتنا لخالتي اللي بديت أرتاح لها لأن ملاك ماسوت أي شي من اللي كنت خايفه منه واللي تهيىء لي من كلامها بالعكس كانت على طبيعتها مثل ماعرفها وأحبها ..
وحنا داخلين طلعوا علينا وعد ونواف يركضون ...
وعد :انتم طييييييب ..
وقطعت كلامها يوم أخذت نفس طويل ..
نواف :قيس من يطق ..
ماتصدقون عمق الرجفه اللي صابتني يوم أنذكر اسمه كنه تيار كهر صاعقني .. قلت بتلعثم ..
سارا :قيس ط ق ميي ين ..؟!
نواف :حنا نسألكم تجون تسألونا يووووه اصواتهم واصله الحاره كيف ماسمعتوهم ..
ملاك :ماسمعنا شي بعد أخوه المتخلف تونا شايفينه عند باب بيتهم ...
وعد :ياويلي أكيد منير ..
نواف بقهر :أنا برووووووح أتوطى فبطن هالمتخلف قيسوووه وأفك منير منه ..
وقطع كلامنا فتحت الباب بقوه واصوات زحف وركل وبقوس شكل الهوشه وصلت للحوش ...
ياربي رجلي ترتجف ماهي قادره تشيلني بدون شعور مني جلست على الأرض ..
وأنا اسمع صوت جابر يصرخ : خير أن شاءالله وش مسوي أنا ..
أنتفضت وضميت رجولي بيدي وتكيت راسي عليهم .. عقلي ماهو راضي يستوعب اللي يصير اللحين فهموني صدق اللي يصير قيس يضرب جابر جابررررررر ..
رفعت راسي وأنا أتصدد بخوف يوم سمعت صرخت ألم ثانيه وطاحت عيني بعين ملاك اللي شفت فيها الخوف ومثلها وعد ونوف وبيكونن مايحسن لو ماخافن ..
وعد بهمس :هذا فادي الثاني ... وسكتت شوي شكلها تبلع ريقها .. ليش يطقهم ..
وهالمره وبدون أحساس شاركتهم الصرخه حسيت ان الظربه هذي موجهه لي ...
نزلت عندي ملاك ..
ملاك :ياحياتي وش فيك لاتخافين شوفي الباب مقفل مايقدر يجينا ..
ومدت يدها تمسح دموعي اللي مادريت عنهن الا هاللحضه ..
سارا :اه بس هو يتألمون ليش يظربهم كذا حرام عليه المجرررم ..
ورجعت أصرخ من صوت صراخهم اه يوووجع ..
حرام عليه والله حرام عليه حتى أخوانه مارحمهم ياربي شوفوا كيف وهم رياجيل يتألمون من ظربه وغمضت عيوني وأنا أتصور نفسي أنا اللي أتلقى هالظرب تمنيت الموت قبل ماتوصلني يده ..
ملاك :سارا ياحياتي أمشي ندخل ..
قمت معها بالصعوبه أحس رجلي تعقدت من سمعت صرخته .. قيس :وش قللللللللللللللللللللت ..؟؟!!
هند :وش فيكم ..
ملاك :ماسمعتم الهوشه ..
هند :لا أي هوشه ..
وطالعت فيني ..
هند :سارا أحط طقك .. ملاك ..
ملاك بالسرعه :لا مأحد طقها ذولا الحيوانات أخوان منير يتهاوشون وأرعبوها ..
هند :مالت وش عندهم ..
ملاك :مأدري عنهم .. وين البنات ..
هند :شوق عند جدتي .. وشهد نايمه ..
مادري ليش يوم جيت أتكلم سألت عن ..
سارا :ومشاعل ..
معقوله أدور عندها عن الأمان اللي كنت أحس فيه بوجود ضحى ..
هند :طلعت بعدكم بربع ساعه وللحين ماجت ..
وحنا نتكلم دخلوا علينا نواف ووعد ومعهم منير ..
ملاك :انت جيت غريبه مافيه أصابات ..
رمى نفسه على الأرض ..
منير :اخخ الله ستر ولاكنت رحت بالرجلين ..
سارا :ليش ظربهم ..؟!
سألته بحماس لأني فعلا ودي أعرف ليش ظربهم ..
رد علي بالتردد وعيونه تقول كذاب ..
منير :مأدري أكيد صار منهم شي ..
ضحكت ضحكه طالعه من قلب السخريه فيها أكثر من المرح ..
سارا :هههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه ...
اييه أكيد ظربهم لأنهم يستحقون الظرب لأن أخوك مره حقاني صح منير هههههههههههههههههههههههههههههه هههههههههههههههههههههههههههههههههههههههه ..
منير :ايه يستاهلون أجل ليش بيظربهم كذا يعني من الباب لطاقه ..
تكفى اسكت لاتضحكني يامنير تكفى تكفى ..
سارا :صح وبالأماره كان يظربك ويظربني لأنا نستحق الظرب ...
منير :بس مره ظربك هو وماكن يقصد ..
سارا :ههههههههههههههههههههههههههههههههههههههههه ماكان يقصد يقول ماكان يقصد ههههههههههههههههههههههههههههههههههههه ماكان يقصد ههههههههههههههههههههه
هههههههههههههههههههههههههههههههههههههههه لا لا ماكان يقصد ههههههههههه هههههههههههههههههههههههههههههههههههههههههههههههههه ههههههههههه ...
ملاك اللي ضحكت معي ظربتني على راسي بشنطتها ..
ملاك :بس خلاص أسكتي شكلك يضحك هههههههههههههههههههههههههههههههههههههههه ..
رديت عليها وأنا للحين أضحك ...
سارا :هههههههههههههه ماتسمعينه وش يقول ههههههههههههههههههههه ههههههههههههههههه ..
هند :بنات المسلسل جاء ..
ملاك :أي مسلسل وجععع يالحمارات تابعن من ورانا ..
منير :ايوه ياعيني الحلقه اليوم شكلها شي وخروا أنا تحت التلفزيون على طول ..
أستغربت وبنفس الوقت أنقهرت وش اللي يتابعونه من ورانا ...
سارا :لاهذي خيانه تكلمن ياحمارات وش المسلسل ذي اللي تابعنها ..
وعد:اووووف سارا والله أنك لزقه أسكتي اللحين المسلسل بتبدأ مانبي نسمع ولانفس ..
ييعععع وش هذي كلها صياح ..كنت بعلق بس سبقتني ملاك ..
ملاك :من صدقكم أنتم تابعون هالشي ..
نواف :اووووووف أسكتوا ..
وبدت مسلسلتهم عشر دقايق وماقدرت أسكت أكثر ...
سارا :وش هذا وجعععععع هذا مسلسل خليجي الله يلعنه .. كانهم مايعرفون يسوون مسلسلات مثل الناس وش قلة الحيا هذي ...
ملاك :طالعي أنتي بس صدق أنحراف فكري مأدري وش الفايده من هالقصص ووش بيوصلون له ..
سارا :خلاص طفوه لوعتوا كبدي وش لاقين فهالتفاهات تتابعونها ..
هند :وش فيكن أنتي وياها والله أنكن كنتن تابعن اللي أردى من كذا .. بعدين حنا نتابع اللي نبي كلن حر بنفسه ..
ملاك :تابعوا بس شي ينتابع ماهو مسلسل فيها هالأغبياء الحمدالله والشكر شوفي هذي كيف لابسه والله على فقرنا لو لقيت لبسها هذا معروض ببلاش ماأخذته ..
سارا :لاوالله أنا لولقيته فبلاش بأخذه وأهديه لمشاعل تعرفينها تلبس كل شي ..
ملاك :تصدقين والله فكره مش بطاله أمشي نروح نجيبه ..
قمت بالسرعه ولبست عباتي اللي كانت طايحه قريبه مني ...
سارا :يالله بالسرعه أخاف أحد يسبقنا ويأخذه ..
نواف :بسسسسسسسسسسسسسسسسسسسسسسسسسسسسسسسسسسسسسسسسسسسسسس ..
منير :ماهو وقت أستهبالكم حرام عليكم خلونا نتابع ..
جلست بأحباط .. وطرت علي فكره ..
سارا :اصلا أنتم وش مجلسكم على التلفزيون مو المفروض اللحين أنكم تدرسون ...
ملاك :ايه صح نسيتي ياوعدوه اللي وعدتك فيه ضحى ..
ماتوقع نسته للحين اذكر كيف صحتنا من النوم انا وملاك بس عشان تقول لنا هالخبر المعفن ..
سارا :ايه صح نسيتي ...
وعد :بعد المسلسل لاحقه على المذاكره ..
سارا :بعد المسلسل تقولين بعدالفلم او المسلس الثاني وبعدها تقولين بعد الأغنيه وبعدها ...
قاطعتني وعد ..
وعد :خلاص بقووووم اووووف صدق أنكن حنانات ..
وطلعت الدرج وهي تسب فينا .. اوووب اوووب وخروا عني صدق أني شديده قدرت أقومها ..
كذا بدون مقدمات حسيت شفيفها على اذني ..وبصوت واطي
ملاك :هششششششششش لاتكلمين عندي لك اقتراح عشان نكد عليهم شوفي كيف مندمجين ..
بصعوبه قدرت اوخرها عني وجاء دوري أتكلم وبنفس الطريقه والنبره ..
سارا :ووش هالأقتراح .. ؟!
رجعت تسوي نفس الحركه ..
ملاك :الخطه على عدة مراحل بس فالبدايه معك مفتاح باب البيت الداخلي ..
جلست أحوس بالشنطتي أدوره وفعلا لقيته ..
سارا :ايييه معي ..
ولفوا كلهم علي لأني تكلمت بالصوت عالي من الحماس ..
هند بقهر :ممممممكن تقصرييين صوووووووووتك ..
ابتسمت بغباء ..
سارا :اكيد من عيوووني ..
ولصقت وجهي بأذن ملاك ..
سارا :ايه معي وش الخطه ..؟!
نفس الحركه من ملاك ..
ملاك :بنطلع ونقفل الباب الداخلي .. ونطفي الكهرباء من برى ..
سارا:ايشششششششششششششششششششش ..؟!
ياي من الحماس قلتها بصوت عالي ياهي خططه صدق بنكد عليهم ..
نواف :وجعععع انطمي بنتابع ..
رديت عليه وانا اوقف وأشد ملاك معي توقف ..
سارا :اصلا بنطلع ونترك لكم المسلسل أشبعوا فيها ..
وأنا أمشي كنت أطلع المفتاح من شنطتي طلعنا عادي وقفلنا الباب بهدوء من غير مأحد يحس ..
ملاك :بنطفي بس على الطابق الأرضي ..
سارا :يالله طفيه وش تحترين ..
وكأنها كانت تحتري أقوله كذا لأنها مباشره مدت يدها وكبست الزر وحسينا بالهدوء حولنا ...
شدن :وش تسووووون ..
ملاك :شدن وش تسوين هنا ..
شدن :العب انتم وش تسوون وليه لابسين عباياتكم بتطلعون بروح معكم ...
وجانا صوت نواف
نواف :ياحماررررررررره أنتي وياها شغلوا الكهربا ..
بأرتباك تغطينا وطلعنا وشدن معنا ..
وحنا للحين نسمع أصواتهم وهم يصارخون أفتحوا الباب افتحوا الكهربا ..
وقفنا على باب الشارع ..
سارا:وين نروح اللحين ..
ملاك :وش رايك نروح نقضي للبيت ..
وتذكرت الفلوس اللي عطتنا ضحى واللي ضعف مصروف البيت دايم خمس مرات وقالت لاتقصرون على خواتكم بالشي ..
سارا :يالله وبنأخذ شدونه معنا ..
شدن :اكيييييد رجلي على رجلكم هذا مافيها كلام ..
ملاك :وجععع بنت قصري حسك ..
ورحنا نمشي للشارع العام عشان نأخذ تاكسي ..
((3))
ملاك
(.. مشاغبات بريئه ..)
بعد عملتنا المهببه واللي قررنا بعدها أن نروح نقضي للبيت واكيد أنا رحنا واللحين حنا فالسوق للمواد الغذائيه ..سارا تسألني ..
سارا :ملاك نأخذ زيت ولاسمن بلدي ..
ملاك :خوذيهم كلهم ..
سألتني بالشك ..
سارا :موكنهم أسراف قبل كنا نشتري الأرخص ..
ملاك :حطيهم بس ..
شدن :ملاك أخذ جالكسي ولاكت كات ..
ملاك :انتي وش تبين ..
شدن :أنا ابي بونتي ..
يال الفصاحه على قولت ميشو تبي بونتي وتخير بين الجالكسي والكت كات ..
صرخت عليها ..
ملاك :غبيه أنتي تبين بونتي خوذي بونتي ..
شدن :وابي بعد سنكرس ..
هذي والله اللي بتهبل فيني ..
ملاك :انتي تستعبطين ولاوش سالفتك خذي شي واحد بس ..
شدن :لاخلاص بأخذ البونتي والسنكرس والجالكسي بخليه للمره الجايه ..
وراحت بالسرعه قبل مارد عليها ..
سارا :ملاك ناخذ جريش ولاعدس ..
طالعتها بأستغراب وش تهبب هذي ..
ملاك :وحنا من متى نأكل هالأشياء ..
سارا :معنا فلوس ليش مانشتريه ونجرب نأكلها ..
ملاك :يالله عادي خوذيها بس أنا مأعرف اصلحها أنتي تعرفين ..
سارا :لاماعرف بس أكيد شوق تعرف ..
وحطتها فالعربيه ..
وجلست افكر وش ناخذ بعد ..وملاك ..
سارا :ملاك أخذ زيتون أخضر ولا أسود ..
بملل رديت ..
ملاك :خوذي اللي تبين ..
ردت علييي وهي تطالع بالبرطمان اللي معها ..
سارا :بدون عجه او فيها ..
سحبت البرطمان منها بقوه تستهبل ذي ..
ملاك :اصلا هذا مفرغ وخالص يالحلوه ..
بعبط ردت علي ..
سارا :تصدقين مانتبهت ..
ملاك :ماشاءالله عليك طيب امشي لقسم الخضروات ..
سارا :ووينها شدن أوف لاتضيع هذي ونبتلش فيها ..
ملاك :نبتلش فيها بعينك هذي بنت أختنا ..
سارا :احلفي أنتي بس من متى صارت شدن بنت أختنا ..
شكلها تبيني افقد أعصابي وأظربها قدام الملا بس أنا غصبت نفسي ومسكت أعصابي وتركت لها العربيه ورحت أمشي للقسم الخضار ..
وقفت أخذ منها ومر الوقت وماحسيت الا بيد على كتفي لفيت بحده وطالعت باللي وراي ..
:اسف ظنيتك ..
صرخت عليه بقهرمن وقاحته ..
ملاك :اسف بعينك ياقليل الحيا أنا تحط أيدك على كتفي أنا تلمسني ..
:هدي أعصابك يابنت الحلال أحسبك زوجتي ..
شوفوا القهر بعد له وجه يجادل ..
ملاك :زووجتك هاه طيب وينها زوجتك تجي تشوف زوجها المحترم وش قاعد يسووي ..
سفهني وراح وأنا اصارخ عليه ..
ملاك :حقيررررررررررررررررر .. حقيررررررررررررررررر ..
جتني سارا تمشي بالسرعه ..
سارا :ملاك هدي وش فيك ليش تصارخين بعدين وين رحتي انا وشدن من ساعه ندورك ..
نفخت بقهر ..
ملاك :اخخخ الحقير ..
سارا :ملاك وش فيك ومن الحقير ..؟!
ملاك :واحد كان مار ..
قلت لها كذا بصرفها مالي خلق اشرح لها .. وحنا عند الكاشير شفت الحقير اللي حط يده على كتفي وياليت تجون وتشوفون زوجته اللي غلط يحسبها أنها اصلا مابينا أي شي مشترك غير لون العبايه الأسود ... والباقي انواع التضاد هي لابسه عباية راس وانا عباتي على الكتف والهيئه فرق السما عن الأرض ولا وش جاب هالمتينه القصيره لي .. اصلا مايخطأ بينا غير العمى ياعساه للعمى الوقح لا واللي يقهر أكثر أنه ماهو بس متزوج لاومعه وولد وبنت أكبر من شدن .. صدق بعض الرجال اسفل من السفاله نفسها ..
طلعنا من السوق ..تعليق
-
رد: بلا رقيب / لعاشقه ديرتها ، كاملة
ويعافيك ربييعطيك العافيه
استمري قلبووو
طيب
نورتي موزن موولتعليق
-
رد: بلا رقيب / لعاشقه ديرتها ، كاملة
شدن :اووووف ماخذنا اسكريم ..
سارا :وش رايك ملاك نأخذ من باسكن دام فلوسنا زياده ومنها نسكتهم عشان اللي سويناه فيهم ..
اعجبتني الفكره وفعلا وحنا راجعين أخذنا باسكن ..
نزلنا قدام البيت وحنا محملين بالأكياس وجزء من الأغراض نزله السايق لنا عند الباب وراح لأنا مانقدر نشيل أكثر ...
سارا :ملاك بالسرعه افتحي الباب اىي يديني بتنكسر ..
ملاك :كيف أفتح الباب ماتشوفين ايديني مليانه بالأغراض .. شدن تعالي خوذي المفتاح من شنطتي وأفتحي الباب ..
وعلى بال ماخذت شدن الباب وفتحه كنت خلاص رحت فيها اول مادخلنا بالحوش نزلنا اللي بيدينا ودخلنا اللي بقن برى ..
سارا :بروح اشغل الكهربا وانتي افتحي الباب ..
فتحت الباب وتفاجئت بالهدوء اللي بالصاله ومع أن سارا فتحت الكهرباء بس الصاله ظلام وش السالفه ليه مطفين الأنوار ..شكيت انه بيسووون فينا مقلب ..
ملاك :اخرجوا من مخابئكم الأمان لكم ..
سارامن وراي :وش السالفه يقالهم بيخدعونا اخخخخ أغبياء ,, ورفعت صوتها ..
سارا :أطلعوا يامهبل والله ماراح نسوي لكم شي ..
تعجبني سارونا اللي فاهمتني شفتم كيف قلبناها عليهم ..
وبكل غباء طلعوا ..
نواف بعصبيه :ووش اللي ماراح تسوون لنا شي خربتوا علينا المسلسل وطفيتوا علينا الكهربا وقفلتوا علينا الباب ...
منير بقهر :حيوانات ..
قاطعته ..
ملاك :حقوق اللفظ محفوظه لأخوانك ..
منير :لاتكلمين عن أخواني ..
ملاك :الا بتكلم أخ و ا ن ك ..
سارا :ملاكي أتركيهم ماراح نعطيهم من الايسكريم ..
نواف :هاه ايسكريم لاخلاص سامحناكم ...
ملاك :ايه خلوكم كذا عيال مايجون الا بالعين الحمراء ..
بعد يومين
طلعنا أنا وسارا للبيت خالتي مثل ماتعودنا بالفتره الأخيره وهناك لقينا ود اللي من عرفناه كل ماجينا لبيت خالتي وهي لازقه هناك ..
قالت لنا وهي تفتح الباب ..
ود :مالت عليكم وعلى مواعيدكم مواعيد عرقوب ..
ملاك :مين عرقوب تعرفينه سارا ..
سارا :لامن وين أعرفه لاترمون بلاكم علي ..
ود :قليلات أدب يالله أدخلن ...
وفتحت لنا الباب على الأخر بعد ماكانت سادته ..
ودخلت قبلنا .. بس أنا وتوأمي ماتركناها ولا مانكون التوأم اكس او .. سحبناها لين صارت ورانا وتقدمناها ..
ملاك :وينها خالتي ..؟!
سارا :وينها خالتي ..؟!
ود :جدتي شيماء طالعه ..
ملاك :شلون طالعه وهي تعرف انا بنجي عشانها ..
ردت علي وهي تجلس ..
ود :موعشان كذا أنا هنا عشان ماتجون وماتلاقون أحد ...
وطيت على رجلها بقوه وأنا أتعداها بجلس على الكرسي اللي جنبها ..
ود :اييي ياحيوانه ..
ظربتها سارا بشنطتها :لاتقولين عن أختي حيوانه ..
ود :الا بقووووول أنتي شكووو ...
ملاك :امسكي لسانك ولاتنسين أنا ثنتين وأنتي وحده ..
ود بخوف :يمممممممه مجرمات .. حرام عليكن هذا وأنا متحمسه بجيتكم وقايله بنلعب تنس ..
ملاك :تنس واو لاتقولين عنكم ملعب تنس ...
ود بفخر :الاعندنا ليش ماعندنا يالله قبل ماترجع جدتي شيماء وتمنعكم من طلوع ..
خالتي شيماء كانت ماتبينا نطلع من بيتها بحكم أن البيوت الثانيه لأخوان زوجها والشباب بالعايله كثير ..
وحنا كنا ننقهر من هالوضع وأنا كان فيه شباب كثير يعني حنا بنروح نلاحقهم والله هذا اللي كان ناقصنا ...
طلعنا مع ود للملعب التنس وهناك فصخنا عبايتنا .. وود جلست تعلمنا كيف نلعب وأنا وسارا أنواع الأستهبال ..
ود :ملاك وجععع جالسه تطبخين فاصوليا أنتي ..
رميت الكوره الصغيره بالهواء وانتظرتها لين تنزل شوي عشان اضربها بالمضرب بس الكورره مانزلت ..
ملاك :اوووووف وين كورتي ..
وأنا أطالع فوق ...
وصلني صوت ضحكت رجال ...
:ههههههههههههههههههههههههههههههههههههههههههههههههه هههههههه هههههههههههههههههههههههههههههههههههههههههههههههههه هه كورتك هذي ..
ماطالعت وراي رحت أركض لعباتي خطفتها وبنفس الوقت كانت سارا تأخذ عباتها وركضنا للبيت ..
تعليق
-
رد: بلا رقيب / لعاشقه ديرتها ، كاملة
((5))
(.. العداء بين الأخوان ..)
استغربت حركة عمها ووش جابه هنا اصلا ..
ود :عمي نواف وش اللي سويته ..
نواف للحين يضحك :من ذولا ..
ود مقهوره منه مع أنها بالعاده تحترمه بس بحركته هذي طاح من عينها:وانت وش دخلك ..
نواف بأستغراب :وش فيك كل هذا عشان حبيت أستهبل على صاحباتك ..
ود :وبأي حق تستهبل على صاحباتي بعدين ذولا ماهو بعمري عشان تقول عنهم صاحباتي وكأنك ماتدري ..
نواف وبالطريقه مكشوفه :تصدقين حسبتهم صحباتك قلت عادي أجي أستهبل عليهم دامهم صغيرونات كبر بنت أخوي ..
ود :عمممممي لاتنسى أنك متزوج عيب عليك هالحركات والله لأعلم على هناء ..
نواف بعصبيه :وووووود بلاقلة حياء بتعلمين علمي اللي تبين بس ماهو تبلين علي قلت لك أحسبهم صاحباتك صغار يعني ..
وراح وتركها ..
هي واثقه أن عمها وهو جاي هنا عارف ان اللي هنا بنات أخت جدتها شيماء ومع ذالك جاء بس هو ليه سوى كذا لوكان عمها الوليد تقبلت منه هالموقف بس عمها نواف صدق غريبه ..
يمكن هو بعد مثل عمهالوليد كل شي جايز هي استغربت منه هالموقف لأنها تشوفه دايم جدي معها بس مع وديان أختها والشوق بنت عم أبوها اللي هويصير خالها انواع الميانه ..
دخل بيت اخته ومثل ماتوقع لقاها جالسه مع أمه ووديان والشوق ..
الشوق :هلا خالي ..
وديان :اهليييييييين عمي ..
رد عليهم وهو يفصخ غترته :أهلين وش أخباركم .. كيف حالك يمه .. كيف حالك أم جبر ..
امه :ياهلا والله فيك ياوليدي بخير الله يعافيك ..
ام جبر :بخير الله يسلمك وش أخبارك ابو رند ووش أخبار رند وأمها ..
نواف :بخير كلنا بخير ..وبأستعباط سأل :الا وينها ود مأشوفها معكم ..
وديان :اصلا هذي من متى كانت معنا تنقل من بيت لبيت ..
الشوق :ايه صح مرت عمي سلمى تقول أنها تحوس فبيتهم وكل غرفه تدخلها الصراحه تفشل ..
وديان :امي تعبت من كثر ماتقول عقلي بس ماعندك أحد ..
ام نواف :وش فيكن على البنيه والله أن محد مثلها..
أم جبر :ماقلنا شي يمه محد مثلها بس لو تعقل شوي واللحين بس لاصقه فبيت العراقيه ماتطلع منه ..
نواف بصوت واطي ماسمعهن غير وديان والشوق :من عذرها طايحه على غزلان ..
وديان :عمممممممممي..
الشوق :خالي ..؟؟
نواف يضحك :وش فيكن ..
الشوق :انت اللي وش فيك وش قصة الغزلان اللي تكلم عنها ..
نواف :مايمدحون اللقافه ..
وديان :افا عمي تخبي علينا ..
نواف :ياشين اللي يعطي الحريم وجه ..
الشوق :لاعاد هذي قويه خالي تزعل ..
نواف :ازعلوا بكيفكم أعرف وشلون أراضيكم ..
وديان :يعني واثق انا بنرضى ..
حب يسوي فيهن حركة نذاله سحب غترته وقام بيطلع :عمركن مارضيتن اروح لرند بعد عمري أبرك من مقابلكن ..
الشوق :لاخالي حرام عليك انت واعدنا تطلعنا ..
وديان :عمي تكفى لاتضحك ود علينا ..
سوى عمره زعلان وطلع من عندهن وهو خاطره يضحك عليهن ..
مر من عند ملعب التنس اللي شافهن فيه ابتسم على عصبية ود وسرعان مانمحت هالأبتسامه غمض عيونه بألم اه يازمن تعبان ليه تذكرني ليه تفتح علي جروح ماندملت ..
جاه صوتها مثل نسمه عليله فالجحيم:نواف احبك لاتتركني ..والله مابيه مابيه لاتسمح له يحرمنا من بعض ..
كان جالس على ركبه قدامه بصوره ذليله بأنكسار .. وبصوت ينرحم صاحبه ترجاه توسل له ..
نواف :وليد واللي يرحم والديك أبعد عن طريقي حرام عليك لاتدمر حياتي لاتذبحني لاتقتل قلبي .. انا اعترف لك بالهزيمه بس لاتخرب علي قل لأبوي أنك ماتبيها وانك بس كنت تمزح ...
أبتسم له بخبث :تبين أتخلى لك عن خطيبتي أفا وش هالمراجل اللي تطلبها مني ..
نواف :الوليد ..
الوليد :عمك الوليد واللي بالراسك ابعد لك من نجم السهيل ..أنا ماني بخبل اتخلى لك عن خطيبتي ..
وكمل وهو ينزل راسه له وبنبره شيطانيه :انذليييييييت ذليت عمرك لأجل مرره يأخووي ماتوقعتها منك ياكبيري
ماتوقعتها منك ياولد أبوووي ...
فتح عيونه يطرد صورة أبليس منها ..
نواف :ذليتني وبذلك ذبحتني وبذبحك دمرت حياتي وجاء الوقت اللي بدمر فيه حياتك الله لا يسلم فيني عضو لوماذليتك ورديت لك الدين بسعى لذلك ياولد أبوي وبعدها بجلس اتفرج على ألمك وندمك ...
نهاية الحلقهتعليق
-
رد: بلا رقيب / لعاشقه ديرتها ، كاملة
الحلقه الثالثه والعشرون
ضحى
دخلت البيت يوم الأربعاء قبل المغرب بعشر دقايق راجعه من القريه استقلبتني اصوات خواتي وصراخهن وهيصتهن ..
سكتوا كلهم اول مادخلت عليهم ..
وعد :ضححححححححححححححححححى ..
وجت تسلم علي ..
قلت بأستعباط ..
ضحى :لاتقولين انك اشتقتي لي ..
وعد :وليه ماقول أنا فعلا اشتقتلك شفتي كيف يوم صرتي بعيده زاد غلاك ..
وبعد ماسلمن على باقي خواتي واكيد الدلوعه شدن اللي لصقت فيني وهي تقول أنها بتروح معي المره الجايه ..
ضحى :انا رايحه انام مابي أي أزعاج وينها مشاعل ..
ملاك :مشاعل تقريبا من أمس نايمه تشحن طاقاتها للأختبارات ..
ضحى :طيب اذا صحت قبلي قولولها لاتطلع لين اتكلم معها ...
وأختلفت ردودهم ان شاءالله ,, اوكي ,, ولايهمك ..
حذرتهم ..
ضحى :مابي اسمع لكم حس ولا والله برميكم بالحوش وقفل عنكم ..
سمعت وعد تقول ..
وعد :رجعنا للعصر الأستبداد ..
بس كملت طريقي على السلم ولاكأني اسمعها ..
ميشو
احاسيس مؤلمه مشاعر قاتله تعتيريني ..مابالي ارى الناس من حولي ينفضون ..هل وصلت الى مرحله لأستطيع فيها تجميع الناس من حولي فبعد ماكنت محور حياة الكثيرين اتلاعب بحياتهم كيفما شئت اصبحت الان نكره لأستطيع تقرير مصيري ولاأعني أي شيء للكثيرين ..
فخلف الذي توقعت منه الكثير اختفى من حياتي بعدما عرف حقيقتي بعد ماترك عدة مكالمات لم يرد عليها ولم يحاول تكريرها ويوم امس فقط علمت بأمر خطبته لأحد قريباته .. كان وقع الخبر علي كالصاعقه مدمره خلفت وراها الكثير من المتاعب لاأفهم الرجل أعترف بذالك فكيف بعدما أغرقني بعبارات الحب والهيام وبعد سعيه الطويل لمعرفة اسمي الحقيقي وزعمه بأنه يرغب بخطبتي كيف بعد كل هذا يتخلى عني بعدما عرف الحقيقه التي كان يسعى الا معرفتها ..
الاأكن أعني له شي هل فشلت بلوصول الى قلبه .. ارغب فقط بمعرفة اين الخلل منه اومني حتى استطيع الوصول الى الحل الأمثل للقضاء عليه ويبدو اني لن أستطيع ذالك الى بتلبية دعوة سعاد بحضور ملكة شقيقها ..
امسكت بهاتفي المحمول وبدات بطلب رقمها قبل أن اغير رائيي ..
سعاد:ياهلا والله مرحبا ميشو تنازلت ودقت علي يافرحتتتتتتي ..
ميشو :سوسو هل تستطيعن الذهاب معي الى السوق ..
سعاد:ياحياتي اكيد وليه لا بس وش عندك ..
ميشو :ارغب بشراء فستان لأحضرفيه ملكة شقيقك ..
ابعدت المحمول عن اذني لأقيها من صياح سوسو المدمر ...
سوسو :مستحيييييييييل ميشوووو ماني مصدقه ... بلييييز لاتمزحين معي ..
يال الخرقاء هل تظن بأني متفرغه للأمزاحها ..
ميشو :لأمزح معك أنا أتكلم بجديه هل سترافقيني ...
سوسو :افكورس ياعمري وين تبغين نروح ..
ميشو :أترك لك الأختيار ..سأنتظرك في الثامنه ..
ضحى
صحيت على الساعه سبع ونص بعد ماتسبحت وصليت نزلت تحت ولقيت مشاعل جاهزه بتطلع ..
ميشو :لقد سألتي عني ..؟!
مأعجبني شكلها فيها شي غريب ..
ضحى :ايوه تعالي نطلع للمجلس ...
قالت وهي تتبعني ..
ميشو :نصف ساعه كل مالدي ..
وبعد مادخلنا للمجلس سألتها وأنا اشر بالراسي على الدولاب في زاوية المجلس...
ضحى :متي أخذ أغراضه ..
ميشو :لم أعلم حتى هذه اللحضه ..
ضحى :ممتاز يعني ماتدرين شي عن البيت واللي يصير فيه ..
ميشو :هذا الأمر بالتحديد لايعني لي شيء ..
ضحى :مشاعل حنا وش اتفقنا ..انتي موعاجبتني بينا أتفاق ليه ماتنفذينه ..
ببرود ردت علي وهي تتامل بالمناكير الأحمر على أظافرها ..
ميشو :بعدي لايعني عدم أهتمامي .. هل حدث مايستحق هذه المسائله ..
ضحى :تبيني أسكت لين يصير انا ماعتمد على ملاك وسارا وهم لاحقينك بالهياته ..
ارتفع صوتها وبانت عليها العصبيه ..
ميشو :كان خطأك لما سمحتي بحدوث ذالك فهما اسذج من الحريه المعطاه لهما .. لم يعجبني ذالك من البدايه ..
ضحى :يعني تعتقدين ان هالموضع عاجبني أنا ... بس وش بيدي اسويه اخاف لوضغطت عليهم اكثر يطلعون من البيت لبيت خالتهم ..
ميشو :دعيهم ليفعلوا مايشأوا فلستي بوالدهم ..
ضحى :مشاعل لاتذبحيني وش هالتناقض اللي فيك ..
ردت علي بنبره غريبه ..
ميشو :انا لم اعد أفهم نفسي اعذريني ضحى لست بميزاج جيد لهذه المناقشه ...
وطلعت بدون ماتسمع ردي على كلامها ..
مسكت راسي اللي مصدع وبعدين يعني واخرتها ماكتب لي ارتاح فهالحياه استغفرالله العظيم غصب بتطلعني يائسه هالعاشقه (كنك غلطتي علي ضح ضح ) .. لايابعد جبدي وش دعوى انتي الأصل بس موعاجبتني بعض الألفاظ اللي تكتبينها على لساني .. (بس هذي طلباتك ماطلبتي من عيوني لاتردين علي نرجع للقصه !!! ) ..
من طلعت على الحياه وأنا فالصراع مستمر بهالدنيا ابد ماتوقع اني انسانه عاديه انا انسانه شقيه فهالحياه يارب العوض بالأخره يارب ..
مأحس اني توفقت بشي بحياتي كل مراحل حياتي اللي مريت فيها كنت غير عن اللي مثلي ياسابقتهم يامتأخره عنهم يابالخلف واحيان القى نفسي بالأمام ..
ايام الدراسه كانوا يسموني دافوره ويحسوني غبيه متخلفه لأني اضيع نفسي بالدراسه ومايدرون وش وراي من هموم بس ليه الومهم هم من وين بيعرفون الهموم كانوا صغار على هالأفكار دخلت الكليه وكان يحسدوني على تفوقي المبهر وذكائي الخارق كان اقدر اكمل دراستي الا مالانهايه بس ظروفي ماتسمح والدراسات العليا ماحطت للي حالهم مثل حالي وبعد كانوا يستسخفون تفاني بالدراسه وش عندها البنت تحسب الدنيا كلها الدراسه بالدراسه اكيد امها دكتوره ويمكن ابوها عالم كبير ولامن وين بتجيب هوس الدراسه هذا اكيد وراثه مادروا ان ابوي جاهلي بالقرن الحادي والعشرون ..وأمي تشوف الحياه كلها فزوج وبيت وعيال ..
ميشو
صعدت الى السياره وبادرتني عبارة الترحيب من سوسو التي احتظنتي ماأن جلست جوارها وأمطرتني بالقبل ...
سوسو :احببببببك ياعمري احببببببك ..
ميشو :ابتعدي عني ارجوك اكاد أختنق ..
سوسو بأحراج :اعذريني ميشو قلبوو من فرحتي فيك .. واكملت بفرحه تكاد تحملها على الطيران ...
سوسو :بنروح لمجمح ال ..... محل ال .... منزلين فساتين تأخذ العقل ..
واستمرت بالحديث وانا أتظاهر بسماعها وافكاري ليست معها بل تحوم حول شقيقها الخائن .. بحثت كثيرا بين افكاري عن ماجعله يتخلى عني .. لماذا فعل ذالك لن يجيبني على هذا السؤال سواه .. خلف يافهد قلبي اقسم بأني سأجعلك تبكي حبي ..
وبالتفاته صغيره الاشقيقته اللي بترت حديثها واخذت تراقب ابتسامتي الخبيثه ..
سوسو :ميشو تروعين وش ناويه عليه ..
ميشو :لاشيء وكل شيء ...
سوسو :ايش حزوره هذي قولي يابنت ايش سالفتك...
ميشو :صدقيني لاشيء اخبريني انتي أي صالون سيزينك ..
سوسو بحماس :ال ....... تكفين قولي انك بتجين معي ..
لأستطيع حقا لأستطيع فأنا ارى نفسي اجمل بكثير من ان تصيغني ادوات الزينه ..
ميشو :لأعتقد بأن تلك المركبات الغبيه ستضيف الي شي ..
سوسو :ياغرورك يأختي ..
ميشو :للأسف لستي بشقيقتي ..
سوسو :من سوء حظي ياليتك كنتي أختي ..
سألتها وكلي استغراب من محبتها الغريبه لي ..
ميشو :هل حقا تحبيني ..
سوسو :اموت فيك مشاعل غلاتك بقلبي مالها مثيل بقلوب البشر ..
وصلنا الى المجمع المقصود ..
سوسو :المحل بالدور الثاني نطلع له على طول ولانشوف بالمحلات تحت يمكن نلقى شي ..
ميشو :كلا نصعد مباشره اريد ان اخرج من هنا بالسرعه ...
تملكها الأحباط وهي ترد علي بنبره حزينه ...
سوسو :طيب يالله نطلع فوق ..
وبعد ان حصلنا على مبتغانا اصرت سوسو على ان نتناول طعام العشاء معا .. ومع اصرارها استجبت مكرهه ...
سوسو :لاموكذا عاد شيلي هالتكشيره عن وجهك ..
ميشو :انهي عشاءك بالسرعه ليس معي الليل بأكمله لأقضيه معك ...
كانت سترد علي .. ولاكان انفتاح الحاجز للركن الذي نجلس فيه اصمتها ...
:ماصدقت عيوني يوم شفتك قلت اكيد من كثر مأحلم فيك صرت اتصورك بكل مكان ..
وسحب كرسي ليجلس بجوراي ...
وامسك بيدي ..
فارس :ليش مادقيتي علي ليشش..؟!
سوسو :فارس انت تعرف مشاعل ...
بدأ الأرتباك عليه يبدو انه لم ينتبه على وجودها ..
فارس :سعاد .. ايه اعرفها ..
وعاد للحديث معي ..
فارس :ليش مادقيتي علي ارجوك قوليلي ليه وانتي واعدتني ...
سحبت يدي بصعوبه من يده ..
ميشو :لم اعدك بالشي .. مالذي تريده مني .. الاتكفيك واحده .. لأستغرب منك ذالك فأنت لئيم كغيرك ..
سعاد :فارس ايش تبغى من مشاعل وخر عنها ماتصلح لك وهي صادقه اكفايه عليك كريمه .. والله لوتدري انك تحوس من وراها لتطلع عيونه بأظافره اللي تقل مخالب قطووه ..
فارس :انتي اسكتي مالك دخل ..مشاعل لاتسمعين كلامها والله ماهمتني كريمه ولامليون كريمه ...
ميشو :سعاد هيا بنا ارغب بالخروج من هنابالسرعه ..
حاول الأمساك بيدي مره اخرى ولكني ابعدته بكل قسوه ...وصحت بوجهه ..
ميشو :اغررررب عن وجهي ..
فارس :ياحياتي هدي شوي خلينا نتفاهم ..
سوسو :فارس اذا ماتبي كريمه تعرف عن سوالفك وخر عنا ..
خرج والقهر بادي على محياه ... سافل كغيره اكررره حتى التفكير بأنه اعجبني باول لقاء بيننا ..
يبدو اني كنت اعاني من فراغ بالعاطفه كم كنت سخيفه ,, حتى لأقع في حب فهد بحثت عن شخص أخر لأوجه عواطفي اليه حقا يال غبائي فمن المسحيل انا احب ذالك الأخرق خلف..
تعليق
-
رد: بلا رقيب / لعاشقه ديرتها ، كاملة
ضحى
طلعت من المجلس وبصوت عالي صوت على اللي داخل:ملاك سوي قهوه وجيبيها للمجلس ...
صدعوا بالراسي هالبنات عليهم غباء ماشفت مثله سؤال محيرني ليش بناتنا وعيالنا يكرهون الرياضيات لهدرجه تبون الصراحه حالتهم صعبه .. رجعت لهم كانوا خمس بنات بالأضافه لهند وشوق ..
كانت وحده من هم سودانيه اسمها روى ويمكن هي اكثرهم اجتهاد رغم ان مستواها مو ذاك الزود سألتني :ابله ماما تسألني انتي ليه ماكملتي الماجستير والدكتوراه ..
ضحى :ظروفي ماتساعدني موكل مايتمنى الأنسان يحصله وريني اشوف حليتي الواجب ..
نطت علي وحده من البنات كانت ميييح بالمره بالصف اولى ثانوي اسمها سلمى ..
سلمى :ابله انتي كيف قدرتي تدرسين اربع سنين تخصص رياضيات وانا اربع دقايق على بعض ماقدر ادرسها ..
رديت عليها بغرور ..
ضحى :انتي قلتيها انتي وانا يعني مافيه مجال للمقارنه .. سلمى انصحك غير التدبير المنزلي لتخصصين ..
ابتسمت على ضحك البنات اللي كان بطريقه هستريه شكل الرياضيات اثرت عليهم يشوفون فيها مرض هلاك عذاب حمل هم ماهم قده بعكسي القى فيها متعه متنفس من كل كرب صدق من قال الرياضيات فن ...
بس مألومهم الرياضيات للكثير منهم عقده عثره فالطريق نجاحه خصوصا انه لها النصيب الكبير فالدراسه وترتب عليها النسبه ومع التراكمي زاد كره الطلاب لها اضعاف ..
والرياضيات لي كل حياتي ..
رجعني من غفلتي دخول التوأم ..
ملاك :واحلى زمزمية قهوه وحضررررررررووووووووا ..
كانت رابطه على خصرها مريله وعلى راسها منشفه شكلها صدق مثير لضحك ... واكيد سارا مسويه مثلها ..
سارا للي يدرسون :تبغون انتم قهوه بعد .. المره ذي بنقهويكم المره الجايه تقهوو فبيوتكم قبل ماتجون ...
ضحى :والله مأنتي دافعه شي من جيبك وفنجال قهوه ماهو مزلزل ميزانية البيت ..
سارا :ابله ضحى اشربي فنجالك قبل مايبرد ..
ملاك :ورى ماتأكلين شوكلاته فيه بونتي اللي تحبينه ..
سارا بأعتراض :ماتحب بونتي تحب جلاكسي بالكراميل صح ضحى ..
ضحى :مأحب شي اطلعوا خلوا البنات يركزون ..
ملاك :بنروح لبيت خالتي ..
ضحى :لا ..
سارا :أوووووف طيب بنروح نتمشى بالحاره ..
ضحى :سارا انقلعي لأوريك صدق كيف تمشين بالحاره ..
طلعن وهن يتأففن ورجعت انا للبنات واسألتهم اللي ماتنتهي ..
جالسه بين عمانه عمه مبارك وعمه عساف والكل حاضرين يباركون له على زواجه الرابع ثلاث زوجات وطليقه وعنده مكان شاغر لوحده بعد .. وهذي ملكته السادسه امور الزوج وترتيباته صارت عنده امور روتينيه ..
طالع فيه وبالسرحانه وش عنده الرجال لايكون يفكر بالرابعه من اللحين يسويها :خلفففف ..
خلف :هلا نعم ..
عساف :وش فيك ساهي ..
خلف :افكر ان عمري وصل لأربع وثلاثين وماعندي ولد يحمل اسمي ..
عساف :الأمر هذا بيدك ..
خلف :شكلي تسرعت بالزواجي هذا بعد ..
عساف بعتب:خللللللللف ..حنا جالسين فبيت أهلها والبنت ماصارلك ثلاثين دقيقه من ملكت عليها ..
خلف :ماراح تكون الزوجه اللي أبغاها ام لعيالي الزوجه التي بقضي معها كل حياتي.. هي مثل غيره شهرين على بعضهم مأقدر اعيشهن معها ..
عساف :قسم بالله انك مانت صاحي وش فيهن اللي تزوجتهن عشان ماتقدر تصبر عليهن ..
خلف :املل ماقدر اكرهن ياعساف اشوف فيهن سخفات المراءه اللي أكرها ...
عساف :عن الفلسفه بس الحريم كلهن مثل بعض مأدري من مصور لك ان فيه وحده غير عن الكل ..
خلف باصرار وعيونه فيها احمرار مخيف :لقيتها بسسسسسسسس ..
عساف :ايه بس ايش من منعك ماتزوجها ...
خلف بقهر :تبغاني اتزوج وحده تبات برى بيت أهلها بالأيام ..
عساف :ابوها عمك يامبارك وأخوك أخوهن ..
خلف بحقد :كللله من عممممي كلله مننننه ..
عساف :اشششش بس لايسمعك ..
خلف :خله يسمع لو ماتخلى عنهن ماكان هذا حالها ..
عساف :ماشاءالله من متى صار خلف بصف الحريم .. بتزعل عمك منك عشان مررره ..
خلف سكت وصد عنه ضغط على السبحه اللي بيده لين انقطعت ..
نظرت لصديقتها اللي ترقص والفرحه باين على وجها ولاكأن اخوها متزوج للحين خمس مرات وهالطقوس تنعاد كل مره... انتقلت عيونهالزوجته الجديده اللي جالسه بكوشتها حللوه عاديه مثل باقي اللي تزوجهن مافيها جديد الا انها اصغر منهن عمرها 18 سنه ..
لعبت بجهازها الجوال تصورها لا مسكينه شكلها بريئه ماتستحق الفضيحه ... الفضيحه هالمره له هو,,هو وبس .. ماهي ميشو مبارك اللي ينلعب عليها هي اللي تلعب .. والناس كلها العاب لها بس ابد ماتكون لعبه في يد احد .. بكره عندها اختبار صعب تركت المذاكره وجت هنا عشان ترد كرامتها بس لو مانجحت فأمتحان بكره تقسم بأغلظ الأيمان ان ماراح يدفع ثمن هذا غير ياخلف ..
سعاد وهي ترمي نفسها على الكرسي جنبها :اوووف تعبت ياحلو الرقص ..
سألتها ببراءه :اين والدتك ..
سعاد :مأدري عنها وين راحت قبل شوي شفتها على طاوله اللي هناك ...
واشرت على طاوله فالجهه الثانيه من الصاله ..
ليه تسألين عنها ..
ميشو :هل تعتقدين بأنها ستتعرف علي وأنا بهذه الهيئه ..
سعاد :اكيد لاياعمري والله انك طالعه كنك ممثل أجنبيه تكفين من بيتوقع انك المتشرده ..
ابتسمت على جملتها متشرده هاه ..قريب بتعرفين وش معنى كلمة تشرد ياصديقتي العزيزه واوعدك علي يدي ..
قامت من مكانها :سأذهب لأصلاح زينتي ..
سعاد :تبغين احد يوصلك ..
ميشو :كلا ياعزيزتي بأمكاني ايجاد الطريق بنفسي ...
وأخذت معها شنطتها ..
وبدال ماتروح للدورة المياد دخلت للغرفه صغيره كانت فيها المشرفه على الموسيقى تتراقص على انغام قمر لعبد المجيد عبدالله ..
ميشو :مرحبا ..
وبعد ماردت عليها ..
:لقد طلبت مني مدام باشا أعطائك هذا الشريط لتشغليه بعد هذه الأغنيه .. وطلبت مني اخبارك بأغلاق الباب عليك حتى أنتهاء بث الشريط ...
اخذت منها الشريط بتفهم ووحطته فوق مجموعه من الأشرطه .. خرجت من الغرفه ليقفل الباب خلفها ..
كانت اخر نغمات تسمعها :اليووم طالع قمرر ..
لبست عباتها وخرجت من الصاله لكنها وقفت بمكان قريب من الأمن تسمع اللي يذاع داخل الصاله ...
الناس كلها تستعد لأغنيه جديده عاطفيه كسابقتها مفرحه تبث اجمل الكلمات واعذب الألفاظ .. وبدل ذالك يلقون أنفسهم يستمعون لوحده من مكالمات المعرس العاطفيه ...
بصوته الرجولي المميز اللي ياما كررنا انه جلف مخيف بس بهالحضات كان فيه نوع من الرقه المثيره للضحك :وينك حبيبتي كل هذا تغلي .. روبي معي ..
:اسف حياتي وش أسوي هي تطلع معي كذا مأقدر مأقولها لك مأدري كيف من أسمع صوتك ودي أقول لك كل الكلام الحلو الموجود في الدنيا ...
:ماهو غلطتي فهالدنيا ان اسمي خلف ماهو فهد .. روبييي انا اسمي خللف مانيب فهد ولاعاد اسمعك تناديني فهد .. خلف انا خلف ..
:زعلتي ياحياتي انا اسف ماكان قصدي اصرخ عليك بس نفسيتي تعبانه ...
((صوت غير واضح من الطرف الثاني ))
رد عليها :طلقت زوجتي .. خاينه تصور اكتشفت انها تكلم واحد ثاني من ورى ظهري .. لاوبعد مصوره خطيبتي وناشره صورها ..
:اكيد أحبك هذي مافيها شك ..
:ادري اني مجنون ولافيه احد يحب وحده ماشافها ورافضه حتى انها تقوله اسمها الصدقي ..
بتنهيده حارره:بتزوجك يعني هذي يبيلها ذكاء ...
:روبي ارحميني الله يرحم والديك كفايه ذل وترجي .. انتي خليتي اترجاك وانا اللي عمري ماعرفت هالكلمه ...
:داررري ياعمري والله اني داررري انك تستاهلين اذل عمري لك .. وببقى ذليل لك بس سامحيني ..تعليق
-
رد: بلا رقيب / لعاشقه ديرتها ، كاملة
صرخت ام العروس بالصدمه لباشا اللي واقفه جنبها تسمع اللي يبث بالذهول تام :وش هالمهزله يام المعرس ...
باشا اللي تغلبت على صدمها مشت بالسرعه للغرفة الموسيقى ودقت على الباب بأقوى ماعندها ..
سعاد اللي جايه تركض :يمه وش هذا من اللي سوى كذا ياويلي فضيحه..يافضحيتنا بالناس
باشا :سعاد صدق هاللي صار صدق ولا انا احلم ...
سعاد :يمه مستحيل كيف خلف وشلون صاركذا ماني قادره استوعب ...
باشا:مادري مادري وهذي ليه ماتفتح الباب ...
ثنتين من الحاضرات طالعن فبعض :وش هاللي نسمعه ..
الثانيه :والله العظيم ان هالناس ماعادوا صاحين .. ولافيه احد صاحي ينشر فضايحه قدام الناس ..
:توقعين وش بيصير ..
الثانيه :قصدك وش بيسوون اهل العروس ..ماتوقع يصير شي يعني هو متزوج من قبل وبنتهم الثالثه مافيه شي لو زادوا عليها انه مغزلجي ..
:توقعين هاللي يكلمها بتكون الرابعه ..
:ليه لا شكله كل زوجاته يأخذهن بهالطريقه ..
:وليه ماتكون هاللي يكلمها هي مرته ذي ..
:يمكن كل شي جايز .. عمه مبارك ..
:ايه بس مبارك تاب من بعد باشا مأخذ أحد ..
:وهو يقدر عايش من فلوسها ويتزوج عليها ..
:ماعمرك شفتي احد من بناته ..
:لاوالله ماحصل لي الشرف ..
:كنك تمصخرين بلاك مشفتيهن ..
:ليه انتي شفتيهن ..لاتقولين طالعات على ابوهن ..
:ماشفت الا الكبيره تدرس بالمدرسه اللي فيها بنتي ..
:وكيف عرفتيها ..
:دايم تهرج عنها بنتي منبوذه مأحد يحبها شايفه نفسها وظالمه حتى المعلمات والمديره مايحبنها ..ومره رحت لمدرسة بنتي طالبتني المديره وانا أتكلم معها دخلت علينا ذيك القمر طول ورسم ولاشعرها الأحمر (غجري) مثل شعر جدتها اللي يرحمها ...
:ليه هي ماتت ..
:لا بس حياتها مثل الموت الله يرحمها برحمته امين ..
:الله انتقم لهم من باشا بنتها وتطلقت وولدها مزواج وثالث ضايع .. وهاللحين بس انفضحت فضيحه مأتوقع الناس تنساها لو بعد السنين ..
:الله يستر علينا بس .. وقومي بنطلع ماتشوفين الناس طلعت ..
:والعشاء ..
:بعد كل اللي صار وتبين عشاء ..
خلت الصاله عليها هي وبنتها وخواتها ..
باشا ماسكه راسها بين يدينها ماهي مصدقه الفضيحه اللي صارت لهم :ياوويلي يافضحيتنا بين الناس صرن علك بحلوقهم ..
سعاد منزله راسها على الطاوله وتبكي من الفضيحه والشتايم الكثيره من ام العروس والكلام الجارح اللي طالها هي بعد وأن سبب طلاقها طلع واضح تقصد انها مثل أخوها ..
اخت باشا:اهدي يأختي اللي تسوينه بعمرك ماهو حل وترى اللي صار مايحتاج كل هذا كله يوم او يومين والناس تنسى والرجال مايعيبه شي ..
باشا :دارين انه مايعيبه شي بس هالفضيحه قويه ولدي تغزل بوحده على الهدء كل الناس تسمعه وهو ذال نفسه بترجيها ..
أختها الثانيه بقهر وعصبيه :اه يالقهر بس لوعرف من ورى هذا ..
باشا :القهر ان الحيوانه ماتعرف من اللي عطاها الشريط لأنها كانت منزله عدساتها قبل ماتدخل عليها..
سعاد بقهر من بين دموعها :من اللي سوى فيني كذا ليش يفضحون خلف حرام والله حرام ..
خالتها :سعاد هوني على نفسك اكيد انها الحيوانه اللي كان يكلمها اكيد هو يعرف من هي ..
باشا :ياويلي كيف بنقول له ..
سعاد :هو بعد مايعرفها ..
خالتها :وانتي وش دراك ..
سعاد :هو مره جاني يسألني عن وحده اسمها روبي بالجامعه ..
وحده من بنات خالاتها :اصلا حتى هو بالمكالمه يقول فيه احد يحب وحده ماشافها ولاحتى يعرف اسمها الحقيقي ..
امها :وانتي مرره مركزه بالمكالمه ..
البنت بقهر :كل الناس سمعوها وقفت علي ..
سعاد :قهررر الحقيره قاطعه صوتها ..
خالتها :هذي انسانه وصخه ماهمتها حتى سمعتها ..
باشا:انا ماهمتني وصخه ولانظيفه اللوم على ولدي اللي وصلت فيها الدناءه انه يكلم بنات شوارع ..
خالتها:رجال ماينلام اكيد قصت عليه ..
سعاد :ليه هو مراهق تقص عليه خلف رجال متزوج لامره ولاثنتين ..
بنت خالتها بخبث:ماتقص عليه الا وحده داهيه محنكه ...
باشا :يافضيحتي بالناس حسبي الله عليها اللي ماتخاف ربها اللي لايربحها يارب يفضحها بالملاء كله ..
خالتها :امين يارب اللحين وش بتسوون مع اهل الهنوف (زوجته الجديده ) ..
باشا اللي حاقده على ام الهنوف :بعد اللي سمعته من أمها مستحيل تبقى زوجه لولدي مأكون باشا ان ماخليته يطلقها .. وبنشوف من بيأخذ بنتها اللي تطلقت بعد ملكتها بيوم ...
سعاد :يمه حرام عليك ..
باشا بقهر :أنتي اسكتي ماتفهمين شي ماشوف احمد قال حرررام يوم طلقك بعد زواجك بكم شهر..
سعاد تبكي :يمممممه ..
باشا :لاتبكين والله لأزوجك سيد سيده ..
اختها :ومن سيد سيده ..
باشا:خلينا نخلص من هالفضحيه وتعرفينه لكن ياخوفي تكون هالفضيحه سبب بتخريب مخططاتي ..تعليق
-
رد: بلا رقيب / لعاشقه ديرتها ، كاملة
يعطيك العافيه
واصليتعليق
.
تعليق