رد: الزمن طبعه كذا للعاشقه ديرتها

رحاب:ههههههههههههههههههههههههههههههههههههههههههههه هههههههه..
جنى بقهر:وجع رحابوه ماعتقد قلت شي يضحك ..
رحاب :من صدقك انتي خالتك هربانه ..
جنى :والشي هذا ينكذب فيه .!!
رحاب بلاهه "طيب ليه ..
جنى :اوووووه ترى مليت من بلاهتك تسأليني ولاكأنك معي بالقصه من بدايتها ..
رحاب :طيب لاتعصبين اناصدق عارفه كل شي بس قلت يمكن هربت عشان شي ثاني ..
والله لودريت أنكم بهالحاله ماجيت ..
رحاب بنعومه :افا عليك رحوبه أنت وحده من الأهل بعدين والحمدالله كلنا تجاوزنا مرحلة الصدمه مع أني حسيت أن الموضوع كله على بعضه مايستاهل كل هالتضخيم ,,كله من تحت راس ياسرووه عساه مايتوفق ..
رحاب :ول عليك حقوده ..
جنى بأنفعال :أنا ماحقد على أحد منيه والدرب بس هو يستحق الحقد والكره الحقير ..
رحاب :طيب هدي بالك ماله داعي الأنفعال نرجع نذاكر أحسن ..
جنى اللي طلعت ووقفت فالبلكوانه: مالي مزاج لدراسه ..
رحاب: أجل أنا بروح لبيتنا..
جنى :ايه على طاري بيتكم وش اخبار رغد ..
رحاب بتنهيده وهي تلبس عباتها :رغد الله وحده العالم بحالها تغيرت عن قبل صارت انطوائيه لدرجة أنها ماتطلع من غرفتها ..وخنقتها العبره ..
جنى :يالله عاد رحوبه مالك داعي بتروحين بيتكم وانتي بهالحاله مايصلح لازم نفرفشك ,,,وبعد دقايق من التفكير :وش رايك بمغامره ظريفه ومسليه نختبر فيها شجاعتك...
رحاب برعب :لاتكفين جنى فكيني من مغامراتك اللي تودي بالداهيه وخليني ارجع لبيتنا بسلام ...
رحاب بخبث :لاتخافين بترجعين لبيتكم بالسلام وانا بنفسي بوصلك ...
رحاب :هاه وش قصدك ..
جنى وهي تناظر بساعة يدها :الساعه 11 ونصف اخواني كلهم نايمين وناصر بالدوامه وماراح يرجع الابكره الصبح ,,يالله بروح اخذ المفاتيح من غرفته ..
رحاب بخوف :مفاتيح ايش .؟؟
جنى بثقه :مفاتيح سيارة السواق اللي بنلف عليها كم دوره وبعدين اوصلك لبيتكم ..
رحاب :جنى تكفين انتبهي وهدي شوي مالها داعي هالسرعه ..
جنى اللي حاسه انها طايره بالسماء :ماقلتي لي وش رايك بالسواقتي ..
رحاب وهي تبلع ريقها:حلوه بس لوتهدين شوي حنا بحاره لوتطلع عليك سياره ماراح تقدرين تحكمين ,,بعدين انتبي ماتظربين بوري عند اللفات...
جنى :ماله داعي هذي مظاهر بس ,,وش رايك نمر على الدكان ...
رحاب :تخبلتي أنتي بتفضحينا ,,بعدين والله شكلك واضح انه بنت على بالك الكاب هذا مخبي شعرك شوفيه طالع من ورى ...
جنى :عارفه انا متعمده اسوي كذا وبعدين من بيشوفني وحنا بالحاره والدنيا ليل ...
رحاب :وصليني بيتنا بعدين كملي دورانك على راحتك ..
جنى :على امرك ياقميل انتا تامر أمر ...
ولفت السياره بطريقه كانت بتسبب كارثه لولا إن الله ستر ..
رحاب :جنى هدي بليز وصليني البيتنا سالمه ..
جنى اللي ارتبكت :رحاب اسكتي عني شتتيني...
بعد دقائق كانت رحاب عندباب بيتهم وتأشر لجنى مع السلامه ....
دخلت البيت وحست بالهدوء اللي يلفه كان مخيف ..كانت بتروح لغرفتها بس لفت انتباها النور اللي طالع من غرفة فارس ...شافته واقف بلكونته اللي طل على بيت جيرانهم يعني فيه احتمال كبير يشوف جنى وهي راجعه بسياره صدق كارثه أكيد ماراح يعديها على خير ,,ودخلت بسرعه وصكت الباب بقوه عشان يطلع صوت ينبهه ..
رحاب :هلا والله فروسي الحمدالله على السلامه ...
فارس :اهلين رحاب الله يسلمك وش كل هالترحيب ..
رحاب :افا مو أنت اخوي الوحيد حبيبي لازم افرح برجعتك ,,وش فيك قاعد عندك تعال نجلس نسولف ..
فارس :تبغيني تعالي لعندي ..
رحاب بداخلها:اووف منه عمره مابيتوب ..
جت ووقفت جنبه وهي تحاول تشغله بالكلام بس فارس كان يسمعها ومايتكلم الابجمل مختصره ...
وبالوقت اللي شدته سوالف رحاب والتفت عليها ,,جت سيارة جيرانهم اللي كانت راكبه عليها جنى وصوت العالي شده والتفت وشاف جنى وهي تنزل من السياره وتدخل البيت ..
فارس بخبث :مغامره جديده من مغامرة صديقتك ...
رحاب ماقدرت تكلم وطلعت من الغرفه وهي خايفه على صديقتها منن نظرات فارس الخبيثه ..
=====
بعد اسبوع من الأحداث السابقه
ياسر :يمه ممكن تتركين اللي بيدك شوي وتركزين معي ...
فاطمه :وش فيك يمه مأخبرك حنان كذا ,,واللي بيدي وشو مو لملكتك ...
ياسر بنرفزه :يمه مو لو تركزين باللي بقوله لك بتعرفين إن كل اللي قاعده تسوينه ماله فايده ...
فاطمه بأستغراب :وش قصدك .؟!
ياسر:خلاص يمه ماعاد مسوين ملكه ..
فاطمه بعصبيه :ليه ..
ياسروهو يحاول يضبط اعصابه :سالي سافرت مع أخوها عشان الجهاز وأول مايرجعون بنسوي العرس ماله داعي كل هالشكليات ...
فاطمه :بعد ايش جاي تقولي هالكلام بعد ماعزمنا الناس وحجزنا كل شي بعدين اللي ماتسمى حرمك المصون من متى مسافره من اسبوع ...
ياسر وهو يضغط على جواله اللي بيده وشوي ويكسره :من اسبوع ...
بسمه اللي كانت هي وريان جالسين يلعبون بلاي ستيشن شرقت بالعصير اللي تشربه :كح كح كحححح ..
فاطمه بخوف :بسم الله عليك بسوم ريانووه وش سويت بأختك ...
بسمه قامت تشرب ماء ورجعت تجلس عندهم وبعد تردد قالت :ياسر من اسبوع يعني من متى تحديدا ..
ياسر بملل :وأنتي شكو .؟
بسمه :تكفى قول ..
ياسر :اوووف من يوم الاربعاء ..
بسمه :كيف يوم الأربعاء مسافره وأنا شايفتها يوم الأحد بالجامعه ...
ياسر عرف أن بسمه صادقه وماحب يبين انه مصدوم قال بصوت ثابت :يمكن أجل موعدهم ,,يالله عن اذنكم ,,وطلع بسرعه من البيت ..
وبالسياره كان يتصل بالناصر اللي طول على مارد ...
ناصر بصوت كله نووم :هلا ياسر ..
ياسر بنرفزه:اوهو أنت نايم ..
ناصر :ايه وش عندك ..
ياسر:ليه ماخبرتني إن سالي راحت الجامعه ..
ناصر :أنت وش قاعد تهذي ..
ياسر :اوووه يعني بتفهمني أنك ماتدري عن شي ,,ولاأختك مشتركه فاللعبه ..
ناصر :واختي شكو ياسر وبعدين معك ...
ياسر :روح اسأل أختك من قابلت بالجامعه يوم الاحد..
ناصر :وهج ماراحت الجامعه من يوم أختفت سالي ..
ياسر بقهر :اه ياقهر يعني ماشافت سالي ..
ناصر :لا ,,ولتعب عمرك وتحاول تلقى سالي هي لو بغت بترجع بنفسها ..
ياسر :بتعلمني وش اسوي ياناصر ,,وقفل الخط بوجهه ..
====

ابوياسر :اللحين مأنتي قايله وش هوله كل هالنرفزه والعصبيه ..
فاطمه :اقولك ولدك بيمشينا على كيفه هو حرمه المصون ..
ابوياسر :لاله الا الله وبعدين معك يامره خلاص هو حر اصلا وش هوله كل هالمصريف كذا احسن بعدين خلينا من ياسر هو كبير وشوره براسه ,,خلينا اللحين بندر ..
فاطمه باستغراب :بندر وش فيه بندر ..
ابوياسر :بزوجه ..
فاطمه :وش الطاري ..
ابوياسر:أنا مفكر من زمان مو بس ببندر لاحتى ريان بس كنت اقول بدري بس يوم سمعت إن شيخه بتاخذ وهج الولدها نايف قلت نسبقهم ..
فاطمه بالصدمه :وش قصدك تبي بندر ياخذ وهج ...
ابوياسر:ايه وش فيها بنت عمه وهو اولى فيها من نايف ...
فاطمه :لاحشى ولدي ماياخذ غير بنت خالته ...
ابوياسر :انا قلت كلمه وكلمتي ماتنثنى ...
فاطمه :اللحين وش الحب اللي نازل عليك لعيال أخوك ..
ابو ياسر:لاحب ولاشي بس مابغى الحلال يطلع للغريب ولدي اولى فيه ...
فاطمه :ولدي موناقص فلوس عشان يتزوج بنت أخوك ...
ابوياسر :انا قلت كلمتي وخلاص وهج لبندر وجنى لريان ...
ناصر:والله هذي الساعه المباركه ياعمي اللي تجيني تخطب فيها اختي لولدك بس وهج مخطوبه ...
ابوياسر باستغراب :مخطوبه لاتقول لنايف ..
ناصر بضحكه :نايف مين ...
ابوياسر :نايف ولد عمتك ...
ناصر بقوه :لاياعمي وهج مخطوبه لصديقي واسمه سلطان ال........


نهاية الجزء ...

رد: الزمن طبعه كذا للعاشقه ديرتها

الجزاء الثاني عشر ....

طالع فيه عمه بغضب يوم حس أن مخططاته الخبيثه عشإن يرجع حلال أخوه له فشلت
:بس انا مو راضي انا عمها وبحسبة ابوها ..
ناصر باستخفاف :ولايهمك عمي بعزمك على عرسها ...
ابوياسر :كيف يعني تحداني ..
ناصر :افهمها زي ماتبي أنا ازوج خواتي على كيفي وماحدله علاقه فينا ..
ابوياسر :هذي أخرتها ياولد أخوي تفضل الغريب على ولد عمك ,,وبتزوج أختك بدون رضاي يعني لو كنت أنت اللي جاي تخطب بنتي برفضك ...
ناصر بلهجه ساخره:اولا انا ماجيت أخطب بنتك وماراح أجي مو عشان شي بس لأني ماشجع زواج الاقارب ...

ناظر لصديقه اللي يدور على نفسه ويقفز بالهواء من الفرحه :الحمدالله والشكر عسى ماشر يالاخو ...
فارس :نايف الحق ابو نوف اليوم اسعد ايام حياتي ...
نايف باستغراب :فرحني معك وش عندك ...
فارس :كلمتها اليوم أول مره أكلمها اليوم بس بدت خطوت الالف ميل ....
نايف بقهر :وهذا اللي صاجنا عليه مو لك شهر تخطط توك تنفذ صدق أنك بارد ...
فارس :ياحبيبي التنفيذ يبيله دقه مو زي رسم الخطه الواقع يختلف ....
نايف :وش صار بالمكالمه ...
فارس بالضحكه :فاتك يالنايف ساذجه غبيه بسهوله ينقص عليها وانا اللي اخذ فكره عنها انها قويه اتوقع كل شي بيتغير وبيصير اسهل من تصوري ...
نايف :الله يوفقك ويوفقنا معك ....
وجلس يضحك بطريقه هستريه ...
فارس وهو يضحك معه :عليك دعوه شكلها هي اللي بتجيب أجلنا ...
وقطع كلامهم جوال فارس اللي دق ....
نايف بحسد :الله يعطينا
فارس وهو يرفع الجوال يشوف المتصل:لودريت بتغير رايك ..
نايف :ليه من المتصل .؟
فارس :الاهل ,,ورد :الوو ,,هلا رحاب,,وشو ماسمعك ليه تبكين ,,,اوووووف اسكتي عشان افهم ...رغد ,,طيب ,,,ايه زين بجي ,,خلاص قلت لك بجي بجي ...
وقفل بعصبيه ...
نايف :ووول عليك مزاجك تو وش زينه يوم اتصلت أختك طلعت شياطينك والله لو انها وحده من خوياتك ماعملتها كذا...
فارس وهو يجلس:تكفى يالرحيم مره ماترفع حسك على خواتك ....
نايف :وش بك جلست مانت رايح لهم ....
فارس بعدم مبالاه :خل يولون زين ....
نايف :بكيفك أهلك وانت حر ..
معقوله يكون الي سويته خطأ لالو كإن خطا ماكان كل البنات كلموا يعني انا الصح وهم الخطأ مو معقوله وش اللي عندي ومو عندهم حتى بنات العوايل الكبيره يكلمون ,,,صح مافيهاشي ولا كل هالبنات اهلهم ماكشفوهم أكيد عادي وأهلهم عندهم عادي لو دروا ...بس ناصر معقوله بيسكت عن الخطأ شفتي خطأ أنتي قلتيها اللي تسوينه خطأ أنتي تعصين ربك وتخونين أهلك بس ,,,بس ايش مافيه أي مبرر للي تسوينه الافيه نفسيتي زفت ابغى احد يسمعني يفهمني انا أحس بغربه وسط اهلي ;;;;;; وينك ياسالي لو كني موجوده أكيد ماراح تخلين عني فمصيبتي طول عمرك البلسم الشافي لكل جروحنا ,,,

كانت بحالة صدمه وذهول ماتت أيه ماتت اختها اللي كانت فيوم قدوتها اختها اللي كانت طول عمرها بعيده عنها وفالشهور الاخيره زاد بعدها راحت كذا وبكل بساطه ماتت وانتهت حياتها هذا هو ابن ادم ظعيف مايقدر حتى حياته يتحكم فيها فوقه رب طيب ليه كل هالجبروت ونهايته حفره وقطعة قماش بيضاء ,,,هذي هي أختها اللي كانت عايشه حياتها بطول والعرض اللي كان يضرب فيها المثل بالجمال كان لها جسم ولاعارضة ازياء كانت ملابسها من أفخر الماركات كانوا صديقاتها ومعارفها من الطبقات الراقيه كل هذا كان وكان وكان واللحين ولاشي من ذولي يقدر يرجعها ولو ساعه لاجمالها ولافلوسها ولامعارفها ...خلاص ماتت الله اختارها ,,,
مسكت رحاب راسها بين يديها وصرخة صرررخه هزت اركان المستشفى :رررررررررررررررررررررررررررغد رغد رجعولي أختي أختي رجعوها ,,,,
ابي رغد أختي رغد ماماتت كذب كل اللي تقولونه كذب .....
كل اللي يشوفه كابوس صح هذي مورحاب صح ولاكانت تنادي رغد صح اصلا هو يحلم يتخيل أي شي بس اللي يشوفه قدامه موحقيقه .....
تقدم من أمه بخطوات متردده وبصوت مخنوق قال :يمه رحاب وش فيها,, ووين رغد ..؟!
أم فارس بصوت خانقته العبره :رغد تطلبك الحل ,,الله عطى والله أخذ ,,سبحانك يارب لاعتراض على مشيئتك ...
فارس يهز راسه بعدم تصديق وهو يتراجع على ورى ويستند على الجدار:لا لا لا رغد لاتروحين تعالي لاتموتين تعالي بشوفك بكلمك حرام عليك من ست الشهور ماشفتك تعالي وريني قصتك الجديده وصبغتك تعالي مابستهزي فيك تعالي باعترف لك والله أنك حلوه مو قرده زي ماكنت اقولك رغد ارجوك ارجعي ,,الله يخليك يمه قولي لها ترجع والله أحبها,,قولي لها ترجع وكل يوم أوصلها للجامعه بسيارتي خليها ترجع واسوي لها كل اللي تبي ,,والتفت على رحاب اللي كانت جالسه على الكرسي جنب أمها وتبكي بهستريه وتضرب راسها بيديها وبلهجه طفوليه:خلاص رحاب رغد بترجع بس لاتزعلينها....
رحاب اللي استوعبت الصدمه قالت بالصراخ مبحوح من كثر ماصرخت :أنت وش قاعد تقول رغد خلاص راحت ماراح ترجع صارت بعيده ,,واشرت بيدها للسماء :خلاص صارت بعيده يوم كانت قريبه وبابي قبال بابها ماكنت اشوفها ولاأهتم واللحين ابغاها ترجع لوساعه ابغى اسمعها اتكلم معها اشوفها وهي حيه اسألها وش اللي غيرها ليه كانت طول الليل اسمع اناتها وصياحها ليه تركت الجامعه ليه وليه والف ليه بسألها بس ترجع باهتم فيها واعوضها ساعات بعدي عنها ...ورجعت تبكي بطريقه تفطر القلب وهي تنادي رغد ...
اه يارغد رحتي وفطرتي قلب أهللك عليك يوم كانت عايشه ولا سألوا عنها يوم كل ليله تقضيها بالبكاء والنواح ماحد سألها ولاخفف عنها كانت تعيش مأستها لحالها راحت بدون وداع كذا بدون مقدمات ماتت وهذي الحياه فيه أحد ضامن نفسه راحت وتركت كل شي وراها حتى ثوبها اللي عليها ماخذته معها ...
دخلت غرفتها وهي تترنح وتمسك بالجدران انفجرت تبكي من جديد يوم شافت صورتها اللي كانت أخذه نصف الجدار اللي فوق سريرها ,,,,لفت بنظرها على غرفة أختها كل شي فيها تركته وراحت فيوم من الأيأم كانت ملكة هالغرفه تدور فيها مثل ألفراشه لين فجأه انقلبت فيها حياتها للحين تذكر اليوم اللي صحت فيه قبل الفجر وشافتها مميته نفسها من الصياح وهي تقول كلام غير مفهوم :انتهيت خلاص انتهت حياتي دمرت حياتي بنفسي
,,لاتمشين على نفس طريقي بيضيعك مثل ماضيعني ,,وبعدها فقدت وعيها وودوها المستشفى...
حضنت مخدتها وهي تبكي :رغد حبيبتي ارجعي لي أنا من لي بعدك والله مو قصدي ابعد عنك بس غرتني الحياه مثل ماغرتك حنا خوات من لنا غير بعضنا ليه ابعدتيني عنك بتصرفاتك وخلتيني انفر منك حتى يوم احتجتيني مالقيتيني قربك ...
ليه يارغد ليه وضمت مخدتها بقوه اكبر حتى دموعك للحين ماجفت قبل ساعتين بس كنتي تبكين على مخدتك ,,,اه يارغد ليه يأختي انزلت دموعك من بكاك .....
وبلهجه صادقه :والله لانتقم لك يارغد من اللي بكاك حتىلو كانت الحياه نفسها ********كلمات نقولها بدون تفكير تودين بنا الى المهالك ......
تركت مخدتها على السرير وراحت لتسريحتها اللي ماكان فيه عطر أو مكياج من الماركات العالميه مو بعليها ناظرت فيها رحاب وهي تتذكر الأيام اللي كانت فهيا تتخانق مع أختها عشانها اخذت شي منها بدون اذنها,,ياءالله ليت الايأم ترجع والله مازعلك ولأمد يدي على شي من اغراضك ,,,,
رحاب بلهجه مكسوره :هذي مكيجاتك هذي عطورك اللي تحبينها وتفضلينها حتى على أختك ليه رحتي وتركتيها لمين تركتيها بعدك مين فهالدنيا كلها يحل محلك ,, رغد تعالي ارجعي كل شي ينتظرك ....وبدت ترتب غرفة اختها ودموعها على خدها شلال ....
شافت كتبها اللي على مكتبهاودفتر محاظرتهالأخضر اللي كانت تأخذه معها افتحت اول صفحه منها كان مكتوب اسمها بالانجليزي والعربي فقط لاغير وبيت شعر مكتوب بخط جميل يمكن ماكانت تقصده بس كتبته حركه لاكثر (.. ودي اموت اليوم وأعيش باكر ..واشوف من هو بعد موتي فقدني ..ومن هو حملني لين ذيك المقابر
واشكر كل من كل من كرمني ودفني ..شخص تعنالي مع أنه مسافر ..وشخص قريب للأسف ماذكرني ..ومن هو يرتب غرفتي والدفاتر ..وأن شاف صوره لي صاح واحضني...)
لا رغد تكفين لا يكفيني عذاب ...اه واه واه ******** اهات الم وعذاب على اخت عذبتها ببعدها فحياتها وعذبتها أكثر فموتها ....
كملت تفتتش دفتر اختها وتغسله بدموعها كانت الالوان اللي تكتب فيها زاهيه زهري فسفوري موف سماوي ومن الالوان هذي ...
دفترها كان كله رسومات واشعار ومحاظره أومحاظرتين ...
وبأخر صفحه كانت كاتبه :
ياموت خذني كم بدنياي عانيت .....
اه يارغد ليه كتبتي هالكلام صدق كنتي تقصدينه ولامجرد كلمات قلتيها ونسيتيها ...
ماتتتتتتت ......
زلقت السماعه من يدها وتردد صوتها على الارض في الصاله ....
كل اللي فالصاله يناظرونهاوعلى وجيهم علامة الصدمه بعد ماسمعوا كلمة ماتت ...
بس ..
جنننننننننننننننننننننننننننننننى ..
كانت ممده على الارض بعد ماطاحت مغشى عليهابسبب المكالمه ...
وهج بذعروهي تهزها بقوه:جنى اصحي جنى قولي من اللي مات مو سالي صح
سالي ماماتت..
ناصر :وهج بس لاتفاولين على خالتك ..
حاولوا يصحونهابس طولت على بال ماصحت من نفسها شكلها استوعبت الصدمه لانها اول ماصحت بدت تبكي ..
أم ناصر:بسم الله عليك وش صابك قومي اجلسي على الكرسي أكيد تعورتي من طيحه ..
جلست جنى على الكرسي وهي حاطه يدينها على وجهها وتبكي بالصمت ...
ماحد تجرأ يسألها وش فيها الكل مايبغى ينصدم ...
لين تكلمت هي بنفسها...
جنى بصوت مبحوح :يمه رغد بنت جيراننا ماتت ...
الكل ردد ماعدا أم ناصر:رغد ...
أم ناصر بحزن :انا لله وانا اليه لراجعون ....
وهج بضحكه مو بوقتها :رغد اللي ماتت رغد مو سالي الحمدالله يارب اللي ماتت رغد مو سالي ,,فجأه تحولت ضحكتهالشهقه :رغد ماتت ...
وراحت تركض لغرفتها.....
وهج لصورة سالي اللي على ماكتبها :رغد ماتت ياسالي رغد تذكرين رغد اللي كنتي تقولين إن الجامعه كلهافجميع كلياتها مافيه أحد ينافسك غير رغد,,,ابشرك اللحين صارت لك الصدراه رغد ماتت ...
وبدت تبكي بألم :وش بتسوين لودريتي وش بتكون ردة فعلك بتضحكين مثل عادتك وتقلبين الموضوع الجاد للمزح ولابتسوين اللي مأتخيلك تسوينه وتحزنين عليها,,,اه ياسالي حتى بمشاعري صرت تابعه لك موقادره اتصرف بطبيعتي اخاف اخونك فبعدك ...

رد: الزمن طبعه كذا للعاشقه ديرتها

كان يشوفه يشرب الكأس ورى الثاني ومو قادر يمنعه حالته اللي جاء فيها ماكانت طبيعيه واضح أنه فمصيبه عيونه الحمراء مادمعت على ساهل ....
فارس اللي كانت فحالت سكر شديده قال وهو يمط الكلمات :خلاص راحت واشر بيده
وكأنه بيطير ...
ماعادت فيه بح ولت ارتاحت وريحت تصدق حتى القمر ارتاح منها ...
نايف عارف إنه يهذي بس ماقادر يمنع نفسه انه يسأله :القمر ...
فارس اللي تسند على الكنب اللي جالس عليه نايف بس ماحملته رجليه ورجع يجلس
على الارض وهو متسند علىالارض بيده :أيه مو الله يسلممممممممممك هي كانت احلى منه بس اننننا كنت اطفر فيها وقولها انها قردده ,,عاد اقولك بو نوف مو تقولها اني قلت عنها أنها حلوه ذيك الحزه تشوف حالهههها علينا ,,,يوه هذي هي جت رغوده وجع وش جايبك عند الرياجيل ورمى التلفزيون بالكاس اللي كان معه ...
نايف بشهقه :فارس اصحى موشراب هذا اللي يخليك تخرف كذا ...
فارس وكأنه للحين صاحي :ماتتتتت خلاص ماتتت ,,ورجع على حالته اللي قبل :الله لايردها خل تموت بس الخبله رحاب هذي منين نجيب لها اخت والتفت على نايف :نايف تسلفني أختك تصير لأختي أخت وأختي تصير أختكم وأختك تصير اختنا .......
نايف ماكان له أي ردة فعل كان جالس يطالع فارس اللي بدا النوم يسيطير عليه وهو يهذي كان وده يطلع بس مايقدر يتركه فهالحاله يخاف يصحى ويسوي بنفسه شي الموضوع فيه موت وهذا اصعب من إن الانسان يتحمله ....
فز من مكانه يوم تكلم فارس بصوت عالي :يوه انا كيف نسيت بروح اودي رغوده السوق أكيد اللحين زعلت وماراح تصدق إني نسيت ,,,وقف بيطلع ونايف ماحاول يوقف لأنه داري أنه مو قادر يسند طوله وهذا اللي صار فعلا بعد خطوتين طاح على الأرض ومافكر يوقف مره ثانيه لأنه بكل بساطه افترش الارض ونام ...
يارب أموت وارتاح من هالعيشه ....
فاطمه :بسم الله عليك من هالطاري وش مضيق خلقك يمه ...
ريان :الحمدالله انك افتكرتي اني برضو ابنك ...
فاطمه :ردينا على طير يلي بعدين معك كم مره قلت لك لاتكلم بهالطريقه ..
ريان :اوف يالناس ابي سياره ابي سياره جديده ,,انا موعلى كيف ولدك الميزاجي مره يقولي خلاص بشتريها لك وبعدين يقول انجح واشتريها لك يتلاعب فيني حسب ميزاجه ...
فاطمه بملل :خلاص انجح ويشتريها لك ...
ريان :موناجح وسياره بشتري حتى لو اضطريت اروح لعمتي واخليها تشتري لي السياره ..
فاطمه بالصدمه :بتشتغلي شحاد تروح تطلب من عمتك وابوك خيره مغرقها ومغرق اهلك كلهم ...
ريان :ابوي اللي حدني على هالتصرف هو اللي مكبر راس ياسر علينا ,,,انا قررت موناطر صدقة ولدك اللي مادري فاكر نفسه مين ...
ياسر:انا طول عمري ياسر وعمري مافتكرت نفسي أحد ثاني ,,,واذا متوقع عنتك بترحب فيك فأنت غلطان لأنها بكلمه وحده مني حتى باب بيتها ماتفتحه لك ..
وكمل طريقه للسلم بيطلع فوق بس وقفه صوت أمه ...
فاطمه :ياسر وين السلام داخل على يهود أنت ...
ياسر :اعذريني يمه نرفزني ريانوه بكلامه ..
فاطمه :عاذرتك يمه انا مو رافع ضغطي غير هالولد وحركاته اللي تزيدقلبي هم على همي ...
ريان بقهر :يمه اللحين انا اجيب لك الهم واللي تاعب لك قلبك وهو اللي يريح القلب...
ياسر بعصبيه :ريان هذي طريقه تكلم فيهامك ...
ريان :روح زين ماعاد الاهي بتعلمني كيف اتكلم بعد ...
فاطمه:ريان
بس ريان مالقاهم باله وكمل طريقه مطنشهم .....
فاطمه :ياويل قلبي من هالولد هذ اللي بيجيب اجلي ...
ياسر :بسم عليك يمه عمرك طويل انشاءالله ...
فاطمه :ماهو بس هو حتى أنت تعاب لي قلبي ماحد مريح قلبي الابندر الله يريحه له قلبه ....
ياسر :اذا علي ريحي قلبك أنا حاب حياتي كذا وماشكي بئس,,وماطلبت من أحد يحمل همي عني ....
ويوم ماشاف رد منها ....
ياسر :عن اذنك يمه بروح انام .....
شافها تأشرله من مكان بعيد راح يمشي لمها كل ماقرب منها اختفت وطلعت من مكان ثاني بعيد ..
ياسر بتعب وهو يتنفس بالصعوبه :سالي خلاص وقفي تعبت ...
بس سالي ماسمعت كلامه وجلست تناديه بألم ......
كمل طريقه لها حتى اقترب منها بس فجأه انشقت الارض وابتلعتها ...
ياسر ماد يده لا:سالي تعالي لاتروحين تعالي ...
اشرت له بلا وأن هذا اللي تبيه ....
قام ياسر من نومه مفزوع وهو يلهث ...
دار بعيونه على الغرفه ويوم تأكد أنه بغرفته رجع راسه على المخده وهو يتنفس بالراحه ...
انتبه على الساعه ثلاث صبح :هذا موعد طيارة سعود .....
واخذ جواله يتصل عليه ..بعد رنتين رد :
سعود :هلا والله للحين مانمت ..
ياسر بداخله :ليه هي أختك مخليتني بحالي حتى باحلامي زارتني ...
ياسر:امبلا نمت بس توني صاحي تبغاني اوصلك المطار ...
سعود :خلاص اخذت ليموزين انا اللحين فالطريق ,,ياسر ماوصيك مثل ماوعدتني اذا رجعت سالي وأنا مسافر لاتهور ...
ياسر بملل :خلاص حفظت هالوصيه ...
سعود :ادري انك حفظتها زي مأدري أنك فأوقات تفقد اعصابك وماتسيطر عليها ..
ياسر :سعود انا رجال وعند كلمتي ...
سعود :انا هالكلمه هي اللي تخوفني ...
ياسر :سعود أحمد ربك أنك مسافر وماراح اشوف خشتك الا بعد مده ولا صدق بالتندم ....
سعود :ههههههههههههههههههههههههههههههههههههههههههههههههه هه
يازينهم والله الزعلانين يالله حبيبي تامر على شي ...
ياسر :لاسلامتك أنتبه على نفسك ....
سعود :اخر وصيه ...
ياسر :انا لله وبعدين معك أنت وهالوصايا تفضل قول ...
سعود :خفف من هالسم اللي تشربه ويستحسن تبطله كلش ...
ياسر:حاضر الوالده تامرين على شي بعد ...
سعود بضحكه :لاسلامتك ,,مع السلامه ...
ياسر :مع السلامه .....
:ابغى الكوره عطيني كورتي عمتو سالي ....
سالي :يالله روحي هناك هذي حقتي ...
اثير على وشك صيحه :لاهذي حقي ...
سالي :روحي زين خوفتيني انتي وأبوك هذي حقتي ...
أم عادل :ياسالي يابنيتي خلي البزر لعوزتيها ...
سالي بملل :وانا عندي أحد غيرها اتسلى فيه ...
اثير :انتي دبا ماحبكي ...
سالي :ماجيت اطلب حبك ...
أم عادل بحنان:اذا كنتي ملانه اطلعي أنتي وياها تمشوا بالمزرعه ...
اثير:يالله بالسرعه نطلع ...
سالي :اذا بتقولين البسي عباتك ماني بطالعه ..
أم عادل :على راحتك يابنيتي بس انتبهي من العمال ...
سالي :انشاءالله ,,قوه اثير ..
اثير :قوه ,,بنروح عند البقر ...
سالي :اصلا أنتي بقره مايحتاج نشوف البقر انتي تكفينا..
اثير :لا أنتي بقره كبيره ...
وبعد مابعدوا شوي عن البيت ...
قالت سالي :اثير أنتي دايم ساكنه عند جدتك ابوك مايجيكم ...
اثير :لا من زمان ماجانا اصلا هو من يوم تزوج ماعاد جانا ....
سالي :ول صدق ماله خاتمه تارك ابوه الشايب وامه العجوز ولايسأل عنهم ...
اثير بقهر :وتاركني انا بعد ..
سالي :اصلا انتي من يبيك ...
اثير :سالي ...
سالي وهي تضحك:الحقيني يالدبا وراحت تركض بعيد عنها......
سالي وهي تركض وتصرخ :اناحره لاقيود انا حره .....
سالي بتردد :اثير احس إن ابعدنا وفيه شي خطأ قاعديصير ..
اثير:لاتسوين عمرك خايفه مولايق عليك الدور ...
طنشتها سالي مو ناقصتها ...بس للحين تحس بالخوف فيه شي يسبب قلقها تحس أحد يتبعهم بس هذا مستحيل لأنهم يمشون بأرض جرداء وهم مايشفون أي احد وراهم لمترات كثيره أجل وش سبب هلأحساس ......
سالي بقلة صبر :حنا لازم نرجع أحس بالشر يحوم حولينا ..
اثير :ويه والله وطلعتي خوافه أنا دايم امشي لحالي وماحسيت بخوف وأنتي من أول مره خفتي ...
سالي :أنتي ماتفهمين حنا لازم نرجع لو صار لنا شي هنا محد دراي عنا ..
اثير بعناد :انا ماني راجعه بترجعين لحالك ارجعي ...
سالي :اوف منك والله أنك لصقه هديل عندك ملاك ,..
اثير بقهر : مليون مره قلت لك لاتقارنين بهديل هذي حقتك ..
سالي :اصلا أنت تغارنين منها لأنها أحلى منك ...
اثير :من قال أنها أحلى مني ..
سالي وهي تجلس على الارض :يكفي أنها طالعه علي عشان تطلع احلى بنت بالبلد كلها ....
وفجأه جاء دباب وبدأ يدور عليهم وكأنها نزل من السما ابد ماحسوا فيه ...
سالي صابها خوف شديد كانت مصدومه من اللي القاعد يصير
ومانتبهت على اثير اللي قاعدتراقب الوضع بلا مبالاه ويوم شافت خوف سالي ....
أثير بصراخ : بسسسسسسسس دوختنا ...
وقف وفصخ خوذته ...
:يمه عليهاصوت يخوف بلد ...
والتف بنظره على سالي اللي كانت تطالعه بغضب ويوم طاحت عينه عليها شهق بأعجاب ...
وقال لأثير وهو ماشال عيونه عن سالي :من هذي ..؟!
اثير :هذي عمتي سالي ...
:القمر هذي عمتك يالقرده ...
سالي بنرفزه من وقاحته :عمري ماشفت انسإن بوقاحتك ماتشوفنا بنات لحالنا شدور عندنا ...
ياسر وهو يتلفت وراه :افا الكلام هذا لي ...
سالي :ليه شايف أحد غيرك هنا ..
ياسر:طيب ياحلو كل شي منك مقبول بس انتي هدي اللعب...؟
سالي لأثير :أنتي من وين تعرفين هالانسان الغثيث ...
اثير :هذا ياسر ولد خالتي ..
سالي :اها اللحين فهمت ليه غثيث لأن مافيه أحد بهالاسم الا ودمه اثقل منه ,,واللحين ممكن تقولين لولد خالتك الغثيث يحل عني ...
اثير ويدها على خصرها :الظاهر سمعت وش قالت حل عنها وحل عني بعد ...
ياسر وهو ينزل من دبابه يوقف قريب منهم :طيب الحلو موعاجبه اسمي اغير علشانه انا كلي فدوة عيونه الحلوه ...>>وكمل قز بالسالي ..
تاملته سالي بقرف من مظهره اللي كان مقزز البنطلون الجنز اللي كان لابسه كان مخرق من كل مكإن لو مالابسه ابرك وقميصه اللي يربط من تحت وبدون ازره وشعره رابطه على ورى وباذنه كان حلق من الماس ...
سالي وكبدها لايعه منه:ليش مسوي بعكمرك كذا ...
ياسر :ليه موطالع حلو وخاصه هذا واشر على اذنه لاتقولين موعاجبك والله كلفني مبلغ قدره ..
سالي باستخفاف :لاحلو مرره حلو لايق عليك والتفت بتكمل طريقها بس لفت عليه مره ثانيه وهي تقول :مره لايق عليك أسم ياسر ...
ياسر وهو يركب دبابه غمزلها :اوصلكم ترى حريف ..
سالي :لاريح عمرك حالفه ماركب مع واحد اسمه ياسر ...
ياسر بصراخ بعد ماتركوه سالي واثير :لاتقطعون خلونا نشوفكم ..
اثير وهي تلهث :امشي بركاد محد لاحقك ...
سالي :مالك دخل فيني امشي بالطريقه اللي تعجبني وبعدين كل اللي صارلنا من تحت راسك لو ماعاندتي وخليتينا نبعد ماشفنا هالانسإن الغثيث ,,ولا وسكتت فجأه وطالعت بأثير باتهام :لاتكونين متواعده معه ...
اثير وهي فاتحه عيونها علاخير :قليلة أدب والله أعلم عليك جدتي ...
سالي :والله أنا اللي بعلم عليك والله وطلعتي بلوه يالقزمه تواعدين بعد ...
انطلقت اثير للبيت عشان تسبق سالي وتخبر عليها ....
لحقت فيها سالي بس سياره طلعت بوجها فجأه ويوم بترجع على ورى تعثرت وطاحت على ظهرها

رد: الزمن طبعه كذا للعاشقه ديرتها

وقفت سالي بسرعه وصرخة بمفأجاه :أحمد ..
احمد وهو يفصخ نظارته ويطالعها بوقاحه:ايه أحمد وش فيك متفاجئه معقوله أعرف انك هنا ومامر اشوفك...
سالي وهي تحاول تغطي جسمها وجههابطرحتها اللي ماتغطي شي ممكن تطلع قدام أي أحد الا هالمتوحش اللي تدري انه متولع فيها ومن سنين :خير وش تبي؟؟ ...
أحمد وهو يجلس على مقدمة سيارته:الخير بوجهك بس لاتفكرين نفسك بيتكم وبتطرديني ...
سالي :ماتفرق بيت عمتي بيتي ...
أحمد :وبيت خالتي أنا بعد لاتكونين ناسيه يابنت العمه ...
سالي :وأنا أقدر انسى الحظ العاثر اللي يربطني فيك ...
وتوها بتمشي تدخل للبيت وقف بوجها :محلوه حبيبتي ...
سالي :صدق أنك قليل حيا لاتنسى أنك متزوج ...
أحمد بألم :وانتي تزوجتي بعد بس للأسف ماعرفتي تختارين ...
سالي :ماطلبت رايك أنا اتزوج اللي يعجبني،،وعضت على لسانها انا وش قلت ..
أحمد بطريقه وقحه :وعاجبك هالياسر ...
سالي :عاجبني ولاموعاجبني الامر هذا مايخصك ...
أحمد :ماحزرتي حبيبتي أنا كل شي يخصك يخصني ,,بس ودي اعرف وش اللي بياسر ومو فيني ...
سالي :على الأقل حلال تنقال له كلمة رجال ,,واسرعت تدخل للبيت قبل مايستوعب أحمد اللي قالته ...
دخلت للبيت وقفلت الباب بعدها وركض على غرفتها كانت تحس قلبها بيوقف من الخوف كانت واقفه مع أحمد برى ولحالهم محد يتصور حجم الخطر اللي كانت فيه بس هي تدري والمصيبه أنها تدري كانت تظن أن أحمد انتهى من حياتها بس الظاهر مكتوب عليها الشقى بهالحياه تهرب من ياسر عشان تطيح بأحمد بس ياسر غير هي معه بأمان مهما حاولت تنكر الكلام الي قالته عنه لأحمد صدق وطالع من قلبها لأنه الحقيقه الي مهما حاولت تنكرها ماتقدر بس هذا مايغير أي شي ياسر كان ولايزال وبيظل ألد اعدائها هو الوحيد اللي قدر يجبرها على شي ماتبغاه بس ماقصرت فيه ورته الويل كلها كم أسبوع وتسمع أنه طلقها وترجع اما قبل الطلاق فمستحيل ترجع وخصوصا انها هاربه منه كيف ترجع وتزوجه هذا الجنون بعينه ,,تاففت يوم سمعت صوت عمتها تناديها من تحت ...
جت بتنزل لها بدون عباه بس تذكرت أحمد يمكن يكون تحت ولبست عباته وتلثمت ...
ومثل ماتوقعت كان جالس تحت ويطالعها بنظرات كلها غيض وقهر شكلها احرقت دمه بكلامها ذاك وشي ذا يسعدها بس يخوفها بنفس الوقت لوكانت بين اهلها كان ولاهمها بس هنا بعرين الاسد وتحرش فيه ...
سالي بدلع :خير عمتي ناديتيني ...
أم كايد :ايه سلمي على احمد ولد عمتس وروحي سويلنا قهوه ..
سالي بدهشه :أحمد مين مادريت أن لي ولد عمه اسمه أحمد وبعدين ونعمت صوتها الزياده :تعرفين أني ماعرف اسوي قهوه ولاأدبر شي بالمطبخ
تبغين أحمد ولد عمتي يضحك علي ..وضحكت بميوعه وهي تطلع مع الدرج ..
اما احمد الله لايوريكم حالته تصعب على الكافر مع كل اللي تسويه فيه الا أنه يحبها وموقادر يفهم أنه خسرها وللأبد يحسها تتلذذ بحرقة دمه ست سنين وهو يركض وراها مليون مره خطبها وهي ترفضه على قد مايحبها
يكره غرورها اللي ذابحه صح معها حق تشوف نفسها بس موعليه ظن انه بزواجه من غيرها بيجرحها ماتوقع انه لهادرجه مايهمها وصدمة عمره كان زواجها كان يحسبها بتظل على موقف برفض ماتوقعها بتوافق على أحد بس الظاهر ماكنت فاهمها زين ...
رجعت للواقع على صوت خالتي اللي كانت تسولف علي وانا خبرخير ...
أم عادل :هاه يمه ماقلت لي وش اخبار مرتك مافيه شي بطريق ..
أحمدبنرفزه :لا ولاأتوقع انا خلاص بطلق سعاد ...
أم عادل :وراه ياوليدي ليه تطلقها وش شفت على بنت الناس ...
أحمد :حياتي معها ماتنطاق خالتي أنا ماواطنها تزوجتها بس عشان أمي ولا أنا مابغى غير وحده واتوقع تعرفينها زين ...
أم عادل :ياحسرتي عليك ياوليدي خلاص انسى البنت تزوجت وانت متزوج حافظ على بيتك لاتهدمه بيدك وبنات الناس مولعبه ولاتنسى تبيع اللي باعك
لاتهين نفسك ياولدي أكثر من كذا ....
احمد:خلاص انسي ياخالتي اللي قلت لك ولاتجيب لأمي طاري فيه ...
=======================================
من وفاة أختها وهي حابسه نفسها بحجرتها وتسترجع ذكرياتها معها حتى الملابس صارت تلبس من ملابسها وقبل يومين شافت بين اغراضها دفتر غريب الظاهر حق مذكراتها اليوميه واللحين وهي تقراه بدت ينشد انتباها لحدث معين صدمها ...
ذاك اليوم كإن أجمل يوم بحياتي يوم التقيت بحبيب قلبي خلودي
الصدفه هي اللي العبت دورها بينا كنت الصبح نازله بروح للجامعه يوم فتحت باب شارع تذكرت إن مامعي فلوس تركته مفتوح ورجعت بأخذ من أمي بس غيرت رايي يوم شفت باب الديوانيه مفتوح اكيد فارس نايم فيها ,,وفعلا لقيته نايم فيها وكإن متغطي والمكيف مقفل وحالته حاله ..بديت اهزه فارس فارس اصحى ..فارس اصحى عطني فلوس بسرعه بالروح على الجامعه ...
فالبدايه كنت اصحيه بهدؤ بس بعدين مليت منه ياهو ثقيل نوم صرخت عليه وأنا اجر اللحاف :فارس اصحى تكفى عطني فلوس باللحق على المحاظره ...
وهو بدأ يشد اللحاف مني انا اشد وهو يشد وبالأخير
صرخ بعصبيه :اناخالد مو فارس وبوكي ماهو معي ...
اللحاف كان بيدي يوم فقت من الصدمه وخالد كان يطالعني بأعجاب واضح فلحظه بس حسيت إني موعلى لأرض طايره بالسماء من السرعه اللي كنت اركض فيها وماوقفت الاوانا بغرفتي لاجامعه ولاهم ...
جلست ارتجف واتصبب عرق من الفشله ياءالله وش هالموقف المحرج بس أيش كان خلودي عذاب بجد عمري ماشفت بجماله حتى وهو توه صاحي من النوم ومعصب برضو حلو بذاك اليوم تضايقت مره من الموقف اللي صار معه واللي قهرني اكثر بأي حق هو يعصب علي ,,ومع الايام برد غضبي وتحول لشوق مدمر ......قفلت رحاب وهي ترتجف:تحب أختي رغد كانت تحب وش قصدها بالشوق مدمر عشان كذا تغيرت رغد بس الكلام ذا بتاريخ قبل سنه ونص يعني موشوقها له هو اللي غيرها فيه شي ثاني ورى تغيرها ياترى خالد له علاقه فيه ..؟!
الايام كفيله تجاوبك يارحاب توك بداية الطريق ..!!===============================
كان طالع من واحد من المحلات بالسوق يوم سمع صوت ينادي باسم هزه من اعماقه..؟؟(.. صدفه تذكرتك و أنا ماني بناسيك ..
و اشتقت .. لأيام بها كنت وياك .. ذكرت حلم مات..و أحياه طاريك .. و حب غد ما بين همك و ذكراك .. ليتك تشوف اللي من الناس يغليك .. مسجون بأسوار الزمن كيف يلقاك ..؟؟)
سمع صوت رجولي ينادي :سالي سالي تعال هنا حبيبتي ...
جلس يتلفت زي المجنون سالي أكيد انا سمعت أحد يقول سالي مأتخيل متأكد ....
أنت متأكد بس الي فاتك إن فيه مليون سالي غير سالي اللي ماخذه عقلك ..
بلع غصته يوم شاف الرجال اللي كان ينادي سالي شايل طفله تبكي يعني هذي سالي ...
طلع ياسر وركب سيارته وهو يحاول يرجع قوت باسه اللي انسلبت منه في لحظة ضعف والمفروض هو بذات مايضعف اهمل شغله وبهالاهمال خسر كثير واهمها هيبته بين الموظفين اللي صاروا يتكلمون عنه وانه ماعاد ياسرذاك اللي ينحسب له ألف حساب وهم فعلا صادقين وأكبر دليل التسيب اللي قاعد يصير بشركته وهو غافل عنه ..
والتلاعب اللي صار بالمناقصه الاخير الكلام هذ لو وصل لأبوه ولالواحد من مجلس الاداره أكيد مو بصالحه عشإن كذا لازم يرجع ياسر القوي اللي مايهزمه شي وابتدأ من هاللحضه أول شي بيسويه من بكره بيروح للشركه قبل الموظفين واي واحد منهم يتأخر منهم بيخصم منه راتب شهرين وهو عارف اللي بيتأخرون كثير وبينزل فيهم ابشع العقوبات بيرويهم ياسر اللي مافي قلبه ذرة رحمه ....
انتبه على بوري السياره اللي وراه يوه اناوش موقفني هنا والاشاره خضراء صدق إني موصاحي أخاف بكره امشي واكلم نفسي ابد حالتي موطبيعيه ...
===================================

رد: الزمن طبعه كذا للعاشقه ديرتها

(شفت البشر لوكلهم يرخصونك ..! الله عليك بداخل القلب مغلاك ..اشتقت للك واشتقت لسمك ولونك..!! واشتقت لمعاندك واشتقت لرضاك..!
لوقلت وش صار جنت جنونك ..!يمكن تقول اني مبالغ بفرقاك ..!
ودك تعرف شلون عايش بدونك ..!! لو قلت لك يمكن تجيني من اقصاك ..!
تبي تعرف شلون سكر عيونك ..!
سكرتها ..؟.. هذي حياتي بلياك ..
شفت الظلام اللي تشوفه بكونك ..!!
يزول كله لاصرت وياك ..!!)
جلست تقرأ وهج المسج اللي جاي من رقم غريب على جوالها (جوال السالي اللي تركته عندهم ) باستغراب معقوله مقصود ولاغلطانين ...
طلعت من الغرفه وقابلت جنى عند الدرج وهي نازله ...
بدت بالكلام :وينك من يومين ماشفتك ...
جنى بعدم مبالاه وهي تنزل معها بالدرج :ليه انتي طلعتي من الغرفه عشان تشوفيني ..؟! بعدين انا لي عذري جالسه على النت انتظر النتائج انتي وش عذرك ..
وهج بألم :عذري إن توأم روحي غايبه ..
جنى :والله انك معطيه الموضوع اكبر من قدره ,,انا وانتي وكلنا عارفين إن سالي عايشه حياتها ولاسألت عنا يعني ماله داعي تعذبني عمرك بالخوف عليها ...
وهج بتطنيش :طلعت نسبتك ..؟!
جنى :لالسى اوف كل يوم يزيد قلقي عن اليوم اللي قبله ...
وهج : الله يوفقك بعدين انتي دحيحه ماينخاف عليك ..
جنى جلست على الدرج :شفتي وش سوى ناصر بسامي الدب ..
وهج باستغراب وهي تجلس جنبها :لاوش سوى ...
جنى بضحكه :ساجنه من يومين بالملحق ...
وهج :ليش وش مسوي الدب ...
جنى :بعد ماخذ نتيجته من المدرسه يوم الاربعاء طلع مع شله خربانه ويفحطون ومسكوهم الشرطه ...
وهج :اجل يستاهل اللي جاه ,,مافيه اخبار عن السفره ..
جنى :يووه وين عايشه أنتي خلاص ناصر قدم على اجازته السنويه ومزهب كل شي عشان نسافر ..
وهج بغصه :لامستحيل وسالي ,,انا مستحيل اسافر بدونها ..
جنى :اوهو علينارجعنا على طير يلي ياحبيبتي ياماما سالي خلاص بح انسيها بعدين ماشفتها قالت انا مستحيل اهرب من دون وهج طويلة العمر اخذت شنطتها وودعت ولاكن لنا أي قدر عندها ياختي ماقدرت ابوها وامها بتقدرنا حنا ولامي اللي كل يوم وثاني يزيد خوفها عليها وهي تلقينها ألفرحه مو واسعته بعد ماحققت حلمها بالحريه ...
وهج :جنى وبعدين معك انا ماسمح لك تكلمين عنها بهالطريقه ..؟؟
جنى بوقاحه :ومن انتي عشان تسمحين لي اولا تراك مره ماخذ بعمرك مقلب ........
رجعت وهج لغرفتها وهي مجروحه وحزينه لاقصى الحدود حتى أنتي ياجنى موحاسه فيني اه يالناس حسو فيني انا أعاني لوعة فراق اعز ناسي ليه تحسبون سالي شي سهل عندي انا ماتحمل والله مأتحمل بعدها... ليه ياسالي ليه ..؟ ارجوك ارجعي لي من بقى لي بعدك ...
(..رحلت ومن بقى وياي .. يحس بضحكتي وبكاي .. وحتى الجرح في بعدك ..يعزيني وأهلي به .. أنا من لي في ها لدنيا .. سواك ان طالت ألغيبه .. فقدتك يا اعز الناس .. فقدت الحب والطيبة...)
===================================
جالسه بملل ماله حدود وبداخلها تردد :اللهم طولك ياروح متى هالعجوز بتعتقني من نصايحها ياربي مقدر اتحمل اكثر اخاف افقد اعصابي واغلط عليها ...
سالي بعد مافلتت اعصابها :عمتي خلاص فهمت والله فهمت أنا غلطانه زين كذا ..
أم عادل :وش اللي زين باللي سويتيه أنتي ابد ماتحشمين ..
سالي بعجرفه :لاتحاسبيني حاسبي اللي رباني ..
أم عادل بذهول :هذا كلمه تقولينها ياقليلة الخاتمه ...
سالي :اووووووووووف وبعدين معاك عمتي مو عشان انا ساكنه عندك تسمعيني كل ساعه كلام يسم البدن ...
أم عادل :ترى حركاتس ذي ماتمر علي انا عارفه ليش تسوين سذا .. انا ماني وخيتس اللي تراعي خاطرس احلف لس بالله ياسالي أن ماتعدلتي لاهالعصاه تعدلتس ...
سالي بعبط:افا عمتي واهون عليك انا سالي دلوعتك ماتوقع انا عارفه إن هالكلام طالع من ورى قلبك ..
ناظرت أم عادل بنت اخوها وهي عارفه انها موقاويه لها فاحسن شي تسايرها :لاماتهونين علي وانا أمس ...
قالت سالي :اجل بطلع انا واثير مع السواق مشوار قريب تأمرين على شي عمتي ....
أم عادل :وين بتروحين بهالليوله ...
سالي :قريب وكلها نص ساعه وراجعين ..
أم عادل :يابنيتي الشارع هذا بالليل يخوف والحوادث عليه كثرانه ...
سالي وهي توقف :لاتخافين عمتي موبصاير شي ...
ونادت على اثير تجي وتجيب عباتها معها ...
أم عادل بخوف :انتبهي لها ولاتبعدون ...
سالي وهي تلبس عباتها هزت راسها باوكي وهي بداخلها تصبر نفسها على الموقف اللي انحطت فيه مالقت الاتسكن مع هالعجوز اللي مسببه لها قلق ...
بالسياره سألت اثير سالي :وين بنروح ...
سالي :بنروح لدكان وباشتري منه كل اللي تبينه بس قبل اوعديني ماتعلمين أحد باي شي يصير معنا ...
اثير:ليه وش بيصير ..؟
سالي بانفعال :اثيروه انا ماحب هالتحقيق ولامره ثانيه اطلع وماخذك معي ..؟
اثير بسرعه:لاخلاص موسأله عن شي اخر مره ...
طلبت من السوق يوقف عند اقرب محطه صادفتها ونزلت لدكان اخذت جوال الهندي اللي كان سوا وادفعت له مبلغ وقدره هذا بعد ماتركت اثير تشتري اللي تبيه ....
جت بالدق على بيت اختها بس بعدين غيرت رايها لازم ماتضعف هي جايه لامر محدد بتنفذه مالازم تندفع بعواطفها ...
دقت الرقم اللي كانت حافظته عن ظهرقلب لأنه مميز وبسهوله ينحفظ ...
رننننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننننن
لين قال بس ومارد اكيد ماراح يرد دام متصله من هالرقم المعفن مايتنازل طال عمره مايرد الا على الارقام الملوكيه ..
رجعت تدق مره ومرتين وثلاث لا مستحيل موسالي اللي يلعب فيها الحظ والله لو اجلس اتصل عليك لين الفجر بترد يعني بترد بس لو قفله،،ناظرت لاثير اللي جت ووقفت عندها،،لاموقتك أنتي الثانيه ..
سالي :خلصتي اثير ..
اثير :ايه اصلن ماعندهم شي وجه فقر ..
سالي بتصريفه :لادوري زين وخذي أي شي تصادفينه موبس أكل عشان بكره انا وياك نكشت بالمزرعه ..
تنهدت بالراحه بعد ماراحت ورجعت للجوال يوم شافت مافيه شبكه يالله عاد تكفى مو وقتك تعاند أنت الثاني وحاولت لين مسك معها .....
بس برضو مارد،،بعد ماقطعت الامل إنه يرد،،جات بترجع الجوال للعامل كانت مادته له يوم دق توقعت الاتصال للعامل بس بطرف عينها لمحت الرقم وهي لافه ورجعت الجوال قبل ماتاصل له يد العامل وابتعدت عنه عشان ترد ..
ياسر بصوت هادي :الووو
سالي بميوعه :مساء الخيرررررر (وارتكت على الراء )
ياسر باستغراب :خير ..؟
سالي :افا ماعرفت صوتي ...
ياسر وهو يغالط نفسه :لا ماتشرفت بمعرفتك خلصيني وش تبين ...
سالي بتريقه :فيه احد مايعرف صوت اللي جافى النوم عينه من بعده ...>> قالتها عشان تغيظه مادرت انها الحقيقه ..
ياسر: بالمره مصدقه عمرك خلصيني وش تبغين متصله ..؟!
سالي باستخفاف:مابغى شي بس مشتاقه لصوتك وحبيت اسمعه فيها شي ..
ياسر بصراخ :سالي ياتكلمين بأدب ولاترى بقفل ...
سالي :ترى ابي اذني مو مستغنيه عنها,,,بعدين ابي تحول على حسابي فلوس ...
ياسر بضحكه قويه :مالعبتيها صح ياحلوه ولوحاولتي تصرفين من حسابك بتلقينه زيرو لأني سحبت منه كل هلله فيه ,,وبمأنك فلستي فأحسن شي تردين لأهلك ...
سالي بعدم مبالاه :مومهم مردك بترجعه وعموما أنا موجالسه بالشارع عندي اللي يصرف علي ....
ياسر بصراخ :عندك اللي يصرف عليك وين ساكنه ياك.......
سالي بضحكه قويه : تسألني وين ساكنه أكيد بقلبك حبيبي ..!!
،،شفت كيف نسيتني ليش متصله...
ياسر بهدوء :ماقلتي لي وين ساكنه ..؟!
سالي : اللحين انا هربانه منك عشان اعلمك وين ساكنه،،وعشان تغيضه :ومع مين ..؟!
ياسر بنرفزه :قسم بالله ياسالي أن ماعقلتي وقلتي وينك ,,لعيشك باقي حياتك بندم ...
سالي :مره خوفتني تصدق واللحين بعطيك عنواني الجديد ,,وباستهبال :تصدق ياسر خلص شحني ارسلي شحن ...
ياسر بقهر :اصلا انا اللي ماتصل عليك ...
سالي انفجرت بضحك :تصدق نسيت كنت بلعب عليك ...
ياسر :خلصيني قولي وينك ...
سالي :اللي يسمعك مزعجني وينك وينك ..؟! يقول مره ميت علي وذابحك فراقي ..
ياسربعد مافقداعصابه :سالي ...
سالي بدلع :لاتصرخ علي ولأازعل وماعاد اتصل عليك ..!!
ياسر :.............
سالي :يقولون السكوت علامة الرضا يعني ماتبغاني ادق مره ثانيه ...
ياسر ماجاوبها بالكلام جاوبها بالطريقه صدمتها،،قفل بوجها ...
سالي جلست تناظر بالجوال بالدهشه بعدين جلست تضحك وشاركتها الضحكه اثير اللي سمعت نص الحوار ومو فاهمه شي ...
سالي لأثير :يالله نرجع تأخر الوقت ,,وين اللي اشتريتي ...
اشرت اثير على كيستين ماتروست بكل مالذ وطاب ...
(...مابيني وبينك مشاريه وعتاب ..شف دربك اللي جيت منه تدله ؟! ...ما راح تغلبني لو الحب غلاب ..من حضرتك...؟ عشان قلبي تذله... خلاص لا ترجع .. ترى خاطري طاب...الخاطر اللي كنت عايش بظله...رح واعتبرني واحدن أذنب وتاب...ماني بثوب تلبسه ثم تمله...ما يجتمع بالحب صادق وكذاب...رزقي على الله وأنت رزقك على الله...)
دخل ياسر لغرفته بعد ماكان جالس بالبلكونه اللي كان يكلم فيها سالي،،
تتشمتين فيني ياسالي معك كل الحق إستاهل كل اللي جاني منك الغلطه غلطتي من البدايه انا اللي دخلت نفسي بكل هالدوامه المفروض انتقم منك ورد كرامتي بس اللي صار انك مرمطتي كرامتي زياده بس صدقيني هذا اخر انتصاراتك ...
رجعه للواقع نغمة رساله ....<يسوري لاعاد تتصل على هالرقم لأن اللي بيرد عليك مو من مقامك ههههههههههههههههه زين حبيبي ولاتنسى الورقه والله اشتقت لأهلي زين قلبي >
انفجر ياسر ضحك يوم قرى الرساله :لاحبيبتي الورقه هذي بتكون من احلامك بيشيب راسك وانتي اتمنيها ...
يمه صدقيني سلطإن رجال كلن يتمناه زوج لبنته ...
أم ناصر بضيق :بس موذا اللي سمعته عنه ,,, وكأنه مو اللي تكلم عنه اللحين ..
ناصر:ذا كان زمان تهور شباب واللحين تغير بعدين لاتسمعين الكلام اللي ينقال عليه
الناس ماترحم ..
أم ناصر :إنا مو مزوجه بنتي لحيا الله واحد بعدين أختك يتميه ياناصر لترمي لأي واحد بس عشانه صديقه ...
ناصر :شفتي انتي قلتيها صديقي يعني اعرفه زين وصدقيني يمه انا مستحيل افاتحك بالموضوع ذا لو ماكانت واثق من سلطإن ...
أم ناصر :وبندر ولد عمك وش فيه يوم موراضي فيه ...
ناصر :بندر مافيه شي بس المشكله بمن أبوه أنا مستحيل احط يدي بيد عمي اللي ظلم ابوي بحياته وبموته ,,بعدين سلطان طالبها قبله ...
أم ناصر :بس عمره كبير بندر انسب لوهج منه ...
ناصر :بندر هذا شيليه من راسك ماقدامك الا سلطان اذا وافقتو عليه كان بها اما بندر فمستحيل ..
أم ناصر :امري لله اشاور البنت وانشوف وش تقول ..؟
ناصر :لايمه خليها بعدين وهج للحين تفكر بالسالي خلي لين الموضوع يهدى وكلميها وحاولي تقنعيها تكفين يمه والله سلطان ماينتعوض ...
أم ناصر بمكر: وش كل هالحب لسلطان لايكون واعدك يعطيك أخته ...
ناصر :ياليت بس سلطان ماله خوات كل خواته متزوجات ...
أم ناصر :بس بنات الناس ملي البيوت ..هاه وش قلت يمه ادورلك بنت الحلال ...
ناصر :يمه أرجوك قفلي على هالموضوع لوبغيت اتزوج انا بطلب من نفسي ...
(..ليت الدمع ترد من كل غالي والله لاذرف دمعي العمر كله يهون ظلم اليالي لو كان يرجع أو يعود لمحله..)
اه يارغد وش سويتي بحياتك ليه دمرتي نفسك بنفسك لا مو رغد السبب,,,خالد هو السبب أيه خالد سبب عذاب أختي بأيامها الاخيره خالد هو اللي ذبح أختي هو اللي خدعها المجرم الخسيس صورته كانت بين اغراضها أكيد انها حبته من قلبها هو الخاين غدرفيها كلمة قبيح شويه عليه ابشع منه ماشفت مادري وش اللي شافته رغد فيه ودمرت حياتها عشإن واحد تافه مثله ,,الله يرحمك يارغد ويغفرلك على اللي سويتيه بنفسك موتك كان رحمه لك من الفضيحه اللي كانت بتطولك بسبب هالخسيس الله يجازيه على اللي سواه فيك ويشوفه بمحارمه يارب ...
ضمت صورة رغد اللي على مكتبها للمره الثانيه يأختي حقك بأخذه وبنتقم لك من اللي عذبك ونزل دمع عينك ...
حتى لوكانت غلطتك من البدايه بنتقم لك وبذوق اللي عذبك من نفس الكأس ..

رد: الزمن طبعه كذا للعاشقه ديرتها

<بعد شهر من الاحداث السابقه >
:يعني ماراح توب بعد كل اللي صارلك ...
فارس :ليه وش صار أختي وماتت الله يرحمها يعني بتوقف الحياه عند هالنقطه ...
نايف :ماقصدي كذا أقصد وش كان موقفك لوكنت مكانها ...
فارس :بس ماكنت بمكانها وللحين واقف قدامك حي ارزق بعدين وش معجلني على الموت داخل النار داخلها ******** لاتعليق ...
نايف بالصدمه من كلامه :أنت اكيد انهبلت السم اللي تشربه أكيد لحس مخك ..
فارس :اوهووو جانا مطوع بريده ياشيخ حل عني عندي اشغال كثيره وأجلتها بمافيه الكفايه ...
نايف بأستخفاف:أيه الحق ترى بيطيح نصك لوماكملت هاللعبه الزفت اللي تلعبها ...
ماعبر كلامه وعشان يقهره كلمها قدامه ..
فارس :الوووو ,,,هلافيك انتي ياقلب فارس ,,توك تفتكري والله ماهقيتها منك ياجوجو (؟؟!!!) ......
:اللحين وش تفرق معك لو كنت رغد ولاغيرها مو المهم تكلم وحده والسلام ...
خالد بالدهاء :لاحبيبتي تفرق أنتي فكري فيها زين وتلقينها تفرق وكثير بس الواضح من كلامك أنك مو بهي صح نفس الرقم بس لا رغد تختلف عنك كثير ...
رحاب :بايش تختلف كلنا بنات حواء نتشابه مو هذا كلامكم ...
خالد :هي اللي دازتك صح تبغى الفلم والصور صح بس للأسف تأخرت كثير ..
رحاب مع انها تعرف الجواب سألت:أي فلم ...
خالد :اسأليها وتقول لك الفلم اللي ارسلت لها مقطع منه على الجوال ..
رحاب:تصدق ماقلت لي عنه ومايهمني اصلا ,,,انا مالي دخل فيها والظاهر أنها عطتني الرقم بتخلص من ماضيها الأسود ...
خالد :على كل حال بلغيها أن الندم ماعاد يفيد اللحين والموضوع طلع من تحت يدي ...
رحاب قالت بعدم مبالاه مع أن كلامه تحسه زي الخناجر بقلبها :والله بكيفها دامك مبلغها وراه ماتصرفت من حالها أن مو مخلوقه اصحح اخطأ غيري ..
خالد بأعجاب :تصدقين اول مره تمر علي بنت مثلك الظاهر بيكون لنا مستقبل زاهر مع بعض ...
رحاب بداخلها :أحلف لك بأغلظ الايمان ليكون ماضيك معي مايتنسى ...
خالد :وش فيك ساكته ..
رحاب بارتباك :مافيني شي بس الظاهر أني طولت عليك مع السلامه وقفلت قبل مايقول أي شي ..
مسكت كل الاغراض اللي على التسريحه وضربتهن على الجدار كسرت كل شي وهي تبكي بقهر الله يلعنه النذل الخسيس الله يفظحه بأهله مثل مافضح أختي يارب انتقم لي منه ..
وناظرت بصورتها اللي فالمرايه :لا أنا المفروض ماستسلم لازم انتقم منه مثل ماوعدت رغد ورفعت صورة رغد وهي تبوسها وتبكي :رغد أختي حبيبتي ليه سويتي كذا ,,لانتي مالك خص هو اللي غدر فيك الخاين ..وبدت تكلم مثل اللي فقد عقله :اصلا كلهم خونه حتى فارس أخوي ابتز جنى وهدها وكان بيفضحها ...
جنى صح جنى
وفتحت كمبيوترها ...
بعد دقايق كانت هالمحادثه بين رحاب وجنى ...
جنى >>>(وربي مابكت عيني على شئ فقدته وراح وربي ماأنزل دمعتي ولاحتى علشاني):
هلا رحوبه كيفك حبيبتي ..؟!
رحاب >>>( انطفت في دنيتي كل الشموع والهنا مايوم في دنياي دام):
عايشه والموت ارحم لي ..
(وربي مابكت عيني على شئ فقدته وراح وربي ماأنزل دمعتي ولاحتى علشاني):
لاكذا عاد انا ازعل منك وأنا من يبقى لي بعدك ,,حبيبتي مو معناة أختك ماتت توقف حياتك عند هالنقطه الحياه مستمره وحزنك عليها مومرجعها لك ...
( انطفت في دنيتي كل الشموع والهنا مايوم في دنياي دام):
يعني وش تبغيني ارقص واهيص وأختي مالها شهر من مات مايكفي أهلي اللي كملوا حياتهم ولاكأن عندهم بنت وماتت ..
(وربي مابكت عيني على شئ فقدته وراح وربي ماأنزل دمعتي ولاحتى علشاني):هذا المتوقع ولاتبغينهم يعيشون كل حياتهم يبكونها لو كل من مات وقفوا اهله حياتهم من بعده محد عاش بسعاده ..
( انطفت في دنيتي كل الشموع والهنا مايوم في دنياي دام):ليه حنا نحلم بس نعيش بالسعاده عشان نعيشها بالواقع ,,الدنياكلها هم وكدر مافيه شي يستحق نعيش عشانه ..
(وربي مابكت عيني على شئ فقدته وراح وربي ماأنزل دمعتي ولاحتى علشاني) :رحاب وش فيك احس اني اكلم وحده ملحده استغفري ربك هذا اعتراض على القدر ولا وش اسميه ...
( انطفت في دنيتي كل الشموع والهنا مايوم في دنياي دام):استغفر الله العظيم جنى أنتي ليه ماتحسين فيني أنا :
أنا في دنيتي مثل الغريب اللي بلا ديره..حياته بالشقا تبدا ولا يعرف نهايتها
وأنا في دنيتي مثل اللي ضاعت مشاويره..أنا صوت الالم والاه في جوفي تعاستها
أنا صرخة عذاب بقلب يشكي طول تفكيره..أنا صمت السنين اللي كثير الهم موتها
أنا ونة وحيد تاه يعاني كثر تكديره..أبد ماعاش في الدنيا ولا يعرف حلاوتها
أنا دمعة عيون تعيش في غربه وفي حيره..على خد الأسى يرسم عزير الدمع قصتها
أنا جرح غدا ينزف وكسر صعب تجبيره..أنا رحلة قلوب ما درت حتى بوجهتها
أنا ماضي.. أنا حاظر .. خليط من تعابيره..على كف القدر تبدا رياح العمر رحلتها
(...تدري!!...انك في حياتي كل شي ..وان قلبي رغم بعدك..
ما نساك..وانك أنت شمس ليلي..وظل عمري والحنين..وفرحة أيامي ..وذكرياتي والسنين..
تدري!!أنت في حياتي من تكون..؟؟.."أنت"..قلبي وقلب قلبي و...الجنون...)
لاوهج انتبهي حفره وهج لا ا ....
صحت سالي مفزوعه من نومها وهي تلهث وتردد :لاوهج لا الحفره ياوهج الحفره ..
سالي بعد ماتطمنت إن اللي شافته مجرد حلم :وش فيها وهج ليه احلم فيها كثيرليكون صار لها شي أنا لازم اتصل عليهم واتطمن ...
رفعت سالي الغطا وجات بتنزل بس حست بموجة هواء بارده جمدت الدم بعروقها ..
سالي وهي ترتجف :واو برد...
دخلت تحت غطاها وسرحت بأفكارها :الله عليك يالزمن فرقتنا اذكر ايام كنت أنام مع وهج وخناقتنا بس انشاءالله بنرجع ذيك الأيام بس يلين راس هالعنيد ويحررني وكل شي يرجع مثل ماكان ...
وبدت تغني بصوتها العذب :
لاخذلك الوقت ياقلبي ابتسم 8&8 الزمن طبعه كذا فرح وهم
لملم اجروحك وخل مافيك فيك8&8يوم لك ياقلبي وعشره عليك
من قديم الوقت والدنياكذا8&8الفرح متبوع بالدنيا دايم بالاذى
مستوى وضع لأصابع بيديك8&8يوم لك ياقلبي وعشره عليك
للاسف ماطعت شوري يالعنيد8&8كل يوم تزيديني جرحاجديد
أنت باليني وحضك مابتليك8&8 يوم لك ياقلبي وعشره عليك
بكره لازم اروح لدكان واتصل عليهم موضروري أقول أنا مين اتصل واسئل اذا كانت وهج موجوده واذا قالوا بينادونها أكيد مافيها شي وأكون تطمنت عليها وبدون ماكلمها ,,, والله يعيني على هالعجوز كيف بتخلص منها أكيد ماراح تخليني أطلع بعد اللي صار اخر مره ...
سعود :ناصر ارجوك رح له تنازل عن كبريائك علشاني حاول تمنعه ذا متهور بيفضحنا ...
ناصر :أن اللي ارجوك لاتدخلني بهالموضوع خل يسوي اللي يريحه الامر هذا ماعاد يعنيني بشي ...
سعود :الفضيحه بتطولنا كلنا ولاتنسى أنها خالة خواتك اللي عايشه معهن ..
ناصر :ماراح تقدر تقنعني بشي بعدين خالتي ماسوت شي خطأ واذا كنت بتستعرون منها أنا افتخر فيها ...
سعود بقهر :ناصر خلصني وش بتسوي ..
ناصر :بروح له وأمري لله بس والله ياسعود لو غلط على خالتي محد بيخلصه مني ..
سعود :أنت رح له وانشاءالله موصاير الا الخير بس أنت تعامل معه بالعقل ولاتحاول تستثيره لأنه ثاير ومايفكر بعقله لاصار بهالحاله ..
ناصر :والله ماهمني ثاير ولاهادي أنا محد يغلط فيني وأسكت عليه انا أبوه اللي هو عمي ماسكت له ..
-------------------
كان فحالة هيجان شديده غريبه عليه وهو اللي يمسك اعصابه بأصعب المواقف ...
ياسربصراخ :أنت مالك دخل اسوي اللي ابي ولاتظن أني بأخاف منك ومن تهديداتك ,,,, أنا محد يوقف بوجهي واللي براسي بسويه ...
ناصربالصوت اعلى :ورني وش بتسوي والله لأرميك بالتوقيف لين تخيس فيه قبل ماتفكر تسوي اللي تبيه ..
ياسر :تهددني بالتوقيف أنا ياسر محد يقدر يمس شعره من راسي وهذاني واقف ورني كيف بتوقفني وبأي حق سكران شارب ولاسارق ولاأي تهمه بتدخلني السجن ......
ناصر :أنا أقدر ادخلك وبدون أي تهمه حتى ,,,ياسر طعني ولاتحاول توقف بوجهي لمصلحتك بس ..
ولف راسه باستعلاء وكمل طريقه ...
ضرب الجدار بقبضته بقهر وعض على طرف غترته وصرخ من اعماقه :انا ياسر اتهدد اه يالقهر أنا مولازم اسكت له,,,لازم اردها له بس اتفرغ لوريه ياسر ولد ابوه وش يسوي ,,واللحين ضروري اسيطر على نفسي ماراح اسمح له يطعني بكرامتي ويدخلني التوقيف على اخر عمري عشإن كذا لازم اطلع من الرياض كلها للمزرعه للشقران ......
بعد نصف ساعه بالسيارة ياسر وعلى طريقه للمزرعه :
من قال لك اني فالبعد مرتاح جذاب خذ مني العلوم الاكيده مهموم و طول الوقت و الحال ياصاح كل يوم في ناقص ولا شي يفيده....
مطعنون قلبي فالهوا كله اجراح ادواه عندك عالجه لا تزيده طعنات ماهي مثل سكاكين و ارماح بسيف حبك من مسافه بعيده...
لا جيت هم القلب و الروح ينزاح و تعودلي احلام الليالي السعيده نفسي تجي و نعوض العمر لي راح و تبدا معي فالحب رحله جديده...
مذبوح لك مشتاق و الشوق فضاح و القلب ما به غير كلمه وحيده كلمة احبك عطرها من زمن فاح و النفس غيرك ترفضه ما تريده...
كان طاير بالسيارته وكأنه يسابق القدرولالقدر يسابقه ..!!
فجأه وبدون سابق أنذار منه لف بالسياره علشان يتفادى الشاحنه اللي طلعت بوجهه وهذا اللي ماتوقعته السياره اللي وراه فدخلت بالشاحنه ...
ياسر بأعتراض :لا ا ...
الشخص اللي كان ورى فتح الباب ورمى نفسه من السياره قبل ماتدخل فالشاحنه
نزل ياسر من سيارته وراح يركض للي رمى نفسه بيشوف وش صار عليه ...
كانوا اثنين مو واحد مثل ماشاف ,,الصغيره كانت صاحيه تبكي وتان من الالم ...والثانيه اللي لابسه عباه أمها أواختها جامده ماتحرك ..
قرب ياسر منهم وحرك الصغيره وكلمها بس ماردت عليه كانت تبكي من الالم مع إن ماعليها أي جروح حاول ياسر فيها عشان ترد عليه بس مو راضيه ترد عليه ...
وفجأه سمعها تنادي أحد بصوت خفيف توقع أنه يتخيل بس لا مايتخيل هي فعلا كانت تنادي سالي ,,,ياسر قطع الشك باليقين يوم شد الطرحه اللي كانت مغطيه فيها وجها وفعلا كانت سالي بوجهها اللي مثل فلقة القمر بس فيها شي متغير وين الضحكه اللي متفارق شفاتها كان مكانها جمود مخيف معقوله ماتت (... قالو توفت وافقتها المنيه...واصحا ترى الي ميت ماهو بعايد...الموت حق وخل نفسك قويه...ايامها بدنيا تشوف النكايد... قلت العنا شي ماقدر عليه...والحزن عندي صار سلم وعوايد...ماتت وذكرها على البال حيه...ودموع عيني لاطرتلي شدايد...حبيتها والحب ماهو خطيه... عشقتها عشق على العشق زايد
وفراقها للقلب من غير نيه...ونا اشهد إن افراق الأحباب كايد...عفت الهوى عفت اليالي الهنيه...عفت الغزل حتى منام الوسايد...كل اليالي عقيها سرمديه...ولا الفرح في نسيتي شي بايد
والقلب ميت من ممات الوفيه... مايشحنه حب البنات الجدايد...)
هزها مره مرتين ثلاث ناداها بأسمها صرخ عليها بس الجواب كان صمت كريه ماكان عليها أي جروح اورضوض بس كدمه وحده بجبينها نازل منها خط احمر من الدم ....

رد: الزمن طبعه كذا للعاشقه ديرتها

محتار من هالبنت ليه تكلمه بهالطريقه وكأنه ذابح أحد من أهلها طيب محد مجبرها تكلمه هي اللي عارضه نفسها عليه ...
خالد :ترى اشغلتيني خلصيني قولي وش تبين مني وش اخرتها يعني ...
رحاب بنبره غريبه :مابي شي ابي اتعرف عليك واخرتها نهاية رغد ...
خالد بأستغراب :تبغين نهايتك مثل نهاية رغد ..؟!!
رحاب :أنا ماقلت كذا أنا أقول نهايتنا نهاية قصتك مع رغد ...
خالد :أنتي وش قاعده تقولين فزوره هذي ..؟!
رحاب :سميها مثل ماتبي ..!! خالد أنت تحب ...
خالد بالصدمه :وأنتي ليه تسألين ..؟!
رحاب تستدرجه :عشان اشوف اذا كنت أنت الشخص المناسب اللي ابوح له بالسري ..
خالد :وأنتي تقولين اسرارك لأي أحد يكلمك ...
رحاب :لابس المره ذي محتاجه اتكلم لأحد وأفضل يكون شخص ماعرفه ويمكن الله راسلك لي لأني محتاجه افضفض ,,بس قبل جاوبني ...
خالد بحماس: موقبل ماسمعك ...
رحاب بالنبرة الم طالعه من اعماق قلبها :حبيته من كل قلبي حاربت الدنيا كله عشانه تحررت من مبادأي واخلاقي اللي تردعني عن هالفعل المشين خنت نفسي وأهلي وربي عشانه وبالمقابل هوخاني ضيعت ثلاث سنين من عمري فحبه
وبالاخير تخلص مني بعد مادمرني وفضحني بين الناس ,,ليه ودي افهم ليه
مايكفي اللي سواه فيني ليه يفضحني ويشوه سمعتي بين الناس هذا جزاتي اللي حبيته وصرت ماشوف أحد من الناس غيره ...
خالد :تستاهلين كل البنات يستاهلن اللي يجيهن هذا جزاء كل وحده تخون ثقة أهلها ....
رحاب بعد ماتملكت نفسها :ماجاوبت على سؤالي ...؟!
خالد :أي أحب بس مو مثلك أحب واحد أكلمه بالتلفون أحب بنت عمي واللي قريب بتصير زوجتي ...
رحاب :تحبها بس عشان بتصير زوجتك ولا...
قاطعها خالد وبعفويه :لاأحبها من زمإن وأنا اللي اخترتها بنفسي ومستحيل اتصور غيرها زوجه لي ....
اول خيط فخطة الانتقام مده لها خالد بدون ادراك منه وبدت ابشع خطة انتقام على وجه الارض ترسم نفسها ...
كان مبسوط الدنيا بكبرها موبواسعه فرحته واخيرا بيتحقق مخططه وبيحس بحلاوة الانتصار ,,, بينزل راسها للأرض وهي اللي بتجيه بنفسها وبرضاها ,,,دخل عليه وهو توه صاحي من النوم ويغسل وجهه ...
نايف باستغراب:توك جاي وين نمت ...
فارس :بالاستراحه مع الشباب وتصور من كان هناك ...
نايف :من يعني عبدالله بن عبدالعزيز ..؟!
فارس:ههههههههههههههههههههههههههههههههههههههههههههه هههههههههههههه ,,يوووه حلوه منك لاموعبدالله بن عبدالعزيز جميل بن سعود ..!!!
نايف بعصبيه :طيب انا شكو فيه جاي تقولي أخباره ...
فارس :صديقي وضروري احذرك منه ..
نايف :ليه وش ناوي عليه .؟؟
فارس:والله مادري بس الاكيد مو ناوي على خير ,,من نظراته لي وسؤاله عنك ماتطمنت له ..
نايف عشان يغير الموضوع قال :خلنا منه أنت وش عندك فارد الخشه ...
فارس:مبسوط ولاحرام انبسط يعني ..
نايف :مو حرام بس يعتمد على السبب ..
فارس :اتفقت مع حبيبتي جوجو (؟؟!!!) نطلع ..وبتشرفنا هنا بالشقه >>> قالها وهو يضحك ..
نايف بذهول :أنت تكلم من صدقك ..
فارس :لا أمزح معك أنت وش رايك ..؟؟
نايف :تطلع معها هذي ماكانت من ضمن مخططاتك اذاكرك تقول بتسجل مكالماتها وبعدين بتبتزه فيها ..
فارس :طيب هي رضت تطلع معي اقولها لا يعني ماحتجت الكل هالدوره بشوية اقناع وافقت اقولك ساذجه بسهوله ينقص عليها ....
نايف :غريبه كيف رضت بهالسهوله تطلع معك ...
فارس :ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هه...
نايف :بسم الله علينا وش فيك ...
فارس وللحين يضحك :لوقلت لك ماراح تصدق ..
نايف بابتسامه :الا بالصدق كل شي متوقعه منك هات ...
فارس :مسوي فيها مصلح اجتماعي احل لها مشاكلها وهذا اللي خلاها تطمن لي ...
نايف :حلوه مصلح اجتماعي ياشيخ اصلح نفسك بالاول بعدين اصلح المجتمع ...
فارس : وانت جالس تحلل الكلمه ياخي خذ وخل ...
نايف :الا على طاري خذ وخل وش اخبار اهلك ..؟!
فارس :أي اهل ..؟! ..بعدين استوعب :ايه اهلي مادري عنهم ...وطلع سيجار وجلس يدخنه ..
نايف وهومو مصدق عيونه :وش هذا مو حشيش صح ..
فارس :خطأ ..!!
======================================
من دخلت البيت وهي تردد كلمه وحد بنفسها :انا وش جابني هنا ..؟!
رحاب وهي تأخذ منها عباتها :يابنت اركدي قلت لك فارس ماهو فيه وموبجاي هو من ايام العزاء ماورانا وجهه اليو بيجي يعني ..
جنى :ليه لا تعلمين الغيب أنتي ,,بعدين أخوك هذا ماينزلي من زور وماحب اتواجه معه مو خوف منه لاكره له...
رحاب :واللحين أحد قالك حبيه بعدين انتي مو جايه لي ..
جنى بتريقه :لاجايه له مواعدته... أكيد لك بشوف وش قصتك الجديده اللي مأذيتنا فيها ..
رحاب ملل :قصة ايش ...
جنى :سمعت انك مو مسجله فالجامعه..
رحاب :ايه صحيح ومالي خلق اتكلم بهالموضوع ...
جنى باستعطاف :طيب ليه حرام نسبتك تضيع كذا 99%حتى باحلامي ماتخيل اخذها ..
رحاب :اذا كان عندك شي ثاني بتكلمين فيه قوليه اما هالموضوع ماراح التناقش فيه مع أي احد ...
جنى:ليه وأنا أي احد ..
رحاب :جنى لاتحرجين نفسك أنا ماعاد اراعي احد فالكلام
وماودي اغلط عليك ..
جنى لعزة نفس :مو أنا اللي ينغلط علي وعقلك براسك وتعرفين خلاصك ..
رحاب بداخلها كانت تمنى جنى تبقى معها وتناقشها اكثر بالموضوع عشان تفتح لها قلبها وتفضفض لها بس جنى اخذتها العزه بالنفس وماتحملت كلمه من رحاب قالتها بلحظة ضيق ....
طلعت من عندها وهي مقهوره من هي عشان تغلط علي هذا جزاي إني جايه اسأل عنها صدق مووجه أحد يسأل عنها ...
اول ماطلعت من عندها كلمت عليه واستغربت يوم رد عليها بالسرعه العاده يجلس ساعه على بال مايرد ..
خالد :هلا والله وينك يامعوده مابغيتي تحنين علينا وتتصلين ..
رحاب :حلوه يامعوده هذي وليه ماتتصل أنت ولاماعندك شحن ..
خالد :تصدقين لوحده ثانيه قايلتها ماعديتها لها بس أنتي غير ...
رحاب :عجيب وانا وش اللي غير فيني عن غيري ,,ترى أنا .....>> وتلعثمت بالكلام
خالد :أيه أنتي مين ليه ماكملتي تصدقين للحين ماعرف اسمك ...
رحاب بقوه وشجاعه :رحاب رحاب ياخالد ...
خالد :تصدقين الاسم هذا مار علي رغد مولها أخت اسمها رحاب ...
رحاب هذا اللي ماحسبت له حساب بس مستحيل شي سخيف مثل هذا يخرب عليها :هي قايله لك اكيد تقص عليك لأن رغد مالها خوات اويمكن تعتبرني زي أختها وهذا من سابع المستحيلات ...
خالد :غريبه هالبنت طيب ليش تكذب وتقول إن عندها أخت ...
رحاب يعني أنت اللي ماكذبت وكنت صادق معها الله يلعنك من حقير
رجعت للواقع على صوت خالد ..
رحاب :هاه وش كنت تقول ماسمعتك ...
خالد :اللي مأخذ عقلك يتهنى به ,,كنت اقول بطلب منك طلب اذا مافيها كلافه ...
رحاب بحماس :تفضل مافيها أي كلافه اذا اقدر عليه ...
خالد :طلب بسيط وماراح ياخذ من وقتك كثير ولو ماكنت واثق فيك ماطلبت منك هالطلب ...
رحاب :غريبه وش اللي خلاك تثق فيني مع انه مالك كم يوم من عرفتني ...
خالد :مادري كذا تطمنت لك من الله ...
رحاب :اها طيب وش الخدمه اللي يغيتها مني ..
خالد :بس مابغاك تفهميني خطأ ..
رحاب :لاتخاف ماراح تلقى أحد يفهمك كثري قول ..
خالد :بأعطيك رقمه وحده كنت على علاقه فيها وابغى انهي هالعلاقه بس هي متعلقه فيني ومأحب اجرحها ...
رحاب نذل خسيس وقح يبغاني اشارك فجريمته الواطي بس ضروري انفذ طلبه عشان يثق فيني ويمكن استفيد من صديقته هذي :..........
خالد بشك :هاه وش قلتي أعطيك الرقم تكلمينها ..
رحاب :هاته بس البنت وش اسمها .؟!
خالد :فاتن ال .........
رحاب حست الدنيا الدور فيها هذا مونفس اسم عائلة جنى
أنا متأكده إني سمعت جنى مره تكلم عن وحده من اهلها اسمها فاتن ...
خالد :وش فيك ساكته وين رحتي ..
رحاب بارتباك :لابس جالسه افكر كيف بكلم وحده لأول مره واتكلم معها باللي طلبته مني صعبه شوي...
خالد :غريبه مع انك كلمتيني لأول مره وماكنتي خايفه ولامرتبكه وش اللي تغير ...
رحاب بنبره غريبه :وضع عن وضع يفرق وخاصه معك .....
رماها على الكنبه بقوه وصرخت من الألم ..
سالي اللي ماسكه يدها قالت بألم :هييييييي أنت عورتني بشويش ماتشوف يدي كيف مكسوره مايكفي أنك بغيت تذبحنا بسواقتك المتهوره ...
بس ياسر مارد عليها ...
وتوجه لسلك التلفون واقطعه ..
طالعت فيه سالي بالدهشه لاكن هو طنشها وطلع وقفل الباب وراه ...
جلست سالي تضرب رجلها بالارض من القهر الخسيس حبسها وقطع التلفون عشان ماتتصل بأحد حست بخوف وهي تفكر بحيره وش اللي ناوي عليه ...

رد: الزمن طبعه كذا للعاشقه ديرتها

--------------------------------------------------------------------------------
ساعه عشان ترد ...؟!
سعود :افهمها ياخي مابي ارد ..!!
ياسر:افا اجل مانت كفو اسمعك الخبر الحلو الشين اللي عندي ...
سعود :ياسر عنده خبر حلو من وين طالعه الشمس اليوم ..؟!
ياسر :من الشمال ..بعدين ماقلت عندي خبر حلو قلت حلو وشين بنفس الوقت ...
سعود :اخلص علينا وقول الخبر بعدين حللها مجازيا ...
ياسر :السنيوره أختك ظهرت من مخبأها ...
سعود :من صدقك تكلم ,,الحمدالله ياربي ريحتني الله يريحك ...
بس كيف ؟!
ياسر :الصدفه لعبة دورها وطاحت بيدي على كل حال متى بترجع وتستلم العهده ...
سعود :ههههههههههههههههههههههههههههههههههههههههههههههخخخ خخخخخخخخخخ
ياسر باستغراب :وش فيك تضحك ..؟
سعود :اضحك من خبالك أنت متوقع إني احمل نفسي مسئوليه زي هذي ليش وش قالوا لك مسفوه مثلك ...
ياسر بقهر والحروف تطلع من بين اسنانه:سعود بليز اوزن الفاظك قبل ماتقولها ..بعدين هذي أختك وتهربك من مسئوليتها يعتبر جبن ...
سعود :انا مو أخوها الوحيد عندها أخوان غيري وأبوها لسى عايش ...
ياسر :انت تدري ان اخوانك ماهم سألين عنها والدليل إن لها من هربت شهر وكم اسبوع ومحد درى عنها ...
سعود :حنا تكتمنا على الموضوع بمافيه الكفايه كيف تبغاهم يدرون ...
ياسر :والله لومهتمين زي ماينبغى دروى ...
سعود :اللحين مو عندك أكيد بأمان يعني مايحتاج لكل هالمحاضره ...
ياسر بقهر :أنت شكلك تبغى فضيحه بالصدق ,,,مافكرت بالناس وش راح تقول لو دروى انها عايش معي قبل العرس (لووووووول )...
سعود :ياخي لاتعقدها من بيدري ,,بعدين أي اشاعه بتطلع بننكرها ...
ياسر :ياحبيبي مافيه ناربدون دخان ...
سعود بأسى على نفسه :ياسر هادم اللذات اناراجع ...
============================
خلود :مابيه ماتفهمون مابيه لوعلى جثتي ماتزوجته .....
طارق :أنت جب ماحد طلب رايك بتزوجينه ورجلك فوق راسك خالد ولد عمك واولى بك من الغريب ....
خلود بالصراخ والدموع تطفر من عينها:أيه لو ابوي عايش ماجبرتوني حرام عليكم مالقيتو الاهالصايع
تغصبوني عليه .....
طارق :ماشاءالله والله وطلع لك لسان ياخلود وتعرفين تردين على اللي أكبر منك ..
خلود بدموع القهر :ليه تبغاني طول عمري ساكته لك ولأخوانك كل شي تبغونه على ميزاجكم الاهالموضوع مستحيل تحكم فيه يالطارق مستحيل ...
وماحست الا يشدها لفوق من شعرها اللي حست فيه يتمزع من جذوره ...
صرخت بألم :يارب خذه وريحني منه ...
طارق بقهر وهو يرميهاعلى الارض وينزل عقاله :وتعرفين تدعين بعد يالك...
انا اوريك ..
وطاح فيها طق بالعقال لين حست بجسمها تخدر.....
(الظلم ظلمات يوم القيامه )
============================
استغربت الرقم الغريب اللي يدق عليها وكذا مره اتصل اليوم وماردت عليه ليش هالاصرار ترددت ترد أو لا بعدين توكلت على الله وردت وهي كلها أمل إن المتصل بنت .....
فاتن :الو
رحاب تنفست براحه مابغت :السلام عليكم ...
فاتن :وعليكم ,,نعم اختي من بغيتي ...
رحاب :أبيك أنتي ...
تاففت فاتن بضيق وهي تقول :ليه تعرفيني ...
رحاب :عز المعرفه أنتي مو فاتن ال ..........
فاتن بخوف :الا هي من أنتي .؟!
رحاب :قبل ماجاوبك ابغاك تجاوبيني على سؤال .؟!
فاتن :ارجوك اخلصي علي بسرعه ماحب اتكلم مع احد ماعرفه ...
رحاب كانت بتضحك على كلامها بس احترمت نفسها وسألتها :وش يصير لك محمد ال .....
فاتن :ليش تسألين .؟!
راحاب :شكلك أنتي اللي تبغين تطولينها ..
فاتن :خالي ..!!
رحاب بشك :خالك أخو أمك ...
فاتن بتريقه :لاخالي اخو ابوي وش هالاسئله ..بعدين ماقلتي لي من أنتي ...
رحاب :أنا رحاب ال .........
شهقت فاتن بالصدمه :أخت رغد ....
رحاب :الله يرحمها ..
فاتن بحزن :اسفه بس تفاجئت ....---------------------------
(جيتك بعد غيبه وانا كلي اشواق ....تدفعني لوصلك جروح عميقه..جيتك حنين ذاب والدمع دفاق ..احساس شاعر مايبور برفيقه..جيتك الم والشوق محرقني احراق ..في خافقي ضحكه ومليون ضيقه..جيتك وقلبي للغلا دووم ينساق..يكفخ مثل حر سبوقه طليقه..جيتك وهم البعد ماهوب ينطاق..وصمتك فتح بين الحنايا طريقه..
اعتذر والعذر هو سيد الاخلاق..عاشقك موج البحر ما بل ريقه.. )
دخل عليها وهي سرحانه رمى الكيس اللي معاه على الطاوله اللي قدامها بقوه وقال وهو يناظرها بالطرف عينه :هذا عشاك واتمنى بعد هاليوم تعتمدين على نفسك لأنو زي ماتعرفين حنا بمزرعه يعني صعبه كل يوم بنضرب مشوار عشان نجيب لحضرة جنابك اكل ...
سالي برود :خلصت كلامك ...
مارد عليها ...
سالي :يعني خلصته طيب اسمع هالقرار يوم واحد زياده موجالسته هنا ....
ياسر :ماشاءالله وتعرفين تقررين بعد ,,,طيب اسمعي أنتي هالقرار شبر واحد برى الفله مو معتبه وبنشوف قرار مين يمشي ...
سالي بقهر :لئيم طول عمرك لئيم ...
طنشها وطلع وقفل الباب وراه ....
وترك وراه قنبله على وشك الانفجار ...
رحاب :أكيد تبغين تعرفين ليش ماتصله عليك ....
فاتن :الصراحه ايه وش بغيتي ...
رحاب :عندي لك رساله من شخص عزيز عليك ...
فاتن :رغد .!!
رحاب :لاخالد ..
صرخت بذعر :خالد ...
رحاب :وش فيك بسم الله عليك موأسم اللي سوى فيك كذا اجل لو قلت لك مضمون الرساله وش بتسوين ..
فاتن :مابغى اسمع أي رساله منه خليه يتركني بحالي ....
رحاب بالصدمه ماتوقعت الموقف بينهم كذا :هو يقول أنه بيقطع علاقته فيك وماوده يقولك الكلام ذا بنفسه يخاف يجرحك ,,بس اللي فهمته منك أنك إنتي اللي ماتبغين هالعلاقه ...
فاتن :الخسيس أخر واحد أفكر اسوي علاقه معه كان بيتسبب لي بفضيحه مع ولد عمي ,,رحاب وش بينكم ..
رحاب بضحكة :لاتخافين مابينا شي من اللي بالك اللي بينا ثأر وكملت ...----------------------
اندفعت للباب وهي بأوج انفعالها وجلست تضربه بقوه :إنا مو حيوان عندك افتح الباب واستمرت تضرب الباب بيدها السليمه حتى تورمت ....
جلست على الارض باستسلام وهي تمسح دموع القهر اللي نزلت غصبا عنها وسندت راسها على الباب :الله ياخذك ويريحني منك ....
ياسر من ورى الباب وهو جالس نفس جلستها :بترملين من بعدي ,,بعدين فكري بتعقل لو مت من بيطلعك من هنا
سالي :مو مهم عندي كيف اطلع اهم شي ارتاح منك ..
ياسر :وش فايدة حياتك بعد مايموت زوجك.؟!
سالي :اذا مت أنت اقدر اعيش حياتي الطبيعيه اللي حرمتني منها ,,بعدين من قالك انك زوجي هذا بأحلامك بس ...
ياسر اللي تالم بداخله من كلامها بس مستحيل يوضح لها :طيب حبيبتي شسوي عقد زواجنا يقول كذا ..
سالي بقهر :بطلقني ...
ياسر بضحكه وهو يقلدها :هذا بأحلامك بس ...
سالي بعصبيه :لاتضحك علي بعدين فرحان بعمرك متزوج وحده مو طايقتك ..
ياسر بسخريه :شوبدي اعمل بحبه ..
سالي :حبتك القراده ...
ياسر برود :سالي انصحك لاتختبرين صبري عليك ...
لوفقدت اعصابي بسببك إنتي اللي بتندمين ...
سالي بقوه وهي ترتجف من داخل :تصدق خفت منك عاد ...
ياسر وقف بطيء وسألها :يعني مأنتي خايفه ..
سالي وقفت بسرعه :لامو خايفه ورني وش بتسوي ..
وطلعت بسرعه دبوس من شعرها وحطته بفتحة القفل ..
ياسر حاول يدخل المفتاح ماقدر... سمع ضحكتها وعرف أنها مدخله شي بفتحة القفل ...
قال بهدء:شفتي أنتي اللي جنيتي على نفسك اللحين شوفي كيف بتطلعين من هنا ...
سالي بلعة ريقها بخوف مجنون ذا يسويها :عادي اطلع الدبوس وتدخل أنت المفتاح وتفتح الباب ..
ياسر بمكر:يالله حاولي طلعي الدبوس ماراح يطلع بيخرب القفل ...
سالي بقهر :من قال شوف حتى ... وجت بتطلعه بس وقفت وانقهرت من غبائها ..قدر يلعب عليها ..
ياسر :شفتي ماطلع الدبوس ...
سالي :انا ماطلعته ...
ياسر :ليه ماتبغين تطلعين ؟
سالي :من قال اني ابغى اطلع انا بس بلعب عليك ...
ياسر بضحكه :أيه صح نسيت أنك ذكيه يا........
انتظرت يكمل بس ماكمل ظل ساكت وبعد شوي سمعت صوت حذاه على الارض وهو يبتعد ....
------------------
رحاب:ليش ماحذرتي رغد منه دامك عارفه معدنه ...
فاتن :من قال ماحذرتها مليون مرره حذرتها بس الحب كان عامي عيونها ...
رحاب :كانت تحبه صدق وهو ..
قاطعتها فاتن :يلعب عليها ويلعب على مليون غيرها ...
رحاب بيأس :وأنتي ..
فاتن :حاولت العب عليه ماقدرت وكان بيوديني بستين داهيه لو ماتلاحقت على نفسي ,,, وش تبغين فيه ابعدي عنه ...
رحاب بضحكه يائسه :موقبل مانتقم لرغد منه ...
فاتن :ماراح تقدرين عليه ذا شيطان يخدع مليون وحده من شاكلتك ....
رحاب بحقد :بس المره ذي غير صدقيني بشرب من دمه بوريه ابشع اعماله وبأعز ناسه ...
فاتن بأستغراب :من اعز ناسه ...
رحاب جت بتعلمها بس تلاحقت على عمرها كيف تثق فيها وهي اللي ماعرفتها الا من كم دقيقه مو معنى كلامها عن خالد انها تثق فيها يمكن تخدعها مافيه أمان بهالزمن ....
فاتن اللي حست بترددها قالت بقلب صادق :صدقني ماراح تلقين أحد يكره خالد ويتمنى له الشر كثري ولاتنسين أني مستحيل أخون رغد بقبرها يعني تقدرين تأتمنيني على سرك ..-----------------------
:لاتقرب منه كثير ...
لاتخاف علي أنا حريف...
نايف :فارس خفف السرعه أذا كنت أنت عايف حياتك أنا
ابي حياتي ...
فارس صفر بمرح :شوف اللحين وش بسوي ...
نايف :لاتكفى يامجنون ...
ووسط هالضجه انتبه فارس على موبايله اللي يدق ....
فارس :رد على ولد خالك والله وطلعتوا عيلة الخوافين نعنبوك مافيه رجال بينكم ...
نايف بقهر :الرجوله موبالتهور هذي حركات ورعان ,,واللحين وقف على جنب بركب مع ريان وخالد ...
فارس بخيبة أمل:افا بو نوف بتخلى عني بتشمت العذال فينا ...
نايف :لوكنت بعقلك بقيت معك بس ...حسبنا الله ونعم الوكيل ...
انزل بسوق مكانك ...
فارس :اقضب ارضك بس ,, وشوف وش بسوي اللحين ....
نايف :فارس لا ...
خالد بقلق:ابعد عنه ريان فارس مو بصاحي بيذبح روحه ويذبحنا معه ...
ريان :لاتخاف أنت مع ريان بعدين قلتها موصاحي وتبيه بعد يسبقنا ...
خالد :طيب خلك بعيد عنه ...
ريان :اووووف ترى ازعجتني وشتت فكري خلك ساكت ..
خالد :شوف ابن الذينا هذا وين مدخلنا وقف وين رايح .....
ريان :وراه واشوف أخرتها .....
نايف :فارس خفف من سرعتك حنا وسط حاره ...
فارس :يأبله الساعه ثنتيتن فالليل من بتلقى يحتريك وسط حاره ..
شغل عقلك لومره ...
نايف :ولو مو معناته تمشي بهالسرعه وسط حاره ,,لوطلع لك اللحين أحد فجاه ماراح تقدر تحكم بالسرعة سيارتك ...
فارس :يعني ماراح يستسلم هو وجه ..أنا اوريه ...
وبدأ يدخل بالسيارته بالشوارع فرعيه وريان وراه لين صار مالم يكن بالحسبان ازهقت نفس بريئه تحت عجلات التهور المجنون ....
ريان بذعر :دعسته يامجنون دعسته ...
فارس صرخ عليه وهو مطلع راسه من شباك سيارته :تحرك ياغبي بتفضحنا بوقفوك هنا زي الاهبل ...
خالد بعصبيه وعيونه على الرجال اللي ينزف دم من كل جسمه :لا لازم نوديه المستشفى ...
فارس :أنت مجنون الرجال مات ... وتحرك بالسرعه تارك خلفه ابشع جرئمه ملقاه على الطريق ...
وهج :وش فيك متضايقه ..؟!
جنى :مقهوره من عاشقه الدبه ولامعطيتنا وجه وكله مسلطه الضوء على رحابووه ...>>> ياقلبي أنتي ....
وهج :والله انك سخيفه وهذا سبب يزعلك المفروض تفرحين لأنها اكيد محضره لك مفاجعه ..>>والله أنتي اللي محضرت لك مفاجعه ..
هدول :وش عندكم عن ايش تكلمون ...
جنى:انتكلم كلام كبار مايصلح لك يالله انقلعي عن وجهي ...
هديل وشوي وتبكي :أنتي دبا بس تهوشيني لو سالي فيه ماقدرتي تقولين لي شي ...
جنى :ماعاد الاهي بتخوفيني بالسالي بتاعتك ذي ...
وهج بنص عين :يعني مسويه عمرك ماتخافين منها ..
جنى بثقه :لا..
وهج بطفوليه :طيب لارجعت اقولها ..
جنى بمسخره :طيب ياماما روحي نامي اللحين يجي الهوهو .....خخخخخخخخ..
وهج :يازينك ساكته بس أنتي وش اللي خلاك تنطقين ...
جنى :والله اللي نطقني هو اللي نطقك أصلا أنتي وش اللي طلعك من وكرك ..
وهج :ليه جالسه على راسك ...
جنى :لابس غير مرحب فيك هنا ...
ناصر اللي واقف على الباب :لا أحسن قومي شديها من شعرها وطلعيها غرفتها ...
جنى بالصدمه :ناص..ر !!!!
ناصر :أيه ناصر ياقلية الادب ولامو مالي عينك إنا بعد ..
جنى برعب :لا من قال بس تفاجئت ...
ناصر :أكيد بتفاجئين مويقولون من أمن العقوبه اسأ الادب ..
جنى :والله ماكنت اقصد كنت أمزح ...
ناصر :لاياشيخه شايفتني مغفل لهدرجه مأفرق بين المزح والجد ...
وحطي فبالك أني ماراح اسمح بسالي جديده فالبيت ....

رد: الزمن طبعه كذا للعاشقه ديرتها

الجزء الرابع عشر


الفصل الثانن

بكره بإذن الله
توقعاتكم...

رد: الزمن طبعه كذا للعاشقه ديرتها

رائعه
سلمت اناملك