تويت
رد: الزمن طبعه كذا للعاشقه ديرتها
الخص لكم شعور ياسر فهالبيت
بعض الجروح لاجت من أحباب عادي بس الجرح موت الجرح لاجاء من أحباب ..
صعب تحب أنسان مايحبك لا وليته بس مايحبك مصيبه لوكان يكرهك ,, الوضع صعب أنك بس أتصوره كيف لوكنت أنت ..
ياسر يفكر كيف بيقدر يعيش معها بقية حياته وهذي نظرتها له أنه أجبرها على الزواج منه وانها ضحية أهلها اللي باعوها له الحياه بهالطريقه مستحيل تستمر بس بنفس الوقت هو مستحيل يتخلى عنها خذو روحه منه وخلوا له سالي تكفيه ...!!!.. أفكاره المجنونه وصلته لهالنتيجه ..
.. ليش ماكان حظه أحسن من كذا ..؟!
ليش رفضته سالي لوكانت راضيه فيه ماكنت كل هالعقبات ... ليش ماطاحت فحبه من أول لقاء كان بينهم ليه ماعشقت الغضب اللي كان بعيونه مثل ماعشق غضب عيونها فأول مره عانقت فيها عيونه!!!...
ليه ماشافت مستقبلها بعيونه مثل ماشاف هو مستقبله وحلمه بعيونها النجلاء ... أو ليش ماكانت هي اللي تحبه وتموت فحبه وهو يتعزز ويتغلى ..؟!! ..لا مايبي كل هذا كل اللي يبيه تحس فيه وتحترم شعوره اللي موقادر يظهره ,,كل هالعذاب وهي ماتدري أنه يحبها أجل لودرت وش بتسوي فيه ..
بس لوكان الله عطاه وسامه ماتقدر سالي تقاومها ,, بس سالي ماهي من هالنوع كل هذا مايهمها ... أجل وش اللي يهمها صح فكره ايجابيه وش اللي تبيه هي ..؟! .. ضروري يفهمها لأنه أذا فهمها بيقدر يرسم طريقه لقلبها ويمتلكه .. بس كيف ..؟! سالي مستحيل تبوح له بالي بنفسها هو للحين مو عارف شي عنها وهو اللي حسب نفسه فاهمها أكثر من اهلها حتى ..؟!!..
_______________________
وهج وجنى وبغرفة ألأخيره ..
جنى :اوووف ياربيه منك ترى طفشتيني ماعندك غرفه تجلسين فيها ..
وهج :الغرفه بعد سالي موشي كئيبه ...
جنى :أجل بتجلسين طول عمرك على قلبي ...
وهج :لا أن شاءالله اصلا سالي تقول راجعه قريب ...
جنى رمتها بعلبة الكلينكس :غبيه أنتي وش هالكلام ذا صايرتلي مثل هديل كيف ترجع يعني تطلق..
وهج :عادي هذا اللي تبيه أنا اهم شي عندي ترجع ...
جنى :قسم بالله أنك ترفعين الضغط ياربي متى تخلص الاجازه وتبدأ الجامعه وافتك منك ...
وهج :يارب متى تبدأ بس عشان أشوف سالي ...
جنى :كيف تشوفينها وهي أسبوعين ماهي مداومه ..
وهج :اوووف أجل ليت الأجازه ماتقضي والملك عبدالله يعطينا مكرمه شهر اجازه ...
جنى مسكت راسها بين يديها :شهر ياكبرها عند ربي اسبوع وبلعناها اللحين شهر ياغبيك يابنتي ..
وهج :الموضوع ماهو ذكاء وغباء هو مجرد امنيه اللي يسمعك صدق بيمددون لنا الأجازه ....
جنى :الله عاد والأجازه احلى مافيها زواج سالي والباقي أنواع الملل ...
وهج :أيه والله طفش وش رايك نروح لسوق ..
جنى :فكره مش بطاله بس أمي من يقنعها ...
وهج :والله وهقه لوسالي فيه ماحملنا هم اقناعها ..
جنى :وش رايك ندق عليها عشان تقنعها ...
وهج بسذاجه:وبالمره تجي معنا ...
جنى :يازينك ساكته بس اللحين يسور بيخليها تجي معنا الصراحه عليك أفكار ...
وهج بأحباط :اجل لطلعنا ندق عليها ونقهرها ...
جنى :اللحين فكري كيف نقنع أمي نطلع لحالنا ..
وهج :وليش نطلع لحالنا نأخذ كل الحبايب معنا هديل وسامي وعادل ...
جنى بعد تفكير:يالله نأخذهم معنا وأمرنا لله ...
وبعد ساعه وفواحد من المجمعات التجاريه
جنى :وليه شوفي الفضيحه جلسوا يتخانقون ...
وهج وهي تطالع بالبلوزه اللي بين يديها :مين ..
جنى سحبت البلوزه منها :سامي وهديل ,, من صدقك أنتي بتأخذينها ..
وهج :أيه بأخذها بس مولي لسالي بتعجبها صح ...
جنى :والله مأدري عنك انتوا أدرى بأذواق بعض ...
وهج :أجل بأخذها لها وبطقم لها الصندل والشنطه عشان تكشخ فيها بعيد الحب ...
جنى :ماتدرين ان هذا مساعده على المنكر الحمدالله يارب أن عقلي أكبر من أني أحتفل بهالسخافات ..
وهج :أنتي تعرفين أني مأحتفل بس سالي تحب هالحركات وش اسوي لها ..
جنى :وأنتي بحركتك هذي تشاركينها ...
وهج :اوووف حل عني زين وأطلعي شوفيهم تخانقوا من جديد ...
جنى :الله يفظحهم وهديل جالسه تصارخ ...
طلعت لهم جنى ...
هديل بالصراخ :جنى شوفيه بس يطقني ..
جنى بقهر :وجع لاتصارخين يحماره وأنا عايشه أنتي
هديل :اووف طيب شوفيه خليه يتركني بحالي ...
جنى :وخر عنها انت مو ناقصتكم صدق همج فضحتونا ... وأنت تقصد عادل اللي جالس يرسل بلوتوثات :ورى ماتهجدهم اترك هذا وكلمني .. ويوم ماعطاها وجه سحبت جواله ودخلت المحل ...
عادل :وجع ياحماره ..
سامي :اخخخخ أحسن ..
هديل :وجع ملقوف ..
ورجعوا يتخانقون من جديد ..
هديل :طالعوا ذيك تشبه خالتي سالي ...
عادل وسامي التفتوا على المكان اللي تطالع فيه :وين ..؟!!
هديل وهي تأشر بصبعها :هناك شوفوا ..
عادل ضربها مع يدها :لاتأشرين عيب ..
سامي :ياغبيه كل الناس تطالع فينا بسبتك ...
هديل :شوفوا مصريه ..
عادل :ياحجه ..
سامي :ياويلك شوف كيف تطالعك ..
هديل :تحسبك تغازلها ..
عادل :وش تغازلها ذي بعد عيب الكلمات ذي ...
هديل :عادي وش فيها كل الناس تقولها ..
وطلعن جنى ووهج من المحل والشله يمشون وراهن ودخل محل ثاني ...
سامي :هذا عاشر محل يدخلنه متى بنتعشى ..
هديل :ايه والله أول مره تقول شي سنع عادل جبلي ايسكريم ...
عادل بتصريفه :لا مووقته بعد العشاء ..
سامي :لا نبيه للحين واذا بتجيب لنا بعد العشاء بعد زين ..
عادل :امري لله بروح أجيبلكم بي ياويلكم لوتخانقتوا ..
هديل :لاخلاص بنجلس عاقلين ..
وأول مأبتعد عنهم عادل ..
هديل :أنا بروح لذيك اللي تشبه خالتي يمكن هي انت لاتحرك من محلك ...
سامي :ياحبيبي خالتك وش يجيبها اللحين أنثبري محلك بس ...
ودق جوال سامي بس كلم فيه دقيقتين رفع راسه لهديل لقاها مختفيه ..
دخل للمحل عند جنى ووهج ..
سامي :بنات شفتوا هديل ...
جنى :لا هي مو بمعكم ...
سامي :كانت معي بس دق جوالي رفعته لقيتها مختفيه ...
وهج اللي كانت فالركن ثاني من المحل جاتهم :خير وش فيكم ..
سامي :الغبيه هديل مأدري وين راحت ...
وهج :كيف ماتدري وين راحت ..
جنى :وعادل وينه..
سامي :عادل راح يأخذلنا ايسكريم ..
وهج :اجل راحت معه ..
سامي :عادل من زمان رايح وهي كانت معي .. وشوفي عادل جاء وهي مو معه ..
وهج بهلع :مستحيل هديل تضيع ...
طلعوا من المحل وجلسوا يدورونها فالمحلات القريبه بس مالقوها كنها فص ملح وذاب ...
وهج وهي تبكي :ياويلي عليك ياهديل وين رحتي حرام عليك أرجعي وين رحتي طمنينا عليك ...
عادل بعصبيه :اوووهو علينا لاتجلسن تبكين كنك عجوز صياحك مو مرجعها ...
سامي :غبيه وين راحت اووف بس لو تطيح بيدي بنتف شعرها ..
جنى :عادل وش تنتظر دق على ناصر قوله ..
عادل :لابندورها يمكن نلقاها ..
سامي :وين نلقاها بين العالم هذي كلها ..
ناصر كان مع سلطان بمجلس واحد من معارفهم يوم دق عليه عادل وقاله أنهم ضيعوا هديل ...
طلع ناصر بعد ماستئذن بالسرعه ..
سلطان لحقه عند سيارته ..
سلطان :ناصر لحضه وش فيك ..
ناصر :مستعجل ياسلطان بعدين نتكلم ..
بس سلطان ركب معه ..
ناصر :الأهل طالعين لسوق وضيعوا هديل ..
سلطان :هديل ..؟!!
ناصر :ايه أختي صغيره ..
وأول ماوصلوا للمجمع أتصل ناصر على عادل اللي علمه بمحلهم ..
ناصر كان مره معصب أولا ليه يطلعون بدون مايخبرونه لاومافيهم أحد يعتمد عليه ...
سلطان وقف بعيد عنهم ...
وهج ماتدري وش اللي صار تحس نفسها بغيوبه موحاس باللي قاعد يصير حولها كل اللي تذكره ان هديل ضاعت وبعدين لقت نفسها مع رجال غريب هي وجنى جلست تأمل الرجال اللي جالس يسوق وهي جالسه على الكرسي اللي جبنه لاهذا مو غريب هذا سلطان اللي المفروض يكون زوجها بس كيف جت هنا كيف رضت تخلي هديل ضايعه وترجع بدونها وش تقول لأمها اللي تاركتها معها أمانه ...
صرخت وهج بهستريا :ووووووووووووقف ..
سلطان أخذ بريك قوي والتف على وهج بحده :وش فيك ..؟؟!
وهج كانت تبكي بهستريه :مأبي رجعني بدور هديل ماني راجعه وش أقول لأمي ضيعت بنتك ...
حرك سلطان السياره وهو يستغفر بالصوت واطي ...
وهج زاد بكاها ...
جنى بدون اهتمام بوجود سلطان :اوووف اللحين أنتي وش مستفيده من الصياح هذا ماهو مرجعها ,, ياخوفي بس تنهبلين علينا ولاوصلنا البيت لقينا أم سبع ارواح تحترينا..
سطلان بعصبيه :اللحين ماتشوفين حالة اختك كيف وأختك الثانيه ضايعه ولك خلق تستهبلين صدق ناس ماعندها دم ..
جنى فتحت عيونها على الاخر ماتوقعت هالهجوم من سليطين بس مو وقته أوريك بس وقت ثاني ..
وعند الدوار اللي قبل بيتهم دق ناصر يقولهم أنهم لقوها ...
الخص لكم شعور ياسر فهالبيت
بعض الجروح لاجت من أحباب عادي بس الجرح موت الجرح لاجاء من أحباب ..
صعب تحب أنسان مايحبك لا وليته بس مايحبك مصيبه لوكان يكرهك ,, الوضع صعب أنك بس أتصوره كيف لوكنت أنت ..
ياسر يفكر كيف بيقدر يعيش معها بقية حياته وهذي نظرتها له أنه أجبرها على الزواج منه وانها ضحية أهلها اللي باعوها له الحياه بهالطريقه مستحيل تستمر بس بنفس الوقت هو مستحيل يتخلى عنها خذو روحه منه وخلوا له سالي تكفيه ...!!!.. أفكاره المجنونه وصلته لهالنتيجه ..
.. ليش ماكان حظه أحسن من كذا ..؟!
ليش رفضته سالي لوكانت راضيه فيه ماكنت كل هالعقبات ... ليش ماطاحت فحبه من أول لقاء كان بينهم ليه ماعشقت الغضب اللي كان بعيونه مثل ماعشق غضب عيونها فأول مره عانقت فيها عيونه!!!...
ليه ماشافت مستقبلها بعيونه مثل ماشاف هو مستقبله وحلمه بعيونها النجلاء ... أو ليش ماكانت هي اللي تحبه وتموت فحبه وهو يتعزز ويتغلى ..؟!! ..لا مايبي كل هذا كل اللي يبيه تحس فيه وتحترم شعوره اللي موقادر يظهره ,,كل هالعذاب وهي ماتدري أنه يحبها أجل لودرت وش بتسوي فيه ..
بس لوكان الله عطاه وسامه ماتقدر سالي تقاومها ,, بس سالي ماهي من هالنوع كل هذا مايهمها ... أجل وش اللي يهمها صح فكره ايجابيه وش اللي تبيه هي ..؟! .. ضروري يفهمها لأنه أذا فهمها بيقدر يرسم طريقه لقلبها ويمتلكه .. بس كيف ..؟! سالي مستحيل تبوح له بالي بنفسها هو للحين مو عارف شي عنها وهو اللي حسب نفسه فاهمها أكثر من اهلها حتى ..؟!!..
_______________________
وهج وجنى وبغرفة ألأخيره ..
جنى :اوووف ياربيه منك ترى طفشتيني ماعندك غرفه تجلسين فيها ..
وهج :الغرفه بعد سالي موشي كئيبه ...
جنى :أجل بتجلسين طول عمرك على قلبي ...
وهج :لا أن شاءالله اصلا سالي تقول راجعه قريب ...
جنى رمتها بعلبة الكلينكس :غبيه أنتي وش هالكلام ذا صايرتلي مثل هديل كيف ترجع يعني تطلق..
وهج :عادي هذا اللي تبيه أنا اهم شي عندي ترجع ...
جنى :قسم بالله أنك ترفعين الضغط ياربي متى تخلص الاجازه وتبدأ الجامعه وافتك منك ...
وهج :يارب متى تبدأ بس عشان أشوف سالي ...
جنى :كيف تشوفينها وهي أسبوعين ماهي مداومه ..
وهج :اوووف أجل ليت الأجازه ماتقضي والملك عبدالله يعطينا مكرمه شهر اجازه ...
جنى مسكت راسها بين يديها :شهر ياكبرها عند ربي اسبوع وبلعناها اللحين شهر ياغبيك يابنتي ..
وهج :الموضوع ماهو ذكاء وغباء هو مجرد امنيه اللي يسمعك صدق بيمددون لنا الأجازه ....
جنى :الله عاد والأجازه احلى مافيها زواج سالي والباقي أنواع الملل ...
وهج :أيه والله طفش وش رايك نروح لسوق ..
جنى :فكره مش بطاله بس أمي من يقنعها ...
وهج :والله وهقه لوسالي فيه ماحملنا هم اقناعها ..
جنى :وش رايك ندق عليها عشان تقنعها ...
وهج بسذاجه:وبالمره تجي معنا ...
جنى :يازينك ساكته بس اللحين يسور بيخليها تجي معنا الصراحه عليك أفكار ...
وهج بأحباط :اجل لطلعنا ندق عليها ونقهرها ...
جنى :اللحين فكري كيف نقنع أمي نطلع لحالنا ..
وهج :وليش نطلع لحالنا نأخذ كل الحبايب معنا هديل وسامي وعادل ...
جنى بعد تفكير:يالله نأخذهم معنا وأمرنا لله ...
وبعد ساعه وفواحد من المجمعات التجاريه
جنى :وليه شوفي الفضيحه جلسوا يتخانقون ...
وهج وهي تطالع بالبلوزه اللي بين يديها :مين ..
جنى سحبت البلوزه منها :سامي وهديل ,, من صدقك أنتي بتأخذينها ..
وهج :أيه بأخذها بس مولي لسالي بتعجبها صح ...
جنى :والله مأدري عنك انتوا أدرى بأذواق بعض ...
وهج :أجل بأخذها لها وبطقم لها الصندل والشنطه عشان تكشخ فيها بعيد الحب ...
جنى :ماتدرين ان هذا مساعده على المنكر الحمدالله يارب أن عقلي أكبر من أني أحتفل بهالسخافات ..
وهج :أنتي تعرفين أني مأحتفل بس سالي تحب هالحركات وش اسوي لها ..
جنى :وأنتي بحركتك هذي تشاركينها ...
وهج :اوووف حل عني زين وأطلعي شوفيهم تخانقوا من جديد ...
جنى :الله يفظحهم وهديل جالسه تصارخ ...
طلعت لهم جنى ...
هديل بالصراخ :جنى شوفيه بس يطقني ..
جنى بقهر :وجع لاتصارخين يحماره وأنا عايشه أنتي
هديل :اووف طيب شوفيه خليه يتركني بحالي ...
جنى :وخر عنها انت مو ناقصتكم صدق همج فضحتونا ... وأنت تقصد عادل اللي جالس يرسل بلوتوثات :ورى ماتهجدهم اترك هذا وكلمني .. ويوم ماعطاها وجه سحبت جواله ودخلت المحل ...
عادل :وجع ياحماره ..
سامي :اخخخخ أحسن ..
هديل :وجع ملقوف ..
ورجعوا يتخانقون من جديد ..
هديل :طالعوا ذيك تشبه خالتي سالي ...
عادل وسامي التفتوا على المكان اللي تطالع فيه :وين ..؟!!
هديل وهي تأشر بصبعها :هناك شوفوا ..
عادل ضربها مع يدها :لاتأشرين عيب ..
سامي :ياغبيه كل الناس تطالع فينا بسبتك ...
هديل :شوفوا مصريه ..
عادل :ياحجه ..
سامي :ياويلك شوف كيف تطالعك ..
هديل :تحسبك تغازلها ..
عادل :وش تغازلها ذي بعد عيب الكلمات ذي ...
هديل :عادي وش فيها كل الناس تقولها ..
وطلعن جنى ووهج من المحل والشله يمشون وراهن ودخل محل ثاني ...
سامي :هذا عاشر محل يدخلنه متى بنتعشى ..
هديل :ايه والله أول مره تقول شي سنع عادل جبلي ايسكريم ...
عادل بتصريفه :لا مووقته بعد العشاء ..
سامي :لا نبيه للحين واذا بتجيب لنا بعد العشاء بعد زين ..
عادل :امري لله بروح أجيبلكم بي ياويلكم لوتخانقتوا ..
هديل :لاخلاص بنجلس عاقلين ..
وأول مأبتعد عنهم عادل ..
هديل :أنا بروح لذيك اللي تشبه خالتي يمكن هي انت لاتحرك من محلك ...
سامي :ياحبيبي خالتك وش يجيبها اللحين أنثبري محلك بس ...
ودق جوال سامي بس كلم فيه دقيقتين رفع راسه لهديل لقاها مختفيه ..
دخل للمحل عند جنى ووهج ..
سامي :بنات شفتوا هديل ...
جنى :لا هي مو بمعكم ...
سامي :كانت معي بس دق جوالي رفعته لقيتها مختفيه ...
وهج اللي كانت فالركن ثاني من المحل جاتهم :خير وش فيكم ..
سامي :الغبيه هديل مأدري وين راحت ...
وهج :كيف ماتدري وين راحت ..
جنى :وعادل وينه..
سامي :عادل راح يأخذلنا ايسكريم ..
وهج :اجل راحت معه ..
سامي :عادل من زمان رايح وهي كانت معي .. وشوفي عادل جاء وهي مو معه ..
وهج بهلع :مستحيل هديل تضيع ...
طلعوا من المحل وجلسوا يدورونها فالمحلات القريبه بس مالقوها كنها فص ملح وذاب ...
وهج وهي تبكي :ياويلي عليك ياهديل وين رحتي حرام عليك أرجعي وين رحتي طمنينا عليك ...
عادل بعصبيه :اوووهو علينا لاتجلسن تبكين كنك عجوز صياحك مو مرجعها ...
سامي :غبيه وين راحت اووف بس لو تطيح بيدي بنتف شعرها ..
جنى :عادل وش تنتظر دق على ناصر قوله ..
عادل :لابندورها يمكن نلقاها ..
سامي :وين نلقاها بين العالم هذي كلها ..
ناصر كان مع سلطان بمجلس واحد من معارفهم يوم دق عليه عادل وقاله أنهم ضيعوا هديل ...
طلع ناصر بعد ماستئذن بالسرعه ..
سلطان لحقه عند سيارته ..
سلطان :ناصر لحضه وش فيك ..
ناصر :مستعجل ياسلطان بعدين نتكلم ..
بس سلطان ركب معه ..
ناصر :الأهل طالعين لسوق وضيعوا هديل ..
سلطان :هديل ..؟!!
ناصر :ايه أختي صغيره ..
وأول ماوصلوا للمجمع أتصل ناصر على عادل اللي علمه بمحلهم ..
ناصر كان مره معصب أولا ليه يطلعون بدون مايخبرونه لاومافيهم أحد يعتمد عليه ...
سلطان وقف بعيد عنهم ...
وهج ماتدري وش اللي صار تحس نفسها بغيوبه موحاس باللي قاعد يصير حولها كل اللي تذكره ان هديل ضاعت وبعدين لقت نفسها مع رجال غريب هي وجنى جلست تأمل الرجال اللي جالس يسوق وهي جالسه على الكرسي اللي جبنه لاهذا مو غريب هذا سلطان اللي المفروض يكون زوجها بس كيف جت هنا كيف رضت تخلي هديل ضايعه وترجع بدونها وش تقول لأمها اللي تاركتها معها أمانه ...
صرخت وهج بهستريا :ووووووووووووقف ..
سلطان أخذ بريك قوي والتف على وهج بحده :وش فيك ..؟؟!
وهج كانت تبكي بهستريه :مأبي رجعني بدور هديل ماني راجعه وش أقول لأمي ضيعت بنتك ...
حرك سلطان السياره وهو يستغفر بالصوت واطي ...
وهج زاد بكاها ...
جنى بدون اهتمام بوجود سلطان :اوووف اللحين أنتي وش مستفيده من الصياح هذا ماهو مرجعها ,, ياخوفي بس تنهبلين علينا ولاوصلنا البيت لقينا أم سبع ارواح تحترينا..
سطلان بعصبيه :اللحين ماتشوفين حالة اختك كيف وأختك الثانيه ضايعه ولك خلق تستهبلين صدق ناس ماعندها دم ..
جنى فتحت عيونها على الاخر ماتوقعت هالهجوم من سليطين بس مو وقته أوريك بس وقت ثاني ..
وعند الدوار اللي قبل بيتهم دق ناصر يقولهم أنهم لقوها ...
تعليق