رد: الزمن طبعه كذا للعاشقه ديرتها

رد: الزمن طبعه كذا للعاشقه ديرتها

*يوم الثلاثاء*
في جلسه مغلقه بين وهج و جنى في غرفة الأخيره ........
وهج اللي مقهوره من جنى اللي مأخذه الموضوع تريقه:جنى بليز فكري بجديه معي لازم نلقى عذر عشان مانحضر العزيمه ....اوف لي 5سنوات مادخلت بيتهم وامي تبينا بكل سهوله نحضر...
جنى بعد ماقمت من الكرسي وجلست على السرير وحطت المخده بحظنها وركت وجهها بيدينها
جنى:اقول ....
وهج اللي جلست قبالها بنفس طريقتها :قولي
جنى:ليه حنا رافضين العزيمه ليه مانجرب ونروح ......
وهج اللي طفح فيها الكيل من عدم مبالاة اختها ضربتها على راسها بالمخده وطلعت ... جنى وهي حاطه يدها على راسه بعد ماطلعت وهج:اي ,انا وش قلت مو هي اللي تبيني افكر معها ...

..وعند وهج ياربي ياءلله حس دامغي بينفجر من التفكير لو ايش صار ماراح اطب بيتهم بعد اللي صار انا عارفه ماراح امسك اعصابي وبصوت مسموع: وينك ياسالي ...
سالي :شبيك لبيك سالي بين ايديك....
وهج وهي تقفز لسالي وتحضنها: مو معقول سالي ياعمري اشتقتلك يأحلى خاله بدنيا ...... وهذي احلى بوسه لأحلى خاله ...
وتبوسها بقوه على خدها ....
سالي وهي تمسح وجها بقرف وتضرب وهج على راسها
بالشنطه :اوف يابكاشه وش هالحب مو كأنك اللي امس مكلمتني وتقولين فكه منك أخذه راحتي بالسرير مأحد يلعب معي مصراعه وأنا نايمه..
وهج بأحراج :اوه انتي عاد صدقتي ....تعالي بقولك وش صار بالبيت بغيابك... وشدتها وجلستها على السرير جنبها...
(امممممم سالي شخصيه جديده ولها دور مو هين بالقصه اذا ماكانت القصه كلها عن سالي 21 سنه خالة العائله الصغيره ساكنه عندهم لأن اهلها ساكنين بالقصيم وهي جايه تدرس بجامعة الملك سعود بالرياض وساكنه عند اختها وتدرس مع وهج بنفس التخصص و تشاركها كل شي غرفتها افكارها مشاكلها وسالي مسويه فيها حكيمه ولكل مشكله عندها حل , سالي بنت فله جريئه لدرجة الجنون عنيده واللي براسها تسويه مهما كانت نتائجه هذي نبذه بسيطه وبتعرفونها كل ماتعمقنا بالقصه بشكل أكبر)



وهي تناظر للجوري اللي بحديقة جيرانهم والجوريه اللي بأيدها وتضحك بهستريه ادخلت للغرفتها وفكت الشماغ اللي كانت متلثمه فيها جنى .. جلست على السرير وهي تحرك تيشرتها الواسع بقرف:اوف حر ....
ناظرت لبنطلونها الجينز اللي انقطع من عند الركبه يوم تتسلق السور ... وراحت تغير ملابسها وتأخذ دش...
تبغون تعرفون وش صار اكيد مغامره من مغامرات جنى بس وش صار بضبط .. بتعرفون بس مو مني من شخص ثاني...


فارس اللي الاللحين واقف مكانه مصدوم من اللي صار مو مصدق اللي شافه يالله مستحيل اللي صار كنت جالسه اكلم واحد من الشباب بالجلسه اللي بالحديقه الخلفيه للفله فجاه حسيت بصوت شي طاح والصوت جاي من خلف الاشجار يعني من حديقة الجوري انهيت المكالمه ورحت اشوف وش صار وقفت اناظر وشفة احد طايح على الارض قلة اكيد حرامي وكان متلثم بشماغ وشكله يوم طاح انفكت اللثمه وقف وفك الشماغ وطاح شعره الطويل اللي كان رافعه لامستحيل بنت لامو بنت
هذي ملاك ماسمحتلي افكر وش تسوي هنا لأنها وبكل بساطه تقدمت للجوري وقطفت وحده ورجعت وتسلقت السور بكل مهاره (السور ماكان عالي لانه نصه سور ومن فوق شبك),, لحضه السور هذا يفصل بينا وبين الجيران يعني هذي اكيد بنتهم الحراميه من اليوم بسميها حرامية الجوري..
جنى زي ماشفتو مغامراتها تعدت حدود المنزل والله يستر من الجاي..
يعني البنت بكل بساطه سرقت جيرانهم ********حلوه سرقت صح ههههههه حتى لوكانت سرقه صغيره بس تعدت على حقوق الأخرين مو...
عموما جيرانهم اللي على اليسار هم اللي نطت على حديقتهم وحديقتهم خلفيه يعني جنى من بلكونتها تقدر تشوفهم ,,جنى تقدر تطلع بلوكنتها بالليل لأنها تفتح على الحديقه الخلفيه وقدامها شاراع مظلم (على فكره الشارع هذا بيصير فيه قصه خطيره) وبعدين ارض فضاء مافيها عمار...



( فارس 25 سنه طلع من الجامعه بعد مستوى واحد بس درسه
ههههههههه بالعربي فاشل معتمد على أبوه اللي يكون من اشهر رجال الأعمال ,, هو الولد الثاني بعده ثلاث بنات وحده من هالبنات رحاب صديقة جنى( عشان كذا جنى ماكانت خايفه من اللي ستوه لأن رحاب قايلتلها انهم بيطلعون ) ,, فارس اكبر مغازلجي بالرياض ماخلى بنت ماكلمها حياته كلها سهر ولعب وسفر ....)
سالي:يعني اللحين بتروحين لبيتك عمك ..
وهج بسرعه:طبعا لا..
سالي وهي تقوم من السرير وتوقف قدام التسريحه وتلعب بشعرها القصير
اللي قاصته بوي:ايوه على بالن(على بالي بس بالقصمنجي القصمان يمدون أخر الكلمه وينسبون الشي لهم بأظافة النون) بعد بتروحيلهم بعد اللي صار من عمتك شيخه ومرة عمك فطوم ياكرهيلهم ..
وهج:سالي لاتكلمين عنهم كذا مهما صار ذولا اهلي..
سالي:يعني انا اللحين غريبه ..وتسوي نفسها زعلانه وبتطلع ..
وهج وهي تمسكها وتجلسها على الكر سي اللي جنب السرير:ياحبينلك انتي على قولتكم يالقصمان ..انتي الاساس ولو انا من غيرك مأسوى ..
سالي وهي تحرك شعرها بغرور: وش فيهم القصمان ليكون مو عاجبينك ..
وهج:و انا اقدر اقول شي ولو ذولا خوالي مايهونون علي ..وتغمز لها ...بس اللحين حلي لي المشكله ..
سالي :ولو مايكون خاطرك الا طيب امك أنا اكلمها ...
وهج :ايوه وأخبار القصيم ..
سالي: والله القصيم واهله ومزارعه وارضه وسماءه وحضره وبواديه يسلمون عليك ..
وهج :ههههههههههههههههههه حلوه حضره وبواديه كنك بأغنيه من الاغاني الوطنيه ...
سالي وهي تأخذ الشنطه المتوسطه اللي كانت جايه فيها وتطلع منها ملابس
وترميها على السرير:وش رايك..
وهج وهي تناظر بالملابس اللي كانت عباره عن تيشرت اصفر جبنيز مكتوب عليه بازرق وجينز ازرق برمودا عليه لمعه بالأصفر,, صفرت وقالت:واو روعه, وتغمز لها, أحلى يانصراويه كل هذا عشان تغيضين جنى..
سالي وهي تأخذ ملابسها وتدخل الحمام :يالله اللحين بسبح انتظرين لين أطلع لاتنزلين تقوليلهم،، يوم دخلت ماكان فيه أحد تحت أبغى اسويها لهم سبرايز مفاجئه ..
وهج:أحلى يم المفاجئة بسرعه خلصينا..

الى هنا خلص الفصل الأول من( الجزاء الثاني)..بس قصتنا ماخلصت ويمكن من هنا بدأت ...
وبليز اجيبوا على تساؤلات :
اممممممممم فالبدايه وهج وجنىبيحضرون العزيمه أو بتقدر سالي تقنع اختها؟!
وش بيصير بالعزيمه؟!
فارس وش بيسوي بحرامية الجوري؟!
ومغامرات جنى وين بتوصلها!!
وتسأل الأكبر ,,وش قصة القطيعه اللي بين العائله ؟!
هذا وأكثر في الفصل الثاني من الجزء الثاني ..
الجزء الثاني
(الفصل الثاني)

كانت الصاله تحت ضجه وأنواع الأزعاج وسامي وعادل يلعبون بلاي ستيشن وهديل كل شوي تخانق معهم تبغى تلعب ولأم تفرج عليهم وتفرق بينهم وتضحك على خبال سامي ودلع هديل ..
هديل بدلع:ماما قولي لسام يقوم بلعب مكانه ..
سامي وهويقلد دلعها:ماما قولي لسام يقوم بلعب مكانه ....هيييي اسمي سامي مو سام ومو قايم .. بعدين اكبري وش ماما ذي بعد ..
هديل بأصرار :بقولك سام يعني سام ...وبدت تصرخ مره ومره تلحن وتردد:سام سام سام .. الأم قامت تشوف شغل بالمطبخ ....
عادل استغل الفرصه عشان يطفر بهديل:حشى مو بنت عليها صوت سمعه اللي بأخر الحاره وبعدين وش هالحنجره ماشاء الله ولا محمد عبده .....
عاد هو قال محمد عبده من هنا وهديل انفتحت من هنا تبكي بصوت عالي..هديل ماتواطن محمد عبده ..بزر ماعليها شرهه وتكره تركب مع ناصر لأنه دايم يشغل محمد عبده وعبادي الجوهر ....
جنى اللي تقرا مجله : هديييييييييييييييييل بس صدعتي راسي بصياحك.. عادل سامي والله اذا ماسكتوا عنها لشيل البلاي ستيشن وشوفوا من بيرده لكم ...
الأم طلعت من المطبخ وهي تدخل الصاله :وشفيك ياجنى صوتك ياسمعه اللي بأخر الشارع ..
جنى:يمه وش اسوي فيهم جابولي الضغط ..
أم ناصر :بسم الله عليك يابنتي من الضغط توك صغيره...
اجتاح الصاله هدوء هديل من البكاء جاها النوم ونامت على رجل أمها ...
أم ناصر وهي تمسح على شعر هديل :يمه هديل لاتنامين بدون عشاء ..
هديل بصوتها المبحوح من صياح :مو نايمه ...
عادل وسامي كملوا للعب بصمت..جنى تصفح المجله وسماعات الموبايل بأذونها تسمع الfm ..
وفجأه:سبرايز..الكل التفت لصوة اللي جاي من الدر وشافوا سالي الي كانت متخصره بيد واليد الثانيه على السلم و وهج اللي كانت واقفه وراها ومايله بثقلها كله على السلم وتناظر ملامح الدهشه بوجيهم ...
اول ردة فعل من هديل اللي قفزت من الكنبه وراحت ركض لسالي وحضنتها وهي تبكي : اشتقتلك مره ليه رحتي عني استفردوا في عادل وسامي........
سالي:وهي تضحك على هديل:هههههههههه قومي عني يدبا ,,وانا اشتقتلك أكثر ياعمري,,وسامي وعادل انا اراويهم ...
جنى بعد مافاقت الصدمه قامت لسالي وهي تسلم عليها :سالي يالدبه اشتقتلك اسبوع كامل يالظالمه مر كنه سنه دونك ,,بعد مانتبهت للبس سالي :وخري عني يالنصراويه وع ..
سالي وهي تدزها: انتي اللي بعدي بروح اسلم على أختي الكبيره حبيبتي...
وتروح تسلم على أختها أم ناصر بعدين التفتت على سامي وعادل اللي يوم شافوها اشتغلت بالسلام ...كملوا لعبهم :قوموا سلموا على خالتكم حبيبتكم ..
سامي وهو يسلم عليها:من الي لاعب عليك وقايل انك حبيبتنا ..
سالي ضربته على راسه وراحت تسلم على عادل...
عادل: الصراح اشتقتلك سالي ولدوري البلاي ستيشن اللي توقف بسفرتك...
سالي وهي تغمزله: الدوري بيستأنف بردتي ..
..بعدين بدأ لاستجواب من أم ناصر متى وصلتي ومن جابك وش أخبار أمي وأبوي ,,,,,,,,,الخ..
وبعد نصف ساعه ..
أم ناصر: يالله أنا بقوم أسوي لكم عشاء محترم بمناسبة ردة اختي نور البيت ..
عادل وسامي وهج ....صفروا: يههههههوه ياشخصيه سالي..
جنى ماتعرف تصفر فقعدت تصفق .........
وهم يضحكون عليها..وسالي تسوي حركات تكبر ماوعت الا بالمخده اللي رمتها عليها جنى .. ونفتح لهم مجال فبدوا كل واحد يرمي الثاني باي شي يقع تحت يده وصراخ وتصفير وضحك .......مارجعو ا للواقع حتى سمعوا: ماشاء الله وشهالحرب اللي قايمه ...
حل الصمت على الصاله وكلا جمد على الحركه اللي كان يسويها وتمنوا الصوت اللي سمعوه يكون خيال..
وناصر كان مرتكي على طاولت التلفزيون ويناظر بشكالهم المصدومه وفيه ضحكه مكتومه اذا ضحك بيخرب كل شي ,,,وهو دايم يتمنى يطيح على أخوانه وهم بحاله زي كذا بس دايم لا سمعوا صوت باب شارع ينفتح وهو يلعبون ومطلعين صوت يهربون على غرفهم .. بس اليوم من شدة الأزعاج ماكانوا حاسين بالدنيا ...
انتبه ناصر على سالي :اوه الخاله هنا سوري مانتبهتلك...
سالي وهي للحين مرعوبه من كلام ناصر اللي على شكل صراخ بس تحاول ماتوضح:ايه مو فاضلي فاضي تهاوش ...
قامت سالي تسلم على ناصر..وتنفس الجميع الصعداء...وكلا عدلت جلسته حاول عادل وسامي يستغلون الموقف ويتسللون بدوين ماينتبهلم أحد ولاكن ناصر كان لهم بالمرصاد :وين وين ؟! توي ماخلصت كلامي معكم ..
ناصر وهو يناظر لسالي :افا يالخاله وانتي بعد معهم (ناصر يتعمد يقول لسالي يالخاله لأنه يدري انها تنرفز لحد قاله هالكلمه بس ناصر كلامه مافيه مناقشه وأحد يقدر يقوله قول أو لاتقول )
سالي وهي تغلي من داخل:والله ياولد أختي الواحد لازم يلعب ويستانس مافيها شي مارتكبنا محرم ...
ناصر وهو يعطيها نظرات تقهرها:انا ماقصد أنه حرام بس الواحد لازم يكون رزين وثقيل شوي .. صح وهج صح جنى..
جنى: افا أخوي وهذي فيها كلام وأنت كلامك كله حكم ..
ناصر بنص عين : طيب ليه ماتنفذينه ,,هاه وهج صح كلامي..
وهج وللحين رهبة الموقف مسيطره عليها:أي..ه اككيد صح..
ناصر:وليش تقولينها وكأنك مجبوره ...
وهج التزمت الصمت ..وهذا شي اللي يعجب ناصر فيها انها ماترادده مثل جنى وسالي .....
ناصر وهو يتلفت : وين الوالده ..مالها حس.
هديل وللحين نبرة الزعل بصوتها: امي بالمطبخ ..
ناصر :طيب ليش صوتك كذا وعاقده النونه,,تعالي اشوف..
قربت هديل منه بخوف ناصر:لا والعيون متنفخات والخشم أحمر من اللي مزعلك ..
سامي وعادل هنا انحطوا بمو قف لا يحسدون عليه ..جنى ماسكه ضحكتها تخاف تطلع الضحكه وهي اللي تروح فيها ..وسالي و وهج يتهامسون على شكل عادل وسامي اللي بدوا يتنافظون من الخوف ..
ناصر : تكلمي وش فيك ساكته ..
هديل استغلت الفرصه ناصر راضي عليها ماتحصل كثير : عادل وسامي مايخلوني العب بلاي ستيشن معهم و.......و.........الخ
ناصر بنظرة غضب لسامي وعادل:انتو متى بتكبرون عن التصرفات هذي
بعدين كم مره حذرتكم ماتزعلون هديل .,وبعدين انتوا طول اليوم على البلاي ستيشن متى تذاكرون ... والله اللي جيب نسبه اقل من التسعين منكم مافيه سفر بالأجازاه وبتجلسون كلكم بالبيت .. وبصرخه مفهوم..
الكل :مفهوم .. على اخر جمله دخلت الأم: يالله تثبت علينا نعمة العقل وهو انا كل مادخلت الصاله سمعت صراخ وهواش مره أنت مره اختك..مستلمين هاليتامى..
ناصر وهو يقوم يحب راسه أمه: هلا والله بالغاليه .. من هي أختي أكيد جنى هي اللي عليها حركات وهج هاديه ماتعصب..
سالي تساسر جنى اللي عن يمينها:امحق هدوء.. وتضحك هي وجنى.
وهج الي جالسه على يسارها قرصتها لأن عرفت إن هالضحك عليها ..
ناصر:ايه على فكره يمه معزمين بكره تحضرون العزيمه..
أم ناصر:ايه ياوليدي ولو تجي معنا يكون احسن..
ناصر:يمه تدري اني مشغول ...
سالي اللي ستغلت الموقف : ايه صح يام ناصر حتى أنا وهج مانقدر نحضر تعرفين لي أسبوع ماداومت بالجامعه وابغى وهج تشرحلن اللي فاتني..
أم ناصر:عندكم خميس وجمعه تشرحلك ..
سالي :اللي فاتني كثير مايكفني يومين بس ولأختبارات على الابواب ... وانا مافيه شي يجبرني أحضر هالعزيمه لاهو أهلي ولا يمتولي بصله ..وأنا مو معقوله بجلس بالبيت الحالي لازم تجلس معي وهج ولا وشرايك ياناصر ..
ناصر اللي يعرف خالته زين وأنها بتسوي اللي تبي :والله أنتي على راحتك ..وبنسبه للوهج أنا ماعندي مانع الا اذا الوالده مصره على روحة وهج..
أم ناصر اللي ماتقدر على عناد سالي وهي تدري إن بنتها من البدايه ماودها بروحه:اللي تشوفونه سوه..
جنى بأعتراض : وأنا اروح لحالي لا مستحيل ..
ناصر اللي ماوده خواته يروحون يخاف يسمعون شي : والله افضلك تجلسين معهم..
هديل: وانا ..
ناصر وهو يضحك:لانتي ياحلوه روحي مع ماما.. التفت على سامي وعادل :وانتم اول من بيروح وخلوكم رياجيل ..
عادل وسامي مو ناقصين ناصر يرجع يعصب عليهم فانصاعو لأوامره:انشاء الله..
أم ناصر:وأنت منت رايح .
ناصر:لا ..يمه الله يخليك لاتحاولين تقنعيني..
أم ناصر وملامح الحزن على وجهها:الله يهديك ...
ناصر :يمه انا ماودي أزعلك بس اللي تطلبينه مني صعب... وهو يالتفت لأخوانه :يالله الصلاه..
وطلعوا للمسجد يصلون..

الأم قامت للمطبخ ،،وهديل جلست تلعب بلاي ستيشن ...وهج وسالي يرتبون الصاله ..
سالي وهي ترمي جنى بالمخده:قومي ساعدينا ..
جنى تصنع الزعل:انتي اخر من يتكلم يالخاينه اللحين تعذرين لوهج وأنا بطقاق ,رحت اوجلست ياويلكم من ربكم ..تبغوني اروح للمنزل الأشباح..
سالي وهج:ههههههههههههههههههههههههههههه..
سالي وهي تجلس جنب جنى وتقرص خدودها:ياعمري أنتي ماينخاف عليك ..واللي وقف معك مو أي احد ناصر بجلالة قدره ..
وهج:ايه صح ناصر دايم يوقف بصفك ..وتغمزلها:ياخطيره أنتي أكيد مسويتله عمل...
جنى:لاتحاولون ماراح ارضى ..وتكتف بزعل ..وهج وسالي بصوت واحد:ياشيخه انقلعي عمرك مارضيتي..
جنى:ههههههههههههه لهادرجه طفرت فيكم..

رد: الزمن طبعه كذا للعاشقه ديرتها

*يوم الأربعاء*
اليوم المنتظر قبل ماتكلم عن أحداث اليوم بقولكم نبذه عن عمانهم..
(أبراهيم ابو ياسر الأخ الأكبر لابو ناصر ماراح اتكلم عن شخصيته وبخليكم تكتشفونها من أحداث القصه متزوج فاطمه بنت عمه وعنده بنتين وثلاث عيال اللي هم نجاح 33سنه متزوجه من واحد من أهل امها وعندها ولد وبنت وتشتغل معلمه ...
ياسر29 سنه ماسك شركات العائله مع أبوه شخصيته قويه صفاته متملك اذا بغى شي لازم يأخذه بأي طريقه أناني يأخذ ومايعطي يكره الضعف الأستسلام عنيد ومايحب أحد يوقف بوجهه أو يقوله لا يوطى عليه من غير رحمه عصبي ومزاجي يجي بعد أبوه بتحكم بمصير العائله وأبوه تاركله الحبل على الغارب يعني مشي الكل على كيفه،،،بعدين يجي بندر 25 سنه هادي مسالم ماله بالمشاكل متخرج من كلية الأمير نايف لأمنيه ويشتغل .. ريان 22سنه يدرس بجامعة الملك سعود..بعدين اخر العنقود بسمه 20 سنه بنت شفافه ساذجه أكبر همها اللبس والموضه..
وكانت أخذه فاتن بنت عمتها قدوتها...
شيخه أم نايف الأخت الكبرى لأبوناصر مطلقه شريره حقود متسلطه
أنسانه لاتطاق هي ومرة أخوها فاطمه طالعين على بعض بالعربي (وافق شن طبقه)******** من عذر زوجها يوم طلقها هههههههههههههه ..
عندها نايف 26سنه مدلعته امه مو ولدها الوحيد ,,للحين يدرس بالجامعه المستوى الثاني فاشل [بس زين منه أنه مفكر يأخذ شهاده]
مغرور وعلى باله دنيا ماده بس وأنه بالماده يقدر يملك كل شي ..أمه تبغاه يطلع على ياسر ولد أخوها اللي تعزه مره ,,بس ذا مستحيل ..
فاتن 23 سنه بالجامعه المستوى الثالث..شخصيتها بأختصار طالعه على أمها ,,وبتعارفونها زين لتعمقنا بالقصه ,,,
ابتهال 20 سنه خبله (ههههههههههه) حبوبه رجه مع كل هذا اعقل وحده بالعائله.. مكملة دراسه لأن نسبتها مادخلتها الجامعه وهي تبيها من الله أمها كانت بتدورلها واسطه بس هي رفضت..
سعاد الأخت الصغرى لأبو ناصر انسانه طيبه وتحب الناس وماتجوز لها تصرفات فاطمه وشيخه...
عندها وليد 18سنه ثانويه عامه حياته كلها مقتصره على النت ..وبعدين يجي التوام (راميه ورامي ثلاث سنوات ) بعد وليد طولت ماجابت عيال ومع العلاج الطويل جو التوام ,,, هذي نبذه عن العائله حاولت ابين لكم قد مأقدر شخصياتهم وتمنى تكون تكونت عندكم فكره لو بسيطه عن محيط العائله)...


بعد صلاة المغرب وفي منزل أو بلأحرى قصر من أفخم القصور بمدينة الرياض ..كانت رائحة البخور تعج بالمنزل ..نزلت مع الدرج وهي ترتدي جلابيه فخمه وعقد الماس يلمع على عنقها ..
فاطمه:ياسمينه ياسمينوه وصمخ وين البخور ..
دخلت ياسمينه ولاكنها توقفت يوم طاحت عينها على فاطمه وكانت فاتحه فمها على الأخر ،،فاطمه كانت كاشخه على الأخر مسويه عملية شد اللي يشوفها مايعطيها أكثر من 30....
فاطمه : ياسمين وعمى وشفيك واقفه وفاتحه فمك جيبي المبخره,,
وروحي قولي لبسمه تخلص بسرعه وتنزل قبل مايجون المعازيم أنا عارفه لجلست قدام المريه ماتخلص... وبصرخه:بسرعه..
وفي قصر لايقل عن الأول كانت شيخه واقفه قدام المرايه تحط اللمسات الأخيره على الميك اب يوم انفتح الباب ودخل عليها نايف اللي كان لابس جينز وتي شيرت اسود...
ويوم شاف كشخة أمه صفر وقال:أحلى يأم نايف الصراحه
طالعه ولا زينب العسكري..
أم نايف:زينب العسكري مين أنا احلى من نانسي...
نايف:ههههههههههههههههههههه قويه الصراحه أنت وين ونانسي وين طنشته وكملت مكياجها :على وين أنشاءالله ليه مو رايح لبيت خالك .
نايف :يمه خالي اللحين تلقينه عازم كل هالشيبان التجار وانا ماحب جلساتهم كلها شركات وأسهم...
أم نايف:احد قال اجلس مع الكبار أجلس مع عيال خالك..
نايف:عيال خالي مين اجلس معهم ياسر اللي مايشوف الناس عنده شي
ولابندر اللي كله ساكت واذا سولف جابلك النوم .... هو بس ريان الفله ومسافر مع ربعه للشرقيه ...
أم نايف :ياليتك بس تطلع على ياسر أوبندر على الاقل عاقل مو ريانوه اللي لي شهرين ماشفته ...
نايف: يالله مامي باي .
أم نايف:شوفو الولد طلع وأنا ماكملت كلامي ..وكملت شغلها...

في بيت أبو ناصر وبعد ماطلعوا أم ناصر والعيال لمنزل عمهم ....

وهج كانت متمدده على السرير وسالي جالسه على كرس ي التسريحه وتعمل ميك اب...
وهج:سالي تبغين أشرحلك اللحين ..
سالي :ايش ياحلوه أنتي تشرحيلي أنا ههههههههههههههههه.
وهج:مو أنتي قلتي كذا لأمي..
سالي:ياسذاجتك ياشيخه...وأنتي صدقتي هذي كانت حجه ...بعدين أشرح لمليون وحده مثلك يمامه أنا عقليه قصيميه ولا نسيتي مافيه شي يصعب علي..
وهج:ول أكلتيني ,, وبعدين كيف أنسى وكل شي فيك ماركه قصيميه من الكلام وشكل ولا الجسم يالدبا (معلومه سالي ملكة جمال,,جمالها خارق كل شي فيها كامل والكمال لله,,بس الشي اللي مخرب عليها شعرها القصير ...بس مع ذالك طالعه روعه بالشكل هذا,سالي مو دبا زي ماقالت وهج بالعكس جسمها روعه ومتناسق ويناسب طولها لأنها قصيرونه شوي.. )...
سالي:قولي ماشاءالله لاتصكيني عين ...
وبعد صمت دقائق..
وهج:سالي قومي نطب على جنى بغرفتها...
سالي وهي تنازل فرشة الشدو من يدها:ايوه صح جنوه الدبا مسويه فيها دافوره تذاكر ...
وهج:يالله سالي بنروح نلعوزها شوي ونحتل الغرفه ...
سالي :يالله بس شوي ..
وهج :اوف
سالي:لاتتأفين حرام
وهج:ليش أنتي أمي وأنا مادري..
سالي وهي تقوم عن كرسي التسريحه وتجلس على السرير قدام وهج:وش رايك...
وهج:يؤ يؤ وجهك يذكرني برسمي بلأبتدائي لاقالت الأبله ارسموا مناظر طبيعيه ههههههههههههههههههههههههههههههههه.
سالي وهي تناظر لوهج بنظرات خبيثه دايم تخوف وهج فيها: وش قلتي ماسمعتك..
وهج تسرب الخوف لنفسها بس تصنع القوه:لا حبيبتي سمعتي زين..
سالي بنفس النظرات وهي تمسك المخده وتقرب من وهج:متأكده..
وهج تراجع بخوف وتهز راسها بلأيجاب ...
مسكة سالي المخده وكتمت فيها نفس وهج بعد مارمتها على السرير ..
وهج تصرخ بصوت مكتوم :سالي..
سالي بعد ماوخرت المخده عنها وبطريقة تهديد:للحين متمسكه بكلامك ..
وهج وهي تتلاقط انفاسها:لا توبه ..انتي اصلامجرمه مدري كيف أمي استأمنتك علي..
سالي وهي تعدل جلستها:أنا مجرمه ,وبأسلوب تهديد ,شكلك ماتبتي للحين..

وبسيارة ناصر ...
كان أخطبوط العود عبادي الجوهر يشدو ب
قالوا ترى مالك أمل ..في قربها ولو يوم
ابعد وجنب دربها.. هذا هو المقسوم ..
قلت اتركوني واسكتوا.. خلوا العتب واللوم ..
قدني غرقت في بحرها.. ولا عاد يفيد العوم .
قالوا ترى في حبها ..ويل واسى وهموم
قلت انقتل في حبها ..حسبي تقول مرحوم ..
ناصروهو يقصر على الصوت:والله لك وحشه يومين مأشوفك الدوام مملل دونك..
سلطان :والله أنا مرتاح يوم ماتصبح بخشتك..
ناصر:افا وأنا اللي كنت بعزمك على العشاء بأفضل مطعم بالرياض..
سلطان وهو يتصنع الندم:لاتكفى أنا الغلطان حقك علي بس كله ولا العشاء...ويرجع جدي:ترا أمي تنتظرني على العشاء وأنت اللي مطلعني من بيتنا هالوقت يعني مجبور تعشيني...
ناصر:خلاص ولايهمك هنا فيه بوفيه تبيع طعميه يحبها قلبك .
.سلطان :افا اللحين ناصر محمد ال..........(اسم القبيله مو ضروري تعرفونه هههههههههه)
ناصر:تعرف نقطة ضعفي لحضه بمر على البيت بتطمن على الأهل بعدين
ماراح يصير إلى اللي يرضيك...



وفي مجلس يعج بأكبر التجار وهوامير السوق .....مجلس أبو ياسر ,كان الشواب محور حديثهم الأسهم والصفقات وكان هناك بينهم شاب بعقليه تجاريه فذه يحسد الجميع ابوياسر عليه .....وكانوا الشباب جالسين
على الطرف من المجلس....
وليد: بندر طالع ياسر وللللللل عليه حتى الشواب مقدروا عليه مو هين ..
بندر:قول ماشاءالله لاتحسد أخوي..
وليد: أخوك هذا حتى العين ماتقدر عليه ..ايه صح فيه سؤال محيرني ياسر يمرض مثلنا...
جته ضربه قويه على كتفه من بندر:هي أنت ..اتفلها.. اتفلها ..
وليد وهو يمسك ضهره:وين اتفل أنت وجهك قدام الناس...
بندر:هههههههههههههه وأنت صدقت ...
وليد اللي انقلب وجهه فجأه وكأنه شايف ملك الموت:بندر طالع وراك..
بندر كان جالس ومعطي الباب ضهره وملتفه كله على وليد اللي يسولف معه...
بندر:وش أشوف ...
بندر وهو يلتف :من ياسر وش فيه بع.....لأنه انصدم بالي شافه ريان اللي كان مسافر توه راجع وداخل على الرياجيل بثوب وكاب وشعره يلامس كتوفه...
بندر:الله يفظحك ريانوه وليد شوف المهبول والله الليله ماراح تمر علىخير ..يارب أبوي يمسك أعصابه ومايتكلم قدام الرياجيل ...حتى يوم دخل ماسلم الله يفشله فضحنا ..
وليد:وأنت وش دراك يمكن سلم وأنت ماسمعته ...
ريان:لو سلم كان أنتبهتله مو أنت تنبهني...
عند أبو ياسر المؤشر واصل اتش وهو يكلم ياسر اللي كان على يمنه:طلع أخوك من المجلس قبل مأطلعه بطريقتي فشلني وطى راسي قدام الرياجيل
أبو الوليد اللي كان على يساره :هدا اعصابك يأبو ياسر ترا ماصار شي ...ريان توه راجع من السفر وما مداه يبدل ,,
ياسر اللي يغلي من القهر:لو ماجا يكون أفضل وجوده وعدمه واحد..
أبو الوليد :الله يهديك يياسر بدال ماتهدي أبوك تزيده ...
قطع حديثهم :السلام عليكم ..كانت بصوت رجولي قوي ينبه الحاضرين كلهم لدخلته ...
رفع أبو ياسر راسه للباب متوقع وجود أحد الرجال الأعمال الكبار الي وجودهم يهز المجلس..وتفاجأبوجود شاب طويل يقف بجانبه شاب اخر يأخذان الكثير من ملامح أخيه المرحوم ...بدأبمصافحة الموجودين وحين جاء دور أبو ياسر قبل راسه
عادل:هلا ..كيف حالك عمي ..
أبو ياسر :هلافيك ياولدي سامي أو عادل..
عادل:أنا عادل وهذا سامي..
سلم سامي على عمه بحفاوه لاتقل عن أخيه ...
أبو ياسر:وش أخبار كم ياعيال ..وش أخبار ناصر وليه ماجاء معكم؟!
عادل:ناصر يسلم عليك ويعتذر لأنه مرتبط بشغله ...
أبو ياسر : الله يسلمه...ودامه اللي مانعه عنا شغل معذور..





وليد:ول شفت اللي انا شفته من هذيل والله ماهم سهلين ويحبون راس أبوك ....تعرفهم؟!
بندر :والله أول مره أشوفهم...بس معك حق شف كيف يتكلم مع أبوي ..
وليد:أقول بندر أنا مافيني صبر بروح أجلس جنب ياسر بسئله منهم ذولا..
بيدر:ايه روح لياسر عشان يحط حرة ريان فيك..
وليد:لاخلاص هونت ...



ابو سالم أخو أبو نايف طليق شيخه أخت أبو ياسر:أقول ابو نايف من الشباب اللي دخلوا توا ..
أبو نايف :الصراحه ماعرفهم بس مشبه عليهم شكلهم عيال محمد أخو أبو ياسر...
أبو سالم:والله انهم رياجيل مع أني معطي الكبير منهم أكثر من 18...
أبو نايف:ايو والله اللي يخليهم لأهلهم ,,,







وعند الحريم ...
فاطمه بمجامله:حيا الله من جانا حيا الله أم ناصر ,,تو مانور البيت بجيتكم..
أم ناصر:الله يحيك,,البيت منور بأهله...
شيخه اللي كانت منغاضه من فاطمه اللي واضح أنها تنافق بس مع ذالك ماودهاكل هالترحيب بأم ناصر وبدت بالهجوم:اقول يأم ناصر البنات وينهم ليه ماجوا
ماشفناهم من 6سنوات القطيعه ماهي زينه....
أم ناصر:والله يأم نايف حتى حنا مانبيها ,, وبناتي عندهم أختبارات ولايجون,, وحنا نبي نصفي النفوس ماله داعي هالكلام ...
شيخه وللحين ماتابت :وأنشاءالله ناصر وأخوانه جوا..
أم ناصر:والله ناصر مرتبط بشغله وماقدر يحضر أما عادل وسامي حضروا...
شيخه بطبيعته الحقوده واللي ماترضى بلأستسلام:مشغول ولاماوده يجي...
سعاداللي تكلم لأول مره : يأم نايف ماله داعي هالكلام ,,
فاطمه اللي كان أهم شي عندها برستيجها ماشتركت بالحورا عشان ماتنبه الناس لحرب القايمه ...





وعند البنات....
فاتن ماكله الجو كله ب لوك الجديد ,, لبسها كان غريب وجريء بس روعه ...شعرها اللي كان أشقر ..مغيره صبغته أسود بخصل غجريه بس مازال طويل فاتن الشيء الوحيد الطبيعي فيها طول شعرها اللي كان ألى اخر ضهرها...والميك اب شي ثاني مغيرها 180 درجه...
بسمه ماكانت أقل منها كانت روعه بحكم أهتمامها بالموضه بس لبسها ماكان جريء مثل فاتن ومكياجها كان مبالغ فيه بشكل كبير.... أبتهال بطبعها اللي مايحب المظاهر لبسها كان بسيط مع ذالك كانت حلوه ومكياجها ناعم...
طبعا محور حديثهم الموضه والجامعه..
فاتن:ياءالله يابسمه فاتك اليوم بالجامعه شفت واحده مو تتني ضحك فاهمه الموضه غلط..
بسمه:ايوه ياكثرهم لدرجة أني اذا شفتهم اتفشل أحسن أنا اللي مسويه هالشي...
فاتن:هههههههههه ياحليلك ذكرتيني بوحده من البنات ..
بسمه:ايه وش أخبار ليلى للحين معك بشله ,,,
فاتن:لا قطيعه طلعت من الشله ,,وحده على قد حالها وتحط راسها براسي ...
بسمه: على فكره تعرفين ريم ال.......
فاتن:ايه أعرفها وش فيها...
بسمه:وحده من البنات تقول شافت صورة ريم مع أخوها...
فاتن: وماسألت أخوها من وين جاب الصوره..
بسمه :ومن وين جابها اكيد يكلمها ومعطيته صورتها..
أبتهال اللي كانت تلعب رامي وراميه: يالناس هذي أعراض حرام عليكم لاتكلمون بشي وانتم مو متأكدين منه...
فاتن :واللي يسلمك أنتي خليك بالبزران العبي معهم لاتكلمين باشياء أكبر منك والموضوع واضح مايحتاج نتأكد منه....
سكتت أبتهال متعوده على أختها اللي ترمي عليها الكلام الجارح سواء كان لحالهم أو في مجلس مع الناس...

رد: الزمن طبعه كذا للعاشقه ديرتها

وفهالوقت دخلت عليهم نجاح:السلام عليكم ...
قامو البنات وسلموا عليها...
نجاح:بسمه سمعت أن أبوي عازم أهل عمي محمد ماجوا..
بسمه: ليه أنتي مامريتي على الحريم..
نجاح:لا توني جايه وعلى طول دخلت عندكم ,,
فاتن:طيب عيالك وين ...
نجاح :ليه تبيني أدخلهم هنا خليتهم بالحديقه يلعبون وحذرتهم مايدخلون مو ناقصه فضايح ...
نجاح: ماقلتولي أهل عمي ماجوا..
أبتهال:لابس مرة عمي وبنتها الصغيره ...
فاتن:ليه أنتي تبغينهم يجون قطيعه ماحيهم..
نجاح:ليه وش شفتي منهم ..لك 5 سنين ماشفتيهم..
فاتن بنرفزه وهي تعدل جلستها:ومابي أشوفهم..
نجاح:وليه ياحافظ تخافين أحد منهم يغطي عليك..
فاتن :انا احد يغطي علي ماجابته أمه اللي يغطي علي..
نجاح وهي تقوم:يالله أنا بروح للحريم قبل مايطيح السقف علينا من غرور بعض ناس ...
فتحوا الباب بقوه:وبو...
بس ياخساره الغرفه كانت فاضيه >>>هههههههههههههههههه.
سالي:وينها..؟
وهج:يمه جنيه ماتستقر بمكان..
سالي بتخوفها :ياخبله أختك مختفيه ليكون حرامي خطفها!!
وهج بغباء:يمكن..
سالي انتبهت لباب الدولاب يطلع صوت,,وجت بتفتحه...
جنى:بو......
سالي و وهج:يممممممممممممممممممممممه
جنى:هههههههههههههههههههههههههههههههههههههههه.
سالي:سخيفه.
جنى:بالعكس حلوه تغديت فيكم قبلو ماتعشون فيني
.هههههههههههههههههههههههه. أي بطني مأقدر امسك نفسي أشكالكم تضحك ههههههههههههههههههههههههه.
وهج:مالت عليك وحنا جين نسليك نقول أكيد كبدك لاعت من المذاكره..
جنى:مشكورين ماتقصرون يكفي ضحكتوني وجربت عليكم وحده من مواهبي...
سالي اللي فتحت باب البلكونه وطلعت فيها :واو الجو روعه ...وبسخريه :ونسيم عليل .
وهج:هههههههههههههههه حلوه شاطره بتعبير.
جنى:وش رايكم ببسي مجمد وبرينجز...
وهج:وش تنتظرين روحي جيبيه...
جنى :تبغون شي ثاني من تحت ..
سالي: ايوه جيبي لبن...
وهج وجنى يناظرون بعض بعدين:اييييييييييييش؟؟؟
سالي:هههههههههههههههههههههههههههههههههههههه شوفو أشكالكم كيف صارت امزح هههههههههههههههههههههه.
جنى وهي تطلع وتصك الباب :على بالي بعد...
وهج شغلت الاستريو وتمددت على سرير جنى...طلعت أغنية شعبولا
لشعبان عبدالرحيم ومشعل الليل من فرقة ميامي...
سالي :علي على الصوت أحب الأغنيه هذي ..

جنى نزلت تحت ومالقت برينجز ورسلت السواق يجيب ...
ملت من الأنتظار قالت بستغل الفرصه وسوي شي جديد....
طفت أنوار الصاله وجلست بالظلام وتقلد اصوات صوت ريح صوت ذيب ..وفجئه تغني لمحمد عبده ومن هالحركات لين دخل عليها ناصر وشغل الأنوار جنى تخبت ورى الكنبه ..
ناصر:جنى أطلعي أنا أدري محد يسوي هالحركات غيرك..
جنى طلعت من ورى الكنبه وقفت بعيد عن ناصر وهي مشبكه ايديها وحاطتها ورى ضهرها وعيونها بالأرض...
ناصر:تعالي قربي ليش واقفه بعيد...
جنى تقدمت شوي بعدين وقفت,,ناصر قرب منها ومسك مع أذنها..
ناصر:أنا كم مره حذرتك من حركات الخبال هذي ...بعدين بدال منتي جالسه تطلعين مواهبك بظلام امسكي كتاب ذاكريه افيدلك..
فك أذنها بعد ماسمع جرس الباب ...
جنى وهي تفرك أذنها اللي صايره حمراء من مسكت ناصر:هذا السواق أرسلته يجيب اغراض من البقاله..

بعد مده قصيره وبشكل مفاجيء للوهج تكلمت سالي :وهج تعالي شوفي..
وهج اللي نقزت من الخوف:حرام عليك خرعتيني....
سالي :تعالي شوفي بسرعه.
وهج اللي قصرت صوت الأستريو ونقزت عن السريربخفه وقفت جنب سالي:وش أشوف الحديقه كله ظلام..
سالي :ماتكلم عن الحديقه اقصد شوفي القطوه على السور..
وهج:وين ماشوفها...
سالي وهي تأشر على السور اللي قبالهم :دققي بنظر وتشوفين..
وهج:ايوه شفتها...وناظرت للسالي بخبث:تبغين تسلين.
سالي:ايوه.. كيف؟.وش دخل القطوه بالتسلي..
وهج اللي تجهت لدولاب جنى وبدت تدور فيه عن شي:لحضه وتعرفين..
وبدت ماعفست دولاب جنى: ايوه لقيته..
وتجهت للأنوار وقفلتها ...
سالي:ليش قفلتي لأنوار تعرفيني أخاف من الظلام...
وهج اللي سلطت ضواء اليزر على القطوه:وش رايك..
سالي:واو روعه والله أنك داهيه ..بس حرام تطيح من السوار..
وهج:ههههههههه ليش خايفه عليها..
سالي هي تدزها على الدربزين البلكونه:اقول انقلعي لرميك وأقول انتحرت..
وهج:يمه منك مجرمه هذي ثاني مره تهدديني بغياب أهلي لوكانت جنى موجوده ماقلتيلي هالكلام...
سالي اللي تراجعت ودخلت للغرفه وجلست على السرير وعلت على ألأستريو :ومن قال اني أخاف من أختك..هذي أشاعه ...
وهج ضحكت بسخريه وكملت لعبها بالقطوه اللي طاحت من السور بالشارع بس وهج ماخلتها بحالها كملت لعب فيها...تشغل الليزر واذا قربت القطوه من الضواء حركته والقطوه تركض وراه..
سالي :أقول وهج مو كنها جنى تأخرت ..
وهج:هذي عادتها يومها سنه..
سالي:بروح أشوفها,,وطلعت..

ناصر يوم طلع يجيب الأغرض من السواق ماشاف سيارته اللي كان موقفها برا وفيها سلطان ,,عرف أنه تأخر عليه وهذي وحده من حركات سلطان قال بدخل الأغرض واتصل فيه أشوف وين راح,,,

وهج شافت ولد بعمر أخوها سامي يمشي بالشارع وقعدت تلعب عليه .. وتسلط الضواء عليه ولولد منهبل مايدري الضواء جاي منين خاصه إن مافيه نور غير نور السيارات اللي جايه من بعيد وضعيف...
الولد خاف وهرب ..
وهج جلست تسوي حركات بالليزر وملت لين شافت سياره وقفت عن باب بيتهم الخلفي وطفت أنوارهم بس اللي داخله مانزل قالت
هذا أكيد ناصر ويكلم أحد بالموبايل وجلست تسلط ضواء الليزر على السياره وعلى دريشة السواق ...
لين نزل اللي داخل السياره اللي تفاجأ بهالهجوم عليه
وهج يوم شافته نزل سلطت الضوء على وجهه الرجال حط يده على وجهه وهي فكر من وين جاي الضواء هذا لين جت سياره من بعيد
ونورها كله جاء على الرجال اللي تحت وهج اللي بالبلكونه اتضحتلها الرؤيا اللي تحت ماكان أخوها ناصر الشيء هذا سببلها صدمه فوقفت بمكانها وماتحركت .... الرجال اللي تحت اللي هو سلطان صديق ناصر انصدم ماتوقع إن اللي يلعب عليه وملعوزه من هالصبح بنت ...وهج كانت واقفه بمكانها وحاطه أيدها على عيونها وشعرها تلعب فيه الهواء كان منظرها اثيري وسحر سلطان ...يوم أستوعبت إن اللي تحت مو أخوها دخلت للغرفه بسرعه وهي مصدومه..
سلطان ركب السياره وهو يكلم نفسه:ياربي اللي شفته تو حقيقه أوخيال ..هذي من وين طلعتلي فالبدايه لعوزتني بليزرها بعدين أخذت عقلي ودخلت...هذا وأنا شايفها من بعيد أجل لو من قريب وش بيصير ..معقوله ناصر عنده خوات بهالجمال ..ايه على طاري ناصر بدق عليه اللعبه اللي سويتها فيه أخذت جزاتها من أخته .
ههههههههههههههههههههههه.

سالي اللي نزلت من فوق لقت جنى جالسه بالمطبخ,,
سالي:وينك تأخرتي ..
جنى:مافيه برينجز ورسلت السواق يجيب واللحين ناصر طلع يجيب الأغراض منه..
سالي:ناصر جاء..
جنى:ايه جاء وطاح علي وأنا اغني وقلد اصوات...
سالي:ههههههههههههههههههه .حلوه ودي أشوف وجهك كيف تقلب يوم انجكيتي.
وبهالحضه دخل ناصر ....
ناصروهو ينزل الأغراض :كلكم هنا أجل وين وهج...
سالي:وهج فوق ... انا نزلت أدور جنى يوم تأخرت علينا..
ناصر:ايه جنى مهي فاضيتلكم صايره تقلد محمد عبده ..جنى بهاللحضه صار وجهها الوان..
سالي:ههههههههههههه.أحلى ياخطيره محمد عبده مره وحده.
ناصر بيتكلم بس قاطعه الجوال ناظر بالأسم ...
ناصر:يالله مع سلامه وطلع وهو يرد على تلفونه:وينك يالحرامي..
سلطان:ههههههههههههه .اطلع مع الباب الخلفي...

وهج كانت ميته من الخوف وترتجف وخاصه بعد ماشفت ناصر يوم طلع مع الباب الخلفي وركب معه السياره قالت أكيد هذا صديق ناصر
وهج وهي تكلم نفسها:معقوله يقوله على اللي سويته يويلي
والله ناصر يذبحني..و هو وش بيقول عني يحسبني مستقصده ألعب عليه ..ياربي والله ماكنت أدري أحسبه ناصر ..

ناصر وهو يركب بالمقعد اللي جنب السواق :حرام عليك ماتأخر ..
سلطان وهو يحرك السياره: أنا قلت معك 10دقايق لو تأخرت ثانيه زياده بحرك...بس لاتخاف فيه ناس ماتهون عليهم اخذوا حقك مني..
ناصر يناظر فيه بأستغراب مفهم شي بس متعود على هالحركات من سلطان فطنش ما سئله..

وفي مجلس أبوياسر...

عبدالله(ابو وائل زوج نجاح) :ياسر وش فيك متكدر ومالك خلق موليه..
ياسر:لامتكدر ولاشي ..
عبدالله:لايشيخ وأنا من الصبح أسولف عليك وبس تهزلي راسك..
ياسر:اه ..وش أقولك ياعبدالله ..
عبدالله:سلامتك من الاه ..لا أنت حالتك كايده ...قول وش فيك ..
ياسر :تبغى الصراحه انا مو راضي بالي يسويه أبوي بأنه يرجع علاقته مع عايلة عمي...
عبدالله وهو يناظره بأستغراب:ليه أبوك مفروض يسوي هالشي من زمان...
ياسر:طول عمرك ماراح تفهمني.. انا مابغى علاقة أبوي تحسن بيت عمي مابغى الزمن يعيد نفسه...
عبدالله :مافهمت..
ياسر وهو يزفر بقهر:ولاراح تفهم..لأن النار ماتحرق الارجل واطيها..
قطع كلامهم بندر اللي يرحب بضيوف يتفضلون على العشاء...
ياسر وهو يوقف:يالله تفضل أبو وائل ...
عبدالله :وأنت مو جاي...
ياسر:لابطلع أدخن...
عبدالله:ياخي متى بتترك هالسم ترى بيقضي عليك ...وطلع

دخلن سالي وجنى اللي كانت بحالة ارتباك شديده واضح عليها أنها غير طبيعيه ,,,
جنى:وش فيك و وهج وش فيك كأنك طفله بأولى ابتدئي وماحلت الواجب ..
سالي :هههههههههههههههههههههه حلو التشبيه ..
جنى بأستغراب : عن جد وش فيك و وهج؟!
وهج اللي تحاول ترجع للطبيعتها:عن جد ولا عن عم ..هههههههههههههههه,,
حتى ضحكتها بينت انها مرتبكه ,,,

سالي عشان تغير الموضوع تحسب و وهج ماتبغى تكلم عند جنى وأكيد بعدين بتعلمها:أقول وهج لا تكونين قتلتي القطوه ... وتقولين عني أنا مجرمه يالسفاحه..
جنى :أي قطوه واي مجرمه خليتوني زي الأطرش بالزفه ,..
سالي :حلو تشبيه يناسبك هههههههههههههههههههههه.
وهج:جيبو ا الببسي والبرينجز بنأكل ولا جايبينه منظر مثل المسلسلات يجلسون على طاولة الطعام ومحد يأكل..
سالي وهي تفتح الببسي:ولا سلة الفواكه الواحد يجي ويأخذ تفاحه يسولف مع امه ويلعب بالتفاحه ويرجعها لمكانها ههههههههههه.
وهج: بارد الببسي ماقدر امسك القوطي ..
جنى وهي ترمي عليها علبة الكلينكس: امسكيه بمنديل....
سالي :جنى وش كل هالتعصب للهلال جايبه برينجز بالكاتشب..
جنى:كيفي حره مو أنا اللي جايبته ...
سالي:أقول طسي أنت وهلالك مايجي ربع العالمي...
جنى:عيدي ماسمعت عالمي ايش ياحسره ,,هههههههههههههه..
وهج:بس خلاص مافيه أنديه اللحين كلنا نشجع الأخضر ...وكما قال الشاعر بلأذاعه :سيفين ونخله وعلم اخضرنا فخر الأمم..
سالي و جنى:ههههههههههههههههههههههههههههه.
جنى:وبعد حافظه الدعايه منتي هينه ..
سالي:الله يوفق الأخضر بمشواره...
وهج وجنى وكلنا نقول :اميييييييييييييييين....

ياسر طلع ورى البيت عشان يدخن شاف الأطفال يلعبون بالحديقه ...
وائل و وسن عيال نجاح ..يوم شافو خالهم راحو يركضون له وهو يضحك عليهم ...
وائل(9):كيفك خالوه .. وليه ماتجينا اشتقنالك...
ياسر :هههههههههههه خلاص ولايهمك اجيكم اشوف ماشاءالله كبرت..
وائل: ايه أنا صرت قوي شوف ويستعرض عضلاته ..
ياسر :ايوه احلى يابطل..ويوجه كلامه للوسن اللي واقف بعيد:وأنتي ياحلوه تعالي سلمي على خالوه..
جت وسن وهي مستحيه وسلمت...
وائل:خالوه تعال
..ياسر :وين أجي..
وائل :خالوه تكفى تعال معي,,ويشده للمراجيح اللي كانت تلعب فيها هديل.. ويوقف قدامها..
وائل:يالله أنزلي بلعب ولاخالوه بيطقك..
هديل وهي تناظر بياسر اللي كان عملاق عندها من فوق ال تحت:يمه ترا تخرعت من خالك..
ياسر انصدم بحركتها: أقول انتي وش الحركات ذي بعد عيب تكلمين مع الناس اللي أكبر منك كذا...
هديل :من قال انه عيب..
ياسر:أنا قلت انه عيب,,
هديل:ومن أنت؟!
ياسر :أنا ياسر..
هديل وهي تأشر بيدها:ويييييييه أحد سألك عن أسمك ......
ياسر:هههههههههههههههههههههههههههههههه ..
والله أنك منتي هينه...
ياسر وبيخوفها:طيب أنتي وش تسوين بيتنا لتكونين حراميه ...
هديل:ويييييييه الله والبيت عاد البيت الأبيض على غفله.. جيت مع ماما وندمت اني جيت ...
ياسر:لاياشيخه وتعرفين تندمين بعد...
هديل: أنت ممل دايم كذا ...
ياسر:وشو ايا البزر أنا ممل ..ترا بخطفك واقتلك وحطك بكيس زباله..وارميك..
هديل :ماتقدر تسويني فيني شي أنت تخاف من ناصر لأن كل الحراميه يخافون منه..
ياسر وهو يكلم نفسه معقوله هذي أخت ياسر يعني بنت عمي ..أنا ماني متعود اخذ وعطي مع الصغار بس هذي شدتني بطولة لسانها العاده الصغار لاشافوني يخافون وهذي على طول هاجمتني ماراحت بعيد طالعه على عمتي شيخه ,,,,

بعد العشاء كان عادل وسامي واقفين عند المغاسل عادل يعدل غترته ويضبط تشخيصته (عادل كان رغم صغر سنه إلى أنه وسيم مره كان أبيض مشرب بحمره كان له شارب خفيف وبذقنه شعر خفيف مرتب فكان روعه بس اللي كان يعيبه رغم طوله أنه نحيل مره وكان ثوبه مخصر عليه ,,سامي بملامحه يأخذ كثير من عادل ألا انه اقصر منه ومليان شوي )
سامي الي كان فيه نوم :لاتخاف تجنن تهبل وقريب بيخطبونك...
بس اتصل على أمي قولها بنطلع فيني نوم,,,
عادل اللي لتف على سامي بغضب :طيب بتشوف اخر من بيطلع من المجلس أنا ..وراح وتركه ...
سامي:عادل عادل ..بس محد رد عليه ...
من العصبيه فك غترته ورجع يشخص من جديد...

دخل للمجلس مالقى مكان غير اللي بجنب وليد وجلس بجنبه
كان يرسل نظرات تهديد لأخوه اللي كان يرد عليه بأبتسامه تقهره ...
التفت على اللي بجنبه(اللي هو وليد) وشافه يبتسمله وردله ابتسامة مجامله ...

وليد بصوات واطي للبندر اللي عل يمينه :يعني بتفهمني إن هاوسيم اللي على يسار ولد خالي...
بندر:قصر صوتك الله يفضحك ليسمعك بعدين هذا مو كلامي كلام الوالد ...
وليد:خالي هو اللي قالك ...
بندر:ايه وابوي هو اللي عازمهم يبغي يرجع العلاقات ..وقالي اذا طلعوا بدري اطلع وراهم وقولهم ينتظرون لأن ابوي يبغاهم بعد مايطلعون الرجال.....
وليد:توقع وش يبغى فيهم خالي ...
بندر:اوف ياكثر أسئلتك وانا وشدراني...

وبعد أن خلا المجلس الا من ابوياسر وأبوالوليد وياسر وبندر والوليد وسامي وعادل ......

أبو ياسر: انشاءالله الأربعاء الجاي معزومين كلكم بالمزرعه ونبي الكل يحضر تسمعني ياعادل خبر الوالده وناصر قوله من اللحين يفرغ نفسه وينهي ارتباطاته قوله ضروري يحضر..
عادل:ان شاءالله ياعمي....
أبوياسر:يالله شباب كلنا بندحل للحريم كلكم ادخلو سلموا على عماتكم ,ابوياسر للبندر اللي بدا يتصدد وكأنه طاح بورطه :و أنت اول واحد يابندر...
أبو الوليد:أجل أنا استئذن الوليد رجع أمك معك,,,
أبو الوليد:مع السلامه ...
الكل :مع السلامه,,,
طلع من المجلس ابوياسر بعده الوليد وبندر...
سامي يكلم عادل اللي واقف بجنبه بيطلع من المجلس بصوات واطي بس مسموع:وليييييييييه والله الورطه ناصر مستحيل يرضى...
عادل اللي يعدل غترته:وأنت وش عليك منه أنا بقوله رضى أو مارضى بطقاق...
ياسر اللي كان وراهم يبي يطلع وهم صكوا عليه الطريق:احم احم ...
تنبهوا وسعوا له الطريق وطلعو وراه....
وعند الحريم اللي كانوا جالسين بالصاله ....بطرف والبنات بطرف بعيد...أم ناصر تسولف مع سعاد ..وفاطمه مع شيخه ...
دخل أبو ياسر وتغطت أم ناصر...
أبو ياسر:درب ياولد درب...ادخلوا ياعيال حياكم ...
عند البنات في الطرف البعيد ابتهال وسميه ونجاح تغطوا...اما فاتن تلثمت وكان شفافه وجها باين وهذي عادت فاتن ...
ابوياسر:حيالله أم ناصر وش اخباركم ...
أم ناصر :الله يحيك..الحمدالله عايشين ..>>نغزه ههههههههه.
أبوياسر:والبنات وين لايكون ماجوا مايكفي ناصر,,,
أم ناصر:والله البنات عندهم أختبارات,,,وناصر مرتبط بشغله...
أبو ياسر:خلاص اليوم عذرانهم بس الأربعاءالجاي ضروري كلهم يحضرون ....

رد: الزمن طبعه كذا للعاشقه ديرتها

وعند الشباب ..شيخه ماسكه ياسر.ليه متزورني ولاكأن لك عمه تسأل عنها ....ومنها هالتنغيزات..(على فكره شيخه حاطه عينها على ياسر تبغاه يأخذ بنتها فاتن ودايم تلمحله بس هو معطيها أكبر طاف ..وكذا مره كلمته امه بهالموضوع وأبوه بس هو رافض الزواج..)
وبعدين استلمت عادل وسامي ليه ماتزوروني وليه ناصر ماجاء ...........الخ ,,,وهم يردون عليه برد محترم ويسكت >>>هههههههههههههه.











عند البنات....
بسمه :بنات شوفوه قدايش وسيم الكبير يجنن..
ابتهال:الصراحه شي مسكت جماله جمال بنت...
فاتن بصوات واطي لبسمه:خلاص غيرتي رايك ماتبغين نايف بعد ماشفتي هالبزر...
بسمه اللي وجهها تلون بعد ماسمعت اسم نايف اللي تموت فيه وهو ولاداري عن هوى دارها:يوه أنتي عاد لاتمسكيلي على الوحده...والله هذا مايسوى ظفر نايف...
نجاح :أقول فاتن اذا عيالهم كذا أجل بناتهم مو بيغطون عليك بس إلى بيكتسحونك...
فاتن طنشتها وكملت تمنظرها بياسر >>موبس الأم حتى البنت حاطه عينها عليه..













وليد بصوت واطي:شفت عمتي كيف طاحت بياسر هههههههههههه
.اقص يدي من هنا وهو يأشر على كتفه: أم نادت بنتها تستعرض قدامه اونها تسلم علينا...
وفعلا بهالحضات ناددت بناتها يسلمون على عيال خالهم...


بندر و الوليد ناظروا ببعض وضحكوا .....
أبوياسر :وش عندكم ضحكونا معكم....
وليد:لا ولاشي بس بندر قالي نكته بايخه وضحكت عليها...
سعاد:بندر مايعرف يقول نكت بايخه هذي حركاتك ...
وبعد نصف ساعه استئذنت أم ناصر وأبنائها وخرجوا......


انتهت ليلة الأربعاء
ومعها انتهاء الفصل الثاني من الجزءالثاني,,,,


أتمنى اشوف توقعاتكم للجزء الثالث,,,
الجزء الثالث
(الفصل الأول)
ومع أطلالة الشمس معلنه بدايةيوم جديد يحمل الكثير من الأحداث والمفاجئات لأبطال قصتنا .......
دخل البيت عائد من أحد سهراته التي تستمر حتى طلوع الشمس وهو يدندن برائعة محمد عبده مذهله..انتبه لأخته الي جالسه على طاولة الطعام
وكأس الحليب بأيدها وهي نعسانه ....
حب يخوفها قرب من عنده أذنها وصرخ:رحوبه...
قامت مفزوعه من صرخته وطاح منها كأس الحليب...
رحاب وهي شوي وتبكي:حرام عليك خوفتني ..
فارس:ههههههههههههههههههه..وهذا الي أنا ابغاه ..
رحاب وهي ترجع تجلس على الكرسي :اوف وش هالريحه الخايسه وع ريحة سجاير...
فارس اللي كان جالس على الكرسي اللي قبالها:بالعكس ريحتها حلوه اممممممممم تجنن تفتح شهية الواحد على الأكل...
رحاب:اقول فارس اخوي الكبير حبيبي ...
فارس بنظره جانبيه لها:نعم جيبي من الأخر وش تبين...
رحاب:مابي اروح للمدرسه..
فارس:لاتروحين...
رحاب وهي تنفخ بملل:أحد قالك أني جايه أشاورك ,,,أنا ابغاك تقنع أمي ..
فارس:لاياشيخه منتي جايه تشاوريني أجل دوري أحد يقنع أمي ...
رحاب:تكفى فارس لاتكون غثيث...
فارس:وغثيث بعد ياسلام...
رحاب والعبره خانقتها :ايه مو منك من الجاي يترجاك,,والله ملل أنا كل يوم اصحى من صباح الله خير اروح المدرسه وأنت وأختك رغد نايمين...
(رغد 23سنه اصغر من فارس تدرس بالمستوى الثالث بس الكورس هذا وقفت لأنها مرضت بداية الكورس ودخلوها المستشفى ونومت فيه شهر كامل)
فارس اللي كسرت خاطره أخته:رحوبه عاد لتقلبنها مناحه كلنا درسنا مثلك وبعدين لاتنسين أنك ثانويه عامه ,,وأمي مقدر أكلمها ...
رحاب:ترى مليت من هالكلمه ثانويه عامه ليه أنا أول وحده مو كلكم مريتم بالمرحله ,,وبعدين ليش ماتقدر تكلم أمي...
فارس:أمي أذا كلمتها بتحسبني أنا احرضك على ترك الدراسه بشكل تدريجي,,, سوري..وطلع وتركها ميته قهر وتلعن الدراسه واليوم الي دخلت فيه مدرسه...
وفي المنزل المجاور لمنزلهم ..........

كانت وهج الضغط مرتفع عندها واصل لأتش وكله بسبب سالي اللي مو راضيه تصحى ........
حاولت معها بكل الطرق بس مافيه فايده
وهج وهي جالسه على حافة السرير وتصرخ بخوف:سالي بيتنا احترق سالي السقف بيطيح ,,سالي ترا بأنتحر,,,
بس دون أي استجابه ..
وهج وهي تبكي قهر:سالي واللي يرحم والديك اصحي خلصيني...
سالي:اوف وبعدين معك خليني بنام ,,,
وهج:سالي مو وقت نوم اصحي الساعه سبع ونص ,,,كلهم أطلعوا وصلهم السواق للمدارسهم ورجع مابقى الا أنا وانتي...
سالي اللي قفزت من على سريرها برعب سبع ونص ليه ماصحتيني من بدري....ودخلت الحمام تغسل وجها..
وهج اللي كانت جاهزه بس باقي تلبس عباتها :وش تبغين تلبسين عشان اطلعه لك ...
سالي من داخل الحمام :طلعي أي شي على ذوقك...
بعد دقائق طلعت وهي رابطه روب عليها وتنفض شعرها القصير من الماء...
وهج :يالله أنا بنزل وأنتي بسرعه خلصي للبس ونزلي ..
سالي :اوكي دقايق بس..
وهج وهي تطلع وتصك الباب وراها :أخاف تكون ساعات...
كان رد سالي عليها الضحكه اللي رافقتها وهي تنزل الدرج...
لبست سالي بسرعه ناظرت بشعرها المبلل فتحت الجل وبللت أصابعها بالقليل منه ودخلت أصابعها بشعرها ورجعته على ورى ونزلت خصل قليله من على وجها شعرها كان حالك السواد...
ناظرت بوجها اللي كان أبيض مشبع بحمره ,,,وعيونها الواسعه الكحيله بطبيعتها..وشفايفها الورديه المليانه ...
أرسلت قبله بالهواء لصورتها بالمرايه واطلقت ضحكة مغروره تشتهر فيها>>>عمركم شفتم أحد مغتر واثق بنفسه لهادرجه حتى انا ماشفت..
...لأنها كانت واثقه من نفسها أنها مايحتاج تحط مكياج عشان تطلع حلوه...
رشت من عطرها المفضل وأخذت
شنطتها وعباتها ونزلت ... يوم وصلت نص الدرج رجعت للغرفه وأخذت
من على مكتبها دفتر محاضراتها ..ورجعت تنزل بسرعه...

فارس اللي طلع من عنده أخته بينام جافاه النوم وأفكاره بجنى ذابحته أنا مدري ليش أفكر فيها ,,, ياءالله معقوله بشوفها مره ثانيه حرامية الجوري ...ياليت ,,اوف شكلي اليوم ماراح أنام اليوم والبركه بحرامية الجوري..بنزل للحديقه أغير جو ...
نزل وتذكر الموقف يوم طاحت جنى وقعد يضحك:ههههههههههههههههههههههه ياحرام شكلها تعورت ياعمري..يوه أنا وش قاعد أقول اليوم صراحة بديت أشك بقواي العقليه..شكل السهر مأثر علي ..
وقف بالمكان اللي طاحت وفيه وقعد يتأمله طاحت عينه على شي يلمع بين العشب أرفعه من الأرض كان سلسال بقلب مايل بوسطه اسم ( جنى )... وناظره وهو مو مصدق ...
وصرخ:عرفت اسمها جنى جنى ..واخيرا طحتي بأيدي ياحرامية الجوري..هههههههههههههههههههههههههههههههههههههههههه .
وقف فجاءه من ضحك: لا أنا لازم اتأكد أن هذا أسمها يمكن هذي وحده من حركات البنات اللي يلبسون سلسال بأسم صديقتها أو معلمتها اللي تحبها,,اوف قهر لوماكان أسمها,,بس أحساسي يقول أنه أسمها ...
حط السلسال بجيبه وراح لغرفته وهو يغني ومبسوط ....
(وانفتح باب من المصايب عليك ياجنى ماقول إلى الله يستر)

نزلت وهج تحت لقت ناصر يفطر وأمها تكلم معه
عن عزيمة عمهم بالمزرعه ..
وهج بداخلها ودها ناصر يرفض عشان تقنع أمها أنها هي بعد ماتبغى تروح
بس الظاهر أمها بدت تقنع ناصر لأنه قال بفكر وهو بالعاده يرفض على طول,,وهج كانت سرحانه وماوعت إلى على صرخة سالي بأذنها ...
سالي:وش فيك ياحلوه سرحانه,,بسرعه الساعه تمانيه...
وهج :لحضه بفطر ..
سالي وهي تشدها من عباتها :بعدين نفطر بالكفتريا بسرعه خلصيني

وعند جنى كان الجو ملبد بالغيوم مع برد ورعد ومطر وصقيع>>ههههههههههههههههههههههه.
كل هذا بسبب رحاب اللي مزاجها اليوم منعفس وعلى أي شي تتنرفز..
جنى بمحاوله أخيره لتغير مزاج رحاب :أقول رحوبه شفتي نور وأمل
وهم يغشون بأمتحان الرياضيات ....
رحاب:اوف ماجبتي شي جديد بكل الأمتحانات يغشون..
جنى:بس اليوم كان الوضع غير ...
رحاب بتملل:ليه أنشاءالله وش فيه غير ...
جنى:لأنك اليوم ماعلقتي عليهم ,,واربكتيهم بنغزاتك عن الناس اللي يغشون وعقابهم يوم القيامه ...
خلود:تصدقوني رحوبه أموت عليك لسويتي نفسك بريئه وقلتي أبله صح الغش حرام واللي يغش الله بعدين يدخله النار,,,
جنى:اللي يعجبني بأبله ألعنود انها تجاريك بالكلام ..
رحاب:ويلومني فيكم يأحلى صديقات قدرتم تغيرون مزاجي أحس بالطاقه يالله امشوا نطلع مو حاضرين الحصه...
وبهالحضه دخلت وحده من الفصل اسمها أروى ..
أروى:بنات أبله جوهره جات شفتها تطلع الدرج...
خلود وجنى ورحاب وهم ينطون من فوق الطاولات: وييييييه الهجه,,
بنات لفصل:هههههههههههههههههههههههههههههههههههههههه.
بس فيه ناس ماكان عاجبهم الوضع..
أمل:اوف أكرهم ..
نور:أنا اكره ماشوف رحابوه وتلميحاتها للمعلمات أنا نغش بس هين أوريها أن ماخليتها تندم ماكون نور..
ألعنود بنظرات كره وحسد:خليك من الخبله ذي رحابوه أنا اللي قاهرني
جنوه هي راس اللحيه بس من تحت مسويه فيها مرحه وحبوبه ماقول الا مالت...
مريم وحده من الشله: أقول بنات خلاص أبله جوهره دخلت..

أبله الجوهره:أقول بنات اليوم الغياب كثير ولا هاربين عن الحصه ...
خوله :ابله اليوم الغايبين أربعه ,,
أبله الجوهره :والكراسي الفاضيه تسعه يعني خمسه هاربين...
أبله الجوهره:واللي ورى جنى واللي معها أغراضهم موجودهم يعني مو غايبين ,,خوله سجلي أسمائهم ونزليها للأداره...
ألعنود اللي من داخلها مبسوطه بس تتصنع الطيبه اللي ينخدع فيها الكثير:لا أبله حرام يمكن أحد منهم تعبان ومنزلينه تحت أنا الحصه الأولى شفت رحاب شكلها تعبانه شوي...
انطوت حيلة ألعنود الخبيثه على المعلمه اللي بدت بشرح...والتفتت ألعنود على نور وأبتسمت لها أبتسامة النصر...
وفي كفتريا الجامعه "
وهج وسالي جالسين ينتظرون عبير اللي راحت تشتريلهم فطور ..
سالي :اوف وبعدين معك كله سرحانه مايكفي بالمحاضره أنا وعبير طاقينها سوالف وأنتي ولانتي معنا...
وهج:عبير ولي خليك خليني بحالي..
سالي :ههههههههههههههه أنا سالي مو عبير الصراحه شكلك اليوم مضيعه...
سالي بجديه:وهج وش فيك من يوم العزيمه يوم تركت بالغرفه لحالك ورجعتلك وأنتي منقلب حالك ...
وهج:محتاجه أقولك بس مجتني فرصه واللحين الوقت مو مناسب ....وزادني هم عزيمة عمي بالمزرعه اللي أمي مصره عليها,,حتى ناصر شكل أمي قدرت تأثر عليه ...
سالي:ولايهمك ولاتشلين هم ياعمري دام سالي معك ,,ويالله ابتسمي بشوف أسنانك نظفتيها يوم صحيتي من النوم ...
وهج:هههههههههههههههههه الله يأخذ بليسك...
عبير اللي تنافخ من الحر:ايه وش وراكم جالسين تضحكون وأنا رايحه اشترلي لكم...
سالي :وش فيك علينا حبيبتي اليوم دورك تشرلينا لتسوين عمرك ماتفضله علينا بشي ,,,
قطع حديثم البنت الي تفاجئو فيها واقفه على رواسهم وتناظر بسالي بخبث ونزلت ورقه صغيره مصفطه بجهة سالي وراحت ...
عبير:أحلى ياعيني بدوا المعجبين يتوافدون ....
وهج اللي خذت الورقه تفتحها :اكيد وش على بالك ترا خالتي ماهي هينه طالعه على بنت أختها ...
عبير :هههههههههههه حلوه طالعه على بنت أختها ولافيه وجه شبه بينكم ...
وهي تأخذ الورقه من :وهج جيبي الورقه بقرا وش فيها,,,,
عبير وهي تقرا بصوت مسموع:
الحمدالله على السلامه ياقمر أنشاءالله فيني ولافيك
خوفتيني عليك أسبوع مأشوفك أحس نفسي ضايعه
بليز ياحياتي هذا رقمي **********اتصل علي عشان لاغبتي مأقلق عليك...
وهج:ياعيني يالناس وش هالحب كله..
عبير:ياويلي سالي البنت غرقانه بحبك...
سالي بعصبيه:امشوا قبل ماتفوتنا المحاضره بعدين بليز مره ثانيه اذا أحد جاب ورقه زي كذا لاتفتحونها...
عبير:ولايهمك بس كلش ولازعلك ياجميل...
سالي وهي تضحك:أنا مازعل عشان شي سخيف زي كذا خلاص تعودت .

*وفي مكتب سلطان *
ناصر:سلطان يهوه يابو الشباب ..
سلطان :هاه نعم..
ناصر وهو يقلد صوته :هاه ..نعم,, لا يالأخ شكلك أبد مو معي ..شكلك للحين تحسبك بأجازه خلاص أيام لأجازاه ونوم ولت ...
سلطان:لا لتذكرني بالنوم لي يومين والنوم مجافيني...
ناصر:اوف يومين عسى ماشر...وش الي تفكر فيه وماخلي النوم يجافيك...
سلطان وهو يناظر فيه نظرات اتهام وبخاطره:وش تبغاني أقولك أن كل الي فيني بسبب أختك اللي سلبت عقلي من نظره وحده ..
ناصر:وش فيك اتناظرني كذا...
سلطان وهو يلف عنه:ماقول إلى الله يسامح الي كان السبب..
ناصر:والله أن فيك شي سلطان ...افا تخبي علي وأنا اللي أعتبرك مثل أخوي...
سلطان وهو يضحك بتصنع:ههههههههههههه وش فيك يأخوي امزح معك..
ناصر وهو يناظره بتشكك :متأكد...
سلطان وهو يبتسم:متأكد...

سالي:بس وهذي كل الحكايه والله على بالي عندك سالفة...
وهج:حرام عليك أنا مانام من الخوف .... جالسه بالغرفه وكل ماشفت أحد فتح الباب حسبته ناصر جاي بيذبحني..
سالي وهوي تنسدح على السرير من الخوف:والله أنك جبانه ..وبعدين فكري فيها بالعقل صديق ناصر اللي تقولين ,,الي اتوقع مليون فالميه أنه سلطان مستحيل يخبر ناصر بكل بساطه لأنه يدري بعواقب كلامه وأن فيه شخص راح يتضرر من كلامه اللي هو أنتي..
وهج:حتى لو ماعلم ناصر يمكن يتكلم من وراه...
سالي:لامستحيل وهو ولد ناس ومستحيل يسبب أي احراج لنفسه أولأخت صديقه وصديقه....
وهج:تهقين ...
سالي:ماهقى الا واثقه...
وهج وهي تبوس سالي على خدها:ياحبنيلك ويلومني فيك يأحلى خاله بهالوجود...
سالي :هههههههههه أخجلتم تواضعنا ..ويالله ننزل تحت كلهم متجمعين بالحديقه ...

رد: الزمن طبعه كذا للعاشقه ديرتها

جنى كانت جالسه فالجلسه اللي بالحديقه وعينها على فلة جيرانهم :ياربي مستحيل تكون ضاعت مني يوم طحت فحديقتهم ,,والله ورطه لامصيبه لو كانت في حديقتهم ,,بذاك اليوم الصبح كنت لابسته وفقدته اليوم اللي بعده ,,ياويلي لو طاحت بيد أحد ..وهي تمسك راسها الله يستر بس....
سالي:وش فيك يالعجوز ماسك راسك ...
جنى:أنتي العجوز ياخالتي المحترمه ...
وهج:هييييييي ياحلوه لاتقولين عن سالي حبيبتي كذا ترا أنا مارضى عليها ...
جنى:ويييييييه عمرك مارضيتي ..


سامي اللي كان ماسك الكوره:سالي تلعبين معنا كوره تعالي...
وهج:وليش حددت سالي حنا مالنا رب...
سامي :لأن سالي كابتن فريقكم...
جنى:من متى أنشاءالله ..أنا مو راضيه...
وهج :انتي مو مهم المهم أن أنا راضيه ...
سالي:يالله بنات خلوكم من هالكلام تجون نلعب ...
وهج :يالله أحس أني متحمسه وفيني طاقه ودي أفرغها,,,
سالي:وأنتي جنى,,,
جنى:لامافيني حيل ألعب بشجعكم ...
وهج:لاحرام عليك لاتخربين علينا ماتحمسين...
سالي وهي تشد جنى مع يدها:يالله جنى والله ألعب مو حلو من غيرك ...
جنى:يالله أقوم وامري على الله بس اذا جاتني أي اصابه ألعلاج عليكو...

وبعد ماتجمعوا...
عادل:هديل حارس لنا...
سالي:لاهديل حارس لنا أنتم حرفين كوره حنا ياحرام بنات مالنا فالكوره ,,
سامي:لاياشيخه مالكم فالكوره وانتم هازمينا اخر مره 5/3
الصراحه تاريخيه ...
عادل:ماعليه اليوم بنعوض بس هديل معنا...
وهج:خلاص هديل معكم....

...وفي منزل أبو ياسر...

كانت فاطمه جالسه بالصاله وتلقى الأتصالات من الحريم اللي حضروا العزيمه يشكرونها ويمدحون حسن ضيافتها...وهذا اللي يرضي غرور فاطمه ...
دخل ياسر اللي كان لابس لبس رياضي ومعه شنطته السبورت ,,واضح عليه التعب..
ياسر:السلام عليكم ...
فاطمه:وعليكم السلام ...
ياسر بصوت عالي:ياسمييييييييين ياسميييييييييين..
فاطمه :وش تبي فيها..
ياسر:أبغاها تجيبلي عصير عطشان ...
فاطمه:جاي من النادي..
ودخلت ياسمين وهي حامله صينيه وفيها عصير ياسر لأنها متعود أنه بهالوقت يرجع من النادي ويطلب عصير ...
ياسر وهو يشرب العصير:ايوه وحدي تعبان ولازم أرجع للشركه أبوي متصل فيني يبغاني ضروري...
فاطمه:وش عنده ..؟!
ياسر:والله مادري..يالله عن أذنك بأخذ دش على السريع ولحق على أبوي,,
فاطمه :الله معك...
ورجعت تكلم أتصالاتها...

وبسياره سبورت ذات سرعه عاليه..وأصوات الأغاني الأجنبيه تتعالى...

نايف:يالله عاد حبيبتي كل هذا زعل ...ماصار اسم الي غلطنا فيه وقومتي الدنيا علينا..
نجلاء بزعل:لاه تبغى تناديني بأسم وحده ثانيه وأسكت لك..
نايف:يالله عاد ياعمري قلتلك هذا اسم أختي..
نجلا وهي تتمسخر:ايه ترا صدقتك ..
نايف بخاطره:اوف وش هالبلشه عمرك ماصدقتي..
نايف:يعني خلاص شي سخيف زي كذا يفرقنا...
نجلاء:أكيد بيكون بنسبه لك شي سخيف ..موأنا اللي قلبي انجرح...
نايف:ياعمري أنتي بسم الله على قلبك من الجرح...أنشاءالله فيني ولافيك..
نجلاء:لاحبيبي لاتقول كذا أنا مارضى عليك ...
نايف:ياحلوه منك عيديها...
نجلاء وهي تصنع الخجل:يوه حبيبي لاتحرجني استحي..
نايف:هههههههههههههههههه ياحياتي اشتقتلك لي أسبوعين ماشفتك ..
نجلاء:بس موكثري شوقي لك...
نايف:وش رايك ياعمري أمر عليك بكره أخذك من الجامعه..
نجلاء:اوكي حبيبي أنتظرك...
نايف:يالله حبيبتي مع السلامه مع أني بأشتاقلك قبل مأقفل..
نجلاء:مع السلامه...
وبعد ماقفل جواله من نجلاء دق جواله بنغمة يعرف صاحبها زين (للحين أحبها ولاني قادر أنساها صورتها دايم في بالي ماتفارقني كل شي حولي يذكرني بذكراها
خلتلي في كل شي ذكرى تذكرني)
قبل مايكمل الجوال رنته الثانيه رفعه ...
الطرف الثاني بصوت أنثوي ناعم حزين:الو
نايف:هلا والله بالقاطعين..
هبه:كيفك,,
نايف:لو سألتيني قبل دقايق بقولك ضايع وتعبان وحياتي مالها طعم بس من سمعت صوتك صرت بخير....
هبه:واضح والدليل أن لي شهر من زعلت ماكلفت نفسك تتصل علي...
نايف:ياعمري ياهبه أنتي تدرين أني ماغلطت عليك وكرامتي ماتسمحلي اني اتصل عليك عقب ماصكيتي السماعه بوجهي وأنتي تدرين لوكان شخص ثاني غيرك مامررتها له بس أنتي عندي غير...
هبه:يعني كرامتك أهم مني..
نايف:اسمعي هبه أنتي اغلى عندي حتى من أهلي بس كرامتي لا....
هبه:نايف ..
نايف:ياعيوان نايف ...
هبه:اشتقتلي...
نايف:الا مت من شوقي لك...
وفي مكتب أبو ياسر بشركته....
ياسر:يبه أنا مدري وش المصلحه اللي تبيها من ترجيع علاقتنا مع بيت عمي..
أبوياسر:اللحين مو لازم تفهم بعدين بتفهم كل شي المهم اللحين سو اللي قلتلك عليه ..
وروح البيت عمك واعزم ناصر...
ياسر:يبه أسمحلي انامستحيل اسوي اللي تطلبه مني ...
أبو ياسر:وبعدين معك متى بتترك هالغرور عنك ...الغرور هذا ماينفع بعالم التجاره..
ياسر:يبه أنت ماتبغى أحد يعزم ناصر خلاص خل بندر يروحله البيت يعزمه مع أني ماشجع هالفكره....
أبوياسر:خلاص قول البندر مع أني كنت أفضل أنك أنت تروح....
ياسر:وش الفرق رحت أنا أو راح بندر كلنا واحد ....
أبو ياسر:بالنسبه لك واحد بس عندي يفرق...

جنى:خلاص أنا تعبت بنسحب ...
وهج:لاحرام عليك لاتخربين علينا كملي...
جنى:لاوالله تعبانه كملوا من دوني...
سالي:من زين لعبك كله سرحانه وبسببك مهزومين...
جنى وهي تأشرلهم من بعيد وبتدخل الصاله من الباب الخلفي:هاردلك ....
دخلت الصاله وعلى طول اتجهت للأمها بالمطبخ ...
جنى وهي واقفه على باب المطبخ :يمه ..
أم ناصر:هلا نعم يمه..
جنى:يمه ممكن أروح بكره معك لبيت جيرانا,,
أم ناصر:وأنتم من متى تروحون معي لبيت جيرانا,,
جنى:يمه بليز ضروري أروح معك ,,أنا نتفقه مع رحاب أجيها اشرحلها اشياء مو فاهمتها...
أم ناصر:أنتي تدرين أن ناصر مايرضى تروحون لبيت جيرانا وخاصه أن عندهم عيال كبار...
جنى بصوت حزين:يمه تكفين,,,
أم ناصر:خلاص بوافق وأمري على الله بس حطي بالك أنها مره وحده وبس...
...جنى كانت طوال المباراه وهي تفكر بحل للورطه اللي طاحت فيها ومالقت حل ألى أنها تدخل البيت من بابه بزياره عاديه وتروح للمكان اللي طاحت فيها وتبحث عن السلسال......
بعد ماعطتها أمها الضواء الأخضر راحت ركض للتلفون واتصل لرحاب اللي رفعته على طول فالبدايه سولفت معها عن المدرسه بعدين خبرتها بالمفاجئه..
رحاب:واو مني مصدقه من جد تتكلمين ....
جنى: ليش مو مصدقتني عادي بكره تصدقيني اذا شفتيني جايتكم...
رحاب:الله وناسه بس ليه تخبريني من اللحين ..مانتظرتي تجين للمدرسه وتقوليلي ..
جنى:متحمسه مو قادره اصبر إلى بكره عشان أقولك ...


دخل فارس على رحاب وهي تقفل السماعه ...
جلس على بجنبها على نفس الكرسي بقوه ...
رحاب:هي أنت طيرتني ...
فارس:سوري ماكنت أتوقع أنك ريشه .,,من كنتي تكلمين ...
رحاب:مو شغلك..
فارس:مو شغلي هاه ,,,انا اوريك ...
طلع من جيبه ولاعه...وقعد يهددها أنه بيحرق شعرها...
رحاب:لايامجنون وش قاعد تسوي...
فارس:طيب اللحين برجع اسألك من كنتي تكلمين...
رحاب:كنت أكلم صديقتي...
فارس:أدري أنها صديقاتك أجل صديقك .,,,صديقتك هذي مالها أسم...
رحاب:الا بس مو قايلته ,,,
فارس وهو يشغل الولاعه ويقربها منها: اوف ارجعت تعاند ..
رحاب:لاخلاص بقول اسمها بس ابعد هذي عني...
فارس وهو يقربها زياده :قولي...
رحاب وهي تصرخ بخوف:جنى اسمها جنى...
فارس جلس لحضات يستوعب اللي انقال.. وبعد مستوعب ...
فارس :جنى هذي بنت جيرانا ..
رحاب اللي مستغربه كيف عرف وبنفس الوقت خايفه منه:ايه بنت جيرانا ...
بعد ماسمع كلامات التأكيد غرق فارس بأفكاره:أنا كنت حاب تمصخر على رحاب يوم سألتها عن أسم صديقتها ماكنت أبد ماتوقع أني بطلع من ورى هالتهديد بمعلومات خطيره زي كذا ...كل شي يتعلق فيها حصلت عليه أسمها وأسم عائلتها اللي أعرفه من قبل ..بس بقى رقمها... وسلسال اللي معي اللي اقدر أهددها فيه ...
وضحك ضحكه خوفت رحاب وخلتها تهرب من الصاله

بندر وهو ينزل من سيارته ويتجه للجرس الباب بيدقه ...
جاء ه صوت ناصر من وراه ...
ناصر:هلا الطيب من بغيت ....
بندر وهو يلتفت لناصر اللي كان يصك باب سيارته :ابغى ناصر ...
ناصر :هلا والله وصلت..
واتجه يسلم عليه ...
ناصر وهو يفتح باب البيت:تفضل...
بندر كان يتأمل ملامح ناصر اللي فيه شبه طفيف من سامي ناصر اسمر بس وسيم مره
وطويل وعليه عرض يسد الباب لادخل معه...
وبعد مادخلوا المجلس ....
ناصر:للحضه بس أقولهم يسون قهوه ...
بندر:لاوالله مايحتاج أنا جايك أبغاك بموضوع وماشي..
ناصر:لاوالله مايصير تدخل بيتنا أول مره وماتقهوى...

وبعد القهوه ...
بندر:شكلك ماعرفتني...
ناصر:تبي الحق لا..
بندر:أنا بندر أبراهيم ال........ ولد عمك..
تغير وجه ناصر بعد ماعرف إن اللي جالس قدامه واحدمن عيال ولد اللي حاول أنه يقطع علاقته فيهم ويبعد عائلته عنهم ونجح بس بالأونه الأخيره عمه يحاول يرجع العلاقه بينهم ....
بندر: معقوله سماعك اسمي يستحق كل هالتفكير...عموما أنا جاي أعزمك نيابه عن أبوي للحضور للمزرعه كل العائله بتجتمع واتمنى أنكم تحضرون الكل بيكون سعيد بتواجدكم معنا ,,وبعد صمت دقائق :هاه وش قلت ...
ناصر:يصير خير واذا ماكنت مرتبط بحاول أجي...
بندر:مع أنه مو هذا الرد اللي أنتظره ..بس أوعدني تحاول تجي...
ناصر وهو يوقف مع بندر اللي وقف:أوعدك ياولد العم ........

نهاية الفصل الأول من الجزءالثالث
انتهى الفصل الأول من الجزء الثالث بوعد هل سيتحقق
هذا اللي بنعرفه بالفصل الثاني من الجزء الثالث....
الفصل الثاني)


أكملها بإذن الله بكرة طبعا اذا ماكانت مكرره

رد: الزمن طبعه كذا للعاشقه ديرتها

الله يعطيك العافيه

استمري

رد: الزمن طبعه كذا للعاشقه ديرتها

قمر منوره قسم الروايات
الله يعطيك العافيه
متابعه لك استمري

رد: الزمن طبعه كذا للعاشقه ديرتها

يعطيك العافيه قمر على الروايه الجنان
تابعي