رواية لجل الوعد / كامله

**SOoΚaRh** · 15-12-2011, 02:45 PM

رد: رواية لجل الوعد

صدع راسها كثر ماتفكر وتتقلب بالسرير بدون ماتغط عينها النوم ! أخذت جوالها تبي تشوف الساعه لقت مابقى شي على الفجر ..!

قامت بخفة عن لاتصحي فتون .. وانسحبت من الغرفة بهدوء .. وجع قلبها الي تسويه بس تحس ان مابيدها حل ثاني ..
نزلت المطبخ وفتحت الثلاجة طلعتلها عصير .. أخذت كاس وقعدت على الكرسي وصبت واهي تتذكر مكالمته البارح ..….........

كلمها وماردت عليه ورجع دق مرتين وبالاخر ردت

تركي : وينك ماتردين ؟؟؟؟
عبير متجاهلة سؤاله: نعم ياتركي ..
تركي : عبير ترا مالها داعي حركاتك الي تسوينها .. من أول أدق عليك بقولك اجهزي انا بالطريق ..
عبير : قلتلك مو راجعة معاك ..
تركي : عبير انك تتركيني وتتركين بيتك هذي مو طريقة تحلين فيها الموضوع !
عبير : ليه واهو في طرق ثانية ؟؟ انا ماسويت كذا الا يوم جربت كل الطرق ومافاد شي ..
تركي : خلينا نتفاهم ..
عبير : اتفاهمنا مرة ومرتين وثلاث .. ولا فيه أي فايدة .. تركي انا تعبت وانت مو حاس بحجم تعبي ومعاناتي .. انا من ادخل بيتكم أحس بجبل من الهموم على صدري .. وانت مو راضي تفهمني !
تركي : اوكي اشكيلي طلعلي الي بخاطرك عندي وانا فاهمك والله بس مستسصعب الموضوع عبير ..
عبير : شالأصعب .. طلعتك من البيت ولا بعدي عنك ؟؟؟
تركي : يعني لو ماطلعنا من البيت ماراح ترجعيلي !!
عبير : انا ماقلت كذا ..
تركي : هذا معنى كلامك .. بس مالومك وانتي مو لاقية شي عندي يجبرك ترجعين !
عبير : تركي انا ماقلت كذا ولا قصدت كذا !! اقصد ما أرجع لين نحل موضوع طلعتنا من بيتكم .. لين توعدني تطلعني بأقرب وقت وتخليني أرتاح ومن حقي هالشي .. من حقي ارتاح ياتركي من حقي اعيش يومي بلا دموع وهموم !
تركي سكت شوي يبي يهدا بس حرقة قلبه زادت وماهدت .. وقال : عبير .. انتي مستوعبة شقاعدة تسوين ؟؟؟
عبير : ايه .. ماحدني للمر الا الي أمر منه ..
تركي : هذا اخر كلام عندك ؟؟؟
عبير : ايه ياتركي .. وانا ماسويت كذا الا عشان راحتنا وسعادتنا ..
تركي ماعلق وقال : فمان الله !!!
وسكر !

اتنهدت عبير من خاطر ملتاع وانتبهت للعصير مكبوب على الطاولة واهي ماحست فيه وبالها سارح مع تركي ..
تحس كنها تقسى على نفسها مو عليه .. !
بس اهي قالتها بصدق .. سوت كذا عشان راحتهم وسعادتهم الي بتختفي تحت ظل الهموم المتزايدة بذاك البيت !

*******

صباح الغد

طلعت مرام من غرفتها متجهة لتلفون البيت الي لثالث مره تسمعه يرن كانت تجفف شعرها بالمنشفة .. ورمتها على الكنب وردت بسرعه : الووو
: مرام ..
مرام : هلا سوسو حبيبتي ..
ساره : ماما حنان جابت البيبيييييييييييييي ..
مرام بصدمة : من جدددددد ؟؟
ساره : والله والله والله العظيييييييم ..
مرام مو قادرة تصدق وقالت : وين امي ياساره ؟؟
ساره : بالمستشفى مع منى !
مرام بصدمة : منى ؟؟؟؟؟؟؟ انتي شتقولين منى ولا حنان ؟؟
ساره : خذي مشعل ..

أخذ مشعل السماعة وقال : هلا مرام
مرام : هلا مشعل شالسالفة ؟؟
مشعل : اسمعي النكتة .. منى أمس تطلق واليوم حنان ولدت هههههههههههههههههه
مرام : ههههههههههه بالله حنان ولدت ؟؟؟؟
مشعل : ايه جابت ولد اليوم الفجر .. ومنى من سمعت الخبر جاتها الام مو طبييعة وطارت فيها امي للمستشفى ..
مرام : ياعمري علييييييييييهم .. وولدت منى ولا لسه ؟؟
مشعل : مابعد قالولنا للحين ..
مرام : أوكي بدق على امي يالله باي
مشعل : باي ..

سكرت مرام منه وراحت لجوالها بسرعه ولقت اتصالات من جوال أمها بس جوالها كان على الصامت وماسمعت ..
دقت على أمها وبعد كم رنة ردت أمها ..
مرام : يممممممممه بشررررررررري ؟؟؟
أم فيصل واهي تضحك : يالله هذي انتي اول وحده تدرين .. منى توها جابت بنت !
مرام صراخت : ياحياتي ..
ام فيصل : الحمدلله يارب والله من أمس واهي تطلق وتعبانة ..
مرام دمعت عيونها واهي تقول : شلونها الحييييييييييين ؟؟؟؟؟
منى : بخير الحمدلله .. أنس عندها وأنا طلعت أشوف حنان ماغير أتنقل بين الثنتين
مرام : ياعمرررررررري عليهم ولدوا بنفس اليوم ههههههههههههههه ياحبييييييلهم
أم فيصل : اي والله الحمدلله على سلامتهم حنان ولد ومنى بنت ..
مرام : ياقلببببببببي أبي أجييييييييي ..
أم فيصل : يالله كلمي خالد وتعالي من الصبح انا ادق عليك ماتردين ..
مرام : معليه ياعمري جوالي صامت وماسمعت ..
أم فيصل : خلاص يالله كلمي خالد وتعالي ..
مرام : أوكي ان شاء الله ..

سكرت منها ودقت على خالد واهي تمشي بالصالة وتخبط رجولها بالارض بفقدان صبر
وأول مارد خالد صرخت بفرحة : خالد باركليييييييييي صرت خالة لمرتين بنفس اليوووووووووووووم !
خالد : شتقولييييييييييين ؟؟؟؟؟؟
مرام : منى وحنان ولدوا اليوم كلهم تعال بسرعه ودني المستشفى مافيني صبرررررررر ..
خالد : ماشاء الله تبارك الله .. وكيفهم ان شاء الله طيبين ؟؟؟؟
مرام : طيبين الحمدلله بس تعال خالد بسرعه الله يخلييك
خالد : جاي جاي يالله

سكرت مرام وراحت تجهز بسرعه ومامرت الساعه الا وإهي بالمستشفى

**SOoΚaRh** · 15-12-2011, 02:48 PM

رد: رواية لجل الوعد

دقت على أمها تسأل عن الغرف وراحت لغرفة حنان الي كانت أول السيب .. ودقت الباب ودخلت ..
لقت صالح وأمه هناك وسلمت عليها وحنان كانت نايمة ..

تركتها مرام وراحت لسرير البيبي وانسحر قلبها يوم شافته !

خالد مشى لصالح وسلم عليه وباركله من خاطر صديق وأخو وحبيب .. ومشى لمرام واهي واقفة جمب السرير شوي وتذوب واهي تطالع بالبيبي ..
وقف خالد جمبها وشاف البيبي وابتسم ومرام قالت بحنية : شوووف خالد يجنن مره صغييييييير .. (( ومسكت ايده واهي تقول : سووووف يده سعيله تدنن (( " شوف يده صغيرة تجنن " ))
خالد : هههههههههه اي والله مايجي شبر الله يحميه ..
والتفت لصالح وغمزله وأهو يقول : سيف ؟؟؟
صالح : سيف يقطع رقاب عدوينك ..
خالد : يتربى بعزك ..
صالح : الله يسلمك ..

مشت مرام لحنان ومسحت على شعرها بس كانت تعبانة ومع المسكنات نايمة ومو حاسة ..
مرام : سلميلي عليها خالتي وبروح أشوف منى وأرجعلها اذا صحت ..
أم سعد : ان شاء الله ياعمري ..

وطلعت مرام وخالد قعد مع صالح ..

راحت مرام لغرفة اختها الي كانت بنفس السيب .. ودقت الباب ودخلت وكانت فيه أمها وأم أنس .. ومنى قاعدة وشايلة البيبي ..
هنا مرام عبرت عن مشاعرها بكل فرح وقالت : حبيبتييييييييييي مبرووووووووك ..
منى : الله يبارك فيك ياقلبي ..
انحنت لها وحاوطتها بذراعينها بكل محبة وبعدها راحت سلمت على أمها وأم أنس وباركتلهم .. ورجعت بسرعه وقعدت جمب منى بالسرير وانهوست وانسحرت على البيبي ..

مرام : يامنى تسحر تجنن ياويلييييييي شوفي كيف تطالعك مفتحة عيونها الحمارة
منى : ههههههههههههههه ايه تقول يالهوووووي طلعت ذي أمي !!
مرام : ههههههههههههههههه تهبل ياناس .. هاتيها هاتيها ..
ناولتها منى البيبي ومرام شوي وتنخبل عليها .. ضمتها مرام بخفة وباستها واتأججت خواطر الحنين فيها ..

دق الباب ولفت منى طرحتها .. و وقفت أم فيصل واهي تقول : اتفضل ..
دخل أنس ومعاه خالد .. وبارك خالد للجميع ومرام وقفت شايلة البنوته وتحس انها ماتبي تبعدها عنها أبد .. وورتها خالد الي ماسحره شي كثر ماسحره شكل مرام المنخبل على البيبي وهمس لها : شدي حيلك وجيبلي أحلى منها ..
مرام بنفس الهمس : أبي أولد الحيييييين ..
ضحك خالد عليها وقعد على الكرسي أهو ومرام يطالعون البيبي ..

أنس : شوي شوي على بنتي ترا مالها كم ساعه طالعة على هالدنيا لاتصدمونها ..
خالد : والله شكلها ملقوفة فاتحه عيونها تطالع فينا .. شوف ولد صالح مسكر عيونه ولاهو داري عن الدنيا ..
أم فيصل : ههههههه يقول لاحقين على الدنيا خلني الحين انام أحسن لي
مرام : يافدييييييييتهم يهبلووووون ..

وكأي روتين معتاد ..
ظلت منى وحنان يومين بالمستشفى زاروهم كل الحبايب متنقلين بين الغرفتين !
وبعدها طلعوا لبيت أم فيصل ..
كانت من أجمل المواقف ولادة الاثنين بنفس الوقت .. ونفاسهم وتعبهم بنفس الايام .. بشكل خلى مرام تبات عندهم وتعاون أمها عليهم ..
وعلى أجمل ملاكين بهالدنيا :

سيف ولد حنان .. و سديم بنت منى

* _ ^

*******

في صالة أبو سعود

ضحكت أم سعود واهي تمشي بالصالة وتطالع فتون وعهود واهم يتفرجون على ألبوم صور زواج فتون وفيصل ..
حست بكبر فرحة بنتها برجعة صديقتها بعد طول الفراق .. وان دل على شي يدل معدنها الوفي الي ندر بهالزمن !
عهود : والله يافتون كنتي حلوووووووووة !
فتون : وجع شقصدك وانا وشو الحين ؟؟؟
عهود : ههههههههههههههه تهبلين بس بالزواج اكيد غير .. وياحلوك كل صورك تضحكين ..
فتون : مستخفة هههههههههههههه !
عهود بمكر : معقولة لهالدرجة كنتي مبسوطة ؟؟
فتون : لا شفتي الصدمة الي توصل لدرجة الضحك والاستهبال !! كذا كان حالي ..
عهود : ههههههههههههههه ياحلوك .. بس الحمدلله ربي وفقك وسخره لك ..
فتون : الحمدلله .. عهود باسألك أخوك اتزوج ؟؟
عهود بابتسامة : ايه وعنده ولد الحين ..
فتون : هههههههههههههههههههههههههههههههههه مراح اتزوج بعدك يافتون هههههههههههههههههههههههههههههههههههههه صدق الرجال بياعين حكي ههههههههههههههههههههههههههههه ..
عهود : ههههههههههههههههههههههههههه وانتي لايكون صدقتي عاد !
فتون : طبعا لاء .. بس والله فرحتيني وكيفها زوجته ان شاء الله حبوبة ؟؟
عهود : عسل والله ..
فتون بفرح : زيييييين الحمدلله ..

نزلت عبير وقعدت معاهم واسترجعوا ذكرياتهم الحلوة .. بعدها ودعتهم عهود وراحت ..

وأهم بدلوا ملابسهم وطلعوا يزورون منى وحنان ..

**SOoΚaRh** · 15-12-2011, 02:49 PM

رد: رواية لجل الوعد

وأثناء ماهم بالطريق

أم سعود : عبير حبيبتي انتي تشوفين الي تسوينه صح ؟؟؟
عبير : ايه يمه .. انا ماعادني أتحمل العيشة بذاك البيت لو وش يصير !
أم سعود : بس كل شي يجي بالتفاهم .. مايصير ياقلبي تتركين زوجك وبيتك ..

فتون : شالي مايصير يمه واهم منكدين عليها كل يوم هواش ويدخلونها هي وتركي بمشاكلهم لا والله ماترجع ..

ام سعود : انتي لا تتدخلين اختك عاقلة وتعرف تتصرف ..
عبير ابتسمت وقالت بهدوء : اذا تشوفيني يمه كذا فلا تغلطيني الله يخليك ..
أم سعود : والله ياقلبي انا ابي راحتك وسعادتك ..
عبير : راحتي وسعادتي بالي أسويه الحين ..

فتون : من جد .. لازم تحط حد .. الطيبة ماعاد تنفع بهالزمن وبالذات مع سعالوة مثل ذاك البيت اعوذ بالله .. شذنبها هي كافة عافة يلحقونها بمشاكلهم والله ماصارت ..

عبير : هههههههه أحسك يا فتون مقهوة أكثر مني ..
فتون : بموووووووووت من القهر ! من البداية وانا ماكنت أبيك تسكنين عندهم وتاخذيلك بيت بروحك بس محد طاع شوري ..
أم سعود : الله واكبر يالشور الي نازل من السما .. اختك من قبل لاتتزوج عارفة هالشي ..
فتون : أجل كان ماتزوجتيه !!
وسعت عبير عيونها بصدمة وقالت : ماكنك زودتيها شوي ؟؟
فتون : يوووووووه جينا صوب الحبيب الحييييييييين ..
عبير : ايه حدك عاد !
فتون : من زينه .. فيصل على غفلة ..
أم سعود : ههههههههههههههههههه وينك يافيصل تسمع
فتون : بعد عمررررري اشتقتله كم يوم واهو لحاله خلاص بارجع معاه اليوم ..
عبير : ههههههههههههه هذي كل لحظة لها قرار ..
فتون : خلاص هذا اخر قرار ..

وصلوا لبيت أبو فيصل ونزلوا .. ودقوا الجرس وفتحولهم ودخلوا ..

كان صالح مع حنان بغرفتها الي جهزوها لها بالدور السفلي ..
كان قاعد جمبها على السرير وشايل الولد ويسولف عليه : شرايك فينا سيوف ؟؟؟ هذا انا ابوك وهذي أمك مين أحلى بالله عليك ؟
حنان : ههههههههههههه لا تحرجه قدامي اذا صرتوا لحالكم خله يقولك ..
صالح : وماتشوفين كيف كل ماصرت لحالي معاه يبكي .. ! لايكون قايلتله شي عني انتي ؟؟
حنان : اييييييه قايلة له انك تعض ومعلمته يبكي معاك !
صالح : إكبر إكبر سيوووف .. وانا أوريك ..
حنان : هههههههه اقول هات ولدي اسم الله عليه ..
ضحك صالح وعطاها الولد ويوم لامس ايديها حسها باردة .. وقال : ايدينك باردة حنان ..
حنان : اي والله أحس أطرافي باردة ..
انحنى صالح وحس رجولها لقاها مره باردة وقال : يووه ترا بيدخلك برد حنان .. (( وقف وقال : وين شرابك .. ؟
حنان : هنا بالدرج الي باليمين ..
مشى صالح للدرج وفتحه وأخذ شراب لها .. ورجع وقعد على الأرض نصف قعدة ومسك رجلها بنعومة ولبسها شرابها .. ورفع راسه واهو يمسح على رجولها بخفة ..
ابتسمت حنان بحنية وقالت : يعطيك العافية ياقلبي ..
صالح : الله يعافيك .. ماسويت شي ..

اندق الباب ووقف صالح وقبل مايمشي يفتحه انفتح ودخلت فتون ومن وراها عبير ..
فتون بمرح : عمي ابو سيف هنا هلا والله ..
صالح : هلا فيكم ومرحبا ..
سلموا عليهم وعبير شالت البيبي من حنان واهي منسحرة منه ..
عبير : الله يحمييييييييه ملامحه ناعمه تجنن .. يشبهلك حنان ..
صالح : احم احم ..
عبير : خير عموووو ؟ والله ماخذ الزين من خالتي نفس نعومة الملامح
صالح : دقة الملامح علي انا ماتشوفين شلون ملامحي دقيقة !
فتون : كثر منها ههههههههههههههههههههههههههه ..

باسته عبير بحنية ولا قدرت تقاومها شوقها والحنين للبيبي ..
جت فتون ووقعدت جمبها تطالعه وقالت : لا عجبني خلاص باتوحم عليه ..
حنان : حتى لو اتوحمتي عليه .. ماراح تجبين مثله لو تطيرين ..
صالح : خليها تجيب بيصير الي عندها نسخة مقلدة وعندنا الأصلي ..
فتون : مساكيييييييين انتوا كلها شهووور تمر بسرعه وتشوفون ان شاء الله الملاك الي بجيبه ..
ابتسمت عبير وعطت فتون الولد وطلعت تشوف منى ..
وشوي ولحقتها فتون ..

بالغرفة المجاورة كان سرير منى وعندها ساره ومشعل الي ماصدقوا أنس طلع عشان يدخلون ..
كانت ساره متربعة على السرير والبنوتة على رجولها وأم فيصل مادة ذراعينها حولها بحرص ..
سلموا عليها واتهاوشت عبير وفتون على البنوتة مين تشيلها قبل ..
عبير : فتون ابعدي عاد أنا أكبر منك وبشيلها أول ..
فتون : ياي شوفي تطالعني تبيني وخري لا أمووووووووت ..

منى : ههههههههههههه اقول اتركوا بنتي لاتخرعونها بخناقكم ..

ساره : اصلا سديم تبيني .. كل ماحد شالها صاحت واذا شلتها تسكت ..

ضحكوا عليها .. وبالاخر انتصرت فتون وشالتها واهي منهوسة عليها ..

بس فجأة ناولت فتون البنوتة لعبير ونطت من مكانها ركض على برا !!!

عبير : بسم الله شفيها ؟؟؟
أم سعود : سمعت صوت فيصل ههههههههههههههههههههه
عبير : ههههههههههههه ياحلوها ..

طلعت فتون من الغرفة وكانت الصالة فاضية مافيها أحد وفيصل نازل من الدرج وماكان يدري بحضور أحد ..
فتون بمرح : سبرايز ..
شق فيصل الضحكة واهو ينزل ويقول بفرح : حبيبتي هنا وانا مادري ؟؟؟؟
ميلت فتون راسها بدلع وقالت : بغيت أفاجئك حبيبي ..
نزلوفيصل وأول ماوصلها نطت فتون عليه واهو ضحك وضمها وقال : وحشتييييييييني ..
فتون : وانت أكثر يافيصل طلعت غالي !
فيصل : لاه ماصدق !
فتون وإهي تبعد عنه : ههههههه والله حبيبي ماقدر على فراقك أكثر خلاص بارجع معاك ..
فيصل : توك تحسين .. انا من ذيك الليلة الي تركتك ماقويت وبعدها جيت انام عند أهلي لا أهلوس ..
فتون : ياعمري لهالدرجة تحبني ؟؟
فيصل : لا أحب الي ببطنك ..
فتون : ههههههههههههههههههه فديته وفديت ابوه ..

باسها فيصل ومسك ايدها وقال : شفتي بيتنا صار حضانة ؟؟
فتون واهي تمشي معاه : هههههه ايه وناسة بس ماشاء الله كل واحد أحلى من الثاني ..
فيصل : والي بيجينا أحلى منهم كلهم ..
فتون : واثق ؟
فيصل : أكيد .. مو فتون أمه !

ضحكت فتون ودخلوا للغرفة وين ماكل العيلة متجمعة ..

********

بعد اسبوع ….....
في ذاك القصر الكبير !

سكرت مشاعل باب غرفتها وقفلته بالمفتاح .. ومشت للاب توبها وقعدت وفتحت المحادثات الي وقفتها يوم نادتها أمها ..

طالعت بالمحادثات الخمس المفتوحة وجت تبي تنادي أولها ..

يووه وش اسمه هذا !! أحمد ولا مشاري ؟؟ لالا الثاني مشاري ..
لا الثاني سامر !! اجل مين مشاري ؟؟
يووه يامشاعل انتي بعد خمس مره وحده !! الناس يلعبون على حبلين وانا على خمس حبال ههههههههههههههههههههههه ..

قرت المحادثات عشان تسترجع الحكي والأسامي ورجعت تكتب وشوي واتذكرت اسم كل واحد وانغمست بالسوالف والضحك والاستهبال !

وماكانت تدري ان كل هالضحك بيطلع .. من عيونها .. بيوم .. من الايام !!

استهبال ! متعة ! مرح ! فرح !
والنتيجة ايش يامشاعل ؟؟؟؟ ويا ألف وحده من أمثال مشاعل .. !

**SOoΚaRh** · 15-12-2011, 02:50 PM

رد: رواية لجل الوعد

دق جوالها ومسكته وردت واهي تضحك : ههههلا ..
ملاك : شعندك تضحكين ؟؟؟؟
مشاعل : مع هالمخبل بالمسنجر ..
ملاك : يوووووووه انتي متى تبطلين ؟؟؟؟
مشاعل : وليه أبطل ؟؟ أعطيني سبب واحد يخليني أبطل !
ملاك : مافي ولا سبب بالله ؟؟
مشاعل : ايه مافيه .. زهق بالبيت ولا عندي من يونسني اخواني كله برا وامي مشغولة وانتي بعد مشغولة وانا مستانسة مع هالمهابيل .. والله ياملاك يفطسون من الضحك يحكون مقالبهم وانا وتهاني ميتين من الضحك عليهم ..
ملاك : مو البلى بهالتهاني الله يفكنا منها
مشاعل : ملاكوووووووه شتبين انتي الحين ..؟؟
ملاك : بقولك قومي اتلحلي بمر عليك بعد شوي نروح نزور سامية ..
مشاعل : مو الحييييييين ملاك تكفين خليها بكرا !
ملاك : الحين انتي مجننتني بزورها بزورها ويوم قلتلك يالله تقولين مو الحين ؟؟؟
مشاعل : اي بزورها وابيك تجين معاي بس الحين مشغولة !
ملاك : بايش بالله ! مع القرود الي معاك !
مشاعل : ههههههههههههههههههههههههههه ايه شحلوهم قرودي ..
ملاك : مشاعل ثلث ساعه وانا عندك باي !

سكرت مشاعل واهي تتأفف وكملت سوالف وضحك ولا حست بالوقت لين دق جوالها فجأة وردت الا ملاك تقول : انا عند الباب !
مشاعل : مسرررررررررررررع بسم الله !
ملاك : لك نص ساعه من تركتك لاتقولين ماجهزتي !!
مشاعل : ملاك حبيبتي تعالي ادخلي بيتنا انتظريني وبسرعه باجهز ..
ملاك : شكلك ماتحركتي من النت ياحمارة يامشاعل !! خمس دقايق لو مانزلتي والله لاروحلها لحالي باي

وسكرت منها ومشاعل سكرت لابتوبها بالي فيه ونطت من مكانها بسرعه وماتدري وش تبدي وتسوي ! فتحت دولابها بسرعه وطلعت لها بنطلون بيج وبلوزة ذهبي مخصرة .. ولبستهم بسرعه .. ورفعت شعرها الكيرلي ونزلت خصل بطبيعته ..
لبست صندلها وسحبت عبايتها وفتحت الباب وطلعت مسرعة .. مشت بالصالة بسرعه ولقت أمها وأبوها قاعدين أشرت بإيدها واهي تمشي : السلام عليكم ومع السلامة !
أم وليد : على وين ان شاء الله !
مشاعل : ملاك جتني فجأة تقولي انزلي بنزور سامية ورجتني الله يهديها وبروح لاتروح وتخليني ..
أم وليد : الله يرجكم بنات !
مشاعل وهي تنطنط بالدرج : يسلموووووو ماما ..

أبو وليد : انتي تدرين وين بنتك تروح ومع مين ؟؟؟
ام وليد : ماسمعتها تقول ملاك بنت اخوك !
ابو وليد : ايه بس منهي الي بيزورنها ووين يطلعون ووين يروحون .. انتبهي لبنتك تراها مصرقعة وينخاف عليها ..
ام وليد بثقة : لا تخاف ياراشد بنتي وعرفت أربيها وواثقة فيها

()
أص ع ب اح س اس بهالزمان ..
يخونك من عطيته الأمان !
أهديته الث ق ة .. أهداك النكران ..
أهديته الفرح .. أهداك الأحزان !
()

اتنهد أبو وليد واهو يطالع الساعه وقال : زميلنا سعود بيجيني بعد شوي .. قوليلهم يحضرون القهوة ..
أم وليد : يالله الحين بانزل واقولهم ..

وقف ابو وليد ومشى لغرفته بدل ملابسه وأهو يفكر بسعود ولقاؤه .. من رجع سعود من السفر وأهو موتره هاللقاء .. خاطره يشوفه وبنفس الوقت شايل همه ! شايل هم الحكي الي بيسمعه عن بنته .. شايل هم دوامة الحيرة والألم الي بيوقع فيها !
بس هذي بنتي !! لف الزمن ودار وأظهرها بحياتي من جديد ! هذي قطعة من لحمي ودمي ! دارت الأيام لتجي لحظة اعترافي فيها ! بس وش بعد الاعتراف ياراشد ؟؟ بتظل على موقفك المتخاذل ؟؟؟
رامي بنتك .. ومخفي الحقيقة حتى عن أقرب الناس لك ! !

نغزه قلبه عند هالطاري .. وهز راسه وطلع !
ومامداه ينزل الا دق سعود على جواله وقاله انه وصل ..

فتح ابو وليد الباب واستقبله بمجلس الضيوف .. وبعد ماضيفه ودارت بينهم السوالف الرسمية .. سأل أبو وليد
سعود : والله ماتسر !
كشر أبو وليد واتنهد بضيق .. وسعود راقب ملامحه واهو يقول : أمها توفت !
شخص بصر أبو وليد وعيونه تسمرت بالفراغ !!
وسعود كمل بمرارة : اهي تعبانة من زمان .. وزاد تعبها السنوات الأخيرة .. وزاد حملها وهمها بعد ما تركت بنتها وماتت تاركة وعد بهالدنيا لحالها .. تعرف وش معنى لحالها ؟؟ حتى معارفها الي كانوا معهم من صغرهم انتقلوا مصر وصارت بوحده مايعلم فيها الا ربي !

**SOoΚaRh** · 15-12-2011, 02:50 PM

رد: رواية لجل الوعد

أبو وليد كانت عيونه مسمرة بالأرض .. وكل الكلام الي يطلع من سعود يتحول لسهام تصيب قلبه وروحه ! وقال بخنقة : شسويت معها ؟؟ تركتها وجيت !

سعود : لا مو لهالدرجة ! وديتها مصر .. عند معارفها الي صاروا أوفى مني انا زوجها .. وأوفى منك انت أبوها !

هز ابو وليد راسه والعذاب يصرخ بعيونه وقال : انا مادري شسوي ياسعود .. وعد جت بأسوأ ظروف واجهتها بحياتي .. أنا خذيت ام وليد وجابتلي وليد وطلقتها بسبب مشاكل الله لايعيدها .. وبعدها سافرت ابريطانيا وكنت بحالة دمار .. احتوتني ام وعد الله .. الله يرحمها ويغفر لها ! وماقدرت اصبر بدون ماتزوجها .. وتزوجتها وقعدت معها كم سنة مازرت السعودية فيها ولا مره لين خلصت من شغلي ودراسي وألاهي حامل ! كان الموضوع صدمة بالنسبة لي .. ! كنت مستبعد انها تحمل وان يربطني فيها أطفال ! تركتها ورجعت على أمل أرجعلها .. لكني رجعت زوجتي الي كانت تنتظرني وكلها أمل أرجعها .. رجعت أم ولدي .. و .. أرسلت لأم وعد ورقة طلاقها ! وعليها من ذاك الوقت قطعت أي تواصل بيني وبينها .. حاولت .. تراسلني هي .. وتقولي عن بنتها .. كنت دايم أردد اسم وعد .. الاسم هذا يعنيلي شي كبير .. وسمتها وعد الاسم الي أحبه .. وارسلتلي صورها .. ويوم مالقت مني اي تجاوب قطعت عني أخبارها وأخبار بنت ي !

سعود : لا حول ولا قوة الا بالله .. يابو وليد انا مابي أنبش الماضي وأقلب المواجع عليك .. بس هذي بنتك ومالها بعد الله غيرك .. من طرفي انا حالي مو أحسن من حالك .. لكني حاولت وتعبت لين قدرت أقنع أبوي فيها ومبدئيا وافق ازورها بمصر بس أجيبها هنا لاء .. وبنتك بحاجة لنا .. مالها أحد غيرنا وانت يابو وليد لازم تتحرك .. !
أبو وليد : بعد كل هالعمر ياسعود ؟؟

سعود : ولو كان بعد هالعمر شالمشكلة ؟؟ صحيت وحسيت بغلطتك وبتصلحها ! محد بيلومك الحين على ماضي انتهى ! بس نتيجته بنت مظلومة مالها ذنب بكل الي صار ويصير !

غطى ابو وليد وجهه بإيدينه ومسح عليه بضيق .. وقال : انت ماراح تستوعب حجم المصيبة الي انا فيها .. الموضوع مرتبط بأشياء ثانية كلها دمار بالنسبة لي ياسعود ..

سعود : وبنتك ؟؟ يهون عليك تظل طول عمرها بعيدة عنك تتخبط بهالدنيا بلا سند ولا راعي !

أبو وليد : ماتهون علي ياسعود بس انت زوجها ومسؤول عنها !!

سعود بغصة : صحيح .. انا زوجها وانا ملزوم منها .. بس هذا مايجردك من أبوتك مهما كان .. !

اندق الباب ودخل وليد وسلم عليهم .. كان توه وصل من برا وشاف سيارة سعود وفرح فيه ..
من بعدها انحنت السوالف لمجرى اخر عن الشغل والشركات ..
وماطول سعود يوم استأذن ومشى ..

في حياتي كل ماحولي //وعد \\ كل ما أكتب //وعد \\
أبذل الدنيا لاجلها .. وتنزف جراحي ب ع د !
في حياتي .. ~ وعد ~
أهو كل شي بدنيتي !
هو منيتي وسلوتي !
ول ج ل الوع د
أبذل الدنيا .. وتنزف جراح ي ب ع د !

#####

نسمة هوا .. رذاذ البحر ....
غيوم السما .. زخات المطر ..
همسة هوى .. لمسة سحر ..

في باريس .. وبحرها .. وياعشق الخاطر لأقدام خطت بترابها !

بوسط القارب يركبون.. يبعدون ويبعدون ..

وعد والهوا يلعب بطرحتها ويطيرها : سعود ماكنت أدري انك تعرف تسوق القارب ..
سعود : ماكنت أعرف .. أتعلمته بس لعيونك !
وعد بابتسامة ناعمة : يابعد عيوني ..
وسندت راسها على كتفه وحضنت كفوفها ذراعه بنعومة ..

أمواج البحر هايجة من حولهم .. نفس هيجان مشاعر الغرام بقلوبهم .. نفس تكالب نيران الشوق والوله بخواطرهم ..

سعود : تخفي هواها من حياها عن الناس .. تخشى عيون الناس تجرح هواها .. قالت هلا واتبسمت واشرق الماس .. واتعلقت روحي بعالي سماها
فيها رسوم الملح والزين مقياس .. من كل لون ولون ربي عطاها .. واحساسها في الحب ما مثله احساس .. احساسها يصحى ويرقد معاها ..
معها نسيت الهم والحزن والياس .. ماعاد في دنياي شي سواها ..

تطايرت خصلات شعر وعد من تحت الطرحة تلعب عند وجه سعود .. مسك خصلاتها وباسها .... ليتها تظل بهالقرب .. ساندة راسها على كتفه .. متشابكة إيدها بإيده .. ليت هاللحظة توقف .. ياليتنا مارجعنا !

######

همس سعود : ليتنا مارجعنا !
وانتبه لقى نفسه بالسيارة لازال واقف أمام منزل أبو وليد .. !
التفت واتحسس كتفه .. وين ماكانت حبيبته ساندة راسها عليه .. عصر كتفه بألم !
وضرب الدركسون بحرقة .. وانطلق !

" وعدي .. حياتي .. بيني وبينك وعود .. ومهما تفرقنا .. نجدد العهود ! "

" لو حتى بعدنا .. بنعود ! "

" حبيبي .. أنا روحي طيف حوليك .. تشوفه بعيونك .. تحسنه بشعورك .. ! "

" حبيبتي .. اه ياحبيبتي ! "

وصل سعود بيته ودخل الجناح ولقى منال قاعدة على النت ..

وأول ماشافته مشت ناحيته واهي تتفحصه بنظراتها .. تتذكر كل حكي نهى وتحاول تربط بينه وبين الي تشوفه مع سعود .. والشكوك الي نجحت نهى بزرعها داخل قلبها ..
ودي أخترق أعماقك وأعرف شالي يسكن داخلها .. شالي يدور بحياتك ؟؟؟ فيه شي ياسعود ولا كلها شكوك بنات أوهام !

سعود : شفيك تطالعيني كذا ؟؟
انتبهت منال وقالت : عادي .. ليه ماتبيني أطالعك .. !
سعود : طالعيني بس ردي علي .. أقولك انا باخذلي شاور وحطيلي العشا الله يخليك ..
منال : الحيييييين ؟؟؟؟؟؟؟؟
سعود : ايه .. في شي؟؟
منال : لا بس .. توقعتك تتعشى برا ..
سعود : لا ماتعشيت .. والمفروض اني اتعشى ببيتي مو برا ..
منال : وانا شدراني !
سعود : هذا الطبيعي يامنال .. !
منال واهي تهز كتوفها ببرود : أوكي .. (( ومشت لبرا الجناح واهو تبعها بنظراته لين طلعت وسكرت الباب واتنهد تنهيدة ملتاعة ..

فتح دولابه وأخذله ملابس .. ويوم سكر باب الدولاب ماتسكر عدل .. !
رجع سكره مره ثانيه حس فيه شي حاجزه ومانعه يتسكر !
استغرب واهو يطالع داخل الدولاب مالقى شي !!
رفع راسه تلقائيا ولمح طرف شنطة فوق الدولاب نازل حبلها ومعيق باب الدولاب يتسكر !
استغرب شالي حط الشنطة فوق الدولاب ؟؟؟ ورفع ايده ونزلها .. !

سكر الدولاب ومشى متجه للحمام ورمى الشنطة بطريقه على الطاولة وكمل مشيه ..
بس فجأة وقف وعقد حواجبه !!

شي غريب حسه بالشنطة يوم رماها !!
كأنه الي داخلها صوت …….... !!
مافكر كثير .. ودار للشنطة بسرعه ومسكها وفتحها

وماكان يحتاج لأي ذكاء أو تفكير ليعرف شهذا الي وسط الشنطة !!

السر الي مخبيته عنه منال طول هالفترة واهو مايدري !

الكون كله لف ودار بلحظة قدامه !

وصدمته هزت كل جزء بكيانه !!

معقولة يامنال !!!!!

انتي !!!

::

تعليقاتكم .. ارائكم !

وسؤالين :
الأول : اش تتوقعون سر منال .. وكيف تتوقعون ردة فعل سعود ؟؟؟

الثاني : تركي وعبير .. على ايش بينتهون ؟؟؟

********

**SOoΚaRh** · 16-12-2011, 10:48 PM

رد: رواية لجل الوعد

الجزء الثامن والعشرون

نحلق من هذا الجزء في :
بداي ة النه ايات

الفصل الأول :
(( انه م ار ال ص دمات ))

أصعب احساس وقت ماتكون عايش على أمل يكون شريك حياتك انسان وفي ! بس وفي !!
وبلحظة تكتشف انه أبعد مايكون عن الوفاء ومعاني الصدق والصفاء ..

كان هذا شعور سعود واهو يطالع داخل الشنطة بعدم تصديق ! حاول يكذب عيونه ويوهمها ان الي يشوفه مو هو الشي الي بباله .. بس عجز يكذبها وكل شي واضح قدامه ان منال كانت تسوي من وراه هالشي .. ومن فترة بعيدة !
لم الشنطة بقبضة إيده واهو شوي ويقطعها من القهر ! وعيونه تطالع الباب بنظرة شرار شوي وتخترقه وتوصل لوين ماهي منال وتصيب كيانها هالنظرة ..
ولوهلة كان بيرمي الشنطة ويروح لها ويلعن خامسها ويمكن حتى يضربها وينتفها .. لكنه اتدارك نفسه وأخذ الشنطة ومشى للدولاب ورماها بعصبية فوقها ومشى للحمام وسكر الباب بكل قوة ..

وأثناء ماهو تحت الدش تنساب عليه الموية ..
انسابت معها أمر الذكريات ............................. !

####

منال بضيق : بس هالشي يجرح أنوثتي سعود ..
سعود : ليه يامنال أي زوجين اتأخر الحمل عندهم ممكن يروحون يفحصون أنفسهم ويتأكدون ان كل شي فيهم سليم ..
منال : بس أنا متأكدة ان كل شي فيني سليم بدون ماروح .. مو عشان أخوي يعاني تحسبني مثله !
سعود : لاتفهمين الموضوع بهالطريقة يامنال ولا تاخذيه بحساسية .. انتي بتفحصين وانا بعد بافحص عشان ماتقولين اني أتهمك بشي ..
منال : سعود احنا لنا ست شهور بس متزوجين .. بعد سنة يحلها ألف حلال ..

####

عبير : يمه شخبار نهلة بنت جيراننا ؟؟
أم سعود : بخير الحمدلله قبل اسبوع زايرتهم وشفتها اهي وولدها ياحلوها !
عبير : ماعندها غيره ؟؟
أم سعود : لا ياقلبي بعد ماجابته أخذت من حبوب منع الحمل كم سنة لين خلصت دراستها وسببتلها ضعف بالمبايض وهذي هي تعالج
سعود : لا حول ولا قوة الا بالله .. والله الحبوب والأدوية ماوراها الا المشاكل والبلاوي ..
ام سعود بابتسامة : انتبهوا منها ..
منال : اي بعد هذا الي نقص أدخل سم بجسمي !!!

####

سعود : صارلك كم يوم تعبانة ومو مشتهية لا تاكلين ولا تشربين ومو راضية تروحين المستشفى لاتصيرين عنيدة يامنال حتى بصحتك !
منال : انت لو تبي توديني عشان صحتي اوكي لكن تبي توديني بس عشان تبي تشوف هذي الاعراض حمل أو لاء !
سعود : واذا كنت باشوف !! انتي شالمشكلة الي تعانين منها بافهم؟؟؟؟؟
منال : انا طيبة ومافيني شي ياسعود .. اليوم بروح لأهلي وأوعدك اروح انا وخالتي المستشفى وأفحص وأطمنك بكل شي
سعود : وليه ماتروحين معاي .. ؟؟
منال بحرج مصطنع : تقدر تقول أنحرج منك .. خلاص سعود بروح مع خالتي وانت قدر هالشي لانها أمور تتعلق بالحريم صعب أفهمك اياها ..

####

سعود : متأكدة ؟
منال : ايه ياسعود .. كل شي سليم الحمدلله
سعود بارتياح : الحمدلله ..
منال بتردد : لهالدرجة .. يهمك موضوع الحمل ؟؟
سعود : أكيد ياقلبي .. ودي أجيب أول حفيد بعيلتنا أفرح فيه أبوي وأمي .. لكن دام اتطمنت ان كل شي فينا سليم يصير نخليها على الله والله كريم ..

####

رفع سعود راسه للأعلى وأهو يعض شفاته بقهر والموية تنسكب على وجهه ياعساها تطفي اللهيب الي يشتعل بكيانه !
كيف كنت غبي !! ساذج !! كيف صدقتها !! كيف صدقت أكذوبتها وخليتها تضحك علي طول هالفترة !! بعض كراتين الحبوب فاضية وهذا دليل انها تاخذ منها من أول ماتزوجنا !!

ماتبي ولد مني !! تدري برغبتي وحرصي على الولد .. وتخدعني بهالشكل ؟؟؟ تدري وله أبوي وأمي على الحفيد وتخذلهم بهالطريقة الحقيرة .. ياحقي رة .. يامن ال !

أنهى الشاور بعد ماحس انه يحترق تحته اثر النيران المشتعلة بكيانه .. لبس ملابسه واهو مو داري الخطوة الجاية وش بتكون ؟؟؟ فتح باب الحمام ووقعت عيونه على منال واهي قاعدة على الكنب وقدامها على الطاولة صينية الأكل !
هو قال انه يبي ياكل ؟؟ هو قال انه جوعان ! كيف حس الحين باللوعة يوم شاف الأكل قدامه !
نقل بصره بين الصينية وبينها بنظرة صارمة .. وتجاهلها ومشى عنها ..
منال باستغراب : سعود شفيك ليه ماتجي تاكل ؟
سعود واهو يفتح دولاب ملابسه وبنبرة واقفة : عليك بالعافية .. (( وطلع له ثوب ولبسه ..
منال : وين بتروح الحين ؟؟؟ مو قلت تبي عشا !!
سعود : قلت ابي والحين مابي .. انسدت نفسي خلاص !
منال : يعني تتعبني بس على الفاضي ؟؟ لعبة انا عندك جهزيلي عشا واذا جبته تقول مابي !
سعود بانفعال غريب : منال ابلعي لسانك دام النفس طيبة عليك !! و مالك شغل فيني أسوي الي أبيه !
وتركها مشى لباب الجناح وخبط فيه وطلع !

منال اتسمرت عيونها بالباب الي طلع منه واهي مو لاقية تفسير لتغيره المفاجئ ! هذا شالي قلب مزاجه فجأة بسم الله !! عشاني بس قلتله ليه ماتعيشت برا !! مالت عليك وعلى الي سمع كلامك وسوالك شي .. وشالت الصينية وودتها للمطبخ وتركتها على الطاولة ولا كلفت نفسها ترجع الأكل بالقدور .. !

طلع سعود وركب سيارته ومشى فيها واهو يحس الدنيا ضايقة فيه .. مو لاقي تفسير واحد يفسر أخذها لهالحبوب من اتزوجها لهاليوم ! كيف لعبت لين كونت غباش على عيونه منعه من رؤية الحقيقة .. شالي كانت تهرب منه وليش كانت تهرب ! شالي كانت تخشاه وليه تخشاه ! بايش كانت تفكر وكيف اهو ماحس فيها ولا درا عنها !!
طلعت تنهيدة طويلة ملتاعة من صدره !!

ماشي بطريقه مايدري وين يروح .. وش اسوي معاها الحين ! أضربها ! أذبحها ! أطلقه ا !
اه شهالمصيبة الي مهببتها يامنال ! حرام عليك عشرتنا .. حرام عليك أهلي .. حرام عليك أبوك .. حرام عليك نفسك !!
ضرب الدركسون ودار فيه بقوة ودخل شارع يحمل مكتب الخطوط .. اهو الي يبي يهرب لاخر الدنيا .. دنيا مابها صدمات ولا مواجع ولا دموع ..
وقف عند مكتب الخطوط الي باقي عليه دقايق ويسكر .. وبسرعه نزل وخبط الباب ومشى للمحل ودخل .. وحجز مقعد لمصر على أقرب طيارة ممكنة !

**********

**SOoΚaRh** · 16-12-2011, 10:52 PM

رد: رواية لجل الوعد

طلعوا من المطعم وفتون حاطة إيدها على فمها وتمشي بخطوات سريعة للسيارة .. فتح لها فيصل الباب وركبت وسكره .. ومشى وركب مكانه والتفت يطالعها واهو مبتسم بحنية !
فتون : خلاص مابي اكل يافيصل روح البيت ..
فيصل : لا نجرب مطعم ثاني ..
فتون : مابي يافيصل ريحة الأكل نفسها تلوع الكبد .. زين مارجعت قدامهم والله ..
فيصل : بس عاد لازم تاكلين من الصبح ماحطيتي بفمك شي ..
فتون : شسوي فيصل الاكل صاير يلوع الكبد مدري شلون كنت اكله قبل !!
فيصل : هههههههههههههههههه يعني بالله كنتي تاكلين قبل أكل يلوع الكبد ؟؟ انتي الحين بس الوحام متعبك بس تعدي هالكم شهر تتحسنين ان شاء الله ..
فتون : الله يعديها على خير تدري روح السوبر ماركت !
فيصل واهو يحرك السيارة : نروح السوبر ماركت ! بس شتبين فيه ؟
فتون : خرابيط .. أحلى شي الخرابيط مالها ريحة وطعمها حلو ..
فيصل : يالله أزين من ولا شي ..

مشى فيصل لين لقى سوبر ماركت كبير على الطريق .. وقف عنده ونزل أهو وفتون ..
دخلوا وأول مامشى فيصل قالت فتون : خذ عربية فيصل ..
فيصل : عربية مرة وحده .. ليه وش بناخذ احنا !
فتون : ماتدري يمكن ناخذ أشياء كثيرة عاد انا غرامي السوبر ماركت
فيصل : زين ناخذ سلة .. وأخذ سلة صغيرة ومشوا سوى داخل السوبرماركت .. وصلوا لسيب الشبسات وفتون قالت : ايييييوة هذا المطلوب .. (( ومشت للشيبسات تتخير منها لين شافت نوع بالتشيز عجبها أخذت كيسر كبير ورمته بالسلة ..
فيصل : كبير هذا يافتون لو تاخذين من الاكياس الصغار أحسن لك هذا لو فتحتيه وماكملتيه بينشف عليك ..
فتون : امممممم صح .. (( أخذت الشبس ورجعته مكانه وسحبت كيس درزن كامل من اكياس الشبس الصغيرة داخله ..
فيصل وأهو يمثل بإيده : حبيبتي انا قصدي شبس صغير واحد يعني ..
فتون : ههههههههه لا انا مافهمت اخذ هذا وخلني على ما أنا عليه .. (( ورمت الكيس بالسلة وفيصل يقول : خلاص اتعبت السلة بهالكيس ماعاد فيه مكان ثاني لشي ..
فتون واهي تمشي : قايلتلك عربية أحسن ماسمعت كلامي .. (( ولفت لجهة الحلويات وهنا بغت تدوخ عندها ..
فتون : ياربي شاخذ واش أخلي .. ؟؟؟
فيصل بمزاح : فكي نفسك من الحيرة ولا تاخذين شي ..
فتون واهي تضحك : قصدك أفك نفسي من الحيرة واخذ من كل شي ..
ومافي نوع من الشوكلاته ماسحبت منه ورمته بالسلة وفيصل عيونه مبققه بالسلة وفتون تضحك عليه ..
وبعد مافرفرت كل مكان راحت ناحية العصيرات واختارت من كل الأنواع ..
فيصل : اقول اوقفي هنا بروح أجيب عربية وأجي كسرت ايدي السلة بالاغراض الي فيها ..
فتون : هههههه ياعمري لا خلاص خلصت ..
فيصل : خذي الي تبين والله .. بس ليتني طعتك وجبت عربية من البداية
فتون : الي مايسمع كلام زوجته يضييييييييييع ..
فيصل : أها كح كح ..
فتون : ههههه اسم الله عليك .. هذا انتوا توجعكم الحقيقة ..
فيصل : أقول خلصتي ؟؟
فتون واهي تتلفت : امممممم شكلي ..
فيصل : اوكي يالله بيسكرون للصلاة خلينا نلحق نحاسب .. (( مشوا سوى وفتون سحبت جالكسي من السلة وصارت تاكله واهي تمشي ..
فيصل ابتسم وقال : الحين شلون بنحاسب عليه ..؟؟
فتون : عطه الورقة فاضية ويحاسب عليها
فيصل : وانا الي كنت اضحك على الرجال الي يوقفون قدامي اذا سووها واقول مالت على بزرانهم مايصبرون ..
فتون : ههههههههههههههه خل الشماتة تنفعك الحين زوجتك تتوحم ومافيها صبر ..
فيصل بضحكة : هي جت على الوحام يابيبي ؟؟
فتون بدلع : اي انا طفلة بمرتبة الشرف ..
فيصل بتنهيدة ضحكت فتون : يعين الله ..

وقفوا عند الكاشير وحاسبوا والمحاسب يدور بطرف عينه عن طفل معاهم .. واهو الي مالقى بالسلة غير حلويات وشوكولات وشبسات وعصيرات .. * _ ^

شال فيصل الأكياس ومشى اهو وفتون وأول ماطلعوا دق جوال فتون ..
طلعت فتون جوالها ولقت حنان المتصلة ..
ردت بمرح : اهلين خالتوووو ..
حنان : هلا فتون حبيبتي شلونك ؟؟؟
فتون واهي تمشي ورى فيصل للسيارة : تمام الحمدلله شلون سيوووووفي ..
حنان : ههههه طيب يسأل عنك ..
فتون : وه ياناس وحشني العسسسسسسسسسل ..
حنان : يالله دام وحشك تعالي شوفيه ..
فتون : اكيييييييد بجي عشانه ..
حنان : شكلك والله هذا انتي سألتي عنه وماسألتي عني !
فتون حطت سبيكر واهي تركب السيارة وتقول : ههههههه صدق ؟؟ ياقلبي طيب شلووونك !
حنان : بدري .. اسمعي بس ..
فتون : هلا ..
حنان : تعالي عندنا أهلك بيجيون يزورونا !
فتون : مين أهلي ؟؟
حنان : جدتك وعمتك أم وجدان ؟؟
فتون : جدددددد ؟؟ ماما منيرة بتجيكم !
حنان : ههههههه ايه ..
ركب فيصل السيارة وسمعهم وقال : جهزولي غدا ياحنان لا اكل ولدك اذا شفته ..
حنان : اسم الله شهالشفاحة !
فتون : من الصبح ماكلينا ورحنا مطعم لاعت كبدي وطلعنا بدون ماناكل ..
حنان : ياعمري يافيصل اجل هي تتوحم وانت تجووووع ..
فتون : ايه مو ولده .. خلاص لازم يشاركني المعاناة ..
فيصل : اشاركك يمه بالي تبين الا بالجوع عاد انا اذا جعت أكفر ..
حنان : ههههههههههههه ياقلبي عليك خلاص نجهزلك غدا ويالله تعالوا ..
فتون : اووكي ..

وسكرت منها وراحوا لبيت أبو فيصل ..
كانت حنان ومنى قاعدين بالصالة وكل وحده ترضع ولد الثانية ! * _ ^
حنان واهي ترضع سديم : يوووووووه يابنتك كنها تدري انه مو صدر أمها شوفي كيف عاقدة حواجبها وترضع واهي معصبة ..
منى : ههههههههههههههههه فديت بنتي الوفية .. مو ولدك الي كل من شاله دور عنده الصدر ..
حنان : ههههههههههههههه هذا يدل انه بيطلع اجتماعي اسم الله عليه

دخلت ساره الصالة واهي شاقة الضحك بفرح مامثله فرح .. بوجود حنان ومنى عندها هالفترة مع البيبين الي شوي وتنخبل من فرحتها فيهم ..

غمزت منى لحنان واهي تطالع ساره الي ماتدري عن الرضاعة .. وركضت وقعدت جمب حنان وطالعت البيبي .. لقتها سديم !!
عقدت ساره جواجبها وقامت بسرعه وراحت لمنى لقتها ترضع سيف !!
شهقت واهي تنقل بصرها بينهم وقالت : تراكم ملخبطييييييييين !!!!

كتموا ضحكاتهم وحنان قالت بتمثيل : يوووووه !! رضعت بنت منى مو ولدي !!
منى كملت التمثيل : ايييييي والله !! شلون مانتبهنا ياحنان !!!
حنان : يالله يامنى الحين وش نسوي !!
منى : مادري ! قولي ياساره وش نسوي الحين لخبطنا وكل وحده أخذت بيبي الثانية !!
ساره بضيق : خلاص كل وحده تاخذ بيبيها ومره ثانية لا تلخبطون..
حنان : بس الحين صارت سديم بنتي و سيف صار ولد منى !
ساره واهي موسعة عيونها : ليييييييييييييييييش ؟؟
منى : عشانا رضعناهم !!
ساره : وماصارت سديم بنتك !
منى : ههههههههههههههه الا ياقلبي سديم صار لها أمين الحين ماما منى وماما حنان ..
حنان : وسيف صارله أمين ماما حنان وماما منى ..
ضحكت ساره وبوجهها علامات التعجب وركضت واهي تقول : بروح أقول لمشعل ..
ضحكوا عليها وحنان شالت البنت وحضنتها وقالت : ياي صارت بنتي هالسدوووم ..
منى : ههههههههه أخيرا كملت احسانها وكملتها خمس رضعات ..
باستها حنان بحنية ورجعتها لمنى وأخذت ولدها واهي تقول : فيصل وفتون جايين بالطريق قومي بدلي هالقميص الي عليك .. << تقصد قمصان النفاس الخاصة بالترضيع
منى واهي تضحك : ترا مب أشين من قميصك ..
حنان : ههههههههه هذاني بقوم أبدل ..
أخذت منى بنتها وراحت لغرفتها تلبس ..

**SOoΚaRh** · 16-12-2011, 10:54 PM

رد: رواية لجل الوعد

دق الجرس وركضت ساره تسبق الخدامة للباب ..
واتي : شوي شوي سوسو بعدين طيح ..
ساره : لا خلاص انا صرت طيبة الحين ماطيح ابدا ..

حنان من داخل الغرفة : واتي حطي الغدا بالصالة عشان فيييييصل ..

واتي من برا : هذا مافي فيييييييييصل .. هذا خالد ومرام ..

منى من داخل الغرفة : بالله .. ؟؟ واتي خلي مرام تجيني الغرفة

واتي : طيييييب

فتحوا الباب ودخل خالد ومرام وركضت ساره على مرام وحضنتها
مرام واهي حاضنتها : شلوووونك سوسو ..
ساره : كويسة .. بقول سر !
مرام واهي منزلة راسها لساره : وشو ؟؟
التفتت ساره تطالع خالد وضحكت بحيا ..

مرام : هههههههه يالله قولي بإذني ..
وانحنت لها وقربت ساره لاذنها وقالت لها بهمس : ماما حنان صارت ام سديم ومنى صارت ام سيف !
مرام بمرح : صددددددق سووووها خلاص ؟؟
هزت ساره راسها بمرح ..
خالد واهو يعلك : شالسالفة ؟؟
مرام واهي توقف : البنات رضعوا عيال بعض حلووووو صاروا اخوان بالرضاعة ..

" مرام "

سمعت مرام صوت منى تناديها من داخل مشت واهي تقول : جاية ..

فتحت الباب ودخلت وشافت سديم بالمنشفة ملفوفة توها مروشتها منى ..
مرام بجنون : وا قللللللللللبي هاتيها هاتيها انا بلبسها ..
منى : طيب تعالي اخر الغرفة أدفا ..
مرام : طيب (( وفصخت عباتيها ورمتها على السرير ومشت وأخذت سديم واهي تطالعها بحنية وهوس .. وقعدت على الارض ..
فرشت منى مفرش البنوتة وحطت لها اغراضها بربتوز وردي يجنن .. وبودرتها والكريم ..

نزلت مرام البنوته بخفة على المفرش وبدت تتعبر بتصيح ..
انسحرت مرام على شكلها واهي منزلة فمها على تحت وصرخت : لاتسوين كذا لا أنهببببببببل ..
صاحت البنوتة ومنى قالت : وجع فجعتيها
مرام : هي تسحرني بحركاتها الحماره (( انحنت عليها وباستها واهي تقول : بس بس حبيبتي والله اسفة سدومة انتي طيب لا تسوين بوجهك حركات تسحر عشان ماأزعق لاني ماتحمل ..
منى : هههههههههههه احلفي ياشيخة
ضحكت مرام وقعدت وصارت تدهنها بالكريم والبودرة وطووووولت واهي تلبسها وبنعومة تمسك ايدها وتدخلها وتصك أزاريها ومنى قالت : للحين ماخلصتي ..
مرام : هذاني خلصت حطيلها بنسة ملونة بطرف شعرها والله تطلع جنان ..
منى : ههههههه ياسحري .. بس اخاف تعور راسها لبسيها بس الطاقية عشان لايضربها هوا المكيف ..
لبستها مرام الطاقية وصكتها من تحت حلقها وشالتها واهي منسحرة منها .. وقفت ومشت فيها للمراية واهي تكلمها وتقول : ياعسل انتي شوفي هذا القمر الي بالمراية سدووووومي ..
ضحكت منى واهي تشوف مرام واقفة بسديم عند المراية وراسهم جمب بعض وقالت : مرام تصدقين سديم تشبهلك !!
مرام : ياحظي أنا هالملاك يشبهلي ؟؟
منى بضحكة : والله جد تشبهلك انتي أكثر مني .. اقعدي بالله خليني اصوركم ..
قعدت مرام على الكنبة الصغيرة ورفعت سديم لجمب وجهها وأخذت منى الكامرا وصورتهم صورة من أحلى الصور ..

اندق الباب وقالت منى : اتفضل ..
انفتح الباب ودخلت فتون وشافت مرام واهي قاعدة على الكنب وقدامها منى بالكامرا مشت بدون ماتسلم وحشرت نفسها بين مرام وسديم تبي تتصور معهم وضحكوا عليها وصورتهم منى
شالت فتون سديم من مرام واهي تقول : هاتيها الطعمة هذي الي أخذت العقل كله ..
منى : خلاص خذوها واطلعوا برا ببدل أنا ..

قاموا البنات وطلعوا .. وكان خالد قاعد مع فيصل بالصالة ..
خالد شاف فتون واهي جاية بالبيبي وتبوسها وقال : هلا بالحامل والمحمووووول ..
فتون : هلابييييك ..
فيصل : هاتيها الحلوة هذي ..
ناولته فتون البنوته وقعدت ومرام رمت نفسها واهي تقول بتنهيدة : تجنن !
خالد واهو يهز راسه انه هيمان : انتي الي تجننين
فتون : احم احم .. (( وكشت على مرام واهي تقول : مالت ..
مرام : مغترة علينا يالخاينة عشان الي ببطنك !
فتون وليش تقولين خاينة ؟؟؟؟
مرام : هذي اخرة الوعووووود والعهوووود ونحمل سوى ونجيب البيبي سوى .. حملتي قبلي بدون ماتخططين معاي !
فتون : هههههههههههههههههههههههههههههههههههه صح هو بكيفي!
مرام : أجل بكيف ميييييييين ؟؟
فتون : رب العالمييييييين !
مرام : ايه سكتيني بس ..
فتون : شدي حيلك انتي يالله !
مرام : ليه هو بكيفي ؟؟؟؟
فتون : اجل بكيف ميييييين ..
مرام باستهبال : رب العالمييييييين !

فيصل : استخفوا ذولا .. يالله انا باطلع مع خالد ..

فتون : اتغديت يافيصل ؟؟؟
فيصل : لا طلع حتى خالد ماتغدا وقلنا نطلع نتغدا سوى !
فتون تكلم خالد : وانت ليه ماتغديت ؟؟
خالد يصطنع الاستياء : محد طبخلي ولا غداني ..

فتون تكلم مرام : وليه ماطبختي لزوجك ياعيني عليك !
مرام باستهبال تقلد فتون : دايخة وحاسة بلوعة وغثيان وماقدر اوقف ..
فتون : هههههههههههههههههه اسخري يادوبا اشوف فيك يووووووم
مرام : ههههههههههههههه لا ان شاء الله أطلع مثل امي تقول ماتعباها بالوحام ..
فتون : بس لابد من التعب حبيبتي أكلي زوجك وغذيه من الحين احسن لك ..
مرام واهي تضحك : يازينك يافتون اذا نصحتي ..
فتون : ههههههه اعجبك ..

وقفوا الشباب بيطلعون وفتون خذت البنوتة واهي تقول : طيب انا جوعانة !
مرام : حتى أنا ..
خالد : سخنوا الغدا هنا وكلوا أكيد باقي منه ..

فيصل : انتوا ليه ماتغديتوا للحين جد !
مرام : صحينا وفطرنا متأخر وماحسينا بجوع الا الحين ..

فتون : أنا مابي غدا البيت ..
فيصل : ها حبيبتي شتبين ؟
فتون : جيبولنا شي من برا بس مايكون فيه ريحة مو حلوة ..
فيصل : مو الريحة المو حلوة انتي بس الي تحسينها !
فتون واهي مكشرة : خلاص أجل الله يخلي شبساتي نزلي اياها من السيارة ..
فيصل : من عيوني ..
ابتسمت فتون بدلع .. ومرام قالت : الله لنا ..

خالد : انتي اتوحمي وشوفي شلون أدلعك ..
مرام : الدلع الي مايجي الا من ورى التعب مابيه .. وبالله عليكم خلاص لاتقعدون تدقون بالحكي اذا الله كتب لي حمال حملت يووووه ..

عقد خالد حواجبه مستغرب من حمقها المفاجئ .. بنفس الوقت الي طلعت حنان شايلة ولدها وسلموا عليها وعلى ولدها ولاعبوه شوي وطلعوا .. وفيصل نادى مشعل عشان يعطيه خرابيط فتون ..
طلع مشعل معاه .. وشوي وجا يركض بالاغراض واتربع بالصالة بحماس وكبها كلها على رجوله

فتون : مشعلوووووووووه حلوياتي ..
مشعل : اصبري بالله عليك هذي الشوكلاته أدورها من زمان ..
فتون : مشعل اترك لاوريك حرام عليك انا ما اكل الا هالاشياء بس

حنان : مشعل عيب عليك اترك أغراضها واهي تعطيك

مشعل : انا مع الشوكلات ماعرف العيب كللللش ..

قامت فتون ناحيته واهو سحب الي عجبه ونط واقف تارك الحلويات مكانها ..
فتون : والله لو مالتعب الي فيني كان لاحقتك ووريتك لكن انا أعلم فيصل عليك ..
مشعل : يووووو ذلتنا بهالتعب وهالفيصل الي يهش الذبان اذا مر قدامها ..
فتون : هههههههه مالت عليك انت وامثالك .. ((ولمت حلوياتها ورجعت للبنات ..

**SOoΚaRh** · 16-12-2011, 10:56 PM

رد: رواية لجل الوعد

ركب خالد السيارة جمب فيصل وطلع جواله وكتب مسج وأرسله ..
وبعد ثواني رن جوال مرام الي كانت متضايقة من زن الكل عليها بالحمل ..

أخذت جوالها وفتحت المسج وقرت :
!!
ليه الزعل ياقمر سماي ؟؟
يابلسم جروحي ودواي
تحلى دنياي بضحكتك واذا زعلتي اتعكر صفاي
ابتسمي مرامي يانبض قلبي وهواي
!!

ارتسمت أحلى ابتسامة على شفاتها واهي تعيد قراية كلماته المفعمة بأرق معاني الغرام .. اختارت اضافة رد وتاهت مابين الحروف ! طال الوقت محتارة ومو قادرة تعبر عن احاسيسها الي غمرتها هاللحظة ..
وفجأة دق الجوال بايدها ..
شافت اسمه وردت واهي تضحك : ههههههه هلا ..
خالد : فديت هالضحكة .. وينك مارديتي ؟؟
مرام : هذاني برد الا انت دقيت ..
خالد بحنية : ليه زعلتي حياتي ؟
مرام تهمس بحمق : خالد ماحب النق الكثير .. لا منك ولا من غيرك مو عشان فتون حملت خلاص انا صار فيني بلى الحين !
خالد : أحد قال كذا ؟؟
مرام : هذا معنى كلامكم ..
خالد : لا ياقلبي ماحد يقصد هالشي بس يبون يفرحون فينا زي مافرحوا بغيرنا ..
مرام : واحنا بعد ودنا بس الله يكتب الي فيه خير
خالد : يوه منك اذا عصبتي تصيرين موحلوة تخرعييييين ..
مرام : هههههههههه شسوي فيكم انتوا تعصبوني ..
خالد : روق ياعصبي وقوليلي ..
مرام : ها حبيبي ..
خالد : أجيب لك معاي شي ؟؟
مرام : اممممم مادري بشوف ان ماكليت شي بدق عليك ..
خالد : أوكي عيوني أجل أخليك ولا تقعدين تهلوسين ..
مرام : هههههه أوكي .. باي ..
ومحت مكالمة خالد أي أثر للزعل بخاطرها ..

طلعت منى بعد مالبست وردي مثل بنتها ومشت وقعدت جمب فتون وهمست : أخبار عبير ؟
فتون : على ماهي عليه ..
عبير : مادق زوجها ؟
فتون : أبد اتخيلي !!
منى : الحمدلله والشكر يعني زعلان !
فتون : مدري عنه ياشيخة يتغدا فيها قبل تتعشى فيه ..
منى : واهي مافكرت تدق ؟؟
فتون : لا وليش تدق بالله ! اهو مو زعلة ويراضيها عليها .. اهي سالفة لازم تنحل وتنتهي بدل المشاكل الي كل مالها تزيد وهم بهالبيت ..
منى الي مو عاجبها الوضع أبد .. قالت : بس برضو مايصير الاثنين يعندون واحد لازم يتنازل ..
فتون : اختي الي دايم تتنازل يامنى وتصبر وتتحمل وتتعب لجل سواد عينه .. شفيها لو تنازل اهو هالمره !
منى : صادقة بس تتفاهم معاه .. شوفي صارلهم كم محد دق على الثاني واثنينهم محترقين على بعض .. لازم أحد كبير يتدخل ..
فتون : عبير ماتبي أحد يتدخل أبد ..
منى : أما عبير اذا عندت تستشر ! انا بكلمها اتفاهم معاها ..
فتون : لاتقوليلها ترجعله بدون حل يامنى .. معليه انا مابي أقولها هالحكي بس اقوله بيني وبينك .. المفروض يبوس ايده وجه وقفا انها راضية تعيش معاه وتحبه وتموت فيه بعد واهو ينقصه الي انتي خابرة ..
منى بضيق : انتي لاتقولين لعبير هالكلام يابنت !
فتون : أدرررري .. أنا اقولك انتي .. مابي نضغط عليها واهي مضحية بحياتها عشانه .. واهو واعدها يحقق لها الي تبي وهذا اخرة الوعود !! بيت مو راضي يطلعها فيه ! لا بصراحة شي يقهر ..

نزلت هالوقت أم فيصل وشافت البنات متجمعين وابتسمت بفرح واهي تقول : هلا والله ببناتي ..
قاموا مرام تسلم وفتون حاولت تضبط أعصابها بسبب سالفة اختها الي مأثرها فيها حيل وسلمت على خالتها وقعدوا

مرام : طيب انا جوعانة الحين شالحل ؟؟
ام فيصل بمزح : وليه جايتنا جوعانة ماتغديتي ببيتك !
مرام : فطرنا متأخر عاد وماطبخت ..
أم فيصل : بيجونا أهل صالح وبنطلب عشا ..
مرام : مافيني صبر (( ومدت ايدها لفتون واهي تقول : هاتي الكيس الي عندك اشوف ..
فتون : يالييييييييل كلهم حطوا عيونهم على أكلي ..
أم فيصل واهي تطالع الكيس : هالخرابيط تسمينها أكل يافتون ؟؟
فتون : شسوي خالتي ريحة الزفر والطبخ تلوع الكبد ..
أم فيصل : زين كلي خس خيار اشربي حليب كلي فاكهة هذي كلها مالها ريحة بس انتي ماتبين الا هالخرابيط ..
فتون : هههههههه فديت خالتي فاهمتني ..
مرام مانتظرتها وقامت سحبت الكيس وطلعت منه كم شوكولاته ..

ساره بحيا : أبي وحده ..
فتون : انتي لك الكيس كللللله ياقلبي
ساره : هههههه شكرا ..
حنان : تعالي سوسو تعالي ..
مشت ساره وقعدت جمب حنان .. وحنان حضنتها واهي تقول : سوسو مين بيجينا اليوم ؟؟
ساره : أهل عمو صالح
حنان : ومين أهل عمو صالح ؟
سكتت ساره شوي .. بعدين قالت : أمه .. ماما منيرة !
حنان : صح .. وعمته الي عندها بنتين دايم يجيبولك هدايا وحلويات ..
ساره بمرح : وجدان و بشاير !!
حنان : شطوووووووووورة سوسو يابعد عمري انتي (( ولمتها أكثر واهي تطالع ام فيصل الي شقت الضحكة وقالت : الحمدلله كل مالها أحسن ..

دخل مشعل الصالة واهو يمشي بسرعه ويقول : وائل بيجي معاهم ..
أم فيصل : صدق ؟؟؟
مشعل : ايه تو كلمته قلتله تعال مع جدتك قال أصلا نهى بتجي قلت خلاص تعال ..
أم فيصل: الله يحيي الجميع ..

وعلى المغرب جت الجدة وبنتها سعاد وبناتها وجدان وبشاير ونهى ووائل ..
استقبلوهم بمجلس الضيوف وكان فيه سريرين سديم وسيف ..
واحد وردي وواحد أزرق * _ ^

مشعل أخذ وائل لغرفته الي صار فيها تلفزيونه والبلاي ستيشن بعد ماحقق أمنيته الي تخبرونها ..
والبنات قعدوا سوى يتبادلون البيبيهات .. كل شوي وحده تشيل بيبي وتنسحر عليه وتاخذه الثانية لين قالت الجده : ملعتوا ايدين الصغار .. امهدوهم ياويلكم من الله ترا المهاد أكربلهم ..
قامت حنان شالت ولدها ومهدته بالكوفلة .. ومنى نفس الشي وحطوهم بسررهم ..

نهى : بشاير ههههههههههههههههههههه
بشاير : شفيك ؟؟
نهى : شكل سيف رجع عليك شوفي كتفك موصخ !
شهقت بشاير وفزت وضحكت نهى عليها وقالت : تراه مو دودة تتروعين هههههههههههه
بشاير اتفشلت وقالت : الله يخس ابليسكم وين الحمام !
نهى : اطلعي برا دوريه
بشاير : احلفي ياشيخة ..

انتبهت مرام لبشاير واهي واقفة وقالت : بشاير تبين شي ؟؟
بشاير بحرج : اممممم المغاسل .. سيوف الحلو رجع علي !
حنان : ههههههههه بالله مايستحي على وجهه !
فتون : مسك وعنبر
حنان واهي تغمزلها : أعبيلك قاروة !
فتون : ههههههههههه لا مشكورة ..

ورتها مرام مكان المغاسل ورجعت ..
وبعد ساعة قدموا العشا ومرام قالت بهمس : من كثر الجوع ماعاد أحس بجوع ..
منى : وفرتي أجل امسكي بنتي خليني باكل ..
مرام : يوه ماصدقت على الله ..
منى : غيريلها تكفين ..
مرام : حبيبتي انا ألعب وأبوس ايه أغير حفايظ لا ..
منى : اتعودي من الحين خذيلك خبرة ..
مرام واهي تأشر على فتون : خلي هذي الي تاخذ خبرة ..
فتون واهي توقف : انا بروح اكل ..
ضحكت منى عليها ومرام أخذت البنوته وطلعت تغيرلها .. " فديت خالة عيالي وه بس "

**SOoΚaRh** · 16-12-2011, 10:57 PM

رد: رواية لجل الوعد

بعدها ودعوهم بعد ما أهدوهم أحلى هدايا .. ورجعت أم وجدان والجده للبيت ..
ومعاهم نهى ووائل والبنات .. قعدت أم وجدان مع أمها .. والبنات قعدوا قبال التلفزيون بعبايتهم .. وتهاوشوا على الريموت .. وبالأخير انتصرت وجدان بحجة انها عروستهم الكبيرة
* _ ^

دق جرس البيت وراحت الخدامة تفتح .. بعد شوي جت وقالت : مدام مريم جات ..
أم وجدان : ياحليلها هذي ام فواز ..
الجدة : صلحي قهوة ياكواتي ..

بشاير : يوووه هذي شجابها ؟؟؟
ام وجدان : بس بلا قلة حيا ..
بشاير : والله ماراح نتفرج براحتنا خالة مريم ماتحب تشوف خرابيط ..
وجدان : حطي على المجد من الحين احسن من الفشلة اذا دخلت
نهى : بس والله خالة مريم طيوووووووبة واحسن مافيها دينها ..

انفتح الباب ودخلت أم فواز .. قامت ام وجدان ورحبت فيها وسلمت عليها وقاموا البنات يسلمون ..
سلمت أم فواز على الجدة وقعدت واهي تقول: اعذريني ياخالتي صار لي فترة ماجيت سلمت عليك .. بس والله ولدي عندي هالايام جاي إجاوة ومنشغلة معاه ..
الجده : يابعدي والله شلونه وكيف دراسته ؟؟
ام فواز : بخير الحمدلله يسلم عليك والله للحين مانساك ويذكركم بالخير
أم وجدان : عشرة عمر يا ام فواز هالجيرة الي جمعت بيننا من سنين ..
أم فواز : اي والله ويشهد الله اني أعدكم من حسبة أهلي ..
ام وجدان : ماعندنا شك والله .. مافكرتوا تدوروله عروس ..
ام فواز بابتسامة عذبة : والله بديت أطري العرس عليه بس يبي يخلص دراسته بعدين يفكر ..
الجده : الله يخارجه من هالغربة على خير ويرده وكل مغترب سالمين غانمين ..
(( يابعدي ياماما منيرة امين ))

التفتت ام فواز تكلم البنات : شلونكم يابنات .. شلون عروستنا وجدان ؟؟
وجدان : هههه بخير الحمدلله انتي شلونك خالتي ؟؟
ام فواز : الحمدلله بخير .. وانتي يانهى شلونك شلون أخوانك ..؟
نهى بابتسامة واسعة : طيبين الحمدلله ..

رجعت ام فواز تسولف مع الجده وأم وجدان وبشاير قالت بهمس : ياحلوها عطتنا وجه !
نهى : قايلتلكم هالانسانة حبوبة وطيبة مرررره ..
وجدان : وع على زوجها الي طلقها وترك هالزين مالت عليه ..
بشاير : ماتدرين عن الظروف احنا شدخلنا بعد ..
نهى : ههههههههه وجدان من ملكت صاير تتفلسف بالزواج والطلاق الله لايبلاك بس
ضربتها وجدان واهي تقول : وجع ماتعرفين تمزحين ..
نهى : ههههههههههههههههههههههه
التفتت أم فواز لضحكة نهى وابتسمت لها ونهى استحت منها واهي تحس بارتياح لهالانسانة !

******

()
تم ض ى الليالي والزمن فيها يدور
ويبقى الش ع ور الداخلي نفس الش ع ور
(ياخوي) يا عزوتي يا ض ح كتي وبكاي
يا من على فزعتي يم ي نه في يمناي

من لي سواك اللي على اكتافه ارتجي ؟
لي بان الوقت واخاف فيك الدهر !
انت ~العضيد~ الي أشق فيه الضهر
(يا اخوي)
()

سكرت عبير من منى بعد ما حكت معها وطلعت الي بخاطرها .. ومنى احتوتها بكل ود ونصحتها تدخل سعود أخوها أفضل من أبوها ..
ماتنكر شكثر ريحتها مكالمتها مع منى وزرعت بذور الفرح بأعماقها .. اهي بنت خالتها وصديقتها وتوأم روحها .. ياما فهمتها من نظرتها وترجمت لها عيونها لغات الحزن المكنون ..

طلعت من غرفتها ونزلت وإهي ماسكة الجوال بإيدها .. كل مابين لحظة والثانية تلقي نظرة عليه بطرف عينها ياعسى يدق أو وصلته رسالة ! لكن بكل مره تذبل ورود أملها لان الحاصل لا شي !
نزلت الدرج لقت أمها وسعود قاعدين بالصالة ..
سمعت أمها تقول : وكيف بتعلمها وتقنعها بسفرتك ؟؟؟
سعود بحمق مفاجئ : عسى عمرها لادرت ولا اقتنعت !!
أم سعود : أفا ياسعود شفيك عليها ؟ من حقها تخبرها بسفرتك وتعطيها سبب لهالسفرة ..
اتدارك سعود نفسه وأعصابه .. اهو كتم سالفة منال بأعماقه لين يلقى لها حل .. خبى النار وسط قلبه لا تحرق بها قلوب أهله معه .. خلي المواجع تكوي روحي بس لا تقرب من أهلي!

قال بضيق : بقولها سفرة عمل وخلاص عاد ! مو بكل مره باختلق أسباب لسفرتي الي راح تكرر كثير ! خلي أبوي يتصرف الحين دام اهو الي مو راضي أجيب زوجتي لهنا !

قعدت عبير وإهي تقول : انت تقول ابوي وتركي يقول ابوي ومابلانا الى حكم ابائنا .. هذا تركي مايبي يكسر كلمة أبوه يوم وعده يبقى ببيته على طول وخايف على زعله ورضاه .. وأنا مابي يعصي أبوه بس متأكدة عمي لو عرف أوضاعنا بيتفهم ويرضى نسوي الي نبي ..
سعود : طال الوقت ياعبير وانتي تاركة زوجك .. أبوي وعمي ساكتين بمزاجهم صدقيني اذا اتدخلوا ماراح تفرحين .. فأحسن اتفاهموا انتوا مع عمي واقنعوه ..
اتجمعت الدموع بعيون عبير وإهي الي كابدت دموعها طول الفترة الي راحت .. وانحبست الكلمات بحلقها وأم سعوم قالت بحزن : حبيبتي لاتبكين وكل سالفة ولها حل ان شاء الله ..
عبير من بين دموعها : صعبان علي تركي أتركه لحاله . وعدته ما أخليه لو وش يصير بس والله الاوضاع كانت أقوى مني وفوق احتمالي !

سعود :وانتي ماغلطتي .. نوال هذي ماتتعاشر مبين من كلامها وحركاتها القرعا الي تسويها مع منال ومع الكل .. ولانتي ملزومة تتعايشين مع وحده بهالشكل لاشفتوا خيرها ولاكفتكم شرها لازم يفهم تركي هالكلام !
عبير : فاهمه ياسعود وداري عن هالكلام وعارفه .. لكنه شايل هم اخوانه يتركهم بلا اتفاق معها ولاحتى مع أبوه !
أم سعود : وعلى حساب راحتكم لا والله مافكرت ياتركي !

سعود : عبير شرايك أنا أكلمه واتفاهم معاه ؟؟؟
عبير بحزن : فكرت فيها ياسعود لكن ماتوقع يسمع لك .. خالد اتلقف من عنده وراح كلمه وقاله لو سمحت انا ماتدخلت بحياتك لاتتدخل بحياتي !
سعود : لا بس أنا مايقولي كذا .. تركي يحترمني وأحترمه وان شاء الله يسمح لنا نتفاهم ..
أم سعود : كلمه ياوليدي وحل الموضوع .. ابوك لو اتدخل بتكبر السالفة لكن انت واياه حلوه بيناتكم وحاولوا توصلون لنتيجة ..
سعود : ان شاء الله .. (( وابتسم لعبير وقال : امسحي دموعك ياقلبي مافي شي يستاهل .. تركي طيب ويحبك وماتهونين عليه !
عبير والعبرة خانقتها : أتمنى يكون هالكلام مستمر للحين ..
سعود : شدعوة عبير بينسالك كل شي عشان هالسالفة بس ! تركي أصيل وانتي أدرا به مني ..
هزت عبير راسها تحاول تجمع شتات الأمل المبعثر بكيانها .. وقالت : الله لايحرمني منك ياخوي ..
سعود وقف واهو يقول : ولا منك يارب .. يالله تصبحون على خير .. وبقولكم شصار معاي ..
أم سعود + عبير : وانت من أهله ..

رواية لجل الوعد / كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget