هشام يشتغل على اللاب توب بحماس ....

أميرة كاشخه على اخر أناقة الحمل ..... ومعها كاس عصير

اميرة : هاه حياتي بشر عساك خلصت

هشام : ياقلب حبيبك والله انت خلاص يالغلا شويات و بنجز كل شيء ياعمري

اميرة تبتسم وهي تعطيه العصير ......

هشام : لا ابيه من يدينك

اميرة عدلت جلستها : وأنا كم من حبيب عندي تستاهل يا ابو عبدالعزيز << عكس ورده تماما ، اميرة فاهمة كثير ...

دق جوالها عقدت النونة اميرة : مين بيدق ذالوقت يؤ لا يصير تركي الله يستر بروح اشوف

هشام مسك كاس العصير : انا قايل منذ مبطي ان العواذل كثير خربوا علينا

اميرة بقلق : بشوف مين ...

اميرة ناظرت جوالها : داليا

هشام : ههههه والله اني قايل انه واحد يسمع بالذوق اختك ذي وجه ابه فهره مايهمها شيء دقي شوفي وش عندها ..؟

اميرة : هلا دلو

داليا : اهلين و سهلين

اميرة : وش عندك ليشم ابعد نمت فيك شيء

داليا : اعصابك ههههه ولا شيء بس مسكت معي اسهر

اميرة عصبت : احلفي بس و دراستك تدرين كم الساعة

داليا : بالله لا تقولين ان الساعه 2 ونص ههههههه

اميرة : سخيفة للحين

داليا : وش فيها السخافة احسن شيء بالدنيا اصلا خخخخ

اميرة : تدرين انك رجيت قلبي قلت اكيد فيك شيء

داليا : ههههههه لا تخافين نايف ياعمري مرابط عندي 24 ساعه لا عاد كله بكوم ويوم نروح لابوي بالمزرعة المس كوم

اميرة : ههههههه الله يعينك ضربت مشوار

داليا : أي والله ياني اكره طريق الخرج ذا حقدت عليه عشان المزرعة مدري وش معجب ابوي مسنتر فيها ...إلا تعالي وين قيس ؟

اميرة تناظره وهو يقفل اللاب : يسلم عليك ههههه

داليا : انا والله فاضيه وقلت بخش النت فحبيتا وريك اخر ديزاين سويته حطيت عليه صور اخواني كلهم ابيك تشوفينه وبعد حبيب خاله يانا مجهزة له حركات ....
اميرة : اسكتي لا تذكريني بليز .....ترى والله ابكي اذا تذكرت ...اصلا حتى لميس يوم ولدت غمضت عيوني مابي اشوف خفت

داليا : خخخخخ تخيلي تولدين مثل ولادتها ههههه إلا تعالي ود يوم شافت المشهد دقتها ام الركب ويقولون بالقوة واختها طمنها سعود انه بيوديها المستشفى قبل ولادتها بايام كثيرة تفاديا لهيك شغلات

اميرة : ود عاد خوافه من يومها ههههههههههههه

داليا : اجل يالله انا بفحط في المنتديات شوي و بنوم انتبهي لعمرك

اميرة : وانت بعد حبيبتي ...إلا تعالي وين نسرين ..؟

داليا : عندها راما والظاهر بكرة فيه حفل بمدرستهم وتعرفين نس نس تضرب ابو الأناقة فشكلها ناوية بتهزئية محترمة للمدرسة اللي طردت راما من الكلاس

اميرة : ههههههههههههه الله يعين يالله حبيبتي باي

داليا : بايات ....

رجعت تغوص في المنتديات و تفحط في عالم الروايات لإنها مدمنة قراءة الروايات ....
-
-
حجرف في الخبر هو و نواف

طبعا حجرف تقابل مع اصحابه في مقهى راقي جدا في الخبر

حجرف و نواف سلموا على القروب اللي تعرفوا عليهم ....

اثناء الجلسة ( طبعا كلهم قاعدين يتصفحون النت )

نواف : والله مدري وش جايز لكم بذالشات انا منب بحب هالحركات ههههه

دعاني الشوق ( ناصر ) : بالعكس فله والله تصيد على كيف ام راحتك

ناصر : بالعكس تدرون اني انا مشبك يمكن 20 او 26 بنت بالشات

نواف : هههههههههههههه تنرحم بالله مبسوط على هالإنجاز

حجرف : خله يوسع صدره البنت اللي ترخص نفسها تستاهل

ناصر : تدرون يا شباب البنات وربي صدعوا براسي من كثر ما يحبوني و يطيحون على النك نيم تبعي ناظروا بالله كم برايفت كونفرسيشن معي ...!

حجرف ناظر نواف وابتسم ...... نواف : كفو والله هههههههههه

( طبعا وصل 3 اشخاص من طرف ناصر وكلهم شباب كول و رايقين بس مشكلتهم تفكيرهم سطحي جدا كل واحد همه كم برايفت كونفرسيشن معي ... وكم صديقة معه ... واللي اكثر محادثات خاصة و اكثر رصيد بالبنات هذا هو الرجال بنظرهم < - - - تفكير سطحي و عقيم جدا

استمرت الجلسة و اسمتعوا الشباب مع بعض .....
ناصر : حجرف لا تقول انك بتروحون الرياض الليلة

نواف : إلا والله بنرجع ترى كلها قطة عصا يعني نمغطها بإذن الله قبل الفجر واحنا بالرياض

حجرف : متعود انا ترى على مشاوير الخبر والرياض بالذات هههههههه

ناصر : ماسرع جلسنا مع بعض ياخي

حجرف : يالله عاد انت لازم نشوفك بالرياض ونفل ابو السبحه هناك يجوز لك الوضع

ناصر : ياخي والله مع اني منب بحب الرياض كتمه مافيه شيء كل شيء عوائل او ممنوع هنا فله و غمز عينه

حجرف : ههههههههههه انت تعال ومالك إلا اللي يسرك يا رجال ...

توادعوا وكل راح بطريقه

في السيارة

نواف : ياخي انا رفيقك ناصر ذا ما هضمته خير شر مهايطي بقوة

حجرف : ايه ملاحظ عليه ههههههههه وإلا رحمته يوم يستعرض بخوياته لو بسوي مثله كان غطيت على ابو جد خاله بهالحركات

نواف : ههههه ياخي والله سطحي من يوم جلسنا لين قمنا وهم كلامهم بنات وبنات وخير واخرتها طيب ههه

حجرف وهو يفسخ شماغه : وسع صدرك يارجال

نواف : ايه بس يعني اول مره يشوفنا يعني المفروض يثقل مو يكب عشاه كله و يستعرض بالبنات ونعم ماستعرض به والله ههههههههه

حجرف يبتسم : هو حبيب بس انه مهايطي واضح .....انتبه للطريق بس ....

شويات دق نايف على حجرف و رد عليه ....
-
-
-

(( البارت القادم كله عن الجريحة العاشقة زينة ))


" بندر لا يزال يتغصص بحزنه و قهره و همش صوفيا تهميش تام وكأنه كائن يعيش على بقايا الذكريات او بالأحرى رماد إنسان كان ذات يوم ...!!

" بندر و صوفيا كلي شخص بصوب وبندر نادرا يواجهها اصلا اعطى شغله كل إهتمامه و هي فتك بها من خلال معرفته بتاريخها الأسود ..... مع إنها حلفت له على انها تغيرت و راح تشتري ثقته بأي ثمن ,,, بالكاد لن ينسى فعلتها ولكن ربما يريد ان يمنحها شيئا من الصلاحية ...ربما ولعل وعسى ان تهتدي على يدي ... لو طلقتها راح تنحرف ....لابد اعالجها و اصبر معها لين يفرجها ربي .....؟؟؟

بعد مرور شهر

زينة ازدادت حالتها سوء واللي زود حالها سوء ان ابوها وامها تطلقوا وان بندر استمرت حياته مع العقرب صوفيا في سكون وهدوء

هنا كانت الطامه ....

انيهار مشاعر ..

كسر قلوووووب ...
" حتى ابوي وامي تطلقوا ليش بس ليش ....؟ "

امها استقرت بنفس البيت لانه بإسمها،،و ابوها طبعا في ايطاليا و اخوها يدرس في كندا ..

وش ممكن يصير لزينة وهي تحت كنف رحمة امها ....؟؟؟؟ او بالاحرى مضاوي ؟

وش ممكن يصير مع حجرف و نواف ...؟؟

وش ممكن يصير مع ورده و بدر ... و وصوفيا و بندر هل من الممكن ان تتغير صوفيا و تهتدي على يدر بندر ...ربما نعم و ربما لا ...؟؟

زينة وين بتروح ....؟

تحياتي و تقديري للجميع

بعد مرور شهرين ..


><<< الصراع مع الحياة لون طاغ ....إيقاع باغ ..عزف مؤلم دام ..>><<<


^؛^ ألا يا وقت وين اللي على بالي !!
يجي و يروح هذاك اللي ملك قلبي و تفكيري و وجداني
اموت بطيفه اللي لمحته تنتشي بي روح ..
إذا شفته أحس اني بعالم ثاني
...^؛^




" بعض الشخصيات واقعها يعزف التيارات على وتر مشاعرها ذكريات روح...و واقع مجروح..و دموع تنوح .."
-
_
-
-
تلك كانت الحياة حافلة بالأحداث السعيدة والحزينة و الأروع من ذلك


" ود ولدت وجابت ولد سموه بندر "

" أميرة ولدت وجابت ولد و سموه عبدالعزيز "

" نسرين لا تزال على غطرستها و عنجهيتها وتسعى جاهدة لتعويض نقصها بمظاهر إجتماعية زائفة "

" ضي و خالد يعزفون حياتهم بلحن الحب و الإخلاص "

" بدر لا يزال غائبا عن اجواء ورده و يتضجر من حياته بينه وبين نفسه و يؤسفني أن اقول بأنه قد بدأ بعلاقة غرامية مع إنسانة اخرررى << نتطرق لها لاحقا بإذن الله "

" حجرف لا يزال يغوص في عالم النت وقد توطدت علاقته بناصر " دعاني الشوق " واصبح اشهر من نار على علم في ذاك الموقع "

" نواف لا يزال يراقب أجواء زينة و يبحث جاهدا عن الإتيان بأي معلومة قد تطمن مشاعره عنها لإنه بات يهذي حتى في نومه "

" بندر حياته خرساء اراد أن يحسن النية ويعمل على تنشئة صوفيا من جديد ليس إلا "

" الهنوف و ريم و داليا للحين على رجتهم و خبالهم ومبسوطات بالنيو بيبيز كثير "

" الشياب لا يزالون على الخطط البالية و التفكير بمستقبل ابنائهم من وجهة نظرهم الشخصية حتى أنهم قرروا أن يبتعث نواف للخارج +_+ دام انه رافض يتزوج "

" سلمان ازداد عشقه للبر اكثر ^_^ و شاعريته صقلت بشكل جيد ، بدر " اخو زينة" لا يزال يغرد خارج سرب السعودية وكذا والدها ....أم زينة " مضاوي " انشغلت بقوة فظيعة عن زينة و همشت وجودها تماما "

" زينة ازدادت حالتها سوء واللي زود حالها سوء ان ابوها وامها تطلقوا وان بندر استمرت حياته مع العقرب صوفيا في سكون وهدوء "


((()))(( بكيت في أول الخطوات فكيف بباقي الخطوات ))(()((

هنا كانت الطامة ....

انيهار مشاعر ..

كسر قلوووووب ...

" حتى ابوي وامي تطلقوا ليش بس ليش ....؟ "

امها استقرت بنفس البيت لانه بإسمها و ابوها طبعا في ايطاليا و اخوها يدرس في كندا .. "

&& هذا موجز بأهم التغيرات التي حدثت في ملامح تلك العوائل .... &&-
-
-
-
-
( تتلاعب الدموع بعيني كلما تذكرته )

طبعا امها تضايقت بقوة من وجود زينة اللي صارت تتجنب الاختلاط بالناس والحفلات اللي تسويها امها

طبعا كثير ناس خطبوا زينة بس اهي ترفض بقوة بحجة انها تعبانه وماتبي ترتبط

دخلت ام زينة وجلست عندها في غرفتها الظلمة وشغلت النور

ام زينة : قوووومي يلا بقولك..؟

زينة بخوف لانها تكره النور : سمي ....

مضاوي : في خطيب جاي ماشاءالله ثروة وجاه وفوق كل ذا شيخ .؟

زينة حست برعب نفسي فظيع صدت : يمه زواج مابي مابي مابي فكيني ...

مضاوي تبتسم بسخرية : ومين قال انه لك اصلا تفشليننا اذا اخذتيه هذا اعلى من مستواك انت واهلك الهمج البدائيين ههههه بعدين غبيه انا ازوجه وحده معقدة نفسيا زيك ..؟

زينة بكت و دموعها هماليل : يمة مابي اتزوج تكفين تكفين ......

مضاوي : الظاهر لسى حبيب القلب متربع في القلب الظاهر اللي يصفقك ويهينك تحبينه وتبوسين رجوله وتبيكن عليه عموما خلاص اهو تزوج ومبسوط سعيد طاير بصوفيا وسمعت انها حامل ( تكذب بس تبي تقهر زينة +_+ )

زينة أطرافها تجمدت كأن روحها صرخت بقوة

وحست بضعف فيها

دموعها نزلت برقة ((( صوفيا حامل .........)))

( الله يابندر اخيرا تحققت امنيتك الحمدلله كذبوا اللي قالوا ان مافيك عيال الحمدلله خاب املهم .. فرحت مره لان بندر بيصير ابوووو..ودها انها تشوفه يوم تلقى الخبر اكيد انبسط ...)

زينة بحسرة و ندم : يحق له يطير فيها سامعه كلامه وبعدين خلاص يمه لازم ننساهم الله يوفقهم بليز ماما مابي نجيب طاريهم إلا بخير خلاص كل راح بحال سبيله

مضاوي : لا تخافين والله لازوجك سيد سيده شيخ الشيوخ اخليه ينسيك المعفن ولد امه بندر

زينة صدت وبكت بحرارة .....وقالت : اسمحيلي لي يمه مابي اتزوج لو كان شيخ الشيوخ

مضاوي بسخرية : أي بس ذا الخطيب مو لك


ص صدم صدمه ه دمه

زينة تناظر امها بنظرات شائكة : لك انت ..؟

امها : ايه ........ وراح اوافق ان شالله

زينة تلقائيا حكت بسرعة : يمه بتفضحيننا عيب والله مو حلوه

مضاوي شدتها مع شعرها ولفته على يدينها وقالت : اذا اخذت رايك قوليه بس انا اخبرك بس عشان تدرين

الخطبة الخميس الجاي ..و بعدين صوتك لا ترفعينه لا ألعن شكلك فاهمه << أي متعلمة وراقية واللعان 24

ساعة على لسانها والعياذ بالله !!


<><><< اه ياحظي ..

اه يامشاعري المنهارة

وش اسوي بعالم يوم ورى التالي يزيد سواد >><><>

زينة تأثرت لفرقى ابوها وبكت كثير هو اللي كان يعطف عليها

حتى البنات صاروا يخافون من امها ولا يسألون عنها

امها تصبحها وتمسيها بإهانات ...

حتى اخيرا قررت ترحمها وين ودتها .......؟؟؟؟؟؟


<>>>؛ ()()( عندما تتجرد الأم من مشاعر الأمومة و تلبس رداء القسوة وحب الذات .. وش هالقسوة معقولة ذي أم ؟ )()()؛<><<

?
?
?
?
قطتها في مستشفى الصحة النفسية لان زينة تدهورت مره وصارت تهذي

"
"
"
طبعا قد نتساءل عن موقف العمه هيا او الوالد ... ؟؟

بعد طلاق مضاوي وسعود ابو زينة ..الامور ساءت والجميع معتقد ان زينة في نعيم مع امها وانها بنت امها

الدلوعه لكذا تركوها عند امها تسوي فيها ما يحلو لها ....
-
-
-
" في الحياة لحظات ينسى المرء نفسه و لا ينساها "


<<<>>><<> في المستشفى قسم النفسية ...<<>>><<؛

كانت زينة تنام على سرير ابيض وجهها ذابل جسمها نحل طبعا ذا غير الكوابيس اللي تهدد راحتها في النوم

زينة كانت ترفض أي دكتور او دكتورة تصرخ وتبكي بصوت عالي اذا شافتهم او لمحتهم

أي نعم بتقولون مجنونة بالفعل اهي فقدت عقلها من كل اللي صار لها اللي امها تسوي فيها كذى وش تنتظر

من الناس ....؟

الدكتور فؤاد اللي كان يخوف مره يلبس نظارات كبيرة مره وشعره طويل غير مرتب كان جالس في مكتبه

وامر بإستدعاء الدكتور مجدي اللي كان شكله مايقل رهب ورعب عن وجه الدكتور فؤاد ...

الدكتور فؤاد : ايه يادكتور رايك ايه في المريضة زينة البت دي مش طبيعيه ابد قنونها كل يوم يزيد ضروري نستعمل معها سياسه ..........

الدكتور مجدي : واحنا نئدر نتأخر عن كدا انا بحبسها حبس تام وبطير عقلها خالص

الدكتور فؤاد : ياقددددع ايوه كدا ، شوف لك وحده من المقنونات خالص وسيبها بنفس اوضتها

الدكتور مجدي : حاضر ، أي اوامر تانيه سعادتك

الدكتور فؤاد : خالص تفضل شوف شغلك ..........

())( اخ يالقهر ... اخ يالحنين ... اخ يالألم )())

زينة كانت ترثي حالها اذا حست انها عاقله فعلا ، بس اذا تذكرت الزمن اللي قسى عليها ورماها لسود الايام و قسوة امها عليها .....وسخرية الحظ عليها ..... ؟؟

( بندر ريح تتلاعب في اغضان قلبي ..!! )

تضحك بهستيريا جنونية وتكسر كل اللي قدامها ولا يوقف جنونها إلا أبرة تنومها ، وهالابر انهكت جسمها النحيل وسقطت شعر رأسها ......


الممرضة دخلت ومعها مقص كبير مره ... زينة تروعت ونطت من السرير وبكت بهستريا

الممرضة : ايييييييييه فيك أي انا عملت لك حاقه لسىىى...؟

زينة تبكي بهتسريا وراحت للزواية وجلست تبكي ... وتضرب الممرضة

الممرضة : يابت انت شيلي يدك عني لاحسن ائصها لك بامئص دا ؟

زينة : بليز نيرز هيلب مي ،، يو كان نت كت ماي هير .. ( واهي تبكي ) بليز نيرز أي لوف ماي هير سووو ماتش .. بليز دونت كت ات ....

" بكل اساليب الوحشية المتبعه في العالم وبدون أي شعور بالرحمة قربت الممرضة ومسكت شعر زينة الطويل وقصته واهي تضحك بقووه "

زينة طاحت على الارض وبكت بقوه واهي تدعي على الممرضة وش سوت ..و تمسك خصل شعرها اللي طاحت وتبكي ...

( أيتها الحياة شكرا لعطائك !! فقد سلبتني كل شيء )

بكل قسوة ضربت زينة على بطنها بقوه وقالت : وانا نائصه مقانين ….

وطلعت من الغرفة واهي تغني : ياطبطب يادلع يائولي انا اتغيرت عليه ..... << ( احقر شيء أن يكون الضمير البشري في سبات عميق ؟؟ )

زينة تبكي بحسرة وألم ماتعرف ايش تسوي إلا انها تدعي الله الكريم يكشف ضرها وينتشلها من الفوضى اللي اهي فيها...
-
-
-

بندر


>>><<< يجبرني ألم واقعي على تجاهل إحساس و حنين و ابحث عن النسيان <<<>>><


^؛^ ألا يا وقت وين اللي على بالي !!
يجي و يروح هذاك اللي ملك قلبي و تفكيري و وجداني
اموت بطيفه اللي لمحته تنتشي بي روح ..
إذا شفته أحس اني بعالم ثاني
...^؛^

ضغط بأصبعه الذي يسجل خطوات الحسرة على تلك الذكرى التي ولت وانقضت كحلم الصبا في ذهن رجل عجوز ....!

وخلد متصنعا للنوم و هكذا هي حياته ليليا يقسم همومه مابين حياته الخرساء الباكية على ذكر تلك الإنسانة المرهفة التي اقترفت في حق والدته ذنبا لا يغتفر من وجهة نظره !!! و مابين والدته التي لا تزال تتلقى العلاج في الخارج ....!! و حياته الخرساء مع الوقحة صوفيا !!

( وينها عيونك حبيبي ...سافرت مثلك حبيبي ...)



( حياته هادئة لا معنى لها ابد و زينه دلوعة امها في باله 24 ساعه ) كان في الدوام ..... معه اوراق وراح

يستلم التحقيق في قضية جديدة ، وش محتوى هالقضية ان في بنت طعنت زوجة ابوها وطبعا هذي البنت مو طبيعيه ......

بندر راح لموقع الجريمة وشاف شيء يقشعر له البدن عاين المكان وضبط كل شيء امر بنقل القتيلة إلى التشريح لاعطاء الاسباب الكافيه للوفاة ..........

سأل بندر عن القاتله اللي اهي البنت

قاله له اخو القتيله : في مستشفى الامراض النفسية والعقليه ...

بندر قال لصديقه اللي معه في القضية الضابط سلطان انه يأخذ اسمها وغرفتها وكل شيء يخصها عشان يحاولون يحقوون معها ..

أحمد ( اخو القاتلة ) : وش تبون فيها تحققون معها على طول اعدام ان شالله حسبي الله عليها يتمت اخوانها الصغار اللي مالهم غير الله ثم امهم ...

بندر ناظر فيه بثقل : لازم نشوف كل الاطراف ، بعدين اذا البنت مجنونه فعلا فأعتقد مرفوع عنها القلم ماتتواخذ......

احمد بخبث: غصب عنك وعن اللي جابوك تتواخذ فوضى ارواح الناس

بندر في لحظة فقد فيها اعصابه صفقه كف قوي لينه طايح بالارض وقال له : مو ناقص إلا اللي مثلك يعلموني كيف اشتغل .... ناسي انت مين وإلا اذكرك اذا ناسي ... عادي تراي حافظك زين من كثر ماتشرف عند بالمركز

احمد : الله ياخذك ان شالله ، والغبي اللي عطاك هالمركز وإلا انت حدك جندي وتخب عليك بس خسارة فيك

سلطان يهدي بندر : يارجال طنشه اعصابك هذا سفيه و سكير لا تحط عقلك بعقله افا عليك بس

بندر ماله خلق يرد على ذالسفيه الطايش السكير وطنشه بنظره قاتله ...

طلع بندر وراح للدوام خلص وقت دوامه ، بس جاه امر يروح حاليا للمستشفى يحقق مع اطراف القضية ......ووجوده هو و سلطان ضرورة قصوى هناك

((()))( للحزن موعد معي اتمنى أن لا يكون قريبا )))((

بندر تضايق مره وقال بينه وبين نفسه : الله يعين على هالمهمه بجد وهقت عمري فيها شكلها من الاول متعقده مره .......

سلطان : ياخي انت اللي منقلب فوق تحت اعوذ بالله وين بندر المزوح صاحب النكتة ماش صار لك فترة منتب جايز لي ...

بندر تنهد : الله يعين يارجال بس ....

وصل افراد التحقيق على راسهم بندر بن فهد اللي كان يبهر كل من يشوفه بجماله وطوله وجاذبيته ،،

بندر وسلطان وتركي يمشون باتجاه غرفة القاتله ( رهام ) ...

واهم في الطريق لها شافوا ممرضات في غرفة وحده مريضة يصرخون عليها ثم يضحكون بصوت عالي

؟
؟
-
-

بعدين اصوات الممرضات تختلط في بعض وسط فوضى في مستشفى يتطلب الهدوء التام ثم ينفجرن ضحك ويسمعون المريضة تصرخ وتدعي ..

تركي : حسبي الله عليهم وراهم كذى يسوون فيهم عشان اهم مجانين يعني

بندر : مو مجانين قل تعبانين نفسيا ، بعدين يمكن في احد مظلوم

تركي : هههههه لا والله وش قالوا لك احنا في فيلم مصري او هندي خخخ

سلطان تنهد بعمق : ياشباب المفروض ما تتريقون كذى هالفئة مظلومة محد عطاهم إحترام كافي وذا عدم

رقي و بعد عن التحضر و بعدين لاحظوا ماوصلوا لهالحال إلا بأسباب مختلفه و قوية

بندر يبتسم : ياهوووه يا سلطان اثاريك حكيم وفيلسوف

سلطان بنظرة جدية : لا بالعكس يا بندر انا احكي لكم من واقع عشته و شفته لا تنسى أن امي تمر في حالة

مثل كذى و انا احتقر أي احد يقلل من قيمة هالفئة او يتمسخر عليهم

بندر : وش دعوه سلطان كلنا فاهمين هالشي و كلنا نحترمهم ويالله يكون في عوننا و عونهم
-
-
-
لاحظوا ان الاصوات بدأت تتعالي و الضحكات كذلك

وكأنهم سمعوا طيحة قوية ،،، وبعدين اشياء تطيح وتتكسررر ...
تركي : ملازم بندر ياخوفي تكون هالمريضة اهي اللي بنحقق معها

بندر : هههه لا الله لايقوله ذي شكلها مره تعبانه الله يشفيها يارب

سلطان : بجد حيوانات حسبي الله عليهم وراهم قاسين عليهم كذا، بعدين وين اهل هالبنات عنهم والله لو

كانت تعبانه نفسيا عادي اجلسها في البيت مو اقطها هنا عشان صدق تنهبل بجد

بندر : من جد ناس قلوبهم حجر ( << احلف بس ^_^ ) لا تخاف الله كريم ان شالله المهم هاه وين صارت البنت القاتله ..؟

سلطان : في اخر السيب وصلنا خلاص ........
-
-

>>> جفون الصباح ما زال عالقا بها شيء من قلق الليل >>>>

لحظات ويدخلون فريق التحقيق ...

رهام جالسه في كرسي وتغطت لانها سمعت الباب طق .....

دخلوا وعرف تركي رهام بفريق التحقيق....

بندر : احنا بنسمعك ونشوف وش عندك بس لا تلفين وتدوين ..؟

رهام : مابي اقول شيء ولو سمحتوا برىىى ....

تركي : ياخت احنا بنساعدك ....

رهام : شكرا بس برى الله ياخذكم كلكم واحد ورا الثاني...

بندر عصب لانه تنرفز من كلامها ( شكلها بدائية مره ) : الظاهر فعلا عرفوا مكانك وجابوك هنا ...

رهام : عرفت شلون انا مجنونة وش تبون مني خبله اذا قلت بكذب

سلطان شاف حالها بأسف وكسرت خاطره : ياخت تدرين الاتهامات كلها تقول انك قتلت زوجة ابوك بدون

سبب وذالشيء ابد مستحيل انا واثق....

رهام : وانت وش حاشرك كيفي ذبحتها كيفي أي انا ذبحتها بيدي ذبحتها واحسن اهي ماتت لا تقولون انها ماماتت ترا معها حظ ( ضحكت بقوووه )

وعصبت بعدين وقفت : حتى اذا مابعد ماتت بذبحها

وضحكت بقوووه

تركي : لحول ولا قوة إلا بالله الظاهر ياشباب ان الاخت فعلا قاتله

بندر واهو يناظرها : ماعتقد احساسي وخبرتي تقول لي انها مو قاتلة لكذا لازم اتروى شوي

رهام : والحين يلا برى اطلعوا بنتي بتجي الحين بتخاف اذا شافتكم اهي راحت المدرسة وبتجي مع
ابووها ان شالله بعدين بكت بحسرة وقالت : بس ابوها ذبحوووه الله ياخذهم الله ينتقم منهم ... والله اني لاذبحهم واحد ورا الثاني .....

الجميع شد انتباهه كلامها ،

بندر ناظرها بثقل وبنظرة جاده مرة وقال : مين اللي ذبحوه ...؟

رهام تبكي وتناظر فيه : ذبحووووه وسيلوا دمه وتخيل حتى جثته اخذوووها واحرقوها مادري وين حرموه من ان العالم تصلي عليه وتدعي له ،،،

وقفت وعصبت وتغير حالها وناظرت فيه : انت جاي بتذبحني بعد انت منهم ، انقلعوا برى بنتي بتجي مالها

غيري وتقعد تبكي بقووووه

طلعوا من غرفتها .......

سلطان اللي تأثر مره من المشهد : بصراحة شكلها بجد مقهورة ومطير عقلها

بندر : لا تخاف ان شالله بعد اسبوع شهر بالكثير وتلقاها تمام

تركي : لا بس اهي مره ماحولك احد والله تتغير بدقايق

بندر : ياشيخ مرت علي حالات اصعب من كذى ومع ذا عرفت اللي وراهم واللي قدامهم اهم شيء ابي برنت

كامل عنها وعن حياتها وكل شيء يخصها ،،،،

سلطان ناظر في الغرفة اللي كانت مفتوووحه

وشاف الممرضات اللي قبل شوي في غرفة المريضة ويهددونها بابر واهي ترفض وتهرب عنهم ، إلا انهم يطقونها طق عشان تأخذ هالابره...

سلطان انشد للمريضه قلبه انجذب لها : حسبي الله عليهم وربي اهم اللي طيروا عقول هالمرضى الله يشفيهم

مر الدكتور مجدي طبعا شكله تحفه ( خخخخخخ) شعره طويل ومو ناعم واهو طويل ونحيف ونظارته عليهم اطار احمر ...........

بندر : بصراحه هالدكاتره اللي يشوفهم يتروع ، احنا وينقالنا فريق تحقيق على وشك الله يعين اللي مقابلهم 24 ساعه .....

سلطان : الله يشفيهم ان شالله ولا يحيجنا لهم .........

بندر طلع على سيارته وراح للبيت ...

وكان مشغل باله في قضية رهام اكيد تبي وقت بس بنفس الوقت حلوه تساعدني افتك من وجه القرف صوووفيا اشغل عمري عنها بشيء حلوو يعني ...

"
"
"
بندر في السيارة يسوق بروية و ملامحه قد عادت لطابع الحزن الذي يرافقه دائما...كيف لا هو يستمع ل :



لعبة الاقدار تلعب في هوانا .. والزمن غدار ما يحفظ أمانه
هذا شي معروف من يملك مصيره .. العيون تشوف وايدينا قصيرة


يا حبيبي وين كنا وانتهينا .. صار دمع العين يتحسر علينا
الزمان سيوف وجروحه كثيره .. العيون تشوف وإيدينا قصيرة

دخل البيت وشاف صوفيا جالسه لوحدها في الصاله كانت تسولف بالجوال ...

دخل وناظرها وطلع فوق واهي ماحست بدخووووووله ...

اهو فرح عشان يهرب عنها بس انصدم واهي يصعد الدرج سمعها تقول : وانا اقدر اصبر الله لايحرمني منك ويخليك لي ياغلى احساس بحياتي ... وش دعوه انا اعرفك من 5 سنين من وانا مراهقه للحين وانا متزوجه اكيد لو ماحبك مارضيت استمر معاك وانا متزوجة ....( طبعا بندر مايسمع بشكل واضح همس يسمع فقط)

بندر انجن فقد شعوووره بس خاف يتهور ويظلمها لان تهوره خسره اشياء كثيررره ..

بندر واهو فووووق نادى : صووووووفيا

ارتبكت صوفيا وتغيرت معالمها ... : هلا حبي متى وصلت ...؟

بندر : هاتي جوالك جوالي مفصول بتصل على سعوود ابيه يمرني
صوفيا تبي تنسيه الموضوع ، : وين بتروح وتتركني وحشتني حبي مشتاقة لك ايش رايك اطبخ لك بيدي ....

( بندر شك فيها اكثر لارتباكها ولطفاتها في الكلام معه عكس دايم )

بندر نزل وقال : ماعليش مقدر انا معزوم هاتي جوالك

طبعا صوفيا متمرسة في ذالشغلات وش سوت .. بسرعه اثناء مابندر ينزل طلعت جوالها الاصلي واهو نفس الجهاز وعطته بندر وخبت الثاني ورى الاريكة ...لزوم الإحتياط

بندر مسك جوالها وناظره زين كل شيء تمام ... غريب ليش ومين تحاكي

بندر : امك حاكتك اليوم .....

صوفيا : ايه اهي اللي كنت احاكيها تووو

بندر استغرب من كلامها وبنفس الوقت ظلت شكوكه في محلها بس دايم يتعوذ من ابليس وينسى هالشيء

بندر دق على سعووود وقال له : تعال تتعشى معي ؟
.
( تخيلوا وجه صوفيا اكلت هوا ^_^ )

قفل بندر ...... صوفيا : اسوي لكم عشاء

بندر معصب : وش رايك يعني سمعتيني احاكي الرجال اكيد بتسوين وإلا وش؟

صوفيا : ايوووه اوكي بس عاد بتصل في امي تساعدني

بندر تقرف منها وقال بينه وبين نفسه وانا كل ماخذ وحده تطلع لي امها مشكله

بندر : لا ابي اذوق طبخك لاول مره بحياتي لوحدك مابي احد يساعدك عندك شغالتين مو وحده 2

صوفيا : اوكي كم شخص ...........

بندر : اخذوا حساب كثير لان احتمال اقول للشباب كلهم

صوفيا عضت شفتها ناظرها بندر بطرف عين : كانه مو عاجبك كلامي

صوفيا : لا وش دعوه .....!!

بندر قال للشباب كلهم كان جالس ينطرهم في بيت الشعر ...

اول الحضوووور طبعا كان هشام ...

بندر : ههههه غريبة تكتب في التاريخ كيف سمحت لك المدام ...

هشام : لا يارجال حالتك مستعصية ههههه يعني ماتدري انها عندكم في البيت من ساعة ما ولدت

بندر : أي والله هههه والله اختي تسلم يدين اللي ربوها كفووو سنايدي والله تعجبني ساحبة عليك اجل.....

هشام : يارب ان شالله ياجعل اختي صوفيا لو اني ماعتزي فيها هههه بس ياجعلها اول ماتحمل لين تولد طول التسع شهور تجحدك هههههههه

بندر بألم تذكر موضوع الخلفة : الله يكتب الله فيه الخير ياخو صوفيا هههه ياخي ماتستحي على نفسك من قولة اخو صوفيا
هشام : هههههه الله يهدي ابوي اهو اللي كانت سفرياته كثيره بزيادة وبعدين انا اخو نورررة يارخمه

بندر ضحك إلا بدخلة نواف وحجرف اللي سلموا وجلسوا....

نواف : هاه نشوف هشوم ملبق جوى ناوي تطول انت ووجهك هاه ؟؟

بندر ناظر هشام : ههههههههه مين سمح لك تدخل سيارتك

هشام واهو يتوعد بنواف : تعرف المدام ساحبة علينا لكذا بخليها صباحي الليلة

بندر : لا والله سبيل انا وش قالوا لكم ملجأ ههههههههههه

حجرف : لا تخاف عادي نمون بيت اختنا وإلا لا ؟

بندر تذكر صوفيا وتضايق ما يهضمها ابد واهي حيوانه بعد ماتحبه ودايم تنرفزه وتقلل من قيمته عند صاحبتها لإنها تحبه وهو مو معبرها ....عكس زينة اللي كانت تشتري رضاه باي شيء...

اخيرا شرف سعووود : ماشاء الله الشله كلهم هنا

نواف يضحك : ارحبوا ابو بندر وصل ياحي الله اخوي ابو بندر وينك وصلت المغرب في البيت ماشفتك ....

سعود واهو يشخص : توي واصل ويالله يالله افتكيت هربت منهم يقولون وحشتهم هههه

نواف : نصابات والله خواتي ههههه

سعود : ا ووما اخواتي هههههه وش لي بخواتي انا اقصد ام بندر الله يخليها لي

نواف : لا قوية قوية لو يشمون خواتي ريحة هالخبر لعنوا نصوا وجهك ؟؟

سعود يبتسم : هو نصه بس هههههههه عموما خربت معهم الليلة يبوني اوصلهم مشوار ورفضت وطبعا قوموا الدنيا عل راسي

نواف قفل جواله : اجل بقفل جوالي عشان مايزنقوني ويخلون خالد يكلمني يجبرني اوديهم اعرف حركاتهم

بندر يبتسم : الله اكبر بتقوم الدنيا عاد اذا وصلتهم مشوار

نواف متنرفز : ياخي وين ذا باخر الدنيا بحي القدس.... ( على بالهم إن زينة للحين عند جدتها نورة أم مضاوي )

حجرف بدهشه جملت ملامحه جنان هالولد : ماذكر لنا احد هنا وين يروحون ..؟

سعود : يروحون عند ام عبدالله .....

بندر فهم الموضوع وبين على ملامحه انه متأثر من فراق الغالية ...(( تذكرها اشتاق لها كثير رغم انها في باله ما تزال دلوعة امها اللي الحين اكيد صارت قوية واشتد عودها صلابه لانها عند امها ولو ايش مستحيل تفكر فيك يابندر خبل انت بعد اللي سويت فيها تبيها تفكر فيك ذي زينة الدلوعه بنت امها عاد كيف الحين وانت متزوج اكيد تلاقيها ماطقت لك خبر وفرقاك عيد عندها اكيد بس ليش هي في قلبي ليش اه .....))

حجرف : مين ام عبدالله .............<< يسمع بالقرابة حده عائلتهم ذا إن ماضيع بعض اسماء عيال وبنات عمانه ^_^
سعود : لحول ولا قوة إلا بالله انت ماعرفت عماتي وعماني عاد بتعرف ام عبدالله اقول نام بس

حجرف سحب المركا : ههههههههه لا بجد مين ...

سعود : جدة بدر ولد عمي سعوود

حجرف اخذ وقت واهو يفكر : اها أي عرفتها ام راكان اللي درس معي بالثانوي

بندر : أي ام ركان

حجرف : إلا وش صار عليه راكان ... ماعاد اشوفه ابد ..؟

بندر( يغطي حالته الحزينة بأي شكل على الأقل مراعاة لحجرف و هشام ) : والله يقولون الاخ متزوج من مين تتوقع ههههههه

سعود تنهد وناظر بنواف اخوه : لا تقول هبه زوجة ابوي الله يرحمه

بندر : حلا هو عاد كل شوي هبه هبه ههههههه

سعود : هبه ذي مافي رجل اعمال ماشخصت معه و تزوجته خخخخ اللهم لاشماته

بندر : ههههه لا راكان متزوج وحده بعمر امه يمكن

نواف : والله اخس يالبزر صغير و تزوج بهالسرعه

بندر : أي وش فيك خبيت هههههههههه بعدين وراها دراهم ترى

نواف ( اخ يابندر لو تدري قلبي متعلق بمين )

نواف : ههههههههه اعوذ بالله تنعاف العجوز و دراهمها

بندر : على بالي كنت بقوم اسطرك .............

نواف ( الظاهر بجد لو تعرف الخافي بتذبحني مو تسطرني وبس ).....

هشام : بندر مافيه عشاء ياخي مره جوعانين

بندر : وانت ما همك إلا بطنك ماتغيرت للحين ماغيرك الزواج ولا عزوز ماغيرك للحين

هشام : بالعكس فتح شهيتي اكثرررر هههههههههه

حجرف : خلاص اجل بخطب واتزوج ههههه وخروا عني بسس بتهور بخطب

سعود ناظر في نواف اخوووه صقعه مع راسه بخفه وقال : اقنع الهميل ذا يتزوج لا يعنس علينا ؟؟

حجرف : هههههههههههه
نواف بحسره وألم : فضوها ا سيرة خلاص انا امهاتي مطينات عيشتي بهالموضوع

بندر مايدري ليش يناظر نواف وكانها يشوف فيه نفسه وحياته اللي راحت..؟
"

"

طلعوالشباب إلا سعود اللي جلس يسولف مع بندر وينكت فجاءه سكت بندر

سعود : اخبارك بجد مرتاح في حياتك اللي كنت بتطير روسنا فيها هههههه؟

بندر : هههههه ياخي انتقد نفسي كنت كاني بزر بجد

سعود حرك حواجبه : هاه يعني مبسوط ههههههه

بندر بحزن : اكذب عليك ان قلت مبسوط محس بشيء عادي انام واكل واروح شغلي وبس وذي حياتي تعودت

سعود : بعد غيره هههههههه

بندر ابتسم بألم : الله كريم ننسى اللي قبل كله

سعود بحزن : بندر تدري انو زينة مخطوبة

بندر صاعقة صعقت بمشاعره وكهربت جسمه ودمه وكل شيء وقال بصوت متقطع : زينة مخطوبة ؟؟

سعود : إبتهال قالت لي

بندر بحزن : مين طيب .... وافقت اهي او لا ...؟

سعود : إبتهال تقول رافضه وببشدددده حلوه وبشده صح هههههه بعدين عادي هذا انت تزوجت حتى هي يحق لها تتزوج

بندر بعصبية : اقول تدري انك رايق اخلص

سعود : اعصابك طيب

بندر عصب : سعود بسرعه ترى بجد بديت اعصب

سعود : لا بس ارتاح لايطق فيك عرق فكنا من شرك ماوافقت بس امها بتجبرها غصب إلا تعال داري ان امها تزوجت ههههه

بندر : أي دريت وحامل بعد ...........

سعود : هههههههه شر البلية مايضحك

بندر : سعود مين اللي خطبها طيب ..

سعود : رفضت ارتاح ياخي رفضت ....

.( سعود يعرف قصة بندر و زينة كلها يعرف انهم يموتون ببعض للحين )..

بندر بإصرار : طيب مين..؟ ابي اعرف

سعود : كثير ترى مو واحد بس بس الاخت مسوية فيها فاتن حمامه ترفضهم كلهم ههههه
بندر عصب : سعود ياخي سألتك سؤال جاوب على قده وبس

سعود : والله اللي انطردت هههههه ياخي مدري وش دراني انا يقوولون الشيخ فلان والشيخ علان

بندر متضايق مره

و خش جو الذكرى الماضية العطرة وكأن المهندس يترجم الموقف ل :


والله واحشني موت
أخاف بعدك اموت
قلبي لو من حديد
ذاب و أنت بعيد
لو خسرتك حبيبي
شلون أحب من جديد
وين ألقى وفا
أو أحس بدفا
ظلما بعدك حياتي
كل شي بيها أختفى
روحي يمك حبيبي
بإيدك أتمنى أموت

وينه ذاك الحنان
يعني معقولة هان
ما خدعنا بعضنا
الزمن بينا خان
وينك أنت و أجيك
و أغفى ما بين إيدييك
لو شفتني حبيبي
حالي يصعب عليك
أخاف أبكي ودموعي
بيها أغرق و أموت

ليلي بعدك طويل
ع البعد مالي حيل
تدري شوقي اللي بيا
ينتهي مستحيل
شسوي بيا هواك
قلبي يمشي وراك
يا اللي ماخذني مني
منهو مني خذاك
قلبي يتمنى يوصل
يمكن أنت و يموت


سعود : هاه يالاخو تأمر بشيء .... ؟؟؟

بندر تنهد : سلامتك ............ إلا اسمع

سعود واهو عند الباب : أي اوامر ياعمي

بندربحزن فظيع : ليش رفضت طيب ....؟

سعود يصفط شماغه : ذي والله النشبة اللي ماكنت عامل حسابها ........وش دراني انا ...؟ بس اكيد السبب مو لانها ميته في دباديب غرامك ابد ابعد هالشيء لانك تدري انها دلوعة امها مستحيل تفكر فيك بعد المرمطة اللي سويتها فيها

بندر يفرك يدينه بقوة ...... سعود : يالله تصبح على خير

بندر : سعود بالله تأكد لي من موضوع زينة وافقت او لا

سعود : الله لا يشغلنا إلا بطاعته ابشر اخاف اقول لا وتصكني كف الظاهر تعودت تصفق هالعالم اللي تحقق معهم ....

بندر ابتسم : أي والله تخيل اليوم صفقت واحد كف قوي وتحسفت لانه خبل وبعد عندي تحقيق مع وحدة في الصحة النفسية ...

سعود : الله لا يضعنا تحت رحمتك حلوه يضعنا صح هههههههه بس لا تلومني المدام لغة عربية

"
"
"

طلع سعود و جلس بندر لوحده يتأمل وجه زينة في صورة لها صغيرونه معه ..كانت جالسة قريبة له تبتسم له ......

مرر اصابعه بحسرة على صورتها

عيونها

خشمها

فمها ..

.مستحيل تروح لغيري لو ايش ...؟

تنهد بحسرة ...

يبي لها كسر راس للحين ماتركت الدلع ..

..اه وش قاعد تخربط يا بندر عذبتها انت خلاص ارحم حالك انساها ..... ؟؟

مايعرف ليش يحس انها مختفيه من 3 شهور بجد قلبه خايف بس تطمن يوم سمع سعود قال ان خواته

يروحون يزورنها تطمن عليها وبنفس الوقت تأكد انه لسى يحبها لان براكين الغيرة اشتعلت يوم سمع بخطبتها....

مسك جواله ناظر فيه وكان فيه شيء يجبره يدق عليها ...

كسر كل القيود والموانع هذي حبه الاول والاخير هذي قلبه اللي ينبض ..

هذي اللي عذبها ومارس سطوته عليها وهذي اللي اعلن لها كل رايات العشق والهيام ....لو ايش يصير ..

كيف يابندر نسيت وش سوت في امك طيب ...؟

ماتستاهل ولا شيء انساها تلاقيها ناسيتك ولا طقت لك خبر ماصدقت تتركها ....

ناظر رقمها ....تردد ....

رجع ناظر الرقم مره ثانيه .........

تذكر جمالها الباهر ..

و بسمتها الساحرة

طلب الرقم بس انصدم الرقم غير موجود بالخدمه

انصدم وتحطم .....

وراوده إحساس انها بالفعل طارت من ايدينه وراح توافق على الخطبه ..( أخ يابندر لو تعرف زينة وين بس )

بدا يسترجع ذكرياتهم مع بعض وكلامها

همسها ......

قربها .......

جمالها..

دلعها.....

وغنجها......

وحبها له

" اخ ياليتك تعرف كيف حال زينة ... ليتك تدري انها محتاجتك اكثر من احتياجك لها "

بندر تكدر مره خصوصا وانه سمع ابو نوره يغني الاماكن تقطع قلبه .........

قال ذا وانا مغير الاماكن كلها يازينة مانسيتك بس ليش انت نسيتني و لا كأني حبيبك بيوم ..؟

ليلي بعدك طويل
ع البعد مالي حيل
تدري شوقي اللي بيا
ينتهي مستحيل
شسوي بيا هواك
قلبي يمشي وراك
يا اللي ماخذني مني
منهو مني خذاك
قلبي يتمنى يوصل
يمكن أنت و يموت
"
"
"
((( لا زلت أصر على أن روحي تشوهت بجراح عميقة تشوها جليا واضحا أفقدها ملامح الوفاء ))))-


صوفيا كانت منهمكه في مكالمتها ولللي ساعدها ان بندر ماينام عندها كثير مره يستلم ومره ينام تحت ومره يسهررر ،، تغير السيستم تبع حياته فوق تحت .............
دخل بندر البيت وكانت صوفيا تناظر التلفزيون ناظر فيها وحقرها طلع غرفته ...

ناظرته صوفيا وقالت : خير ان شالله تعرف ان اسلوبك يوم ورا الثاني يزيد قرف

بندر ناظرها بنظرة قامده خالص : طبعا بيكون قرف و إلا وش تنتظرين من واحد انجبر على وحدة هي فرضت عمرها عليه ....

صوفيا بعصبية : لانك خبل وغبي وإلا احد يرفض صوفيا

بندر مايبي يكرر غلطته مع زينة ويطق صوفيا لإنها ما تستاهل حتى لمسة على خدها ، لكذا قال :طيب خبل

ادري لاني عرفتك وش غيره...........

صوفيا حطت يدينها على صدره ورفعت راسها على فوق له : خبل لانك مانسيت الهبلة زينة المعقدة نفسيا على كثر اللي سووته فيك وفي أمك ياقمر ...

بندر بعصبية بعدها بقوة عنه : طاري زينة لا يجي على لسانك فاهمه والله بتندمين اذا جبت طاريها مره ثانيه

صوفيا : وليش يا حلو مين تكوووون ..؟ مجرد وحده مطلقة ومعقده نفسيا وفوق ذا كله لسى تركض وراك

عندها امل الاخت ما تنلام فيك....( عطته نظره)

بندر فقد شعوره وصفق صوفيا كف محترم وقال : اذا مابطلت ذالسيرة ترى بيجيك اقوى من هالكف .........

صوفيا ( واسترجعت ذكرى أول كف من بندر ) : انا تضربني انا عشان وحده ماعندها اهل يلمونها ذي

اهي مطيحه عند عمتي هيا 24 ساعه عندها امل انك ترجع لها بدت بعمتي تشبكها..... .( قبل تكمل )

صفقها بندر كف ثاني وقال : اعتقد كلامي واضح ومو اول طراق تأخذينه مني ( عطاها نظرة حارقة جدا )

طلع وتركها طلع برى البيت شغل سيارته واهو متضايق ...( بندر مستحيل تتغير او تهتدي هالبنت الله يهديها بس )

صوفيا فكرت بخطة تنتقم من زينة عشان تخلي بندر يشيلها من تفكيره ....

صوفيا تفكر بخطة وطرت عليها ذالفكرة ( بأخذ رقمها واوزعه على شباب واكتب اسمها واكتب فوووق ذا كله انها مطلقه اكيد بيطمعون فيها) ... << مبدأ حقير و وقح عند تفكير ضعيفي النفوس


.بس الحمدلله دورت على رقم زينة ماحصلته لانه مفصول << رحمة من الله

فقعدت تفكر إلا ان قررت تنتقم بخطة جهنميه.....

< صوفيا تفكر بينها و بين نفسها هين يا بندر أنا ترفضني و تصد عني بقوة حتى و انا تنازلت عن اشياء كثيرة عشانك احبه طيب وش اسوي ؟؟ بس هو مجافي و قلبه معها وش الحل ...؟ بس الحمدلله كسبت التحدي و خليته يأخذني بالغصب ... وش نفعك فيه الغصب الحين يا بنت ...اوف لازم الاقي حل >

"

<<<>>> زينة <>>><

اسالي نفسي بالدنيا والدنيا تسلي نفسها فيني
اجاري الوقت لو عاته لوه ما يجاريني
تعلمت اني اسامح واعدي زلة الايام
تعلمت ارضي بالواقع ولا اتبع سنا الايام
ولا اتمني ولا استني ولا اتمني ولا استني
ولا ودي عنيني
اسلي نفسي والدنيا تسلي نفسها فيني
اجاري الوقت لو عاته لوه ما يجاريني

انا حبيت بس مره وخان الحب ظني فيه
وقلبي انكسر مره ولين اليوم اجمع فيه
وتبت وتاب احساسي وصرت اقسي منن القاسي
وهذا الي يخليني اسلي نفسي والدينا تسلي نفسها فيني


رهام ضمت زينة ولمت شعرها المبعثر اللي قصووه بالغصب للمرة الثانية

ناظرت جسمها اللي كلها كدمات

وبكت وناظرت في الممرضات وصفقت كل وحده كف وبعثرت شعرها بشكل هيستيري .....

الممرضات هربوا يقولون للدكتور ان القاتلة ناوية تقتلهم كمان

زينة تتأم ،،

ناظرتها رهام بكل حنان وسندتها حتى وصلت السرير ...

زينة تبتسم : شكرا ..
رهام عيونها كله دموع : ان شالله انك طيبة ...

زينة تتألم : الحمدلله على كل حال .....

رهام : ممكن سؤال ..؟

زينة تبتسم يعني موافقه ..

رهام : من متى انت هنا ..؟

زينة : من فترة يمكن شهر

رهام تبكي : انا لي اسبوعين وعقلي طيروه بجد

زينة تبتسم بخوف منها وعدم ثقة بحالها ابد ....

رهام : ممكن سؤال ثاني ...

زينة تبتسم ....

رهام : احساسي يقولي انك مو مريضة نفسيا ليش انت هنا ....؟

زينة بكت وقالت : مدري ،،،

رهام : اكيد ذبحوووو رجلك واخذو بنتك صح

زينة تضايقت

شكل حالة رهام مره حالتها متأخره لكذا ما قدرت إلا انها تبكي معها وتضمها..

رهام : تخيلي اخذو رجلي وذبحوووه واحرقووووه وحتى بنتي اخذوها مدري وين ....

زينة تدمع عيونها ،،، ( وانا وش اقول مدري اصلأ اني نكرة بذالوجود ..؟ )

رهام تناظر زينة وتغير المود تبعها

فجاءه

عصبت وطارت عيونها : بس لا انا ماراح اخليهم بذبحهم كلهم .....

وضحكت بصوت عالي ...

رهام : مثل ماذبحت زوجة ابوي انا ذبحتها

وتضحك بهستيريا.... ضحكاتها تملاء المكان الفارغ عاطفيا وشعوريا

زينة تتألم وادركت فعلا ان عقلها لسى مابعد طار لانها شافت اسواء منها حاله


مسكت زينة يد رهام : ادعي ربك والله كريم ..............
رهام بحزن فظيع : الممرضات ليش يقسون عليك ...؟

زينة صدت وقالت : يبون يعطوني ابره تهدء الاعصاب وانا مانيب مريضة عشان اخذها مانيب مريضة اخاف تأثر على عقلي

رهام : واهو بقى فينا عقل ههههههههههههههه

زينة : هههههههههههههههه انا عقلي طار من يوم مادخلت هنا

رهام : حسبي الله عليهم .... يمه يختي شفت عندك دكتور يروووع لو يشوفه شارون اسلم

زينة : هههههههه أي شكله ارهاب مره اهو اللي طير عقلي

رهام : بس مبين من شكلك انك لسى بعقلك ...

زينة تكدرت : لا لو انا لسى بعقلي كان ماشفتيني هنا

رهام : الحمدلله يمكن فرصة اننا نشوف بعض الله كاتب اني احصل وحده مثل اختي

ضمتها زينة وبكوا سووا....

مرررررررت الايام والاسابيع


ورهام وزينة تعرفوا على بعض وصاروا زي الخوات رهام تفزع لزينة اذا شافت احد يضايقها او يطقها وزينة تواسي رهام وتصبرها دايم

كانت زينة في غرفة رهام تسولف معها ( طبعا اهم يتسللون لغرف بعض عشان محد يسجنهم )

زينة : اقول رهام انا عرفت منك انك ذبحت زوجة ابوك ليش..؟

عصبت رهام وتضايقت وطيرت عيونها وقالت : أي ذبحتها انا ذبحتها ... وبعدين ليش تسألين انت ايش دخلك هاه ( بكت رهام وقالت ) بس اهي لازم تموت لازم

زينة خافت وصدت .....

رهام قربت لزينة ومسكت يدها وقالت : انا اسفه سامحيني غصب عني

اذا تذكرت رجلي وبنتي انجن بصدق مابي اعيش من بعدهم تخيلي يازينة اخذوا بنتي من بين يدي وذبحوا رجلي وانا اشووف ...

زينة ضمتها واهي تواسيها بدمووووعها....

اثنينهم عرفوا اسباب بعض وقصص بعض ...

رهام : انا خايفة تتوقعين يذبحوووني

زينة : لا إن شاءالله الله مع الحق وانت تدافعين عن شرفك وعن سمعتك مافيها شيء

رهام : بس اللي يحقق معي الملازم شكله قاسي وما يرحم

( زينة ماتدري ليش خطر بندر على بالها ) وقالت بحزن : ان شالله الله معك

رهام : يختي شكله ذكي ويعرف كل شيء تخيلي يقول لاصحابه ذي مو مجنونه ذي متأثرة بظروف نفسية

زينة تبتسم بألم وهي تسترجع ذكاء بندر الخارق ،،

( ياترى كيف حياته معها ....؟؟ اكيد مبسوط بتجيب له الولد وهذا منى عينه ..أكيد تسمع كلامه و مطيعة له

ياحظها بجنة بندر إذا كان راضي عنها بس ينعاف )

ورهام تكمل : وواحد من اصحابه قالي مجنونه وهاوشه بقوه قال لو سمحت قل مريضة نفسيا بس لا تقول مجنونه ...

زينة اعجبها الكلام شكله كله انسانيه هالملازم,,,

رهام : بكرة بيجي الله يعين خايفه ياخذني معه السجن ...

زينة : سوي نفسك مو صاحيه عشان يخلونك تكفين لا تروحين وتتركيني اخاف لوحدي تعودت عليك

رهام ضمت زينة وقالت: الله كريم ان شالله جمعنا ولا راح يفرقنا بإذن الله

زينة تناظرها وتبتسم بسمة مختلطة بحزن ...


رهام : اقل شيء يكون عندي احد يبكي علي اذا مت...

زينة حطت يدها على فم رهام وسكتتها وقالت : بعد عمر طويل ان شالله بالعمل الصالح

جففت زينة دموع رهام ..

رهام : الله يوفقك ويسعدك يارب تدرين زوجك ماعنده نظر ليش طلقك ... ؟؟

زينة تضايقت مره من هالموضوع وقالت بحزن : نصيب ..

رهام : بس انت ماشاء الله مزيونه وفوق ذا كله قلبك من ذهب ....

.ضمتها زينة وبكوووا سوا ...
"
"
"

خالد اللي كان سعيد مره بحياته مع ام محمد ضي اللي عوضته ايام الشقا والحرمان ..

توسعت اعماله واسمه صار يقرقع الديرة كلها...

خالد جالس في مكتبه يناظر في عقود جديدة من شركة يابانية في دبي تبي تفتح لها فروع هنا وتبيه يكون

وكيل لها في السعودية ،

تردد في البداية وبعدين صار يدرس الموضوع ..

دق جواله ...< --- حب عمري تتصل بك

خالد : هلا قلبي

ضي : هههههههه المهلي مايولي يابو رامي .. كيفك

خالد : انا الحين بس يوم سمعت صوتك صرت بخيررر

ضي : اوف اوف ارفق علي ههههههه ترى اصدق

خالد : وليش يالدوبه مو مصدقه ،، تدرين اني متيم فيك اهواك واعشقك

ضي : يارب عساني مانحرم من هالمقطوعه الموسيقية اللي تعزفها ارق انامل بالعالم

خالد : تدرين شكلي بسحب على الشغل واجيك طاير

ضي : ههههههههه لا الحين كلمتين سوت فيك ذا كله وشلون عاد لو قلت اكثرر...

خالد : حبي بجيك وغردي علي مثل ماتحبين

ضي : لا ياقلبي شغلك اهم ان شالله لاحقين على خير

خالد : حرام عليك انا عاشق وهيمان وذايب في حب قلب هو مو قلب هو جنه بحالها

ضي : يابعد عمري انت عساني مافقدك ياروحي انت ،، وحشتني وحبيت الطف جوك هههههههه واثقه شوي

خالد : هههههههههه يحق لك يالغاليه قلبي وبين يديك ليش ماتتدليين

ضي : اها يعني افهم اني لو اطلب بتنفذه ..؟

خالد : افا عليك بس اشري بس هاه تبيني اجي هههههههه

ضي : هههههههههه لا وانت ذا همك بس ،،، اممممممممممممممم (تبي تفكر بشيء )
خالد بإحساس مرهف : لبيه
ضي : يؤ يؤ احرجتني بقفل هههههههه
خالد : يالبيه ياكل الحب والشوق وش براسك بعد كيفي زوجتي وانا حر

ضي : الله يخليك لي ...

خالد : امري ياعيون خالد سمي وش بغيت بس ...

ضي : ابيك تغني لي أي اغنيه .... << رومانسية ^_^

خالد : ابشري قلبي اسمعي وحسي بالاغنيه

ضي : اوكي

ها حبيبي ابتسم هدي اعصبك خلي راسك بين ايديا ...

.... ( وكمل الاغنيه ) ......

ضي : واو قلبووو روعة الله لا يحرمني من ذالصوت العذب

خالد : احم احم لا تكبرين راسي

ضي : اهههههه أي اخاف تغطي على ابو نورة بعدين

خالد : هههههههههههههه بحرق أي كاسيت له من زين صوتي

ضي : الله يخليك لي هههههههههه

خالد : وش فيك انت مهبوله وش يضحكك

ضي : ههههههههههه حمودي يناظرني من توووووو

خالد : وقلبوو بوسيه لي طيب

ضي : ياسلام وامه مالها شيء ههههههههههه

خالد : ماعرفنا لك من تو نرسل بوسات ومسويه مستحيه والحين تغارين من ولدي هههههههههه

ضي : شكل الولد يتعلم منا ههههه خلاص لازم نسوي حدود اذا كان معنا

خالد : أي طالع على ابوووووه هههههه

ضي : طيب قلبوو يالله بنزل لخالتي تحت والبنات

خالد : اوكي قلبي ديري بالك لعمرك ولحمودي انتبهو له لا يطيح مثل ذيك المره

ضي : ياعمري لا تخاف راما ماتخليه ينزل من يدينها ابد... حاطته عروسة لها تلعب فيه هههه

خالد : اوكي ياعمري انتبهي لراما بعد ترى البارح شفتها عليها حرارة لا تخلينها تكفين

ضي : افا عليك لا توصي ذي مثل بنتي واكثر بعد كفاية انها بنت الغالي

خالد : احم احم

ضي : لا تنفخ عمرك علينا هههههههههههه

خالد : هههههههههه

ضي : انتبه لنفسك يلا في امان الله ...

خالد : بامان الله

"
"
طبعا الجميع يتسال عن حالة نسررررين ....

نسرين زادت حدتها الانفعالية بعد ماطلقها خالد وبعدما اكتشفت ان ضي بعدها عايشه

حاولت بشتى الطرق تدمير حياة خالد اللي حبها من قلبه واخلص لها ،،

بس كل طرقها باءت بالفشل لان الله سبحانه يحمي خالد وضي من نسرين وخططها الجهنمية ....

نسرين صار لها فتره يعني شهر شهر وونص جالسه لوحدها في غرفتها ماتطلع حتى امها ما تسلم عليها

ولا شيء .... ورافضه رفضا قاطعا انها تروح طبيب نفسي .. تقول انها مش مجنونه وذي نظرة قاصرة لذو العقول الصغيرة جدا ...

حالة نسرين ازدادت حده وعصيانها وتمردها زاد ....

إلا ان خطبها واحد من اصحاب ابوها

نسرين بدون مقدمات حتى مابعد عرفت اسمه وحالته وافقت

( على بالها قهر خالد او تبي تنتقم من اهلها ومن نفسها بهالموافقه )


بندر بشموخه واقف أمام نسرين ......









اتمنى يعجبكم البارت وتهمني الملاحظات و التوقعات كثير ...

_ وش ممكن يصير على حجرف مع طارق و العنود والقروب تبعهم ..؟

_ وش ممكن يصير مع بندر و سلطان بالتحقيقات ...؟

_ وش ممكن يصير مع سلطان لو افترضنا انو يشوف زينة ..؟

_ وش يصير بين زينة و رهام ..؟ ووش يصير على رهام ..؟

_ وش بيصير على بندر و صوفيا ....؟ و نسرين بتتزوج او يوقف بندر بطريقها ...؟

يعطيكم العافية

)()(( لا استطيع المقاومة .. بل لا استطيع التفكير في سؤال حزين ..؟
كانت لي بسمة فأصبحت دمعة ))(()



نسرين زادت حدتها الانفعالية بعد ما طلقها خالد وبعدما اكتشفت ان ضي بعدها عايشه


حاولت بشتى الطرق تدمير حياة خالد اللي حبها من قلبه واخلص لها ،،


بس كل طرقها باءت بالفشل لان الله سبحانه يحمي خالد وضي من نسرين وخططها الجهنمية ....


نسرين صار لها فتره يعني شهر شهر وونص جالسه لوحدها في غرفتها ماتطلع حتى امها ما تسلم عليها


ولا شيء .... ورافضه رفضا قاطعا انها تروح طبيب نفسي .. تقول انها مش مجنونه وذي نظرة قاصرة لذو العقول الصغيرة جدا ...


حالة نسرين ازدادت حده وعصيانها وتمردها زاد ....


إلا ان خطبها واحد من اصحاب ابوها


نسرين بدون مقدمات حتى مابعد عرفت اسمه وحالته وافقت


( على بالها قهر خالد او تبي تنتقم من اهلها ومن نفسها بهالموافقه )



بندر بعصبية ضرب الطاولة : أنت ماراح تتزوجينه لو ايش ..؟


نسرين بعصبية اكثر : والله طول ما ابوي عايش محد له كلام علي


بندر عصب : على اساس ان الوالد يدري عنك يعني ..لو يعرف خيبتك ما كان جاب لك ذالهميل


نسرين : هميل داشر سكير محد له كلام علي أنا كبيرة و فاهمه منيب حاجة احد يحطني بالصورة فهمت !


نايف خش بالموضوع : يعني بعد كل الحكي اللي قاله لك بندر ما زلت مصره انت عقلك من ايش ابي افهم !


نسرين تبتسم : بندر لإن ابوي زوجه بالغصب يبي يخالفه باي طريقة ..؟


بندر عطاها نظرة : أنا ماراح ارد عليك لإنك مهما قلت اختي الكبيره بس عاد اقل شيء احترمي نفسك و


هيئي للوالدة الجو اللي لابد يتوفر لها فاهمه


نسرين بقوة عين : امي وعلى عيني وراسي منب حاجة احد يوصيني عليها


بندر تنهد : اعوذ بالله من الشيطان الرجيم ..


نايف : مره يحول متقطعة على حال أمي يعني ...لو انك تدارين امي كان ما وافقت تنخطبين وهي خلاص ماعاد


باقي إلا يومين و ترجع الديرة المفروض تدارينها مين بيكون عندها لا تقولين داليا داليا بزر توها ...


نسرين بإقناع : وأنتم وش حاجتكم تكملة عدد بس ... يالله عليكم يعني أمي راح تحس فينا او تعرف امي تعبانة


الله يشفيها ...


بندر بنظرة ثاقبة : اخذيها مني زواج مافيه لو تفزعين ال...( قبيلتهم ) كلهم ..


نسرين : بتزوجه يعني بتزوجه


نايف بعصبية : اهب يا وجهك قدمي مشئية الله قبل


نسرين : بإذن الله تعالى


بندر : والله بالطقاق اللي يطقك انا شرحت لك وحطيتك بالصورة و بينت لك ماضيه الأسود


نسرين : أنا منب بحب الناس اللي تناظر الدنيا بمنظار أسود وإنت ذي حالتك الله لا يبلانا مكتوب على جبهتك


ابن أمه يحكي معي ...!!


بندر دق جواله ناظر الرقم " سلطان " بندر : أنا علمتك و أنت و عقلك !


طلع بندر و هو لا يزال يحكي مع سلطان عن تفاصيل القضية ..


داليا توها تنزل تتسحب


نايف : هههههههه صح النوم


داليا تبتسم و تشر بيدها : وش يقولون إذا احد قال صح النوم هههه مدري والله ...( ناظرته) هاه تتقهوى


معي !


نايف اتجه صوب داليا : كنز نوم انت شفاطة نوم وين تودين النوم


داليا تبتسم : نايف ترى مالي خلقك توني صاحية سحبتها لذالوقت


نايف يشد شعرها بحنية : يا ظالمة وشذالسحبة متى نمت ؟


داليا تتذكر : حرام عليك قطعت شعري ههههه والله يا 10 او 10 ونص بذالمحاري


نايف : وش مسهرك يالمخيسة وانا متكي إلى الساعة 7 كاني جني بلحالي هنا


داليا : والله جلست على النت


نايف : يذا النت اللي لاحس عقول الشباب والصبايا ترى ما اخترعوه إلا ل


داليا تبتسم قاطعته : وش رايك اجيب لك اللاب تبعي عشان تطمن شياطينك


نايف : هههههه احلفي بس يعني لو اني شاك فيك لو 1% بخليه عندك


داليا تبتسم : يابعد عمري يخوي وربي ذالثقة على راسي من فوق


نايف : ذالعشم يالدبه اتقي الله وش نافخك ؟


داليا كشرت : ذا وأنا مسوية دايت بس ولا يهمك يالله على يدك خذني و قطني بممشى الملك عبدالله


نايف : احلفي بس و ماتبيني اشخص معك


داليا : ههههههه اجل بتشوتني و تروح و تتركني عاد الممشى الله وكيلك


نايف : خذي معك وحده من بنات عمك المصرقعات


داليا : ههههههههههه لا هذي إهانه تو ماي قروب ذز از ا قريت مستيك


نايف ( تذكر اللي شافها بالزواج ) : إلا اقولك بزواج بندر مين اللي كانت لابسه اخضر


داليا : ياخي لا تذكرني بذاك العرس أحس انه عشا عادي او استغفر الله عزاء مو فرح و طقطقة


نايف بإهتمام : مين طيب اللي لابسه اخضر


داليا تفكر : اخضر اخضر مدري بس ليش ؟؟


نايف : دليل جاوبي عدل لا الفعك بكف


داليا تبتسم : هههههههههه مدري فيه كثير لابسين اخضر بنت مديرتنا اللي جت يمكن


نايف بتقرف : لا تهبى بنت مديرتكم لا تكون سويرة الدبه بسسسس


داليا : هههههههه وش دراك عنها


نايف : الله اكبر ترى ما لبست الغطاء و العباية إنت وهي إلا من 3 سنين


داليا : تتذكر يوم تجينا و تنام هنا تر فض تروح لبيتهم


نايف : ههههههههه اذكر اني توسطت لها عند امها وهي اللي يسلمها جت هنا وقالت ذا محلي خخخخ


داليا : ياحبني لك بس لا تكون حاط عليها العين ايه عشان


قاطعها : لا وحدة تجنن خقاق شكلها ما اقصد ذالبزر الدبه


داليا : اخضر فاتح او غامق طيب ؟


نايف يتلفت يدور شيء اخضر : لا يعني اخضر اخضر كشميري عرفت كيف


داليا : احلى يا كشميري هههههههههه منتب سهل والله


نايف : ههههههه افا عليك هاه مين عرفتيها


داليا شهقت : يالخبل أخضر اخضر << لا موف خخ اكيد اخضر خخ


نايف وقف ويمشي وراها : ايه مين ؟


داليا : ههههههههههههه اخضر و فيه حزام دموي شوي و شعرها اسود طويل


نايف : كفك ياشيخه أي ذي مين من المصرقعات لانها حسبتني انت


داليا : ههههههههه يالمفهي ذي ريم


نايف ( ريم الله يالدنيا اذكرها شيطانية و دايم هوشات مع عيال عماتي والجيران متى احلوت كذى )


داليا : اعجبتك ذالعصلى بالله ههههههههه


نايف يعدل شخصيته : ابرك منك يالدبه هههههه والبنت من جد خقاق بس تعالي شفتها مستلمه بنت


وحاشرتها بزاوية ولسانها الله لا يوريك من قلب وبأمانه تجادل خخخ وش سالفتها


داليا : خخخخخ لو شفت هنيف وش بتقول ..؟


نايف : هنيف عاد عالم خاص من الرجة والعربجة لو يغيرون اسمها من هنوف إلى نواف


داليا : على اساس ان ماعندها اخو اسمه نواف هههههههه من وين تفكر انت ؟


نايف : هههههههههه طيب عديها يا بطة وانصحك لا تكثرين بلع ( وسحب صحن الحلا اللي تأكل منه و اخذه
معه وطلع ) يالله بالاذن استعدي الماما بكرة بإذن الله هون


داليا : هههههه احلف بس ينقالك بتنسيني هات الصحن بسس إلا تعال بسألك عن نسرين وش صار على


خطبتها ...؟ ياخي ابوي ذا اشك انه طبيعي احيانا


نايف ناظرها و عصب : اقول احترمي نفسك و كلي تبن وحتى صحنك خذيه ماعاد لي فيه


داليا : ايووه ياقامد .....ترى مافيه تضبيط مع ريمووت انصحك من الحين


نايف ناظرها و ابتسم غمز لها : يهديك الله ..


بندر صدم نايف اللي كان لاف بوجهه ويحكي مع داليا وهو واقف عند الباب ..


بندر ابتسم : وين وين ..( ناظر ساعته) ماعندنا دشير يالله ارجع !


نايف : ياخي وش فيك انت ههههه يعني إذا راح ابوي و تركي تطلع لي انت بس على فكرة شكلك غلط و...


قاطعه بندر : الثور مين اللي قالك إني مهتم فيك


نايف : وه بس وه مين يعني اكيد قلبي ( اشر على قلبه )


بندر : زين عندك قلب ههههه


نايف : وابشرك شكله هه هه والله اعلم بدأ يردح سامري


بندر ناظره و ابتسم : مين اللي داعية امها عليها ذي


نايف بحماس : إلا داعية لها وتحصل مثلي هي وين بسس ...


بندر : ذكرتني بمحمد الله يذكره بالخير


نايف : لا عاد ابو حميد حالة خاصة منتهي مولي مع زوجته بمخباتها احس


بندر ابتسم بألم : الله يوفقهم إذا متفاهمين وش دخلنا فيهم


نايف : احلى 10 على 10 اتخيلك الدكتور طارق الحبيب او الدكتور ميسرة


بندر : ههههههه يالله بس اذلف شوي بروح نسرين احاول اقنعها


نايف : خرطي الحكي مع نسرين الله يهديها وإذا فيه خير ربي يرزقها فيه ...


بندر : امين ...

دخل بندر و جلس مع داليا شوي ...


داليا : يا حي الله يا حي الله بندر وين الناس يا رجال من يوم ما اعرست وانت ساحب سيفون علينا وش دعوة


بندر يبتسم : تعرفين الواحد لازم يصبر عن وجيه القرف شوي


داليا شهقت : الحين حنا صرنا قرف و ذي صوفيا صارت الشيخة


بندر مسك خدوها : متى بتصيرين مؤدبة متى ..؟ ولا صوفيا ولا مليون وحده يغيرون مقداركم عندي يالدبه


ماشاءالله سامنه ! وشذالخدود بس


داليا كشرت : ياربي خلاص منب اكله شيء ابد ذا كله من الاكتئاب وانا احط حرتي بالتشوكلت


بندر يبتسم : إكتئاب حتى انت تعرفين إكتئاب ...؟ وش اللي مخليك متكرنه و تافلة العافية ...


داليا بدلع : كل شيء يكفي اقل شيء ان ماما مسافرة من 4 شهور وربي تعبت ( بكت )


بندر ضمها بحنية وهو يتذكر امه : خلاص حبيبتي اصبري بكرة بإذن الله بتجي امي بس عاد لا تشوفك كذا


متكرنة ثم تطين عيشتنا زود عن ما هي متطينة


داليا و الدمع بعينها : بندر


بندر : عيونه امري كم من دليل عندي انا


بندر يمسح دموعها بطرف شماغه ...<< رحوم لخواته بشكل لا يضاهى


داليا : مبسوط انت و مرتاح ...؟


بندر لمح بنظرة اخته تساؤل الأخت تجاه اخوها : الحمدلله ليش هههههه


داليا : بس شكلك يقول غير


بندر ابتسم بألم : شكلي وش فيه يا محلاتي والله و انا مشخص بالشماغ جديد توه ترى


داليا ابتسمت : الله يسعدك و يرزقك يارب ..


بندر ابتسم : وين ام رامي ..؟


داليا : بغرفتها فوق اقنعها بليز باللي فيه خير ...



بندر يسحب خطاه لحد ما وصل الوالد اللي امر بنداء نسرين و بندر كان جالس .



بندر : خبلة انت تاخذين واحد معروف انه يتزوج ويطلق وفوق ذا كله معه حرمتين


نسرين : كيفي انا من يومي محد يتدخل في حياتي وانت بالذات اطلع منها


ابو تركي : بندر ايش فيك على اختك حياتها واهي تفكر فيها


بندر : يبه والله الرجال مخابر وانا اعرفه رخمه سبيكة خبل


نسرين : يبه انا موافقه أي وقت لو الحين


ابو تركي : لا فكري واخذي وقتك وبعد اسبوع قرري


نسرين : رايي ما راح يتغير لو ايش... موافقة موافقه عناد لبندر بوافق بس


نايف : انت ماضيعك إلا عنادك شوفي لوين وصلك


نسرين تضحك : اقول وصلني لوين وصلني لاني باخذ واحد مليونير شاريني بجد


نايف بحسرة : ههههههههه أي مايخالف خبر اليوم بفلوس بكره ببلاش


نسرين : ادري ماتبون لي الخير بس غصب عنكم بتزوجه وراح اكون سعيده معه بعد


ابوها : قدمي راي الله طيب قولي ان شاءالله قبل أي كلمة تقولينها


نسرين : ان شاءالله


بندر : يبه الله يخليك يابوي والله اسال اخوي تركي شف وش يقول عنه معروف سيرته مو كويسه ابد


ابو تركي : لا خبرك قديم الرجال تعدل وانتظم وصار اسمه يهز السوق


بندر : لا ابوه ولا ابو الفلوس يبه ماعلينا قاصر ولله الحمد وش تجيب الفلوس بدون راحة البال


نايف يضحك ويناظر اخته : أي تدرين ان هبه زوجة عمي محمد الله يرحمه كانت متزوجته


نسرين بغرور : ذي هبه وانا نسرين وبعدين هبه مافي رجل أعمال ما شخصت معه و تزوجته


نايف : نفس الطينه ههههه


نسرين : انت بالذات قليل ادب بس هين والله تندم ان شاءالله


بندر خايف على اخوووه : نايف اتركها اذا طاح مابراسها تجي تدورنا


نسرين : مالت عليكم والله لو مايبقى غيركم انت ونايف مستحيل يمكن تركي يمكن بعد يمكن ذا اذا احتجت احد


منكم بس وعد مني اذا تزوجت مانتم شايفني رقعة وجهي خير شر


بندر : لحول ولا قوة إلا بالله


نايف : وامي طيب ...؟


نسرين : وش دعوة تدري عن الناس عاد اهي نفسها مو حاسه فيه


بندر : انا مر علي ناس قاسين بس زيك ماشفت اقلها اصبري لين تجي عشان تقولين هالحكي


نسرين تضحك : ههههههه عشان تعرف انت واخوك ذالنتفه ان نسرين ماتنكسر ابد ..


نايف يضحك : واضح والدليل قرارك الانتحاري ذا،،


نسرين خسرته وطلعت غرفتها مبسوطه ........



>>>><<<<<:: الأمس بكل ما يحمله ذهب و ولى أدراج الرياح.....


و الغد الاتي بكل ما سيحمله يبقى من خلف الأماني بصيص أمل في إنتظار غد مشرق


بإذن الله تعالى >>><<<<؛؛



ام تركي وصلت هي و تركي ....


في المنزل ...


الجميع يحيط بأم تركي و علامات الشوق واللهفة على محيا الجميع ..


بندر عند أمه : طيبه يمه الحمدلله ....


نايف يبوس يدينها : الحمدلله على سلامتك يمه وربي توها نورت الرياض


محمد : وش الرياض إلا السعودية و الخليج كله ..؟


تركي عياله بحضنه اشتاق لهم كثير هم وامهم الغالية ^_^ ....



ام تركي تناظر بندر بنظرات غريبة مرهقة خصوصا وهي تشوف صوفيا لاصقه في بندر ...فهمت إن ابوه


زوجه بالغصب وهالقرارت قرتها بينها و بين نفسها بصمت وهي ميب مستوعبة هالشتات اللي صار لها و


لعيالها ....


" ابو تركي ببرود موجود لمجرد إثبات الوجود ..."


نايف و محمد من الجهة الثانية عند امهم .....


أميرة و داليا عند امهم و داليا مبسوطة كثير .....نسرين موجودة وشاردة طول الوقت !!


(( زوجة تركي مالها طاري بالراوية لإنها لا تستحق الذكر أحداثها قليلة جدا وهي عازلة عمرها وبقوة عن


العائلة ، وهي شخصية عاقلة متزنة ملتزمة دينيا ويمكن تكون من النوع المتزمت بالقرارت نوعا لذا تتفادى


الإختلاط بهذه العائلة المرفهه و المترفة كثيرا ولكنها تحترم الواجبات و تحضر في كل واجب و مناسبة ...)))



((( زوجة محمد عبير ...إنسانة فاهمة زوجها و زوجها فاهمها يحبون بعض ..لو إنها غيورة من خوات محمد


و كثير تسوي حواجز بينها وبين داليا و اميرة .... بس بالاخير اهم شيء إن محمد مبسوط معها وهي ليست


من العائلة للمعلومية ...معلمة تاريخ +_+ ))))



اميرة ماتفارق غرفة امها ابد تعتني فيها مثل ماكانت زينة تعتني فيها ومسكت عزوز حطته بحضن امها :


يمه هذا ولدي عزوز ...( دمعت عيونها بقوة )


وها هي ام تركي ترفع يدها بتثاقل فظيع و تلامس الطفل .....


داليا ضامه أمها : رجاء اميرة شيلي ولدك لا اشوته مشكلة العواذل ههههه ( بوست امها مع خدها )


امها ناظرتها و ابتسمت بحزن و حنان كبير لبناتها و كأنها تتساءل عن نسرين ...


اميرة : نسرين الحين يمه جلست معنا شوي و اكيد شويات و تجي بإذن الله


راما مرابطة عند جدتها .... داليا : رم رم يالله يالله خلاص عاد برى أمك هنا إذا مضيعة يعني


راما بعناد : احلفي بسس على اساس انها ميب امي بعد اخاف امك لوحدك


ابتسمت ام تركي و لمستهم كلهم ... حطوا روسهم بحضنها و قعدوا يسولفون عليها ....


" اميرة سمعت كل شيء من بندر وانصدمت تأثرت من قرارت اختها بس وكلت امرها لله لان مابيدها شيء"
بندر راحت معه صوفيا ووصلها بيت أمها ....


صوفيا : بتتأخر كالعادة ؟


بندر يناظرها : والله على حسب المود تبعي مشغول كثير إذا تأخرت ارجعي مع السايق


صوفيا تنهدت و نزلت بقهر ...


بندر يناظرها و اعصابه ميب قادرة تتحمل قربها زود و دلعها المتصنع .....


(( مباشرة انرسمت صورة دلوعة امها في باله اكيد ناسيتني الحين يا انا مشتاق لعيونها ))


و ها هو عبدالله الرويشد يواكب الحدث في الإذاعة ب :



يا فراقها .. توني شعرت فقسوتك في داخلي
يا فراقها .. توني احس اني بديت احن لأيام مضت واشتاقها


بديت احن لشوفها واشراقها واشواقها
رغم انها اللي روحت وبكل عمري طوحت


حتى بكف فراقها ما ودعتني ولوحت
يا فراقها .. يافرقها



في ليله جرح الحنين والجرح في قلبي حزين
مرتني الذكرى و انا احصي تجاعيد السنين


مرتني سألني بألم منهو اللي فينا انظلم
منهو قسى منهو نسى ومنهو من الثاني انحرم


يا ذكرى ليتك تسألين هالأسئلة لإحساسها
وشلون باعتني وانا اول واخر ناسها


بديت احن لشوفها واشراقها واشواقها
رغم انها اللي روحت وبكل عمري طوحت


حتى بكف فراقها ما ودعتني ولوحت
يا فراقها .. يافرقها



يا بعدها .. من لي انا من بعدها يا بعدها
يا بعدها .. وش تسوى كسرت خاطري وعبرة جروحي عندها


يا بعدها .. انا خلاص ما عاد فيني للحكي
كثر اللي من قبل انحكى


يا بعدها .. انا تعبت .. تعبت تعبت ماعاد فيني للبكا
وما ظل في قلبي غصن ما ذاب من كثر الحزن


ما هز قلبي و اشتكى ..


بديت احن لشوفها واشراقها واشواقها
رغم انها اللي روحت وبكل عمري طوحت


حتى بكف فراقها ما ودعتني ولوحت
يا فراقها .. يافرقها

<<<؛؛؛ ها هي على ضفاف نهر الأسى ....


على أمل " أن تندمل الجراح "


تحتسي أكوابا من الحرمان ...


و ترتشف مذاقا من الوحدة !! ؛؛؛>>>



حيث تتنفس الإنسانية بقايا نسمات الخير



رهام جالسه عند زينة في غرفتها .......


رهام : تدرين المحقق بيجي اليوم؟


زينة : الله يعينك انتبهي لا يجيك طراق محترم ترى المحققين يطقون عادي مثل سلام عليكم


رهام : وش دعوووه ماطق احد شفته صفق واحد كف بقوه وبغى يموت بسبته


زينة : انتبهي لنفسك وخليك واثقه وقولي لهم الحقيقة


رهام : انت شجعتيني اقول لهم الصدق مع اني قلت لهم انهم ماراح يطولون شيء مني


زينة : لا ان شالله بيساعدونك ....


رهام : بس انا خايفه الممرضات يقولون شيء تدرين كاتبين شكوى ضدي انا ان تعرضت لهم بالضرب


زينة : ريا وسكينه يعني ههههههه ولا يهمك وكلي امرك لله وبشريني وش يصير معك


رهام طلعت غرفتها وجلست ...
-
-
-


وشافت فريق التحقيق واصل...



تركي : ماشاء الله احنا ايش قلنا لكم يالامن ذي بالذات عليها رقابة كيف تطلع وتدخل عادي


الامن : ذي بالذات مانقدر عليها ههههههههههههه نخاف تذبحنا بعد تعرف قاتله


رهام تنهدت وجلست : يلا اسئلوا اخلصوا

سلطان يبتسم بحنية : أي وقتك مايسمح لك تبين تكملين التور بالمستشفى..


بندر يناظر سلطان : قلت لكم ذي مو مريضه


رهام : حضرة المحقق اعتقد مالكم حق إلا تسألون وبس صح


بندر يبتسم : صح ... اسفين اختي يلا نبدأ...


بندر : اول شيء قبل نتوغل الموضوع وين كنت ووش مطلعك ؟


رهام : كنت عند وحده مريضة نفسيا جنب غرفتي هنا


بندر : وش موديك لها


رهام : تعرفت عليها وصارت صاحبتي


بندر : حلووو معناتوو انك طبيعيه تعرفين وتدركين ان في صداقات


رهام : اكيد وإلا ايش موديني لها


بسمة ونهال : أي ياحزرة الزابط .. المقانين دول مش طبيعين خالص دييي المقنونه اعتدت علينا بالضرررب


ويا المقنونه التانيه


بندر ناظر في رهام بحنيه : صدق ذالحكي


رهام : أي


بسمة : وكمان حتئتلنا


بندر : صدق يارهام ...


رهام تناظر فيهن : والله تمنيت بس للاسف الامن وصل


سلطان : اعترا ف عيني عينك


بندر : ليش طيب ..


بسمة : مقنووووووونه وحتسالها كمان أي دا حئي وبأخدوه


بندر يناظرهم بنظرة اخرستهم : انا قلت ليش يا رهام


رهام بكت : تخيل ياحضرة الضابط يعذبووون وحده مريضه عذبوها حسبي الله عليهم يطقونها طق حتى قصوا


شعرها بالغصب وجسمها كلها كدمات من ذالممرضات تعذبت ماقدرت تدافع عن نفسها وصراخها


واصل لي هنا ورحت لها ساعدتها وبعدين ماسويت لهن شي بس صفقتهن كم كف ودافعت عن البنت


نهال : ودي كمان مقنوووووووونه زيك اهلها رموها رمي الكلاب هنا ومشيوا


سلطان بنظرة جامدة : بس انت ولا كلمة واطلعي برى التحقيقات بعدين معكم


بندر : يعني انت حبيت تساعدين المريضة


رهام : اهي مو مريضه اهي .....


بندر : ايش


رهام : لا ولا شيء .. وصدت قالت أي سؤال ثاني


بندر ( حس من رهام ان هالبنت لها قصة ) .: نبيك تتعاونين معنا الكلام اللي قليته سابقا انو زوجة ابوك كانت


تعذبك وتجبرك تطلعين شقة شباب في السليمانية وانت رفضت ذالشيء واجبرتك بالغصب ورفضت واخر


شيء قتلتيها


رهام بحسرة : صح ...


سلطان : طيب كان بلغت ان فيه استفزاز يجيك


رهام : ماقدر كان محوطه علي حتى بنتي اخذتها مدري وينها جيبوها لي جيبوا لي بنتي ....


بندر : طيب رجلك من قتله


رهام : اخوها المعفن السكير احمد


بندر فتح فمه : ليش طيب ...؟؟.


رهام تبكي : لانو احمد ذالمتخلف حاول يعتدي اكثر من مره علي وعلى بنتي ،،، اخر شيء عجزنا انا وزوجي


عنه فتوعد فيه زوجي وخاف منه لكن في يوم الاثنين الموافق 5/4 شافه زوجي داخل في بيتنا وخاف منه


وقتله وانا اشووف ربطوني اهو واخته اللي اهي زوجة ابوي وعذبوني شهووور وانا بسجنهم اخر شيء


اخذوني مزرعتهم بالخرج واحرقوا جثة رجلي وانا اشوف حسبي الله عليهم


واستمرت تبكي