في ذاك الكافي اللي يعكس لزينة أجمل ذكريات تسطرت مع بندر في ايام شهر العسل

نواف : يؤ مر اعوذ بالله ابي شوية شوقر

زينة تبتسم بحزن : انا بعد احب اكثر الشوقر

نواف : ياملحهم اللي يقلدون بندر

زينة تنرفزت : أي بندر روقنا ياشيخ

نواف : هههه علينا يابنت تكفي نظراته لك و بعدين ماتدرين وش سوى يوم طحت علينا

زينة تهز كتفها : بالطقاق مايهمني

نواف : عشان هزة الكتف ذي اشك ان

قاطعته زينة : نواف وبعدين بليز يعني صدق كلامي ترا منيب بحب اللي يجادل ولا يصدق دايركتلي

نواف : اعصابك طيب

زينة : اعصابي ريلاكس تماما بس مدري وش فيك

نواف : شوفي يا لزين انا اخوك و عضيدك و سندك و إن حبيت حبيبك بس

زينة تحرك الكافي بتوتر : بس ايش

نواف تنهد : يالزين مابي استغل ضعفك وانك بحاجتي هالحين ابد ابيك اذا قلتيها تقولينها من قلبك

الحب اثنين يعشقون بعض و بينهم حياة مشتركة فهمت كيف ! مابيك تقولينها كذا تمشية حال

انت غالية علي بس انا منيب اناني لذالدرجة وانا اوعدك انا سندك و عضيدك لو ايش ما يصير

زينة دمعتها تتللألأ بحزن : نواف مدري وش اقولك الله يخليك لي و بس انا محتاجتك ذالوقت تكفى


نواف ابتسم بحب كبير : لا يردك إلا لسانك يالغلا وانا وقتي و كل شيء تحت شورك اهم شيء راحتك و

سعادتك

زينة : موب معقول قلبك يا نواف من ايش وش طيبتك ذي ؟

نواف ابتسم : لاني احب و اعشق من قلب صافي صدقيني

زينة تبتسم بحزن : مع اني يمكن ظلمتك قبل بس

نواف قاطعها : ناظري بندر متكرن و حالته حاله متكي هناك

زينة ناظرته : وإذا او تدري امش خل نقوم

نواف : يؤ يالهبله و ليش

زينة بضيق : احس اني انكتمت شفط الأكسجين كله اوووف بس

نواف بدهشه : هيه انت تراه ولد عمنا عيب

زينة قامت : نواف يالله نبي نمشي

وقف نواف ...مسكت يده زينة

نواف توتر شوي : زينة فهمت كلامي

زينة بتوتر : نواف انت قلت انك مستعد تساعدني صح و توقف جنبي

نواف يتأمل عيونها : طبعا

زينة : تكفى طلبتك نخيتك تكون جنبي دايم ولا تخليني خصوصا ذالوقت بليز

نواف ابتسم : ابشري بعزك يانا بنشب لك نشبة بنت كلب

زينة تبتسم : و ياليت ما تطيح وجهي عند بندر و تقبل أي كلام اقوله لك

نواف تنهد : مع اني فهمتك موقفي سابقا بس ميب مشكلة ذالوقت بس لاحظي بعديها لك

زينة : نواف انت ماتدري انا احبك و اقدر ك انا اموت فيك

نواف يبتسم : تحبيني ذالايام بس هاه ههههه

زينة ابتسمت : احبك

نواف ببرجته : بشري امك طيب خخخخ

زينة " تذكرت امها و توترت دمعت بقوة و تركت يده "

نواف مستغرب : سلامتك وش فيه يؤ يا زينة تعالي

زينة اسرعت الخطى تتجاوز الناس بسرعة

وقفت امام ظل ذاك الشامخ

خافت يتشمت فيها

طلعت نظارتها من " قوتشي " عشان تخبي اثار الدمع الجارح

و كملت طريقها بسرعه وذا يدل على توترها

لمحها بندر و هي تمشي بسرعه

" يالبيه بس ياما و ياما سوت ذالحركة فيني مسكين يا نواف ياما لطعتني و سوتها معي بمول او مطعم "

زينة طلعت تبكي " بنفسها امي امي "

بندر ناظر نواف اللي يخترق المسافات و يصطدم بالناس

نواف : سوري سوري

و يتجاوز الناس بسرعة

إلى ان شافها واقفة برا تنتظره .....

نواف و الصدمة على وجهه يلقتط انفاسه : الله يهديك بس وه بس

مسكه بندر مع كتفه : نوووووواف وش فيك ...؟

زينة تنرفزت و صرخت قاطعت نواف : مافيه إلا كل خير

بندر بثقل و شموخ تنهد و خسرها : نواف عسى ماشر !

زينة ترد بكل شموخ : نواف بكل خير ببعدك و مافيه إلا العافية و لا تلحقه غير السعاده بإذن الله

بندر يناظر نواف

رجع شافها : للحين ما كبرت يا ماما !

زينة صرخت : كبرت صغرت مالك شغل زين

بندر بسخرية لاذعة : شيء طيب طبعا مالي شغل بس

قاطعته زينة : لا بس ولا شيء منيب بتشرف اسمع ولا نيب مستعده اسمع

لفت وجهها و كانت الصدمة

زينة بخوف : نووووووووووواف

تمشي بخطوات خائفة : نواف وينك نووووووواف تسمعني و ين رحت !

بندر وراها : حطمت الرجال فشلتيه بين خلق الله مابعد طلع لك قلب على كثر اللي صار لك

زينة تسوي نفسها ميب خايفه : وش تبي انت وش موقفك خلاص روح !

نووواف يا نوووواف وينك ؟

بندر يبتسم بشماتة : الظاهر ماعاد تصبرين عن بعده

زينة تبتسم بسخرية : بالله عليك توك تدري أي طبعا ما اصبر عنه وش دخل اهلك بالسالفه

بندر : هههه ما دخلني ولا نيب بتشرف اتدخل اصلا ( عطاها نظره)

زينة صرخت بهستريا : وش موقفك بعد هناك بمر وخر

بندر وقف قدامها بشموخه و جسمه كله

زينة : خير تستهبل حضرتك

بندر : اعتقد كذا مرة علمتك الادب و قلت لك اذا كان احد يحكي ولا بعد خلص حكيه غصب عليك من

وراء خشمك تسمعينه يا زينة

زينة : الادب مع اهل الادب وبس

بندر مد يدها بقوه و مسكها بنظرة شامخة : عموما

شاتت يده بقوة : لاعاد تلمسني مانييب بتشرف

بندر ابتسم : هههه والله يانت واثقة المسك مرة وحده كان غيرك اشطر يازينة

زينة عيونها دامعة و تكابر : شيل يدك لا اكسرها لك

بندر : مابعد كبرت شكلك للحين هههه

زينة تصرخ : انقلع هنا منيب بحبك اكرهك من كل قلبي من اقصى ماتقصى من قلبي اكرهك

بندر : مين الحمار اللي قايل لك اني ابيك

بندر راسه مصدع ( ليش تقسى و اقسى بس ؟ )

و تحت ضغط النقاش

زينة : بالله عليك و وش عندك ذاب خشتك !

بندر الصداع زاد بقوة و الرؤية قد تتلاشى

بندر تنهد بإرهاق : اسمعي

زينة صدت : منيب بسمع

بندر " تحمل " : بتسمعين غصب عليك كلمتين و بروح

زينة صرخت : ومن متى و الخسيس و النذل ينسمع !

في لحظة طيش فكرة و ضغوط الصداع المزمن

مد يده و صفقها طراخ على خدها

سلطان صرخ : لا يا بندر لا

زينة تمسك خدها ولا زالت غير مستوعبة و عيونها تدمع


بندر تنرفز بقوة و اخلاقه قفلت

سلطان بعصبية : ليش تطقها ؟ ليش

زينة دمعتها تحجرت : وانت مين بعد خير وش تبون مني و أنت ( ناظرت بندر) ماعاد لك كلمة علي فاهم

بندر بعصبية مفرطة : غصب عليك

ألتفت زينة و طنشت بندر

و شافت نواف و انصدمت بقوة

بكت بحسرة و مشت : نواف تركتني خليت بوعدك معي

نواف يناظرها بحنية : اسمعي

قاطعته بشموخ : مثلك مثلهم طلعت مسرع نخيتك و رجيتك

لا عاد اشوفك بليز خلاص مشكور وماقصرت ( بسخرية ) ياخوي ياعضيدي

سلطان تنرفز : زينة اسمعي

زينة ناظرته : وانت بالذات لا تحكي ولا تناديني باسمي وابوي مايستاهل تطعنه بظهره معي بتصرفاتك

سلطان : اسمعيني يالغلا

زينة : بصفتك مين ا سمعك مجرد صايع ليس إلا صديق لذا ( اشرت على بندر بغير إكتراث و إحتقار)

بندر : انا الليلة خربانة معي شوفي و قسما بالله لين ما ( معصب)

قاطعه نوا ف : اذكر الله عشاني عشان خاطري اركد

بعده عنها وراء

سلطان : زينة اسمعيني بصفتي اخوك ولد امك

زينة صرخت بهستريا و قربوا بندر و سلطان على صوتها

زينة : انا امي مضاوي وبس مالي ام غيرها و ذالمجنونة ميب امي فاهم

" سلطان عصب بس رحمها مسكينة "

زينة : فهمت مالي ام ولانيب مصدقة ذالنصب " ليش ماتصدقين يازينة طيب انت واثقة من هالشيء "

نواف بقلق عليها : هدي نفسك يالغلا

زينة : و سفاه بك يا نواف ماتوقعتك مثل الجبان هذا " اشرت على بندر "

اللي شكله ناوي بيذبحها من قهره

بندر تنهد بقوة

نواف : اعذريني يالغلا والله ماسويت ذا إلا عشانك

زينة قربت : نواف تبيني اعذرك امش معي للبيت الحين عند ابوي

نواف انحرج منهم : ابشري يالغلا بروح معك بس اسمعي شوي

زينة بعصبية و حماس : انا قايلة لك يا نواف ذيل الكلب اعوج و عمره مايتعدل و مع ذا قلت لي انو بندر

تغير و مدري ايش ناظر تصرفاته

بندر وصلت معه : شوفي انا بعلمك وشلون ذيل الكلب عمره مايتعدل و انو اعوج .... والظاهر

انك صرت مثل الحمار ما يمشي إلا بالدق و الضرب

سلطان بحلق عيونه بعصبية : بندرررر

بندر يناظرها بتحدي

زينة : وش دعوة عاد فهمت وش يرطن خخخخخ انسان بيئة يالله نواف

نواف : خير إن شاءالله يالله

واول ما توجهوا زينة عيونها هماليل تبكي بحسرة و بقوة

نواف وقف عند اقرب قاردن

و وقف قبالها : يالغلا سامحيني و اعذذذريني

زينة : المشكلة انك وعدتني ليش جحدتني ورحت لهم ليش وش سويت لك انا متى بتصفى لي الدنيا

نواف بحنية : يالزين ارفقي بحالي فديتك لا تقولين كذا انا ماسويت كذا إلا لمصلحتك

زينة تناظره وعيونها دمع : نصابين كذابين لا تصدقهم ماعنده سالفه انقهر لاني تحسنت و صرت طيبة

حب يدمر حياتي بكذبة وقحة و سخيفة منيب بسامحه ابد

نواف بحنية تجرأ : يالزين عمري مافكرت امد يدي وامسح دموعك بس دمعتك غاليه ( مسحها بيده)

ارفعي راسك على كثر دموعك

زينة تبكي : نواف انا مابكي على اللي قاله لي ابكي على موقفك انت ليش ؟

نواف يناظرها : يالزين بعدين راح تقدرين الموقف الحين توك

زينة : يؤ نواف امانه لا لا تصدق كذاب و نصاب

نواف ابتسم : واللي يوعدك من جديد انه بيكون لك اخ و عضيد و سند وإن حبيت و قلبك نبض له

مشاعر من اقصى ماتقصى من القلب بيكون لك حبيب و زوج

زينة رفعت راسها : هو باقي بالدنيا وعود خلاص كلها مثل بعضها

نواف رفع راسها : ادري السالفه قوية عليك

زينة تبكي : نواف السالفه ميب قوية صار لها معي 3 سنين وانا كل ليلة احس فيها

نواف اندهش : يعني صدق

زينة تبكي : بس انا مابي مابي نواف طلبتك و نخيتك فكني منهم مابيهم

نواف مدلخ : زينة مستوعبة انت وش قلت

زينة : نواف عشاني تكفى لا تقول ذالسر لاحد امانه

نواف : يالزين كل الجرح ذا فيك و ساكته ليش

زينة تبكي : نواف طلبتك نخيتك ابي اشوف امي مضاوي ادري انها تعبانه بس هي امي و بس

مالي غيرها ام

نواف " تنرحم وبقوة " : ولا يهمك وابشري بعزك وانا اخوك ... صدقني عهد علي لا انفذ لك اللي تبينه

ان بغيت امك ام سلطان وصلتك لعندها و ان بغيت امك مضاوي وصلتك لعندها بإذن الله تعالى

زينة تبكي : يقولي تو انا اخوك مالي اخوان غير بدر وبس

نواف بحماس : و نواف

زينة تناظره : انت شيء مهم بحياتي بعد

نواف : ياهووه يا أنا ياحبني لنفسي لان زينة بنت سعود مدحتني

زينة : ليش

نواف : لان زينة بنت سعود مدحتني ههههه موب أي نفر يحصلها


زينة تجفف دموعها

نواف : ايه يالغلا مانبي عمي يحس موبناقص بعد و يمكن ما يصدق بسهولة

زينة وقفت : انا بعيش اكذب ذالشيء طول حياتي و لانيب مصدقته ابد

نواف : ليش

زينة : لان ذالام ماعادت تلزمني ان بغيت ام ..مضاوي امي وبس

يكفي ربتني و دللتني و ميزتني عن بنات الناس كلهم ..." بكت"

صحيح قست علي شوي .. وعذبتني بس ماتنلام انا واثقة ان عندها ظروفها

يا نواف ما تتصور وش كثر بكيت يوم عرفت انها تعبانه .. وانا قصرت معها

بقوة يكفي بوفاة بدر الله يرحمه ما رحت لها ولا حاكيتها

نواف دمعته تبرق : مهما كان انت طيبة و حبوبة واياني واياك تنكرينها او تجحدينها مهما كان

كنت بنتها بيوم و برضو امك الممريضة اللي عايشة على امل انها تشوفك


زينة بحزن : امي مضاوي وبس يا نواف صدقني ماعندي غير ذالشعور

نواف : يصير خير لنا حكي بعدين إن شاءالله المهم مثل ما وصيتك ابوك لا يحس

زينة دمعتها تجففها : ابشر من عيوني

نواف : تسلم عيونك يالغلا

-

-

-

بالاوتيل

سلطان يصرخ : شفت كيف كله من اخلاقك الزفت ذي ضيعت علينا فرصتنا كان بإمكانك تحاكيها

باسلوب راقي مو بذالاسلوب السوقي و فرد العضلات

بندر يضغط على راسه : قهرتني قليلة ادب تحكي ولا كاني رجال قدامها

سلطان : لا ياشيخ على اساس اللي شافته منك موب شوي قبل

شيء طبيعي بتكون لها ردة فعل

بندر : والله كنت منضغط و مصدع و حالتي مايعلم فيها إلا الله وهي زودتها عاد

منيب بحب البنت اللي ترد بطللاقة وجه على الرجل كذا

سلطان : الله يلعن شيطانك بس وش السواة الحين بكرة بنرجع الديرة ! وبنطلع من الماء بلا حمص

بندر : وش نسوي عاد

سلطان : انت السبب اختي واضح انها متعقده وبقوة بس خلني امسكها وقسم لاتفضى لك

بندر : ياليل اسمع لا تخليني اكمل اللي ما قلته لاختك معك

سلطان بعصبية : يارب اني أسالك حسن الخلق ......

طنشه و طلع ....






-

-

-


-

(2)


في الرياض




و من إستراحة العائلة الفارهه المفخمة و المشبعة بكل مظاهر الترف ...

الهنوف لابسه جينز رمادي على تي شيرت احمر و رافعه شعرها على فوق طالعه كيوت

ريم لابسه جينز سماوي على تي شيرت ابيض و شعرها ينساب ليعطيها مظهرا طفولي

و داليا كاشخه ببنظلون ابيض على تي شيرت زيتي من " جنيفر " و شعرها ينساب على ظهرها

الهنوف القت نظرة على الحريم : ياعبير خاشة الجو ماسكتت من جلسنا

داليا : خخخخ كله بصوب وإلا يوم الشيخ فزاع خطب اختي و الامير الوليد خطب بنت عمي بس رفضوا

ريم عيونها تدمع : ليش رفضوا خخخخخخ

داليا تقلد صوت عبير : صغيرات بالمتوسطة كانوا

الهنوف : الله من الهياط بس ههههه ابتهال تقول يوم انها درست سنة اول جامعة هنا بلوزتها وحده طول

السنة

ريم : هههههههه بس من جد تغيرت ترا بعد العرس طلعت رزة

داليا : الله يعز اخوي بس

الهنوف : ياليل من جيتها و احس اني مذنبه حسناتنا راحت علينا

ريم : أي والله صدقت بس ماتحمل تفقع لي مرارتي ماطيق احد يهايط علي وانا باخصته

الهنوف : وقسم ان زملة لاني حشيت باحد انا ترا مانوم اذا حشيت باي احد

داليا تبتسم لان عبير قربت عندهم و تتضحك

عبير : هاي كيف الصبايا الحلوات

الهنوف : بخير طال عمرك يا نور الرياض فيك والله

عبير بلؤم لانها ماستهضمت كلام الهنوف : اقول صبايا تعالوا معي انا وحمودي بنروح المسبح

ريم تناظر البنات : دام انت و حمودك و ش يجيبنا ؟

عبير : هههههه عشان تشوفوننا وانى نسبح

الهنوف << مافوت ذالفرصه بتريق عليها على الاقل : يالله صبايا وش ورانا ؟

عبير انبسطت .. و معها البنات

محمد اول مالمح البنات : ياحيا الله ياحيا الله بنات العم

ريم و الهنوف بشرشف صلاة واحد << بايعينها : الله يحييك و يبقيك

محمد : و علومكم و اخباركم ؟

عبير جلست عند محمد وابستمت

محمد : ياهلا وغلا ومرحبا ومسهلى نورت يالغلا والشوق

عبير تبتسم : الله لا يحرمني منك

داليا تضحك و تناظر البنات : ماتحسون اننا بمكان غلط هههههههه

عبير : نسبح حياتي

ريم : بلا بشكلها ماتستحي ذي ياشين بنات الفقر اذا تبطروا

الهنوف : رازة فيسها عشان ذالعيون بس

داليا منحرجة : يالله بنروح

محمد : هو انا ماراح اسبح انت اللي راح تسبحين بس

شاتها و ابتسم

داليا : يؤ محمد ليش سويت كذا حرام حامل

عبير تضحك : ههههههههه لا يا دلوا حنا متعودين على كذا

الهنوف : الله يخلف عليكم اذا ذي علومكم

عبير تتضحك عشان تقهر البنات

عبير : حمود حياتي تعال طلعني خخخخخخخخ

ريم : ذي اللي ماتستحي خير شر وينى فيه ! على بالها بشواطئ كولومبيا

الهنوف : وش دراها عن كولومبيا حدها الخبر ان تطورت

داليا : هيه انت واياها وش تهمسون ؟

ريم : نحش فيك وش براسك

داليا : لا يا قليلات الخاتمة اوريكم ....

مسكت ريم و دفعتها بتشوتها بالمسبح

ريم : دلوو خير ترا بزعل مايجوز والله حرام و عيب

داليا تسحبها : اخوي ماطق لك خبر مع زوجته يتضحك

نط محمد بالمسبح

محمد : عشان ولدي ترا مو عشانك خخخخخخ

الهنوف : يا ابوه انت من شوقك نطيت بالثوب بعد خخخخخخخ

محمد : مراعاة لمشاعركم ادري بكم عوانس مافسخت ثوبي هههههه

ريم + الهنوف : تفوو عليك حامضة

داليا : ههههههههههههههه

محمد بعد ما طلع عبير : شفت شلون جوالي خرب راح فيها بسببك

عبير تجفف شعرها بدلع : اممم جوالك بألفين و أنا ب 120 ألف

محمد : ههههههههههههه ياملحك بس

داليا و ريم : هههههههههه حلوة

الهنوف : من جده محمد دافع 120 الف عشان ذي هههههههه ينرحم بقوة وذي كل ما حكت فلوس و فلوس

بس مشكلة وجيه الفقر

ريم : دليل يعني بما اني بنت عمكم شيء طبيعي بيصير 200 الف صح

داليا : هههههههههه بدل ماتقولين بنت العم لولد العم بلاش

الهنوف : لا سوري ماعندنا شيء بلاش حنا مش أي صبايا

ريم : نعم نعم عليك نور اختي الفاضلة

داليا : ياليل ابو لمبه

الهنوف : ذكرتيني برامي ياحبني له وقسم ميتة شوق له الجاحد ماعاد يجينا ابد


داليا : جاني البارح وانا نايمة غرد غرد شوي و طلع مدري وش يبي ايه صح ( شهقت )


قالي مقابلة سلمان في قناة ال .... الليلة

ريم غمزت : اعصابك طيب خخخخخخخ يالله امشوا عشان نفلل الشات ا س ام اس

داليا : وقالي حجرف بيروح بعد معه مرافق

الهنوف : خخخخخخخخخ وه بس وه حجرف يحشر نفسه ليش

داليا : يالله نروح

محمد : وين وين ( يوم شافهم طلعوا )

الهنوف : بصراحة ما قصرت ياولد العم كان عرض مذهل و رائع خصوصا من النعامة عفوا النعومة عبير

عبير ناظرتها بحقد

الهنوف طلعت و البنات معها

ريم : يا ويلكم على النظررررررررة

الهنوف تمثل و مسكت قلبها : ياقلبيييييييييه قاعده ارتجف من نظرتها

داليا : هنيف اسمحي لي معليش بضطر اقولك انك عوبا

الهنوف : على بالي جايبة شيء جديد خخخخخخ من يومي وامي تقولي هيك من يوم ماصفقت ولد ابو سالم

و فحطت بسيكله

ريم : تتذكرين يوم ام سالم تدق تشكيك انت و حجرف يوم كسرتوا شباك بيتهم

الهنوف : ههههههه حجرف اللي كسره انا كنت مرافقه بس و قسم بس عاد ام سلوم حطت كل شيء

براسي

رامي : هاي يا احلى زاحفات بالرياض و ملحقاتها

الهنوف : ابو لمبة اخيرا تنازلت ههههههههه

رامي : اسكتي يختي درعمت وانا على نياتي و تقوم على جدتي فوزية طردتني تقولين كلب

ريم : ههههههههههههه الله يفضح عدوك عندنا معازيم اليوم وانت درعمت كم مرة علمك نواف

وشلون تتنحنح

رامي : كح احم احم كذا

الهنوف : وياعيون ابوي انت وراك ما سويتها بدل ما فضحتننا مع ذالمعازيم الحين وش بيقولون عندهم

ولد مايستحي درعم على الحريم

رامي : لا يكثر كنت احاكي امي و لا حسيت

داليا بحماس : ياقلبي كيفها

رامي يناظرها : بتجي إن شاءالله قريب

ريم : من جد

رامي : ومن عم و خال بعد يالله بروح عند جدي

الهنوف : لا اوصيك اجلس بصدر المجلس على المركا اللي جنب جدك

رامي : ولا يهمك و بعطيه من ذالرخيص

طلع رامي و ال ام بي فور باذنه

داليا : يؤ ماتأكدت من موعد حلقة سلمان ؟

ريم ناظرته : قايله لكم ذالبزر يحب يعني يحب هههههههه عاش جوه

الهنوف : ماينلام اول ما شاف خششنا يالله بس

-

( الجزء الحادي عشر The 11th Part )






" يالفجر البعيد ..

أما ان لك أن تقترب لصباحي ..

سئمت الليل الهالك !

و القلق دمر جفون عيني ....لإنني

لا أزال ارمقك بنظرة تفاؤل

متى ستضئ سمائي التي لم ترا الصباح منذ سنوات "

())( أنا حروفي في غيابك لا هي حكي ولا هي قصيد ... اكتب الظلمة و اعيد !!

وأنت يالفجر البعيد .........

نامت عيونك )()()




بندر يستشعر كميات لا بأس بها من القلق و الأرق

سلطان : وش فيك مشغل بالك خلاص مايمديك بكرة بنزل الديرة بإذن الله

بندر بدون ما يناظره يلعب بورقة بيديه : وأنا نازل معك بإذن اللي ما تنام عينه

سلطان : ياملحك بس بلا عبط ترا اللي مفيني مكفيني

بندر ابتسم بألم و ناظره بتثاقل : وش فيك من جد احكي ! بنزل معك بكرة بإذن الله

سلطان قرب و جلس قباله : و الدورة اللي

قاطعه بندر : كنت اعتقد انه اتهمني بس الحين ماعادت بمهمه

سلطان : على كيف اهلك الدعوة !! ترا مانى بنلعب خلك بالصورة الدورة وقعت انت عليها وعليك

إلتزامات و كان غيرك ميت يبيها بس انت اصريت عليها يعني طيرتها على سعد و خالد تذكر او اذكرك

بندر تنهد : ميب مشكلة بحاكي طويل العمر و متأكد ماراح يقول شيء

سلطان : اذا كذا يمكن عل و عسى يتفهمون الوضع لو اني ماشوف انو فيه سبب مقنع يعني انك تتركها

بندر وقف و بين طوله الشامخ .. وقف امام الشرفة الزجاجية و اشعة الشمس الخفيفة تعكس شيئا منها على

بشرته التي قد دمر الإرهاق و التعب بعضا من ملامحها و معالمها

بندر : مافيه سبب او مبرر مقنع اني اخذها هنا مستعد اخذها بأي مكان لو بجنوب افريقيا و لا هنا

سلطان ابتسم بلؤم : موب ذي روما اللي كلمت " طويل العمر " عشان دورة ايطاليا

بندر يدينه بشعره في محاولة جادة لتخفيف عبء الهم : حنا كذا نتصرف ولا ندري وش بيصير !

سلطان وقف وراه : بندر وش فيك صاير معك شيء

بندر جواله يتعالى بالرنين لمرات متتالية

بندر : يذالرقم ازعجني والله لي 3 ايام

سلطان ناظر الرقم : حتى انا تصدق

بندر رفع حاجبة بدهشه : غريب مين لازم ارد ......سم

.....................: هلا و سهلا بالقاطع انا ذابحك ذابحك

بندر : ههههههههههههه هلا والله معليش ياخوك مسافر

............: ايه سافر وانا ملطوع لي فترة هنا منقطع عن العالم و الناس

بندر : ههههههههه هانت خلاص يارجال و انت بطل صنديد من صناديد الوطن

...............: اقول على تبن ترا من جد قافلة معي و متندم قد شعر راسي اني سمعت نصيحتك

بندر : افا هههههههههه وليش هذا كل شيء اوكي و ماشي حسب الإتفاق بالضبط

..............: ماراح فيها غيري المهم وش الاخبار ؟

بندر تنهد و ناظر سلطان اللي متوتر لانو عرف المتصل : الحمدلله

..................: كيف البابا و الماما بشرني عنهم عساهم ماعليهم خلاف

بندر مسك راسه بشده : ابشرك الحمدلله بخير

..................: و كيف العروسة عساها بخير؟

بندر ابتسم : بخير و نعمة ابشرك

....................: وش فيك تعطيني بالقطارة طيب وينك مسافر

بندر تنهد : ايطاليا

................: اوووما ذي ايطاليا وش عندك يالخاين ولا قلت لي قايل لك الشرهه على اللي يسمع نصيحتك

السخيفة

بندر : خخخ سخيفة هاه مين سنعك إلا الله ثم انا

....................: خخخخ لا يكثر طيب تراني مليت طقت كبدي واذا ما تسنعت الامور خلال ذالايام صدقني

بخربها وقسم بالله

بندر : ههههههههههه براحتك كل شيء بيجي على راسك انا وش دخلني

..............: وش دخلني اجل ! طالع روما و تقولي وش دخلني يالله ميب مشكلة

بندر بتوتر شوي

.................: هم شيء اسمي لا تقوله ثم ننكب بجد يالله سلامي للجميع وانت ابخص بهم ولا تقطع

بندر ابتسم : انا وش قايل ل كانا ادق عليك مو تتلقف و تدق

...............: والله بما اني ملطوع لي 3 اسابيع لانيب حي ولا ميت قلت يا ولد تصرف

بندر : لو تنلطع شهور لا تفكر تدق غير ما دقيت إلا اذا انا دقيت و عطيتك اشاره

................: احلف بس وش دراك ما يحس بالنار غير واطيها

بندر : ياخي مدري وش مشقيك وناسه كل سبل الراحة و الترفيه قدامك و وسطك وش تبي بالهم

.................: ملعون ابو الغربة اللي تغربك عن اهلك و تعيش وسط ذالقرف

بندر : طيب شكلك ناوي تنكبنا يالله

...............: ههههههههه قايل بخربها قريبا عموما يالله ولا تقطع وإلا ترا بدق

بندر ابتسم : لا تفكر تدق هههههههه انتبه لنفسك

........................: صحيح بسألك

بندر : ياليل ابو لمبه بجد

......................: هههههههههه هذا جزاي ينقالي خايف عليك حشى ولا زوجتك

بندر تنهد " ياليلك انت واياها " : اسلم

.............: وش صار عليك مو وعدتني تحلل اذا جيت روما

بندر " كل علامات قلق و توتر الدنيا لاحت بسمائه "

بندر : الله يعين كل شخص بيأخذ نصيبه

................بحزن شوي : وش قصدك ؟

بندر تافف : الحمدلله على كل حال

........................: بندر بليز احكي دايركت منيب بحب الألغاز

بندر : الله يعين يارجال فحصت هنا و طلع معي ضروري اسوي عملية زراعة مثل ماقالوا بمستشفى الملك

فيصل التخصصي

........( كان بيده كأس كافي و طاح على ملابسه و من الصدمة لم يشعر بحرارته ) : بندر

بندر : اوكي يالله الحين بطلع احاكيك وقت تايم

.........................: بندر لحظة

بندر مسك راسه متوتر بقوة : سم بسرعة ولا عليك امر

......................: هذا حال الدنيا و صدقني تخفيف ذنوب و رحمة من الله ما يبلى إلا مؤمن

بندر : الحمدلله ماجاني إلا كل خير يالغالي هاه بغيت شيء

......................: متى بتسوي العملية بإذن الله ؟

بندر : مابعد فكرت احتمال ماسويها وان سويتها بسويها بالرياض

..............بعصبية : مجنون او تتهيبل العملية لازم تسويها باسرع وقت و هنا او بألمانيا وش الرياض

قاطعه بندر : بغيت شيء ثاني

....................: بندر ماتدري عن غلاتك بالذات من بد العيال كلهم

بندر : الله يجزاك خير

...................بلكنة حزينة : انتبه لنفسك و طمني عن نفسك امانه معك


بندر : اوكي بإذن الله يالله في امان الله

قفل بندر وهي يحس الدنيا كلها صارت ولا شيء

بندر " يابعد هالدنيا يمه وقسم مافيه غيرك ببالي حاليا "

سلطان يطق كتف بندر .....: بندر افا عليك بس ليش ما قلت لي

بندر يمسح على يده : هههههههه وش اقولك بزران حنا

سلطان بنظرة حانية : لا مو عن كذا بس

بندر وقف بشموخه : على فكرة سسلطان ترا من جد منيب بحب ذالنظرة اتمنى ما تتكرر

سلطان : بالعكس بندر ذا اقل شيء يمكن اكون يمك فيه اساندك لو بكلامي

بندر يمسك راسه : تساندني ليش ههههههه لا يالغالي مشكور وذا نصيبي وكل شخص بياخذ نصيبه

سلطان : طبيعي كل شخص بياخذ نصيبه بس لازم نبذل الاسباب مو اروح ارمي نفسي بالنار و اقول مكتوب

لي

بندر التفت لسلطان : لا يكون امي موصيتك علي بس ههههههههه

سلطان بقلق : بندر اذا لي غلا و تقدير عندي تسوي العملية باسرع وقت

بندر : يارجال بسويها بإذن الله بس مو الحين اصبر لين اخلص من ذالقضية الزفت اللي كلفتني حياتي هههه

سلطان بنظرة حانية : بندر ممكن نتجاهل اشياء ما تستاهل بس ترا فيه اشياء تستاهل اذا حياتك عندك

ميب غاليه فيه من يبيك

بندر : هههههههههه بالله من جد

سلطان : بندر و بعدين معك

بندر بعصبية شوي : سلطان خلاص ولا عليك امر .........

سلطان كتم حزنه و خيبته ................

سلطان سحب حاله و طلع ...

بندر جلس على السرير و يدينه على وجهه يفكر

" خلك قوي يا بندر و كل شيء مكتوب و مقدر .....! "

سلطان متنرفز بقوة ....طلع برا

و مباشرة سحب الباكيت بيدخن

" تذكر نظرات امه اللي ترجوه يترك ذالسم "

و الصداع و الضيقة تمارس سطوتها عليه

عاش كل تلك المتناقضات

مسك الباكيت و دعس عليه برجله بقوة ......

سلطان : حسبي الله لا إله إلا هو عليه توكلت وهو رب العرش العظيم

نواف يناظر سلطان : وش فيك عسى ماشر ؟

سلطان يناظره بحزن : ولا شيء سلامتك بس متضايق شوي

نواف : عسى ماشر

سلطان تنهد : ولا شيء .....

نواف نزل عيونه تحت شوي و رفعهم : سلطان مدري وش اقولك صدقني حاولت قد ماقدر اتفاهم

مع زينة بس مصرة و اتوقع صعب تستوعب مباشرة

سلطان نزل عيونه تحت : ماقصرت ميب مشكلة مصيرها راح تقتنع طال الزمن او قصر

بس تمنيت تقتنع الحين لان امها بحاجتها

نواف يبتسم : عموما بإذن الله هي بتنزل الديرة قريب بكرة او عقبه

سلطان بدهشه : ليش

نواف : تقول تبي تشوف امها

سلطان بسخرية : امها مضاوي طبعا

نواف : معليش يا سلطان ترا ميب سهله تخيل نفسك بمكانها صعبه شوي وخصوصا وانها حساسه

سلطان : يالله الله يعين و بما انها بتشوف مضاوي تعبانة طبيعي بتتعاطف معها

نواف : اكيد ....( استدرك) بس تدري عاد مافيه غير بندر يقدر يقنعها او على الاقل يحطها بالصورة

سلطان : لا بندر لا بندر مو بناقص

نواف بدلاخة : وش قصدك

سلطان تنهد : بندر تعبان ولا ابي اتعبه مع اختي زود كفايه اللي قبل شافه

نواف بحيرة : وش فيه بندر ؟؟

سلطان يناظره بحزن : تعبان مره و عنده عملية لازم يسويها و مأجلها

نواف بخوف فظيع : وش عمليته بالضبط قصدك الصداع اللي كان يخمه من وقت للثاني

سلطان : الله الله

نواف بخوف : وش معه بالضبط

سلطان : لازم يسوي عملية زراعة باسرع وقت للنخاع

نواف بخوف فظيع : زراعة و نخاع اللهم ياكافي يارب سترك و لطفك يارب

سلطان : عشان كذا خلاص بنرجع باقرب وقت وخلاص زينة براحتها اللي علينا سويناها

نواف بحزن : الله يهديها يارب صدقني وقسم ماتمنى تسوي كذا بس الشكوى لله

سلطان : متى بتروح الديرة

نواف : يابكرة ياعقبه

سلطان : حاول تنزل معها لا تتركها لوحدها بليز

نواف : وش دعوة عمي بيخليها قايل لي و حتى الإجازة صدرت لي مرافق خاص لها خخخخخخ

سلطان يبتسم : ماراح يحلقك غير الاجر بإذن الله

نواف : وين بندر طيب ؟

سلطان : جوا تهاوشت معه و نزلت

نواف : وقتك تتهاوش معه

سلطان : اقوله لازم تستعجل بالعملية يقول منيب مسويها و اذا سويتها بالرياض

نواف : طيب الزراعة لازم تبرع و مين يتطابق معه يعني تبي وقت

سلطان : كل شيء اوكي الحمدلله نايف اخوه هو اللي ناسبه و نايف من زمان يدري

نواف : افا بس كل ذا ببندر ولا لاحظت والله يانا منيب شيء

سلطان : موب ذا المهم المهم انو يقوم بالسلامة ...انت الله يوفقك انتبه لزينة و الباقي

لا تشيل همه انا تمنيت تفهم علي بس يبدو انها منصدمة ولاهيب مستوعبة

( برقت في فكر سلطان فكرة جهنمية ....مافيه غيره هو اللي يقدر يقنع زينة ..؟ بس بالاول

مين راح يقنعه هو ...! )

نواف : وينك احاكيك انا

سلطان : نعم

بندر نزل و لمحوه

نواف : ارحبوا بالرجال هههههههههه

بندر يبتسم : هلا بك ههههه كيفك

نواف : اوكي بس اني ميت جوع احس اني اشوفكم هوت دوق

سلطان ابتسم بحزن

بندر : هوت دوق وإلا همبرجر ضب خخخخ

نواف : لا كبسة حاشي ههههههه

سلطان يلازم صمته " ياهي قوية بحياتي يصير كل ذا لي بندر اعز إنسان لي يصير معه كذا "

بندر : يالله نروح ناكل انا بعد ميت جوع

نواف : هههههههه اشتقت لكبسة امي والله

بندر : وانا بعد

سلطان : مشكلتنا ما نصبر عن الكبسة

بندر ابتسم له " مايطيق يزعل احد منه لو كان غلطان عليه " : وش حلاة الدنيا الاكل و الأم

سلطان : ياسلام عليك كفك ياشيخ ههههههههههه

راحوا و من سوء الحظ جلسوا في مطعم يعكس لبندر ذكريات قوية و شامخة لن تنسى ابدا ...

بندر يتأمل تلك الزاوية برقتها ..بعفويتها ...بذكراها الشامخة

سلطان يلتزم بالصمت و يفكر كثيرا

نواف يأكل و يسولف بعد ما خلص

نواف : سلطان

سلطان : ياكثرك هههههه ياخي ماتتعب من كثر الهذرة نعم وش تبي

نواف : ياليل ياخي لا تذلنا انك اكبر منا ترا كلها 5 او ست سنين يعني

سلطان يبتسم : الحين وش تبي انت هههههه

نواف : محمد ولد خالتي يقول انك تشبه ماجد المهندس

سلطان : اشاعة مغرضة خخخخخخ

نواف : ايه مايخالف تفو عليك حامضة

سلطان : والله اني املح منه

نواف : يارجال انت ولا تاركان بس اسكت

سلطان : والله اني ابرك منه بعد ههههههه

نواف : ياملحكم بس جانا حجرف الثاني ههههههههه قالت له وحده انك الخالق الناطق تاركان

قال لها تاركان قصير وانا اطول يني لازم انا و انا

سلطان : هههههههههه بانت علومكم اجل انت واياه

بندر شد انتباهه ...تلك الزاوية

يتأملها من وقت للثاني بس غفى عنها شويات لانو يفكر بعمليته ...

انتبه .." مستحيل اغلط فيها لو ايش "

بندر ( وش بيجلسها هنا معقولة هي بعد تكون حنت لذكرياتنا ! لا مستحيل زينة طيرت كل شيء بالهواء

خلاص ...ايه بس هذا زولها و هذي عيونها لو ايش ماغلط فيها !! وش بيجلسها بذالمكان ! معقولة

اشتاقت للضحكات ... والسواليف و الاغاني ....!! )

بندر وقف : بالاذن شباب شوي وجاي بإذن الله

بندر يقطع الخطى وهو يتأملها لحد ما قرب و فعلا تأكد انها " زينة "

بندر بهدوء : ممكن اجلس شوي

زينة " هذا صوته وش جابه هنا معقول اشتاق للذكريات و الضحكات و السواليف ...لا بندر طير كل شيء

بالهواء مستحيل "

زينة بخوف و شموخ : خير فيه شيء

بندر جلس ما انتظر اذنها ...توترت شوي من وجوده معها على نفس الطاولة و لوحدهم ....

زينة لبست نظاراتها ..... و مسكت شنطتها : انا مضطرة امشي

بندر لا شعوريا مسك يدها : شوي بس

زينة بنرفزة سحبت يدها : اوعى تكرر هالحركة مرة ثانية .......

بندر توه يستوعب : اوه سوري كلمتين بس و بقوم وعد ولاعادك بتشوفين خشتي خير شر

زينة " اوجعتها هالكلمات بقوة " ناظرته : خير وش فيه ... وبعدين كنت تقدر تقول ذالحكي بالبيت

بندر : صحيح بس بما اني هنا انا والشباب شفتك قلت فرصة اقولك لاني بكرة مسافر

زينة تحرك الملعقة بتوتر : خير وش عندك ؟

بندر : خير بس لا اكون عطلتك ولا بعد اكلت

زينة : لا عادي انسدت نفسي اصلا

بندر ابتسم : نفس الشعور والله ههههه

زينة رفعت عيونها مستغربه و فيها صيحة مكتومة و قرأ بندر نظرتها

زينة : ممكن تدخل دايركتلي بالموضوع ؟

بندر : السالفة و مافي

قطع عليهم الجلسة وقوف شخص ما

و زينة وقفت سلمت عليه بكل حدود الذوق و اللباقة

و طبعا ذالشخص سلم على بندر من مجرد معرفته انو سعودي و رحب فيه بحرارة

بندر يناظره ما يعرفه و شوي عصب من تصرفها

غادر " ادمث"

بندر ())( استباح ذكرى صوفيا بكل مافيها من مصاعب و جروح دامية لن تضمد مهما طال بها الأمد ))((

بندر بصوت مكتوم : مين ذا

زينة تبتسم : زميلي بالكورس اللي ادرس

بندر : عفوا

زينة تناظره : زميلي بالدراسة وش فيك ؟

بندر يناظرها : ماعليش يعني بس ياليت ماعاد يتكرر ذا اللي شفت ماعندنا احنا ذالحركات

لو كان زميل عمل

زينة تبتسم بسخرية : عفوا وش دخلك ههههههه اللي ابوي عادي ماقال شيء

بندر يناظرها بعتب كبير : منيب شيء اوكي بس يعني من باب اني ولد عمك و عرضي عرضك

زينة بتوتر : اوكي وانت وش شايف شايفني طبطت عليه السالفه سلام و بس

بندر قرب شوي : حتى السلام ياليت ماعاد يتكرر فاهمه !

زينة بسخرية : معليش بس مالك شغل كيفي اسوي اللي ابيه

بندر بعصبية : لا موب على كيفك واذا توصلت للعناد انا اللي بكسر لك راسك

زينة : عفوا ههههههههه شكلك نسيت انك ماعاد لك سلطة علي

بندر : مالي ولاية اوكي عليك بس كلمتي تمشي غصب عليك رضيت او مارضيت

زينة : ياليت تفتح عيونك زين كلامك يمشي على خواتك بس

بندر سحب يدها بقوة و ضغط عليها : جربي و شوفي

زينة : اووف بس اتركني

بندر بعصبية : يالله قدامي على البيت

زينة : عفوا

بندر بعصبية : ببسرعه مابي نسبب زحمة و فوضى و استحي على الاقل اخوك موجود هنا

زينة خافت وصرخت : مالي اخوان و اتركني مالك شغل وقسم لو ما تطلع لا اسوي لك زحمة

بندر بتهديد : جربي و شوفي

زينة دمعتها بعيونها : على بالك خايفه منيب خايفه بس مابي الي يشوفني ياخذ فكرة

سيئة بسببك ليس إلا

سحبت شطنتها و قامت

بندر وقفها بحيث انو وقف امامها بطوله الفارع ما تقدر تمر

بندر بتهديد : شوفي عاد امك غصب عليك بتروحين لها رضيت او لا

زينة : هههههههه مسكين طبعا بكرة رحلتي للسعودية كانك ماتدري بروح لامي

مضاوي

بندر : انت فاهمه قصدي و تذكريني زين حسي بالمسكينة اللي تنتظرك من 24 سنة او زود راح العمر

وهي تحتريك

زينة بعصبية : انت وش دخلك بالسالفه اطلع منها و انا اتصرف بكيفي

بندر بعصبية : مالي دخل بس حبيتا نصحك مجرد نصيحة و إلا لا قمت ولا جلست عندي

())( زينة انصدمت بقوة ..ليش طيب انا احس بمشاعر كل يوم تزيد لك لي شانت نسيتني ليش

ليش ماعاد لك فيني أي شيء حرام يابندر ))((

(()) بندر الله يعلم اني ميت فيك يالغلا و اعشقك حتى الثمالة بس مابي اتعبك و املك

ماطيق اشوفك تتعلقين بشخص مصيره الله اللي يعلم لوين بيوديه (())

زينة بعصبية : مشكور يالله بالاذن

طلعت زينة و هي تمشي شافت نواف وقفت

زينة : اوووه نواف هنا

نواف يناظرها : وانا اقول المطعم منور عاد هالمطعم ياكثر ما غثيتنا عليه هههههه

زينة ارتبكت : بالعكس هذا اسخف مطعم هنا

بندر ابتسم " معقولة تحبني أي واضح انها للحين متعلقة بس لازم اقطع امالها حرام تتبهذل بعد ))

سلطان جالس يحكي مع اخته بالجوال ...

انتبهت له زينة وهو يوصي اخته على امه ...

" وشذا الشعور اللي داعب قلبي "

نواف : مين معك ؟

زينة دمعتها تبرق بعينها : رويدا

نواف : هههههههه لا ياقليلة الخاتمة خطيبتي هنا ولا قلت لي

بندر و سلطان انتبهوا لمجرى الحديث

زينة : والله يانت واثق انها تبيك ههههههههه

نواف : وخاقتن على جد جدي بعد

زينة : ههههههههه الله يوفقك يالله بالاذن

ناظرت سلطان بسرعة " وحست بتيار مشاعر يتدفق بقوة "

ابتسمت بهدوء : بالاذن

بندر اشر لنواف يوصلها ...

نواف يهمس له : انا بتحلق جزاي مدري كيف يا بندر !

بندر يبتسم : بزوجك اختي ههههه بس يالله

نواف : يا محلاتك بس ههههههه ماعندك غير اخت وحده و بتخطب

بندر بدهشه : ابوك يالولد خخخخ اوما مين قالك

نواف : ههههههههه احلف بس ماتتذكر يوم ابوك يغرد و يحيير الصبايا للشباب

بندر ابتسم : احسن شيء سواه ابوي هالشيء ههههههه يالله بس الحق

نواف : يا قلبك بس هههههه يالله سي يو

و راح معها يلحقها عشان يوصلها

جلس بندر

بندر : يديك على البشارة

سلطان ابتسم : هاه بتسوي العملية

بندر : انت وين وانا وين ههههههههه

سلطان : مافيه اغلى من ذالخبر على العموم وش عندك

بندر : اختك بكرة بتروح الرياض بإذن الله

سلطان يقرأ عيونه : طيب واذا نزلت يعني على بالك بتروح لامي مستحيل ذي ميب طبيعيه مدري وش فيها

بندر يتذكر عيونها : تدري انا واثق انها بتروح لها بس هي منصدمة شوي حرام لازم تكونون معها

مافيه غيرك يا سلطان بالديرة خلك معها اول بأول و أنا واثق انها بتجي امك

سلطان : ماشاءالله راضين عنهم شكلنا خخخخخ

بندر يبتسم : لا بس احكي من واقع اللي احس انو بيصير بإذن الله تعالى

سلطان يبتسم : خير إن شاءالله حتى اختي ام عبدالله تقول ارفقوا معها بشويش

بندر ( والله ودي اخطفها بعيد عن العالم و أنا واثق اني بقدر اروضها و اقنعها بس صعبه )

-
-

-

-

زينة و نواف يستعدون لركوب الطيارة


و في المقابل بندر و سلطان يستعدون لركوب الطيارة ايضا ............

نواف : ياملحهم اللي مخاويننا ومعنا بزات الرحلة


سلطان : وش عنده الزول خخ

نواف : أي زول ابد ما حبيتا الكلمة دي بالزات

سلطان : امش بس

زينة طلعت و وقفت عندهم

زينة بجفاء : مرحبا

سلطان يناظرها : مرحبتين ...هاه نواف وين بندر !

زينة انشدت من طاريه

نواف : بيجي الحين راح يقول عنده شغله بيسويها ويجي

سلطان : ياليل ماحنا بفاضين له خلاص ماعاد بقى شيء

زينة : يالله بدت الرحلة نصعد نواف

(()) زينة تدعي انو الرحلة تطير الحين قبل يوصل بندر ماتدري ليش خايفه ؟؟))(

ركبت زينة و جلست و لعبوا الشباب لعبتهم

سلطان مقعده جنب زينة بالضبط ...

زينة ناظرته : عفوا وين نواف مو كان لازم يكون هو هنا !!

سلطان يبتسم : لا ياختي انا المفروض اكون هنا مو بنواف .....

زينة خافت

سلطان : عموما نواف ورانا مباشرة ...اذا موب مصدقة ناظري

زينة بخوف : لا اوكي اهم شيء انو معنا

سلطان : لا اجل اذا كذا ابشرك هههه

زينة ابتسمت مجاملة كلها خوف و قلق

زينة خايفه بقوة و قلبها يضرب

بندر و نواف يسولفون ورا

نواف : بندر بسألك زينة وين تبي تروح بتروح مع سلطان لبيتهم

بندر : خبل انت( يقلد صوته) البنت يالله يالله ركبت الطيارة على اساس تزور امها مضاوي و تقولي بتروح

مع سلطان لبيتهم

نواف : اجل وين بتروح احس صعبه تجلس لوحدها في بيتهم

بندر : والله مادري سواة الله ابرك عموما الحين هي مع اخوها وهي يسنعها لو وين يوديها

نواف : الله يكتب اللي فيه الخير

بندر سرح يفكر ( الله يالدنيا ...اذا نواف يحبك يا زينة و متعلق فيك و بيسعدك الله يهنيكم اتمنى

نواف يسعدك و يعوضك عن كل الشقى اللي شفتيه مني )

-

-

زينة : لو سمحت ( بصوت خايف)

سلطان بحنية : سمي

زينة : ثانكس .......ممكن تنادي نواف ابيه بششيء ضروري

سلطان تنهد : صعبه اناديه ورا بالاخير ....شوفي خلاص ياختي نواف ترا مايحرم لك ولا يجوز

انك تسألينه على الطالعه و النازلة و لو تبين عادي اناديه لك بس ابصرك انا .. و سمي امري انت بس

زينة حست بكلامه و تقريبا ارتاحت شوي : طيب ممكن لو سمحت تقولهم اني ابي بنت اخوي روز تجيني

في بيتنا !

سلطان تنهد : بس كذا ولا يهمك تأمرين أمر اعتبريها بالبيت من الحين

ابتسمت : ثانكس

سلطان : ولا يهمك اهم شيء راحتك

2)



زينة : لو سمحت ( بصوت خايف)

سلطان بحنية : سمي

زينة : ثانكس .......ممكن تنادي نواف ابيه بششيء شروري

سلطان تنهد : صعبه اناديه ورا بالاخير ....شوفي خلاص ياختي نواف ترا مايحرم لك ولا

يجوز انك تسألينه على الطالعه و النازلة و لو تبين عادي اناديه لك بس ابصرك انا .. و

سمي

امري انت بس

زينة حست بكلامه و تقريبا ارتاحت شوي : طيب ممكن لو سمحت تقولهم اني ابي بنت

اخوي روز تجيني


في بيتنا !

سلطان تنهد : بس كذا ولا يهمك تأمرين أمر اعتبريها بالبيت من الحين

ابتسمت : ثانكس

سلطان : ولا يهمك اهم شيء راحتك


زينة تكأت رأسها على المقعد بخوف مختلط بإرتياح

ناظرت سلطان اللي يبتسم لها من وقت للثاني ....

زينة و كأنها استدركت شيء مهم

زينة بفزع : بليز ولا عليك امر بس ضروري ابي نواف الله يخليك

سلطان عض شفته : وش قلت لك تو ( ابتسم) شكلك ما استوعبت كلامي


زينة بخوف مفزع : مو كذا السالفه فيه شيء مهم من جد لازم اقوله

سلطان بتساؤل : امري

زينة دمعتها بعينها تبرق : بليز الله يخليك والله ماعاد بسألك تقوله أي شيء

سلطان يناظر بهدوء لنواف و بندر : بس صعبه كيف بنوتر الوضع شوي ؟؟

زينة : اوكي انا بروح اذا خايف انك توتر الموقف

سلطان : لا منتب رايحة اصبري نواف بشر لي و اهو بيجي غصب

زينة تبتسم : بليز ولا عليك امر الحين

سلطان : امري يالغلا..." التفت وراء و شاف بندر اللي اشر له ...ينادي نواف )

بندر يطق كتف نواف : نواف

نواف : ياليل العبيد الواحد مايعرف ينوم لو شوي


نواف : ياليل الليل ياخي انا ابي اعرفك هو نسيبك انت او نسيبي انا مشغلني

بندر يبتسم بهدوء : رح له قبل يجي و يفشلنا ترا من تو ملاحظ انو حركاته كثرت

نواف : ياملحي بس والله يا علي طلب

بندر يبتسم : ألحق بس على سلطان قبل يخربها و يمتر الطيارة بسيقانه ذي

نواف : خخخخ مشكلة عاد يالله اجل بروح له

نواف قام من مكانه و اتجه لسلطان و زينة

و هو بطريقة شاف بنات خليجيات

.................: ياملحي يا زيني

...................: اموت على ارماني انا

نواف بينه وبينه نفسه " استغفر الله يارب وشذالتربية بس !! "

وصل نواف وراء سلطان

نواف : والله مشكلة اللي قاطين الفيس و على بالهم من جد يمونون

سلطان اشر على زينة : موب انا اللي ابيك خلك بالصورة

نواف : ايه خابرك مليعين انت هههه ( ناظر زينة ) سمي امري

زينة تبتسم : لو سمحت انت ممكن تخلي نواف يجلس شوي لاني بطول بالحكي معه

سلطان مستغرب : قلت لا قبل شوي لا مابعد وصلتك كلمة لا

نواف : اقول لا يكثر و عن التميلح شويات بس و برجع هناك بنرزع مع بندر

سلطان : قلت لا يعني لا بتسمع وش تبي منك خلك كذا واقف او اذلف لمكانك

زينة تبتسم : بليز لو سمحت شوي بس

سلطان راز الفيس : لا

زينة : تدري نواف اجل روح قوله ( ناظرت بندر) يجي هنا و انا برجع وراء عندك

نواف : عفوا وش تفضلت ...مشكلة يعني ماظن انك تجهلين بندر ما اعند من ذالبغل إلا ذاك خخخخ

سلطان : تدري ماردني عنك إلا اننا بمكان اضيق من تفكيرك

نواف : اجل دامك خربتها و تكرنت علينا يالله ارجع عند رفيقك خلني اشوف البنت وش تبي؟

سلطان بعناد : رجعة منيب راجع لو تطيح الطيارة ويقولون بتنزين على رجعة سلطان

زينة ابتسمت : نواف قرب اجل بقولك..!

سلطان بدهشه : يقرب لا وين يقرب على كيفك الدعوة انت واياها ارجع يالله اشوف

نواف : يامحلاتي والله واقف هنا منرزع لي ربع ساعه و سلطان افندي يغرد بكلمة لا ما يعرف غيرها

شكلك فقدت الذاكرة او يمكن عندك فوبيا من الطيران و مسكت على ذالكلمة

سلطان : هاهاهاهاها

زينة : نواف

نواف يضحك مع سلطان : سمي

زينة قصرت صوتها : بيتنا موجود او للحين من ضمن ممتلكات فواز !

نواف انلخم شوي : والله اني مدري بس اعتقد رجع اذكر الخبل ذا مع الخبل اللي منلطع ورا رجعوا كل شي

زينة بحيرة رفعت صوتها : وش دخلهم !

نواف يناظر سلطان اللي قالط باذنه : معليش ازعجناك ههههههه

نواف يهمس : لا تفضحيني مع الرجال وش دراني مدري بس اللي اذكره انو رجع عادي مدري وش صار

زينة بقلق : الزبدة

نواف : ولا تهون الطحينية هههه

زينة بحيرة و عصبية : نواف بليز ( مسكت راسها )

نواف : وش فيك وش تبين تعرفين بالضبط ؟

زينة تقصر صوتها لان بندر يراقب من بعيد و اختلست له نظره و كذا سلطان اللي رامي اذنه وسطهم

زينة تقصر صوتها : انا وين بروح الحين ...؟ اذا بيتنا ماعاد بمعي أي مفاتيح له ولا ادري وين المفتاح

وين بطس بذلف وين ؟

نواف : في بيتنا وين يعني

زينة بقلق : خير نواف افهمني بلا عبط

نواف : من جد احكي وين بتروحين في البيت عند الهنوف و ابتهال اعتقد بينبسطون فيك مرة

زينة بقلق : قلت لهم

نواف : لا والله بس واثق باللي بقلوبهم خواتي و باخصهن

زينة : اشوا اللي مابعد قلت لهن لا تقول منيب رايحة لبيتكم لو ايش

نواف : احلفي بس وين بتروحين ...( ناظر سلطان )

زينة : مستحيل انسى لو ايش منيب خبله

نواف : واذا رحت معه عادي اخوك تراه

زينة كشرت و عصبت : نوووووواف

نواف : قصري صوتك فضحتينا كل اللي بالطيارة عرفوا اني نواف

زينة : بليز ولا عليك امر ابي تحجز لي اوتيل !!

نواف بعصبية : ايش اوتيل....!! وينى فيه....!! شكلك تبين تحفرين لقبرك بذا على بالك عماني بيتركونك

زينة بغرور : ابوي وبس اللي له كلام علي

نواف قصر صوته : اقول اسكتي بس شيابنا عذبوا بالرجال الصناديد عيالهم عاد انت عشان

تجيبينها صيحة على طول لا يمين ولا يسار

زينة تبتسم : و مين قال لك بروح لهم او حتى بسلم عليهم

نواف : غصب بتسلمين اعمامك وينى فيه حرام لازم تسلمين و تاصلين الرحم

زينة تنهدت : كل المصايب ما جتنا إلا من القرايب اصلا

نواف : المهم خليك بنت فاهمة و عاقلة

زينة : نواف انا دايركت اول مانزل الرياض بروح المستشفى عند امي واذا اقدر ارافق عندها

برافق عندها

نواف : و بنت اخوك اللي قومت الدنيا علينا فيها وين تروح وهي مشتاقة لك

سلطان : خلاص عاد طولتها تراك

نواف لجدية الحوار : ماعليش شوي بس ....همس بصوته : شوفي مالك إلا تجين بيتنا

زينة بحيرة و حياء : صعبة يا نواف صعبة

نواف : منيب ميت عليك اذا علي ولا يهمك لو تبين اروح الشرقية بروح عشان تجلسين

زينة : وين تروح الشرقية واهلك متشفقين شوفتك بعد

نواف : طيب اوكي انا منيب بشوف أي صعوبة بالسالفه بيت عمك و عادي و كله صبايا ماهنى مشكلة

زينة : لا ابوي يمكن ماراح يرضى بعد

نواف : ياليل ابو لمبة من جد

نواف يناظر سلطان : عموما شويات و اقولك

زينة تبتسم بقلق : اهم شيء المستشفى نروح دايركت

سلطان حشر عمره : عفوا كأني سمعتك قلت نروح ...!!

زينة بتضجر : ايه نروح يعني انا و نواف مدري وصلت او اعيد بعد

سلطان : مافيه روحه مع نواف اذا بتروحين معي انا

زينة : ههههههههه من جدك انت ما تستحي على دمك ياخي استحي كان فعلا عندك خوات

عيب تتبلى بنات خلق الله مين تكون انت عشان توديني و تجيبني

سلطان : انا اخوك

زينة : والله اذا احد بيطلع لي يقول انا اخوك مشكلة على كذا كل اللي هنا بالطيارة اخواني خخخخ

وش رايك نواف ؟؟

نواف : الله يكتب لك اللي فيه الخير

رجع نواف لبندر ...بندر حاط يده على شعره يقرأ كتاب << ملح ملح يالمثقف

نواف : اقول

بندر : سم

نواف : بيت عمي سعود اللي بالنخيل فيه او باح باح

بندر : لا فيه ليش !

نواف سحب نفس : ريحتني الله يرحك اووووووووف ....

بندر : ليش

نواف : زينة تسأل عنه نشبت هنا تخيل إلا و تسكن باوتيل

بندر عقد حواجبة : ميب صاحبة ذي

نواف : و سلطان وقف لي هنا ما تروح معها ما تروح ياخي وش قصته ذا منيب باكلها ترا

بندر يناظر سلطان بتوتر : الله يستر بس طبيعي بيغار على اخته

نواف : اوكي يغار و من حقه بس عاد هي ميب مصدقة ترا ولا احد درا يعني صعبه بعد

تروح معه وإلا !!

بندر قفل الكتاب : معك حق

بس تدري انا اشوف لو يوديها احد العيال مع زوجته اصرف !!

نواف : دق على محمد اعتقد انو بالرياض


بندر بعد تفكير : لا زوجة محمد ميب ذاك الإختلاط مع الأهل لكذا نبعدها عشان ما تطلع السالفه بعد

نواف : بس لقيتها دق على خالد و الله زوجته ام محمد اخت رجال ماتقصر

بندر : هقوتك كذا

نواف : الله الله

بندر بحيرة : بس مدري عن الجنية ذي توافق او لا

نواف : جنية اجل ههههههه جايبتك على مقفى قلبك

بندر : يتهيأ لك

نواف " معقول ما يحبها ...ليش هي طيب متعلقه فيه وبقوة للحين "

نواف : يارجال اصبر لا تدق هنا ترا سلطان حالف حلف لو تطيح الطيار موب راجع هنا عشان اجلس انا قدام

بندر ابتسم : وش قالوا خبل او جاهل بدق هنا خخخخخ

-

-

(2)

في الرياض

و من مطار الملك خالد بالتحديد

نزلوا الأربعة .....

زينة طبعا لبست نقاب ....

نواف " بودع الوجه الصبوح ...الوجه الطفولي ...ذات المشاعر المرهفة الاخوية الطاهرة "

نواف : واخيررررررررررررررررا وحشتني الرياض

سلطان : وحشتك الرياض ياعساها ترض عظام العدو بس امش بس

نواف يستشعر هواء الرياض : ياناس وقسم ان هواها غير ..حرها غير ...ريحتها غير

بندر : الرياض عاد ما تنلام بحبها يا نواف

زينة واقف تتأمل : غلاتها من غلاة نفس وحده فيها وبس ....

انتبهوا الجميع لكلامها و يمكن حز بخاطر سلطان ...

زينة و قفت و ناظرت نواف : تروح معي او .......اقول بيباي من هنا !!

نواف يناظر سلطان : طبعا منيب تاركك تروحين بلحالك

سلطان : نواف معقول ما اشتقت لامك و اخوانك ؟

نواف : مشتاق لهم بالحيل بس عاد بنت عمي من حسبة اهلي يعني

زينة تبتسم : الله لا يخليني

بندر " اول مرة اتنفس هواء الرياض بعدما تأكدت من التشخيص ...."

بندر واصلة معه ضيقة و نرفزة : سلطان تخاويني

سلطان : لا بخاوي اختي و ولد عمها ( بسخرية وهو يناظرها)

زينة : نواف وش يقول ذا وش قصته مصدق من جد انو اخوي ....ياخي ماتفهم ماعندي اخوان

انا بدر و توفى الله يرحمه خلاص عاد اطلع من مخي بليز مو كل شوي اختي و اختي ...

بندر بهدوء : اذكروا الله يالله سلطان مو وقته بعدين

زينة تناظر بندر : انت الثاني وش بعدين لا الحين ولا بعدين من الحين اقولك فهمت او لا

او بضطر اقول لابوي او اعمامي

بندر بتهديد : خلاص امسكي لسانك

زينة : لا والله

نواف : زينة ماعليش حسي بالموقف ترا صعب وضعنا كذا وبعدين تأخرنا على المستشفى

زينة تنافخ : يعني من جد الواحد موب ناقص ينرفزونه زود

نواف يناظر سلطان و يهز راسه : الله يهديك بس

و هم طالعين وصل سعود ومعه ود
.........

سعود سلم على نواف بحرارة و عناق ينم عن شوقهم

ود سلمت على نواف و ناظرت زينة سلمت عليها ...ببرودة نوعا ما

سعود : هلا والله بنت العم الحمدلله على سلامتك

زينة بخجل : الله يسلمك

ود : نورت ديرتك زينة

زينة تبتسم بخجل : منورة باهلها ...

سعود راح مع نواف شوي على جنب يحاكيه

ود : اهلين زينة كيفك وكيف صحتك بشريني عنك ؟


" زينة مستغربة من موقف نواف كيف يعني بيتركني ويروح ..كذا صار عيب ان يمشي معي بالرياض

مع مينا روح طيب و وش تبي ذي ...!! "

زينة بحيرة و قلق و صدمة من حركة نواف : الحمدلله ( كتمت دمعتها بحسرة و حرارة )

ود : عسى ما تعبت من السفر ؟

زينة بلا مبالاه : لا عادي

ود : يبي لك تنامين و تريحين تأكلين ياعيني مشوار روما والله

زينة بلا مبالاة : لا عاديي اتز اوكي

ود حست فيها : تبين نروح السيارة ؟؟ عشان ترتاحين اكثر

زينة بحيرة : أي سيارة ؟

ود " يؤ معقول ماتدري انها بتروح معي انا و سعود " : سيارة سعود

زينة انجرحت نوعا ما " كذا يا نواف صرت تستعير مني الحين تركتني و اخوك و زوجته يجوني كثر خيركم

على العموم "

زينة بلا مبالاه : لا عادي

ود مسكت يدها : حبيبتي زينة وش اللي عادي يالله نطلع

زينة منصدمة و انخطف وجهها : لا شكرا ما قصرت ود انا بطلع بالاذن

ود مسكت يدها : وين الله يهديك وين رايحة !!

زينة الدمعه بعينها : لا بس بروح لامي مابي اضيع اكثر وقت

ود بحنية : احنا بنوصلك اصبري بس

زينة : سوري ود انا مابي اروح معكم مابي احرجكم

ود : أي إحراج واحنا جايين عشانك يابنت

زينة ( وين كنت قبل يوم اني محتاجة أي وحدة منكم ) : سوري بالاذن ....

بندر حس بموقف زينة ...

بندر يناظر نواف : وش اللي صار؟

نواف التفت وشاف زينة تمشي بتروح : بالاذن شباب شوي

نواف يمشي اتجاه زينة : يا بنت ...يا بنت وقفي

زينة سمعت صوته استعجلت اكثر بالمشي " وش يبي كذا يعني لو قالي انو ماراح يوقف معي "

نواف : زينة وين رايحة وقفي فشلة وانا اناديك واركض وراك

زينة بدون ما تناظره : نعم

نواف : وين ياخاله وين رايحة متعدية حتى بوابة الصالاة الدولية طنشتيها

زينة : نواف رجاء خلاص مشكور وماقصرت تعبتك معي ...


نواف توه يستوعب : زينة و ش فيك لا يكون ققصدك عشان سعود و ود

زينة بهدوء عشان ما تنفجر و تبكي : رجاء نواف خلاص هذي المرة الثانية اللي تخيب املي فيك

نواف : وش فيك يا بنت انا عادي اروح معك بس خايف عليك من حكي الناس عماني وش بيقولون

و الحريم وش بيحكون عليك

زينة : طز بالناس وينهم الناس يوم اني بحاجتهم ولا منهم من انصفني و حكى باللي ظلمني ويش الجديد

من طلعت لذالدنيا و العالم ماعندهم غير زينة يحكون فيها و عليها خلاص مليت

نواف تنهد : امشي يالله بروح معك

زينة تناظره بعتب و شرهه : لا يا نواف ماقصرت مشكور ....بس مالها سنع حركة جدا

ماتوقعتها منك انت بالذات

نواف : هو انا سويتها بعد ما اقتنعت انها اريح لك

زينة نزلت دمعتها و لمحها نواف

زينة : مين ا قنعك بندر او رفيقه صح

نواف : زينة انا اقتنعت من نفسي رجاء لا تحسسيني اني زلابة

زينة : مشكور نواف تقدر تتوكل ...

طلعت بسرعه تمشي

سلطان : وش السالفه ؟

نواف : قايل لكم بتزعل قلتم لا اريح لها يالله تصرف الحين !!

بندر بعصبية فظيعة : وخروا هنا وين طلعت من هنا ....

سحبه سلطان : تعال تعال وين انت الثاني اجلس انا اللي بلحقها

زينة تقطع الخطى و هي تقريبا ناسيه الطرق لان المطار تغير كثير عن اخر مره كانت فيه ..

تذكرت ذاك المكان

بدر الله يرحمه ودعها هنا بكت بحسرة فظيعة بكت بحسرة .....

نواف من خلفها : يالله عشان نلحق على وقت الزيارة

زينة جففت دموعها : وش جابك نواف ؟ ليش ما رحت ؟

نواف يناظر تحت : شوي جلست لحد ما شكرت سعود ود على التصرف اللي سوه و مره عبروا لي عن

شكرهم لردة الفعل خصوصا منك

زينة : اوكي سعود اخوك وفهمنا جاي عشانك ذي وش جايبها و ش تبي ؟؟؟

نواف بحيرة منها : زينة وش فيك ليش صايرة كذا اكيد عشانك اجل عشاني

زينة : لا موع شانك ولا عشاني عشان احد قايل لها تعالي عشان ماروح لامي مضاوي

نوا ف : الله يهديك لنفسك يالله مشينا

زينة اضطرت تروح معه : اوعدك يا نواف خلاص ماعاد بضايقك ولا عاد اطلب أي شيء

تمنيت اخف عليك بس شوفة عينك ما..

قاطعها نواف : تعوذي من ابليس و يالله عشان ما نتاخر على امك يالغلا

زينة : توعدني اكون عندها

نواف " تذكر ان بندر قايل له لازم تبصرها بحال امها قبل تشوفها و تنصدم "

نواف : شوفي يالغلا امك تعبانه و بالملاحظة يعني ماتقدرين ترافقين معها

زينة صابتها رجفة و عرق وجهها : ملاحظة ليش ...؟

نواف : لا تزودين عليها اذا رحت خليك طبيعية طيب

زينة تبكي : نواف هي ميب امي و تدري هي اني ادري

نواف بعطف : عشان كذا ارحميها شوي حاولي تسامحينها

زينة تبكي دموعها هماليل : اسامحها يا نواف

نواف : انت طيبة و قلبك طيب سامحيها

زينة تبكي ...

نواف : تبين نأجل الزيارة و اللي تبينه امري تبين اوتيل او أي بيت من اعمامك او بيتكم امري

زينة بعد صمت

زينة : ابي امي

نواف : مين

زينة : امي

نواف : مين مضاوي او...

زينة : امي مضاوي وبس يا نواف وش فيك

نواف : عادي انا عندي 2 ماذرز هههههه خليك مثلي

زينة تبكي : الله يصبر قلبي على اللي شاف و بيشوف

نواف : وحدي الله و ثقي بالله

زينة : لا إله إلا الله محمد رسول الله ............

في اثناء الطريق للمستشفى ....

بندر و سلطان بالسيارة

سلطان معصب : الله يستر المفروض رحت معهم انا مايصير تروح لوحدها مع نواف وينى فيه ؟

بندر معصب و مصدع بقوة و مسكت

سلطان : الله يستر يارب لا يصير فيها اذا شافت حالة الزفت ذي

بندر مسكت و ضابط نفسه بقوه

سلطان : الله يعين
-

-

-

-

في مستشفى الملك فيصل التخصصي

نواف و معه زينة الخائفة تقطع تلك الاسياب ....

يلبسون لبس الملاحظة الله لا يحيجنا لها و المسلمين اجمعين

يتخذون اجراءت الزيارة

وليد ساعدهم اول بأول ...

نواف : هاه مستعده تدخلين ؟؟

زينة بتوتر خايفه : تدخل معي

وليد : مايصير واحد واحد و بعدين نواف موب محرم مايصير

زينة " تذكرت ابوها و بدر و كل شيء مر بخاطرها و بكت "

وليد : وحدي الله اختي ما يجوز ذا وانت كبيرة فاهمه ؟

زينة استدركت ..

مسكت الباب

نواف : زينة

زينة ألتفت له ..

نواف : تذكري يالغلا أن اللي يعرف التسامح يضيع درب الإنتقام

زينة ابتسمت بين دموعها الكثيرة

و دخلت

خطوة

خطوة

كل خطوة اثقل من اللي قبل

خطوتين

خطوتين

اثقل بمراحل من تلك الخطوات

ثم كانت تلك الخطوة

التي اشلت اطرافها

صعقت

ذهلت

كل قواها خارت

كيف لا

وهي ترى من ربتها و علمتها التميز و الشموخ في الحياة

في منظر بائس هزيلة شعرها لا يكاد يلاحظ متساقط كله

عيونها باهته ..بشرتها باهته

وين ذاك الجسم المصقول ...تحول لمجرد مومياء بالية

وين ذيك العيون الواسعة ...تحولت لعينين باهته مرهقة الألم فتتها

وين الشموخ و الشخصية الإستبدادية ...تحولت لجثة يفتك بها المرض و يقطعها اشلاء ..

عيونها امتلأت بالدموع

تلقائيا ... اندفعت بقوة و مسكت يدينها : يمه يمه

مضاوي فتحت عيونها بتباطئ ...

زينة مسكت وجهها و ابتسمت و وجهها كله دموع : ماما انا زينة عرفتيني

ابتسمت بسمة لا تكاد تلاحظ

زينة بكت بقوة : يمه يمه انا بنتك بنتك زينة

مضاوي فتحت شفايفها : ز ي ن ه

زينة تناظرها وجهها كله دموع : انا زينة رجعت جيتك يمه جيتك

مسكت يدينها و تبوسها : سامحيني يمه سامحيني تركتك

مضاوي تستشعر الاسى و الندم : س ا م ح ي

زينة : ريحي حالك ريحي عمرك انا هنا و بظل جنبك ارتاحي انا معك

مضاوي تناظرها طول الوقت بتحكي و عجزت ... ماقدرت تقول ولا حرف

زينة تناظرها و تبكي بحرارة فظيعة

طلعها الدكتور بالقوة

نواف جالس برى واثار تعب السفر وشوقة لاهله على محياه

لمحها : هاه بشري ؟

زينة تبكي بحسرة : بجلس مابي اروح بجلس عندها

وليد : ماتقدرين بالعناية صعبة بالريكفري بإذن الله اول ما تتحسن تجين مباشرة

زينة : بليز وليد حاول الله يوفقك

وليد : صعبه حالتها ما تستدعي شفت كم نيرز عندها يعني لا تخافين

زينة تبكي بحسرة .....

ناظرت نواف : مشكور نواف تعبتك

نواف ابتسم بإرهاق : ولو وش دعوة يالغلا يالله نطلع و بكرة اجيبك

زينة : لا بكرة انا بجي من بدري بتصرف لا تتعب عمرك يكفي انتم ابعد شفت امك واخوانك

نواف : يالله طلعنا

زينة و دموعها على وجونها : توكلنا على الله

نواف : على فكرة روز تنتظرك بالبيت

زينة : بيتنا

نواف : الله الله

زينة : نواف مشكور الله يوفقك ويحقق لك كل اللي تبيه ماقصرت والله العظيم مدري كيف اوفيك حقك

نواف ابتسم : ادعي لي بس ههههه

زينة : تستاهل كل خير ...كان بودي اقولك تنزل بس تعرف الوضع صعب مافيه احد بالبيت سو

نواف قاطعها : اقول انزلي بسرعه بس امي ميت شوق لها ههههههه

زينة بحيرة و توتر : سلمني عليها و على البنات

نواف : ان شاءالله

نزلت زينة و فتحت الباب لقت الباب مطرف

دخلت شافت البيت مرتب و مضبط و فيه الكافي جاهزة

و الأكل ريحته طالعه

و الحياة بالبيت تعم من جديد

فجاءة

لمحت بنوتة صغيرة لابسة فستان بينك

تمشي بخطوات مبعثرة

زينة دمعتها نزلت : روز حبيبة عمة انت صح ؟؟

روز بدلع تناظر ورا و تضحك : ايييييييييييه انتم ين

زينة سحبتها و ضمتها بقوة و تنشقها و تعنقها بحراره : حبيبتي وحشتيني

كيفك ؟ انا عمة حياتو

........................: احم احم

زينة رفعت عيونها : ابتهال

ابتهال : الحمدلله على سلامتك

زينة عانقت ابتهال و بكت بكاء حار " تذكرت بدر و تذكرت الغربة المرة و امها الحقيقة و كل شيء "

الهنوف : احمممممم كح كح

زينة ناظرت الهنوفو و وجهها كله دموع ..

الهنوف : ياشينك تكفين عاد اذا وجهك دموع بتبللين وجهي هههههههه

سلمت عليها و عانقتها

و سلمت على ريم بحرارة

زينة دموعها بعينها : ماتوقعت اشوفكم

الهنوف : وش نسوي متوعد فينا نواف هههههههه ياويل اللي ماتجي

زينة ابتسمت " سقى الله ذكرك يا نواف كيف بجازيك قلي بس " ...

ابتهال : ريم صبي القهوة بسرعه

زينة بتوتر لانها تذكرت امها : لا ابي اشوفكم مشتاقة لكم متشفقه العالم و الناس

روز بحجر زينة تضمها و تبوسها كل شوي ......

زينة بألم تناظر البيت ...

البنات حسوا فيها و دموعهم تحجرت بعيونهم ...

زينة تشوف بدر بكل مكان بالبيت ....نزلت دموعها ..

الهنوف : حبيبتي روز تعالي عندي هنا بوريك شيء

روز قامت بكل ذوق و ادب عند الهنوف

ابتهال : وش فيك الله يهديك اذكري الله

زينة تبكي : لا بس توترت شوي من سنين عن البيت و عن اللي بالبيت

ابتهال دمعت عيونها : الله يرحمهم و يرحمنا برحمته ما يجوز إلا ندعي

ريم دق جوالها : ذي داليا اكيد وصلت

زينة " داليا بعد بتجي على كل اللي قد صار بيننا " ( يارب احفظ لي بنات عمي ولا تفرقنا )

ابتهال : مين قدك كل الناس جايين مشتاقين بدال انت ما تجينهم هم جايينك البيت

دخلت داليا بخطوات مرتجفة خايفه بالحيل لانها تكره ذاللحظات و معها راما بنت نسرين

داليا و راما : السلام

زينة تناظرهم و تبتبسم بس ذا ماغطى حزنها : و عليكم السلام اهلين

سلموا على بعض

داليا : الحمدلله على السلامة نورت الرياض

ابتسمت زينة بخجل : الله يسلمك والله يجزاك خير ......
قطع الجو رنين الهاتف ....

الهنوف : الووو

راما تطقها : ياللي ما تستحين على خشتك حتى بذالبيت ذابه ميانة

الهنوف بعصبية : ياللي ماتستحي تزعج بيوت خلق الله ... من جد فراغة

ابتهال تناظرها : وش فيك

الهنوف تقلد صوت رنين الهاتف : واذا رديت محد يحكي بلا بشكله

زينة تبتسم على خبالهم بس حالة امها تؤرقها بجد

ريم : لا صح كذا مره ترى حتى يوم انا في بيتنا يدق التليفون و ترد ذالصغننه الدوبة و

يحاكيها اللي يدق يرطن معها انقلش من احسن شيء

زينة انشدت للموضوع : وشلون ومين طيب ؟

ريم : علمي علمك والله بس كذى مره اسمعها تحكي و اسألها تقول رجال

زينة بإستغرب : لا المفروض مايصير كذى ..تعالي حبيبتي روز عندي تعالي عند عمة

روز تمشي و ناظرت داليا و قفت قبالها

روز : داليا مين جيت معه عمو بندر جابك ..؟

داليا " يامال ابو رمح استغفر الله وقتك تسألني عن بندر " ...

راما : أي خالو بندر جابنا ( و تضحك معها راما )

زينة طاريه صوب قلبها الجريح .........

و البنات ساعدوها بترتيب اغراضها و قررت ابتهال و ريم ينامون عندها هي و روز ....

-

-


يتبع الجزء الحادي عشر

" ايا تلك المشاعر الهامسة بحب و عشق الجمال الفاتن !!

اما ان لك الرحيل عن فيافي القلوب المرهقه !! "

بندر في غرفته منسدح يفكر بحقيقة تعبه ..!


بحقيقة فراقه مع زينه و انو شيء مقدر ولازم يصير ...!!

بندر يهوجس بعمليته و يهوجس في زينة و حالها وش صار فيه !!

رامي : اقول بندر

بندر مطنشه ولا كأنه يحكي ...

رامي : ياليل ابو لمبة

رامي : بندر ( رفع صوته وحط يدينه عند فمه عشان ينقال اني رافع صوتي )

بندر مطنشه تماما و الهدوء يعتري ملامحه و يدينه على عيونه ...

رامي : ياليل ابو لمبه من جد .....اقول خالي بندر

بندر : ايه تعدل خلك رجال

رامي : هههههههه لو داري انك هيك تهتم بالمظاهر كان ماهوب من وانا صغير اتمنى اصير مثلك المهم

ترا المظاهر خداعة للمعلومية يعني

بندر يبتسم : بالله عليك من جد المظاهر خداعة

رامي صدق عمره متحمس : وبقوه تدري يقولون ..

قاطعه نايف سحبه بقوه مع ياقته : مشكلة اللي يعيشون الدور مزبوط

الحين ابوي وش قايل لك .. ؟؟؟

رامي بحلق عيونه و كأنه تذكر شيء : نسيت والله ههههههههه

نايف ما يزال رافعه و معصب و عيونه تحت : انطق وش مرسلك له !

رامي : نسيت لقيت بندر و جلست اشرح له كيف انو المظاهر تخدع الناس خصوصا بعض الناس

( و يغمز لنايف ) << ياملحه فاهم كل شيء ^_^

بندر يبتسم : اقول الحق على ابوي بس قبل يمسح بوجهك ارضية البيت ههه

رامي : ههه البيت بس إلا كل بيوته و الإستراحات و حتى مزرعته اللي بالخرج بيحطني مكنسة لارضيتها

نايف بعصبية يعدل شماغه بسرعه : نكبني مع ابوي ...انثبر هنا خلاص ارتاح وديت عمتي

رامي : اشوا فكة بس مين بيفكني من ابوكم الحين والله مايرضيه لو يعلقني بالمملكة من فوق

بندر : جدك يا ولد عيب تقول عنه كذا

رامي يلبس طاقيته و يسحب شماغه : يا رجال خل عنك بعض الحكي بس ....إلا قولك بندر ...( ناظر نايف )

انت لا منيب بحاكيك ترى بجحدك الحين ههههههههه

بندر : سم طال عمرك قاط الكلافة انت وجهك خالك انا بدل ما تقول يا خالي

رامي : خالي او فاضي هههههههه امزح طينتها بجد ياويلي من نايف اسمع ترا امي بتجي بإذن الله

بندر بحماس : صادق

رامي : وقسم بالله

بندر انبسط : كيفها عساها مرتاحه ؟

رامي سيطر على ملامحه : بخير الحمدلله و بتجي نهاية ذالاسبوع بإذن الله تعالى

نايف : ياخي لها شهر كل اسبوع تقول اللي وراه

رامي : ايه ما بعد اكدوا الحجز

بندر : خير خير إن شاءالله ...يالله من قدك ....! هاه يا نايف لازم ندلع ذالدلخ هو واخته عشان اذا نشدته

امه ما يجحدنا

نايف يبتسم : من جدك يا بندر هذا لو تحطه بالبؤبؤ حق عينك من داخل يجحدك لو تعطيه مال قارون كله

يجحد

رامي : ههههههههه مال قارون ميت عليك انا انت وفلوسك الله لا يخليني بس

نايف : ياليل ابو لمبة من جد من بيسكته ذا الحين

رامي يحكي باسلوب المهايطية : كم تبي بس شاور طال عمرك ...!! << يقلد اسلوب ابوه

بندر يضربه بشويش مع ظهره : والله انك مولي وبقوة هههههه استح على وجهك ابوك ذا

رامي : لا بالله عليك اجل تقول كذا طيب ولا يهمك يا بندر عشان يرتاح ضميري بقلد ابوكم بعد احم احم

..( يقلد صوت جده فهد كل اساليب الرقي و التفخيم بصوته ) أنت يا تركي قل لابو عيون

ذاك يعجل بالمشروع ... وأنت يا بندر زواجك الخميس الجاي ( ضحكوا بقوه ) ....اوما انت يا نايف شف

الارض اللي

بالسليمانية تناسب تخصصك جتك عطية ما من وراها جزية ... و أنت يا رامي تعال هنا عندي ( مسك المركا

يقلد جلسته ) تعال فيذا يا ابوي انت ......


ضحكوا بقوة لان رامي يقلد بالحيل

نايف : محمد ماطريته خخخخ

رامي : لا ابو حميد خارج القائمة ماعليك منه

بندر : ويعني لاني ابوي مكرمك من بد الناس كلهم تقوم تقلده ياللي ما تستحي

رامي : يابندر صراحه ما ينعرف له ابوكم ذا مرة يحطني فوق فوق راسه و مره اللهم لا يوريك يتكرن

علي و ينسى من اكونا صلا هههههههه

نايف : لا والله ذي مشكلة اللي ما يعرفون يجازون الطيب بطيب ذا اللي انت فالح فيه

رامي بسخرية : اقول اها بس انت بالذات ترا اذا خسرتني بتخسر ( غمز) كل شيء تبيه

نايف يسحبه : انا اللي غابني ولا بعد هضمته للحين انها تصير عمتك بس

بندر ابتسم : الله يالدنيا بس ههههههههه يالله انا طالع

رامي : بدري وبعدين تعال انت تحمد الله و يدك ذي ( مسكها) تبوسها وجه و ظهر ان ريم بنت محمد بن .....

تكرمت و وافقت وخلك بالصورة ترا يمكن تغير رأيها يعني

نايف شاته على ورا : اهب يا وجهك فال الله ولا فالك هههه

رامي بعدل ياقة ثوبه : خلك بالصورة يعني ...

-
في الصالة ...

نزل بندر : احم احم

اميرة و معها عزوز : حياك بندر

ام تركي : حياك يمه

بندر بوس راس امه

بندر : يا حيا الله القاطعة .....

اميرة : هههههه وش نسوي بعد

سلم عليها و مسك عزوز يلاعبه

عزوز متحمس و صاير يحكي و يتفاعل ....

اميرة : كيفك وش علومك يا نا مشتاقة لك بالحيل هههههه

بندر : الله يسلمك يالغلا بخير انا انت بشري عنك يؤ يؤ اتقي الله وش فيك ناحفة متغيره ههههه

شكل ذالدب يشفط اكلك

اميرة : يؤ اذكر الله ههههههه

بندر : لا من جد انت ناحفة و هشام سامن بقوة مشكلة والله ههههه قولي انو يشفط اكلك عادي

ام تركي : الله يهنيهم و يحفظهم هههه

اميرة تسبل بعيونها : يا قلبه مسويه دايت وش رايك مو احلى رجعت مثل قبل ههههههه

داليا و راما توهم صاحيات و متكرنات ..... << فاصلات وبقوة وخارج التغطية

رامي و نايف نزلوا ...

رامي وهو مار فتح شعر راما و داليا

داليا : خير ياشين اللي يستختف دمه اوف بس

راما فيها الصيحة : خير

رامي بغير إكتراث : الله يصلحك يا نايف وش فيك على الصبايا الحلوات ماتستحي تخرب جوهم

اللي اصلا هو خربان خصوصا وانهم ينتظرون الاوردر

نايف يناظرهم : ياليت مرة بس تغلطون و تدخلون المطبخ

راما : يمه شوفي عيالك ترا مانى برايقة لهم بليز

نايف : بليز يا ماما شوفي عيالك خير انت امي ذي تراها لا تدهنين الدرب ببليز و ما بليز وذ هير

رامي : اقول نايف تبي نقولهم وش سوينا البارح مدري قبله

بندر : خلاص عاد إلا راما و داليا حدكم عاد

نايف : ههههههههه لا اسكت لا تصيحهم تراهم على طريف

داليا بعصبية : داريه و عارفه انكم انتم اللي اقنعتوا ابوي يلغي استراحتنا يوم الخميس ذا

رامي : ههههههههه فيه شيء ثاني بعد

راما تناظر داليا بحيرة : توقعي أي شيء من ذا ...؟

نايف : يارجال اسكت بس لا يجيبونها صيحة هههه

ام تركي : هههههه خلاص عاد

رامي : ياجده

ام تركي : كم مرة قلت

رامي : اوه سوري يا يمه عفوا يمه فيه شيء يحكني بصدري بقولهم بس وش سوينا البارح انا و بلوط

داليا بعصبية : يالمخيس اعترف وش انت نايم عليه ؟

رامي : بندر تخيلي يمه اميرة كلكم امانه ليسن بي كيرفل ...ههههههههه الهانم داليا عندها الهنوف و ريم

قاطعهم نايف : احممممممم احممممم كح كح

رامي : هههه سوري وعدتك ماقول اسمها بس غصب عليك بقولة لا تنسى انها عمتي

طقه نايف مع راسه : انثبر بس

داليا شهقت : لا تقول انك انت اللي

رامي : هههههههههههه والله يا يمه لقيت الاوردرز عند الباب ... و قوقي الفلبينية نازلها معها الحساب

اخذت الفلوس و عطيتهم الدافور اللي عند الباب و اخذ الطلبات و اقلط عليها انا و بلوط و اخواني الصغار

داليا : ياجعلك ال

امها : لا تدعين يابنت

داليا بعصبية : أي طبعا انا تهاوشوني و ذالخبل المستهتر محد يجادله بشيء و شاق الكشرة بعد من زينها

رامي : مشكلة اللي متعقدين من اشكالهم ههههههههههه

بندر : هههههههههه لا عمرك تتعودها بس لا انسيك اسمك

نايف : ياليل الاسم يارجال وين قلت اسمه وين اطريت طاري الاسم الحين بيبدأ يهايط باسم ابوه ههههه

بندر : ذي جلسات المركا جنب ابوي و ما سوت هههه


رامي يقلد جده : احم احم حنا بني .........

ضربه بندر بشويش : عاد عطيناك وجه ترى ههههه

اميرة : هههههههه من جد طينها

بندر يلاعب عزوز اللي سحب جوال بندر يلعب فيه

ام تركي : يارب عساني اشوفك تلاعب عيالك

بندر " أي جرح ذاك هو الذي لاح بسمائي " : امين

رامي : مو شغلي اول ولد رامي يعني رامي
داليا : رامي بالله ما تستحي وانت تنطق اسمك

رامي : تبين الجد الجد الجد يعني والله اني استحي اذا احد قال وش اسمك ؟؟؟ ماحس اني سعودي

نايف : احم احم مثل نايف و بندر و تركي و محمد يعني فهمت عليك

رامي : حجرف و مناحي و سيف

الجميع : هههههههههههههههههههه

رامي : وش تضحكون عليه يمال اللي حجرف جدنا ترا

دق جوال بندر وهو مع عزوز

راما : خالتي الجوال يدق بافم ولدك لا يفطس علينا

اميرة : بسم الله عليه

سحبت الجوال و مدته لبندر

رامي : طبعا خرب الجهاز من سعابيل ولدك وش يسوي بندر الحين وشلون بس يكمل شغله

و يكشف خلايا الإجرام بالمجتمع

بندر : وقسم انك مولي وبقوة ههههههه يالله بالاذن بالمحلق انا عندي واحد

رامي وهو جالس : مين اللي عندك ..؟

بندر : سم طال عمرك

رامي : هههههههه يمدحون الفروة ترا برد بالحيل برا

الجميع : ههههههههه

طلع بندر و هو يحكي مع سلطان ....

سلطان : يعني وشلون

بندر : مدري والله سواة الله ابرك

سلطان بحيرة : بندر اقولك اختي مهدت لامي كل شيء وامي تأثرت صحتها بقوة

بندر بقلة حيلة : الله يعين إن شاءالله انها بترضخ للواضع اصبر شوي

سلطان بعصبية : اقولك تعبانة امي من مجرد ما عرفت ان ذالهاجس اللي من سنين تحقق اثر بقوة

شكلها عرفت انها ما تبيها وش السواة

بندر يمسك راسه : شفت نواف طيب

سلطان بعصبية : اقول لنواف ليش بس بحكم أي قانون او أي دين اقول لنواف

بندر : بحكم القلوب بحكم انه اقرب شخص لها و...

سلطان بعصبية : ذالمهزلة ذي لازم تتوقف وينى فيه !!

بندر : كيف يعني انت تلمح اني اقول لابوي او احد اعمامي بحكم انهم محارم لها ؟

سلطان : اللي غابني اني اقرب محرم بس الشكوى لله

بندر : الله يعين لقيتها عمتي هيا وش رأيك

سلطان : بس اخاف تنتفخ زينة لاننا سربنا السالفه مافيه إلا انك تدخل على مضاوي بحكم انك محرم لها

بندر : مقدر سوري اخاف ازنطها

سلطان : عشان نحاول نقنعها تقنع زينة هو يا نا يا أنت بس خلها تجي منك اصرف

بندر بحيرة : صعبه يزعلون والله

سلطان : طز عمرهم مارضوا

بندر : اجل اذا كذا بدق على وليد يشوف لي وقت فاضي

سلطان بسخرية : يقولون ما تفارقها ابد

بندر بحنية : شيء طيب يدل على طيبتها

سلطان يضحك بهستيريا

بندر مستغرب : وش فيه

سلطان : قلبها طيب تروح مع اللي دمرت حياتها واللي تدمرت حياتها بسببها مرمية بالمستشفى

برضوا بسببها ولا فكرت فيها

بندر بحزن : الله يعين على هالدينا يخوك محد يعرف وش بيصير له !!

سلطان ابتسم : بشرنا عنك

بندر : اوه لا ابشرك طيب بإذن الله

سلطان : ومتى العملية يا كوتش

بندر بضيق : منيب مسويها على الاقل حاليا لحد ما تخلص قضيتنا

سلطان : هانت خلاص ههههههههه بإذن الله بتنحسم عن قريب حتى طويل العمر كلمني

مبسوط بالحيل على النتايج بشكل عام

سلطان : يا أنت يا بندر بتصير شي بعد ذالقضية بترتفع فوق فوق اتوقع يرقونك بقوة

بندر بحزن : مايهمني كل ذا الحمدلله بخير و نعمة و قنوع

سلطان : بس ولو لازم تطمع بالمراتب العليا

بندر : مافيه اغلى من العافية و رضى الوالدين .....

سلطان بحزن : الله ينولك اللي ببالك و يعين على ذالدنيا ....

طلع سلطان و معه بندر بالحوش

و داليا و راما فوق بغرفة داليا

داليا : يؤ يالبرد كلوز ذا ويندو

راما : احلفي بس اخاف شغالة ابوك وانا مدري

داليا : يمه يالسانك اللي يشوفك يقول حمل وديع وانت من تحت لتحت

داليا بعصبية سحبت الشباك و وقفت يوم لمحت سلطان و بندر تحت

داليا تحس جسمها نمل : يؤ هذا اللي شفناه ذاك المرة بالرياض غاليري

راما بفضول : وشو وش تقولين

داليا : اسكتي لا يطلع صوتك او تدرين عطيني جوالي بسرعه بسرعه بدق على الصبايا

راما : شغالة ابوك وانا مدري

داليا : خير انت وبعدين مجرد طلب لو انك محترمة و تحترمين اللي اكبر منك لو شوي كان طعتيني من

باب الإحترام

راما ببراءة : يالمحترمة انت قاعدة تقزقزين الرجال و تقولين شايفنه بالرياض غاليري هاه

داليا : ياربي من راح يفهمها الوضع .....! وخري هناك بس

اخذت جوالها و دقت على هنوف

الهنوف : يامرحبا و يامسهلى و ولكم باك

داليا بربشتها : هنيف هنيف اتحداك وش عندي

الهنوف بربشة زود : وشو مين مات ؟

داليا بعصبية : خير

الهنوف شهقت : الله يبشرك بالخير و قسم اني احتري الخبر من اول ما رجعت للرياض

داليا بقهر منها وهي تقز سلطان : مين

الهنوف : زينة مين يعني

داليا : وش فيها زينة

الهنوف : مو رجعت لاخوك ذا الاطخم

داليا : يوه يالخبله لا تروجين اشاعات بليز

الهنوف : وعمى يعمي عدوك وش فيه اجل وش عندك ؟ لا تقولين شفت احممم احممم

داليا تبتسم : ههههه ياقدمك حجرف بالشرقية له فترة منتدب كل ذا الفترة هناك

الهنوف : احلفي وبقوة بعد جايبة شي جديد انت وجهك

داليا : هنننننننننننيييييييييييف

الهنوف : خير

داليا : تتذكرين ذاك الرجال اللي شفنا بالرياض غاليري قبل فترة اللي سلم على بندر

الهنوف : ماجد المهندس

داليا : عليك نور ههههههههه تخيلي بحوشنا

الهنوف : اعقبي

داليا : ههههههه وقسم قاعد يسولف مع بندر اشوفهم الحين

راما استوعبت السالفه

راما : ماتعرفين ذا مين ؟

داليا : تعرفييييييييينه !!

راما : الحمدلله و الشكر هذا سلطان

داليا جتها حالة تناحه : احلفي

راما : اصبري خليني اقز و اتأكد عشان احلف

داليا بخبال : بسرعه تأكدي

الهنوف : هههههههههه

راما : أي وقسم انو اهو اعرفه زين اذكره العام او قبله كان يسلم علي و يعطيني علوك

داليا : لا ياللي ماتستحين زانت علومك عند امك بس خليها تجي ههههههه

راما : انا اققل شيء وانا بزر منيب مثل غيري يخططون يعرفون بعض الناس يدرون عن حبهم

او انهم خطبوا كذا و توهقوا بس اريحكم واقولكم ان ذي قرارت قراقوش يعني مجبرين عليكم ههه

الهنوف شهقت : أي ياللي ما تستحي عطيني اياها بسرعه انا اوريك فيها

ريم ورا الهنوف : الله يهديكم قايلة لكم راح تنكبنا ذالبنت عاجلا غير اجل

الهنوف : لا تخافين انا اوريك فيها

ريم بحيرة : انت مستحيل انها بتقول ل احم احم بس انا ياسحرتي خالها امديها كبت العشاء كله

الهنوف : بنعشيها بالبلورة الليلة ههههه

داليا : لا ياختي وش على بالك انها مثل اخوها رامي ما تهمها البلعه ابد

الهنوف : على اساس تهم رامي يعني لعين ذاك الولد وقسم

داليا : ياحبني له هههههه معطينا جو

الهنوف : ايه صح هو نواف بس البارح عطونا جو

داليا : صحيح كيفه نواف ياهو متغير يجنن صاير

الهنوف : عفوا ما يمديك اخوي فايت يعني مخطوب خخخخخخخخ

داليا : الله لا يخليني بس هههه

الهنوف : احم احمممم الرادار حولك او نزلت

داليا : ههههههههه لا عادي رمرم كبيرة و تدري عن كل شيء

الهنوف : اجل بندور لها رجل

راما : بسم الله علي وش قالوا لك مشفوحة مثلكم

داليا : خخخخخخ

الهنوف : يامال اللي ههههههههه

داليا : طلعوا راحوا على سيارة ما جد المهندس

راما : للمرة العشر طعش اسمه سلطان

داليا : ايه سلطان

الهنوف : ايه سلطان ولد زوجة عمي سعود اللي طلقها يختي اخواني يموتون فيه صحيح

ذا هو اللي سافر مع بندر ايطاليا صح

داليا : الله الله

الهنوف : اها قولي كذا

داليا : طيب يالله بنزل اجلس مع اميرة قبل يجي هشوم و ياخذها بايات

الهنوف : سلميني عليها بايا

في المستشفى

وليد ضبط الاجراءت كلها لدخول بندر ....

بندر يلبس لبس الريكفري ....

فتح الباب ...شعر بكتمة فظيعة ...

يناظر المرضى " الله يالدنيا يارب تشفيهم الله اعلم حالتي بعد كم يوم مثلهم او اسوأ "

يمشي و يشعر بكتمة لإنتشار الأكسجين بكل مكان ..

فتح ازارير ثوبه ...

( الجزء الثاني عشر The 12 th Part )




في المستشفى







وليد ضبط الاجراءت كلها لدخول بندر ....

بندر يلبس لبس الريكفري ....

فتح الباب ...

شعر بكتمة فظيعة ...

يناظر المرضى " الله يالدنيا يارب تشفيهم الله اعلم حالتي بعد كم يوم مثلهم او اسوأ "

يمشي و يشعر بكتمة لإنتشار الأكسجين بكل مكان ..

فتح ازارير ثوبه ...


ألقى نظره يمين و يسار

و لا زال يقطع الخطوات

بندر يسحب نظراته بهدوء يعزف على أوتار قلبه

بندر انتبه لأوامر النيرز اللي توجهه لمكان مضاوي

خطوة

خطوتين

وقف بمكانه اول ما لمحها

بندر يحس بأحاسيس غريبة ...كسرت خاطره وبقوه

اجتر الخطى ببعثرة على تلك المسافات

وقف قدامها ...بيحكي انعقد لسانه ..

تنهد و استغفر كثير

مضاوي فتحت عيونها بتثاقل

مضاوي بصوت مرهق : زينة

بندر سمعها و قرب ...

فتحت عيونها و شافته

مضاوي اول ما لمحته حست بأحاسيس ندية متناقضة ..

هذا بندر اللي تدمرت حياته .. ودمر حيياة زينة معه

هذا بندر اللي كان عايش بحب و سعادة مع زينة و فرقت بينهم

هذا اداتي اللي استخدمتها للإنتقام !!

بندر تنهد : الحمدلله على سلامتك إن شاءالله انك طيبة

مضاوي بتثاقل : الله يسلمك ...

بندر ابتسم بتثاقل : كيفك الحين ...

مضاوي بصوت لا يكاد يسمع : بندر بطلبك

بندر متنرفز لان الاكسجين ضارب بالاجواء بقوة و سبب له صداع مزمن ...

بندر مسك راسه : امري

مضاوي بإرهاق : بندر زينة

بندر انشد بقوة للموضوع و قرب لها : زينة وش فيها !!

مضاوي تتنهد بألم : أمانة معك

بندر يحس اجراس الضمير ترعد بسمائه


" أي جرح ذاك هو الذي يلعق ذكرياتي "

بندر تنح و قلبه بدأ يرثي هالطلب بقوة


بندر : ولا يهمك ابشري

ارتاحت مضاوي و غمضت عيونها : لا تتركها امانة

بندر قرب لها و مسك يدها : لا تاخذين هم ....( ناظرها) وانا بعد ابيك بطلب

ادري ثقيل عليك و لا تقدرين تحكين كثير بس حاولي طلبتك

مضاوي بألم : لو ايش ماسوي ماوفيك جزاك من بعد بدر الله يرحمه

بندر استشعر كميات حزن و شجن فظيعة ..

بندر : انا منيب بحاسبك على اللي صار ابد هذا شيء بينك و بين الله ، بس اللي ابيه

لمصلحتك كفري على ذنبك على الاقل بس قولي لزينة ترجع لامها ليلى

ولا تخافين انا واثقة انها ماهيب بتركك

مضاوي دمعتها نزلت : قلت لها بس سكتتني ماهيب مصدقة تبكي و انهارت

بندر لاحظ انفعال مضاوي : ولا يهمك ارتاحي بس ارتاحي انت ولا يهمك

مضاوي ارتاحت و سحبت نفس و رفعت الجهاز اللي بخشمها

بندر : لا خليه مايصير

مضا وي تنهدت بحسرة : بندر قلت لها منيب برتاح إلا اذا رحت لامك و اعتذرت لي

بندر مسح على كتفها : لا يا عمتي لا تخافين لا تشيلين ذالهم إن شاءالله انك بحل و سماح

مضاوي دموعها هماليل : زينة هي اللي بقت لي من بعد بدر الله يرحمه

بندر يحس بسكاكين تدق قلبه " وش لي بالتحقيق و خططه و غرابيله "

بندر : انا اعتبريني بدل بدر الله يرحمه و انا اوعدك ببكون جنبك كل الوقت بس

طلبتك اقنعي زينة لانها رافضة و امها تعبانة بعد بحاجتها

مضاوي بألم و حسرة تذكرت زينة وكيف يمكن لو تروح لامها ماعاد بتشوفها

مضاوي اكتفت بالدموع

النيرز : please sir may I ask u to leave now ?

بندر يناظر مضاوي : اتمنى تقدرين تسوين شيء وانا واثق انها بتسمع منك لانها تحبك و تغليك

مضاوي غمضت عيونها لتعلن عن سقوط دمعة حارة

و ها هو سرب من الأطباء قد ألتم حولها لمنحها موعد الكيماوي " اللهم صلي على محمد "

بندر استشعر بالألم و هو يفكر ( الله العالم بيصير فيني مثل هالحالات او لا يارب تشافيني يارب )

طلع و هو يتضجر بكثرة من الإكسجين المفعم بالأجواء ...

سحب رجوله لحد ما طلع وهو يشعر بأن هذا اصعب مشوار قضاه بحياته ...

من مجرد ما طلع سحب الباب

غمض عيونه .. وعدل شخصيته بشكل عشوائي و هو يمشي

و وقف فجاءه

يشعر بكتمة فظيعة ...

الموظف : سم طال عمرك تشكي من شيء لا سمح الله

بندر يعدل ازاراير ثوبه : لا الله يجزاك خير بس شوي دوخة

طلع بندر مايشوف العالم يجتاح الجميع

من الطرف الاخر

تمشي و تقطع المسافات

تصطدم العديد بسبب سرعتها

" يالله تأخرت وشذالنوم اللي جاني "

تشعر بدواخ فظيع لانها كثرت نوم ولا بعد اكلت

تمشي و تقطع الخطى

وقفت عند الاساسنير و تلمح زحمة المنتظرين

" يالله وش السواة ..." ناظرت ساعتها

زينة بقهر : وش ذالمهزلة منيب بنتظرهم لين يخلصون !!

رفعت نظرها و لمحت الدرج

زينة " اوكي بروح تعب و مافيني حيل بس ولا انتظر "

-

-

بندر الألم يفتك بثنايا رأسه و كأنه مطرقة تدق الوجع براسه

وقف و شاف حشد هائل امام الأساسنير

بندر " ياليل التبن والله وشذالزحمة ...منيب فاضي لهم انطلع ! "

سحب نفس عميق و لمح الدرج

و هاهو يجتاح الخطى و المسافات

وقف قبل ينزل و شاف الاسانسير مافيه إلا 3 فقط و استأذن بالنزول معهم و فعلا

-

-

زينة واقفة امام الاسانسير اللي جنب الدرج

زينة بعصبية : اوووووف بس و ش السالفه كل الرياض هنا الليلة او ايش !

ضغط بقوة وتكرر بسرعة ....

انفتح الاسانسير و تنهدت زينة استعدت و تنحت جانبا بعض الشيء

طلع اول واحد .....

طلع الثاني و عطاها كم نظرة تنم عن إعجابه فيها ..!

زينة " بلا بشكلك رايقة لك ا نت وعيونك عساها الفقع "

تقدمت بسرعة فظيعة و صدمت بشخص ما تدري انو باقي شخص مابعد طلع


بندر بدون ما يناظر : سوري ماعليش ماعليش اختي

و يناظر بإمتعاض طرف عبايتها اللي لصق بالكبك تبع ثوبة

زينة تحس بحراره بجسمها ميب متعوده تصدم بغريب

تخدرت و لسانها انعقد

سحبت عبايتها بقوة من طرف ثوبه و شدته شوي

بندر وملامحه معصبه : معليش شوي بس .......

اضطر يفتح الكبك و صار بعبايتها

بندر بإمتعاض شديد : عفوا من غير قصد والله اللي يعلم ...

و مشى و تركها

بندر عدل شخصيته بعد ما تجاوزها و طلع و لا انتبه لها ولا اعارها أي اهتمام

زينة تجمع الدم براسها كله يوم عرفته ...

تحس ايدينها انشلت .. رجولها ماعاد بهي قادرة تمشي

" بندر ماغيره بندر اللي صدمني "

نزلت عيونها و شافت الكبك وكانت الطامة الكبيرة ()(( هديتها لبندر ايام العز و الحب اللي بينهم (())

" كان شكله اسود و محدد بذهبي و فيه حرفه ...طبعا مصمم عند فرع قوتشي بدبي "

زينة مسكته و سط صدمتها ... رفعته تفحصته و تأكدت انو هو ماغيره

مسكته بين يدينها و استعادت ذكريات تلك المناسبة ...!

دموعها ذكرتها انها تحبه للحين وانه ينبض بقلبها للأبد ...

مسكت الكبك و قفلت عليه براحة يدها اليمنى ......

و لا زالت تستبيح ذكرى العاشق المجافي

تذكرت امها و راحت بسرعه

-