(())) و تعود إلي الذكريات أرتكز برأسي على نافذة حزني ..

ينهمر مطر الندم في الخارج ...

ليس بيدي أن أعيد اشياء كثيرة ...

أنني انتظر من ينتشلني مما انا فيه ..!!

رأيت وجهي على زجاج نافذة حزني و لمحت بريق الحزن في عيني

كأن كل شيء قد تغير ...

حتى أرض الواقع إبتلعت ماءها و جفت ثانية ...!!

و إذا بدموعي قد جفت ايضا ...

و اقلعت عيناي عن البكاء ..... وكل شيء تحول إلى جفاف

و كأن الدنيا لم تمطر ....!!

و كأن النفس لم تندم ((()))((

طبعا رحلة بندر مع العذاب رحلة قديمة عمرها سنين من اول ماتفرق اهو و زينة

عاد كيف واهو شايف وضع زينة المؤسف بجد حالته سيئة للغاية ..

مايدري وين يروح

متر الشوارع كلها !!

اخيرا
وصل بيت امه ( امه رجعت من السفر لها شهر تقريبا ) راح لامه وبوس راسها وجلس معها نص ساعه...

بعدين طلع بيته القديم يبي ينام فيه ... محتاج للراحة بمعناها اللي انطبع بذالبيت !!

اميرة وهي تنوم عزوز : بندر لو يعرف ابوي طين عيشتك

بندر بضيق : خلاص ابوي وش يبي زواج وخذيت بنت اخوه ذي خلاص تعبت ياميرة والله بموت ناقص

عمري شكلي

مسك بندر ولد اميرة الصغير ويلعبه يعضعضه

اميرة : بسم الله عليك ياخوي ربي يعطيك طولة العمر بالعمل الصالح بس والله عيب تترك زوجتك لوحدها

وتجي

بندر : وش دعوه عاد تدري عني او ادري عنها

اميرة بدهشة : ماعليش بس ضروري عشان عمي مايزعل بعد

بندر( خربت معه) : يزعل ولا يرضى خلاص انا تعبت نفسيتي زفت شكلي بستخف

بندر ( يصرف السالفه عشان ماتلاحظ اميره ضيقته ) واهو ينزل شماغه : وش اخبار نسرين عساها مرتاحه

اميرة : ايه مره مبسووطه تقول انها سعيده حيل

بندر : دووم يارب

اميرة : الله لايخسرها ويسعدها

بندر : اقوووول منووو بالله عليك ابي اكل ميت جووووع

اميره : هههههههههههههههه وراها مجوعتك صوفيا

بندر : طبخها الحمدلله والشكر اكل البيت ماله عندي هناك

اميره : ماتنلام متعود على طبخي انا و ( وسكتت ) كانت بتقول زينة

طبعا ما فاتت على بندر اللي تذكرها في كل حالاتها .....

شويات و اميرة تجيب الاكل لبندر اللي اكل و بعد ربع ساعه اتجه لبيته القديم

-

-

((())) و تسافر بي الذكريات نحو وجهك ... فأبكي على ايامي معك ...

اتذكر حديثنا ....!!

نقاشنا ... عتابنا .... وضحكاتنا المجنونة ...!!

و حتى دموعنا الصافية النقية ..!! ))(()


بندر ابتسم و دخل بيته اهو وزينة ... ناظر الصاله ياما و ياما سهرنا سوا هنا

بس أناظر في مكانك و أذكرك و أذكر حنانك
تنزف أشواقي عشانك .. و اه يالمكان

ألتفت حولي و أشوفك و أرمي كفوفي لكفوفك
ألمحك مقبل و أفز ! و ما ألاقي إلا طيوفك
و أسمع بكا الجدران .. و اه يالمكان

حتى الزوايا حبتك تشتاق مثلي لجيتك
نبكيك و جروح الغياب بعثرتها و هي حنتك
ضعنا ! و ضيعنا الأمان .. و اه يالمكان

يا زمن إرجع ورا كل ما وقتي سرى
لين ترجع جيته و أنسى كل اللي جرى
و نلتقي بنفس المكان .. و اه يالمكان

الله يا حلو الماضي يعطر جوي بذكريات الغالية ...

يا قصة عشق انت يازينة ما إنكتب لها الفرح ... اخ لو دريت بس انك في يوم راح تكونين

بعيدة عني وبحاله نفسية سيئة كان والله ماتركتك لو وطيت على خشمي ...

انا رخمه لاني تخليت عن وعودي معك انا غبي لان كرامتي اعمت عيوني ...

وش الكرامة ماتنفع بشيء اذا القلب مات ......!!!

جلس يسترجع ذكرياتهم وخبالهم وضحكهم ....

دخل غرفة النوم

شافها مغبرة وواضح انو ماعاد احد يدخلها

تبادر لذهنه مقطع من اغنية لمحمد عبده ..

" يقطعك دنيا مالها أول و تالي ...."

وهي الدنيا مستحيل تصفى لأحد ....


وطلعت من قلبه اهه من قلبه ترثي حال هالدار ...

وبكل خطوة والثانية تنزل دمعه من عيونه تخفف بركان القهر اللي بين ضلوعه على حال زينة

مشي في الغرفة بخطوات متثاقلة حزينة

وفتح الدولاب فاضي مافي شي إلا رفات غبار

ناظر في دولاب زينة فتحه وناظر مافيه شي.....!

قفل الدولاب بحسرة...... وهو يتذكرها ياما وياما وقفت هنا

ومسكت هالدالوب .. يتحسس لمساتها بإحساس الحرمان

بس فجاءه لمح شيء...!

أيه لمح ظرف في مجموعة اوراق ....!!

اخذ الظرف ومسح الغبار اللي عليه بدا يكح

بندر : كح كح

وفتح الظرف ..

الفيشال اكسبريشن طبعا لا تعليق ...بس اكيد الحيرة لها نصيب الأسد

شاف مجموعة اوراق كثيرة

سحبها بخفة

لا أوراق موثقة من مستشفى " ذا قود هيلث " في ايطاليا وشذالاوراق...؟

مسك الورقة الاولى قرا فيها

انبهر عيونه ماتتحمل الصدمه ابد مستحيل,,,,

ناظر الورقة الثانية ..

وشاف نفس المعلومات في الورقة الاولى بس من عياده" سيرش اباوت شايلد "

ناظر ورقة ثالثه فيها نتائج فحوصات مؤكدة ..

واسماء الاطباء موقعين .....

ناظر التاريخ................


واو قبل 4 سنوات !!

بندر يفكر بينه وبين نفسه ب :

((...زينة معقولة تسوين كذا ولا تعلميني ليش بس...؟ حرام عليك عذبت قلبي ليش خليتني اظلمك واتعبك معي

بموضوع الحمل والعيال ليش ماصارحتيني انك ماتقدرين وانو ضرر عليك ؟

ليش تظاهرت بانك بارادتك تأكلين موانع كان صارحتيني كان ماصار ذا حالي انا وياك...))

صدمته كبيره يوم قرا إن زينة معها قصور والحمل يأثر على عقليتها وان هالمرض وراثي ميه في الميه ...

من وين طلع لها بس ..كل العائلة مافيهم هالمرض .....؟


بكى بحسره


و بللت دموعه الورق اللي بين يديه

جلس ساعه كاملة يتذكر كل شيء قسوته عليها

وضربه لها

مع انها تعبانه مريضة ماتقدر على هالشيء ...

بس كنت اعتقد انها ماتبي ضنى مني ....

بندر فكر كثيروقال : انا ممكن اكمل حياتي ويمكن الله يرزقني ويجيني ضنى بس زينة مسكينة لا ضنى وحتى

عقلها شكلي طيرته لها بجنوني وعنجهيتي اخ بس حتى الناس بعد ماعرفوا انها كانت في صحة نفسية

اخذوا عنها فكرة انا دمرت حياتها

لازم اقويها وارجعها لعمي زي ماخذتها منه كسرتها بقوووه انا بس اهي ماساعدتني

<<<<>>> ما فوق جرحي جرح
وجروحي تاويني وصبري فقدته بجرح
الموت له حروة خوفي يمسيني >>><<<

استلقى على الأريكة التي قد اكتست بالغبار رمى جسمه بإهمال فظيع وسط حزنه و خيبته

عاوده ذاك الصداع المزمن ....

بقوه هذه المرة

ضعط بيدينه على راسه بقوه فظيعة

الألم مزمن جدا .......

الرؤية بدأت تتلاشى تدريجيا

ضعط بيده على جيبه بيشوف الحبوب ..بس للأسف ميب فيه

ناظر التسريحة المكتظة برفات الغبار ...

يبحث بسرعة عن أي مسكن ... او مضاد ..

بحركة عصبية ألقى بكل ما كان موجود و أحاله لكسرات في الأرض ...

مازال يستغفر و يكثر من الإستغفار ....

شيئا فشئيا ...

حتى تلاشى ذاك الصداع المزمن بتدرج بطئ خفيف ....

ألقى بكامل جسمه على ذاك السرير البالي بوضع متهالك ومرهق ...


( أخر علاجي الكي و أنت الكوايا ..... للحب عبرة و أنت قربك عباير ...

لو هو على زينك بنلقى صبايا ....المشكلة في الحب تعمى البصاير ....)
.
.

الساعة 3

>>><<< يا حب يا ذكرى واسم
مادري انا ابكي عليك من العذاب او ابتسم
صدقني في يأسي مشتاق ابي امسي
لا لا يادفى شمسي ابيك <<<>>>

طلع بندر من بيته القديم يجر حزنه العارم و ندمه الكبير واثر الصداع مبين بملامحه

وشافه نايف

نايف : ههههههه وش جايبك تبكي على الاطلال اكيد من ناظر خشتك بس

بندر اللي مبين انو متضايق ومو رايق : ياملحك تخفف دمك ينقالك

نايف : اقول اسمع بس ذا بيصير لي البيت ضف عفشك ولاشوفك تفرد عضلاتك هنا

بندر : ارتاح بس عرس مافيه يعني مافيه دام الحكومة لسى مابعد قررت

نايف : وش عليك متزوج و مرتاح ..؟

بندر : أي راحه واي قرف لو على كيفي ضليت عزوبي طول حياتي

نايف قرب له بخبث وقال : لو كانت زينة معك

بندر ضرب نايف بكوعه وقال : انا قايل لك انك تخفف دمك وانا مالي خلقك

نايف يمسح ضربة بندر : اح اح لا تضرب ياخي اشك اني امي كانت تطحن حديد وتحطه مع حليبك

بعدين وين بتروح الساعه 3 اخمد وبكرة تروح خلاص خاربة خاربه ابوي اكيد بيدري

بندر : من هالناحيه اهي خربت من زمان
-
-
-

طلع بندر وراح بيته هو و صوفيا ...

فتح باب البيت ماشاف احد في الصالة ...

طلع غرفة النوم ولبس بجامته ويبي يحط راسه وينام

بس مايعرف ليش كان في شيء في راسه يدور قلق مره

شاف نور سيارة سطع مع الشباك استغرب ذالوقت مين يجي للبيت ،

، قام طل مشباك ماشاف احد

ورجع نام او بالأحرى يتصنع النوم .....

صوفيا كانت تدخل على طرف اصابعها خايفة انو بندر يشوفها وارتاحت لانه نايم ..

( يتظاهر بالنوم )

دخلت الغرفة وفتحت الباب واخذت بجامتها وطلعت << -- بطله ماتخاف بلا بشكلها خخ

بندر بصوت اجش : من وين جايه

صوفيا : بسم الله الرحمن الرحيم من وين يعني من عند امي

بندر : من جابك

صوفيا : هاه السايق

بندر : متأكده

صوفيا : وش قصدك هاه تشك فيني

بندر : لا اشك ولا شيء سؤال وبس لان السيارة نورها مو نور صالون دواد السايق حق امك

صوفيا : ماخذ سيارة سلمان اخوي

بندر : اها متى جا سلمان من جده

صوفيا بإمتعاض : وانا وش دراني...

بندر ماحب يظلمها

" وتعوذ من ابليس وعداها قال يمكن تكون زعلت من النقاش اللي بيني وبينها المغرب وزعلت راحت لامها


وارتاح ونام وقال ياليتك ضليت عند امك ولا جيت ليتك تزعلين وتفارقين عني طول عمرك "

"

"
(3)

إبتهال في غرفتها تكتب dairy

ترتدي جينز سماوي على تي شيرت اسود فيه كتابات اخضر و وردي من " ريفر ايلاند "

و شعرها فوضوي يلائم الجو الشاعري الذي تستبيحه الان !!

ريم بلقافتها المعتاده : اووخس يأنت بتغطين على شكسبير على هيك سبلينق

إبتهال بدون ما تناظرها : هذا حدك ماتعرفين غير شكسبير اخلصي وش تبين ..؟

ريم : اعصابك ياقميل هههه وبصراحه دابل كبدي شكسبير ذا ماعندهم غيره يرزونه بكل فيلم و بكل رواية ..

إبتهال : ريموت ممكن تطلعين بذوق لإن مالي خلقك والله

ريم حست انها متضايقه : افا بتو وش فيك ..؟ على اختك عاد يالله فضفضي

إبتهال ( كانها تنتظر احد تفضفض له ) قفلت النوته و ناظرت ريم : متضايقة يختي مدري ليش ؟

ريم : تعوذي من ابليس صلي لك ركعيتن

إبتهال : والله الحمدلله اني حريصة على صلاتي و حتى السنن الرواتب بس مدري وش فيني لي فترة ذبحني

التفكير

ريم : تفكير بأيش احمدي الله كلنا بصحة وعافية ومع بعض وذا بحد ذاته أكبر نعمة والله

إبتهال : الحمدلله على كل حال والله يخليكم لي يارب

ريم : وش فيك بس ...؟

إبتهال : احيانا احس اني تسرعت يوم وافقت و تملكت بسرعه

ريم مذهولة : اعوذ بالله وشذالأفكار بس جلسات صحباتك و ماتسوي انا دارية !

إبتهال بحيرة حزينة : مدري يا ريم أنا اذا علي مبسوطة وتعرفين وش كثر احبه بس وش يدريني عن

مشاعره تعرفين تملكنا ورجع سافر و لابعد وصل ذا غير أمه اللي احس انها ما تطقيني خير شر وبعدين هو

مدري والله وش اقول ؟

ريم : ياليل تعرفين الرجال عنده طموح ولد مضاوي ذا ههههههه دفرة يعني مو مثل اخواننا التنك وعيال

عمي الباقيين مضاوي وعيالها الزم ماعليهم العلم وشهاده وين .. وبعدين تعالي كم مره يدق عليك و يطقها

حنك معك لا تظلمينه ! و خليك بالصورة تدرين انو شخصية متفتحه اوبن مايند لا تفضحيننا معه بهيك تفكير

ابتهال : تدرين له شهرين او ثلاثة يمكن مدري عنه ... وبعدين الفترة الأخيرة احس مدري يمكن لإني مليت

من هالوضع

ريم : دقي على زينة طيب واسأليها

ابتهال : مدري بس متردده دقيت عليها يمكن 4 او 5 مرات وامها مدري احس تصرفني ... حتى زينة متغيرة

يعني المفروض ماتنسانا كذا ليش تجحدنا الحين وإلا لين امها وصلت خلاص تبطرت علينا ...

ريم : ام بدر تنرحم من بعد ما طلقها عمي اكيد بتحقد عليك هههههههه

ابتهال وقفت بعصبية : وش ذنبي انا طيب وبعدين على اساس انها ما تزوجت !

ريم : اسكت ياشيخه صديقاتي يقولون لي زوجها خقاق رزة شباب صغير نعبو بوها كبر بدر يمكن طاحت

عليه كيف مدري انا ؟

ابتهال بحيرة : وصديقاتك وش دراهم !

ريم تهز كتفها : مادري عنهم بس يقولون انه مشهور بالرياض يعني

ابتهال : شفت أنا مدري ودي احدد موقف بدر كيف رضى امه تتزوج وهي بهالعمر ..؟

ريم : ياختي عادي مافيها شيء انصحك لا تقولين له لإنه عقلية متفتحة وبعدين هي اللي يناظرها ما يفرق

بينها وبين زينة كانهم كبر بعض

ابتهال بتقرف : حرام عليك وش جاب لجاب زينة تجنن ماشاءالله اووما امها مومياء بشعر اشقر

ريم : ذالمومياء حماتك ههههه بكرة تجيبين لنا كتاكيت مثلها

إبتهال تنهدت : الله يستر بس

ريم : يالله يا قمر لا تشغلين بالك ترى بدر يحبك و يموت فيك

إبتهال خجلت : يؤ و انا وش اقول اعشقه بجنون بهبال ...بجهز له مفاجأة إذا وصل بإذن الله

ريم بلقافتها : وش المفاجأه ؟

ابتهال : احلفي بس مصدقة بقولك يعني

ريم : بكيفك أنت الخسرانة خخخخخ يالله خذي بهديك ذالاغنية

( مسكت جوالها و ضغطت اغنية المسافر << --- نذاله من جد خخخ ))

ريم : لا اوصيك عيشي الجو وحسي بالكلمات صح ! راشد جابها لك على الجرح هههههههه

ابتهال مسكت اقرب جزمة و انتم بكرامة وهربت ريم .. والجزمة صقعت اقرب زاوية

ريم طلت براسها مع الباب : حولا حتى ضرب ماتعرفين هههههههههه يالله سي يو

قفلت الباب و راحت وهي تتضحك ...

إبتهال : ياي عليك غبية و سخيفة وماصلة ....

هاهي دقات قلبها بدأت تنتظم بلحن شجي استباح من الليل الذكرى

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضي الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مسكت جوالها و ارسلتها مسج لبدر الغائب في سماء الغربة !!

من الطرف الاخر

وسط الضوضاء العارمة .....

و الأجواء البعيده عن الدفء و إلتحام المشاعر

في الحرم الجامعي في كندا

بدر و عزام في طريقهم للخروج للتنزه بعيدا عن الأجواء الدراسية

عزام ( كويتي صديق بدر ومن ارقى العوائل الكويتية ) : شعليك ذكروك الحبايب هههههه هانت خلاص

تخرجنا ..

بدر يبتسم له : الله يخليهم لي

عزام : أنا أقول لو تسمع شوري والله بإذن الله راح تضبط كل شيء

بدر يناظره : عزام الله يخليك مدري ودي احسبها عدل احس اني ملخبط وبقوه

عزام : وش حقه انت ملخبط ترا انت معطيها اكبر من حقها السالفة اشوفها حيل عادية

بدر يده بشعره واقف بطوله الفارع في وسط البارك الذي قد اكتظ بمرتاديه

عزام : الله كريم استخير وربي معك واللي يطلع معك أي قرار اتخذه لا تتردد تدري شلون يالله أنا

بوديك مكان رهيب وهناك نشوف وش بتسوي ...؟؟؟

بدر : الله يخليك والله من جد من دونك مدري وش كان بيصير فيني

عزام : هههههههه موعشانك لان امي توصيني عليك البارح وهو تحاجيني تأمني عليك شكيت انك ولدها مو

أنا

بدر يبتسم : الله يخليها لك و على الله و تركد وتعقل عشان تسعدها

عزام : إذا علي متى بعقل ماظن بعقل هههههه امش بس ...


و ما زالا يجران الخطى للمضي قدما لذلك المكان
_
-
-
-
-

>؛؛؛من الطرف الاخر ؛؛؛<

إبتهال مبسوطه زواجها قرب اكيد بيتحدد قريب ...لإن بدر كلمها قبل سويعات و قال لها بيجي بعد فترة قريبة

بإذن الله

تغريد : اقول بتووو شكلك طايرة لانك بتزووجين بتفاريقنا يعني

إبتهال : ههههههههههههه وش ابي فيكم بس دام بدوري بيوصل ان شالله

ريم : لله الله يالدنيا تبطرنا الحين .....

( قامت الهنوف و شغلت جاني حبيبي من بعد غيبة سنين ) وبدأت

ترقص بخبال << -- مفهيه

تغريد : الله يخلف عليك على هالرقص ههههه وش بقيت للشباب

ريم اللي بدت تجاريها بالرقص : هذا احسن رقص وعلى فكرة أنت وكرشتك ذي ترا موب أي وحده تتقن

ذالرقص

ابتهال : ههههههههه بجد عز الله اشهد لكم

الهنوف : عشان بعرسك نرقص وندوخ عوينات الحريم على هيك رقصات ...انتبهوا لذالحركة اتحدى احد

يسويها

صرخوا كلهم : واو روعه

الهنوف : ايه افا عليكم اصلا حتى البنت اللي كانت ترقص بحفلة دبي مع الجسمي ولا شيء الحين

ريم قلدت حركة الهنوف : شفت سهله بس يبي لها تمرين اكثر !!

الهنوف يدها على حنكها ( فكها) : كيف عرفت اعترفي انك تشغلين ذالاغنية و ترقصين من وراي لين تعلمت

حركتي

ريم : ابد ما سويتها ترى هههههههههه

ابتهال : المهم بزواجي ابيكم فعلا تصيرون شيء بإذن الله

تغريد : الله يعين على التجهيز بس

الهنوف : استعدي للزواج تعرفين عمانك اغرب عائلة يعني متى ماوصل البروفيسور بدر بيقولون بكرة

الفرح خمات اهلنا والله هههههه متى ما قرر قراقوش لو يقول بكرة

تغريد : ههههههههههههه أي والله انك صادقة هنيف بتووو وش رايك نروح نجهز لك ...

الهنوف : يختي اول مره وحده من خواتي تتأخر ملكتها عن زواجها

بتوو : 3 سنين واحنا متمكلين بس اشوى خلاص بيجي ان شاءالله فرجت

ريم : مو شغلي بتووو من الحين غرفتك لي مفهوووم

بتو: ياقلبي تبي تورثوني وانا حيه ههههههه

تغريد : انتبهي بس لموضوع التجهيز لازم من الحين نبدا عشان مايزنقنا الوقت

ريم : الله الله عاد اكيد بدير جاي مشتاق بيقول ابيها الليلة قبل بكرة تدرين لو انا بمكانك جحدته شهر شهرين

الهنوف : صادقة وش معجلك

ابتهال : احلفي بس انت وهي الله يخليه لي بس مشتاقة له اليوم قبل بكرة

ريم : صدق هنيف اللي اختشوا ماتوا ....

"

"

(4)


جا فواز ( زوج ام زينة )

طلع زينة من المستشفى بعد علاج نفسي مكثف دام 6 شهور ..

زينة لسى متحطمة والمستشفى زاد نفسيتها قرف ولا حسن فيها شيء ..

( من بعد ما شافت بندر وحالتها تدمرت و حست بحبه للحين حي بين ضلوعها اشتاقت له ... و توقعت يجي

اليوم لانه امس قالها بجيك بكرة بإذن الله )

طلعها فواز على مسؤوليته لان نظراته لزينة خبيثة وفيها معاني غامضة ...

في طريقهم للسيارة .. فتحت زينة الباب الخلفي

مسك يدها ولفها بقوة وصارت عيونه بعيونها ...

تقرفت زينة وبقوة : ابعد

فواز يتأمل عيونها : قدام يالغلا ولو ترا اصير محرم لك

زينة تكرنت و شوي وتصيح ورجعت للمستشفى : مانيب رايحة برجع بعد بعد

مسكها بيدينه بحنيه : قلبو اركبي يالغلا وش دعوة بوديك البيت حرام تجلسين هنا أنا وربي مقدر وضعك

وحاس فيك ادري محد حاس فيك بس والله اني حاس فيك مابيك تجلسين هنا غير ماجلست ...

زينة تجفف دموعها وتناظره ببراءة : امي وين ..؟

فواز : بالبيت تنتظرك يالله

زينة وهي خايفه ( ماعاد تشعر باي شيء ) ركبت بهدوء

و صمت يخيم على الأجواء

فواز : زينة أنا أسف على الحركة اللي تو

قاطعته زينة : بس that is enough

فواز يناظرها ( يالبيه بس يا هالعيون والخشم ) : ابشري يالغلا

سكت وهو يتابع ضجيج السيارات و الزحمة العارمة +_+

و ما زال يفكر ب ( وش هي ملاك او بشر ...؟ يالله يا رجال جتك من الله اه يالبيه بس والله لعيونك بسحب

على كل البنات و حتى امك العجيز المتصابية نعبوبوها وشلون صرت بنتها بس )

وها هو قد وصل البيت بسلامه

فواز بحنية لا تضاهى : يالله زيووون تفضلي في بيتك والحمدلله على سلامتك

زينة من غير ما تناظر نزلت و هي تتأمل هذا البيت ...

ياما وياما شهد براءتي و سهراتي و جنوني وكل شيء ....

بكت دمعتها من شوقها لبيتهم ...!

راحت تركض بإتجاه المدخل الرئيسي وهي تكره نظرات المتابعة من فواز

توقفت لحظة

( زينة تركضين لمين ! أمك اللي رمتك بالصحة النفسية ولا نشدت عنك بيوم ....

بدر...... ابوي...... وينهم اكيد مو فيه ....

ياقو قلوبهم كانهم هنا و يدرون إني بالنفسية ولا طلعوني )

فواز من وراها بوضع لا يكاد يطاق : تفضلي ليش وقفت

زينة تبكي : ودي ارجع مابي ادخل

فواز بحنية : حياتي لا تخافين والله اني حاس فيك وأمك اتركيها علي ولا يهمك امشي بس

مسك يدها ... وفكت يده بقوة

لإنها تحس بنظراته معاني اخرى ...

فواز عض شفته بخبث : موب مشكلة بكرة تتعودين ادخلي الحين

( قهر و إنعدام ضمير أن تستغل بوادر الضعف النفسي و الإضطراب

بالإبتزاز العاطفي او نيل مطالب اخرى من قبل ذوي النفوس الضعيفة خصوصا بمثل حالة بطلتنا زينة )

خسرته زينة و درعمت البيت بسرعه

استوقفها صوت امها

امها بكبرياء : الحمدلله على السلامة حياك ادخلي


زينة خايفه

وقلبها يضرب من نظرات زوج امها او بالاحرى عمها فواز ....

ناظرته و إذا هو يبتسم لها بحنية و عطف و يتأملها بنظرات حقيرة جدا

دخلت بخطوات مبعثرة وجلست

امها بتعالي : تبين يحطون لك الاكل .........؟

امها تهمس لزوجها : يؤ قايله لك السعودية زفت مستشفياتها لو احنا معالجينها بمصر احسن عشان تطلع

عاقلة شكلها للحين على نفسيتها الله يستر لا تفشلنا بس

زينة تسمع صوت امها لان امها صوتها عالي

على بالها ان زينة هبله فعلا ولا تحس

زينة تحس بحسرة فظيعه من هول ماسمعت : ماشتهي يمه مابي اكل

فواز يتأمل زينة بشكل مزري : وش دعوووه لازم تأكلين عشان تصييرين اصح واحلى ان شالله

امها قربت لزوجها ومالت عليه : وع وش تبي بالسمنه خلها كذى عود لبان

فواز احرق زينة بالنظرات : أي بس صحتها مره رايحه لازم ترجع لو شوي عشان بزواج بدر تصير قمر

زينة ابتسمت : بدر متى راح يتزوج

امها : مدري دق علي يقول انووو بيجي ولاطرا زواج يافواز

فواز : اكيد مملك وخالص دراسته اتوقع بيجي يتزوج ويروح

زينة : متى راح يوصل ..

امها : بكره ان شالله

زينة : ابو ي معاه

امها بكبرياء : مادري عنه

فواز قرب لمضاوي وصار يسولف معها بصوت صغير و همس لا يكاد يسمع

زينة ناظرت تحت بحزن

وتمنت انها تموت ولا تشوف احد في مكان ابوها

واستأذنت وطلعت غرفتها...

راحت واهي تسحب رجولها سحب وتبكي بحرقة ....

دخلت غرفتها وحشتها مرره ناظرت العابها ملابسها كل شيء ماتغير ...

جلست على سريرها وتذكرت اشياء كثيرة تضرب في راسها

ذكريات حلوة مع واقع مر

من وجود بندر اللي حطم حياتها ..

( تذكرته ...ياحظك ياقلبي شفته أمس وقبل أمس ...متغير كثير ناحف و معالم وجهه حزينة يارب مايكون فيه شيء ..وش تخربطين يا زينة انسيه هو نساك وتزوج الحقيرة صوفيا و حامل مبسوط معها والدليل لهم شهور مع بعض وهو ماجا المستشفى إلا عشان قضية رهام ليس إلا ....)

.مجرد ذكرى بندر تسبب لها رعب نفسي فظيع

ودي ابكي لين ما يبقى دموع
من جروح صارت بقلبي تنوع

انطفت في دنيتي كل الشموع
غربتي طالت متى وقت الرجوع

ان شكيت للحال محد لي سموع
طال صبري والزمن عي يطوع ودي اشكي لين ما يبقى كلام
ومن هموم احرمت عيني المنام

والهنا ما يوم في دنياي دام
كل عام امني احلامي بعام

وان سكت الناس زادوني ملام
والرجا باللي عيونه ما تنام

وبكت لين نامت
-
-
صحت الساعة 4 لصلاة الفجر ...

بكت لها ربع ساعه وهي بالسرير

قبل تتنشط وتقوم من السرير تحس بضيقة عنيفة تسري في أعماقها ....

توضت و صلت ..رفعت يديها تدعي بخشوع و طمأنينة ......قرت اذكارها ..

وقفت امام الشباك الكبير شافت الأجواء كيف...؟ حست انها صارت صافيه ...

حبت تنزل تحت بالحديقة تبي تشم الهواء الطلق وتنتعش في نسيم الصباح الباكر ...

اتجهت للباب املة بحياة سعيدة ووليدة ..!

فتحت الباب


مشت خطوة..


خطوتين

ثلاث خطوات


.... . لحد ما .....




(())(( لا خاب ظنك بالرفيق الموالي .....ما لكم شاريه على باقي الناس (())(

(4)

>><< إحساسها يتأجج نارا ....و مشاعرها جفت ينابيعها .. وكل شيء فيها مضطرب !!

تحت رايات الإستغراب ...>><<



صحت الساعة 4 لصلاة الفجر ...


بكت لها ربع ساعه وهي بالسرير

قبل تتنشط وتقوم من السرير تحس بضيقة عنيفة تسري في أعماقها ....

توضت و صلت ..رفعت يديها تدعي بخشوع و طمأنينة ......قرت اذكارها ..

وقفت امام الشباك الكبير شافت الأجواء كيف...؟ حست انها صارت صافيه ...

حبت تنزل تحت بالحديقة تبي تشم الهواء الطلق وتنتعش في نسيم الصباح الباكر ...

اتجهت للباب املة بحياة سعيدة ووليدة ..!

فتحت الباب


..مشت خطوة...

.خطوتين ...


.... . لحد ما ..

شدها شيء من الفضول لانها حست انه في نقاش حاد بين امها و زوج امها فواز ...لدرجة انهم ماحسوا فيها

اول مافتحت غرفتها

ضوضاء عارمة تملأ ضجيج سمعها !

توترت بقوة من تعالي صوت أمها ..!

بدأت تضعف شيئا فشيئا ..

رفعت يديها و وضعتها على اذنيها في محاولة جادة منها لسد مجاهل سمعها !

و ها هي صرخات أمها في تزايد و تصاعد مستمر ....

توترت بقوة ... فأسرعت الخطى في محاولة منها لمساعدة أمها ...

" اكيد فواز الحقير ذا مزعلها بشيء ..."

اسرعت الخطى لتصل لأمها

لحد ما تجمدت

انصعقت بقوة من ما تسمع ...!!

<<>> في غرفة المكتب الفاخر .... >><<


مضاوي تصدرت المكتب و جلست بعصبية : فواز خلاص لا تطينها الموضوع اندفن من سنين

فواز و هو يمشي صوبها بسخرية تكأ يدينه على المكتب و برزت لمعة جمال عيونه الكحيلة اللئيمة : اندفن

بالنسبة لك يا هانم بس حطي في بالك المحروس ولدك بدر اللي ماترضين عليه شيء بيجي الديرة وذا

معناته انه بيبحث الموضوع انت ما سمعتيه كذى مره يسألك عن ليلى وبنتها اللي ماتت ( ناظر زقارته وهو

يسحب نفس منها ورجع ناظر مضاوي ) او عفوا اللي .....

مضاوي عصبت متقرفه من ريحة الزقاير قاطعته : مالك شغل في بدر انا اصرفه.... اقوله أي شيء وبيصدق

بس انت اطلع منها .. وبعدين تعال لا يكون على بالك اني مانيب ملاحظة نظراتك الزايغة للهبلة زينة ذي


())(( صاعقة كادت تلقي زينة مغشيا عليها

استجمعت قواها الواهنة و قربت لتسمع عن كثب ))(()


فواز بعدما سحب نفس من الزقارة و ناظرها بخبث : انت تفكيرك من ايش ابس افهم ...؟ انا متعاطف

معها ليس إلا وبعدين البنت قطعه اه بس ( حالته طبعا هايم وحالم في زينة وهو يحكي عنها )

مضاوي صرخت بعصبية : ماحد طلب منك تتعاطف معها وبعدين استح على وجهك عيب تسوي معها كذا

فواز بسخرية يطفئ الزقارة : خخخخ لا يكون مصدقة بس انها بنتك


( زينة ما تقدر تستوعب شيء عيونها اتسعت بقوه و اغرورقت بالدمع قربت أكثر و أكثر عشان

تسمع و تتأكد من اللي سمعت )



مضاوي بعصبية وقفت : لا ياشيخ مشكور مايحتاج تذكرني مشكور ....

فواز يمغط يدينه بعد ما جلس على الكرسي المقابل لها : وش اللي مضايقك طايب ذا انت دمرت حياة

المسكينة و حطمت كل شيء حلو بالنسبة لها يكفي اني احرمتيها من امها

مضاوي عصبت و ارتفع صوتها : انا ماسويت كذا ..سعود هو اللي اجبرني اتعامل معه كذا

فواز ( ملعون ابو الحال اللي حدني عليك ) : هههههه محد طلب منك تبرير يالغالية كلنا في الهوا سوا ..... إلا

معاك خبر ان ليلى سكنت الرياض ههه

مضاوي تنرفزت : اووووه خلاص عاد المعفنه ذي زينوووه اخذت اكثر من حقها هي وامها

<<>> أي عالم هذا الذي يستكنفه الألم و تستوطن اضلعه ثنايا الظلم ..؟ >><<


" زينة لا شعوريا فقدت اعصابها ودخلت ودموعها هماليل "

تجمدت في مكانها بعد ما فتحت الباب اللي كان نصه مفتوح فقط

وقفت أمامهم بهيئة

حزينة ..

.كسيرة ....

غير مستوعبة

انخرست

تتمنى كل شيء بالدنيا إلا إن هاللي سمعت يكون صدق ..!

مازالت تردد بينها وبين نفسها " يمكن صادقين أنا مريضة نفسيا وقاعدة اتوهم و اسمع شيء غلط يارب كذا

يارب يارب "


مضاوي ناظرتها بدهشه وعيونها كلها حقد وكره و الخوف تسرب نوعا ما في دواخلها ...

فواز عيونه تصوبت على زينة ولا زالت افكاره السوداء تراوده .. ( يالبيه بس حرام ذالزين تنكسر و تبكي )

زينة تبكي بتتكلم ميب قادرة .. بتحكي عجزت ..تحس انها انطرمت

زينة " وش فيني احس اني انخرست ابي احكي ابي اناقش قلبها يضرب وبقوة "

مضاوي لا زالت تتأملها غير مستوعبة إن زينة عرفت المستور والذي رافقها لمده 24 سنة

زينة صخرت بهستريا في محاولة جادة منها للبوح : ليش ..؟ ليش ...؟

قربت زينة و هي تناظر مضاوي بنظرات تنتظر التبرير او تكذيب ماقيل : ليش سويت كذا ...؟ ليش ..؟

مضاوي مسكت يد زينة بقوة وعفطتها : من متى وانت واقفه هنا ( صرخت بقوة) ما تستحي تتصنتين

. ردي ... ياقليلة التربية ...

زينة تتألم و تصرخ : ليش سويت كذا يمه ليش سويت كذى حرام عليك كنت حاسة انك مانتب ام طبيعيه بس

مافكرتك واطية ونذله لدرجة تأخذيني من حضن امي ... قولي أنه كذب تكفين يمه قولي ان فواز كذاب


<<<>>> صفقتها مضاوي كف قوي على خدها <<<>>

فواز ابتسم بسخرية لاذعة و رفع حاجب واحد فقط

مضاوي بجهد فظيع : ايييييييييه انا اخذتك من المستشفى و حرمت ليلى المجنونه اللي اهي امك منك عارفة

ليش ..؟ لان ابوك حبها و عشقها بجنون مدري وش مسويه له بنت الفقر ...جرحني وهمش حياتي بسببها

بس عاد انا همشتها كليا و جرحتها فيك بنتها وللمعلومية اهي تدري انك عايشه ....( شاتتها بعنف)

زينة تبكي : وين امي الحين ...؟ و اب

مضاوي صفقتها : امك انا وبس مالك غيري ام فاهمه انا اللي ربيتك وتعبت عليك مستحيل اخليك بسهولة

زينة تبكي بحسرة : اكرهك اكرهك

مضاوي : وش دعوه انا اللي احبك او حبيتك بيوم انا خذيتك لغرضين الاول يا ماما عشان امسك ابوك لانه

يحب البنات اكثر من العيال ثانيا عشان اخليك عندي واعذبك ... وانتقم من امك وابوك..ناظري كيف حطمت

حياتك وهم تفرقوا ههههههه من يوم ما مت و ناظري كيف دمرت حياتك مع بندر .. وكيف دخلتك المستشفى

النفسي بس للمعلومية امك تراها ميب صويحه يعني فيك عرق منها وذاللي

خذيتيه منها ( مسكتها و ضربت راسها بقوه )

مضاوي تصك على اسنانها : عرفت او تبين شيء تعرفينه بعد ..؟

زينة تبكي وشعرها صار مصدر ألم لإن مضاوي شدته بعنف : يمة طلبتك قولي انه كذب قولي تكفين مابي

غيرك أم انا ....( مسكت رجولها ) تكفين قولي انو كذب << تسعى جاهدة لتكذيب ما سمعته

..ابيك انت باللي فيك بس لاتقولين لي انك اخذتيني من حضن ام ثانية و فطرت قلبها تكفين

مضاوي : شرف لك إني امك يا المريضة بس معليش ذي الحقيقة المره

زينة دموعها هماليل ارتمت على الأرض : يا ويلك من ربي ياويلك من ربي

فواز و الذي خرج من قوقعة صمته : مضاوي لازم تتصرفين ترى إذا جا بدر وشافها كذا بنروح في خرايطها

مانيب مستعد ترى شغلي اللي من سنين اسوي فيه ينتهي بمجرد غلطة منك لا ومع مين ..( ناظر زينة ) مع

وحدة مجنونة

مضاوي تبتسم لفواز : هههههه وش دعوه بيشوفها بدر او بتشوفه

زينة والتي قد استعادت وقفتها الواهنة بترجي تبكي : بدر تكفين إلا بدر

فواز يسحب خطاه بيطلع برى المكتب .. ومضاوي تمسك بيديه

زينة تبكي : إلا بدر تكفون الله يوفقكم ....<< لازالت غير مستوعبة

مضاوي تقفل باب المكتب على زينة : انسي انك تشوفينه

زينة تطق الباب بهستريا وهي تبكي بحرقة : يمه تكفين يمه يمه يمه افتحي تكفين والله ماقول شيء ولا افتح

فمي بس افتحي يمه

مضاوي رفعت حاجب بأنتصار : قلت لك لا يعني لا

زينة مازالت تطرق الباب بحركات مبعثرة حزينة إلا أن استهلكت قواها

زينة طاحت على رجولها وضمت راسها لركبها تبكي بحسره ولازالت تطق الباب : افتحي لي تكفين يمه

مضاوي انت امي وبس خلاص اوعدك انسى الموضوع والله مافتح فمي بحرف يمه تكفين

" تطق زينة ..... تطق الباب .... ولا زالت "

فواز : حرام عليك عذبتيها ههههههه

مضاوي : ههههه خلها تخيس لا ترحمها ولا تعطف عليها ذي بنت ليلوه وسعود

فواز : بس حرام عيونها الحلوة تبكي كثير

مضاوي ناظرت فيه ..

فواز : خخخخخخخ امزح خلاص سحبت الكلمة

زينة ماتزال تطق الباب و تبكي بحسرة ...و تطق الباب لين تعبت وطاحت للمرة الثانية وهي تندب حظها و

حياتها ..

مباشرة انرسمت صورته في بالها .... تمنت لو أنه قريب ..بتطيح بحضنه و تخليه ينتشلها من قوقعة حزنها و

الحقيقة المرة ... تنام و تصحى .. وفي كل نوم تدعو الله جاهدة أن يكون اللي سمعت كابوس عنيف ...!!

صحت و هي تتحسس مواطن الألم في ظهرها و شعرها لإنها ارتمت على الأرض تبكي ...

اه تلك كانت الحقيقة المرة ....!!

ذاك هو حظي العاثررر ..؟

( وينك يا بندر ...محتاجتك بقوة ....مدري وش اللي صار ...؟ امي طلعت ميب امي

..... الله يستر من ابوي بعد لا اصير مانيب بنته ....؟ بندر محتاجتك... مضاوي طلعت

مجرمه وحاقده تفرغ حقدها على امي وابوي فيني ...انا لا يمكن اسامح امي الحقيقية على تفريطها فيني...... )


زينة تهذي باسم بندر ..مافيه غيره طرى عليها وهي في عتمة جروحها رغم إنه مصدر الجروح كلها !!


كم أنا بحاجة لحبك والحنان ..أفتقدته في غيابك من زمان
كل ليله أشتكي همي لشجوني .. كل ما قلت إنتهى هم بدى

فتحت عيني في الدنيا عليك .. إش أسوي أعشقك وأموت فيك
لو ظروف الوقت عنك إبعدوني .. مستحيل أنساك ياقطر الندى


عجيب حال العشاق حقا ...هذيانهم مصدر لرصد حالاتهم الشاعرية !!


تذكرت البؤس ورجعت تطق الباب

زينة : يمه افتحي لي تكفيييييييييييييين ( تبكي بحسرة)

ولا من مجيب
-
-

من بكرة العصرية


مضاوي فتحت الباب و شافت زينة نايمة طايحه بوضع بائس .. ( تذكرتها وهي صغيره ...هي اقرب العائلة لها

...تسهر على راحتها إذا مرضت ... تسأل عنها في كل المناسبات صحيح انها تضربها وتطقها كثير بس البنت

قلبها طيب و تحبها وش ذنبها طيب إذا صارت امها اجمل مني بكثير و ابوها فضل امها علي ملعون

ابو الرحمة يا مضاوي لا ترحمينها ناظريها بس نسخه من امها ......)

مضاوي تذكرت كل شيء صار في الماضي و سحبت زينة مع شعرها

زينة شهقت بقوة وصرخت : يممممممممه وينك ..؟ ( تمسكت بيدين مضاوي )

مضاوي ضعفت يوم سمعت كلمة يمه خفت يدها شوي ...

زينة تمسح دموعها و تناظر عيون مضاوي بألم بحب مدري ايش بالضبط ..؟ بخوف يمكن

مضاوي : انا يمكن اطلعك بشرط

زينة تتمسك فيها : موافقة

مضاوي بحزم : اسمعي اول

زينة بحزن تشبثت فيها اكثر : سمي

مضاوي : تاكلين هوا ولا تنطقين بحرف من اللي سمعت لابن امه

زينة بعدم إستيعاب : طيب بس ابي اعرف السالفه منك واوعدك مافتح الموضوع لابن امه بس يهمني اعرف

مضاوي تبتسم بسخرية لاذعة : لا لا ما اتفقنا على كذا

زينة بخوف من الإجابة بترقب مؤلم حقا : طيب انا بنت ابوووووي او لا ؟

مضاوي : هههههههه لا لا تخافين انت بنت سعود

زينة تبكي بخوف وذعر : وبدر اخوي ؟؟؟

مضاوي : هههه غبية انت المهم بدر جاي بالطريق تبين تشوفينه عندي شروط

زينة بحزن : موافقة قبل اسمع يكفيني بالدنيا ان بدر اخوي بس

مضاوي : ما تنطقين له بحرف واحد فاهمه ...؟ و تكونين قدام الناس كلهم زينة بنت امها مضاوي الدلوعه

زينة بأسى وحزن : طيب بتقولين لي عن السالفة

مضاوي : شوفي كلمة زيادة ميب احسن لك .... واحذرك كلمة لبدر او حتى بندر اللي باعك بتراب و اشترى

الافضل منك او ابن امه وربي الكريم غير تندمين يا بنت ليلى على اليوم اللي عرفت فيه مضاوي

زينة تبكي نزلت راسها تحت : امرك

مضاوي : شوفي لو ادري او اشم خبر انك قايلة اوف بس موب احسن لك بحركة بسيطة اقدر اكركب حياتك

زود ماهيب مكركبة .... اقلها اوكل اقرب احد لي في القصيم يذبح امك الهبله ليلوه واحرمك شوفتها كل العمر

او وش قصيمه صح نسيت انها هنا

زينة بأمل معاق بشوائب الحزن و الجرح الخالد : امي عايشه

مضاوي : ههههههه امك متخلفة عقليا و خرساء يعني عايشه وميب عايشه

>>>> زينة صاعقه وقعت عليها دمعت عيونها <<<

" لا إله إلا الله محمد رسول الله "
-
-
-
-

( استخلصت حتمية المصير اللي ينتظرها في المستقبل ..الدكتورة جورجيا في ايطاليا وضحت لها أن المرض

وراثي بس زينة ماكانت مستوعبه وكذبتها ولا تصورت بيوم من الايام انها يمكن تصير مريضة

عقليا او خرساء خصوصا بعد الولادة لكذا الحمل خطر عليها )

" زينة شردت في كلام الدكتورة ...."

و ها هي ملامح الحزن العتيق قد تجددت مجددا ...ولاحت بالأفق بوادر بأحزان جديدة ...

مضاوي : ذا غير و غير...... اقدر الفق لك شيء بشرفك و اسود وجهك قدام الناس كلهم وبعدين اكشف انك

مانتب بنتي سهلة جدا بس ذي ماعتقد بسويها لانك محسوبة اخت ولدي بدر

" زينة خلاص ماعادت بقادرة تسمع زود ..."

زينة بجرح بصدمة بقلة حيلة تناظرها : حرام عليك يمه ليش تسوين معي كذا انا احبك واخلصت لك لاخر
لحظة دمرت بيتي وحياتي عشانك ...بعت البعيد والقريب عشانك بعت بندر وهو احب الناس لقلبي عشانك ....

تعرضت لانواع التعذيب عشانك ..كل الناس كرهوني بسببك واخر شيء كذى قهر قهر.

..ضربت يدنها على الجدار بقوة فظيعة ...

وسندت جسمها على الجدار بوضع يوحي لنا بمقدار كميات الضعف التي تسربت لدواخلها !!

مضاوي شدتها بقوة : هاه كان العرض مو جايز لك عادي تبين تنحرمين من بدر اقدر

زينة تبكي وتحكي بهستريا : لا خلاص موافقة مستعده احلف لك مافتح فمي بحرف واحد

مضاوي : عفية على الشاطرة اللي تسمع الكلام

زينة تكفكف دموعها : الله يكون بالعووووووون بس ابي اعرف السالفة ..؟

مضاوي : هههههههه السالفه بإختصار اني حرقت قلب ابوك وامك عليك ابوك كان يموت في امك اللي الطب

اثبت انه في حملها خطر عليها خصوصا من الناحية العقلية ..ههههه الحمدلله والشكر ومن يوم ماعاندت امك

وحملت فيك عشان تثبت لعمي انها مثلي يوم شافتني جبت بدر ..... المهم امك نص عقلها طار من بعد ماولدتك

لان عندها قصور عقلي يصير بعد الولادة و النص الباقي طار يوم قالوا لها بنتك ماتت ...هههههه وانا وصيت

ناس اخذوك من الحضانه وامك تشوف و انكتبت باسمي وباسم ابوك ولعبتي كانت تاريخ الميلاد هههه بما إني

كنت حامل و سقطت بالشهر السابع بس ما خبرت احد وكملت على اساس اني حامل و يوم انولدت يا قمر لقيتك

صرت بنتي هههه .... على فكرة أمك كرهت ابوك والدنيا كلها راحت وطلبت الطلاق عجزت تعيش مع ابوك

اللي انجن عليها وكره السعودية كلها من بعدها استغفر الله بس من حالتها مجنونة من جد طينت عيشتنا الله

لا يذكرها بالخير بوقتها بس تصرخ ماننام لا ليل ولا نهار من حالتها النفسية ههههههه


زينة تبكي بقوة ( ياقلبي يا امي كل ذا فيها بسببي ولا حسيت ....؟ اخ امي فيها قصور عقلي نفس التشخيص

اللي صار لي في ايطاليا وذا المرض وراثي ...عشان كذا قالوا لي الحمل خطر عليك بصير نسخة مكررة من

امي..أخر شيء اتوقعه اني اتسبب بحياة احد ثاني غير بندر بس بندر كمل حياته و لقى غيري ولا همه بس

هالمسكينة اللي يقولون انها امي وش حالتها يا ترى الحين ...؟)

مضاوي تقرب لزينة : هاه زيون ماتشوفين معي حق باللي سويت ,,,. خصوصا وان ابوك تزوج علي وحده

ماتسوى من مستوى اقل مني ماديا وثقافيا و أجتماعيا جرحني بقوة همشني يوم حب ليلى اللي مدري من وين

طلعت لنا بالقصيم ......؟ وطار معها و نسى ان عنده زوجه وولد والمشكلة انها كانت ارملة ومعها ولد وبنت

زينة تبكي بصوت مسموع ( يالجرح اللي يرعد في سماء قلبي كل ذا ينتظرني وانا مادري ليتني مادريت عن شيء )

مضاوي قبل تطلع : كلمة لبدر تأكدي بتنحرمين من شوفة امك طول عمرك ويمكن ابوك بعد ..اعتقد اخوانك

اللي من المجنونة امك ليلى يكفونك عن ولدي بدر ههههههههههههه

<<>> زينة تجمدت ....اخوان ... انا عندي اخوان غير بدر ...مين ...؟ وينهم ..؟ أنا بحاجة اخوان و خوات والله بس مابيهم اللي باعوني و اتركوا مضاوي تتلاعب فيني ملعون ابو الحال اللي يخليني افكر بأم باعتني لأم حقيرة ثانية و إلا أخوان تركوا الدنيا تصفع فيني ولا فزعوا لي ...!! >><<<
.



زينة تنهدت و ناظرت بتحدي : اوعدك مافتح فمي بحرف

زينة راحت لغرفتها بسرعه

حطت راسها على السرير تبكي تبكي بحسرات و هاهي شهقات الألم و زفرات الصدمة تعلن عن وجودها

السافر في سماء جرح زينة


زينة بدت تعذر ابوها على بعده و عدم تدخله في شؤونهم ...!!

العشق يسوي ألعن من كذى يابوي ...! ماتنلام الديار من عقب الغالين ماعادت بمرغوبة ...

اشوف بنفسي ..!

أخ يا زينة وش تهوجسين فيه ...؟ بأي جرح بس ..؟ ياكثر جروحك ...!!


^^^^^

(5)

<< عندما يترنم الجرح على بقايا الذكريات ...

عندما تتصدر الشجاعة لائحة أفعالنا .....>>><<





من بين زحمة الوجوه ...و تخالط الأنفاس ...!


في مطار الملك خالد



وصلت رحلة بدر

وكان بإستقباله بندر وسعود ووحجرف ونواف

وكان خالد مسوي عزيمة كبيرة لرجوع بدر بالسلامه والجميع كان يتوقع قرب موعد زواج بدر وإبتهال لذا

لابد من هالعزيمة

وصل بدر وخطت رجله على ارض السعودية اشتاق لها كثير ..

بدر صاير شكله مره جنان روعه جنتل مان ..... لابس برمودا بيج في تي شيرت فستقي ونظاره شمسية من"

امبريو ارماني "

مشى بدر ومعه شناطه ....

شافه سعود من بعيد واشر له ابتسم بدر بثقل وقرب للشباب

استغربوا الشباب

بدر يقرب لهم وكان بالقرب منه او بالاحرى ماسكه يده بنت شقراء عليها عباية بس ومعها طفلة صغيرة ..

علامات استفهام على روس الجميع

نواف مندهش : اقول ياشباب متأكدين انو ذا بدر

بندر جته حالة دلاخه : يشبهه سبحان الله يخلق من الشبه اربعين الخالق الناطق تقول بدر

حجرف : لا والله انت واياه اقول اسكتوا ذا اهو بس قولوا مين ذاللي معه

سعود بحزن يناظر في بندر ويقول : تتوقع يسويها بدر

نواف يناظر فيهم وكأنه يترجي ان ظنهم يخيب فعلا

وصل بدر والجميع سكتوا

بندر : ياحيا الله بدر الحمدلله على سلامتك

ضمه وسلم عليه

والجميع سلم عليه

نواف الانسان الفضولي صاحب الحس الرائع ذبحه الفضول بس يناظر البنت

نواف يهمس لحجرف : اقول حجرف البنت لاصقه فيه للحين وش قصتها لا تكون زوجته بس ياويلي على

اختي,,,

حجرف بهمس لنواف : انطم طيب عشان نعرف

بدر : صح شباب نسيت اعرفكم ................ زوجتي ايليانا وبنتي روز


ص صدمة صدمة دمة

على الجميع والاكثر تاثر سعود

سعود بعيون حزينة غير مصدقة : زوجتك !!

بدر يناظر في اللي يمرون لانو منحرج مره : أي زوجتي متزوج من 3 سنوات

صدمة قويه عنيفه ......

وضحت على وجوه الشباب ككل

بندر يبي يغير الموضوع : طيب طيب يلا تأخرنا ياشباب يلا بدر حياك الله و الحمدلله على السلامة

كانت ايليانا تبتسم للجميع ( ماتعرف وش سببت لهم اصلا ) ...

"

"

إبتهال في المستشفى اغمى عليها اول ماعرفت بالسالفه << - - تنرحم حتى التجهيز مخلصه ( ماحب

اتطرق للوصف الدقيق و تجسيد حالة إبتهال لإن الرواية مابيها تنطبع بطابع الحزن زيادة ) ... وعندها

امها تقرا على راسها

وريم تبكي عندهم ....

بدر ( اخوها الشقيق الكبير) : هاه يمه بشريني عساها صحت ...!!

ام بدر بحسرة : لا والله ياوليدي للحين غاطسه!!

بدر يناظرها : ان شاءالله تصحى كلها وقت وتصحى

ريم : الله ينتقم منه حسبي الله عليه

بدر زعق على ريم : انطمي لا تسمعك اختك وتزيد اسكتي وإلا بوديك البيت

فتحت الهنوف الباب ومعها ضي .....

الهنوف ضمت إبتهال ومسكت يدها وبكت : وشلونها الحين ...

ريم : شوفة عينك

ضي : ماتشوف شر إن شاءالله انها بخير الله يشفيها

ام بدر : الله كريم يمه

ضي : الدعاء ادعو لها بس الدعاء مستجاب إن شاءالله

وقربت ضي تقرا عليها....
الهنوف : والله ياعمري يإبتهال ماتستاهلين اللي صار

وبكت

بدر : لحووول لله والله اذا ماسكت انت بعد لا اوديك البيت سايق انا صرت رايح جاي خلاص توني موصل

ورده ترى البنت اعصابها تعبانه مو ناقصة تزيدون عليها اسكت ذي تجي الثانيه تسوي مناحه

ضي : يابنات تعوذو من الشيطان إن شاءالله انها بخير

دخل سعود ونواف ،،،،

سعود + نواف : احم احم

ام بدر : حياكم يمه ادخلوا

نواف + سعود : السلام عليكم

الجميع : وعليكم السلام

سعود مسك يد إبتهال و يناظرها : ماتشوفين شر يالغالية

نواف : خاله كيف إبتهال اكلت شيء او لا ؟

ام بدر : والله ماذاقته ابد من ساعة اللي صار اغمى عليها للحين

سعود : مين الدكتور المسؤؤل عنها بروح له

بدر : توي جاي منه

نواف : وش قال لك طيب..

بدر تنهد وقال : انهيار عصبي

ريم والهنوف بكوا بصوت عالي .....

مسكهم بدر بقوه << عصب خخ

بدر : نواف ودهم البيت لاشوفهم هنا يالله أنت واياها بسرعة اشوف

نواف << تكرن الثاني بعد خخ : يلا قدامي يلا الشرهه على اللي مدخلينكم هنا بزران حشى مو حريم

طلع نواف ومعه البنات ....

واهم طالعين شافوا خالد تايه ياحرام من الخبه مايدري وين الطريق ،،

نواف زعق لخالد بصوت عالي لين شافه ودله على الغرفة

ركب نواف والبنات معه الاسانسير واهن يبكون للحين

نواف < متكرن وبقوة ما ينلام على اخته : والله لو ماتسكتن اقسم بالله لاتوسد فيكن ضرب قدام الناس

فضحتني خلاص كل العالم يناظرون

انفتح باب الاساسنير وركبت معهم وحده ..ريحة عطرها قويه

نواف تنحنح وبعد عنها وصار عند خواته

بصوت مايع وفاسخ الحياء

(( وش دعوه نواف ماعرفتني ))

نواف بينه وبين نفسه ( ولعنه ولعنتين بعد ذا اللي ناقصني ذاللحظة والله )

ريم والهنوف شدهن الموقف وسكتن ....خخخخخ

ريم بصوت منخفض للهنوف : الصوت مو غريب والله

نواف طنشها

(( مين اللي معاك ريم والهنوف اوووه او يمكن ام لسانين تغريد )))

نواف ناظر في خواته مستغرب مين ذي الحرمه

كشفت وجهها وشافوها

(هبه)

صدمه على ملامحهم

نواف بإحتقار يناظرها : بصراحه يعني تعرفين في ناس على طول ينسوون

هبه : قالوا لي انك كبرت قلت بطلت حركاتك الصبيانيه واثاريك زايد فيها

نواف << ماله خلقها : عن اذنك مشوارنا قريب

وطلع خواته ونزلوا مع العلم انهم بالدور الثاني

نزلوا وقطعوا مسافة بالمشي خخخ

اخيرا ركبوا السياره..

ونواف طول الوقت يتهدد فيهن اذا ماسكتن

ركبت الهنوف قدام وريم وراء ....

نواف << ينقاله بيرحمهم : وش رايكم اعشيكم على حسابي ..؟
ريم : مانبي عشاء << كم مات يهودي خخ غريبة

الهنوف : ودنا البيت ومشكووور << غريبة اقتنعت انه عندها إحساس خخ

نواف يربط حزام الامان ( لانه لمح نقطة تفتيش ) : الشرهه ميب عليكم على اللي مسوي حاتمي معكم وإلا

انتم حدكم البيت اصلا... بس عاد كرما مني ورأفه مني بحالكم المنهار والمتدهور ابعزمكم إن شاءالله يلا

لعيونكم الممغطة في مطعم البلورة
الهنوف تراوي خخخ : وش رايك ريم ......؟

نواف : خلاص مافي امل ترفضن رايح رايح إن شاءالله ...بس عاد مو تتشرطن بالاكل وتجيني فاتورة تقص ظهري ههههههههه
الهنوف : دامك عزمت تحمل النتائج هههههه وبعدين تعال كاني سمعتك تقول عيوننا ممغطات احوليت او

وش السالفه ..؟

نواف :خخخخخخ ومن تو ساعه على بال ما تطلعين ذالعبارة على اساس ان عندك إحساس تدرين وربي

ذكرتيني بواحد الله يشفيه كان أطرم " اخرس" و بالحصة الثالثة انسرقت فسحته وقوم الدنيا كلها

الهنوف : ههههههههه احمد ربك على العافية زانت علومك سارق فسحة التغ مدري اطرم وبتعزمنا مسوية حاتمي

نواف : ههههه الحمدلله يارب على العافية و بعدين مو بأنا يالهبله شهادة حق إني و حجرف فزعنا له

الهنوف : هههههههههه لابد يفزع العرق الحاتمي يعني ^_^

ريم : ههههههههه بنشوف هالحاتمي الليلة

نواف : والله شكل هالبزارين قلبوها جد ههههههههه

"

"

"


(6)

في بيت ام بدر


دخل بدر ومعه ايليانا زوجته وبنته روز ...

>> بدر أعلم مدى عمق الجرح الذي بزغ في سماء الرياض هذه الليلة ...؟ >><



ياقلب طالت قسوتك وأنت لين
في قسوتك ياقلب ويش انت لاقي !؟
اللي تعدى عمر ماهوب هين
والعالم الله كم من العمر باقي !
يمكن يطول .. ويمكن اليوم أعين
موتي .. ويبكون الحبايب فراقي
وش عاد أسوي وسط قبري وأزين ؟!
لاجفت عروق .. وعيون .. وسواقي
لا عاد به فرصة عشان اتحين
ولا عاد به زفرة وأفك اختناقي
باكر وكل اللي سترته يبين
وانا على هالحال ميس وهاقي
مدري متى يهديني الله وأدين
وأكف عن بعض المشاوير ساقي !


فهد المساعد

تخيلوا شكل امه طايره من الفرحه بحركة بدر ماتعرف ليش انبسطت مره بشوفته هالمره بالذات .... ؟

جلست معه ورحبت فيه وعزمت تسوي له حفله راقية اهو وايليانا جلست بنته في حضنها ....

وخذي دلع وخذي غنج

بدر كان جالس وقلبه قلق مايعرف وش ينتظره للحين ... ؟

هل توفق في ذالقرار ...؟ وإلا تسرع و ظلم قلب إبتهال معه ...؟

" طيب أنا احب ابتهال و شاريها بس ..؟ مدري منيب قادر ابرر حركتي والله "

اهو قرر يريح حاله من العذاب اللي كان عايش فيه ويعلم الناس بالامر الواقع .... واللي شجعه وجود طفله له


دخل فواز راز عمره ......

فواز : احم احم

استغرب بدر من وجوده وناظر في امه وقال بإمتعاض : ذا رجلك؟

امه بحرج : أي هذا زوجي فواز .......

بدر يقزه فوق تحت ( لامحه أنا بس وين وين ..؟ يلعن شكله ورع صغير وش عاجبك فيه يمه )

بدر وقف وبين طوله ولا يزال يتأمل فواز : حياك الله بس عاد لعلمك البيت فيه محارم يعني الله لا يهينك

تنحنح او حتى لا تدخل في البيت الداخلي مفهوم

فواز ( يتأمل بدر بنفس النظرات و هو يتعهد نظرات الكراهية له .. من أولها بتسوي كذا بس أنا لك )

ارتفع ضغط فواز بس جامل عشان مايخرب خطته اللي بناها بشهور ابتسم و قال : ولو تأمر امر يابدر وش

دعوى انت ولد الغاليه << يدقه ^_* اني اخذت امك يعني

بدر ماجازت له هالكلمه ( ملعون ابو اليوم اللي جمعني فيك تذكرتك أنت أكبر داشر بالرياض وشفتك كذى مره

بإستراحة من سنين بس وش جابك وش طلعك من جديد بحياتي ) وقال وهو يتأمله : بدون مجاملات يلا

نروح مجلس الرجال..

"

"


(()) لامن صفعني الوقت اهديته ورود ...و لا هاج موجه اطعنه بإبتسامة (())


نزلت زينة تحاول تكون طبيعيه قد ما تقدر كل ما تتذكر تهديد مضاوي لها

شكلها مره كيوت ماتدري ان بدر وصل ...

نزلت وشافت ايليانا جالسه عند امها قالت اكيد ذي من صاحبات امي بنحاش قبل تشوفني بعد ..

تعدت زينة بسرعه قالت ايليانا بصوت عالي : واو ذز از بدرز سيستر...

مضاوي : يس .....

نادت مضاوي زينة بصوت عالي

مضاوي : زينة زينة

"زينة تخدرت لانها سمعت ايليانا تقول ان ذي اخت بدر ... وش معنى بدر بالذات ليش تعرف بدر "

قلبها صار يضرب بقووووه ....

ناظرت زينة بإنكسار بمضاوي وقالت : نعم

مضاوي : سلمي على زوجة بدر

ص صدمه دمه

زينة قلبها عورها وقالت بلا مبالاه و إمتعاض : ايش بدر متزوج .... ؟
وناظرت ايليانا بصدمة

مضاوي قالت لإيليانا : شي از لاف هير فاذر بدر سو ماتس سو شي كانت بيليف يور ميراج

ايليانا : اووووووه شي از رومانتيك قيرل

زينة انصدمت بقوة و

لا قدرت تستوعب الصدمة ....

صدمتها بعمرها كفايه ... ليش يا بدر سويت كذى ليش انت واعي ومثقف ليش هدمت حياتك بيدينك مو كفايه

اختك تبعثر حظها انت بعد .... ؟؟؟

زينة بحسره لزمت صمت حزين جدا لا تزال تفكك رموز حياتها التي تتشابك يوما تلو الاخر

مضاوي قربت لها : شغلك بعدين اوريك ليش تتصرفين كذى مع الحرمة الظاهر اني استعجلت وطلعتك من

المصحه لو انك متنقعه فيها للحين احسن او يمكن مادري انك ماتبين تشوفين بدر ؟

زينة ألمتها كلمات مضاوي وزادتها حزن

بدر بلهفة و شوق فظيع يسحب خطاه : اووووووه هلا والله زينة وحشتنيني موووووت

زينة نطت لبدر بقوه وضمته وبكت بحسره : وانا بعد اشتقت لك مووووت

( بكت بقوة)

( تذكرت كل البلاوي اللي صارت لها )

" وينك وينك ياخوي ياعزوتي وينك ...؟ ماتدري وش اللي صار لي ..؟ أنا اموت كل لحظة مليون مرة ..؟ "


بدر يضمها : بجد لك وحشه يالدبه هاه اشوف وراك ناحفه ،،،اخاف مجوعك بندر بس هههههه << مايعرف انه طلقها

زينة واهي تبكي مسحت دموعها : بدر ليش سويت كذى ليش ..؟

بدر حزن وتكدر ومسك يد اخته واهي تبكي ...

مضاوي قاطعتهم : زينة خلاص عيب اتركي اخوك مالك شغل فيه اهتمي بنفسك وبس فاهمه

بدر بحنان على زينة : يمه اتركيها خليها شكلها تعبانه مره بوديها المستشفى

امه : أي مستشفى خسرتنا تونا مطلعينها من المستشفى ولا نفع فيها

بدر : اعوذ بالله ليش ماقلتوا لي طيب انها تعبانه لازم لازم اوديها

امه : ياشيخ اجلس مع زوجتك بس اختك لسى مطلعتها من مستشفى الصحة النفسيه

بدر انصدم و عصب بقوة : ايش صحة نفسية زينة وصحة نفسية ليش ؟

امه بشماته : وجلست فيه 6 شهور

زينة برد جسمها وتفطر قلبها تركت بدر " كلمات امها جرحتها بزيادة "

وطلعت لغرفتها فوق واهي تبكي بقوه

بدر بعصبية : وبعدين جرحيتها بكلامك هذا يمه الله يهديك بس

امه : ولو يابدر ذا وانت دارس وافهم عادي الطب النفسي مو عيب

بدر بعصبية : ولو كان المفروض ماتحسسينها انها مريضة حرام يمه بعدين وش فيها ميب عاجبتني وش

صاير لها

امه : الظاهر انك استخفيت من جلستك برى نسيت من تحاكي انا امك يافندي

بدر : على عيني وراسي بس حرام يمه زينة شكلها مره رايح فيها و ش فيها بالضبط ابي اعرف

امه: من يوم ماتركها الخبل ذا واهي فاقده عقلها لا وازيدك من الشعر بيت من يوم انها عنده واهو كارشها

وموريها نجوم القايله

بدر منصدم بقوه كأن احد صفقه بلوح خشب على وجهه : ايييييييييييييييييش بندر يسوي كذى مستحيل يمه

يمه تكفين قولي غير كذى

امه : اطلع لاختك واسالها انا محد يصدقني لانت ولا اختك هالمجنونه الحمدلله والشكر

بدر : يمه رجاء لا تخلطين بين شيء وشيء

طلع وراح لزينة فوق و تجاهل ايليانا تماما ...

ايليانا : واتز رونق ..؟ واتز هبن ..؟ اي ونت تو نوووووى ذا متر اوف ذز تايم ؟

مضاوي : بليز دونت ووري ، اول ان اول ذير ار سوم تروبليز بيتوين ماي ميمبرز اوف فاملي

ايليانا ارتاحت شووووي وراحت تلعب بنتها واهي تنتظر بدر اللي تجاهلها مره لانو يحب زينة كثير...

بدر عند زينة في غرفتها..

يحاول قد ما يقدر يضبط مشاعره عشان مايتهور وينقهر لو سمع انها متكدره او تعيسة إلا زينة بالدنيا

ماعندي غير أخت وحده ...!

تشجع و اخذ نفس عميق و دخل

بدر فتح الباب وسحب خطاه لحد ماوصل عند زينة اللي بدت تناظره وتحس بالأمان حواليها

بدر وهو يأخذ صورة ابوه من دسك زينة و يتأمله : زينة وش السالفه بالضبط ..؟

زينة بصمت تناظر وجه بدر و استدركت : ولا شيء يالغالي بس ولهت وحشتني مره اول مره تطول 3

سينن يالقاطع

بدر رجع الصورة : ايه بس كنت بعد معودتنا تجين تطلين بين فتره والثانيه

زينة تبتسم : ان طليت سنه سنتين ماراح اطل الباقي

بدر تنهد و رفع راسه ناظرها جلس مقابلها : زينة وش مشكلتك مع بندر بالضبط ...؟ أنا اخوك ابي اسمع

منك قبل اضطر واسمع منه اهو

لاحظ بدر من اول ماجاء انو زينة مو طبيعيه ولها حركات ناس عندهم اضطرابات نفسيه خصوصا وانا ذا

تخصصه في الدراسات .........ماعندها ثقة ابد عكس زينة الاولية

بدر : ساكته ليش لا تقولين مافي شي فيه بس قولي ..؟ وأنا منيب بستجوبك ابدا بس حريص اعرف صحيح

توني دريت ومتأخر بس للحين كاني مابعد استوعبت ( منفعل بقوة)

زينة : وش اقول خلاص بدر مافي نصيب وتطلقنا

بدر مسك راسه و انفجع : تطلقتوا طلاق مره وحده متى ليش محد قالي طيب ليش يوم احاكيك تصرفين ليش

كل ما اسأل امي عنك تقول انك طيبة و مبسوطة ليش خبيتوا علي ليش ...؟

" زينة يا بدر اجل لو تدري عن الخافي وش بتكون ردة فعلك بعد ... بس أنا عشانك لايمكن اخل بوعدي مع

امك اللي رمتني بين المجانين و سببت لي جروح ماتنعد "

بدر : ساكته يعني ... من متى طيب ياسفاه بك يا بندر بس ( منقهر بقوة ) من متى ؟


زينة بحزن : من زمان يمكن من سنه وشوي او سنتين تقريبا

بدر : لحووول استغفر الله العلي العظيم طيب ليش تطلقتوا ...؟

زينة عجزت تسيطر على نفسها وسكتت

بدر فهم موقفها وقال : اوكي مو مشكلة اذا حبيت تقولين أي شيء قولي لي انا موجود

زينة بحيرة مختلطة بالأمل : انت هنا على طوووول

بدر : إن شاءالله ....هاه بعد تبوني اروح عشان لو يموت احد بعد ما تقولون لي من جد مالكم سنع حسستوني

اني زلابه من جد كنت حاس إن فيكم شيء خصوصا إنت بالذات ... وأول ماوصلني الخبر انو امي تزوجت قلت

ضروري انزل خصوصا اني خلصت دراستي مع انو هناك وصلني عرض راقي جدا بس ما هنت علي ابد قلت الوالدة تزوجت ( تنهد بحسرة ) واكيد راح تنشغل عنك ذا وأنا حاسب حساب إنك للحين مع بندر

زينة جروحها زادت ..تحس طاري جروح بندر الحين ولاشيء بالنسبة لجرحها الكبير وهو جرح مضاوي

زينة بحيرة و تساؤل : بدر ليش تزوجت ..؟

بدر سكت شوي وقال: نصيب يازينة ومكتوب علينا

زينة : بس انت مرتبط قبل ومتملك على إبتهال واهي تحبك مره

بدر حزن : ماتستاهلني ابد والله تستاهل واحد احسن مني

زينة : بس تحبها كنت تبيها وش غيرك ؟

بدر : شوفي زيون احيانا الواحد منا يسوي اشياء غصب عليه مايدري بحاله واهو سواها ولا ينتبه إلا اذا

طاح الفاس بالراس ...... ماعليش هذا حظي وانا رضيت فيه

زينة : يعني مجبور على زوجتك ذي

بدر :: لا بإخيتاري وذي صديقتي بالكلية وصاحبتي من زمان ساعدتني بكثير حسيت انها عوضتني عن ايام

الغربة اللي هناك والأهم أم بنتي

زينة فتحت عيونها : وإبتهال

بدر تحركت مشاعره وقلبه تفطر : إبتهال حب عمري ومستحيل انساها

زينة بدهشه : يعني تحبها

بدر: اكيد زينة واموت فيها بعد

زينة : ليش تجرحها طيب وتسبب لها ازمة ...؟

بدر : قلت لك غصب غصب احيانا نتصرف بدون ماندري بعدين إبتهال انا شاريها واذا رفضتني فلها الحق

وتستاهل اللي يقدرها اللي اطيب مني

زينة : ماعندك استعداد تدافع وتأخذها لك يعني

بدر : بالعكس بس خايف اني ارهقها نفسيا

زينة ارتاحت لانو بدر جلس معها وصا ر يسووولف لها ...

"

(7)


بندر


محتاجك محتاج اشوف عيونك
محتاجك . محتاج اشم هدومك
محتاج اشوفك يا ضوى عيوني
قلبي و روحي عنك يسألوني
مثلي تبكي لو نسيت
مثلي تسهر لو غفيت
وشلون انام الليل من دونك
وشلون اغفى وانا من دونك

محتاج حبك يجي يدفيني و ارتاح
ادفع حياتي ثمن بس يرجع ال راح
مثلي تبكي لو نسيت
مثلي تسهر لو غفيت
وشلون انام الليل من دونك
وشلون اغفى وانا من دونك


" جلس بندر في المكتب في الدوام يتذكر زينة واهي بحالتها الهستيرية اللي شافها فيها يحزن قلبه وتتقطع

احاسيسه !!! "


" كيف بس جرحتها وسببت لها الالم ليش ضيعتها من يديني .. ملعون ابو الكرامة اللي تعمي القلب ..وش

استفدت الحين كرامتي معي فوق بس قلبي تحت تحت "

" اخ ياقلبي بس والله اني محروم وبقوووه "..( يتمنى لو انه قريب لزينة يجلي همومها )


بندر راح للمستشفى كذا مره وعرف انو زينة غادرت واخذها زوج امها فواز طليق هبه سابقا ..

" بندر يفكر كيف بس ذالخسيس يطلع زينة بأي حق و أي شرع ...مبسوطة يا مضاوي عشانك قربت هالحثالة

منك ومن زينة ...؟ زينة حرام تطلع على مسوؤلية ناس بهالأخلاق ... أنا السبب .. أنا المسؤول ؟ "

ذبحته الهواجس مايعرف وش تسوي....؟

وش اخبارها طابت او لا....؟

عقلت او بالفعل اهي مجنونه ,,,؟؟

" اخ وش موقف بدر اذا عرف بتصرفاتي مع اخته اللي حلفت له اني اصونها واحطها بعيونها اكيد بيحتقرني

واطيح من عينيه " ....

بندر حاشته نوبة الصداع العنيفة اللي كل مره

الرؤية بدأت تتلاشى شيئا فشيئا

كل ماحوله يوحي بعتمة لا يميز منها سوى وجه زينة المرهق الذي يرافقه في جميع حالاته

سحب اول درج يبحث عن أي مسكن ....او مضاد .... لم يجد !!

سلطان دخل للتو

سلطان : عسى ماشر ..؟ ( نزل الأوراق )

بندر مصدع بقوة يضغط براسه بكلتي يديه

سلطان مسكه : لا أنا قايل لك ذالوضع ماينسكت عليه ابد

بندر بإرهاق : لا تكبرها صداع و يمر كالعاده

سلطان : يعني تتوقع اني بخليك يالله قم بس

بندر بتضجر : سلطان ترى والله مالي خلق اخذ واعطي أنا بطلع طيب

سلطان : والله مانتب طالع إلا ورجلي على رجلك يالله فز

بندر اشتدت نوبة الصداع على راسه و بدأ يضعف

أكثر من الإستغفار

سلطان يأخذ بيديه لاقرب مستشفى
-
-
-
-
عند الدكتور

الدكتور : وش قصتك يا بندر هههههه صاير شاعري او ايش بالضبط ..؟

سلطان يبتسم : انا قايلن لوه انو موب خالي الرجال << قصيمي ^_^

بندر ( تذكرها ....من كثر ما يفكر فيها هالصداع صار يخمه بشكل متواصل ...وزادت نوبات الصداع المزمن )

الدكتور : إن شاءالله انك طيب بس لابد فوصات عشان نتطمن اكثر

بندر بقلق : انت شاك بشيء

الدكتور يناظره : لابس من باب التأكد وش بيضرنا نسوي فحوصات اضمن

بندر ( الله يستر ياخوفي بس ) : الله يقدم اللي فيه الخير للجميع

الدكتور : تفضل معنا نسوي الفحوصات والنتايج في وقت لاحق بإذن الله

بندر بحذر : لا تتعب عمرك يادكتور ما يحتاج أنا بإذن الله بطلع احلل و اشوف برا اضمن

الدكتور : لا ابد ترى السالفه ماتستاهل يا بندر بس مجرد فحوصات ..؟

بندر : خير إن شاءالله

طلع سلطان و بندر ...

سلطان : شف مايمديك تقول أي شيء معزوم على الغداء عندي

بندر : وربي انك رايق يا سلطان مصدع و تافل العافية بجد وتقولي عزيمة وغداء

سلطان : والله موب شغلي عاد تجي تجي تذوق طبخ امي

بندر : ههههه قصدك عمتي تدري انها كانت زوجة عمي سعود

سلطان بتريقة : بالله عليك جد توني ادري خخخخخ

بندر : هههه مالي خلقك والله

سلطان : تدري لو ان اختي ما ماتت كان والله ما ازوجها غيرك بس يالله قدر الله وماشاءفعل

بندر : احلف بس تبيني اخذ اخت زوجتي ( تنهد) او طليقتي

سلطان طق جبهته : اوووف نسيت خخخخ بس عاد طليقتك كان مابه شيء لو تأخذ اختها

بندر : ياشين اللي يتفلسف وترا اختك ميته ازعجتنا فيها وهي ميته كيف لو هي عايشه

سلطان يهيم : اووووف بس لو هي عايشه كان وربي لا اعيشها برنسيسة ارفع لها راسها فوق في كل مكان

أنا عندي اخت وحدة بس و اشوفها دنيتي كله كيف لو عندي ثنتين كان اصير ملك خخخخ

بندر يبتسم : الله يخليك لكل عين ترجيك

سلطان : اقلط اقلط حياك وصلنا ترى ماحولك احد مافيه غير الوالدة هههههه

دخل بندر و جلس في مجلس الرجال

و ها هو سلطان معه القهوة ....

يسولفون ,,

سلطان : إلا ما قلت لي وش صار على رهام ..؟

بندر عقد النونة : أي رهام ..؟

سلطان : خخخخخخخ اللي حققت معها بالصحة

بندر : ايه خلاص تقفلت القضية البنت تدافع عن شرفها و حكم القاضي بالعفو عنها

سلطان يتذكر ( البنت اللي شافها وذكرته بموقف سبق و ان مر عليه ) : طيب و صديقتها اللي كانوا بيرتكبون

فيها ابشع جريمة الله لا يوفقهم

بندر سكت واكتفى بالصمت ( تذكرها)

سلطان : ياولد فنجالك خخخ وش فيك ترا الدكتور عبدالعزيز موصيني عليك مانيب مستعد ابتلش معك كل شوي لا تمسك خط و تهوجس

بندر : يابن الحلال والله يعين بس متقفلة والله

سلطان : بندر ياخوك حنا اخوان دنيا وقبل ذا وذاك بيننا معرفة يعني وش بلاك متكرن .. قلي وش فيك انا ملاحظ بس احترمت رغبتك بالصمت ..؟

بندر رفع راسه و مازال صامتا

سلطان : عندك مشاكل ..او ظروف صعبة ..؟

بندر ناظره يتأمله ( ليش ر سمة خشمه تذكرني فيها ) ابتسم له : تصدق انك تذكرني بشخص غالي علي

سلطان : هههههههههه بالله عليك واشوفك ميت علي و متغدي عندي اليوم لا تتعودها بس

بندر مازال يتأمله

سلطان : ههههه شف اجل مايمديك ابد على هالتأملات بتقولي وش بلاك ..؟

بندر تذكر همه : يابن الحلال وش اقول ووش اترك لاتدخل عصك بشيء مايخصك اريح لك !

سلطان : والله غير تقولي حلفت منيب صايم 3 ايام

بندر بألم : وش اقولك ياخي والله لساني مدري وش فيه اذا تذكرت السالفه اصلا ينعقد لساني

سلطان قرب له : وش السالفه ياخوك ابشر بالفزعة

بندر يناظره : ماتقصر ياخوي بس

سلطان قاطعه : وش السالفه ؟

بندر ظل صامتا لفترة

سلطان : قلقتني والله

بندر : تتذكر البنت اللي قلت عنها تو

سلطان بإهتمام : صديقة رهام ( هامته مره بعد)

بندر : ايه ماغيرها

سلطان بإنفعال : لا تقول لحقوا هواهم وراحت فيها البنت ترا بقطع شعر راسي وقسم

بندر يناظره : وش فيك تفاعلت كذا اصبر

سلطان : لا بس ياخي قهر كل ماتذكرتها انقهر ذكرتني بموقف لا يمكن انساه طول حياتي

بندر بحيرة و غيرة : انت شفتها ...؟

سلطان اللي وقف : ايه شفتها و تحرك قلبي بقوة يوم شفتها احس هالبنت تهمني مدري ليش يمكن لانها ذكرتني بأمي بموقف من المواقف

بندر بكتمة فظيعة : كيف ..؟

سلطان بإهتمام : وش فيها هالبنت ..؟

بندر يناظرها بحزن فظيع ( مستحيل اقوله السالفه صرفه يابندر بس ) : مافيها شيء بس قالقتني شوي افكر وش صار عليها

سلطان : بندر من جدك هذا همك اللي قالب حالتك فوق تحت

بندر عيونه تنطق بحكي غير : هذا كل همي

سلطان : وش صار عليها طلعت او لا طيب ماتدري ...؟

بندر لاحظ إهتمام سلطان : اعتقد طلعت

سلطان : تبي الصدق أنا رحت بعد و سألت قالوا لي إنها طلعت على كفالة فواز بن ... ال .. غريبة ياخي انها

من عائلة كبيرة مثل عائلة فواز ال... و ذابينها بمصحة وين الرجال والله ضاعت المرجلة

بندر ( تكفى يا سلطان لا تزيد جروحي لاهنت ولا تذر الملح على الجروح ) عاوده الصداع المزمن بقوة

سلطان : بندر رجع لك الألم صح ..؟

بندر اللي بدأ صوته يخفت : لا بس وين المسكنات ...

سلطان يدور مالقى شيء

سلطان : اعتقد دخلتهم معي بروح لأمي انشدها

سلطان دخل لامه واخذ المسكنات

امه تسأل بالإشارات فيك شيء

رد عليها سلطان بالإشارات مافيني شيء صديقي تعب و ذالمسكنات له !!

امه رفعت يدينها تدعي له إن الله سبحانه يشفيه

طلع سلطان بسرعه ولقى بندر مغمى عليه

أول مره يشوفه كذا ... خاف مايعرف كيف يتصرف !!

حاول يرفعه بيوصله المستشفى

إلا بدخة امه

أمه بعلامات الضيق و الدهشة تحاول جاهدة مساعدة سلطان في إنقاذ بندر

سلطان : يمه ابد ما يحس بوصله اقرب مستشفى ....

سلطان وامه ارتبشوا بس ماقصروا بسرعه تصرفوا

فتح بندر عيونه

استعاد الرؤية الضبابية

" نبضات قلبه انتظمت بلحن جميل استباح من الجمال أروع مثال "

دفعته خلجات جامحه لإستعادة شيء من صحته

بندر يناظر برؤيه ضبابية " ألمح وجهها ..يارب تعيني حتى هنا اتخيلها ليش مابعد نسيتها ..يارب إنها بخير يارب ...بس هذا وجهها والله "

تحرك بندر و صحصح استعاد الرؤية ..

عيونه لا تتحمل الموقف

زينة

زينة

قدامي هي اللي اسعفتني بعد الله سبحانه ...

" لا يزال يتوهم "

لا هي زينة والله

صحصح

ليلى غطت وجهها بشرشف الصلاة

ليلى بالإشارات تسوي حركات اجلس خلك مرتاح لا تتعب عمرك

سلطان اللي وصل السيارة لعند الباب عشان يأخذ بندر

سلطان ابتسم : صحيت الحمدلله هاه كيفك

بندر " لا يزال اسيرا لزنزانة الرؤية التي راها أول مافتحت عيناه "

بندر بلم بصمت ولا يزال يتأمل أم سلطان

سلطان : هييييييييه يا ولد وشلونك انا هنا ناظرني اترك امي عنك ..؟

بندر يناظر سلطان بدهشه فظيعة : وشو

سلطان : خخخخ وش بلاك انت كيفك الحين ( حط يده على جبين بندر ) منتب محموم ماعليك حمى يعني

بندر بدأ يستوعب اللي صار له الموقف اللي يوجهه كذا مره حالات الإغماء والله يعين

بندر وقف : قلت لك بروح البيت و اصريت

سلطان : الله يجزاك خير رجيت قلبي انا وامي

بندر تلقائيا تذكر وجه ام سلطان ( الخالق الناطق زينة والله وقسم ) ناظر أم سلطان : الله يجزاك خير يا خاله

ما قصرت والله

سلطان : امي ما تسمع بس انا اوصلها بالإشارت .....

بندر لا يزال مذهول

سلطان : يالله امي تقول مانبي غير الدعوات

بندر مازال مبلم : الله يجزاكم خير .....

بندر : يالله انا بطلع الحين

سلطان : احلف بس و مصدق اني بتركك تسوق وانت توك منعنش امش بس

بندر ابتسم : الله يجزاك خير

رجع ناظر ام سلطان و رفع يديه بمعنى بالأذن

طول الطريق و بندر مذهول ... صامت ..... يحاول يربط بس مافيه أي رابط للأسف !!

أأه يالحنان أأه يا زينة تخيلي في كل الحالات اتخيل وجهك حتى أم صديقي شفت وجهك بوجهها !!

وصلوا بيت بندر

نزل بندر : يالله الله يعطيك العافية ومشكور وسلامي للوالدة

سلطان يناظر جواله جاه إتصال من حجرف ^_^ : بندر وش قصتك مليون مرة قلت لي الوالدة والوالده تدري امي لو تدري انك من ال .... كان سحبت عليك ويمكن منعتني اماشيك خخخخخخخخ

بندر ابتسم : للحين منيب فاهم تخوف امك مننا

سلطان يناظر جواله يقرأ مسج حجرف خخ : والله ما تنلام حملت وماتت بنتها و امي عاد تعرف ظروفها النفسية يعني

تتوهم ان البنت انخطفت على كلامها تقول شافت الممرضة تأخذها و احيانا تقول انها مابعد ماتت عايشه للحين

و الشيخ يقول لنا شيء طبيعي تقول كذا هذا ردة فعل للمرض النفسي اللي فيها

بندر شرد و مسك خط : الله يخليها لك

دخل بندر بيته ... ولا يزال غارقا في دوامة الفكر ومحاولة الربط ولكن لا رابط ابد .. وش قاعد تخربط بس !!

عاوده الصداع المزمن وبقوة هذه المرة

بعد مرور ربع ساعه

مرت صوفيا اللي وصلت للتو بالصدفة وشافته طايح راحت له واهي تدعي انو يكون ميت عشان تفتك منه

وترتاح ..... لانو عيشها بسجن مثل مانعرف كانت عايشه حياتها فري اوفر
كبت عليه مويا وصحى بشويش اشر للحبوب اللي على التسريحة جابتهن له واكل وحده وصحصح شوي

شوي ......بعد ما ارتاح و استعاد نشاطه شيئا فشيئا

صوفيا : من كثر التفكيررر ارهقت عمرك

بندر ساكت ولا يرد بشيء ...

صوفيا : ياقلبي مرهق عمرك بوحده خبله نايمه 6 شهور في مستشفى صحة نفسية

بندر ماسك راسه من الصداع : هاتي لي مويا بس ولا يكثر

صوفيا : صدق السعاوده اغبياء الواحد يعذب نفسووه وعمررروه,,,وو

بندر : اولا سعوديين مو سعاودة لالفعك بهالكوب ثانيا لمي شنطتي لاني بسافر الشرقية مع سعود..........

صوفيا: ابشرررر ( ماصدقت خبر )

رتبت اغراضه صوفيا بشكل مبعثر ......

بندر : حتى ذوق ماعندك رتبي بذوووق بدلع ابي احس انك انثى يعني

صوفيا : كركركر ضحكتني احمد ربك اني انا صوفيا ارتب اغراضك

بندر يساعدها في الاغراض : ههههه أي والله اني احمد ربي تصدقين

صوفيا : بتتأخر

..بندر : 4 ايام 5 ايام بذالمحاري

صوفيا : اها...

بندر : بتروحين بيت امك

صوفيا : لاحبي بجلس هنا امي في كازابلانكا صار لها اسبوعين

بندر يناظرها : بالله كيف تجلسين لوحدك ؟

صوفيا : لا بروح عند خالتي ام تركي في بيتها

بندر : حلو...

-

-

بندر قلبه يفتك ألم زينة كل دقيقة والثانية بعيونه واهي في حالتها البائسة

بندر جهز اغراضه وطلع ودع صوفيا ...

ومر على البيت وبوس رأس امه وعضعض ولد اميرة وطلع سأل عن ابوه كالعاده بالمزرعه

راح المزرعة و سلم عليه .....







أتمنى يعجبكم البارت

>><<<< قبل أن أطوي ملف تلك المسرحية الهزلية التي جل ملامحها ... تعكس

خيبة أملي فيك

أرجوك ألا تعيد دور " البطولة " مع شخص اخر ...

لإنه بتصرف ( كفى بالمرء نبلا أن تعد ضحاياه ) >>><<







بدر في بيت خالد .....

خالد : ياحيا الله بدر بشرنا عنك

بدر : بخير ياعساك بخير ........ بشرني عنك انت ..؟

خالد : بخير و نعمه الحمدلله ( حب يده وجه وظهر )

خالد متأثر بحركة بدر باخته إبتهال و يبدو جافا بعض الشيء في تعامله معه

دخل بدر ( زوج ورده ) اللي مره كان جاف مع بدر : حياك الله ياحي الله ولد العم

بدر : الله يحييك يارجال مشتاق لكم والله هاه بشر كم صار معك من بزر ههههههه

بدر ابتسم : ولد .........

خالد : وانا بارك لي جاب الله لي ولد حمودي

بدر : مبروك والله تستاهلوووووون

بدر بسخرية : وانت يقولون ان معك بنت

بدر بألم : أي بنتي روز عمرها سنه ونص

خالد : الله يخليها لك ......

خالد : بشر اخبار الدراسه .. ؟

بدر : ابشرك انجزتها وراح اباشر في جامعة الملك سعود ان شاءالله

خالد : زين والله قريب هنا حلو تعبت ونلت

دخل نواف المطفوووق بسرعه وسلم واهو واقف ...

خالد : اجلس ياخي وراك طاير

نواف قلقان مره : ماعليش اهلي تعبانين وبوصلهم المستشفى

خافوا مره ..... خالد : وش فيك يانواف مين اللي تعبان ...؟

نواف بحرج قصر صوته : إبتهال ..

بدر طار قلبه من ضلوعه وقلبه يضرب بسرعه وقال : سلامتها وش فيها

ناظروا فيه مستغربين ..

خالد : ان شاءالله انها طيبه

نواف : الله أكبر يعني مسوي فيها خايف

خالد خزر نواف بنظرة وطق نواف بكووووعه ...

بدر : بجي معكم ,,,,

خالد من باب الذوق : بس اخاف تتضايق ماعليش بدر انا بطمنك بس مو لازم تجي

بدر بإهتمام : بجي يعني بجي زوجتي وبتطمن عليها

نواف بعصبية : يعني تقتل القتيل وتمشي بجنازته ماتستحي انت

خالد تنحنح : يلا يابدر حياك الله معي بسيارتي نروح وانت يانواف وصلهم بسيارتك واحنا بنسبقكم المستشفى

نواف طلع وكأن السالفه مو جايزة له .......

نواف : بس ماله داعي ترا تجون ( عطى بدر نظرة و سحب جسمه وطلع )

نواف وإبتهال وام بدر ومعهم وردة راحوا مع إبتهال المستشفى..

إبتهال قرر الدكتور ينومها فيها هبووط بالضغط

بدر بإهتمام : طيب يادكتور بليز عنايه مكثفة

خالد : طمن بالك يابدر ان شاءالله انها بخير

بدر يجر خطاه و ضرب يده بقوة على الجدار : تدري ياخالد والله لو يصير شي مانيب مسامح عمري ابد

نواف بإهتمام و نرفزة : لا لا يكون على بالك انها متاثرة باللي صار خرطي لا بس اهي مواصلة مدري

كم يوم وطاحت بس ليس إلا

خالد يعطي نواف نظرة قوية : نواف بالله وصل خالتي ام بدر السيارة ماتدل

بدر : خالد بطلبك طلب قل تم

خالد : سم ياخوي وش دعوووى تراي فاهمك وحاس فيك

بدر : اسمح لي اشوف إبتهال

" أي مشاعر تلك التي بدأت تفتك بثنايا خلجات بدر "


خالد سكت ثم قال : بس خايف عليها تتضايق والله مابي الضيقه لها

بدر : ولا انا بس بطمن قلبي تكفى طلبتك يابو رامي

خالد : وش رايك اقولها طيب ؟

بدر : لا خلها كذى عفوية عشان احسم كل شيء معها ضروري اواجهها صار لي كم اسبوع من ماجيت

وهي تتهرب ابي اشرح لها موقفي عشان نكون على بينة

خالد : توكل على الله بس تكفى اذا حسيت انها تضايقت اطلع وانا اهديها

"

"

>><< أمنية الأمس ..اخشى أنني سأطالبك بالرحيل ..

فما اليوم يومك ابدا ..ولم يكن هناك سبيل ...

أمنية الأمس...ألا تراني وحدي !!

إني اناشدك ..كفى إلحاحا ...فما الزمن عاد بالزمن الجميل !! >>><<<




إبتهال بكل مراره كانت نايمة ...و خيبة الأمل تطبع ملامحها بقوة عليها

حالتها حالة سيئة من نفسية لجسدية لإجتماعية كل شيء مختلط ببعض لانها يحول مجهزة كل شيء واخر

شيء بسلامته يجي ومعه وحده ثانيه كبيرة والله

إبتهال لها فترة تعبانه و متكدرة

كانت نايمة بمفعول ابرة اخذتها

دخل بدر يسحب خطواته و القلق يسطير على مشاعره

يتأمل ملامحها ويأسف لكل نبرة جمال فيها ....

جلس جنبها بوس راسها ومسك يدها

فتحت عيونها بتثاقل

وناظرت في وجه مألوف جميل قدامها

نبضاتها انتظمت بلحن عنيف جدا

بدر نبضاته بدأت تخطو نحو مرتفعات قمم اللهب التي تنبع بالحنان

بدر برومانسية تنطق بريق عينيه : سلامتك يالغاليه

إبتهال تنرفزت وقامت : أنت وش جايبك !

تحس عيونها صارت حاره و قلبها ارتبك و بقوة

إبتهال بنظرة قوية : وش دخلك هنا اطلع برى مابي اشوفك

بدر يناظرها بتأني : بتطمن عليك وإلا مايحق لي

( انسى الزعل ...انسى اللي راح .. انسى الألم ... انسى الجراح ... طمني بس ...طمني بس خلني ارتاح .. )


إبتهال بعصبية : اكيد مايحق لك لو سمحت اطلع برى مالي خلق اتنرفز واخذ ابرة ثانيه

بدر : بس ضروري نتفاهم صار لنا كم يوم واحنا ...

إبتهال قاطعته : لو سمحت اطلع برى وتفاهم مافيه خلاص ورقتي ارسها وخلاص

بدر : مابي اطلقك طيب

إبتهال بتحدي واصرار : مو عشاني طيب عشان اخواني اللي ماقصروا معك بشيء ولا مع اختك بعد

بدر استغرب : زينة

إبتهال بعصبية و تضجر : في غيرها

بدر مو مصدق ابتسم : وش دخل زينة !!!

إبتهال بعصبية : روح اسألها ياخي ترى مالي خلق فعلا خيرا تعمل شر تلقى يعني لاني انا الوحيدة اللي وقفت

مع اختك بمحنتها وساندتها تكافئني انت واياها بكذى وش ذنبي انا طيب

( و بكت)

بدر مستغرب قام و قرب صوبها : مافهمتك للحين وش دخل زينة بالسالفه وشلون نكافئك مانكافئك

إبتهال تناظر عيونه بتحدي وشموخ لا يضاهى : ابي ورقتي وبس عمرك لا تفهم إن شاءالله واللي سويته

فيني ما راح انساه ابد طول عمري..... ( شخصت عيونها بقوة بعيونه اللي كلها تساؤل و دهشه )

بدر متأثر : بجد إبتهال خلاص برسل ورقتك بس وش سالفة زينة ؟ لا تلحسين مخي كذا

إبتهال بعزة نفس : اسألها.....

بدر بحسرة : وشلون اسألها يعني ماتعرفين الحاله اللي اهي فيها ماتتكلم ابد متأزمة

فيها حالة نفسية متقدمة

ماعاد تحكي ابد ابد

إبتهال بعصبية و شماته : احسن ..


صدمة


نبضات قلبه بدأت تعزف أوتار من ألحان الصدمة

بدر انصدم من طريقتها بالرد : احسن قلت ..... ليش وش سوت لك ؟

إبتهال تناظره بشموخ كله جرح : بإختصار يكفي انها اختك وادري متفقه معك عشان تنتقم منا

بدر بحزن ابتسم : انتقم ههههه وش فيك انت ليش كلامك كذا .. وش انتقام مانتقام ...بعدين زينة ماتضر احد

ابد وانت تدرين

إبتهال بسخرية تبتسم : لا والله اسأل بندر واهو يقولك

بدر : خير إن شاءالله وش السالفه صرت كأني خبل كلن يعطيني طرف خيط

إبتهال بترفع : ورقتي لا تناسها ارسلها وخل ام السعف والليف اللي انت جايب تنفعك اللي اشغلتك حتى عن

اهلك واخبارهم

بدر غمض عيونه وقال : المهم انت سامحيني واللي تبينه بيصير انت تستاهلين واحد يقدرك ويحترمك مو

واحد مثلي ................. ورقتك برسلها لك اقرب وقت يالله بالأذن

بدر ناظرها بحسرة تسري في مسارب روحه و اكتفى بالتحديق بها كتوديع مقدس لنهايتهم


تجرحي بإسم المحبة
وبعد غيبة تسألي
ياللي بجروحك كريمة
من متى قلبي علي ؟؟
لا تقولي لي حياتك
وتأخذيني منها
ولا تهدي ذكرياتك ..
وتسأليني عنها
الوداع أخر حروف
في خفوقي شلتها
يا تموت بوسط قلبي
يا أموت إن قلتها
ياللي حبك في حياتي
كان حلم وأنتهى ..


طلع يسحب خطاه


و إبتهال انهارت بقوة فظيعة و دموعها اللي كانت حابستهم في وجوده انهارت دفينة بين ثنايا حزنها

رمت راسها على الوسادة و دموعها غزيرة تبكي واقعها الغير متوقع


"

"

>><< كعصفورة أزالت العواصف أوراقها فغدت كشجرة صفعتها الرياح ، أو اضعفتها لكنها لم تسقطها !

فهي لا تزال تغني ..!!

ففي مواسم الجفاف ...

تجتر حنجرة العصافير ربيعها ...>>><<<




طلع بدر متضايق وبحاله يرثى لها من الهم والألم و صده وجفاه بأرخص السبل

" ليش وش فيها زينة وش سووت يوم إبتهال حاقدة عليها كل كذى "

( زينة قصة تخفي وراها كثير حالتها النفسية وكره امي لها وانفصال امي وابوي وطلاقها من بندر ) ..



بدر اللي مشغله حالة زينة اكثر من إبتهال اللي اكتشف انها تحمل شيء من الحقد جواتها

وفي ناس مهما بلغ فيهم الطيب مرتبه إلا إن الحقد يدمر بعض طيبتهم .......

خالد مسك بدر اللي كان متخدر من كلام إبتهال ...

خالد : عسى ماشر؟

بدر بشرود و برود لا يضاهى واضح على اللي منصدم : ماشر ماشر انا بطلع

خالد : وش صار...؟

بدر : خلاص برسل ورقتها....

خالد : لحوووول ولا قوة إلا بالله العلي العظيم ....

خالد حس ان بدر مره مصدوم وقال: انا حذرتك وقلت لك تراها بتضايقك بس ماسمعتني اهي مدري وراها من

ساعة اللي صار متغيره مره

بدر يصفق يدينه : انا اللي غابطني من إبتهال عادي يعني موقفها مقدرة ومتوقع هالحركة منها انا غابني

شيء ثاني

خالد بهدوء : وشوو ...

بدر ناظره بدهشه : اذا عرفته قلت لك ..... اخ بس الله يعين

زينة انطوت على حالها ...

خايفه من كل شيء حواليها ..تبكي بقلة حيلة مالها إلا تدعي الله

بدر عندها بلمسة حانية : تعوذي من الشيطان لا تخلين للشيطان مدخل اطرديه

زينة تناظره ودها تصرخ و تقوله عن كل شيء تناظر عيونه و دموعها تنزل

بدر : زينة وش فيك ترى تعبت من كثر ما انطل وجهي و اقولك اذا باقي فيه شيء ماعرفه قولي

مسك يدها : هاه ياختي ماودك تقولين لي وش دعوة وش غيرك قبل كنا نصارح بعضنا بكل شيء ؟

زينة تجفف دموعها : مافيني شيء بس خايفه

بدر يبتسم : تتدلعين علينا يعني وش يخوفك هاه هههه انا هنا مين تخافين منه بس

زينة بألم : خايفه من كل شيء

بدر : زيون لا تخافين إلا من الله بس و راقبي اعمالك لإن الله مراقبنا بكل شيء يالغلا

زينة ( بتصرخ بتخفف العبء الثقيل اللي اثقل كاهل مشاعرها وتفكيرها المتواصل بأمها )

زينة ابتسمت برضا : الله يخليك لي

بدر دق جواله : وين إيليانا ..؟ ماشوفها

زينة تهز كتوفها : راحت مع امك

بدر بنظرة قوية : زينة ما توقعتها منك عيب تقولين كذا عن امك قولي امي


(())) لست أدري أي عالم هذا بت اهذي كثيرا ..؟ (()))



زينة بحزن يفتك ببقايا البسمة : عفوا اقصد امي

بدر ها هو جواله يعاود الرنين ...

بدر يناظرها : تدرين بطلق ابتهال

زينة بخيبة امل و حزن : ليش ..؟ قلت لك الزمان يخوف وتلومني بعد

بدر بألم وهو يتذكر شكل إبتهال الشامخه المجروحه : لا تخاف من الزمان الزمان ماله أمان خاف من اللي كل

أمانك بيديه و تأمنه .....على الجرح ياصاله

والله


لا تخاف من الزمان الزمن ماله أمان
خاف من يلي كل أمانك في إيدنه وتأمنه
لو حبيبك ما وفالك لو حبيبك فيك خان
ايش ترجي من زمانك النتيجة باينة

نكتشف مر الحقيقة بعد مايفوت الأوان
قلتلك لا تندفع له قلت حبي صاينه
وينه يلي صان حبك ما أشوفه يوم بان
قلبك يلي هو قلبك لا تحسبك ضامنه

لا تعذر بإحتياجك كلنا ناقص حنان
كأنا طفل تمنى اي شخص يحضنه
نبني الدنيا وحنا نوقف بنفس المكان
للأسف ينقص وفانا مع مرور الأزمنة


زينة تذكرت بندر و جروحه الكثيرة الندية اللي ليليا تتجدد ذكراها وسندت راسها و هي تتذكر
بدر لا يزال يلقب هاتفه و يسعى جاهدا لنسيان خيبته و جرحه الندي
بدر وقف : يالله ياقمر بطلع انا بشوف بنتي طيب
زينة تبتسم : تجنن الله يحفظها لك
بدر : ياحبني لها تدرين اروع شيء بحياتي هي
زينة تناظره بحنية : الله يخليكم لبعض تجنن والله
بدر عاوده الإتصال من جديد .. عزام يتصل بك
و استأذن لإكمال المكالمة بالخارج
و زينة رجعت لعالمها الاسر بالهاجس الكبير الذي بات عملاقا امام هواجسها السابقة

ألا وهو هاجس امها الحقيقية وحقيقة مرضها !!


"

"
(9)


>><< قلب التسامح ارجو أن تعيد الدروب الماضية من صفحات الذكرى

و أن يتسامح القلب الحزين مع القلوب الشجية حتى لا تضيع الدروب >><<


زينة وصلت مرحلة متأخرة مره صارت حتى حكي ماعاد تحكي

الكتمان عذبها .... ما تقدر تعيش حياتها كإنسانة طبيعية التفكير عذبها و الهاجس يؤرقها كثيرا ..

بدر قرب لها و حاول يتقرب لها ولكن خوفها من تهديد مضاوي فوق كل شيء ...

مشاعر متضاربة وبقوة

مضاوي الله يسامحها عذبت في زينة وسودت حياتها

لإن زينة رفضت تتزوج كثير

اخيرا خطبها واحد شخصية مرموقه وشكله جنتل كان مطلق قبل ومن عائلة اوكي بس رفضت زينة لانها

نفسيا ماعاد تقبل أي رجل

مضاوي بعصبية فظيعة : بتوافققين غصب عليك وعلى ابوك اللي جابك

زينة تبكي : يمه ( تذكرت الحقيقة المره ان مضاوي ميب امها) ماقدر مقدر...

امها بقسوة مسكت كتفها : غصب عليك .... بتقدرين بخليك تقدرين انا

دخل بدر واهو معصب : خير وش فيكم صراخكم واصل لاخر الشارع !!

زينة راحت تركض لبدر وتختبي وراه

بدر: يمه مسكينه زينة حرام عليك ارحميها تراها بنتك تشوفينها ماتقدر تتكلم ونفسيتها زفت حرام

تعذبينها

امه : واهو عشان نفسيتها زفت المفروض تتتزوج ونرتاح منها

بدر يناظر زينة يضمها : الله يسامحك يمه مالها ضرر عليك

امه : لا يا بدر كل صحباتي يقولون عنها مجنونه تفشلت وانا امك بثبت لهم انها طبيعيه وراح ازوجها..

زينة تبكي بقوه بعد جهد قدرت تنطق : بدر تكفى مابي اتزوج قول لها لا لا

امها : غصب عليك فاهمه ................

بدر : يمه سامحيني بس ما راح تزوجينها وانا عايش

زينة تضمه وللاسف ماتقدر تعبر لانها ماعاد تحكي إلا كلمة كلمتين

"

"

انتشرت سالفة خطبة زينة وان امها تبي تزوجها بالغصب ...بين العائلة

في الإستراحة

نواف كان جالس يفكر انو يخطب زينة ... قلبه متولع فيها كيانه ومشاعره اسيره لزينة من اول مالمحها في

بيتهم قبل سنين...

نايف : هاه ياولد العم وش تهوجس فيه ............؟

نواف ابتسم : ولا شيء بس ودي اخطب

نايف بهبال : كلوووووووووش اخيرا بس عاد بتخرب علينا ترى بنعنس

حجرف اللي تو ما قلط : اخيرا نواف بيخطب معجزة ذي مين طيب ابي اعرف مين بنته

نواف تنهد : الايام راح توضح لكم

-

-

-

-

تغريد : ضاقت يانواف قضن البنات يعني قضن ؟

نواف : اسكتي يالرمة بلا فضايح وش فيها طيب بنت عمي وبتطوع وانقذها من جبروت امها واحبها فوق

كل ذا

تغريد بقهر وهي تلاعب ولدها : لعنه لعنه نسيت انها اخت بدر

نواف : وش دخل بدر انا بتزوجه هو انا بتزوج اخته زينة

"

"

خالد عرف بسالفة اخوه نواف استغرب وبنفس الوقت حاول يقنع نواف انها ماتناسبه لان اعمارهم قد بعض

وذا مايكافئ الزواج الناجح ...

ضي : اتركه يا ابو رامي يمكن الله يوفقهم مع بعض ...........

خالد : اهو حر بس عاد مدري عن موقفنا من بندر

ريم : بندر مطلقها من سنين ماله شغل ....

تغريد : افهم يعني انك موافقه انت ووجهك

نواف : لا وانا بنتظر موافقتها عاد ههههههههههه

ام خالد : يمه ماتناسبك والله ادور لك وحده غير بنت مو مطلقة ومجنونه بعد زيها

نواف : يمة زينة مو مجنونه

تغريد : لا ويدافع عنها بعد ( مسكت ولدها و طلعت )

الهنوف : ههههه دا الحب عمايل عمايلوو

نواف يتوعد في خواته بصمت .........

نواف : خالد اذ ا ماراح تكلم بدر انا بكلمه ..

خالد : ماراح اكلمه وش اقول صاحي انت .......

نواف طلع وهو معصب مره : خاطبها خاطبها أنا سوا خطبتها لي او انا بضطر و احاكي بدر ....

>><<< الجميع معارض هذا الزواج .....>><

"

"

راح نواف عند بدر في البيت وتقهوى معه وسولف معه ...

بدر : يا حيا الله نواف والله

نواف مشخص خخخ : الله يحييك

بدر : بشرني اخبار إبتهال ؟

نواف : تمام بخير صارت احسن ابشرك ولله الحمد

بدر : الحمدلله بس ماعليش ترى الشيخ يقول لازم اصبر كذى شهر عشان بطاقتي الاحوال يبي لها شغل تعرف

توني واصل الديرة ماعليش تأخرت عليكم بس اذا خلصت انا اجيب لكم الورقة ولا يهمك ( طق كتفه )

نواف ابتسم : أي بس مو جاي عشان الورقة

بدر : هههههههههه معقولة انت بالذات عاد ماعتقد جاي تسلم لا تقول

نواف : هههههههههههههه وش دعوووى

بدر : والله مدري قلبي ينغزني منك مدري ليش ؟

نواف : الله يخليك بس وش حنا لولا الله ثم انت

بدر ابتسم : هات من الاخر اعرف هالحركات تدري لو بنتي كبيرة كان زوجتك اياها بس دام ماعندي بنات

امر تدلل

نواف انحرج وسكت ثم تشجع وقال : انا ودي اخطب

بدر ابتسم وطلع جنان : مبروك بس ابشر متى وانا اروح معكم اخطب لك من زمان والله ما رزيت زولي

بمشلح

نواف تشجع : لا انا بخطب اختك زينة .......


صدمه



بدر مبلم : وش قلت ..........؟ زينة اختي !!!!!!!!


نواف : أي

بدر مايزال مبلما خخخخ : أي بس تعرف ان زينة.......

نواف قاطعه : مايهم عادي ابيها ابيها

بدر : ماعليش ماعتقد انها توافق ياخي امي تبي تزوجها وشوي و تنتحر

نواف : لا انا ولد عمها ماراح تخاف مني بتوافق

بدر : والله مدري اشوف مع اني ماعتقد

" بدر حس انو اهل نواف مو موافقين حتى خالد صديقه الروح بالروح ماجا يخطب لاخوه كل ذا استحقار لزينة

ليش يعني عشان ماوراها احد اوريكم انا وربي لاعرفكم بقيمتها هين "


بدر : ماعليش يانواف مقدر احط اختي موقف زي كذى كفاية اللي شافته منكم
: