،
.





وقلبنا الصفحه وما انصحكم ترجعون لاخر ثلاث ردود هناك لانها تسد النفس
اصلا ليست للقراءه !!

بحط لكم ذا الرابط يمكن احد يبغى يقول شي بينه وبيني ؟



للي حاب يخلي الكلام بيننا وبدون مااعرف منهو مننا !!

طبعا المكان له فتره يصفر يمكن البلا من الرابط او في الاشياء اللي اكتبها
او انكم خلاص غسلتو يديكم من صاحبه

المهم حياكم الله .. المكان مكانكم وشوفو كيف صاير فيه خمس قلوب
مدري عند الكل او الموقع حاب يهدينا قلوب وكذا

ماعليكم زي ماقلت لكم ما انصح احد يرجع للصفحه اللي قبل هذه
فخليكم فـ الجديد افضل لي ولكم

وبس والله .. سلامتكم .. سلام

جمال بعض الصور رغم بساطة مافيها لكنها تحمل شكلا رائعا من اشكال الجمال
رائعه هذه الصوره تفتح النفس لكل شي جميل في هذا الصباح !

اسعد الله صباحكم بكل خير .. وبدايه جديده لاسبوع جديد

في كل مكان الى مانلقى مفاتيح للسعاده بالنسبه لنا بعضهم يكونون بيننا دائما يحملون
كل مفاتيح السعاده بالنسبه لنا بكلمه بابتسامه يصنعون الفارق لنا

يستطيعون اخراج كل جميل منا بدون عناء يمتازون بقدرتهم على العطاء
تجدهم يفرحون فقط لانهم كذلك لا يرغبون في اشياء كثيره فقط ان نكون بخير

يعلمون قدرهم ومكانتهم بالنسبه لنا تجدهم في الصفوف الاولى دائما حين نحتاجهم
يقفون صفا بصف بجانبنا حين تسوء احوالنا !

احيان نحاول ان نرد لهم شيئا لو بسيطا من ديون كثيره لهم علينا نفشل بعض الاحيان
لكن ننجح في احيان اخرى ان نكون ولو سببا بسيطا في اسعادهم

فتشوا دائما عن تلك المفاتيح وتلك القلوب الطيبه اجعلوهم في الاماكن التي يستحقونها
كونو لهم انتم مفاتيح للسعاده اجعلو لهم وقتا اكثر كونو منهم اقرب اجعلوهم يفرحون دائما بتواجدكم

لانهم يسعدونكم دائما ولا يريدون مقابل ذلك اي شي !!
لانهم رائعون مميزون محبون وطيبون

شكرا لكم دائما ستبقون دائما اصحاب فضلا علينا فـ شكرا لكم نقولها في كل حين !!

نقظه ونهايه سطور

فـ الاخير

الحلم زين .. والسكوت سلامه .. واذ نظقت لا تكن مكثارآ ..

ســـلآم

يمكن اكثر مكان نفست فيه هي هذه المدونه اكثر مكان طلعت طاقتي السلبيه فيه هذا المكان
اكثر مكان كان شاهد على كل احوالي الزين منها والبطال اكثر مكان احب اكون فيه



شكرا لك دائما على تحمل كل خربشاتي وكل تخبطاتي وبعضا من ابداعاتي << كثر منها هذه
احيان كثير اجي هنا ما اكتب شي بس اقرا ارجع لكل الصفحات اللي راحت او اغلبها
شي يوم ترجع لمدونتك وتقعد تتذكر اغلب المواقف اللي صارت لك

ياربااااااه

بجد احيان كنا فيها بـ أسواء احوالنا استحملنا ذا المكان وكان سبب في ان الاحوال تتغير
طبعا لان فيه ناس بجد ينحطون على الجرح يبرى وياكثرهم

ادين كثير بالفضل بعد الله سبحانه وتعالى لقراء وزوار مدونتي على مر السنين
هم من اكثر من كانو سبب في تواجدي الدايم هنا

فـ شكرا لك ..



لجمعي بكل هؤلاء الاصدقاء بكل تلك الاقلام المميزه على مر السنين شكرا لك كثيرا
عرفت اصدقاء كثر كانو في عداد الاخوه دائما استفدت الكثير منهم وساستفيد ايضا مادمت حيا
ومادمت متواجدا معكم هنا !!

لن افي مدونتي حقها يوما وساكون مقصرا معها مهما فعلت لانها كانت كريمة معي دائما
كنت اكتب فيها بدون اي خوف وبدون تردد فهي هنا تنتظرني دائما كام تنتظر قدوم ابنها
فرحة بقدومه !!




شكرا لك دائما .. شكرا لك دائما .. شكرا لك

احببت ان يكون هذا الرد لك انتي لاتذكر واذكر انك المكان الافضل لي على الاطلاق
في عالمنا الافتراضي هذا

تحمليني دائما لاني ساكون شاكيا في بعض الاحيان وضاحكا في احيان اخرى
ستشهدين جنوني وساكون دائما كما عهدتيني قريبا منك

وبس والله .. سلام !!

اليوم ممسكه على الشخبطه شكل لو محد ينادي عليا من الزملاء او المدير
شكلي يخلص ذا الصفحه فيني كميه هربته ماهي صاحيه والله !!

على طاري الهربته وكذا .. الله يذكر ورده بكل خير ويردها بالسلامه
فقدنا والله هربتاتها وسوالفها وعلومها الله يسعده وين ماتكون

هيا شوفو كاني صكيت نفسي بعين التحويله اللي على المكتب ازعجتني تدق
شكله المدير خلوني ارد واكمل !!

وسكرت معاه يقول تعال واترك عنك النت طيب طيب ردي الدايم عليه
اذ قال تعال !!

واقعد لي زي نص ساعه ثم اروح له

بس حليل الله يسعده ولا يبعده عن الاداره من يوم استلمها وربي وهو مخليها شي حلو
طيب وكريم ويقدر الرجال صح الله يستر عليه ويوفقه لكل خير

بس مشكلته مايحب يشوفنا مشغولين بالاجهزه اكثر من شغلنا مع الناس والمراجعين
وماخذ فكره غلط عنا اننا نتابع اشياء مالها داعي

وايوه وربي يعرف ان عندي مدونه ويعرف ذا المنتدى زين بس قليل يدخل هنا
كان اول يدخل يقرا احيان بس قلت له زمان ماعاد اكتب وماصار يدخل

يمكن لاشغاله او ماهو فاضي لقرقرتي وكذا !!

الزبده ان مديري يعرف ذا المنتدى ويعرف مدونتي واسمي فيه

يالله خلوني اروح يمه لا يعصب علينا على الفاضي
شكل عنده مراجعين اشوف فيه ناس بمكتبه !

يـ الله كونو بخير ..

ســـلآم

ونختم ذأ اليوم معاكم بذا الكلام .. الله يسعدكم جميع شكرا ع التفاعل ع الكلام
اللي من جد يرفع الراس ويخليك تعرف قد ايش الناس تحترمكم وكذا

بجد لو اقعد لين بكره امدح في زواري هنا ماكفيتهم حقهم
الله يسعدكم جميع من طيب اصلكم وربي

ياخي فيه كلام بجد يبيض الوجهه
بجد تحرجونن بكرمكم

نقطه ونهايه سطر
ســـلآم

منـ التقويم .. !

" لكل انسـان ثلاث طباع .. طبعه الحقيقي ..
وطبعه الذي يظهر به امام الناس .. والطبع الذي يعتقده في نفسه "

هذا الكلام

احس بعضنا يتفنن في التفريق بين طباعه بحسب الوضع اللي هو فيه !! فيكون بكل جداره
محقق لهذه الثلاث طباع لين ضاع وضيع العالم معاه !

فـ ماعاد صرنا نعرف نتعامل معه صح او كيف بيكون رده فعله للموضع
يصر بعضنا انهم يتفلسفون بزياده ويكبرون الشي ويفصلون فيه

مدري ليه التعقيد ذا !!

سهله ان تكون مثل ما انت مع الكل في جميع الاحوال فتكون طبيعي في الغالب
بلاش نتشكل بحسب الناس او رده فعلهم او تقبلهم لنا بشكل عام

يعني الى اكون طيب مع الطيبين وردي مع الناس اللي ماهي طيبه
بعضنا يصر دايم انه يثبت كلامه ويخليه ذا الشي يتجاوز حدوده اكثر بس عشان يثبت ذا الشي

خلاص عرفنا انك بطل وثقيل ومطنش ومدري ايش بس بالله خف علينا شوي
وقبل تخف علينا خف على نفسك ارحمها من التنقل بين هذه الثلاث الطباع لين ضيعت طبعك الاصلي

بعضنا يتعمد مايمدح عشان مانقول عنه خفيف يتعمد يتجاهل عشان نقول ثقيل
يتعمد يغلط عشان نقول هذا مايغير رايه ودايم كلمته وحده !!

اكثرنا ترده نفسنه عن فعل الشي الطيب لانه يخاف من كلام الناس من تقبلهم له
ولفعله مع ان الناس بمجرد مرور بعض الوقت بينسون كل شي
بس من تم ايذائه بتبقى في نفسه لمده طويله

لسنا آليين بل نحن في النهايه بشريين لنا طاقه استيعابيه للامور وقدرات لو كانت كبيره للقبول
لكنها تنتهي مع الزمن ونضطر معها احيان كثيره اننا نوقف ونقول بس كفايه !!

دايم رده الفعل في الغالب تكون عكسيه نقدر نتحكم فيها ونعدلها بس الى متى
بيجي الوقت اللي بتفلت رده الفعل عن قدرة تعديلها وبتكون النتيجه وخيمه

عشان كذا ومن الاخير وزبده الهرج ذا كله

كن انت لا تحاول دائما ان تكون شخص اخر لترضي احد ما ! بس

يالله خلوني اختم ذا الفلسفه اللي مال امها داعي والله اليوم من صحيت
ممسكه معاي فلسلفه والخط فاضي

نقول نقطه ونهايه سطور واللي عنده اضافه يقول
وبس والله .. سلامتكم

كونو دائما بخير .. سلام

احيـــان كثيره ودي بس اختفي بعضهم يقولون هذه تجيب النفسيه والكآبه ومدري ايش !!
لا مو كذا بس احيان ودي اسوي كذا واروح بركن واشوف بنص عين

واستمتع ببعض الكلام اوشوف مدى تقلبنا لبعض
احب اجلس في مكان فيه كميه جدال كبيره او خلونا نقول بالعامي فيه اختلاف وجهات نظر وكذا

احب اسمع وانا ساكت !!

اشوف كيف تقبل الناس لبعض في وقت كلن يبغى يثبت ان كلامه هو الصح
يازين الاستماع بس بدون مشاركه

بس مايخلونك كذا الى مايدخلونك معهم !!

انحسب احيان كثيره واقول مالي دخل كملو انتم انا مستانس كذا وبجد ترا مرات واجد
اسوي كذا بس اقعد ساكت واوزع ابتسامات او اسوي مشغول مع جوالي

وانا مع كل كلمه تنقال منهم احب كذا !!

احب اختفي والله مدري ليه بس كذا ودي عندي القدره اني اكون في مكان ومحد يشوفن
نفس الافلام " هبا كدبرا " ثم اصير مخفي بينهم

عشان كذا احب ذا المنتدى لاني في احيان كثيره بس اتابع ماكتب ولا اشترك في شي
ليت واقعنا زي كذا سهل تسجل خروج من المكان وانت فيه

وتتابع كل شي بس محد يدري عنك وماخذ زاويه ومع نفسك !

حلو التفكير بذا الموضوع واصلا ممدن تفكير كذا قبل النوم واعيش قصص حلوه مع نفسي
بس مدري ليه بعد فتره تتحول لسرقه بنك او محل جوالات او محل ذهب
مخي الشري يبدى يشتغل بنص التفاكير اللي كذا

يالله ماعليكم .. كلن يصلح سيارته ..

فـ الاخير

اظهرو كرمكم وحسنه مع الكل وبدون انتظار مقابل ذلك الشي دعو الكلمه الطيبه
تسبقكم لهم اجعلوهم دائما فخورون بمعرفتكم هي كلمات في الاخير

لنكن اكثر كرمها حين نرسل بعضها لهم !!

وبس والله .. سلام

كذا وضعي بالضبط وانا اقرا بعض الصراحات عندي من جد شعور رائع وربي
لا يوصف بالكلام بقد ماهو شي حلو !!

عشان كذا كل بين فتره والثانيه امر على اغلب صفحات الصراحه واترك
كثير من الثناء فيها واطلع احب كذا لاني جربت الشعور

يوم يجيك كلام طيب بدون مايبغى صاحبه منك اي شي !!

جربو خلونا نكون في بعض الاحيان ولا حظوا اقول في بعض الاحيان خلونا نجرب نكون
كرماء مع الناس لو بالكلام

وشوفو رده الفعل على كلامكم عليهم في مدوناتهم على سبيل المثال هنا
قد ايش يتسانس البعض بالكلام الايجابي

زي خويكم صاحب ذا المدونه بجد بعض الكلام يكون دافع لكل شي زين
يكون سبب في تغيير مودك ونفسيتك للافضل تخيلو معاي تدخل الصباح او باي وقت

وتلقى كلام تشجيعي او دعم معنوي لشي انت حطيته في مدونتك
وثناء وكذا !!

ياربااااااااااه

نفسي اصور لكم شاشه صفحة الصراحه عندي شي والله يفتح النفس
الله يسعد كل من تعنى وكتب كل من كانت له بصمه هناك

بجد كنتم اليوم سبب كبير في تحويل كثير من الطاقه السلبيه فيني الى ايجابيه
فـ شكرا من القلب لكم

بس هل من مزيد تخبرون طبعنا البشري دايم يرغب في الافضل !!

امزح امزح وربي .. شكرا مليووون .. كونو دائما بخير .. واقوى من امس
ولنتعلم دائما من بعض اخطائنا وحتى لو ماتعلمنا عادي اهم شي

نكون اقوى من امس بس .. سلام

سلام .. ومساكم الله بالخير .. اربطو الاحزمه
بقفل الصفحه وبقلبها بوحده جديده

الصفحه الجايه بتزعل ناس واجد
انتهى زمن المجاملات

اللعب بيصير ع المكشوف
والضرب في الوجهه مباشره

تعبنا من تلقي الضرب تحت الحزام
شدو الاحزمه واستعدو للمفاجاه الاكبر

بدى الجد .. سلام